المتمردين

العشق المتمرد

#العشق_المتمرد

#جمان_فريد

الجزء90

.🌟
ﻣﻘﻌﻤﺰﺍﺕ ﻗﺪﺍﻡ ﺍﻟﺤﻮﺵ ..
ﺩﻻﻝ ﻓﺤﺠﺮﻫﺎ ﺑﻨﺘﻬﺎ ﺭﺍﻗﺪﻩ .. ﻭﻫﻲ ﺳﺮﺣﺎﻧﻪ ..
ﻛﺬﻟﻚ ﺭﺍﻧﻴﺎ ﻛﺎﻧﺖ ﺳﺮﺣﺎﻧﻪ ..
ﻭﻛﻞ ﻭﺣﺪﻩ ﻓﻴﻬﻢ ﺭﺍﻳﺤﻪ ﻓﻌﺎﻟﻢ ﺑﻌﻴﺪ ﻫﻠﺒﻪ ..
ﺍﻟﻠﻲ ﻣﺸﺎﺭﻛﻴﻨﻬﻢ ﻓﻴﻪ ﺑﻌﺎﺩ ﻫﻠﺒﻪ ﻫﻠﺒﻪ ..
ﻋﺎﻟﻢ ﺍﻟﺬﻛﺮﻳﺎﺕ ..
⚡ ﻓﻼﺵ ﺑﺎﻙ ..
ﺳﻨﻪ ..2004
ﻓﻲ ﺍﻟﺼﻴﻒ ..
ﻛﺎﻧﻮﺍ ﻣﻘﻌﻤﺰﻳﻦ ﻫﺎﻟﺘﻘﻌﻤﻴﺰﺓ ..
ﻛﺎﻥ ﺍﻟﻔﻼﺵ ﻣﺘﺎﻉ ﺍﻟﻀﻲ ﻣﻔﺘﻮﺡ ..
ﻭﻫﺪﺭﺯﺗﻬﻢ ﻣﻌﺒﻴﻪ ﺍﻟﻤﻜﺎﻥ ..
ﻋﻤﺮ ﻣﺤﻤﺪ ﺣﻤﺰﺓ ﻋﻤﺎﺩ ﺭﻣﺰﻱ ..
ﺩﻻﻝ ﺭﺑﺎﺏ ﺭﺍﻧﻴﺎ ..
ﻭﺣﺪﺍﻫﻢ ﺍﻟﻬﺎﺩﻱ ﻳﻬﺪﺭﺯ ﻋﻠﻴﻬﻢ ..
ﺍﻟﻬﺎﺩﻱ : ﺗﻮ ﺍﻧﺘﻦ ﺍﻟﺘﻼﺗﻪ ﺷﻬﺎﺩﺓ ﺻﺢ ..
ﺭﺑﺎﺏ ﻭﺭﺍﻧﻴﺎ ﻭﺩﻻﻝ : ﺍﻳﻪ ..
ﺍﻟﻬﺎﺩﻱ : ﻭﺷﻦ ﺗﻮﻗﻌﺎﺗﻜﻦ ﻉ ﺍﻟﻨﺘﻴﺠﻪ .
ﺩﻻﻝ : ﺍﻧﻲ ﻣﻦ ﺗﻮﺍ ﻣﺘﺄﻛﺪﻩ ﺍﻧﻲ ﻧﺎﺟﺤﻪ ﻣﻤﺘﺎﺯ ﻭﻭﺍﺛﻘﻪ ﺯﻳﺎﺩﻩ ..
ﻋﻤﺮ : ﻋﻠﻴﻚ ﻏﺮﻭﺭ ..
ﺭﻓﻌﺖ ﺣﺎﺟﺒﻬﺎ : ﻫﺎﺩﻱ ﺛﻘﺔ ﺑﺎﻟﻨﻔﺲ ﺧﺎﻟﻮ ﻣﺶ ﻏﺮﻭﺭ .
ﺿﺤﻜﻮﺍ ..
ﻭﺣﻤﺰﺓ ﻳﺸﺒﺤﻠﻬﺎ ﻭﺧﻼﺹ .. ﻭﻋﻤﺎﺩ ﻣﺮﻛﺰ ﻋﻠﻴﻪ ﻭﻫﻮ ﻣﺒﺘﺴﻢ ﺑﺨﺒﺚ ..
ﺍﻟﻬﺎﺩﻱ : ﻭﺍﻧﺘﻲ ﺭﺍﻧﻴﺎ ..
🍃 ﻫﺪﺍﻛﺎ ﺍﻟﻮﻗﺖ ﻛﻴﻒ ﺑﺎﺩﻳﻪ ﻣﺸﺎﻋﺮﻫﺎ ﺗﺘﺤﺮﻙ ﺗﺠﺎﻩ ﺭﻣﺰﻱ ﻭﺑﺪﺕ ﺗﻼﺣﻆ ﺣﺘﻰ ﻫﻲ ﻣﻦ ﻧﻈﺮﺍﺗﻪ ﻭﺗﻐﻴﺮ ﻣﻌﺎﻣﻠﺘﻪ ﻟﻴﻬﺎ ﻛﺎﻥ ﻣﺘﺤﺸﻢ ﻣﻨﻬﺎ ﻭﻳﺘﻌﺎﻣﻞ ﻣﻌﺎﻫﺎ ﺭﺳﻤﻲ 🍃
ﻟﻤﺎ ﺳﺄﻟﻬﺎ ﺍﻟﻬﺎﺩﻱ ﻭﺟﻬﻬﺎ ﻭﻻ ﺍﺣﻤﺮ ﻟﻤﺎ ﺟﺎﻭﺑﺎﺗﻪ ﻷﻧﻬﺎ ﻋﺎﺭﻓﻪ ﺍﻥ ﻋﻴﻮﻥ ﺭﻣﺰﻱ ﻋﻠﻴﻬﺎ ..
ﺭﺍﻧﻴﺎ ﺑﺈﺑﺘﺴﺎﻣﻪ ﻣﺮﺗﺒﻜﻪ : ﺧﺎﻳﻔﻪ ﺍﻟﺤﻖ ..
ﺭﺑﺎﺏ : ﺍﻧﺘﻲ ﺷﺎﻃﺮﺓ ﺍﻟﺸﺎﻃﺮﺍﺕ ﻫﻜﻲ ﺗﻘﻮﻟﻲ .. ﺍﻧﻲ ﺍﻟﻤﺰﺑﻜﻪ ﺍﻟﻠﻲ ﻭﺍﺗﻘﻪ ﻭﻣﺘﺄﻛﺪﻩ ﻉ ﻗﻮﻟﺔ ﺩﻻﻝ ﺍﻧﻲ ﺳﺎﻗﻄﻪ ﻭﺑﻨﺪﻳﺮ ﺩﻭﺭﺗﺎﻧﻲ ﻣﺎﻧﻴﺶ ﺧﺎﻳﻔﻪ ﺯﻳﻚ ..
ﻣﺤﻤﺪ ﺑﻀﺤﻜﻪ : ﻣﻦ ﻳﻮﻣﻚ ﺑﺎﺭﺩﻩ ﻣﻦ ﻧﺎﺣﻴﺔ ﺍﻟﻘﺮﺍﻳﻪ ..
ﺣﻤﺰﺓ : ﺑﺎﻟﺴﻴﻒ ﺗﻘﺮﺍ ﻳﺎﺭﺍﺟﻞ ﺍﻛﺜﺮ ﻣﺮﺓ ﺗﺠﻲ ﻟﺒﻮﻱ ﺗﻘﻮﻟﻪ ﺑﺒﻨﺒﻄﻞ ﺗﺎﻛﻞ ﻉ ﻭﺟﻬﻬﺎ ﻓﻲ ﺍﻟﻜﻔﻮﻑ ..
ﺿﺤﻜﻮﺍ ﻭﻫﻲ ﻣﻌﺎﻫﻢ ..
ﺭﺑﺎﺏ ﺑﻀﺤﻜﻪ : ﺍﻟﻠﻪ ﻏﺎﻟﺐ ﺣﺎﻭﻟﺖ ﻟﻜﻦ ﻣﺎﻗﺪﺭﺗﺶ ..
ﻋﻤﺎﺩ : ﺣﺎﻟﻚ ﺯﻱ ﺣﺎﻟﻲ ﺩﻣﺎﻏﻲ ﻣﺶ ﺩﻣﺎﻍ ﻗﺮﺍﻳﻪ ﺑﻜﻞ ﺑﻨﺎﺧﺪ ﺍﻟﺸﻬﺎﺩﺓ ﺍﻟﺜﺎﻧﻮﻳﻪ ﻭﺑﻨﻔﻮﺗﻬﺎ .
ﺍﻟﻬﺎﺩﻱ : ﻣﺶ ﻣﺸﻜﻠﻪ ﻛﻴﻒ ﺧﺎﻟﻚ ﻋﻤﺮ ﺧﺪﻱ ﺍﻹﻋﺪﺍﺩﻳﻪ ﻭﺣﻠﻒ ﻣﻌﺎﺩ ﻳﻜﻤﻞ ..
ﻋﻤﺮ : ﻣﻌﺎﺩ ﻋﻨﺪﻱ ﻟﻴﻬﺎ ﺟﻮ .. ﻛﺎﻥ ﺑﻨﻜﻤﻞ ﺍﻟﻌﺎﻡ 4 ﻭﻻ 5 ﻣﺮﺍﺕ ﻧﻌﺎﻭﺩﻩ ...
ﺩﻻﻝ : ﻣﺎﻋﺎﺭﻛﻜﺶ ﺳﻴﺪﻱ؟
ﻋﻤﺮ : ﺷﻮﻕ ﻣﺎﺩﺍﺭ ﻟﻜﻦ ﺍﻧﻲ ﺭﺍﺳﻲ ﺳﻜﺮﺗﻪ ..
ﺿﺤﻜﻮﺍ ..
ﺑﻌﺪﻳﻦ ﺍﻟﻬﺎﺩﻱ ﻗﺎﻝ : ﻭﺍﻧﺖ ﺭﻣﺰﻱ ..
ﺭﺍﻧﻴﺎ ﺣﺮﻛﺖ ﻋﻴﻮﻧﻬﺎ ﺟﻴﻬﺘﻪ ..
ﺭﻣﺰﻱ : ﺑﻨﻜﻤﻞ ﺇﻥ ﺷﺎﺀ ﺍﻟﻠﻪ ﻭﻧﺨﺶ ﺍﻗﺘﺼﺎﺩ ﻭﻧﺒﻲ ﻧﺨﺪﻡ ﻓﻲ ﺍﻟﻤﺼﺎﺭﻑ ..
ﺍﻟﻬﺎﺩﻱ ﺭﻓﻊ ﺣﻮﺍﺟﺒﻪ ﻭﻗﺎﻝ : ﻛﻮﻳﺲ .. ﺭﺑﻲ ﻳﻔﺘﺤﻬﺎ ﻋﻠﻴﻚ ..
ﺍﺑﺘﺴﻢ ﻭﻗﺎﻝ : ﺇﻥ ﺷﺎﺀ ﺍﻟﻠﻪ .. ﻏﻴﺮ ﻋﻴﻮﻧﻪ ﻟﺮﺍﻧﻴﺎ ﻟﻘﺎﻫﺎ ﺗﺸﺒﺤﻠﻪ ﻭﺟﻬﻪ ﻭﻻ ﺍﺣﻤﺮ .. ﻫﻲ ﻃﻮﻝ ﻏﻴﺮﺕ ﻋﻴﻮﻧﻬﺎ ﻭﻗﻌﺪﺕ ﺗﻠﻌﺐ ﺑﺎﻟﺨﺎﺗﻢ ﺍﻟﻠﻲ ﻓﺼﺒﻌﻬﺎ ..
ﺳﻤﻌﻮﺍ ﺻﻮﺕ ﺳﻴﺎﺭﺓ ﻭﻛﺎﻥ ﻓﻴﻬﺎ ﺻﻮﺕ ﺍﻻﻏﻨﻴﻪ ﻋﺎﻟﻲ ..
" ﺍﻏﻨﻴﺔ ﺳﺎﻣﻌﻨﻲ ﻳﺎﺷﻮﻕ ﻟﻤﺮﻭﺍﻥ ﺧﻮﺭﻱ .."
ﻋﻤﺮ : ﺳﻠﻴﻤﺎﻥ ﻫﺪﻯ ..
ﺭﻣﺰﻱ : ﺍﻳﻪ ..
ﺍﻟﻬﺎﺩﻱ : ﺳﻤﺤﻪ ﺍﻷﻏﻨﻴﻪ ﺍﻟﻠﻲ ﻓﺎﺗﺤﻬﺎ ..
ﻋﻤﺎﺩ : ﻣﺘﺎﻉ ﻣﺮﻭﺍﻥ ﺧﻮﻱ ..
ﻏﻨﻰ ﻣﻌﺎﻫﺎ ﻋﻤﺎﺩ ..
ﻗﺎﻟﻮﺍ ﻋﻨﻚ ﺣﻜﺎﻭﻱ ﻗﺎﻝ ﺟﺎﺭﺡ ﻧﻮﻣﻲ ﺩﺍﻭﻱ ..
ﻋﻠﻲ ﺍﻳﻪ ﺑﺲ ﺍﻧﺖ ﻧﺎﻭﻱ ﻃﻤﻨﻲ ﻳﺎﺷﻮﻕ ..
ﻛﻠﻬﻢ ..
ﺍﻭﻭﻭﻭ .. ﺍﻭﻭﻭ .. ﺍﻭﻭﻭ . ﺍﻭﻭﻭﻭ .. ﺍﻭﻭﻭﻭﻭﻭﺍ .. ﺍﻭﻭﻭﻭﺍ ..
ﺑﻌﺪﻳﻦ ﻗﻌﺪﻭﺍ ﻳﻀﺤﻜﻮﺍ ..
ﻉ ﺟﻴﺔ ﺭﺯﺍﻥ ..
ﺭﺯﺍﻥ ﻟﻤﺎ ﻛﺎﻧﺖ ﺻﻐﻴﺮﺓ ﺍﻟﻰ ﺟﺎﻧﺐ ﺍﻧﻬﺎ ﻗﺼﻴﺮﺓ ﻛﺎﻥ ﺳﻤﻮﻧﻴﻪ ﺷﻮﻳﻪ ..
ﻛﺎﻧﺖ ﻻﺑﺴﻪ ﻗﻔﻄﺎﻥ ﻛﻠﻪ ﺍﻟﻮﺍﻥ .. ﻭﺍﻟﺸﻌﺮ ﻗﺮﻳﻨﺎﺕ ..
ﺟﺖ ﻟﺮﻣﺰﻱ ﻃﻮﻝ : ﻗﺎﻟﺘﻠﻚ ﻣﺎﻣﺎ ﺗﻌﺎﻟﻰ ..
ﻋﻤﺎﺩ : ﺑﺎﻫﻲ ﺳﻠﻤﻲ ﻳﺎﺑﺎﺯﻭﺯﺓ ..
ﺿﺤﻜﻮﺍ ..
ﺭﺯﺍﻥ ﺷﺒﺤﺘﻠﻪ ﺑﺤﺪﻩ ..
ﺭﻣﺰﻱ : ﺳﻠﻤﻲ ..
ﻫﻲ ﺳﻤﻌﺖ ﻛﻼﻡ ﺧﻮﻫﺎ ﻟﻜﻦ ﺯﻱ ﻣﺎﻫﻲ ﺗﺒﻲ ..
ﻣﺸﺖ ﺳﻠﻤﺖ ﻉ ﺣﻤﺰﺓ ﻭﺭﺍﻧﻴﺎ ﻭﺩﻻﻝ ﻭﺭﺑﺎﺏ ..
ﻭﻗﻔﺖ ﻭﻗﺎﻝ : ﻣﺎﻣﺎ ﺗﺮﺍﺟﻲ ﻓﻴﻚ ..
ﻭﻣﺸﺖ ..
ﻋﻤﺎﺩ ﺑﺮﻓﻌﺔ ﺣﻮﺍﺟﺐ : ﺍﺷﺸﻴﻴﻲ ﺍﻟﺒﺎﺯﻭﺯﺓ !!
ﻛﻠﻬﻢ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ..
ﺭﻣﺰﻱ ﻧﺎﺽ ﻭﻗﺎﻝ ﺑﻀﺤﻜﻪ : ﻣﻌﺎﺵ ﺗﻨﺎﺷﺒﻬﺎ ﺗﻮ ﺗﺤﺒﻚ ..
ﻋﻤﺎﺩ : ﻣﺎﻧﺒﻴﻠﻬﺎ ﺣﺐ ﺍﻟﻘﻤﻠﻪ ﻫﺎﺩﻱ ..
ﺿﺤﻜﻮﺍ ﺗﺎﻧﻲ ..
ﻭﺭﻣﺰﻱ ﻣﺸﻲ ﻭﻫﻮ ﻳﻀﺤﻚ ..
ﺷﺒﺢ ﻟﺮﺍﻧﻴﺎ ﺑﻄﺮﻑ ﻋﻴﻨﻪ ﻟﻘﺎﻫﺎ ﺗﺸﻮﻓﻠﻪ ..
ﻳﺪﻭﺏ ﺍﺑﺘﺴﻢ ﻭﻛﻤﻞ ﻃﺮﻳﻘﻪ ..
ﻭﻫﻲ ﺍﺑﺘﺴﻤﺖ ﺑﺨﺠﻞ ﻭﻫﻲ ﺗﻠﻌﺐ ﺑﺨﺎﺗﻤﻬﺎ ..
ﻭﺩﻻﻝ ﻣﺮﻛﺰﺓ ﻋﻠﻴﻬﻢ ﻭﺷﺎﺩﻩ ﺿﺤﻜﺘﻬﺎ ..
⚡ ﺍﻟﻮﻗﺖ ﺍﻟﺤﺎﺿﺮ ..
ﺗﻨﻬﺪﺕ ﺩﻻﻝ ﺑﺤﺴﺮﺓ ﻭﻗﺎﻟﺖ : ﺗﻌﺮﻓﻲ ﺭﺍﻧﻴﺎ .. ﻣﺮﺍﺕ ﻧﻘﻮﻝ ﻳﺎﺭﻳﺘﻨﺎ ﻣﺎﻛﺒﺮﻧﺎ .
ﺍﺑﺘﺴﻤﺖ ﺭﺍﻧﻴﺎ ﺑﺄﻟﻢ ﻭﻗﺎﻟﺖ : ﺯﻳﻚ .. ﺩﻳﻤﺎ ﻧﻘﻮﻝ ﻳﺎﺭﻳﺘﻨﺎ ﻗﻌﺪﻧﺎ ﻫﺪﻭﻛﺎ ﺍﻟﺼﻐﺎﺭ ﺍﻟﻠﻲ ﺍﻛﺒﺮ ﻫﻤﻬﻢ ﻧﺘﻴﺠﺔ ﺍﻹﻣﺘﺤﺎﻧﺎﺕ ..
ﺩﻻﻝ : ﻳﺎﺭﻳﺖ ..
ﺳﻜﺘﻮﺍ ﺷﻮﻳﻪ ﺑﻌﺪﻳﻦ ﻗﺎﻟﺖ ﺩﻻﻝ ﺑﻀﺤﻜﻪ : ﻻﻻ ﻟﻮ ﻣﺎﻛﺒﺮﺗﺶ ﻣﺎﻛﻨﺘﺶ ﻋﺮﻓﺖ ﻋﻤﺎﺭ ﻭﺣﺒﻴﺘﻪ
ﺭﺍﻧﻴﺎ ﺑﻀﺤﻜﻪ : ﻭﻻﻛﻨﺖ ﻋﺸﺖ ﺍﺣﻼ ﺍﻳﺎﻡ ﺍﻧﻲ ﻭﺭﻣﺰﻱ ﻓﻢ ﺑﻮﺍﺑﻪ ﺍﻟﺤﻮﺵ ﺍﻟﻘﺪﻳﻢ .. ﻭﻓﻲ ﺭﻭﺷﻦ ﺍﻟﻜﻮﺟﻴﻨﻪ ..
ﺿﺤﻜﻮﺍ ﺍﻟﺰﻭﺯ
ﺩﻻﻝ ﺗﻨﻬﺪﺕ ﺑﻌﺪﻳﻦ ﻗﺎﻝ : ﻫﻲ ﻫﻜﻲ ﺍﻟﺪﻧﻴﺎ ﺳﺎﻋﺎﺕ ﺣﻠﻮﺓ ﻭﺍﻳﺎﻡ ﻣﺮﺓ ..
