المتمردين

العشق المتمرد

#رمضان_احلا_مع_جمان_فريد

# العشق_المتمرد

الجزء38
القسم الاول

ﺍﺳﻤﻌﻮﺍ ﺍﻧﺘﻢ ﻛﻨﺰ ﺭﻩ .... ﻭﻧﺤﺒﻜﻢ ﻣﻮﻭﻭﻭﺕ 💕💕💕💕💕💕
⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐
ﻛﺎﻥ ﺳﻌﺪ ﻣﻮﻟﻲ ﻟﻠﺤﻮﺵ ﻧﺎﺳﻲ ﺣﺎﺟﻪ ...
ﺧﺶ ﺟﺮﻱ ﻟﻠﺤﻮﺵ ....
ﻣﺸﻲ ﻃﻮﻝ ﻟﻠﺪﺍﺭ ... ﺧﺪﻱ ﺍﻟﻠﻲ ﻳﺒﻴﻪ ﻭﻃﻠﻊ ...
ﺑﺲ ﻓﻘﺪ ﺍﻟﺤﺲ ﻓﻲ ﺍﻟﺤﻮﺵ ...
ﺳﻌﺪ : ﻛﻴﻔﻮ ... ﻛﻔﺎﻳﻪ ..
ﻗﻌﺪ ﻳﺪﻭﺭ ﻭﻫﻮ ﻣﺴﺘﻐﺮﺏ .. ﻟﻴﻦ ﻭﺻﻞ ﻓﻲ ﺍﻟﻜﻮﺟﻴﻨﻪ ..
ﺍﻧﺼﺪﻡ ﻭﻗﻌﺪ ﻳﺮﻋﺶ ... ﻗﺪﻣﻠﻬﺎ ﻃﻮﻝ ﻗﻌﺪ ﻳﻀﺮﺏ ﻉ ﻭﺟﻬﻬﺎ ...
ﺳﻌﺪ : ﻛﻔﺎﻳﻪ ... ﻛﻔﺎﻳﻪ ...
ﻟﻜﻦ ﻣﺎﻓﻴﺶ ﺍﻱ ﺍﺳﺘﺠﺎﺑﻪ ﻧﻬﺎﺋﻴﺎ ...
ﺍﺗﺼﻞ ﻭﻫﻮ ﻳﺮﻋﺶ ﻭﺩﻣﻮﻋﻪ ﺗﻨﺰﻝ ﺑﺎﻹﺳﻌﺎﻑ ....
🍁🍁🍁🍁🍁🍁🍁
ﺳﺮﺕ ....💓
ﺑﻌﺪ ﻓﻄﺮﻭﺍ ﻫﻮ ﻣﺸﻲ ﻟﺪﺍﺭ ﺍﻟﻤﻜﺘﺒﻪ ﻣﺘﺎﻋﻪ ...
ﻫﻲ ﻛﻤﻠﺖ ﻏﺴﻞ ﻣﺎﻋﻴﻦ ...
ﻃﻠﻌﺖ ﻣﻦ ﺍﻟﻜﻮﺟﻴﻨﻪ ﻭﻗﻌﺪﺕ ﺍﺩﻭﺭ ﻓﻴﻪ ...
ﻟﻌﻨﺪ ﻭﺻﻠﺖ ﻓﻲ ﺍﻟﺪﺍﺭ ....
ﺧﺸﺖ ﻟﻘﺎﺗﻪ ﻣﻘﻌﻤﺰ ﻳﻜﺘﺐ ...
ﻗﻌﺪﺕ ﺗﺘﺄﻣﻞ ﻓﻴﻪ ﺷﻮﻳﻪ ... ﺑﻌﺪﻳﻦ ﻭﺯﻋﺖ ﻧﻈﺮﻫﺎ ﻉ ﺍﻟﺪﺍﺭ ...
ﻟﻘﺖ ﺗﻼﺗﻪ ﺻﻮﺭ ﻛﺒﺎﺭﻓﻴﻬﺎ ..
ﺑﻮﻩ .... ﺧﻮﻩ ﻣﺤﻤﻮﺩ .... ﻭﻣﻌﻤﺮ ...
ﺭﺟﻌﺖ ﺷﺒﺤﺘﻠﻪ ...
ﻟﻘﺎﺗﻪ ﻣﻨﺴﺠﻢ ﻓﻲ ﺍﻟﻜﺘﻴﺒﻪ ...
ﻗﺪﻣﺘﻠﻪ ﺍﻛﺜﺮ ....
ﺩﻻﻝ : ﺍﺣﻤﻢ ... ﺍﺣﻤﻢ ..
ﺭﻓﻊ ﻋﻴﻮﻧﻪ ﻭﺷﺎﻓﻠﻬﺎ ﻭﻫﻮ ﻣﺒﺘﺴﻢ ...
ﺩﻻﻝ : ﺍﻣﻢ .. ﻧﻘﺪﺭ ﻧﺒﺤﺒﺶ ﻣﻜﺘﺒﺘﻚ ..
ﻋﻤﺎﺭ ﺑﻨﻈﺮﺓ ﻋﺸﻖ ﺍﺷﺮﻟﻬﺎ ﺑﻴﺪﻩ ﻉ ﺍﻟﻤﻜﺘﺒﻪ : ﺑﺤﺒﺸﻲ ..💓
ﺍﺑﺘﺴﻤﺖ ﻭﺗﻮﺟﻬﺖ ﻟﻠﻤﻜﺘﺒﻪ ﻭﻫﻮ ﻫﺎﻳﻢ ﻓﻴﻬﺎ ..💕💕
ﺍﻏﻠﺐ ﺍﻟﻜﺘﺎﺑﺎﺕ ﺳﻴﺎﺳﻴﻪ ﻭﺻﻌﺒﻪ ﻫﻠﺒﻪ ...
ﻭﻟﻘﺖ ﻃﺒﻌﺎ ﺍﻟﻜﺘﺎﺏ ﺍﻷﺧﻀﺮ ﺑﻔﺼﻮﻟﻪ ... ﻭﻛﺘﺎﺑﺎﺕ ﻟﻠﻘﺬﺍﻓﻲ ...
ﺍﻟﻔﺘﺖ : ﻫﺪﺍﺍﺍﺍﺍﺍ ﺷﻨﻮﻭﻭﻭﻭ ...
ﻋﻤﺎﺭ ﻗﻌﺪ ﻳﻀﺤﻚ ...
ﺩﻻﻝ : ﻣﺎﻓﻴﺶ ﻛﺘﺐ ﻓﻲ ﺍﻷﺩﺏ .. ﺭﻭﺍﻳﺎﺕ ... ﺣﺎﺟﻪ ﺣﻠﻮﺓ ﻫﻜﻲ ..
ﻋﻤﺎﺭ ﻧﺎﺽ ﻭﻗﺪﻣﻠﻬﺎ : ﻫﺪﻯ ﺍﻟﻠﻲ ﻧﺘﺬﻭﻗﻪ ﻣﻦ ﺍﻟﻜﺘﺐ .. ﻣﺎﻧﻔﻬﻤﺶ ﻏﻴﺮ ﻓﻴﻬﻦ ..
ﺩﻻﻝ ﺑﻀﺤﻜﻪ : ﺑﻴﻨﻲ ﻭﺑﻴﻨﻚ ﻣﺎﺣﺪ ﻳﺴﻤﻊ ﻓﻴﻨﺎ ﺗﻔﻬﻢ ﻓﻴﻪ ﻛﺘﺎﺏ ﺍﻟﻘﻴﺪﺍ ...
ﻗﺮﺻﻬﺎ ﻣﻦ ﺧﺪﻫﺎ : ﻧﻌﻀﻚ ﺭﻩ ﻭﻣﺶ ﺍﻱ ﻋﻀﺔ ..
ﺩﻻﻝ ﺗﻀﺤﻚ ﻭﺗﺘﻮﺟﻊ : ﺧﻼﺹ ... ﺑﺎﻫﻲ ..
ﻋﻤﺎﺭ ﺣﻀﻨﻬﺎ ... ﻭﻫﻮ ﺣﺎﻁ ﻳﺪﻩ ﻭﺭﺍ ﺿﻬﺮﻫﺎ ﻭﻳﺪﻩ ﺍﻟﺘﺎﻧﻴﻪ ﻉ ﺧﺪﻫﺎ ﻭﺍﻧﻔﻪ ﻣﻼﻣﺲ ﺍﻧﻔﻬﺎ : ﺗﻌﺮﻓﻲ ﺭﻭﺣﻚ ﻭﻣﻜﺎﻧﺘﻚ ﻋﻨﺪﻱ ﻏﻴﻴﻴﻴﻴﻴﺮ ﺍﻟﻐﻴﻴﻴﻴﻴﻴﻴﺮ ... ﻟﻜﻦ ﺭﺩ ﺑﺎﻟﻚ ﺗﺴﺘﻔﺰﻳﻨﻲ ﻓﻤﺒﺎﺩﺋﻲ ..
ﺩﻻﻝ : ﻣﻤﻜﻦ ﻳﺠﻲ ﻳﻮﻡ ﻭﺗﻘﺘﻠﻨﻲ ﻉ ﺧﺎﻃﺮ ﻣﺒﺎﺩﺋﻚ ..
ﺑﺎﺳﻬﺎ ﺑﺸﻐﻒ ﺷﺪﻳﺪ ...💕 ﻭﻫﻲ ﻣﺎﺑﺎﺩﻻﺗﺎﺵ ﻟﻜﻦ ﻣﺎﻗﺎﻭﻣﺘﺶ ﻛﺎﻧﺖ ﺧﺎﻳﻔﻪ ﺑﺲ ....
ﺑﻌﺪ ﻭﻫﻮ ﻳﺸﻮﻑ ﻟﻌﻴﻮﻧﻬﺎ : ﺍﻧﺘﻲ ﻓﻮﻕ ﻛﻞ ﺍﻟﻤﺒﺎﺩﺉ ﺭﺍﻙ ... ﻗﺼﺪﻱ ﻣﻦ ﻛﻼﻣﻲ ﺍﻥ ﻛﻞ ﻭﺍﺣﺪ ﻓﻴﻨﺎ ﻳﺤﺘﺮﻡ ﺍﻟﺘﺎﻧﻲ ﻭﻳﺤﺘﺮﻡ ﻣﺒﺎﺩﺋﻪ
ﺍﻹﺣﺘﺮﺍﻡ ﻗﺒﻞ ﻛﻞ ﺷﻲ ﺭﺍﻫﻮ ...
