#العشق_المتمرد
#جمان_فريد
الجزء77
🍃 ﻋﻮﺩﺓ ﻟﻴﻮﻡ ....8\23
ﺑﻌﺪ ﺻﻼﺓ ﺍﻟﻌﺸﺎﺀ ...
ﻃﻠﻊ ﻣﻦ ﺍﻟﺤﻤﺎﻡ ﻭﻫﻮ ﻳﻨﺸﻒ ﻓﺸﻌﺮﻩ ..
ﺷﺒﺢ ﺣﻮﺍﻟﻴﻪ ... ﺧﺪﻱ ﻧﻔﺲ ﻋﻤﻴﻖ ....
ﺑﻌﺪﻳﻦ ﺯﻓﺮ .. ﻭﺷﺒﺢ ﺍﻟﻘﺪﺍﻡ ..
ﻟﻘﻲ ﻧﻮﺭﻫﺎﻥ ﺷﺎﺩﺓ ﻟﻌﺒﺘﻬﺎ ﻭﺗﺠﺮﻱ ..
ﻣﺸﺎﻟﻬﺎ ﺟﺮﻱ ... ﻭﺻﻞ ﻓﻴﻬﺎ ﻭﻗﺎﻣﻬﺎ ﻓﻮﻕ ..
ﻋﻤﺎﺩ : ﻳﺎﺑﻄﺸﻪ ..
ﻭﻫﻲ ﺗﻀﺤﻚ ﺑﺲ ..
ﻗﻌﺪ ﻳﺸﻢ ﻓﺮﻳﺤﺔ ﺗﻄﻴﻴﺐ ..
ﻛﻤﻞ ﺑﺄﺧﺘﻪ ﻟﻴﻦ ﻭﺻﻞ ﻓﻲ ﺍﻟﻜﻮﺟﻴﻨﻪ ..
ﻋﻤﺎﺩ ﺑﻀﺤﻜﻪ : ﺗﻲ ﻏﻴﺮ ﺷﻦ ﺩﻳﺮﻱ ..
ﻛﻔﺎﻳﻪ ﻭﻫﻲ ﺍﻃﻴﺐ ﻭﺗﻀﺤﻚ : ﻣﺎﺩﺧﻠﻜﺶ ﻭﺍﻃﻠﻊ ﻣﻦ ﺣﺪﺍﻱ ..
ﺿﺤﻚ ﻭﺧﺸﻠﻬﺎ ..
ﻃﺒﺲ ﻉ ﺭﺍﺳﻬﺎ ﻭﺑﺎﺳﻪ ﺑﻌﺪﻳﻦ ﺑﻌﺪ ﻭﻗﺎﻝ : ﻭﺣﻖ ﺭﺑﻲ ﺣﺘﻰ ﺗﻜﺸﻴﺨﻚ ﻋﻠﻴﺎ ﺍﺳﺘﺎﺣﺸﺘﻪ ..
ﺿﺤﻜﺖ ﻛﻔﺎﻳﻪ ﻭﺩﻣﻮﻋﻬﺎ ﻣﻌﺒﻴﺎﺕ ﻋﻴﻮﻧﻬﺎ ..
ﺭﻥ ﺗﻠﻴﻔﻮﻧﻬﺎ ..
ﻗﺪﻣﻠﻪ ﻋﻤﺎﺩ ﺷﺎﻑ ﺍﻟﺸﺎﺷﻪ ..
ﻏﺎﻟﻴﻪ ﻳﺘﺼﻞ ﺑﻚ ..
ﻧﺰﻝ ﻧﻮﺭﻫﺎﻥ ﻭﺧﺪﻱ ﺍﻟﺘﻠﻴﻔﻮﻥ ﻭﻫﻮ ﻳﻀﺤﻚ ..
ﻛﻔﺎﻳﻪ : ﻏﺎﻟﻴﻪ ! ؟
ﻫﺰ ﺭﺍﺳﻪ ﺑﺈﻳﺠﺎﺏ ﻭﻫﻮ ﻳﻀﺤﻚ ﻭﻃﻠﻊ ﻣﻦ ﺍﻟﻜﻮﺟﻴﻨﻪ ..
🌴🌴🌴🌴🌴🌴🌴
ﻣﺎﻧﻲ ﻋﺎﺭﻓﻪ ﺧﻴﺮﻫﺎ ﻣﺎﺗﺮﺩ ..
ﺳﻌﻴﺪﻩ : ﺇﻥ ﺷﺎﺀ ﺍﻟﻠﻪ ﺧﻴﺮ ..
ﻓﺎﻃﻤﻪ : ﺍﻟﻠﻲ ﻣﺎﺗﻮﺍ ﻭﺍﺟﺪ ﻳﺎﻛﺒﺪﻱ ﻭﺍﺟﺪ ..
ﺭﺯﺍﻥ ﺷﺒﺤﺖ ﻟﺤﻨﺎﻫﺎ ﻭﻫﻲ ﺗﻔﺮﻙ ﺻﻮﺍﺑﻊ ﺍﻳﺪﻳﻬﺎ ﻓﺒﻌﺾ ..
ﻏﺎﻟﻴﻪ ﺑﺘﻮﺗﺮ : ﻏﻴﺮ ﺍﺳﻜﺘﻲ ﻳﻤﻲ ﺗﺮﺑﺤﻲ ..
ﻓﻨﺼﺖ ﻭﻗﺎﻟﺖ ..
ﺭﺩﺕ ... ﺭﺩﺕ ... ﻫﺎ ﻛﻔﺎﻳﻪ
" ﻳﺎﻏﺎﻟﻲ ﺍﻧﺸﻐﻞ ﺑﺎﻟﻲ ..
ﻳﺎﻏﺎﻟﻲ ﺗﻌﺐ ﺣﺎﻟﻲ ..
ﻳﺎﻏﺎﻟﻲ .."
ﺣﻄﺖ ﻳﺪﻫﺎ ﻉ ﺧﺪﻫﺎ ﻭﻫﻲ ﺗﺘﻨﻔﺲ ﺑﻘﻮﺓ ﻭﺗﻮﺯﻉ ﻓﻨﻈﺮﻫﺎ ﻋﻠﻴﻬﻢ ..
ﻭﻫﻤﺎ ﻳﺸﻮﻓﻮﻟﻬﺎ ﺑﺮﻳﺒﻪ ...
" ﻏﻠﻮ ﻳﺎﻏﺎﻟﻲ .."
ﻧﺰﻟﺖ ﻳﺪﻫﺎ ﻭﻗﺎﻟﺖ ﺑﺼﻮﺕ ﻳﺮﺟﻒ : ﻋﻤﺎﺩ !
ﻓﺎﻃﻤﻪ ﻭﺳﻌﻴﺪﻩ ﺗﻮﺳﻌﺖ ﻋﻴﻮﻧﻬﻢ ﻭﻫﻤﺎ ﻳﺸﻮﻓﻮﻟﻬﺎ ..
ﺍﻣﺎ ﺭﺯﺍﻥ .. ﻓﻘﻠﺒﻬﺎ ﻓﺰ ﻓﺰﺓ ﻋﻤﺮﻫﺎ ﻣﺎﺻﺎﺭﺗﻠﻪ ..💓
ﻋﻤﺎﺩ ﺑﻀﺤﻜﻪ : ﺍﻫﺎ .. ﺍﻫﺎ ﻋﻤﺎﺩ ..
