المتمردين

العشق المتمرد

#العشق_المتمرد

الجزء70

#جمان_فريد

ﻃﻮﻝ ﺻﻜﺮﺕ ﻓﻮﺟﻬﻪ ﺍﻟﺒﺎﺏ ﻭﻫﻲ ﺗﺮﻋﺶ ﻣﻊ ﺑﻌﻀﻬﺎ ﻭﻣﺎﺯﺍﻟﺖ ﻣﺼﺪﻭﻣﻪ ..
ﻫﺎﻳﻞ : ﻫﻬﻬﻬﻬﻬﻬﻬﻪ .. ﻏﻴﺮ .. ﺍﻓﺘﺤﻲ ... ﺍﻓﺘﺤﻲ .. ﻫﻬﻬﻬﻪ .. ﻋﺮﻭﺑﻪ ...
ﻋﺮﻭﻭﻭﻭﺑﻪ ..
ﻫﻲ ﺧﺒﻄﺖ ﻛﻔﻬﺎ ﻉ ﺧﺪﻫﺎ ﻟﻤﺎ ﻋﻼ ﺻﻮﺗﻪ ﻭﻫﻮ ﻳﻘﻮﻝ ﻓﻲ ﺍﺳﻤﻬﺎ ..
" ﻓﻀﻴﺤﻪ "!
ﺭﺟﻌﺖ ﻓﺘﺤﺖ ﺍﻟﺒﺎﺏ ﻭﻫﻲ ﺗﻘﻮﻝ ﺑﻐﻀﺐ : ﺍﻣﺘﻰ ﺭﺑﻲ ﻳﺎﺧﺪﻙ !
ﻫﺎﻳﻞ ﺑﻀﺤﻜﻪ : ﻣﺶ ﻗﺒﻞ ﻣﺎﻧﺎﺧﺪﻙ ﻳﺎﺳﻤﺤﻪ ..
ﺷﺒﺤﺘﻠﻪ ﺑﺈﺯﺩﺭﺍﺀ ..
ﻫﺎﻳﻞ ﺑﺈﺑﺘﺴﺎﻣﻪ ﻣﺴﺘﻔﺰﺓ : ﺑﻨﻘﻌﺪ ﻣﺼﺒﻲ ﺑﺮﺍ ﻭﺍﺟﺪ .. ﺍﻣﻤﻢ .. ﺷﺒﺢ ﻟﺤﻮﺵ ﻛﻔﺎﻳﻪ ﺑﻌﺪﻳﻦ ﺷﺒﺤﻠﻬﺎ ﻭﻗﺎﻝ : ﻣﺶ ﻓﺼﺎﻟﺤﻚ ..
ﻗﻌﺪﺕ ﺗﺸﺒﺤﻠﻪ ﺑﺤﻘﺪ ﺷﺪﻳﺪ ..
ﻭﻫﻮ ﻣﺎﺯﺍﻝ ﻣﺤﺎﻓﻆ ﻉ ﺍﺑﺘﺴﺎﻣﺘﻪ ﺍﻟﻤﺴﺘﻔﺰﺓ ...
ﻉ ﻃﻠﻌﺔ ﺍﻣﻬﺎ ﻭﻫﻲ ﻻﺑﺴﻪ ﻣﻼﻳﺔ ﺍﻟﺼﻼﺓ ﺑﻌﺪ ﻛﺎﻧﺖ ﺗﺼﻠﻲ ﻓﻲ ﺍﻟﻌﺸﻲ ..
ﻃﻠﻌﺖ ﺧﺎﻳﻔﻪ ﻹﻥ ﺑﻨﺘﻬﺎ ﻋﻄﻠﺖ ﺑﺮﺍ ..
ﺍﻣﺎﻧﻪ : ﻋﺮﻭﺑﻪ ﻣﻨﻮ ...
ﺗﻮﺳﻌﻮﺍ ﻋﻴﻮﻧﻬﺎ ﺑﺼﺪﻣﻪ ﻟﻤﺎ ﺭﺍﺗﻪ ..
ﻫﺎﻳﻞ ﺑﻀﺤﻜﻪ : ﺍﻟﺒﻨﺖ ﻭﺍﻣﻬﺎ ﻣﻦ ﻓﺮﺣﺘﻬﻢ ﺑﺸﻮﻓﺘﻲ ﻳﻘﻌﺪﻭﺍ ﺣﺎﻟﻴﻦ ﺍﻓﺎﻣﻬﻢ ﺭﺑﻊ ﺳﺎﻋﻪ ...
ﺷﺒﺤﻮﺍ ﻟﺒﻌﺾ ..
ﺑﻌﺪﻳﻦ ﺷﺒﺤﺘﻠﻪ ﺍﻣﺎﻧﻪ ﻭﻗﺎﻟﺖ : ﺧﺶ ..
ﺿﺤﻚ ﻭﻗﺎﻝ : ﺑﺎﺍﺍﺍﺭﻙ ﺍﻟﻠﻪ ﻓﻴﻴﻴﻚ ..
ﻭﺧﺶ ..
ﻭﻋﺮﻭﺑﻪ ﻣﻦ ﻏﻴﻀﻬﺎ ﻗﺮﺑﻌﺖ ﺍﻟﺒﺎﺏ ﺑﻘﻮﺓ ..
ﻭﻃﻮﻝ ﺧﺸﺖ ﺩﺍﺧﻞ ..
ﻫﺎﻳﻞ ﻭﻫﻮ ﻣﻌﺎﻫﺎ ﺑﻌﻴﻮﻧﻪ : ﻣﺎﺯﺍﻟﺖ ﺷﻠﻮﻟﺢ .. ﺷﺒﺢ ﻟﻤﺮﺕ ﻋﻤﻪ ﺍﺑﺘﺴﻢ ﻭﻗﺎﻝ .. ﺷﻨﻮ ﺣﺎﻟﻚ .. ﺷﻦ ﺩﺍﻳﺮﺓ ﻣﻊ ﺍﻟﻀﻐﻂ ﻭﺍﻟﺴﻜﺮ ..
ﻗﺪﻣﺘﻠﻪ ﺍﻣﺎﻧﻪ ﻭﻗﺎﻟﺖ ﺑﺤﺪﻩ : ﺍﺳﻤﻊ .. ﻣﺶ ﺗﺸﻮﻑ ﻓﻴﻨﺎ ﻗﺎﻋﺪﻳﻦ ﻧﺴﺎﻭﻳﻦ ﺑﺮﻭﺍﺣﻨﺎ ﺗﻘﻮﻝ ﺣﺼﻠﺖ ﻓﻴﻬﻢ ﻓﺮﺻﻪ .. ﻻﻳﺎﺑﺎﺑﺎ ﺍﻗﺴﻢ ﺑﺎﻟﻠﻪ ﻧﺮﺩﻭﻙ ﻣﻦ ﻭﻳﻦ ﻣﺎﺟﻴﺖ ...
ﻫﺎﻳﻞ ﺭﻓﻊ ﺣﻮﺍﺟﺒﻪ ..
ﺗﺒﻌﻬﺎ ﺑﻌﻴﻮﻧﻪ ﻭﻫﻲ ﻣﺎﺷﻴﻪ ﻟﻠﺒﺎﺏ ﻓﺘﺤﺎﺗﻪ ﻭﻗﺎﻟﺖ : ﺍﻗﻠﺐ ﻭﺟﻬﻚ ..
ﺍﺑﺘﺴﻢ ﺑﺘﻬﻜﻢ : ﻛﻮﻳﺲ ..
ﻭﻣﺸﻲ ﻟﻠﺒﺎﺏ ﻭﻫﻮ ﻃﺎﻟﻊ ﻗﺎﻝ : ﺍﻻﻭﻟﻰ ﻣﺶ ﺍﻷﺧﻴﺮﻩ ..
ﺍﻣﺎﻧﻪ ﺑﻌﺼﺒﻴﻪ : ﻋﺪﻱ ﻭﺩﺭﺓ .. ﻭﺻﻜﺮﺕ ﻭﺭﺍﻩ ﺍﻟﺒﺎﺏ ﺑﻘﻮﺓ ..
ﻟﻔﺖ ﻭﻗﻌﺪﺕ ﺗﺘﻨﻔﺲ ﺑﻘﻮﺓ ﻭﻫﻲ ﺗﻮﺯﻉ ﻓﻨﻈﺮﻫﺎ ﻉ ﺍﻟﻤﻜﺎﻥ ﻭ ﺗﻘﻮﻝ : ﺣﺴﺒﻨﺎ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ...
ﻭﻣﺸﺖ ﺧﺸﺖ ﺩﺍﺧﻞ ..
ﻟﻘﺖ ﻋﺮﻭﺑﻪ ﻭﺍﻗﻔﻪ ﻓﻲ ﺍﻟﻤﻤﺮ ﺗﺴﺘﻨﻰ ..
ﺍﻣﺎﻧﻪ : ﻣﻨﻴﻦ ﻃﻠﻊ ﻫﺎﻟﺤﻘﻴﺮ ﻫﺪﻯ ... ﻧﺎﻗﺼﻴﻦ ﺑﻠﻲ ..
ﻋﺮﻭﺑﻪ ﺑﻀﻴﻖ : ﻋﻄﻴﻪ ﻣﺎﻳﺮﻓﻌﻪ ...
ﺍﻣﺎﻧﻪ : ﺍﻳﻪ ﻭﺍﻟﻠﻪ ...
🍁🍁🍁🍁🍁
ﺳﺮﺕ 🍃
" ﺩﻻﺍﺍﺍﻝ "
ﻃﻠﻌﺖ ﻣﻦ ﺍﻟﺪﺍﺭ ..
ﻟﻘﺎﺗﻪ ﻭﺍﻗﻒ ﺣﺪﺍ ﺍﻟﺼﺎﻟﻪ ﻭﻓﻴﺪﻩ ﺣﺎﺟﻪ ...
ﻗﺪﻣﺘﻠﻪ ..
ﻭﺻﻠﺖ ﻓﻴﻪ : ﻧﻌﻢ ﺣﺒﻴﺒﻲ ..
ﺍﺑﺘﺴﻢ ﻭﻫﻮ ﻳﺸﻮﻓﻠﻬﺎ ﺑﺘﺄﻣﻞ ..
ﻫﻲ ﻗﻌﺪﺕ ﺗﺸﻮﻑ ﻟﻌﻴﻮﻧﻪ ﻭﻧﻈﺮﺍﺗﻬﻢ ...
ﻻﺣﻈﺖ ﺍﻧﻬﻢ ﺑﺪﻭﺍ ﻳﺘﻌﺒﻮﺍ ﺩﻣﻮﻉ ...
ﻣﻼﻣﺢ ﻭﺟﻬﻬﺎ ﺗﺒﺪﻟﺖ ﻟﻠﺨﻮﻑ ﻭﻗﺎﻟﺖ : ﺷﻦ ﻓﻲ ﻋﻤﺎﺭ !
ﻋﻤﺎﺭ ﺍﺑﺘﺴﻢ ﻭﻗﺎﻝ ﺑﺒﻌﺾ ﺍﺭﺗﺒﺎﻙ : ﺍﺣﻤﻢ .. ﺭﻓﻊ ﺣﻮﺍﺟﺒﻪ ... ﺷﻲ .. ﺍﻩ .. ﺭﻓﻊ ﻳﺪﻩ ... ﻫﺪﻯ ﻣﻠﻔﻚ ﺳﺤﺒﺘﻪ ﺍﻟﻴﻮﻡ ﻣﻦ ﺍﻟﺠﺎﻣﻌﻪ ...
ﺩﻻﻝ ﺑﺈﺳﺘﻐﺮﺍﺏ ﻣﻤﺰﻭﺝ ﺑﺎﻟﺨﻮﻑ : ﻋﻼﺵ؟ !
ﻋﻤﺎﺭ ﺑﺈﺑﺘﺴﺎﻣﻪ : ﻫﻜﻲ ﻭﺧﻼﺹ .. ﺍﻣﺴﻜﻲ ..
ﺩﻻﻝ ﺑﻌﺪﻡ ﺍﺳﺘﻴﻌﺎﺏ : ﻟﺤﻈﻪ .. ﺍﻧﺖ ﻗﺘﻠﻲ ﺑﻌﺪ ﻣﻌﻤﺮ ﻳﺼﻜﺮ ﺍﻟﻌﺎﻡ ﻧﻮﻟﻲ ﻧﻘﺮﺍ ﻭﻻ .. ﺷﻦ ﻏﻴﺮ ﺭﺍﻳﻚ ! ؟
ﻋﻤﺎﺭ : ﻣﺎﺗﻐﻴﺮﺵ .. ﺑﺲ ﻣﺮﺍﺕ ﻣﺎﺗﻘﺮﻳﺶ ﻫﻨﻰ .. ﻣﺮﺍﺕ ﺗﻜﻤﻠﻲ ﻓﺎﻟﻔﺎﺗﺢ ...
ﺩﻻﻝ : ﻟﻴﺶ ! ؟
ﻋﻤﺎﺭ : ﺍﺣﻤﻢ .. ﻣﺮﺍﺕ ﻧﻨﺘﻘﻠﻮﺍ ﻏﺎﺩﻱ ...
ﺷﺒﺤﺘﻠﻪ ﺑﻌﺪﻳﻦ ﺷﺒﺤﺖ ﻟﻠﻤﻠﻒ ..
ﺭﺟﻌﺖ ﻗﺎﻣﺖ ﻋﻴﻮﻧﻬﺎ ﻓﻴﻪ : ﺑﺎﻫﻲ ﻋﻼﺵ ﺗﻌﻄﻴﻠﻲ ﻓﻴﻪ .. ﻋﻼﺵ ﻣﺎﻳﻘﻌﺪﺵ ﻋﻨﺪﻙ ! ؟
ﺿﺤﻚ ﻭﺧﺪﺍﻫﺎ ﻓﺤﻀﻨﻪ ﻭﻫﻮ ﻳﻘﻮﻝ ﺑﻤﺰﺡ : ﺗﺤﻘﻘﻲ ﻣﻌﺎﻱ ﺍﻧﺘﻲ ﻭﻻﺷﻨﻲ ..
ﺩﻻﻝ ﺑﻨﺒﺮﺓ ﻣﺨﻨﻮﻗﻪ : ﻋﻤﺎﺭ ... ﻣﺎﻓﻲ ﺷﻲ ﺣﻴﺼﻴﺮ ... ﺳﺤﺎﺑﺔ ﺻﻴﻒ ﻭﺗﻤﺸﻲ .. ﻭﻛﻞ ﺷﻲ ﻳﺮﺟﻊ ﺯﻱ ﻣﺎﻛﺎﻥ ..
ﺑﻌﺪﻫﺎ ﻭﻗﻌﺪ ﺷﺎﺩ ﻭﺟﻬﻬﺎ ﺑﺈﻳﺪﻳﻪ ﻭﻫﻮ ﻳﻘﻮﻝ ﺑﻀﺤﻜﻪ : ﻗﺼﺪﻙ ﺍﻧﺘﻲ ﺗﺒﻲ ﻛﻞ ﺷﻲ ﻳﺮﺟﻊ ﻛﻴﻒ ﻣﺎﻛﺎﻥ ..
ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﻗﺎﻟﺖ ﺑﻨﺒﺮﺓ ﺑﺎﻛﻴﻪ : ﺑﺶ ﺗﻘﻌﺪﻟﻲ ... ﻭﻣﺎﻳﺎﺧﺪﻙ ﻣﻨﻲ ﺷﻲ ..
ﺍﺑﺘﺴﻢ ﺑﺄﻟﻢ ..
ﻗﺮﺏ ﺭﺍﺳﻬﺎ ﻟﻴﻪ ... ﻭﻃﺒﻊ ﻗﺒﻠﺔ ﻉ ﺟﺒﻴﻨﻬﺎ ..
ﻭﻃﻮﻝ ... ﻭﻫﻮ ﻣﻐﻤﺾ ﻋﻴﻮﻧﻪ ... ﻭﻛﻠﻪ ﺧﻮﻑ ﻋﻠﻴﻬﺎ ﻭﻉ ﺻﻐﺎﺭﻩ ..
ﻛﺎﻥ ﻋﻨﺪﻩ ﺷﻌﻮﺭ ﻗﻮﻱ ﺍﻥ ﻓﻲ ﺷﻲ ﺣﻴﺼﻴﺮﻟﻪ ﻭﺍﻻﺣﺪﺍﺙ ﺍﻟﻠﻲ ﻗﺎﻋﺪﻩ ﺗﺼﻴﺮ ﺍﻛﺪﺗﻠﻪ ﺍﺣﺴﺎﺳﻪ ..
ﻭﻣﻦ ﻳﻮﻣﻬﺎ ﻭﻫﻮ ﻳﻔﻜﺮ ﻓﻴﻬﺎ ﻭﻓﻲ ﻣﺴﺘﻘﺒﻞ ﺻﻐﺎﺭﻩ ..
ﺑﻌﺪ ...
ﻟﻘﻲ ﺩﻣﻮﻋﻬﺎ ﺳﻴﻞ ...
ﻣﺴﺤﻬﻢ ﺑﺄﺻﺎﺑﻌﻪ ﺍﻹﺑﻬﺎﻡ ﻭﻫﻮ ﻳﻘﻮﻝ : ﻛﻴﻒ ﻣﺎﻗﻠﺘﻲ ﺳﺤﺎﺑﺔ ﺻﻴﻒ ﻭﺗﻮ ﺗﺠﻼ .. ﺍﻟﻤﻬﻢ ﺗﻮﺍ .. ