المتمردين

العشق المتمرد

#رمضان_احلا_مع_جمان_فريد

#العشق_المتمرد

الجزء 53

🍁🍁🍁🍁🍁🍁🍁
ﺍﻟﺴﺎﻋﻪ 11:30 ﺻﺒﺎﺣﺎ ..
🔊🔊🔊
ﺻﻮﺕ ﻛﻼﻛﺲ ﺳﻴﺎﺭﺓ ﺭﻣﺰﻱ ..
ﻃﻠﻌﺖ ﺣﻤﻴﺪﻩ ﻃﻮﻝ ﺗﺠﺮﻱ ﻭﻫﻲ ﻻﺑﺴﻪ ﻋﺒﺎﻳﻪ ﻭﺧﻤﺎﺭ ﻭﻣﻌﺎﻫﺎ ﻟﻄﻴﻔﻪ ﻣﺎﺷﻴﻴﻦ ﻟﻠﻤﺰﻳﻦ ..
ﺑﺶ ﺍﺩﻳﺮ ﺟﻠﺴﻪ ﻟﺒﺸﺮﺗﻬﺎ ﻭﺣﻤﺎﻡ ﻃﺒﻌﺎ ﻣﺶ ﺍﻟﺤﻤﺎﻡ ﺍﻟﻤﺸﻬﻮﺭ ﺍﻟﻤﺤﺮﻡ ﺷﺮﻋﺎ ..
ﻻ ﻫﺪﺍ ﻓﻲ ﻣﺮﻛﺰ ﺍﻟﺘﺠﻤﻴﻞ ﺣﻤﺎﻡ ﺍﺩﻳﺮﻩ ﺑﺮﻭﺣﻬﺎ ...
ﺍﻟﻤﻬﻢ ﺭﻛﺒﻮﺍ ﻭﺗﺤﺮﻙ ﺭﻣﺰﻱ ﻃﻮﻝ ..
ﺩﺍﺧﻞ ..
ﻏﺎﻟﻴﻪ : ﻫﻲ ﺑﺴﺮﻋﻪ ﺍﻓﻄﺮﻥ ﺑﺶ ﻧﻌﺪﻭﺍ ﻟﻠﻤﺨﺰﻥ ﺍﻟﻨﺎﺱ ﻗﺮﻳﺐ ﻳﺠﻮﺍ ...
ﻧﺎﺿﺖ ﻃﻮﻝ ﻭﻣﺸﺖ ﻟﻠﻜﻮﺟﻴﻨﻪ ..
ﻭﻫﻤﺎ ﻗﻌﺪﻭﺍ ﻳﻔﻄﺮﻭﺍ ﺑﺈﺳﺘﻌﺠﺎﻝ ..
ﺍﻣﺎ ﺍﻟﺮﺟﺎﻟﻪ ﻓﺒﻌﺪ ﻓﻄﺮﻭﺍ ﺗﺴﻘﺪﻭﺍ ﻛﻠﻬﻢ ﻣﻊ ﻫﺎﻧﻴﺒﺎﻝ ﻭﻋﻤﺮ ﺍﻟﻠﻲ ﺣﻴﻔﺘﺘﺤﻮﺍ ﻣﻘﺎﻫﻬﻢ ﺍﻟﻴﻮﻡ ﻭﻣﺪﺍﻳﺮﻳﻦ ﺍﺷﺒﻪ ﺑﺤﻔﻠﺔ ﺍﻹﻓﺘﺘﺎﺡ ..
ﻭﺣﻴﻜﻮﻧﻮﺍ ﻣﻊ ﺍﻟﺴﺎﻋﻪ 2 ﻣﺮﻭﺣﻴﻦ ﺑﺶ ﻳﺤﻀﺮﻭﺍ ﺍﻟﻐﺪﻱ ﺍﻟﻠﻲ ﻣﺪﺍﻳﺮﻳﻦ ﻟﻠﺮﺟﺎﻟﻪ ﻭﺍﻟﻨﺴﺎﻭﻳﻦ .. ﻭﻋﺮﺏ ﺍﻟﻜﺴﻮﺓ ..
ﻛﺎﻥ ﺍﻟﻐﺪﻱ ...
ﻛﺴﻜﺴﻲ ... ﻭﺑﺎﺯﻳﻦ ... ﻣﻊ ﻋﺼﺒﺎﻥ .. ﻭﺑﻮﺭﻳﻚ ﺟﺒﺪﻩ .. ﻭﻣﺒﻄﻦ ..
ﻣﻊ ﻣﺴﻴﺮ ﻭﺯﻳﺘﻮﻥ ﻭﻣﺸﺮﻭﺏ ﻭﻓﻮﺍﻛﻪ ..
💕 ﻉ ﻃﻮﻝ ﺗﺴﻘﺪﻭﺍ ﻟﻠﻤﺨﺰﻥ ﻭﺑﺪﻭﺍ ﻭﻣﻌﺎﻫﻢ ﺍﻟﺠﻴﺮﺍﻥ ﻭﺍﻷﺣﺒﺎﺏ
ﻫﻜﻲ ﺍﻟﻌﺮﺍﺱ ﻗﻌﺪﺕ ﻟﻬﺪﺍﻛﺎ ﺍﻟﻮﻗﺖ ﺍﻟﺠﻴﺮﺍﻥ ﻳﺪ ﺑﻴﺪ ﻣﻊ ﺻﺤﺎﺏ ﺍﻟﻔﺮﺡ ﺗﻘﻮﻝ ﻟﻴﻬﻢ ...
ﻭﺑﻨﺎﺕ ﻋﻤﻬﻢ ﺣﻀﺮﻭﺍ ..
ﻛﺎﻧﻮﺍ ﻣﻘﺴﻤﻴﻦ ﺍﻟﺒﺎﺯﻳﻦ ﻓﻲ ﺍﻟﻤﺨﺰﻥ .. ﻭﺍﻟﻜﺴﻜﺴﻲ ﻓﻲ ﻛﻮﺟﻴﻨﻪ ﺍﻟﺤﻮﺵ ﺍﻟﻘﺪﻳﻢ ..
ﻭﻓﻲ ﺍﻟﺪﺍﺭ ﺍﻟﻘﺒﻠﻴﻪ ﺳﺎﺑﻘﺎ ..
ﻛﺎﻧﻮﺍ ﻳﺠﻬﺰﻭﺍ ﻓﻲ ﺍﻟﻤﻮﺍﻟﺢ ..
ﻓﻀﻴﻠﻪ ﺟﺎﺭﺗﻬﻢ ﻭﺭﺍﻭﻳﻪ ﻭﻋﺰﻳﺰﺓ ﻭﺍﻣﺎﻝ ﻭﺩﻻﻝ ﻭﺭﺑﺎﺏ ﻭﺭﺍﻧﻴﺎ
ﺍﻟﻜﺴﻜﺴﻲ ﺧﺪﺍﺗﻪ ﻧﻌﻴﻤﻪ ... ﻭﺍﻟﺒﺎﺯﻳﻦ ﺳﻌﻴﺪﻩ ﺑﻄﻠﺐ ﻣﻨﻬﺎ ﻳﻌﻨﻲ ﻫﻲ ﻣﺎﻛﺎﻧﺘﺶ ﻧﺎﻭﻳﻪ ﺍﺩﻳﺮ ﺷﻲ ﻣﺶ ﻛﻮﻳﺲ ﻟﻤﺎ ﻃﻠﺒﺖ ﻫﻜﻲ ﺑﺲ ﺟﻮ ﻗﺪﺍﻡ ﺍﻟﻨﺎﺱ ..
ﻭﻛﺎﻧﻮﺍ ﺍﻟﺠﺎﺭﺍﺕ ﻭﺍﻷﻗﺎﺭﺏ ﻣﻌﺎﻫﻢ ..
🍁🍁🍁
ﻓﻲ ﺍﻟﺪﺍﺭ ﺍﻟﻘﺒﻠﻴﻪ ..
ﺭﺍﻭﻳﻪ : ﺩﻟﻮﻟﻪ ﻣﺎﺗﻘﺪﺭﻳﺶ ﺗﻘﻴﻤﻲ ﺍﻟﻄﺎﺟﻴﻦ ..
ﺩﻻﻝ ﺍﺑﺘﺴﻤﺖ ﺑﺈﺣﺮﺍﺝ : ﻻﻻ ..
ﻓﻀﻴﻠﻪ ﺑﻀﺤﻜﻪ : ﺣﺎﻣﻞ !! ؟
ﺷﺒﺤﻮﻟﻬﺎ ﺍﻟﻤﻮﺟﻮﺩﺍﺕ ..
ﻉ ﺧﺸﺔ ﺍﻣﻬﺎ ﺍﻟﻠﻲ ﻃﺎﺡ ﻓﻲ ﻭﺫﻧﻬﺎ ﺳﺆﺍﻝ ﻓﻀﻴﻠﻪ ..
ﺩﻻﻝ ﺑﻨﻔﺲ ﺍﻹﺑﺘﺴﺎﻣﻪ : ﻻﻻ ﺷﺎﻛﻪ ﺑﺲ ..
ﻧﻌﻴﻤﻪ : ﻛﻴﻒ ﺷﺎﻛﻪ؟ !! ﻗﺼﺪﻙ ﻣﺎﻋﺎﻳﻨﺘﻴﺶ ﻭﺗﺎﻛﺪﺗﻲ .
ﺩﻻﻝ ﺗﻠﺨﺒﻄﺖ ﻣﺮﺓ ﻭﺣﺪﻩ ﻭﻣﻌﺎﺵ ﻋﺮﻓﺖ ﺷﻦ ﺗﻘﻮﻝ ..
ﺭﺍﻧﻴﺎ ﺑﻀﺤﻜﻪ : ﻣﺘﺤﺸﻤﻪ ﺗﻘﻮﻟﻲ ﺩﻟﻮﻟﻪ؟
ﺿﺤﻜﻮﺍ ..
ﺩﻻﻝ ﺑﺈﺣﺮﺍﺝ : ﻻ ﻭﺍﻟﻠﻪ ﻣﺎﻫﻜﻲ ﺑﺲ ﻣﺎﺯﺍﻝ ﻣﺎﺗﺄﻛﺪﺗﺶ " ﺍﻟﻠﻪ ﻳﺴﺎﻣﺤﻚ ﻳﺎﻋﻤﺎﺭ .."
ﻧﻌﻴﻤﻪ : ﺍﻟﺒﺴﻲ ﺣﺠﺎﺑﻚ ﻭﺗﻌﺎﻟﻲ .
ﺩﻻﻝ ﺍﺭﺗﺴﻤﺖ ﻉ ﻭﺟﻬﻬﺎ ﻣﻼﻣﺢ ﺍﻹﺣﺒﺎﻁ .. ﻟﺒﺴﺖ ﻣﻼﻳﺘﻬﺎ ﻭﻃﻠﻌﺖ ﻭﺭﺍ ﺍﻣﻬﺎ ..
ﻋﺰﻳﺰﺓ ﺑﺈﺑﺘﺴﺎﻣﻪ ﻣﻊ ﺭﻓﻌﺔ ﺣﺎﺟﺐ : ﺧﺎﻳﻔﻪ ﻋﻠﻴﻪ ﺗﺮﻣﻴﻪ ﻛﻴﻒ ﺍﻷﻭﻝ ..
ﻓﻀﻴﻠﻪ ﻭﺭﺍﻭﻳﻪ : ﺭﺍﻣﻴﻪ !! ؟
ﺍﻣﺎﻝ : ﺍﻳﻪ ﺭﻣﺖ ﻗﺒﻞ ﺻﺎﺭﻧﻠﻬﺎ ﻣﺸﺎﻛﻞ ..
ﺭﺑﺎﺏ : ﻣﺸﺎﻛﻞ ﺷﻨﻮ؟؟ !! ﺩﻻﻝ ﻗﺼﺪﻙ ﺻﺎﺭﺗﻠﻬﺎ ﻣﺸﺎﻛﻞ ﻫﻬﻬﻬﻬﻬﻬﻪ
ﺭﺍﻧﻴﺎ : ﻫﻬﻬﻬﻬﻬﻬﻬﻬﻬﻬﻪ ..
ﺍﻣﺎﻝ ﻭﻋﺰﻳﺰﺓ ﺷﺒﺤﻮﻟﻬﻢ ﺑﺮﻓﻌﺔ ﺣﻮﺍﺟﺐ ..
ﺭﺍﻭﻳﻪ ﺑﻀﺤﻜﻪ : ﻟﻴﺶ ﺗﻀﺤﻜﻮﺍ ..
ﺭﺑﺎﺏ ﺑﻀﺤﻜﻪ : ﺿﺤﻜﺘﻨﻲ ﺍﻣﺎﻝ ... ﻟﻮﺗﻌﺮﻓﻲ ﺣﺒﻴﺒﺘﻲ ﺍﻟﻌﺰ ﺍﻟﻠﻲ ﻋﺎﻳﺸﻪ ﻓﻴﻪ ﻭﺍﻟﺪﻟﻊ ﺍﻟﻠﻲ ﻣﺪﻟﻌﻮﻟﻬﺎ ﻋﻤﺎﺭ ﺗﻘﻮﻟﻲ ﻳﺎﺭﺑﻲ ﺍﺑﻠﻴﻨﻲ ﺑﻤﺸﺎﻛﻞ ﺯﻱ ﺩﻻﻝ ..
ﺭﺍﻧﻴﺎ ﺑﻀﺤﻜﻪ : ﺗﺒﺎﺭﻙ ﺍﻟﺮﺣﻤﻦ ﻫﻲ ﻭﻋﻤﺎﺭ ﻳﻤﻮﺗﻮﺍ ﻓﻲ ﺑﻌﺾ ﺣﺘﻰ ﻟﻤﺎ ﺭﻣﺖ ﻣﻦ ﺧﻮﻓﻬﺎ ﻋﻠﻴﻪ ﻟﻤﺎ ﺳﺎﻓﺮ ﻣﺮﺓ ﻣﺎﺗﺤﻤﻠﺘﺶ ﻏﻴﺎﺑﻪ ..
ﻓﻀﻴﻠﻪ : ﻫﻬﻬﻬﻬﻬﻪ .. ﺑﻴﻨﻲ ﻭﺑﻴﻨﻜﻦ ﻋﻨﺪﻫﺎ ﺣﻖ ﻳﺎﻛﺒﺪﻱ ﻣﻦ ﺍﻳﺎﻡ ﺯﻣﺎﻥ ﻋﻤﺎﺭ ﻣﻄﻴﺢ ﺍﻟﺒﻨﺎﺕ ﻓﻴﻪ ..
ﺭﺍﻭﻳﻪ : ﻫﻬﻬﻬﻬﻬﻬﻬﻪ ﺍﻟﺤﻖ ﺭﻳﺎﺗﻪ ﺭﺍﺟﻞ ﻳﺤﻞ ﺍﻟﻌﻴﻦ ﺍﻟﻤﻐﻤﻀﻪ ﻳﺎﺳﻌﺪﻫﺎ ﺑﻴﻪ ..
" ﺍﻟﺴﻼﻡ ﻋﻠﻴﻜﻢ .."
ﺍﻟﺘﻔﺘﻮﺍ ﻟﻠﺒﺎﺏ ..
ﻓﻀﻴﻠﻪ ﺑﺈﺑﺘﺴﺎﻣﻪ : ﻣﺮﻭﻣﻪ ..
ﻣﺮﺍﻡ ﻭﻫﻲ ﻻﺑﺴﻪ ﻋﺒﺎﻳﻪ ﻭﻭﺷﺎﺡ : ﻛﻴﻒ ﺣﺎﻟﻜﻢ ..
ﺭﺑﺎﺏ ﻭﺭﺍﻧﻴﺎ ﻗﻌﺪﻭﺍ ﻳﺸﻮﻓﻮﻟﻬﺎ ﺑﺈﺑﺘﺴﺎﻣﻪ ..
ﻗﺪﻣﺖ ﻭﺳﻠﻤﺖ ﻋﻠﻴﻬﻢ ﻛﻠﻬﻢ ..
ﺭﺍﻭﻳﻪ : ﺷﻦ ﺣﺎﻟﻚ ﻭﺣﺎﻝ ﺍﻟﻌﻴﻠﻪ ..
ﻣﺮﺍﻡ ﺑﺈﺑﺘﺴﺎﻣﻪ : ﺍﻟﺤﻤﺪﻟﻠﻪ .. ﺍﻣﻲ ﺑﺮﺍ ﻓﻲ ﺍﻟﻤﺨﺰﻥ ..
ﺭﺍﻭﻳﻪ : ﺧﻞ ﻧﻤﺸﻲ ﻧﺴﻠﻢ ﻋﻠﻴﻬﺎ .. ﻭﻃﻠﻌﺖ ..
ﻣﺮﺍﻡ ﺑﻌﺪ ﺗﺒﻌﺘﻬﺎ ﺑﻌﻴﻮﻧﻬﺎ ﻭﺑﻌﺪﻳﻦ ﺍﻟﺘﻔﺘﺘﻠﻬﻢ ﺑﺈﺑﺘﺴﺎﻣﻪ : ﺷﻦ ﺑﺪﻳﺮﻭﺍ ...
ﻭﺷﻮﻳﻪ ﻭﺧﺸﺖ ﻣﻌﺎﻫﻢ ﻭﺑﺪﺕ ﺗﺘﺤﺮﻙ ﺑﻘﻠﺐ ﻭﺭﺏ ﻭﺍﻟﺒﻨﺎﺕ ﻣﻼﺣﻈﻴﻦ ﻋﻠﻴﻬﺎ ﺍﻧﻬﺎ ﻓﺎﻟﺤﻪ ﻭﺗﺨﺪﻡ ﻣﻦ ﻓﻢ ﺳﺎﻛﺖ ..
ﻣﺮﺍﻡ ﺟﺖ ﻣﻦ ﺑﺎﺏ ﺍﻟﻮﺍﺟﺐ ﻻﺍﻛﺜﺮ .. ﺑﺮﻏﻢ ﺍﻧﻬﺎ ﺍﻭﻝ ﻣﺎﺧﺸﺖ ﺍﻟﻘﻄﻌﻪ ﻗﻠﺒﻬﺎ ﺍﻟﻤﺠﺮﻭﺡ ﺯﺍﺩ ﻭﺟﻌﻬﺎ ﺑﺲ ﻗﻮﺕ ﺭﻭﺣﻬﺎ ﻉ ﻗﺪ ﻣﺎﺗﻘﺪﺭ .. ﻭﺗﺒﻲ ﺗﺘﺠﺎﻭﺯ ﻫﺎﻷﻟﻢ ﺑﺎﻟﻤﻮﺍﺟﻬﻪ ..
🍁🍁🍁🍁🍁
ﻓﻲ ﻧﻔﺲ ﺍﻟﻮﻗﺖ ...
ﻗﺪﺍﻡ ﺑﻮﺍﺑﺔ ﺍﻟﺤﻮﺵ ﺍﻟﺘﺎﻧﻲ ..
ﻣﺎﻣﺎ ﺭﺑﻲ ﻳﻬﺪﻳﻚ ﻣﺠﺮﺩ ﺷﻚ ﺭﻩ؟
ﻧﻌﻴﻤﻪ ﺑﺎﻟﺘﺸﺪﻳﺪ ﻉ ﻛﻠﻤﺎﺕ : ﻋﻄﻴﻨﻲ .. ﺭﻗﻢ .. ﻋﻤﺎﺭ ..
ﺩﻻﻝ ﺗﻨﻬﺪﺕ ﺑﻴﺄﺱ ﺷﺒﺤﺖ ﻟﺘﻠﻴﻔﻮﻧﻬﺎ .. ﻃﻠﻌﺖ ﻣﻨﻪ ﺭﻗﻢ ﻋﻤﺎﺭ ﻭﻣﺪﺕ ﺍﻟﺘﻠﻴﻔﻮﻥ ﻷﻣﻬﺎ ﻭﻫﻲ ﺗﺸﻮﻓﻠﻬﺎ ﺑﻀﻴﻖ ..
ﺳﺠﻠﺖ ﻧﻌﻴﻤﻪ ﺭﻗﻢ ﻋﻤﺎﺭ ﻋﻨﺪﻫﺎ .. ﻭﻃﻮﻝ ﺍﺗﺼﻠﺖ ﻭﻣﺪﺕ ﺍﻟﺘﻠﻴﻔﻮﻥ ﻟﺪﻻﻝ ..
