#العشق_المتمرد
باقي الجزء89
🍁🍁🍁
ﺣﺪﺍ ﺍﻟﻔﺮﻥ ..
ﻛﺎﻧﺖ ﻫﺎﻟﻤﺮﺓ ﺍﻟﻠﻲ ﺗﺤﻤﻲ ﻧﻌﻴﻤﻪ ﺟﻲ ﻓﺨﺎﻃﺮﻫﺎ ...
ﻭﻏﺎﻟﻴﻪ ﻣﻘﻌﻤﺰﻩ ﺣﺪﺍ ﺯﻳﻨﺐ ﻭﻟﻄﻴﻔﻪ ﻭﻣﻌﺎﻫﻢ ﺭﺍﻧﻴﺎ ..
ﻓﻢ ﺑﻮﺍﺑﺔ ﺍﻟﺤﻮﺵ ﺍﻟﻘﺪﻳﻢ ..
ﻣﺪﺍﻳﺮﺍﺕ ﺩﺍﺋﺮﺓ ..
ﻧﻮﺭ ﻭﺭﻓﻘﻪ ﻭﺣﺪﻫﻢ ﻭﺭﺯﺍﻥ ﻳﻬﺪﺭﺯﻭﺍ ..
....
ﻏﺎﻟﻴﻪ : ﻫﺪﻯ ﻳﺪﻳﺮ ﻫﻜﻲ ﺑﻠﻌﺎﻧﻲ ﻳﺴﺘﻔﺰ ﺍﺳﺘﻔﺰﺍﺭ ﻳﺒﻲ ﻳﺘﻜﻬﺎ ﻫﻮ ﻭﻳﺎﻫﺎ ﺑﺶ ﻳﺴﻘﺪﻫﺎ ..
ﻟﻄﻴﻔﻪ : ﻣﻔﺮﻭﺽ ﺟﻲ ﻭﻛﻠﻢ ﺧﻮﺗﻬﺎ ﻭﻗﺎﻟﻠﻬﻢ ﺍﻧﻲ ﺭﺍﺟﻞ ﻭﻧﺒﻲ ﺻﻐﺎﺭ ﻭﻣﻦ ﺣﻘﻲ ﺳﺎﻣﺤﻮﻧﻲ ﺑﻨﺎﺧﺪ ﻣﺮﺍﺓ ﺗﺎﻧﻴﻪ ﻣﺎﺍﻋﺘﻘﺪﺵ ﺍﻥ ﻓﻲ ﺣﺪ ﺣﻴﻌﺘﺮﺽ ..
ﺯﻳﻨﺐ ﻗﺎﻟﺖ : ﺍﻳﻪ ﺑﺎﻟﺬﺍﺕ ﺑﻌﺪ ﺍﻟﻤﺸﺎﻛﻞ ﺍﻟﻠﻲ ﺻﺎﺭﺕ ﻣﻌﺎﻫﺎ ﻭﻛﻴﻒ ﻗﻠﺖ ﻓﺮﺻﺔ ﺍﻟﺤﻤﻞ ﻋﻨﺪﻫﺎ ﻟﻴﻪ ﻋﺬﺭﻩ ..
ﻏﺎﻟﻴﻪ ﺑﺄﻟﻢ : ﻟﻜﻦ ﻣﺎﻓﻴﺶ ﻣﺮﺍﺓ ﺗﺘﺤﻤﻞ ﺭﺍﺟﻠﻬﺎ ﻳﺎﺧﺪ ﻋﻠﻴﻬﺎ ..
ﻟﻄﻴﻔﻪ : ﺍﻟﻠﻪ ﻏﺎﻟﺐ ﺍﻟﻈﺮﻭﻑ ﺣﻜﻤﺖ ..
ﺭﺍﻧﻴﺎ ﻭﻫﻤﺎ ﻳﻬﺪﺭﺯﻭﺍ ﻣﺎﻛﺎﻧﺘﺶ ﻣﻌﺎﻫﻢ ...
ﻛﺎﻧﺖ ﻣﺮﻛﺰﺓ ﺑﻨﻈﺮﻫﺎ ﻉ ﺣﻔﺮﺓ ﻣﺮﺩﻭﻣﻪ ..
ﻫﺎﻟﺤﻔﺮﺓ ﻛﺎﻥ ﻣﺮﺩﻭﻡ ﻓﻴﻬﺎ ﻫﻠﺒﻪ ﺫﻛﺮﻳﺎﺕ ﺯﻱ ﻣﺎﻣﺮﺩﻭﻣﻪ ﻓﻲ ﺍﻟﻘﻠﻮﺏ ..
⚡ ﻓﻼﺵ ﺑﺎﻙ ..
ﺳﻨﻪ ...2002
ﻓﻲ ﻓﺼﻞ ﺍﻟﺸﺘﺎﺀ ..
ﺣﺎﺿﻨﻪ ﻧﻔﺴﻬﺎ ﻣﻦ ﺍﺍﻟﺼﻘﻊ ﻭﻭﺍﻓﻘﻪ ﺗﺘﻔﺮﺝ ﻉ ﺍﺭﺍﻧﺐ ﻣﺤﻤﺪ ..
ﺭﺍﻧﻴﺎ : ﻣﺤﻼﺍﻫﻢ .. ﺧﺎﻃﺮﻱ ﻧﺸﺪ ﻭﺣﺪﻩ ..
ﺩﻻﻝ : ﻭﻭﻭﻙ ﺗﻘﺸﻌﺮﺕ ..
ﻋﻤﺎﺩ : ﻳﺎﺍﺍﺍﻱ ..
ﺿﺤﻜﻮﺍ ..
ﺩﻻﻝ : ﺍﻧﺖ ﻳﺎﺑﺎﺭﺩ ﻣﺎﺩﺧﻠﻜﺶ ..
ﻋﻤﺎﺩ ﺩﺍﺭ ﺣﻮﻟﻪ ﺑﻌﻴﻮﻧﻪ ﻭﻗﺎﻝ ؛ﺩﺧﻠﻴﻴﻲ ..
ﺿﺤﻜﻮﺍ ﻭﺣﺘﻰ ﻫﻲ ﺿﺤﻜﺖ ﻣﻌﺎﻫﻢ ..
ﺑﻌﺪﻳﻦ ﺭﺍﻧﻴﺎ ﻗﺎﻟﺖ : ﺧﺎﻟﻲ ﻃﻠﻌﻠﻨﺎ ﻭﺣﺪﻩ ..
ﻣﺤﻤﺪ : ﺑﺎﻫﻲ ..
ﻃﺒﺲ ﻭﺧﺪﻱ ﻭﺣﺪﻩ ﻭﺭﻓﻌﻬﺎ ..
ﻫﻲ ﻛﺎﻧﺖ ﺑﺘﺘﺠﻤﺪ ﻣﻦ ﺍﻟﺼﻘﻊ .. ﺷﺒﺤﺖ ﻟﺮﻣﺰﻱ ﺍﻟﻠﻲ ﻛﺎﻥ ﻭﺍﻗﻒ ﻳﺸﻮﻓﻠﻬﺎ ﺍﻭﻝ ﻣﺎﺟﺖ ﻋﻴﻨﻬﺎ ﻋﻠﻴﻪ ﻏﻴﺮﻫﻢ ﻃﻮﻝ ...
ﻫﻲ ﺑﺮﻓﻌﺔ ﺣﺎﺟﺐ : ﺷﻦ ﺗﺸﺒﺤﻠﻲ ﺍﻧﺖ ..
ﺭﻣﺰﻱ ﻣﺎﺩﻭﺭﺵ ﻛﺎﻧﻪ ﺍﻟﺪﻭﺓ ﻣﺶ ﻋﻠﻴﻪ ..
ﺭﺍﻧﻴﺎ : ﺍﻧﺖ ﻳﺎﺍﺻﻔﺮ ﻳﺎﻣﺼﻔﺮﻥ ﻋﻼﺵ ﺗﺸﺒﺤﻠﻲ .
ﺭﻣﺰﻱ ﺑﺈﺯﺩﺭﺍﺀ : ﻭﻟﻴﺶ ﺑﻨﺸﺒﺤﻠﻚ ﻳﺎﻏﻮﻟﺔ
ﺿﺤﻜﻮﺍ ..
ﻣﺤﻤﺪ ﺑﻀﺤﻜﻪ؛ﻋﻴﺪ ﺭﺍﻫﻮ .. ﻫﻲ ﺗﺴﺎﻣﺤﻮﺍ ..
ﺭﺍﻧﻴﺎ : ﻻﺍﺍ ..
ﺭﻣﺰﻱ : ﻣﺎﻫﻮ ﺍﻧﻲ ﻧﺒﻴﻚ ﺗﺴﺎﻣﺤﻴﻨﻲ ﻛﺎﻥ ﻣﺎﺳﺎﻣﺤﺘﻨﻲ ﺑﻨﻨﺘﺤﺮ ..
ﺿﺤﻜﻮﺍ ..
ﺭﺍﻧﻴﺎ ﻃﺮﻣﺖ ﺷﻮﺍﺭﺑﻬﺎ ﺑﺈﺯﺩﺭﺍﺀ ..
ﻣﺤﻤﺪ ﺑﻀﺤﻜﻪ : ﺑﺎﻫﻲ ﻳﺎﻭﺩﻱ ﺧﻠﻴﻚ ﻓﻲ ﺍﻷﺭﻧﺐ ..
ﺷﻘﻠﺒﺖ ﻋﻴﻮﻧﻬﺎ .. ﻭﻗﺪﻣﺖ ﻟﺨﺎﻟﻬﺎ ﻭﺧﺪﺕ ﺍﻷﺭﻧﺐ ﺍﺑﺘﺴﻤﺖ ﺑﻔﺮﺡ ﻭﻗﺎﻟﺖ : ﻳﻬﺒﻞ ﻭﻗﻌﺪﺕ ﺗﻤﺴﺢ ﻋﻠﻴﻪ ﺑﻴﺪﻫﺎ ..
ﺩﻻﻝ؛ﻳﺨﻮﻑ ..
ﻋﻤﺎﺩ : ﻳﺨﻮﻑ ﻋﻴﻨﻚ ﺍﻧﺘﻲ ﺩﻟﻮﻋﻪ ..
ﺩﻻﻝ ﺷﻘﻠﺒﺖ ﻋﻴﻮﻧﻬﺎ ..
ﻋﻤﺎﺩ ﺿﺤﻚ ..
ﻭﺭﻣﺰﻱ ﻛﺎﻥ ﻳﺸﺒﺢ ﻟﺮﺍﻧﻴﺎ ﻭﺑﺲ ..
