المتمردين

العشق المتمرد

#العشق_المتمرد
باقي الجزء98/القسم الاخير

🍁🍁🍁🍁
ﺍﺻﻌﺐ ﻣﻦ ﻫﺎﻟﻮﺩﺍﻉ ..
ﻭﺩﺍﻉ ﺍﻟﻴﻮﻡ ﺍﻟﻠﻲ ﺑﻌﺪﻩ ..
ﻓﺤﻮﺵ ﺍﺧﺘﻪ ﻛﻔﺎﻳﻪ ..
ﻗﺒﻞ ﻣﻮﻋﺪ ﺍﻟﻄﻴﺎﺭﺓ ﺑﺴﺎﻋﺘﻴﻦ ..
ﺧﻮﺍﺗﻪ ﻭﺑﻨﺎﺗﻬﻢ ...
ﻛﺎﻧﻮﺍ ﻳﺒﻜﻮﺍ ﺑﺎﻟﺼﻮﺕ ..
ﻫﻮ ﺷﺪ ﺭﻭﺣﻪ ﺷﺪ ﺭﻭﺣﻪ ..
ﻟﻴﻦ ﻭﺻﻞ ﻓﻲ ﺩﻻﻝ ﺍﻟﻠﻲ ﺗﻌﻠﻘﺖ ﻓﺮﻗﺒﺘﻪ ﻭﻗﻌﺪﺕ ﺗﺒﻜﻲ ﺑﺎﻟﻌﺒﺮﻩ ﻣﺎﺑﺘﺶ ﺗﺨﻠﻴﻪ ﺑﻜﻞ ..
ﻫﻮ ﺣﻀﻨﻬﺎ ﻭﻗﻌﺪ ﻳﺒﻜﻲ ...
ﻛﻔﺎﻳﻪ ﻣﻌﺎﺵ ﺗﺤﻤﻠﺖ ﻃﻠﻌﺖ ﻣﻦ ﺣﺪﺍﻫﻢ ..
ﻋﺒﺪﺍﻟﺴﻼﻡ ﻭﻋﻴﻮﻧﻪ ﺣﻤﺮ : ﺑﺎﺑﺎ ﺩﻻﻝ ﻫﻜﻲ ﺗﻐﺸﺸﻲ ﻓﺨﺎﻟﻚ ﻳﺎﺑﻨﺘﻲ ..
ﺟﺎﻫﺎ ﺑﻮﻫﺎ ﺑﻌﺪﻫﺎ ﻋﻨﻪ ..
ﺩﻻﻝ ﺑﺎﻟﻌﺒﺮﺓ : ﻣﺎﻃﻮﻟﻮﺵ .. ﺑﺎﻟﻠﻪ ﻋﻠﻴﻜﻢ ..
ﻫﺎﻧﻴﺒﺎﻝ ..
ﻣﺴﺢ ﺩﻣﻮﻋﻪ ﻭﻃﻠﻊ ﻃﻮﻝ ﻣﻦ ﺣﺪﺍﻫﻢ ﻭﻫﻮ ﻳﻘﻮﻝ؛ﻫﻴﺎ ﻣﺮﺍﻡ ..
ﻃﻠﻌﺖ ﻭﺭﺍﻩ .. ﻭﻭﺭﺍﻫﻢ ﺯﻳﻨﺐ ...
🍃🍃🍃
ﻓﻲ ﺍﻟﻤﻄﺎﺭ ...
ﻛﺎﻧﻮﺍ ﻣﻮﺟﻮﺩﻳﻦ ..
ﻋﻤﺎﺩ ﻭﺣﻤﺰﺓ ﻭﺗﻮﻓﻴﻖ ﻭﻣﻌﺎﻫﻢ ﺯﻳﻨﺐ ..
ﻫﺎﻧﻴﺒﺎﻝ : ﻋﻤﺎﺩ ﻧﺸﻮﻑ ﻓﻴﻚ ﺭﺍﺟﻞ ﻳﻨﻌﺒﻰ ﻋﻠﻴﻚ ﻟﺪﺭﺟﻪ ﺍﻧﻲ ﻧﻮﺻﻴﻚ ﻉ ﺧﻮﺍﻟﻚ ﻳﺎﻋﻤﺎﺩ ..
ﻫﻮ ﺍﺑﺘﺴﻢ ﻭﻗﺎﻝ : ﻭﺍﻧﻲ ﻗﺪ ﻋﺒﺎﻙ ﻳﺎﺧﺎﻝ .. ﺗﺮﻳﺢ ..
ﺣﻀﻨﻪ ..
ﺳﻤﻌﻮﺍ ﻧﺪﺍﺀ ﺍﻟﻄﻴﺎﺭﺓ ..
ﺑﻌﺪ ﻫﺎﻧﻴﺒﺎﻝ ..
ﻭﻟﻒ ﻭﻣﺸﻲ ﻟﻤﺮﺍﻡ ﺧﺪﻱ ﻣﻦ ﻳﺪﻫﺎ ﻭﻣﺸﻮﺍ ﻃﻮﻝ ..
ﺯﻳﻨﺐ ﺣﻀﻨﺖ ﺣﻤﺰﺓ ﻭﻗﻌﺪﺕ ﺗﺒﻜﻲ ﺑﺎﻟﻌﺒﺮﻩ ﻭﺣﻤﺰﺓ ﻳﻤﺴﺢ ﻉ ﻇﻬﺮﻫﺎ ...
ﻋﻤﺎﺩ : ﺭﺑﻲ ﻳﻮﺻﻠﻬﻢ ﺳﺎﻟﻤﻴﻦ ..
ﺗﻮﻓﻴﻖ : ﺁﺍﺍﻣﻴﻦ ..
🍁🍁🍁
ﻭﻫﻤﺎ ﻣﺎﺷﻴﻴﻦ ..
ﻣﺮﺍﻡ ﻭﻫﻲ ﺗﺸﺒﺤﻠﻪ : ﺍﺳﻔﻪ ..
ﺷﺪ ﻳﺪﻫﺎ ﺑﺎﻟﻘﻮﺓ ﻭﻗﺎﻝ : ﺑﺘﺒﺪﻱ ﺑﺎﻟﺪﺍﺭﻣﺎ ﻳﺎﺑﻨﺖ ﻋﺒﻮﺩﻩ ..
ﺿﺤﻜﺖ ﻣﻦ ﺑﻴﻦ ﺩﻣﻮﻋﻬﺎ ..
ﻫﺎﻧﻴﺒﺎﻝ ﺑﻀﺤﻜﻪ : ﻫﻲ ﺑﺴﺮﻋﻪ ﺑﺴﺮﻋﻪ ﺧﻔﻲ ﺭﻭﺣﻚ ..
ﻗﻌﺪﺕ ﺗﻤﺸﻲ ﺑﺴﺮﻋﻪ ﻭﻫﻲ ﺗﻀﺤﻚ ..
🍃🍃🍃
ﻭﺷﻮﻳﻪ ..
ﻭﻃﺎﺭﺕ ﺍﻟﻄﻴﺎﺭﺓ ..
ﻭﺭﻓﻌﺖ ﻫﺎﻧﻴﺒﺎﻝ ﻷﻭﻝ ﻣﺮﺓ ﺑﻌﻴﺪ ﻋﻦ ﺍﻫﻠﻪ ... ﻭﻧﺎﺳﻪ ... ﻭﺑﻼﺩﻩ ..
ﻭﻫﻮﻣﺴﻴﺐ ﻗﻠﺒﻪ ﻭﻋﻘﻠﻪ ﻋﻨﺪﻫﻢ ..
🍃🍃🍃🍃🍃
ﺑﻌﺪ ﺍﺳﺒﻮﻉ ..
ﺟﺎﻣﻌﺔ ﻃﺮﺍﺑﻠﺲ ..
