#العشق_المتمرد
باقي الجزء81
🍃🍃🍃
ﻋﺪﻭﺍ ﻳﻮﻣﻴﻦ ...
ﻓﻲ ﺍﻟﻠﻴﻠﻪ ﺍﻷﺧﻴﺮﻩ ﻟﻤﻬﻠﺔ ﺍﻟﺘﻔﻜﻴﺮ ...
ﻓﻲ ﺍﻟﻤﺮﺑﻮﻋﻪ ..
ﺿﻮ : ﻫﺎﻙ ﺧﺪﻳﺘﻲ ﺍﺳﺒﻮﻋﻴﻦ ﻛﺎﻣﻼﺕ ﻭﺍﻧﺘﻲ ﺗﻔﻜﺮﻱ ﻭﺍﻟﺮﺍﺟﻞ ﻳﺮﺍﺟﻲ ﺷﻦ ﻧﺮﺩ ﻋﻠﻴﻪ ﻏﺪﻭﺓ ..
ﻣﺮﺍﻡ ﺑﺤﺰﻡ : ﻗﻮﻟﻪ ﻣﺎﻓﻴﺶ ﻧﺼﻴﺐ ...
ﺿﻮ : ﻋﻼﺵ ...
ﺷﺮﺣﺘﻠﻪ ﻣﺮﺍﻡ ﺍﺳﺒﺎﺑﻬﺎ ...
ﻫﻮ ﺍﻗﺘﻨﻊ ﻷﻧﻪ ﻛﺎﻥ ﻣﺘﺨﻮﻑ ﻣﻦ ﻧﻔﺲ ﺍﻟﺸﻲ ..
ﺣﺪﻩ ﺭﺩ ﻋﻠﻴﻬﺎ ﺑﻜﻠﻤﻪ ﻭﺣﺪﻩ ﺑﺲ ...
ﺿﻮ ﺑﺮﻓﻌﺔ ﺣﻮﺍﺟﺐ : ﺑﺮﺍﺣﺘﻚ ...
ﺧﺪﺕ ﻧﻔﺲ ﻭﻧﺎﺿﺖ ..
ﻃﻠﻌﺖ ﻣﻦ ﺍﻟﻤﺮﺑﻮﻋﻪ ..
ﻭﻃﻮﻝ ﺗﻮﺟﻬﺖ ﻟﻠﺪﺍﺭ ..
ﺧﺸﺖ ﺳﻜﺮﺗﻬﺎ ﻋﻠﻴﻬﺎ ﻭﺩﻣﻮﻋﻬﺎ ﻧﺰﻟﻮﺍ ..
ﻣﺮﺍﻡ : ﻫﻜﻲ ﺍﺣﺴﻦ ...
🍁 ﻓﻲ ﺍﻟﻮﻗﺖ ﺍﻟﻠﻲ ﻛﺎﻥ ﻓﻴﻪ ﻫﻮ ﺍﻟﻤﻠﻬﻮﻑ ﻳﻌﺮﻑ ﺭﺩﻫﺎ ﺍﻟﻠﻲ ﻛﺎﻥ ﻭﺍﺛﻖ ﻣﻠﻴﻮﻥ ﻓﻲ ﺍﻟﻤﻴﻪ ﺍﻧﻪ ﺑﺎﻟﻤﻮﺍﻓﻘﻪ ..
ﻳﺮﺍﺟﻲ ﺍﻣﺘﻰ ﻳﻄﻠﻊ ﺻﺒﺢ ﺗﺎﻧﻲ ﻳﻮﻡ ..
ﻭﻃﻠﻊ ...
ﺯﺍﺩ ﺍﺳﺘﻨﻰ ﻟﻴﻦ ﺟﺖ ﺍﻟﻌﺸﻴﻪ ..
ﺻﻠﻰ ﺍﻟﻌﺼﺮ ﻭﺗﺴﻘﺪ ﻃﻮﻝ ﻟﺤﻮﺵ ﺻﺎﺣﺒﻪ ..
ﻓﻲ ﺍﻟﺠﻨﺎﻥ ...
ﺿﻮ : ﻭﺍﻟﻠﻪ ﺷﻦ ﺑﻨﻘﻮﻟﻚ ﻳﺎﺑﻮﺻﺎﺣﺐ ﻧﺴﺒﻚ ﻧﺘﻤﻨﺎﻩ ﻟﻜﻦ .. ﻧﺼﻴﺐ ﻣﺎﻓﻴﺶ ..