ﺭﺍﻧﻴﺎ : ﻭﺳﻨﻴﻦ ﻣﺮﺓ .. ﺧﻨﻘﺘﻬﺎ ﺍﻟﻌﺒﺮﺓ .. ﺳﻨﻴﻦ ..
ﺍﻟﺰﻭﺯ ﺩﻣﻮﻋﻬﻢ ﻧﺰﻟﺖ ... ﻭﻓﺪﺍﺧﻞ ﻛﻞ ﻭﺣﺪﻩ ﻓﻴﻬﻢ ﺍﻟﻢ ﻛﺒﻴﺮ ..
ﻉ ﺟﻴﺔ ﻫﺎﻧﻴﺒﺎﻝ .. ﺷﺎﻓﻬﻢ ..
ﻫﺎﻧﻴﺒﺎﻝ : ﺟﺮﻳﻮﺍﺕ .. ﺗﺮﺍ ﻭﺳﻌﻦ ..
ﺿﺤﻜﻮﺍ ﻭﻣﺴﺤﻮﺍ ﺩﻣﻮﻋﻬﻢ ..
ﻭﺳﻌﺘﻠﻪ ﺭﺍﻧﻴﺎ ﻭﻗﻌﻤﺰ ﺑﻴﻨﺎﺗﻬﻢ ..
ﺷﺒﺢ ﻟﻜﻞ ﻭﺣﺪﻩ ﻓﻴﻬﻢ ﻟﻘﺎﻫﻢ ﻣﺒﺘﺴﻤﺎﺕ ﻭﺩﻣﻮﻋﻬﻢ ﻓﻌﻴﻮﻧﻬﻢ ..
ﺍﺑﺘﺴﻢ ﻭﺷﺒﺢ ﺍﻟﻘﺪﺍﻡ : ﻳﺠﻴﻜﻦ ﻧﻬﺎﺭ ﻭﺗﺮﺗﺎﺣﻦ ﻭﻛﻞ ﻭﺣﺪﻩ ﻓﻴﻜﻦ ﺗﻨﺴﻰ ﻫﺎﻷﻳﺎﻡ .. ﺍﻧﻲ ﻗﺪﺍﻣﻜﻦ ﻣﺜﺎﻝ .. ﻛﻨﺖ ﻧﻘﻮﻝ ﻓﻲ ﻧﻔﺴﻲ ﻉ ﺍﻟﻠﻲ ﻣﺮﻳﺖ ﺑﻴﻪ ﻛﻠﻪ ﺍﻧﻲ ﻣﺶ ﺣﻴﺠﻴﻨﻲ ﻧﻬﺎﺭ ﻧﺮﺗﺎﺡ ﻓﻴﻪ .. ﺍﻧﻲ ﺣﻨﻘﻌﺪ ﻃﻮﻝ ﻋﻤﺮﻱ ﻣﺮﺍﻓﻖ ﻟﻠﺤﻆ ﺍﻟﻌﺎﺛﺮ ... ﻟﻜﻦ ﺭﺑﻚ ﻓﻲ ﺍﻟﻮﻗﺖ ﺍﻟﻤﻨﺎﺳﺐ ﻭﺭﺍﻧﻲ ﺍﻧﻲ ﻛﻨﺖ ﻏﺎﻟﻂ ﻓﺘﻔﻜﻴﺮﻱ ﻭﺍﻥ ﺍﻷﻳﺎﻡ ﺍﻟﺼﻌﺒﻪ ﻫﺪﻱ ﺗﻬﻴﺄ ﻓﻴﺎ ﻷﻳﺎﻡ ﺳﻤﺤﻪ ﻭﺍﺟﺪ ﺟﺎﻳﻪ ..
ﺷﺒﺤﻠﻬﻢ ﺍﻟﺰﻭﺯ ﻭﻗﺎﻝ : ﺟﺎﻳﺘﻜﻦ ﺍﻳﺎﻡ ﺳﻤﺤﻪ ﻭﺍﺟﺪ ﺑﺈﺫﻥ ﺍﻟﻠﻪ ..
ﺍﺑﺘﺴﻤﻮﺍ ﺍﻟﺰﻭﺯ ...
ﻗﺮﺻﻬﻢ ﻣﻦ ﺧﺪﻭﺩﻫﻢ ﻗﺮﺻﻪ ﺧﻔﻴﻔﻪ ﺑﻌﺪﻳﻦ ﻧﺎﺽ ﻭﻗﺎﻝ : ﻣﺮﺕ ﺧﺎﻟﻜﻦ ﺭﻗﺖ ..
ﺩﻻﻝ ﺑﺈﺑﺘﺴﺎﻣﻪ : ﺍﻳﻪ ..
ﻫﻮ ﺍﺑﺘﺴﻢ ..
ﻭﻣﺸﻲ ﻃﻮﻝ ﻟﻠﺪﺭﻭﺝ ﻭﺭﻛﺐ ..
ﺭﺍﺟﻮﻩ ﻟﻴﻦ ﺭﻛﺐ ﺑﻌﺪﻳﻦ ﻗﺎﻟﺖ ﺭﺍﻧﻴﺎ : ﺗﺤﺴﻴﻪ ﻓﺮﺣﺎﻥ ﻫﻠﺒﻪ ﻭﻻ ..
ﺩﻻﻝ : ﺍﻟﻠﻪ ﻳﺒﺎﺭﻙ ﺑﺎﻳﻦ ﻣﻦ ﻋﻴﻮﻧﻪ ..
ﺍﺑﺘﺴﻤﺖ ﺭﺍﻧﻴﺎ ..
💕💕💕💕💕💕💕
ﻓﻮﻕ ..
ﺑﻌﺪ ﺭﻛﺒﺖ ﻣﺮﺍﻡ ﻏﻴﺮﺕ ﻗﻔﻄﺎﻧﻬﺎ ..
ﻭﻟﺒﺴﺖ ﺍﻟﻘﻔﻄﺎﻥ ﺍﻟﻠﻲ ﻛﺎﻧﺖ ﻻﺑﺴﺎﺗﻪ ﻗﺒﻞ ﺗﻨﺰﻝ ..
ﺧﺸﺖ ﻟﻠﺤﻤﺎﻡ ﻏﺴﻠﺖ ﺟﺴﻤﻬﺎ ..
ﻭﺩﺍﺭﺕ ﻟﻮﺷﻦ ..
ﺑﻌﺪﻳﻦ ﺗﻮﺿﺖ ..
ﻭﺑﻌﺪ ﻃﻠﻌﺖ ﻣﻦ ﺍﻟﺤﻤﺎﻡ ..
ﻣﺸﺖ ﻟﺪﺍﺭﻫﺎ ﺻﻠﺖ ﺍﻟﻠﻲ ﻓﺎﻳﺘﻬﺎ ﻣﻐﺮﺏ ﻭﻋﺸﻲ ..
ﺑﻌﺪ ﻛﻤﻠﺖ ﺻﻼﺓ ..
ﻣﺸﺖ ﻃﻮﻝ ﻟﺸﻨﻄﺘﻬﺎ ..
ﻃﻠﻌﺖ ﺭﻭﺏ ﻣﻦ ﺍﻷﺭﻭﺍﺏ ﺍﻟﻠﻲ ﻫﻤﺎ ﺟﺎﺑﻬﻮﻟﻬﺎ ﻓﻲ ﺍﻟﻜﺴﻮﺓ ..
ﻟﻮﻧﻪ ﻣﻮﻑ ﻭﺣﻠﻮ ﻫﻠﺒﻪ .. ﻭﻣﻐﺮﻱ ﻧﻮﻋﺎ ﻣﺎ ..
ﺗﺮﺩﺩﺕ ﻫﻠﺒﻪ ﻓﺈﻧﻬﺎ ﺗﻠﺒﺴﻪ ﺑﺲ ﺑﻌﺪﻳﻦ ﺗﺸﺠﻌﺖ ﻭﻟﺒﺴﺎﺗﻪ ﻭﻫﻲ ﺗﺬﻛﺮ ﻓﻨﺼﺎﻳﺢ ﻓﺎﻳﺰﺓ 💓
ﻟﻤﺎ ﻟﺒﺴﺎﺗﻪ ﻭﺷﺎﻓﺖ ﻟﺮﻭﺣﻬﺎ ﻓﻲ ﺍﻟﻤﺮﺍﻳﻪ ﺗﺤﺸﻤﺖ ﻫﻠﺒﻪ ..
ﺑﺲ ﻣﻊ ﻫﺪﺍ ﺍﺻﺮﺕ ﺍﻧﻬﺎ ﺗﻘﻌﺪ ﻻﺑﺴﺎﺗﻪ ..
ﻣﺸﺖ ﻉ ﺷﻌﺮﻫﺎ ﺑﺎﻟﻼﺳﺘﺮﺍ ..
ﺷﻌﺮﻫﺎ ﻛﺎﻥ ﺍﺳﻮﺩ ﻛﺜﻴﻒ ﻭﺭﻃﺐ ﻃﻮﻳﻞ ﻟﻌﻨﺪ ﺍﺧﺮ ﻇﻬﺮﻫﺎ ..
ﺑﻌﺪ ﻛﻤﻠﺖ ﺭﻓﻌﺎﺗﻪ ﻓﻮﻕ ﻭﺑﺪﺕ ﺑﺎﻟﻤﻜﻴﺎﺝ ﻛﺎﻥ ﺛﻘﻴﻞ ﺷﻮﻳﻪ ﻫﺎﻟﻤﺮﺓ ﻣﺎﺷﻲ ﻣﻊ ﺍﻟﺮﻭﺏ ..
ﺑﻌﺪ ﻛﻤﻠﺖ ﻗﻌﺪﺕ ﺗﺸﻮﻑ ﻟﺮﻭﺣﻬﺎ ﻓﻲ ﺍﻟﻤﺮﺍﻳﺎ ﻣﺶ ﻣﺘﻘﺒﻠﻪ ﺍﻟﺮﻭﺏ ﻟﻜﻦ ﻛﺎﻧﺖ ﻣﺼﺮﺓ ﺗﻜﺴﺮ ﺣﺎﺟﺰ ﺍﻟﺤﺸﻢ ﻷﻥ ﺍﻟﺮﺟﺎﻟﻪ ﻣﺎﻳﺤﺒﻮﺷﻲ ﻏﺎﻟﺒﺎ ﻓﺤﺎﻻﺕ ﺯﻱ ﻫﺎﺩﻱ ..
ﺳﻤﻌﺖ ﺑﺎﺏ ﺍﻟﺤﻮﺵ ﺍﻧﻔﺘﺢ ﻗﻠﺒﻬﺎ ﻗﻌﺪ ﻳﺮﺟﻒ ﻛﻴﻒ ﺣﺘﻜﻮﻥ ﺭﺩﺓ ﻓﻌﻠﻪ ﻟﻮ ﺷﺎﻓﻬﺎ ﺑﻴﻪ ..
" ﺑﻨﺖ ﻋﺒﻮﺩﻩ .."
ﺍﺑﺘﺴﻤﺖ ..
ﺧﺶ ﺍﻟﺪﺍﺭ ..
ﻭﻗﻒ ﻓﻲ ﺍﻟﺒﺎﺏ ..
ﺍﺗﻜﺎ ﻉ ﺍﻟﻘﻔﺺ ﻣﺘﺎﻋﻪ ﻭﻫﻮ ﻣﺮﺑﻊ ﺍﻳﺪﻳﻪ .. ﻭ ﻳﺘﻤﻼ ﻣﻨﻬﺎ ..
ﻫﻲ ﻛﺎﻧﺖ ﻣﺘﺤﺸﻤﻪ ﻫﻠﺒﻪ .. ﻋﻴﻮﻧﻬﺎ ﻟﻮﻃﺎ ﻭﺧﻼﺹ ..
ﺿﺤﻚ ﻭﻗﺎﻝ : ﺷﻦ ﺭﺍﻳﻚ ﻳﺎﺑﻨﺖ ﻋﺒﻮﺩﺓ ﻟﻮ ﺍﻳﺪﻳﺮﻟﻨﺎ ﺻﻔﺮﺓ ﺳﻤﺤﻪ
ﺗﻨﻮﻋﻲ ﻭﺗﺸﻜﻠﻲ ﻣﻦ ﺍﻟﻠﻲ ﻓﺎﻟﺜﻼﺟﻪ ﺑﻤﻌﺮﻓﺘﻚ ..
ﻫﻲ ﺍﺑﺘﺴﻤﺖ ﻭﻗﺎﻟﺖ : ﺣﺎﺿﺮ ..
ﻭﻫﻲ ﻣﺎﺷﻴﻪ ﻟﻠﺒﺎﺏ .. ﺻﻜﺮﻩ ﺑﻴﺪﻩ ..
ﻫﻲ ﻭﻗﻔﺖ ﺷﺒﺤﺖ ﻟﻴﺪﻩ ﺑﻌﺪﻳﻦ ﺷﺒﺤﺘﻠﻪ ...
ﻫﻮ ﻗﻌﺪ ﻳﺸﻮﻑ ﻟﻌﻴﻮﻧﻬﺎ ﻭﺑﺲ .. ﺑﺎﻳﻦ ﻓﻬﺎﻟﻌﻴﻮﻥ ﻫﻠﺒﻪ ﺩﻭﺓ ﺻﺎﺣﺒﺘﻬﻢ ﺗﺘﻌﻤﺪ ﺗﺨﻔﻴﻬﺎ ..
ﻫﻲ ﻫﺮﺑﺖ ﺑﻴﻬﻢ ﻛﺎﻟﻌﺎﺩﻩ ..
ﺿﺤﻚ ﻭﻗﺎﻝ : ﻋﺪﻱ ..
ﻧﺰﻝ ﻳﺪﻩ ... ﻭﻫﻲ ﻣﺸﺖ ﺑﺴﺮﻋﻪ ..
ﺿﺤﻚ ﻋﻠﻴﻬﺎ ...
ﺑﻌﺪﻳﻦ ﻣﺸﻲ ﺷﺒﺢ ﻟﻠﻤﺮﺍﻳﻪ ﻭﺍﺑﺘﺴﻢ ..
💕 ﻓﻲ ﺍﻟﻮﻗﺖ ﺍﻟﻠﻲ ﻛﺎﻧﺖ ﻫﻲ ﻓﻴﻪ ﺗﻮﺗﻲ ﻓﻲ ﺍﻟﺼﻔﺮﺓ ..
ﻫﻮ ﻛﺎﻥ ﻳﻬﻴﺊ ﻓﻨﻔﺴﻪ ﻟﻴﻬﺎ ...
🍃 ﻭﻫﺪﺍ ﺷﻲ ﻏﺎﻟﺒﺎ ﺍﻟﺮﺟﺎﻟﻪ ﻣﻊ ﺍﻷﺳﻒ ﻣﺎ ﻳﻄﺒﻘﻮﺵ ﻓﻴﻪ ﻳﺘﺰﻳﻦ ﻟﻤﺮﺗﻪ ﺯﻱ ﻣﺎﻫﻲ ﺗﺘﺰﻳﻨﻪ .. ﻳﻤﺸﻂ ﺷﻌﺮﻩ ﻳﻄﻴﺐ ﺭﻳﺤﺘﻪ .. ﻳﻠﺒﺲ ﻣﺎﻳﻠﻔﺘﻬﺎ ﻟﻴﻪ ﺣﺘﻰ ﻫﻲ ..
ﺭﺍﻫﻮ ﺍﻟﺮﺳﻮﻝ ﻭﺍﻟﺼﺤﺎﺑﻪ ﻫﻜﻲ ﻛﺎﻧﻮﺍ ..
ﻭﺯﻱ ﻣﺎﻗﺎﻝ ﺍﻟﻠﻪ ﺳﺒﺤﺎﻧﻪ " ﻟﻬﻦ ﻣﺜﻞ ﺍﻟﺬﻱ ﻋﻠﻴﻬﻦ .."
ﺑﺲ ﺣﻨﻲ ﻓﻲ ﻣﺠﺘﻤﻌﻨﺎ ﻛﻠﻪ ﻋﻠﻴﻬﻦ 🍃....
ﻫﻲ ﻭﺗﺖ ﺍﻟﺼﻔﺮﺓ ﺍﻟﻠﻲ ﻛﺎﻥ ﻓﻴﻬﺎ ﻣﻜﺴﺮﺍﺕ ﻭﺷﻜﺎﻟﻴﻂ ﻭﻋﺼﻴﺮ ..
ﻣﺸﺖ ﺑﻴﻬﺎ ﻟﻠﺪﺍﺭ ..
ﻟﻤﺎ ﺧﺸﺖ ﻟﻘﺎﺗﻪ ﻣﺘﻜﻲ ﻉ ﺍﻟﺴﺮﻳﺮ .. ﻻﺑﺲ ﺷﻮﺭﺕ ﻭﺑﺪﻱ ﺑﺪﻭﻥ ﺍﻛﻤﺎﻡ ..
ﻛﺎﻥ ﻣﻨﻈﺮﻩ ﻣﻠﻔﺖ ﻟﻴﻬﺎ ﻫﻠﺒﻪ ﻫﻠﺒﻪ .
ﺍﺑﺘﺴﻤﺖ ...
ﻟﻤﺎ ﻗﺮﺑﺖ ﻭﺣﻄﺖ ﺍﻟﺼﻔﺮﺓ ﻓﺮﺷﺖ ﺍﻟﺸﺮﺷﺎﻑ ..
ﻭﺣﻄﺖ ﺍﻟﺼﻔﺮﺓ ﺑﻴﻨﺎﺗﻬﻢ ..
ﻫﻮ ﻛﺎﻥ ﻳﻐﻴﺮ .. ﺻﺪﻓﻪ ﻳﺠﻲ ﻗﺪﺍﻣﻪ ﻣﺴﻠﺴﻞ ﻣﻜﺴﻴﻜﻲ ﻗﺪﻳﻢ ..
ﻫﺎﻧﻴﺒﺎﻝ : ﺭﻭﺯﺍﻟﻴﻨﺪﺍ .. ﻣﺎﺯﺍﻝ ﻳﺠﻴﺒﻮﺍ ﻓﻴﻪ؟؟ !
ﻫﻲ ﻓﻨﺼﺖ ﻭﻗﺎﻟﺖ : ﻭﺍﻧﺖ ﺗﺘﻔﺮﺝ ﻋﻠﻴﻬﻢ ﻛﻨﺖ؟
ﺷﺒﺤﻠﻬﺎ ﻭﺭﻓﻊ ﺣﺎﺟﺒﻪ : ﺍﻳﺎﻡ ﺍﻟﻄﻴﺶ ..
ﻣﺮﺍﻡ ﻭﻟﻌﺖ ﻓﻴﻬﺎ ﺍﻟﻨﺎﺭ ﻭﺗﻜﻨﻄﺖ ﻫﻠﺒﻪ .. ﻭﻫﻮ ﻻﺣﻆ ﻭﺯﺍﺩﻫﺎ ..
ﻫﺎﻧﻴﺒﺎﻝ : ﻫﻮ ﺍﻧﻲ ﺍﻟﺤﻖ ﻣﺎﻋﻨﺪﻱ ﻉ ﻭﺟﻴﺞ ﺍﻟﺘﻠﻔﺰﻳﻮﻥ ﻭﺍﺟﺪ ﺑﺲ ﺍﻟﻬﺎﺩﻱ ﻛﺎﻥ ﻳﺘﻔﺮﺝ ﻋﻠﻴﻪ .. ﻭ ﻻﻥ ﺍﻟﻤﻤﺜﻠﻪ .. ﻫﻜﻲ ﻳﻌﻨﻲ ﺳﻤﺤﻪ ﻛﻨﺖ ﻧﺸﻮﻑ ﻟﻤﺤﻪ ﻣﻨﻬﺎ ﻭﻧﻌﺪﻱ ..
ﻣﺮﺍﻡ ﺑﺮﻓﻌﺔ ﺣﺎﺟﺐ : ﻟﻤﺤﻪ؟ !!
ﻫﺎﻧﻴﺒﺎﻝ ﺑﻨﻔﺲ ﺭﻓﻌﺔ ﺍﻟﺤﺎﺟﺐ : ﺍﻳﻪ ﻟﻤﺤﻪ ..
ﺷﺒﺤﺖ ﻟﻠﺘﻠﻔﺰﻳﻮﻥ ﻭﻗﺎﻟﺖ : ﻭﺗﻮﺍ ﺗﻠﻤﺢ ﻓﻴﻬﺎ ..
ﻫﺎﻧﻴﺒﺎﻝ : ﻣﺎﻻ ﻟﻴﺶ ﺧﻠﻴﺘﻪ ..
💕 ﺍﻟﻤﺮﺍﺓ ﺍﻟﻌﺎﺷﻘﻪ ﻣﺎﺗﻌﺮﻑ ﻣﻊ ﺍﻟﻐﻴﺮﺓ ﻋﻘﻞ 💕
ﻃﻮﻝ ﻣﺸﺖ ﻟﻠﺸﺎﺷﻪ ﻭﻃﻔﺘﻬﺎ ..
ﻭﻟﻔﺖ ﻭﻫﻲ ﻭﺍﻗﻔﻪ ﻗﺪﺍﻣﻬﺎ ﻭﺗﺸﻮﻓﻠﻪ ﺑﺤﺪﻩ ..
ﻫﺎﻧﻴﺒﺎﻝ : ﻫﻬﻬﻬﻬﻬﻬﻬﻬﻬﻬﻪ .. ﺑﺎﻫﻲ ﺧﻼﺹ ﻧﺘﻼﻣﺤﻮﺍ ﻣﺎﺭﻣﺮﻳﺘﺎ ﺑﺴﺲ ..
ﻫﻲ ﺷﺪﺕ ﺿﺤﻜﺘﻬﺎ ﺑﺲ ﻣﺎﺯﺍﻝ ﻣﻼﻣﺢ ﺍﻟﻐﻀﺐ ﻉ ﻭﺟﻬﻬﺎ .. ﻭﻟﺖ ﻭﻗﻌﻤﺰﺕ ﺣﺪﺍﻩ ﻭﻫﻲ ﻗﺎﻟﺒﻪ ﻭﺟﻬﻬﺎ ﻭﻫﻮ ﻳﺸﻮﻓﻠﻬﺎ ﺑﺈﺑﺘﺴﺎﻣﻪ ﻭﺣﻮﺍﺟﺒﻪ ﻣﺮﻓﻮﻋﺎﺕ ..
ﺧﺪﻱ ﺍﻟﺘﻮﻳﻜﺲ .. ﻭﻓﺘﺤﻬﺎ ... ﻭﻣﺪﻫﺎﻟﻬﺎ ..
ﻫﺎﻧﻴﺒﺎﻝ : ﺧﻮﺩﻱ ﻳﺎﻣﺎﺭﻣﺮﻳﺘﺎ ﻫﻲ ..
ﻫﻲ ﻛﺎﻧﺖ ﺗﺸﺪ ﻓﺮﻭﺣﻬﺎ ﺑﺎﻟﺴﻴﻒ ﻣﺎﺗﺒﻴﺶ ﺗﻀﺤﻚ .. ﺧﺪﺕ ﻣﻨﻪ ﺍﻟﺸﻜﻼﻃﻪ .
ﻫﺎﻧﻴﺒﺎﻝ : ﺭﻳﺘﻲ ﻛﻴﻒ ﺣﺎﻓﻆ ﺍﻧﻚ ﺗﺤﺒﻲ ﺍﻟﺘﻮﻳﻜﺲ ﺑﺮﻏﻢ ﺍﻧﻚ ﻭﻻ ﻣﺮﺓ ﺣﻜﻴﺘﻲ ﻋﻨﻬﺎ ..
ﻫﻲ ﺷﺒﺤﺘﻠﻪ ﺑﻌﺪﻳﻦ ﺷﺒﺤﺖ ﻟﻠﺸﻜﻼﻃﻪ ﻭﻛﻠﺖ ..
ﻫﻮ ﺭﻓﻊ ﺣﺎﺟﺒﻪ ﺍﻹﻳﺴﺎﺭ ﻭﻗﺎﻝ؛ﻭﺍﻧﺘﻲ ﻧﺎﺳﻴﻪ ﻟﻘﻄﺔ ﺍﻟﻜﻠﺐ .
ﺿﺤﻜﺖ ﻣﺮﺍﻡ ﻟﻴﻦ ﺷﺮﻗﺖ ..
ﻃﻮﻝ ﻧﺎﺽ ﺑﺴﺮﻋﻪ ﻣﺸﻲ ﺟﺎﺑﻠﻬﺎ ﻣﻴﻪ ﻭﺟﻲ ..
ﻫﻲ ﺧﺪﺗﻬﺎ ﻭﺷﺮﺑﺖ ﻭﺩﻣﻮﻋﻬﺎ ﻳﻨﺰﻟﻮﺍ ..
ﻫﺎﻧﻴﺒﺎﻝ؛ﻣﻌﺎﺵ ﻧﺒﺼﺮﻭﺍ ﻣﻌﺎﻙ ﻳﺎﻭﺩﻱ ..
ﺧﺪﻱ ﻣﻨﻬﺎ ﺍﻟﻄﺎﺳﻪ ﻭﺣﻄﻬﺎ ﻉ ﺍﻟﺼﻔﺮﺓ .. ﻭﺧﺪﻱ ﺍﻟﺼﻔﺮﺓ ﺑﺸﺮﺷﺎﻓﻬﺎ ﺣﻄﻬﻢ ﻉ ﺍﻟﻜﺮﺳﻲ ..
ﻭﺟﺎﻫﺎ ..
ﻫﻲ ﻗﻌﺪﺕ ﺗﺸﻮﻓﻠﻪ .. ﻟﻴﻦ ﺟﻲ ﻗﻌﻤﺰ ﺣﺪﺍﻫﺎ ..
ﻫﺎﻧﻴﺒﺎﻝ : ﻣﺎﺻﺪﻗﻨﺎ ﺣﺼﻠﻨﺎﻙ ﺭﺍﻧﺎ ..
ﻫﻲ ﻗﻌﺪﺕ ﺗﺸﻮﻑ ﻟﻌﻴﻮﻧﻪ ..
ﻗﺮﺏ ﻣﻨﻬﺎ ﻭﺣﺎﻭﻃﻬﺎ ﻭﻫﻮ ﻳﻘﻮﻝ : ﻣﺎﺻﺪﻗﻨﺎ ...
ﻭﻗﺮﺏ ﺍﻛﺜﺮ ﻭﺑﺎﺳﻬﺎ ...
ﻭﺭﺍﺣﺖ ﻣﻌﺎﻩ ﻓﻲ ﻋﺎﻟﻢ ﺗﺎﻧﻲ ..
ﻭﻓﺪﺍﺧﻠﻬﺎ ﺗﻘﻮﻝ ﺑﺼﻮﺕ ﻋﺎﻟﻲ " ﺍﻧﻲ ﺍﻟﻠﻲ ﻣﺎﺻﺪﻗﺖ ﺣﺼﻠﺘﻚ"💕
💕💕💕💕💕💕💕💕
🍁🍁🍁🍁🍁🍁
ﻃﺮﺍﺑﻠﺲ ..
ﻃﺎﻟﻊ ﻣﻦ ﺣﻮﺵ ﺍﻫﻞ ﺻﺎﺣﺒﻪ ﺑﻌﺪ ﻣﺎﻛﺎﻥ ﻣﺘﻌﺸﻲ ﻋﻨﺪﻫﻢ ..
ﻣﻮﺳﻰ : ﻓﻲ ﺍﻣﺎﻥ ﺍﻟﻠﻪ ﺭﺑﻲ ﻳﺤﻔﻈﻚ ..
ﻋﻤﺎﺩ ﺑﺈﺑﺘﺴﺎﻣﻪ : ﺗﺴﻠﻢ .. ﻫﻲ ﺗﺼﺒﺢ ﻉ ﺧﻴﺮ ..
ﻣﻮﺳﻰ : ﻗﺪﺍﻣﻚ ﻛﻞ ﺧﻴﺮ ..
ﻗﻌﺪ ﻣﻮﺳﻰ ﻓﻢ ﺍﻟﺒﺎﺏ ﺭﺍﺟﻰ ﻟﻴﻦ ﻋﻤﺎﺩ ﺭﻛﺐ ﺳﻴﺎﺭﺗﻪ ..
ﺷﻐﻞ ﻋﻤﺎﺩ ﺳﻴﺎﺭﺗﻪ ﻭﻗﺒﻞ ﻳﺘﺤﺮﻙ ﺣﻴﺎ ﻣﻮﺳﻰ ﺑﺤﺮﻛﺔ ﺍﻟﻴﺪ ﻭﻣﻮﺳﻰ ﺭﺩﻫﺎﻟﻪ ﻭﻋﻤﺎﺩ ﻃﻮﻝ ﺗﺤﺮﻙ .
ﺗﻨﻬﺪ ﻣﻮﺳﻰ ﻭﻗﺎﻝ : ﺍﻟﻠﻪ ﻳﺮﺣﻤﻚ ﻳﺎﺳﻴﻔﺎﻭ ﻳﺎﺧﻮﻱ ﻭﻧﻌﻤﻪ ﺍﻟﺼﺤﺒﻪ ..
ﺧﺶ ﺑﻌﺪﻫﺎ ﺻﻜﺮ ﺍﻟﺒﺎﺏ ..
ﺑﺲ ..
ﻓﻲ ﺍﻟﺤﻮﺵ ﺍﻟﻠﻲ ﺟﻨﺒﻬﻢ ﺗﺤﺪﻳﺪﺍ ﻛﺎﻧﺖ ﻓﻲ ﺑﻨﺖ ﻭﺍﻗﻔﻪ ﻓﻮﻕ ﺍﻟﺴﻄﺢ ﺗﺮﺍﻗﺐ ..
ﻣﺠﺮﺩ ﻣﺎﺗﺤﺮﻙ ﻋﻤﺎﺩ .. ﻗﺎﻣﺖ ﺗﻠﻴﻔﻮﻧﻬﺎ ﻭﺍﺗﺼﻠﺖ ﻧﺎﺩﻯ ﻣﺮﺓ ﻭﺍﻧﻔﺘﺢ ﺍﻟﺨﻂ ..
: ﻫﺎﻩ ﻧﺠﻮﻯ ﺷﻦ ﺻﺎﺭ ﻣﻌﺎﻙ ..
ﻧﺠﻮﻯ : ﻛﻠﻪ ﺗﻤﺎﻡ .. ﺍﻧﺘﻲ ﺗﻌﺎﻟﻲ ﺗﻮﺍ ﻛﺎﻥ ﺗﺒﻲ ﺗﺎﺧﺪﻳﻪ ..
: ﺑﺎﻫﻲ ﺧﻼﺹ ﺍﻭﻗﻔﻴﻠﻲ ﻓﻲ ﺍﻟﺒﺎﺏ ..
ﻧﺠﻮﻱ : ﺗﻤﺎﻡ ..
ﺻﻜﺮﺕ ﺍﻟﺒﻨﺖ ﺍﻟﻠﻲ ﻛﺎﻧﺖ ﻓﻮﻕ ﺍﻟﺴﻄﺢ ﻭﻣﺸﺖ ﻃﻮﻝ ..
🍁🍁🍁
ﺷﻮﻳﻪ ﻭﺍﻧﻔﺘﺢ ﺑﺎﺏ ﺣﻮﺷﻬﻢ ﻭﻣﺸﺖ ﻟﺤﻮﺵ ﺍﻫﻞ ﺳﻴﻔﺎﻭ ..
ﺭﻧﺖ ﻉ ﻧﺠﻮﻱ ..
ﻃﻮﻝ ﻧﺠﻮﻯ ﻓﺘﺤﺖ ﺍﻟﺒﺎﺏ : ﻫﺎﻙ ﻧﺎﻫﺪ ﻫﺪﺍ ﺭﻗﻤﻪ .. ﺧﺪﻳﺘﻪ ﻣﻦ ﺗﻠﻴﻔﻮﻥ ﺧﻮﻱ ﺑﺴﺘﻪ ﻭﺳﺘﻴﻦ ﺣﻜﻤﻪ ..
ﻧﺎﻫﺪ ﺑﺈﺑﺘﺴﺎﻣﻪ : ﺣﻠﻮ .. ﺧﺪﺕ ﺍﻟﻮﺭﻗﻪ ﺍﻟﻠﻲ ﻓﻴﻬﺎ ﺍﻟﺮﻗﻢ ..
ﺷﺪﺕ ﻧﺠﻮﻯ ﻳﺪﻫﺎ ﻭﻗﺎﻟﺖ : ﺷﻦ ﺑﺪﻳﺮﻱ ..
ﻧﺎﻫﺪ : ﺍﻭﻝ ﺷﻲ ﺑﻨﺪﻭﺭ ﺍﻳﻤﻴﻠﻪ ﻉ ﺍﻟﻔﻴﺲ .. ﻭﺑﻌﺪﻳﻦ ﺑﻨﺒﺪﺍ ﻧﺰﻋﺞ ﻓﻴﻪ ..
ﺿﺤﻜﺖ ﻧﺠﻮﻱ ﻭﻗﺎﻟﺖ : ﻳﺎﺑﺨﺘﻚ ﻛﺎﻥ ﻗﺪﺭﺗﻲ ﺍﻃﻴﺤﻴﻪ ﻏﻴﺮ ﺧﺴﺎﺭﺓ ﺍﻧﻲ ﻣﺎﻟﻴﺎ ﻣﺴﺘﺤﻴﻞ ﻳﻌﻄﻮﺍ ﻋﺮﺑﻲ ..
ﻧﺎﻫﺪ ﺑﻀﺤﻜﻪ : ﻣﻦ ﺣﻈﻲ .. ﻭﺗﻮﺍ ﻳﻠﻼ ﺑﺎﻱ ..
ﻧﺠﻮﻯ ﺑﻀﺤﻜﻪ : ﻣﺎﺗﻨﺴﻴﺶ ﻏﺪﻭﺓ ﺗﺠﻲ ﻧﻘﺮﻭﺍ ﺍﻟﻜﻴﻤﻴﺎﺀ ..
ﻧﺎﻫﺪ ﻭﻫﻲ ﻣﺎﺷﻴﻪ : ﺑﺎﻫﻲ ..
ﺻﻜﺮﺕ ﻧﺠﻮﻯ ﺍﻟﺒﺎﺏ ..
ﻭﻧﺎﻫﺪ ﺧﺸﺖ ﺣﻮﺷﻬﻢ ﻭﺻﻜﺮﺕ ﺍﻟﺒﺎﺏ ﺣﺘﻰ ﻫﻲ ..
🌴🌴🌴🌴🌴🌴🌴🌴🌴
ﻣﻘﻌﻤﺰﺓ ﺗﻘﺮﺍ ﺧﻼﺹ ﺍﻹﻣﺘﺤﺎﻧﺎﺕ ﻗﺮﺑﺖ ..
ﻭﻫﻲ ﻣﻦ ﺍﻟﺼﺒﺢ ﺷﺎﺩﺗﻬﺎ ﻗﺮﺍﻳﻪ ﺣﺘﻰ ﺍﻟﺜﺎﻟﺖ ﻣﺎﺣﻀﺮﺗﺎﺵ ..
ﺭﻥ ﺗﻠﻴﻔﻮﻧﻬﺎ ..
ﺷﺎﻓﺖ ﺍﻟﺮﻗﻢ ﺍﺑﺘﺴﻤﺖ ﻣﻦ ﻗﻠﺒﻬﺎ ..
ﻣﻊ ﻫﺪﺍ ﺧﻼﺗﻪ ﻳﺮﻥ ﻟﻴﻦ ﻳﻔﺼﻞ ..
ﻋﺎﻭﺩ ﺗﺎﻧﻲ ..
ﺿﺤﻜﺖ ...
ﻭﺧﻼﺗﻪ ﻳﺮﻥ ﻟﻴﻦ ﻳﻔﺼﻞ ..
ﻋﺎﻭﺩ ﺍﻟﻤﺮﺓ ﺍﻟﺘﺎﻟﺘﻪ ..
ﻭﻳﻦ ﻭﺻﻞ ﻓﻨﺺ ﺍﻟﻨﻐﻤﻪ ..
ﻓﺘﺤﺖ ﺍﻟﺨﻂ ﻭﺭﺩﺕ ..
ﺭﺯﺍﻥ : ﺁﻟﻮ ..
ﻋﻤﺎﺩ : ﻋﺎﺭﻓﻚ ﻳﺎﺷﻔﺸﻪ ﺗﺸﻮﻓﻲ ﻓﻲ ﺍﺗﺼﺎﻟﻲ ﻭﻣﺎﺗﺮﺩﻳﺶ ﻗﺼﺪﺍ ﻟﻜﻦ ﺑﺎﻫﻲ ﻛﻠﻪ ﺳﻠﻒ ﻭﺩﻳﻦ .
ﺭﺯﺍﻥ ﻓﻨﺼﺖ ﻭﻫﻲ ﻣﺒﺘﺴﻤﻪ ..
ﻫﻮ ﺿﺤﻚ ﻭﻗﺎﻝ؛ﺷﻔﺸﻮﻧﻪ ﺑﻨﺒﻌﺘﻠﻚ ﺗﻮﺍ ﺻﻮﺭ ﻭﺍﻧﺘﻲ ﺍﺧﺘﺎﺭﻱ ﺍﻟﻠﻲ ﻳﻌﺠﺒﻚ ..
ﺭﺯﺍﻥ : ﻛﺎﻥ ﻗﺼﺪﻙ ﻉ ﺍﻟﺨﺎﺗﻢ ﺍﺷﺮﻱ ﺍﻱ ﺷﻲ ﻭﺧﻼﺹ ..
ﻋﻤﺎﺩ؛ﻻ ﻣﺎﻧﺸﺮﻳﺶ ﺍﻱ ﺷﻲ ... ﻟﻴﻚ ﺍﻧﺘﻲ ﺍﻧﻲ ﻣﺎﻧﺎﺧﺪ ﺍﻻ ﺍﺣﺴﻦ ﺷﻲ ..
ﺍﺑﺘﺴﻤﺖ ﺑﻔﺮﺡ ﻭﻗﻠﺒﻬﺎ ﻳﻘﺮﺑﻊ ﺗﻘﺮﻳﺒﻊ 💓
ﻋﻤﺎﺩ : ﻟﻔﻌﺘﻲ ﺻﻜﺮﻱ ﺗﻮﺍ ﺑﺶ ﻧﺒﻌﺘﻬﻤﻠﻚ ..
ﺭﺯﺍﻥ : ﺑﺎﻫﻲ .. ﺻﻜﺮﺕ ..
ﺷﻮﻳﻪ ﻭﻭﺻﻠﻮﻫﺎ ﺻﻮﺭ ..
ﻗﻌﺪﺕ ﺗﺸﻮﻑ ﻓﻴﻬﻢ ﻛﻠﻬﻢ ﺧﻮﺍﺗﻢ ﺫﻫﺐ ﻭﺣﻠﻮﺍﺕ ﻫﻠﺒﻪ ﻭﻳﺒﺎﻧﻮﺍ ﺣﺎﺟﻪ ﺻﺢ ..
ﻫﻲ ﻣﺎﻛﺎﻧﺘﺶ ﺗﺸﻮﻑ ﻓﻲ ﻗﻴﻤﺘﻬﻢ ﺍﻟﻤﺎﺩﻳﻪ ﻫﻲ ﻛﺎﻧﺖ ﺗﺸﻮﻑ ﻟﻘﻴﻤﺘﻬﺎ ﻋﻨﺪﻩ ..
ﺗﻤﺮﺭ ﻓﺎﻟﺼﻮﺭ ﻭﻋﻴﻮﻧﻬﺎ ﻣﻌﺒﻴﺎﺕ ﺩﻣﻮﻉ ﻣﻦ ﻗﻮﺓ ﺷﻌﻮﺭﻫﺎ ..
ﻛﻠﻬﻢ ﻛﺎﻧﻮﺍ ﺣﻠﻮﺍﺕ ﺑﺲ ﻓﻲ ﻭﺍﺣﺪ ﺟﺬﺑﻬﺎ ﻫﻠﺒﻪ ﺍﺧﺘﺎﺭﺗﻪ ﻭﺑﻌﺘﺘﻠﻪ ﺍﻟﺼﻮﺭﺓ ..
