المتمردين

العشق المتمرد

#رمضان_احلا_مع_جمان_فريد

#العشق_المتمرد

الجزء48

القسم الثاني

ﻧﺮﻭﺣﻮﺍ ﺍﻟﺼﺒﺢ؟ !
ﺩﻻﻝ : ﻻﻻ ﺑﺎﻟﻠﻪ ﻋﻠﻴﻚ ﻻ .
ﻋﻤﺎﺭ : ﻭﻗﺮﺍﻳﺘﻚ ﻭﺍﻣﺘﺤﺎﻧﺘﻚ؟
ﺩﻻﻝ : ﻫﻮ ﻛﻠﻪ ﻳﻮﻡ .. ﺑﺎﻟﻠﻪ ﻋﻠﻴﻚ ﻳﻮﻡ ﺯﻳﺎﺩﻩ .
ﻋﻤﺎﺭ ﺗﻨﻬﺪ ﻭﺳﻜﺖ ..
ﺩﻻﻝ : ﺷﻦ ﻗﻠﺖ ...
ﻋﻤﺎﺭ : ﻗﻠﺖ ..... ﺑﺎﻫﻲ ..
ﺩﻻﻝ ﺑﻔﺮﺣﻪ : ﻭﺍﻟﻠﻪ ﺍﻧﺖ ﺍﺣﺴﻦ ﻭﺍﺣﺪ ..
ﻋﻤﺎﺭ ﺍﺑﺘﺴﻢ : ﺑﺲ ..
ﺩﻻﻝ ﺑﻀﺤﻜﻪ : ﻭﺑﺲ ..
ﺗﻨﻬﺪ ﻭﺭﺩ : ﺑﺎﻫﻲ ﻳﺎﺩﻟﻮﻟﻪ ﺑﺎﻫﻲ ..
ﺩﻻﻝ ﺿﺤﻜﺖ ﻭﻗﺎﻟﺖ : ﺑﺎﻫﻲ ﺑﻨﺴﻜﺮ ﺗﻮﺍ ﻣﺸﻐﻮﻟﻪ ..
ﻋﻤﺎﺭ : ﺍﻟﻮﺿﻊ ﻫﺪﻯ ﻣﺎﻳﺴﺎﻋﺪﻧﻴﺶ ﺭﺍﻫﻮ ﻣﺎﻟﻴﺶ ﻭﻗﺖ ﺣﺘﻰ ﻧﺤﻜﻲ ﻣﻌﺎﻙ؟ !
ﺩﻻﻝ ﺑﻀﺤﻜﻪ : ﺟﺮﺏ ﺍﻷﻳﺎﻡ ﺍﻟﻠﻲ ﻛﻨﺖ ﺗﺴﺎﻓﺮ ﻓﻴﻬﻢ ﻭﻧﻘﻌﺪ ﺑﺮﻭﺣﻲ ..
ﻋﻤﺎﺭ : ﺍﻧﺘﻲ ﻫﻤﻚ ﻓﻘﻌﺪﺗﻚ ﺑﺮﻭﺣﻚ .. ﻟﻜﻦ ﺍﻧﻲ ﻫﻤﻲ ﻓﻘﻌﺪﺗﻲ ﻣﻦ ﻏﻴﺮ ﺭﻭﺣﻲ ..💕
ﺩﻻﻝ ﻗﻠﺒﻬﺎ ﻳﺪﻕ ﺑﻘﻮﺓ ... ﺗﻨﻬﺪﺕ ﻭﻗﻌﺪﺕ ﺳﺎﻛﺘﻪ ..
ﻋﻤﺎﺭ :
❣ ﺍﻧﺘﻲ ﻏﺮﺍﻡ ﺍﻟﻘﻠﺐ ﻭﺍﻧﺘﻲ ﻋﻴﻨﻲ
ﻭﺍﻧﺘﻲ ﻏﻼ ﻣﻜﺘﻮﺏ ﻓﻮﻕ ﺟﺒﻴﻨﻲ
ﻭﺍﻧﺘﻲ ﺍﻧﻈﺎﺭﻱ
ﻭﺍﻧﺘﻲ ﻏﻼ ﻣﻜﺘﻮﺑﻼﺕ ﺍﺷﻌﺎﺭﻱ
ﻭﺍﻧﺘﻲ ﻗﻤﺮ ﻣﺎﻟﻚ ﻓﺴﻴﺢ ﻣﺪﺍﺭﻱ
ﻣﻬﻨﺎﻙ ﻏﻴﺮﻙ ﻓﻲ ﺍﻟﺤﻴﺎﺓ ﻳﻌﻨﻴﻨﻲ
ﺩﻻﻝ ﺗﻨﻬﺪﺕ ﻭﻗﺎﻃﻌﺎﺗﻪ ﻭﻗﺎﻟﺖ : ﺑﺎﻟﻠﻪ ﻋﻠﻴﻚ ﺧﻼﺹ ﺑﻨﺪﻭﺥ 💕
ﻋﻤﺎﺭ : ﻫﻬﻬﻬﻬﻬﻬﻬﻬﻪ ... ﺑﺎﻫﻲ ﻣﺎﻻ ﻧﺨﻠﻴﻚ ﺗﻮ .. ﻭﻟﻨﺎ ﻓﻲ ﺍﻟﻠﻴﻞ ﻟﻘﺎﺀ .. ﻭﺍﻟﻠﻪ ﻏﺎﻟﺐ .. ﻉ ﺍﻟﻬﺎﺗﻒ ﻟﻴﻦ ﺭﺑﻲ ﻳﻔﺮﺟﻬﺎ .
ﺿﺤﻜﺖ ﻭﻗﺎﻟﺖ : ﺑﺎﻫﻲ .. ﺑﺎﺍﺍﻱ ..
ﻋﻤﺎﺭ : ﺍﺍﺍﺍﺍﺥ ﻭﺧﻼﺹ 💕
ﺿﺤﻜﺖ ﻭﺻﻜﺮﺕ ... ﻭﻟﻬﺖ ﺑﺎﻟﻤﻴﻪ ..
ﻉ ﺧﺸﺔ ﻫﺎﻧﻴﺒﺎﻝ ..
ﺟﺎﻫﺎ ﻭﻗﻌﺪ ﻳﺸﻔﺸﻒ ﻓﺸﻌﺮﻫﺎ : ﺳﺎﻋﻪ ﺑﺶ ﺗﺠﻴﺒﻲ ﻣﺎﻟﻘﻲ ﻣﻴﻪ ... ﺍﻫﺎ ... ﺳﺎﻋﻪ ... ﻋﺪﻳﺘﻲ ﺗﺠﻴﺒﻲ ﻓﻴﻬﺎ ﻣﻦ ﺍﻟﻔﺎﺳﻜﻴﻪ ...
ﺩﻻﻝ : ﻫﻬﻬﻬﻬﻬﻬﻪ .. ﺍﺍﺍﻩ ... ﺍﻫﻴﺎ ...... ﺧﻼﺹ ..
ﺣﺎﻭﻁ ﺭﻗﺒﺘﻬﺎ ﺑﺬﺭﺍﻋﻪ .. ﻭﻫﻲ ﺗﻀﺤﻚ ﺑﻌﺪﻳﻦ ﻃﻠﻘﻬﺎ ﻭﺧﺪﻱ ﺍﻟﺼﻔﺮﺓ ..
ﺩﻻﻝ ﻭﻫﻲ ﺗﺴﺎﻭﻱ ﻓﺸﻌﺮﻫﺎ : ﺍﻳﻪ ﺧﺎﻟﻮ ﺷﻦ ﺣﺎﻝ ﺍﻟﻤﺪﺍﻡ ...
🍁 ﻛﺎﻥ ﻧﻘﻮﻟﻠﻜﻢ ﻟﻤﺎ ﺳﺄﻻﺗﻪ ﻫﺎﻟﺴﺆﺍﻝ ﻣﻦ ﺧﻄﺮ ﻋﻠﻴﻪ ..
