المتمردين

العشق المتمرد

#العشق_المتمرد
الجزء88/القسم الثاني

#جمان_فريد

..🌟
ﻓﻲ ﺍﻟﻤﺴﺘﺸﻔﻰ ..
ﻋﻤﺮ ﻳﺘﻜﻠﻢ ﺑﺎﻟﺘﻠﻴﻔﻮﻥ : ﻫﺒﻮﻁ .. ﺍﻳﻪ ...... ﻻ ﻫﻜﻲ ﺳﺎﻋﺘﻴﻦ ﻭﻧﺮﻭﺣﻮﺍ ﺑﻴﻬﺎ ... ﻛﻮﻥ ﻫﺎﻧﻲ ﻳﺎﻣﻴﻼﺩ .... ﺗﻤﺎﻡ .. ﻭﺻﻜﺮ ..
ﺗﻠﻔﺖ ﻟﻐﺎﻟﻴﻪ : ﺣﺘﻰ ﺣﺪﻫﻢ ﺑﻨﺖ ﺣﺴﻦ ﺻﺎﺭﻟﻬﺎ ﻫﺒﻮﻁ .
ﻏﺎﻟﻴﻪ ﺑﻀﻴﻖ : ﻋﻴﻦ ..
ﻋﻤﺎﺩ ﺍﻟﻠﻲ ﻛﺎﻥ ﺳﺎﺭﺡ ﺍﺳﺘﺎﻗﺾ ﻉ ﻛﻠﻤﺔ ﻏﺎﻟﻴﻪ ﻭﻗﺎﻝ : ﻋﻴﻦ ﺷﻨﻲ؟
ﻏﺎﻟﻴﻪ : ﻋﻄﻮﻫﻠﻬﻦ ﻓﺎﻟﺴﻬﺮﻳﻪ .. ﺍﻟﻨﺎﺱ ﺍﻟﻠﻲ ﻭﻳﻦ ﺗﺰﻫﻰ ﻓﻌﻴﻨﻬﺎ ﺍﻟﺤﺎﺟﻪ ﻣﺎﺗﻌﺮﻓﺶ ﺗﻘﻮﻝ ﻣﺎﺷﺎﺀ ﺍﻟﻠﻪ ..
ﺗﻨﻬﺪ ﻋﻤﺮ ..
ﻋﻤﺎﺩ ﻣﺎﻋﻠﻘﺶ ﻟﻜﻦ ﺑﻴﻤﻮﺕ ﻣﻦ ﺧﻮﻓﻪ ﻉ ﺭﺯﺍﻥ ..
" ﻋﻤﺮ "
ﺍﻟﺘﻔﺘﻮﺍ ﻟﻤﺼﺪﺭ ﺍﻟﺼﻮﺕ ..
ﻋﻤﺮ : ﺟﻤﻌﻪ ﻋﺒﺪﺍﻟﻤﻘﺼﻮﺩ ..
ﺟﺎﻫﻢ ﻃﻮﻝ : ﺧﻴﺮﻛﻢ ﺍﻥ ﺷﺎﺀ ﺍﻟﻠﻪ ﺧﻴﺮ ..
ﻋﻤﺮ : ﺑﻨﺖ ﻣﻴﻼﺩ ﺧﻮﻱ ﺗﻌﺒﺖ ﻭﺟﺒﻨﺎﻫﺎ ﻫﻨﻰ ..
ﺟﻤﻌﻪ : ﺣﺘﻰ ﺍﻧﺘﻢ .
ﺍﺳﺘﻐﺮﺑﻮﺍ ﻭﻫﻤﺎ ﻳﺸﻮﻓﻮﻟﻪ ..
ﺟﻤﻌﻪ : ﺑﻜﺮﻱ ﺷﻮﻱ ﺗﻼﻗﻴﺖ ﺍﻧﻲ ﻭﺣﺴﻦ ﻭﻗﺎﻝ ﺑﻨﺘﻲ ﺟﺒﻨﺎﻫﺎ ﺩﺍﻳﺨﻪ ... ﻭﺣﺘﻰ ﺍﻧﻲ ﺑﻨﺘﻲ ﺻﺎﺭﻟﻬﺎ ﻧﻔﺲ ﺍﻟﺸﻲ ..
ﻓﻨﺼﺖ ﻏﺎﻟﻴﻪ ..
ﻭﻋﻤﺎﺩ ﺯﺍﺩ ﺍﺳﺘﻐﺮﺏ ..
ﻋﻤﺮ : ﻓﻌﻼ ﻏﺮﻳﺒﻪ ﻭﺍﻟﻠﻪ .. ﻳﺎﻭﺩﻱ ﺇﻥ ﺷﺎﺀ ﺍﻟﻠﻪ ﻻﺑﺎﺱ ﻭﺧﻼﺹ ..
🍁🍁🍁🍁
ﺗﻨﻮﺽ ﻭﺣﺪﻩ ﻣﻦ ﺍﻟﺼﻐﻴﺮﺍﺕ ﺗﺮﻗﺺ ﻣﺎﺿﺎﻟﻪ ﺍﻻﺿﺎﺭﺑﺘﻬﺎ ﻗﺪﺍﻡ ﺍﻟﻨﺎﺱ ..
ﻛﻔﺎﻳﻪ : ﺍﻟﻌﻔﻮ ﻳﻤﻲ ﻋﺮﺱ ﺭﺍﻫﻮ !! ﻳﻘﺮﻭﺍ ﺍﻷﺫﻛﺎﺭ ﻭﻳﺪﻳﺮﻭﺍ ﺭﻗﻴﻪ ﻭﺍﻟﺤﺎﻓﻆ ﺍﻟﻠﻪ ﻭﺗﻤﺖ ..
ﻓﺎﻃﻤﻪ : ﺧﻼﺹ ﻣﺎﻻ ﻣﺎﻳﻄﻠﻌﻨﺶ ﻗﺒﻞ ﺗﻘﺮﻥ ﻋﻠﻴﻬﻦ .. ﻗﺎﻟﺖ ﻛﻼﻣﻬﺎ ﻭﻫﻲ ﺗﺄﺷﺮ ﺑﺴﺒﺎﺑﺘﻬﺎ ﻉ ﺑﻨﺎﺗﻬﺎ ...
ﺍﻟﺘﻼﺗﻪ ﻗﺎﻟﻮﺍ ﻣﻊ ﺑﻌﺾ : ﺣﺎﺿﺮ ..
ﻋﻄﺘﻬﻢ ﺷﺒﺤﻪ ﺳﻢ ..
ﻭﺷﺒﻜﺖ ﺍﻳﺪﻳﻬﺎ ﻭﺭﺍ ﻇﻬﺮﻫﺎ ﻭﻣﺸﺖ ﻟﺪﺍﺭﻫﺎ ..
ﻛﻔﺎﻳﻪ : ﺍﻣﻲ ﺧﺪﺕ ﻃﺒﺎﻳﻊ ﺳﻴﺪﻱ ﺍﻟﻠﻪ ﻳﺮﺣﻤﻪ .
ﻧﻌﻴﻤﻪ : ﻻﺯﻡ ﺗﻮﻟﻲ ﺯﻳﻪ .. ﻫﻲ ﺗﻮﺍ ﺍﻡ ﺍﻟﻌﻴﻠﻪ ﻭﺑﻮﻫﺎ ..
ﺍﺑﺘﺴﻤﺖ ﻛﻔﺎﻳﻪ ..
ﺯﻳﻨﺐ : ﺭﺑﻲ ﻳﻄﻮﻝ ﻓﻌﻤﺮﻫﺎ ..
ﻧﻌﻴﻤﻪ ﻭﻛﻔﺎﻳﻪ : ﺁﻣﻴﻦ .
🍁🍁🍁🍁
ﺑﻌﺪ ﺣﻮﺍﻟﻲ ﺳﺎﻋﺘﻴﻦ ﺭﻭﺣﻮﺍ ﺑﺎﻟﺒﻨﺎﺕ ..
ﺗﻼﻗﻮﺍ ﺍﻟﺘﻼﺗﻪ ﻋﻨﺪ ﺑﺎﺏ ﺍﻟﻤﺴﺘﺸﻔﻰ ﺍﻟﻮﺟﻮﻩ ﺍﻟﺸﺎﺣﺒﻪ ﻭﺗﺎﻋﺒﻪ ..
ﻟﻜﻦ ﻟﻤﺎ ﺷﺒﺤﻮﺍ ﻟﺒﻌﺾ ﺿﺤﻜﻮﺍ ..
ﻭﺍﻟﻠﻲ ﻫﺪﺍ ﺭﻛﺒﺖ ﺳﻴﺎﺭﺓ ﺍﻟﻠﻲ ﺟﺎﺑﻬﺎ ..
ﻭﺭﺯﺍﻥ ﺟﺎﺑﻬﺎ ﺍﻟﻠﻲ ﻗﻠﺒﻪ ﺑﻮﻫﺎ 💓
ﻳﺸﻮﻓﻠﻬﺎ ﻣﻦ ﺍﻟﻤﺮﺍﻳﺎ ﻛﻴﻒ ﺭﺍﻗﺪﻩ ﻉ ﻛﺘﻒ ﻏﺎﻟﻴﻪ ﻭﺑﺎﻳﻦ ﻓﻮﺟﻬﻬﺎ ﺍﻟﺘﻌﺐ ..
ﺗﻨﻬﺪ ﺗﻨﻬﻴﺪﻩ ﻣﻦ ﻭﺳﻂ ﻗﻠﺒﻪ ﺑﺲ ﻛﺎﻧﺖ ﻣﻜﺘﻮﻣﻪ ..
ﻃﻮﻝ ﻣﺎﻫﻮ ﻳﺴﻮﻕ ﻋﻴﻦ ﻓﻴﻬﺎ ﻭﻋﻴﻦ ﻓﺎﻟﻄﺮﻳﻖ ..
ﻟﻌﻨﺪ ﻣﺎﺧﺸﻮﺍ ﻟﻠﻘﻄﻌﻪ ..
ﻃﻮﻝ ﺑﻮﻫﺎ ﺟﺎﻫﻢ ..
ﻓﺘﺢ ﺍﻟﺒﺎﺏ ﺍﻟﺨﻠﻔﻲ ..
ﻫﻲ ﻟﻤﺎ ﺷﺎﻓﺎﺗﻪ ﻧﺰﻟﺖ ﻭﺣﻀﻨﺎﺗﻪ ﻃﻮﻝ ..
ﻣﻴﻼﺩ : ﺧﻴﺮﻙ ﻳﺎﺑﻨﺘﻲ ﺧﻴﺮﻙ ..
ﻫﻲ ﺩﻣﻌﻮﺍ ﻋﻴﻮﻧﻪ ﻓﺤﻀﻨﻪ ..
ﻭﻋﻤﺎﺩ ﻗﻠﺒﻪ ﻳﺘﻘﻄﻊ ..
ﺧﺪﺍﻫﺎ ﺑﻮﻫﺎ ﻭﻣﺸﻲ ﺑﻴﻬﺎ ﻟﺤﻮﺷﻬﻢ ..
ﻏﺎﻟﻴﻪ ﻛﻤﻠﺖ ﻃﺮﻳﻘﻬﺎ ﻟﻠﺤﻮﺵ ..
ﻭﻋﻤﺮ ﻣﺸﻲ ﻟﻠﻤﺮﺑﻮﻋﻪ ..
ﻭﻋﻤﺎﺩ ﻋﻴﻮﻧﻪ ﻣﺎﺯﺍﻟﻮﺍ ﻉ ﺣﻮﺵ ﺧﺎﻟﻪ ...
💕 ﻭﻳﺎﻟﻴﻞ ﺷﻦ ﺑﻴﻔﻮﺗﻚ ..
ﻣﺎﻗﺪﺭﺵ ﻳﺮﻗﺪ ﻏﻤﻀﻪ .. ﻣﻨﻈﺮﻫﺎ ﻭﻫﻲ ﻓﺎﻗﺪﻩ ﺍﻟﻮﻋﻲ ﻣﺶ ﻗﺎﺩﺭ ﻳﺤﻮﻟﻪ ﻣﻦ ﺭﺍﺳﻪ ..
ﻗﻌﺪ ﻳﻔﻜﺮ ﻓﺎﻟﻠﻲ ﻗﺎﻻﺗﻪ ﺣﻜﺎﻳﻪ ﺍﻟﻌﻴﻦ ..
ﺯﺍﺩ ﺧﺎﻑ ﺍﻛﺜﺮ ﻭﺍﻛﺜﺮ ..
ﺍﻟﻤﻬﻢ ..
ﺍﻥ ﻟﻴﻠﺘﻪ ﻛﺎﻧﺖ ﻧﻬﺎﺭ ﻃﻮﻳﻞ ..
🍁🍁🍁
ﺗﺎﻧﻲ ﻳﻮﻡ ..
ﺍﻹﺭﺑﻌﺎﺀ ..
ﻭﻷﻥ ﻣﻴﻼﺩ ﺣﺎﻓﻆ ﻗﺮﺁﻥ ﻭﺷﻴﺦ ﺟﺎﻣﻊ .. ﻗﺮﻱ ﻉ ﺑﻨﺘﻪ ﻭﺣﺪﻫﻢ ..
ﻭﻛﺬﻟﻚ ﺩﺍﺭﻟﻬﻢ ﺭﻗﻴﻪ ﻓﻲ ﺍﻟﻤﻴﻪ ﻭﻫﻤﺎ ﺷﺮﺑﻮﻫﺎ ..
ﺍﻣﺎ ﺑﻠﻘﻴﺲ ﻓﺤﻨﺎﻫﺎ ﻫﻲ ﺍﻟﻠﻲ ﺭﻗﺘﻬﺎ ﻭﻋﻄﺘﻬﺎ ﻉ ﺭﺍﺳﻬﺎ ﻓﻨﻔﺲ ﺍﻟﻮﻗﺖ ﻷﻧﻬﺎ ﻣﺎﺗﻘﺮﺍﺵ ﻓﻲ ﺍﻷﺫﻛﺎﺭ ﻉ ﻗﺪ ﻣﺎﻧﺼﺤﺘﻬﺎ ..
🍁🍁🍁
ﺍﻟﺴﺎﻋﻪ 11:00 ﺻﺒﺎﺣﺎ ..
ﻓﻲ ﺍﻟﻜﻮﺟﻴﻨﻪ ..
ﺭﺍﻧﻴﺎ : ﺣﺘﻰ ﺑﻠﻘﻴﺲ !!
ﻏﺎﻟﻴﻪ ﻭﻫﻲ ﺗﺸﺒﺢ ﻟﻤﺤﻤﺪ ﺍﻟﻠﻲ ﻛﺎﻥ ﻳﻔﻄﺮ ﻭﻳﻦ ﺍﻧﺠﺎﺑﺖ ﺳﻴﺮﺓ ﺑﻠﻘﻴﺲ ﻭﻗﻒ ﻣﻀﻎ : ﺍﻳﻪ ﻣﺴﻜﻴﻨﻪ ..
ﺭﺍﻧﻴﺎ : ﻳﺎﻧﺎﺭﻱ .. ﺗﻌﺮﻓﻲ ﻫﻲ ﺑﺎﻟﺬﺍﺕ ﺣﺒﻴﺘﻬﺎ ﻫﻠﺒﻪ ﻭﺧﺸﺖ ﺧﺎﻃﺮﻱ ﻃﻴﺒﻪ ﻭﺷﻬﻠﻮﻟﻴﻪ ﻭﻣﺎﻋﻨﺪﻫﺎﺵ ﻓﻲ ﺍﻟﺨﺒﺚ .. ﻳﺎﺭﻳﺘﻬﺎ ﺗﻮﻟﻲ ﺳﻠﻔﺘﻲ ﻭﻳﺎﺧﺪﻭﻫﺎ ﻟﺘﻮﻓﻴﻖ ..
ﻓﻨﺼﺖ ﻏﺎﻟﻴﻪ ﻭﻫﻲ ﺷﺎﺩﻩ ﺿﺤﻜﺘﻬﺎ ..
ﻣﺤﻤﺪ ﺑﻠﻊ ﻟﻘﻤﺘﻪ ﻭﻗﺎﻝ : ﺧﻴﺮ ﺍﻣﻜﻦ ﺍﻧﺘﻦ ﻣﻊ ﺗﻮﻓﻴﻖ ﺍﻟﻠﻲ ﻫﺪﻱ ﺗﻔﻜﺮ ﻓﻤﺴﺘﻘﺒﻠﻪ ﻭﻣﻦ ﻳﺨﻄﺐ ﻭﻣﺎﻳﺨﻄﺒﺶ .. ﻋﻨﺪﻩ ﺍﻣﻪ ﺗﺨﻄﺒﻠﻪ ﺍﻟﻠﻲ ﻳﺒﻴﻬﺎ ﺍﻧﺘﻦ ﺍﻃﻠﻌﻦ ﻣﻨﻬﺎ ..
ﺧﺪﻱ ﺍﻟﺼﻔﺮﺓ ﻭﻃﻠﻊ ﻭﻫﻮ ﻳﻘﻮﻝ : ﺗﻮﻓﻴﻖ .. ﺗﻮﻓﻴﻖ .. ﺗﻘﻮﻝ ﻣﺎﻗﻌﺪ ﻋﺰﺍﺑﻲ ﻓﻲ ﺍﻟﻌﻴﻠﻪ ﻫﺪﻱ ﻛﺎﻥ ﻫﻮ ..
ﺭﺍﻧﻴﺎ ﻣﺼﺪﻭﻣﻪ ﻭﻏﺎﻟﻴﻪ ﺗﻀﺤﻚ ..
ﻉ ﺧﺸﺔ ﺩﻻﻝ : ﺧﻴﺮﻩ ﻣﺤﻤﺪ .
ﻏﺎﻟﻴﻪ ﺑﻀﺤﻜﻪ : ﻣﺎﺧﻴﺮﻩ ﺷﻲ ﻏﻴﺮ ﺍﻟﺤﺐ ﻋﺮﻓﻠﻪ ﻃﺮﻳﻖ ..
ﺿﺤﻜﻮﺍ ﺩﻻﻝ ﻭﺭﺍﻧﻴﺎ ﺑﺼﺪﻣﻪ ﻭﻗﺎﻟﻮﺍ ﻣﻊ ﺑﻌﺾ : ﺧﺎﻟﻲ ﻣﺤﻤﺪ !!