.....
ﻣﻜﻴﻦ ﻣﺎﺷﺎﺀ ﺍﻟﻠﻪ ﻋﻠﻴﻪ ﻭﺍﻟﺪﻳﻜﻮﺭ ﻗﻨﻴﻦ ﺭﺑﻲ ﻳﻔﺘﺢ ﻋﻠﻴﻜﻢ ..
ﻫﺎﻧﻴﺒﺎﻝ ﺑﺈﺑﺘﺴﺎﻣﻪ : ﺗﺴﻠﻢ ﻳﺎﻋﺒﺴﻲ ..
ﻭﻋﻤﺎﺭ ﻛﺎﻥ ﻳﺴﺮﻕ ﻓﻲ ﺍﻟﻨﻈﺮ ﻟﻨﺴﻴﺒﻪ .. ﻟﻌﻨﺪ ﺭﻥ ﺗﻠﻴﻔﻮﻧﻪ ..
ﻃﻠﻌﻪ ﻣﻦ ﺟﻴﺒﻪ ﻭﻟﻘﺎﻩ ﺭﻗﻢ ﻏﺮﻳﺐ .. ﻧﺎﺽ ﻣﻦ ﺑﺤﺪﺍﻫﻢ ..
ﻭﻃﻠﻊ ﺑﺮﺍ ﺍﻟﻤﻘﻬﻰ ..
ﻭﻓﺘﺢ ﺍﻟﺨﻂ : ﺍﻳﻮﻩ ..
ﻧﻌﻴﻤﻪ : ﻋﻤﺎﺭ ..
ﻋﻤﺎﺭ ﺑﺈﺳﺘﻐﺮﺍﺏ : ﺍﻳﻪ ﻋﻤﺎﺭ ﻣﻦ ﻣﻌﺎﻱ ..
ﻧﻌﻴﻤﻪ : ﺍﻧﻲ ﻧﻌﻴﻤﻪ ﻳﺎﻋﻤﺎﺭ ..
ﻋﻤﺎﺭ ﺑﺨﻠﻌﻪ : ﺩﻻﻝ ﺧﻴﺮﻫﺎ؟ !
ﻧﻌﻴﻤﻪ ﻏﻤﻀﺖ ﻋﻴﻮﻧﻬﺎ ﻭﻗﺎﻟﺖ : ﻣﺎﻓﻴﻬﺎ ﺷﻲ .. ﻓﺘﺤﺘﻬﻢ ﻭﻫﻲ ﺗﻘﻮﻝ .. ﺗﻌﺎﻟﻰ ﺗﻮﺍ ﺗﺮﺍ ..
ﺻﻜﺮ ﻋﻠﻴﻬﺎ ﺑﺪﻭﻥ ﻣﺎﻳﺮﺩ .. ﻭﻃﻮﻝ ﻣﺸﻲ ﻟﺴﻴﺎﺭﺗﻪ ..
ﻧﻌﻴﻤﻪ : ﺍﻟﻮ ... ﺣﻮﻟﺖ ﺗﻠﻴﻔﻮﻧﻬﺎ ﻭﻗﺎﻟﺖ .. ﺻﻜﺮ ..
ﺩﻻﻝ ﺑﺈﻧﺰﻋﺎﺝ : ﺧﻠﻌﺘﻴﻪ ﻳﺎﻣﺎﻣﺎ ﺧﻠﻌﺘﻴﻪ ﻭﺗﻮﺍ ﺍﻛﻴﺪ ﺟﺎﻱ ﺟﺮﻱ ﻳﺎﻣﺎﻣﺎ ﻋﻼﺵ ﻫﻜﻲ ؟ !
ﻧﻌﻴﻤﻪ : ﻳﺎﺣﻨﻪ ﻋﻠﻴﺎ !!
ﺩﻻﻝ ﺷﺒﺤﺘﻠﻬﺎ ﺑﻀﻴﻖ ﻭﻗﻌﺪﺕ ﺳﺎﻛﺘﻪ ..
ﺑﻌﺪ ﺣﻮﺍﻟﻲ 6 ﺩﻗﺎﻳﻖ ﻋﻤﺎﺭ ﻛﺎﻥ ﻓﻲ ﺍﻟﻘﻄﻌﻪ ...
🍁 ﻗﺪﺍﻡ ﺍﻟﺤﻮﺵ ..
ﻭﺍﻗﻒ ﻫﻮ ﻭﻧﻌﻴﻤﻪ ﻭﺩﻻﻝ ﺍﻟﻠﻲ ﻛﺎﻧﺖ ﻻﺑﺴﻪ ﻋﺒﺎﻳﻪ ﻭﻭﺷﺎﺡ ..
ﻧﻌﻴﻤﻪ : ﻣﻔﺮﻭﺽ ﺗﻨﺘﺒﻪ ﻋﻠﻴﻬﺎ ﺍﻛﺜﺮ ﻣﻦ ﻫﻜﻲ ..
ﻋﻤﺎﺭ ﻳﺸﺒﺢ ﻟﺪﻻﻝ ﻭﺳﺎﻛﺖ ..
ﺩﻻﻝ : ﻣﺎﻣﺎ ﺭﻩ ﺭﺍﺩ ﺑﺎﻟﻪ ﻋﻠﻴﺎ ﻓﻮﻕ ﻣﻦ ﺍﻟﻼﺯﻡ ﻏﻴﺮ ﺍﻧﻲ ﺍﻟﻠﻲ ﻣﺎﺗﻜﻠﻤﺘﺶ ..
ﻧﻌﻴﻤﻪ ﺑﺤﺪﻩ : ﺗﻜﻠﻤﻲ ﻣﺮﺓ ﺗﺎﻧﻴﻪ ﻣﺎﺩﺳﻴﺶ ﻧﺴﻴﺘﻲ ﺷﻦ ﺻﺎﺭ ﻓﻴﻚ ﻗﺒﻞ !!
ﺩﻻﻝ ﺷﺒﺤﺖ ﻟﻌﻤﺎﺭ ﺭﻛﺰﺕ ﻉ ﻭﺟﻬﻪ ﻛﻴﻒ ﺗﻐﻴﺮ ..
ﺷﺒﺤﺘﻠﻪ ﻧﻌﻴﻤﻪ : ﻣﻌﻠﻴﺸﻲ ﻭﻟﺪﻱ ﻟﻜﻦ ﺑﻨﺘﻲ ﻭﻧﺒﻲ ﻧﻄﻤﻦ ﻋﻠﻴﻬﺎ .. ﻳﺎﺭﻳﺖ ﺗﻮﺍ ﺗﺮﻓﻌﻬﺎ ﺗﻌﺎﻳﻦ ﻭﺗﺘﺄﻛﺪﻭﺍ ..
ﻋﻤﺎﺭ : ﺣﺎﺿﺮ ..
ﻧﻌﻴﻤﻪ : ﺍﺳﻤﻊ ﻣﺎﺗﺰﻋﻠﺶ ﻣﻨﻲ ﺑﺲ ﺍﻟﺤﻖ ﺑﻨﺘﻲ ﺻﻐﻴﺮﺓ ﻉ ﺍﻟﻤﻌﺎﻧﺎﻩ ﻓﻲ ﺣﺎﺟﺎﺕ ﺯﻱ ﻫﺎﺩﻱ ..
ﺩﻻﻝ ﻓﻨﺼﺖ ﻓﻲ ﺍﻣﻬﺎ ..
ﻋﻤﺎﺭ ﻫﺰ ﺭﺍﺳﻪ ﺑﺈﻳﺠﺎﺏ : ﻫﻴﺎ ﺩﻻﻝ .. ﻭﻟﻒ ﻭﻣﺸﻲ ...
ﻧﻌﻴﻤﻪ ﺷﺒﺤﺘﻠﻬﺎ : ﻫﻴﺎ ﺑﺮﻱ ﻣﻊ ﺭﺍﺟﻠﻚ .... ﻭﺧﺸﺖ ﺩﺍﺧﻞ ..
ﺩﻻﻝ ﺗﻨﻬﺪﺕ ﺑﻀﻴﻖ ﻭﻟﺤﻘﺖ ﻋﻤﺎﺭ ...
ﻭﺻﻠﺖ ﻓﻲ ﺍﻟﺴﻴﺎﺭﺓ ﻭﺭﻛﺒﺖ ...
ﻭﺍﻭﻝ ﻣﺎﺭﻛﺒﺖ ﻗﻌﺪﺕ ﺗﺒﺮﺭ ﻭﻫﻲ ﺗﺤﻜﻲ ﺑﺈﻳﺪﻳﻬﺎ ﺑﺈﺭﺗﺒﺎﻙ : ﺍﻧﺖ ﻗﺘﻠﻲ ﻣﺎﺗﻘﻴﻤﻴﺶ ﺭﺯﻳﻦ ﺩﺭﺕ ﺯﻱ ﻣﺎﻗﻠﺖ .. ﻓﺴﺮﻭﻫﺎ ﻉ ﺍﻧﻲ ﺣﺎﻣﻞ ﻭﻣﺎﻧﺒﻴﺶ ﻧﻘﻮﻝ .. ﺗﻠﺨﺒﻄﺖ ﻣﺎﻋﺮﻓﺘﺶ ﺷﻦ ﻧﻘﻮﻝ ﻭﻻﻛﻴﻒ ﻧﺮﻗﻌﻬﺎ .. ﻭﻟﻼﺳﻒ ﻣﺎﻣﺎ ﺣﻀﺮﺕ ﺍﻟﻜﻼﻡ ... ﻣﺎﻋﺮﻓﺘﺶ ﻛﻴﻒ ﻧﺘﺼﺮﻑ ﻣﻌﺎﻫﺎ ..
ﻫﻮ ﻛﺎﻥ ﻳﺸﺒﺤﻠﻬﺎ ﻭﺧﻼﺹ ..
ﺩﻻﻝ ﺷﺪﺕ ﻳﺪﻩ : ﺯﻋﻠﺖ ..
ﺍﺑﺘﺴﻢ ﻭﺣﺮﻙ ﺭﺍﺳﻪ ﺑﺎﻟﻨﻔﻲ ..
ﺩﻻﻝ : ﺍﻛﻴﺪ ..
ﻗﺎﻡ ﻳﺪﻫﺎ ﻭﺑﺎﺳﻬﺎ ﺑﻌﺪﻳﻦ ﺷﺒﺤﻠﻬﺎ ﻭﻗﺎﻝ : ﺍﻛﻴﺪ ..
ﻫﻲ ﺍﺑﺘﺴﻤﺖ ﺑﺘﻨﻬﻴﺪﻩ ﻭﻗﺎﻟﺘﻠﻪ : ﻧﺤﺒﻚ ﺍﻧﻲ 💓
ﻫﻮ ﺿﺤﻚ ﻭﺭﺟﻊ ﺑﺎﺱ ﻳﺪﻫﺎ .. ﻭﻗﻌﺪ ﺷﺎﺩﻫﺎ ﻭﺗﺤﺮﻙ ﻃﻮﻝ ﺑﺎﻟﺴﻴﺎﺭﺓ 💕...
🍁🍁🍁🍁🍁
ﻭﺍﻗﻔﻪ ﻓﻲ ﺍﻟﻤﺨﺰﻥ ﺗﺸﻮﻑ ﻷﻣﻬﺎ ﻛﻴﻒ ﺗﻬﺪﺭﺯ ﻣﻊ ﺍﻟﻨﺴﺎﻭﻳﻦ ..
ﻗﻌﺪﺕ ﺗﻔﻜﺮ ﻓﻲ ﺍﻟﻠﻲ ﻋﺮﻓﺎﺗﻪ ﻣﺆﺧﺮﺍ .. ﺗﻘﻮﻝ ﻭﻻﺗﺴﻜﺖ ..
ﺑﻌﺪ ﺗﻔﻜﻴﺮ .. ﻗﺮﺭﺕ ﻫﺎﻟﻤﺮﺓ ﺗﺘﺼﺮﻑ ﺑﺮﻭﺣﻬﺎ ..
ﻭﻃﺒﻌﺎ ﺭﺑﺎﻳﺔ ﺳﻌﻴﺪﻩ ﺣﺘﻜﻮﻥ ﻓﺎﻳﺘﻪ ﺍﻣﻬﺎ ﻏﺎﺩﻱ ﻓﻲ ﺍﻟﻤﻜﺮ ﻭﺍﻟﺨﺒﺚ ..
ﻃﻠﻌﺖ ﻣﻦ ﺍﻟﻤﺨﺰﻥ ﻭﻣﺸﺖ ﻃﻮﻝ ﻟﻠﺤﻮﺵ .. ﻭﺧﺸﺖ ..
ﻟﻘﺖ ﺍﻟﻨﺴﺎﻭﻳﻦ ﺯﻱ ﺧﻠﻴﺔ ﺍﻟﻨﺤﻞ ﻓﻲ ﺍﻟﺤﻮﺵ ..
ﻗﻌﺪﺕ ﺗﺸﻮﻑ ﻓﻲ ﻋﻤﺎﺗﻬﺎ ﻭﺭﻛﺰﺕ ﺑﺎﻟﻨﻈﺮ ﺍﻛﺜﺮ ﻉ ﺯﻳﻨﺐ ..
ﺷﺒﺤﺘﻠﻬﺎ ﺑﺤﺪﻩ .. ﻭﺑﻌﺪﻳﻦ ﻛﻤﻠﺖ ﻟﺪﺍﺧﻞ .. ﺷﺒﺤﺖ ﻟﻠﺪﺍﺭ ﺍﻟﻘﺒﻠﻴﻪ ﻟﻘﺖ ﺧﺎﻻﺗﻬﺎ ﺩﺍﺧﻞ ﻭﻣﻌﺎﻫﻢ ﺭﺍﻧﻴﺎ ﻭﺭﺑﺎﺏ ﻭﻟﺤﻘﻮﺍ ﻧﻮﺭ ﻭﺭﻓﻘﻪ ..
ﺭﻓﻌﺖ ﺣﺎﺟﺒﻬﺎ ﻭﺧﺸﺖ ﻟﻠﺪﺍﺭ ..
ﺷﺒﺤﺘﻬﺎ ﺭﺍﻭﻳﻪ : ﺑﺎﻫﻲ ﺍﻟﻠﻲ ﺭﻳﻨﺎﻙ ﻳﺎﺣﻨﻪ ..
ﺭﺯﺍﻥ ﺑﻀﺤﻜﻪ : ﻳﺒﻬﻲ ﺍﻳﺎﻣﻚ ..
ﺍﺑﺘﺴﻤﻮﺍ ﻋﺰﻳﺰﺓ ﻭﺍﻣﺎﻝ ﺑﻤﻜﺮ .. ﻭﺭﺍﻧﻴﺎ ﻭﺭﺑﺎﺏ ﺗﻘﻮﻝ ﻣﻦ ﻳﻜﺴﺮ ﻓﺮﻗﺒﺘﻬﻢ ..
ﺭﺍﻭﻳﻪ : ﺑﺎﻫﻲ ﺑﻼ ﻃﻮﻝ ﻟﺴﺎﻥ ﻭﺩﻳﺮﻱ ﺣﺎﺟﻪ ﻣﻔﻴﺪﻩ ﻭﻋﺎﻭﻧﻲ ..
ﺭﻓﻌﺖ ﺣﻮﺍﺟﺒﻬﺎ ﺭﺯﺍﻥ ﻭﻗﺪﻣﺘﻠﻬﺎ : ﻓﺸﻦ ﺗﺒﻴﻨﻲ ﻧﻌﺎﻭﻧﻚ ﻣﺮﺕ ﺧﺎﻟﻲ ..
ﺭﺍﻭﻳﻪ : ﻓﺮﻗﻲ ﺍﻟﻤﺒﻄﻦ ﻉ ﺣﺎﻓﻈﺎﺕ ..
ﺭﺯﺍﻥ ﺑﺈﺑﺘﺴﺎﻣﻪ ﻣﺴﺘﻔﺰﺓ : ﺣﺎﺍﺍﺿﺮ ..
ﻭﻗﻌﺪﺕ ﺍﺩﻳﺮ ﻓﻲ ﺍﻟﻠﻲ ﻗﺎﻟﺘﻠﻬﺎ ﻋﻠﻴﻪ ﺭﺍﻭﻳﻪ .. ﻭﻫﻲ ﺗﺴﺮﻕ ﻓﻲ ﺍﻟﻨﻈﺮ ﻟﺮﺍﻧﻴﺎ ..
ﻣﺮﺍﻡ ﺑﺈﺑﺘﺴﺎﻣﻪ؛ﻧﺪﺍﺩ ﺭﺯﺍﻥ ﻭﺭﻓﻘﻪ؟
ﺷﺒﺤﻮﻟﻬﺎ ﺍﻟﺰﻭﺯ ﻭﻫﻤﺎ ﻣﺒﺘﺴﻤﺎﺕ : ﺍﻳﻪ ..
ﺍﺑﺘﺴﻤﺖ ﻣﺮﺍﻡ ﻭﻗﺎﻟﺖ : ﻣﺎﺷﺎﺀ ﺍﻟﻠﻪ ﻛﺒﺮﺗﻦ ﻭﺭﺣﺘﻦ ﺻﺒﺎﻳﺎ ..
ﻓﻀﻴﻠﻪ ﺑﻀﺤﻜﻪ : ﻋﺰﻳﺰﺓ ﻭﺍﻣﺎﻝ ﻣﻦ ﺗﻮﺍ ﺧﺒﺮﻥ ﺳﻌﻴﺪﻩ ﺭﺍﻧﺎ ﺣﺎﺟﺰﻳﻦ ﺭﺯﻭﻧﻪ ﻟﻴﻦ ﺗﻜﺒﺮ ﺷﻮﻱ ..
ﺿﺤﻜﺖ ﺭﺯﺍﻥ ﺑﺨﺠﻞ ..
ﻭﺧﺎﻻﺗﻬﺎ ﺿﺤﻜﻮﺍ ..
ﺭﺑﺎﺏ ﺑﻬﻤﺲ : ﻋﻠﻴﻚ ﺩﺭﺍﻩ ﻛﺒﺪ ..
ﺭﺍﻧﻴﺎ ﺭﻓﻌﺖ ﺣﻮﺍﺟﺒﻬﺎ ﻭﻧﺰﻟﺘﻬﻢ ..
ﻣﺮﺍﻡ : ﻭﺍﻧﺘﻲ ﻧﻮﺭ ﺑﻨﺖ ﻧﻌﻴﻤﻪ ..
ﻧﻮﺭ ﺍﺑﺘﺴﻤﺖ : ﺍﻳﻪ ..
ﻣﺮﺍﻡ : ﺭﺍﻧﻴﺎ ﻭﺭﺑﺎﺏ ﻧﻌﺮﻓﻬﻦ ﻫﻦ ﻭﺩﻻﻝ .. ﺭﻛﺰﺕ ﺑﺎﻟﻨﻈﺮ ﻉ ﺑﻨﺎﺕ ﺯﻳﻨﺐ ﻭﻗﺎﻟﺖ .. ﻣﺨﻄﻮﺑﻪ ﺍﻧﺘﻲ ﺭﺑﺎﺏ ﻭﻻ؟
ﺭﺑﺎﺏ ﺑﺈﺑﺘﺴﺎﻣﻪ : ﺇﻳﻪ ..
ﻣﺮﺍﻡ؛ﻭﺍﻧﺘﻲ ﺭﺍﻧﻴﺎ ..
ﺭﺯﺍﻥ : ﺭﺍﻧﻴﺎ ﺳﻨﻘﻞ ..
ﺷﺒﺤﻮﻟﻬﺎ ﺍﻟﺒﻨﺎﺕ ﺑﺮﻓﻌﺔ ﺣﻮﺍﺟﺐ ..
ﺭﺍﻭﻳﻪ " ﺷﻨﻌﺐ "
ﺭﺍﻧﻴﺎ ﺍﺑﺘﺴﻤﺖ : ﺍﺣﻤﻢ .. ﻻﻻ ..