ﺭﺍﻧﻴﺎ؛ﻣﺤﻼﻩ ﻣﺤﻼﻩ ﻋﻄﻴﻬﻮﻟﻲ ..
ﻣﺤﻤﺪ : ﻧﻌﻄﻴﻚ ﻋﻴﻨﻚ ..
ﺿﺤﻜﻮﺍ ﻭﻫﻲ ﺍﻧﺤﺮﺟﺖ ﺷﺒﺤﺖ ﻃﻮﻝ ﻟﺮﻣﺰﻱ ..
ﻫﻮ ﻏﻴﺮ ﻋﻴﻮﻧﻪ ﻃﻮﻝ ﻟﻠﻔﺮﻥ ..
ﺷﺒﺤﺘﻠﻪ ﺑﺈﺯﺩﺭﺍﺀ ﺑﻌﺪﻳﻦ ﺷﺒﺤﺖ ﻟﻸﺭﻧﺐ ...
⚡ ﺍﻟﻮﻗﺖ ﺍﻟﺤﺎﺿﺮ ..
ﺩﻣﻮﻋﻬﺎ ﺳﻴﻞ ﻭﻫﻲ ﺗﺸﻮﻑ ﻟﻠﺤﻔﺮﺓ ﺍﻟﻤﺮﺩﻭﻣﻪ ..
ﻣﺴﺤﺘﻬﻢ ﺑﺶ ﻣﺎﺣﺪ ﻳﻨﺘﺒﻬﻠﻬﺎ .. ﻭﺭﺟﻌﺖ ﻟﻬﺖ ﻣﻌﺎﻫﻢ ﺑﺎﻟﻬﺪﺭﺯﺓ ..
🍁🍁🍁🍁
ﻃﺮﺍﺑﻠﺲ ...
ﻣﻘﻌﻤﺰ ﻭﺭﺍ ﻣﻜﺘﺒﻪ ﻭﻳﺮﺍﺟﻲ ﻓﻲ ﺍﺗﺼﺎﻝ ﻣﻬﻢ ﺭﻥ ﺗﻠﻴﻔﻮﻧﻪ ﻃﻮﻝ ﻓﺘﺢ ﺍﻟﺨﻂ ﻭﺭﺩ ..
ﺯﻳﻦ ﺍﻟﺪﻳﻦ : ﺷﻦ ﺻﺎﺭ ؟
: ﻭﺍﺣﺪ ﺍﺳﻤﻪ ﺭﻣﺰﻱ ﻣﻴﻼﺩ ﺭﻣﻀﺎﻥ ****
ﺍﺑﺘﺴﻢ ﺑﺘﻬﻜﻢ ﻭﻗﺎﻝ ﻓﻨﻔﺴﻪ " ﻣﻌﻨﺎﻫﺎ ﻭﻟﺪ ﺧﺎﻟﻬﺎ .."
: ﺗﻘﺪﺭ ﺗﺠﻲ ﻣﺼﺮﺍﺗﻪ ﺍﻟﻴﻮﻡ ..
ﻧﺎﺽ ﻭﻫﻮ ﻳﻘﻮﻝ : ﺗﻮﺍ ﺑﻨﻄﻠﻊ ...
ﺻﻜﺮ ﻭﺧﺪﻱ ﻣﻔﺎﺗﻴﺤﻪ ﻭﻧﻈﺎﺭﺗﻪ ﻭﻃﻠﻊ ﺑﺴﺮﻋﻪ ..
🌴🌴🌴🌴🌴🌴🌴
ﺑﺎﻫﻲ ﺍﻧﺘﻲ ﺟﺮﺑﻲ ﺗﻘﺼﻴﻪ ..
ﺭﻓﻘﻪ ﻭﻫﻲ ﺷﺎﺩﻩ ﺷﻌﺮﻫﺎ : ﻣﺶ ﻫﺎﻳﻦ ﻋﻠﻴﺎ ..
ﺭﺯﺍﻥ : ﺗﻮ ﻳﻮﻟﻲ ﻳﻄﻮﻝ ..
ﺭﻓﻘﻪ ﺑﺘﺮﺩﺩ : ﺑﻴﻮﺟﻌﻨﻲ ﻛﺎﻥ ﻗﺼﻴﺘﻪ ..
ﺣﺪﻫﻢ ﺑﻀﺤﻜﻪ : ﺑﺎﻫﻲ ﺧﻠﻴﻪ .
ﺭﻓﻘﻪ : ﻟﻜﻦ ﻧﺒﻲ ﻧﻐﻴﺮ ..
ﺍﻟﺘﻼﺗﻪ : ﻭﻭﻭﻭﻭﻩ ..
ﻫﻲ ﺿﺤﻜﺖ .
" ﺑﺲ ﺑﺴﺒﺲ ﺑﺴﺒﺴﺒﺴﺒﺲ .."
ﺣﺪﻫﻢ ﺑﻀﺤﻜﻪ : ﻋﻤﺎﺩ ﺭﺯﺍﻥ ..
ﺭﺯﺍﻥ : ﻓﻮﺗﻴﻪ ..
ﻧﻮﺭ ﺑﻀﺤﻜﻪ : ﻭﺍﻟﻠﻪ ﻣﺎﺗﺤﺸﻤﻲ ﺑﺎﻫﻲ ..
ﺣﺪﻫﻢ : ﺑﺘﺘﺒﺘﺮ ﻋﻠﻰ ﺍﻟﻨﻌﻤﻪ ..
ﺭﻓﻘﻪ : ﻟﻴﻦ ﻳﺠﻲ ﺣﺪ ﺗﺎﻧﻲ ﻳﺎﺧﺪﻫﺎ ..
ﻓﻨﺼﺖ ﻓﺮﻓﻘﻪ ﺍﻟﻠﻲ ﻛﺎﻧﺖ ﺗﻀﺤﻚ
" ﻟﻮﻟﻮﻟﻮﻟﻮﻟﻮﻟﻮ .."
ﺍﻟﺒﻨﺎﺕ : ﻫﻬﻬﻬﻬﻬﻬﻬﻬﻬﻬﻬﻪ ..
ﻫﻲ ﻛﺎﻧﺖ ﺗﻀﺤﻚ ﻉ ﺍﻟﻬﺰﺍﺯ ..
ﻋﻤﺎﺩ : ﺗﻌﺮﻓﻲ ﻛﺎﻧﺎ ﻣﺎ ﺟﻴﺘﻴﺶ ﻣﻦ ﺷﻌﺮ ﻧﺠﻴﺒﻚ ..
ﺿﺤﻜﻮﺍ ..
ﻫﻲ ﻧﺎﺿﺖ ..
ﻟﺒﺴﺖ ﺷﺒﺸﺒﻬﺎ ...
ﻟﻔﺖ ﻭﺷﺒﺤﺘﻠﻪ ﺑﺮﻓﻌﺔ ﺣﺎﺟﺐ .. ﻭﻣﺸﺘﻠﻪ ..
ﻫﻮ ﻛﺎﻥ ﻻﺑﺲ ﺷﻮﺭﺕ ﺟﻴﻨﺰ ﻭﺗﻴﺸﺮﺕ ﺯﻳﺘﻲ ﻋﻨﺪ ﺍﻋﻠﻰ ﺍﻟﺼﺪﺭ ﺑﺪﻝ ﺍﻟﺒﻄﻢ ﺧﻴﻮﻁ ﻫﻮ ﻣﺨﻠﻴﻬﻢ ﻫﻜﻲ ﻣﺶ ﻣﺮﺑﻮﻃﺎﺕ ..
ﻭﻻﺑﺲ ﻧﻈﺎﺭﺍﺕ ﻟﻮﻧﻬﻢ ﻗﻬﻮﻱ ..
ﻣﺘﻜﻲ ﺑﻴﺪﻩ ﻉ ﺍﻟﺤﻴﻂ .. ﻭﻣﺒﺘﺴﻢ .
ﻫﻲ ﻭﺻﻠﺖ ﻓﻴﻪ ..
ﺭﺯﺍﻥ : ﺷﻦ ﻋﻨﺪﻙ ..
ﺣﻂ ﻳﺪﻩ ﻉ ﻗﻠﺒﻪ ﻭﻗﺎﻝ ﺑﺎﻟﻌﺮﺍﻗﻲ : ﻋﻨﺪﻱ ﻗﻠﺐ ﻳﻨﺒﺾ ﻷﺟﻠﻚ .
ﺷﻘﻠﺒﺖ ﻋﻴﻮﻧﻬﺎ ..
ﻋﻤﺎﺩ : ﻏﻴﺮ ﻧﺤﺒﻬﻢ ﻛﺎﻧﻬﺪﺍ ﺭﺍﻫﻮ ﻓﺎﻗﺼﻬﻢ ﻣﻦ ﺯﻣﺎﺍﺍﻥ ..
ﺭﺯﺍﻥ : ﻏﻴﺮ ﺟﺮﺏ ..
ﻋﻤﺎﺩ ﻧﺰﻝ ﻳﺪﻩ ﻣﻦ ﺍﻟﺤﻴﻂ ﻭﻗﻌﺪ ﻳﺘﻜﻠﻢ ﺑﺈﻳﺪﻳﻪ : ﺍﻧﻲ ﻣﺘﺎﻛﺪ ﺍﻥ ﻟﺴﺎﻧﻚ ﺑﺪﺍﻳﺘﻪ ﻓﻴﻪ ﺯﻭﺯ ﻗﺮﻭﻥ ..
ﺭﺯﺍﻥ : ﺍﻳﻪ ﻟﻔﻌﻪ ﻭﻟﻔﻌﺔ ﻟﻔﻌﺎﺕ ..
ﻋﻤﺎﺩ : ﺍﺍﺍﺍﺥ .. ﻭﺍﻧﻲ ﻧﻤﻮﺕ ﻓﻴﻬﺎ ﻟﻔﻌﺔ ﺍﻟﻠﻔﻌﺎﺕ ﻫﺎﺩﻱ ..
ﺷﺒﺤﺖ ﺍﻟﻘﺪﺍﻡ ﻭﻫﻲ ﺭﺍﻓﻌﻪ ﺣﺎﺟﺒﻬﺎ ﻭﺷﺎﺩﻩ ﺍﺑﺘﺴﺎﻣﻪ ..
ﻫﻮ ﺿﺤﻚ ﻭﻗﺎﻝ : ﺍﻳﻪ ﻟﻔﻌﺘﻲ ﻗﻮﻟﻴﻠﻲ ﺷﻦ ﻣﻘﺎﺱ ﺻﺒﻌﻚ ..
ﺭﺯﺍﻥ ﺣﻮﻟﺖ ﺧﺎﺗﻢ ﻣﻦ ﺻﺒﻌﻬﺎ ﻭﻣﺪﺗﻬﻮﻟﻪ ..
ﻫﻮ ﺿﺤﻚ ﻭﺧﺪﺍﻩ ﻭﻫﻮ ﻳﺘﻔﺤﺺ ﻓﻴﻪ ﻗﺎﻝ : ﻣﻘﺎﺱ ﻧﻮﺭﻫﺎﻥ ..
ﺭﺯﺍﻥ : ﻫﺎﺗﻪ ﻫﺎﺗﻪ ﺗﺮﺍ ..
ﺿﺤﻚ ﻭﺣﻄﻪ ﻓﺠﻴﺒﻪ ﻭﻗﺎﻝ : ﻏﺪﻭﺓ ﺑﺈﺫﻥ ﺍﻟﻠﻪ ﻣﺮﻭﺡ ..
ﻫﻲ ﺻﺪﺭﻫﺎ ﺍﻧﻐﻢ .. ﻭﺑﺎﻥ ﻉ ﻭﺟﻬﻬﺎ ﺍﻧﻬﺎ ﺍﺿﺎﻳﻘﺖ ﻭﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ ...
ﺍﺑﺘﺴﻢ ﻭﺭﻓﻊ ﻧﻈﺎﺭﺍﺗﻪ ﻉ ﺷﻌﺮﻩ ﻭﻗﺎﻝ : ﻣﻮﻟﻲ ﺇﻥ ﺷﺎﺀ ﺍﻟﻠﻪ ﺍﻟﺠﻤﻌﻪ ﺍﻟﺠﺎﻳﻪ ..
ﺭﺯﺍﻥ ﻛﻌﺎﺩﺗﻬﺎ ﻻﺯﻡ ﺗﻜﺎﺑﺮ : ﻭﻟﻴﺶ ﺗﻘﻮﻟﻲ ﺍﻧﻲ ﻓﺎﻟﻜﻼﻡ ﻫﺪﻯ ..
ﻋﻤﺎﺩ : ﻷﻧﻪ ﻳﻬﻤﻚ ...
ﻫﻲ ﻗﻌﺪﺕ ﺗﺸﻮﻑ ﻟﻌﻴﻮﻧﻪ ..
ﻭﻫﻮ ﻛﺎﻥ ﺣﺎﻁ ﻳﺪﻩ ﻓﻮﻕ ﻋﻴﻮﻧﻪ ﻳﺘﻘﻲ ﻓﻴﻬﻢ ﻣﻦ ﺍﻟﺸﻤﺲ ﻭﻳﺸﻮﻓﻠﻬﺎ ..
ﺭﺯﺍﻥ : ﺑﺎﻫﻲ ﻋﺪﻱ ﺗﻮﺍ ﺍﻟﺸﻤﺲ ﺟﺎﻳﻪ ﻉ ﺭﺍﺳﻚ ..
ﺣﻮﻝ ﻳﺪﻩ ﻭﻫﻮ ﻳﺮﻣﺶ ﻓﻌﻴﻮﻧﻪ ﺑﻌﺪﻡ ﺗﺼﺪﻳﻖ : ﺧﺎﻳﻔﻪ ﻋﻠﻴﺎ ﻳﺎﻣﻠﻌﻘﻪ !!
ﺭﺯﺍﻥ : ﻋﻠﻴﻚ ﺑﺎﺭﺩ ﻳﺎﺭﺑﻲ .. ﺑﺎﻫﻲ ﺍﻗﻌﺪ ﻣﺼﺒﻲ ﺍﻧﻲ ﺑﻨﻌﺪﻱ ..
ﺷﺪ ﻳﺪﻫﺎ .. ﻫﻲ ﺷﺒﺤﺘﻠﻪ ﻭﻗﺎﻟﺖ .. ﺧﺪﻳﺖ ﺭﺍﺣﺘﻚ ﻭﺍﺟﺪ !!
ﺿﺤﻚ ﻭﻗﺎﻝ : ﺧﻠﻴﻚ ﻫﻨﻲ ﺷﻮﻳﻪ ..
ﻃﻠﻖ ﻳﺪﻫﺎ ﻭﻣﺸﻲ ﻟﺴﻴﺎﺭﺗﻪ ﻃﻠﻊ ﻣﻨﻬﺎ ﺣﺎﺟﻪ ﻭﺟﺎﻫﺎ ..
ﻭﻫﻲ ﺗﺸﻮﻓﻠﻪ ..
ﻣﺪﻟﻬﺎ ﺍﻟﺸﻜﺎﺭﻩ ...
ﻛﺎﻥ ﻓﻴﻬﺎ ﺷﻜﺎﻟﻴﻂ ﻭﻭﺣﺪﻩ ﺟﺎﻻﻛﺴﻲ ﻛﺒﻴﺮﺓ ..
ﻋﻤﺎﺩ : ﻋﺎﺭﻓﻪ ﺍﻟﺠﺎﻻﻛﺴﻲ ﻟﻤﻨﻲ ..
ﻫﻲ ﺧﺪﺕ ﺍﻟﺸﻜﺎﺭﺓ ﻭﻟﻔﺖ ﻭﻣﺸﺖ ..
ﻋﻤﺎﺩ : ﺑﺎﻫﻲ ﺻﺤﻴﺖ .. ﺑﺎﺭﻙ ﺍﻟﻠﻪ ﻓﻴﻚ .. ﺷﻜﺮ ﺍﻟﻠﻪ ﺳﻌﻴﻚ .. ﻋﻈﻢ ﺍﻟﻠﻪ ﺍﺟﺮﻙ ... ﺍﻱ ﺷﻲ ..
ﻫﻲ ﻣﺎﺷﻴﻪ ﻭﺗﻀﺤﻚ ..
ﻭﺻﻠﺖ ﻓﺎﻟﺒﻨﺎﺕ ..
ﺣﻮﻟﺖ ﺷﺒﺸﺒﻬﺎ ﻭﻗﻌﻤﺰﺕ ﺧﺪﺕ ﺍﻟﺠﺎﻻﻛﺴﻲ ﻭﻋﻄﺖ ﻟﻠﺒﻨﺎﺕ ﺍﻟﺸﻜﺎﺭﺓ .
ﻫﻮ ﺍﺑﺘﺴﻢ ﺑﺘﻨﻬﻴﺪﻩ ﻭﻗﺎﻝ : ﺭﺑﻲ ﻣﺎﻳﺤﺮﻣﻨﻲ ﻣﻨﻬﺎ ﻟﻔﻌﺔ ﺍﻟﻠﻔﻌﺎﺕ ﻫﺎﺩﻱ 💕
ﺿﺤﻚ ﺑﻌﺪﻳﻦ ﻣﺸﻲ ...
🍁🍁🍁🍁
ﺍﻟﺴﺎﻋﻪ 10:00 ﻟﻴﻼ ..
ﺧﺶ ﻋﻠﻴﻬﺎ ﺍﻟﺪﺍﺭ ﻟﻘﺎﻫﺎ ﺗﺼﻠﻲ ..
ﻛﺎﻧﺖ ﻓﻲ ﺍﻟﺘﺸﻬﺪ ﺍﻷﺧﻴﺮ ..
ﻛﻤﻠﺖ ﻭﺳﻠﻤﺖ ..
ﻛﻤﻠﺖ ﺗﺴﻠﻴﻢ ﻳﺠﻴﻬﻬﺎ ﻉ ﻭﺟﻬﻬﺎ ﺳﺮﻭﺍﻝ ﻭﺳﻮﺭﻳﻪ ..
ﻫﻲ ﺍﻧﺨﻠﻌﺖ ﺷﺒﺤﺘﻬﻢ ﺑﻌﺪﻳﻦ ﺷﺒﺤﺖ ﻟﻠﺒﺎﺏ ..
ﺍﻟﺼﺪﻳﻖ ﺑﺤﺪﻩ : ﻧﺒﻴﻬﻢ ﻏﺪﻭﺓ ﻣﺤﺪﺩﺍﺕ ...
ﺣﻤﻴﺪﻩ : ﺣﺎﺿﺮ ... ﺻﻠﻴﺖ ..
ﻫﻮ ﺭﺩ ﺑﻌﺼﺒﻴﻪ : ﻭﺷﻦ ﺩﺧﻠﻚ ﺑﺄﻣﻲ ﻧﺼﻠﻲ ﻭﻻﻧﻜﻔﺮ ..
ﺣﻤﻴﺪﻩ : ﺑﻨﺤﻄﻠﻚ ﻋﺸﺎﻙ ﻗﺒﻞ ..
ﺍﻟﺼﺪﻳﻖ : ﻣﺎﻧﺒﻲ ﻣﻨﻚ ﺷﻲ .
ﻭﻃﻮﻝ
ﻣﺸﻲ ﻟﺪﺍﺭ ﺍﻟﻨﻮﻡ ﻭﻗﺮﺑﻊ ﺑﺎﺑﻬﺎ ﺑﻘﻮﺓ ..
ﻫﻲ ﻏﻴﺮﺕ ﻋﻴﻮﻧﻬﺎ ﻟﺒﻨﺘﻬﺎ ﻭﺩﻣﻮﻋﻬﺎ ﻃﻮﻝ ﻧﺰﻟﻮﺍ ...
🍁🍁🍁🍁
ﻃﻖ ﺍﻟﺒﺎﺏ ﻣﺸﺎﻟﻪ ﻃﻮﻝ ﻓﺘﺤﻪ ..
ﻟﻘﻲ ﺭﻓﻘﻪ ﻭﺍﻗﻔﻪ ﻓﻴﺪﻫﺎ ﺻﻔﺮﺓ ..
ﺭﻓﻘﻪ : ﺗﻔﻀﻞ ﻋﻤﻲ ..
ﻫﺎﻧﻴﺒﺎﻝ ﺑﺈﺑﺘﺴﺎﻣﻪ : ﺻﺤﻴﺘﻲ ..
ﻫﻲ ﺍﺑﺘﺴﻤﺖ ﻭﻗﺎﻟﺖ : ﺳﻠﻤﻚ .. ﻭﻃﻮﻝ ﻣﺸﺖ ..
ﻫﻮ ﺻﻜﺮ ﺍﻟﺒﺎﺏ ﻭﺧﺶ ﺩﺍﺧﻞ ..
ﻣﺮﺍﻡ ﻛﻴﻒ ﻛﻤﻠﺖ ﺻﻼﺓ ..
ﻫﺎﻧﻴﺒﺎﻝ : ﻛﻤﻠﺘﻲ ..
ﻣﺮﺍﻡ ﻧﺎﺿﺖ ﻣﻦ ﻉ ﺍﻟﺼﻼﻳﻪ : ﺍﻳﻪ ..
ﻣﺸﻲ ﻃﻮﻝ ﻟﻠﻄﺎﻭﻟﻪ ..
ﺍﻣﺎﻫﻲ ﺣﻮﻟﺖ ﻣﻼﻳﺘﻬﺎ ..
ﻭﺳﺎﻭﺕ ﺭﻭﺣﻬﺎ ﻭﻗﻌﺪﺕ ﺗﺸﻮﻑ ﻟﺸﻜﻠﻬﺎ ﺑﺎﻟﺮﻭﺏ ..
ﻟﻮﻧﻪ ﻳﺎﺟﻮﺭﻱ ﺣﺮﺍﻳﺮﻱ ..
ﻃﻮﻟﻪ ﺍﻟﺮﻛﺒﻪ ﻭﻋﻠﻴﻪ ﻃﺮﻑ ﻃﻮﻳﻞ ..
ﺩﺍﺭﺕ ﻟﻤﺴﺎﺕ ﺑﺴﻴﻄﻪ ﻭﺑﺨﺖ ﺍﻟﻌﻄﺮ ﻭﻃﻠﻌﺖ ..
ﻫﻮ ﺷﺎﻓﻠﻬﺎ ﻭﺍﺑﺘﺴﻢ ..
ﻫﻲ ﺍﺑﺘﺴﻤﺖ ﺑﺨﺠﻞ ﻭﺣﻄﺖ ﺷﻌﺮﻫﺎ ﻭﺭﺍ ﻭﺩﻧﻬﺎ ﻭﻗﺪﻣﺘﻠﻪ ..
ﻫﻮ ﻗﺎﻝ : ﻫﻨﻲ ..
ﻣﺮﺍﻡ ﺑﻀﺤﻜﻪ : ﺭﺍﻫﻮ ﻛﺎﻥ ﺧﺪﻳﺖ ﻉ ﺍﻟﺪﻟﻊ ﺑﺘﺤﺼﻞ ﻓﻴﺎ ..
ﻫﺎﻧﻴﺒﺎﻝ : ﻣﻌﻠﻴﺸﻲ ﻋﺮﻭﺱ ﺑﻨﺪﻟﻌﻮﻫﺎ ﺗﻮ ﺑﻌﺪ ﺍﻃﻘﻲ ﺍﺳﺒﻮﻉ ﻧﻮﺭﻳﻚ ﺍﻟﻮﺟﻪ ﺍﻟﺘﺎﻧﻲ ..
ﻫﻲ ﺿﺤﻜﺖ ..
ﻫﺎﻧﻴﺒﺎﻝ ﺑﻀﺤﻜﻪ : ﺗﻌﺎﻟﻲ ﻫﻲ ..
ﻗﺪﻣﺘﻠﻪ ﻭﻗﻌﻤﺰﺕ ﻉ ﺭﺟﻠﻪ .. ﻫﻮ ﺧﺪﻱ ﻳﺪﻫﺎ ﻭﺑﺎﺳﻬﺎ : ﻫﻲ ﺍﺑﺪﻱ ﻣﻬﻤﺘﻚ ..
ﺿﺤﻜﺖ ﻭﺑﺪﺕ ﺗﻮﻛﻞ ﻓﻴﻪ ..
ﻭﺯﻱ ﺑﻜﺮﻱ ﻳﻬﺪﺭﺯﻭﺍ ﻉ ﺑﻌﺾ ..
ﺑﻌﺪﻳﻦ ﻫﻮ ﻭﻛﻠﻬﺎ ﻭﺯﻱ ﺑﻜﺮﻱ ﻟﻴﻦ ﺧﻼﻫﺎ ﺗﺘﺨﻢ ..
ﻫﺎﻧﻴﺒﺎﻝ : ﺧﻼﺹ ..
ﻣﺮﺍﻡ ﺑﻀﺤﻜﻪ : ﺧﻼﺹ ﻣﻌﺎﺩ ﻋﻨﺪﻱ ﻭﻳﻦ ﻧﺤﻄﻪ ..
ﺍﺑﺘﺴﻢ ..
ﻫﻲ ﻧﺎﺿﺖ ﺧﺪﺕ ﺻﻔﺮﺓ ﻭﺩﺧﻠﺘﻬﺎ ﻟﻠﻜﻮﺟﻴﻨﻪ ... ﻭﻫﻮ ﻣﺸﻲ ﻟﺪﺍﺭ ﺍﻟﻨﻮﻡ ..
ﻭﻗﻒ ﻗﺪﺍﻡ ﺍﻟﻤﺮﺍﻳﻪ ﻗﻌﺪ ﻳﺸﻮﻑ ﻓﺮﻭﺣﻪ ﻣﺴﺢ ﺑﻴﺪﻩ ﻉ ﺷﻌﺮﻩ ..
ﺧﺪﻱ ﺭﻳﺤﻪ ﻭﺑﺨﻬﺎ ..
ﺑﻌﺪﻳﻦ ﻓﺘﺢ ﺍﻟﻘﺠﺮ ﺍﻷﻭﻝ ﻟﻠﺰﻳﺎﻧﻪ ﺧﺪﻱ ﻣﻨﻪ ﺣﺎﺟﻪ ..
ﺻﻜﺮﻩ ﻭﺗﺤﺮﻙ ﻃﻮﻝ ﺍﻟﺴﺮﻳﺮ ..
ﻗﻌﻤﺰ ..
ﺧﺪﻱ ﺗﻠﻴﻔﻮﻧﻪ ..
ﻭﺍﺗﺼﻞ ﺑﻌﻤﺮ ...
🍁🍁🍁🍁🍁
ﺧﺸﺖ ﺯﻳﻨﺐ ﺍﻟﺪﺍﺭ : ﻏﺎﻟﻴﻪ ..
ﻏﺎﻟﻴﻪ : ﺍﻣﻢ .
ﺯﻳﻨﺐ : ﺗﻮﺍ ﻋﻤﺮ ﻗﺎﻟﻲ ﻏﺪﻭﺓ ﺍﻟﺼﺒﺢ ﺇﻥ ﺷﺎﺀ ﺍﻟﻠﻪ ﻣﺮﺍﻡ ﺑﺘﻨﺰﻝ ﻭﺍﺩﻳﺮ ﺍﻟﻔﻄﻮﺭ ﻟﻠﻜﻞ ..
ﻏﺎﻟﻴﻪ : ﻧﻬﺎﺭﻱ !! ﻋﺮﻭﺱ؟؟
ﺯﻳﻨﺐ ﺑﻀﺤﻜﻪ : ﺳﻠﻢ ﻭﺧﻴﻲ ﺑﻴﻮﺭﻳﻬﺎ ﻣﻦ ﺗﻮﺍ ..
ﻏﺎﻟﻴﻪ ﺿﺤﻜﺖ : ﻋﻠﻴﻚ ﺗﻔﻜﻴﺮ ..
ﺯﻳﻨﺐ : ﺍﻟﻤﻬﻢ ﻗﻮﻟﻴﻠﻬﻢ ﺑﻌﺪﻳﻦ ﺑﻌﺪ ﻳﺮﻗﺪﻭﺍ ﺍﻳﻨﺎﺭﻭﺍ ﻭﺍﺧﺘﻬﺎ ..
ﻏﺎﻟﻴﻪ ﺑﻀﺤﻜﻪ : ﺗﻤﺎﻡ ..
🍁🍁🍁🍁
ﺧﺸﺖ ﻋﻠﻴﻪ ﺍﻟﺪﺍﺭ ﺑﻌﺪ ﺩﺍﺭﺕ ﺭﻭﺗﻴﻨﻬﺎ ..
ﻭﻣﺸﺖ ﻟﻠﺴﺮﻳﺮ ﻓﺮﺩ ﺫﺭﺍﻋﻪ ..
ﻃﻮﻝ ﻣﺸﺖ ﻟﺤﻀﻨﻪ ..
ﻫﺎﻧﻴﺒﺎﻝ : ﻗﻄﻮﺳﻪ ..
ﻫﻲ ﺿﺤﻜﺖ ...
ﺧﺪﻱ ﺑﻴﺪﻩ ﺍﻟﺘﺎﻧﻴﻪ ﺑﺎﻛﻮ ﻣﻦ ﻉ ﻛﺎﻣﺪﻳﻨﻮ ...
ﺣﻮﻝ ﻳﺪﻩ ﺍﻟﺘﺎﻧﻴﻪ ﻣﻦ ﻋﻠﻴﻬﺎ ﻭﻓﺘﺤﻪ ﻭﻗﺪﻣﻬﻮﻟﻬﺎ ..
ﻫﻲ ﺗﻔﺎﺟﺌﺖ ..
ﻛﺎﻥ ﺧﺎﺗﻢ ﺫﻫﺐ ﻣﻨﻈﺮﻩ ﺣﻠﻮ ﻫﻠﺒﻪ ..
ﻣﺮﺍﻡ ﺍﺑﺘﺴﻤﺖ ﻭﻫﻲ ﻣﺘﻔﺎﺟﺌﻪ : ﻫﺪﻯ ﺷﻨﻮ ..
ﻫﺎﻧﻴﺒﺎﻝ : ﺗﻴﻠﺠﻪ ..
ﻣﺮﺍﻡ : ﻫﻬﻬﻬﻬﻬﻬﻬﻬﻬﻪ ..
ﻫﺎﻧﻴﺒﺎﺍﻝ ﺑﻀﺤﻜﻪ؛ﺧﻮﺩﻳﻪ ..
ﻗﻌﻤﺰﺕ ﻉ ﺣﻴﻠﻬﺎ ﻭﺧﺪﺍﺗﻪ ﻭﻗﺎﻟﺖ : ﻟﻴﺶ ﺑﺎﻫﻲ ..
ﻫﺎﻧﻴﺒﺎﻝ : ﺑﺎﻟﻠﻪ ﺍﺳﻜﺘﻲ ﻣﺎﻓﻲ ﺷﻲ ﻣﺴﺘﺎﻫﻞ ﺍﻟﻤﻔﺮﻭﺽ ﻧﺠﻴﺒﻠﻚ ﺷﻲ ﺍﻛﺒﺮ ﻣﻦ ﻫﻜﻲ .. ﺗﻨﻬﺪ .. ﺭﺑﻚ ﻳﺴﻬﻠﻬﺎ ﺑﺈﺫﻥ ﺍﻟﻠﻪ ﻧﺠﻴﺒﻠﻚ ﻫﺪﻳﻪ ﻋﻠﻴﻬﺎ ﺍﻟﻘﻴﻤﻪ
ﻛﺎﻧﺖ ﺗﺸﻮﻓﻠﻪ ﺑﻌﺸﻖ ..
ﻗﺮﺑﺖ ﻣﻨﻪ ﻭﺑﺎﺳﺎﺗﻪ ﻉ ﻟﺤﻴﺘﻪ ﺑﻌﻤﻖ ..
ﻫﻮ ﺍﺑﺘﺴﻢ .. ﺑﻌﺪﻳﻦ ﺑﻌﺪﺕ ﻭﻗﺎﻟﺖ : ﺍﻟﺨﺎﺗﻢ ﻫﺪﻯ ﻣﺎﻓﻴﺶ ﺣﺎﺟﻪ ﺗﺠﻲ ﺑﻘﻴﻤﺘﻪ ﻋﻨﺪﻱ ﻟﻮ ﺟﺒﺘﻠﻲ ﺑﻌﺪﻩ ﻣﺎﺟﺒﺘﻠﻲ ..
ﻫﻮ ﺧﺪﺍﻩ ﻣﻦ ﻳﺪﻫﺎ ﻭﺣﻄﻪ ﻉ ﺍﻟﻜﺎﻣﻴﺪﻳﻨﻮ ..
ﻭﻃﻮﻝ ﺿﻤﻬﺎ ﻭﺑﺎﺳﻬﺎ ﺑﺪﻭﻥ ﺍﻱ ﻣﻘﺪﻣﺎﺕ ..
ﻣﺮﺍﻡ ﻫﺎﻟﻤﺮﺓ ﻛﺎﻧﺖ ﺷﻐﻮﻓﻪ ﺑﺰﻳﺎﺩﻩ ... ﻛﺎﻧﻮﺍ ﺩﻣﻮﻋﻬﺎ ﻳﻨﺰﻟﻮﺍ ...
ﺗﺒﺎﺩﻝ ﻓﻴﻪ ﺑﻜﻞ ﺷﻌﻮﺭﻫﺎ ﻭﻫﻲ ﻣﺶ ﻣﺼﺪﻗﻪ ﻟﻬﺎﻟﻠﺤﻈﻪ ﺍﻥ ﻫﺎﻧﻴﺒﺎﻝ ﻭﻻ ﻟﻴﻬﺎ ﻫﻲ ﺭﺍﺟﻠﻬﺎ ﻭﺣﻼﻟﻬﺎ ..
ﺍﻣﺎ ﻫﻮ ﻓﻜﺎﻥ ﺷﻌﻮﺭﻩ ﻳﻘﻮﻯ ﺍﺗﺠﺎﻫﻬﺎ ﺍﻛﺜﺮ ﻭﺍﻛﺜﺮ ﻭﻛﺎﻥ ﻳﺮﺗﺎﺡ ﻓﻘﺮﺑﻬﺎ ﻫﻠﺒﻪ 💕
ﻫﻤﺎ ﺍﻟﺰﻭﺯ ﻏﺎﺑﻮﺍ ﻋﻦ ﻫﺎﻟﻌﺎﻟﻢ ﻟﻌﺎﻟﻢ ﺗﺎﻧﻲ ﻛﻠﻪ ﺣﺐ ﻭﻣﺸﺎﻋﺮ 💓
🍁🍁🍁🍁
ﺑﺲ ﻓﻲ ﺍﻟﻠﻲ ﻗﺎﻋﺪﻳﻦ ﻓﻌﺎﻟﻤﻨﺎ ﺍﻟﻠﻲ ﺍﻏﻠﺒﻪ ﻧﻜﺪ ﻭﻫﻤﻮﻡ ..
ﻳﺨﻲ ﻳﺪﻭﺭﻭﺍ ﻓﻲ ﺍﻟﻨﻜﺪ ﺩﻭﺍﺭﻩ ..
ﻣﻘﻬﻮﺭﺓ ﻉ ﺭﻭﺣﻲ ﻣﻘﻬﻮﺭﺓ .. ﺷﻮﻑ ﺧﻮﻙ ﺑﺮﻏﻢ ﻇﺮﻭﻓﻪ ﺍﻟﻜﺴﻮﺓ ﺍﻟﻠﻲ ﺩﺍﺭﻫﺎ ﻟﺒﻨﺖ ﻋﺒﻮﺩﻩ .. ﺍﻟﻨﺎﺱ ﻗﻌﺪﺕ ﺗﺤﻜﻲ ﺑﻴﻬﺎ ﻧﻬﺎﺭ ﻛﺎﻣﻞ ..
ﺍﻟﻬﺎﺩﻱ : ﺷﻦ ﺗﺒﻲ ﺗﻮﺍ ﻣﻦ ﺍﻷﺧﻴﺮ !!
ﺳﻤﻴﻪ : ﻧﺒﻴﻚ ﺗﺘﺤﺮﻙ ﺩﻳﺮ ﻟﺮﻭﺣﻚ ﺣﻞ ﺧﻴﺮ ﻣﺎﺍﻧﺖ ﻗﺎﻋﺪﻩ ﺗﺴﺘﻨﻰ ﻓﺎﻟﺪﻭﻟﻪ ﺗﻨﺰﻟﻚ ﻣﺮﺗﺒﻚ ﻛﻞ ﺍﺭﺑﻌﻪ ﺷﻬﻮﺭ ﻣﺮﺓ ..
ﺍﻟﻬﺎﺩﻱ ﺑﻐﻀﺐ : ﻳﺎﺑﻨﺖ ﺍﻟﻨﺎﺱ ﺍﻧﺘﻲ ﺍﻣﺘﻰ ﺍﺩﻳﺮﻱ ﻋﻘﻞ ﺍﻫﺎ .. ﻟﻴﻦ ﺗﻄﻠﻘﻲ ﻭﺗﻠﺤﻘﻲ ﺍﺧﺘﻚ ﻗﻮﻟﻲ ..
ﻫﻲ ﺧﺎﻓﺖ ﻭﻗﻌﺪﺕ ﺳﺎﻛﺘﻪ ...
ﺍﻟﻬﺎﺩﻱ ﺑﺼﻮﺕ ﻋﺎﻟﻲ : ﺗﻜﻠﻤﻴﻴﻲ ..
ﺭﻣﺸﺖ ﻋﻴﻮﻧﻬﺎ ﻣﻦ ﺍﻟﺨﻮﻑ ﻭﻃﻮﻝ ﻫﺮﺑﺖ ﻟﻠﺪﺍﺭ ..
ﺍﻟﻬﺎﺩﻱ : ﺍﻧﻲ ﺍﻟﻠﻲ ﺟﺒﺘﻪ ﻟﺮﻭﺣﻲ ﺍﻧﻲ ﺍﻟﻠﻲ ﻧﺴﺘﺎﻫﻞ ..
🍁🍁🍁🍁
ﺗﺎﻧﻲ ﻳﻮﻡ ..
ﺍﻟﺴﺎﻋﻪ 8:30 ﺻﺒﺎﺣﺎ ..
ﻫﺎﻧﻴﺒﺎﻝ : ﺧﻼﺹ ﻭﺍﺗﻴﻪ ..
ﻣﺮﺍﻡ ﺑﺈﺑﺘﺴﺎﻣﻪ : ﺍﻳﻪ ﺑﺲ ﻗﺒﻠﻬﺎ ﺗﻌﺎﻝ ..
ﻗﺪﻣﻠﻬﺎ ﻭﻫﻮ ﻣﺒﺘﺴﻢ ...
ﺧﺪﺕ ﻛﻴﺴﻪ ﺳﺎﻋﻪ ﻣﺎﺭﻛﻪ ﻭﻣﺪﺗﻬﺎﻟﻪ : ﻫﺪﻳﺘﻚ ﻏﻴﺮ ﺍﻣﺲ ﺗﺤﺸﻤﺖ ﻣﺎﻋﺮﻓﺘﺶ ﻧﻌﻄﻴﻬﻠﻚ ..
ﻫﺎﻧﻴﺒﺎﻝ ﺿﺤﻚ ﻭﺷﺪ ﻳﺪﻫﺎ ﺍﻟﻠﻲ ﺷﺎﺩﻩ ﺑﻴﻬﺎ ﺍﻟﻜﻴﺴﻪ ﻭﺑﺎﺳﻬﺎ .. ﺑﻌﺪﻳﻦ ﺧﺪﻱ ﺍﻟﻜﻴﺴﻪ ﻭﺣﻄﻬﺎﻉ ﺍﻟﺰﻳﺎﻧﻪ ... ﻭﺷﺪ ﻳﺪﻫﺎ ﻭﻗﺎﻝ : ﻫﻴﺎ ﻳﺎﺳﻤﺢ .
ﺿﺤﻜﺖ ..
ﻭﻣﺸﻮﺍ ﺍﻟﺰﻭﺯ ﻟﻠﺒﺎﺏ ﻭﻃﻠﻌﻮﺍ ...
🍁🍁🍁🍁
ﻟﻮﻃﺎ ..
ﻏﺎﻟﻴﻪ ﻭﻧﻌﻴﻤﻪ ﻭﺯﻳﻨﺐ ﻳﺮﺍﺟﻮﺍ ﻓﻴﻬﻢ ..
ﺳﻤﻌﻮﺍ ﺗﺨﻄﻴﻒ ﺭﺟﻠﻴﻦ ﻉ ﺍﻟﺪﺭﻭﺝ ..
ﺷﻮﻳﻪ ﻭﺑﺎﻧﻮﺍ ﻋﻠﻴﻬﻢ ..
ﻣﺎﻓﻲ ﺷﻲ ﻣﻨﻊ ﺯﻳﻨﺐ ﻣﻦ ﺍﻟﺘﺰﻏﺮﻳﻂ ..
ﺯﻏﺮﻃﺖ ﻭﻫﻤﺎ ﺿﺤﻜﻮﺍ ..
ﻫﺎﻧﻴﺒﺎﻝ ﻛﺎﻥ ﻣﺘﺤﺸﻢ؛ﺻﺒﺎﺡ ﺍﻟﺨﻴﺮ ..
ﺭﺩﻭﺍ ﻋﻠﻴﻪ : ﺻﺒﺎﺡ ﺍﻟﻨﻮﺭ ..
ﻫﺎﻧﻴﺒﺎﻝ : ﺧﺸﻲ ﻫﻲ ..
ﻭﻣﺸﻲ ﻃﻮﻝ ..
ﻫﻲ ﺍﺑﺘﺴﻤﺖ ..
ﻗﺪﻣﺘﻠﻬﺎ ﻏﺎﻟﻴﻪ ﻭﺳﻠﻤﺖ ..
ﻣﺮﺍﻡ؛ﺻﺒﺎﺡ ﺍﻟﺨﻴﺮ .
ﻏﺎﻟﻴﻪ : ﺻﺒﺎﺡ ﺍﻟﻨﻮﺭ .. ﻣﺒﺎﺭﻙ ﻭﺍﻥ ﺷﺎﺀ ﺍﻟﻠﻪ ﺑﺎﻟﺼﺤﻪ ﻋﻠﻴﻚ ..
ﻣﺮﺍﻡ : ﺍﻟﻠﻪ ﻳﺒﺎﺭﻙ ﻓﻴﻚ ..
ﺑﻌﺪﻳﻦ ﺳﻠﻤﺖ ﻉ ﺯﻳﻨﺐ ﻭﻧﻌﻴﻤﻪ ..
ﻫﺪﺭﺯﻭﺍ ﻋﻠﻴﻬﺎ ﺷﻮﻳﻪ ﻭﻫﻲ ﻛﺎﻥ ﻭﺍﺿﺢ ﺍﻧﻬﺎ ﻣﺘﺤﺸﻤﻪ ..
ﺑﻌﺪﻳﻦ ﺧﺸﻮﺍ ﺍﻟﻜﻮﺟﻴﻨﻪ ..
ﻣﺮﺍﻡ : ﻗﺎﺍﻟﻲ ﻣﺶ ﻣﺴﺎﻣﺤﻚ ﻟﻮ ﻋﺎﻭﻧﻚ ﺣﺪ ..
ﻏﺎﻟﻴﻪ : ﻻ ﻛﻴﻒ ﻧﻬﺎﺭﻱ ﻭﺍﺟﺪ ﻋﻠﻴﻚ؟
ﻣﺮﺍﻡ ﺑﻀﺤﻜﻪ : ﻳﺎﻣﺎ ﺩﺭﺕ ﻓﻄﻮﺭ ﻛﻴﻒ ﻫﺪﻯ ﻟﺨﻮﺗﻲ ﻭﺍﺻﺤﺎﺑﻬﻢ ﻋﺎﺩﻱ ﺑﺲ ﺣﺎﺟﻪ ﻭﺣﺪﻩ ﺑﻨﻄﻠﺒﻬﺎ ﻣﻨﻚ ﺗﻮﺭﻳﻠﻲ ﺍﻣﺎﻛﻦ ﺍﻟﺤﺎﺟﺎﺕ ﺍﻟﻤﻬﻤﻪ ﺑﺲ ..
ﺍﺑﺘﺴﻤﺖ ﻏﺎﻟﻴﻪ ﻭﻗﻌﺪﺕ ﺗﻮﺭﻳﻠﻬﺎ ﻓﻴﻬﻢ ..
ﺑﻌﺪﻫﺎ ﻃﻠﻌﺖ ..
ﻣﺮﺍﻡ : ﻳﺎﺭﺏ .. ﻭﺑﺪﺕ ﺷﻐﻠﻬﺎ ..
🍁🍁🍁🍁
ﺗﻮ ﻫﺪﻯ ﻛﻼﻡ ﻳﺮﺿﻲ ﺭﺑﻲ !!
ﺯﻳﻨﺐ : ﺷﻦ ﻓﻴﻬﺎ ﻳﻤﻲ ﻫﻠﺒﻪ ﻋﺮﺍﻳﺲ ﻫﻜﻲ ﻳﺪﻳﺮﻭﺍ ﺗﻲ ﻓﻲ ﻣﻦ ﺍﻭﻝ ﻳﻮﻡ ..
ﻓﺎﻃﻤﻪ : ﻧﺎﺱ ﻣﺎﺗﻔﻬﻢ ﻓﺎﻟﻮﺍﺟﺐ ﻭﻻﺗﻌﺮﻓﻪ .. ﻋﺮﻭﺱ ﻫﺪﻱ ﻋﺮﻭﺱ .. ﻟﻜﻦ ﻫﺪﻯ ﺧﻮﻙ ﻃﺒﻌﻪ ﻛﻴﻒ ﻃﺒﻊ ﺳﻴﺪﻙ ﺍﻟﻠﻪ ﻳﺮﺣﻤﻪ ..
ﻣﺮﺍﻡ ﻛﺎﻧﺖ ﺗﻌﺼﺪ ﻭﺗﺴﻤﻊ ﻓﻴﻬﺎ ﻭﻭﺗﻀﺤﻚ .
ﺑﻌﺪ ﻛﻤﻠﺖ ﺗﻌﺼﻴﺪ ﻓﺮﻗﺖ ﺍﻟﻌﺼﻴﺪﻩ ﻉ ﺍﻟﺼﻮﺍﻧﻲ ﻭﺣﻄﺘﻬﻢ ﻓﻲ ﺍﻟﺼﻔﺮ ﺍﻟﻠﻲ ﻛﺎﻧﻮﺍ ﻣﻔﺮﺷﺎﺕ ﺑﻤﻔﺎﺭﺵ ..
ﻭﺣﻄﺖ ﺷﻴﺶ ﺭﺏ ﻭﺯﻳﺖ ﺯﻳﺘﻮﻥ ﻭﻋﺴﻞ ..
ﻭﺻﻮﺍﻧﻲ ﺻﻐﺎﺭ ﻓﻴﻬﻢ ﺑﺴﻴﺴﻪ ...
ﻭﻭﺗﺖ ﺍﻟﺒﺨﺶ ﻭﺍﻟﻔﻮﻁ ..
ﻭﻗﻔﺖ ﻉ ﺍﻟﻼﻭﻧﺪﻳﻨﻮ ﻭﻏﺴﻠﺖ ﺍﻳﺪﻳﻬﺎ ..
ﻧﺸﻔﺖ ﺑﺎﻟﻔﻮﻃﻪ ..
ﺑﻌﺪﻳﻦ ﺧﺪ ﺗﻠﻴﻔﻮﻧﻬﺎ ﻭﺍﺗﺼﻠﺖ ﺑﺮﺍﺟﻠﻬﺎ ..
ﻫﺎﻧﻴﺒﺎﻝ : ﺍﻳﻮﺍﺍﺍ ..
ﻣﺮﺍﻡ ﺑﺈﺑﺘﺴﺎﻣﻪ : ﺍﻟﻌﺼﻴﺪﻩ ﻭﺍﺗﻴﻪ ..
ﻫﺎﻧﻴﺒﺎﻝ : ﺗﻢ .. ﺻﻜﺮ ..
ﻭﻫﻲ ﻃﻠﻌﺖ ﻣﻦ ﺍﻟﻜﻮﺟﻴﻨﻪ ..
ﻣﺮﺍﻡ : ﻋﻤﺘﻲ ﺻﺒﺎﺡ ﺍﻟﺨﻴﺮ ..
ﺟﺖ ﺑﺘﻨﻮﺽ ﻓﺎﻃﻤﻪ .
ﻫﻲ ﻗﺪﻣﺖ ﺑﺴﺮﻋﻪ ﻗﻌﻤﺰﺗﻬﺎ ﻭﻛﺒﺖ ﻉ ﺭﺍﺳﻬﺎ ..
ﻓﺎﻃﻤﻪ : ﺗﺒﻮﺳﻲ ﻉ ﺍﻟﻜﻌﺒﻪ ..
ﻣﺮﺍﻡ ﺑﺈﺑﺘﺴﺎﻣﻪ : ﺍﻧﻲ ﻭﺍﻧﺘﻲ ﻳﺎﺭﺏ ..
ﻗﻌﻤﺰﺕ ﺣﺪﺍﻫﻢ ..
ﺍﺑﺘﺴﻤﻮﺍ ﺍﻟﺒﻨﺎﺕ ﻭﻫﻤﺎ ﻳﺸﻮﻓﻮﻟﻬﺎ ..
ﺧﺶ ﻫﺎﻧﻴﺒﺎﻝ ...
ﺑﻌﺪﻳﻦ ﻧﺎﺩﻯ ﻭﻻﺩ ﺧﻮﺍﺗﻪ ..
ﺧﺸﻮﺍ ﻣﺎﻟﻚ ﻭﻣﺮﻭﺍﻥ ﻭﺳﻨﺪ ..
ﺻﺒﺤﻮﺍ ﻋﻠﻴﻬﻢ ..
ﻭﺧﺸﻮﺍ ﻟﻠﻜﻮﺟﻴﻨﻪ ﻗﻌﺪﻭﺍ ﻳﻄﻠﻌﻮﺍ ﻓﻲ ﺍﻟﺼﻔﺮ ..
ﻫﺎﻧﻴﺒﺎﻝ ﺍﺑﺘﺴﻢ ﻟﻤﺎ ﺷﺎﻓﻬﻢ ..
ﺗﻨﺴﻴﻖ ﻣﺮﺍﻡ ﻭﺗﺮﺗﻴﺒﻬﺎ ﺣﻔﻈﻪ ﺻﻢ ..
ﺑﻌﺪ ﻃﻠﻌﻮﺍ ﻃﻠﻊ ﻭﺭﺍﻫﻢ ...
💕💕💕💕💕💕
ﻋﺠﺒﺖ ﻛﻞ ﻣﻦ ﻛﻼﻫﺎ ﻋﺼﻴﺪﺗﻬﺎ ..
ﻭﻫﺎﻧﻴﺒﺎﻝ ﻛﺎﻥ ﻓﺮﺣﺎﻥ ﻫﻠﺒﻪ ﺑﺸﻬﺎﺩﺗﻬﻢ ﻓﻴﻬﺎ ..
ﻭﻫﻲ ﻛﺬﻟﻚ ﺣﺘﻰ ﺍﻟﻀﻴﻮﻑ ﺷﻜﺮﻭﻫﺎ ﻫﻠﺒﻪ ..
💕 ﺍﻟﻤﻬﻢ ..
ﻗﻌﺪﺕ ﻣﻌﺎﻫﻢ ﻟﻴﻦ ﺳﻘﺪﻭﺍ ﺍﻳﻨﺎﺭﻭﺍ ﻭﺗﺎﻻ ..
ﻭﻏﺎﻟﻴﻪ ﻗﺎﻟﺘﻠﻬﺎ ﺗﺮﻛﺐ ﻟﺸﻘﺘﻬﺎ ..
🍁🍁🍁🍁
ﻫﺎﻧﻴﺒﺎﻝ : ﻋﺎﻭﺩﻫﺎ ﻳﺎﺟﺒﺎﻟﻲ ..
ﺗﻴﻔﺴﺎ ﺑﺈﺑﺘﺴﺎﻣﻪ : ﺍﻛﻴﺪ ..
ﻭﻛﺎﻥ ﻫﺎﻧﻴﺒﺎﻝ ﺍﺧﺮ ﻣﻦ ﺳﻠﻢ ﻉ ﺗﻴﻔﺴﺎ ..
ﺗﻮﺟﻪ ﺑﻌﺪﻫﺎ ﺗﻴﻔﺴﺎ ﻟﺴﻴﺎﺭﺗﻪ ﻭﺭﻛﺐ ﻃﻮﻝ ..
ﺣﻤﺰﺓ ﻛﺎﻥ ﻭﺍﻗﻒ ﻳﺸﻮﻓﻠﻬﻢ ..
ﻭﺗﺎﻻ ﺗﺸﻮﻓﻠﻪ .. ﺍﻧﺠﺬﺑﺘﻠﻪ ﻫﻠﺒﻪ ﺍﻟﺒﻨﻴﻪ ﻣﻤﻴﺰ ﻋﻨﺪﻫﺎ ﻟﺪﺭﺟﻪ ﺍﻧﻬﺎ ﺗﻤﻨﺖ ﻟﻮ ﺍﻟﻌﻼﻗﺎﺕ ﺗﺰﻳﺪ ﺗﺘﻘﻮﻯ ﺑﺎﻟﻌﻴﻠﻪ ﻭﻣﺎﺗﻜﻮﻧﺶ ﻫﺎﺩﻱ ﺍﻭﻝ ﻭﺍﺧﺮ ﻣﺮﺓ ﺗﺸﻮﻑ ﻓﻴﻬﺎ ﺣﻤﺰﺓ ...
ﻋﻤﺎﺩ ﺭﻓﻊ ﻳﺪﻩ : ﻫﻲ ﺍﻟﺴﻼﻡ ﻋﻠﻴﻜﻢ ..
ﻛﻠﻬﻢ ﺭﺩﻭﺍ ﺍﻟﺴﻼﻡ ..
ﺭﻛﺐ ﺳﻴﺎﺭﺗﻪ ﻭﺗﺤﺮﻙ ..
ﻭﻭﺭﺍﻩ ﺗﻴﻔﺴﺎ ..
ﺭﺯﺍﻥ ﺍﻟﻠﻲ ﻛﺎﻧﺖ ﺗﺮﺍﻗﺐ ﻣﻦ ﻭﺭﺍ ﺳﺘﺎﺭ ﺍﻟﺮﻭﺷﻦ ﻛﺎﻧﺖ ﺗﻤﺴﺢ ﻓﺪﻣﻮﻋﻬﺎ ﺍﻟﻠﻲ ﻳﻨﺰﻟﻮﺍ ..
ﻭﻫﻲ ﺣﺎﺳﻪ ﺑﻀﻴﻖ ﺷﺪﻳﺪ ﺩﻳﻤﺎ ﺗﺤﺲ ﺑﻴﻪ ﻭﻳﻦ ﻳﻐﻴﺐ ..
💕💕💕💕💕💕💕💕
ﺳﻜﺮ ﺑﺎﺏ ﺍﻟﺸﻘﻪ ﻭﻗﺎﻝ : ﺑﻨﺖ ﻋﺒﻮﺩﻩ ..
ﻃﻠﻌﺘﻠﻪ ﻭﻫﻲ ﺗﻀﺤﻚ : ﻫﺎﻩ ﺷﻦ ﺭﺍﻳﻚ ..
ﻫﺎﻧﻴﺒﺎﻝ؛ﻗﺪﻋﻪ ..
ﻫﻲ ﺻﻔﻘﺖ ﺑﺤﻤﺎﺱ ..
ﺿﺤﻚ ﻋﻠﻴﻬﺎ ﻭﻫﻮ ﺭﺍﻓﻊ ﺣﻮﺍﺟﺒﻪ ..
ﻣﺮﺍﻡ ﺑﻀﺤﻜﻪ ﻭﻭﺟﻬﻬﺎ ﻣﻮﻟﻲ ﺍﺣﻤﺮ : ﺗﺤﻤﺴﺖ ﺷﻮﻳﻪ ..
ﻫﻮ ﺿﺤﻚ ﺑﻌﺪﻳﻦ ﺟﺎﻫﺎ .. ﺷﺪ ﺍﻳﺪﻳﻬﺎ ﻭﺑﺎﺳﻬﻢ ﻣﻦ ﺩﺍﺧﻞ ..
ﻭﺣﻄﻬﻢ ﻭﺭﺍ ﺭﻗﺒﺘﻪ ﻭﺣﻀﻨﻬﺎ ﻭﺭﻓﻌﻬﺎ ..
ﻣﺮﺍﻡ : ﻫﻬﻬﻬﻬﻬﻬﻬﻪ ..
ﻫﺎﻧﻴﺒﺎﻝ : ﻻﺍﻻﻧﻘﺼﻲ ﺍﻟﻮﺿﻊ ﻫﻜﻲ ﻣﺎﻳﺴﺎﻋﺪﺵ ﻉ ﺍﻟﺮﻭﻣﺎﻧﺴﻴﻪ ﺍﻟﺘﺮﻛﻴﻪ
ﻣﺮﺍﻡ ﻣﻴﺘﻪ ﺑﺎﻟﻀﺤﻚ ..
ﻫﻮﺿﺤﻚ ﻭﺧﺶ ﺑﻴﻬﺎ ﻟﺒﻴﺖ ﺍﺷﻮﺍﻗﻬﻢ 💕💕💕
🍁🍁🍁🍁🍁
ﻭﻓﺎﺕ ﻫﺎﻟﻴﻮﻡ ...
ﻭﺟﻲ ﺍﻟﻴﻮﻡ ﺍﻟﻠﻲ ﺑﻌﺪﻩ ...
ﻛﺎﻥ ﺍﻟﺘﺎﻟﺖ ...
ﺍﻟﻌﺸﻴﻪ ...
ﺍﻫﻠﻬﺎ ﻛﺎﻧﻮﺍ ﻭﺍﺻﻠﻴﻦ ﻭﺟﺎﺑﻮﺍ ﻣﻌﺎﻫﻢ ﺍﻟﻤﻌﺮﻭﻑ ﺳﺎﺑﻘﺎ ﻋﻦ ﺳﺒﺮ ﺗﻠﻚ ﺍﻟﻤﺪﻳﻨﻪ ..
ﻭﺍﺳﺘﻘﺒﻠﻮﻫﻢ ﺍﻫﻞ ﻫﺎﻧﻴﺒﺎﻝ ﺍﺣﺴﻦ ﺍﺳﺘﻘﺒﺎﻝ ..
ﺑﻌﺪﻫﺎ ﻃﻠﻌﻮﻟﻬﻢ ﺑﻨﺘﻬﻢ ﻭﻫﻲ ﻻﺑﺴﻪ ﺍﻟﺒﺪﻟﻪ ﺍﻟﻜﺒﻴﺮﺓ ..
ﺳﻤﻴﻪ ﻟﻤﺎ ﺷﺎﻓﺘﻬﺎ ﻗﺮﻳﺐ ﻣﺎﺗﺖ ..
ﻛﺎﻧﺖ ﻃﺎﻟﻌﻪ ﺗﺠﻨﻦ ﺣﺘﻰ ﺍﻫﻠﻬﺎ ﺍﻧﺒﻬﺮﻭﺍ ﺑﻴﻬﺎ ﻭﺍﻣﻬﺎ ﻓﺮﺣﺖ ﻫﻠﺒﻪ ﻣﻨﻴﻦ ﺷﺎﻓﺘﻬﺎ ﻛﺎﻥ ﻭﺍﺿﺢ ﻋﻠﻴﻬﺎ ﺍﻧﻬﺎ ﻓﺮﺣﺎﻧﻪ ﻭﻣﺮﺗﺎﺣﻪ💓
ﺩﺍﺭﻭ ﺷﻮﻁ ﺩﺭﺑﻮﻛﻪ ..
ﻭﺑﻌﺪﻫﺎ ﻓﺮﻗﻮﺍ ﻋﻠﻴﻬﻢ ﺍﻟﻀﻴﺎﻓﻪ ...
ﺷﻮﻳﻪ ﺩﺧﻠﻮﺍ ﻣﺮﺍﻡ ﻟﻠﺪﺍﺭ ...
ﻟﺒﺴﻮﻫﺎ ﺩﻻﻝ ﻭﺭﺑﺎﺏ ﻗﻔﻄﺎﻥ ﻛﺒﻴﺮ ..
ﻭﺩﺍﺭﺗﻠﻬﺎ ﺩﻻﻝ ﺷﻌﺮﻫﺎ ..
ﺑﻌﺪ ﺟﻬﺰﺕ ﻃﻠﻌﻮﻫﺎ ..
ﻭﺩﺍﺭﻭﺍ ﺷﻮﻁ ﺗﺎﻧﻲ ..
ﻭﺍﻣﻬﺎ ﻭﺧﻮﺍﺗﻬﺎ ﺑﻴﻄﻴﺮﻭﺍ ﻣﻦ ﻓﺮﺣﺘﻬﻢ ﺑﻴﻬﺎ ..
ﻭﻫﻲ ﻛﺬﻟﻚ ﻛﺎﻧﺖ ﻓﺮﺣﺎﻧﻪ ..
ﻓﺮﺣﺔ ﻣﺮﺍﻡ ﻛﺎﻧﺖ ﺗﺘﻮﺯﻉ ﻋﺎﻟﻌﺎﻟﻢ ﻭﺗﺰﻳﺪ ﻭﻗﺘﻬﺎ ...
🍁🍁🍁🍁
ﻋﻜﺲ ﺣﻤﻴﺪﻩ ...
ﺍﻟﻠﻲ ﻛﺎﻧﺖ ﺗﺤﻀﺮ ﻓﻲ ﺍﻭﻝ ﺳﻬﺮﻳﻪ ﻟﻌﺮﺱ ﺑﻨﺖ ﺣﻤﺎﺗﻬﺎ ..