ﻛﻠﻴﺔ ﺍﻟﻬﻨﺪﺳﻪ ..
ﺍﻟﺴﺎﻋﻪ 3:00 ﺑﻌﺪ ﺍﻟﻈﻬﺮ ..
ﻭﺍﻗﻔﺎﺕ ﻓﻲ ﺍﻟﻮﺍﺟﻬﻪ ..
ﺩﻻﻝ : ﻣﺎﺯﺍﻝ ﻣﺎﻋﺮﻓﺘﻴﺶ ﻣﻦ ﺍﻟﻤﺸﺮﻑ ﻣﺘﺎﻋﻚ . ؟
ﺭﺍﻧﻴﺎ : ﻻ ﻣﺎﺯﺍﻝ .. ﺗﺲ .. ﺣﻤﺰﺓ ﺧﻮﻱ ﻫﺪﺍ ﻳﺒﻲ ﻃﺮﻳﺤﻪ ﺑﻄﻮﺑﻮ ﺍﻟﻐﺎﺯ ..
ﺩﻻﻝ ﺑﻀﺤﻜﻪ : ﺧﻴﺮﻩ؟ !
ﺭﺍﻧﻴﺎ : ﻓﻮﺣﺪﻩ ﻣﻬﻨﺪﺳﻪ ﺗﻌﺮﻓﻬﺎ ﻋﻤﺘﻲ ﺻﺎﺑﺮﻳﻦ ﺗﺒﻲ ﻣﻦ ﻳﺨﺪﻡ ﻋﻨﺪﻫﺎ ﻓﻲ ﺍﻟﻤﻜﺘﺐ ﻭﺍﻧﻲ ﻓﺮﺣﺖ ﺑﻌﺮﺿﻬﺎ ﻫﻠﺒﻪ ﻭﻗﻠﺖ ﺑﺎﻫﻲ ﻋﻔﺴﻠﻲ ﻓﻴﻬﺎ ..
ﺩﻻﻝ : ﺍﻧﻲ ﻣﻌﺎﻩ ﻓﻬﺎﺩﻱ ﻭﻗﺘﻨﺎ ﺗﻮﺍ ﻣﺎﻳﻄﻤﻨﺶ ﻭﺍﻟﺨﺪﻣﻪ ﻫﺎﺩﻱ ﻣﺶ ﻣﻨﺎﺳﺒﻪ ﺗﻮﺍ ﺑﻜﻞ ..
ﺭﺍﻧﻴﺎ ﺑﺮﻓﻌﺔ ﺣﻮﺍﺟﺐ : ﻣﺎﻻ ﻋﻼﺵ ﻧﺘﻌﺒﻮﺍ ﻓﺮﻭﺍﺣﻨﺎ ﻭﻧﻤﺸﻮﺍ ﻭﻧﺠﻮﺍ ﻟﻠﺠﺎﻣﻌﻪ ﻭﻧﻘﺮﻭﺍ ﻭﻧﺤﺮﻗﻮﺍ ﻓﺪﻣﻨﺎ !! ؟
ﺩﻻﻝ ﺑﻀﺤﻜﻪ : ﺑﺶ ﻳﻘﻮﻟﻮﺍ ﻋﻠﻴﻨﺎ ﻣﻬﻨﺪﺳﺎﺕ ..
ﺭﺍﻧﻴﺎ ﺑﻀﺤﻜﻪ : ﺑﺶ ﻳﻘﻮﻟﻮﺍ ﻋﻴﻨﻚ ..
ﺩﻻﻝ : ﻏﻴﺮ ﺗﻌﺎﻟﻲ ﻫﻨﻲ ﻗﺼﺪﻙ ﻋﺎﺑﻴﻪ ﺑﻌﺪ ﻳﺎﺧﺪﻙ ﺭﻣﺰﻱ ﺑﺘﺨﺪﻣﻲ ﻓﻲ ﺍﻟﻤﻜﺎﺗﺐ ..
ﺗﻨﻬﺪﺕ ﻭﻗﺎﻟﺖ : ﻫﻮ ﻏﻴﺮ ﻳﻄﻠﻊ ﻳﺎﺧﺪﻧﻲ ﻣﺎﻧﺨﺪﻡ ﻏﻴﺮ ﻋﻨﺪﻩ ﻭﻋﻠﻴﻪ ... ﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ ..
ﻭﺩﻻﻝ ﺍﺑﺘﺴﻤﺖ ﺑﺄﻟﻢ ..
ﺳﻜﺘﻮﺍ ..
ﻗﻌﺪﻭﺍ ﻳﺸﺒﺤﻮﺍ ﻟﻠﻄﺮﻳﻖ ..
ﻋﻴﻮﻧﻬﻢ ﺭﻛﺰﺕ ﻉ ﺯﻭﺯ ﺑﻨﺎﺕ ﻣﺎﺷﻴﺎﺕ ﻣﻊ ﺑﻌﺾ ﻻﺑﺴﻴﻦ ﺯﻱ ﺑﻌﺾ ﻳﺒﺎﻧﻮﺍ ﺗﻮﺃﻡ ..
ﺩﻻﻝ : ﻣﺤﻼﻫﻢ ..
ﺭﺍﻧﻴﺎ ﺑﺈﺑﺘﺴﺎﻣﻪ : ﺍﻳﻪ ..
ﺷﻮﻳﻪ ﺧﻄﻤﺖ ﺳﻴﺎﺭﺓ ﻣﻈﻠﻤﻪ ..
ﻭﻗﻔﺖ ﺍﻧﻔﺘﺢ ﺑﺎﺑﻬﺎ ﺍﻟﺴﺤﺎﺏ ﻧﺰﻟﻮﺍ ﺯﻭﺯ ﺟﺒﺪﻭﺍ ﺍﻟﺒﻨﺎﺕ ..
ﻗﻌﺪﻭﺍ ﻳﻌﻴﻄﻮﺍ ..
ﺭﺍﻧﻴﺎ ﺑﺼﺪﻣﻪ : ﻧﻬﺎﺭ ﻣﻐﺒﺮ ..
ﺩﻻﻝ ﺑﻬﻠﻊ : ﻳﺎﺍﺍﺭﺑﻲ ..
ﺍﻷﻏﻠﺒﻴﻪ ﻗﻌﺪﻭﺍ ﻳﺘﻔﺮﺟﻮﺍ ﻣﺎﺣﺪ ﺣﺮﻙ ﺳﺎﻛﻦ ..
ﻭﺍﻟﺒﻨﺎﺕ ﻳﻌﻴﻄﻮﺍ ﻭﺍﻟﻮﻻﺩ ﻳﻜﺮﻭﺍ ﻓﻴﻬﻢ ..
ﻃﺒﻮﻫﻢ ..
ﻭﻓﺠﺄﻩ ..
ﺻﻮﺕ ﻃﻠﻘﻪ ﻧﺎﺭﻳﻪ ﻓﺠﻌﺖ ﻛﻞ ﺍﻟﻤﻮﺟﻮﺩﻳﻦ ..
ﺯﻳﻦ ﻭﻫﻮ ﺷﺎﺩ ﺍﻟﻤﺴﺪﺱ : ﺳﻴﺒﻬﻢ ﻳﺎﺣﻴﻮﺍﻥ ﺍﻧﺖ ﻭﻳﺎﻩ ..
ﺭﻓﻊ ﻳﺪﻩ ﻭﺍﻃﻠﻖ ﻣﺮﻩ ﺗﺎﻧﻴﻪ ..
ﻭﺍﻟﻠﻲ ﻫﺮﺏ ﻭﺍﻟﻠﻲ ﻳﻌﻴﻄﻮﺍ ..
ﻭﺭﺍﻧﻴﺎ ﻭﺩﻻﻝ ﻳﺘﻔﺮﺟﻮﺍ ..