ﻣﺮﺍﻡ ﺍﺑﺘﺴﻤﺘﻠﻬﺎ ﻭﻫﺰﺕ ﺭﺍﺳﻬﺎ ﺑﺈﻳﺠﺎﺏ ..
ﻉ ﺧﺸﺔ ﻏﺎﻟﻴﻪ : ﺷﻦ ﺻﺎﺭ ﻓﻴﻜﻦ ..
ﺭﺍﻭﻳﻪ ﺑﻀﺤﻜﻪ : ﻛﻠﻪ ﻣﺎﺷﻲ ﺗﻤﺎﻡ ﺍﻧﺘﻲ ﻏﻴﺮ ﺭﻳﺤﻲ ﺍﻋﺼﺎﺑﻚ .
ﺿﺤﻜﺖ ﻏﺎﻟﻴﻪ ..
ﻣﺮﺍﻡ : ﺣﻤﻴﺪﻩ ﻋﺪﺕ ﺍﻟﻤﺰﻳﻦ؟
ﻏﺎﻟﻴﻪ ﺑﺈﺑﺘﺴﺎﻣﻪ : ﺍﻳﻪ ﻗﻠﻬﺎ ﺭﻣﺰﻱ ..
ﻓﻀﻴﻠﻪ : ﻛﻼ ﺭﻣﺰﻱ ﻫﺪﻯ ﻣﺎﺷﺎﺀ ﺍﻟﻠﻪ ﻋﻠﻴﻪ ..
ﻣﺮﺍﻡ ﺑﻀﺤﻜﻪ : ﻗﺎﻟﺐ ﺍﻟﻘﺒﻴﻠﻪ ﻉ ﺭﺍﺳﻪ ﺍﻟﺒﻨﺎﺕ ﻓﻲ ﺍﻟﻤﺪﺭﺳﻪ ﺑﻴﻜﻠﺒﻦ ﻋﻠﻴﻪ .. ﺑﺎﻟﺬﺍﺕ ﻭﻳﻦ ﻳﻮﺻﻞ ﺭﺯﺍﻥ ﻟﻠﻤﺪﺭﺳﻪ ﻭﺍﻧﻲ ﻣﺮﻭﺣﻪ ﻧﺸﻮﻑ ﻓﻴﻬﻢ .. ﺍﻟﺒﻨﺎﺕ ﻳﺠﻦ ﻳﺼﺪﺭﻥ ﻗﺪﺍﻡ ﺍﻟﺴﻴﺎﺭﺓ ..
ﺿﺤﻜﻮﺍ ﻛﻠﻬﻢ ﻣﺎﻋﺪﺍ ﺭﺍﻧﻴﺎ ﺍﻟﻠﻲ ﻛﺎﻧﺖ ﺗﺤﻂ ﻓﻲ ﺍﻟﻤﺴﻴﺮ ﻓﻲ ﺣﺎﻓﻈﺎﺕ ﻭﻫﻲ ﺗﻐﻠﻲ .. ﻭﺭﺯﺍﻥ ﺷﺒﺤﺘﻠﻬﺎ ﺑﺮﻓﻌﺔ ﺣﺎﺟﺐ ..
ﻏﺎﻟﻴﻪ ﺑﻀﺤﻜﻪ : ﻫﻮ ﻣﺎﻋﻨﺪﺍﺵ ﻓﻲ ﻭﺟﻴﺞ ﺍﻟﺒﻨﺎﺕ ..
ﺭﺯﺍﻥ : ﺍﻳﻪ .. ﻟﻜﻦ ﺍﻣﻲ ﺗﻔﻜﺮ ﺗﺨﻄﺒﻠﻪ ..
ﺷﺒﺤﻮﻟﻬﺎ ﺧﺎﻻﺗﻬﺎ ..
ﻭﻏﺎﻟﻴﻪ ﻭﻧﻮﺭ ﺷﺒﺤﻮﺍ ﻟﺮﺍﻧﻴﺎ ..
ﻏﺎﻟﻴﻪ ﺭﺟﻌﺖ ﻧﻈﺮﻫﺎ ﻟﺮﺯﺍﻥ : ﺗﺨﻄﺒﻠﻪ !!
ﺭﺯﺍﻥ ﻭﻫﻲ ﺗﺤﻂ ﻓﻲ ﺍﻟﻤﺒﻄﻦ : ﺍﻳﻪ ﺑﻨﺖ ﺑﻨﺖ ﺧﺎﻟﺘﻬﺎ ﺍﻟﻬﺎﺩﻳﻪ ..
ﻋﺰﻳﺰﺓ : ﺍﻳﻪ ﻗﺎﻟﺘﻬﺎ ... ﺑﺲ ﻣﺎﺯﺍﻝ ﺷﻮﻱ ..
ﺍﺑﺘﺴﻤﺖ ﺭﺯﺍﻥ ﺑﻤﻜﺮ ..
ﺭﺍﻧﻴﺎ ﺑﺪﺕ ﺗﺮﺟﻒ .. ﻧﺎﺿﺖ ﻣﻦ ﻣﻜﺎﻧﻬﺎ ﻭﻗﺎﻟﺖ ﻟﺨﺎﻟﺘﻬﺎ ﻭﺍﻟﺪﻣﻌﻪ ﻓﻌﻴﻨﻬﺎ : ﺍﻣﻲ ﺑﺮﺍ ..
ﻏﺎﻟﻴﻪ ﺗﺸﻮﻑ ﻟﻠﺪﻣﻮﻉ ﻓﻌﻴﻮﻧﻬﺎ ﻭﻫﺰﺕ ﺭﺍﺳﻬﺎ ﺑﺈﻳﺠﺎﺏ ..
ﻃﻮﻝ ﺭﺍﻧﻴﺎ ﻃﻠﻌﺖ ..
ﺭﺑﺎﺏ ﺷﺒﺤﺖ ﻻﺧﺘﻬﺎ ﻭﻫﻲ ﻃﺎﻟﻌﻪ ﺑﺸﻚ ..
ﻭﺍﻣﺎﻝ ﻭﻋﺰﻳﺰﺓ ﺷﺒﺤﻮﺍ ﻟﺒﻌﺾ ﺑﺮﻓﻌﺔ ﺣﺎﺟﺐ ..
ﺑﻴﻨﻤﺎ ﺭﺯﺍﻥ ﻛﻤﻠﺖ ﺣﻄﺎﻥ ﺍﻟﻤﺒﻄﻦ ﻭﻫﻲ ﻣﺒﺘﺴﻤﻪ ..
ﻭﻧﻮﺭ ﻭﻏﺎﻟﻴﻪ ﻳﺸﻮﻓﻮﻟﻬﺎ ﺑﺤﺪﻩ ..
🍁🍁🍁🍁🍁
ﻓﻲ ﺍﻟﻌﻴﺎﺩﺓ ..
ﻣﻘﻌﻤﺰﻳﻦ ﻉ ﺍﻟﻜﺮﺍﺳﻲ ..
ﺩﻻﻝ : ﺭﺑﻲ ﻳﻬﺪﻳﻚ ﻳﺎﻣﺎﻣﺎ .
ﻋﻤﺎﺭ ﺑﻀﺤﻜﻪ : ﺑﺎﻟﻌﻜﺲ ﺍﺣﺴﻦ ﻣﺎﺩﺍﺭﺕ ﺑﻴﺶ ﻧﺘﺄﻛﺪ ﻣﻦ ﺇﺣﺴﺎﺳﻲ ..
ﺍﺑﺘﺴﻤﺖ ﺩﻻﻝ ﻭﻫﻲ ﺗﺸﻮﻓﻠﻪ ..
ﻋﻤﺎﺭ ﺍﺑﺘﺴﻢ ﻭﺷﺒﺢ ﺍﻟﻘﺪﺍﻡ ﻭﻫﻮ ﻳﻘﻮﻝ : ﺍﻟﻤﺮﺓ ﺍﻟﻠﻲ ﻓﺎﺗﺖ ﻛﺎﻥ ﻋﻨﺪ ﺍﺣﺴﺎﺱ ﻗﻮﻱ ﻭﻃﻠﻊ ﺻﺎﺩﻕ .. ﻭﻫﺎﻟﻤﺮﺓ ﺍﺣﺴﺎﺳﻲ ﺍﻗﻮﻯ ﻣﻦ ﻗﺒﻞ ..
ﺩﻻﻝ ﺗﻨﻬﺪﺕ ﻭﻫﻲ ﻣﺒﺘﺴﻤﻪ ﻭﻗﺎﻟﺖ : ﺯﻋﻤﻪ؟
ﻋﻤﺎﺭ ﺿﺤﻜﻪ : ﺗﻮ ﻧﺸﻮﻓﻮﺍ ..
ﺷﻮﻳﻪ ﻭﺟﺘﻬﻢ ﺍﻟﺪﻛﺘﻮﺭﻩ ﻭﻓﻴﺪﻫﺎ ﻭﺭﺍﻕ ﺍﻟﺘﺤﺎﻟﻴﻞ ﻭﻫﻲ ﻣﺒﺘﺴﻤﻪ : ﻣﺒﺮﻭﻙ ﺣﻀﺮﺗﻚ ﺣﺎﻣﻞ ..
ﺩﻻﻝ ﺿﺤﻜﺖ ﺑﺼﺪﻣﻪ .. ﻭﻋﻤﺎﺭ ﺿﺤﻚ ﺑﻔﺮﺡ ..
ﺍﻟﺪﻛﺘﻮﺭﺓ ﺑﺈﺑﺘﺴﺎﻣﻪ ﻭﻫﻲ ﺗﺸﻮﻑ ﻓﻲ ﻓﺮﺣﺘﻬﻢ : ﺗﻌﺎﻟﻲ ﻣﻌﺎﻳﺎ ﻳﺎﻣﺪﺍﻡ ﺑﺶ ﻧﺪﻳﺮﻭﺍ ﺍﻟﺠﻬﺎﺯ ..
ﺩﻻﻝ ﺗﻨﻬﺪﺕ ﻭﻭﻗﻔﺖ : ﺣﺎﺿﺮ ..
ﻣﺸﺖ ﺍﻟﺪﻛﺘﻮﺭﺓ ...
ﻭﺩﻻﻝ ﺍﺑﺘﺴﻤﺖ ﻟﺮﺍﺟﻠﻬﺎ .. ﺑﻌﺪﻳﻦ ﻣﺸﺖ ﻭﻟﺤﻘﺘﻬﺎ ..
ﻭﻫﻮ ﻗﻌﺪﻣﻌﺎﻫﻢ ﺑﻌﻴﻮﻧﻪ ﻟﻴﻦ ﺍﺧﺘﻔﻮﺍ ..
ﺑﻌﺪﻳﻦ ﺍﺗﻜﺎ ﻉ ﺍﻟﻜﺮﺳﻲ ﻭﺭﻓﻊ ﺭﺍﺳﻪ ﻓﻮﻕ ﻭﻫﻮ ﻣﻐﻤﺾ ﻋﻴﻮﻧﻪ ...
🍁🍁🍁🍁
ﺭﺩ .. ﺭﺩ ...
ﺗﻤﺸﻲ ﺍﻳﻤﻴﻦ ﻭﺍﻳﺴﺎﺭ ﻓﻲ ﺍﻟﺪﺍﺭ ﻭﻫﻲ ﺗﺘﺼﻞ ﺑﻴﻪ ﻭﺗﻌﺎﻭﺩ ﻭﺩﻣﻮﻋﻬﺎ ﻳﺼﺒﻮﺍ .. ﻭﺗﺮﺟﻒ ..
ﺍﻧﻔﺘﺢ ﺍﻟﺨﻂ ﻭﻗﻔﺖ ..
ﺭﻣﺰﻱ : ﻫﺎﻩ ﻗﻠﺒﻲ ..
ﺭﺍﻧﻴﺎ ﺑﻐﻀﺐ : ﺍﻧﺖ ﻭﺍﺣﺪ ﻛﺬﺍﺏ ..
ﺭﻣﺰﻱ ﺿﻴﻖ ﻋﻴﻮﻧﻪ ﻭﻫﻮ ﻣﺴﺘﻐﺮﺏ ﻭﺍﺷﺮ ﻟﺰﻣﻴﻠﻪ ﻓﻲ ﺍﻟﻌﻤﻞ ﺍﻧﻪ ﺑﻴﻄﻠﻊ ﻭﻃﻠﻊ ﻃﻮﻝ .. ﻭﻳﺴﻤﻊ ﻓﻲ ﺻﻮﺕ ﺑﻜﻲ ﺭﺍﻧﻴﺎ ..
ﺭﻣﺰﻱ ﺑﺨﻮﻑ : ﺧﻴﺮﻙ ﺭﺍﻧﻴﺎ ﺷﻦ ﺟﺎﻙ؟
ﺭﺍﻧﻴﺎ ﺑﻨﺒﺮﺓ ﺑﺎﻛﻴﻪ : ﺗﻘﻮﻟﻲ ﻧﺤﺒﻚ ﻭﻧﻤﻮﺕ ﻭﻣﺎﻧﺎﺧﺪ ﻏﻴﺮﻙ ﻭﻣﺎﻳﻔﺮﻗﻨﺎ ﺷﻲ .. ﻭﻣﻦ ﺟﻬﺔ ﺗﺎﻧﻴﻪ ﻣﺎﺷﻲ ﺗﺨﻄﺐ ﻗﺮﻳﺒﺘﻚ ﻭﻻ ..
ﺭﻣﺰﻱ ﺑﺘﻀﻴﻴﻘﻪ ﻋﻴﻮﻥ : ﺷﻦ ﺗﺨﺮﻓﻲ ﺍﻧﺘﻲ ﺷﻦ ﺗﻘﻮﻟﻲ؟؟ !! ﺷﻦ ﺳﺎﻣﻌﻪ ﺑﺎﻟﺰﺑﻂ ﺗﻜﻠﻤﻲ ! ؟
ﺭﺍﻧﻴﺎ ﺍﻧﻬﺎﺭﺕ ﺑﺎﻟﺒﻜﻲ ...
ﺭﻣﺰﻱ ﻗﻠﺒﻪ ﻭﻟﻌﺖ ﻓﻴﻪ ﺍﻟﻨﺎﺭ : ﺻﻜﺮﻱ ﺻﻜﺮﻱ ﺍﻧﻲ ﻣﺮﻭﺡ ﺗﻮ .. ﻭﺻﻜﺮ ﻋﻠﻴﻬﺎ ... ﻭﺧﺶ ﻟﻠﻤﻘﻬﻰ ﺑﺶ ﺑﻴﺎﺧﺪ ﺍﺫﻥ ..
ﻭﺭﺍﻧﻴﺎ ﺣﻄﺖ ﺍﻳﺪﻳﻬﺎ ﻉ ﻭﺟﻬﻬﺎ ﻭﻗﻌﺪﺕ ﺗﺒﻜﻲ ﺑﺎﻟﻌﺒﺮﺓ ..
ﺍﻧﻔﺘﺢ ﺑﺎﺏ ﺍﻟﺪﺍﺭ ﻭﺧﺸﺖ ﻏﺎﻟﻴﻪ ﻭﺻﻜﺮﺕ ﻭﺭﺍﻫﺎ ﺍﻟﺒﺎﺏ ﻭﺟﺖ ﺣﺪﺍﻫﺎ ﻃﻮﻝ ﻭﺣﻀﻨﺘﻬﺎ ﻭﻫﻲ ﺗﻘﻮﻝ : ﺗﺼﺪﻗﻲ ﻓﻴﻬﺎ ﺍﻧﺘﻲ ﺍﻟﻔﺮﺧﻪ ﺭﺯﺍﻥ ﻣﺎﻓﻴﺶ ﻣﻨﻪ ﻛﻼﻣﻬﺎ ﺑﻜﻞ ﺍﻟﻔﺮﺧﻪ ﻛﺬﺍﺑﻪ ..
ﺭﺍﻧﻴﺎ ﺷﺒﺤﺖ ﻟﺨﺎﻟﺘﻬﺎ ﻭﻫﻲ ﺗﻘﻮﻝ ﺑﺎﻟﻌﺒﺮﻩ : ﺑﺎﻫﻲ .. ﻭﺧﺎﻻﺗﻬﺎ ...
ﻏﺎﻟﻴﻪ : ﻣﺎﻧﻌﺮﻓﺶ .. ﺍﻟﻠﻲ ﻧﻌﺮﻓﻪ ﺍﻥ ﺭﻣﺰﻱ ﻳﺤﺒﻚ ﺍﻧﺘﻲ ﻭﺑﻐﻴﺮﻙ ﻣﺎﻳﺮﺿﺎﺵ .. ﺭﻣﺰﻱ ﺭﺑﺎﻳﺔ ﻳﺪﻱ ﻳﺎﺭﺍﻧﻴﺎ ﻫﺪﻯ ﻭﻟﺪﻱ ﺍﻧﻲ .. ﺍﻧﻲ ﺍﻟﻠﻲ ﻧﻌﺮﻓﻪ ﺍﻛﺜﺮ ﻣﻦ ﺍﻣﻪ ﻧﻔﺴﻬﺎ ..
ﺣﻀﻨﺘﻬﺎ ﺭﺍﻧﻴﺎ ﻭﻫﻲ ﺗﺒﻜﻲ ...
ﻭﺷﻮﻳﻪ ﻭﻭﺻﻞ ﺭﻣﺰﻱ ..
ﺳﻤﻌﻮﺍ ﺻﻮﺕ ﺳﻴﺎﺭﺗﻪ ..
ﻏﺎﻟﻴﻪ : ﺭﻣﺰﻱ .. ﻃﻠﻘﺖ ﺭﺍﻧﻴﺎ ﻭﻗﺪﻣﺖ ﻟﻠﺮﻭﺷﻦ ﻭﺷﺎﻓﺎﺗﻪ .. ﻫﻮ .. ﺍﻟﺘﻔﺘﺖ .. ﻛﻨﺘﻲ ﺗﻜﻠﻤﻲ ﻓﻴﻪ ..
ﺭﺍﻧﻴﺎ ﺣﺮﻛﺖ ﺭﺍﺳﻬﺎ ﺑﺈﻳﺠﺎﺏ ﻭﻫﻲ ﺗﺒﻜﻲ ..
ﻏﺎﻟﻴﻪ ﺍﺑﺘﺴﻤﺖ : ﺭﻳﺘﻴﻪ ﻛﻴﻒ ﺟﺎﻙ ﻃﻮﻝ .. ﻭﻣﺎﺯﻟﺘﻲ ﺗﺼﺪﻗﻲ ﻓﻲ ﻗﻄﺎﻑ ﺍﻟﻠﻔﻊ ...
" ﻏﺎﻟﻴﻪ .."
ﺭﺍﻧﻴﺎ ﺩﻣﻮﻋﻬﺎ ﺳﻴﻞ ..
ﺍﻣﺎ ﻏﺎﻟﻴﻪ ﻃﻠﻌﺘﻠﻪ ﻃﻮﻝ ..
ﺭﻣﺰﻱ ﻓﻢ ﺍﻟﺒﻮﺍﺑﻪ ﻭﻫﻮ ﺣﺎﻁ ﺍﻳﺪﻳﻪ ﻓﻲ ﻧﺼﻪ ﻭﻋﻼﻣﺎﺕ ﺍﻟﻐﻀﺐ ﻉ ﻭﺟﻬﻪ : ﺷﻨﻮ ﻓﻲ ؟؟
ﻏﺎﻟﻴﻪ : ﻳﻘﻄﻔﻦ ﻗﺪﺍﻣﻬﺎ ﺧﺎﻻﺗﻚ ﻭﻗﺎﻟﻦ ﺑﺘﺨﻄﺐ ﻣﺎﺗﺨﻄﺐ
" ﺧﺎﻓﺖ ﻉ ﺭﺯﺍﻥ ﻣﺎﺑﺘﺶ ﺗﺠﻴﺐ ﺳﻴﺮﺗﻬﺎ "
ﺭﻣﺰﻱ ﻭﻫﻮ ﻣﻐﻤﺾ ﻋﻴﻮﻧﻪ ﺑﻐﻀﺐ : ﻧﺎﺩﻳﻬﺎ ﻳﺎﻏﺎﻟﻴﻪ ..
ﻣﺸﺖ ﻏﺎﻟﻴﻪ ﻟﻠﺪﺍﺭ ﻭﻫﻮ ﺧﺶ ﻟﻠﻜﻮﺟﻴﻨﻪ ..