ﻏﺎﻟﻴﻪ ﺑﻀﺤﻜﻪ : ﺍﻳﻪ ﻳﺎﺣﻨﺎﺗﻲ ﺧﺎﻟﻜﻦ ﻣﺤﻤﺪ ﻭﺑﻠﻘﻴﺲ ﺯﻳﺎﺩﻩ ..
ﺭﺍﻧﻴﺎ ﻭﺩﻻﻝ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
🍁🍁🍁🍁🍁
ﺍﻟﻨﺴﺎﻭﻳﻦ ﻓﻲ ﺍﻟﺤﻮﺵ ﺍﻟﻘﺪﻳﻢ ﻳﻮﺗﻮﺍ ﻟﻠﻐﺪﻱ ..
ﺳﻌﻴﺪﻩ : ﻭﺍﻟﻠﻪ ﻗﺮﻳﺐ ﻣﺘﺖ ﻣﻨﻴﻦ ﻗﺎﻟﻬﻠﻲ ﻣﻴﻼﺩ ..
ﻟﻄﻴﻔﻪ : ﺍﻟﻤﻬﻢ ﺗﻮﺍ ﺗﺮﺩﻱ ﺑﺎﻟﻚ ﻣﻨﻬﺎ ﺍﻟﻌﻴﻦ ﺣﻖ ..
ﺳﻌﻴﺪﻩ ﺑﻘﻠﻖ : ﺍﻳﻪ .. ﺭﺑﻲ ﻳﺤﻔﻈﻬﺎ ﺑﻨﻴﺘﻲ ﻫﻲ ﺭﺍﺱ ﻫﺎﻟﺒﻨﻴﻪ ﺭﺑﻲ ﻣﺎﻳﻮﺭﻳﻨﻲ ﻓﻴﻬﺎ ﻣﻜﺮﻭﻩ ..
ﻟﻄﻴﻔﻪ : ﺁﻣﻴﻦ ..
....
ﺣﻤﻴﺪﻩ ... ﺣﻤﻴﺪﻩ ..
ﺣﻤﻴﺪﻩ ﺍﺳﺘﺎﻗﻀﺖ ﻣﻦ ﺳﺮﺣﺎﻧﻬﺎ ..
ﻛﻔﺎﻳﻪ : ﻛﺎﻧﻚ ﺣﺎﺳﻪ ﺭﻭﺣﻚ ﺗﺎﻋﺒﻪ ﺑﺮﻱ ﺗﺮﻳﺤﻲ ..
ﻭﺣﺪﻩ ﻣﻦ ﺍﻟﺠﺎﺭﺍﺕ ﺍﻟﺤﺸﺮﻳﺎﺕ : ﺷﻦ ﻣﺎﻻ ﺣﺎﻣﻞ ..
ﺷﺒﺤﻮﻟﻬﺎ ﺍﻟﺒﻨﺎﺕ .. ﻭﺣﻤﻴﺪﻩ ﺷﺒﺤﺘﻬﺎ ﻛﺎﻧﺖ ﺣﺎﺩﻩ .
ﺯﻳﻨﺐ : ﻭﺷﻦ ﻣﺎﺗﺘﻌﺐ ﻛﺎﻥ ﺍﻟﺤﺎﻣﻞ .!!
: ﻻ ﻏﻴﺮ ﻫﻜﻲ ﺗﻮﻗﻌﺖ .
ﺣﻤﻴﺪﻩ ﻧﺎﺿﺖ ﻭﻫﻲ ﺗﺸﻮﻓﻠﻬﺎ : ﺷﻦ ﺗﺒﻲ ﻧﺪﻳﺮ ﻛﻔﺎﻳﻪ ..
ﻛﻔﺎﻳﻪ ﺷﺒﺤﺘﻠﻬﺎ ﺷﻮﻳﻪ ﺑﻌﺪﻳﻦ ﻗﺎﻟﺖ : ﺍﻣﺒﻄﻦ ..
ﺷﺒﺤﻠﺘﻬﺎ ﻭﻗﺎﻟﺖ : ﺑﺎﻫﻲ ..
ﻭﻃﻮﻝ ﻃﻠﻌﺖ ﻣﻦ ﺣﺪﺍﻫﻢ ..
ﺯﻳﻨﺐ ﻭﻛﻔﺎﻳﻪ ﺷﺒﺤﻮﺍ ﻟﺒﻌﺾ ﺑﻀﻴﻖ .. ﺑﻌﺪﻳﻦ ﺍﻟﻠﻲ ﻫﺪﺍ ﻟﻬﺖ ﺑﺸﻐﻠﻬﺎ ..
🍁🍁🍁🍁
ﻋﻠﻴﻚ ﻋﻨﺎﺩ ﻓﻴﻚ ﻳﺎﺑﻨﺖ ..
ﺣﺪﻫﻢ ﻭﻫﻲ ﺷﺎﺩﻩ ﻓﻴﺪ ﺟﺪﺍﻫﺎ ﻭﻣﺎﺷﻴﻪ ﺑﻴﻬﺎ : ﻣﺎﻓﻴﺎ ﺷﻲ ﺣﻨﻴﻨﻪ ﻣﺎﻓﻴﺎ ﺷﻲ .. ﻭﻗﻔﺖ ... ﻫﺎﻩ .. ﻭﻗﻌﺪﺕ ﺗﻨﻘﺰ ..
ﺍﻟﺠﺪﻩ ﺑﻀﺤﻜﻪ : ﻳﺎﻣﻬﺒﻮﻟﻪ ﺑﻄﻠﻲ ..
ﺣﺪﻫﻢ ﻭﻫﻲ ﺗﻨﻘﺰ : ﻫﻬﻬﻬﻬﻬﻪ .. ﻭﺍﻟﻠﻪ ﺟﻮ ﻫﻬﻬﻬﻬﻪ ..
ﺟﺪﺍﻫﺎ ﺗﻀﺤﻚ ﻭﺗﻌﺾ ﻉ ﺷﺎﺭﺑﻬﺎ ..
ﻭﻫﻲ ﺗﻨﻘﺰ ﻭﺗﻀﺤﻚ .. ﺟﺖ ﻋﻴﻨﻬﺎ ﻉ ﺍﻟﺴﻄﻮﺡ ..
ﻭﻗﻔﺖ ﺷﻮﻱ ﺷﻮﻱ ..
ﻫﻮ ﻏﻴﺮ ﻋﻴﻮﻧﻪ ﻃﻮﻝ .. ﻭﺧﺮ ﺷﻌﺮﻩ ﺑﻴﺪﻩ .. ﻭﺩﺍﺭ ﻳﻮﺯﻉ ﻓﻨﻈﺮﻩ ﻉ ﺍﻟﻤﻜﺎﻥ ..
ﺍﻟﺠﺪﻩ : ﺗﻲ ﻫﻴﺎ ﻳﺎﺑﻨﺖ ..
ﺣﺪﻫﻢ ﻭﻫﻲ ﺗﺸﻮﻑ ﻷﻳﻤﻦ : ﻫﻴﺎ .. ﺧﺪﺗﻬﺎ ﻣﻦ ﻳﺪﻫﺎ ﻭﻣﺸﻮﺍ ﻛﻢ ﺧﻄﻮﻩ ..
ﻓﺠﺄﺓ ﺍﻟﺘﻔﺘﺖ ﺣﺪﻫﻢ ..
ﻫﻮ ﺗﺒﺖ ﻉ ﻟﻘﻄﻪ ﻣﺎﻗﺪﺭﺵ ﻳﻐﻴﺮ ﻋﻴﻮﻧﻪ ..
ﻭﻫﻲ ... ﺷﻘﻠﺒﺖ ﻋﻴﻮﻧﻬﺎ ﻭﺷﺒﺤﺖ ﺍﻟﻘﺪﺍﻡ ..
ﺍﻳﻤﻦ ﻗﺮﻥ ﺣﻮﺍﺟﺒﻪ ﻭﻗﺎﻝ : ﺭﺍﻙ ﻣﻮﻟﻲ ﻭﺍﺣﺪ ﺗﺎﻓﻪ ﻳﺎﺃﻳﻤﻦ .. ﺷﺒﺢ ﻟﻠﺠﻬﻪ ﺍﻟﻠﻲ ﻣﺸﺖ ﻣﻨﻬﺎ ﻭﻗﺎﻝ .. ﻣﻌﺘﻮﻫﻪ ..
ﻭﻟﻒ ﻭﻣﺸﻲ ﻃﻮﻝ ﻧﺰﻝ ..
🍁🍁🍁🍁
ﻣﺎﺷﻴﻪ ﺑﻄﺮﻳﻘﻬﺎ ﻟﺤﻮﺵ ﺟﺪﻫﺎ ..
ﻻﺑﺴﻪ ﺗﻮﺗﻪ ﻭﺭﺩﻳﻪ ﻧﺺ ﻛﻢ ﺭﺍﻓﻌﻪ ﺷﻌﺮﻫﺎ ﻛﻌﻜﻪ ﻣﺒﻌﺜﺮﺓ ..
ﻗﺎﺭﻧﻪ ﺣﻮﺍﺟﺒﻬﺎ ..
ﻭﺻﻠﺖ ﻓﻢ ﺍﻟﺒﻮﺍﺑﻪ ﺧﺸﺖ .
ﻃﻠﺖ ﻉ ﺍﻟﻜﻮﺟﻴﻨﻪ ﻟﻘﺘﻬﺎ ﻓﺎﺿﻴﻪ ..
ﻛﻤﻠﺖ ﺍﻟﻘﺪﺍﻡ ..
ﻗﺎﺑﻠﺘﻬﺎ ﻏﺎﻟﻴﻪ ..
ﻏﺎﻟﻴﻪ : ﺭﺯﻭﻧﻪ .. ﺷﻦ ﺣﺎﻟﻚ ﺍﻟﻴﻮﻡ ..
ﺭﺯﺍﻥ ﺟﺘﻬﺎ ﻭﺍﺿﺒﻄﻬﺎ : ﺧﻴﻴﻲ ﺣﺎﻟﻲ ..
ﻏﺎﻟﻴﻪ ﺑﻀﺤﻜﻪ : ﻋﻼﺵ ..
ﺭﺯﺍﻥ : ﺟﻮﻱ ﺍﻧﻘﻠﺐ ﻭﺍﺗﻌﻜﺮ ﻣﻦ ﺍﻟﻠﻲ ﺻﺎﺭ ﺍﻣﺲ ..
ﻏﺎﻟﻴﻪ ﻣﺴﺤﺖ ﻉ ﺭﺍﺳﻬﺎ : ﻣﻌﻠﻴﺸﻲ ﻋﻴﻦ ﻭﻃﺎﺭﺕ ..
ﺭﺯﺍﻥ ﺑﻌﺪﺕ ﻭﻗﺎﻟﺖ : ﺩﺭﺗﻮﺍ ﻓﻄﻮﺭ ..
ﻏﺎﻟﻴﻪ : ﻣﺎﻓﻄﺮﺗﻴﺶ ..
ﺭﺯﺍﻥ : ﺗﺲ .. ﻧﺒﻲ ﻧﺎﻛﻞ ﻣﻦ ﺍﻟﻤﻌﺎﻟﻴﻖ ..
ﺿﺤﻜﺖ ﻏﺎﻟﻴﻪ ﻭﻗﺎﻟﺖ : ﺑﺎﻫﻲ ﻳﺎﻣﻌﺎﻟﻴﻖ ﺍﻧﺘﻲ .. ﻋﺪﻱ ﻗﻌﻤﺰﻱ ﻓﺎﻟﺪﺍﺭ ﺗﻮ ﻧﺠﻴﺒﻠﻚ ﺣﺼﺘﻚ ..
ﺭﺯﺍﻥ : ﺑﺎﻫﻲ .. ﻣﺸﺖ ﻟﻠﺪﺍﺭ ﻃﻮﻝ ..
ﻭﻏﺎﻟﻴﻪ ﺗﻮﺟﻬﺖ ﻟﻠﻜﻮﺟﻴﻨﻪ ..
ﻛﻴﻒ ﺑﺘﺨﺶ ﻣﻦ ﺍﻟﺒﺎﺏ ..
ﻋﻤﺎﺩ ﺧﺶ ﻣﻦ ﻓﻢ ﺍﻟﺒﻮﺍﺑﻪ : ﺻﺒﺎﺡ ﺍﻟﺨﻴﺮ ..
ﺍﻟﺘﻔﺘﺖ : ﺻﺒﺎﺡ ﺍﻟﻨﻮﺭ .. ﺷﺎﻓﺖ ﻟﻠﺸﻜﺎﺭﻩ ﺍﻟﻠﻲ ﻓﻴﺪﻩ ﺑﻌﺪﻳﻦ ﺷﺒﺤﺘﻠﻪ .. ﻭﻳﻨﻚ ﺑﻜﺮﻱ؟
ﺭﻓﻊ ﻧﻈﺎﺭﺍﺗﻪ ﻭﺧﺮﻫﻢ ﻉ ﺷﻌﺮﻩ ﻭﻗﺎﻝ : ﻛﺎﻥ ﻋﻨﺪﻱ ﻣﺸﻮﺍﺭ .. ﺍﺣﻤﻢ .. ﺷﻦ ﺣﺎﻟﻬﺎ ..
ﻏﺎﻟﻴﻪ ﺑﺈﺑﺘﺴﺎﻣﻪ : ﻛﻮﻳﺴﻪ .. ﺟﺖ ﺑﻜﺮﻱ ﺷﻮﻱ .. ﻗﺎﺗﻠﻲ ﺟﻮﻱ ﺍﻧﻘﻠﺐ ﻭﺍﺗﻌﻜﺮ ﻣﻦ ﺍﻟﻠﻲ ﺻﺎﺭ ﺍﻣﺲ ..
ﻋﻤﺎﺩ : ﻣﺶ ﻏﻴﺮ ﺟﻮﻫﺎ ﻫﻲ ﺑﺲ ..
ﻏﺎﻟﻴﻪ ﺗﺸﻮﻓﻠﻪ ﻭﺭﻛﺰﺕ ﻛﻴﻒ ﺑﺎﻳﻦ ﻉ ﻣﻼﻣﺢ ﻭﺟﻬﻪ ﺍﻟﻀﻴﻖ ...
ﻋﻤﺎﺩ ﻣﺪ ﺍﻟﺸﻜﺎﺭﻩ ﻭﻗﺎﻝ ﻭﻫﻮ ﻳﺤﻚ ﻓﺤﺎﺟﺒﻪ؛ﻣﻴﺔ ﺭﻗﻴﻪ .
ﺿﺤﻜﺖ ﻏﺎﻟﻴﻪ ﻭﺧﺪﺗﻬﺎ ..
ﻋﻤﺎﺩ ﺍﺑﺘﺴﻢ ﺑﺈﺣﺮﺍﺝ ﻭﻫﻮ ﺭﺍﻓﻊ ﺣﻮﺍﺟﺒﻪ : ﺧﻴﺮﻙ ﺗﻀﺤﻜﻲ؟
ﻏﺎﻟﻴﻪ : ﻉ ﺣﻆ ﺭﺯﺍﻥ .. ﺍﻣﻬﺎ ﺭﺍﺿﻴﻪ ﻋﻠﻴﻬﺎ ﺍﻟﺒﻨﺖ ﻫﺪﻱ ..
ﻋﻤﺎﺩ ﻣﺴﺢ ﺣﻮﺍﺟﺒﻪ ﻭﻫﻮﻣﻐﻤﺾ ﻋﻴﻮﻧﻪ ﻭﻣﺒﺘﺴﻢ ﺑﻐﺮﻭﺭ : ﺍﻛﻴﻴﺪ .. ﻣﺎﻝ ﺷﻨﻮ ..
ﺿﺤﻜﺖ ﻏﺎﻟﻴﻪ ..
ﻧﺰﻝ ﺍﻳﺪﻳﻪ ﻭﺿﺤﻚ ﺑﻌﺪﻳﻦ ﻗﺎﻝ : ﻏﺎﺩﻱ ﻣﻌﺎﻫﻢ ..
ﻏﺎﻟﻴﻪ : ﻻ ﺩﺍﺧﻞ ﻓﻲ ﺍﻟﺪﺍﺭ ..
ﺑﺎﻧﺖ ﻣﻦ ﻋﻴﻮﻧﻪ ﺍﻟﻠﻬﻔﻪ : ﺧﻞ ﻧﺨﺶ ﻧﻄﻞ ﻋﻠﻴﻬﺎ .. ﻭﻣﺸﻲ ..
ﻏﺎﻟﻴﻪ ﻟﺤﻘﺎﺗﻪ ..
ﻭﻗﻌﺪﺕ ﻭﺍﻗﻔﻪ ﻓﻲ ﺍﻟﺼﺎﻟﻪ ..
ﺭﺯﺍﻥ ﻓﻲ ﺍﻟﺪﺍﺭ ﻛﺎﻧﺖ ﺗﺘﻔﺮﺝ ﻉ ﺍﻟﺘﻠﻔﺰﻳﻮﻥ : ﺗﻮ ﻫﻨﺎﻙ ﻭﺣﺪﻩ ﺑﻌﻘﻠﻬﺎ ﺗﺘﻐﻼ ﻉ ﺑﺎﻟﻲ ﺑﻴﻚ ".. ﺣﺮﻳﻢ ﺍﻟﺴﻠﻄﺎﻥ .."
ﺍﻧﺨﻠﻌﺖ ﻟﻤﺎﺷﺎﻓﺎﺗﻪ ﻃﻔﺎ ﺍﻟﺘﻠﻔﺰﻳﻮﻥ ..
ﻗﻌﺪﺕ ﻣﻔﻨﺼﻪ ﻭﺧﻼﺹ ..
ﻋﻤﺎﺩ : ﻭﺍﺟﻌﻚ ﺣﺎﻟﻪ ﻫﻠﺒﻪ !!
ﺭﺯﺍﻥ ﺗﻐﻴﺮﺕ ﻧﻈﺮﺗﻬﺎ ﻟﻠﺤﺪﻩ ..
ﻋﻤﺎﺩ : ﻧﻮﺿﻲ ﺑﺎﻟﻠﻪ ﻧﻮﺿﻲ ﻭﺑﺮﻱ ﻋﺎﻭﻳﻨﻬﻢ .. ﺯﻱ ﺍﻟﻘﺮﺩﺓ ﻣﺎﻓﻴﻚ ﺷﻲ ..
ﺭﺯﺍﻥ : ﻗﺮﺩﺓ ﻓﻌﻴﻨﻚ ﻭﻋﻴﻦ ﻋﻴﻨﻚ ..
ﻋﻤﺎﺩ ﻓﻨﺺ : ﺷﻦ ﻫﻲ !!
ﻫﻲ ﺧﺎﻓﺖ .. ﻟﻜﻦ ﺷﻘﻠﺒﺖ ﻋﻴﻮﻧﻬﺎ ﻭﺷﺒﺤﺖ ﻟﻠﺘﻠﻔﺰﻳﻮﻥ ..
ﻗﺪﻣﻠﻬﺎ ﻭﻗﻌﻤﺰ ﻉ ﺭﻭﺱ ﺻﻮﺍﺑﻌﻪ : ﻓﻤﻦ ﻧﻜﻠﻢ ﺍﻧﻲ ..
ﻣﺎﺑﺘﺶ ﺗﻌﺒﺮﻩ ..
ﻫﻮ ﺗﻨﻬﺪ ﻭﻗﺎﻝ ﺑﺼﻮﺕ ﻫﺎﺩﻱ ﺑﻌﺾ ﺍﻟﺸﻲ : ﺑﺎﻫﻲ ﻟﻌﻨﺪ ﺍﻣﺘﻰ ﻫﺎﻟﺤﺎﻝ ..
ﻫﻲ ﻗﻠﺒﻬﺎ ﻣﺠﻨﻮﻥ ﺑﻨﺒﻀﺎﺗﻪ ﻣﻦ ﻗﺮﺑﻪ ﻟﻴﻬﺎ 💓
ﻋﻤﺎﺩ ﺑﺤﺰﻡ : ﻣﻦ ﺍﻻﺧﻴﺮ ﻳﺎﺭﺯﺍﻥ ﻫﻮ ﺳﺆﺍﻝ ﻭﺟﺎﻭﺑﻴﻨﻲ ﻋﻠﻴﻪ ..
ﺗﺒﻴﻨﻲ ﻳﺎﺑﻨﺖ ﺍﻟﻨﺎﺱ ﻭﻻ ﻻ ...
ﻗﻠﺒﻬﺎ ﺑﻴﻔﺮ ﻓﺮ 💓
ﻛﻤﻞ ﻳﻘﻮﻝ : ﻟﻮ ﻻ ﻗﻮﻟﻲ ﻻﺗﻌﺒﻴﻨﻲ ﻭﻻﻧﺘﻌﺒﻚ .. ﻧﻔﻬﻢ ﺍﻥ ﻫﺪﺍ ﻧﺼﻴﺐ ﻭﻛﻞ ﺷﻲ ﺑﺎﻟﺴﻴﻒ ﺍﻻ ﺣﺒﻨﻲ ﻳﺎﺑﻨﺎﺩﻡ ..
💓 ﻫﻲ ﻗﺮﻳﺐ ﺗﻘﻮﻟﻪ ﻧﻤﻮﺕ ﻓﻴﻚ ﻣﺶ ﺑﺲ ﻧﺤﺒﻚ .. ﺑﺲ ﻣﺶ ﻗﺎﺩﺭﺓ ﺗﺒﻴﻦ ﺣﺘﻰ ﺑﺎﻟﻨﻈﺮﺍﺕ ..
ﻫﻮ ﻗﻌﺪ ﻳﺸﻮﻓﻠﻬﺎ ﺷﻮﻳﻪ ﺑﻌﺪﻳﻦ ﻗﺎﻝ : ﺷﻨﻲ .. ﺍﻳﻪ ﻭﻻ ﻻ ..
ﺭﺯﺍﻥ ﺷﺒﺤﺘﻠﻪ ﻭﻗﺎﻟﺖ : ﻻ ..
ﻫﻮ ﺿﻢ ﺷﻮﺍﺭﺑﻪ ﻟﺪﺍﺧﻞ ﻭﻧﺎﺽ ﻭﻗﻒ : ﺇﻥ ﺷﺎﺀ ﺍﻟﻠﻪ ﻣﻦ ﺑﻌﺪ ﺗﻮﺍ ﻻﻋﺎﺩ ﺗﺴﻤﻌﻲ ﻣﻨﻲ ﻛﻠﻤﻪ ﻭﻻﺗﺸﻮﻓﻲ ﻣﻨﻲ ﺗﺼﺮﻑ ﻳﻀﺎﻳﻘﻚ ﻳﺎﺑﻨﺖ ﺧﺎﻟﻲ ..
ﻭﺧﺮ ﺧﻄﻮﺓ ﻭﻟﻒ ﻭﻣﺸﻲ ..
ﻫﻲ ﻋﻴﻮﻧﻬﺎ ﺗﻮﺳﻌﻮﺍ ﻭﻫﻤﺎ ﻳﺘﺒﻌﻮﺍ ﻓﻴﻪ .. ﻭﻓﻴﺴﻊ ﺩﻣﻮﻋﻬﺎ ﻧﺰﻟﻮﺍ ..
ﺭﺯﺍﻥ : ﻟﻴﺶ ﺗﻘﻮﻟﻴﻠﻪ ﻻ ﻳﺎﺣﻤﺎﺭﺓ ﻟﻴﺶ .. ﺣﻴﻲ ﻋﻠﻴﺎ ﺣﻴﻲ .. ﻳﺎﺭﺑﻲ ﺍﻧﻲ ﺷﻦ ﺩﺭﺕ ﻳﺎﺭﺑﻲ ..
ﻭﺣﻄﺖ ﺍﻳﺪﻳﻬﺎ ﻉ ﻭﺟﻬﻬﺎ ﻭﻗﻌﺪﺕ ﺗﺒﻜﻲ ..
" ﺗﻴﻴﻲ ﻭﺍﻟﻠﻪ ﺍﻻﺍﺍ ﻋﺎﺍﺭﻓﻚ .."
ﺍﻧﺨﻠﻌﺖ ﻭﺷﺒﺤﺖ ﻟﻠﺒﺎﺏ ..
ﻋﻤﺎﺩ ﺑﻀﺤﻜﻪ : ﻋﺎﺭﻓﻚ ﻳﺎﻣﻠﻌﻘﻪ ﺗﻤﻮﺗﻲ ﻓﻴﺎ ﻏﻴﺮ ﺗﺘﺠﻜﺘﺮﻱ .. ﻫﻬﻬﻬﻬﻬﻬﺎﺍﺍﺍﻩ ..
ﺭﺯﺍﻥ ﻣﻔﻨﺼﻪ ﻋﻴﻮﻧﻬﺎ ﻓﻴﻪ ﺑﺼﺪﻣﻪ ﻭﺧﻼﺹ ..
ﻋﻤﺎﺩ ﻭﻫﻮ ﻳﻠﻘﺪ ﻓﺼﻮﺗﻬﺎ : ﻟﻴﺶ ﺗﻘﻮﻟﻴﻠﻪ ﻻ ﻳﺎﺣﻤﺎﺭﺓ .. ﺣﻲ ﻋﻠﻴﺎ ﺣﻲ ... ﻫﻬﻬﻬﻬﻬﻬﻬﻬﻪ
ﻏﺎﻟﻴﻪ ﺟﺎﺗﻪ ﻭﻫﻲ ﺗﻀﺤﻚ : ﻋﻠﻴﻚ ﻣﺘﻠﻒ .. ﺗﺒﻲ ﺗﺠﻠﻂ ﺍﻟﺒﻨﺖ .. ﻋﺪﻱ ﻓﺤﺎﻟﻚ .. ﻭﻗﻌﺪﺕ ﺍﺩﻑ ﻓﻴﻪ .. ﻫﻮ ﻗﻌﺪ ﻳﺄﺷﺮ ﺑﺴﺒﺎﺑﺘﻪ ﻋﻠﻴﻬﺎ .. ﻫﻮﻳﻨﺎ ﺣﺎﻟﻲ ﻳﺎﻏﻠﻮﺷﻪ ..
ﻏﺎﻟﻴﻪ ﺍﺩﻑ ﻭﻫﻲ ﺗﻀﺤﻚ : ﻋﺪﻱ ﻳﺎﺻﺎﻣﺖ ﻋﺪﻱ ..
ﻃﻠﻌﺎﺗﻪ ..
ﻭﻣﺸﺖ ﻫﻲ ﻭﻳﺎﻩ ﻭﻫﻮ ﻳﻀﺤﻚ ﻣﻦ ﻓﺮﺣﺘﻪ ..
🍃 ﺍﻣﺎ ﺭﺯﺍﻥ ﻓﻤﺎﺯﺍﻟﺖ ﻣﺶ ﻣﺴﺘﻮﻋﺒﻪ ﺍﻟﻤﻘﻠﺐ ﺍﻟﻠﻲ ﻛﻼﺗﻪ ﻗﺒﻞ ﺷﻮﻱ ... ﻗﺎﻋﺪﻩ ﺗﺸﺒﺢ ﻓﻲ ﺍﻟﻔﺮﺍﻍ ﻭﺧﻼﺹ ﻣﻦ ﺻﺪﻣﺘﻬﺎ ..
💕💕💕💕💕💕
ﻓﻲ ﺍﻟﺤﻮﺵ ﺍﻟﻘﺪﻳﻢ ..
ﺣﻄﺖ ﻃﺎﺟﻴﻦ ﻛﺒﻴﺮ ﺑﻴﺘﺰﺍ ﻓﻲ ﺍﻟﻜﻮﺷﻪ ﻭﻫﻲ ﺗﻘﻮﻝ : ﻣﺎﻧﻲ ﻋﺎﺭﻓﻪ ﻛﻴﻒ ﺻﺎﺭﻟﻲ ﻋﺪﻳﺖ ﻟﻠﻜﻮﺟﻴﻨﻪ ﺑﺶ ﻧﺸﺮﺏ ﻣﻴﻪ ﻓﻨﺺ ﺍﻟﻄﺮﻳﻖ ﻇﻠﻤﺖ ﺍﻟﺪﻧﻴﺎ ﻭﻣﺎﻋﺎﺩ ﻧﻨﺪﺭﻱ ﻉ ﺷﻲ ﺑﻌﺪﻫﺎ ..
ﺭﺑﺎﺏ ﻭﻫﻲ ﺗﺴﻠﻔﺮ ﺑﺴﻠﻔﺮ ﺍﻟﻨﺎﻳﻠﻮﺍ ﺻﻮﺍﻧﻲ ﺍﻟﻔﻮﺍﻛﻪ : ﺯﻱ ﻣﺎﺻﺎﺭ ﻟﺮﺯﺍﻥ ﺑﺎﻟﺰﺑﻂ .
ﺭﺍﻧﻴﺎ ﺣﻄﺖ ﺻﻮﻧﻴﺔ ﺳﻠﻔﺮﺗﻬﺎ ﻭﻫﻲ ﺗﻘﻮﻝ : ﻓﻴﻪ ﻧﺎﺱ ﻋﻴﻮﻧﻬﻢ ﺭﺻﺎﺹ ﻻﻳﻌﺮﻓﻮﺍ ﻳﻘﻮﻟﻮﺍ ﻣﺎﺷﺎﺀ ﺍﻟﻠﻪ ﻭﻻﻳﺒﺮﻛﻮﺍ ..
ﺑﻠﻘﻴﺲ : ﺍﻳﻪ ﻭﺍﻟﻠﻪ ..
ﺭﺍﻧﻴﺎ ﻭﻫﻲ ﺗﺴﻠﻔﺮ : ﺑﻠﻘﻴﺲ ..
ﺑﻠﻘﻴﺲ ﺟﺘﻬﻢ ﻭﻗﻌﻤﺰﺕ ﺑﺶ ﺗﻌﺎﻭﻧﻬﻢ : ﻧﻌﻢ ..
ﺭﺍﻧﻴﺎ : ﺑﻨﺴﺄﻟﻚ ﺳﺆﺍﻝ ﺧﺎﺹ ﺷﻮﻳﻪ ﻣﻤﻜﻦ ..
ﺷﺒﺤﺘﻠﻬﺎ ﺭﺑﺎﺏ ﺑﺈﺳﺘﻐﺮﺍﺏ ..
ﺑﻠﻘﻴﺲ ﺑﻀﺤﻜﻪ : ﺍﺳﺄﻟﻲ .
ﺭﺍﻧﻴﺎ ﻭﻫﻲ ﺗﺸﻮﻑ ﻟﻠﺼﻮﻧﻴﻪ ﻭﺗﺮﺗﺐ ﻓﻲ ﺍﻟﻔﻮﺍﻛﻪ : ﺍﻣﻢ ﻣﺮﺗﺒﻄﻪ ﺍﻧﺘﻲ ..
ﻗﻠﺐ ﺑﻠﻘﻴﺲ ﺩﻕ ﺑﻘﻮﺓ : ﺍﻣﻢ .. ﻻ ..
ﺷﺒﺤﺘﻠﻬﺎ ﻭﻗﺎﻟﺖ : ﺑﺎﻫﻲ ﻋﻨﺪﻙ ﺣﺪ ﺗﺒﻲ ﺣﺪ ..
ﺭﺑﺎﺏ ﺯﺍﺩﺕ ﺍﺳﺘﻐﺮﺑﺖ ..
ﺑﻠﻘﻴﺲ ﻭﺟﻬﻬﺎ ﻭﻻ ﺍﺣﻤﺮ ﻭﻗﻌﺪﺕ ﻣﺮﻛﺰﺓ ﻉ ﺍﻟﺼﻮﻧﻴﻪ ﻭﻫﻲ ﺗﺴﻠﻔﺮ ﻓﻴﻬﺎ ﻭﻣﺒﺘﺴﻤﻪ ﺑﺨﺠﻞ .. ﻭﻓﻀﻠﺖ ﺍﻟﺴﻜﻮﺕ ..
ﺭﺑﺎﺏ : ﺷﻦ ﺍﻷﺳﺌﻠﻪ ﻫﺎﺩﻱ ..
ﺭﺍﻧﻴﺎ ﺑﻀﺤﻜﻪ : ﺍﻟﺤﻖ ﺣﺒﻴﺘﻬﺎ ﻭﻧﺒﻲ ﺗﻮﻟﻲ ﻣﻦ ﺍﻟﻌﻴﻠﻪ ﺑﺠﺪﻳﺎﺕ ..
ﺷﺒﺤﺘﻠﻬﺎ ﺑﻠﻘﻴﺲ : ﺗﺴﻠﻤﻲ ﺣﺒﻴﺒﺘﻲ ﺣﺘﻰ ﺍﻧﻲ ﺣﺒﻴﺘﻜﻢ ..
ﺭﺍﻧﻴﺎ : ﺍﻣﻤﻢ .. ﻫﻮ ﺍﻟﺤﻖ ﻣﺎﻗﻌﺪ ﻛﺎﻥ ﺍﺧﺮ ﺍﻟﻌﻨﻘﻮﺩ ﺣﻤﻮﺩﻱ ..
ﺑﻠﻘﻴﺲ ﻗﻠﺒﻬﺎ ﺭﻓﺮﻑ ..💓
ﺭﺑﺎﺏ : ﻻ ﺣﺮﺍﻡ ﻋﻠﻴﻚ ﻣﺤﻤﺪ ﺣﺎﺻﻞ ﻓﻌﻤﺮﻩ ﻭﺍﻟﻠﻪ ﻟﻤﺎ ﻳﻜﺮﻫﻬﺎ ﻓﻌﻴﺸﺘﻬﺎ ..
ﺑﻠﻘﻴﺲ " ﺧﻠﻪ ﻳﻜﺮﻫﻨﻲ ﻓﻴﻬﺎ ﺍﻧﻲ ﺭﺍﺿﻴﻪ "
ﺭﺍﻧﻴﺎ : ﻻ ﻣﺶ ﻟﻬﺎﻟﺪﺭﺟﻪ ﺭﺑﺎﺏ ﻋﺎﺩ ..
ﻉ ﺧﺸﺔ ﺩﻻﻝ : ﺷﻦ ﺻﺎﺭ ﻓﻲ ﺍﻟﺒﻴﺘﺰﺍ ..
ﻧﺎﺿﺖ ﺑﻠﻘﻴﺲ ﺗﺸﻮﻑ ﻓﻴﻬﺎ ﻭﻋﻘﻠﻬﺎ ﻣﺸﻐﻮﻝ ﺑﻜﻼﻡ ﺭﺍﻧﻴﺎ .
ﺭﺍﻧﻴﺎ ﺷﺒﺤﺖ ﻟﺪﻻﻝ ﻭﻏﻤﺰﺕ : ﺷﻦ ﺭﺍﻳﻚ ﺩﻻﻝ ﻓﺒﻠﻘﻴﺲ ﻟﺨﺎﻟﻲ ﻣﺤﻤﺪ ..
ﺍﺑﺘﺴﻤﺖ ﺩﻻﻝ : ﺑﻠﻘﻴﺲ ﻋﺴﻞ ﻭﻫﻮ ﻋﺼﺒﻲ ﻟﻜﻦ ﻳﻬﺒﻞ ..
ﺍﺑﺘﺴﻤﺖ ﺑﻠﻘﻴﺲ ..
ﺭﺑﺎﺏ ﺣﺴﺖ ﺍﻥ ﻓﻲ ﺷﻲ ﻫﻲ ﻣﺎﺗﻌﺮﻓﺎﺵ ..
ﺻﻜﺮﺕ ﺑﻠﻘﻴﺲ ﺍﻟﻜﻮﺷﻪ ﻭﻗﺎﻟﺖ : ﻣﺎﺯﺍﻝ ﺷﻮﻱ ..
ﺭﺍﻧﻴﺎ ﺑﻀﺤﻜﻪ : ﻣﺎﺯﺍﻝ ﻉ ﺷﻨﻮ ﺑﺎﻟﺰﺑﻂ؟
ﺑﻠﻘﻴﺲ ﺿﺤﻜﺖ ﻭﻗﺎﻟﺖ : ﺍﻟﺒﻴﺘﺰﺍ ..
ﺭﺍﻧﻴﺎ ﻏﻤﺰﺕ ﻭﻗﺎﻟﺖ : ﺑﺎﻫﻲ ﻭﺧﺎﻟﻲ ..
ﺿﺤﻜﺖ ﺑﺨﺠﻞ ﻭﻗﻌﺪﺕ ﺳﺎﻛﺘﻪ .