ﺷﻮﻳﻪ ..
ﻭﺍﺗﺼﻞ ﺑﻴﻬﺎ ﺭﺩﺕ ..
ﻋﻤﺎﺩ : ﻭﺍﻟﻠﻪ ﻳﺎﻣﻠﻌﻘﻪ ﻧﻔﺲ ﺍﻟﻠﻲ ﺟﺖ ﻋﻠﻴﻪ ﻋﻴﻨﻲ ﻭﻋﺠﺒﻨﻲ .. ﺭﻳﺘﻲ ﻳﺎﻣﻠﻌﻘﻪ ﺭﻳﺘﻲ ﻛﻴﻒ ﻗﻠﺒﻲ ﻭﻗﻠﺒﻚ ﻭﺍﺣﺪ ..
ﻫﻲ ﻣﺒﺘﺴﻤﻪ ﻭﺧﻼﺹ ﻣﺎﺗﺒﻴﺶ ﺗﺘﻜﻠﻢ ..
ﻋﻤﺎﺩ : ﺍﺍﺍﺍﺥ ﻣﻨﻚ ﺍﻧﺘﻲ .. ﻗﺪﺍﺵ ﻧﺤﺒﻚ ﻳﺎﺩﻋﻮﺓ ﻧﻤﻮﺕ ﻓﻴﻚ .. ﻳﺎﻧﻲ ﻳﺎﻗﻠﺒﻲ ..
ﺭﺯﺍﻥ ﺗﻀﺤﻚ ﻉ ﺍﻟﺼﺎﻣﺖ ..
ﻋﻤﺎﺩ ﺑﻀﺤﻜﻪ : ﺻﻜﺮﻱ ﺷﻔﺸﻮﻧﻪ ﺻﻜﺮﻱ ..
ﺻﻜﺮﺕ ..
ﻭﺣﻀﻨﺖ ﺍﻟﺘﻠﻴﻔﻮﻥ ﻃﻮﻝ ﻭﻫﻲ ﻣﻐﻤﻀﻪ ﻋﻴﻮﻧﻬﺎ ﻗﺎﻟﺖ : ﻭﺍﻧﻲ ﻧﻤﻮﺕ ﻓﻴﻚ ﻳﺎﺭﻭﺡ ﻣﻠﻌﻘﻪ ..
" ﺭﺯﺍﺍﺍﻥ " .
ﻓﻨﺼﺖ ﻭﺣﻄﺖ ﺍﻟﺘﻠﻴﻔﻮﻥ ﻉ ﺍﻟﻄﺎﻭﻟﻪ ..
ﻭﻧﺎﺿﺖ ﻃﻮﻝ ﻃﻠﻌﺖ ﺗﺠﺮﻱ ﻟﺘﻮﻓﻴﻖ ..
ﻭﻗﻔﺖ ﻗﺪﺍﻣﻪ ﻭﻗﺎﻟﺖ : ﻧﻌﻢ ..
ﺗﻮﻓﻴﻖ : ﺧﻴﺮﻩ ﻭﺟﻬﻚ ﺍﺻﻔﺮ ﻫﻜﻲ ..
ﺭﺯﺍﻥ ﺑﺸﻲ ﻣﻦ ﺍﻟﺮﺑﻜﻪ : ﻣﻦ ﺍﻟﻘﺮﺍﻳﻪ ...
ﺗﻮﻓﻴﻖ : ﺍﻣﻤﻤﻢ .. ﺑﺎﻫﻲ ﺑﻨﻘﻮﻟﻚ .. ﺷﻦ ﺗﻌﺮﻓﻲ ﻋﻦ ﺑﻨﺖ ﺧﺎﻟﺔ ﺑﻠﻘﻴﺲ ﺻﺎﺣﺒﺘﻚ ..
ﺭﺯﺍﻥ ﺑﺮﻓﻌﺔ ﺣﺎﺟﺐ : ﻟﻴﺶ ..
ﺗﻮﻓﻴﻖ ﺷﺒﺤﻠﻬﺎ ﺷﺒﺤﺔ ﺗﺨﻮﻑ ..
ﻫﻲ ﺧﺎﻓﺖ ﻭﻗﺎﻟﺖ : ﺧﻮﺗﻬﺎ ﻛﻠﻬﻢ ﻭﻻﺩ ... ﻭﻋﺎﻳﺸﻴﻦ ﻓﺎﻟﺰﺍﻭﻳﻪ ﻭﻫﻲ ﺗﻘﺮﺍ ﺗﺎﻧﻴﻪ ﺗﺎﻧﻮﻱ .. ﻭﺑﺲ ..
ﺗﻮﻓﻴﻖ : ﻳﻌﻨﻲ ﻣﺎﻋﻨﺪﻫﺎ ﺣﺪ ﻻﻣﺨﻄﻮﺑﻪ ﻻﻓﻲ ﺣﺪ؟
ﺭﺯﺍﻥ ﺣﺮﻛﺖ ﺭﺍﺳﻬﺎ ﺍﻳﻤﻴﻦ ﻭﻳﺴﺎﺭ ﻧﺎﻓﻴﻪ ..
ﺗﻮﻓﻴﻖ : ﺑﺎﻫﻲ ﺗﻮﺍ ﻋﺪﻱ ﻓﺤﺎﻟﻚ ..
ﻟﻒ ﻭﻣﺸﻲ ﻭﻫﻲ ﻣﻌﺎﻩ ﺑﻌﻴﻮﻧﻬﺎ : ﻣﻌﺎﺩ ﻟﻘﻴﺖ ﻉ ﻣﻦ ﺗﺤﻂ ﻋﻴﻨﻚ ﻛﺎﻥ ﺍﻣﻲ ﺭﺿﺖ ﺑﺮﺍﻧﻴﺎ ﻣﺶ ﻣﻌﻨﺎﻫﺎ ﺗﺮﺿﻰ ﺣﺘﻰ ﺑﺒﻨﺖ ﺍﺧﺖ ﻧﺠﺎﻩ ... ﻫﺪﻱ ﻣﺴﺘﺤﻴﻠﻪ ﺗﺼﻴﺮ ...
ﺍﺑﺘﺴﻤﺖ ﺑﺘﻬﻜﻢ ﻭﻣﺸﺖ ﻭﻟﺖ ﻟﺪﺍﺭﻫﺎ ..
🍁🍁🍁🍁🍁
ﻃﻖ ﺑﺎﺏ ﺩﺍﺭﻫﺎ ..
ﺣﻄﺖ ﺗﻠﻴﻔﻮﻧﻬﺎ ﺍﻟﻠﻲ ﻛﺎﻧﺖ ﻻﻫﻴﻪ ﺑﻴﻪ ﻉ ﺗﺮﻛﻴﻨﻪ ﻭﻧﺎﺿﺖ ..
ﻣﺸﺖ ﻃﻮﻝ ﻟﻠﺒﺎﺏ ﻓﺘﺤﺎﺗﻪ .. ﺭﻓﻌﺖ ﺣﻮﺍﺟﺒﻬﺎ ﻟﻤﺎ ﺷﺎﻓﺖ ﺍﻟﻠﻲ ﻉ ﺍﻟﺒﺎﺏ ..
ﺩﻓﺘﻬﺎ ﻃﻮﻝ ﻭﺧﺸﺖ ﻭﺻﻜﺮﺕ ﺍﻟﺒﺎﺏ ..
ﺳﻌﻴﺪﻩ : ﺍﺳﻤﻌﻲ ﻳﺎﺑﻨﺖ ﺍﻧﺘﻲ ﻣﺶ ﻛﺎﻥ ﺗﺸﻮﻓﻲ ﻓﻴﻨﺎ ﺳﺎﻛﺘﻴﻦ ﻉ ﻓﻌﺎﻳﻠﻚ ﻣﻌﻨﺎﻫﺎ ﺧﺎﻳﻔﻴﻦ ﻻﺣﺒﻴﺒﺘﻲ .. ﻓﻲ ﺣﺎﺟﺎﺕ ﻣﺎﻳﻨﺴﻜﺘﺶ ﻋﻠﻴﻬﻦ .. ﺧﻂ ﺍﺣﻤﺮ ﻣﺎﺣﺪ ﻳﻄﻖ ﻓﻴﻬﻦ ﻭﻳﺘﻔﻮﺗﻠﻪ .. ﺍﺳﻠﻮﺏ ﺣﻴﺎﺗﻚ ﻛﻠﻪ ﻻﺯﻡ ﺗﻐﻴﺮﻳﻪ ﻭﻗﻠﺔ ﺍﻷﺩﺏ ﻻﺯﻡ ﻳﻨﺤﻄﻠﻚ ﻋﻠﻴﻬﺎ ﺣﺪ ..
ﺣﺪﻫﻢ : ﻭﺧﻴﺮﻙ ﻣﺎﺣﻄﺘﻴﺶ ﻟﻘﻠﺔ ﺍﺩﺏ ﺑﻨﺘﻚ ﺣﺪ ..
ﺳﻌﻴﺪﻩ ﺑﺘﻔﻨﻴﺼﻪ : ﺑﻨﺘﻲ ﻣﺘﺮﺑﻴﻪ ﺧﻴﺮ ﻣﻨﻚ ..
ﺣﺪﻫﻢ ﺑﺘﻬﻜﻢ : ﺍﻟﻨﻤﺎﻣﻪ ﻭﺍﻟﻔﺘﺎﻧﻪ ﻭﺍﻟﻜﺬﺍﺑﻪ ﻫﺪﻳﻚ ﺍﻟﻠﻲ ﻟﺴﺎﻧﻬﺎ ﻃﺎﻟﻘﺎﺗﻪ ﻓﻲ ﺍﻟﻜﺒﻴﺮ ﻭﺍﻟﺼﻐﻴﺮ ﺗﺴﻤﻲ ﻓﻴﻬﺎ ﻣﺘﺮﺑﻴﻪ ..
ﺳﻌﻴﺪﻩ : ﺗﺘﻜﻠﻤﻲ ﻋﻦ ﻧﻔﺴﻚ ﺍﻧﺘﻲ ..
ﺣﺪﻫﻢ : ﻻ ﺣﺎﺷﺎﻱ ﺍﻧﻲ ﺭﺑﺎﻳﺔ ﺭﺍﻭﻳﻪ ﻣﺶ ﺭﺑﺎﻳﺔ ﺳﻌﻴﺪﻩ ..
ﺳﻌﻴﺪﻩ ﺟﺖ ﺑﺘﻀﺮﺑﻬﺎ ﺑﺲ ﺗﻤﺎﻟﻜﺖ ﻧﻔﺴﻬﺎ ﻭﻗﺎﻟﺖ : ﺍﺧﺮ ﻣﺮﺓ ﻧﻜﻠﻤﻚ ﻓﻴﻬﺎ ﻭﺟﻬﺎ ﻟﻮﺟﻪ ﻓﻲ ﺍﻟﺠﺪﻳﺪ ﺗﻮ ﻧﻌﺮﻑ ﻛﻴﻒ ﻧﺘﺼﺮﻑ ﻣﻌﺎﻙ ..
ﺷﺒﺤﺘﻠﻬﺎ ﻣﻦ ﻓﻮﻕ ﻟﻠﻮﻃﺎ .. ﺑﻌﺪﻳﻦ ﻓﺘﺤﺖ ﺍﻟﺒﺎﺏ ﻭﻃﻠﻌﺖ ..
ﻭﺣﺪﻫﻢ ﺗﺸﻮﻓﻠﻬﺎ ... ﺣﺴﺖ ﺭﻭﺣﻬﺎ ﻣﺨﻨﻮﻗﻪ ﻫﻠﺒﻪ ﺍﻛﺜﺮ ﺍﻧﺴﺎﻧﻪ ﻓﺎﻟﺪﻧﻴﺎ ﺗﻜﺮﻫﻬﺎ ﺣﺪﻫﻢ ﻋﻤﺘﻬﺎ ﺳﻌﻴﺪﻩ ﻉ ﺍﻟﻠﻲ ﺭﺍﺗﻪ ﻣﻨﻬﺎ ﺯﻣﺎﻥ ..
ﻃﻠﻌﺖ ﻣﻦ ﺍﻟﺪﺍﺭ ..
ﻭﻣﺸﺖ ﺑﺴﺮﻋﻪ ﻃﻮﻝ ﺟﻬﺔ ﺍﻟﺪﺭﻭﺝ ﺭﻛﺐ ﻓﻮﻕ ..
ﺧﺸﺖ ﻟﻠﺴﻄﺢ ﻗﻌﺪﺕ ﺗﺎﺧﺪ ﻓﻨﻔﺲ ..
ﺑﻌﺪﻳﻦ ﺗﻠﻔﺘﺖ ﻭﻣﺸﺖ ﺗﺸﻮﻑ ﻟﻠﺠﻬﻪ ﺍﻟﻤﻄﻠﻪ ﻉ ﺍﻟﻮﺍﺩﻱ ..
ﺍﻟﻠﻲ ﻛﺎﻧﺖ ﻭﺭﺍﻫﺎ ﻣﻨﻈﺮ ﺍﺿﻮﻳﺔ ﻫﺪﻳﻜﺎ ﺍﻟﻤﺪﻳﻨﻪ ..
ﺟﺰﺀ ﻣﻈﻠﻢ .. ﻭﺍﺿﺢ ﻫﺎﺭﺏ ﻋﻠﻴﻬﻢ ﺍﻟﻀﻲ ..
ﻭﺟﺰﺀ ﺍﺿﻮﻳﻪ ﺑﻴﻀﺎ ﻭﺑﺮﺗﻘﺎﻟﻴﻪ ﻭﺣﻤﺮﺍ ..
ﻟﻤﺎ ﺗﺸﻮﻑ ﺍﻟﻤﻨﻈﺮ ﻫﺪﺍ ﻭﺗﺴﺮﺡ ﻣﻌﺎﻩ ﺗﻨﺴﻰ ﻛﻞ ﺷﻲ ..
ﻫﻮ ﻛﺎﻥ ﻳﺮﺍﺟﻊ ﻓﺴﻮﺭﺓ ﻣﻦ ﺍﻟﻘﺮﺁﻥ ﻗﺎﺭﺏ ﻉ ﺣﻔﻆ ﻧﺼﻪ ..
ﻟﻤﺎ ﺳﻜﺮ ﺍﻟﻤﺼﺤﻒ ﻭﺟﺎﻱ ﺑﻴﻨﺰﻝ ﺷﺎﻓﻬﺎ ..
ﻗﻌﺪ ﻟﺤﻈﺎﺕ ﻳﺸﺒﺤﻠﻬﺎ ..
ﺑﻌﺪﻳﻦ ﺗﻌﻮﺫ ﻣﻦ ﺍﻟﺸﻴﻄﺎﻥ ﻭﻃﻮﻝ ﻣﺸﻲ ﺟﻬﺔ ﺑﺎﺏ ﺍﻟﺪﺭﻭﺝ ﻭﻧﺰﻝ ..
ﻫﻲ ﺳﻤﻌﺖ ﺻﻮﺕ ﺍﻟﺒﺎﺏ ﺷﺒﺤﺘﻠﻪ ﻃﻮﻝ ﻣﺎﻟﻘﺖ ﺣﺪ ﺍﺑﺘﺴﻤﺖ ..
ﺑﻌﺪﻳﻦ ﺭﺟﻌﺖ ﺗﺸﻮﻑ ﻟﻨﻔﺲ ﺍﻟﻤﻨﻈﺮ ..
🍁🍁🍁🍁
ﻓﻲ ﺣﻮﺵ ﻋﻴﺖ ﺭﻣﻀﺎﻥ ..
ﺍﻟﻜﻮﺟﻴﻨﻪ ..
ﺟﺎﺑﺖ ﻷﻣﻲ ﺣﻮﻟﻲ ﺣﺮﻳﺮ ﻭﺟﺮﺩ ﻭﺷﺒﺸﺐ ﻭﺧﺎﺗﻢ ..
ﻭﺟﺎﺑﺖ ﻟﻠﻮﻻﺩ ﻛﻞ ﻭﺍﺣﺪ ﻓﻴﻬﻢ ﺳﺎﻋﻪ ..
ﻭﺟﺎﺑﺘﻠﻜﻦ ﻛﻞ ﻭﺣﺪﻩ ﻓﻴﻜﻦ ﺧﺎﺗﻢ .. ﻭﺍﻟﺒﻨﺎﺕ ﺍﻟﺼﻐﺎﺭ ﻛﻞ ﻭﺣﺪﻩ ﻣﺠﻤﻮﻋﻪ ﻋﻨﺎﻳﺔ ﺑﺎﻟﺠﺴﻢ ﻭﺍﻟﺒﺸﺮﺓ .. ﺍﻣﺎ ﺍﻧﻲ ﺗﻌﺮﻓﻦ ﺷﻦ ﺟﺎﺑﺘﻠﻲ ..
ﺯﻳﻨﺐ ﻭﺭﺑﺎﺏ ﺑﺈﺑﺘﺴﺎﻣﻪ : ﺷﻨﻲ ..
ﻏﺎﻟﻴﻪ ﺑﺈﺑﺘﺴﺎﻣﻪ : ﺗﻌﻠﻴﻘﻪ ﻛﺎﻣﻠﻪ ﺳﻠﺴﻠﻪ ﻭﺧﺮﺍﺻﺎﺕ ﻭﺧﺎﺗﻢ ..
ﺯﻳﻨﺐ ﻭﺭﺑﺎﺏ : ﻣﺎﺷﺎﺍﺀ ﺍﻟﻠﻪ ..
ﺭﺑﺎﺏ : ﺣﺎﻟﺘﻬﻢ ﺍﻟﻤﺎﺩﻳﻪ ﻣﺮﺗﺎﺣﻪ ﺣﺴﻴﺘﻬﻢ ..
ﺯﻳﻨﺐ : ﺣﺘﻰ ﻫﻲ ﻣﺪﺭﺳﻪ ﻭﺍﻟﻤﺪﺭﺳﺎﺕ ﻣﻌﺮﻭﻓﺎﺕ ﺷﻦ ﻳﺎﺧﺪﻭﺍ ..
ﻏﺎﻟﻴﻪ : ﺍﻧﺘﻲ ﺷﻮﻓﻲ ﻛﻴﻒ ﻳﻔﻬﻤﻮﺍ ﻓﺎﻟﻘﺪﻭ ﻭﺧﻠﻴﻚ ﻣﻦ ﺍﻟﻤﺎﺩﻳﺎﺕ .. ﻋﻠﻴﻚ ﻋﻴﻠﻪ ﻋﻴﺖ ﻋﺒﻮﺩﺓ ﻣﺎﺷﺎﺀ ﺍﻟﻠﻪ ﻋﻠﻴﻬﻢ ..
ﺯﻳﻨﺐ : ﺍﻳﻪ ﺍﻟﺤﻖ ﻧﺎﺱ ﻣﺎﺷﺎﺀ ﺍﻟﻠﻪ ..
ﻏﺎﻟﻴﻪ : ﺍﻳﻴﻴﻪ .. ﻟﻬﻴﺖ ﺑﺎﻟﻬﺪﺭﺯﺓ ﻭﻧﺴﻴﺖ ﺩﻭﺍ ﺍﻣﻲ ...
ﺧﺪﺕ ﺍﻟﻄﺎﺳﻪ ﻭﻃﻠﻌﺖ ﺑﺴﺮﻋﻪ ..
ﺯﻳﻨﺐ ﻃﻮﻝ ﺷﺒﺤﺖ ﻟﺮﺑﺎﺏ ...
ﺭﺑﺎﺏ ﺷﺒﺤﺘﻠﻬﺎ .. ﺧﺎﻓﺖ ﻣﻦ ﻧﻈﺮﺓ ﺍﻣﻬﺎ ..
ﺯﻳﻨﺐ؛ﻓﻲ ﺑﻴﻨﻚ ﻭﺑﻴﻦ ﺍﻟﺴﺮﺗﺎﻭﻱ ﺣﺎﺟﻪ ..
ﺭﺑﺎﺏ ﺳﻜﺘﺖ ..
ﺯﻳﻨﺐ : ﺗﻜﻠﻤﻲ ..