ﻓﻲ ﺍﻟﺪﺍﺭ ..
ﻏﺎﻟﻴﻪ : ﻫﻴﺎ ﺍﻃﻠﻌﻲ ﻣﺎﻋﻨﺪﻳﺶ ﻭﻗﺖ ﺑﻨﻌﺪﻱ ﻧﺸﻮﻑ ﺷﻦ ﺻﺎﻳﺮ ﻓﻲ ﺍﻟﺤﻮﺵ ﺍﻟﺘﺎﻧﻲ ..
ﺭﺍﻧﻴﺎ ﻣﺴﺤﺖ ﺩﻣﻮﻋﻬﺎ ﻭﻃﻠﻌﺖ ﻣﻌﺎﻫﺎ ..
ﻭﺻﻠﻮﺍ ﻟﻠﻜﻮﺟﻴﻨﻪ ...
ﺧﺸﺖ ﺭﺍﻧﻴﺎ ..
ﻫﻮ ﻛﺎﻥ ﻣﺘﻜﻲ ﺑﺈﻳﺪﻳﻪ ﻉ ﺍﻟﺮﺧﺎﻣﻪ ﺷﺎﻓﻠﻬﺎ ﻟﻤﺎ ﺧﺸﺖ ﻗﺎﻝ ﺑﺮﻓﻌﺔ ﺣﻮﺍﺟﺐ : ﺍﻳﺎﺍﻩ ﺍﻟﻌﻴﻮﻥ ﻭﺍﻟﺨﺸﻮﻡ ﻳﺼﺒﻦ ..
ﺿﺤﻜﺖ ﻏﺎﻟﻴﻪ ..
ﺭﺍﻧﻴﺎ ﺑﻌﺼﺒﻴﻪ ﻭﻫﻲ ﺷﺎﺩﻩ ﺿﺤﻜﺘﻬﺎ : ﻣﺒﺮﺩﻙ ..
ﻣﻂ ﺷﻮﺍﺭﺑﻪ ﺑﺈﺯﺩﺭﺍﺀ : ﻣﺘﻠﻔﻪ ..
ﻫﻲ ﺷﺒﺤﺘﻠﻪ ﺑﺤﺪﻩ ﻭﻉ ﻭﺟﻬﻬﺎ ﻣﻼﻣﺢ ﺍﻹﺑﺘﺴﺎﻣﻪ .
ﻏﺎﻟﻴﻪ ﺿﺤﻜﺖ ﻭﻫﻲ ﺗﺤﺮﻙ ﻓﻲ ﺭﺍﺳﻬﺎ ﺍﻳﻤﻴﻦ ﻭﻳﺴﺎﺭ ﻭﻃﻠﻌﺖ ﻣﻦ ﺍﻟﺤﻮﺵ ..
ﺭﻣﺰﻱ : ﻣﺴﻬﻞ ﻋﻠﻴﻚ ﺻﺪﻗﺘﻲ ﻗﻄﺎﻓﻬﻦ .. ﻭﻃﻠﻌﺘﻴﻨﻲ ﻛﺬﺍﺏ ﻭﻧﻀﺤﻚ ﻋﻠﻴﻚ !!
ﺭﺍﻧﻴﺎ : ﺧﺎﻻﺗﻚ ﺍﻟﻠﻲ ﺗﻜﻠﻤﻮﺍ ﻳﺎﺭﻣﺰﻱ ﻭﺍﺧﺘﻚ ﺣﺘﻰ ﻫﻲ ﺳﻤﻌﺖ ﺩﻭﺗﻬﻢ ﻭﻋﺎﻭﺩﺗﻬﺎ ..
ﺭﻣﺰﻱ ﺑﺘﻀﻴﻴﻘﻪ ﻋﻴﻮﻥ : ﻳﻘﻮﻟﻦ ﺍﻟﻠﻲ ﻳﺒﻦ ﻳﻘﻮﻟﻨﻪ ﺧﻠﻴﻬﻦ ﻳﺤﻜﻦ ﻣﻦ ﻫﻨﻰ ﻟﻌﻨﺪ ﺍﻟﻌﺎﻡ ﺍﻟﺠﺎﻱ .. ﺍﻧﻲ ﻭﺍﻟﻠﻪ ﻉ ﻏﻴﺮﻙ ﻣﺎﻣﺴﻜﺮ ﺑﺎﺏ ﺣﻮﺵ ..
ﺍﺑﺘﺴﻤﺖ ﺑﺨﺠﻞ ..
ﺭﻣﺰﻱ : ﺧﻠﻴﻚ ﻋﺎﻗﻠﻪ ﻭﻣﻌﺎﺵ ﺗﺼﺪﻗﻲ ﻓﻴﺎ ﺍﻟﻠﻲ ﺗﺴﻤﻌﻴﻪ ﻣﺎﺗﺨﻠﻴﺶ ﺗﻔﻜﻴﺮﻙ ﻣﻐﺒﺮ ﻛﻴﻒ ﺗﻔﻜﻴﺮﻱ ..
ﺿﺤﻜﺖ ﺭﺍﻧﻴﺎ ..
ﻭﻫﻮ ﺿﺤﻚ ﻭﻗﺎﻝ : ﻫﺒﻠﻪ ❤
🍁🍁🍁🍁🍁
ﺣﻂ ﻋﻤﺎﺭ ﺩﻻﻝ ﻭﺗﺴﻘﺪ ﻟﻠﻤﻘﻬﻰ ..
ﻭﻫﻲ ﻃﻮﻝ ﻣﺸﺖ ﺧﺒﺮﺕ ﺍﻣﻬﺎ ﻭﻋﺰﻭﺯﺗﻬﺎ ﺑﺨﺒﺮ ﺣﻤﻠﻬﺎ ﻭﺍﻥ ﻋﻤﺮ ﺍﻟﻌﻴﻞ ﺍﻗﻞ ﻣﻦ ﺗﻼﺕ ﺍﺳﺎﺑﻴﻊ ..
ﻳﻌﻨﻲ ﻟﻮﻻ ﺍﺻﺮﺍﺭ ﻧﻌﻴﻤﻪ ﻉ ﺍﻟﻜﺸﻒ ﻣﺎﻛﺎﻧﻮﺵ ﻋﺮﻓﻮﺍ ..
ﻃﻠﺒﺖ ﻛﺎﻣﻠﻪ ﻣﻦ ﻧﻌﻴﻤﻪ ﺗﺘﻜﺘﻢ ﻉ ﺍﻟﺨﺒﺮ ﻭﻣﺎﺗﺸﻴﻌﺎﺵ ﺑﻴﻦ ﺍﻟﻨﺎﺱ .. ﻭﺗﻘﻮﻝ ﻟﺨﻮﺍﺗﻬﺎ ﻭﻗﺖ ﻳﻜﻮﻧﻮﺍ ﺑﺮﻭﺍﺣﻬﻢ ..
ﻭﺩﻻﻝ ﺭﺟﻌﺖ ﺗﻌﻮﻝ ﻣﻌﺎﻫﻢ ﻭﻭﻳﻦ ﺳﺄﻟﻮﻫﺎ ﻭﻳﻦ ﻣﺸﺖ ﻗﺎﻟﺖ ﻛﺎﻧﺖ ﺍﺿﻢ ﻓﻲ ﺍﻟﺤﻮﺵ ﺍﻟﺘﺎﻧﻲ .. ﺑﺮﻏﻢ ﺍﻧﻪ ﻣﺎﺣﺪ ﻣﺸﺖ ﻋﻠﻴﻪ ﺑﺲ ﺳﻜﺘﻮﺍ ..
ﺷﻮﻳﻪ ﻭﻭﻟﺖ ﺭﺍﻧﻴﺎ ﻭﻛﺎﻥ ﺑﺎﻳﻦ ﻋﻠﻴﻬﺎ ﺍﻧﻬﺎ ﺑﺎﻛﻴﻪ ﻻﺣﻈﻮﻫﺎ ﺍﻛﺜﺮ ﺷﻲ ﺩﻻﻝ ﻭﻧﻮﺭ .. ﻭﺭﺑﺎﺏ .. ﺍﻟﻠﻲ ﺑﺪﻱ ﺷﻜﻬﺎ ﻳﻜﺒﺮ ...
💕 ﻣﻊ ﺍﻟﺴﺎﻋﻪ 1:45 ﻇﻬﺮﺍ ..
ﻛﺎﻥ ﺍﻟﻐﺪﻱ ﻃﺎﻳﺐ ﻭﺍﻟﺼﻔﺮ ﻣﺴﺘﻔﺎﺕ ﺑﺤﺎﺟﺎﺗﻬﻢ ..
ﻉ ﺍﻟﺘﺴﻘﻲ ..
ﺑﺪﻭﺍ ﺍﻟﺮﺟﺎﻟﻪ ﻳﺠﻮﺍ .. ﻋﺒﻮﺍ ﺍﻟﺨﻴﻤﻪ ﺍﻟﻠﻲ ﺗﺨﺼﻬﻢ .. ﻭﺍﻟﻤﺮﺑﻮﻋﻪ ..
ﻭﺑﺪﻭﺍ ﺍﻟﻨﺴﺎﻭﻳﻦ ﻳﺴﻘﻮﺍ ..
ﺯﻳﻨﺐ : ﻫﺎﺗﻲ ﻋﻨﻚ ﻧﻌﻴﻤﻪ .. ﺟﺮﺣﻚ ﺗﻮ ﻳﻨﻮﺽ ﻋﻠﻴﻚ ..
ﺍﺑﺘﺴﻤﺖ ﻧﻌﻴﻤﻪ ﻭﻭﺧﺮﺕ ﻭﺑﺪﺕ ﺯﻳﻨﺐ ﺗﺴﻘﻲ ﻭﻣﻌﺎﻫﺎ ﺍﻣﻴﻨﻪ ...
ﻭﺍﻟﺒﺮﺍ ..
ﻛﺎﻧﺖ ﺍﺻﺎﻟﻪ ﺗﻜﺮﻛﺐ ﻣﻊ ﺳﻌﻴﺪﻩ ﻷﻧﻬﺎ ﻓﺎﻟﺤﻪ ﻓﻴﻪ ..
ﻭﺍﻟﺤﺎﺟﻪ ﻓﺎﻃﻤﻪ ﺗﻔﺮﻕ ﻓﻲ ﺍﻟﻠﺤﻢ ﻉ ﺍﻟﺼﻮﺍﻧﻲ ..
ﻭﻛﺎﻣﻠﻪ ﺗﻌﺎﻭﻥ ﻓﻴﻬﺎ ..
ﻭﺣﺪﻫﻢ ﻭﻣﺒﺮﻭﻛﻪ ﻳﺘﻔﺮﺟﻮﺍ ...😑
ﺍﻟﻤﻬﻢ ..
ﻛﺎﻧﻮﺍ ﺍﻟﺸﺒﺎﺏ ﻗﺪﺍﻡ ﺍﻟﺤﻮﺵ ﺍﻟﻘﺪﻳﻢ ..
ﻳﺎﺧﺪﻭﺍ ﻓﻲ ﺍﻟﺼﻔﺮ ﻣﻦ ﺍﻟﺒﻨﺎﺕ ..
ﻭﺣﺘﻰ ﺍﻟﺠﺎﺭﺍﺕ ﻣﻌﺎﻫﻢ ..
ﻓﻀﻴﻠﻪ ﻭﻫﻲ ﺗﻤﺪ ﻓﻲ ﺍﻟﺼﻔﺮﺓ : ﻋﻤﻮﺭﺓ ..
ﻋﻤﺮ ﺧﺪﻱ ﻣﻨﻬﺎ ﺍﻟﺼﻔﺮﺓ ﻭﻫﻮ ﻳﻀﺤﻚ : ﺷﻦ ﺟﻮ ﻓﻀﻴﻠﻪ ..
ﻓﻀﻴﻠﻪ : ﺍﻟﺤﻤﺪ ﻟﻠﻪ ﻣﺒﺮﻭﻙ ﻋﻠﻴﻚ ﺍﻟﻤﻘﻬﻰ ﻭﺍﻥ ﺷﺎﺀ ﺍﻟﻠﻪ ﻓﺎﺗﺤﻪ ﺧﻴﺮ ﻋﻠﻴﻚ ﺍﻧﺖ ﻭﻫﺎﻧﻴﺒﺎﻝ ..
ﻋﻤﺮ ﺑﺄﺑﺘﺴﺎﻣﻪ : ﺁﻣﻴﻦ : ﺑﺎﺭﻙ ﺍﻟﻠﻪ ﻓﻴﻚ ..
ﻭﻟﻒ ﻭﻣﺸﻲ ﻭﻓﻀﻴﻠﻪ ﺧﺸﺖ ﻭﻫﻲ ﺗﻀﺤﻚ ..
ﻗﺎﺑﻠﺘﻬﺎ ﻣﺮﺍﻡ ﻃﺎﻟﻌﻪ ﺑﺼﻔﺮﻩ ﻟﻘﺖ ﻣﺤﻤﺪ ﻣﺪﺗﻬﻮﻟﻪ ..
ﻭﻫﻮ ﺧﺪﺍﻫﺎ ﻣﻨﻬﺎ ﻭﻋﻴﻮﻧﻪ ﻟﻮﻃﺎ ﻭﻣﺸﻲ ..
ﺭﻥ ﺗﻠﻴﻔﻮﻧﻬﺎ ﻃﻠﻌﺎﺗﻪ ﻣﻦ ﺟﻴﺒﻬﺎ ﺑﻌﺪ ﻗﺎﻣﺖ ﺍﻟﻌﺒﺎﻳﻪ ﻭﻫﻲ ﻋﺎﻃﻴﻪ ﺑﺎﻟﻈﻬﺮ ..
ﻟﻘﺘﻬﺎ ﻭﺣﺪﻩ ﻣﻦ ﺧﻮﺍﺗﻬﺎ ..
ﻓﺘﺤﺖ ﺍﻟﺨﻂ ﻭﺭﺩﺕ : ﻫﺎﻩ ﻓﻴﺰﺓ ...
ﻭﺑﺪﺕ ﺗﻜﻠﻢ ﻓﻴﻬﺎ ... ﺷﻮﻳﻪ ﻭﻓﺼﻞ ﻣﻦ ﻋﻨﺪ ﺍﺧﺘﻬﺎ ...
ﺍﺗﻜﺖ ﻉ ﺍﻟﻌﺮﺻﻪ ﻭﻫﻲ ﺗﻌﺎﻭﺩ ﻉ ﺍﺧﺘﻬﺎ ﻣﺎﺷﺪﺵ ...
ﺗﺄﻓﻔﺖ ﺑﻌﺪ ﺍﻧﻔﻚ ﻭﺷﺎﺣﻬﺎ .. ﺣﻄﺖ ﺍﻟﺘﻠﻔﻮﻥ ﻉ ﺍﻟﺮﻛﺎﺑﻪ ﺍﻟﻠﻲ ﻛﺎﻧﺖ ﻻﺻﻘﻪ ﻓﻲ ﺍﻟﻌﺮﺻﻪ .. ﻭﻗﻌﺪﺕ ﺗﺴﺎﻭﻱ ﻓﻴﻪ ..
ﻃﻠﻌﺖ ﺭﻳﻼ ﺟﺎﺭﺗﻬﻢ : ﻣﺮﺍﻡ ﺑﺎﻟﻠﻪ ﺗﻌﺎﻟﻲ ﺑﺴﺮﻋﻪ ...
ﻣﺮﺍﻡ : ﻫﻴﺎ ﻫﻲ ..
ﺧﺸﺖ ﻃﻮﻝ ﺗﺠﺮﻱ ...
ﻭﻧﺴﺖ ﺗﻠﻴﻔﻮﻧﻬﺎ ...
......
ﺻﻮﻧﻴﻪ ﻭﻻ؟
ﻣﺎﻟﻚ : ﺍﻳﻪ .. ﺧﻠﻴﻚ ﻳﺎﺧﺎﻝ ﺗﻮ ﻧﻤﺸﻲ ﻧﺠﻴﺒﻬﺎ ..
ﻫﺎﻧﻴﺒﺎﻝ ﺍﺷﺮﻟﻪ ﺑﻴﺪﻩ ﻳﻘﻌﻤﺰ ﻭﻫﻮ ﻣﺎﺷﻲ ..
ﻃﻠﻊ ﻣﻦ ﺍﻟﺨﻴﻤﻪ ...
ﻭﻣﺸﻲ ﺑﻄﺮﻳﻘﻪ ﻟﻠﺤﻮﺵ ﺍﻟﻘﺪﻳﻢ ..
ﺑﻌﺪ ﻗﻄﻊ ﻣﺴﺎﻓﻪ ﻭﺻﻞ ..
ﺍﺗﻜﺎ ﻉ ﺍﻟﻌﺮﺻﻪ ﺑﺶ ﺑﻴﺘﺼﻞ ﺑﻮﺣﺪﻩ ﻣﻦ ﺧﻮﺍﺗﻪ ..
ﺷﺒﺢ ﺑﻨﻈﺮﻩ ﻋﺎﺑﺮﺓ ﻟﻠﺮﻛﺎﺑﻪ ﺷﺎﻑ ﺗﻠﻴﻔﻮﻥ ﺍﺳﺘﻐﺮﺏ ...
ﻃﺒﺲ ﺧﺪﺍﻩ ... ﺿﻐﻂ ﻉ ﻭﺣﺪﻩ ﻣﻦ ﺍﻟﺒﻄﻢ ..
ﺑﺎﻧﺖ ﻋﻠﻴﻪ ﺻﻮﺭﺓ ﺍﻟﺨﻠﻔﻴﻪ ..
ﻣﺮﺍﻡ ﻭﻫﻲ ﺣﺎﺿﻨﻪ ﺑﻨﺖ ﺍﺧﺘﻬﺎ .. ﻭﺍﻟﺰﻭﺯ ﻳﻀﺤﻜﻮﺍ ...
ﻣﺶ ﻋﺎﺭﻑ ﺷﻦ ﺻﺎﺭﻟﻪ ﻟﻤﺎ ﺷﺎﻑ ﺍﻟﺼﻮﺭﺓ ..
ﻗﻌﺪ ﻳﺘﺄﻣﻞ ﻓﻴﻬﺎ ﻭﺧﻼﺹ ..
......
ﺻﺤﻴﺘﻲ ﻳﺎﻣﺮﻭﻣﻪ ..
ﻣﺮﺍﻡ ﺑﺈﺑﺘﺴﺎﻣﻪ : ﺳﻠﻤﻚ ..
ﺯﻳﻨﺐ ﺑﺈﺑﺘﺴﺎﻣﻪ : ﻣﺮﺍﻡ ﻣﺪﺭﺳﻪ ﺍﻧﺘﻲ ﻭﻻ ..
ﻣﺮﺍﻡ ﻫﺰﺕ ﺭﺍﺳﻬﺎ ﺑﺈﻳﺠﺎﺏ : ﺍﻳﻪ ..
ﻛﻔﺎﻳﻪ : ﺣﺘﻰ ﺧﻮﺍﺗﻚ ..
ﻣﺮﺍﻡ : ﻻ ﻓﺎﻳﺰﺓ ﺍﺩﺭﺱ ﻓﻲ ﺍﻟﺠﺎﻣﻌﻪ .. ﻓﻨﺼﺖ ﻭﻗﺎﻟﺖ .. ﺣﻲ ﻧﺴﻴﺖ ﻫﺎﺗﻔﻲ ﺑﺮﺍ ..
ﻭﻃﻠﻌﺖ ﺑﺴﺮﻋﻪ ..
ﺿﺤﻜﻮﺍ ﺍﻟﺒﻨﺎﺕ ..
ﺯﻳﻨﺐ : ﻗﺪﺍﺵ ﺗﻤﻨﻴﺘﻬﺎ ﻟﻬﺎﻧﻴﺒﺎﻝ ..
ﺭﻳﻼ : ﻧﺼﻴﺒﺎﺕ ..
....
ﻭﺻﻠﺖ ﻓﻲ ﺍﻟﺒﺎﺏ ﺟﻤﺪﺕ ﻓﻲ ﻣﻜﺎﻧﻬﺎ ..