ﺩﻻﻝ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ...
ﻋﻤﺎﺭ ﺑﻌﺸﻖ : ﻣﺎﺯﺍﻝ ﻣﺎﺗﺒﻴﺶ ﺗﺤﻨﻲ ... ﺍﺭﺣﻤﻴﻨﻲ ﻳﺮﺣﻤﻚ ﺍﻟﻠﻪ💓
ﺩﻻﻝ ﺑﻌﺪﺍﺗﻪ : ﺑﻨﻜﻠﻤﻚ ﻓﻲ ﻣﻮﺿﻮﻉ 💓..
ﻋﻤﺎﺭ ﺗﻨﻬﺪ ﻭﺑﻌﺪ ﻭﺣﻂ ﺍﻳﺪﻳﻪ ﻭﺭﺍ ﻇﻬﺮﻩ ﻭﻫﺎﻟﻤﺮﺓ ﻋﺼﺐ .. ﺑﺲ ﺣﺎﻭﻝ ﻳﺸﺪ ﺭﻭﺣﻪ : ﺷﻦ ﻫﻮ؟
ﺩﻻﻝ : ﻧﺒﻲ ﻧﻤﺸﻲ ﻷﻫﻠﻲ ﺯﺍﻳﺮﺓ ..
ﻋﻤﺎﺭ ﺿﻴﻖ ﻋﻴﻮﻧﻪ : ﺍﻫﺎ ... ﺍﻣﺲ ﺍﻣﻲ ﻟﻤﺤﺘﻠﻲ ﺑﺤﺎﺟﻪ ﻛﻴﻒ ﻫﺪﻱ ..
ﺩﻻﻝ : ﺍﺣﻤﻢ ... ﺍﻣﺘﻰ ﺑﺎﻫﻲ ..
ﻋﻤﺎﺭ ﻓﻜﺮ ﺷﻮﻳﻪ ﺑﻌﺪﻳﻦ ﻗﺎﻝ : ﺑﻌﺪ ﻏﺪﻭﺓ .... ﻭﻟﻒ ﻭﻭﻻ ﻟﻤﻜﺘﺒﻪ ..
ﻭﻫﻲ ﺷﺒﺤﺘﻠﻪ ﺷﻮﻳﻪ ﻭﺣﺴﺖ ﺍﻧﻪ ﺍﺿﺎﻳﻖ ...
ﻟﻜﻦ ﻃﻠﻌﺖ ﻃﻮﻝ ...
ﻫﻮ ﺗﻨﻬﺪ ... ﻭﻓﺶ ﻏﻠﻪ ﻓﻲ ﺍﻟﻮﺭﺍﻕ ﺍﻟﻠﻲ ﻗﺪﺍﻣﻪ ...
🍁🍁🍁🍁🍁🍁🍁🍁🍁🍁🍁🍁
ﺍﻟﻤﺪﺍﻡ ﺑﻨﻴﺘﻬﺎ ﺿﻌﻴﻔﻪ ... ﻭﻫﻲ ﺣﺎﻟﻴﺎ ﺣﺎﻣﻞ ﻓﻲ ﻋﻤﺮ ﻣﺘﻘﺪﻡ ﺗﺒﻲ ﺭﻋﺎﻳﺔ ﺻﺤﻴﺔ ﻭﻻﺯﻡ ﻣﺎﺗﺒﺪﻟﺶ ﺟﻬﺪ ﺧﻼﻝ ﻓﺘﺮﺓ ﺣﻤﻠﻬﺎ ..
ﺳﻌﺪ : ﺷﻦ ﺣﺎﻟﻬﺎ ﺗﻮﺍ ..
ﺍﻟﺪﻛﺘﻮﺭﺓ : ﺭﻛﺒﻨﺎﻟﻬﺎ ﺍﻟﺴﻴﺮﻭﻡ ﻭﺣﺘﻘﻌﺪ 5 ﺳﺎﻋﺎﺕ .. ﻧﺮﺟﻊ ﻭﻧﻌﺎﻭﺩ ﺍﻫﺘﻤﻮﺍ ﺑﻴﻬﺎ ...
ﺳﻌﺪ ﺗﻨﻬﺪ ﺑﺄﻟﻢ : ﺇﻥ ﺷﺎﺀ ﺍﻟﻠﻪ ...
ﺍﻟﺪﻛﺘﻮﺭﺓ : ﻻﺑﺎﺱ ﻋﻠﻴﻬﺎ .. ﻭﻣﺸﺖ ...
ﻉ ﺟﻴﺔ ﻋﻤﺎﺩ ﺑﺨﻮﻑ : ﺑﻮﻱ !
ﺳﻌﺪ : ﻗﻠﺘﻠﻜﻢ ﺍﻣﻜﻢ ﺗﻌﺒﺎﻧﻪ ..
ﻋﻤﺎﺩ ﺑﺤﺪﻩ : ﺍﻣﻲ ﺗﻌﺒﻬﺎ ﻧﻔﺴﻲ ...
ﺳﻌﺪ : ﻛﻠﻤﺘﻪ ﻫﻠﺒﻪ ﻣﺎﺭﺩﺵ ..
ﻋﻤﺎﺩ ﻗﻌﺪ ﺳﺎﻛﺖ ﺷﻮﻳﻪ ﺑﻌﺪﻳﻦ ﻗﺎﻝ : ﻣﺎﺗﺒﻲ ﺷﻲ ﺑﻮﻱ ..
ﺳﻌﺪ : ﻭﻳﻦ !!
ﻋﻤﺎﺩ : ﻣﺸﻮﺍﺭ ﺿﺮﻭﺭﻱ ﻭﺟﺎﻱ ...
ﺳﻌﺪ ﻫﺰ ﺭﺍﺳﻪ ﺑﺈﻳﺠﺎﺏ ...
ﻣﺸﻲ ﻋﻤﺎﺩ ﻃﻮﻝ ....
🍁🍁🍁🍁
ﻣﻘﻌﻤﺰﺓ ﺗﻘﻠﺐ ﻓﻲ ﺍﻟﺘﻠﻔﺰﻳﻮﻥ ﺑﻤﻠﻞ ...
ﻏﻴﺮﺕ ﻋﻴﻮﻧﻬﺎ ﻟﻴﻪ ﻟﻤﺎ ﺷﺎﻓﺎﺗﻪ ﻣﺎﺷﻲ ﺟﻬﺔ ﺍﻟﺪﺍﺭ ﺍﻟﻨﻮﻡ .. ﻭﻉ ﻣﻼﻣﺢ ﻭﺟﻬﻪ ﺗﺒﺎﻥ ﺍﻟﻌﺼﺒﻴﻪ ...
ﺗﻨﻬﺪﺕ ﺑﻀﻴﻖ ﻭﺷﺒﺤﺖ ﻟﻠﺘﻠﻔﺰﻳﻮﻥ ...
ﺷﻮﻳﻪ ﻭﻏﻴﺮﺕ ﻋﻴﻮﻧﻬﺎ ﻣﻦ ﺟﺪﻳﺪ ﻟﻴﻪ ﻫﻮ ... ﻟﺒﺲ ﺑﺎﻟﻄﻮ ﺍﺳﻮﺩ .. ﻭﻃﺎﻟﻊ ... ﻣﺎﺑﺎﺵ ﻳﺸﺒﺤﻠﻬﺎ ﺑﻜﻞ ﻓﺘﺢ ﺍﻟﺒﺎﺏ ﻟﺒﺲ ﻧﻈﺎﺭﺍﺗﻪ ﻭﻃﻠﻊ ....
ﺩﻻﻝ : ﺍﻓﻔﻔﻒ .. ﻋﻼﺵ ﺍﻟﺰﻋﻞ ﻳﻌﻨﻲ ﻫﺪﺍ ﻏﻴﺮ ﻣﺘﻔﺎﻫﻤﻴﻦ ... ﺷﻦ ﻧﺪﻳﺮ ﻣﻌﺎﻩ ﻳﺎﺭﺑﻲ ... ﺣﻄﺖ ﺍﻟﺮﻳﻤﻮﺕ ﻉ ﻓﻤﻬﺎ ﻭﻗﻌﺪﺕ ﺗﻔﻜﺮ ...
ﺭﻓﻌﺖ ﺣﻮﺍﺟﺒﻬﺎ ﻭﻧﺎﺿﺖ ﻭﻫﻲ ﻣﺒﺘﺴﻤﻪ ...
💕💕💕💕💕💕💕💕💕💕💕💕💕💕💕
ﺑﻌﻮﻥ ﺍﻟﻠﻪ ﻧﻬﺎﺭ ﺍﻷﺣﺪ ﺍﻟﺠﺎﻱ ...
ﻓﺎﻃﻤﻪ : ﻉ ﺑﺮﻛﺔ ﺭﺑﻲ ...
ﻫﺎﻧﻴﺒﺎﻝ : ﺧﻼﺹ ﺣﻤﻴﺪﻩ ﺭﺍﺿﻴﻪ ﺣﺴﻤﺖ ﺍﻣﺮﻫﺎ .
ﻓﺎﻃﻤﻪ : ﺍﻳﻪ ﻳﺎﺑﻮﻱ ﺍﻳﻪ ﺭﺍﺿﻴﻪ ..
ﻫﺎﻧﻴﺒﺎﻝ : ﺭﺑﻲ ﻳﺘﻤﻢ ﻉ ﺧﻴﺮ ..... ﻫﻲ ﻣﺎﺗﻮﺻﻲ ﺷﻲ ..
ﻓﺎﻃﻤﻪ : ﻋﺪﻱ ﻣﺮﺑﻮﺣﻪ ﻳﺎﺳﻴﺪﻱ ...
ﺳﺮﺕ ﻛﺒﻮﻃﻪ ﻭﻟﺒﺲ ﻧﻈﺎﺭﺍﺗﻪ ﻭﻃﻠﻊ ...
ﺭﻥ ﺗﻠﻴﻔﻮﻧﻪ ...
ﻃﻠﻊ ﻣﻦ ﺟﻴﺐ ﺍﻟﻜﺒﻮﻁ ﺷﺎﻑ ﺍﻟﺮﻗﻢ ﺍﺑﺘﺴﻢ ﻉ ﺟﻨﺐ ﻭﻓﺘﺢ ﺍﻟﺨﻂ ..