ﻭﻫﻤﺎ ﻳﺸﻮﻓﻮﻟﻬﺎ ﺑﺈﺑﺘﺴﺎﻣﻪ ..
🍁🍁🍁🍁
ﻓﻲ ﺍﻟﺪﺍﺭ ﺍﻟﺘﺎﻧﻴﻪ ..
ﻧﻮﺭ ﺭﻓﻘﻪ ﺣﺪﻫﻢ ﻳﺤﻄﻮﺍ ﻓﻲ ﺍﻟﻤﺴﻴﺮ ﻭﺍﻟﺰﻳﺘﻮﻥ ﻓﺤﺎﻓﻈﺎﺕ ..
ﻧﻮﺭ : ﻗﺎﻟﻲ ﺯﻗﺰﻭﻗﻪ ﻗﺪﺍﻣﻪ ..
ﺿﺤﻜﺖ ﺭﻓﻘﻪ ..
ﺣﺪﻫﻢ ﺿﺤﻜﺖ ﺑﺈﺳﺘﻐﺮﺍﺏ : ﺷﻦ ﻫﻲ ﺯﻗﺰﻭﻗﻪ ..
ﻧﻮﺭ ﺑﻀﺤﻜﻪ : ﻟﻌﺒﻪ ﻋﻨﺪ ﺍﺳﻴﺎ ﻋﺼﻔﻮﺭ ﺍﺻﻔﺮ ﻭﺳﻤﻴﻦ ﻣﺴﻤﻴﺎﺗﻪ ﺩﻻﻝ ﺯﻗﺰﻭﻗﻪ .. ﺍﻟﻤﻌﻔﻦ ﻣﺠﺪ ﻭﻳﻦ ﻳﺸﻮﻓﻪ ﻳﻘﻮﻝ ﻳﺸﺒﻪ ﻧﻮﺭ ..
ﺿﺤﻜﻮﺍ ﺍﻟﺒﻨﺎﺕ ..
ﻧﻮﺭ : ﻭﻋﺎﺩ ﻫﻮ ﺑﻴﺸﺪﻫﺎﻟﻲ ﺑﻌﺪ ﺳﻤﻌﻬﺎ ﻭﺍﻛﻴﺪ ﺣﻴﻘﺼﻘﺺ ﻭﻳﻌﺮﻑ ..
ﺣﺪﻫﻢ ﺑﻀﺤﻜﻪ : ﺑﺎﻫﻲ ﺍﻧﺘﻲ ﺷﻦ ﻧﺎﻭﻳﻪ ﺑﺘﺴﻴﺒﻴﻪ ﺣﻖ ..
ﻧﻮﺭ : ﻻﺍﺍ ﺷﻦ ﻧﺴﻴﺒﻪ ﻫﺎﺩﻱ .. ﻧﺒﻲ ﻧﺄﺩﺑﻪ ﺑﺲ ..
ﺿﺤﻜﻮﺍ ﻋﻠﻴﻬﺎ ..
ﻉ ﺧﺸﺔ ﺭﺯﺍﻥ : ﺍﻟﺴﻼﻡ ﻋﻠﻴﻜﻢ ..
ﺭﻓﻘﻪ : ﻳﺎﻫﻼ ﺑﺎﻟﻤﻌﻴﻮﻧﻪ ﺍﻟﺘﺎﻧﻴﻪ ..
ﺭﺯﺍﻥ : ﺍﻧﺘﻲ ﺑﺎﻟﺬﺍﺕ ﺗﺴﻜﺘﻲ ﻛﻠﻪ ﻣﻨﻚ ﺍﺻﻼ ..
ﺭﻓﻘﻪ : ﻫﻬﻬﻬﻬﻬﻬﻬﻪ
🍁🍁🍁🍁
ﻓﻲ ﺍﻟﻜﻮﺟﻴﻨﻪ ﻭﺍﻗﻔﻪ ﻉ ﻃﻨﺠﺮﻩ ﻣﻌﺒﻴﻪ ﺩﺣﻲ ﻣﻄﺒﻮﺥ ..
ﻭﺗﺴﻤﻊ ﻓﻲ ﺣﺪﻳﺚ ﺯﻭﺯ ﻣﻦ ﻧﺴﺎﻭﻳﻦ ﺟﻴﺮﺍﻧﻬﻢ ..
: ﺧﺪﻱ ﻋﻠﻴﻬﺎ ﻳﺎﺣﻨﻪ ..
: ﻣﻌﻘﻮﻟﻪ !!
: ﺍﻳﻪ ﺗﻌﺮﻓﻲ ﻳﻌﺎﻣﻞ ﻓﻴﻬﺎ ﻣﻌﺎﻣﻠﻪ ﻛﻼﺏ ﻗﺎﻋﺪﻩ ﻣﻌﺎﻩ ﻫﻜﻲ ﻭﺧﻼﺹ ﻣﻌﺎﺩ ﺩﻭﺭﻫﺎ ﺑﻜﻞ ..
: ﻭﺍﺍﺍﻙ ﺑﻌﺪ ﻋﺸﺮﺓ ﻫﺎﻟﻌﻤﺮ ﻭﺑﻌﺪ ﻋﻼﻗﻪ ﻭﺣﺐ ﻭﺣﺎﻝ ..
: ﻛﻼ ﺍﻟﺮﺟﺎﻟﻪ ﻣﺎﻳﻌﺒﻲ ﻋﻴﻨﻬﻢ ﺷﻲ .. ﺍﻧﺘﻲ ﻛﺎﻥ ﺗﺴﻤﻌﻲ ﺍﻟﺴﺒﻠﻪ ﺍﻟﻠﻲ ﻗﺎﻟﻬﺎ .. ﻣﺎﺯﺍﻝ ﻧﺒﻲ ﺻﻐﺎﺭ ..
: ﻧﻬﺎﺭ ﺍﺣﺮﺵ .. ﻭﻫﻮ ﻋﻨﺪﻩ ..7 ﺍﺭﺑﻌﻪ ﺑﻨﺎﺕ ﻭﺗﻼﺕ ﻭﻻﺩ !!
: ﺳﺒﻠﻪ ﻗﺘﻠﻚ ..
ﻫﻲ ﻣﻌﺎﺵ ﻗﺪﺭﺕ ﺗﺘﺤﻤﻞ ..
ﻃﻠﻌﺖ ﻣﻦ ﺣﺪﺍﻫﻢ ..
ﻭﻫﻲ ﻣﺎﺷﻴﻪ ﻣﺮﺭﺕ ﻧﻈﺮﻫﺎ ﻉ ﺍﻟﻠﻲ ﺣﻮﺍﻟﻴﻬﺎ ﻓﻲ ﺍﻟﺼﺎﻟﻪ ﻟﻠﻨﺴﺎﻭﻳﻦ ﺍﻟﻠﻲ ﻳﻄﻴﺒﻮﺍ ﻣﻨﻬﻢ ﺧﻮﺍﺗﻬﺎ ﻧﻌﻴﻤﻪ ﻭﺯﻳﻨﺐ ﻛﻴﻒ ﻳﻬﺪﺭﺯﻭﺍ ﻭﻳﻀﺤﻜﻮﺍ ..
ﺑﻌﺪﻳﻦ ﺷﺒﺤﺖ ﻟﻠﺪﺍﺭ ﺍﻟﻘﺒﻠﻴﻪ ﻟﻘﺖ ﺭﺍﻧﻴﺎ ﻭﺩﻻﻝ ﻭﺑﻠﻘﻴﺲ ﻭﺭﺑﺎﺏ ﻭﻣﻌﺎﻫﻢ ﻏﺎﻟﻴﻪ ﻳﻀﺤﻜﻮﺍ .. ﻭﻧﻈﺮﻫﺎ ﺭﻛﺰ ﺍﻛﺜﺮ ﺷﻲ ﻉ ﻏﺎﻟﻴﻪ ﺍﻟﻠﻲ ﺗﺸﻮﻑ ﻓﻴﻬﺎ ﻣﺘﻐﻴﺮﺓ ﻫﻠﺒﻪ ﻭﻣﺤﻠﻮﻩ ..
ﺳﻤﻌﺖ ﺍﺻﻮﺍﺕ ﺿﺤﻚ ﺗﺎﻧﻴﻪ ﺍﻟﺘﻔﺘﺖ ﻟﻠﺪﺍﺭ ﺍﻟﺘﺎﻧﻴﻪ ..
ﺷﺎﻓﺖ ﺣﺪﻫﻢ ﻭﺭﺯﺍﻥ ﻭﻧﻮﺭ ﻭﺭﻓﻘﻪ ﻳﻀﺤﻜﻮﺍ ..
ﻗﻠﺒﻬﺎ ﺍﻧﻐﻢ ﺍﻛﺜﺮ ﻭﺍﻛﺜﺮ ..
ﻟﻔﺖ ﻭﻃﻠﻌﺖ ﻃﻮﻝ ..
ﻭﻛﺎﻧﺖ ﻋﻴﻮﻥ ﺯﻳﻨﺐ ﺗﺮﺍﻗﺐ ﻓﻴﻬﺎ ﺑﻘﻠﻖ ..
ﻃﻠﻌﺖ ﻣﻦ ﺍﻟﺤﻮﺵ ﺍﻟﻘﺪﻳﻢ ﻣﺘﻮﺟﻬﺔ ﻟﻠﺘﺎﻧﻲ ﻭﻓﺪﺍﺧﻠﻬﺎ ﺭﻏﺒﻪ ﺷﺪﻳﺪﻩ ﻓﺎﻟﻌﻴﺎﻁ ..
ﻭﻗﻔﺖ ﻟﻤﺎ ﺳﻤﻌﺖ ..
" ﺍﻧﺘﻲ ﺍﻟﻠﻲ ﻣﺤﻠﻴﻪ ﺍﻟﺤﻨﻪ ﻣﺶ ﻫﻲ ﺍﻟﻠﻲ ﻣﺤﻠﻴﺎﺗﻚ "
ﺷﺒﺤﺖ ﻟﻠﺠﺮﺩﻳﻨﻪ ..
ﻟﻘﺖ ﺳﻌﺪ ﻭﺍﻗﻒ ﻭﺍﺧﺘﻬﺎ ﻭﺍﻗﻔﻪ ﻋﻠﻴﻪ ﻭﻳﻬﺪﺭﺯﻭﺍ ...
ﻛﻔﺎﻳﻪ ﺑﻀﺤﻜﻪ : ﺯﻋﻤﻪ ﺳﻌﺪﻭ ..
ﺳﻌﺪ ﺑﻀﺤﻜﻪ : ﻋﻨﺪﻙ ﺷﻚ ﻛﻴﻔﻮ ..
ﺿﺤﻜﺖ ..
ﻋﻴﻮﻧﻬﺎ ﻛﺎﻧﺖ ﻧﻈﺮﺍﺗﻬﻢ ﻛﻠﻬﺎ ﺣﺴﺪ ﻭﺣﻘﺪ ..
🍃 ﺍﻳﻪ ﺍﻟﺤﻘﺪ ﻟﺰﻳﻢ ﺍﻟﺤﺴﺪ .. ﺍﻟﺤﺎﺳﺪ ﺩﻳﻤﺎ ﻳﺸﻮﻑ ﻟﻠﻨﺎﺱ ﺍﻟﻠﻲ ﺣﺎﻟﻬﻢ ﺧﻴﺮ ﻣﻨﻪ ﻭﻛﺄﻧﻬﻢ ﺧﺪﻭﺍ ﻣﻨﻪ ﺣﺎﺟﺘﻪ .. ﻳﺤﻘﺪ ﻋﻠﻴﻬﻢ ﻭﻳﺘﻤﻨﻰ ﻟﻮ ﺗﺰﻭﻝ ﻋﻨﻬﻢ ﺍﻟﻨﻌﻢ ﺍﻟﻠﻲ ﻫﻤﺎ ﻓﻴﻬﺎ .. ﺩﻳﻤﺎ ﻧﻘﻮﻝ ﻣﺎﻃﻠﻊ ﺍﺑﻠﻴﺲ ﻣﻦ ﺍﻟﺠﻨﻪ ﻏﻴﺮ ﻫﺎﻟﺬﻣﻴﻤﻪ ﺍﻟﻤﺮﺿﻴﻪ .. ﺍﻟﺤﺴﺪ 🍃
ﻣﺸﺖ ﻃﻮﻝ ﺧﺸﺖ ﻟﻠﺨﻴﻤﻪ ..
ﻭﻫﻲ ﺑﺘﻤﻮﺕ ..
ﻭﻃﻠﻌﺖ ﻣﻨﻬﺎ ﻭﻣﺸﺖ ﻟﻠﺪﺍﺭ ﺗﺸﻮﻑ ﻓﺒﻨﺘﻬﺎ ﺍﻟﻠﻲ ﻛﺎﻧﺖ ﺭﺍﻗﺪﻩ ﺣﺪﺍ ﺑﻨﺖ ﺧﺎﻟﺘﻬﺎ ﻛﻔﺎﻳﻪ ..
ﻃﻮﻝ ﺧﺪﺗﻬﺎ ﻗﺎﻣﺘﻬﺎ ﻭﺍﻟﺒﻨﺖ ﻓﺎﻗﺖ ﻣﺨﻠﻮﻋﻪ ﻃﻠﻌﺖ ﺑﻴﻬﺎ ﻟﻠﺪﺍﺭ ﺍﻟﺘﺎﻧﻴﻪ .. ﺷﺎﻓﺖ ﺑﻨﺖ ﺩﻻﻝ ﺭﺍﻗﺪﻩ ﻭﺣﺪﺍﻫﺎ ﺑﻨﺖ ﺯﻳﻨﺐ .
ﺣﻄﺘﻬﺎ ﺣﺪﺍﻫﺎ ﻭﻗﻌﺪﺕ ﺍﻃﺒﻄﺐ ﻋﻠﻴﻬﺎ ..
ﻭﻫﻲ ﻃﺎﻟﻌﻪ ﻣﻦ ﺍﻟﺪﺍﺭ ﻗﺎﺑﻠﺘﻬﺎ ﺍﻣﻬﺎ ..
ﺍﻧﺨﻠﻌﺖ ..
ﻓﺎﻃﻤﻪ : ﺧﻴﺮﻙ ..
ﺣﻤﻴﺪﻩ : ﻭﻳﻦ ﻳﻤﻲ ﻣﺎﻟﻘﻴﺖ ﺣﺪ ﺣﺪﺍ ﺍﻟﺼﻐﺎﺭ ..
ﻓﺎﻃﻤﻪ : ﺍﻧﻲ ﻣﻦ ﺑﻜﺮﻱ ﻧﻤﺸﻲ ﻋﻠﻴﻬﻢ ﻭﻧﺠﻲ ﻣﺎﺧﻠﻴﺘﻬﻢ ﺑﻜﻞ ..
ﺣﻤﻴﺪﻩ : ﺍﺻﻼ ﻣﻔﺮﻭﺽ ﻭﺣﺪﻩ ﻣﻦ ﺍﻟﺒﻨﺎﺕ ﺗﺠﻲ ﺗﻘﻌﺪ ﺣﺪﺍﻫﻢ .. ﺍﻧﻲ ﻧﻘﻌﺪ ﻭﺧﻼﺹ .. ﻭﻣﺸﺖ ﻃﻮﻝ ﻟﻠﺤﻤﺎﻡ ..
ﻭﺍﻣﻬﺎ ﺣﺎﺳﻪ ﺑﻴﻬﺎ ﻭﻣﺘﺄﻛﺪﻩ ﺍﻥ ﺍﻟﻠﻲ ﻓﺒﺎﻟﻬﺎ ﺻﺢ ..
🍁🍁🍁🍁
ﺗﺘﻐﺪﺍ ﻋﻨﺪﻧﺎ ﻳﺎﺑﻮﺻﺎﺣﺐ ..
ﺍﻟﺼﺪﻳﻖ ﺑﻀﺤﻜﻪ : ﻣﺶ ﺣﻨﻘﻮﻝ ﻻ ..
ﺿﺤﻚ ﻧﺎﺟﻲ ؛ﻫﻲ ﺗﻔﻀﻞ ...
ﻭﺧﺸﻮﺍ ﻟﻠﺤﻮﺵ ...
ﻣﻦ ﻭﺭﺍ ﺭﻭﺷﻦ ﺍﻟﻜﻮﺟﻴﻨﻪ ..
ﻛﺎﻧﺖ ﺣﻠﻴﻤﻪ ﻭﺍﻗﻔﻪ ﻣﺮﺑﻌﻪ ﺍﻳﺪﻳﻬﺎ ﻭﺗﺸﻮﻑ ﻟﻠﺼﺪﻳﻖ ﻛﻴﻒ ﺧﺶ ﻫﻮ ﻭﻧﺎﺟﻲ ﻟﻠﺤﻮﺵ ..
ﺣﻠﻴﻤﻪ : ﺻﺎﺣﺐ ﻧﺎﺟﻲ ﺟﻲ ﻭﺗﻦ ﺍﻟﻐﺪﻱ ..
ﺍﺑﺘﺴﻤﻮﺍ ﺍﻣﻴﺮﻩ ﻭﺍﺣﻼﻡ ..
ﺍﻟﺘﻔﺘﺖ ﻫﻲ ﻭﺷﺒﺤﺖ ﻟﻮﺣﺪﻩ ﻓﻴﻬﻢ ﻭﺍﺑﺘﺴﻤﺖ ﺑﺮﻓﻌﺔ ﺣﺎﺟﺐ ..
🍁🍁🍁
ﻉ ﺍﻟﺴﺎﻋﻪ 2:30 ..
ﻛﺎﻥ ﻏﺪﺍﻫﻢ ﻭﺍﺗﻲ ..
ﺑﺲ ﺻﺎﺭﺗﻠﻬﻢ ﺣﺎﺟﻪ ..
ﺯﻳﻨﺐ : ﻳﺎﺭﺏ ﻣﺎﻳﺒﻨﻦ ﻓﻴﻬﺎ ﺍﻟﺸﻴﺎﻁ ..
ﻧﻌﻴﻤﻪ : ﻻﻻ ﻭﺳﻂ ﺍﻟﺨﺒﺰﺓ ﺍﻟﻠﻲ ﺣﻄﻴﺘﻪ ﻓﻴﻬﺎ ﻳﺤﻮﻝ ﺑﻨﺔ ﺍﻟﺸﻴﺎﻁ ..