ﺍﻟﻮﻻﺩ ﻃﻠﻘﻮﺍ ﺍﻟﺒﻨﺎﺕ ﻭﺭﻛﺒﻮﺍ ﺍﻟﺴﻴﺎﺭﺓ ﻭﻃﺎﺭﻭﺍ ...
ﻭﺍﻟﺒﻨﺎﺕ ﻳﺒﻜﻮﺍ ﻭﻳﺮﻋﺸﻮﺍ ..
ﺟﻮﻫﻢ ﺑﻨﺎﺕ ﻳﺠﺮﻭﺍ ﻣﻦ ﺑﻴﻨﻬﻢ ﺩﻻﻝ ﻭﺭﺍﻧﻴﺎ ..
ﻫﻮ ﻗﺪﻡ ﻭﻗﺎﻝ : ﺗﻌﺮﻓﻮﻫﻢ ﻳﻌﺮﻓﻮﻛﻢ؟؟ !!
ﺭﺩﺕ ﻭﺣﺪﻩ ﻭﻫﻲ ﺗﺮﻋﺶ : ﻭﺣﻖ ﺍﻟﻘﺮﺁﻥ .. ﻣﺎ .. ﻧﻌﺮﻓﻮﻫﻢ .
ﻫﻮ ﻫﺰ ﺭﺍﺳﻪ ﺑﺈﻳﺠﺎﺏ ﻭﻣﺸﻲ ﻣﻦ ﺣﺪﺍﻫﻢ ..
ﺩﻻﻝ ﻣﺪﺓ ﻟﻮﺣﺪﻩ ﺷﻴﺸﺔ ﻣﻴﻪ : ﻫﺎﻛﻲ ﺍﺷﺮﺑﻲ ﺣﺒﻴﺒﺘﻲ ..
ﺍﻣﺎ ﺭﺍﻧﻴﺎ ﻓﻜﺎﻧﺖ ﺗﺮﺍﻗﺐ ﻓﻲ ﺍﻟﻘﻨﺎﺹ ﺑﻌﻴﻮﻧﻬﺎ ..
ﻫﻮ ﺑﻌﺪ ﻣﺸﻲ ﻣﺴﺎﻓﻪ ﺧﺪﻱ ﺗﻠﻴﻔﻮﻧﻪ ﺿﺮﺏ ﻉ ﺭﻗﻢ ﻣﺤﺪﺩ ﻭﺣﻄﻪ ﻉ ﻭﺫﻧﻪ ﻧﺎﺩﻯ .. ﻧﺎﺩﻯ .. ﺑﻌﺪﻳﻦ ﻓﺘﺢ ﺍﻟﺨﻂ ..
ﺯﻳﻦ ﺑﺤﺪﻩ : ﻭﺻﻠﻬﺎ ﻝ **** ﺍﻝ €%%& ﻣﺎﻳﺪﻭﺭﻧﻴﺶ .. ﺍﺣﺴﻠﻪ .. ﻣﺎﻳﺤﻄﺶ ﺭﺍﺳﻪ ﺑﺮﺍﺳﻲ ﺧﻴﺮﻟﻪ ... ﺻﻜﺮ ..
ﻭﻛﻤﻞ ﻃﺮﻳﻘﻪ ﻟﺴﻴﺎﺭﺗﻪ ..
🍁🍁🍁🍁🍁
ﺍﻟﺴﺎﻋﻪ 5:00 ﻋﺼﺮﺍ ..
ﻣﺤﻞ ﺍﺩﻭﺍﺕ ﻛﻬﺮﺑﺎﺋﻴﻪ ﻛﺒﻴﺮ ..
ﺯﺍﺣﻢ ﺑﺎﻟﺰﺑﺎﻳﻦ ﻭﺍﻟﻌﺎﻣﻠﻴﻦ ﻓﻴﻪ ﻳﺸﻮﻓﻮﺍ ﻓﻴﻬﻢ ..
ﺻﺎﺣﺐ ﺍﻟﻤﺤﻞ ﻣﻘﻌﻤﺰ ..
ﻳﺸﻮﻑ ﻓﺘﻠﻴﻔﻮﻧﻪ ..
ﺑﻨﻈﺮﺓ ﻋﻴﻦ ﻻﻣﻌﻪ ﻓﻴﻬﺎ ﺍﻟﺪﻣﻌﻪ ..
ﻳﻘﺮﺍ ﻓﻲ ﺑﻮﺳﺖ ﻉ ﺍﻟﻔﻴﺲ ﻟﻴﻪ ﺗﻼﺗﻪ ﺍﻳﺎﻡ ..
‏( ﻧﺠﺤﺖ (🌟
ﻋﻠﻴﻪ 40 ﻻﻳﻚ ﻭﻓﻮﻕ 70 ﺗﻌﻠﻴﻖ ..
ﺍﺑﻬﺎﻣﻪ ﻳﺘﺤﺮﻙ ﺟﻬﺔ ﺍﻟﻼﻳﻚ ﺑﻴﺪﻳﺮﻩ .. ﻭﻳﻮﺧﺮ ..
ﻏﻤﺾ ﻋﻴﻮﻧﻪ .. ﺯﻓﺮ ﺑﻘﻮﺓ ﻃﻠﻖ ﺍﻟﺘﻠﻴﻔﻮﻥ ..
ﺑﻌﺪﻳﻦ ﻓﺘﺢ ﺍﻟﻘﺠﺮ ﻣﺘﺎﻉ ﻣﻜﺘﺒﻪ ﺷﺎﻑ ﻟﻠﻬﺪﻳﻪ ﺍﻟﻠﻲ ﻟﻴﻪ ﻭﻗﺖ ﺷﺎﺭﻳﻬﺎ ﺑﺶ ﻳﻬﺪﻳﻬﺎﻟﻬﺎ ﻓﻨﺠﺎﺣﻬﺎ ..
ﻣﺎﺗﻮﻗﻌﺶ ﺍﻥ ﺍﻟﺰﻋﻞ ﻳﻘﻌﺪ ﻛﻞ ﻫﺎﻟﻤﺪﻩ ..
ﻳﺤﺴﺎﺏ ﻏﻴﺎﺑﻪ ﻋﻠﻴﻬﺎ ﺻﻌﺐ ﻭﻣﺎﺗﻘﺪﺭﺵ ﻋﻠﻴﻪ ﻭﺑﺘﻜﻠﻤﻪ ﻭﺗﺮﺿﻴﻪ ﻟﻜﻦ ﻟﻸﺳﻒ ﻣﺎﻋﺒﺮﺗﺎﺵ ﺣﺘﻰ ﺑﺮﺳﺎﻟﻪ ..
ﻗﻬﺮﻩ ﺍﺳﺘﻜﺮﺍﺩﻫﺎ ..
ﺣﺲ ﺭﻭﺣﻪ ﻣﺎﻳﺴﺎﻭﻱ ﺷﻲ ﻋﻨﺪﻫﺎ ..
...
ﺑﺮﺍ ..
ﻫﻮ ﻫﺪﺍ .. ﻣﺤﻼﺕ ﺍﻟﻌﻤﺪﻩ ..
ﺳﻨﺎﺀ : ﺑﺎﻫﻲ ﻫﻴﺎ ﻧﺨﺸﻮﺍ ﺷﻦ ﺗﺮﺍﺟﻲ ..
ﺿﺤﻜﺖ ﻟﻤﻴﺎﺀ ..
ﺧﺸﻮﺍ ﻫﻤﺎ ﺍﻟﺰﻭﺯ ..
ﻟﻤﻴﺎ ﺑﺈﻧﺪﻫﺎﺵ : ﺣﻲ ﻉ ﺍﻟﺰﺣﻤﻪ ..
ﺳﻨﺎﺀ : ﻗﻮﻟﻲ ﻣﺎﺷﺎﺀ ﺍﻟﻠﻪ ﻉ ﻣﺤﻼﺕ ﺭﺍﺟﻠﻲ ..