ﻏﺎﻟﻴﻪ ﺑﻠﻌﺖ ﺭﻳﻘﻬﺎ ﻭﻗﻌﺪﺕ ﺳﺎﻛﺘﻪ ﻣﺶ ﻗﺎﺩﺭﻩ ﺗﺘﻜﻠﻢ ..
ﻋﻤﺎﺩ : ﻫﻬﻬﻬﻬﻬﻬﻪ .. ﻏﺎﻟﻴﻪ ... ﻏﻠﻮﺷﻪ .. ﺷﻨﻲ ﻣﺎﺗﺒﻴﺶ ﺗﻜﻠﻤﻴﻨﻲ ﻭﻻﺷﻨﻲ ..
ﻏﺎﻟﻴﻪ ﺍﺑﺘﺴﻤﺖ ﻭﺩﻣﻮﻋﻬﺎ ﻃﺎﺣﻮﺍ ﻭﻗﺎﻟﺖ ﻣﻦ ﻭﺳﻂ ﻗﻠﺒﻬﺎ ..
" ﺍﻟﺤﻤﺪ ﻟﻠﻪ ﻳﺎﺭﺑﻲ .."
ﻋﻤﺎﺩﺿﺤﻚ .. ﻭﺍﻟﺘﻔﺖ ﻷﻣﻪ .. ﺍﻟﻠﻲ ﻟﻘﺎﻫﺎ ﺗﻀﺤﻚ ﻭﺩﻣﻮﻋﻬﺎ ﻳﻨﺰﻟﻮﺍ ..
ﺩﺍﺭﻟﻬﺎ ﺣﺮﻛﻪ ﺑﺨﺸﻤﻪ ..
ﺿﺤﻜﺖ ..
ﻓﺎﻃﻤﻪ ﺑﺼﺪﻣﻪ : ﻋﻤﺎﺩ ﻳﻜﻠﻢ ﻓﻴﻚ !!
ﻏﺎﻟﻴﻪ ﺑﻀﺤﻜﻪ ﻭﺩﻣﻮﻋﻬﺎ ﺳﻴﻞ : ﺍﻳﻪ ﻳﻤﻲ ﺍﻳﻪ ... ﻫﺎﻛﻲ ﻛﻠﻤﻴﻪ .. ﺣﻨﺎﻙ ﺑﺘﻜﻠﻤﻚ ..
ﻋﻤﺎﺩ : ﻓﻄﻮﻣﻪ .. ﻋﻄﻴﻬﺎﻟﻲ ﻋﻄﻴﻬﺎﻟﻲ ...
ﻣﺪﺕ ﻏﺎﻟﻴﻪ ﺍﻟﺘﻠﻴﻔﻮﻥ ﻷﻣﻬﺎ ...
ﻓﺎﻃﻤﻪ ﻭﺍﻳﺪﻳﻬﺎ ﺍﻟﻠﻲ ﺷﺎﺩﻩ ﺑﻴﻬﻢ ﺍﻟﺴﺒﺤﻪ ﻳﺮﻋﺸﻮﺍ ﻗﺎﻟﺖ : ﻣﺶ ﻗﺎﺩﺭﺓ ﻧﺸﺪ ﺍﻟﻬﺎﺗﻒ ...
ﻏﺎﻟﻴﻪ ﻣﺴﺤﺖ ﺩﻣﻮﻋﻬﺎ ﻭﻓﺘﺤﺖ ﺍﻟﻤﺎﻳﻚ .. ﻭﻗﻌﺪﺕ ﺷﺎﺩﺗﻪ ﻭﻫﻲ ﻗﺮﻳﺒﻪ ﻉ ﺍﻣﻬﺎ : ﻛﻠﻤﻴﻪ ..
" ﻓﻄﻮﻭﻭﻭﻣﻪ .."
ﺭﺯﺍﻥ ﻭﺟﻬﻬﺎ ﻭﻻ ﺍﺣﻤﺮ ..
ﻭﻋﺪﺍﺩ ﺩﻗﺎﺕ ﻗﻠﺒﻬﺎ ﻋﺎﺍﺍﺍﺍﻟﻲ 💓💓💓💓💓💓
ﻓﺎﻃﻤﻪ ﺑﺪﻣﻮﻉ : ﻋﻤﺎﺩ ..
ﻋﻤﺎﺩ : ﺣﺒﻲ ...
ﻓﺎﻃﻤﻪ ﻭﺩﻣﻮﻋﻬﺎ ﻳﻨﺰﻟﻮﺍ : ﺣﻤﺪ ﻟﻠﻪ ﻉ ﺳﻼﻣﺘﻚ ﻳﺎﻭﻟﻴﺪﻱ .. ﻃﻴﺐ ﻓﻲ ﺇﻣﻴﻤﺘﻚ ﻳﺎﻏﺎﻟﻲ ..
ﺍﺑﺘﺴﻢ ﻋﻤﺎﺩ : ﺍﻟﻠﻪ ﻳﺴﻠﻤﻚ ﻳﺎﻗﻠﺒﻲ ...
ﻃﻠﻌﺖ ﻣﻦ ﺭﺯﺍﻥ ﺗﻨﻬﻴﺪﻩ ﻻﺇﺭﺍﺩﻳﻪ ﺑﺲ ﺑﺪﻭﻥ ﺻﻮﺕ ...
ﻭﻗﺎﻋﺪﻩ ﺗﻔﺮﻙ ﻓﻲ ﺻﻮﺍﺑﻌﻬﺎ ﺑﺒﻌﺾ ...
🍁 ﻭﻓﻲ ﺟﻨﺒﻬﺎ ﺍﻣﻬﺎ ..
ﺗﺸﻮﻑ ﻓﻲ ﻋﺰﻭﺯﺗﻬﺎ ﻭﺣﻤﺎﺗﻬﺎ ﻛﻴﻒ ﻳﺒﻜﻮﺍ ﻣﻦ ﺍﻟﻔﺮﺡ ﻭﻫﻤﺎ ﻳﻜﻠﻤﻮﺍ ﻓﻲ ﻋﻤﺎﺩ ..
ﻧﺰﻟﻮﺍ ﺩﻣﻮﻋﻬﺎ ... ﻭﺗﻤﻨﺖ ﻟﻮ ﻛﺎﻥ ﺭﻣﺰﻱ ﻓﻤﻜﺎﻧﻪ ..
🍁🍁🍁🍁🍁🍁
ﻃﻠﻊ ﻣﻦ ﺍﻟﻤﺮﺑﻮﻋﻪ ﺍﻟﺨﺎﺭﺟﻴﻪ ﺍﻟﻠﻲ ﻛﺎﻧﺖ ﻣﻌﺒﻴﻪ ﻣﻌﺰﻳﻦ ..
ﺭﺩ ﻉ ﺍﻟﻬﺎﺗﻒ ..
ﺣﻤﺪﻱ ﺑﺼﻮﺕ ﻣﺨﻨﻮﻕ : ﺍﻳﻮﻩ ..
" ﺍﻣﺎﻧﺘﻚ ﻋﻨﺪﻧﺎ .."
ﻫﺰ ﺭﺍﺳﻪ ﺑﺈﻳﺠﺎﺏ ﻭﻗﺎﻝ؛ﺷﻮﻳﻪ ﻭﺟﺎﻱ ..
ﺻﻜﺮ ﺑﻌﺪﻳﻦ ﻭﻻ ﺧﺶ ﺩﺍﺧﻞ ..
ﺍﺳﺘﺄﺫﻥ ﻣﻦ ﺍﻟﻤﻮﺟﻮﺩﻳﻦ ﻭﻃﻠﻊ ...
🍁🍁🍁🍁🍁
ﻣﻘﻌﻤﺰﻳﻦ ﻓﻲ ﺩﺍﺭﻫﻢ ﻛﻞ ﻭﺍﺣﺪ ﻉ ﺳﺮﻳﺮﻩ ..
ﻣﺎﻟﻚ ﺑﻌﺼﺒﻴﻪ : ﻛﺎﻥ ﻳﻌﺮﻑ ﺷﻨﻮ ﻗﺎﻟﻮﺍ ﻋﻠﻴﻪ ﺑﺲ ..
ﻣﺮﻭﺍﻥ : ﻏﺎﻟﻴﻪ ﻭﺣﻨﺎﻱ ﻣﺎﻟﻬﻤﺶ ﻋﻼﻗﻪ ﻳﺎﻣﺎﻟﻚ ..
ﻣﺎﻟﻚ ﺳﻜﺖ ﻭﻫﻮ ﻳﻬﺰ ﻓﺮﺟﻠﻪ ...
ﻃﻖ ﺍﻟﺒﺎﺏ ﻃﻘﻪ ..
ﻭﺍﻧﻔﺘﺢ ..
ﺧﺶ ..
ﻋﻤﺎﺩ : ﺷﻨﻮ ﻳﺎﺃﺷﺎﻭﺱ ..
ﻣﺮﻭﺍﻥ ﺑﻀﺤﻜﻪ : ﺍﻧﺖ ﺍﻟﻠﻲ ﺷﻨﻮ ﻳﺎﺯﻋﺎﻣﻪ ..
ﻣﺸﻲ ﻗﻌﻤﺰ ﺟﻨﺐ ﻣﺎﻟﻚ ﻭﺣﻂ ﻳﺪﻩ ﻉ ﻇﻬﺮﻩ : ﺷﻦ ﺻﺎﺭ ﻭﺍﻧﻲ ﻣﻬﻨﺎﺵ .. ﻣﺎﺟﺎﻛﻢ ﺣﺪ ..
ﻣﺎﻟﻚ : ﻗﺼﺪﻙ ﺟﻤﺎﻋﺔ ﺍﻟﻜﺘﺎﻳﺐ ..
ﻋﻤﺎﺩ : ﺍﻳﻪ ..
ﻣﺮﻭﺍﻥ : ﻻ ﻣﺎﺟﻲ ﺟﻴﻬﺘﻨﺎ ﺣﺪ .. ﻟﻜﻦ ﻓﻲ ﻣﻨﻬﻢ ﻛﺎﻧﻮﺍ ﻗﺎﻋﺪﻳﻦ ﻓﻲ ﺣﻮﺵ ﺟﻴﺮﺍﻧﺎ .. ﺍﻟﻠﻲ ﺟﻨﺒﻨﺎ ﻉ ﻳﻤﻴﻦ ..
ﻋﻤﺎﺩ ﺑﺘﻀﻴﻴﻘﺔ ﻋﻴﻮﻥ : ﺣﻮﺵ ﺧﻄﻴﺒﺔ ﺍﻟﺨﺎﻝ ..
ﻣﺎﻟﻚ ﺗﻬﻜﻤﺎ : ﻛﺎﺍﺍﺍﻧﺖ ..
ﻋﻤﺎﺩ ﺑﺈﺳﺘﻐﺮﺍﺏ : ﻛﺎﻧﺖ؟
ﻣﺮﻭﺍﻥ : ﺍﻳﻪ ﻟﻴﻪ ﻣﺪﺓ ﻣﺴﻴﺒﻬﺎ ..
ﻋﻤﺎﺩ ﺑﺄﺳﻒ : ﻣﺶ ﻋﺎﺭﻑ ﺧﻴﺮ ﺣﻈﻪ ﻫﻜﻲ ﻣﺎﺗﻜﻤﻠﺶ ﻣﻌﺎﻩ ..
ﻣﺎﻟﻚ : ﻧﺼﻴﺐ ..
ﻋﻤﺎﺩ ﺳﻜﺖ ﺷﻮﻳﻪ ﺑﻌﺪﻳﻦ ﻗﺎﻝ : ﻣﺸﻴﺘﻮﺍ ﻝ **** ﺍﻟﻔﺘﺮﺓ ﺍﻟﻠﻲ ﻓﺎﺗﺖ ..
ﺷﺒﺢ ﻣﺎﻟﻚ ﻟﻤﺮﻭﺍﻥ ..
ﻭﻣﺮﻭﺍﻥ ﺷﺒﺢ ﻟﻌﻤﺎﺩ ﻭﻗﻌﺪﻭﺍ ﺳﺎﻛﺘﻴﻦ ..
ﻋﻤﺎﺩ ﺑﻀﺤﻜﻪ : ﻣﻌﻨﺎﻫﺎ ﺻﺎﺭﺕ ﻣﺸﺎﻛﻞ ﻉ ﺧﺎﻃﺮﻱ ..
ﻣﺎﻟﻚ : ﻟﻮ ﺗﻌﺮﻑ ﺍﻟﺜﻮﺭﺓ ﻫﺎﺩﻱ ﻗﺪﺍﺵ ﻋﺮﺕ ﻧﺎﺱ ..
ﻣﺮﻭﺍﻥ : ﻣﺎﻟﻚ ..
ﻋﻤﺎﺩ ﺑﺈﺑﺘﺴﺎﻣﻪ : ﻛﻠﻬﻢ ﻣﺆﻳﺪﻳﻦ ..
ﻣﺎﻟﻚ : ﺧﻮﺍﻟﻚ ﻛﻠﻬﻢ ﺍﺧﻄﺎ ﺧﺎﻟﻚ ﺣﻤﻴﺪ .. ﻭﺧﺎﻻﺗﻚ ﻛﻠﻬﻢ ﺍﺧﻄﺎ ﺧﺎﻟﺘﻚ ﻧﻌﻴﻤﻪ ...
ﻋﻤﺎﺩ ﻫﺰ ﺭﺍﺳﻪ ﺑﺈﻳﺠﺎﺏ ﺑﻌﺪﻳﻦ ﻗﺎﻝ ﻭﻫﻮ ﻳﺸﻮﻑ ﻓﻲ ﺍﻟﻔﺮﺍﻍ : ﺻﺎﺭﺕ ﺑﻴﻨﻬﻢ ﻭﺑﻴﻦ ﺍﻣﻲ ﻣﺸﺎﻛﻞ ..
ﻣﺮﻭﺍﻥ ﺷﺒﺢ ﻟﻤﺎﻟﻚ ..
ﻣﺎﻟﻚ ﻣﺎﺻﺪﻕ : ﻣﺤﻤﺪ ﻭﺣﻤﻴﺪﻩ ﻭﺯﻳﻨﺐ ﻃﻠﻌﻮﻫﺎ ﻣﻦ ﺣﻮﺵ ﺟﺪﻙ ﻭﺩﻣﻌﺘﻬﺎ ﻉ ﺧﺪﻫﺎ ..
ﺍﺭﺗﺴﻤﺖ ﻉ ﻭﺟﻬﻬﺎ ﻣﻼﻣﺢ ﺍﻟﻀﻴﻖ ..
ﻣﺎﻟﻚ : ﻣﺤﻤﺪ ﻫﺪﺍ ﻗﺎﻝ ﻋﻠﻴﻚ ﻛﻼﻡ ﺍﻗﺴﻢ ﺑﺎﻟﻠﻪ ﻛﺎﻥ ﻣﺎﺟﺎﺵ ﺧﺎﻟﻲ ﻛﻨﺖ ﻣﺸﻴﺖ ﻏﺎﺩﻱ ﻭﻗﺘﻲ ﻭﻋﻄﻴﺘﻪ ﻃﺮﻳﺤﻪ ...
ﻋﻤﺎﺩ ﺷﺒﺤﻠﻪ ..
ﻣﺎﻟﻚ : ﻭﻻ ﺣﻤﻴﺪﻩ ... ﺧﻠﻴﻨﻲ ﺳﺎﻛﺖ ﻳﺎﺭﺍﺟﻞ ..
ﺷﺒﺢ ﺍﻟﻘﺪﺍﻡ ﻭﺍﺣﺘﻔﻆ ﺑﺼﻤﺘﻪ ..
ﻣﺮﻭﺍﻥ : ﻋﻤﺎﺩ ..
ﺷﺒﺤﻠﻪ ..
ﻣﺮﻭﺍﻥ : ﺗﻮ ﻟﻤﺎ ﻛﻨﺖ ﺗﻜﻠﻢ ﻓﺨﺎﻟﺘﻲ ﻏﺎﻟﻴﻪ .. ﻣﺎﻗﺎﻟﺘﻠﻚ ﺷﻲ؟
ﻋﻤﺎﺩ : ﺷﻲ ﺯﻱ ﺷﻦ؟
ﻣﺎﻟﻚ ﺷﺒﺢ ﻟﻤﺮﻭﺍﻥ .. ﻭﻣﺮﻭﺍﻥ ﺭﺩﻟﻪ ﻧﻔﺲ ﺍﻟﻨﻈﺮﻩ ..
ﻋﻤﺎﺩ ﻭﻫﻮ ﻳﻮﺯﻉ ﻓﻨﻈﺮﻩ ﻋﻠﻴﻬﻢ : ﺧﻴﺮﻛﻢ !
ﻣﺎﻟﻚ ﺑﺸﻲ ﻣﻦ ﺍﻟﺮﺑﻜﻪ : ﺷﻲ .. ﻏﻴﺮ ﻗﻠﻨﺎ ﺑﺎﻟﻚ ﻟﻘﺤﺖ ﺑﻜﻠﻤﻪ ﻫﻜﻲ ﻭﻻﻫﻜﻲ ...
ﻋﻤﺎﺩ ﺣﺮﻙ ﺭﺍﺳﻪ ﺍﻳﻤﻴﻦ ﻭﻳﺴﺎﺭ ﻧﺎﻓﻴﺎ ﺑﻌﺪﻳﻦ ﺷﺒﺢ ﺍﻟﻘﺪﺍﻡ : ﻏﺎﻟﻴﻪ ﻣﺎﺩﻳﺮﺍﺵ ﺍﻟﺠﻮ ﻫﻮ ..
" ﻳﺎﺛﺎﻳﺮ .."
ﺷﺒﺤﻮﺍ ﻟﻠﺒﺎﺏ ..
ﻫﻮ ﺿﺤﻚ ﻭﻗﺎﻝ : ﻫﺎﻩ ﻳﺎﺃﻣﻪ ..
ﻛﻔﺎﻳﻪ ﺑﻀﺤﻜﻪ : ﻧﻮﺽ ﺗﻌﺸﺎ ..
ﻧﺎﺽ ﻭﻫﻮ ﻳﻀﺤﻚ : ﻭﺍﻟﻠﻪ ﻣﺎﻛﻠﺘﻚ ﺍﺳﺘﺎﺣﺸﺘﻬﺎ ﻟﻠﻤﻮﺕ ..
ﻣﺸﺎﻟﻬﺎ .. ﺧﺪﺍﻫﺎ ﻓﺤﻀﻨﻪ ﻭﻃﻠﻊ ﻫﻮ ﻭﻳﺎﻫﺎ ﻳﻘﻮﻝ : ﻭﺍﺳﺘﺎﺣﺸﺖ ﻗﻬﻴﻮﺗﻚ ﻭﺍﻟﻜﻨﺎﻓﻪ ﻣﺘﺎﻋﻚ ..
ﻛﻔﺎﻳﻪ ﺑﻀﺤﻜﻪ : ﺣﺎﺿﺮ ﻣﻦ ﻋﻴﻮﻧﻲ ﻧﺪﻳﺮﻩ ﻛﻠﻪ ..
ﻭﺑﺪﻱ ﻳﺒﻌﺪ ﺻﻮﺗﻬﻢ ..
ﻣﺎﻟﻚ ﺷﺒﺢ ﻟﻤﺮﻭﺍﻥ : ﺧﻴﺮﻙ ﺍﻧﺖ ! ﻣﺶ ﻗﺎﻟﺖ ﺍﻣﻲ ﻣﺎﺗﻘﻮﻟﻮﻟﻪ ﺷﻲ ﺗﻮﺍ .
ﻣﺮﻭﺍﻥ : ﺗﻮﻗﻌﺖ ﺧﺎﻟﺘﻲ ﻭﻻﺣﻨﺎﻱ ﻳﻘﻮﻟﻮﺍ ..
ﻣﺎﻟﻚ : ﻭﺍﺿﺢ ﺍﻧﻪ ﻣﺶ ﻋﺎﺭﻑ ﺷﻲ ﻳﺎﺩﻣﺎﻍ ..
ﻣﺮﻭﺍﻥ ﺷﺒﺤﻠﻪ ﺑﺮﺑﻊ ﻋﻴﻦ .. ﺑﻌﺪﻳﻦ ﺷﺒﺢ ﻟﻠﺒﺎﺏ ﻭﺗﺄﻓﻒ ..
🌴🌴🌴🌴🌴🌴
ﻣﺎﻗﺪﺭﺗﺶ ﻧﻘﻮﻟﻬﻠﻪ ..
ﺳﻌﻴﺪﻩ : ﺳﻴﻮﺭﻩ ﻳﻌﺮﻑ ..
ﻓﺎﻃﻤﻪ : ﻟﻜﻦ ﻣﺶ ﺗﻮ ﻣﺶ ﻣﻦ ﺍﻭﻝ ﻣﺎﻳﻮﺻﻞ ﺍﻣﻪ .. ﺧﻠﻴﻬﺎ ﺗﻔﺮﺡ ﺑﻴﻪ ﻭﺑﻌﺪﻳﻦ ﻫﻲ ﺑﺮﻭﺣﻬﺎ ﺗﻘﻮﻟﻪ ..
ﺭﺯﺍﻥ ﺗﺴﻤﻊ ﻭﺳﺎﻛﺘﻪ ..
ﻉ ﺧﺸﺔ ﻏﺎﻟﻴﻪ ﻭﻓﻴﺪﻫﺎ ﺗﻠﻴﻔﻮﻧﻬﺎ : ﺧﺒﺮﺕ ﺯﻳﻨﺐ ﻭﻧﻌﻴﻤﻪ ..
ﻗﻌﻤﺰﺕ ﻭﻛﻤﻠﺖ ﺗﻘﻮﻝ .. ﻟﻜﻦ ﺍﻟﺘﻐﻄﻴﻪ ﺍﻧﻈﺮ ﺧﻴﺮﻫﺎ ﻫﻨﻰ ..
ﺳﻌﻴﺪﻩ : ﺍﻳﻪ ﺻﺢ ﺑﻜﺮﻱ ﻛﻠﻤﻨﻲ ﺣﻤﻴﺪﺍ ﻭﺻﻮﺗﻪ ﻳﻘﻄﻊ ﻣﺎﻟﺤﻘﺘﺶ ﻧﺴﻤﻊ ﻣﻨﻪ ﻛﻠﻤﺘﻴﻦ ..
ﻏﺎﻟﻴﻪ ﺑﺨﻮﻑ : ﻧﻔﻜﺮ ﻛﺎﻥ ﻓﺪﻭﺭﻧﺎ ﺍﻟﻠﻲ ﺟﺎﻱ ..
ﻓﺎﻃﻤﻪ ﺑﺄﻟﻢ : ﻭﺳﺮﺕ ﺣﺘﻰ ﻫﻲ ..
🍁🍁🍁🍁🍁
ﺍﻟﺤﻤﺪ ﻟﻠﻪ ﻳﺎﺭﺏ ﺍﻟﺤﻤﺪ ﻟﻠﻪ ..
ﻃﻠﻌﻮﺍ ﺍﻟﺒﻨﺎﺕ ﻣﻦ ﺍﻟﺪﺍﺭ ..
ﺭﺑﺎﺏ : ﺷﻦ ﻓﻲ ﺍﻣﻲ؟
ﺯﻳﻨﺐ ﺑﻔﺮﺣﻪ : ﻋﻤﺎﺩ ﺭﻭﺡ ﻭﻣﺎﻓﻴﻪ ﺷﻲ ..
ﻃﻠﻊ ﺣﻤﺰﺓ ﻣﻦ ﺍﻟﻜﻮﺟﻴﻨﻪ : ﺑﺠﺪﻳﺎﺕ !
ﺯﻳﻨﺐ : ﺍﻳﻪ ﺗﻮﺍ ﻗﺎﻟﺘﻠﻲ ﻏﺎﻟﻴﻪ ... ﻟﻜﻦ ﺭﺩ ﺑﺎﻟﻚ ﺗﻔﻜﺮ ﺗﻄﻠﻊ .
ﺣﻤﺰﺓ : ﻻ ﺷﻦ ﻧﻄﻠﻊ ﻫﺎﺩﻱ ﺑﻨﻤﺸﻲ ﻧﻜﻠﻢ ﺍﻷﻭﻻﺩ ..
ﻭﻣﺸﻲ ﻃﻮﻝ ﺑﻄﺮﻳﻘﻪ ﻟﻠﻤﺮﺑﻮﻋﻪ ..
ﺭﺍﻧﻴﺎ ﻭﻫﻲ ﻣﺒﺘﺴﻤﻪ ﺑﺄﻟﻢ : ﺍﻟﺤﻤﺪ ﻟﻠﻪ ﻃﻴﺐ ﻓﺨﺎﻟﺘﻲ ﻛﻔﺎﻳﻪ .
ﺭﺑﺎﺏ ﺑﺈﺑﺘﺴﺎﻣﻪ : ﺇﻳﻪ ..
ﺗﻨﻬﺪﺕ ﺯﻳﻨﺐ ﺑﻀﻴﻖ ..
ﻷﻧﻬﺎ ﻣﺎﺗﻘﺪﺭﺵ ﺗﻜﻠﻢ ﺍﺧﺘﻬﺎ ﻭﻻﺗﻬﻨﻴﻬﺎ ..
ﻭﺭﺍﻧﻴﺎ ﻭﺭﺑﺎﺏ ﺷﺒﺤﻮﻟﻬﺎ ﺑﺄﺳﻒ ..
🍁🍁🍁🍁🍁🍁
ﺍﻟﺘﻐﻄﻴﻪ ﺩﻣﺎﺭ ..
ﺿﻮ : ﺷﻜﻠﻬﻢ ﻧﺎﻭﻳﻴﻦ ﻳﻘﻄﻌﻮﻫﺎ ..
ﻣﺮﺍﻡ ﺑﺨﻮﻑ : ﻛﻴﻒ ﺷﻦ ﻗﺼﺪﻙ؟
ﺿﻮ : ﻭﺍﺿﺤﻪ . ﻳﺎﻣﺮﺍﻡ ..
ﻣﺮﺍﻡ : ﻳﺎﺍﺍﺭﺑﻲ ﻟﻄﻔﻚ .. ﻳﺎﺭﻳﺘﻨﻲ ﻣﺎﺟﻴﺖ ﻫﻨﻰ ..
ﺿﻮ : ﻣﺮﺍﻡ ﻣﺎﺗﺒﺪﻟﻴﺶ ﻓﻴﻪ ..
ﻣﺮﺍﻡ : ﻣﺶ ﻣﻨﻲ ﻳﺎﺿﻮ ... ﺍﻟﺤﺮﺏ ﺍﻛﻴﺪ ﺑﻌﺪ ﺗﻮﻗﻒ ﻫﻨﻰ ﺗﺒﺪﺍ ﻏﺎﺩﻱ ..
ﺿﻮ ﺗﻨﻬﺪ : ﺍﻣﺮ ﺍﻟﻠﻪ .. ﻭﺍﻧﻲ ﻛﻠﻤﺖ ﺻﺎﺑﺮ ﻳﺎﺧﺪ ﺍﻣﻲ ﻭﺳﻴﺪﻱ ﻭﻳﺠﻮ ﻫﻨﻰ ﻏﺪﻭﺓ ﺍﻟﺼﺒﺢ ..
ﻣﺮﺍﻡ : ﻭﻟﻴﺶ ﻣﺎﻗﺘﻠﻲ ﻣﻦ ﺑﻜﺮﻱ ..!!
ﺿﻮ : ﻣﺎﻫﻮ ﻣﺎﺯﻟﺖ ﻣﺶ ﻣﺘﺄﻛﺪ ﻛﺎﻥ ﻳﺼﻴﺮﻟﻬﻢ ﻣﻦ ﺍﻟﺠﻲ ﻫﻨﻰ ﻭﻻﻳﻌﺪﻭﺍ ﻟﻤﻜﺎﻥ ﺍﺧﺮ ..
ﻣﺮﺍﻡ ﺑﺨﻮﻑ : ﺍﻟﻤﻬﻢ ﻳﻄﻠﻌﻮﺍ ﻣﻦ ﻏﺎﺩﻱ ..
ﻫﺰ ﺿﻮ ﺭﺍﺳﻪ ﺑﺈﻳﺠﺎﺏ ..
ﺷﺒﺤﺖ ﻟﺨﻮﻫﺎ ﻭﻓﺒﺎﻟﻬﺎ ﺳﺆﺍﻝ ﺗﺒﻲ ﺗﺴﺄﻟﻪ ﻭﻣﺘﺮﺩﺩﻩ ﺑﻌﺪﻳﻦ ﻗﺮﺭﺕ ﺗﺴﺄﻟﻪ : ﺍﺣﻤﻢ .. ﻓﻲ ﻧﺎﺱ ﺑﺘﻄﻠﻊ ﻣﻦ ﻏﺎﺩﻱ؟ ..
ﺿﻮ : ﺍﻳﻪ ...