ﺍﻹﺟﺎﺑﻪ ﻣﻌﻠﻮﻣﻪ ..
ﺍﺳﺎﺳﺎ ﻣﺎﺑﻄﻠﺶ ﺗﻔﻜﻴﺮ ﻓﻴﻬﺎ .. ﺑﺎﻟﺬﺍﺕ ﺑﻌﺪ ﻋﺮﻑ ﺍﻧﻬﺎ ﺟﺎﺭﺓ ﺍﺧﺘﻪ ...
ﺍﺑﺘﺴﻢ ﻭﻗﺎﻝ : ﻛﻮﻳﺴﻪ .. ﻭﺧﺪﻱ ﺍﻟﺼﻔﺮﻩ ﻭﻃﻠﻊ ..
ﻭﺩﻻﻝ ﺣﺴﺖ ﺍﻥ ﺍﻟﺴﺆﺍﻝ ﺿﺎﻳﻘﻪ ...
ﺿﺤﻜﺖ ﻟﻤﺎ ﺳﻤﻌﺖ ﺿﺤﻚ ﺧﻮﺍﻟﻬﺎ ﻭﻭﻻﺩ ﺧﺎﻻﺗﻬﺎ ﻭﺧﺎﻟﻬﺎ ..
ﺑﻌﺪﻳﻦ ﻃﻠﻌﺖ ﻣﻦ ﺍﻟﻜﻮﺟﻴﻨﻪ ﻣﺘﻮﺟﻬﻪ ﻟﻠﺪﺍﺭ ..
🍃🍃🍃
ﺑﻌﺪ ﺣﻮﺍﻟﻲ ﺳﺎﻋﻪ ..
ﻛﺎﻥ ﻃﺎﺭﻕ ﻭﺍﺻﻞ ﻫﻮ ﻭﻋﻴﻠﺘﻪ ...
ﻭﺍﻟﺒﻨﺎﺕ ﻧﺎﺿﻮﺍ ﻳﺤﻮﺳﻮﺍ ﻓﻲ ﺍﻟﻜﻮﺟﻴﻨﻪ ﻉ ﺍﻟﻌﺸﻲ ..
ﺭﺟﺎﻟﻪ ﻭﻧﺴﺎﻭﻳﻦ ..
ﻃﻴﺒﻮﺍ ﻛﺴﻜﺴﻲ ﺑﺎﻟﺒﺼﻠﻪ ﻭﻣﻜﺮﻭﻧﻪ ﺷﻌﻴﺮﻳﻪ ﻣﺒﻮﺧﻪ ...
ﻣﻊ ﺳﻼﻃﻪ ﻭﻣﺴﻴﺮ ..
ﻭﻋﺸﻮﺍ ﺍﻟﺮﺟﺎﻟﻪ ﻭﺍﻟﻨﺴﺎﻭﻳﻦ ..
ﻭﻋﺎﺩ ﻋﻤﺘﻜﻢ ﺭﺑﺎﺏ ﻣﺎﻓﺎﺭﻗﺘﺶ ﻋﺰﻭﺯﺗﻬﺎ ﻭﺣﻤﺎﺗﻬﺎ ﻏﻴﺮ ﺗﺤﻮﺱ ﻋﻠﻴﻬﻢ ﻭﺧﻼﺹ ﻟﻌﻴﻮﻥ ﺣﺒﻴﺐ ﺍﻟﻘﻠﺐ 💕
ﻭﺍﻟﺪﻧﻴﺎ ﺯﺣﻤﺖ ﻭﺩﻭﺷﻪ ﻭﺣﺎﻝ ...
ﺣﺘﻰ ﺳﻌﻴﺪﻩ ﻭﺍﻣﻬﺎ ﻭﺧﻮﺍﺗﻬﺎ ﺟﻮ ﻉ ﺍﻟﻌﺸﻲ ...
ﻭﻛﺎﻟﻌﺎﺩﻩ ﺑﻌﺪ ﻫﺪﺍ ﻛﻠﻪ ﺍﻟﺸﺒﺎﺑﺎﺕ ﺣﺼﻠﻮﺍ ﻓﻲ ﺍﻟﻤﺎﻋﻴﻦ ..
ﺭﺍﻧﻴﺎ : ﺧﺸﻲ ﺍﻟﻠﻲ ﺗﺤﺒﻴﻪ ﻣﺎﺗﺨﻠﻲ ﺣﺪ ﻳﻔﺮﺽ ﻋﻠﻴﻚ ﺷﻲ ..
ﻧﻮﺭ : ﻫﺪﺍ ﺍﻟﻠﻲ ﺑﻨﺪﻳﺮﻩ ..
ﺭﺑﺎﺏ ﻭﻫﻲ ﺗﺼﺐ ﻓﻲ ﺍﻟﺸﺎﻫﻲ : ﺯﻋﻤﻪ ﻣﻦ ﺑﻴﺠﻲ ﻳﺮﻓﻌﻪ ..
ﻉ ﺧﺸﺔ ﻣﺎﻟﻚ ..
ﻣﺎﻟﻚ : ﺗﺮﺍ ﻭﻳﻦ ﺍﻟﺸﺎﻫﻲ ..
ﻧﻮﺭ ﺍﻟﺘﻔﺘﺖ ﻭﺷﺒﺤﺘﻠﻪ ..
ﺍﻟﻠﻲ ﺟﺎﻫﺎ ﺟﺎﻫﺎ ﻣﻦ ﻛﻠﻤﺔ ﺧﺎﻟﺘﻬﺎ ﺍﺷﺒﺢ ﺷﻦ ﺻﺎﺭﻟﻬﺎ ﺍﻟﺒﻨﺖ ﺑﺪﺕ ﺗﺮﻛﺰ ﻋﻠﻴﻪ ..
ﻣﻼﻣﺢ ﻣﺎﻟﻚ ﺟﺬﺍﺑﻪ ﺑﺲ ﺣﺎﺩﻩ ﻭﻗﺮﻳﺐ ﻓﻲ ﺍﻟﺸﻜﻞ ﻉ ﺧﺎﻟﻪ ﻫﺎﻧﻴﺒﺎﻝ ... ﻭﻃﻮﻳﻞ ﻭﻋﺮﻳﺾ ﺷﻮﻳﻪ ..
ﻭﺍﻧﻴﻖ ﻭﻣﻬﺘﻢ ﺑﺮﻭﺣﻪ ﻫﻠﺒﻪ ﻫﻠﺒﻪ ﻭﻣﻦ ﻫﺎﻟﻨﺎﺣﻴﻪ ﻃﺎﻟﻊ ﻟﻬﺎﻧﻴﺒﺎﻝ ﻻﻧﻪ ﻫﺎﻧﻴﺒﺎﻝ ﻓﻲ ﺍﻻﻧﺎﻗﻪ ﻭﺍﻻﻫﺘﻤﺎﻡ ﺑﺎﻟﻨﻔﺲ ﺗﻮﺏ ..
ﻣﺪﺗﻠﻪ ﺭﺑﺎﺏ ﺍﻟﺼﻔﺮﺓ ..
ﺧﺪﺍﻫﺎ ﻭﻟﻤﺎ ﺟﻲ ﻃﺎﻟﻊ ﺷﺒﺢ ﻟﻨﻮﺭ ﻟﻘﺎﻫﺎ ﺗﺸﺒﺤﻠﻪ ..
ﺍﻟﺰﻭﺯ ﻭﺟﻮﻫﻤﻢ ﺗﺤﻤﺮﻃﺖ ﻭﻏﻴﺮﻭﺍ ﻋﻴﻮﻧﻬﻢ ..
ﻫﻮ ﻟﻒ ﻭﻃﻠﻊ ...
ﻭﻫﻲ ﻗﻌﺪﺕ ﺗﻤﺴﺢ ﻓﻲ ﺍﻟﻐﺎﺯ ..