ﺍﺭﺗﻔﻌﻮﺍ ﺣﻮﺍﺟﺒﻪ ﻭﻗﺎﻝ : ﻋﻼﺵ؟؟؟
ﺿﻮ : ﺑﺼﺮﺍﺣﻪ ﻭﻣﺎﻧﺒﻴﻜﺶ ﺗﺰﻋﻞ ﻭﻻﺗﺎﺧﺪ ﻣﻨﻲ ﻣﻮﻗﻒ .. ﻗﺎﻟﺖ ﻫﻮ ﻃﻠﻖ ﻭﻓﺎﺳﺦ ﻭﻫﺪﻳﻦ ﺣﺎﺟﺎﺕ ﺗﺤﺘﻬﻦ ﺧﻄﻮﻁ ﻭﺍﺟﺪ .. ﻭﺑﺼﺮﺍﺣﻪ ﺍﻛﺒﺮ ﻭﺳﺎﻣﺤﻨﻲ ... ﻗﺎﻟﺖ ﺍﻛﻴﺪ ﺍﻟﻌﻴﺐ ﻣﻨﻪ ﻣﺶ ﻣﻨﻬﻦ ..
ﻫﺎﻧﻴﺒﺎﻝ : ﻫﻲ ﻫﻜﻲ ﻗﺎﻟﺖ ..
ﺿﻮ ﻫﺰ ﺭﺍﺳﻪ ﺑﺈﻳﺠﺎﺏ ..
ﻫﺎﻧﻴﺒﺎﻝ ﺷﺒﺤﻠﻪ ﺷﻮﻳﻪ ﺑﻌﺪﻳﻦ ﻗﺎﻝ : ﻓﻴﻬﺎ ﻛﻴﻒ ﻳﺎﺑﻮﺻﺎﺣﺐ ﻧﺠﻴﻜﻢ ﻏﺪﻭﺓ ... ﻧﺘﻜﻠﻢ ﻣﻌﺎﻫﺎ؟ ...
ﺿﻮ ﻣﺴﺢ ﺑﻴﺪﻩ ﻉ ﻟﺤﻴﺘﻪ ﻭﻫﻮ ﻳﺸﻮﻑ ﻟﺒﺎﺏ ﺍﻟﺤﻮﺵ .. ﺑﻌﺪﻳﻦ ﺷﺒﺤﻠﻪ ﻭﻗﺎﻝ : ﺗﻮ ﻧﺸﻮﻑ ﻭﻧﺮﺩ ﻋﻠﻴﻚ ...
🍁🍁🍁🍁
ﺍﻗﺴﻢ ﺑﺎﻟﻠﻪ ﻋﻴﺸﺘﻲ ﻛﺮﻫﺘﻬﺎ ﻳﺎﺭﺍﺟﻞ ..
ﻧﺎﺟﻲ : ﺑﺎﻫﻲ ﺍﻧﺖ ﻟﻴﺶ ﻣﺎﺗﺤﺎﻭﻟﺶ ﺗﺮﺿﻲ ﺍﻣﻚ ..
ﺍﻟﺼﺪﻳﻖ : ﻛﻴﻒ؟
ﻧﺎﺟﻲ : ﺧﻮﺩ ﻭﺣﺪﻩ ﺗﺎﻧﻴﻪ ..
ﺍﻟﺼﺪﻳﻖ : ﻫﻬﻬﻬﻪ ...
ﻧﺎﺟﻲ : ﻧﺤﻜﻲ ﻣﻨﻲ ﺟﺪ ..
ﺍﻟﺼﺪﻳﻖ : ﺭﺍﻧﻲ ﻗﺎﻋﺪ ﺑﻌﻘﻠﻲ ﻣﺎﻫﺒﻠﺖ ﺑﻴﺶ ﻧﺰﻳﺪ ﻉ ﺍﻟﻬﻢ ﻫﻢ .. ﺳﺎﺩﻧﻲ ﺍﻟﻠﻲ ﻋﻨﺪﻱ ..
ﻧﺎﺟﻲ : ﻟﻜﻦ ﺍﻣﻚ ﻛﻼﻣﻬﺎ ﺣﻖ ﻣﻦ ﺣﻘﻚ ﺗﺘﺰﻭﺝ ﻭﺗﺠﻴﺐ ﺻﻐﺎﺭ ﻳﺎﺭﺍﺟﻞ ﺗﻠﻘﺎﻫﻢ ﺑﻌﺪﻳﻦ ﺑﺘﻘﻌﺪ ﻉ ﺑﻨﺖ ﻭﺣﺪﻩ ..