ﻣﻌﺎﻣﻠﺘﻬﻢ ﻟﻴﻬﺎ ﻣﻮﻟﻴﻪ ﻣﻦ ﺳﻲﺀ ﻷﺳﻮﺃ ﻭﻛﻠﻪ ﺑﻔﻀﻞ ﻋﺰﻭﺯﺗﻬﺎ ﺍﻟﻠﻲ ﻛﺮﻫﺘﻬﻢ ﻓﻴﻬﺎ ..
🍁 ﺍﻟﻨﺎﺱ ﺑﺪﺕ ﺗﺠﻲ ﻟﻠﺴﻬﺮﻳﻪ ..
ﻭﺍﻟﺨﻴﻤﻪ ﺑﺪﺕ ﺗﺘﻌﺒﺎ ..
ﺷﻮﻳﻪ ﻭﻃﻠﻌﺖ ﻋﻔﺎﻑ ﺑﺴﺮﻋﻪ ..
ﻻﺣﻈﺘﻬﺎ ﺣﻤﻴﺪﻩ ..
ﺑﻌﺪ ﺷﻮﻳﻪ ﺧﺸﺖ ﻭﻫﻲ ﺗﺮﺣﺐ ﺑﺎﻟﻀﻴﻮﻑ ﻳﺒﺎﻧﻮﺍ ﺧﺎﺻﻴﻦ ..
ﺍﻭﻝ ﻣﺎﺭﺗﻬﻢ ﺳﺎﻟﻤﻪ ﻧﺎﺿﺖ ..
ﻣﺸﺘﻠﻬﻢ ﻃﻮﻝ ..
ﺳﺎﻟﻤﻪ : ﻣﺮﺣﺒﺘﻴﻦ ﻣﺮﺣﺒﺘﻴﻦ ﺑﺸﻌﻠﻪ ..
ﺷﻌﻠﻪ : ﻣﺮﺣﺐ ﺑﻴﻚ ..
ﺳﻠﻤﻮﺍ ﻉ ﺑﻌﺾ ..
ﺑﻌﺪﻳﻦ ﺑﻌﺪﺕ ﺳﺎﻟﻤﻪ ﻭﺟﺖ ﻟﺒﻨﺖ ﺷﻌﻠﻪ : ﻣﺮﺣﺒﺘﻴﻦ ﺑﺤﻠﻴﻤﻪ ﺑﻨﻴﺘﻲ ..
ﺣﻠﻴﻤﻪ ﺑﺈﺑﺘﺴﺎﻣﻪ : ﻣﺮﺣﺐ ﺑﻴﻚ ﺧﺎﻟﺘﻲ ﺳﺎﻟﻤﻪ ..
ﻛﺎﻧﺖ ﺣﻤﻴﺪﻩ ﺗﺸﻮﻑ ﻟﺤﻠﻴﻤﻪ ﻭﺣﺴﺖ ﺑﻘﺒﻀﺔ ﻓﻘﻠﺒﻬﺎ ﻗﻮﻳﻪ ..
ﺧﻠﺘﻬﺎ ﺗﺤﻀﻦ ﺑﻨﺘﻬﺎ ﺍﻟﻤﻘﻌﻤﺰﺓ ﻓﺤﺠﺮﻫﺎ ..
ﺑﻌﺪ ﺳﻠﻤﺖ ﺳﺎﻟﻤﻪ ﻉ ﺣﻠﻴﻤﻪ ﻗﺪﻣﺖ ﻟﻠﻜﻨﺎﻳﻦ ﻭﺳﻠﻤﺖ ﻋﻠﻴﻬﻢ ..
ﺑﻌﺪﻫﺎ ﻋﻔﺎﻑ ﻭﺍﻣﻬﺎ ﻭﺻﻠﻮﻫﻢ ﻟﻤﻜﺎﻧﻬﻢ ﻭﻗﻌﻤﺰﻭﻫﻢ ..
ﻋﻔﺎﻑ ﻭﻫﻲ ﻣﺎﺷﻴﻪ ﻗﺎﻟﺖ ﻟﻮﺣﺪﻩ ﻣﻦ ﺧﻮﺍﺗﻬﺎ : ﻋﻴﺖ **** ﺻﺤﺎﺏ ﺍﻟﺼﺪﻳﻖ ﺟﻮ ..
ﻣﺸﺖ ﺍﺧﺘﻬﺎ ﻭﻳﻦ ﻣﺎﺍﺷﺮﺗﻠﻬﺎ ﻭﺳﻠﻤﺖ ﻋﻠﻴﻬﻢ ..
ﺣﻮﻟﻮﺍ ﻋﺒﺎﻳﺘﻬﻢ ..
ﻛﺎﻧﺖ ﺣﻠﻴﻤﻪ ﻻﺑﺴﻪ ﻗﻔﻄﺎﻥ ﻛﻢ ﺍﺣﻤﺮ ﻗﺼﻴﺮ ﻟﻔﻮﻕ ﺍﻟﺮﻛﺒﻪ ..
ﻭﺷﻌﺮﻫﺎ ﻣﺪﺍﻳﺮﺍﺗﻪ ﻛﻴﺮﻟﻲ ..
ﺗﺒﺎﻥ ﺻﻐﻴﺮﻩ ... ﻓﻨﺺ ﺍﻟﻌﺸﺮﻳﻦ ..
ﻭﻛﻨﺎﻳﻨﻬﻢ ﺭﻏﻢ ﺍﻧﻬﻢ ﺍﺻﻐﺮ ﻣﻨﻬﺎ ﺑﺲ ﺍﻟﻬﻢ ﻣﺨﻠﻴﻬﻢ ﻋﺰﺍﻳﺰ ﻗﺪﺍﻣﻬﺎ ..
ﻗﻌﻤﺰﺕ ﻭﺣﻄﺖ ﺭﺟﻠﻴﻬﺎ ﻉ ﺑﻌﺾ .. ﻭﻫﻲ ﺍﺩﻭﺭ ﺑﻌﻴﻮﻧﻬﺎ ﻓﻲ ﺍﻟﻤﻜﺎﻥ ..
ﺷﺒﺤﺖ ﻟﺴﺎﻟﻤﻪ ﻟﻤﺎ ﻗﺎﻟﺖ : ﻫﺪﻳﻚ ﻛﻨﺘﻲ ﺍﻟﻠﻲ ﺍﻧﻐﺸﻴﺖ ﻓﻴﻬﺎ ..
ﻃﻮﻝ ﺣﻠﻴﻤﻪ ﺷﺒﺤﺘﻠﻬﺎ ..
ﺭﻓﻌﺖ ﺣﺎﺟﺒﻬﺎ .. ﺻﺢ ﻛﺒﻴﺮﺓ ﺑﺲ ﺣﻠﻮﺓ ..
ﻭﻫﻲ ﻫﻨﻲ ﻭﻟﻌﺖ ﻓﻴﻬﺎ ﻧﺎﺭ ﺍﻟﻐﻴﺮﺓ ..
ﺑﻴﻨﻤﺎ ﺣﻤﻴﺪﻩ ﻗﺒﻀﺔ ﻗﻠﺒﻬﺎ ﻣﺎﺗﺤﻮﻟﺘﺶ ﺑﻜﻞ ...
ﺷﻮﻳﻪ ..
ﻭﺑﺪﺕ ﺍﻟﺴﻬﺮﻳﻪ ﻭﺍﻟﺠﻮ ﻛﺎﻥ ﻧﺎﺷﻂ ﻫﻠﺒﻪ ..
ﻭﻃﻮﻝ ﺍﻟﺴﻬﺮﻳﻪ ﻣﺎﺑﻄﻠﻮﺵ ﺣﻠﻴﻤﻪ ﻭﺣﻤﻴﺪﻩ ﺷﺒﺢ ﻟﺒﻌﺾ ..
ﻟﻌﻨﺪﻣﺎ ..
ﺣﻠﻴﻤﻪ : ﻫﺎﺗﻲ ﻭﺷﺎﺣﻚ ..
ﺍﺣﻼﻡ ﻣﺪﺗﻠﻬﺎ ﺍﻟﻮﺷﺎﺡ ..
ﻧﺎﺿﺖ .. ﻭﺣﺰﻣﺖ ﺑﻴﻪ ...
ﻭﺧﺸﺖ ﺗﺮﻗﺺ ..
ﻭﺭﻗﻴﺼﻬﺎ ﻛﺎﻥ ﺍﺟﺮﺍﻡ ..
ﺣﺮﻳﻔﻪ ﺭﺳﻤﻲ ..
ﺧﻠﺖ ﺍﻟﻜﻞ ﻳﺸﻮﻓﻠﻬﺎ ﺑﺈﻧﺒﻬﺎﺭ ...
ﻭﻫﻲ ﻛﺎﻧﺖ ﺗﺮﻗﺺ ﻭﺗﻌﻄﻲ ﻓﺸﺒﺤﺎﺕ ﻣﻜﺮ ﻟﺤﻤﻴﺪﻩ ..
ﻭﺣﻤﻴﺪﻩ ﺗﺸﻮﻓﻠﻬﺎ ﻣﻦ ﻓﻮﻕ ﻟﻠﻮﻃﺎ ..
ﻭﺣﺎﺳﻪ ﺍﻥ ﻓﻲ ﺷﻲ ﻣﺶ ﻣﺰﺑﻮﻁ ..
ﺑﻌﺪ ﻋﻴﺖ ﻣﻦ ﺍﻟﺮﻗﻴﺺ ..
ﻓﻜﺖ ﺍﻟﻮﺷﺎﺡ ﻭﻭﻟﺖ ﻟﻤﻜﺎﻧﻬﺎ ..
ﺳﺎﻟﻤﻪ : ﺭﺑﻲ ﻳﺤﻔﻈﻚ ﻣﻦ ﺍﻟﻌﻴﻦ ﻳﺎﺑﻨﻴﺘﻲ ..
ﺣﻠﻴﻤﻪ ﺑﺈﺑﺘﺴﺎﻣﻪ؛ﺗﺴﻠﻤﻲ ﺧﺎﻟﺘﻲ ..
ﻭﺣﻤﻴﺪﻩ ﺗﺸﻮﻓﻠﻬﻢ ..
ﻭﻫﻲ ﺷﺒﺤﺖ ﻟﺤﻤﻴﺪﻩ ﺍﺑﺘﺴﻤﺖ ﺑﺮﻓﻌﺔ ﺣﺎﺟﺐ ﺑﻌﺪﻳﻦ ﻏﻴﺮﺕ ﻋﻨﻬﺎ ﺍﻟﻨﻈﺮ ..
... ﻳﺘﺒﻊ
عالعصر انزل90