ﻣﺎﻟﻚ ﻭﻫﻮ ﻃﺎﻟﻊ ﺑﺎﻟﺼﻔﺮﻩ " ﻻ ﻳﺎﻣﺎﻟﻚ ﻻ ﺭﺩ ﺑﺎﻟﻚ ﻋﺎﺩ ﻗﻌﺪﺕ ﺗﻘﺎﻭﻡ ﻓﻲ ﻧﻔﺴﻚ ﺍﻟﻤﺪﻩ ﺍﻟﻠﻲ ﻓﺎﺗﺖ ﻛﻠﻬﺎ ﺗﻮﺍ ﺷﻦ ﺟﺎﻙ .. ﺧﻮﻙ ﺭﻩ ﺭﺩﺑﺎﻟﻚ ..."
ﺍﺳﺘﻐﺮﺑﺘﻮﺍ ...
ﻟﻮ ﻻﺣﻈﺘﻮﺍ ﻗﺒﻞ ﻛﻨﺘﻮﺍ ﺣﺴﻴﺘﻮﺍ ﺑﻐﻴﺮﺓ ﻣﺎﻟﻚ ﺍﻟﻮﺍﺿﺤﻪ ﻉ ﻧﻮﺭ ﻣﻦ ﺧﻮﻩ ...
ﻣﺸﻜﻠﺔ ﻣﺎﻟﻚ ﺍﻧﻪ ﻛﺘﻮﻡ ﻭﻣﺎﻳﺤﺒﺶ ﻳﺤﻜﻲ ﻋﻦ ﺍﻟﻠﻲ ﻓﺪﺍﺧﻠﻪ ..
ﻫﻲ ﻋﺎﺟﺒﺎﺗﻪ ... ﻣﻦ ﻗﺒﻞ ﻣﺎ ﻳﻌﺮﻑ ﺍﻥ ﺧﻮﻩ ﻳﺒﻴﻬﺎ ...
ﻭﻣﻦ ﻟﻤﺎ ﺻﺮﺣﻠﻪ ﻣﺮﻭﺍﻥ .. ﺣﺎﻭﻝ ﻳﺘﻐﺎﺿﻰ ﻭﻳﻨﺴﻰ ﻭﻗﻌﺪ ﻳﻘﺎﻭﻡ ﻓﺸﻌﻮﺭﻩ ﺑﻴﻬﺎ ..
ﻭﻣﻤﻜﻦ ﺗﺮﻛﻴﺰ ﻧﻮﺭ ﻋﻠﻴﻪ ﺍﻟﻠﻲ ﺑﺪﻱ ﻫﻮ ﻳﻼﺣﻈﻪ ﺧﻼ ﻣﺸﺎﻋﺮﻩ ﺗﺘﺤﺮﻙ ﺑﻘﻮﺓ ﻋﻜﺲ ﺍﺭﺍﺩﺗﻪ ..
ﻭﺗﺘﻤﺮﺩ .....
🍁🍁🍁🍁🍁
ﻟﻚ ﺍﻟﻌﻤﻰ .. ﺷﻮ ﻭﺍﻃﻲ ﺷﻮ ﺣﻘﻴﺮ .. ﺷﻮﻟﺴﺎ ﺑﺪﻭ ﻣﻨﻲ ..
ﻋﻮﺩﺓ : ﺍﻟﻠﻪ ﻳﺮﺣﻤﻪ ﻋﻤﻲ ﻗﺎﻝ ﻭﻟﺪﻩ ﻣﺶ ﺣﻴﺨﻠﻴﻨﺎ ﻓﻲ ﺣﺎﻟﻨﺎ ﻻﺯﻡ ﻛﻠﻨﺎ ﻧﻄﻠﻌﻮﺍ ﻣﻌﺎﻙ ﺑﺮﺍ ﺍﻟﺒﻼﺩ ﻳﺶ ﻣﻌﺎﺵ ﺗﻮﻟﻲ ﻣﺮﺓ ﺗﺎﻧﻴﻪ ..
ﻟﻜﻦ ﺍﻣﻲ ﺭﻓﻀﺖ ..
ﻋﺮﻭﺑﻪ ﺑﺈﺳﺘﻐﺮﺍﺏ : ﻋﻦ ﺟﺪ ﻫﻴﻚ ﺣﻜﺎ !!
ﻋﻮﺩﺓ : ﺍﻳﻪ ﻭﺍﻟﻠﻪ ..
ﻋﺮﻭﺑﻪ ﻗﻌﺪﺕ ﺗﻔﻜﺮ ﺑﻌﺪﻳﻦ ﻗﺎﻟﺖ : ﺍﻧﺎ ﻫﺎﻟﻤﺮﺓ ﻭﺍﻟﻠﻪ ﻣﺎﺭﺡ ﺍﺳﻜﺘﻠﻮﺍ ..
ﻋﻮﺩﺓ : ﺍﻧﻲ ﻣﻦ ﺭﺍﻳﻲ ﻧﺒﻠﻐﻮﺍ ﺳﺎﻣﻲ ..
ﻋﺮﻭﺑﻪ : ﻣﺎﺭﺡ ﻳﻌﻤﻞ ﺷﻲ ﻏﻴﺮ ﺍﻧﻮﺍ ﻳﺤﺠﺰﻟﻨﺎ ﺗﺬﺍﻛﺮ ﻭﻳﺎﺧﺪﻧﺎ ﻟﻌﻨﺪﻭ .. ﻭﺍﻧﻲ ﻣﻦ ﻫﺎﻟﺒﻠﺪ ﻣﺎﺑﺪﻱ ﺭﻭﺡ ..
ﻋﻮﺩﺓ ﺷﺒﺤﺘﻠﻬﺎ ﺷﻮﻳﻪ ﻭﻗﺎﻟﺖ : ﺭﺑﻲ ﻳﺴﺘﺮ ﻭﺧﻼﺹ ..
ﻃﻘﺖ ﺍﻣﻬﻢ ﺍﻟﺒﺎﺏ ...
ﺑﻌﺪﻳﻦ ﻓﺘﺤﺖ ﻭﺧﺸﺖ : ﺗﻌﺎﻟﻦ ﺗﻌﺸﻦ ..
ﺍﻟﺰﻭﺯ ﺭﺩﻭﺍ ﺑﺄﺻﻮﺍﺕ ﻣﺘﻘﻄﻌﻪ : ﺑﺎﻫﻲ .. ﺣﺎﺿﺮ ..
ﺷﺒﺤﺘﻠﻬﻢ ﺷﻮﻳﻪ .. ﺑﻌﺪﻳﻦ ﻣﺸﺖ .
ﻋﺮﻭﺑﻪ : ﺧﻠﻴﻨﺎ ﻧﻄﻠﻊ ﻫﻸ ﻗﺒﻞ ﻣﺎﺗﺤﺲ ﺑﺸﻲ ..
ﻋﻮﺩﺓ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﻗﺎﻟﺖ : ﺍﻣﻢ ..
ﻭﻣﺸﻮﺍ ﻃﻠﻌﻮﺍ ﻣﻦ ﺍﻟﺪﺍﺭ ..
🌴🌴🌴🌴🌴🌴🌴🌴🌴🌴🌴🌴🌴
ﺍﻟﺴﺎﻋﻪ 11:00 ﻟﻴﻼ ..
ﻃﻠﻊ ﻣﻦ ﺍﻟﻤﺮﺑﻮﻋﻪ ﺍﻟﺨﺎﺭﺟﻴﻪ ﺑﻌﺪ ﺭﻥ ﺗﻠﻴﻔﻮﻧﻪ ..
ﺑﺎﻋﺪ ... ﻭﻓﺘﺢ ﺍﻟﺨﻂ ...
ﻭﺣﻂ ﺍﻟﺘﻠﻴﻔﻮﻥ ﻉ ﻭﺫﻧﻪ ﻭﻣﺎﻗﺎﻝ ﺷﻲ ﺍﺧﻄﺎ ﺍﻧﻔﺎﺳﻪ ﺑﺲ ﺍﻟﻤﺴﻤﻮﻋﻪ ..
ﺟﺎﻩ ﺍﻟﺮﺩ ...
" ﻳﺎﺍﺻﻔﺮ ﻳﺎﻏﺒﻲ .."
ﺿﺤﻚ ﻭﻗﻌﺪ ﺳﺎﻛﺖ ..
ﺭﺍﻧﻴﺎ : ﻭﻓﻮﻕ ﻣﻦ ﻫﻜﻲ ﻣﺎﺯﺍﻝ ﺳﺎﻛﺖ ﻭﻣﺎﺗﺒﻴﺶ ﺗﺘﻜﻠﻢ ..
ﺭﻣﺰﻱ : ﺩﺍﻳﺮ ﺣﺎﺩﺙ ﻭﻃﺎﻟﻊ ﻣﻦ ﻋﻴﻨﻬﺎ ﻣﻔﺮﻭﺽ ﻧﺴﻤﻊ ﻛﻼﻡ ﻏﻴﺮ ﺍﻟﻠﻲ ﺳﻤﻌﺘﻪ ..
ﺭﺍﻧﻴﺎ : ﻣﺎﺗﺴﺘﺎﻫﻠﺶ ﻏﻴﺮﻩ ﻓﺎﻫﻢ ..
ﻗﻌﺪ ﻣﺒﺘﺴﻢ ﻭﺳﺎﻛﺖ ..
ﺭﺍﻧﻴﺎ ﻣﺒﺘﺴﻤﻪ ﺑﺰﻋﻞ : ﺷﻦ ﺣﺎﻟﻚ
ﺭﻣﺰﻱ : ﻣﻦ ﺭﺑﻲ ﺑﺎﻫﻲ .. ﻟﻜﻦ ﻋﺒﺎﺩﻩ ....
ﺭﺍﻧﻴﺎ : ﻣﺎﺩﺍﺭﻭﻟﻚ ﺷﻲ ﻋﺒﺎﺩﻩ ﺍﻧﺖ ﺍﻟﻠﻲ ﺩﺭﺗﻠﻬﻢ ..
ﺿﺤﻚ ﻭﻗﺎﻝ : ﺑﺎﻫﻲ ﻳﺎﺍﺳﻤﺮ ﺍﺳﻤﺮﺍﻧﻲ ﻧﻘﺪﺭ ﻧﺸﻮﻓﻚ ..
ﺭﺍﻧﻴﺎ ﺍﺑﺘﺴﻤﺖ ﺑﺨﺠﻞ ﻭﻗﻌﺪﺕ ﺳﺎﻛﺘﻪ ..
ﺭﻣﺰﻱ : ﻭﺍﻟﻠﻪ ﻣﺎﻧﻌﺮﻓﻚ ﺍﻟﻴﻮﻡ ﻧﺸﻮﻓﻚ ﻧﺸﻮﻓﻚ ..
ﺭﺍﻧﻴﺎ : ﺍﻣﺒﺎﺍﺍﻩ ..
ﺗﻮ ﻧﺸﻮﻑ ..
ﺭﻣﺰﻱ : ﻣﺶ ﺗﻮ ﺗﺸﻮﻓﻲ .. ﺍﻟﻠﻴﻠﻪ ﻭﺍﻟﻠﻪ ﻣﺎﻧﻲ ﺭﺍﻗﺪﻫﺎ ﻗﺒﻞ ﻧﺸﻮﻓﻚ ..
ﺭﺍﻧﻴﺎ ﺿﺤﻜﺖ ﺑﺨﺠﻞ : ﻳﺎﻭﺩﻱ ﺑﺎﻫﻲ ﺧﻼﺹ ..
ﺭﻣﺰﻱ ﺿﺤﻚ ﻭﻗﺎﻝ : ﺑﺎﻫﻲ ﺗﻮﺍ ﻋﺪﻱ ﻓﺤﺎﻟﻚ ..
ﺭﺍﻧﻴﺎ ﺑﻀﺤﻜﻪ : ﻏﺒﻲ 💕..
ﺭﻣﺰﻱ ﺍﺑﺘﺴﻢ ﻭﻗﺎﻝ : ﻋﻨﺰ 💕..
💕💕💕💕💕💕💕
ﺍﻟﻠﻴﻞ ﻳﺎﻟﻴﻠﻰ ﻳﻌﺎﺗﺒﻨﻲ ﻭﻳﻘﻮﻝ ﺳﻠﻢ ﻋﻠﻰ ﻟﻴﻠﻰ ... ﻭﻣﺎﻧﺪﺭﻱ ﻉ ﺍﻟﺒﺎﻗﻲ ﺷﻨﻮ ... ﺍﻟﻤﻬﻢ ﺍﺳﺘﺎﺣﺸﺘﻚ ..
ﻟﻴﻠﻰ ﺑﻀﺤﻜﻪ : ﺑﺎﻫﻲ ﻣﺎﻋﻨﺪﻛﺶ ﺟﻴﻪ ﻟﻄﺮﺍﺑﻠﺲ ﻗﺮﻳﺒﻪ ..
ﻋﻤﺮ ﺍﺑﺘﺴﻢ ﻭﻗﺎﻝ : ﺗﻮﺍ ﻳﺎﺣﺒﻲ ﻻ ... ﻣﺸﻐﻮﻝ ﻭﺍﺟﺪ ﻟﻤﺎ ﻧﻔﻀﻰ ﻧﺤﺪﺩﻭﺍ ﻣﻮﻋﺪ ..
ﻟﻴﻠﻰ : ﻳﺎﺭﻳﺖ ﻭﺍﻟﻠﻪ ﻳﺎﻋﻤﺮ ﻣﺘﺎﺣﺸﺘﻚ ﻟﻴﻦ ﺧﻼﺹ ..
ﻋﻤﺮ : ﺍﺍﺍﻩ ﻳﺎﻗﻠﺐ ﻋﻤﺮ ﺍﻧﺘﻲ ..
ﺿﺤﻜﺖ ﻟﻴﻠﻰ ﻭﻗﺎﻟﺖ : ﺑﺎﻫﻲ ﺣﺒﻴﺒﻲ ﺍﻧﻲ ﻻﺯﻡ ﺍﻧﺼﻜﺮ ﺍﻟﻬﺎﺗﻒ ﻣﺶ ﻟﻴﺎ ﻟﻘﺮﻳﺒﺘﻲ .
ﻋﻤﺮ : ﻣﺎﺯﻟﺘﻲ ﻣﺎﺻﻠﺤﺘﻲ ﻫﺎﺗﻔﻚ ..
ﻟﻴﻠﻰ : ﻣﺎﺯﺍﻝ ..
ﻋﻤﺮ : ﻟﻮ ﻛﺎﻧﻚ ﺧﺪﻳﺘﻲ ﺍﻟﻠﻲ ﺟﺒﺘﻬﻠﻚ ﻣﺶ ﺧﻴﺮ ..
ﻟﻴﻠﻰ ﺑﺈﺑﺘﺴﺎﻣﻪ : ﺗﺴﻠﻤﻠﻲ .. ﻣﺶ ﻣﺸﻜﻠﻪ ﺗﻨﺤﻞ .. ﺍﻟﻤﻬﻢ ﺗﻮﺍ ﻻﺯﻡ ﻧﺼﻜﺮ ... ﺑﺎﻱ ﻋﻤﻮﺭﻱ ..
ﻋﻤﺮ ﺑﺈﺑﺘﺴﺎﻣﻪ : ﺑﺎﻱ ..
ﺻﻜﺮﺕ ﻟﻴﻠﻰ ﻭﻣﺪﺕ ﺍﻟﺘﻠﻴﻔﻮﻥ ﻟﺒﻨﺖ ﺧﺎﻟﻬﺎ ...
: ﺷﻜﻠﻪ ﺟﻮ ﻣﻠﻴﺢ .
ﻟﻴﻠﻰ : ﻓﻮﻕ ﻣﺎﺗﺘﺼﻮﺭﻱ ﻳﺎﻟﻤﻴﺎﺀ ﻳﻬﺒﻞ ﻭﺩﻣﻪ ﺧﻔﻴﻒ .
ﻟﻴﻤﻴﺎﺀ ﺑﻀﺤﻜﻪ : ﺭﺑﻲ ﻳﺨﻠﻴﻜﻢ ﻟﺒﻌﺾ .. ﻫﻲ ﻧﻮﺿﻲ ﻧﻤﺸﻮﺍ ﻧﺘﻔﺮﺟﻮﺍ ﻉ ﺍﻟﻤﺴﻠﺴﻞ ..
ﺍﺑﺘﺴﻤﺖ ﻟﻴﻠﻰ ﻭﻧﺎﺿﺖ ﻣﻊ ﺑﻨﺖ ﺧﺎﻟﻬﺎ ..
🍁 ﻟﻴﻠﻰ ﺑﻨﻴﻪ ﻃﻴﺒﻪ ﻟﻴﻦ ﺧﻼﺹ ... ﻣﻮﺍﻟﻴﺪ ..83
ﺗﻜﻮﻥ ﺟﺎﺭﺓ ﻛﻔﺎﻳﻪ ﺍﻟﻠﻲ ﻗﺪﺍﻣﻬﺎ .. ﻭﻛﺬﺍ ﻣﺮﺓ ﻟﻤﺎ ﻳﺠﻲ ﻋﻤﺮ ﻛﺎﻥ ﻳﻄﻠﻊ ﻟﻠﺒﺎﻟﻜﻮﻧﻪ .. ﺷﺎﻓﻬﺎ ﻣﺮﻩ ﺻﺪﻓﻪ ﻭﺍﻗﻔﻪ ﻓﻲ ﺍﻟﺮﻭﺷﻦ ﻋﺠﺒﺎﺗﻪ ﻭﻗﻌﺪ ﻭﺭﺍﻫﺎ ﻟﻴﻦ ﻃﻴﺤﻬﺎ ﻭﺣﺘﻰ ﻫﻮ ﻃﺎﺡ ﻓﻴﻬﺎ ﻭﺍﻧﺠﺬﺑﻠﻬﺎ ..
🍁 ﻟﻤﻴﺎﺀ ..... ﻣﻮﺍﻟﻴﺪ 85
ﺑﻨﺖ ﺧﺎﻝ ﺑﻮﻫﺎ ﺑﺲ ﺗﻘﻮﻟﻠﻬﺎ ﺑﻨﺖ ﺧﺎﻟﻲ ﻋﻼﻗﺘﻬﻢ ﺑﺒﻌﺾ ﻗﻮﻳﻪ ﻭﺻﺎﺣﺒﺎﺕ ﻫﻠﺒﻪ ...
ﻭﻟﻴﻠﻰ ﺗﻮﺛﻖ ﻓﻲ ﻟﻤﻴﺎﺀ ﺛﻘﻪ ﻋﻤﻴﺎﺀ ...
🍁🍁🍁🍁🍁
ﺍﻟﺴﺎﻋﻪ 1 ﻟﻴﻼ ...
ﻃﻠﻌﻮﺍ ﺍﻟﺰﻭﺯ ﻣﻦ ﺍﻟﺪﺍﺭ ...
ﻣﺘﻮﺟﻬﻴﻦ ﻟﻠﻜﻮﺟﻴﻨﻪ ...
ﻧﻮﺭ : ﺑﺮﻱ ﺩﺍﺧﻞ ﺗﻠﻘﻴﻪ ..
ﺭﺍﻧﻴﺎ ﺗﺴﺎﻭﻱ ﻓﺮﻭﺣﻬﺎ : ﺣﻠﻮﺓ؟ !
ﻧﻮﺭ ﺑﻀﺤﻜﻪ : ﺗﻬﺒﻠﻲ ...
ﺭﺍﻧﻴﺎ ﺍﺑﺘﺴﻤﺖ ﻭﻣﺸﺖ ﺧﺸﺖ ﻟﻠﻜﻮﺟﻴﻨﻪ ..
ﻟﻘﺎﺗﻪ ﻭﺍﻗﻒ ﻣﺘﻜﻲ ﻉ ﺍﻟﺤﻴﻂ ﻭﻣﺮﺑﻊ ﺍﻳﺪﻳﻪ ..
ﺭﺍﻧﻴﺎ : ﺍﺣﻤﻢ .
ﺷﺎﻓﻠﻬﺎ ﻭﺭﻓﻊ ﺣﺎﺟﻪ ..
ﻫﻲ ﻗﻌﺪﺕ ﺗﺸﻮﻓﻠﻪ ﻉ ﺟﻨﺐ ﺑﺈﺑﺘﺴﺎﻣﻪ ..
ﻟﻴﻦ ﻭﺻﻠﺖ ﻓﻴﻪ ﺭﻛﺰﺕ ﺍﻛﺜﺮ ﻉ ﺍﻟﻠﺼﻘﻪ ﺍﻟﻠﻲ ﻉ ﺟﺒﻬﺘﻪ ..
ﻣﻼﻣﺢ ﻭﺟﻬﻬﺎ ﺗﺒﺪﻟﺖ ﻟﻠﺤﺰﻥ
ﺭﻣﺰﻱ ﺑﺈﺑﺘﺴﺎﻣﻪ : ﻣﺎﻓﻴﺎ ﺷﻲ
ﺭﺍﻧﻴﺎ : ﻭﻳﻦ ﻛﺎﻥ ﻋﻘﻠﻚ ﻭﺍﻧﺖ ﺗﺴﻮﻕ ..
ﺭﻣﺰﻱ : ﻣﻦ ﺟﺪﻙ ﺗﺴﺄﻟﻲ ﻓﻬﺎﻟﺴﺆﺍﻝ !!
ﺭﺍﻧﻴﺎ ﺷﺒﺤﺘﻠﻪ ﺷﻮﻳﻪ ﻭﻗﺎﻟﺖ : ﻛﻠﻪ ﻣﻨﻚ ﺍﻧﺖ ﺭﺍﺳﻚ ﻣﺼﻜﺮ ﺗﻔﻜﻴﺮﻙ ﻣﻐﺒﺮ
ﺭﻣﺰﻱ : ﻫﻬﻬﻬﻬﻬﻬﻪ ..
ﺭﺍﻧﻴﺎ ﺑﻨﺮﻓﺰﺓ : ﻣﺎﺗﻀﺤﻜﺶ .. ﺭﻩ ﻗﺒﻞ ﺧﻼﺹ ﺭﻩ .. ﺑﻨﻘﻠﺐ ﺻﻔﺤﺘﻚ ..
ﺿﻴﻖ ﻋﻴﻮﻧﻪ ﻭﻗﺎﻝ : ﺷﻦ ﺣﺴﻚ ﻗﺘﻲ ..
ﻧﺰﻝ ﺭﺍﺳﻪ ﻭﻗﺮﺏ ﻟﻬﺎ ﻭﻗﺎﻝ ... ﺗﺮﺍ ﻋﺎﻭﺩﻱ ﻣﺎﺳﻤﻌﺘﺶ !!
ﺭﺍﻧﻴﺎ ﺩﻓﺎﺗﻪ ﺑﺈﻳﺪﻳﻬﺎ : ﺍﻟﻠﻲ ﺳﻤﻌﺘﻪ ..
ﻗﺎﻡ ﺭﺍﺳﻪ ﻭﺷﺒﺤﻠﻬﺎ ﻭﻗﺎﻝ : ﺻﻔﺤﺘﻲ ﺗﺴﻜﺮﻳﻬﺎ ﻟﻤﺎ ﺗﻤﻮﺗﻲ ﺑﺲ ..
ﺭﺍﻧﻴﺎ : ﺑﻌﻴﺪ ﺍﻟﺴﻮ ﻋﻠﻴﺎ .. ﺑﺪﺍﻝ ﻣﺎﺗﻘﻮﻝ ﺭﺑﻲ ﻳﺨﻠﻴﻚ ﻟﻴﺎ ﻭﻣﺎﻳﺤﺮﻣﻨﻲ ﻣﻨﻚ ﻭﻣﺎﻧﻔﺮﻃﺶ ﻓﻴﻚ ﻭﺳﺎﻣﺤﻴﻨﻲ ﺣﺒﻴﺒﺘﻲ ﺟﺎﻱ ﺗﻘﻮﻟﻲ ﻣﻮﺗﻲ ﻣﺎﺗﻤﻮﺗﻲ ..
ﺭﻣﺰﻱ ﻳﻀﺤﻚ ﻋﻠﻴﻬﺎ ﻭﻫﻲ ﺗﻜﺸﺦ ﻋﻠﻴﻪ ﻭ ﺗﺤﺮﻙ ﻓﻲ ﺍﻳﺪﻳﻬﺎ .. ﻗﻌﺪ ﻳﺘﺎﻣﻞ ... ﺍﺳﺘﺎﺣﺸﻬﺎ ﻫﻠﻠﻠﻠﺒﻪ 💕💕
ﺭﻣﺰﻱ : ﻧﺤﺒﻚ 💕
ﺭﺍﻧﻴﺎ ﺳﻜﺘﺖ .. ﻭﻫﺪﺕ ... ﻭﻧﺰﻟﺖ ﺍﻳﺪﻳﻬﺎﻭﺷﺒﺤﺖ ﻟﻠﺒﺎﺏ ﻭﻫﻲ ﻣﺒﺘﺴﻤﻪ
ﻭﻫﻮ ﺿﺤﻚ ..
ﺑﺮﺍ ..
ﻧﻮﺭ ﺗﻬﺪﺭﺯ ﻉ ﺻﺎﺣﺒﺎﺗﻬﺎ ﻓﻲ ﺍﻟﻨﻴﻢ ﺑﺰ ..
ﻉ ﺧﺸﺔ ﻣﺎﻟﻚ ﻟﻠﺤﻮﺵ ﻣﺎﺷﻲ ﻳﺸﺮﺏ ..
ﻫﻲ ﺳﻤﻌﺖ ﺍﻟﺼﻮﺕ ﺭﻓﻌﺖ ﻋﻴﻮﻧﻬﺎ ..
ﺗﻠﺨﺒﻄﺖ ﻉ ﻣﺮﺗﻴﻦ ..
ﺍﻭﻟﻬﻢ ﻻﻧﻪ ﻣﺎﻟﻚ .. ﻭﺗﺎﻧﻴﻬﻢ ﺭﻣﺰﻱ ﻭﺭﺍﻧﻴﺎ ..
ﻭﺻﻞ ﻓﻴﻬﺎ ﻣﺎﻟﻚ : ﺷﻦ ﺩﻳﺮﻱ ﻫﻨﻲ ..
ﻧﻮﺭ ﻭﺟﻬﻬﺎ ﺍﺣﻤﺮ : ﺷﻲ ..
ﻣﺎﻟﻚ ﺷﺒﺢ ﻟﻠﺘﻠﻴﻔﻮﻥ ..
ﻫﻲ ﺑﺘﻠﻘﺎﺋﻴﻪ ﻣﺪﺗﻬﻮﻟﻪ : ﻫﺎﻩ ﺷﻮﻓﻪ ﺍﻧﻲ ﻭﺻﺎﺣﺒﺎﺗﻲ ..
ﻫﻮ ﺷﺒﺤﻠﻬﺎ ... ﺍﺑﺘﺴﻢ ..
ﻫﻲ ﺗﺤﺸﻤﺖ ﻭﻧﺰﻟﺖ ﻋﻴﻮﻧﻬﺎ ﻭﻗﺎﻟﺖ : ﺍﻧﻲ ﻣﺎﻧﺤﺒﻬﺎﺵ ﺍﻟﺤﺎﺟﺎﺕ ﻫﺪﻳﻜﺎ ﻭﻣﺎﻧﺪﻳﺮﻫﺎﺵ ﺷﺎﻏﻠﺘﻨﻲ ﺍﻟﻤﺪﺭﺳﻪ ﺑﺲ ..
ﻫﻮ ﺿﺤﻚ .. ﻉ ﺑﺮﺍﺋﺘﻬﺎ ﻭﻧﻘﺎﺋﻬﺎ ..
ﻧﻮﺭ ﻧﻘﻴﻪ ﻣﻦ ﺩﺍﺧﻞ ﻭﻗﻠﺒﻬﺎ ﺍﺑﻴﺾ ﻭﺑﺮﻳﺌﻪ ...
ﻭﻫﺎﻟﺼﻔﺎﺕ ﺟﺬﺑﺖ ﻣﺎﻟﻚ .. ﺯﻱ ﻣﺎﺟﺬﺑﺖ ﻣﺮﻭﺍﻥ 💔
ﻣﺎﻟﻚ ﻓﺎﺕ ﻣﻦ ﺣﺪﺍﻫﺎ ﺑﻴﻤﺸﻲ ﺍﻟﻜﻮﺟﻴﻨﻪ ﻭﻗﻔﺖ ﻗﺪﺍﻣﻪ ..
ﻣﺎﻟﻚ ﺑﺈﺳﺘﻐﺮﺍﺏ : ﺧﻴﺮﻙ .
ﻧﻮﺭ : ﺍﻧﺖ ﺷﻦ ﺗﺒﻲ ﺑﺎﻫﻲ ..
ﻣﺎﻟﻚ ﺑﻀﺤﻜﻪ ﻭﺭﻓﻌﺔ ﺣﺎﺟﺐ : ﻧﺒﻲ ﻧﺸﺮﺏ ..
ﻧﻮﺭ ﺑﺈﺑﺘﺴﺎﻣﻪ : ﺍﻧﻲ ﻧﺠﻴﺒﻠﻚ ﺧﻠﻴﻚ ..
ﻭﻟﻔﺖ ﻭﻣﺸﺖ ﻟﻠﻜﻮﺟﻴﻨﻪ ﻭﻫﻮ ﺿﺤﻚ ﻭﻗﻌﺪ ﻭﺍﻗﻒ ﻳﺴﺘﻨﻰ ..
ﻫﻲ ﺧﺸﺖ ﻗﺎﻟﺖ ﻟﺮﻣﺰﻱ ﻭﺭﺍﻧﻴﺎ ﻉ ﻣﺎﻟﻚ .. ﻭﺧﺒﺮﺗﻬﻢ ﺍﻧﻬﺎ ﺣﺘﺘﺼﺮﻑ ..
ﻃﻠﻌﺖ ﺑﻤﻖ ﻛﺒﻴﺮ ﻣﻴﻪ ..
ﻧﻮﺭ : ﻫﻲ ﺗﻔﻀﻞ ..
ﻣﺎﻟﻚ ﺧﺪﺍﻩ ﻭﻫﻮ ﻣﺒﺘﺴﻢ ﻭﻗﻌﺪ ﻳﺸﺮﺏ ﻭﻳﺸﻮﻓﻠﻬﺎ ﻭﻫﻲ ﺗﺮﺩ ﻉ ﺻﺎﺣﺒﺎﺗﻬﺎ
ﻣﺎﻟﻚ : ﻧﻮﺭ ﺍﻧﺘﻲ ﺍﻣﺎ ﺳﻨﻪ ..
ﻧﻮﺭ ﺷﺒﺤﺘﻠﻪ ﺑﺨﺠﻞ : ﺗﺎﻟﺘﻪ ﺍﻋﺪﺍﺩﻱ ..
ﻣﺎﻟﻚ : ﺭﺍﺑﺤﻪ ﺳﻨﻪ ﻭﻻ ..
ﻧﻮﺭ : ﺍﻳﻪ ..
ﻣﺎﻟﻚ ﻛﻤﻞ ﺷﺮﺍﺏ ﻣﻴﻪ : ﺍﻟﺤﻤﺪ ﻟﻠﻪ .. ﻣﺪﻟﻬﺎ ﺍﻟﻤﻖ ﺧﺪﺍﺗﻪ ..