ﻫﻮ ﺳﻤﻊ ﺻﻮﺕ ﺭﻓﻊ ﻋﻴﻮﻧﻪ ﻭﺷﺎﻓﻠﻬﺎ ..
ﻗﻌﺪﺕ ﺗﺸﺒﺤﻠﻪ ﻭﻋﻴﻮﻧﻬﺎ ﻣﺘﻮﺳﻌﺎﺕ ﻣﻦ ﺍﻟﺼﺪﻣﻪ ..
ﺍﻣﺎ ﻫﻮ ﻳﺸﻮﻓﻠﻬﺎ ﻭﺧﻼﺹ ...
ﻟﺤﻈﺎﺕ ﻭﻫﻤﺎ ﻳﺸﻮﻓﻮﺍ ﻟﺒﻌﺾ ..
ﺷﻌﻮﺭ ﻣﻌﺮﻭﻑ ﺍﻟﻠﻲ ﺗﺤﺲ ﺑﻴﻪ ﻣﺮﺍﻡ 💓
ﺑﺲ ﺍﻟﻠﻲ ﺣﺴﻪ ﻫﺎﻧﻴﺒﺎﻝ ﻣﺶ ﻣﻔﻬﻮﻡ ﺷﻌﻮﺭ ﺍﻏﺮﺏ ﻣﻦ ﺍﻟﻐﺮﺍﺑﻪ 🍃
ﻣﺮﺍﻡ ﺑﻠﻌﺜﻤﻪ : ﻫﺎ .. ﻫﺎﺗﻔﻲ 💓..
ﺍﺭﺗﺴﻤﺖ ﻉ ﻭﺟﻬﻪ ﺍﺑﺘﺴﺎﻣﻪ ﺟﺎﻧﺒﻴﻪ ﻭﻣﺪﻩ ..
ﻫﻲ ﺷﺒﺤﺖ ﻟﻠﺘﻠﻴﻔﻮﻥ ﻓﻲ ﻳﺪﻩ .. ﺑﻠﻌﺖ ﺭﻳﻘﻬﺎ ﻭﻗﺪﻣﺖ ﺑﺨﻄﻮﺍﺕ ﺧﺠﻮﻟﻪ .. ﻣﺪﺕ ﻳﺪﻫﺎ ﺑﺘﺎﺧﺪﻩ .. ﻫﻮﺭﻓﻊ ﻳﺪﻩ ﻓﻮﻕ ..
ﻫﻲ ﺍﺗﻔﺎﺟﺌﺖ ﻭﺷﺒﺤﺘﻠﻪ ..
ﻫﺎﻧﻴﺒﺎﻝ : ﺍﻣﺴﺤﻴﻬﺎ ﺻﻮﺭﺗﻚ ﻣﻦ ﺍﻟﻬﺎﺗﻒ ﻏﻠﻂ ﻳﻜﻮﻥ ﻓﻴﻪ ﺻﻮﺭﻙ ﻭﺗﺤﻄﻴﻬﻦ ﺧﻠﻔﻴﻪ ﻓﻮﻗﻬﺎ .. ﺍﻳﻄﻴﺢ ﻓﻲ ﺍﻳﺪﻳﻦ ﻭﻟﺪ ﺣﺮﺍﻡ ﺑﻌﺪﻳﻦ ﺗﻨﺪﻣﻲ .. ﻧﺰﻝ ﻳﺪﻩ ﻭﻣﺪﻫﻮﻟﻬﺎ ﻭﻗﺎﻝ .. ﺍﺣﻤﺪﻱ ﺭﺑﻚ ﻃﺎﺡ ﻓﺎﻳﺪﻳﻦ ﻭﻟﺪ ﺣﻼﻝ ..
ﻣﺪﺕ ﻳﺪﻫﺎ ﺍﻟﻠﻲ ﻛﺎﻧﺖ ﺗﺮﻋﺶ ﻭﺧﺪﺍﺗﻪ .. ﻗﺎﻣﺖ ﻋﻴﻮﻧﻬﺎ ﺷﺒﺤﺘﻠﻪ .. ﻭﻫﻮ ﺍﺑﺘﺴﻢ ﺍﺑﺘﺴﺎﻣﻪ ﺧﻔﻴﻔﻪ ﻣﻊ ﻗﺮﻧﻪ ﺍﻟﺤﻮﺍﺟﺐ .. ﻭﺍﻟﻌﻴﻮﻥ ﺍﻟﻌﺴﻠﻴﻪ ﻣﻀﻴﺎﻗﻪ ﺑﺴﺒﺐ ﺍﺷﻌﺔ ﺍﻟﺸﻤﺲ ..
ﺗﻨﻬﺪﺕ ﻭﻧﺰﻟﺖ ﻋﻴﻮﻧﻬﺎ ﻭﺧﺪﺕ ﺍﻟﺘﻠﻴﻔﻮﻥ ...
ﺑﻌﺪﻳﻦ ﻟﻔﺖ ﻭﻣﺸﺖ ﺑﺴﺮﻋﻪ ﻭﻳﻦ ﻭﺻﻠﺖ ﻓﻲ ﺍﻟﺒﺎﺏ ﻭﻗﻔﺖ ﻟﻤﺎ ﺳﻤﻌﺎﺗﻪ ﻗﺎﻝ ..
" ﻧﺎﺩﻳﻠﻲ ﻭﺣﺪﻩ ﻣﻦ ﺧﻮﺍﺗﻲ "
ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﺑﺪﻭﻥ ﻣﺎﺗﺸﺒﺤﻠﻪ ... ﻭﺧﺸﺖ ..
ﺍﻣﺎ ﻫﻮ ﺿﺤﻚ ﺿﺤﻜﻪ ﺧﻔﻴﻔﻪ .. ﺑﻌﺪﻳﻦ ﻭﺯﻉ ﻧﻈﺮﻩ ﻉ ﺍﻟﻤﻜﺎﻥ ﻭﻫﻮ ﻳﺮﺍﺟﻲ ...
🍁🍁🍁🍁🍁🍁
ﻓﻲ ﺍﻟﻤﺨﺰﻥ ..
ﻛﺎﻥ ﻓﻲ ﻧﺴﺎﻭﻳﻦ ﻣﻘﻌﻤﺰﺍﺕ ﻳﺘﻐﺪﻭﺍ ﻣﻦ ﺿﻤﻨﻬﻢ ﺳﻤﻴﻪ ﻭﺳﻌﻴﺪﻩ ..
ﺳﻤﻴﻪ : ﺩﺑﺶ ﻏﻠﻲ ﻳﺎﻛﺒﺪﻱ ﺷﻨﻮ ﻫﺪﻯ ..
ﺍﺻﺎﻟﻪ : ﺍﻟﻤﻬﻢ ﺧﺪﻳﺘﻲ ﻓﻲ ﺍﻻﺧﻴﺮ ..
ﺳﻤﻴﻪ : ﺍﻳﻪ .. ﻭﻭﺯﻋﺖ ﻧﻈﺮﻫﺎ ﻉ ﺗﻮﺗﻪ ﺍﺻﺎﻟﻪ ﻭﺍﻟﺘﻌﻠﻴﻘﻪ ﺍﻟﻠﻲ ﻻﺑﺴﺘﻬﺎ ﻳﺒﺎﻥ ﻛﻞ ﺷﻲ ﻏﺎﻟﻲ ..
ﻧﺰﻟﺖ ﻋﻴﻮﻧﻬﺎ ﻭﻛﻤﻠﺖ ﻣﺎﻛﻠﻪ ..
ﻓﺎﻃﻤﻪ : ﺻﺎﺭ ﻫﺪﻯ ﻟﻴﺶ ﺍﻧﺘﻲ ﻣﺎﻫﻨﺎﻛﺶ ﺍﻣﺲ ..
ﺳﻤﻴﻪ ﺷﺒﺤﺘﻠﻬﺎ : ﺍﻳﻪ ﻳﺎﻋﻤﺘﻲ ﺭﺍﺡ ﺍﻟﻨﻬﺎﺭ ﻛﻠﻪ ﻓﻲ ﺍﻟﺴﻮﻕ .. ﺿﺤﻜﺖ ﻭﻫﻲ ﺗﻘﻮﻝ ... ﺍﻟﻬﺎﺩﻱ ﻗﺮﻳﺐ ﻛﻼﻧﻲ ..
ﺿﺤﻜﻮﺍ ...
ﺳﻌﻴﺪﻩ ﺷﺒﺤﺘﻠﻬﺎ ﺑﺮﺑﻊ ﻋﻴﻦ ﺑﻌﺪﻳﻦ ﺷﺒﺤﺖ ﻟﻌﺰﻭﺯﺗﻬﺎ ﻭﻗﺎﻝ : ﻫﺎﻩ ﺩﻳﺪﺍﻱ ﺷﻦ ﺭﺍﻳﻚ ﻓﻲ ﺍﻟﺒﺎﺯﻳﻦ ...
ﻓﺎﻃﻤﻪ : ﻣﺎﺷﺎﺀ ﺍﻟﻠﻪ ..
ﻣﺒﺮﻭﻛﻪ : ﺑﻌﺪ ﻫﻜﻲ ﻓﺴﺎﺩ ..
ﺣﺪﻫﻢ ﺍﺑﺘﺴﻤﺖ ..
ﺳﻌﻴﺪﻩ ﺑﺈﺑﺘﺴﺎﻣﻪ : ﺗﺴﻠﻤﻲ ﻳﺎﻋﻤﺘﻲ ..
ﺳﻤﻴﻪ 😒:
🍁🍁🍁🍁🍁
ﺑﻌﺪ ﺗﻐﺪﻭﺍ ... ﻭﺗﻼﻗﻮﺍ ﻉ ﺍﻟﻤﺎﻋﻴﻦ ﻭﻏﺴﻠﻮﻫﻢ ...
ﺭﻭﺣﻮﺍ ﺍﻟﺠﺎﺭﺍﺕ ﺑﺶ ﻳﻮﺗﻮﺍ ﺭﻭﺍﺣﻬﻢ ﻟﻠﻜﺴﻮﺓ ﺍﻟﻠﻲ ﺣﺘﺠﻲ ﺣﻮﺍﻟﻲ ﺍﻟﺴﺎﻋﻪ 6
ﺍﻣﺎ ﺍﻫﻞ ﺍﻟﻌﺮﺱ .. ﻓﻜﺎﻧﻮﺍ ﻳﺘﺒﺎﺩﻟﻮﺍ ﻉ ﺍﻟﺤﻤﺎﻣﺎﺕ .. ﺑﺶ ﻳﻤﺼﻤﺼﻮﺍ ﺑﺴﺮﻋﻪ ﻭﻳﻮﺗﻮﺍ ﺍﺭﻭﺍﺣﻬﻢ ﻳﻠﺒﺴﻮﺍ ﻭﻳﻤﻴﻜﺠﻮﺍ ...
ﻭﺍﻟﺪﻳﺎﺭ ﺣﺎﺳﻮﺍ
ﺍﻟﻠﻲ ﺗﺴﺘﺸﻮﺭ ﻭﺍﻟﻠﻲ ﺗﻤﻜﻴﺞ ....
ﺍﻣﺎ ﺍﻟﺮﺟﺎﻟﻪ ﺑﺮﺍ ﻳﻬﺪﺭﺯﻭﺍ ﻭﻳﻄﻴﺒﻮﺍ ﻓﻲ ﺍﻟﺸﺎﻫﻲ ﻭﺟﻮﻫﻢ ﺍﺧﺮ ﺭﻭﺍﻕ ... ﺳﻌﺪﻭﺩﻫﻢ 😂😭
ﺍﻟﺴﺎﻋﻪ 5:00 ﺑﺎﻟﺰﺑﻂ ..
ﻛﺎﻧﺖ ﻭﺍﺻﻠﻪ ﺣﻤﻴﺪﻩ ﻭﻣﻌﺎﻫﺎ ﻟﻄﻴﻔﻪ .. ﻭﻃﺒﻌﺎ ﺟﺎﺑﻬﻢ ﺭﻣﺰﻱ
ﻓﻲ ﻧﻔﺲ ﺍﻟﻮﻗﺖ ﺍﻟﻠﻲ ﻭﺻﻞ ﻓﻴﻪ ﺣﻤﺰﺓ ...
ﻃﻮﻝ ﺣﻤﻴﺪﻩ ﺧﺸﺖ ﻫﻲ ﻭﻟﻄﻴﻔﻪ ﻳﺠﺮﻭﺍ ..
ﻭﺭﻣﺰﻱ ﻧﺰﻝ ﻣﻦ ﺍﻟﺴﻴﺎﺭﺓ ﻭﻣﺸﻲ ﻟﺤﻤﺰﺓ ﺳﻠﻤﻮﺍ ﻉ ﺑﻌﺾ ..
ﻭﺑﻌﺪﻳﻦ ﻣﺸﻮﺍ ﻣﻊ ﺑﻌﺾ ﺧﺸﻮﺍ ﻟﻠﺨﻴﻤﻪ ..
ﻭﺗﺠﻲ ﻋﻴﻨﻪ ﻓﻌﻴﻦ ﻋﻤﺎﺭ ...
ﺍﻧﻘﻠﺐ ﺟﻮ ﻋﻤﺎﺭ 180 ﺩﺭﺟﻪ ..
ﻭﺣﻤﺰﺓ ﻭﺟﻬﻪ ﺗﻐﻴﺮ ﺑﺲ ﺣﺎﻭﻝ ﻳﺘﻤﺎﻟﻚ ﻧﻔﺴﻪ ..
ﺳﻠﻢ ﻉ ﺍﻟﻤﻮﺟﻮﺩﻳﻦ ... ﻭﻳﻦ ﻭﺻﻞ ﻓﻲ ﻋﻤﺎﺭ ..
ﻣﺪ ﻳﺪﻩ ﻋﻤﺎﺭ ﻭﻫﻮ ﻳﺸﺒﺢ ﻟﺘﻠﻴﻔﻮﻧﻪ ﻣﺪﻳﺪﻩ ﻭﺻﺎﻓﺤﻪ ﻭﺷﺪ ﻉ ﻳﺪﻩ ﺑﻘﻮﺓ ﻭﻃﻠﻘﻬﺎ ..
ﺣﻤﺰﺓ ﺷﺒﺤﻠﻪ ﺑﺤﺪﻩ ﻭﻛﻤﻞ ﺳﻼﻣﻪ ﻉ ﺑﺎﻗﻲ ﺍﻟﻤﻮﺟﻮﺩﻳﻦ ..
ﻭﻗﻌﻤﺰ ..
ﻛﺎﻥ ﻳﻬﺪﺭﺯ ﻭﻳﻬﺪﺭﺯﻭﺍ ﻋﻠﻴﻪ ..
ﺳﻤﻌﻮﺍ ﻓﺠﺎﺓ ﺻﻮﺕ ﺍﻟﺰﻏﺎﺭﻳﻂ ﻭﺍﻟﺪﺭﺑﻮﻛﻪ ...
ﺍﺑﺘﺴﻤﻮﺍ ﺍﻟﻤﻮﺟﻮﺩﻳﻦ ...
ﻣﺎﻋﺪﺍ ﺷﺨﺺ ﻭﺍﺣﺪ ﻛﺎﻥ ﻳﻮﻡ ﻋﻦ ﻳﻮﻡ ﻳﺰﻳﺪ ﻳﻨﺨﻨﻖ ...
🍃 ﺧﻠﻴﻔﻪ 🍃
🍁🍁🍁🍁
ﺩﺍﺧﻞ ..
ﻛﺎﻧﺖ ﺣﻤﻴﺪﻩ ﻻﺑﺴﻪ ﺍﻟﺒﻮﺩﺭﻱ ..
ﻭﻣﻐﻄﻴﻪ ﺭﺍﺳﻬﺎ ﺑﺎﻟﻤﺤﺮﻣﻪ ﻟﻌﻨﺪ ﺣﻮﺍﺟﺒﻬﺎ ﺍﻟﻠﻲ ﻛﺎﻧﻮﺍ ﻣﻨﻘﻴﺎﺕ ..
ﻭﺣﻮﺍﻟﻴﻬﺎ ﻳﺪﺭﺑﻜﻮﺍ ﻭﻳﻐﻨﻮﺍ ...
ﻏﺎﻟﻴﻪ ﻛﺎﻧﺖ ﺗﺼﻔﻖ ﻣﻌﺎﻫﻢ ﻭﺗﻐﻨﻲ ﻭﺍﻟﺪﻣﻌﻪ ﻣﺤﺒﻮﺳﻪ ﻓﻌﻴﻮﻧﻬﺎ ..
ﻛﺎﻥ ﺻﺪﺭﻫﺎ ﻣﻄﺒﻖ ... ﺣﺴﺖ ﺑﺸﻲ ﻣﻦ ﺍﻟﺤﺰﻥ .. ﻭﺷﻲ ﻣﻦ ﺍﻟﻐﻴﺮﺓ ﺍﻟﻄﺒﻴﻌﻴﻪ ... ﻭﻛﺬﻟﻚ ﺍﻟﺨﻮﻑ ﻷﻥ ﺧﻼﺹ .. ﻳﻮﻡ ﻭﺍﺣﺪ ﺑﺲ ﻭﺍﺧﺘﻬﺎ ﺗﻤﺸﻲ ﻭﺗﺨﻠﻴﻬﺎ ...
ﻛﺎﻧﺖ ﺗﻘﺎﻭﻡ ﻓﻲ ﺷﻌﻮﺭﻫﺎ ﺍﻟﻤﺆﻟﻢ ﻭﺩﻣﻌﺘﻬﺎ ﺍﻟﻠﻲ ﺣﺒﺴﺘﻬﺎ ﻓﻲ ﻣﺤﺠﺮ ﺍﻟﻌﻴﻦ ...🍃
🍁🍁🍁🍁🍁
ﻓﻲ ﺧﻴﻤﺔ ﺍﻟﺮﺟﺎﻟﻪ ..
ﻛﺎﻥ ﻓﻲ ﺗﺒﺎﺩﻝ ﻟﻠﻨﻈﺮﺍﺕ ﺍﻟﺤﺎﺩﺓ ﺑﻴﻦ ﻋﻤﺎﺭ ﻭﺣﻤﺰﺓ ..
ﻋﻤﺎﺭﻛﺎﻥ ﻳﻘﺎﻭﻡ ﻓﻲ ﻏﻀﺒﻪ ﺑﻘﻮﺓ .. ﻳﻌﻨﻲ ﻟﻮ ﺑﻴﺪﻩ ﺭﺍﻫﻮ ﻗﺘﻞ ﺣﻤﺰﺓ ..
ﻭﺣﻤﺰﺓ ﻣﺎﻛﺎﻧﺶ ﺣﺎﺱ ﺍﻧﻪ ﻏﻠﻂ ﻧﻬﺎﺋﻴﺎ ﻭﻛﺎﻧﺖ ﻋﻴﻨﻪ ﻗﻮﻳﻪ ﻫﻠﺒﻪ ﻭﻫﻮ ﻳﺸﻮﻑ ﻟﻌﻤﺎﺭ
ﻓﻲ ﺧﻴﻤﺔ ﺍﻟﻨﺴﺎﻭﻳﻦ
ﺩﻻﻝ ﻛﺎﻧﺖ ﺗﺒﺨﺮ ﻓﻲ ﺍﻟﺨﻴﻤﻪ ﻭﻫﻲ ﻻﺑﺴﻪ ﻗﻔﻄﺎﻥ ﻟﻮﻧﻪ ﺣﻠﻮﻱ ﻃﻮﻳﻞ ﻭﺑﺄﻛﻤﺎﻡ ﻭﻓﻴﻪ ﻓﺘﺤﻪ ﻣﻦ ﺍﻟﺨﻠﻒ ... ﻭﺍﺻﻠﻪ ﻷﻋﻠﻰ ﺍﻟﺴﺎﻕ ..
ﻭﻛﺎﻧﺖ ﻗﺎﻳﻤﻪ ﺷﻌﺮﻫﺎ ﻓﻮﻕ ﻭﻣﻨﺰﻟﻪ ﺧﺼﻼﺕ ..