ﻫﺎﻧﻴﺒﺎﻝ : ﺇﻱ ﻧﻌﻢ ...
ﻣﺠﺪﻭﻟﻴﻦ : ﺷﻦ ﺟﻮ ﻳﺎ ﻣﺘﻜﺒﺮ ...
ﻫﺎﻧﻴﺒﺎﻝ؛ﻣﻦ ﻣﻌﺎﻱ ..
ﻣﺠﺪﻭﻟﻴﻦ ﺑﺮﻓﻌﺔ ﺣﻮﺍﺟﺐ : ﻛﻴﻒ ﻣﺎﺳﺢ ﺭﻗﻤﻲ ﻭﻻﺷﻨﻲ ..
ﻫﺎﻧﻴﺒﺎﻝ؛ﺑﺘﻘﻮﻟﻲ ﻣﻨﻲ ﺗﻮﺍ ﻭﻻﻧﺴﻜﺮ ..
ﻣﺠﺪﻭﻟﻴﻦ ﺑﺼﺪﻣﻪ : ﺍﻧﻲ ﻣﺠﺪﻭﻟﻴﻦ ﺧﻴﺮﻙ؟
ﻫﺎﻧﻴﺒﺎﻝ : ﺍﻧﻲ ﻧﻌﺮﻑ ﻧﻮﺍﻝ ...
ﻣﺠﺪﻭﻟﻴﻦ ﺿﺤﻜﺖ ﻭﻫﻲ ﻣﻐﻤﻀﻪ ﻋﻴﻮﻧﻬﺎ ﻭﺣﺎﻃﻪ ﻳﺪﻫﺎ ﻉ ﻗﻠﺒﻬﺎ : ﺑﻜﻜﻜﻞ ﺍﻧﺖ ﺭﺍﻩ ...
ﻫﺎﻧﻴﺒﺎﻝ ﺑﻀﺤﻜﻪ : ﺷﻨﻮ ﺣﺎﻟﻚ ﻳﺎﺑﻨﺖ ..
ﻣﺠﺪﻭﻟﻴﻦ ﺑﺈﺑﺘﺴﺎﻣﻪ : ﺍﻟﺤﻤﺪ ﻟﻠﻪ ❤ ﻭﺍﻧﺖ ..
ﻫﺎﻧﻴﺒﺎﻝ : ﺍﻟﺤﻤﺪ ﻟﻠﻪ ... ﻭﺻﻞ ﺣﺪﺍ ﺣﻮﺵ ﻋﻴﺖ ﻋﺒﻮﺩﺓ ... ﺍﺳﻤﻌﻲ ﺑﻨﺴﻜﺮ ﺗﻮ ﻧﻌﺎﻭﺩﻟﻚ ﺑﻌﺪﻳﻦ ..
ﻣﺠﺪﻭﻟﻴﻦ : ﺗﻤﺎﻡ .. ﻧﺴﺘﻨﻰ ﻣﺶ ﺗﻨﺴﻰ ...
ﻫﺎﻧﻴﺒﺎﻝ ﺷﺒﺢ ﺍﻟﻘﺪﺍﻡ ﺷﺎﻑ ﻭﺣﺪﻩ ﺟﺎﻳﻪ ﻣﻦ ﺑﻌﻴﺪ : ﺗﻢ .. ﺑﺎﻟﺴﻼﻣﻪ .. ﻭﺻﻜﺮ ....
ﻣﻦ ﺑﻌﻴﺪ ﺷﻮﻱ
ﻣﺮﺍﻡ ﻭﻫﻲ ﻣﺮﺗﺒﻜﻪ " ﻳﺎﺭﺑﻲ ﺷﺪ ﻓﻴﺎ ﻭﺍﻟﻠﻪ ﺧﺎﻳﻔﻪ ﻧﻌﺘﺮ ﻧﻄﻴﺢ ﻗﺪﺍﻣﻪ "💓
ﻭﺻﻠﺖ ﻓﻲ ﺍﻟﺒﺎﺏ ﻭﻋﻴﻮﻧﻬﺎ ﻟﻮﻃﺎ ...
" ﻣﻌﻠﻴﺶ ﺍﺿﺒﺤﻲ ﻉ ﺿﻮ .."
ﻫﻲ ﻳﺪﻭﺏ ﺷﺒﺤﺘﻠﻪ : ﺑﺎﻫﻲ ..
ﺷﺒﺤﻠﻬﺎ ﺷﻮﻳﻪ ﻭﻫﻲ ﺷﺒﺤﺘﻠﻪ ..
ﻏﻴﺮ ﻋﻴﻮﻧﻪ ﻭﺷﺒﺢ ﺍﻟﻘﺪﺍﻡ ..
ﻭﻫﻲ ﻗﺮﻳﺐ ﺍﺩﻭﺥ ﺑﺎﻟﺴﻴﻒ ﻓﺘﺤﺖ ﺍﻟﺒﺎﺏ ﻭﺧﺸﺖ ... ﻟﻘﺖ ﺿﻮ ﻃﺎﻟﻊ
ﻣﺮﺍﻡ : ﻫﺎﻧﻴﺒﺎﻝ ﺑﺮﺍ ..
ﺿﻮ : ﻃﺎﻟﻌﻠﻪ ... ﺧﺸﺖ ﻣﺮﺍﻡ ﺩﺍﺧﻞ ﻭﻗﻠﺒﻬﺎ ﻳﺮﻓﺮﻑ 💓
ﺿﻮ : ﺍﻭﻭﻭﻭ ... ﺍﻳﺒﻚ ..
ﺿﺤﻚ ﻫﺎﻧﻴﺒﺎﻝ : ﻫﻲ ﺳﻘﺪ ﺭﻭﺣﻚ ﺳﺎﻟﻢ ﻳﺮﺍﺟﻲ ..
ﺿﻮ ﺑﻀﺤﻜﻪ : ﺯﻋﻢ ﻉ ﺷﻦ ﻋﺎﺯﻣﻨﺎ ﺍﻟﻘﻔﺎﺹ ﻫﺪﻯ .. ﻭﺳﻜﺮ ﺍﻟﺒﺎﺏ ..
ﻫﺎﻧﻴﺒﺎﻝ : ﻧﻌﺪﻭﺍ ﻭﻧﺸﻮﻓﻮﺍ ..
ﺿﻮ ﻭﺻﻞ ﻓﻴﻪ : ﺍﻟﺒﺴﻪ ﻭﺍﻟﻨﺒﻲ ..
ﻫﺎﻧﻴﺒﺎﻝ ﺑﻀﺤﻜﻪ : ﻣﺎﺗﻮﺻﻴﺶ ..
ﻭﻣﺸﻮﺍ ﻣﻊ ﺑﻌﺾ ﻭﻛﻤﻠﻮﺍ ﻫﺪﺭﺯﺓ
🍁🍁🍁🍁
ﺍﻟﺴﺎﻋﻪ 2:30 ﺑﻌﺪ ﺍﻟﻈﻬﺮ ....
ﻭﺗﺖ ﻃﺎﻭﻟﻪ ﻣﻌﺘﺒﺮﺓ ...
ﺩﺍﻳﺮﺓ ﺭﺯ ﺑﺎﻟﺒﺼﻠﻪ ﻭﺟﻨﺒﻪ ﻃﺎﺟﻴﻦ ﻭﻣﺴﻴﺮ ﻣﻄﺒﻮﺥ ...
ﻭﺣﺎﻃﻪ ﻛﻴﻜﻪ ﻓﻲ ﺍﻟﻜﻮﺷﻪ ...
ﺩﻻﻝ : ﺍﻣﻤﻤﻢ ... ﻳﻌﺠﺒﻪ ﺯﻋﻤﻪ ... ﻧﺤﺴﻪ ﻣﺶ ﺍﻱ ﺷﻲ ﻳﻌﺠﺒﻪ ... ﺗﺲ ...
ﺳﻤﻌﺖ ﺑﺎﺏ ﺍﻟﺤﻮﺵ ﺍﻧﻔﺘﺢ ..
ﻗﻠﺒﻬﺎ ﺩﻕ ﺑﺨﻮﻑ ﻭﺷﻌﻮﺭ ﺗﺎﻧﻲ 💓...
ﻫﻮ ﺟﺎﻫﺎ ﻭﻗﻒ ﻭﻫﻮ ﺣﺎﻁ ﺍﻳﺪﻳﻪ ﻭﺭﺍ ﻇﻬﺮﻩ ﻭﺭﺍﻓﻊ ﺣﺎﺟﺒﻪ ﺍﻹﻳﺴﺎﺭ ..
ﺩﻻﻝ ﺑﺈﺑﺘﺴﺎﻣﻪ : ﺟﻌﺎﻥ ....
ﻋﻤﺎﺭ ﺑﻀﺤﻜﻪ : ﺑﺘﺠﺮﺑﻲ ﻓﻴﺎ ..
ﺩﻻﻝ ﺑﻐﺮﻭﺭ : ﺍﻧﻲ ﻣﺤﺘﺮﻓﻪ ﻳﺎﺣﻀﺮﺓ ﺍﻟﻤﻼﺯﻡ ﺍﻭﻝ .. ﻣﺎﻓﻴﺶ ﺣﺪ ﺫﺍﻕ ﺗﻄﻴﺐ ﺩﻻﻝ ﻭﻣﺎﻫﺒﻠﺶ ﻓﻴﻪ .
ﺗﻨﻬﺪ ﻭﺍﺷﺮ ﺑﺈﻳﺪﻳﻪ ﻋﻠﻴﻬﺎ : ﺍﻧﻲ ﻫﺒﻠﺖ ﻓﺪﻻﻝ ﺑﻄﻮﺑﺘﻬﺎ ﻳﺎﺑﺎﻝ ﻃﻴﺎﺑﻬﺎ 💕
ﺩﻻﻝ ﺭﻣﺸﺖ ﻋﻴﻮﻧﻬﺎ ﺑﻐﺮﻭﺭ ﻣﺼﻄﻨﻊ ..
ﻋﻤﺎﺭ : ﻭﺩﻳﻨﻲ ﻭﻣﺎﺃﻋﺒﺪ ﻣﺎﺿﺎﻝ ﺍﻻ ﻭﺍﺧﺪﻫﺎ ... ﻭﺟﺎﻫﺎ ﻳﺠﺮﻱ ..
ﻫﻲ ﻫﺮﺑﺖ ﻭﻫﻲ ﺗﻀﺤﻚ ﺑﺮﻏﻢ ﺍﻧﻬﺎ ﻣﺎﺯﺍﻟﺖ ﺗﺘﻮﺟﻊ ﻣﻦ ﺍﻟﺤﺮﻕ ...
ﻟﻔﺖ ﻉ ﺍﻟﻄﺎﻭﻟﻪ ﺧﻄﻒ ﺟﻲ ﻗﺪﺍﻣﻬﺎ .. ﻭﺷﺪﻫﺎ ....
ﻭﻫﻲ ﻣﻴﺘﻪ ﺑﺎﻟﻀﺤﻚ ... ﺑﺎﺳﻬﺎ ﻣﻦ ﺧﺪﻫﺎ ﺑﻘﻮﺓ ﻭﻧﺘﺸﻪ ....
ﺩﻻﻝ : ﻫﻬﻬﻬﻬﻬﻬﺎﺍﻱ ... ﻳﺎﻣﺴﻤﻮﻡ ...
ﺑﻌﺪ ﻭﻗﺎﻝ ﺑﻀﺤﻜﻪ : ﻛﺮﺍﻋﻚ ﻳﺎﻣﻬﺒﻮﻟﻪ ...
ﺿﺤﻜﺖ ﻭﻗﺎﻟﺖ : ﻣﺎﺗﻮﺟﻌﺶ ﻫﻠﺒﻪ ...
ﺗﻨﻬﺪ ﻭﻫﻮ ﻳﺸﻮﻑ ﻟﻌﻴﻮﻧﻬﺎ ﻭﻗﺎﻝ ..
❣ ﻧﻈﺮﺓ ﻋﻴﻮﻧﻚ ﻋﺎﺭﻓﻚ ﻋﺎﺭﻓﻬﺎ
ﺻﺎﺩﺕ ﻭﺻﺎﺑﺖ ﻓﻲ ﺍﻟﺼﻤﻴﻢ ﻫﺪﻓﻬﺎ
ﺻﺎﺑﺖ ﻫﺪﻓﻬﺎ ﻛﻴﻒ ﻣﺎﺗﺒﻴﻬﺎ
ﺗﻌﺎﻝ ﺷﻮﻑ ﻋﻴﻨﻲ ﻛﻴﻒ ﺻﺎﻳﺮ ﻓﻴﻬﺎ
ﻻﻭﺍﻟﻔﺖ ﻉ ﺍﻟﻨﻮﻡ ﻻﻭﺍﻟﻔﻬﺎ
ﻣﺎﺗﻌﺘﺬﺭ ﺍﻷﻋﺬﺍﺭ ﻣﺎﺗﻜﻔﻴﻬﺎ
ﻛﻠﻤﺔ ﺍﻋﺬﺭﻧﻲ ﻭﻳﻦ ﺑﻨﺼﺮﻓﻬﺎ
ﻫﻲ ﻣﺎﺑﺖ ﺗﺮﺗﺎﺡ ﻟﻴﻦ ﺍﺗﺠﻴﻬﺎ
ﻓﻲ ﺍﻟﺤﺎﻝ ﺭﺍﻫﻮ ﺷﻮﻗﻬﺎ ﺟﺎﺭﻓﻬﺎ ...
ﺩﻻﻝ ﻭﻫﻲ ﺗﺸﻮﻑ ﻟﻌﻴﻮﻧﻪ ﻗﺎﻟﺖ ....
ﺍﻟﻐﺪﻱ ﺻﻘﻊ ...💕
ﻋﻤﺎﺭ ﻏﻤﺾ ﻋﻴﻮﻧﻪ ﺑﺸﺪﻩ ﻭﻫﻮ ﻳﻀﺤﻚ ...
ﺑﻌﺪ ﻋﻨﻬﺎ ﻭﺷﺪ ﺭﺍﺳﻬﺎ ﺑﺈﻳﺪﻳﻪ ﻭﺿﺮﺑﻪ ﺑﺮﺍﺳﻪ : ﻫﺎﻟﺮﺍﺱ ﺍﻟﻴﺎﺑﺲ ﻳﺒﻲ ﺍﻟﻜﺴﺮ ..
ﺩﻻﻝ ﺗﻀﺤﻚ ﻭﺧﻼﺹ ..
ﺿﺤﻚ ﻭﺑﺎﺱ ﺭﺍﺳﻬﺎ .. ﻭﻃﻠﻘﻬﺎ ﻭﻗﺎﻝ : ﻫﻲ ﻭﺗﻴﻪ ﺟﻌﺖ ..
ﺩﻻﻝ ﺑﺈﺑﺘﺴﺎﻣﻪ : ..OK
ﺿﺤﻚ ﻭﻛﻤﻞ ﻟﻠﺪﺍﺭ ﻭﺩﻗﺎﺕ ﻗﻠﺒﻪ ﻣﺪﺍﻳﺮﺓ ﻫﻮﺍﻳﻞ ...💓💓
🍁🍁🍁🍁
ﻓﺘﺤﺖ ﻋﻴﻮﻧﻬﺎ ﺑﺒﻂﺀ ...
ﺷﺎﻓﺖ ﺧﻴﺎﻻﺕ ... ﺑﻌﺪﻳﻦ ﺑﺪﺕ ﺗﺘﻮﺿﺢ ...
ﺍﻭﻝ ﻣﻦ ﺷﺎﻓﺖ ﻛﺎﻥ ﻭﻟﺪﻫﺎ ﺍﻟﻠﻲ ﻳﺬﺭﻑ ﻓﺪﻣﻮﻉ ﺗﺒﺎﻥ ﺩﻣﻮﻉ ﻧﺪﻡ ..
ﻛﻔﺎﻳﻪ ﺑﺈﺑﺘﺴﺎﻣﻪ : ﻣﻠﻮﻛﻲ ...
ﻣﺎﻟﻚ ﻗﺪﻡ ﺑﺎﺱ ﻉ ﺭﺍﺳﻬﺎ : ﺍﻣﻲ ... ﺍﻧﻲ ﻛﻠﺐ ﺳﺎﻣﺤﻴﻨﻲ ..
ﺿﺤﻜﻮﺍ ﺍﻣﻪ ﻭﺑﻮﻩ ﻭﺧﻮﺗﻪ ...
ﻋﻤﺎﺩﺑﻀﺤﻜﻪ : ﺭﺩﻱ ﺑﺎﻟﻚ ﺗﺴﺎﻣﺤﻴﻪ ﺍﻟﻜﻠﺐ ﻫﺪﺍ ...
ﻛﻔﺎﻳﻪ : ﻻﻻﻫﺪﺍ ﺣﺒﻴﺐ ﺍﻣﻪ ﺩﻛﺘﻮﺭﻱ ..
ﻋﻤﺎﺩ : ﻣﺎﻟﻚ ﺩﻛﺘﻮﺭﻙ ﻭﻣﺮﻭﺍﻥ ﺩﻛﺘﻮﺭﻙ ... ﻭﺍﻧﻲ ﻃﻴﺎﺡ ﺳﻌﺪﻙ ..
ﻛﻔﺎﻳﻪ : ﻭﻫﺎﻙ ﻗﻠﺘﻬﺎ .
ﺿﺤﻜﻮﺍ ...
ﻋﻤﺎﺩ ﺑﻀﺤﻜﻪ : ﺑﺤﺒﻚ ﻣﻬﻤﺎ ﻋﻤﻠﺘﻲ ﻓﻴﺎ ...
ﻛﻠﻬﻢ : ﻫﻬﻬﻬﻬﻬﻬﻬﻬﻬﻪ
🍁🍁🍁🍁🍁
ﻣﻘﻌﻤﺰﻳﻦ ﻳﺘﻐﺪﻭﺍ ...
ﺩﻻﻝ : ﺍﻣﻤﻢ .. ﻛﻠﻤﺖ ﻣﺎﻣﺎ ﺑﻜﺮﻱ ﻭﻗﻠﺘﻠﻬﺎ ﺍﻟﺴﺒﺖ ﺟﺎﻳﻴﻦ ..
ﻋﻤﺎﺭ ﻫﺰ ﺭﺍﺳﻪ ﺑﺈﻳﺠﺎﺏ ..
ﺩﻻﻝ : ﺑﻨﺒﺎﺕ ﻏﺎﺩﻱ ﻭﻻ؟
ﻋﻤﺎﺭ : ﻫﺌﻤﻤﻢ ... ﺑﺘﺮﻭﺣﻲ ﻓﻨﻔﺲ ﺍﻟﻠﻴﻠﻪ ...
ﺩﻻﻝ ﺣﻄﺖ ﺍﻟﻜﺸﻴﻚ : ﻛﻠﻬﺎ ﻟﻴﻠﻪ ﺑﺲ
ﻋﻤﺎﺭ ﻭﻫﻮ ﻳﺎﻛﻞ : ﻻ ...
ﺩﻻﻝ ﺑﻀﻴﻖ : ﺑﺎﻟﻠﻪ ﻋﻠﻴﻚ ﻟﻴﻠﻪ ﺑﺲ ﻭﺍﻟﻠﻪ ﺍﺳﺘﺎﺣﺸﺘﻬﻢ ﺍﻟﻠﻪ ..
ﺣﻂ ﺍﻟﻜﺎﺷﻴﻚ ﻭﺷﺒﺤﻠﻬﺎ ﻭﻫﻮ ﻳﺘﻜﻠﻢ ﺑﺠﺪﻳﻪ : ﺩﻻﻝ ﺍﻧﻲ ﻣﺎﻧﺤﺒﺶ ﻣﺮﺍﺓ ﺗﺘﺰﻭﺝ ﻭﺗﺒﺎﺕ ﺑﺮﺍ ﺣﻮﺵ ﺭﺍﺟﻠﻬﺎ .. ﺣﺘﻰ ﺧﻮﺍﺗﻲ ﻣﺎﻧﺨﻠﻴﺶ ﻓﻴﻬﻦ ﻳﺒﺎﺗﻦ ﺍﻻ ﻟﻠﻀﺮﻭﺭﺓ ﺍﻟﻘﺼﻮﻯ ... ﻟﺬﻟﻚ ﻗﺼﺔ ﺍﻟﺒﻴﺎﺕ ﻫﺪﻱ ﺍﻧﺴﻴﻬﺎﻭﺣﻮﻟﻴﻬﺎ ﻣﻦ ﺭﺍﺳﻚ ..
ﺩﻻﻝ ﺷﺒﺤﺖ ﻟﻠﺼﻮﻧﻴﻪ ﻭﻫﻲ ﻣﻀﺎﻳﻘﻪ : ﺑﺎﻫﻲ ..
ﻫﻮ ﺭﺟﻊ ﻳﺎﻛﻞ ﻣﺮﺓ ﺗﺎﻧﻴﻪ ..
ﻫﻲ ﺗﺴﻜﺮﺕ ﻧﻴﺘﻬﺎ ﻭﻧﺎﺿﺖ ..
ﻫﻮ ﺗﺠﺎﻫﻠﻬﺎ ﺑﺎﻟﻘﺼﺪ ﺑﺶ ﺗﻔﻬﻢ ﺍﻥ ﺍﻟﻠﻲ ﻗﺎﻟﻪ ﻣﺶ ﺣﻴﺮﺟﻊ ﻓﻴﻪ ..
🍃🍃🍃
ﻓﺎﺕ ﺍﻟﻴﻮﻡ ﻭﺟﻲ ﺍﻟﻴﻮﻡ ﺍﻟﻠﻲ ﺑﻌﺪﻩ
ﻭﻛﻞ ﺣﺪ ﻣﻨﻬﻢ ﻓﺠﻬﺔ ﻣﺎﻋﺪﺍ ﻓﻲ ﻭﻗﺖ ﺍﻟﻨﻮﻡ ..
ﻭﻫﻲ ﻛﺎﻧﺖ ﻣﺘﺄﻣﻠﻪ ﺍﻥ ﻣﻤﻜﻦ ﻳﻐﻴﺮ ﺭﺃﻳﻪ ﻭﻳﺮﺿﻴﻬﺎ ﻭﻳﻘﻮﻟﻲ ﺑﺎﺗﻲ ﻟﻜﻦ ﻫﻮ ﻣﺎﻋﺒﺮﻫﺎﺵ ﺑﻜﻞ ..
ﻓﻲ ﺣﺎﺟﺎﺕ ﻋﻨﺪﻩ ﻗﻮﺍﻧﻴﻦ ﻻﻳﻤﻜﻦ ﻳﻐﻴﺮﻫﺎ ...
🍃 ﺍﻟﻴﻮﻡ ﺍﻟﻠﻲ ﺑﻌﺪﻩ ..
ﻛﺎﻧﻮﺍ ﻛﻠﻬﻢ ﻓﻲ ﺍﻟﻤﺰﺭﻋﻪ ... ﺍﻟﺠﻮ ﻣﻌﺪﻝ ...
ﻓﻔﻜﺮﻭﺍ ﻳﻘﻀﻮﺍ ﻳﻮﻡ ﺍﻟﺠﻤﻌﻪ ﻓﻴﻬﺎ ...
ﺩﻻﻝ ﻛﺎﻧﺖ ﻣﻨﻘﻤﺼﻪ ﻣﻦ ﺍﻟﻤﺸﻴﻪ ﺑﺴﺒﺐ ﺿﺮﺗﻬﺎ .. ﺍﻟﻠﻲ ﻛﺎﻧﺖ ﺷﺒﺤﺎﺗﻬﺎ ﺑﺮﻭﺣﻬﻢ ﻳﺒﺜﻮﺍ ﻓﻴﻬﺎﺍﻟﺮﻋﺐ
ﻭﺻﻠﻮﺍ ﻟﻠﻤﺰﺭﻋﻪ
ﻭﻟﻘﺖ ﺍﻟﺒﻨﺎﺕ ﻣﻮﺟﻮﺩﺍﺕ ﻭﻣﻨﻬﻢ ﺳﻠﻴﻤﻪ ﺍﻟﻠﻲ ﻛﺎﻧﺖ ﻣﺘﺤﺸﻤﻪ ﻣﻨﻬﺎ ..
ﺩﻻﻝ ﺳﻠﻤﺖ ﻉ ﺍﻟﻜﻞ ﻭﻭﻳﻦ ﻭﺻﻠﺖ ﻓﻴﻬﺎ ..
ﺳﻠﻴﻤﻪ : ﻗﺎﻋﺪﻩ ﺗﻮﺟﻊ ﻓﻴﻚ ...
ﺩﻻﻝ ﺑﻀﺤﻜﻪ : ﻣﺎﺷﻴﻪ ﻋﻠﻴﻬﺎ ﺗﺸﻮﻓﻲ ﻓﻴﺎ .. ﻣﺎﺗﺤﻤﻠﻴﺶ ﺍﻟﻤﻮﺿﻮﻉ ﻓﻮﻕ ﺣﺪﻩ ..
ﺳﻠﻴﻤﻪ : ﻭﻋﻤﺎﺭ ..
ﺩﻻﻝ : ﻋﺎﺩﻱ ﺻﺪﻗﻴﻨﻲ ...
ﺍﺑﺘﺴﻤﺖ ﺳﻠﻴﻤﻪ ...
ﻫﻨﺪﺍ ﻛﺎﻧﺖ ﺗﺸﻮﻑ ﻟﺪﻻﻝ ﺑﻨﻔﺲ ﺍﻟﻨﻈﺮﻩ ...
ﻟﻌﻨﺪ ﺟﺎﻫﺎ ﻋﻤﺎﺭ : ﺷﻦ ﺍﻷﻣﻮﺭ ..
ﻫﻨﺪﺍ ﺑﺈﺑﺘﺴﺎﻣﻪ : ﺍﻟﺤﻤﺪ ﻟﻠﻪ ..
ﻋﻤﺎﺭ : ﺍﻳﻤﻦ ﺷﻦ ﺩﺍﻳﺮ ..
ﻫﻨﺪﺍ : ﺍﻧﻲ ﻗﺎﻋﺪﺓ ﺳﺎﻛﺘﻪ ﻭﺩﺍﻳﺮﺓ ﺭﻭﺣﻲ ﻣﺎﻧﻨﺪﺭﻱ ﻉ ﺷﻲ ..
ﻋﻤﺎﺭ : ﺗﻮ ﻧﺘﻔﺎﻫﻢ ﻣﻌﺎﻩ ﺍﻟﻴﻮﻡ ... ﻭﺍﺳﻤﻌﻲ ﺭﺑﺎﻳﺔ ﺍﻟﺪﻟﻊ ﻫﺪﻱ ﻣﻌﺎﺵ ﻧﺒﻴﻬﺎ ... ﻫﻨﺪﺍ ﻫﺪﻭﻡ ﻭﻻﺩ ﻻﺯﻡ ﻳﺘﺮﺑﻮﺍ ﻉ ﺍﻟﺸﺪﺓ ﻭﺍﻟﻘﻮﺓ .. ﺑﺎﻟﺪﻟﻊ ﺗﺨﺮﺑﻴﻬﻢ ﻭﻳﻀﻴﻌﻮﺍ
ﻫﻨﺪﺍ ﺗﻨﻬﺪﺕ : ﻧﺸﻮﻑ ﻓﻴﻬﻢ ﻧﺎﻗﺼﻴﻦ ﻣﻦ ﻏﻴﺮ ﺑﺎﺕ ﻳﺎﻋﻤﺎﺭ ﻛﻞ ﻣﺎﻧﺠﻲ ﻧﻘﺴﻰ ﻏﺼﺐ ﻋﻨﻲ ﻧﻠﻘﻰ ﺭﻭﺣﻲ ﻧﺤﻦ ..
ﻋﻤﺎﺭ : ﺑﺎﺗﻬﻢ ﻣﻮﺟﻮﺩ ﻳﺎﻫﻨﺪﺍ ﻛﻼﻡ ﻛﻴﻒ ﻫﺪﻯ ﻣﻌﺎﺵ ﺗﻜﺮﺭﻳﻪ ..
ﻫﻨﺪﺍ ﺍﺑﺘﺴﻤﺖ ﻭﻫﻲ ﺗﺸﻮﻓﻠﻪ : ﺣﺎﺿﺮ ..💓
ﻣﻦ ﺑﻌﻴﺪ ﺩﻻﻝ ﻛﺎﻧﺖ ﺗﺸﻮﻓﻠﻬﻢ ﺑﻄﺮﻑ ﻋﻴﻨﻬﺎ ... ﻭﺗﻔﺮﻙ ﻓﻲ ﺍﻳﺪﻳﻬﺎ ﺑﺒﻌﺾ ... ﻭﻣﻼﻣﺢ ﺍﻟﻐﻀﺐ ﺑﺎﻳﻨﺎﺕ ﻉ ﻭﺟﻬﻬﺎ ..
ﺷﻮﻳﻪ ﻭﺷﺎﻓﺘﻬﻢ ﺑﺪﻭﺍ ﻳﺘﻤﺸﻮﺍ ﻭﺑﻌﺪﻭﺍ ﻋﻨﻬﻢ ...
ﻫﻲ ﻣﺎﻗﺪﺭﺗﺶ ﺗﺘﺤﻤﻞ ...
ﻣﺸﺖ ﺑﺘﻠﺤﻘﻬﻢ ..
ﺍﻣﻴﻨﻪ ﻭﺍﺻﺎﻟﻪ ﻳﺮﺍﻗﺒﻮ ﻓﻲ ﺍﻟﻮﺿﻊ ..
ﺍﻣﻴﻨﻪ : ﻳﺎﻣﺎ ﺟﺎﻳﻪ ﻣﻦ ﺻﺪﺍﻉ ﻋﻤﺎﺭ ..
ﺍﺻﺎﻟﻪ : ﻫﻬﻬﻬﻬﻬﻪ ...
ﻗﻌﺪﺕ ﺗﻤﺸﻲ ﻭﺭﺍﻫﻢ ﺑﻤﺴﺎﻓﻪ ....
ﻭﻫﻲ ﺗﻐﻠﻲ ﻏﻠﻲ ... ﻟﻌﻨﺪ ﻣﺎﺟﺎﻫﺎ ﺍﻳﻤﻦ ﻭﻟﺪ ﻫﻨﺪﺍ ...
ﺍﻳﻤﻦ : ﻟﻴﺶ ﺗﻠﺤﻘﻲ ﻓﺒﺎﺗﻲ ﻭﺍﻣﻲ ..
ﻭﻗﻔﺖ ﺩﻻﻝ ﻭﺷﺒﺤﺘﻠﻪ : ﻣﺎﻧﻠﺤﻘﺶ ﻓﻴﻬﻢ ..
ﺍﻳﻤﻦ : ﺧﻞ ﺑﺎﺗﻲ ﻷﻣﻲ ﻣﻦ ﻳﻮﻡ ﺧﺪﺗﻴﻪ ﻭﺍﻣﻲ ﺗﺒﻜﻲ ﻛﻞ ﻳﻮﻡ ...
ﺩﻻﻝ ﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ ..
ﺍﻳﻤﻦ : ﻫﺪﻯ ﺑﺎﺗﻲ ﻏﺼﺐ ﻋﻨﻚ ﻭﻟﻴﻨﺎ ﺣﻨﻲ ﻭﺍﻣﻲ ﺑﺲ
ﺩﻻﻝ ﺷﺎﻓﺖ ﻓﻌﻴﻮﻥ ﺍﻳﻤﻦ ﺩﻣﻮﻉ ﻣﻤﺰﻭﺟﻪ ﺑﻜﺮﻩ ﺷﺪﻳﺪ ...
ﺷﺒﺤﺖ ﺟﻬﺔ ﻋﻤﺎﺭ ﻭﻫﻨﺪﺍ ﻟﻘﺘﻬﻢ ﻭﻗﻔﻮﺍ ﺣﺪﺍ ﺍﻟﺴﻴﺎﺝ ﻭﻳﻬﺪﺭﺯﻭﺍ ...
ﺩﻣﻮﻋﻬﺎ ﻃﺎﺣﻮﺍ ﻭﻟﻔﺖ ﻭﻣﺸﺖ ...
🍁🍁🍁🍁🍁🍁🍁🍁
ﻭﺍﻟﻠﻪ ﺷﻦ ﺑﻨﻘﻮﻟﻚ ﺍﻧﻲ ﺑﺎﻳﺮﺓ ﺩﺭﺟﻪ ﺍﻭﻟﻰ ..
ﻃﺎﺭﻕ : ﻻﺍﺍﺍ ﻣﺎﺍﺗﻔﻘﻨﺎﺵ ﻫﻚ .. ﺍﻧﻲ ﺭﺍﺟﻞ ﻧﺤﺐ ﻧﺎﻛﻞ ﻃﻴﺎﺏ ﺍﻟﺤﻮﺵ .. ﻭﻣﻌﺎﺭﻓﻲ ﻭﺍﺟﺪ ﻭﻋﺰﺍﻳﻤﻲ ﻭﺍﺟﺪ ..
ﺭﺑﺎﺏ ﺿﺤﻜﺖ ﺑﺮﺑﻜﻪ ﻭﻗﺎﻟﺖ : ﻭﺍﻟﻠﻪ ﺍﻧﻲ ﻣﻦ ﺍﻷﻭﻝ ﻋﺎﺭﻓﻪ ﺍﻥ ﻣﺎﻓﻴﺶ ﻧﺼﻴﺐ ﻏﻴﺮ ﻧﻀﻴﻌﻮﺍ ﻓﻲ ﺍﻟﻮﻗﺖ ..
ﻃﺎﺭﻕ : ﻫﻬﻬﻬﻬﻬﻬﻬﻬﻬﻬﻪ .. ﻣﺴﺘﺴﻠﻤﻪ ﺩﻳﻤﺎ ﺍﻧﺘﻲ .. ﻳﺎﺑﻨﺘﻲ ﺷﺪﻱ ﻓﻴﺎ ﺷﻮﻳﺔ ﺑﺲ ﻗﻮﻟﻲ ﺣﺎﺿﺮ ﺗﻮ ﻧﺘﻌﻠﻢ .... ﻧﺤﺎﻭﻝ ... ﻫﻚ ﻳﻌﻨﻲ ..
ﺭﺑﺎﺏ ﺑﻀﺤﻜﻪ : ﺗﺠﻲ ﻣﻨﻲ ﺧﻴﺮ ..
ﻃﺎﺭﻕ ﺑﻀﺤﻜﻪ : ﺗﻌﺮﻓﻲ ﻭﺍﻟﻠﻪ ﻛﻞ ﻳﻮﻡ ﻧﺰﻳﺪ ﻧﺘﻤﺴﻚ ﺑﻴﻚ ﺍﻛﺜﺮ ﺧﻔﺔ ﺩﻣﻚ ﻭﺭﻭﺣﻚ ﺍﻟﺤﻠﻮﺓ ﻣﺨﻠﻴﺘﻨﻲ ﻧﻘﻄﻊ ﻣﻦ ﻭﻗﺘﻲ ﻉ ﻗﺪ ﻣﺎﻧﻘﺪﺭ ﺑﺶ ﻧﺤﻜﻲ ﻣﻌﺎﻙ ...
ﺭﺑﺎﺏ ﺍﺑﺘﺴﻤﺖ ﺑﺨﺠﻞ : ﺭﺑﻲ ﻳﺤﻔﻈﻚ ..
ﻃﺎﺭﻕ : ﻫﻬﻬﻬﻬﻬﻬﻬﻬﻬﻬﻬﻪ .
ﺭﺑﺎﺏ ﺑﻀﺤﻜﻪ : ﺣﻤﺎﺭﺓ ﻓﻲ ﺍﻟﺮﺩﻭﺩ ﻉ ﺍﻟﻜﻼﻡ ﺍﻟﺤﻠﻮ ﺭﻩ ..
ﻃﺎﺭﻕ ﺑﻀﺤﻜﻪ : ﻻ ﺷﻜﻠﻲ ﺑﻨﻌﺎﻧﻲ ﻭﺍﺟﺪ ..
ﺭﺑﺎﺏ ﺑﻀﺤﻜﻪ : ﻗﺘﻠﻚ ﻧﻀﻴﻌﻮﺍ ﻓﻲ ﺍﻟﻮﻗﺖ ..
ﻃﺎﺭﻕ : ﻫﻬﻬﻬﻬﻬﻬﻬﻬﻬﻪ ...
❤❤❤❤❤❤
ﻣﻦ ﺟﻬﺔ ﺗﺎﻧﻴﻪ ...
ﻛﺎﻧﺖ ﺯﻳﻨﺐ ﺗﺘﻜﻠﻢ ﻉ ﺍﻷﺭﺿﻲ ...
ﺯﻳﻨﺐ : ﺗﻔﻀﻠﻮﺍ ﺑﻌﺪ ﻏﺪﻭﺓ ﺍﻥ ﺷﺎﺀ ﺍﻟﻠﻪ ........... ﺇﻥ ﺷﺎﺀ ﺍﻟﻠﻪ ﺇﻥ ﺷﺎﺀ ﺍﻟﻠﻪ .......... ﻫﻲ ﺑﺎﻟﺴﻼﻣﻪ .. ﺑﺎﻟﺴﻼﻣﻪ .... ﻭﺻﻜﺮﺕ ...
ﺟﺘﻬﺎ ﺭﺍﻧﻴﺎ ﺍﻟﻠﻲ ﻛﺎﻧﺖ ﺗﺴﻤﻊ ﻓﻴﻬﺎ ﺗﺘﻜﻠﻢ : ﻣﻨﻮ ﻣﺎﻣﺎ ..
ﺯﻳﻨﺐ : ﻣﻮﺿﻮﻉ ﻷﺧﺘﻚ ..
ﺭﺍﻧﻴﺎ ﻓﻨﺼﺖ .. ﻭﺍﻣﻬﺎ ﻓﺎﺗﺖ ﻣﻦ ﺣﺪﺍﻫﺎ ﻭﻣﺸﺖ ﻟﻠﻜﻮﺟﻴﻨﻪ ..
ﻣﺸﺖ ﻃﻮﻝ ﺭﺍﻧﻴﺎ ﺗﺠﺮﻱ ﻷﺧﺘﻬﺎ ...
ﺧﺸﺖ ﺍﻟﺪﺍﺭ ...
ﺭﺑﺎﺏ ﺧﺎﻓﺖ ﻟﻤﺎ ﺷﺎﻓﺘﻬﺎ ﻫﻜﻲ : ﺑﻨﺼﻜﺮ ﺗﻮﺍ ﻃﺎﺭﻕ ..... ﺗﻤﺎﻡ .... ﺑﺎﻱ .. ﺻﻜﺮﺕ ... ﺷﺒﺤﺖ ﻷﺧﺘﻬﺎ ﻭﻗﺎﻟﺖ .. ﺣﻤﺰﺓ !!
ﺭﺍﻧﻴﺎ : ﻻ ﺍﻣﻚ ﺗﻮﺍ ﻛﺎﻧﺖ ﺗﺘﻜﻠﻢ ﻓﻲ ﺍﻟﺘﻠﻴﻔﻮﻥ ﻓﻲ ﻧﺎﺱ ﺟﺎﻳﻨﻴﻚ ﻳﺎﺑﻨﺘﻲ ...
ﺭﺑﺎﺏ : ﻧﺎﺱ ﻣﻨﻲ !!! ؟؟
ﺭﺍﻧﻴﺎ : ﻣﺎﻧﻌﺮﻓﺶ ﻧﺴﻤﻊ ﻓﻲ ﺍﻣﻲ ﺗﻘﻮﻝ ﺗﻔﻀﻠﻮﺍ ﺑﻌﺪ ﻏﺪﻭﺓ ..
ﺭﺑﺎﺏ : ﺳﺎﻫﻠﻪ .. ﺑﻨﺮﺩﻫﻢ ...
ﺭﺍﻧﻴﺎ : ﻭﻛﺎﻥ ﻗﺎﻟﻮﻟﻚ ﻋﻼﺵ ..
ﺭﺑﺎﺏ؛ﻣﺎﻧﺒﻴﺶ ﻣﺶ ﺑﺎﻟﺴﻴﻒ ...
ﺭﺍﻧﻴﺎ : ﺷﻜﻠﻚ ﻧﺎﺳﻴﻪ ﺍﺧﺮ ﻣﺮﺓ ﺑﺎﺑﺎ ﺷﻦ ﻗﺎﻝ .. ﺍﻭﻝ ﻣﻮﺿﻮﻉ ﻳﺠﻴﻚ ﺑﻴﻮﺍﻓﻖ ﻣﺎﻧﻌﺮﻓﺶ ﺑﻨﺖ ﺗﻘﻌﺪﻟﻲ ﻣﻘﻌﻤﺰﺓ ﻓﻲ ﺍﻟﺤﻮﺵ .