ﻧﻮﺭ : ﺻﺤﻪ ..
ﻣﺎﻟﻚ : ﺗﺴﻠﻤﻲ 💕 ﺍﻳﻪ ﺑﻨﻘﻮﻟﻚ .. ﺗﻮﺗﻪ ﺯﻱ ﻫﺎﺩﻱ ﻣﻌﺎﺵ ﺗﻠﺒﺴﻴﻬﺎ ..
ﻫﻲ ﺷﺒﺤﺖ ﻟﺮﻭﺣﻬﺎ ﺑﺈﺳﺘﻐﺮﺍﺏ ﺑﻌﺪﻳﻦ ﺷﺒﺤﺘﻠﻪ ﻛﻴﻒ ﻣﺎﺷﻲ ﻟﻠﺒﺎﺏ ...
ﺍﺑﺘﺴﻤﺖ ﻭﻭﺟﻬﻬﺎ ﺍﺣﻤﺮ ﺧﺠﻼ 💕💕
🍁🍁🍁🍁
ﻭﻳﻦ ﻳﻌﻨﻲ ...
ﻋﻤﺎﺭ : ﻓﻘﻠﺒﻲ ﻳﻌﻨﻲ ﻭﻳﻦ ...
ﺩﻻﻝ ﺍﺑﺘﺴﻤﺖ : ﻗﺪﻳﻤﻪ ﻫﺎﺩﻱ ﻋﺎﺭﻓﺘﻬﺎ ..
ﻋﻤﺎﺭ ﺗﻨﻬﺪ ﻭﻗﺎﻝ : ﺑﻌﻮﻥ ﺍﻟﻠﻪ ﻛﺎﻥ ﺭﻭﺣﻨﺎ ﻃﻴﺒﻴﻦ ﺑﻨﺪﻳﺮ ﺍﻟﻠﻲ ﺍﺟﻠﺘﻪ ﻟﻴﺎ ﺷﻬﺮﻳﻦ ..
ﺩﻻﻝ ﺳﺨﻨﺖ ﻣﻊ ﺑﻌﻀﻬﺎ ﻏﻴﺮﺕ ﺍﻟﻤﻮﺿﻮﻉ ﻛﻌﺎﺩﺗﻬﺎ : ﻋﺠﺒﻜﻢ ﺍﻟﻜﺴﻜﺴﻲ ..😳
ﻋﻤﺎﺭ : ﻫﻬﻬﻬﻬﻬﻬﻬﻬﻬﻬﻬﻬﻪ
🍁🍁🍁🍁🍁🍁
ﺩﺍﺭﺍﺗﻪ ﺧﺎﻟﺘﻲ
ﻃﺎﺭﻕ : ﻛﻮﻳﺲ ﻗﻮﻟﻴﻠﻬﺎ ﺗﻌﻠﻤﻚ ..
ﺭﺑﺎﺏ ﺑﻀﺤﻜﻪ : ﺑﺎﻫﻲ ﺷﻦ ﺭﺍﻳﻚ ﻓﻲ ﺍﻟﺴﻼﻃﻪ .. ﺍﻧﻲ ﺩﺭﺗﻬﺎ ..
ﻃﺎﺭﻕ : ﺍﻟﺤﺎﺟﻪ ﺍﻟﻮﺣﻴﺪﻩ ﺍﻟﻠﻲ ﻣﺎﻛﻠﻴﺘﻬﺎ ..
ﺭﺑﺎﺏ : ﻫﻬﻬﻬﻬﻬﻬﻬﻪ ﻋﻠﻴﻚ ﺣﻆ ..
ﻃﺎﺭﻕ : ﺑﺎﻫﻲ ﻳﺎﺳﻤﺤﻪ ﺍﻣﺘﻰ ﺗﺤﻨﻲ ﻋﻠﻴﻨﺎ ﻭﺗﺨﻠﻴﻨﺎ ﻧﺤﻘﻮﻙ ..
ﺭﺑﺎﺏ : ﻣﺎﻧﺪﺭ ﻋﻨﻪ ..
ﻃﺎﺭﻕ : ﻫﻬﻬﻬﻬﻬﻬﻬﻬﻪ . ﻏﻠﻂ ﻣﺶ ﻫﻚ
ﺭﺑﺎﺏ : ﻫﻬﻬﻬﻬﻬﻬﻬﻪ 💕
🍁🍁🍁🍁🍁
ﺍﻳﻪ ﻫﺪﻱ ﻗﺼﺔ ﺍﻣﻲ ..
ﺍﻟﺼﺪﻳﻖ : ﺳﺒﺤﺎﻥ ﺍﻟﻠﻪ ..
ﺣﻤﻴﺪﻩ : ﺍﻟﺤﻤﺪ ﻟﻠﻪ ﺧﺎﻟﻲ ﺭﺍﺟﻞ ﻃﻴﺐ ﻭﺍﺟﺪ ﻭﻣﺎﺧﻼﺵ ﺍﻣﻲ ﺑﻜﻞ ..
ﺍﻟﺼﺪﻳﻖ : ﺍﺧﺘﻪ ﻣﺎﻝ ﻛﻴﻒ ... ﺍﻳﻪ ﺣﺒﻴﺒﺘﻲ ﻣﺎﻗﺘﻠﻜﺶ ..
ﺣﻤﻴﺪﻩ ﺑﻀﺤﻜﻪ : ﺷﻨﻮ ..
ﺍﻟﺼﺪﻳﻖ : ﺟﺒﺖ ﺩﺍﺭ ﺍﻟﻨﻮﻡ
ﺍﺑﺘﺴﻤﺖ ﺣﻤﻴﺪﻩ ﺑﺨﺠﻞ 💕
🍃🍃🍃🍃
ﻭﻣﺮﺕ ﻫﺪﻳﻜﺎ ﺍﻟﻠﻴﻠﻪ ..
ﻉ ﻋﺸﺎﻗﻨﺎ ﺍﻟﻤﺘﻤﺮﺩﻳﻦ .. ﺍﻟﻠﻲ ﺟﻤﻌﻬﻢ ﺣﺐ ﺍﻟﻄﻔﻮﻟﻪ ﺍﻟﻨﻘﻲ ﻭﺍﻟﺼﺎﻓﻲ .. ﻭﻳﻜﺒﺮ ﻣﻌﺎﻫﻢ ﺑﻨﻘﺎﺋﻪ ﻭﺻﻔﺎﺋﻪ ﺑﺮﻏﻢ ﻛﻞ ﺍﻟﻌﻮﺍﺋﻖ ﺍﻻ ﺍﻧﻬﻢ ﺗﻤﺮﺩﻭﺍ ﻉ ﻛﻞ ﺷﻲ ﻭﻋﺸﻘﻮﺍ ﺑﻌﺾ ﺭﻏﻤﺎ ﻋﻦ ﺍﻻﺣﻘﺎﺩ🍃
ﻭﻉ ﻋﺸﺎﻗﻨﺎ ...
ﺍﻟﻠﻲ ﺟﻤﻌﻬﻢ ﺍﻟﻌﺸﻖ ﺑﻘﻮﺓ ... ﻣﻦ ﺯﻣﺎﻥ ... ﻟﻤﺎ ﻟﻤﺤﻠﻬﻢ ﺑﻨﺒﺪﻩ ﻋﻦ ﻣﺴﺘﻘﺒﻞ ﺣﻴﻜﻮﻧﻮﺍ ﻓﻴﻪ ﻋﺸﺎﻕ ﻣﻦ ﺍﻟﻄﺮﺍﺯ ﺍﻟﺮﻓﻴﻊ ..