ﻟﻤﻴﺎﺀﺑﻀﺤﻜﻪ : ﺣﺘﻰ ﺩﺭﺗﻴﻪ ﺭﺍﺟﻠﻚ !!
ﺳﻨﺎﺀ ﺑﺈﺑﺘﺴﺎﻣﻪ ﻣﻜﺮ : ﺍﻳﻪ ﺭﺍﺟﻠﻲ ﻭﺗﻮ ﺗﺸﻮﻓﻲ ﻭﺗﺴﻤﻌﻲ ..
ﻟﻤﻴﺎﺀ : ﺑﺎﻫﻲ ﻭﺭﻳﻨﺎ ﺷﻄﺎﺭﺗﻚ ..
ﺷﺒﺤﺖ ﺳﻨﺎﺀ ﻃﻮﻝ ﻟﻤﻜﺘﺒﻪ ﻟﻘﺎﺗﻪ ﻣﻘﻌﻤﺰ ﻋﻴﻮﻧﻬﺎ ﻭﻟﻮﺍ ﻗﻠﻮﺏ : ﻳﺎﺣﺒﻴﻴﻨﻲ 💓
ﻟﻤﻴﺎﺀ : ﺗﻌﺮﻓﻲ ﻫﺪﺍ ﺣﺘﻰ ﺗﺨﺸﻲ ﺟﺒﻬﻪ ﻉ ﺧﺎﻃﺮﻩ ﻣﺶ ﺧﺴﺎﺭﻩ ﻓﻴﻪ ..
ﺿﺤﻜﺖ ﺳﻨﺎﺀ ..
ﻟﻤﻴﺎﺀ : ﻫﻲ ﺗﻌﺎﻟﻲ ..
ﺟﺒﺪﺗﻬﺎ ﻭﻣﺸﻮﻟﻪ ..
ﻭﻗﻔﻮﺍ ﻉ ﻣﻜﺘﺒﻪ ..
ﻟﻤﻴﺎﺀ ﺑﺈﺑﺘﺴﺎﻣﻪ ﻋﺮﻳﻀﻪ : ﺍﻟﺴﻼﻡ ﻋﻠﻴﻜﻢ ..
ﺭﻓﻊ ﻋﻴﻮﻧﻪ ﻓﻴﻬﻢ ﻭﺻﻜﺮ ﺍﻟﻘﺠﺮ ﻭﻫﻮ ﻳﻘﻮﻝ : ﻭﻋﻠﻴﻜﻢ ﺍﻟﺴﻼﻡ ..
ﻟﻤﻴﺎﺀ ﺑﻀﺤﻜﻪ : ﻣﺎﻋﺮﻓﺘﻨﻴﺶ؟ ..
ﺿﻴﻖ ﻋﻴﻮﻧﻪ ﻭﻗﺎﻝ : ﺍﺳﻒ .. ﻻ ..
ﻟﻤﻴﺎﺀ : ﺍﻧﻲ ﻟﻤﻴﺎ ﺧﻄﻴﺒﺔ ﺧﺎﻟﻚ ﻋﻤﺮ ..
ﺍﺑﺘﺴﻢ ﻭﻧﺎﺽ : ﻳﺎﺍﻫﻼ ﻳﺎﺍﻫﻼ .. ﻧﻮﺭﺗﻲ ..
ﻣﺪﺕ ﻳﺪﻫﺎ ﻭﻗﺎﻟﺖ : ﺍﻟﻨﻮﺭ ﻧﻮﺭﻙ ..
ﺻﺎﻓﺤﻬﺎ ﻭﻗﺎﻝ : ﻗﺎﻟﻲ ﺍﻟﺨﺎﻝ ﺑﻄﻖ ﻓﻴﻚ ﺧﻄﻴﺒﺘﻲ ﺍﻟﻴﻮﻣﻴﻦ ﻫﺎﺩﻡ ..
ﻟﻤﻴﺎ ﺑﻀﺤﻜﻪ : ﺍﻳﻪ
ﻃﻠﻖ ﻳﺪﻫﺎ ﻭﻗﺎﻝ : ﺍﻧﻲ ﻓﻲ ﺍﻟﺨﺪﻣﻪ ..
ﻟﻤﻴﺎﺀ : ﺗﺴﻠﻢ .. ﻗﺒﻠﻬﺎ ﺧﻞ ﻧﻌﺮﻓﻚ .. ﺍﺧﺘﻲ ﺳﻨﺎﺀ ..
ﺷﺒﺢ ﻟﺴﻨﺎﺀ ﻭﻫﻲ ﺗﺸﺒﺤﻠﻪ ﺑﺈﻋﺠﺎﺏ ﺷﺪﻳﺪ ﻣﺪﺕ ﻳﺪﻫﺎ ﻭﻗﺎﻟﺖ : ﻣﺮﺣﺒﺎ ..
ﺻﺎﻓﺤﻬﺎ ﻭﻗﺎﻝ : ﺍﻫﻼ .. ﻃﻠﻘﻬﺎ ﻭﻗﺎﻝ .. ﺍﻧﺴﺘﻮﺍ .. ﺗﻔﻀﻠﻮﺍ ..
ﻟﻤﻴﺎﺀ : ﻻ ﺍﻧﺖ ﺗﺮﻳﺢ ﺣﻨﻲ ﻧﺪﻳﺮﻭﺍ ﺩﻭﺭﺗﻨﺎ ﺑﺮﻭﺣﻨﺎ ..
ﻋﻤﺎﺩ ﻃﻠﻊ ﻣﻦ ﻭﺭﺍ ﻣﻜﺘﺒﻪ ﻭﻗﺎﻝ : ﻣﺎﻳﺠﻴﺶ ﻋﺎﺩ .. ﺍﻧﻲ ﺑﺮﻭﺣﻲ ﻧﺨﺪﻣﻚ .. ﻣﺮﺕ ﺍﻟﺨﺎﻝ ﺭﺍﻙ ..
ﻟﻤﻴﺎ ﺑﻀﺤﻜﻪ : ﺗﺴﻠﻢ ﻳﺎﺭﺏ ..
ﻋﻤﺎﺩ ﺑﺈﺑﺘﺴﺎﻣﻪ : ﻫﻲ ﺗﻌﺎﻟﻮﺍ ..
ﻣﺸﻲ ﻭﻣﺸﻮﺍ ﻭﺭﺍﻩ ﻭﺳﻨﺎﺀ ﻫﺎﻳﻤﻪ ﻓﻴﻪ ..
ﺑﻌﺪ ﺣﻮﺍﻟﻲ 7 ﺩﻗﺎﻳﻖ ..
ﺧﺸﺖ ﻟﻄﻴﻔﻪ ﻟﻠﻤﺤﻞ ..
ﺟﺎﻳﻪ ﻟﻌﻤﺎﺩ ﺑﺘﻔﺘﺢ ﻣﻌﺎﻩ ﻣﻮﺿﻮﻉ ﺍﻟﺘﺠﺎﺭﺓ ﺍﻟﻠﻲ ﺑﺘﺨﺶ ﻓﻴﻬﺎ ﻭﺗﺒﻲ ﺗﺎﺧﺪ ﺍﺳﺘﺸﺎﺭﺗﻪ ..
ﺷﺒﺤﺖ ﻟﻤﻜﺘﺒﻪ ﻟﻘﺎﺗﻪ ﻓﺎﺿﻲ ..
ﻣﺸﺖ ﺍﻟﻘﺪﺍﻡ ﻭﻫﻲ ﺩﻭﺭ ﺑﻌﻴﻮﻧﻬﺎ ..
ﻭﺍﺣﺪ ﻣﻦ ﺍﻟﻌﺎﻣﻠﻴﻦ ﻗﺎﻝ : ﺗﻔﻀﻠﻲ ﻳﺎﻣﺪﺍﻡ ..