ﻣﺎﺑﺎﺵ ﻳﻘﻮﻝ ﺍﻧﻪ ﻣﺮﺗﻪ ﺣﺎﻣﻞ ﺗﺎﻧﻲ ﺑﺲ ﻗﺎﻝ؛ﺍﻧﻲ ﻣﻘﺘﻨﻊ ﺑﻨﺼﻴﺒﻲ ﻭﺭﺍﺿﻲ ﻭﺍﻟﺤﻤﺪ ﻟﻠﻪ ..
ﻧﺎﺟﻲ : ﻉ ﻛﻴﻔﻚ ..
....
ﺑﺮﺍ ﻛﺎﻧﺖ ﻭﺍﻗﻔﻪ ﺗﺘﺼﻨﺖ ﻉ ﻛﻼﻣﻬﻢ ..
ﺭﻓﻌﺖ ﺣﺎﺟﺒﻬﺎ ﻭﻗﺎﻟﺖ : ﺻﺎﺭ ﻣﻘﺘﻨﻊ ﻭﺭﺍﺿﻲ ﺑﻨﺼﻴﺒﻚ ..!!
ﺧﺪﺕ ﻧﻔﺲ ﻭﻣﺸﺖ ﻭﻫﻲ ﺗﻘﻮﻝ : ﻭﺍﻧﻲ ﻣﺎﻧﻴﺶ ﺭﺍﺿﻴﻪ ﻭﺭﺍﺳﻚ ﻳﺎﺻﺪﻳﻖ ﻣﺎﺿﺎﻝ ﺍﻻ ﻭﺍﺧﺪﻧﻲ ﻋﻠﻴﻬﺎ .. ﻭﻏﻴﺮ ﻧﻮﺻﻞ ﻟﻤﺎ ﻧﻄﻴﺮﻫﺎ ﻫﺎﻟﻌﺰﻭﺯ ﻫﺪﻱ ..
🍁🍁🍁🍁🍁
ﻏﺪﻭﺓ؟ !!
ﺿﻮ : ﺍﻟﺮﺍﺟﻞ ﻣﺼﺮ ..
ﻣﺮﺍﻡ ﻣﺴﺘﻐﺮﺑﻪ ﻟﻴﻦ ﺧﻼﺹ !! ؟ .
ﻣﺮﺿﻴﻪ : ﻋﻠﻴﻚ ﺩﻟﻊ ﺗﺪﻟﻌﻲ ﻓﻴﻪ ..
ﻭﻣﺸﺖ ﻭﺧﻠﺘﻬﺎ ..
ﻣﺮﺍﻡ ﺿﺤﻜﺖ ﺑﺼﺪﻣﻪ : ﺧﻴﺮﻫﺎ ﺍﻣﻲ؟
ﺿﺤﻚ ﺿﻮ : ﺗﺤﺐ ﻫﺎﻧﻴﺒﺎﻝ ﺍﻛﺜﺮ ﻣﻨﻲ ﺍﻧﻲ ﻭﺻﺎﺑﺮ ...
ﺍﺑﺘﺴﻤﺖ ﻭﻗﺎﻟﺖ ﺑﺘﻨﻬﻴﺪﻩ : ﺧﻼﺹ .. ﻏﺪﻭﺓ ﻏﺪﻭﺓ ..
ﺿﻮ ﻫﺰ ﺭﺍﺳﻪ ﺑﺈﻳﺠﺎﺏ ..
" ﻳﺎﻣﺮﺍﺍﺍﻡ "
ﻣﺮﺍﻡ ﻓﻨﺼﺖ : ﺣﻲ ﺳﻴﺪﻱ .. ﺗﺨﻴﻞ ﺍﻣﻲ ﻗﺎﻟﺘﻠﻪ .
ﻭﻣﺸﺖ ﻃﻮﻝ ﻟﺒﻮﻫﺎ ..
ﻭﺿﻮ ﻳﻀﺤﻚ ...
🍁 ﻭﻓﻌﻼ ﺑﻮﻫﺎ ﻛﺎﻥ ﻳﺒﻲ ﻳﻘﻨﻌﻬﺎ ﺗﻮﺍﻓﻖ ﺑﻌﺪ ﺍﺻﺮﺍﺭ ﻫﺎﻧﻴﺒﺎﻝ ﻋﻠﻴﻬﺎ ..
ﻧﺎﻗﺸﻬﺎ ﻟﻜﻦ ﻣﺎﺍﺟﺒﺮﻫﺎﺵ ..