ﻫﻮ ﺗﻤﺮﺩ ﻉ ﻛﻞ ﻇﺮﻭﻓﻪ ﺍﻟﻠﻲ ﻣﻤﻜﻦ ﺗﺤﻮﻝ ﺑﻴﻨﻪ ﻭﺑﻴﻨﻬﺎ ﻭﻫﻲ ﺗﻤﺮﺩﺕ ﻉ ﺷﻌﻮﺭ ﺍﻟﺮﻓﺾ ﻟﻴﻪ ﺑﺪﺍﺧﻠﻬﺎ ﻭﻭﻟﺖ ﻋﺎﺷﻘﻪ ﻣﺠﺒﻮﺭﺓ💕 ﺍﻟﻔﺎﺭﺱ ﻭﺍﻟﻤﻐﺮﻭﺭﺓ 💕
ﻭﻉ ﻣﺸﺎﻋﺮ ﺟﻤﻴﻠﻪ ﺟﻤﻌﺖ ﺍﺻﺤﺎﺑﻬﺎ ﺻﺪﻓﻪ ﺣﻠﻮﺓ ﻭﻣﻀﺤﻜﻪ ..
ﺣﺘﻘﻌﺪ ﺫﻛﺮﻯ ﻳﺤﻜﻮﻫﺎ ﻟﺼﻐﺎﺭﻫﻢ ... ﺑﻜﻞ ﺣﺐ 💕
ﻃﺎﺭﻕ 💕 ﺭﺑﺎﺏ
🍁 ﺑﺲ ﻉ ﻧﺎﺱ ﺗﺎﻧﻴﻪ ..
ﻛﺎﻧﺖ ﻣﺨﺘﻠﻔﻪ ..
ﻟﻴﻠﺔ ﺗﻮﻫﺎﻥ ... ﺣﻴﺮﺓ ... ﺷﻮﻕ ﻟﻠﻤﺎﺿﻲ ﺍﻟﺒﻌﻴﺪ ...
ﻭﻣﺎﻓﻴﺶ ﺷﻮﻕ ﻟﻐﻴﺮﻩ ...
ﻣﺶ ﻗﺎﺩﺭ ﻳﺤﻮﻟﻬﺎ ﻣﻦ ﺑﺎﻟﻪ ..
ﻳﻔﻜﺮ ﻓﻴﻬﺎ ﻭﻫﻮ ﻳﺸﻮﻑ ﻟﺪﺑﻠﻪ ﻏﻴﺮﻫﺎ ﻓﺒﻨﺼﺮ ﻳﺪﻩ ﺍﻟﻴﺴﺮﻯ ..
ﻭﺣﺲ ﻛﺎﻧﻪ ﻗﻴﺪ ﻟﻒ ﻫﻮ ﺑﺮﻭﺣﻪ ﺣﻮﺍﻟﻴﻦ ﻧﻔﺴﻪ ..
ﻉ ﺑﻌﺪ ﻣﺴﺎﻓﻪ ﺑﺴﻴﻄﻪ ﻣﻨﻪ ..
ﻛﺎﻥ ﻓﻲ ﺷﺨﺺ ﺯﻳﻪ ﻓﺎﻳﻖ ..
ﺯﻳﻪ ﻣﺶ ﻗﺎﺩﺭ ﻳﺘﻌﺪﻯ ﺍﻟﻤﺎﺿﻲ ﻭﻳﻨﺴﺎﻩ ﻭﻻﻗﺎﺩﺭ ﻳﺘﻘﺒﻞ ﺍﻟﺤﺎﺿﺮ ..
ﻭﺍﻟﺤﺐ ﺍﻟﻤﺪﻓﻮﻥ ﻓﻲ ﺩﺍﺧﻠﻪ ..
ﺧﻄﺮﻟﻪ ﺗﻮﺍ ﺑﺲ .. ﻳﻈﻬﺮ ﻟﻠﺴﻄﺢ ...
🍁🍁🍁🍁
ﺗﺎﻧﻲ ﻳﻮﻡ ...
ﺍﻟﺴﺎﻋﻪ 11:00 ﺻﺒﺎﺣﺎ ..
ﻛﺎﻧﻮﺍ ﻛﻠﻬﻢ ﻳﻘﻠﺒﻮﺍ ﻓﻲ ﺍﻟﺤﻮﺵ ﻭﻳﻀﻤﻮﺍ ....
ﻭﺩﻻﻝ ﻛﺎﻧﺖ ﺷﺎﺩﻩ ﺍﻟﻜﻮﺟﻴﻨﻪ ..
ﺳﻴﻘﺘﻬﺎ ﻭﻃﻠﻌﺖ ﻣﻴﺘﻬﺎ ﻉ ﺑﺎﺭﺍ ﻓﻢ ﺍﻟﺒﻮﺍﺑﻪ ﻛﻤﻠﺖ ﺗﺴﻴﻴﻖ ..
ﻛﺎﻧﺖ ﻻﺑﺴﻪ ﻗﻔﻄﺎﻥ ﻟﻜﻦ ﻣﻦ ﻏﻴﺮ ﺣﺠﺎﺏ ..
" ﺻﺒﺎﺡ ﺍﻟﺨﻴﺮ ﺩﻻﻝ .."
ﺭﻓﻌﺖ ﻋﻴﻮﻧﻬﺎ ﻓﻴﻪ ﻭﻫﻲ ﻣﺨﻠﻮﻋﻪ : ﺣﻤﺰﺓ !!
ﺣﻤﺰﺓ : ﺩﻻﻝ ... ﻣﻤﻜﻦ ﺷﻮﻳﻪ ..
ﺩﻻﻝ ﺑﺈﺳﺘﻐﺮﺍﺏ : ﺧﻴﺮﻙ ﺷﻦ ﻓﻲ ...
ﺣﻤﺰﻩ : ﺍﺣﻤﻢ .. ﺩﻻﻝ ... ﺍﻧﺘﻲ .. ﻣﺮﺗﺎﺣﻪ ﻣﻊ ﻋﻤﺎﺭ !!
ﺿﻴﻘﺖ ﻋﻴﻮﻧﻬﺎ ﺑﺈﺳﺘﻐﺮﺍﺏ ﻣﻦ ﻏﻴﺮ ﻣﺎﺗﺮﺩ ..
ﻟﻔﺖ ﺑﺶ ﺑﺘﺨﺶ ..
ﺣﻤﺰﺓ ﻫﺒﻞ ﻓﻲ ﻣﺮﺓ ﻭﺣﺪﻩ ﻭﺷﺪﻫﺎ ﻣﻦ ﻳﺪﻫﺎ ..
ﻫﻲ ﺍﻧﺨﻠﻌﺖ ﻭﻗﻌﺪﺕ ﺗﺸﻮﻓﻠﻪ ..
ﺣﻤﺰﺓ ﺑﻠﻬﻔﻪ : ﺍﺭﺟﻮﻙ ﺍﺳﻤﻌﻴﻨﻲ ..
" ﺩﻻﺍﺍﺍﻝ .."
ﻧﺰﻟﺖ ﺍﻟﻤﻴﻪ ﻓﻲ ﺭﻛﺎﺑﻬﺎ ..
ﺟﺒﺪﺕ ﻳﺪﻫﺎ ﺑﻘﻮﺓ ﻣﻦ ﻳﺪ ﺣﻤﺰﺓ ﻭﺷﺒﺤﺖ ﺟﻨﺒﻬﺎ ..
ﻟﻘﺎﺗﻪ ﻓﻲ ﻧﻬﺎﻳﻪ ﻣﻤﺮ ﻓﻢ ﺍﻟﺒﻮﺍﺑﻪ ﻭﺍﻗﻒ
ﻳﺸﻮﻓﻠﻬﻢ ﺑﻨﻈﺮﺓ ﺗﺨﻮﻑ ﺍﻭﻝ ﻣﺮﺓ ﺩﻻﻝ ﺗﺸﻮﻓﻬﺎ ﻓﻌﻴﻮﻧﻪ ..
ﺩﻻﻝ ﺑﺼﺪﻣﻪ : ﻋﻤﺎﺭ ..!
... ﻳﺘﺒﻊ
كل ما تتفاعلو اكثر كل ماننشر اسرع