ﻟﻄﻴﻔﻪ : ﺑﻨﺴﺄﻝ ﻉ ﺻﺎﺣﺐ ﺍﻟﻤﺤﻞ .. ﻣﻮﺟﻮﺩ ..
ﺍﻟﻌﺎﻣﻞ ﺗﻠﻔﺖ ﻭﺍﺷﺮﻟﻬﺎ ﺑﺼﺒﻌﻪ ﻋﻠﻴﻪ : ﺍﻳﻪ ﻏﻴﺮ ﻣﺸﻐﻮﻝ ﻣﻊ ﺍﻟﺰﺑﺎﻳﻦ ..
ﺗﻔﺎﺟﺌﺖ ﻟﻄﻴﻔﻪ ﻟﻤﺎ ﺷﺎﻓﺖ ﻟﻤﻴﺎﺀ ﻭﺍﺧﺘﻬﺎ ﻣﻊ ﻋﻤﺎﺩ ..
ﻭﺍﻟﻠﻲ ﺍﺗﺎﺭ ﺍﺳﺘﻐﺮﺍﺑﻬﺎ ﺍﻛﺜﺮ ..
ﺍﻥ ﻟﻤﻴﺎ ﻭﺍﻗﻔﻪ ﺗﺸﻮﻑ ﻓﻲ ﺍﻟﺒﻀﺎﻋﻪ ..
ﻭﺳﻨﺎﺀ ﻭﻋﻤﺎﺩ ﻳﻬﺪﺭﺯﻭﺍ ..
ﻭﻷﻧﻬﺎ ﻣﺎﺗﺤﺒﺶ ﻟﻤﻴﺎﺀ ﻭﺯﺍﺩﺕ ﻧﻔﺮﺕ ﻣﻨﻬﺎ ﺑﻌﺪ ﺍﺧﺮ ﻋﺮﻛﺔ ﺻﺎﺭﺕ ﺑﻴﻨﻬﺎ ﻭﺑﻴﻦ ﺣﻤﻴﺪﻩ ﻉ ﺧﺎﻃﺮﻫﺎ ﻓﻀﻠﺖ ﺗﻨﺴﺤﺐ ..
ﻟﻄﻴﻔﻪ : ﺍﻣﻢ .. ﺗﻤﺎﻡ ..
ﻟﺒﺴﺖ ﻧﻈﺎﺭﺍﺗﻬﺎ ﻭﻟﻔﺖ ﻭﻣﺸﺖ ﻃﻠﻌﺖ ﻣﻦ ﺍﻟﻤﺤﻞ ..
...
ﺳﻨﺎﺀ : ﻣﻌﻨﺎﻫﺎ ﺑﻨﺪﻳﺮ ﺯﻳﺎﺭﺓ ﻟﻤﺤﻼﺕ ﻟﻤﻼﺑﺲ ..
ﻋﻤﺎﺩ ﻣﺠﺎﻣﻠﺔ : ﺍﻫﻼ ﺑﻴﻚ ..
ﻓﺎﺗﻬﺎ ﻭﻣﺸﻲ ﻟﻠﻤﻴﺎﺀ : ﻫﺎﻩ ﻣﺮﺕ ﺧﺎﻟﻲ ﺷﻦ ﺻﺎﺭ ﻣﻌﺎﻙ ..
ﻟﻤﻴﺎﺀ ﺑﺈﺑﺘﺴﺎﻣﻪ : ﻣﺎﻛﻴﻨﺔ ﺍﻟﺘﺴﺖ ﻭﺍﻟﺨﻼﻁ ﻧﺒﻴﻬﻢ ..
ﻋﻤﺎﺩ : ﺗﻢ ..
ﻭﺳﻨﺎﺀ ﺗﺸﻮﻓﻠﻪ ﺑﻌﻴﻮﻧﻬﺎ ﺍﻟﻤﻌﺠﺒﻪ ﻗﺮﻳﺐ ﺗﺎﻛﻠﻪ ﺑﻴﻬﻢ ..
🍁🍁🍁🍁🍁
ﺍﻟﺴﺎﻋﻪ 8:30 ﻣﺴﺎﺀﺍ ...
ﻛﺎﻧﺖ ﻭﺍﻗﻔﻪ ﺍﺩﻳﺮ ﻓﻬﻤﺒﻮﺭﻏﺎ ﻟﻴﻬﺎ ﻭﻟﺨﻮﺗﻬﺎ ..
ﺧﺸﺖ ﻋﻠﻴﻬﺎ ﺍﻣﻬﺎ ..
ﻟﻄﻴﻔﻪ : ﺷﻦ ﺟﻮ ﺭﻭﻓﻲ ..
ﺭﻓﻘﻪ ﻭﻫﻲ ﺗﻘﻠﻲ ﻓﻲ ﺷﺮﺍﻳﺢ " ﺑﺮﻏﺮ :" ﺗﻤﺎﻡ ..
ﺧﺪﺕ ﻟﻄﻴﻔﻪ ﻃﺎﺳﻪ ﻭﻗﻌﺪﺕ ﺗﺼﺐ ﻓﻲ ﻣﻴﻪ ﻣﻦ ﺍﻟﺘﻼﺟﻪ ﻭﻫﻲ ﺗﻘﻮﻝ : ﺗﻜﻠﻤﻲ ﻓﺒﻨﺖ ﻋﻤﻚ؟
ﺭﻓﻘﻪ : ﺍﻳﻪ ..
ﺷﺮﺑﺖ ﻟﻄﻴﻔﻪ ﺍﻟﻤﻴﻪ ﺑﻌﺪﻳﻦ ﻗﺎﻟﺖ : ﺍﻣﻢ .. ﺷﻦ ﺟﻮﻫﺎ ﻫﻲ ﻭﺧﻄﻴﺒﻬﺎ؟
ﺣﻄﺖ ﺭﻓﻘﻪ ﺍﻟﺸﺮﻳﺤﻪ ﺑﻌﺪ ﻃﺎﺑﺖ ﻓﺨﺒﺰﺓ ﺍﻟﻬﻤﺒﻮﺭﻏﺎ ..
ﺑﻌﺪﻳﻦ ﺍﻟﺘﻔﺘﺖ ﻷﻣﻬﺎ ﻭﻗﺎﻟﺖ : ﻋﻼﺵ ﺗﺴﺄﻟﻲ ..
ﺗﻨﻬﺪﺕ ﻟﻄﻴﻔﻪ ﻭﺣﻄﺖ ﺍﻟﻄﺎﺳﻪ ﻉ ﺍﻟﺮﺧﺎﻣﻪ ﻭﻫﻲ ﺗﻘﻮﻝ : ﺍﻟﻴﻮﻡ ﻣﺸﻴﺘﻠﻪ ﺍﻟﻤﺤﻞ ﻧﺒﻲ ﻧﺎﺧﺪ ﺍﺳﺘﺸﺎﺭﺗﻪ ﻓﻤﻮﺿﻮﻉ ﺍﻟﺘﺠﺎﺭﺓ ﺍﻟﻠﻲ ﺑﻨﺒﺪﺍ ﻓﻴﻪ .. ﻟﻘﻴﺖ ﻋﻨﺪﻩ ﺧﻄﻴﺒﺔ ﻋﻤﺮ ﻭﺍﺧﺘﻬﺎ ..
ﺭﻓﻘﻪ : ﺍﻳﻪ ..
ﻟﻄﻴﻔﻪ : ﻣﺶ ﻋﺎﺭﻓﻪ .. ﻫﻜﻲ ﻟﻤﺎ ﺷﻔﺘﻪ ﻳﻬﺪﺭﺯ ﻉ ﺍﺧﺘﻬﺎ ﻣﺎﺍﺳﺘﺮﻳﺤﺘﺶ .
ﺭﻓﻌﺖ ﺭﻓﻘﻪ ﺣﺎﺟﺒﻬﺎ : ﻛﻴﻒ ﻳﻬﺪﺭﺯ ﻣﻌﺎﻫﺎ؟
ﻟﻄﻴﻔﻪ : ﻟﻤﻴﺎ ﺗﺸﻮﻑ ﻓﻲ ﺍﻟﺒﻀﺎﻋﻪ ﻭﻫﻤﺎ ﺍﻟﺰﻭﺯ ﻭﺍﻗﻔﻴﻦ ﺣﺪﺍﻫﺎ ﻭﻳﻬﺪﺭﺯﻭﺍ ..
ﺭﻓﻘﻪ ﻣﻼﻣﺢ ﺍﻟﻐﻀﺐ ﺑﺎﻧﺖ ﻉ ﻭﺟﻬﻬﺎ ..
ﻟﻄﻴﻔﻪ : ﻫﻮ ﻋﻤﺎﺩ ﺭﺍﺟﻞ ﻛﻮﻳﺲ .. ﺑﺲ ﻣﺸﻜﻠﺘﻪ ﺍﻟﻮﺣﻴﺪﻩ ﻋﻴﻨﻪ ﺍﻟﺰﺍﻳﻐﻪ .. ﻗﻮﻟﻲ ﻟﺒﻨﺖ ﻋﻤﻚ ﺗﺮﺩ ﺑﺎﻟﻬﺎ ... ﻭﻣﺸﺖ ﻃﻠﻌﺖ ﻣﻦ ﺣﺪﺍﻫﺎ ..
ﻭﺭﻓﻘﻪ ﺍﻟﺘﻔﺘﺖ ﺗﻜﻤﻞ ﺑﺎﻗﻲ ﺷﻐﻠﻬﺎ ﺑﻌﺼﺒﻴﻪ ..
🍁🍁🍁🍁
ﺧﺸﺖ ﻟﻠﺪﺍﺭ ﻭﺟﻬﻬﺎ ﺍﺣﻤﺮ ﻗﻌﻤﺰﺕ ﻭﻫﻲ ﺗﻘﻮﻝ : ﺣﻠﻔﺖ ﻛﺬﺏ ﺑﺴﺒﺒﻚ ..
ﻧﻮﺭ ﺑﻀﻴﻖ : ﻛﻠﻪ ﻣﻨﻪ ﻣﺎﻟﻚ ﺍﻟﺰﻓﺖ ﻫﺪﺍ ..
ﺩﻻﻝ : ﺭﺑﻲ ﻳﻬﺪﻳﻪ .. ﺍﺳﻤﻌﻲ ﺭﺩﻱ ﺑﺎﻟﻚ ﺑﺎﺑﺎ ﺣﻄﻚ ﻓﺮﺍﺳﻪ ﺧﻼﺹ ﺭﺍﻫﻮ ..
ﻉ ﺧﺸﺔ ﻧﻌﻴﻤﻪ : ﺷﻦ ﺻﺎﺭ ..
ﺩﻻﻝ : ﻛﺬﺑﺖ ﺍﻟﻠﻪ ﻏﺎﻟﺐ ..
ﻧﻌﻴﻤﻪ : ﺗﻌﺮﻓﻲ ﻟﻤﺤﻠﻲ ﺍﻧﻪ ﻣﻌﺎﺵ ﻳﺨﻠﻴﻬﺎ ﺗﻤﺸﻲ ﻣﻌﺎﻱ ﻟﻮ ﺷﺪ ﻋﻠﻴﻬﺎ ﺣﺎﺟﻪ ..
ﻧﻮﺭ ﻣﺴﺤﺖ ﺑﻴﺪﻫﺎ ﻉ ﻭﺟﻬﻬﺎ ﻭﻫﻲ ﺗﺄﻓﻒ ..
ﻧﻌﻴﻤﻪ ﺑﺤﺰﻡ : ﺧﻼﺹ ﻧﻮﺭ ﻗﺼﻴﻬﺎ ﻣﻌﺎﻩ ﻣﺮﺓ ﻭﺣﺪﻩ ﻣﺎﻧﺒﻴﺶ ﺗﺼﻴﺮ ﻣﺸﺎﻛﻞ ﺑﻴﻨﻲ ﻭﺑﻴﻦ ﺍﺧﺘﻲ ﻓﺠﺮﺗﻜﻢ ﻗﻮﻟﻴﻪ ﻳﺮﺍﺟﻲ ﻟﻴﻦ ﺗﻜﻤﻠﻲ ﻭﺧﻼﺹ ... ﻭﻣﺸﺖ ﻃﻠﻌﺖ ﻣﻦ ﺍﻟﺪﺍﺭ ..
ﺩﻻﻝ : ﺣﺘﻰ ﺍﻧﻲ ﺭﺍﻳﻲ ﻣﻦ ﺭﺍﻱ ﻣﺎﻣﺎ ..
ﻧﻮﺭ ﺑﺤﺪﻩ : ﻫﺪﺍ ﺍﻟﻠﻲ ﺑﻨﺪﻳﺮﻩ ﺑﺶ ﻳﺸﻌﻒ ..
🍁🍁🍁🍁
ﻣﻘﻌﻤﺰﻳﻦ ﻓﻲ ﺍﻟﺼﺎﻟﻪ ...
ﺍﻟﺘﻠﻔﺰﻳﻮﻥ ﻣﻔﺘﻮﺡ ﻉ ﺑﺮﻧﺎﻣﺞ ﺗﺮﻓﻴﻬﻲ ..
ﻭﻻ ﻭﺍﺣﺪ ﻓﻴﻬﻢ ﻳﺘﻔﺮﺝ ..
ﻛﻞ ﻣﻨﻬﻢ ﺳﺎﺭﺡ ﻑ ﻫﻤﻪ ..
ﺍﻷﺏ ﺍﻟﻠﻲ ﻓﻘﺪ ﻣﻌﻨﻰ ﺍﻟﺒﻬﺠﻪ ﻭﺍﻟﺮﺍﺣﻪ ﻣﻦ ﻟﻤﺎ ﺗﻐﻴﺮﺕ ﻋﻠﻴﻪ ﻣﺮﺗﻪ ﻭﻭﻟﺖ ﺗﺘﺠﻨﺐ ﻓﻴﻪ ..
ﻓﺠﻨﺒﻪ ﺑﻤﺴﺎﻓﻪ ﺑﺴﻴﻄﻪ ..
ﻭﻟﺪﻩ ﺍﻟﻜﺒﻴﺮ ..
ﺍﻟﻠﻲ ﻗﺎﻋﺪ ﻳﻜﺎﺑﺮ ﻉ ﺷﻮﻗﻪ ﺍﻟﻜﺒﻴﺮ ﻭﻣﺶ ﻗﺎﺩﺭ ﻳﻘﺪﻡ ﺧﻄﻮﺓ ﻧﺎﺣﻴﺔ ﺍﻟﺒﻨﺖ ﺍﻟﻠﻲ ﻳﻌﺸﻘﻬﺎ ﺣﻔﻈﺎ ﻟﻜﺮﺍﻣﺘﻪ .. ﻭﻻﻫﻮ ﻣﺘﻬﻨﻲ ﻭﻻﻣﺮﺗﺎﺡ ...
ﻓﻨﺺ ﺍﻟﺼﺎﻟﻪ ..
ﺍﻟﻮﻟﺪ ﺍﻟﺼﻐﻴﺮ ..
ﺍﻟﻠﻲ ﺣﺒﻴﺒﺘﻪ ﺳﻴﺒﺎﺗﻪ ﺑﻜﻞ .. ﻭﺭﺍﻓﻀﻪ ﺗﻌﻄﻴﻪ ﺍﻱ ﻓﺮﺻﻪ ﻳﺜﺒﺘﻠﻬﺎ ﻓﻴﻬﺎ ﺍﻧﻪ ﺻﺎﺩﻕ ﻣﻌﺎﻫﺎ ﻭﺍﻧﻪ ﻣﺶ ﺯﻱ ﻏﻴﺮﻩ ..