ﻛﻔﺎﻳﻪ : ﺍﻳﻪ ﺻﺢ ..
ﺯﻳﻨﺐ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﻗﻌﺪﺕ ﺗﺴﻘﻲ ﻓﺎﻟﺒﺼﻠﻪ ﻉ ﺍﻟﻜﺴﻜﺴﻲ ..
ﻭﻣﻦ ﺟﻬﺔ ﺗﺎﻧﻴﻪ ﺳﻌﻴﺪﻩ ﺗﺼﺐ ﻓﻲ ﺍﻟﻄﺒﻴﺨﻪ ﻉ ﻗﻌﺎﺩ ﺍﻟﺒﺎﺯﻳﻦ ..
ﻭﻟﻄﻴﻔﻪ ﺗﺤﻂ ﻓﻲ ﺍﻟﺪﺣﻲ ..
ﻭﺍﻟﺒﻨﺎﺕ ﻳﻮﺗﻮﺍ ﻓﻲ ﺍﻟﺼﻔﺮ ﻭﻣﻌﺎﻫﻢ ﺳﻤﻴﻪ ﺍﻟﻠﻲ ﻫﺪﺍ ﻭﻳﻦ ﺟﺖ .. ﺗﺴﺒﻠﺖ ﺑﻮﻟﺪﻫﺎ ﺭﻣﻀﺎﻥ ... ﻣﺮﻳﺾ ..
ﻭﺍﻟﻮﻟﺪ ﻳﻠﻌﺐ ﻣﻊ ﺍﻟﺼﻐﺎﺭ ﺣﺪﺍ ﺍﻟﺨﻴﻤﻪ ...
🍁🍁🍁🍁
ﻓﺤﻮﺵ ﺍﻟﻌﺮﻭﺱ ﻛﺎﻧﺖ ﺍﻟﻌﺰﻭﻣﻪ ﻉ ﺍﻟﻌﺸﻲ ...
ﻭﻛﺎﻧﺖ ﻋﻨﺪﻫﻢ ﻓﻀﻴﻠﻪ ﺗﻌﺎﻭﻥ ..
ﻣﺮﺍﻡ : ﻋﻄﻴﻚ ﺍﻟﺼﺤﻪ ﻓﻀﻴﻠﻪ ..
ﻓﻀﻴﻠﻪ ﺷﺒﺤﺘﻠﻬﺎ : ﺳﻠﻤﻚ ﺣﺒﻴﺒﻪ .. ﺷﻦ ﺍﻟﻤﻌﻨﻮﻳﺎﺕ ..
ﺍﺑﺘﺴﻤﺖ ﺑﺨﺠﻞ ﻭﻗﺎﻟﺖ : ﻛﻮﻳﺴﻪ ..
ﺿﺤﻜﻮﺍ ﺧﻮﺍﺗﻬﺎ ﻭﻗﺮﻳﺒﺎﺗﻬﺎ
ﻓﻀﻴﻠﻪ : ﻟﻮ ﺍﻧﻲ ﻣﻜﺎﻧﻚ ﻧﻔﻮﺕ ﻋﺮﺳﻲ ﻛﻠﻪ ﻭﺍﻧﻲ ﻧﺮﻗﺺ ﻣﻦ ﺍﻟﻔﺮﺣﻪ ﺍﻟﻠﻲ ﺣﺼﻠﺖ ﻫﺎﻧﻴﺒﺎﻝ ..
ﻫﻲ ﻗﻌﺪﺕ ﻣﺒﺘﺴﻤﻪ ... ﻟﻜﻦ ﻣﻦ ﺩﺍﺧﻠﻬﺎ ﺍﺿﺎﻳﻘﺖ ﻷﻧﻬﺎ ﻏﺎﺭﺕ💓
ﻭﺣﺪﻩ ﻣﻦ ﻗﺮﻳﺒﺎﺗﻬﺎ : ﻣﺎﺷﺎﺀ ﺍﻟﻠﻪ ﻋﻠﻴﻪ ﻫﺎﻟﺮﺍﺟﻞ ﺭﻳﺘﻪ ﻧﻬﺎﺭ ﺍﻟﻜﺴﻮﺓ ﻣﻨﻴﻦ ﺟﺎﻙ ..
ﻓﻨﺼﻮﺍ ﺧﻮﺍﺗﻬﺎ .. ﻭﻫﻲ ﺑﻠﻌﺖ ﺭﻳﻘﻬﺎ ..
ﻓﻀﻴﻠﻪ ﺍﺗﻔﺎﺟﺌﺖ : ﺟﺎﻙ؟؟؟ ! ﻻﺍﺍﺍ ﺩﺍ ﻏﺮﺋﺎﻥ ﻟﺸﻮﺷﺘﻮﺍ ﺑﺌﻰ ..
ﺿﺤﻜﻮﺍ ﻛﻠﻬﻢ .. ﻭﻣﺮﺍﻡ ﺿﺤﻜﺖ ﻭﻫﻲ ﺑﺘﺘﺒﺨﺮ ﻣﻦ ﺍﻹﺣﺮﺍﺝ ﻗﺪﺍﻡ ﺍﻟﺠﻴﺮﺍﻥ ..
🍁🍁🍁🍁
ﺍﻧﻲ ﻛﻨﺖ ﺧﺎﻳﻔﻪ ﺍﻟﻤﺼﺎﺭﻳﻦ ﻣﺎﻳﺒﺪﻧﺶ ﻟﻜﻦ ﺍﻟﺤﻤﺪ ﻟﻠﻪ ﻛﻠﻪ ﺑﺪ .
ﺯﻳﻨﺐ ﺑﻀﺤﻜﻪ : ﻣﺶ ﻗﺘﻠﻚ ﻳﺎﻏﺎﻟﻴﻪ ﺍﻧﻲ ﺑﻴﺒﺪ ﻋﻴﻨﻲ ﻣﻴﺰﺍﻧﻲ ..
ﺿﺤﻜﻮﺍ ...
ﻉ ﺟﻴﺔ ﺭﺍﻧﻴﺎ : ﺧﺎﻟﻲ ﻣﺤﻤﺪ ﻣﺎﺣﺼﻠﺶ ﻏﺪﻱ ..
ﻛﻠﻬﻢ : ﻛﻴﻴﻴﻒ !! ؟ ..
ﺭﺍﻧﻴﺎ ؛ﻫﺪﺍ ﻭﻳﻦ ﺭﻭﺡ ﻣﻦ ﺍﻟﺨﺪﻣﻪ ..
ﻏﺎﻟﻴﻪ : ﻳﺎﻧﺎﺍﺍﺭﻱ ..
ﻧﻌﻴﻤﻪ : ﻣﺎﺯﺍﻝ ﻓﻲ ﺑﺼﻠﻪ ﺯﻳﻨﺐ ..
ﺯﻳﻨﺐ : ﺍﻳﻪ ..
ﻧﻌﻴﻤﻪ : ﺧﻞ ﻧﺴﻠﻘﻠﻪ ﻣﻜﺮﻭﻧﻪ ﻛﺎﻥ ﻫﺪﺍ ..
ﻛﻔﺎﻳﻪ : ﻛﻮﻳﺲ .. ﻭﻣﻌﺎﻩ ﻣﺴﻴﺮ
ﻭﺯﻳﺘﻮﻥ ﻭﺧﻼﺹ ..
ﺳﻌﻴﺪﻩ : ﻋﻠﻴﻚ ﻋﻤﻠﻪ .. ﻳﺎﺭﻳﺘﻪ ﻗﺎﻝ ...
ﻏﺎﻟﻴﻪ : ﺍﻳﻪ ﻳﺎﺭﻳﺘﻪ ﻗﺎﻝ ﺑﻨﻌﺪﻱ ﻟﻠﻌﻤﻞ ..
🍁 ﺑﻌﺪ ﻃﺒﺨﻮﻟﻪ ﻣﻜﺮﻭﻧﻪ ﻭﺩﺍﺭﻭﻫﺎﻟﻪ ﻣﺴﻘﻴﻪ ..
ﻭﺣﻄﻮﺍ ﺍﻟﻤﺴﻴﺮ ﻭﺍﻟﺰﻳﺘﻮﻥ ..
....
ﻋﺎﺩﻱ ﻣﺶ ﻣﺸﻜﻠﻪ ..
ﺭﺍﻧﻴﺎ ﺑﺈﺑﺘﺴﺎﻣﻪ ﺷﻘﻴﻪ : ﺍﻣﻢ .. ﺍﻟﺒﺎﻳﻦ ﻓﻲ ﻫﻠﺒﻪ ﺣﺎﺟﺎﺕ ﺣﻨﻲ ﻣﺎﻧﻌﺮﻓﻮﻫﺎﺵ ..
ﺿﺤﻜﺖ ﺑﻠﻘﻴﺲ : ﺗﻲ ﻏﻴﺮ ﺧﻮﺩﻱ ﻳﺎﺭﺍﻧﻴﺎ ..
ﺧﺪﺕ ﺭﺍﻧﻴﺎ ﺣﺎﻓﻈﻪ ﺍﻟﺤﺎﺭ ﻭﻃﻠﻌﺖ ﻣﻦ ﺍﻟﺪﺍﺭ ﺍﻟﻘﺒﻠﻴﻪ ﻭﺟﺘﻬﻢ ..
ﺣﻄﺘﻬﺎ ﻓﻲ ﺍﻟﺼﻔﺮﺓ ..
ﺗﻔﺎﺟﺌﻮﺍ ..
ﺯﻳﻨﺐ : ﻭﻳﻦ ﻟﻘﺘﻴﻬﺎ ..
ﺭﺍﻧﻴﺎ ﺑﺄﺑﺘﺴﺎﻣﻪ : ﻃﻠﻌﺖ ﻓﻲ ﻭﺣﺪﻩ ﺯﺍﻳﺪﻩ ﻧﺼﻴﺐ ﻣﺤﻤﺪ ..
ﺑﻠﻘﻴﺲ ﻛﺎﻧﺖ ﺗﺴﻤﻊ ﻓﻴﻬﻢ .. ﻛﻠﻤﻪ ﺭﺍﻧﻴﺎ ﻓﺮﺣﺘﻬﺎ ﻫﻠﺒﻪ ﻭﺧﻠﺘﻬﺎ ﺗﺤﺲ ﺍﺣﺴﺎﺱ ﺣﻠﻮ ..
ﻛﻔﺎﻳﻪ ﺑﻀﺤﻜﻪ : ﺑﺎﻫﻲ ﺍﺭﻓﻌﻴﻬﺎ ﻫﻲ ..
ﺳﺎﻭﺕ ﻭﺷﺎﺣﻬﺎ .. ﻭﺧﺪﺕ ﺍﻟﺼﻔﺮﻩ ..
ﺭﻓﻌﺘﻬﺎ ﻭﻃﻠﻌﺖ ﺑﻴﻬﺎ ...
ﻭﺻﻠﺖ ﻓﻲ ﺍﻟﺒﺎﺏ ..
ﺭﺍﻧﻴﺎ : ﻫﺎﻙ ﺧﺎﻟﻲ ..
ﺧﺪﻱ ﺍﻟﺼﻔﺮﺓ ﻭﻗﺎﻝ : ﻧﺴﻮﻧﺎ ﺷﻜﻠﻬﻢ ..
ﺭﺍﻧﻴﺎ : ﻣﺎﻳﻨﺪﺭﻭﺵ ﻋﻠﻴﻚ ﻣﺸﻴﺖ ﻟﻠﻌﻤﻞ ..
ﻣﺤﻤﺪ : ﻣﺎﻗﺪﺭﺗﺶ ﻧﻐﻴﺐ ﺿﺮﻭﺭﻱ ﻋﺪﻳﺖ .. ﻭﻗﺖ ﺑﺎﻟﻚ ﻧﻠﺤﻖ .. ﺧﺸﻴﺖ ﺍﻟﺨﻴﻤﻪ ﻟﻘﻴﺖ ﺍﻟﺼﻮﺍﻧﻲ ﻣﻤﺴﻮﺣﺎﺕ ..
ﺿﺤﻜﺖ ﺭﺍﻧﻴﺎ ﺑﻌﺪﻳﻦ ﻗﺎﻟﺖ : ﺍﻳﻪ ﺑﻨﻘﻮﻟﻚ .. ﺣﺎﻓﻈﻪ ﺍﻟﺤﺎﺭ ﻣﻦ ﺑﻠﻘﻴﺲ ..
ﻭﻟﻔﺖ ﻭﺧﺸﺖ ﺗﺠﺮﻱ ﻭﻫﻲ ﺗﻀﺤﻚ ..
ﻫﻮ ﻗﻌﺪ ﻳﺸﻮﻑ ﻟﻠﺤﺎﻓﻈﻪ ﺷﻮﻳﻪ .. ﺑﻌﺪﻳﻦ ﺍﺑﺘﺴﻢ ﺍﺑﺘﺴﺎﻣﻪ ﺧﻔﻴﻔﻪ ﻭﻣﺸﻲ ﺑﺎﻟﺼﻔﺮﺓ ﻟﻤﺮﺑﻮﻋﺔ ﺍﻟﺤﻮﺵ ..
🍁🍁🍁🍁🍁
ﺟﺎﺑﻮﺍ ﺻﻔﺮ ﺍﻟﻐﺪﻱ ..
ﻭﺍﻟﺠﺎﺭﺍﺕ ﺷﺪﻭﺍ ﺍﻟﻤﺎﻋﻴﻦ ..
ﺟﺰﺀ ﻳﻐﺴﻠﻮﺍ ﺑﺮﺍ ..
ﻭﺟﺰﺀ ﻓﻲ ﺳﻘﻴﻔﺔ ﺍﻟﺤﻮﺵ ﺍﻟﻘﺪﻳﻢ ..
🍁 ﻓﻲ ﻧﻔﺲ ﺍﻟﻮﻗﺖ ..
ﻭﺻﻞ ﺻﺎﺣﺐ ﻋﻤﺎﺩ ﺑﻌﻴﻠﻪ ..
ﺗﻴﻔﺴﺎ ..
ﻗﺒﻠﻬﺎ ﻋﻤﺎﺩ ﺑﻠﻐﻬﻢ ﺍﻧﻪ ﻗﺮﻳﺐ ﻳﻮﺻﻞ ﻭﺣﺎﺳﻮﺍ ﺣﻮﺳﻪ ﻣﺶ ﻋﺎﺩﻳﻪ ..
ﻟﺪﺭﺟﺔ ﺑﻌﺘﻮﺍ ﺳﻨﺪ ﻉ ﺍﻟﺴﺮﻳﻊ ﻳﺠﻴﺐ ﺭﺷﺪﻩ ﻛﺴﻜﺎﺱ ﺑﺶ ﻳﻄﻴﺒﻮﻫﺎﻟﻬﻢ ..
🍁🍁🍁
ﺗﻴﻔﺴﺎ ﻛﺎﻥ ﺟﺎﻳﺐ ﻣﻌﺎﻩ ﻣﺮﺗﻪ ﻭﺍﺧﺘﻬﺎ ﺍﻟﻠﻲ ﻛﺎﻧﺖ ﻋﻨﺪﻫﺎ ﺭﻏﺒﻪ ﺷﺪﻳﺪﻩ ﺗﺤﻀﺮ ﻋﺮﺱ ﻓﻬﺪﻳﻜﺎ ﺍﻟﻤﺪﻳﻨﻪ ..
ﺍﺳﺘﻘﺒﻠﻮﻫﻢ ﻓﺎﻃﻤﻪ ﻭﺣﻤﻴﺪﻩ ﺍﻟﻠﻲ ﻛﺎﻧﻮﺍ ﻣﻮﺟﻮﺩﺍﺕ ﻓﻲ ﺍﻟﺤﻮﺵ ﻭﻗﺘﻬﺎ ...
ﻭﻋﻤﺎﺩ ﺍﺳﺘﻘﺒﻞ ﺻﺎﺣﺒﻪ ﻭﻋﺮﻓﻪ ﻉ ﻫﺎﻧﻴﺒﺎﻝ ﻭﺍﻟﺒﺎﻗﻲ ...
ﺩﺧﻠﻮﻩ ﻭﻫﻮ ﻣﺸﻲ ﻃﻮﻝ ﻷﻣﻪ ﺑﺶ ﺑﻴﻘﻮﻟﻠﻬﺎ ﻉ ﺷﻲ ﺿﺮﻭﺭﻱ ..
🍁🍁🍁
ﺑﻨﺎﺕ ﺍﻟﺠﻴﺮﺍﻥ ﻓﻲ ﺳﻘﻴﻔﺔ ﺍﻟﺤﻮﺵ ﺍﻟﻘﺪﻳﻢ ..
ﻳﻤﺼﻤﺼﻮﺍ ﻓﻲ ﺍﻟﻤﺎﻋﻴﻦ ﺍﻟﻠﻲ ﺑﻴﺴﻘﻮﺍ ﻓﻴﻬﻢ ﻭﻫﻲ ﻣﻌﺎﻫﻢ ..
ﺗﺴﻤﻊ ﻓﻲ ﻫﺪﺭﺯﺗﻬﻢ .
: ﻫﺪﻯ ﻫﺎﻧﻴﺒﺎﻝ ﺗﺬﻛﺮﻱ ﺍﻳﺎﻡ ﺍﻟﻜﻠﻴﻪ ﻛﺎﻥ ﻳﺠﻲ ﻳﺪﻳﺮ ﻣﻌﺎﻧﺎ ﻓﻲ ﺍﻣﺘﺤﺎﻧﺎﺕ ..
: ﺣﻴﻴﻲ ﻗﺼﺪﻙ ﻫﺪﺍ ﺍﻟﺴﻤﺢ ﺍﻟﻠﻲ ﻓﻲ ﺍﻟﺸﺘﻲ ﻣﺮﺓ ﺟﻲ ﻻﺑﺲ ﺑﺎﻟﻄﻮﺍ ﻗﻬﻮﻱ ..
: ﺍﻫﺎﺍﺍ ﻋﻠﻴﻚ ﻧﻮﺭ ..
: ﺣﻈﻮﻭﻭﻅ ﻳﺎﻛﺒﺪﻱ ...
: ﺍﻧﺘﻦ ﻛﺎﻥ ﺭﻳﺘﻴﻦ ﻭﻟﺪ ﺍﺧﺘﻪ ..