ﺭﺑﺎﺏ ﺗﺸﺠﻌﺖ ﻭﻗﺎﻟﺖ : ﺭﺍﺟﻞ ﻭﻳﺒﻴﻨﻲ ﺑﺎﻟﺤﻼﻝ ﻭﻗﺎﻟﻲ ﻣﺎﻧﺒﻲ ﻧﺪﻳﺮ ﻣﻌﺎﻙ ﺷﻲ ﻏﻠﻂ ﺑﻨﻜﻠﻢ ﺑﻮﻙ ﻃﻮﻝ ﻭﻭﺍﺿﺢ ﺍﻧﻪ ﻛﺎﻥ ﻋﻨﺪ ﻛﻠﻤﺘﻪ ..
ﺯﻳﻨﺐ ﺑﺮﻓﻌﺔ ﺣﻮﺍﺟﺐ : ﻣﺎﺷﺎﺀ ﺍﻟﻠﻪ ﻣﺎﺷﺎﺀ ﺍﻟﻠﻪ .. ﻋﺎﺟﺒﻚ ﻫﻠﺒﻪ ﺍﻟﻤﻮﺿﻮﻉ ﺍﻟﺒﺎﻳﻦ ..
ﺭﺑﺎﺏ ﻗﻌﺪﺕ ﺗﺸﻮﻑ ﻷﻣﻬﺎ ﻭﻫﻲ ﺳﺎﻛﺘﻪ ﻭﻋﻴﻮﻧﻬﺎ ﻣﻌﺒﻴﺎﺕ ﺩﻣﻮﻉ ..
ﺯﻳﻨﺐ ﺑﺤﺪﻩ : ﺍﻟﻤﻮﺿﻮﻉ ﻫﺪﺍ ﺗﺤﻮﻟﻴﻪ ﻣﻦ ﺭﺍﺳﻚ .. ﺗﻨﺴﻴﻪ .. ﻟﻮ ﻃﻴﺮﻱ ﻣﺎﺻﺎﻳﺮ ﻣﻨﻪ .. ﻫﺪﺍ ﺍﻟﻠﻲ ﻣﺎﺯﺍﻝ ﻧﻌﻄﻲ ﺑﻨﺘﻲ ﻟﻮﺍﺣﺪ ﻫﺎﺭﺏ ..
ﺭﺑﺎﺏ ﺍﺿﺎﻳﻘﺖ ﻣﻦ ﻛﻼﻡ ﺍﻣﻬﺎ ﻉ ﺍﻵﺧﺮ ﻃﻮﻝ ﻣﺸﺖ ﻃﻠﻌﺖ ﻣﻦ ﺍﻟﻜﻮﺟﻴﻨﻪ ..
ﺯﻳﻨﺐ ﺑﻌﺼﻴﻴﻪ : ﻭﺍﺩﻱ ..
🍁 ﻫﻲ ﺑﻌﺪ ﻃﻠﻌﺖ ﺧﺸﺖ ﻟﻮﺣﺪﻩ ﻣﻦ ﺍﻟﺪﻳﺎﺭ ﻛﺎﻧﻮﺍ ﺭﺍﻗﺪﻳﻦ ﻓﻴﻬﺎ ﺻﻐﺎﺭ ﺩﻻﻝ ..
ﺻﻜﺮﺕ ﺍﻟﺒﺎﺏ ﺑﺎﻟﺸﻮﻳﻪ ..
ﻭﻃﻠﻌﺖ ﺗﻠﻴﻔﻮﻧﻬﺎ ﻣﻦ ﺟﻴﺐ ﺍﻟﺘﻮﺗﻪ ﻗﻌﺪﺕ ﺍﺩﻭﺭ ﻉ ﺭﻗﻤﻪ ﻭﺩﻣﻮﻋﻬﺎ ﻳﻨﺰﻟﻮﺍ .. ﻟﻘﺎﺗﻪ .. ﻭﻃﻮﻝ ﺍﺗﺼﻠﺖ ﺑﻴﻪ .
🍁🍁🍁🍁🍁
¤ ﻭﺍﻥ ﺍﻟﻔﻀﻞ ﺑﻴﺪ ﺍﻟﻠﻪ ﻳﺆﺗﻴﻪ ﻣﻦ ﻳﺸﺎﺀ ﻭﺍﻟﻠﻪ ﺫﻭ ﺍﻟﻔﻀﻞ ﺍﻟﻌﻈﻴﻢ ¤
ﻣﺆﻧﺲ ﺑﺈﺑﺘﺴﺎﻣﻪ : ﻣﺎﺷﺎﺀ ﺍﻟﻠﻪ ..
ﺍﻳﻤﻦ ﺑﺈﺑﺘﺴﺎﻣﻪ : ﻣﻴﻪ ﻣﻴﻪ ..
ﻣﺆﻧﺲ ﺑﻀﺤﻜﻪ : ﻣﻴﻪ ﻣﻴﻪ ..
ﺭﻥ ﺗﻠﻴﻔﻮﻧﻪ ..
ﻣﺆﻧﺲ : ﻭﺭﺍﻙ ﻳﺎﺃﻳﻤﻦ ﺑﺎﻟﻠﻪ ﻣﺪﻫﻠﻲ ..
ﺍﻳﻤﻦ ﺗﻠﻔﺖ ﺧﺪﺍﻩ .. ﻭﺑﻌﺪﻳﻦ ﻣﺪﻫﻮﻟﻪ ..
ﺧﺪﻱ ﻣﺆﻧﺲ ﺍﻟﺘﻠﻴﻔﻮﻥ ﻭﻟﻤﺎ ﺷﺎﻑ ﺍﻟﺮﻗﻢ ﺗﻠﺨﺒﻂ ..
ﻃﻮﻝ ﻧﺎﺽ ﻭﻣﺸﻲ ﻟﻠﺪﺍﺭ ..
ﺍﺑﺘﺴﻢ ﺍﻳﻤﻦ ..
ﻭﺭﺟﻊ ﻓﺘﺢ ﺍﻟﻤﺼﺤﻒ ﻳﺸﻮﻑ ﻟﻠﺴﻮﺭﺓﺍﻟﻠﻲ ﺑﻌﺪ ﺳﻮﺭﺓ ﺍﻟﺤﺪﻳﺪ ..
🍁🍁🍁🍁
ﺧﺶ ﻣﺆﻧﺲ ﺍﻟﺪﺍﺭ ﻭﺻﻜﺮﻫﺎ ..
ﺭﺩ ﻃﻮﻝ ..
ﻣﺆﻧﺲ : ﺍﻳﻮﻩ ..
ﺭﺑﺎﺏ ﺗﺒﻜﻲ ﻭﺧﻼﺹ ..
ﻣﺆﻧﺲ ﺑﺨﻮﻑ : ﺗﺒﻜﻲ ؟
ﺭﺑﺎﺏ ﺑﺒﻜﻲ : ﺍﻧﻲ .. ﺍﺳﻔﻪ .. ﺍﺳﻔﻪ ﻫﻠﺒﻪ .. ﻣﺎﻛﻨﺘﺶ ﻧﺤﺴﺎﺑﻬﻢ ﻫﻜﻲ ﺑﻴﺪﻳﺮﻭﺍ ..
ﻫﻮ ﺍﺑﺘﺴﻢ ﻭﻗﺎﻝ : ﻟﻴﺶ ﺗﺘﺄﺳﻔﻲ ..
ﺭﺑﺎﺏ ﺑﺒﻜﻲ : ﺍﻧﺤﻄﻴﺖ .. ﻓﻬﺎﻟﻤﻮﻗﻒ ﺑﺴﺒﺒﻲ ..
ﻣﺆﻧﺲ : ﺍﻧﻲ ﺍﻟﻠﻲ ﺣﻄﻴﺖ ﺭﻭﺣﻲ ﻓﻴﻪ ﻣﺶ ﺍﻧﺘﻲ ﺣﻄﻴﺘﻴﻨﻲ ﻭﻣﺎﻧﻴﺶ ﻧﺎﺩﻡ ﻋﻠﻴﻪ .. ﻋﺎﺩﻱ ﻭﻃﺒﻴﻌﻲ ﺍﻟﻠﻲ ﺻﺎﺭ ﻫﻤﺎ ﻣﺎﺭﻓﻀﻮﻧﻲ ﻟﺸﺨﺼﻲ ﻫﻤﺎ ﺭﻓﻀﻮﻧﻲ ﺑﺴﺒﺐ ﻇﺮﻭﻓﻲ ﻭﺭﺍﻫﻢ ﻣﺎﻳﻨﻼﻣﻮﺍ ﻭﺍﻧﻲ ﻋﺎﺫﺭﻫﻢ ..
ﺭﺑﺎﺏ ﻣﺴﺤﺖ ﺩﻣﻮﻋﻬﺎ ﻭﻗﺎﻟﺖ : ﻳﻌﻨﻲ ﺧﻼﺹ؟
ﻣﺆﻧﺲ ﺭﻓﻊ ﺣﺎﺟﺒﻪ ﺍﻹﻳﺴﺎﺭ ﻭﻗﺎﻝ؛ﺷﻨﻮ ﻫﻮ ﺍﻟﻠﻲ ﺧﻼﺹ؟
ﺭﺑﺎﺏ ﺭﺷﻔﺖ ﻭﻗﺎﻟﺖ؛ﻣﻌﺎﺵ ﺗﺒﻴﻨﻲ؟
ﺿﺤﻚ ﻉ ﺳﺆﺍﻟﻬﺎ ﻭﻉ ﺍﻟﻄﺮﻳﻘﻪ ﺍﻟﻄﻔﻮﻟﻴﻪ ﺍﻟﻠﻲ ﻗﺎﻻﺗﻪ ﺑﻴﻬﺎ ﻭﺭﺩ ﻳﻘﻮﻝ : ﻫﺪﻯ ﻭﻳﻦ ﺯﺩﺕ ﺗﻤﺴﻜﺖ ﺑﻴﻚ .. ﺍﺻﻼ ﺣﻨﻰ ﺍﻟﺴﺮﺍﺗﻪ ﺍﻟﺤﺎﺟﻪ ﻭﻳﻦ ﺗﺼﻌﺐ ﺗﻐﻼ ﻋﻠﻴﻨﺎ ﺑﺰﻳﺎﺩﻩ ﻭﻧﺪﻳﺮﻭﺍ ﻛﻞ ﺷﻲ ﺑﺶ ﻧﻮﺻﻠﻮﺍ ﻓﻴﻬﺎ ﻭﻧﻄﻮﻟﻮﻫﺎ .. ﻭﺍﻧﻲ ﻳﺎﺭﺑﺎﺏ ﻣﺎﺻﺒﺮﺕ ﺍﻟﺼﺒﺮ ﻫﺪﻯ ﻛﻠﻪ ﺑﻴﺶ ﻓﻲ ﺍﻭﻝ ﻣﺤﺎﻭﻟﻪ ﺧﺎﻳﺒﻪ ﻧﻮﺧﺮ .. ﺿﺤﻚ ﻭﻗﺎﻝ .. ﺍﻃﻤﻨﻲ ﻭﺭﺍﻙ ﻭﺭﺍﻙ ﻳﺎﻫﺎﻳﺪﻱ ...
ﺿﺤﻜﺖ ﻣﻦ ﺑﻴﻦ ﺩﻣﻮﻋﻬﺎ ..
ﻣﺆﻧﺲ ﻟﻤﺎ ﺳﻤﻊ ﺿﺤﻜﺘﻬﺎ ﻗﻠﺒﻪ ﺭﻓﺮﻑ ﻗﺎﻝ : ﻭﺣﻖ ﻣﻦ ﺧﻠﻘﻚ ﻭﺳﻮﺍﻙ ﻭﻋﺪﻟﻚ ﻣﺎﺿﺎﻝ ﺍﻻ ﻣﺪﺧﻠﻚ ﺫﻣﺘﻲ .. ﻭﺍﻧﻲ ﺣﻠﻔﺖ ..
ﺣﻄﺖ ﻳﺪﻫﺎ ﻉ ﻓﻤﻬﺎ ﻭﻫﻲ ﻣﺒﺘﺴﻤﻪ ﺑﻔﺮﺡ ﺷﺪﻳﺪ ..
ﻣﺆﻧﺲ ﺑﺈﺑﺘﺴﺎﻣﻪ : ﻫﻲ ﺗﻮﺍ ﻋﺪﻱ ﺍﻏﺴﻠﻲ ﻭﺟﻬﻚ ﻭﺍﻧﺴﻲ ﻛﻞ ﺷﻲ ﻭﺍﺩﻋﻲ ﻭﻣﺎﺗﺒﻄﻠﻴﺶ ﺩﻋﺎﺀ ﻭﺣﺎﺟﻪ ﺍﺧﺮﻯ ﺑﻨﻄﻠﺒﻬﺎ ﻣﻨﻚ ..
ﺭﺑﺎﺏ : ﺷﻨﻲ ..
ﻣﺆﻧﺲ؛ﺍﻗﺮﻱ ﺍﻟﺒﻘﺮﺓ ﻛﻞ ﻳﻮﻡ ﺍﻟﺰﻣﻴﻬﺎ ﻳﺎﺭﺑﺎﺏ .. ﻭﺍﻧﻲ ﺑﺈﺫﻥ ﺍﻟﻠﻪ ﺣﻨﻠﺰﻣﻬﺎ .. ﺗﻤﺎﻡ ..
ﺭﺑﺎﺏ ﺑﺈﺑﺘﺴﺎﻣﻪ : ﺣﺎﺿﺮ ..
ﻣﺆﻧﺲ : ﻳﺤﻀﺮﻟﻚ ﺍﻟﺨﻴﺮ .. ﻭﻫﻲ ﺗﻮﺍ ﻻﺯﻡ ﻧﺼﻜﺮ .. ﺗﺼﺒﺤﻲ ﻉ ﺧﻴﺮ ..
ﺭﺑﺎﺏ ﺑﺈﺑﺘﺴﺎﻣﻪ : ﻗﺪﺍﻣﻚ ﻛﻞ ﺧﻴﺮ ..
ﻭﻣﺎﺻﻜﺮﺵ ﻟﻴﻦ ﻫﻲ ﺻﻜﺮﺕ ..
ﺩﻣﻮﻋﻬﺎ ﻗﺴﻤﻮﺍ ﻗﻠﺒﻪ .. ﺧﻠﻮﻩ ﻣﺼﺮ ﻋﻠﻴﻬﺎ ﺍﻛﺜﺮ ﻭﻣﺶ ﻣﺴﺘﺨﺴﺮ ﻓﻴﻬﺎ ﺍﻱ ﻣﺠﺎﺯﻓﻪ ﻳﺪﻳﺮﻫﺎ ﻉ ﺧﺎﻃﺮﻫﺎ ..
🍃🍃🍃
ﺑﺲ ﺳﺒﺤﺎﻧﻚ ﻳﺎﺭﺑﻲ ..
ﺍﻣﺘﻰ ﻳﺒﺪﺍ ﺍﻟﻌﺒﺪ ﻣﺆﻣﻦ ﻗﻮﻱ ﻭﻭﺍﺛﻖ ﻓﻴﻪ ﻫﻠﺒﻪ ﻟﻬﺎﻟﺤﺪ ﻳﺤﺮﻙ ﺍﻟﺪﻧﻴﺎ ﻉ ﺧﺎﻃﺮﻩ ﺑﺶ ﻳﺪﺑﺮﻟﻪ ﺍﻣﺮﻩ ..
ﻭﻳﺴﺨﺮ ﺍﻟﺸﺮ ﻣﺮﺍﺕ ﻟﻠﺨﻴﺮ ..
ﻭﻳﺴﺨﺮ ﺍﻟﻄﻴﺐ ﻟﻠﻄﻴﺐ ..
🍁 ﺍﻳﻮﻩ ﻧﺰﺍﺭ ﺧﻮﻱ .... ﻣﺮﺣﺒﺎ .... ﺗﻤﺎﻡ ﻭﺍﻟﻠﻪ ... ﺍﻟﺤﻤﺪ ﻟﻠﻪ ﻭﺍﻧﺖ ... ﺩﻭﻭﻡ ﺇﻥ ﺷﺎﺀ ﺍﻟﻠﻪ ﺩﻭﻡ ...... ﺍﻳﻪ ...... ﺗﻤﺎﻡ ..... ﺍﻣﺘﻰ ﻣﺸﻴﺘﻠﻪ ..... ﻛﻮﻳﺲ ......... ﻳﻌﻨﻲ ﻏﺪﻭﺓ ﺍﻥ ﺷﺎﺀ ﺍﻟﻠﻪ ﺍﻧﻲ ﻭﻳﺎﻙ ﻭ ***** ﻧﻤﺸﻮﻟﻪ ﻓﻤﻜﺘﺒﻪ ........ ﺗﻢ ..... ﺑﺈﺫﻥ ﺍﻟﻠﻪ ..... ﺑﺎﺭﻙ ﺍﻟﻠﻪ ﻓﻴﻚ .. ﻭﻳﺮﺣﻢ ﻭﺍﻟﺪﻳﻚ ...... ﺗﻤﺎﻡ ..... ﻗﺪﺍﻣﻚ ﻛﻞ ﺧﻴﺮ ... ﺻﻜﺮ ..
ﺣﻂ ﺍﻟﺘﻠﻴﻔﻮﻥ ﻉ ﺍﻟﻜﺎﻣﺪﻳﻨﻮ ..
ﻭﺗﻤﺪﺩ ﻉ ﺍﻟﺴﺮﻳﺮ ﻭﻗﺎﻝ؛ﺳﻬﻠﻬﺎ ﻳﺎﺭﺏ ..
ﺭﻥ ﺗﻠﻴﻔﻮﻧﻪ ..
ﺗﻼﺣﻘﻪ ﻭﺧﺪﺍﻩ ﻟﻘﺎﻩ ﺭﻗﻢ ﻏﺮﻳﺐ ﺍﻟﻜﺎﺷﻒ ﻣﻄﻠﻌﻠﻪ ﺍﺳﻢ ﻫﻮ ﻣﺎﻳﻌﺮﻓﺎﺵ .. ﺻﻤﺖ ﺍﻟﺘﻠﻴﻔﻮﻥ ..
ﻭﺭﺩﻩ ﻉ ﺍﻟﻜﺎﻣﺪﻳﻨﻮ ..
ﺑﻌﺪﻳﻦ ...
ﺣﻂ ﻳﺪﻩ ﻭﺭﺍ ﺭﺍﺳﻪ ﻭﻗﻌﺪ ﻳﻔﻜﺮ ..
ﻭﺍﻓﻜﺎﺭﻩ ﺭﻓﻌﺎﺗﻪ ﻟﺒﻨﻴﺔ ﻗﻠﺒﻪ ..
ﻋﻤﺎﺩ : ﺍﻟﻠﻪ ﻳﺴﺎﻣﺤﻚ ﻳﺎﺧﺎﻟﻲ ... ﻛﺎﻥ ﻣﺶ ﻣﻦ ﺗﺼﻜﻴﺮ ﺭﺍﺳﻚ ﺭﺍﻫﻮ ﺑﻌﺪ ﺍﻟﻌﻴﺪ ﺍﻟﻌﺮﺱ ﻃﻮﻝ ..
ﻓﻨﺺ ﻭﻗﺎﻝ .. ﻗﺼﺪﻩ ﻣﺎﺯﺍﻝ ﺑﻨﺮﺍﺟﻲ 4 ﺳﻨﻴﻦ ﺟﺎﻳﺎﺕ !! ﻳﻔﺘﺤﻠﻪ ﺭﺑﻲ .. ﻭﺣﻖ ﺍﻟﻠﻪ ﻣﺎﻧﻲ ﻣﺨﻠﻴﻬﺎ ﺗﺴﻜﺮ ﺳﻨﻪ ﻓﻲ ﺍﻟﻜﻠﻴﻪ ﺍﻻ ﻭﺍﻧﻲ ﻭﺍﺧﺪﻫﺎ .. ﻗﺎﻝ ﺗﻜﻤﻞ ﻗﺮﺍﻳﺘﻬﺎ ﻗﺎﻝ ..
ﺣﻂ ﺍﻟﻤﺨﺪﻩ ﻉ ﻭﺟﻬﻪ ﻭﻛﻤﻞ ﻳﻘﻮﻝ ﺑﺼﻮﺕ ﻣﻜﺘﻮﻡ .. ﻧﺨﻄﻔﻬﺎ ﺑﻌﺪﻳﻦ ﺑﺎﻟﻠﻪ ﻟﻤﺎ ﻧﺨﻄﻔﻬﺎ ﻭﺧﻠﻲ ﻳﻘﻮﻟﻮﺍ ﻫﺒﻞ ﻭﺩﺍﺭ ﺍﻟﻌﺎﺭ 💕
💕💕💕💕💕💕💕💕💕💕
ﺗﺘﺄﻣﻞ ﻓﺼﻮﺭﺗﻪ ﻭﻫﻲ ﺭﺍﻗﺪﻩ ...