ﻭﻣﻜﻴﺎﺟﻬﺎ ﻧﺎﻋﻢ ﻭﺣﻠﻮ ... ﻭﻻﺑﺴﻪ ﻃﺎﻗﻢ ﺫﻫﺐ ﻣﺶ ﻛﺒﻴﺮﻣﻦ ﻻﺯﻭﺭﺩﻱ ﻭﻛﺎﻥ ﺣﻠﻮ ﻫﻠﺒﻪ ...
ﻭﺣﻮﺍﻟﻴﻬﺎ ﺍﻟﺒﻨﺎﺕ ﻳﺮﺗﺒﻮﺍ ﻓﻲ ﺍﻟﺨﻴﻤﻪ ..
ﺭﺑﺎﺏ ﻻﺑﺴﻪ ﻗﻮﻧﻪ ﻣﺨﺼﺮﻩ ﺑﻴﻀﺎ ﻟﻌﻨﺪ ﻓﻮﻕ ﺍﻟﺮﻛﺒﻪ ﻭﻛﺖ ﻛﺘﺎﻓﻪ ﻃﺎﻳﺤﺎﺕ ﻣﻦ ﻧﻔﺲ ﺍﻟﻠﻮﻥ ﻣﻌﺪﺱ .. ﺷﻌﺮﻫﺎ ﻛﺎﻥ ﻣﻘﺼﻮﺹ ﺩﺍﻳﺮﺍﺗﻪ ﻛﻴﺮﻟﻲ ﻭﻣﻜﻴﺎﺟﻬﺎ ﺣﻠﻮ ﻫﻠﺒﻪ ﻭﻻﺑﺴﻪ ﺍﻛﺴﺴﻮﺭﺍﺕ ..
ﺍﻣﺎ ﺭﺍﻧﻴﺎ .. ﻗﻔﻄﺎﻥ ﺑﺴﻴﻮﺭ ﺭﻗﺎﻕ ﻗﺼﻴﺮ ﻟﻌﻨﺪ ﻧﺺ ﺍﻟﻔﺨﺪ ﻟﻮﻧﻪ ﻗﻬﻮﻱ ﻭﻣﻌﺪﺱ ...
ﻭﻃﺎﻟﻘﻪ ﺷﻌﺮﻫﺎ ﺍﻟﻠﻲ ﻛﺎﻥ ﻃﻮﻳﻞ ﻭﺣﻠﻮ ﺑﺎﻟﻤﺮﻩ .. ﻭﻣﻤﻜﻴﺠﻪ ﻣﻜﻴﺎﺝ ﺣﻠﻮ ﻭﻣﺮﻛﺰﺓ ﻉ ﻋﻴﻮﻧﻬﺎ ﺍﻛﺜﺮ ﺷﻲ .. ﻭﻛﺎﻧﺖ ﺍﻣﻴﺰﻫﻢ ﻛﻠﻬﻢ ...
ﻧﻮﺭ ﻛﺎﻧﺖ ﻻﺑﺴﻪ ﻗﻮﻧﻪ ﺟﻴﻨﺰ ﻗﺼﻴﺮﺓ ﻭﻛﺖ ﺍﺣﻤﺮ ﺷﻴﻔﻮﻥ ﻭﺭﺍﻓﻌﻪ ﺷﻌﺮﻫﺎ ﺩﻳﻞ ﺣﺼﺎﻥ ﻭﻣﻨﺰﻟﻪ ﺧﺼﻼﺕ ..
ﺍﻣﺎ ﺭﻓﻘﻪ ﺳﺮﻭﺍﻝ ﻛﺘﺎﻥ ﺍﺳﻮﺩ ﻭﻣﺤﺸﻴﻪ ﻓﻴﻪ ﺑﻠﻮﺯﺓ ﺑﻴﻀﺎ ﺭﻳﻊ ﻛﻢ ﻣﻦ ﺟﻬﺔ ﺍﻟﺼﺪﺭ ﻻﻣﺎﻉ ... ﻭﺩﺍﻳﺮﻩ ﺷﻌﺮﻫﺎ ﻓﻠﻮ ...
ﻭﻋﻤﺘﻨﺎ ﺭﺯﺍﻥ .. ﻓﻘﻄﺎﻥ ﻧﺎﻋﻢ ﻟﻌﻨﺪ ﻓﻮﻕ ﺍﻟﺮﻛﺒﻪ ﻭﺍﺳﻊ ﻟﻮﻧﻪ ﺍﺯﺭﻕ ﻛﺤﻠﻲ ﻭﻣﻦ ﻋﻨﺪ ﺍﻟﺮﻗﺒﻪ ﻓﻴﻪ ﺭﺑﻄﻪ ﺳﺘﺎﻥ ﻣﺮﺑﻮﻃﻪ ﻉ ﺭﻗﺒﺘﻬﺎ ﺑﺎﻟﺠﻨﺐ .. ﻭﻣﻦ ﻏﻴﺮ ﺍﻛﻤﺎﻡ ... ﻭﺩﺍﻳﺮﻩ ﺷﻌﺮﻫﺎ ﻓﻠﻮ ﻭﻣﻜﺤﻠﻪ ﻋﻴﻮﻧﻬﺎ .
ﻭﻛﺎﻧﺖ ﺁﻳﻪ ﻣﻦ ﺍﻟﺠﻤﺎﻝ ﻭﺗﺒﺎﻥ ﺍﻛﺒﺮ ﻣﻦ ﻋﻤﺮﻫﺎ ...
ﺑﺎﻟﻨﺴﺒﻪ ﻟﻠﻜﺒﻴﺮﺍﺕ ..
ﻛﺎﻧﻮﺍ ﻛﻠﻬﻢ ﻻﺑﺴﺎﺕ ﺩﺷﺪﺷﺎﺕ ﻣﺎﻋﺪﺍ ﺍﺻﺎﻟﻪ ﺑﺪﻟﺔ ﺳﺮﻭﺍﻝ ﺻﻴﻔﻴﻪ .. ﻭﺯﻳﻨﺐ ﺍﻟﻠﻲ ﻗﻠﻌﺖ ﺍﻟﺪﻧﻴﺎ ﻭﻟﺒﺴﺖ ﺑﻠﻮﺯﺓ ﺣﻠﻮﺓ ﻭﻗﻮﻧﻪ ﻗﺼﻴﺮﺓ ﻟﻔﻮﻕ ﺍﻟﺮﻛﺒﻪ ﻭﺩﺍﺭﺕ ﺷﻌﺮﻫﺎ ﻉ ﺟﻨﺐ ﻭﻃﻠﻌﺖ ﻃﻠﻌﻪ ﻣﺶ ﻋﺎﺩﻳﻪ ..
ﺯﻳﻨﺐ ﺍﻟﻮﺣﻴﺪﻩ ﺍﻟﻠﻲ ﻣﻦ ﺑﻴﻦ ﺧﻮﺍﺗﻬﺎ ﻣﺎﻳﺒﺎﻧﺶ ﻓﻴﻬﺎ ﺍﺑﺪﺍ ﺍﻟﻜﺒﺮ ..
ﻛﻔﺎﻳﻪ : ﺣﻴﻴﻴﻲ ﻋﻠﻴﺎ ﻳﺎﻧﻬﺎﺭﻱ ﻛﺮﻫﺘﻴﻨﻲ ﻓﺮﻭﺣﻲ ..
ﻧﻌﻴﻤﻪ ﺑﻀﺤﻜﻪ : ﺻﺤﻪ ﻹﻳﺪﻫﺎ ﻣﻬﺘﻤﻪ ﺑﺮﻭﻳﺤﺘﻬﺎ ..
ﺯﻳﻨﺐ ﻭﻫﻲ ﺗﺮﻗﺺ ﻓﻲ ﺣﻮﺍﺟﺒﻬﺎ : ﺻﻘﻊ ﻋﻠﻴﻜﻢ ..
ﺿﺤﻜﻮﺍ ﻛﻠﻬﻢ ..
ﺍﻣﻴﻨﻪ ﺑﺈﺑﺘﺴﺎﻣﻪ : ﻭﺍﻟﻠﻪ ﺣﻖ ﻳﺎﺯﻳﻨﺐ ﻣﺎﺷﺎﺀ ﺍﻟﻠﻪ ﻣﺎﻳﺒﺎﻧﺶ ﻋﻠﻴﻚ ﻋﻤﺮﻙ ..
ﺍﺑﺘﺴﻤﺖ ﺯﻳﻨﺐ : ﺗﺴﻠﻤﻲ ﺣﺒﻴﺒﺘﻲ ..
ﻃﺒﻌﺎ ﺍﻟﻨﺴﺎﻭﻳﻦ ﺍﻟﻜﺒﺎﺭ ﺗﺮﻛﻴﺒﺎﺕ ... ﻣﺎﻋﺪﺍ ﻓﺎﻃﻤﻪ ﻗﻔﻄﺎﻥ ﻣﻨﺎﺳﺒﻪ ﻓﻮﻕ ﺭﺩﻱ ﺣﺮﻳﺮ ﻣﺪﺍﻳﺮﺍﺗﻪ ﺑﻄﺮﻳﻘﻪ ﻋﺎﺩﻳﻪ ﺟﺪﺍ ﻛﻴﻒ ﻣﺎﺗﻌﻮﺩﺕ ﺗﻠﺒﺲ ﺍﻟﺮﺩﻭﺍﺕ ﺍﻟﻌﺎﺩﻳﻪ .. ﻣﺶ ﺯﻱ ﻣﺎﻫﻮ ﻣﻌﺮﻭﻑ ..
💕 ﺑﺪﻭﺍ ﺍﻟﻨﺎﺱ ﻳﺠﻮﺍ ...
ﻭﻛﺎﻧﺖ ﺣﻤﻴﺪﻩ ﻣﻘﻌﻤﺰﺓ ﻓﻲ ﺍﻟﺨﻴﻤﻪ ﻭﺍﻟﻜﻞ ﻳﻬﺪﺭﺯﻭﺍ ﻋﻠﻴﻬﺎ ..
ﻟﻌﻨﺪ ﻣﺎﺳﻤﻌﻮﺍ ﺻﻮﺕ ﻛﻼﻛﺴﺎﺕ ...
ﻃﻮﻝ ﺧﻮﺍﺗﻬﺎ ﻣﺸﻮﺍ ﻳﺴﺘﻘﺒﻠﻮﺍ ﻓﻲ ﻋﺮﺏ ﺍﻟﻜﺴﻮﺓ ﻭﻣﻌﺎﻫﻢ ﺍﻣﻬﻢ ..
ﺟﺖ ﺍﻣﻪ ﻭﺯﻭﺯ ﻣﻦ ﻋﻤﺎﺗﻪ ﻭﻧﺴﺎﻭﻳﻦ ﺧﻮﺍﻟﻪ ﻣﻌﻨﺪﺍﺵ ﺧﺎﻻﺕ .. ﻭﺧﻮﺍﺗﻪ ﻛﻠﻬﻢ .. ﻭﺟﺎﻳﺒﻴﻦ ﻛﺴﻮﺓ ﺗﺤﻞ ﺍﻟﻌﻴﻦ ﺍﻟﻤﻐﻤﻀﻪ ..
ﺍﻟﺒﻨﺎﺕ ﺗﻔﺎﺟﺌﻮﺍ ﺑﻴﻬﺎ ..
ﻉ ﺧﺸﺔ ﺳﻌﻴﺪﻩ ﻭﺧﻮﺍﺗﻬﺎ ﺍﻟﻠﻲ ﺍﻧﺼﺪﻣﻮﺍ ﻓﻲ ﻃﺎﺑﻮﺭ ﺍﻟﺴﻮﺍﺑﻴﺖ ﺍﻟﻠﻲ ﻛﺎﻧﻮﺍ ﻉ ﻫﻴﺌﺔ ﺻﺪﻓﻪ .. ﻣﻌﺒﻴﺎﺕ ﺣﺘﻰ ﻣﻦ ﺍﻟﻔﻴﻠﻮ ﻣﻌﺎﻫﻢ ..
ﻭﻃﺒﻌﺎ ﻛﺎﻧﺖ ﺍﻟﺪﺭﺑﻮﻛﻪ ﺷﻐﺎﻟﻪ ﻭﺍﻟﻐﻨﻲ ﻭ ﺍﻟﺰﻏﺎﺭﻳﻂ ﻭﺍﻟﺪﻧﻴﺎ ﺷﺎﻳﺸﻪ 🎶🎶🎶🎶🎶🎉🎉🎉...
ﺑﻌﺪ ﺍﻟﺸﻮﻁ ..
ﻗﻌﻤﺰﻭﺍ ﻋﺮﺏ ﺍﻟﻜﺴﻮﺓ ﻭﺑﺪﻭﺍ ﻳﻔﺮﻗﻮﺍ ﻋﻠﻴﻬﻢ ﻓﻲ ﺍﻟﻀﻴﺎﻓﻪ ..
ﻓﻲ ﺍﻟﻜﻮﺟﻴﻨﻪ .
ﻛﺎﻧﺖ ﻏﺎﻟﻴﻪ ﻭﺍﻗﻔﻪ ﺑﻘﻔﻄﺎﻥ ﺣﻮﺵ ﻭﻻﺑﺴﻪ ﻣﺤﺮﻣﻪ ﻉ ﺭﺍﺳﻬﺎ ..
ﻏﺎﻟﻴﻪ : ﺧﻮﺩﻱ ﺭﺯﺍﻥ ﺍﻟﺼﻔﺮﻩ ﻫﺪﻱ ﻃﻠﻌﻴﻬﺎ ﻟﺮﻣﺰﻱ ﻣﻦ ﺑﺎﺏ ﺍﻟﺤﻮﺵ ﺍﻟﻘﺪﺍﻣﻲ ..
ﺧﺪﺕ ﺭﺯﺍﻥ ﺍﻟﺼﻔﺮﻩ ﻭﻃﻮﻝ ﻣﺸﺖ ﺗﺠﺮﻱ ﻟﻠﺒﺎﺏ ..
ﻗﻌﺪﺕ ﺍﺩﻭﺭ ﻣﺎﻟﻘﺖ ﺣﺪ ..
ﺭﺯﺍﻥ : ﻭﻳﻨﻪ ﺭﻣﺰﻱ ﻫﺪﻯ ..
" ﻏﺎﻟﻴﻪ "
ﻏﻤﻀﺖ ﻋﻴﻮﻧﻬﺎ ﺑﺸﺪﻩ : ﻧﻬﺎﺭ ﺍﺳﻮﺩ ..
ﺑﺎﻥ ﻋﻠﻴﻬﺎ ...
ﻫﻲ ﺷﺒﺤﺘﻠﻪ ﻭﻣﺪﺗﻬﺎ : ﺧﻮﺩ ﻫﺎﻙ ..
ﺍﻣﺎ ﻫﻮ ﻓﻜﺎﻥ ﺧﺎﺭﺝ ﺍﻟﺘﻐﻄﻴﻪ ..
ﻭﺍﻗﻒ ﻳﺸﻮﻓﻠﻬﺎ ﺑﺮﻓﻌﺔ ﺣﻮﺍﺟﺐ ﻭﻣﺴﺘﻮﻩ ﺑﺎﻟﻤﺮﻩ 💓..
ﺭﺯﺍﻥ ﺑﺈﻧﺰﻋﺎﺝ : ﺧﻮﺩ ﻫﺎﻙ ...
ﻋﻤﺎﺩ : ﺷﻦ ﻳﻮﻛﻞ ﻓﻴﻚ ﺧﺎﻟﻲ ؟؟ 💓!!
ﺭﺯﺍﻥ ﺷﺒﺤﺘﻠﻪ ﺑﺤﺪﻩ ﻭﺣﻄﺘﻬﺎ ﻉ ﺍﻟﺮﻛﺎﺑﻪ ﻭﻟﻔﺖ ﻭﺧﺸﺖ ﻃﻮﻝ ..
ﻭﻫﻮ ﻣﻌﺎﻫﺎ ﺑﻌﻴﻮﻧﻪ ﻟﻴﻦ ﺍﺧﺘﻔﺖ ..
ﻋﻤﺎﺩ ﺗﻨﻬﺪ ﻭﺯﻓﺮ ﺑﻘﻮﺓ ﻭﻗﺎﻝ : ﺇﻥ ﺷﺎﺀ ﺍﻟﻠﻪ ﺧﻴﺮ 💕
ﺗﻲ ﻻﻳﺎﻭﺩﻱ ﻫﺪﺍ ﻋﻤﺎﺩ ﻣﺶ ﻋﻤﺎﺭ 😂😥
ﻧﺒﺼﺮ ﻋﻠﻴﻜﻢ ﻣﺎﻗﺎﻟﺶ ﻫﻜﻲ 😁
ﻋﻤﺎﺩ ﺗﻨﻬﺪ ﻭﻗﺎﻝ : ﺷﻜﻠﻲ ﺑﻨﺘﻬﻮﺭ ﻭﻧﻜﻠﻢ ﺧﺎﻟﻲ ﻣﻴﻼﺩ 💓
ﺧﺪﻱ ﺍﻟﺼﻔﺮﻩ ﻭﻣﺸﻲ ﻭﻣﺎﺯﺍﻝ ﻗﺎﻋﺪ ﻳﺘﺨﺎﻳﻞ ﻓﻴﻬﺎ ﺑﺎﻟﺬﺍﺕ ﻧﻈﺮﻩ ﻋﻴﻮﻧﻬﺎ ... ﻭﻋﻴﻮﻧﻬﺎ 💓
💕💕💕💕
ﺑﻌﺪ ﺗﻌﺸﻮﺍ ﺍﻟﻨﺎﺱ ...
ﺟﻲ ﺍﻟﻮﻗﺖ ﺍﻟﻠﻲ ﺑﻴﻄﻠﻌﻮﺍ ﻓﻴﻪ ﺣﻤﻴﺪﻩ ﻭﻫﻲ ﻣﻐﻄﻴﻪ ..
ﺑﺲ ﻃﺒﻌﺎ ﻋﺎﺩﻩ ﻫﺪﻳﻜﺎ ﺍﻟﻤﺪﻳﻨﻪ ﺍﻧﻬﺎ ﺗﺘﻐﻄﺎ ﺑﺎﻟﻔﺮﺷﺎﻳﻪ ..
ﻟﺒﺴﻮﻫﺎ ﺧﻮﺍﺗﻬﺎ ﺍﻟﻔﺮﺍﺷﻴﻪ ﻭﻏﻄﻮﻫﺎ ﺑﻴﻬﺎ ...
ﺷﺪﻭﻫﺎ ﻛﻔﺎﻳﻪ ﻭﻧﻌﻴﻤﻪ ﻳﻄﻠﻌﻮﺍ ﻓﻴﻬﺎ ..
ﻭﻗﺪﺍﻣﻬﻢ ﺭﺑﺎﺏ ﺑﺎﻟﻤﺮﺍﻳﻪ ...
ﻭﻧﻮﺭ ﺷﺎﺩﻩ ﻣﺘﺎﻉ ﺍﻟﺸﻤﺎﻋﻲ ﻓﻲ ﻳﺪﻫﺎ ..
ﻭﻛﺎﻧﺖ ﻓﻀﻴﻠﻪ ﺍﺩﺭﺑﻚ ..
ﻃﻠﻌﻮﻫﺎ ﺑﺎﻷﻏﺎﻧﻲ ...
ﺧﻄﻤﺖ ﻗﺪﺍﻡ ﻏﺎﻟﻴﻪ ﺍﻟﻠﻲ ﻛﺎﻧﺖ ﻧﻈﺮﺓ ﻋﻴﻨﻬﺎ ﻓﺮﺣﻪ ﻣﻤﺰﻭﺟﻪ ﺑﺎﻟﺤﺰﻥ ..
ﻭﻃﻠﻌﺖ ﻃﻮﻝ ﻣﻌﺎﻫﻢ ..
ﺩﺧﻠﻮﻫﺎ ﻟﻠﺨﻴﻤﻪ ...
ﻭﻛﺎﻥ ﻓﻲ ﻛﺮﺳﻲ ﻓﻲ ﺍﻟﻨﺺ ...
ﻗﻌﺪﻭﺍ ﻳﺪﻭﺭﻭﺍ ﺑﻴﻬﺎ ﻭﻳﻐﻨﻮﺍ ...