ﻣﺮﺍﻡ : ﻭﺍﻟﺠﻴﺮﺍﻥ؟
ﺿﻮ : ﻣﺎﻧﻌﻠﻤﺶ ﻋﻠﻴﻬﻢ .. ﺍﺧﻄﺎ ﻫﺎﻧﻴﺒﺎﻝ ﻗﺎﻟﻲ ﻛﺎﻥ ﺻﺎﺭﺕ ﺣﺎﺟﻪ ﺑﻨﻄﻠﻌﻮﺍ ﺍﻟﻨﺴﻮﺍﻥ ﻭﺣﻨﻲ ﺑﻨﻘﻌﺪﻭﺍ ..
ﻣﺮﺍﻡ ﺳﻜﺘﺖ ﻭﺑﺪﻱ ﻗﻠﺒﻬﺎ ﻳﻐﻠﻲ ﺍﻛﺜﺮ ﻣﻦ ﻗﺒﻞ ..
🍁🍁🍁🍁🍁
ﺧﺶ ﻟﻤﻜﺎﻥ ﻓﺎﺿﻲ ..
ﻛﺎﻥ ﻓﻴﻪ ﻭﺍﺣﺪ ﻣﻀﺮﻭﺏ ﺿﺮﺏ ﻣﺒﺮﺡ ..
ﻭﻣﻠﻮﺡ ﻉ ﺍﻟﻮﻃﺎ ...
ﻫﻮ ﻗﻌﺪ ﻳﻘﺪﻡ ﻟﻴﻦ ﻭﺻﻞ ﻓﻴﻪ ...
ﻭﻗﻒ ﻋﻠﻴﻪ ﻭﻗﻌﺪ ﻳﺸﻮﻓﻠﻪ ..
ﺣﻤﺪﻱ ﺑﺤﻘﺪ : ﻳﺎﻣﺼﻄﺎﺭﺩﻱ ﻳﺎﻭﺳﺦ ...
ﻫﺎﻳﻞ ﻭﻫﻮ ﻳﺪﻭﺏ ﻗﺪﺭ ﻳﺤﺮﻙ ﻋﻴﻮﻧﻪ ﻭﻳﺸﻮﻓﻠﻪ : ﺍﻧﺖ .. ﺍﻟﻮﺳﺦ ..
ﺿﺮﺑﻪ ﺣﻤﺪﻱ ﺑﻘﻮﺓ ﻛﺎﻟﺸﻮ ﻉ ﺑﻄﻨﻪ ..
ﻫﺎﻳﻞ ﺗﻮﺟﻊ ﻫﻠﺒﻪ ...
ﺣﻤﺪﻱ ﻗﻌﺪ ﻳﺸﻮﻓﻠﻪ ﺑﺤﻘﺪ ﺷﺪﻳﺪ ..
🍃 ﺑﻴﻦ ﻋﻴﻮﻧﻪ .. ﻛﻴﻒ ﻟﻤﺎ ﻳﻄﺎﺭﺩﻭﺍ ﻓﻬﺎﻳﻞ ﻭﻫﻮ ﺑﻴﻬﺮﺏ
ﻭﻛﺎﻧﻮﺍ ﻣﻦ ﺿﻤﻦ ﺍﻟﻠﻲ ﻳﻄﺎﺭﺩﻭﺍ ﻓﻴﻪ ﻣﻌﺎﻩ ﺇﺑﺮﺍﻫﻴﻢ ﺧﻮﻩ ..
ﻫﺎﻳﻞ ﺣﺎﻭﻝ ﻳﻬﺮﺏ ﻣﻨﻬﻢ .. ﺿﺮﺏ ﻉ ﻭﺍﺣﺪ ﻭﻗﺘﻠﻪ ...
ﻭﻫﺎﻟﻮﺍﺣﺪ ﻫﺪﺍ ﻛﺎﻥ ﺍﺑﺮﺍﻫﻴﻢ ﺧﻮ ﺣﻤﺪﻱ 🍃
ﺍﻧﺸﻐﻞ ﺑﺈﺑﺮﺍﻫﻴﻢ ﺟﺰﺀ ﻣﻨﻬﻢ ﺍﻣﺎ ﺍﻟﺒﺎﻗﻲ ﻟﺤﻘﻮﻩ ﺟﺮﻱ ..
ﻭﻣﺎﻛﺎﻧﻮﺵ ﻳﺒﻮﺍ ﻳﻘﺘﻠﻮﻩ ﺑﻨﺎﺀﺍ ﻉ ﻃﻠﺐ ﺣﻤﺪﻱ ..
ﺭﻛﺐ ﻫﺎﻳﻞ ﺳﻴﺎﺭﺓ ﻛﺎﻧﺖ ﺗﺮﺍﺟﻲ ﻓﻴﻪ .. ﻭﻫﻤﺎ ﻫﻨﻲ ﺑﻠﻐﻮﺍ ﺟﻤﺎﻋﻪ ﻳﻌﺮﻓﻮﻫﻢ ﻣﻮﺟﻮﺩﻳﻦ ﻓﻲ ﺍﻟﻄﺮﻳﻖ ﺍﻟﻠﻲ ﺑﻴﻤﺮ ﻣﻨﻬﺎ ﺑﺶ ﻳﺸﺪﻭﻩ ..
ﻭﻓﻌﻼ ..
ﺍﻧﺸﺪ ...
ﺧﺶ ﻧﺠﻢ ﺍﻟﺪﻳﻦ ﻟﺤﻤﺪﻱ ...
ﻭﺻﻞ ﻓﻴﻪ .. ﻭﻭﻗﻒ ﺣﺪﺍﻩ ...
ﺣﻤﺪﻱ : ﺍﻟﻨﻔﺲ ﺑﺎﻟﻨﻔﺲ ..
ﻗﺎﻡ ﺳﻼﺣﻪ ﻭﺻﻮﺑﻪ ﺑﺈﺗﺠﺎﻩ ﻫﺎﻳﻞ ...
ﻭﺿﺮﺏ ...
ﻭﺍﺳﺘﻘﺮﺕ ﺍﻟﺮﺻﺎﺻﻪ ﻓﻲ ﺭﺍﺱ ﻫﺎﻳﻞ ﻣﺒﺎﺷﺮﺓ ...
🍃 ﻭﻫﺎﺩﻱ ﻛﺎﻧﺖ ﺍﻭﻝ ﻣﺮﺓ ﻭﺍﺧﺮ ﻣﺮﺓ ﺣﻤﺪﻱ ﻳﻘﺘﻞ ﻓﻴﻬﺎ ﺑﻨﺎﺩﻡ ﺑﺲ ﻫﺪﺍ ﺣﻖ ﻭﻣﺸﺮﻭﻉ ﻻﻳﺴﺘﻮﻱ ﻣﻊ ﺍﻟﻠﻲ ﻭﻻ ﻋﻨﺪﻫﻢ ﺍﻟﻘﺘﻞ ﺯﻱ ﺷﺮﺍﺏ ﺍﻟﺸﺎﻫﻲ ﻉ ﺍﻟﻔﺎﺿﻴﻪ ﻭﺍﻟﻤﻠﻴﺎﻧﻪ 🍃
🍁🍁🍁🍁🍁
ﺍﻟﺴﺎﻋﻪ 2 ﻟﻴﻼ ..
ﻣﺎﺯﺍﻟﺖ ﺍﻹﺷﺘﺒﺎﻛﺎﺕ ﻣﺴﺘﻤﺮﺓ ﻓﻲ ﺍﺣﺪ ﻣﺪﻥ ﻃﺮﺍﺑﻠﺲ ..
ﻭﻏﺎﻟﺒﺎ ﻗﺎﺭﺑﺖ ﻉ ﺍﻹﻧﺘﻬﺎﺀ ﻟﺼﺎﻟﺢ ﺍﻟﺜﻮﺍﺭ ..