ﺭﺯﺍﻥ : ﻭﺍﺟﺪ ﺍﺭﺑﻌﻪ ﺳﻨﻴﻦ ... ﺷﻦ ﻳﻔﻮﺗﻬﻦ ﻳﺎﺭﺑﻲ .. ﺗﺲ ﺍﻟﻠﻪ ﻳﺴﺎﻣﺤﻚ ﻳﺎﺳﻴﺪﻱ ﺷﻦ ﻓﻴﻬﺎ ﻛﺎﻥ ﻛﻤﻠﺖ ﻋﻨﺪﻩ؟ ..! ﺗﺲ ﺍﻓﻒ .. ﺧﺎﻳﻔﻪ ﻛﺎﻥ ﺗﻄﻮﻝ ﻋﻠﻴﻪ ﺍﻟﻤﺪﻩ ﻭﻳﻔﻮﺗﻨﻲ .. ﺭﻓﻌﺖ ﺣﺎﺟﺒﻬﺎ ﻭﻗﺎﻟﺖ .. ﻛﺎﻧﺖ ﻓﺎﺗﻨﻲ ﻣﻌﻨﺎﻫﺎ ﻛﺬﺍﺏ ﻻﻳﺤﺒﻨﻲ ﻻﻋﻴﻨﻪ .. ﺧﻠﻪ ﻳﺮﺍﺟﻲ ﻭﻧﺸﻮﻓﻮﺍ ﺻﺪﻗﻪ ﻣﻦ ﻛﺬﺑﻪ ..
ﻃﻠﻌﺖ ﻣﻦ ﺍﻟﺼﻮﺭﻩ ﻭﺣﻄﺖ ﺗﻠﻴﻔﻮﻧﻬﺎ ﻉ ﺍﻟﻜﺎﻣﺪﻳﻨﻮ ﻭﻏﻤﻀﺖ ﻋﻴﻮﻧﻬﺎ ﻣﺤﺎﻭﻟﺔ ﻣﻨﻬﺎ ﺍﻧﻬﺎ ﺗﺮﻗﺪ ..
ﺑﻌﺪﻳﻦ ﻓﺘﺤﺖ ﻋﻴﻮﻧﻬﺎ ﻭﻗﺎﻟﺖ : ﺣﻲ ﻛﺎﻥ ﻳﻨﺴﺎﻧﻲ ﻭﻳﻌﺪﻱ ﻟﻮﺣﺪﻩ ﻣﻦ ﺑﻨﺎﺕ ﻃﺮﺍﺑﻠﺲ ....!! ﻗﺮﻧﺖ ﺣﻮﺍﺟﺒﻬﺎ ﻭﻗﺎﻟﺖ .. ﻣﺸﺒﻂ ﻣﻠﺒﻂ ﻋﻠﻴﻬﻦ ..
ﻏﻤﻀﺖ ﻋﻴﻮﻧﻬﺎ ﻭﺣﺎﺟﺒﻬﺎ ﻣﺮﻓﻮﻉ ﻭﺗﻐﻠﻲ ﻣﻦ ﺩﺍﺧﻞ ﻏﻠﻲ ..
💓💓💓💓💓💓
🍁🍁🍁🍁🍁
ﻭﺍﻭ ﻳﺎﻟﻤﻮﺷﻪ ﻭﺍﻭ .. ﻃﺮﻑ ﺍﻏﺒﺮ ..
ﻟﻤﻴﺎﺀ ﻭﻫﻲ ﺗﺎﻛﻞ ﻓﻲ ﺍﻟﺴﻤﺎﻧﻴﺴﻪ : ﺍﻣﻢ ﻉ ﺣﺴﺐ ﻭﺻﻔﻚ ﻟﻴﻪ ﻛﺎﻧﻲ ﻣﺶ ﻏﺎﻟﻄﻪ ﻭﻟﺪ ﻛﻔﺎﻳﻪ ﺍﻟﻜﺒﻴﺮ ..
ﺳﻨﺎﺀ : ﺷﻔﺘﻴﻪ ﻗﺒﻞ ..
ﻟﻤﻴﺎﺀ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﺑﻌﺪﻳﻦ ﻗﺎﻟﺖ : ﺍﻳﻪ ﻟﻤﺎ ﻛﻨﺖ ﻧﻤﺸﻲ ﻟﺤﻮﺵ ﻳﻮﻧﺲ " ﻭﻟﺪ ﻋﻤﺘﻬﺎ ﺑﻮ ﻟﻴﻠﻰ "
ﺳﻨﺎﺀ : ﺧﺴﺎﺍﺍﺍﺍﺭﺓ ﻳﺎﺭﻳﺘﻨﻲ ﻣﺸﻴﺖ ﻣﻌﺎﻙ ﺭﺍﻧﻲ ﻟﻬﻔﺘﻪ ..
ﺿﺤﻜﺖ ﻟﻤﻴﺎ ﻭﻗﺎﻟﺖ : ﺍﻟﺠﺎﻳﺎﺕ ﺍﻛﺜﺮ .. ﺑﻴﺎﻧﻲ ﻧﻬﺎﺭ 27 ﺭﻣﻀﺎﻥ ..
ﺳﻨﺎﺀ ﺑﺬﻫﻮﻝ : ﻣﻔﻠﺢ ﺍﻣﻚ ﻳﺎﻓﺮﺧﻪ ﻣﺸﻴﺘﻲ ﻣﺸﻴﺘﻲ ﻭﺧﻠﺘﻴﻪ ﻳﺪﻳﺮ ﺑﻴﺎﻥ ..
ﺭﻗﺼﺖ ﻟﻤﻴﺎ ﺣﻮﺍﺟﺒﻬﺎ ﻭﻫﻲ ﻣﺒﺘﺴﻤﻪ ﺑﻤﻜﺮ ﻭﺗﺎﻛﻞ
ﻓﺎﻟﺴﺎﻣﻴﻨﺴﻪ ..
🌴🌴🌴🌴🌴🌴
ﺑﻴﺎﻥ !!!!
ﻏﺎﻟﻴﻪ ﺑﺘﻨﻬﻴﺪﻩ : ﺍﻳﻪ ﻳﺎﺣﻨﺎﺗﻲ ﺑﻴﺎﻥ ﺗﻮﺍ ﺍﻣﻲ ﻗﺎﻟﺘﻠﻲ ﻋﻨﻪ ..
ﺯﻳﻨﺐ : ﻭﻣﺶ ﻗﺎﻟﻮﺍ ﻣﺶ ﻻﺯﻡ؟؟
ﻧﻌﻴﻤﻪ : ﻭﺍﻣﻬﺎ ﻗﺎﻟﺖ ﺍﻟﻘﺮﺵ ﺍﻟﻠﻲ ﻋﻨﺪﻩ ﻳﺤﻄﻪ ﻓﺎﻟﺤﻮﺵ ﺧﻴﺮ !!
ﻏﺎﻟﻴﻪ : ﻳﺎﺣﻨﻪ ﻗﺎﺕ ﻻ ﺧﻮﺗﻲ ﻗﺎﻟﻮﺍ ﻣﺎﺗﻨﺨﻄﺒﺶ ﻣﺪﻩ ﻃﻮﻳﻠﻪ ﻭﻣﺶ ﺩﺍﻳﺮﻟﻬﺎ ﺷﻲ ﻓﻴﻪ ﺇﺷﻬﺎﺭ ..
ﻛﻔﺎﻳﻪ : ﻋﻠﻴﻚ ﻋﺒﺮﺝ !!
ﻏﺎﻟﻴﻪ : ﻫﺪﻱ ﻳﺎﺣﻨﻪ ﻣﻦ ﺗﻮﺍ ﺭﺍﻫﻲ ﺑﺎﻳﻨﻪ ﻛﻴﻒ ﺍﻟﺸﻤﺲ ..
ﺯﻳﻨﺐ : ﺍﻧﻲ ﻣﺎﺣﺒﻴﺘﻬﺎﺵ ﺍﻟﺤﻖ ..
ﻧﻌﻴﻤﻪ : ﻭﻣﻦ ﻓﻴﻨﺎ ﺣﺒﺘﻬﺎ ﻛﺎﻥ ﺣﻤﻴﺪﻩ ..
ﺯﻳﻨﺐ : ﺻﺎﺣﺒﺎﺕ ﻋﺎﺩ ..
ﻏﺎﻟﻴﻪ ﺗﻨﻬﺪﺕ ﻭﻗﺎﻟﺖ : ﻣﺎﻛﻠﻤﺘﻨﻲ ﺍﻟﻴﻮﻡ ﺑﻜﻞ ..
ﻛﻔﺎﻳﻪ : ﻋﺮﺱ ﻭﻻﻫﻴﻪ ﺑﻴﻪ ..
ﻏﺎﻟﻴﻪ : ﺧﺎﻳﻔﻪ ﻋﻠﻴﻬﺎ ﻣﻦ ﻫﺎﻟﻌﺮﺱ ﺗﺸﻮﻑ ﻓﻔﺴﺨﺔ ﻋﺰﻭﺯ ﺍﻟﻨﺎﺭ ﻟﻴﻞ ﻧﻬﺎﺭ ...
ﺧﻮﺍﺗﻬﺎ ﺗﻨﻬﺪﻭﺍ ﺑﻀﻴﻖ ﻭﻗﻌﺪﻭﺍ ﺳﺮﺣﺎﻧﺎﺕ ﺑﺘﻔﻜﻴﺮﻫﻢ ..
🍁 ﺍﻣﺎ ﺣﻤﻴﺪﻩ ﺍﻟﻠﻲ ﻳﺤﻜﻮﺍ ﻋﻨﻬﺎ ..
ﻣﺎﻗﺪﺭﺗﺶ ﺗﺮﻗﺪ ﻏﻤﻀﻪ ﻭﻫﻲ ﺗﻔﻜﺮ ﻓﻲ ﺍﻟﻠﻲ ﺻﺎﺭ ﻓﺎﻟﺴﻬﺮﻳﻪ ﻭﻓﻲ ﺍﻟﺒﻨﺖ ﺍﻟﻠﻲ ﻻﺑﺴﻪ ﻗﻔﻄﺎﻥ ﺍﺣﻤﺮ ﻭﺷﺒﺤﺎﺗﻬﺎ ﻭﺣﺮﻛﺎﺗﻬﺎ ﻭﻗﻠﺒﻬﺎ ﻣﻘﺒﻮﺽ ﻫﻠﺒﻪ ..
🍁🍁🍁🍁🍁
ﺗﺎﻧﻲ ﻳﻮﻡ ..
ﺗﺴﻘﺪﻭﺍ ...
ﺣﻤﻴﺪ ﺑﻤﺮﺗﻪ ﻭﺻﻐﺎﺭﻩ ﻣﻦ ﺍﻟﺒﻼﺩ ..
ﺑﺶ ﺗﻠﺤﻖ ﺗﻘﺮﺍ ﺭﻓﻘﻪ ﻹﻣﺘﺤﺎﻧﺎﺗﻬﺎ ..
ﻭﺣﻤﺰﺓ ﻭﻣﺎﻟﻚ ﻭﻣﺮﻭﺍﻥ ﻭﺭﺍﻫﻢ ..
ﻛﻞ ﻭﺍﺣﺪ ﺑﺴﺒﺐ ﺧﺪﻣﺘﻪ ..
ﻣﺎﻟﻚ ﺍﻟﻰ ﺟﺎﻧﺐ ﻫﻜﻲ ﻛﺎﻥ ﻳﺘﺠﻬﺰ ﻟﺤﻔﻞ ﺗﺨﺮﺟﻪ ﺍﻻﺳﺒﻮﻉ ﺍﻟﺠﺎﻱ ..
ﻭﻣﺮﻭﺍﻥ ﻣﺮﻭﺡ ﻟﺨﺪﻣﺘﻪ ﻭﻟﻜﻮﺭﺱ ﻓﻲ ﺍﻟﻘﺮﺍﻳﻪ ﺣﻴﺒﺪﺍ ..
ﻛﺬﻟﻚ ﺭﻭﺣﻮﺍ ﺳﻌﺪ ﻭﻋﺒﺪ ﺍﻟﺴﻼﻡ ﻭﺧﻴﺮﻱ ﻟﻤﺼﺎﻟﺤﻬﻢ ﺣﺘﻰ ﻫﻤﺎ ﻭﻧﺎﻭﻳﻴﻦ ﻳﻮﻟﻮﺍ ﺍﻟﺴﺒﺖ ﺍﻟﺼﺒﺢ ﺑﺶ ﻳﺮﻭﺣﻮﺍ ﺑﻌﺎﺋﻼﺗﻬﻢ ..
🍃🍃🍃🍃🍃
ﻣﺮﻭﺍ ﻳﻮﻣﻴﻦ
ﻋﺎﺩﻳﺎﺕ ﺟﺪﺍ ..
ﺑﻨﻔﺲ ﺍﻟﺮﻭﺗﻴﻦ ﻭﺍﻻﺟﻮﺍﺀ ..
🍁🍁🍁🍁
ﻳﻮﻡ ﺍﻟﺜﻼﺛﺎﺀ ..
ﻣﻊ ﺍﻟﺴﺎﻋﻪ 6:30 ﺍﻟﻌﺸﻴﻪ ..
ﻃﻠﻌﻮﺍ ﻣﺤﻤﺪ ﻭﻋﻤﺮ ﺑﺨﻮﺍﺗﻬﻢ ﻭﺍﻟﺒﻨﺎﺕ ﻭﺍﻟﺼﻐﺎﺭ ﺑﺶ ﻳﺪﻫﻮﺭﻭﺍ ﻭﻳﻐﻴﺮﻭﺍ ﺟﻮ ﻭﻫﻤﺎ ﻣﺮﻭﺣﻴﻦ ﻳﺎﺧﺪﻭﺍ ﻣﻌﺎﻫﻢ ﻋﺸﻲ ﻣﻦ ﺑﺮﺍ ..
ﻏﺎﻟﻴﻪ ﺑﺲ ﻗﻌﺪﺕ ﻓﻲ ﺍﻟﺤﻮﺵ ﻣﻊ ﺍﻣﻬﺎ ..
ﻛﺎﻧﺖ ﺗﺒﻲ ﺍﻃﻴﺐ ﺑﻴﺘﺰﺍ ﺑﺶ ﺗﻌﺎﻭﻥ ﺑﻴﻬﺎ ﻣﻊ ﺍﻟﻌﺸﻲ ﺍﻟﻠﻲ ﺑﻴﺠﻴﺒﻮﻩ ..
ﺍﻟﺤﺎﺟﻪ ﻓﺎﻃﻤﻪ ﻛﺎﻧﺖ ﻓﻲ ﺍﻟﺰﺭﻳﺒﻪ ﺗﺸﻮﻑ ﻓﺎﻟﺸﻮﺍﻫﻲ ﻟﻴﻬﺎ ﻋﻠﻴﻬﻢ ﻭﻗﺖ ..
ﻭﻏﺎﻟﻴﻪ ﺑﺮﻭﺣﻬﺎ ﻓﻲ ﺍﻟﺤﻮﺵ ..
ﻻ ﻣﺶ ﺑﺮﻭﺣﻬﺎ ﻓﻲ ﺣﺪ ﻛﺎﻥ ﻣﻌﺎﻫﺎ ..
ﻏﺎﻟﻴﻪ : ﻻ ﺗﻮﺍ ﺣﻨﻲ ﻋﻨﺪﻧﺎ ﺍﻟﻌﺮﻳﺲ ﻳﻨﺰﻑ ﺑﺎﻟﻜﺸﻚ ..
ﻧﺠﻢ ﺍﻟﺪﻳﻦ : ﺍﻫﺎ ﻋﺎﺭﻓﻪ ﻳﻜﺸﻜﻮﻟﻪ ﻗﺼﺪﻙ ..
ﻏﺎﻟﻴﻪ ﺑﻀﺤﻜﻪ : ﻳﻜﺸﻜﻮﻭﻭﻟﻪ ..
ﻓﺘﺤﺖ ﺍﻟﻜﻮﺷﻪ ..
ﻧﺠﻢ ﺍﻟﺪﻳﻦ؛ﻟﻜﻦ ﺻﺤﻪ ﻹﻳﺪﻛﻢ ﻗﺎﻋﺪﻳﻦ ﻣﺤﺎﻓﻈﻴﻦ ﻉ ﺍﻟﻌﺎﺩﺍﺕ ﺣﻨﻲ ﻫﻨﻲ ﻗﺮﻳﺐ ﺗﻨﻘﺮﺽ ﺧﻼﺹ ﻳﻮﻡ ﻓﺎﻟﺼﺎﻟﻪ ﻭﺍﻟﺴﻼﻡ ﻋﻠﻴﻜﻢ .
ﻏﺎﻟﻴﻪ : ﻣﺎﻓﻴﻬﻨﺶ ﺑﻨﻪ ..
ﻧﺠﻢ ﺍﻟﺪﻳﻦ؛ﺍﻟﻨﺎﺱ ﺧﻼﺹ ﻣﻌﺎﺵ ﺗﺤﺐ ﺍﻟﻠﻤﻪ ﺯﻱ ﻗﺒﻞ ﺍﺳﺎﺳﺎ ﺍﻟﻠﻤﻪ ﺗﻮﺍ ﻭﻟﺖ ﻣﺼﺪﺭ ﻟﻠﻤﺸﺎﻛﻞ ..
ﺻﻜﺮﺕ ﻏﺎﻟﻴﻪ ﺍﻟﻜﻮﺷﻪ ﻭﻗﺎﻟﺖ : ﺻﺪﻗﺖ ..
ﻧﺠﻢ ﺍﻟﺪﻳﻦ؛ﺍﺳﻤﻌﻲ ﻧﺴﻤﻪ ﺗﻮﺍ ﺍﻧﻲ ﻣﺸﻐﻮﻝ ﺿﺮﻭﺭﻱ ﺟﺪﺍ ﺑﻌﺪﻳﻦ ﻧﻜﻠﻤﻚ ﻧﺴﻤﻪ .. ﺍﺭﺟﻮﻙ .
ﺍﺑﺘﺴﻤﺖ ﻭﻗﺎﻟﺖ : ﺑﺎﻫﻲ ..
ﻧﺠﻢ ﺍﻟﺪﻳﻦ : ﻛﻠﻤﻪ ..
ﻏﺎﻟﻴﻪ ﺑﻀﺤﻜﻪ : ﻛﻠﻤﻪ ﺧﻼﺹ ..
ﺍﺑﺘﺴﻢ ﺑﻌﺪﻳﻦ ﻗﺎﻝ : ﺳﻼﻡ ..
ﻏﺎﻟﻴﻪ؛ﺳﻼﻡ .. ﻭﺻﻜﺮﺕ ﻭﻣﺸﺖ ﺣﻄﺎﺗﻪ ﻓﻤﻜﺎﻧﻪ ..
ﺗﻨﻬﺪﺕ ﻭﻭﻟﺖ ﺗﺸﻮﻑ ﻟﻠﺒﻴﺘﺰﺍ ..
🍁🍁🍁🍁
ﻣﺎﺭﻣﺮﻳﺘﺎ ..
ﻃﻠﻌﺖ ﻣﻦ ﺍﻟﺪﺍﺭ ﻭﻫﻲ ﺗﺴﺎﻭﻱ ﻓﻮﺷﺎﺣﻬﺎ ﻭﺗﻀﺤﻚ : ﺧﻼﺹ ﻣﻌﺎﺵ ﺑﺘﺨﻠﻴﻪ ﺍﻹﺳﻢ ..
ﻫﺎﻧﻴﺒﺎﻝ؛ﺑﺎﻫﻲ ﺍﻳﻦ ﺧﻴﺮ ﻣﺮﻣﺎﺭﻳﺘﺎ ﻭﻻ ﺭﻭﺯﺍﻟﻴﻨﺪﺍ ..
ﺷﺪﺍﺗﻪ ﻣﻦ ﺩﺭﺍﻋﻪ ﺑﺈﻳﺪﻳﻬﺎ ﺍﻟﺰﻭﺯ ﻭﻗﺎﻟﺖ ﺑﺤﺪﻩ : ﻣﺮﻣﺎﺭﻳﺘﺎ ﻃﺒﻌﺎ ..
ﻫﻮ ﺷﺒﺤﻠﻬﺎ ﻛﻴﻒ ﺷﺎﺩﺗﻪ ﻭﻫﻮ ﻣﺒﺘﺴﻢ ﻭﺭﺍﻓﻊ ﺣﻮﺍﺟﺒﻪ ﻓﻮﻕ ..
ﻫﻲ ﺍﻧﺘﺒﻬﺖ ﻟﻨﻔﺴﻬﺎ ﻭﺑﻌﺪﺕ ﺍﻳﺪﻳﻬﺎ ﺑﺎﻟﺸﻮﻳﻪ ..
ﺿﺤﻚ ﻭﻫﻮ ﻳﺸﻮﻓﻠﻬﺎ ﻭﻓﺘﺢ ﺍﻟﺒﺎﺏ ..
ﻫﺎﻧﻴﺒﺎﻝ : ﺍﻃﻠﻌﻲ ﻳﺎ ﻣﺮﻣﺎﺭﻳﺘﺎ ﻫﻲ ..
ﻃﻠﻌﺖ ﻭﻫﻲ ﺗﻀﺤﻚ ..
ﻫﻮﻃﻠﻊ ﻭﺻﻜﺮ ﺍﻟﺒﺎﺏ ...
ﻣﺸﻮﺍ ﻣﻊ ﺑﻌﺾ ﻟﻴﻦ ﻭﺻﻠﻮﺍ ﺍﻭﻝ ﺍﻟﺪﺭﻭﺝ : ﺍﻧﺰﻟﻲ ﻫﻲ ..
ﻧﺰﻟﺖ ﻫﻲ ﺍﻻﻭﻟﻰ ﻭﻫﻮ ﻭﺭﺍﻫﺎ ..
ﻟﻌﻨﺪ ﻣﺎﻭﺻﻠﻮﺍ ﻓﻢ ﺍﻟﺤﻮﺵ ..
ﻃﻖ ﻫﺎﻧﻴﺒﺎﻝ : ﻏﺎﻟﻴﻪ ..
ﻃﻮﻝ ﻏﺎﻟﻴﻪ ﻃﻠﻌﺖ ﻣﻦ ﺍﻟﻜﻮﺟﻴﻨﻪ ﺷﺎﻓﺖ ﻣﺮﺍﻡ ﺍﺑﺘﺴﻤﺖ ﻭﻗﺪﻣﺘﻠﻬﻢ ..
ﺳﻠﻤﺖ ﻉ ﻣﺮﺍﻡ ﺑﺎﻟﺨﺪ ..
ﻭﻫﻮ ﻳﺸﻮﻓﻠﻬﻢ ..
ﻏﺎﻟﻴﻪ : ﺷﻨﻮﺣﺎﻟﻚ ..
ﻣﺮﺍﻡ ﺑﺈﺑﺘﺴﺎﻣﻪ : ﺍﻟﺤﻤﺪ ﻟﻠﻪ ﻭﺍﻧﺘﻲ ..
ﻏﺎﻟﻴﻪ : ﺍﻟﺤﻤﺪ ﻟﻠﻪ ..
ﻫﺎﻧﻴﺒﺎﻝ؛ﻫﻲ ﺍﺳﺘﻠﻤﻲ ﺍﻷﻣﺎﻧﻪ ..
ﻏﺎﻟﻴﻪ ﺑﺈﺑﺘﺴﺎﻣﻪ : ﻓﻲ ﺍﻟﺤﻔﻆ ﻭﺍﻟﺼﻮﻥ ..
ﻟﺒﺲ ﻧﻈﺎﺭﺍﺗﻪ ﻭﻗﺎﻝ : ﺩﺍﻡ ﻫﻲ ﻋﻨﺪﻙ ﺍﻛﻴﺪ ﺗﻜﻮﻥ ﻓﻲ ﺍﻟﺤﻔﻆ ﻭﺍﻟﺼﻮﻥ .. ﻫﻲ ﺳﻼﻡ ..
ﻟﻒ ﻭﻣﺸﻲ ..
ﻏﺎﻟﻴﻪ ﻭﻣﺮﺍﻡ ﻗﻌﺪﻭﺍ ﻣﻌﺎﻩ ﺑﻌﻴﻮﻧﻬﻢ ﻟﻴﻦ ﺍﺧﺘﻔﻲ ..
ﺑﻌﺪﻳﻦ ﻏﺎﻟﻴﻪ ﺷﺒﺤﺖ ﻟﻤﺮﺍﻡ ﺍﻟﻠﻲ ﻳﺒﺎﻥ ﻓﻌﻴﻮﻧﻬﺎ ﺍﻟﻬﻮﻳﺎﻡ ﻭﺍﺿﺢ ﺍﺑﺘﺴﻤﺖ ﻭﻗﺎﻟﺖ : ﺗﻔﻀﻠﻲ ﻣﺮﺍﻡ ..
ﺍﺳﺘﺎﻗﻀﺖ ﻣﺮﺍﻡ ﻭﺷﺒﺤﺘﻠﻬﺎ ﻭﺍﺑﺘﺴﻤﺖ ﺑﺈﺣﺮﺍﺝ : ﻳﺰﻳﺪ ﻓﻀﻠﻚ ..
🍁🍁🍁🍁🍁
ﻓﻲ ﺍﻟﺴﻮﻕ ..
ﺷﻦ ﺭﺍﻳﻚ ﻓﻲ ﻫﺪﺍ ﺑﻨﺖ ﺧﺎﻟﺘﻲ ..
ﺩﻻﻝ ﺑﺈﺑﺘﺴﺎﻣﻪ : ﺣﻠﻮ ..
ﺍﺑﺘﺴﻢ ﺳﻨﺪ ﻭﻫﻮ ﻳﺸﻮﻑ ﻵﺳﻴﺎ ﻛﻴﻒ ﺗﺼﻔﻖ ﺑﺈﻳﺪﻳﻬﺎ ﻷﻧﻬﺎ ﺗﺴﻤﻊ ﻓﻲ ﺃﻏﻨﻴﻪ ﻣﻔﺘﻮﺣﻪ ﻓﻲ ﺍﻟﻤﺤﻞ .. ﺿﺤﻚ ..
ﺩﻻﻝ : ﺷﻮﺍﺷﻪ ﺑﻨﺘﻲ ﺣﺘﻰ ﻉ ﻗﻄﺮﺍﺕ ﺍﻟﻤﻴﻪ ﻭﻳﻦ ﺗﺴﻤﻌﻬﻢ ﻳﻘﻄﺮﻭﺍ ﺗﺮﻗﺺ ..
ﺳﻨﺪ : ﻫﻬﻬﻬﻬﻬﻬﻪ .. ﺭﺑﻲ ﻳﺤﻔﻈﻬﺎ ..
ﺩﻻﻝ : ﺗﺴﻠﻢ .. ﺑﻜﻢ ﺍﻟﻘﻔﻄﺎﻥ ﺳﻨﺪ ..
ﺳﻨﺪ ﺭﻓﻊ ﺣﻮﺍﺟﺒﻪ ﻭﻗﺎﻝ : ﻫﺪﺍ ﻫﺪﻳﻪ ﻣﻨﻲ ..
ﺩﻻﻝ : ﻻ ﺳﻨﺪ ﻣﻌﻠﻴﺸﻲ ﻛﺎﻥ ﻫﻜﻲ ﻣﺶ ﻭﺍﺧﺪﺗﻪ ..
ﺳﻨﺪ : ﻭﺗﺮﺩﻱ ﻋﻠﻴﺎ ﻫﺪﻳﺘﻲ ﻳﺎﺑﻨﺖ ﺧﺎﻟﺘﻲ ..
ﺍﻧﺤﺮﺟﺖ ﺩﻻﻝ ﻭﻗﺎﻟﺖ؛ﻣﺎﻳﺠﻴﺶ ﻗﻔﻄﺎﻥ ﺑﻬﺪﺍﻛﺎ ﺍﻟﺤﺴﺎﺏ ﺗﻐﺮﻡ ﺣﻘﻪ ﺍﻧﺖ ..
ﺍﺑﺘﺴﻢ ﺳﻨﺪ ﻭﻗﺎﻝ : ﻣﺎﺩﻭﺭﻳﺶ .. ﺷﺒﺢ ﻵﺳﻴﺎ ﻭﻗﺎﻝ .. ﻳﻔﺪﺍ ﻫﺎﻟﺴﻤﺤﻪ ..
ﺿﺤﻜﺖ ﺩﻻﻝ ..
ﻭﺍﺳﻴﺎ ﻣﺎﺯﺍﻝ ﺗﻬﺰ ﻓﻲ ﺣﻀﻦ ﺍﻣﻬﺎ ..
ﺿﺤﻜﻮﺍ ..
ﺑﻌﺪﻳﻦ ﺳﻨﺪ ﻗﺎﻝ : ﻧﺰﻟﻴﻬﺎ ..
ﺩﻻﻝ : ﻳﺎﻗﻌﺎﺩﻱ ﻧﺠﺮﻱ ﻓﺠﺮﺗﻬﺎ ﻗﺪﺍﻡ ﺍﻟﻨﺎﺱ ..
ﺿﺤﻚ ﺳﻨﺪ ..
......
ﺯﻳﻨﺐ : ﻣﺎﺷﺎﺀ ﺍﻟﻠﻪ ﺍﻟﻤﺤﻞ ..
ﻧﻌﻴﻤﻪ : ﺍﻳﻪ ﺗﺒﺎﺭﻙ ﺍﻟﺮﺣﻤﻦ ..
ﻛﻔﺎﻳﻪ : ﺭﺑﻲ ﻳﻮﺳﻊ ﻋﻠﻴﻬﻢ ﻭﻳﺒﺎﺭﻛﻠﻬﻢ ..
ﺯﻳﻨﺐ ﻭﻧﻌﻴﻤﻪ : ﺁﻣﻴﻦ
.....
ﻧﻮﺭ : ﻣﺎﺷﺎﺀ ﺍﻟﻠﻪ ﺍﻟﺰﺑﺎﻳﻦ ..
ﺭﺑﺎﺏ : ﺍﻳﻪ ﺍﻟﻠﻪ ﻳﺒﺎﺭﻙ ﻣﻌﺒﻲ ..
ﺭﺍﻧﻴﺎ : ﺣﺘﻰ ﺍﻟﺒﻀﺎﻋﻪ ﺣﺎﺟﻪ ﺻﺢ ..
....
ﺑﺮﺍ ﻛﺎﻧﻮﺍ ﻣﺤﻤﺪ ﻭﻋﻤﺮ ﻣﻊ ﺍﻟﻮﻻﺩ ..
ﻣﺠﺪ ﻭﺟﻮﺍﺩ ﻭﻣﻌﻤﺮ ..
ﻟﻤﺤﻮﻫﻢ ﻃﻠﻌﻮﺍ ﻣﻦ ﺍﻟﻤﺤﻼﺕ ..
ﻫﻤﺎ ﻛﺎﻧﻮﺍ ﻭﺍﻗﻔﻴﻦ ﺑﺎﻟﺴﻴﺎﺭﺓ ﺑﻌﻴﺪ ﺷﻮﻱ ..
ﺍﻟﻔﺎﺻﻞ ﻛﻴﺎﺱ ..
ﻣﻌﻤﺮ ﻟﻤﺎ ﺷﺎﻑ ﺍﻣﻪ ..
ﺍﻧﻄﻠﻖ ﻳﺠﺮﻱ ..
ﻭﻛﺎﻧﺖ ﻓﻲ ﺳﻴﺎﺭﺓ ﺟﺎﻳﻪ ..
ﻧﻌﻴﻤﻪ ﻭﻧﻮﺭ ﻭﺩﻻﻝ ﻋﻴﻄﻮﺍ ﻉ ﻃﻮﻝ ﺭﻗﺒﺘﻬﻢ ..
ﺑﻴﺠﺮﻱ ﻣﺤﻤﺪ ﺑﺶ ﻳﺸﺪﻩ ﻗﺒﻞ ﺗﻮﺻﻞ ﻓﻴﻪ ..
ﻓﻲ ﻣﻦ ﺳﺒﻖ ﻭﺷﺪ ﻣﻌﻤﺮ ﻭﺑﻌﺪﻩ ﻓﻲ ﺃﺧﺮ ﻟﺤﻈﻪ ..
ﺩﻻﻝ ﻭﻫﻲ ﺗﺸﻮﻑ ﻟﻮﻟﺪﻫﺎ ﻓﺤﻀﻦ ﺍﻟﻠﻲ ﺍﻧﻘﺪﻩ ...
ﻓﺸﻠﺖ ﺗﻤﺎﻣﺎ ..
ﻭﻓﻘﺪﺕ ﺍﻟﻮﻋﻲ ..
🍁🍁🍁🍁🍁
ﺍﻥ ﺷﺎﺀ ﺍﻟﻠﻪ ﻧﺺ ..2014
ﻏﺎﻟﻴﻪ : ﺿﺎﻣﻨﺘﻴﻬﺎ ..
ﻣﺮﺍﻡ ﺑﺈﺑﺘﺴﺎﻣﻪ : ﺑﺈﺫﻥ ﺍﻟﻠﻪ .
ﺍﺑﺘﺴﻤﺖ ﻏﺎﻟﻴﻪ ﻭﻗﺎﻟﺖ : ﺭﺑﻲ ﻳﺴﻬﻠﻚ ﻳﺎﺭﺏ ..
ﻣﺮﺍﻡ : ﺗﺴﻠﻤﻲ ..
ﻓﺠﺎﺓ ..
ﺳﻤﻌﻮﺍ ﺻﻮﺕ ﺗﺨﻄﻴﻒ ﺭﺟﻠﻴﻦ ..
ﺷﺎﻓﻮﺍ ﻣﻦ ﺍﻟﺮﻭﺷﻦ ﺑﺎﻧﺖ ﻋﻠﻴﻬﻢ ﺣﺎﺟﻪ ﺳﻮﺩﺍ ﺧﺎﻃﻤﻪ ..
ﺷﺒﺤﻮﺍ ﺑﻌﺪﻫﺎ ﻟﺒﺎﺏ ﺍﻟﻜﻮﺟﻴﻨﻪ ..
ﺧﺸﺖ ﻋﻠﻴﻬﻢ ﺣﻤﻴﺪﻩ ﻭﻗﺎﻣﺖ ﺧﻤﺎﺭﻫﺎ ..
ﺟﻮﺍ ﻋﻴﻮﻧﻬﺎ ﻃﻮﻝ ﻉ ﻣﺮﺍﻡ ..
ﻣﺮﺭﺕ ﻋﻠﻴﻬﺎ ﺍﻟﻨﻈﺮ ﺑﺴﺮﻋﻪ ..
ﻟﺒﺴﺘﻬﺎ ﻭﻣﻜﻴﺎﺟﻬﺎ ﻭﻭﺷﺎﺣﻬﺎ ..
ﻭﻛﻴﻒ ﻭﺟﻬﻬﺎ ﻳﺒﺎﻥ ﻧﺎﻳﺮ ..
ﻭﻋﺎﺩ ﻣﺮﺍﻡ ﺻﻐﻴﺮﻩ ﻓﺎﻭﺍﺧﺮ ﺍﻟﻌﺸﺮﻳﻦ ..
ﻋﻜﺲ ﺳﻤﻴﻪ ﺍﻟﻠﻲ ﺟﺘﻬﻢ ﻭﻋﻤﺮﻫﺎ ﻓﻲ ﺍﻟﺘﻼﺗﻴﻦ ..
ﺍﻧﺤﺮﻗﺖ ﻣﻨﻬﺎ ﻭﻫﻲ ﺗﺸﻮﻓﻠﻬﺎ ..
ﻗﺪﻣﺖ ﻭﺳﻠﻤﺖ ﻋﻠﻴﻬﺎ ﻭﻫﻲ ﺗﻘﻮﻝ : ﺍﻟﻌﺮﻭﺱ !
ﻣﺮﺍﻡ ﺑﺈﺑﺘﺴﺎﻣﻪ : ﺍﻫﻼ ﺣﻤﻴﺪﻩ ..
ﺳﻠﻤﺖ ﻋﻠﻴﻬﺎ ﺑﺎﻟﺨﺪ ﻭﺣﻤﻴﺪﻩ ﻣﻦ ﻓﻮﻕ ﻧﻔﺴﻬﺎ ﺗﺴﻠﻢ ..
ﺑﻌﺪﻭﺍ ﻋﻦ ﺑﻌﺾ ..
ﻣﺮﺍﻡ : ﺷﻨﻮ ﺣﺎﻟﻚ ﻭﺣﺎﻝ ﺑﻨﻮﺗﻚ ..
ﺣﻤﻴﺪﻩ ﺑﺪﻭﻥ ﻣﺎﺗﺸﻮﻓﻠﻬﺎ : ﻓﺨﻴﺎﺭ ﺧﻴﺮﻧﺎ .. ﻭﻗﺪﻣﺖ ﺳﻠﻤﺖ ﻉ ﺍﺧﺘﻬﺎ ..
ﻣﺮﺍﻡ ﻋﺎﺭﻓﻪ ﺍﻥ ﺣﻤﻴﺪﻩ ﻣﺶ ﻃﺎﻳﻘﺘﻬﺎ ﺑﺮﻏﻢ ﺟﻬﻠﻬﺎ ﻟﻸﺳﺒﺎﺏ ﺑﺲ ﻛﺎﻧﺖ ﺗﺤﺎﻭﻝ ﺗﺘﻐﺎﺿﻰ ..
ﻏﺎﻟﻴﻪ ﻭﻫﻲ ﺗﺸﻮﻑ ﻟﻤﺮﺍﻡ : ﺷﻦ ﺟﻮ ﺍﻟﻌﺮﺱ ؟
ﺣﻤﻴﺪﻩ ﺑﺈﺳﺘﻌﺠﺎﻝ؛ﺗﻤﺎﻡ .. ﻏﻴﺮ ﺑﺴﺮﻋﻪ ﺑﺴﺮﻋﻪ ﻏﺎﻟﻴﻪ ﻃﻠﻌﻴﻠﻲ ﻗﻔﻄﺎﻧﻲ ﺍﻟﻠﻲ ﻟﺒﺴﺘﻪ ﻓﺒﻴﺎﻥ ﻫﺎﻧﻴﺒﺎﻝ ﻉ ﻣﺠﺪﻭﻟﻴﻦ ..
ﻣﺮﺍﻡ ﺗﻘﻮﻝ ﻣﻦ ﺻﺐ ﻋﻠﻴﻬﺎ ﻣﻴﻪ ﻣﺼﻘﻌﻪ ..
ﻭﻏﺎﻟﻴﻪ ﺍﻧﺼﺪﻣﺖ ..
ﺣﻤﻴﺪﻩ : ﺑﺴﺮﻋﻪ .. ﺍﻟﺼﺪﻳﻖ ﻳﺮﺍﺟﻲ ..
ﻃﻠﻌﺖ ﻏﺎﻟﻴﻪ ﻭﻫﻲ ﺗﺸﻮﻑ ﻟﻤﺮﺍﻡ ﻭﻭﺭﺍﻫﺎ ﺣﻤﻴﺪﻩ ..
🍃 ﻛﺎﻧﺖ ﺗﻘﺪﺭ ﺗﻘﻮﻝ ﺣﻤﻴﺪﻩ ﻃﻠﻌﻴﻠﻲ ﻗﻔﻄﺎﻥ ﺑﻴﺎﻧﻲ ﺍﻟﻠﻲ ﺷﺮﺗﻬﻮﻟﻲ ﺯﻳﻨﺐ .. ﻟﻜﻦ ﺗﻘﺼﺪﺕ ﺗﻘﻮﻝ ﺍﻟﺠﻤﻠﻪ ﺍﻟﻠﻲ ﻗﺎﻟﺘﻬﺎ ﺑﺶ ﺗﻄﻔﻲ ﺑﻴﻬﺎ ﻧﻮﺭ ﻭﺟﻪ ﻣﺮﺍﻡ ﺍﻟﻠﻲ ﺣﺮﻗﻬﺎ 🍃
ﺍﻧﺨﻨﻘﺖ ﻣﺮﺍﻡ ﺑﻌﺒﺮﺗﻬﺎ ﻭﺳﻜﺘﺖ ﻭﻫﻲ ﺗﺒﻠﻊ ﻓﺮﻳﻘﻬﺎ ﺗﺒﻲ ﺗﺘﺠﺎﻫﻞ ﻭﺗﺘﻐﺎﺿﻰ ﻣﺎﺗﺒﻴﺶ ﺗﻀﻌﻒ ﻣﻦ ﺍﻭﻝ ﻣﻮﻗﻒ ﻣﺆﺫﻱ ﻳﻮﺍﺟﻬﻬﺎ ..