ﺭﺑﺎﺏ ﺑﻼﻣﺒﺎﻻﺓ : ﺑﻠﻌﺎﻧﻲ ﻗﺎﻟﻬﺎ ﻳﺒﻴﻨﻲ ﻧﻜﻤﻞ ﻗﺮﺍﻳﻪ ﻭﻻﻧﺨﺪﻡ ...
ﺭﺍﻧﻴﺎ : ﻭﻛﺎﻥ ﻣﺎﻃﻠﻌﺶ ﻫﻜﻲ ..
ﺭﺑﺎﺏ ﺑﻨﺮﻓﺰﺓ : ﺍﻃﻠﻌﻲ ﻣﻦ ﺑﺤﺪﺍﻱ ﺗﺮﺍ ..
ﺭﺍﻧﻴﺎ ﺷﻘﻠﺒﺖ ﻋﻴﻮﻧﻬﺎ ﻭﻃﻠﻌﺖ ... ﻭﺧﻠﺖ ﺍﺧﺘﻬﺎ ﺗﻔﻜﺮ ﻓﻜﻼﻣﻬﺎ ﻭﺑﺪﺕ ﺗﺨﺎﻑ ...
ﻉ ﺟﻴﺔ ﺳﻨﺪ : ﺭﺑﺎﺏ ﺑﻮﻱ ﻗﺎﻟﻚ ﺣﺪﺩﻳﻠﻨﺎ ﺍﻟﺴﻮﺍﺭﻱ ﺍﻟﻌﺮﺑﻴﻪ ...
ﺭﺑﺎﺏ ﺗﺄﻓﻔﺖ ﺑﺘﺬﻣﺮ : ﻭﻗﺘﻜﻢ ﻭﻭﻗﺖ ﺳﻮﺍﺭﻳﻜﻢ ..
ﺩﺳﺖ ﺍﻟﺘﻠﻴﻔﻮﻥ ﻓﻲ ﺟﻴﺒﻬﺎ ﻭﻧﺎﺿﺖ ...
🍁🍁🍁🍁🍁🍁🍁
ﻋﺪﻱ ﻣﻊ ﻣﺎﻣﺎ ﻟﻌﻤﺎﺗﻚ ﻫﻲ ...
ﻣﺨﺘﺎﺭ ﻭﻟﺪ ﻣﺤﻤﻮﺩ : ﺣﺎﺿﺮ ﻳﺎﺑﺎﺗﻲ ..
ﻋﻤﺎﺭ ﺍﺑﺘﺴﻢ ...
ﻭﻫﻨﺪﺍ ﺍﺑﺘﺴﻤﺖ ﻭﺧﺪﺕ ﻭﻟﺪﻫﺎ ﻭﻣﺸﺖ ... ﻟﺤﻤﻮﺍﺗﻬﺎ ﻭﻋﺰﻭﺯﺗﻬﺎ ..
ﻫﻮ ﻗﻌﺪ ﻳﺪﻭﺭ ﺑﻌﻴﻮﻧﻪ ... ﺗﻼﺷﺖ ﺍﺑﺘﺴﺎﻣﺘﻪ ﻟﻤﺎ ﻣﺎﻟﻘﻬﺎﺵ ..
ﻋﻤﺎﺭ : ﺩﻻﻝ ﻭﻳﻦ؟
ﻛﺎﻣﻠﻪ : ﻗﺎﻟﺖ ﺑﺘﺘﻤﺸﻰ ﻓﻲ ﺍﻟﻤﺰﺭﻋﻪ ..
ﻋﻤﺎﺭ ﻫﺰ ﺭﺍﺳﻪ ﺑﺈﻳﺠﺎﺏ ﻭﻣﺸﻲ ﻳﺪﻭﺭ ﻋﻠﻴﻬﺎ ...
...💔🌸
ﻣﻘﻌﻤﺰﺓ ﻓﻲ ﻣﻜﺎﻥ ﻣﺎ ﻣﻦ ﺍﻟﻤﺰﺭﻋﻪ ﺑﺮﻭﺣﻬﺎ ﻭﺗﺒﻜﻲ ..
ﺣﺎﺳﻴﻦ ﺑﺸﻌﻮﺭﻫﺎ ﺍﻛﻴﺪ .. ﺣﻄﻴﺘﻮﺍ ﻧﻔﺴﻜﻢ ﻓﻲ ﻣﻜﺎﻧﻬﺎ ...
ﻟﻤﺎ ﺗﺘﺒﺪﻝ ﺣﻴﺎﺗﻚ ﻓﺠﺄﺓ ﻭﺗﻠﻘﻲ ﺭﻭﺣﻚ ﺍﻧﺤﻄﻴﺘﻲ ﻓﻲ ﻭﺿﻊ ﻣﺠﺒﺮﺓ ﺍﻧﻚ ﺗﺘﻌﺎﻳﺸﻲ ﻣﻌﺎﻩ .. ﺑﺲ ﻣﺶ ﻋﺎﺭﻓﻪ ﻛﻴﻒ ...
ﻛﻞ ﻣﺎﺗﺤﺎﻭﻟﻲ ﺗﺘﻘﺒﻠﻲ .. ﻳﺼﻴﺮ ﻣﻌﺎﻙ ﺷﻲ ﻳﺨﻠﻴﻚ ﺗﻨﻔﺮﻱ .. ﺗﺤﺴﻲ ﺍﻥ ﺍﻟﺤﻜﺎﻳﻪ ﺗﺰﻳﺪ ﺗﺼﻌﺐ ﻋﻠﻴﻚ ﺃﻛﺜﺮ ﻭﺍﻛﺜﺮ ...
" ﺍﺭﺣﻤﻲ ﻋﻴﻮﻧﻚ ﺷﻮﻱ .."
ﺩﻻﻝ ﻣﺎﺑﺘﺶ ﺗﺮﺩ ..
ﺗﻨﻬﺪ ﻭﻗﻌﻤﺰ ﺟﻨﺒﻬﺎ ...
ﻋﻤﺎﺭ : ﻗﻠﺒﻲ ﺧﻴﺮﻩ 💓...
ﺩﻻﻝ ﺷﺒﺤﺘﻠﻪ : ﻋﻼﺵ ﺗﺰﻭﺟﺘﻨﻲ ...
ﻋﻤﺎﺭ ﺑﻀﺤﻜﻪ : ﻋﻠﻴﻚ ﺳﺆﺍﻝ ..
ﺩﻻﻝ : ﻧﺘﻜﻠﻢ ﺟﺪ ...
ﻋﻤﺎﺭ ﺗﻨﻬﺪ : ﻷﻧﻲ ﻧﺤﺒﻚ ﻭﻧﺒﻴﻚ ﻭﻣﺎﻧﻘﺪﺭﺵ ﻧﻌﻴﺶ ﻣﻦ ﻏﻴﺮﻙ ..
ﺩﻻﻝ : ﺑﺎﻫﻲ ﺳﺆﺍﻝ ﺗﺎﻧﻲ ﻭﻧﺒﻲ ﺍﺟﺎﺑﻪ ﺻﺮﻳﺤﻪ ...
ﻋﻤﺎﺭ ﺍﺑﺘﺴﻢ : ﺷﻨﻮ؟ !
ﺩﻻﻝ ﺷﺒﺤﺘﻠﻪ ﺷﻮﻳﻪ ﻭﻗﺎﻟﺖ : ﺍﻧﺖ ﺗﺤﺐ ﻫﻨﺪﺍ؟
ﻋﻤﺎﺭ : ﻫﻬﻬﻬﻬﻬﻬﻪ ﻳﺎﻭﺍﻟﻠﻪ ﻋﻠﻴﻚ ﺃﺳﺌﻠﻪ ﺗﺴﺄﻟﻲ ﻓﻴﻬﻦ ...
ﺩﻻﻝ ﺑﺤﺪﻩ : ﺑﺎﻫﻲ ﺷﻦ ﺍﺩﻳﺮ ﻣﻌﺎﻫﺎ ﻭﺷﻦ ﺗﻬﺪﺭﺯﻭﺍ ...
ﻋﻤﺎﺭ ﺿﺤﻚ ﺑﺮﻓﻌﺔ ﺣﻮﺍﺟﺐ : ﺗﻐﺎﺍﺍﺍﺍﺭﻱ 💕💕💕
ﺩﻻﻝ ﻭﺟﻬﻬﺎ ﻭﻻﺍﺣﻤﺮ : ﻻﻏﻴﺮﺓ ﻻﺳﻮ ...
ﻋﻤﺎﺭ : ﻫﻬﻬﻬﻬﻬﻬﻬﻬﻬﻬﻬﻪ .. ﻻﻻ ﺧﻼﺹ ﻭﺍﻟﻠﻪ ﻣﺎﻋﻨﺪﻙ ﻣﺎﺗﻘﻮﻟﻲ ﻭﻻﺗﻠﻔﻲ ﻭﺍﺩﻭﺭﻱ ... ﺍﻧﻜﺸﻔﺘﻲ ﺧﻼﺹ ..
ﺩﻻﻝ ﺷﺎﺩﻩ ﺿﺤﻜﺘﻬﺎ : ﺭﻳﺘﻮﺍ ﺍﻟﻠﻲ ﻛﺬﺏ ﺍﻟﻜﺬﺑﻪ ﻭﺻﺪﻗﻬﺎ ..
ﻋﻤﺎﺭ ﻟﻒ ﺫﺭﺍﻋﻪ ﻋﻠﻴﻬﺎ ﻭﻗﺮﺑﻬﺎ ﻟﻴﻪ ﻭﻫﻮ ﻳﺸﻮﻑ ﻟﻌﻴﻮﻧﻬﺎ : ﻋﻴﻮﻧﻚ ﺍﻟﺤﻠﻮﺍﺕ ﻫﺪﻳﻦ ﻗﺎﻟﻮﻟﻲ ﺗﻜﺬﺏ ﻋﻠﻴﻚ ﺭﺍﻫﻲ .. ﻭﺗﺒﻴﻚ ﻛﻴﻒ ﻣﺎﺗﺒﻴﻬﺎ .. ﻏﻴﺮ ﺗﻜﺎﺑﺮ ..