.....
ﺷﻦ ﻧﺎﻭﻱ ﺗﻮﺍ ..
ﻋﻤﺎﺩ : ﺧﻼﺹ ﻟﻌﻨﺪ ﻫﻨﻲ ﻭﺑﻨﻮﻗﻒ ..
ﺳﻌﺪ : ﻳﻌﻨﻲ ﻣﺎﻧﻜﺶ ﻣﺎﺷﻲ ﻝ ****
ﻋﻤﺎﺩ : ﻻﻫﻲ ﻭﻻﺳﺮﺕ .. ﻭﺿﺤﺖ ﻟﻠﺸﺒﺎﺏ ﺍﻟﻠﻲ ﻣﻌﺎﻱ ﻣﻮﻗﻔﻲ .. ﻭﻓﻲ ﻣﻨﻬﻢ ﺗﻔﻬﻢ ﻭﻋﻄﻮﻧﻲ ﻋﺬﺭ ..
ﺳﻌﺪ ﺍﺑﺘﺴﻢ : ﺗﻌﺮﻑ ﺍﻟﻴﻮﻡ ﻗﺪﺍﻡ ﻋﻤﺎﻣﻚ ﻭﻧﺴﺎﺑﺎﺗﻨﺎ ﻟﻘﻴﺖ ﺭﻭﺣﻲ ﻣﻨﻔﻮﺥ ﻧﻔﺨﻪ .. ﻛﻠﻬﻢ ﻳﺸﻜﺮﻭﺍ ﻓﻴﻚ ﻭﻳﺤﻄﻮﺍ ﻭﻓﺮﺣﺘﻬﻢ ﺑﺠﻴﺘﻚ ﻳﺎﺭﻳﺘﻚ ﺭﻳﺘﻬﺎ ... ﺯﻏﺎﺭﻳﻂ ﻋﻤﺎﺗﻚ ﻗﻠﺒﺖ ﺍﻟﺪﻧﻴﺎ ..
ﺍﺑﺘﺴﻢ ﻋﻤﺎﺩ ﺑﺈﺣﺮﺍﺝ ..
ﺳﻌﺪ ﺣﻂ ﻳﺪﻩ ﻉ ﺭﻛﺒﺔ ﻭﻟﺪﻩ ﻭﻗﺎﻝ : ﺑﺼﺪﻕ .. ﺷﻦ ﺍﻟﻠﻲ ﺧﻼﻙ ﺗﻤﺸﻲ ﺗﺤﺎﺭﺏ ﻣﻊ ﺍﻟﺜﻮﺍﺭ
ﺗﻨﻬﺪ ﻋﻤﺎﺩ ﻭﻗﺎﻝ : ﺩﻣﻲ ﻛﺎﻥ ﻳﻐﻠﻲ ﻉ ﺍﻟﻠﻲ ﺻﺎﺭ ﻓﺴﻴﻔﺎﻭ ﻭﺭﻭﺍﺩ ﺍﻟﻠﻪ ﻳﺮﺣﻤﻬﻢ .. ﻣﻌﺎﺵ ﻗﺪﺭﺕ ﻳﺎﺑﻮﻱ ﻧﻜﻤﻞ ﺣﻴﺎﺗﻲ ﻋﺎﺩﻱ ﺯﻱ ﺍﻟﻨﺎﺱ ..
ﺍﻟﻨﺎﺭ ﺍﻟﻠﻲ ﻛﺎﻧﺖ ﻭﺍﻟﻌﻪ ﻓﻴﺎ ﻣﺎﻫﺪﺗﺶ ﻛﻨﺖ ﻧﺒﻲ ﻧﺎﺧﺪ ﺑﺘﺎﺭﻫﻢ ﺑﺄﻱ ﺷﻜﻞ .. ﻭﻳﻦ ﺟﺘﻨﻲ ﺍﻟﻔﺮﺻﻪ ﺳﻴﺒﺖ ﻛﻞ ﺷﻲ ﻭﻣﺸﻴﺖ ..
ﺳﻌﺪ : ﺍﻧﻄﻔﺖ ﻧﺎﺭﻙ ﺗﻮﺍ ..
ﻋﻤﺎﺩ ﺍﺑﺘﺴﻢ ﺑﺄﻟﻢ ﻭﻗﺎﻝ : ﻗﻮﻝ ﻫﺪﺕ ﻟﻜﻦ ﻣﺎﺃﻧﻄﻔﺘﺶ .. ﺳﻴﻔﺎﻭ ﻳﺎﺑﻮﻱ ﻣﺶ ﺑﺲ ﺻﺎﺣﺐ ﺳﻴﻔﺎﻭ ﻭﺍﻧﺖ ﻋﺎﺭﻓﻪ ﻭﺷﺎﻫﺪ ﻉ ﻛﻞ ﺷﻲ ﺑﻴﻨﻲ ﻭﺑﻴﻨﻪ .. ﻋﻨﺪﻱ ﺧﻴﺮ ﺣﺘﻰ ﻣﻦ ﻣﺎﻟﻚ ﻭﻣﺮﻭﺍﻥ ﻷﻥ ﺍﻟﻠﻲ ﺩﺍﺭ ﺳﻴﻔﺎﻭ ﻓﻨﻈﺮﻱ ﻣﺎﻳﺪﻳﺮﺍﺵ ﺍﻟﺨﻮ ﻟﺨﻮﻩ ... ﺑﺈﺫﻥ ﺍﻟﻠﻪ ﻣﺎﻧﻴﺶ ﻣﺴﻴﺐ ﺍﻫﻠﻪ ﻭﺻﻐﺎﺭﻩ .. ﻉ ﻗﺪ ﻣﺎﺭﺑﻲ ﻳﻤﺪ ﻓﻌﻤﺮﻱ ﺣﻨﻜﻮﻥ ﻣﻌﺎﻫﻢ ﻭﻭﺭﺍﻫﻢ .. ﻭﻳﺤﻄﻮﻧﻲ ﻓﻲ ﻣﻜﺎﻧﻪ ﻛﺎﻥ ﻳﺒﻮﺍ ..
ﺷﺪ ﺳﻌﺪ ﻉ ﺭﻛﺒﺔ ﻭﻟﺪ .. ﺑﻌﺪﻳﻦ ﺣﻮﻝ ﻳﺪﻩ ﻭﻭﺧﺮ ﻭﻗﺎﻝ : ﻋﻤﺎﺩ ..
ﺷﺒﺤﻠﻪ ﻭﻻﺣﻆ ﺍﺑﺘﺴﺎﻣﺘﻪ ﺍﻟﻠﻲ ﺗﻼﺷﺖ ﻭﻣﻼﻣﺢ ﻭﺟﻬﻪ ﺍﻟﻠﻲ ﺗﺒﺪﻟﺖ ﻟﻠﺤﺰﻥ ..
ﻋﻤﺎﺩ : ﻭﺍﻟﻠﻪ ﺍﻟﻌﻈﻴﻢ ﻣﻦ ﺑﻜﺮﻱ ﻭﺍﻧﻲ ﺣﺎﺱ ﺍﻥ ﻓﻲ ﺷﻲ ...
ﺷﺒﺤﻠﻪ ﺷﻮﻳﻪ ﺑﻌﺪﻳﻦ ﺑﺪﻱ ﻳﺘﻜﻠﻢ ..