ﺷﺒﺤﻮﻟﻬﺎ ..
ﺭﺯﺍﻥ ﺍﻟﺘﻔﺘﺖ ..
: ﻓﺎﻳﺖ ﺧﺎﻟﻪ ﻏﺎﺩﻱ ...
: ﺍﻳﻦ ﻣﻨﻬﻢ ..
: ﻗﺎﻟﺘﻠﻲ ﺑﻠﻘﻴﺲ ﻭﻟﺪ ﻛﻔﺎﻳﻪ ﺍﻟﻜﺒﻴﺮ ..
: ﺍﻫﺎﺍﺍ ...
ﻃﻖ ﺑﺎﺏ ﺍﻟﺤﻮﺵ ..
ﻣﺸﺖ ﺭﺯﺍﻥ ﺑﺘﻔﺘﺢ ﻭﻫﻲ ﺗﺸﻮﻓﻠﻬﻢ ﺑﺮﻓﻌﺔ ﺣﺎﺟﺐ ..
ﻓﺘﺤﺎﺗﻪ ..
" ﻣﻠﻌﻘﻪ ..."
ﻓﻨﺼﺖ ..
ﻟﻘﺖ ﺍﻟﺒﻨﺎﺕ ﻋﻴﻮﻧﻬﻢ ﻓﻲ ﺍﻟﺒﺎﺏ ..
ﺍﻟﺘﻔﺖ ﻟﻘﺎﺗﻪ ..
ﻋﻤﺎﺩ ﺑﻀﺤﻜﻪ : ﻧﺎﺩﻳﻠﻲ ﻋﺰﻭﺯﺗﻚ ..
ﻋﻤﺘﻚ ﺭﺯﺍﻥ ﻣﻊ ﺍﻟﻐﻴﺮﻩ ﻻﻫﻨﺎﻙ ﻋﻘﻞ ﻻﻣﻨﻄﻖ ..
ﻗﺮﺑﻌﺖ ﻓﻮﺟﻬﻪ ﺍﻟﺒﺎﺏ ﺗﻘﺮﺑﻴﻌﻪ ...
ﻓﺰﻋﺖ ﻛﻞ ﺍﻟﻤﻮﺟﻮﺩﺍﺕ ...
ﻫﻮ ﻗﻌﺪ ﻳﻀﺤﻚ ﻓﻬﻢ ﻋﻠﻴﻬﺎ ..
ﻃﻠﻊ ﺗﻠﻴﻔﻮﻧﻪ ﻭﺍﺗﺼﻞ ﺑﺄﻣﻪ ..
ﺷﻮﻳﻪ ﻭﻃﻠﻌﺖ ..
ﻋﻤﺎﺩ : ﻳﺎﻡ ﻭﻳﻨﻚ ﺍﻟﺮﺍﺟﻞ ﻭﻋﻴﻠﺘﻪ ﻭﺻﻠﻮﺍ ﺭﻩ ..
ﻛﻔﺎﻳﻪ : ﺣﻴﻲ ﻧﻬﺎﺭﻱ .. ﻛﻴﻒ ﺑﻨﺴﻠﻢ ﻋﻠﻴﻬﻢ ﺑﻤﻨﻈﺮﻱ ﻫﺪﺍ !
ﺿﺤﻚ ﻋﻤﺎﺩ : ﺩﺑﺮﻱ ﺭﺍﺳﻚ .. ﺍﻳﻪ ﻭﺑﻨﻘﻮﻟﻚ .. ﻣﺮﺗﻪ ﺗﺘﺤﺴﺲ ﻣﻦ ﺍﻱ ﺷﻲ ﻓﻴﻪ ﺣﻠﻴﺐ .. ﻣﺎﺗﻌﻄﻮﻫﺎ ﺷﻲ ﻟﻴﻪ ﻋﻼﻗﻪ ﺑﺎﻟﺤﻠﻴﺐ ﺗﺘﻌﺐ ﻫﻠﺒﻪ ﻗﺎﻝ ..
ﻛﻔﺎﻳﻪ : ﻳﺎﻭﺧﻴﺘﻲ ﺳﻠﻤﻪ ﻛﻴﻒ ﺧﺎﻳﻒ ﻉ ﻣﺮﻳﺘﻪ ..
ﻋﻤﺎﺩ ﺗﻨﻬﺪ ﻭﻗﺎﻝ؛ﻭﺣﺘﻰ ﺍﻧﻲ ﺧﺎﻳﻒ ﻉ ﻣﺮﻳﺘﻲ ﻳﺎﻡ .. ﻋﻴﻨﻚ ﻉ ﻛﻨﺘﻚ ﻳﺎﻛﻴﻔﻮ ﺗﺼﻴﺮ ﻓﻴﻬﺎ ﺣﺎﺟﻪ ﻭﻟﺪﻙ ﻳﺘﺨﺘﺶ ﺭﺍﻫﻮ ..
ﻛﻔﺎﻳﻪ ﺿﺤﻜﺖ ﻭﺿﺮﺑﺎﺗﻪ ﻉ ﺫﺭﺍﻋﻪ : ﺑﺎﻫﻲ ﺑﺮﺍ ﻳﺎﻟﻠﻲ ﻣﺎﺗﺘﺤﺸﻢ ﻟﺼﺎﺣﺒﻚ ﺑﺮﺍ ..
ﻫﻮ ﺿﺤﻚ ﻭﻟﻒ ﻭﻣﺸﻲ .
ﻗﻌﺪ ﻳﻔﻜﺮ ﻓﻲ ﺍﻟﻠﻲ ﺻﺎﺭ ﺍﻟﻴﻮﻡ ﻭﺣﺮﻛﺔ ﺭﺯﺍﻥ ﻗﺒﻞ ﺷﻮﻱ ﻭﻛﻞ ﻣﺎﻟﻪ ﻳﺰﻳﺪ ﻳﺘﺸﺠﻊ ﺑﺶ ﻳﻜﻠﻢ ﺧﺎﻟﻪ ﻋﻠﻴﻬﺎ ...
💕💕💕💕💕💕
ﺍﻟﺴﺎﻋﻪ 5:00 ﻋﺼﺮﺍ ..
ﻣﻘﻌﻤﺰﻳﻦ ﻓﻲ ﺍﻟﺪﺍﺭ ﻋﻴﻮﻧﻬﻢ ﻉ ﺍﻳﻨﺎﺭﻭﺍ ﻭﺍﺧﺘﻬﺎ ﺗﺎﻻ ﺟﻤﺎﻟﻬﻢ ﻃﺎﻏﻲ ﻫﻠﺒﻪ ..
ﺍﺧﺖ ﺍﻳﻨﺎﺭﻭﺍ ﻣﻮﺍﻟﻴﺪ ..95 ﻭﻣﺎﺯﺍﻟﺖ ﺍﺣﻼ ﻣﻦ ﺍﺧﺘﻬﺎ ..
ﺍﻟﺒﻨﺎﺕ ﺍﻟﺼﻐﺎﺭ ﻏﺎﺭﻭﺍ ﻫﻠﺒﻪ ﻣﻨﻬﺎ ..
ﻭﻛﻞ ﻭﺣﺪﻩ ﻓﻴﻬﻢ ﺗﺨﺎﻳﻠﺖ ﺍﻟﻠﻲ ﺗﺤﺒﻪ ﻟﻮ ﺷﺎﻓﻬﺎ ﺷﻦ ﻳﺪﻳﺮ ..
🍃 ﺗﻔﻜﻴﺮ ﺍﻷﻧﺜﻰ ﻣﻊ ﺍﻟﻐﻴﺮﻩ ﺩﻳﻤﺎ ﻃﻔﻮﻟﻲ 🍃
ﻏﺎﻟﻴﻪ : ﺗﻘﺮﻱ ﺗﺎﻟﺘﻪ ﺗﺎﻧﻮﻱ ..
ﺗﺎﻟﻪ : ﺍﻳﻪ ﺷﻬﺎﺩﻩ ﺍﻟﺴﻨﻪ ﻫﺎﺩﻱ ..
ﺍﻳﻨﺎﺭﻭﺍ : ﺍﻣﺘﺤﺎﻧﺎﺗﻬﻢ ﻓﻲ ﺷﻬﺮ 7 ﻭﻫﻲ ﻫﺎﻟﻜﻪ ﺭﻭﺣﻬﺎ ﻓﺎﻟﻘﺮﺍﻳﻪ ..
ﺗﺎﻻ : ﻟﻴﻦ ﻧﻔﺴﻴﺘﻲ ﺗﻌﺒﺖ ﻭﻟﻤﺎ ﺳﻤﻌﺖ ﻣﻦ ﺍﻳﻨﺎﺭﻭﺍ ﻉ ﺍﻟﻌﺮﺱ ﺿﺤﻜﺖ ﻭﻛﻤﻠﺖ ﺗﻘﻮﻝ .. ﻗﻠﺖ ﻧﻠﺼﻖ ﻓﻴﻬﻢ ..
ﺿﺤﻜﻮﺍ ...
ﻓﺎﻃﻤﻪ : ﻣﺮﺣﺒﺘﻴﻦ ﺑﻴﻚ ﻭﺑﻮﺧﻴﺘﻚ ..
ﺍﻟﺰﻭﺯ : ﺗﺴﻠﻤﻲ ﺧﺎﻟﺘﻲ ﻓﺎﻃﻤﻪ ..
......
ﺍﻟﺒﻨﺎﺕ ﻓﻲ ﺍﻟﻜﻮﺟﻴﻨﻪ ...
ﻋﻠﻴﻚ ﺟﻤﺎﻝ ﺟﻤﺎﻟﻬﻢ ... ﺣﺴﻴﺖ ﺑﺎﻟﻨﻘﺺ ﻗﺪﺍﻣﻬﻢ ..
ﺩﻻﻝ : ﻛﻞ ﺣﺪ ﻭﻟﻴﻪ ﺟﻤﺎﻟﻪ ﺍﻟﻠﻲ ﻳﻤﻴﺰﻩ .. ﻣﻦ ﺩﺍﺧﻞ ﻭﻣﻦ ﺑﺮﺍ ..
ﺭﺍﻧﻴﺎ ﺍﺑﺘﺴﻤﺖ : ﺻﺢ ..
ﻉ ﺧﺸﺔ ﺣﻤﻴﺪﻩ : ﺭﻳﺘﻦ ﺍﻟﺠﻤﺎﻝ ﺑﺎﻟﻠﻪ ..
ﺍﻟﺒﻨﺎﺕ ﺷﺒﺤﻮﻟﻬﺎ ..
ﺣﻤﻴﺪﻩ ﻭﻫﻲ ﺗﻐﺴﻞ ﻓﻲ ﺍﻟﺮﺿﺎﻋﻪ : ﻛﻔﺎﻳﻪ ﻏﺒﻴﻪ ﻭﻛﺎﻧﻲ ﻣﻨﻬﺎ ﻣﺎﺿﻠﻴﺖ ﺍﻻ ﺧﻄﺒﺘﻬﺎ ﻟﻌﻤﺎﺩ ...
ﺭﺯﺍﻥ ﺑﻠﻌﺖ ﺭﺷﻔﺔ ﺍﻟﻨﺴﻜﺎﻓﻴﻪ ﻭﻧﺰﻟﺖ ﻓﺒﻄﻨﻬﺎ ﺗﻘﻮﻝ ﺳﻢ ..
ﺣﻤﻴﺪﻩ : ﺗﻮ ﻧﺤﺎﻭﻝ ﻓﻴﻬﺎ ﻣﺎﺗﺨﻠﻴﻬﻤﺶ ﻳﺮﻭﺣﻮﺍ ﺍﻻ ﻭﻫﻲ ﻋﺎﻃﻴﻪ ﻓﻴﻬﺎ ﻛﻠﻤﻪ .
ﻭﻃﻠﻌﺖ ﻣﻦ ﺣﺪﺍﻫﻢ ..
ﺍﻟﺘﻔﺘﻮﺍ ﺭﺍﻧﻴﺎ ﻭﺩﻻﻝ ﻟﺮﺯﺍﻥ ..
ﻭﺭﻓﻘﻪ ﻭﺍﻗﻔﻪ ﺣﺪﺍﻫﺎ ﻭﺗﺸﻮﻓﻠﻬﺎ ..
ﺭﺯﺍﻥ ﺗﻠﻘﺎﺋﻴﺎ ﺩﻣﻮﻋﻬﺎ ﻧﺰﻟﻮﺍ ..
ﺩﻻﻝ : ﻣﻬﺒﻮﻟﻪ ﻳﺎﺭﺯﺍﻥ ... ﻛﺎﻧﻚ ﺭﻳﺘﻲ ﻋﻤﺎﺩ ﺷﻦ ﺻﺎﺭ ﻓﻴﻪ ﺍﻣﺲ ﻉ ﺧﺎﻃﺮﻙ ﻣﺎﺗﺤﺮﻛﺘﻠﻚ ﺷﻌﺮﻫﺎ ﻣﻦ ﻛﻼﻣﻬﺎ ..
ﺭﻓﻘﻪ : ﺻﺢ ﻗﺮﻳﺐ ﻫﺒﻞ ﻣﺴﻜﻴﻦ
ﺭﺯﺍﻥ ﺗﺴﻤﻊ ﻓﻴﻬﻢ ﻭﻫﻲ ﺗﺸﻮﻑ ﻟﻠﻔﻨﺠﺎﻥ ﻭﻓﻤﻬﺎ ﻳﺘﻘﻮﺱ ﻭﺩﻣﻮﻋﻬﺎ ﻣﺎﺯﺍﻝ ﺗﻨﺰﻝ ..
ﺩﻻﻝ : ﺍﻧﺸﺪﻳﻨﻲ ﺍﻧﻲ ﻉ ﺍﻟﺮﺍﺟﻞ ﻟﻤﺎ ﻳﻌﺸﻖ .. ﻭﺍﻟﻠﻪ ﻟﻮ ﻳﺤﻄﻮﺍ ﻗﺪﺍﻣﻪ ﻣﻦ ﺍﻟﺒﻨﻴﻪ ﻫﺎﺩﻱ ﺍﻟﻒ ﻣﺎﻫﻮ ﻣﻌﺒﺮﻫﻢ .. ﻭﻧﻘﻮﻟﻚ ﺍﻟﺮﺍﺟﻞ ﺍﻟﺮﺍﺟﻞ .. ﻭﻋﻤﺎﺩ ﺭﺍﺟﻞ ﻳﺎﺭﺯﺍﻥ ..
ﻣﺴﺤﺖ ﺭﺯﺍﻥ ﺩﻣﻮﻋﻬﺎ ..
ﺩﻻﻝ ﻗﺪﻣﺘﻠﻬﺎ ﺧﺪﺕ ﻣﻨﻬﺎ ﺍﻟﻔﻨﺠﺎﻥ ﻭﻧﻮﺿﺘﻬﺎ : ﺗﻌﻮﺫﻱ ﻣﻦ ﻟﻠﺸﻴﻄﺎﻥ ﻭﺑﺮﻱ ﺍﻏﺴﻠﻲ ﻭﺟﻬﻚ ﻭﺧﻠﻴﻚ ﻭﺍﺛﻘﻪ ﻣﻦ ﻧﻔﺴﻚ ﻭﻗﻮﻟﻲ ﺍﻧﻲ ﺍﻟﻠﻲ ﺗﻮﺑﺖ ﻋﻤﺎﺩ ﻭﺧﻠﻴﺘﻪ ﻣﺎﻳﺸﻮﻓﺶ ﻣﻦ ﺍﻟﺒﻨﺎﺕ ﻭﺣﺪﻩ ﻏﻴﺮﻱ .
ﺿﺤﻜﺖ ﺭﺯﺍﻥ ..
ﺩﻻﻝ ﺑﻀﺤﻜﻪ : ﻫﻴﺎ ﺑﺮﻱ ..
ﻣﺸﺖ ﻃﻮﻝ ﺭﺯﺍﻥ ﻭﻃﻠﻌﺖ ﻣﻦ ﺣﺪﺍﻫﻢ ..
ﺭﺍﻧﻴﺎ : ﺧﺎﻟﺘﻲ ﺣﻤﻴﺪﻩ ﺯﻭﺩﺗﻬﺎ ﻫﻠﺒﻪ ..
ﺩﻻﻝ : ﻣﺶ ﻋﺎﺭﻓﻪ ﺷﻦ ﺟﺎﻫﺎ ..
ﺭﻓﻘﻪ : ﻧﺴﻤﻊ ﻓﺤﻨﺎﻱ ﺑﻜﺮﻱ ﺗﻘﻮﻝ ﻟﻌﻤﺘﻲ ﺯﻳﻨﺐ ﺷﻜﻠﻪ ﺭﺍﺟﻠﻬﺎ ﻳﺒﻲ ﻳﺎﺧﺪ ..
ﺍﻧﺼﺪﻣﻮﺍ ﺭﺍﻧﻴﺎ ﻭﺩﻻﻝ ﺑﻘﻮﺓ ﻣﻦ ﺍﻟﻠﻲ ﺳﻤﻌﻮﻩ ...
🍁🍁🍁🍁🍁
ﺍﻟﺴﺎﻋﻪ 6:30 ..
ﻳﺪﻫﻮﺭﻭﺍ ﻓﻲ ﺍﻟﺠﺮﺩﻳﻨﻪ ﻭﻳﻮﺭﻭﺍ ﻓﻴﻬﺎ ﻟﺘﻴﻔﺴﺎ ..
ﺗﻴﻔﺴﺎ : ﺍﻻﺟﻮﺍﺀ ﻫﻨﻲ ﺗﺸﺒﻪ ﺍﻟﻠﻲ ﻋﻨﺪﻧﺎ ﻫﻠﺒﻪ .
ﻫﺎﻧﻴﺒﺎﻝ : ﻣﺪﻥ ﺟﺒﻠﻴﻪ ..
ﺗﻴﻔﺴﺎ ﺑﺈﺑﺘﺴﺎﻣﻪ : ﺻﺢ .. ﺟﺒﺎﻟﻜﻢ ﺷﺎﻣﺨﻪ ..
ﺍﺑﺘﺴﻢ ﺍﻟﻬﺎﺩﻱ .. ﻭﻫﺎﻧﻴﺒﺎﻝ ﻋﺠﺒﺎﺗﻪ ﺍﻟﻜﻠﻤﻪ ..