ﺩﻻﻝ ﺷﺎﻓﺖ ﻟﻌﻴﻮﻧﻪ ﻭﻧﺒﺾ ﻗﻠﺒﻬﺎ ﻣﺘﺴﺎﺭﻉ .. ﻭﺍﻟﺴﺒﺐ ﺍﻷﻭﻝ ﻓﻲ ﺣﺎﻟﺘﻬﺎ ﻫﺎﺩﻱ ﺭﻳﺤﺔ ﻋﻄﺮﻩ .
ﺩﻻﻝ : ﺷﻦ ﻧﻮﻉ ﺑﺮﻓﺎﻧﻚ
ﻋﻤﺎﺭ : ﻫﻬﻬﻬﻬﻬﻬﻬﻬﻬﻪ
ﺩﻻﻝ : ﻧﺴﺄﻝ ﻓﻴﻚ ﺑﺠﺪﻳﺎﺕ
ﻋﻤﺎﺭ ﺍﺑﺘﺴﻢ ﻭﻫﻮ ﻳﻮﺯﻉ ﻓﻨﻈﺮﻩ ﻉ ﻣﻼﻣﺤﻬﺎ : ﻳﺎﺳﺘﻲ ﻋﻄﺮﻱ ﺟﻴﻔﻨﺸﻲ
ﺍﺑﺘﺴﻤﺖ ﻟﻤﺎ ﺳﻤﻌﺎﺗﻪ ﻧﻄﻖ ﺍﻷﺳﻢ ﺑﺎﻟﻠﻜﻨﻪ ﺍﻟﺒﺪﻭﻳﻪ
ﻋﻤﺎﺭ : ﺗﺒﻲ ﺍﻹﺳﻢ ﻛﺎﻣﻞ ﺟﻴﻔﻨﺸﻲ ﺯﺭﻳﻮﺱ ﺭﻭﺝ
ﺩﻻﻝ ﺑﻀﺤﻜﻪ : ﺑﺠﻮﺩﺓ
ﻋﻤﺎﺭ ﺿﺤﻚ .. ﻭﺑﺎﺳﻬﺎ ﻉ ﻋﻴﻨﻬﺎ ﺍﻟﻠﻲ ﻛﺎﻧﺖ ﺣﺎﺻﻠﻪ ﻓﻴﻬﺎ ﺩﻣﻌﻪ ..
ﺑﻌﺪ ﻭﻫﻮ ﻳﺸﻮﻑ ﻟﻌﻴﻮﻧﻬﺎ ﻭﻫﻲ ﺗﺸﻮﻓﻠﻪ ..
ﻋﻤﺎﺭ : ﺍﻧﻲ ﻣﺴﺆﻭﻝ ﻋﻦ ﻋﻴﺎﻝ ﺍﻟﻤﺮﺣﻮﻡ ﻣﺎﻟﻬﻤﺶ ﻏﻴﺮﻱ ﻭﺍﻧﻲ ﻋﻤﻬﻢ ﻭﺍﻭﻟﻰ ﺑﻴﻬﻢ ... ﻟﻬﺎﻟﺴﺒﺐ ﺧﺪﻳﺖ ﻗﺮﺍﺭ ﺍﻧﻲ ﻧﺮﺩﻫﺎ ﻋﺸﺎﻧﻬﻢ ..
ﻭﻋﺸﺎﻥ ﺍﻣﻲ ﻭﺑﺎﺗﻲ ... ﻭﺭﻩ ﻻﺍﻧﻲ ﻭﻻﻫﻲ ﺗﺰﻭﺟﻨﺎ ﻻﺳﺒﺎﺏ ﺗﺎﻧﻴﻪ ﺍﺧﻄﻰ ﻋﻮﻳﻞ ﻣﺤﻤﻮﺩ ﺍﻟﻠﻪ ﻳﺮﺣﻤﻪ .
ﺩﻻﻝ " ﻋﻨﺪﻙ ﺍﻧﺖ ﺑﺲ .."
ﻋﻤﺎﺭ ﺷﺒﺢ ﺍﻟﻘﺪﺍﻡ ﻭﻗﺎﻝ : ﺍﺗﻔﻘﺖ ﻣﻌﺎﻫﺎ ﺍﻥ ﺣﻴﺠﻴﻨﻲ ﻳﻮﻡ ﻭﻧﺘﺰﻭﺝ ﻭﻫﺪﻯ ﺣﻘﻲ ﻭﻫﻲ ﻣﺎﺍﻋﺘﺮﺿﺘﺶ ﻫﻤﻬﺎ ﻛﻠﻪ ﺗﺮﺑﻲ ﺿﺮﺍﺭﻳﻬﺎ ﻭﺑﺲ ... ﻣﺮﻥ ﺍﻟﺴﻨﻴﻦ ﻭﻋﻮﻳﻞ ﻣﺤﻤﻮﺩ ﻛﺒﺮﻭﺍ ﻉ ﺍﻳﺪﻳﺎ ﺍﻧﻲ ﻭﺑﺎﺗﻲ ﻭﺣﺴﻴﺖ ﺭﻭﺣﻲ ﺑﺎﺗﻬﻢ ﻣﻦ ﺟﺪ ﻭﻫﻤﺎ ﺗﻌﻠﻤﻮﺍ ﻳﻨﺎﺩﻭﻟﻲ ﺑﺎﺗﻲ ... ﻭﻧﻜﻮﻥ ﻣﻌﺎﻙ ﺻﺮﻳﺢ ... ﻧﺴﻴﺖ ﻣﻮﺿﻮﻉ ﺍﻟﺰﻭﺍﺝ .. ﻷﻧﻲ ﻟﻬﻴﺖ ﺑﻴﻬﻢ ﻭﺑﺨﺪﻣﺘﻲ .. ﺿﺤﻚ ﺑﺮﻓﻌﺔ ﺣﻮﺍﺟﺐ ﻭﻗﺎﻝ ﻭﻫﻮ ﺷﺎﺩ ﻳﺪﻫﺎ ﻭﻳﻤﺴﺢ ﻉ ﻛﻔﻬﺎ .. ﻟﻌﻨﺪ ﻣﺎﺟﻲ ﻧﻬﺎﺭ .... ﻭﻛﻠﻤﻨﻲ ﺧﺎﻟﻚ ﻭﻗﺎﻝ ﺭﻩ ﺍﻟﻬﺎﺩﻱ ﺑﻴﻌﺮﺱ ﻭﻻﺑﺪ ﺗﺠﻲ .... ﻭﻋﺪﻳﺖ ..... ﻭﻭﻳﻦ ﻋﺪﻳﺖ ﻋﺰﻣﻨﻲ ﺧﻠﻴﻔﻪ ﻋﺒﺪﺍﻟﻠﻪ .. ﻭﻋﺪﻳﺖ ﻟﺨﻠﻴﻔﻪ ﻋﺒﺪﺍﻟﻠﻪ ..... ﻭﺍﻧﻲ ﻣﺮﻭﺡ ﻣﻦ ﺣﻮﺵ ﺧﻠﻴﻔﻪ ﻓﻲ ﺍﻣﺎﻥ ﺍﻟﻠﻪ ﻻﺑﻴﺎ ﻻﻋﻠﻴﺎ .... ﺷﺒﺤﻠﻬﺎ ... ﻧﻌﺘﺮ ﻓﺠﺪﻱ ﺍﻟﺮﻳﻢ ﺍﻟﻠﻲ ﻗﻠﺐ ﺣﻴﺎﺗﻲ ﻗﻠﺐ ﻭﺧﺪﺍﻧﻲ ﻣﻨﻲ ﻭﻣﻦ ﻛﻞ ﺷﻲ ..
ﺩﻻﻝ ﺿﺤﻜﺖ ﺑﺨﺠﻞ ﻭﻗﺎﻟﺖ : ﺑﻪ ﺍﺣﻜﻴﻠﻲ ﻋﻦ ﺯﻣﺎﻥ ﻭﺍﻧﻲ ﺻﻐﻴﺮﺓ ﺗﺮﺍ ...
ﻋﻤﺎﺭ ﺍﺑﺘﺴﻢ ﻭﻗﺎﻡ ﻳﺪﻫﺎ ﻭﺑﺎﺳﻬﺎ ﻣﻦ ﺩﺍﺧﻞ ﺑﻌﺪﻳﻦ ﺷﺒﺤﻠﻬﺎ ﻭﻗﺎﻝ : ﻫﺪﻯ ﻳﺎﺳﻴﺪﻱ ﺑﻦ ﺳﻴﺪ .. ﻓﻌﺮﺱ ﺧﺎﻟﻚ ﺣﻤﻴﺪ .....
💕💕💕💕💕💕💕💕💕💕💕💕💕💕💕💕💕
ﻓﻲ ﻣﻜﺎﻥ ﻣﺎ ...
ﺗﺤﺪﻳﺪﺍ ﺍﺣﺪ ﺳﺠﻮﻥ ﺍﻟﻌﺎﺻﻤﻪ ﻃﺮﺍﺑﻠﺲ ....
ﻓﻲ ﺍﺣﺪ ﺍﻟﻌﻨﺎﺑﺮ ....
ﻛﺎﻥ ﻣﻘﻌﻤﺰ ﻳﻠﻌﺐ ﺑﺎﻟﺴﻠﺴﺔ ﻛﺎﻧﺖ ﻓﻴﺪﻩ ... ﻭﺳﺮﺣﺎﻥ ....
ﻗﻄﻊ ﻋﻠﻴﻪ ﺳﺮﺣﺎﻧﻪ ﺻﻮﺕ ﺑﺎﺏ ﺍﻟﺴﺠﻦ ﻟﻤﺎ ﺍﻧﻔﺘﺢ ....
ﺧﺶ ﺍﻟﺤﺎﺭﺱ ﻭﻭﺯﻉ ﻧﻈﺮﻩ ﻋﻠﻴﻬﻢ ﻭﺷﺒﺤﻠﻪ ....
ﺍﻟﺤﺎﺭﺱ : ﻫﺎﻳﻞ ﺻﺒﺮﻱ ﻋﺰﺍﻡ ....
ﺷﺒﺤﻠﻪ ﺑﺮﻓﻌﺔ ﺣﺎﺟﺐ ﻭﻛﻞ ﺍﻟﻤﺴﺎﺟﻴﻦ ﺷﺒﺤﻮﻟﻪ ..
ﺍﻟﺤﺎﺭﺱ ﺷﺒﺤﻠﻪ ﺑﺤﺪﻩ ﻭﻗﺎﻝ ....
" ﺇﻓﺮﺍﺝ ...."
.... ﻳﺘﺒﻊ