ﺑﺮﺍ ...
ﻛﻔﺎﻳﻪ ﻣﻘﻌﻤﺰﺓ ﻓﻲ ﺍﻟﺼﺎﻟﻮﻥ ﺗﺒﻜﻲ ..
ﻭﻭﻻﺩﻫﺎ ﺣﺪﺍﻫﺎ ﻭﻳﺸﻮﻓﻮﻟﻬﺎ ﺑﺤﺰﻥ ..
ﻟﺤﻈﺎﺕ ..
ﻭﺧﺶ ﻋﻠﻴﻬﻢ ﻋﻤﺎﺩ ﻭﺩﻣﻮﻋﻪ ﻳﻨﺰﻟﻮﺍ ...
ﻃﺒﺲ ﻉ ﺭﺍﺳﻬﺎ ﻭﺑﺎﺳﻪ ﻭﺣﻀﻨﻬﺎ ﻭﻭﻗﻌﺪ ﻳﺒﻜﻲ ﻭﻫﻲ ﺑﺪﺕ ﺗﺒﻜﻲ ﻣﻌﺎﻩ ﺑﺎﻟﺼﻮﺕ ..
ﻭﻣﺎﻟﻚ ﻭﻣﺮﻭﺍﻥ ﻳﻤﺴﺤﻮﺍ ﻓﺪﻣﻮﻋﻬﻢ ﺍﻟﻠﻲ ﺗﻨﺰﻝ ..
ﻭﺳﻌﺪ ﻳﺸﻮﻓﻠﻬﻢ ﺑﺄﻟﻢ ..
🌴🌴🌴🌴🌴🌴🌴🌴🌴🌴🌴🌴
ﻣﺎﻓﻴﻪ ﺷﻲ ﻣﺶ ﺻﺎﻳﺮﻟﻪ ﺷﻲ ..
ﻏﺎﻟﻴﻪ : ﻻ ﺍﻟﺤﻤﺪ ﻟﻠﻪ ﻣﺎﻓﻴﻪ ﺷﻲ
ﻋﻤﺮ : ﺍﻟﺤﻤﺪ ﻟﻠﻪ ..
ﻫﺎﻧﻴﺒﺎﻝ : ﻣﻦ ﺑﻜﺮﻱ ﻭﺍﻧﻲ ﻧﺤﺎﻭﻝ ﻧﺘﺼﻞ ﻳﻔﺼﻞ ﻃﻮﻝ ..
ﻏﺎﻟﻴﻪ : ﺍﻟﺘﻐﻄﻴﻪ ﺑﺎﻟﻬﻮﻥ ..
ﻋﻤﺮ : ﺍﻳﻪ ﺿﻌﻴﻔﻪ ﻭﺍﺟﺪ ..
ﻫﺰ ﻫﺎﻧﻴﺒﺎﻝ ﺭﺍﺳﻪ ﺑﺈﻳﺠﺎﺏ ﺑﻌﺪﻳﻦ ﻗﺎﻝ : ﺍﺳﻤﻌﻮﺍ ..
ﺷﺒﺤﻮﻟﻪ ..
ﻫﺎﻧﻴﺒﺎﻝ : ﺍﻟﺤﺮﺏ ﺟﺎﻳﻪ ﻫﻨﻰ ﻣﻦ ﻏﻴﺮ ﻛﻼﻡ ... ﺷﻦ ﺭﺍﻳﻜﻢ ﺷﻦ ﻧﺪﻳﺮﻭﺍ ﻭﻳﻦ ﻧﻌﺪﻭﺍ ﺑﺎﻟﺰﺑﻂ ..
ﻋﻤﺮ : ﺍﻧﻲ ﻭﺍﻟﻠﻪ ﻣﺎﻧﻲ ﻃﺎﻟﻌﻬﺎ ..
ﻫﺎﻧﻴﺒﺎﻝ : ﺍﻧﻲ ﻛﻼﻣﻲ ﻉ ﺍﻟﻨﺴﻮﺍﻥ .. ﻉ ﺍﻣﻲ ﻭﻏﺎﻟﻴﻪ ﻭﻋﻴﺖ ﺍﻟﻬﺎﺩﻱ ..
ﻏﺎﻟﻴﻪ : ﻭﺣﺘﻰ ﺣﻤﻴﺪﻩ ﺭﺍﺟﻠﻬﺎ ﻗﺎﻝ ﻭﻳﻦ ﺑﻴﻌﺪﻭﺍ ﻫﻠﻚ ﻋﺪﻱ ﻣﻌﺎﻫﻢ ﺍﻧﻲ ﻣﺶ ﻃﺎﻟﻊ ..
ﻫﺎﻧﻴﺒﺎﻝ ﻣﻂ ﺷﻮﺍﺭﺑﻪ ﺩﺍﺧﻞ ﻭﻗﺎﻝ : ﺍﻣﻤﻢ ... ﺍﻧﻲ ﻓﻜﺮﺕ ﻓﺸﻲ ﻧﻘﻮﻟﻠﻜﻢ ﻋﻠﻴﻪ ﻭﺍﻧﺘﻮﺍ ﺷﻮﻓﻮﺍ ﺭﺍﻳﻜﻢ .. ﺍﻣﻲ ﺗﻌﺪﻱ ﻣﻊ ﻣﻴﻼﺩ ﻟﻄﺮﺍﺑﻠﺲ ﻭﺗﻘﻌﺪ ﻓﺤﻮﺵ ﺣﻤﻴﺪ .. ﻭﺍﻧﺘﻦ ﻧﻄﻠﻌﻜﻦ ﻣﻌﺎﻱ ﻟﺘﺮﻫﻮﻧﻪ ..
ﻏﺎﻟﻴﻪ : ﻭﻟﻴﺶ ﺣﻨﻲ ﻓﻤﻜﺎﻥ ﻭﺍﻣﻲ ﻓﻤﻜﺎﻥ ..
ﻫﺎﻧﻴﺒﺎﻝ : ﻣﺎﻧﺒﻴﺶ ﻧﺤﻂ ﺍﻟﻜﻴﺪ ﻛﻠﻪ ﻓﻲ ﻣﻜﺎﻥ ﻭﺍﺣﺪ .. ﺗﺮﻫﻮﻧﻪ ﻋﻨﺪﻱ ﻓﻴﻬﺎ ﻭﺍﺣﺪ ﻧﻌﺮﻓﻪ ﻓﺘﺤﻠﻨﺎ ﺣﻮﺷﻪ .. ﻣﺎﻧﺒﻴﺶ ﻧﺒﻴﺨﻬﺎ ﻣﻌﺎﻩ ..
ﺳﻜﺘﺖ ﻏﺎﻟﻴﻪ ..
ﻋﻤﺮ : ﺍﻧﻲ ﻣﻌﺎﻙ ﻓﺮﺍﻳﻚ .. ﻟﻜﻦ ﺗﺮﻫﻮﻧﻪ ﺍﻣﻮﺭﻫﺎ ﺗﻤﺎﻡ ﻣﺎﻓﻴﻬﺎﺵ ﻣﺸﺎﻛﻞ؟
ﻫﺎﻧﻴﺒﺎﻝ : ﺍﻣﻮﺭﻫﺎ ﺗﻤﺎﻡ ﻣﺎﻓﻴﻬﺎ ﺷﻲ ..
ﻋﻤﺮ ﻫﺰ ﺭﺍﺳﻪ ﺑﺈﻳﺠﺎﺏ
...
يتبع