ﺩﻭﺭﻭﺍ ﺑﻴﻬﺎ ﺩﻭﺭﻭﺍ ﺑﻴﻬﺎ .. ﻭﺇﻥ ﺷﺎﺀ ﺍﻟﻠﻪ ﺍﻟﺴﻌﺪ ﻳﻮﺍﺗﻴﻬﺎ ...
ﻛﺎﻥ ﺷﻌﻮﺭ ﺣﻤﻴﺪﻩ ﻣﺨﺘﻠﻂ .. ﺑﻴﻦ ﻓﺮﺣﻪ ...
ﻭﺣﺰﻥ ﻷﻧﻬﺎ ﺣﺘﻔﺎﺭﻕ ﺍﻫﻠﻬﺎ ..
ﻭﺧﻮﻑ .. ﻃﺒﻴﻌﻲ ﻷﻧﻬﺎ ﺑﺘﺨﺶ ﺣﻴﺎﺓ ﺟﺪﻳﺪﻩ ..
ﺩﻣﻮﻋﻬﺎ ﻧﺰﻟﻮﺍ ﻻﺇﺭﺍﺩﻳﺎ ... ﻣﻦ ﺍﻟﻠﻲ ﺗﺤﺲ ﺑﻴﻪ ..
ﺑﻌﺪ ﺩﺍﺭﻭ ﺑﻴﻬﺎ ﺍﻟﺴﺒﻊ ﺩﻭﺭﺍﺕ ..
ﻭﻗﻔﻮﻫﺎ ﻗﺪﺍﻡ ﺍﻟﻜﺮﺳﻲ ...
ﻛﻔﺎﻳﻪ : ﺯﻳﻨﺐ .. ﺍﺷﺮﺗﻠﻬﺎ ﺑﺤﻮﺍﺟﺒﻬﺎ .. ﻫﻴﺎ ﺍﻧﺖ ﺍﺻﺢ ﻭﺣﺪﻩ ﻓﻴﻨﺎ ..
ﺿﺤﻜﻮﺍ ..
ﻭﺯﻳﻨﺐ ﻭﻫﻲ ﺗﻀﺤﻚ ﺣﻮﻟﺖ ﺍﻟﺼﻨﺪﻝ ﺍﻟﻠﻲ ﻛﺎﻧﺖ ﻻﺑﺴﺎﺗﻪ ..
ﻭﻗﺪﻣﺖ ﻷﺧﺘﻬﺎ ... ﺣﺎﻭﻃﺘﻬﺎ ﻭﻗﻌﺪﺕ ﺗﺮﻓﻊ ﻭﺗﻨﺰﻝ ..
ﺑﺼﻮﺕ ﻭﺍﺣﺪ ...
ﻭﺍﺣﺪ ... ﺍﺗﻨﻴﻦ ... ﺗﻼﺗﻪ ... ﺍﺭﺑﻌﻪ ... ﺧﻤﺴﻪ ... ﺳﺘﻪ .... ﺳﺒﻌﻪ ...
ﺯﻳﻨﺐ ﻓﻜﺘﻬﺎ ﻭﻫﻲ ﺗﻀﺤﻚ ﻭﺩﺍﻫﺸﻪ ..
ﻭﻓﻲ ﺍﻟﻠﻲ ﻳﻀﺤﻚ ﻭﺍﻟﻠﻲ ﻳﺰﻏﺮﻁ ...
ﻗﻌﻤﺰﻭﺍ ﺣﻤﻴﺪﻩ ﻉ ﺍﻟﻜﺮﺳﻲ ...
ﻭﺑﺪﻭﺍ ﻳﻐﻨﻮﺍ ﻣﻦ ﺟﺪﻳﺪ .. ﻭﻳﺸﺘﻮﺍ ﻋﻠﻴﻬﺎ ﻭﻧﺎﺿﻮﺍ ﺍﻫﻞ ﺭﺍﺟﻠﻬﺎ ﻛﺬﻟﻚ ..
ﺧﻮﺍﺗﻬﺎ ﻭﺟﻴﺮﺍﻧﻬﺎ ...
ﻳﺎﻣﺒﺮﻭﻙ ﻋﻠﻰ ﻏﺎﻟﻴﺘﻲ ﺣﻄﻴﺘﻚ ﻭﻳﻦ ﺗﻬﻨﻴﺘﻲ ..
👏👏👏👏👏👏👏👏👏
ﺍﻫﻞ ﺍﻟﻌﺮﻳﺲ ..
ﻫﻮ ﺭﻳﻢ ﻭﻫﻲ ﺭﻳﻤﻪ .. ﺍﻥ ﺷﺎﺀ ﺍﻟﻠﻪ ﺑﻌﺸﺮﺓ ﻋﻤﺮﻩ ﺩﻳﻤﺎ .
👏👏👏👏👏👏👏👏👏
ﺍﻫﻠﻬﺎ ..
ﻳﺎﻣﺒﺮﻭﻙ ﻉ ﺍﻟﻮﺩﺍﺩﻩ ﺍﻥ ﺷﺎﺀ ﺍﻟﻠﻪ ﺗﻌﻴﺶ ﺍﻳﺎﻡ ﺳﻌﺎﺩﻩ
👏👏👏👏👏👏👏👏
ﺍﻫﻠﻪ
ﺍﻟﻐﺎﻟﻲ ﻧﺎﻭﻳﻠﻚ ﻉ ﺍﻟﺮﺍﺣﻪ .. ﺩﺍﻳﺮﻟﻚ ﺣﻮﺵ ﺑﻤﻔﺘﺎﺣﻪ ..
👏👏👏👏👏👏👏👏
ﺍﻫﻠﻬﺎ
ﻳﺎﺳﻠﻢ ﻛﺮﻛﺎﺭ ﻋﺒﺎﺗﻪ .. ﻳﻌﺮﻑ ﻭﻳﻦ ﻳﺤﻂ ﺑﻨﺎﺗﻪ ..
ﺯﻳﻨﺐ : ﺍﻳﻴﻴﻴﻴﻴﻴﻴﻴﻴﻴﻴﻴﻴﻪ .. ﻭﺗﺤﺮﻙ ﻓﻴﺪﻫﺎ
ﺳﻌﻴﺪﻩ ﺗﺼﻔﻖ ﻭﺗﺸﻮﻓﻠﻬﺎ ﻣﻦ ﻓﻮﻕ ﻟﻠﻮﻃﺎ ...
" ﻃﺒﻌﺎ ﺳﻌﻴﺪﻩ ﻻﺑﺴﻪ ﺗﺮﻛﻴﺒﻪ "
👏👏👏👏👏👏👏👏
ﺍﻫﻠﻪ
ﻗﻴﺴﻚ ﻉ ﺍﻟﺼﻼﻳﻪ ﺩﻳﻤﺎ ... ﺣﺼﻠﺘﻲ ﺳﻤﺢ ﺗﺒﺴﻴﻤﻪ
👏👏👏👏👏👏👏👏
ﺍﻫﻠﻬﺎ ..
ﺳﻠﻢ ﻣﻴﻤﺘﻬﺎ ﺍﻟﺮﺑﺎﻳﻪ ... ﻓﻴﻬﺎ ﻋﻴﻦ ﺗﻘﻮﻝ ﻣﺮﺍﻳﻪ ..
ﺯﻳﻨﺐ : ﻫﻴﻴﻴﻬﻪ .. ﻫﻴﻴﻴﻴﻴﻬﻪ ...
ﺳﻌﻴﺪﻩ 😑:
👏👏👏👏👏👏👏👏
ﺍﻫﻠﻪ ..
ﺣﺼﻠﺘﻴﻪ ﻭﻟﺪ ﺻﺤﺮﻭﺍﻱ .. ﻻﻳﺴﻜﺮ ﻻﻳﺨﺶ ﻗﻬﺎﻭﻱ ..
👏👏👏👏👏👏
ﺯﻳﻨﺐ ..
ﻗﻮﻟﻲ ﻟﻠﺤﺴﺎﺩ ﺧﺪﻳﺘﻪ .. ﺗﺎﺝ ﻉ ﺭﺍﺳﻲ ﺣﻄﻴﺘﻪ ..
ﻭﻳﻌﻴﻄﻮﺍ ﺑﺼﻮﺕ ﻭﺍﺣﺪ ﻭﻳﻌﺎﻭﺩﻭﻫﺎ ﺍﻛﺜﺮ ﻣﻦ ﻣﺮﺓ ..
ﺳﻌﻴﺪﻩ ﺍﻣﺎﻝ ﻋﺰﻳﺰﺓ ﻭﻫﻤﺎ ﻳﺼﻔﻘﻮﺍ 😒😒😒:
ﻭﻃﺒﻌﺎ ﺑﻌﺪ ﺷﻮﻁ ﺍﻟﺸﺘﺎﻭﺍﺕ ﺍﻟﻠﻲ ﻛﺎﻥ ﺍﺷﺒﻪ ﺑﺎﻟﺤﺮﺏ ﺍﻟﺒﺎﺭﺩﺓ😁
ﺟﻲ ﻭﻗﺖ ﻭﺣﺪﻩ ﻣﻦ ﺍﻟﻌﺎﺩﺍﺕ ﺍﻟﻤﻌﺮﻭﻓﻪ ..
ﻓﻜﺖ ﺣﻤﻴﺪﻩ ﻣﺤﺮﻣﺘﻬﺎ ﻣﻦ ﻉ ﺭﺍﺳﻬﺎ ...
ﻭﻣﺪﺗﻬﺎﻟﻬﻢ ﻣﻦ ﻓﺘﺤﻪ ﺍﻟﻔﺮﺷﺎﻳﻪ ..
ﺧﺪﺗﻬﺎ ﻟﻄﻴﻔﻪ ﻭﺟﺖ ﻭﻗﻔﺖ ﻭﺭﺍﻫﺎ ..
ﺧﺪﺕ ﺣﻤﻴﺪﻩ ﻛﻤﺸﻪ ﻣﻦ ﺣﻨﻪ ﺍﻟﻮﺭﻕ .. ﻭﻗﻌﺪﺕ ﺗﻤﺪ ﻓﻴﻬﺎ ﻭﺭﺍﻫﺎ ﻭﺗﺤﻄﻬﺎ ﻓﻮﺳﻂ ﺍﻟﻤﺤﺮﻣﻪ ..
ﺍﻟﺤﻖ ﻣﺎﻧﻌﺮﻓﺶ ﺍﻟﻤﻐﺰﻯ ﻣﻨﻬﺎ 😅
ﺍﻟﻤﻬﻢ ...
ﺑﻌﺪ ﻫﺎﻻﺟﻮﺍﺀ ﺍﻟﺤﻠﻮﺓ ...
ﺩﺧﻠﻮﺍ ﺣﻤﻴﺪﻩ ﺩﺍﺧﻞ ...
ﻭﻋﺮﺏ ﺍﻟﻜﺴﻮﺓﻗﺎﻟﻮﻟﻬﻢ ﻫﻴﺎ ..
ﻓﺮﻗﻮﺍ ﻋﻠﻴﻬﻢ ﺑﺎﻛﻮﺍﺕ ﺣﻠﻮﻳﺎﺕ .. ﻭﻣﻜﺴﺮﺍﺕ ...
ﻭﺳﻘﺪﻭﻫﻢ ﺑﺎﻷﻏﺎﻧﻲ ﻭﺍﻟﺰﻏﺎﺭﻳﻂ ..
ﻭﺷﻮﻳﻪ ﻭﺍﻟﻨﺎﺱ ﺣﺘﻰ ﻫﻤﺎ ﺭﻭﺣﻮﺍ ﺑﺶ ﺑﻴﻮﻟﻮﺍ ﻓﻲ ﺍﻟﻠﻴﻞ ..
ﻭﺍﻫﻞ ﺍﻟﻌﺮﺱ ﺧﺸﻮﺍ ﻳﺒﺪﻟﻮﺍ ...
ﺭﺍﻧﻴﺎ ﻛﺎﻧﺖ ﻗﺎﻋﺪﻩ ﺑﻘﻔﻄﺎﻧﻬﺎ ﻓﻲ ﺍﻟﻜﻮﺟﻴﻨﻪ ﺗﺎﺧﺪ ﻟﺮﻣﺰﻱ ﻣﻦ ﻛﻞ ﺷﻲ ﻭﺍﺩﺱ ...
ﻭﻓﻲ ﻫﺎﻟﻠﺤﻈﻪ ﺍﻟﺴﻴﺪ ﺭﻣﺰﻱ ﺟﺎﻱ ﻟﻠﺤﻮﺵ ﺑﺶ ﺑﻴﻌﻄﻲ ﺣﻤﻴﺪﻩ ﺍﻟﻜﺮﺕ ﺍﻟﻠﻲ ﻃﻠﺒﺎﺗﻪ ﻣﻨﻪ ..
ﻉ ﻃﻠﻌﺔ ﺭﺍﻧﻴﺎ ﻣﻦ ﺍﻟﻜﻮﺟﻴﻨﻪ ..
ﺍﻧﺼﺪﻣﺖ ﺑﻴﻪ ﻓﻢ ﺍﻟﺒﻮﺍﺑﻪ ..
ﻫﻮ ﻭﺟﻬﻪ ﻭﻻ ﺍﺣﻤﺮ ﻣﺎﻗﺪﺭﺵ ﻳﻤﻨﻊ ﻧﻔﺴﻪ ﻣﻦ ﺍﻟﻨﻈﺮ 💓
ﻗﻠﺒﻪ ﺑﻴﺸﻖ ﺻﺪﺭﻩ ﻣﻦ ﻗﻮﺓ ﺍﻟﺪﻕ ﺍﻭﻝ ﻣﺮﺓ ﻳﺸﻮﻓﻬﺎ ﻫﻜﻲ 💕💓
ﻫﻲ ﻃﻮﻝ ﺧﺸﺖ ﺗﺠﺮﻱ ﻭﺗﺮﻋﺶ ﻣﻊ ﺑﻌﻀﻬﺎ ..
ﺍﻧﺨﺒﻄﺖ ﻓﻲ ﺩﻻﻝ ﺑﻄﺮﻳﻘﻬﺎ ..
ﻭﻗﻔﺘﻬﺎ ﻭﻗﺎﻟﺖ : ﺧﻴﺮﻙ ﺗﺮﻋﺸﻲ ﻭﻭﺟﻬﻚ ﺍﺻﻔﺮ؟ !!
ﺭﺍﻧﻴﺎ ﺑﺨﺠﻞ ﻭﺭﺑﻜﻪ : ﺭﻣﺰﻱ .. ﺷﺎﻓﻨﻲ ﻫﻜﻲ !
ﺩﻻﻝ : ﻫﻬﻬﻬﻬﻬﻪ .. ﻳﺎﻧﺎﺭﻱ ﻉ ﻭﻟﺪ ﺧﺎﻟﻲ ﻣﺴﻜﻴﻦ ..
ﺭﺍﻧﻴﺎ ﺑﺨﺠﻞ ﺷﺪﻳﺪ : ﺩﻻﺍﺍﻝ ..
ﻭﺩﻻﻝ ﺗﻀﺤﻚ ﻭﺧﻼﺹ ..
" ﻏﺎﻟﻴﻪ "
ﺭﺍﻧﻴﺎ ﻏﻤﻀﺖ ﻋﻴﻮﻧﻬﺎ ﺑﺸﺪﻩ ﻭﺩﻻﻝ ﺗﻀﺤﻚ ﻋﻠﻴﻬﺎ .. ﻉ ﺟﻴﺔ ﻏﺎﻟﻴﻪ ﺭﻛﺰﺕ ﻋﻠﻴﻬﻢ ﻭﻭﻗﻔﺖ ﻗﺎﻟﺖ ﺑﻀﺤﻜﻪ : ﺧﻴﺮﻛﻦ ! ؟
ﺩﻻﻝ ﺑﻀﺤﻜﻪ : ﺣﺒﻴﺐ ﺍﻟﻘﻠﺐ ﺷﺎﻓﻬﺎ ﻫﺎﻟﺸﻮﻓﻪ ..
ﻏﺎﻟﻴﻪ ﺿﺤﻜﺖ ﺑﻌﻀﺔ ﺷﺎﺭﺏ : ﻗﻠﺐ ﺭﻣﻮﺯﻩ ﺍﻟﻴﻮﻡ ﻣﺎﻏﻴﺮ ﺗﺎﻛﻞ ﻓﻴﻪ ﺍﻟﻨﺎﺭ ﻭﺧﻼﺹ ..
ﺭﺍﻧﻴﺎ ﺑﺨﺠﻞ : ﻣﺒﺮﺩﻛﻢ .. ﻭﺧﺸﺖ ﻟﻠﺪﺍﺭ ﻃﻮﻝ ..
ﻟﺤﻘﺘﻬﺎ ﺩﻻﻝ ﻭﻫﻲ ﺗﻀﺤﻚ ..
ﻭﻃﻠﻌﺖ ﻏﺎﻟﻴﻪ ﻭﻫﻲ ﺗﻀﺤﻚ ﻟﺮﻣﺰﻱ ..
ﺷﺎﻓﺎﺗﻪ ﻛﻴﻒ ﻭﺟﻬﻪ ﻣﻮﻟﻲ ﺍﺣﻤﺮ ﻭﻗﺎﺭﻥ ﺣﻮﺍﺟﺒﻪ ﻭﻣﻠﺨﺒﻂ ﻣﺪ ﺍﻟﻜﺮﺕ ﻟﻐﺎﻟﻴﻪ ﻭﻗﺎﻝ : ﻋﻄﻴﻪ ﻟﺤﻤﻴﺪﻩ ..
ﺧﺪﺍﺗﻪ ﻏﺎﻟﻴﻪ .. ﻭﻫﻮ ﻓﺎﺕ ﻃﻮﻝ ..
ﻏﺎﻟﻴﻪ : ﻳﺎﻭﺍﻟﻠﻪ ﻋﻠﻴﻚ ﺭﻣﺰﻱ .. ﺿﺤﻜﺖ ﻭﻟﻔﺖ ﻭﺧﺸﺖ ﺩﺍﺧﻞ ..
🍁🍁🍁🍁🍁
ﺑﻌﺪ ﺍﻟﻤﻐﺮﺏ ..
ﻭﺍﻗﻒ ﺑﻌﻴﺪ ﻉ ﺍﻟﻤﺮﺑﻮﻋﻪ ﻭﻫﻮ ﻳﺸﻮﻑ ﻟﻠﻮﺍﺩﻱ ﻳﺘﻜﻠﻢ ﺑﺎﻟﺘﻠﻴﻔﻮﻥ .
ﻫﺎﻧﻴﺒﺎﻝ : ﻟﺒﺲ ﻣﻠﺨﺒﻂ ﻻ ..
ﻣﺠﺪﻭﻟﻴﻦ ﺑﻀﺤﻜﻪ : ﻳﺎﻭﺩﻱ ﻭﺍﻟﻠﻪ ﻉ ﺧﺎﻃﺮﻙ ﺷﺮﻳﻨﺎ ﺍﻟﻤﺴﺘﻮﺭ ..
ﻫﺎﻧﻴﺒﺎﻝ : ﻳﺎﺻﻔﺮﺍ ﺍﻧﺘﻲ ﻻﺯﻡ ﺗﺎﺧﺪﻱ ﻉ ﺍﻟﻮﺿﻊ ﻣﻦ ﺗﻮ ..
ﻣﺠﺪﻭﻟﻴﻦ : ﺑﺄﻣﺮﻙ ﺣﺒﻴﺒﻲ ..
ﺍﺑﺘﺴﻢ ﻉ ﺟﻨﺐ ...
ﻣﺠﺪﻭﻟﻴﻦ : ﺍﺣﻤﻢ .. ﺑﺎﻫﻲ ﻧﻘﺪﺭ ﻧﺸﻮﻓﻚ ﻟﻤﺎ ﻧﺠﻲ ..
ﻫﺎﻧﻴﺒﺎﻝ ﻭﻫﻮ ﻳﻮﺯﻉ ﻓﻲ ﻧﻈﺮﻩ ﻉ ﺍﻟﻮﺍﺩﻱ : ﺗﻮ ﻧﺸﻮﻑ
🍃 ﻓﻲ ﻧﻔﺲ ﺍﻟﻮﻗﺖ ..
ﻛﺎﻧﺖ ﻣﻘﻌﻤﺰﺓ ﻓﻲ ﺩﺍﺭﻫﺎ ...