ﻭﻫﻲ ﺳﻤﻌﺖ ﻣﻨﻪ ﻟﻜﻦ ﺭﺃﻳﻬﺎ ﻣﺎﺗﻐﻴﺮﺵ ..
ﻭﻗﻌﺪ ﻫﺪﺍ ﺭﺍﻳﻬﺎ ..
ﻟﻌﻨﺪ ﻣﺎﺟﺖ ..
ﺍﻟﺴﺎﻋﻪ 5:00 ﻣﺴﺎﺀﺍ ﻟﻠﻴﻮﻡ ﺍﻟﻠﻲ ﺑﻌﺪﻩ ...
💖 ﻃﻖ ﺍﻟﺒﺎﺏ ..
ﻫﻮ ﻗﻌﺪﻭﺍ ﻋﻴﻮﻧﻪ ﻟﻮﻃﺎ ..
ﺧﺸﺖ ﻭﻗﺎﻟﺖ : ﺍﻟﺴﻼﻡ ﻋﻠﻴﻜﻢ ..
ﻫﻮ ﺭﺩ : ﻭﻋﻠﻴﻜﻢ ﺍﻟﺴﻼﻡ ..
ﻗﻌﻤﺰﺕ ...
ﻗﻌﺪﻭﺍ ﺳﺎﻛﺘﻴﻦ ..
ﺷﻮﻳﻪ ﻫﻮ ﺗﻜﻠﻢ .. ﻭﺑﺪﻭﻥ ﺍﻱ ﻣﻘﺪﻣﺎﺕ ..
ﻫﺎﻧﻴﺒﺎﻝ : ﻟﻴﺶ ﻻ ..
ﻣﺮﺍﻡ ﺷﺒﺤﺘﻠﻪ ﻭﻗﺎﻟﺖ : ﻭﻟﻴﺶ ﺍﻳﻪ ..
ﺍﺗﻔﺎﺟﺄ ﺑﺮﺩﻫﺎ ..
ﻏﻴﺮﺕ ﻋﻴﻮﻧﻬﺎ ﻭﻛﻤﻠﺖ ﺗﻘﻮﻝ : ﺳﺎﻣﺤﻨﻲ .. ﺑﺲ ﺍﻧﻲ ﻭﻻﻏﻴﺮﻱ ﺣﺘﻔﻜﺮ ﺍﻟﻒ ﻣﺮﺓ ﻗﺒﻞ ﺗﻮﺍﻓﻖ ﺗﺮﺗﺒﻂ ﺑﻴﻚ ﻭﺍﻧﺖ ﻣﺮﻳﺖ ﺑﺘﺠﺮﺑﺘﻴﻦ ﻓﺎﺷﻼﺕ .. ﻃﻼﻕ .. ﻭﻓﺴﺦ ﺧﻄﻮﺑﻪ ..
ﻭﺍﻟﺘﺎﻧﻴﻪ ﺗﺤﺪﻳﺪﺍ ﻫﻲ ﺍﻟﻠﻲ ﺧﻠﺘﻨﻲ ﻧﻘﻮﻝ ﻻ ... ﺍﺣﻤﻢ .. ﻣﻌﻠﻴﺸﻲ ﺑﺲ ﺍﻧﺖ ﻋﻨﺪﻙ ﺍﻟﻤﻮﺿﻮﻉ ﺳﺎﻫﻞ ﺟﺪﺍ ﻭﻛﺈﻥ ﺍﻟﺪﻧﻴﺎ ﻉ ﻛﻴﻔﻚ ﺗﺎﺧﺪ ﻣﻦ ﺗﺒﻲ ﻭﺗﺴﻴﺒﻬﺎ ﺍﻣﺘﻰ ﻣﺎﺗﺒﻲ ... ﻭﺍﻧﻲ ﺑﺼﺮﺍﺣﻪ ﻻﻳﻤﻜﻦ ﻧﺮﺿﻰ ﻧﺮﺗﺒﻂ ﺑﺸﺨﺺ ﻳﺎﺧﺪ ﻓﻘﺮﺍﺭﺗﻪ ﺑﻤﺰﺍﺟﻪ ..