ﻓﻲ ﺍﻟﺪﺍﺭ ..
ﻏﺎﻟﻴﻪ : ﺷﻦ ﺍﻟﻜﻠﻤﻪ ﺍﻟﻠﻲ ﻗﻠﺘﻴﻬﺎ ﻫﺪﻱ؟
ﻟﻔﺖ ﺣﻤﻴﺪﻩ ﺍﻟﻘﻔﻄﺎﻥ ﻓﻲ ﻛﻴﺴﻪ ﻛﺒﻴﺮﺓ ﻭﻗﺎﻟﺖ : ﻫﻲ ﺗﺼﺒﺤﻲ ﻉ ﺧﻴﺮ ..
ﻭﻣﺸﺖ ﻃﻮﻝ ﺗﺠﺮﻱ ﺑﺎﻟﻜﻴﺴﻪ ﻟﻔﻢ ﺍﻟﺒﻮﺍﺑﻪ ﻟﺒﺴﺖ ﻛﻨﺪﺭﺗﻬﺎ ﻭﻃﻠﻌﺖ ﻃﻮﻝ ..
ﻭﻏﺎﻟﻴﻪ ﻣﺼﺪﻭﻣﻪ ...
ﻣﺸﺖ ﻃﻮﻝ ﻟﻠﻜﻮﺟﻴﻨﻪ ...
ﻟﻘﺖ ﻣﺮﺍﻡ ﻭﺍﻗﻔﻪ ..
ﻏﺎﻟﻴﻪ ﺑﺈﺑﺘﺴﺎﻣﻪ : ﺳﺎﻣﺤﻴﻨﻲ ﺧﻠﻴﺘﻚ ﺑﺮﻭﺣﻚ ..
ﻣﺮﺍﻡ ﺑﺈﺑﺘﺴﺎﻣﻪ : ﻣﺎﻓﻴﺶ ﻣﺸﻜﻠﻪ .. ﺷﻔﺘﻠﻚ ﺍﻟﻜﻮﺷﻪ ﻭﻟﻌﺖ ﻉ ﺍﻟﺒﻴﺘﺰﺍ ﻣﻦ ﻓﻮﻕ ...
ﺍﺑﺘﺴﻤﺖ ﻏﺎﻟﻴﻪ ﻭﻫﻲ ﺗﺸﻮﻓﻠﻬﺎ ﻭﻗﺎﻟﺖ : ﺻﺤﻴﺘﻲ ..
ﻣﺮﺍﻡ : ﺳﻠﻤﻚ 💔...
🍁🍁🍁🍁🍁🍁
ﺭﺍﻛﺒﻴﻦ ﺍﻟﺴﻴﺎﺭﺍﺕ ﻭﺩﻻﻝ ﺣﺎﺿﻨﺔ ﻣﻌﻤﺮ ﻭﺗﺒﻜﻲ ..
ﺑﺮﺍ ..
ﻣﺤﻤﺪ : ﻭﺍﻟﻠﻪ ﻣﺎﻧﻲ ﻋﺎﺭﻑ ﻛﻴﻒ ﻧﺸﻜﺮﻙ ﻳﺎﺿﻮ ﺍﻗﺴﻢ ﺑﺎﻟﻠﻪ .
ﺍﺑﺘﺴﻢ ﺿﻮ ﻭﻗﺎﻝ : ﺍﻱ ﺣﺪ ﻣﻜﺎﻧﻲ ﻛﺎﻥ ﺩﺍﺭ ﺍﻟﻠﻲ ﺩﺭﺗﻪ .. ﺍﻟﻤﻬﻢ ﺗﻮﺍ ﺭﺑﻚ ﺳﻠﻢ ..
ﻋﻤﺮ : ﺍﻟﺤﻤﺪ ﻟﻠﻪ ..
ﺿﻮ : ﻫﻲ ﻣﺎﺗﺒﻮ ﺷﻲ ..
ﻋﻤﺮ ﻭﻣﺤﻤﺪ : ﺗﺴﻠﻢ ..
ﺿﻮ : ﻫﻲ ﺍﻟﺴﻼﻡ ﻋﻠﻴﻜﻢ ...
ﻟﻒ ﺑﻴﻤﺸﻲ ﻋﻴﻮﻧﻪ ﺟﻮ ﻉ ﺩﻻﻝ ﻭﻫﻲ ﺣﺎﺿﻨﻪ ﻭﻟﺪﻫﺎ ﻭﺗﺒﻜﻲ ﻗﻠﺒﻪ ﻭﺟﻌﻪ ﻉ ﺍﻷﺧﺮ ..
ﻣﺸﻲ ﻭﻫﻮ ﻣﺨﻠﻲ ﻋﻘﻠﻪ ﻋﻨﺪﻫﺎ ..
ﺣﺪﺍ ﺍﻟﺴﻴﺎﺭﺓ ..
ﺳﻨﺪ؛ﺧﻮﺩﻱ ﺧﺎﻟﺘﻲ ..
ﺧﺪﺕ ﻧﻌﻴﻤﻪ ﻛﻴﺴﻪ ﻓﻴﻬﺎ ﻋﺼﻴﺮ ﻭﻛﻴﻜﻪ ﻭﻗﺎﻟﺖ : ﺻﺤﻴﺖ ﻭﻟﺪﻱ ..
ﺳﻨﺪ : ﻣﺎﺗﺒﻮﺍ ﺷﻲ ..
ﻧﻌﻴﻤﻪ ﺑﺒﻜﻲ : ﺳﻼﻣﺘﻚ ﻭﻟﺪﻱ ..
ﺯﻳﻨﺐ : ﺗﻮﻛﻞ ﺍﻣﻲ ﻟﺨﺪﻣﺘﻚ ..
ﺳﻨﺪ ﻫﺰ ﺭﺍﺳﻪ ﺑﺈﻳﺠﺎﺏ ﻭﻭﻻ ﻟﻠﻤﺤﻞ ..
ﺑﻌﺪﻳﻦ ﺍﻟﻜﻞ ﺭﻛﺒﻮﺍ ﺍﻟﺴﻴﺎﺭﺍﺕ ﻭﺗﺤﺮﻛﻮﺍ ﻃﻮﻝ ..
ﻭﻗﻒ ﻋﻤﺮ ﻉ ﺍﻟﻘﻬﻮﺓ ﻣﺘﺎﻋﻪ ﺧﺪﻱ ﻣﻨﻬﺎ ﺷﺎﻭﺭﻣﺎﺕ ﻭﻫﻤﺒﻮﺭﻏﺎﺕ ..
ﻭﻣﻨﻬﺎ ﺗﺴﻘﺪﻭﺍ ﻃﻮﻝ ﻟﻠﺤﻮﺵ ..
🍁🍁🍁🍁
ﺣﻴﻴﻴﻴﻲ !!
ﻧﻌﻴﻤﻪ : ﻛﺎﻥ ﻣﺶ ﺭﺑﻚ ﺑﻌﺖ ﺿﻮ ﺳﺎﻋﺘﻬﺎ ﺭﺍﻫﻮ ﺍﺷﺒﺢ ﺷﻦ ﻃﺎﺭﻳﻠﻨﺎ ﺗﻮﺍ ..
ﻏﺎﻟﻴﻪ ﻭﻫﻲ ﻣﻐﻤﻀﺔ ﻋﻴﻮﻧﻬﺎ ﺑﺸﺪﺓ : ﻭﻭﻭﻙ ﻳﺎﺭﺑﻲ ..
....
ﻣﻌﺎﺵ ﺗﻜﻠﻤﻨﻲ ﻣﻌﺎﺵ ﺗﻜﻠﻤﻨﻲ ﺍﻧﺖ ﻣﺎﺗﺴﻤﻌﺶ ﻓﻲ ﺍﻟﻜﻼﻡ ﻣﻌﺎﺵ ﺗﻜﻠﻤﻨﻲ ..
ﻣﻌﻤﺮ ﻭﻓﻤﻪ ﻣﻘﻮﺱ : ﻣﺎﻣﺎ ﺣﺒﻴﺒﻲ ..
ﺩﻻﻝ ﻗﺎﺭﻧﻪ ﺣﻮﺍﺟﺒﻬﺎ ﺑﻐﻀﺐ ﻭﺗﺸﻮﻑ ﻟﻘﺪﺍﻡ ..
ﻗﺮﺏ ﻣﻨﻬﺎ ﻭﺷﺪ ﻭﺟﻬﻬﺎ : ﻣﺎﻣﺎ ﺣﻴﺎﺗﻲ .. ﺭﻭﺣﻲ .. ﻣﺎﻣﺎ ﻋﻤﺮﻱ ..
ﺭﻓﻊ ﺭﻭﺣﻪ ﻭﺑﺎﺳﻬﺎ ﻉ ﺭﺍﺳﻬﺎ ..
ﺭﺑﺎﺏ ﻭﺭﺍﻧﻴﺎ : ﻳﺎﺍﺍﺭﻭﻭﻭﻭﻭﺣﻲ ..
ﺩﻻﻝ : ﻳﻤﺸﻲ ﻋﻠﻴﺎ ﻏﺎﺩﻱ ..
ﻣﻌﻤﺮ : ﻣﻌﺎﺵ ﻧﻌﺎﻭﺩﻫﺎ ..
ﻣﺎﺑﺘﺶ ﺗﻌﺒﺮﻩ ..
ﻣﻌﻤﺮ : ﻣﺎﻣﺎ ﺍﻧﻲ ﻋﻤﻮﺭﻱ ﺣﺒﻴﺒﻚ ..
ﺭﺍﻧﻴﺎ : ﺩﻻﻝ ﺣﺮﺍﻡ ﻋﻠﻴﻚ ﺧﻼﺹ ..
ﺩﻻﻝ : ﻻ ﻻﺯﻡ ﻳﺘﻌﻠﻢ ﻣﻦ ﻏﻠﻄﻪ
ﻣﻌﻤﺮ : ﺗﻌﻠﻤﺖ ﺍﻧﻲ ﻣﺎﻣﺎ ﺧﻼﺹ ﻣﺎﻣﺎ ﻣﻌﺎﺵ ﻧﻌﺎﻭﺩﻫﺎ ..
ﺭﺍﻧﻴﺎ ﻓﺘﺤﺖ ﺍﻳﺪﻳﻬﺎ : ﺗﻌﺎﻟﻰ ﺣﺒﻴﺒﻲ ﻋﻤﻮﺭﻱ ﻟﺨﺎﻟﺘﻮ ﺭﺍﻧﻴﺎ ﺗﻌﺎﻟﻰ ..
ﻣﺸﺎﻟﻬﺎ ﻳﺠﺮﻱ ﻭﺣﻀﻦ ﺭﺍﻧﻴﺎ ﻭﻗﺎﻝ : ﺍﻧﺘﻲ ﺣﻠﻮﺓ ﻣﺎﻣﺎ ﺧﻴﻲ ..
ﺭﺑﺎﺏ : ﺣﻴﻴﻴﻲ ﺷﻮﻑ ﻣﺎﻣﺎ ﻛﻴﻒ ﺗﺸﺒﺤﻠﻚ ..
ﺑﻌﺪ ﻋﻦ ﺭﺍﻧﻴﺎ ﻭﻗﻌﺪ ﻳﺸﺒﺢ ﻷﻣﻪ ﻟﻘﺎﻫﺎ ﺗﺸﺒﺤﻠﻪ ﺑﺮﺑﻊ ﻋﻴﻦ ..
ﻃﻠﻖ ﺭﺍﻧﻴﺎ ﻭﻣﺸﻲ ﻷﻣﻪ ﻳﺠﺮﻱ ﻭﻗﺎﻝ : ﻣﺎﻣﺎ ﺑﺲ ﺣﻠﻮﻩ ..
ﺿﺤﻜﺖ ﻭﺿﺮﺑﺎﺗﻪ ﺿﺮﺑﻪ ﺧﻔﻴﻔﻪ ﻉ ﻇﻬﺮﻩ ﺑﻌﺪﻳﻦ ﺣﻀﻨﺎﺗﻪ . ﺑﻘﻮﺓ ﻭﻗﺎﻟﺖ : ﻗﺮﻳﺐ ﻗﺘﻠﺘﻨﻲ ﺍﻟﻴﻮﻡ ..
ﻣﻌﻤﺮ : ﺍﻓﺲ ..
ﺍﻟﺘﻼﺛﻪ : ﻫﻬﻬﻬﻬﻬﻬﻬﻬﻬﻬﻬﻬﻪ
🍁🍁🍁🍁🍁
ﺷﻨﻮ ﻫﻮﻭﻭﻭ؟؟؟؟
ﺗﻮﻓﻴﻖ : ﺍﻟﻠﻲ ﺳﻤﻌﺘﻴﻪ ..
ﺷﺒﺤﺘﻠﻪ ﺷﻮﻳﻪ ﻭﺑﻌﺪﻳﻦ ﻗﺎﻟﺖ : ﻣﺎﺳﻤﻌﺖ ﺷﻲ ..
ﻭﻣﺸﺖ ﻣﻦ ﺣﺪﺍﻩ ..
ﺗﻮﻓﻴﻖ ﻣﺎﺷﻲ ﻭﺭﺍﻫﺎ ﻭﻫﻮ ﻳﻘﻮﻝ : ﺗﻌﺮﻓﻲ ﻳﻤﻲ ﻟﻮ ﻣﺎﻋﺪﻳﺘﻲ ﻭﻛﻠﻤﺘﻲ ﺧﺎﻟﺘﻬﺎ ﻋﻨﻬﺎ ﺑﻨﺒﻌﺖ ﻋﻤﺘﻲ ﻏﺎﻟﻴﻪ ..
ﺳﻌﻴﺪﻩ ﻓﺘﺤﺖ ﺑﺎﺏ ﺩﺍﺭ ﺍﻟﻨﻮﻡ ﻭﻫﻲ ﺗﻘﻮﻝ : ﺍﺑﻌﺖ ﻭﻛﺎﻥ ﻋﻄﻬﻮﻟﻚ ﻫﺪﻯ ﻭﺟﻬﻲ .. ﻭﺳﻜﺮﺕ ﻓﻮﺟﻬﻪ ﺍﻟﺒﺎﺏ ..
ﺗﻮﻓﻴﻖ ﻭﺻﻠﺖ ﻋﻨﺪﻩ ﺣﺪﻫﺎ ﻭﻗﺎﻝ؛ﺗﻮ ﻧﺎﺧﺪ ﻭﺟﻬﻲ ﺣﺘﻰ ﺍﻧﻲ ﻭﺍﻗﻌﺪﻱ ﻓﻴﻬﺎ ﻣﺮﺓ ﻭﺣﺪﻩ ...
ﻟﻒ ﻭﻣﺸﻲ ..
ﺍﻧﻔﺘﺢ ﺑﺎﺏ ﺍﻟﺪﺍﺭ .. ﻭﻃﻠﻌﺖ ﺳﻌﻴﺪﻩ ﺗﺠﺮﻱ : ﺗﻮﻓﻴﻖ ﺗﻮﻓﻴﻖ ﺍﻣﻲ ﻏﻴﺮ ﺭﺍﺟﻲ ﺷﻮﻳﻪ ..
ﺍﺑﺘﺴﻢ ﺑﺮﻓﻌﺔ ﺣﺎﺟﺐ ﺑﻌﺪﻳﻦ ﻗﻠﺐ ﻭﺟﻬﻪ ﻭﺍﻟﺘﻔﺘﻠﻬﺎ : ﻧﻌﻢ .
ﺳﻌﻴﺪﻩ : ﻋﺪﻱ ﻟﻠﺼﺎﻟﻪ ﻧﺘﻔﺎﻫﻤﻮﺍ ﻗﺒﻞ ..
ﺷﺒﺤﻠﻬﺎ ﺷﻮﻳﻪ ﻭﻫﻮ ﺭﺍﻓﻊ ﺣﺎﺟﺒﻪ ﺍﻹﻳﺴﺎﺭ ﺑﻌﺪﻳﻦ ﻗﺎﻝ : ﺑﺎﻫﻲ .
ﻣﺸﻲ ﻫﻮ ﺍﻷﻭﻝ ﻭﻫﻲ ﻟﺤﻘﺎﺗﻪ ﻭﻉ ﻭﺟﻬﻬﺎ ﻣﻼﻣﺢ ﺍﻟﻀﻴﻖ ..
🍁🍁🍁🍁
ﺭﻭﺡ ﻟﻠﺤﻮﺵ ..
ﻓﺘﺢ ﺍﻟﺒﺎﺏ ﻭﺧﺶ ..
ﺻﻜﺮﻩ .. ﻭﺍﻭﻝ ﻛﻠﻤﻪ ﻉ ﻟﺴﺎﻧﻪ ﺍﻭﻝ ﻣﺎﻳﺨﺶ ﻳﻘﻮﻟﻬﺎ ..
" ﺑﻨﺖ ﻋﺒﻮﺩﻩ .."
ﻃﻠﻌﺘﻠﻪ ﻣﻦ ﺍﻟﺪﺍﺭ ﻭﻫﻲ ﻣﺒﺘﺴﻤﻪ : ﻳﺎﻫﻼ ..
ﻫﻮ ﺍﺑﺘﺴﺎﻣﺘﻪ ﺗﻼﺷﺖ ﻗﺮﻥ ﺣﻮﺍﺟﺒﻪ ﻗﺎﻝ : ﺧﻴﺮﻩ ﻭﺟﻬﻚ .. ﻋﻴﻮﻧﻚ ﺧﻴﺮﻫﻦ .. ﻛﻨﺘﻲ ﺗﺒﻜﻲ ..
ﻣﺮﺍﻡ ﺑﻀﺤﻜﻪ : ﻻﺷﻲ ﻏﻴﺮ ﺍﺳﺘﺎﺣﺸﺖ ﻫﻠﻲ ﺑﺲ ..
ﻫﻮ ﺷﺒﺤﻠﻬﺎ ﺷﻮﻳﻪ ..
ﺑﻌﺪﻳﻦ ﻗﺮﺏ ﻣﻨﻬﺎ ﻭﺧﺪﺍﻫﺎ ﻓﺤﻀﻨﻪ ..
ﻫﻲ ﻫﺪﺍ ﻭﻳﻦ ﺍﺭﺗﺎﺣﺖ ﻏﻤﻀﺖ ﻋﻴﻮﻧﻬﺎ ﻭﻗﻌﺪﺕ ﺗﺘﻨﻔﺲ ﺑﺮﺍﺣﻪ ..
ﻫﺎﻧﻴﺒﺎﻝ : ﺍﻫﻮ ﻫﻠﻚ ﺍﻟﺨﻤﻴﺲ ﺑﺘﻌﺪﻳﻠﻬﻢ ﺇﻥ ﺷﺎﺀ ﺍﻟﻠﻪ .. ﺯﺍﺩ ﺣﻀﻨﻬﺎ ﻭﻗﺎﻝ .. ﻟﻜﻦ ﺣﻜﺎﻳﺔ ﺑﻴﺘﺎﻥ ﻣﺎﺑﻴﺘﺎﻥ ﺳﺎﻣﺤﻴﻨﻲ .. ﻻ ..
ﻣﺮﺍﻡ ﻓﻨﻔﺴﻬﺎ ﻗﺎﻟﺖ " ﻉ ﺍﺳﺎﺱ ﺍﻧﻲ ﻣﺎﺯﺍﻝ ﻧﻘﺪﺭ ﻧﺒﺎﺕ ﺑﻌﻴﺪﻩ ﻋﻨﻚ "
ﻫﺎﻧﻴﺒﺎﻝ : ﺧﻴﺮﻙ ﺳﺎﻛﺘﻪ ..
ﻣﺮﺍﻡ : ﺷ?