ﻣﻦ ﺟﻬﺔ ﺗﺎﻧﻴﻪ ..
ﻋﻤﺎﺩ : ﺑﻨﻔﺘﺢ ﺍﻟﻤﻮﺿﻮﻉ ﻣﻌﺎﻩ ﺧﻼﺹ ..
ﻣﺤﻤﺪ : ﺗﻮﻛﻞ ﻉ ﺍﻟﻠﻪ ﻭﻣﺘﺄﻛﺪ ﻣﻴﻼﺩ ﻣﺎﻳﺮﺩﻛﺶ .
ﺗﻨﻬﺪ ﻭﻗﺎﻝ : ﺇﻥ ﺷﺎﺀ ﺍﻟﻠﻪ ..
ﺑﻌﺪﻳﻦ ﺗﻠﻔﺖ ﺷﺒﺢ ﻟﻠﺨﻴﻤﻪ : ﺟﺎﻳﺐ ﺍﻣﻬﺎ ﺍﻟﻤﻨﻈﻮﻣﻪ ﻉ ﺍﻟﻔﺎﺿﻲ ﺍﻧﻲ ..
ﺿﺤﻚ ﻣﺤﻤﺪ ..
ﻣﺸﻲ ﻋﻤﺎﺩ ﺟﻬﺔ ﺍﻟﺨﻴﻤﻪ .. ﻭﻣﺤﻤﺪ ﻟﺤﻘﻪ ...
ﻭﺗﻴﻔﺴﺎ ﻣﻨﺴﺠﻢ ﻫﻠﺒﻪ ﻣﻊ ﻫﺎﻧﻴﺒﺎﻝ ﻭﺍﻟﻬﺎﺩﻱ ﻓﻲ ﺍﻟﻬﺪﺭﺯﺓ ..
🍁🍁🍁🍁🍁
ﺧﺶ ﺍﻟﺨﻴﻤﻪ ﻫﻮ ﻣﺤﻤﺪ ..
ﻟﻘﻮﺍ ﺍﻟﺒﻨﺎﺕ ﻣﻘﻌﻤﺰﺍﺕ ﻳﻬﺪﺭﺯﻭﺍ ...
ﻛﻞ ﻣﺠﻤﻮﻋﻪ ﻓﺘﺮﻛﻴﻨﻪ ..
ﻋﻤﺎﺩ : ﻋﺮﺱ ﻳﺎﻫﻮﻭﻭﻭ ﻋﺮﺱ ...
ﺿﺤﻜﻮﺍ ..
ﺭﺑﺎﺏ . ﺑﻀﺤﻜﻪ : ﺷﻦ ﺗﺒﻴﻨﺎ ﻧﺪﻳﺮﻭﺍ ..
ﻋﻤﺎﺩ : ﺍﻧﻲ ﺗﻮ ﻧﺪﻳﺮ ...
ﻣﺸﻲ ﻟﻠﻤﻨﻈﻮﻣﻪ ..
ﻭﻣﺤﻤﺪ ﻳﺸﻮﻓﻠﻪ ﻭﻳﻀﺤﻚ ...
ﻭﺭﺯﺍﻥ ﻣﻌﺎﻩ ﻉ ﺍﻟﺨﻂ ..
ﺍﻟﺘﻔﺖ ﺷﺒﺤﻠﻬﺎ ﺑﻌﺪﻳﻦ ﺷﺒﺢ ﻟﺤﺪﻫﻢ : ﻓﺸﻦ ﺧﺎﻃﺮﻙ ﺣﺪﻭ ..
ﺣﺪﻫﻢ ﺑﻀﺤﻜﻪ : ﻓﻲ ﺩﻟﻮﻉ ﻭﻋﺴﻮﻝ ...
ﻋﻤﺎﺩ ﺑﻀﺤﻜﻪ : ﻣﺶ ﻋﺎﺍﺍﺍﺩﻳﻪ ﻳﺎﺣﺪﻭ ... ﻓﻲ ﻳﺎﻋﻴﻨﻲ ﻭﺍﻟﻠﻪ ..
ﺣﻂ ...CD ﻭﺷﻐﻞ ﺍﻟﻤﻨﻈﻮﻣﻪ ..
ﺑﺪﺕ ﺍﻷﻏﻨﻴﻪ ﻭﺑﺪﻱ ﻳﻬﻴﺞ ...
ﻭﺍﻟﺒﻨﺎﺕ ﻳﺼﻔﻘﻮﻟﻪ ﻭﻣﺤﻤﺪ ﻳﻀﺤﻚ ﻭﻳﺤﺮﻙ ﻓﺮﺍﺳﻪ ﺍﻳﻤﻴﻦ ﻭﻳﺴﺎﺭ ...
ﺭﻓﻘﻪ : ﻫﻬﻬﻬﻬﻬﻪ .. ﻓﻀﻴﻊ ﻭﺍﻟﻠﻪ ..
ﺭﺯﺍﻥ ﺑﺘﻨﺤﺮﻕ ﻭﻫﻲ ﺗﺸﻮﻑ ﻟﺤﺪﻫﻢ ﻛﻴﻒ ﻧﺎﺿﺖ ﻭﺟﺖ ﺣﺪﺍﻩ ﻭﻗﻌﺪﺕ ﺗﺼﻔﻖ ﻭﺗﻐﻨﻲ ﻭﻫﻮ ﻳﻐﻨﻲ ﻣﻌﺎﻫﺎ ...
ﻭﺍﻟﺒﻨﺎﺕ ﻳﺸﻮﻓﻠﻬﻢ ﻭﻳﻀﺤﻜﻮﺍ ..
ﺭﺯﺍﻥ ﻧﺎﺿﺖ ﻭﻣﺸﺖ ﺑﺨﻄﻮﺍﺕ ﺛﺎﺑﺘﻪ ﺧﺸﺖ ﻟﻠﺤﻮﺵ ﻣﻦ ﻓﻢ ﺍﻟﺒﻮﺍﺑﻪ ﻭﻭﺻﻠﺖ ﻓﻲ ﺍﻟﻤﺮﺑﻮﻋﻪ ...
ﻭﺣﻮﻟﺖ ﺧﻴﻂ ﺍﻟﻤﻨﻈﻮﻣﻪ ﻣﻦ ﺍﻟﻀﻲ ...
ﻓﻲ ﺍﻟﺨﻴﻤﻪ ..
ﺗﺒﺖ ﻉ ﻟﻘﻄﻪ ﻭﻗﺎﻝ : ﻫﺮﺏ ﺍﻟﻀﻲ !!
ﻣﺤﻤﺪ : ﻭﺍﻟﻼﻣﺒﺎﺕ ﻭﺍﻟﻌﺎﺕ ﻣﻦ ﺿﻲ ﺧﺪﻙ .!
ﺿﺤﻜﻮﺍ ..
ﻭﻫﻮ ﺷﺒﺢ ﻟﻼﻣﺒﺎﺕ ..
ﻧﺰﻝ ﺍﻳﺪﻳﻪ ﻭﻗﺎﻝ : ﺑﺎﻫﻲ ﺷﻦ ﺟﺎﻫﺎ ..
ﻗﻌﺪ ﻳﺸﻮﻓﻠﻬﺎ ﺷﻮﻳﻪ ﺑﻌﺪﻳﻦ ﺍﻟﺘﻔﺖ ﻓﺠﺄﺓ ..
ﻟﻘﻲ ﺭﺯﺍﻥ ﺧﺎﺷﻪ ﻟﻠﺨﻴﻤﻪ ﻭﻫﻲ ﺭﺍﻓﻌﻪ ﺣﺎﺟﺒﻬﺎ .
ﺍﺑﺘﺴﻢ ﻭﺗﻠﻔﺖ ﺍﻟﻘﺪﺍﻡ ﻭﻗﺎﻝ ﻟﺨﺎﻟﻪ : ﻫﻴﺎ ﻧﻄﻠﻌﻮﺍ ﻟﺠﻤﺎﻋﻪ ..
ﻣﺤﻤﺪ ﻃﻠﻊ ﻭﻫﻮ ﻳﻀﺤﻚ ..
ﻭﻋﻤﺎﺩ ﻭﺭﺍﻩ .. ﺗﻠﻔﺖ ﺷﺒﺢ ﻟﺮﺯﺍﻥ .. ﻫﻲ ﻛﺎﻧﺖ ﺗﺸﻮﻓﻠﻪ ﺑﺮﺑﻊ ﻋﻴﻦ ..
ﺿﺤﻚ .. ﻭﺗﻠﻔﺖ ﺍﻟﻘﺪﺍﻡ .. ﻭﻃﻠﻊ ..
ﻫﻲ ﻣﺮﺭﺕ ﻋﻴﻮﻧﻬﺎ ﻉ ﺍﻟﺒﻨﺎﺕ ﻟﻘﺘﻬﻢ ﻳﺸﻮﻓﻮﻟﻬﺎ ﻭﻳﻀﺤﻜﻮﺍ ..
ﺍﺑﺘﺴﻤﺖ ﻭﻫﻲ ﺭﺍﻓﻌﻪ ﺣﺎﺟﺒﻬﺎ ﻭﻣﺤﺮﺟﻪ ﺑﻌﺾ ﺍﻟﺸﻲﺀ ..
🍁 ﺩﺍﺧﻞ ...
ﻗﻌﺪﺕ ﻧﻘﻮﻝ ﻟﺤﻤﺰﺓ ﻳﺎﺭﺍﺟﻞ ﻫﺪﻱ ﺷﻨﻲ ﺷﺤﻤﻪ ﻭﻻ ﺩﺟﺎﺟﻪ ﻭﻻﺷﻨﻲ ﺑﺎﻟﺰﺑﻂ ..
ﺿﺤﻜﺖ ﻧﻌﻴﻤﻪ ..
ﺯﻳﻨﺐ ﺑﻀﺤﻜﻪ : ﺷﻮﺭﻧﻲ ﻣﻦ ﺍﻹﺳﺘﻌﺠﺎﻝ ﺳﻘﻴﺘﻬﺎ ﻣﻊ ﻃﺒﻴﺨﻪ ..
ﻋﻤﺮ : ﺑﺎﻫﻲ ﺍﻟﻠﻲ ﻃﺎﺣﺖ ﻓﻴﺎ ﺍﻧﻲ ﻭﻭﻻﺩ ﺍﺧﺘﻚ ..
ﺿﺤﻜﻮﺍ ﻉ ﺯﻳﻨﺐ ﺍﻟﻠﻲ ﻛﺎﻧﺖ ﻣﺤﺮﺟﻪ ﻣﻦ ﺍﻟﻤﻮﻗﻒ ﻉ ﺟﻴﺔ ﻏﺎﻟﻴﻪ : ﻫﻴﺎ ﺑﺴﺮﻋﻪ ﺍﻃﻠﻌﻦ ﻭﺗﻦ ﺍﺭﻭﺍﺣﻜﻦ ﻣﻌﺎﺵ ﻓﻲ ﻭﻗﺖ ..
ﻧﻌﻴﻤﻪ : ﻫﻴﺎ ﻫﻲ .
ﻭﻃﻠﻌﻮﺍ ﺟﺮﻱ ﻣﻦ ﺍﻟﻜﻮﺟﻴﻨﻪ ...
ﻋﻤﺮ ﻛﺎﻥ ﻳﺪﻭﺭ ﺑﻌﻴﻮﻧﻪ ﻓﻴﻬﺎ ..
ﻭﻏﺎﻟﻴﻪ ﺗﺸﻮﻓﻠﻪ ﺑﺘﻀﻴﻴﻘﺔ ﻋﻴﻮﻥ : ﺍﻧﺖ ﺍﻟﻠﻲ ﻣﺸﻄﺖ ﺳﻄﻞ ﺍﻟﻤﻘﺮﻭﺽ ﻭﻻ .. ﺍﺻﻼ ﻣﺎﻳﺪﻳﺮﻫﺎ ﻭﺍﺣﺪ ﻏﻴﺮﻙ ..
ﺷﺒﺤﻠﻬﺎ ﺑﺈﺯﺩﺭﺍﺀ ﻭﻗﺎﻝ ﻭﻫﻮ ﻳﻌﺠﺐ ﻋﻠﻴﻬﺎ : ﺍﺻﻼ ﻣﺎﻳﺪﻳﺮﻳﻬﺎ ﺍﻧﻨﻨﻦ ...
ﻏﺎﻟﻴﻪ ﻣﻄﺖ ﺷﻮﺍﺭﺑﻬﺎ ﺑﻘﺮﻑ .
ﻋﻤﺮ : ﻋﻤﺎﺩ ﻳﺎﺻﺒﺎﺡ ﻣﺶ ﺍﻧﻲ ..
ﻏﺎﻟﻴﻪ : ﺍﺍﺍﺍﻩ .. ﻛﺎﻥ ﻋﻤﺎﺩ ﺻﺤﺘﻴﻦ .. ﺭﻗﺼﺖ ﺣﻮﺍﺟﺒﻬﺎ ﺍﺳﺘﻔﺰﺍﺯﺍ ﻭﻣﺸﺖ ..
ﻋﻤﺮ : ﺧﺰﻳﻲ .. ﺑﻌﺪﻳﻦ ﺭﺟﻊ ﻳﺪﻭﺭ ﻫﻨﻲ ﻭﻫﻨﻲ ﻛﺎﻥ ﻓﻲ ﺣﺎﺟﻪ ﻳﺎﻛﻠﻬﺎ ﻋﺘﺮ ﻓﺼﻮﻧﻴﻪ ﻓﻴﻬﺎ ﺣﻠﻮﻳﺎﺕ ﻣﻐﻄﻴﻪ ..
ﺧﺪﺍﻫﺎ ﻭﻃﻠﻊ ﺑﻴﻬﺎ ...
🍁🍁🍁🍁
ﻭﻟﻴﻞ ﺍﻟﻠﻴﻞ ..
ﻭﺍﻟﻜﻞ ﻛﺎﻥ ﻣﺸﻐﻮﻝ ﺑﺎﻟﺘﺠﻬﻴﺰ ﻟﻠﺴﻬﺮﻳﻪ ﺍﻟﻜﺒﻴﺮﻩ ﻭﺍﻟﻘﻨﺪﻳﻞ ..
ﻭﺍﻟﺮﺟﺎﻟﻪ ..
ﺟﺘﻬﻢ .. ﺍﻟﻔﺮﻗﻪ ﺍﻟﻐﻨﺎﺋﻴﻪ ..
ﻭﺍﻟﺒﺎﻳﻦ ﺍﻥ ﻫﺎﻟﻠﻴﻠﻪ ﺣﺘﻜﻮﻥ ﺍﻣﻴﺰ ﻟﻴﻠﻪ ﻓﻲ ﺍﻟﻌﺮﺱ ..
💕💕💕💕💕
ﺧﺸﻮﺍ ﺑﻠﻘﻴﺲ ﻫﻲ ﻭﺍﺭﻳﺞ ﻟﻠﻘﻄﻌﻪ ..
ﺍﺭﻳﺞ : ﻣﺎﻧﺸﺒﺢ ﻓﺸﻲ ..
ﺑﻠﻘﻴﺲ : ﺣﺘﻰ ﺍﻧﻲ .. ﺷﻦ ﺭﺍﻳﻚ ﻧﺰﻟﻬﻮﻥ ﺍﺻﻼ ﻣﺎﻫﻨﺎﻙ ﺣﺪ .
ﺍﺭﻳﺞ : ﻫﻜﻲ ﺗﻘﻮﻟﻲ ..
ﺑﻠﻘﻴﺲ : ﺍﻳﻪ ...
ﻧﺰﻟﻮﺍ ﻃﺮﻭﻑ ﻭﺷﺎﺣﺘﻬﻢ ﻣﻦ ﻉ ﻭﺟﻮﻫﻬﻢ ﻭﻛﻤﻠﻮﺍ ﻃﺮﻳﻘﻬﻢ ﻟﻠﺨﻴﻤﻪ ..
ﻭﻫﻤﺎ ﻣﺎﺷﻴﺎﺕ ..
" ﻫﻬﻬﻬﻬﻬﻬﻬﻬﻪ .."
ﺍﺭﻳﺞ : ﺣﻴﻲ ﻭﺗﻘﻮﻟﻲ ﻣﺎﻓﻲ ﺣﺪ ..
ﻣﺤﻤﺪ ﻭﺗﻮﻓﻴﻖ ﺍﻟﺘﻔﺘﻮﺍ ﻟﻤﺎ ﺳﻤﻌﻮﺍ ﺣﺲ ..
ﺗﻮﻓﻴﻖ ﺗﻠﺨﺒﻂ ﻟﻤﺎ ﺷﺎﻑ ﺍﺭﻳﺞ .
ﻭﻫﻲ ﻃﻮﻝ ﻏﻄﺖ ﻭﺟﻬﻬﺎ ﺑﺎﻟﻮﺷﺎﺡ .
ﻟﻜﻦ ﺑﻠﻘﻴﺲ ﻗﺼﺪﺍ ﺧﻼﺗﻪ ..
ﻣﺤﻤﺪ ﻭﻟﻌﺖ ﻓﻴﻪ ﺍﻟﻨﺎﺭ : ﻏﻄﻲ ﺯﻭﻣﺘﻚ ﻭﺧﺸﻲ ﺩﺍﺧﻞ ..
ﺗﻮﻓﻴﻖ ﺍﻧﺼﺪﻡ ..
ﺑﻠﻘﻴﺲ ﻃﻮﻝ ﻏﻄﺖ ﻭﺟﻬﻬﺎ ﻭﻫﻲ ﻣﺒﺘﺴﻤﻪ ﻭﺧﺪﺕ ﺍﺭﻳﺞ ﻣﻦ ﻳﺪﻫﺎ ﻭﻣﺸﻮﺍ ﺑﺴﺮﻋﻪ .
ﺍﺭﻳﺞ : ﻋﻠﻴﻚ ﻣﻮﺍﻗﻒ ﺍﻟﺰﻓﺖ ..
ﺑﻠﻘﻴﺲ ﺗﻀﺤﻚ ﺑﻜﺘﻤﺎﻥ ..
ﻭﺧﺸﻮﺍ ﺩﺍﺧﻞ ...
💕💕💕💕💕
ﻃﻠﻌﺖ ﻫﻲ ﻭﻋﻤﺎﺗﻬﺎ ﻭﺣﻨﺎﻫﺎ ..