ﻛﻞ ﺷﻮﻳﻪ ﺗﺘﺄﻣﻞ ﻓﻲ ﺻﻮﺭﺗﻬﺎ ﺍﻟﻠﻲ ﺷﺎﻓﻬﺎ .. ﻭﺗﺘﺴﺄﻝ ﺣﻠﻮﺓ ﺍﻟﺼﻮﺭﺓ؟ ! ﺷﻜﻠﻲ ﻋﺠﺒﺘﻪ ﻫﺪﻯ ﻟﻴﺶ ﻗﺎﻝ ﺍﻣﺴﺤﻴﻬﺎ؟ !
ﺑﻌﺪﻳﻦ ﺗﻘﻌﺪ ﺗﺤﺮﻙ ﻓﺮﺍﺳﻬﺎ ﺍﻳﻤﻴﻦ ﻭﻳﺴﺎﺭ ﺑﺴﺮﻋﻪ ﻭﻫﻲ ﻣﻐﻤﻀﻪ ﻋﻴﻮﻧﻬﺎ ﺑﺸﺪﻩ .. ﺗﺤﺎﻭﻝ ﺗﻄﺮﺩ ﻛﻞ ﺍﻷﻓﻜﺎﺭ ﺍﻟﻠﻲ ﺑﺎﻟﺴﻴﻒ ﺗﺒﻴﻬﺎ ﺗﺘﺄﻣﻞ ..
ﻳﻌﻨﻲ ﺑﺸﻦ ﺗﺘﺄﻣﻞ ؟ !! ﻻ ﻫﻲ ﺗﺘﻮﻫﻢ ... ﺍﻟﺮﺍﺟﻞ ﻗﺎﺭﻱ ﻓﺎﺗﺤﻪ ..
ﺣﺘﻰ ﺍﻟﺤﻠﻢ ﺑﻴﻪ ﻣﺴﺘﺤﻴﻞ ..
ﺭﺟﻌﺖ ﺷﺎﻓﺖ ﻟﻠﺼﻮﺭﺓ .. ﺧﺸﺖ ﻃﻮﻝ ﻟﻺﺳﺘﺪﻳﻮ ﻣﺴﺤﺖ ﻛﻞ ﺻﻮﺭﻫﺎ ﻣﻦ ﺍﻟﺘﻠﻴﻔﻮﻥ ...
ﺳﻤﻌﺖ ﻛﻼﻣﻪ .. ﻷﻧﻪ ﻛﻼﻣﻪ 🍃
🍁🍁🍁🍁🍁
" ﺯﻧﻮﺑﻴﺎ .."
ﺭﻋﺸﺖ ﻣﻊ ﺑﻌﻀﻬﺎ ﻟﻤﺎ ﺳﻤﻌﺖ ﺻﻮﺗﻪ ﺧﺎﻓﺖ ﻫﻠﺒﻪ ..
ﻗﻌﺪﺕ ﻣﻘﻌﻤﺰﻩ ﻓﻲ ﻣﻜﺎﻧﻬﺎ ﻭﺗﺒﺮﺑﺶ ﻓﻲ ﺗﻠﻴﻔﻮﻧﻬﺎ ...
ﻭﺻﻠﺘﻬﺎ ﺭﺳﺎﻟﻪ
" ﻭﺍﻟﻠﻪ ﻣﺎﻧﻲ ﻣﺴﺎﻣﺤﻚ ﻛﺎﻥ ﺭﺍﻙ .."
ﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ .. ﺗﺸﺒﺢ ﻟﺨﺎﻟﺘﻬﺎ ﻛﻴﻒ ﻃﻠﻌﺖ ﻃﻮﻝ ﻣﻦ ﺍﻟﺪﺍﺭ ﻭﻣﺸﺖ ﻟﻮﻟﺪﻫﺎ ﻭﺧﻮﺍﺗﻪ ﻭﺭﺍﻫﺎ ...
ﺗﻨﻬﺪﺕ ﻭﺑﺪﺕ ﺗﻜﺘﺐ ﻓﻲ ﺭﺳﺎﻟﻪ ..
💓 ﻭﺻﻼﺗﻪ ..
ﻫﻮ ﻛﺎﻥ ﻓﺴﻴﺎﺭﺗﻪ .. ﺷﺎﻑ ﺍﻟﺮﺳﺎﻟﻪ ﺑﻠﻬﻔﻪ
" ﻭﺍﻧﻲ ﻭﺍﻟﻠﻪ ﻣﻌﺎﺩ ﻧﺴﺎﻣﺤﻚ ﻟﻮ ﻣﺎﺯﺍﻝ ﺗﺸﻚ ﻓﻴﺎ ﻭﺗﺘﻮﻗﻊ ﺍﻧﻲ ﻧﺨﺎﻟﻒ ﻛﻠﻤﺘﻚ "
ﺍﺑﺘﺴﻢ ... ﻭﺍﺗﺼﻞ ﻃﻮﻝ ..
🌸 ﻫﻲ ﺷﺎﻓﺖ ﺍﻟﺘﻠﻴﻔﻮﻥ .. ﻭﻷﻧﻬﺎ ﺍﻧﻘﻤﺼﺖ ﻣﻨﻪ ﻣﺎﺑﺘﺶ ﺗﺮﺩ ..
💓 ﺿﺤﻚ .. ﺯﺑﻄﻬﺎ ﺣﺮﺟﺖ ..
ﻫﻮ ﻣﺴﺘﺤﻴﻞ ﻣﺎﺯﺍﻝ ﻳﺸﻚ ﻓﻴﻬﺎ .. ﺑﺲ ﻳﻐﺎﺭ ﻭﺣﻘﻪ ﻭﺍﻟﻠﻲ ﺻﺎﺭ ﻣﺶ ﺷﻮﻳﻪ .. ﺗﻲ ﺑﺎﻫﻲ ﺍﺻﻼ ﺍﻟﻠﻲ ﺧﻼﻫﺎ ﺗﺠﻲ ﺗﺤﻀﺮ ﻭﻫﻮ ﻋﺎﺭﻑ ﺍﻥ ﻏﺮﻳﻤﻪ ﺣﻴﺤﻀﺮ ...
ﻣﺎﻃﻠﻌﺘﺶ ﺑﺘﺎﺗﺎ ﻣﻦ ﺍﻟﺪﺍﺭ ﺍﻻ ﻟﻤﺎ ﺗﺄﻛﺪﺕ ﺍﻥ ﺣﻤﺰﺓ ﻃﻠﻊ ...
🍃🍃
ﻭﻟﻴﻞ ﺍﻟﻠﻴﻞ ﻭﺑﺪﺕ ﺍﻟﺴﻬﺮﻳﻪ ..
ﻛﺎﻥ ﺍﻟﻠﺒﺲ ﻓﻴﻬﺎ ﺣﻠﻮ ﺑﺲ ﻋﺎﺩﻱ ..
ﻭﻛﺎﻧﺖ ﺳﻬﺮﻳﻪ ﻧﺎﺷﻄﻪ ﻭﻗﻤﻪ ﻓﻲ ﺍﻟﺮﻭﻋﻪ ... ﺑﻴﻦ ﺍﻟﻤﻨﻈﻮﻣﻪ ﻭﺍﻟﺪﺭﺑﻮﻛﻪ ...
ﻭﻓﺎﺗﺖ ﻟﻴﻠﻪ ﺣﻠﻮﺓ ﺗﺒﻌﺖ ﺧﻮﺍﺗﻬﺎ 💕💕💕 ﻭﺍﻧﻀﻤﺖ ﻷﺭﺷﻴﻒ ﺍﻟﺬﻛﺮﻳﺎﺕ ﺍﻟﺠﻤﻴﻠﻪ 💕..
ﺍﻟﺴﺎﻋﻪ 3:00 ﻟﻴﻼ ..
ﻛﺎﻥ ﺍﻟﻜﻞ ﺭﺍﻗﺪ ﻣﻦ ﺍﻟﺘﻌﺐ ..
ﻭﺣﺘﻰ ﺣﻤﻴﺪﻩ ﺭﻗﺪﺕ ... ﺍﺗﻔﻘﺖ ﻣﻊ ﺍﻟﺼﺪﻳﻖ ﻣﻌﺎﺵ ﻳﺘﻜﺎﻟﻤﻮﺍ ﻭﻫﻮ ﺑﺎﻟﺴﻴﻒ ﻭﺍﻓﻖ ..
ﺍﻣﺎ ﺍﻟﺒﻨﺎﺕ ..
ﺭﺑﺎﺏ ﻫﺪﺍﺭﻳﺰ ﺳﻤﺤﻪ ﻣﻊ ﺍﻟﺸﺮﻗﺎﻭﻱ 💕
ﻋﻜﺲ ﺩﻻﻝ ﺍﻟﻠﻲ ﺭﻗﺪﺕ ﻭﻫﻲ ﻣﻀﺎﻳﻘﻪ ﻣﻦ ﺍﻟﺴﺮﺗﺎﻭﻱ ..
ﺍﻟﻠﻲ ﻋﻴﻲ ﻭﻫﻮ ﻳﺘﺼﻞ .. ﺍﺧﺮ ﺷﻲ ﺍﺑﺘﺴﻢ ﻭﻗﺮﺭ ﻳﺮﻗﺪ ﻷﻧﻪ ﻋﻨﺪﻩ ﻧﻮﺿﻪ ﺑﻜﺮﻱ ...
ﺍﻣﺎ ﺭﺍﻧﻴﺎ ﻓﻜﺎﻧﺖ ﻭﺍﻗﻔﻪ ﻉ ﻣﺤﻤﺪ ..
ﻣﺤﻤﺪ : ﺧﻼﺹ ﻣﻌﺎﺵ ﻓﻲ ﺣﺸﻢ ﻭﻻ ﻗﺪﺭ .. ﺗﺒﻌﺘﻴﻬﻦ ﻣﻌﺎﻳﺎ ﺍﻧﻲ !!
ﺭﺍﻧﻴﺎ ﺑﺨﺠﻞ : ﻣﺤﻤﺪ ﺑﺎﻟﻠﻪ ﻋﻠﻴﻚ ﺑﻼ ﺟﻮ ﺯﺍﻳﺪ ﻉ ﺍﺳﺎﺱ ﻳﻌﻨﻲ ﻣﺎﺗﻌﺮﻓﺶ ..
ﻣﺤﻤﺪ : ﻻ ﻧﻌﺮﻓﻮﺍ ﻳﺎﺣﻨﻪ ﻣﺶ ﻣﺎﻧﻌﺮﻓﻮﺵ ﻟﻜﻦ ﻋﺎﺩ ﻣﺶ ﻟﻬﺎﻟﺪﺭﺟﻪ !!
ﺭﺍﻧﻴﺎ ﺗﻨﻬﺪﺕ ﺑﻴﺄﺱ ..
ﻣﺤﻤﺪ : ﻫﺎﺗﻲ ﺟﺎﻱ ﻫﺎﺗﻲ ﻭﺗﻌﺎﻭﺩﻳﻬﺎ ﻣﺮﺓ ﺗﺎﻧﻴﻪ ﺗﺎﻛﻠﻲ ﺯﻭﺯ ﻛﻔﻮﻑ ﻉ ﺯﻭﻣﺘﻚ ..
ﺧﺪﻱ ﻣﻨﻬﺎ ﺍﻟﺤﺎﻓﻈﻪ ﻣﺘﺎﻉ ﺍﻟﺤﺎﺭ ﻭﺑﺎﻛﻮ ﺍﻟﺤﻠﻮﻳﺎﺕ ..
" ﺧﺎﻟﻮ "
ﻭﻗﻒ ﻭﺍﻟﺘﻔﺖ ﻭﺭﺍﻧﻴﺎ ﺍﻟﺘﻔﺘﺖ ..
ﻗﺪﻣﺖ ﺑﺨﺠﻞ ﺷﺪﻳﺪ ﻭﻣﺪﺕ ﺍﻟﺤﺎﻓﻈﻪ ﻟﻤﺤﻤﺪ ..
ﻣﺤﻤﺪ ﺑﺼﺪﻣﻪ : ﻻ ﺍﻧﺘﻦ ﺧﻼﺹ ﻣﻌﺎﺵ ﺗﺤﺸﻤﻦ ! ؟
ﺭﺍﻧﻴﺎ ﺷﺎﺩﻩ ﺿﺤﻜﺘﻬﺎ ..
ﻧﻮﺭ ﺑﺨﺠﻞ : ﺍﺣﻤﻢ .. ﻣﺎﺗﻔﻬﻤﻨﻴﺶ ﻏﻠﻂ ﺧﺎﻟﻮ .. ﻫﻮ ﻭﺟﻌﻨﻲ ﺑﺲ .. ﻳﺘﺤﺸﻢ ﻳﺎﻛﻞ ﻗﺪﺍﻡ ﺍﻟﻨﺎﺱ ..
ﻣﺤﻤﺪ : ﻣﺎﻧﻔﻬﻤﺶ ﻏﻠﻂ ﻗﺘﻴﻠﻲ !! ﺧﺪﺍﻫﺎ ﻣﻨﻬﺎ ﻭﻗﺎﻝ .. ﻭﺣﻖ ﺍﻟﻠﻪ ﻣﺎﺯﻟﺘﻦ ﺗﻌﺎﻭﺩﻧﻬﺎ ﻛﻔﻮﻑ ﻉ ﺯﻣﻮﻣﺎﻛﻦ ... ﻋﻠﻴﻚ ﺟﺮﺃﺓ ﻭﻗﻠﺔ ﺍﺩﺏ ..
ﻭﻟﻒ ﻭﻃﻠﻊ .
ﺭﺍﻧﻴﺎ ﻭﻧﻮﺭ ﺷﺒﺤﻮﺍ ﻟﺒﻌﺾ ﺑﺮﻓﻌﺔ ﺣﻮﺍﺟﺐ .. ﺑﻌﺪﻳﻦ ﺿﺤﻜﻮﺍ ﻭﺧﺸﻮﺍ ﺩﺍﺧﻞ ..
ﻓﻮﻕ ﺍﻟﺴﻄﺢ ..
ﻭﺻﻞ ﺍﻟﺪﻟﻴﻔﺮﻱ ..😁 ﻗﺼﺪﻱ ﻣﺤﻤﺪ 😂
ﺩﻭﺭ ﺑﻌﻴﻮﻧﻪ ﻉ ﺣﻤﺰﺓ ﻣﺎﻟﻘﺎﺷﻲ ..
ﻣﺤﻤﺪ : ﺣﻤﺰﺓ ﻭﻳﻦ ..
ﺗﻮﻓﻴﻖ : ﺭﺍﻗﺪ ﻓﻲ ﺍﻟﺪﺍﺭ ﺩﺍﺧﻞ ..
ﻋﻤﺮ : ﺷﻦ ﻓﻲ ﺍﻳﺪﻳﻚ؟
ﻣﺤﻤﺪ : ﻣﺎﻳﺨﺼﻜﺶ .. ﺭﻣﺰﻱ .. ﻣﺎﻟﻚ .. ﺗﻌﺎﻟﻮﺍ 😒 ﻭﻣﺸﻲ ﻉ ﺍﻟﺘﺮﻛﻴﻨﻪ
ﻋﻤﺮ ﻓﻬﻢ ﻭﻗﻌﺪ ﻳﻀﺤﻚ ..
ﻫﻤﺎ ﺍﻟﺰﻭﺯ ﺍﺳﺘﻐﺮﺑﻮﺍ ﻭﻧﺎﺿﻮﺍ ﻟﺤﻘﻮﻩ ..
ﻣﺤﻤﺪ ﻣﺪ ﺍﻟﺤﺎﺟﺎﺕ ﻟﺮﻣﺰﻱ : ﻫﺎﻙ ﻳﺎﺳﻲ ﺍﻟﺒﻲ ..
ﺍﺑﺘﺴﻢ ﺭﻣﺰﻱ ﻭﺧﺪﺍﻫﻢ ..
ﻣﺪ ﺣﺎﺟﺎﺕ ﻣﺎﻟﻚ : ﺗﻔﻀﻞ ﻳﺎﺑﺎﺷﺎ ..
ﻣﺎﻟﻚ ﺿﺤﻚ ﻭﻗﻠﺒﻪ ﺩﻕ ﺑﺎﻟﻘﻮﺓ 💓
ﻣﺤﻤﺪ ﻭﻫﻮ ﻣﺎﺷﻲ ﻣﻦ ﺣﺪﺍﻫﻢ : ﻋﻘﺎﺏ ﺍﻟﻮﻗﺖ ﻭﻟﻴﺖ ﻣﺮﺳﻮﻝ ﺍﻟﻐﺮﺍﻡ ..
ﺷﺒﺤﻮﺍ ﻟﺒﻌﺾ ﺑﻀﺤﻜﻪ ..
ﻭﻛﻞ ﻭﺍﺣﺪ ﻣﻨﻬﻢ ﻣﺸﻲ ﻉ ﺗﺮﻛﻴﻨﻪ ﻭﺑﺪﻭﺍ ﻳﺎﻛﻠﻮﺍ ﻭﻗﻠﻮﺑﻬﻢ ﺗﺮﻋﺪ 💓
ﺑﺲ ﻓﻲ ﺣﺪ ﻛﺎﻥ ﻳﺸﺒﺢ ﻟﻤﺎﻟﻚ ﺑﺈﺳﺘﻐﺮﺍﺏ ..
ﻋﻤﺎﺩ " ﻛﺎﻥ ﻗﻠﻨﺎ ﺭﻣﺰﻱ ﺑﻌﺘﺘﻠﻪ ﺭﺍﻧﻴﺎ .. ﻣﺎﻟﻚ ﻣﻨﻲ؟ "
ﻗﻌﺪ ﻳﻔﻜﺮ ﺷﻮﻳﻪ .. ﺑﻌﺪﻳﻦ ﻋﻴﻮﻧﻪ ﺗﻮﺳﻌﻮﺍ ﺑﺼﺪﻣﻪ .. ﻭﺍﻟﺘﻔﺖ ﻃﻮﻝ ﻟﺨﻮﻩ ﻣﺮﻭﺍﻥ ﺍﻟﻠﻲ ﻛﺎﻥ ﺭﺍﻗﺪ ﻭﻋﺎﻃﻲ ﺑﺎﻟﻈﻬﺮ .. ﻭﺭﺟﻊ ﺷﺎﻑ ﻟﻤﺎﻟﻚ ﻭﻫﻮ ﺭﺍﻓﻊ ﺣﺎﺟﺒﻪ ..
🍁🍁🍁🍁🍁
ﺗﺎﻧﻲ ﻳﻮﻡ ...
ﺍﻟﺴﺎﻋﻪ 10:00 ﺻﺒﺎﺣﺎ ..
ﻣﺸﻲ ﻟﺴﺮﺕ؟؟ !!
ﻫﺎﻧﻴﺒﺎﻝ : ﻛﻴﻒ ﻣﺎﺗﻌﻠﻤﻴﺶ؟
ﺩﻻﻝ ﺑﺼﺪﻣﻪ : ﻣﻘﺎﻟﺶ ..
ﻫﺎﻧﻴﺒﺎﻝ : ﻫﻮ ﻗﺎﻝ ﻋﺪﺍ ﻟﺸﻲ ﺿﺮﻭﺭﻱ ..
ﺩﻻﻝ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﻫﻲ ﺧﺎﻳﻔﻪ ..
ﻫﺎﻧﻴﺒﺎﻝ ﺣﻂ ﻳﺪﻩ ﻉ ﺭﺍﺳﻬﺎ : ﻣﺎﺗﺨﺎﻓﻴﺶ ﻳﺎﺧﺎﻟﻲ ﻫﻮ ﻗﺎﻝ ﺑﻴﻌﺪﻱ ﻭﻳﻮﻟﻲ ﻓﻲ ﻧﻔﺲ ﺍﻟﻴﻮﻡ ..
ﺩﻻﻝ ﺑﻠﻌﺖ ﺭﻳﻘﻬﺎ ﻭﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﻟﻔﺖ ﺧﺸﺖ ﻃﻮﻝ ..
ﻫﺎﻧﻴﺒﺎﻝ ﺗﻨﻬﺪ ﺑﻌﺪﻳﻦ ﻗﺎﻝ : ﻛﻔﺎﺍ??