ﺍﻣﺎ ﺍﻟﻠﻲ ﻗﺮﻳﺐ ﻉ ﺍﻟﺒﺎﺏ ..
ﺍﻟﻮﻟﺪ ﺍﻟﻮﺳﻄﺎﻧﻲ ..
ﻛﺎﻥ ﻓﻘﻤﺔ ﺍﻟﻐﻀﺐ ﻣﻦ ﺗﺠﺎﻫﻞ ﺣﺒﻴﺒﺘﻪ ﻟﻴﻪ .. ﺍﻟﻠﻲ ﺍﺗﺼﻞ ﺑﻴﻬﺎ ﻓﺎﻟﻴﻮﻡ ﺍﻛﺘﺮ ﻣﻦ 40 ﻣﺮﺓ ﻭﻣﺎﺑﺘﺶ ﺗﺮﺩ ﻋﻠﻴﻪ ...
ﺍﻷﺭﺑﻌﻪ ...
ﺗﻨﻬﺪﻭﺍ ﻓﻲ ﻣﺮﺓ ﻭﺣﺪﻩ ..
ﺷﺒﺤﻮﺍ ﻟﺒﻌﺾ ..
ﻉ ﺧﺸﺔ ﺍﺧﺮ ﺍﻟﻌﻨﻘﻮﺩ ﺗﻘﻮﻝ ..
ﻧﻮﺭﻫﺎﻥ : ﻣﺎﻣﺎ ﻛﺎﻟﺖ ﺗﻌﺎﻟﻮﺍ ﺗﻌﺸﻮﺍ ..
ﺷﺒﺤﻮﻟﻬﺎ ..
ﻧﻮﺭﻫﺎﻥ : ﺩﺍﻳﺮﺓ ﺗﺎﺟﻴﻦ ﺣﻮﺕ .. ﺿﻤﺖ ﺻﻮﺍﺑﻌﻬﺎ ﻟﺸﻮﺍﺭﺑﻬﺎ ﻭﺑﺎﺳﺘﻬﻢ ﻭﻗﺎﻟﺖ .. ﺯﻱ ﺍﻟﻌﺴﻞ ..
ﺿﺤﻜﻮﺍ ..
ﻗﻠﺪﺕ ﺣﺮﻛﺔ ﺍﻣﻬﺎ ..
ﻧﺎﺽ ﺳﻌﺪ ﻭﺟﻲ ﻟﺒﻨﺘﻪ ﺣﻀﻨﻬﺎ ﻭﻗﺎﻣﻬﺎ ﻭﻗﺎﻝ : ﺗﻮﻛﻠﻴﻨﻲ ﺍﻧﺘﻲ ..
ﻧﻮﺭﻫﺎﻥ : ﺣﺎﺿﺮ .. ﺗﻮ ﻧﺤﻮﻝ ﺷﻮﻛﺎﺕ ﻭﻧﻮﻛﻠﻚ ..
ﺿﺤﻚ ﺑﻮﻫﺎ ..
ﻧﺎﺿﻮﺍ ﺧﻮﺗﻬﺎ ﻭﻫﻤﺎ ﻳﻀﺤﻜﻮﺍ ﻭﻣﺸﻮﺍ ﻃﻠﻌﻮﺍ ﻣﻊ ﺑﻌﺾ ..
🍁🍁🍁🍁
ﺍﻟﺴﺎﻋﻪ 12:00 ﻟﻴﻼ ..
ﺭﺍﻗﺪﻩ ﻉ ﺟﻨﺒﻬﺎ ﺍﻟﻴﻤﻴﻦ ..
ﺷﺎﺩﻩ ﺑﺈﻳﺪﻳﻬﺎ ﺍﻟﺘﻠﻴﻔﻮﻥ ..
ﺣﺎﻃﻪ ﻉ ﺻﻮﺭﺗﻪ ... ﻭﺗﺘﺄﻣﻞ ﻓﻴﻬﺎ ﻭﺍﻟﺪﻣﻮﻉ ﺳﻴﻞ ..
ﻧﺎﺯﻝ ﻭﺯﻧﻬﺎ .. ﻭﺟﻬﻬﺎ ﺷﺎﺣﺐ ..
ﺣﺘﻰ ﺍﻥ ﺍﻣﻬﺎ ﺭﻛﺰﺕ ﻋﻠﻴﻬﺎ ... ﻭﻫﻲ ﺗﻜﺬﺏ ﻭﺗﻘﻮﻝ ﻣﻦ ﺗﺨﻤﻴﻤﻲ ﻓﺎﻟﻨﺘﻴﺠﻪ ﻭﺍﻟﻘﺮﺍﻳﺎ ...
ﻣﺸﺖ ﺧﺸﺖ ﻉ ﺍﻟﻔﻴﺲ ﺑﺘﺸﻮﻓﻪ ﺑﺎﻟﻚ ﻧﺰﻝ ﺣﺎﺟﻪ ﻭﻻ ﻋﻠﻖ ﻟﺤﺪ ﻭﻻﺃﻱ ﺷﻲ ﺍﻟﻤﻬﻢ ﺗﺤﺲ ﺑﻮﺟﻮﺩﻩ ..
ﺍﻭﻝ ﻣﺎﻓﺘﺤﺖ ..
ﺟﻲ ﻗﺪﺍﻣﻬﺎ ﺑﻮﺳﺖ ﻟﻴﻪ ..
ﻣﻜﺘﻮﺏ ﻓﻴﻪ ..
ﺍﻟﻨﺎﺱ ﺭﺍﻗﺪﻩ ﺑﺪﺭﻱ ﻓﺴﺎﺑﻊ ﺣﻠﻤﻪ ..
ﻭﻧﺎ ﺧﺎﻃﺮﻱ ﻣﻦ ﺍﻟﻮﻗﺖ ﺿﺎﻳﻖ ﻋﻠﻤﻪ ..
ﺍﻟﻨﺎﺱ ﺗﻬﻨﺖ
ﻓﻲ ﻧﻮﻣﻬﺎ ﻭﺃﻧﺎ ﺍﻟﻌﻴﻦ ﺍﻧﺠﻨﺖ ..
ﻳﺎﻃﻮﻝ ﻣﺎﻗﺮﺏ ﺍﻟﺤﺒﻴﺐ ﺗﻤﻨﺖ ..
ﻭﻫﻮ ﻭﺩﻫﺎ ﺑﻌﺪ ﺍﻟﻔﺮﺍﻕ ﻭﻇﻠﻤﻪ ..
ﻭﻧﺎ ﻓﻨﺰﻳﻒ ﺃﺩﻣﻮﻋﻬﺎ ﻧﺼﻨﺖ
ﺳﺎﻛﺖ ﺍﺣﺪﺍﻫﺎ ﻣﺎﺣﻜﻴﺖ ﺑﻜﻠﻤﻪ ..
ﺍﻟﻨﺎﺱ ﺭﺍﻗﺪﻩ ﺑﺪﺭﻱ ﻓﺴﺎﺑﻊ ﺣﻠﻤﻪ ..
ﻭﻧﺎ ﺧﺎﻃﺮﻱ ﻣﻦ ﺍﻟﻮﻗﺖ ﺿﺎﻳﻖ ﻋﻠﻤﻪ ..
💓 ﺍﺑﺘﺴﻤﺖ ﻣﻦ ﺑﻴﻦ ﺩﻣﻮﻋﻬﺎ ﻭﻗﻠﺒﻬﺎ ﻳﺪﻕ ﺑﻘﻮﺓ ..