ﻣﺸﻮﺍ ...
ﻓﻲ ﻧﻔﺲ ﺍﻟﻮﻗﺖ ﺍﻳﻤﻦ ﻃﻠﻊ ﻫﻮ ﻭﻣﺆﻧﺲ ..
ﺷﺒﺤﺖ ﺣﺪﻫﻢ ﺟﻨﺒﻬﺎ ﺷﺎﻓﺎﺗﻪ ﻫﺎﻟﻤﺮﺓ ﺍﻣﻴﺰ ﻣﻦ ﺍﻟﻠﻲ ﻗﺒﻠﻬﺎ ﻭﻛﻌﺎﺩﺗﻪ ﻣﺸﻴﺘﻪ ﻛﻠﻬﺎ ﻛﺒﺮ ﻭﻏﺮﻭﺭ ..
ﺍﺑﺘﺴﻤﺖ .. ﻭﺷﺒﺤﺖ ﺍﻟﻘﺪﺍﻡ ...
💕💕💕💕
ﻓﻲ ﺍﻟﺨﻴﻤﻪ ﻛﺎﻥ ﺍﻛﺜﺮ ﻣﻦ ﻟﻔﺖ ﺍﻹﻧﺘﺒﺎﻩ ﺍﻳﻨﺎﺭﻭﺍ ﻭﺍﺧﺘﻬﺎ ..
ﺍﻟﻜﻞ ﻋﻴﻮﻧﻬﻢ ﻋﻠﻴﻬﻢ ..
ﺣﺪﻫﻢ : ﻣﻦ ﻫﻤﺎ ﻫﺎﺩﻡ ..
ﺭﺯﺍﻥ : ﺻﺤﺎﺏ ﻋﻤﺎﺩ ..
ﺑﻠﻘﻴﺲ ﻭﺣﺪﻫﻢ : ﺷﻨﻮﻭﻭ؟؟
ﺭﺯﺍﻥ ﻏﻤﻀﺖ ﻋﻴﻮﻧﻬﺎ ﻭﻓﺘﺤﺘﻬﻢ : ﻗﺼﺪﻱ ﻫﺪﻳﻜﺎ ﺍﻟﻠﻲ ﻻﺑﺴﻪ ﻗﻔﻄﺎﻥ ﺫﻫﺒﻲ ﻣﺮﺕ ﺻﺎﺣﺐ ﻋﻤﺎﺩ ﻭﺍﻟﻠﻲ ﻻﺑﺴﻪ ﻗﻔﻄﺎﻥ ﻣﻮﻑ ﺍﺧﺘﻬﺎ ..
ﺣﺪﻫﻢ ﺑﻤﺰﺡ ﻣﻘﺼﻮﺩ : ﺭﺍﺣﺖ ﻋﻠﻴﻚ ﻳﺎﺭﺯﺍﻥ ..
ﺭﺯﺍﻥ ﺷﺒﺤﺘﻠﻬﺎ ﺑﺮﺑﻊ ﻋﻴﻦ ..
ﺑﻠﻘﻴﺲ : ﺍﻳﻪ ﺳﻤﺤﻪ ﻟﻜﻦ ﺩﻣﻬﺎ ﺭﺯﻳﻦ .. ﻣﺶ ﻛﻴﻒ ﺭﺯﺍﻥ ﺳﻤﺤﻪ ﻭﺗﻨﺰﻣﻂ ﺯﻣﻂ ﻣﻦ ﺧﻔﺔ ﺩﻣﻬﺎ ..
ﺭﺯﺍﻥ ﺍﺑﺘﺴﻤﺖ .
ﺑﻠﻘﻴﺲ ﺑﻀﺤﻜﻪ : ﺷﻦ ﺭﺍﻳﻚ ﻓﻴﺎ ﻭﺍﻧﻲ ﺟﻤﻌﻴﺔ ﺭﻓﻊ ﻣﻌﻨﻮﻳﺎﺕ ..
ﺿﺤﻜﻮﺍ ﺣﺪﻫﻢ ﻭﺭﺯﺍﻥ ...
ﺷﻮﻳﻪ ﻭﻃﻠﻌﻮﺍ ﺯﻳﻨﺐ ﻭﻛﻔﺎﻳﻪ ...
ﻭﻛﺎﻧﻮﺍ ﺳﺒﺐ ﻓﻨﻈﺮﺍﺕ ﺫﻫﻮﻝ ﻟﻠﻤﻮﺟﻮﺩﻳﻦ ..
ﻛﻔﺎﻳﻪ ﺑﻘﻔﻄﺎﻥ ﺍﺣﻤﺮ ﺿﺎﺑﻂ ﻉ ﺍﻟﺠﺴﻢ ...
ﻛﻢ .. ﺷﻔﺎﻑ ﻣﻦ ﺍﻋﻠﻰ ﺍﻟﺼﺪﺭ ﻭﺍﻟﻴﺪﻳﻦ ...
ﻭﺍﻟﺒﺎﻗﻲ ﻛﻠﻪ ﻟﻤﺎﻉ ..
ﻭﺷﻌﺮﻫﺎ ﺍﻟﻘﺼﻴﺮ ﻣﻄﻠﻮﻕ ﺩﺍﻳﺮﺗﻠﻪ ﻓﻴﺮ ﻭﻣﻜﻴﺎﺟﻬﺎ ﺟﺮﻱﺀ ﻃﺎﻟﻌﻪ ﺧﻴﺎﻝ ...
ﺍﻣﺎ ﺯﻳﻨﺐ ﺍﻟﺠﺮﻳﺌﻪ ... ﻗﻔﻄﺎﻧﻬﺎ ﻛﺎﻥ ﻋﺮﻳﺎﻥ ﻣﻦ ﻓﻮﻕ ﻳﻌﻨﻲ ﻣﻦ ﻏﻴﺮ ﺳﻴﻮﺭ .. ﺿﻴﻖ ﻟﻌﻨﺪ ﺍﻟﺮﻛﺒﻪ ..
ﻭﺷﻌﺮﻫﺎ ﻉ ﺟﻨﺐ ...
🍃 ﻭﺗﻘﻌﺪ ﺩﻳﻤﺎ ﺯﻳﻨﺐ ﺍﻟﻠﻲ ﺍﻛﺒﺮ ﻣﻦ ﺧﻮﺍﺗﻬﺎ ﻛﻠﻬﻢ ﺗﺒﺎﻥ ﺩﻳﻤﺎ ﺻﻐﻴﺮﺓ ﻣﻦ ﺍﻫﺘﻤﺎﻣﻬﺎ ﺑﻨﻔﺴﻬﺎ 🍃
ﺟﺮﺃﺓ ﺯﻳﻨﺐ ﻣﺎﻋﺠﺒﺘﺶ ﺍﻣﻬﺎ ﺑﻜﻞ ﻭﺍﺿﺎﻳﻘﺖ ﻣﻨﻬﺎ ﻫﻠﺒﻪ ..
...
ﻧﻮﺭ : ﺧﺎﻟﺘﻲ ﺯﻳﻨﺐ ﻗﻠﻌﺖ ﺍﻟﺪﻧﻴﺎ ..
ﺭﺑﺎﺏ : ﺗﻌﺮﻓﻲ ﺍﻧﻬﺎ ﺩﺍﺭﺕ ﺭﺟﻴﻢ ﻭﻟﻌﺒﺖ ﺭﻳﺎﺿﻪ ﻉ ﺧﺎﻃﺮﻩ ..
ﺿﺤﻜﻮﺍ ﻧﻮﺭ ﻭ ﺭﻓﻘﻪ ..
ﺭﻓﻘﻪ : ﻟﻜﻦ ﺣﺘﻰ ﺧﺎﻟﺘﻲ ﻛﻔﺎﻳﻪ ﻭﺍﺍﻭ ..
ﻧﻮﺭ ﺑﻀﺤﻜﻪ : ﺷﻜﻠﻬﺎ ﺩﺍﺭﺕ ﺯﻱ ﺧﺎﻟﺘﻲ ﺯﻳﻨﺐ ..
ﺿﺤﻜﻮﺍ ﺍﻟﺒﻨﺎﺕ ..
ﺷﻮﻳﻪ ﻭﻃﻠﻌﺖ ﺣﻤﻴﺪﻩ ﺑﺒﻨﺘﻬﺎ ﺍﻟﻠﻲ ﻛﺎﻧﺖ ﻣﻠﺒﺴﺘﻬﺎ ﻗﻔﻄﺎﻥ ﺍﺑﻴﺾ ﺣﻠﻮ ..
ﻭﻫﻲ ﻛﺎﻧﺖ ﻻﺑﺴﻪ ﻗﻔﻄﺎﻥ ﺯﻣﺮﺩﻱ ﺭﺑﻊ ﻛﻢ ﺿﻴﻖ ﻣﻦ ﻓﻮﻕ ﻭﻣﻨﻔﻮﺥ ﻣﻦ ﻟﻮﻃﺎ .. ﻭﺭﺍﻓﻌﻪ ﺷﻌﺮﻫﺎ ﻓﻮﻕ ..
ﻭﻣﺸﺖ ﻗﻌﻤﺰﺕ ﻫﻲ ﻭﻳﺎﻫﺎ ﻓﺘﺮﻛﻴﻨﻪ ...
....
ﻟﺤﻈﺎﺕ ...
ﻭﻃﻠﻌﺖ ﺭﺍﻧﻴﺎ ﺍﻟﻠﻲ ﻛﺎﻧﺖ ﻻﺑﺴﻪ ﻗﻔﻄﺎﻥ ﺳﻜﺮﻱ ﺍﺑﻴﺾ ﻣﺒﻮﺝ ﻭﻣﻦ ﻏﻴﺮ ﺳﻴﻮﺭ ﻭﺭﺍﻓﻌﻪ ﺷﻌﺮﻫﺎ ﺩﻳﻞ ﺣﺼﺎﻥ ﺑﻄﺮﻳﻘﻪ ﺣﻠﻮﻩ ..
ﻭﻃﺎﻟﻌﺎﺕ ﻣﻌﺎﻫﺎ ﻧﻮﺭﻫﺎﻥ ﺑﻘﻔﻄﺎﻧﻬﺎ ﺍﻷﺑﻴﺾ ﺍﻟﻜﺒﻴﺮ ..
ﻭﺍﺧﺘﻬﺎ ﺭﻭﺍﻥ ﺑﻔﻘﻄﺎﻥ ﻭﺭﺩﻱ ﺣﻠﻮ ....
ﻭﺧﺸﻮﺍ ﺩﺍﺧﻞ ...
....
ﻧﻌﻴﻤﻪ ﻭﺳﻌﻴﺪﻩ ﺑﺲ ﺍﻟﻠﻲ ﻛﺎﻥ ﻟﺒﺴﻬﻢ ﺑﺪﺍﻟﻲ ﺭﺳﻤﻴﻪ ﻭﺣﺪﻩ ﺳﺮﻭﺍﻝ ﺍﻟﻠﻲ ﻫﻲ ﻧﻌﻴﻤﻪ .. ﻭﺳﻌﻴﺪﻩ ﻗﻮﻧﻪ ﻭﻃﻮﻳﻠﻪ ..
ﻭﻣﺶ ﻣﺒﻬﺮﺟﻪ ﻫﻠﺒﻪ ﻃﻠﺘﻬﻢ .. ﻭﻣﻌﺮﻭﻓﻪ ﺍﻷﺳﺒﺎﺏ ...
ﻛﻠﻪ ﻛﺎﻥ ﻋﺎﺩﻱ ..
ﻟﻌﻨﺪ ﻣﺎﻃﻠﻌﺖ ﻏﺎﻟﻴﻪ ..
ﺍﻟﻠﻲ ﺍﺫﻫﻠﺖ ﺍﻟﻨﺎﺱ ﺍﺿﻌﺎﻑ ..
ﻻﺑﺴﻪ ﻗﻔﻄﺎﻥ ﻟﻮﻧﻪ ﺷﻜﻼﻃﻲ .. ﺑﺴﻴﺮ ﻭﺍﺣﺪ ...
ﻃﻮﻳﻞ ﻭﻣﻔﺼﻞ ﻉ ﺟﺴﻤﻬﺎ ...
ﻭﻣﺪﺍﻳﺮﺓ ﺗﺴﺮﻳﺤﻪ ﺑﺴﻴﻄﻪ ... ﺑﻨﺎﺗﻴﻪ ..
ﻭﻣﻜﺎﻳﺠﻬﺎ ﺣﻠﻮ ﺑﺎﻟﻤﺮﺓ .. ﻭﻛﺎﻧﺖ ﻃﺎﻟﻌﻪ ﻣﻌﺎﻫﺎ ﺩﻻﻝ ﺍﻟﻠﻲ ﺧﺪﻣﺖ ﻉ ﻃﻠﺘﻬﺎ ﺷﻌﺮ ﻭﻣﻜﻴﺎﺝ ..
ﺩﻻﻝ ﻛﺎﻧﺖ ﻻﺑﺴﻪ ﻋﺒﺎﻳﻪ ﺣﻠﻮﻩ ﻭﻭﺷﺎﺡ ﺯﻳﺘﻲ ﻭﻛﻠﻪ ﺳﺎﺩﺍ ﺑﺪﻭﻥ ﺍﻱ ﻣﻈﺎﻫﺮ ﻣﻠﻔﺘﻪ ..
ﻭﻣﺶ ﻣﺪﺍﻳﺮﺓ ﺍﻱ ﺣﺎﺟﻪ ﻉ ﻭﺟﻬﻬﺎ ﻭﻓﺤﻀﻨﻬﺎ ﺑﻨﺘﻬﺎ ﺍﻟﻠﻲ ﻛﺎﻧﺖ ﺑﻘﻔﻄﺎﻧﻬﺎ ﺍﻷﺑﻴﺾ ﺣﺘﻰ ﻫﻲ ﺍﻟﻠﻲ ﻣﺮﻛﺐ ﻓﻴﻪ ﻣﻦ ﺍﻟﺨﻠﻒ ﺟﻨﺎﻭﺡ ﻓﺮﺍﺷﺔ ﻭﻛﺎﺭﻭﻧﻪ ﻉ ﺭﺍﺳﻬﺎ ﺍﻟﻠﻲ ﺑﺎﺭﺯ ﻣﻨﻬﺎ ﺟﺰﺋﻴﻦ ﻃﻮﺍﻝ ﻉ ﻫﻴﺌﺔ ﻋﻴﻮﻥ ﺍﻟﻔﺮﺍﺷﻪ ..
ﻭﻛﺎﻧﺖ ﻣﺒﺘﺴﻤﻪ ﺍﺑﺘﺴﺎﻣﻪ ﺣﻠﻮﺓ ﺑﺎﻟﻤﺮﺓ ...
ﺍﻟﻨﺎﺱ ﻛﺎﻧﺖ ﺗﺸﻮﻑ ﻭﺗﺘﻬﺎﻣﺲ ..
: ﺻﻐﻴﺮﺓ ﻣﺴﻜﻴﻨﻪ ﻗﺪﻳﺶ ﺗﻮﺟﻊ ..
: ﺻﺪﻗﺘﻲ .. ﺍﻧﺘﻲ ﺭﻳﺘﻲ ﻏﺎﻟﻴﻪ .. ﻣﺎﺷﺎﺀ ﺍﻟﻠﻪ ﺍﻟﺤﻖ .
: ﺍﻳﻪ .. ﻟﻜﻦ ﺧﺴﺎﺭﺗﻬﺎ ﻛﺒﻴﺮﺓ ...
: ﺍﻳﻪ .. ﺧﺴﺎﺭﺓ ...
🍁🍁🍁🍁
ﻓﻲ ﻧﻔﺲ ﺍﻟﻮﻗﺖ ..
ﺑﺮﺍ ...
ﻧﺰﻟﺖ ﻣﻦ ﺍﻟﺴﻴﺎﺭﺓ ..
ﺧﺎﻟﺘﻬﺎ ﻣﺎﺷﻴﻪ ﻗﺪﺍﻣﻬﺎ ﻟﻠﺨﻴﻤﻪ ﻭﻫﻲ ﻭﺭﺍﻫﺎ ..
ﺳﺒﻘﺘﻬﺎ ﺧﺎﻟﺘﻬﺎ ..
ﻭﻫﻲ ﺣﺰﺍﻡ ﺍﻟﺼﻨﺪﻝ ﻣﺘﺎﻋﻬﺎ ﺍﻧﻔﻚ : ﻧﻬﺎﺭ ﺍﺣﺮﻑ ..
ﻭﻃﺒﺴﺖ ﻗﻌﺪﺕ ﺗﺴﺎﻭﻱ ﻓﻴﻪ ﻭﻫﻲ ﺗﻘﻮﻝ : ﺣﻲ ﻋﻠﻴﺎ ﺧﺎﻟﺘﻲ ﻧﺴﺘﻨﻲ ..
ﺳﺎﻭﺍﺗﻪ ..
ﻭﻭﻗﻔﺖ ﻭﻛﻤﻠﺖ ﻃﺮﻳﻘﻬﺎ ﻭﻫﻲ ﺗﺸﻮﻑ ﻟﻠﺼﻨﺪﻝ ﻭﻓﺠﺎﻩ ..
ﻃﺎﻑ ....
ﻋﻤﺎﺩ ﻭﻋﻴﻮﻧﻪ ﻟﻮﻃﺎ : ﺍﺳﻒ ..
ﻭﻛﻤﻞ ﻃﻮﻝ ﻳﺠﺮﻱ ﻟﻠﺨﻴﻤﻪ ﻣﺘﺎﻉ ﺍﻟﺮﺟﺎﻟﻪ ...
ﻫﻲ ﻗﻌﺪﺕ ﺗﺒﻊ ﻓﻴﻪ ﺑﻨﻈﺮﺍﺗﻬﺎ ﺍﻟﻤﺬﻫﻮﻟﻪ ﻭﻗﺎﻟﺖ : ﺍﻭﻭﻭ ﻣﺎﺍﺍﻱ ﻗﺎﺍﺍﺍﺍﺩ ....
... ﻳﺘﺒﻊ ....
ﺍﻟﻘﺴﻢ ﺍﻟﺜﺎﻟﺖ ﻫﻮ ﺍﻷﺧﻴﺮ ﻣﻦ ﺍﻟﺠﺰﺀ 88 ﺑﺈﺫﻥ ﺍﻟﻠﻪb