ﻫﻮ ﺍﺗﻀﺎﻳﻖ ﻣﻦ ﻛﻼﻣﻬﺎ ﻗﺎﻝ ﺑﻠﻬﺠﻪ ﺣﺎﺩﻩ : ﺗﻲ ﻏﻴﺮ ﺷﻦ ﺗﻘﻮﻟﻲ ﺑﺲ .. ﻣﺰﺍﺝ ﺷﻨﻲ ﺍﻟﻠﻲ ﺗﺤﻜﻲ ﻋﻨﻪ .. ﺷﻦ ﻣﺎﻋﻨﺪﻳﺶ ﻭﻻﻳﺎ ﻧﺨﺎﻑ ﻋﻠﻴﻬﻦ ﺑﺶ ﻧﻠﻌﺐ ﺑﺒﻨﺎﺕ ﺍﻟﻨﺎﺱ .. ﻭﻻﺗﺸﻮﻓﻲ ﻓﻴﺎ ﻋﻴﻞ ﻗﺪﺍﻣﻚ ﺑﻴﺶ ﻧﺪﻳﺮ ﺣﺮﻛﺎﺕ ﻛﻴﻒ ﻫﺪﻱ ..
ﻣﺮﺍﻡ : ﺍﺳﻠﻮﺑﻚ ﻣﺎﻳﺸﺠﻌﺶ ﻧﻜﻤﻞ ﻣﻌﺎﻙ ﻛﻼﻡ ..
ﻫﺎﻧﻴﺒﺎﻝ ﻧﺰﻝ ﻋﻴﻮﻧﻪ ﻭﺧﺪﻱ ﻧﻔﺲ ﻭﻗﺎﻝ : ﺍﺳﻒ .. ﺷﺒﺤﻠﻬﺎ .. ﻟﻜﻦ ﻛﻼﻣﻚ ﺍﺳﺘﻔﺰﻧﻲ ﻭﺍﺟﺪ .. ﺍﺳﻤﻌﻴﻨﻲ .. ﻧﻌﺘﺮﻑ ﺑﺤﺎﺟﻪ ﻭﺣﺪﻩ ﺑﺲ ﺍﻥ ﻓﻲ ﺍﻟﻤﺮﺗﻴﻦ ﺍﻟﻠﻲ ﻗﺒﻞ ﻣﺎﺍﺧﺘﺮﺗﺶ ﺻﺢ .. ﻭﻣﺶ ﻟﻌﻴﺐ ﻓﻴﻬﻦ ﻟﻜﻦ ﺍﻧﻲ ﻭﻫﻦ ﻣﺎﺗﻼﻳﻤﻨﺎﺵ ﻉ ﺑﻌﺾ ﺣﺎﺟﺎﺕ ﻭﺍﺟﺪﻩ ﻣﺎﺗﻔﺎﻫﻤﻨﺎﺵ ﻓﻴﻬﻦ ..
ﻣﺮﺍﻡ : ﻭﻣﻦ ﻗﺎﻝ ﻧﺘﻼﻳﻤﻮﺍ ﻭﻧﺘﻔﺎﻫﻤﻮﺍ ﺍﻧﻲ ﻭﺍﻧﺖ ..
ﻫﺎﻧﻴﺒﺎﻝ : ﺷﻮﺭﻙ ﻣﺶ ﻃﺎﻳﻘﺘﻴﻨﻲ ﺑﻜﻞ ..
ﻣﺮﺍﻡ : ﺍﻧﻲ ﻗﺎﻋﺪﻩ ﺍﻧﺎﻗﺶ ﻓﻴﻚ ..
ﻫﺎﻧﻴﺒﺎﻝ : ﻻ ﻧﺘﻼﻳﻤﻮﺍ ﺇﻥ ﺷﺎﺀ ﺍﻟﻠﻪ ...
ﻣﺮﺍﻡ : ﻣﺶ ﻫﻜﻲ ﻫﻲ .. ﻓﻲ ﺣﺎﺟﺎﺕ ﺍﻧﻲ ﻻﻳﻤﻜﻦ ﻧﺘﻨﺎﺯﻝ ﻋﻨﻬﺎ ﻛﻴﻒ ﻗﺮﺍﻳﺘﻲ ﻭﺧﺪﻣﺘﻲ .. ﻭﺍﻟﺒﻌﺜﻪ ﺍﻟﻠﻲ ﺣﺘﻄﻠﻌﻠﻲ ﺑﻌﺪ ﺳﻨﻪ ..
ﻫﺪﻳﻦ ﺍﻟﺤﺎﺟﺎﺕ ﻣﺎﻧﺒﺪﻟﻬﻦ ﺑﺸﻲ ..
ﺷﺒﺤﻠﻬﺎ ﺷﻮﻳﻪ ﻭﻗﺎﻝ : ﺳﺆﺍﻝ ..
ﻣﺮﺍﻡ : ﺍﺳﺄﻝ ..
ﻫﺎﻧﻴﺒﺎﻝ : ﺍﻧﺘﻲ ﻣﺎﺗﺒﻴﻴﺶ ..
ﺍﻧﺤﻄﺖ ﺑﻴﻦ ﻣﻄﺮﻗﻪ ﻗﻠﺒﻬﺎ ﻭﺳﻨﺪﺍﻥ ﻋﻘﻠﻬﺎ ...
ﻛﻴﻒ ﺍﺩﻳﺮ ﺑﺸﻦ ﺗﺮﺩ ..
ﻫﺎﻧﻴﺒﺎﻝ ﺑﺈﺑﺘﺴﺎﻣﻪ : ﻣﺎﺩﺍﻣﻚ ﻋﻄﻠﺘﻲ ﻓﺎﻟﺮﺩ ﻣﻌﻨﺎﻫﺎ ﻓﻲ ﻗﺒﻮﻝ ..
ﻭﺟﻬﻬﺎ ﻭﻻ ﺍﺣﻤﺮ ﻭﻋﻴﻮﻧﻬﺎ ﻃﻮﻝ ﻧﺰﻟﺘﻬﻢ ..
ﻫﺎﻧﻴﺒﺎﻝ : ﺧﻮﺩﻳﻪ ﻣﻨﻲ ﻋﻬﺪ ﻭﻛﻠﻤﻪ .. ﺧﺪﻣﺘﻚ ﺗﺨﺪﻣﻴﻬﺎ ﻭﻗﺮﺍﻳﺘﻚ ﺣﺘﻘﺮﻳﻬﺎ ﻭﺍﻟﺒﻌﺜﻪ ﺗﻄﻠﻴﻌﻬﺎ ...
ﻣﺮﺍﻡ : ﻳﺘﻐﻴﺮ ﺍﻟﻜﻼﻡ ﺑﻌﺪﻳﻦ ..
ﻫﺎﻧﻴﺒﺎﻝ : ﺭﺍﻙ ﺣﻤﻀﺘﻴﻬﺎ ..
ﻏﻠﺒﺘﻬﺎ ﺍﻟﻀﺤﻜﻪ ..
ﻫﻮ ﺿﺤﻚ ..
ﻣﺮﺍﻡ : ﻧﺤﻜﻲ ﺟﺪ ..
ﻫﺎﻧﻴﺒﺎﻝ : ﻭﺍﻧﻲ ﻗﻠﺖ ﻛﻠﻤﻪ .. ﻭﺷﻜﻠﻴﻦ ﻣﺎﺑﺤﻜﻲ ..
ﺿﺤﻜﺖ ﺗﺎﻧﻲ ﻭﻫﻲ ﺣﺎﻃﻪ ﻳﺪﻫﺎ ﻉ ﻓﻤﻬﺎ ﻭﻋﻴﻮﻧﻬﺎ ﻟﻮﻃﺎ ..
ﻫﺎﻧﻴﺒﺎﻝ ﺑﻀﺤﻜﻪ : ﻫﺎﻩ ﺷﻨﻲ ...
ﻧﺰﻟﺖ ﻳﺪﻫﺎ ...
ﺷﺒﻜﺖ ﺍﻳﺪﻳﻬﺎ ﻓﺒﻌﺾ ﻭﺷﺒﺤﺘﻠﻪ ..
ﻭﻫﻮ ﻳﺸﻮﻓﻠﻬﺎ ...
ﻟﻌﻨﺪ ﻫﺎﻟﻠﺤﻈﻪ ﻣﻦ ﺩﺍﺧﻠﻬﺎ ﻣﺶ ﻣﺼﺪﻗﻪ ﺍﻟﻠﻲ ﻫﻲ ﻓﻴﻪ ...
ﺣﻠﻢ ﻭﻭﻻ ﺣﻘﻴﻘﻪ ﻭﺍﻗﻌﻪ ...
ﻫﺎﻧﻴﺒﺎﻝ : ﻗﺎﻋﺪ ﻧﺮﺍﺟﻲ ..
ﻣﺮﺍﻡ ﺍﺑﺘﺴﻤﺖ .. ﻧﺰﻟﺖ ﻋﻴﻮﻧﻬﺎ ﻭﻗﺎﻟﺖ ...
" ﻣﻮﺍﻓﻘﻪ "
.... ﻳﺘﺒﻊ