ﻓﺮﺣﺖ ﻗﺮﻳﺐ ﻃﺎﺭﺕ .. ﻓﺮﺣﺖ ﺑﻌﺪ ﺗﺄﻛﺪﺕ ﺍﻧﻬﺎ ﻉ ﺑﺎﻟﻪ
🍃 ﻏﻴﺮ ﺍﻣﺘﻰ ﺭﺣﺘﻲ ﻣﻦ ﺑﺎﻟﻪ ﻳﺎﺭﺯﺍﻥ ﺑﺲ 🍃
ﺷﻮﻳﻪ ﻟﻘﺖ ﺭﺳﺎﻟﻪ ﺟﺎﻳﺘﻬﺎ ﻉ ﺍﻟﺨﺎﺹ ﻣﻦ ﺭﻓﻘﻪ ﺧﺸﺖ ﻭﺷﺎﻓﺘﻬﺎ ..
🍁🍁🍁🍁
ﺗﺎﻧﻲ ﻳﻮﻡ ..
ﺍﻟﺴﺎﻋﻪ 1:30 ﻇﻬﺮﺍ ...
ﺟﺎﻣﻌﺔ ﻃﺮﺍﺑﻠﺲ ..
ﻛﻠﻴﺔ ﺍﻟﻬﻨﺪﺳﻪ ..
ﺑﻌﺪ ﻛﻤﻠﺖ ﺻﻼﺓ ﺍﻟﻈﻬﺮ ..
ﻣﺸﺖ ﻣﻮﻟﻴﻪ ﻟﻤﻜﺎﻥ ﺍﻟﻘﺎﻋﺎﺕ .. ﺑﺶ ﺗﺮﺍﺟﻲ ﻣﺤﺎﺿﺮﺗﻬﺎ ..
ﺍﻟﻤﻤﺮ ﺍﻟﻠﻲ ﻛﺎﻧﺖ ﺗﻤﺸﻲ ﻓﻴﻪ ﺷﺒﻪ ﻓﺎﺿﻲ ..
ﻓﺠﺄﺓ ..
ﻃﻠﻌﻠﻬﺎ ﻭﺍﺣﺪ ..
ﻣﻨﻈﺮﻩ ﻣﺎﻛﺎﻧﺶ ﻣﺮﻳﺢ .. ﺣﺘﻰ ﻣﻦ ﻋﻴﻮﻧﻪ ﺣﻤﺮ ..
ﺗﺠﻨﺒﺖ ﺗﺸﻮﻓﻠﻪ ..
ﻛﻤﻠﺖ ﻃﺮﻳﻘﻬﺎ ﻋﺎﺩﻱ ﻭﻣﻦ ﺩﺍﺧﻞ ﺧﺎﻳﻔﻪ ..
ﻟﻤﺎ ﺟﺖ ﻓﺎﺗﺖ ﻣﻦ ﺣﺪﺍﻩ ..
ﺟﻲ ﻗﺪﺍﻣﻬﺎ ﻭﺻﻜﺮ ﻋﻠﻴﻬﺎ ..
ﻫﻲ ﻗﺮﻳﺐ ﻣﺎﺗﺖ ..
ﻣﺸﺖ ﻣﻦ ﺍﻟﺠﻬﺔ ﺍﻟﺘﺎﻧﻴﻪ ﺟﻲ ﻗﺪﺍﻣﻬﺎ ..
ﺩﻻﻝ ﻭﻫﻲ ﺗﺤﺎﻭﻝ ﺗﺼﻨﻊ ﺍﻟﻘﻮﺓ : ﺣﻮﻝ ﻣﻦ ﻃﺮﻳﻘﻲ ..
ﻧﺎﺻﺮ : ﻭﻳﻦ ﻳﺎﻗﻤﺮﺓ ﻧﺤﻮﻝ ﻣﻦ ﻃﺮﻳﻘﻚ ﻭﻳﻦ ﻭﻳﻦ ﻭﺍﻧﻲ ﻟﻴﺎ ﻋﺎﻡ ﻧﺮﺍﺟﻲ ﻓﻬﺎﻟﻠﺤﻈﻪ .. ﺑﺶ ﻧﻌﻴﺶ ﻣﻌﺎﻙ ﺍﻟﻠﺤﻈﻪ .. ﻳﺎﺳﻤﺢ ..
ﻫﻲ ﺣﺴﺖ ﺍﻧﻪ ﻣﺶ ﻣﺰﺑﻮﻁ ﻭﻳﺒﺎﻥ ﻭﺍﺧﺪ ﺣﺎﺟﻪ ..
ﺩﻓﺎﺗﻪ ﺑﻜﻞ ﻗﻮﺗﻬﺎ ..
ﻭﻓﺎﺗﺖ ﺗﺠﺮﻱ .. ﺷﺪﻫﺎ ..
ﻫﻮ ﺷﺪ ﻳﺪﻫﺎ ﻣﻦ ﻫﻨﻲ ..
ﻭﻳﺠﻴﻪ ﺑﻮﻛﺲ ﻉ ﻭﺟﻬﻪ ﻣﻦ ﻫﻨﻲ ..
ﻃﻠﻖ ﻧﺎﺻﺮ ﺩﻻﻝ ﻭﺷﺪ ﺧﺸﻤﻪ ﺑﺈﻳﺪﻳﻪ ..
ﺩﻻﻝ ﻣﺎﺣﺴﺘﺶ ﺑﺮﻭﺣﻬﺎ ﺍﻻ ﻭﻫﻲ ﻭﺭﺍ ﻇﻬﺮ ﺿﻮ ﻭﻫﻮ ﻳﻘﻮﻟﻠﻬﺎ : ﺑﺮﻱ ..
ﻫﻲ ﺧﺎﻓﺖ ﻣﺎﺑﺘﺶ ﺗﻤﺸﻲ ..
ﺿﻮ : ﺍﺭﺟﻮﻙ ﺑﺮﻱ ..
ﻫﻲ ﻣﺸﺖ ﺧﻄﻮﺓ ﻟﻠﺨﻠﻒ ﺑﻌﺪﻳﻦ ﻟﻔﺖ ﺑﺘﻤﺸﻲ ..
ﺳﻤﻌﺖ ﺻﻮﺕ ﺿﺮﺏ ..
ﻭﻗﻔﺖ ﻭﺍﻟﺘﻔﺘﺖ ..
ﻭﻟﻘﺖ ﺿﻮ ﻃﺎﺡ ﻓﻴﻪ ﺿﺮﺏ .. ﻭﻫﺪﺍﻛﺎ ﻳﻘﺎﻭﻡ ﻟﻜﻦ ﻣﺎﻋﻨﺪﺍﺵ ﻫﺪﺍﻛﺎ ﺍﻟﺠﻬﺪ ..
ﺿﺮﺑﻪ ﺿﻮ ﺑﻮﻛﺲ ﻗﻮﻱ ..
ﺧﻼﻩ ﻳﻮﺧﺮ ﺍﻟﻠﺘﺎﻟﻲ ..
ﺿﻮ : ﻳﺎﻗﻠﻴﻞ ﺍﻷﺻﻞ ﻳﺎﻣﺴﺦ ..
ﻫﻮ ﻗﻌﺪ ﻳﺸﻮﻓﻠﻪ ﺑﻨﻈﺮﺍﺕ ﻣﺨﻴﻔﻪ ..
ﻗﺪﻣﻠﻪ ﻳﺠﺮﻱ ..
ﺿﻮ ﺟﺎﻱ ﺑﻴﻀﺮﺑﻪ ..
ﻟﻜﻦ ﻭﻗﻒ ﻓﺠﺄﺓ ..
ﻟﻤﺎ ﺣﺲ ﺑﺸﻲ ﺣﺎﺩ ﺍﻧﻐﺮﺱ ﺑﻘﻮﺓ ﻓﺠﻨﺒﻪ ...
.... ﻳﺘﺒﻊ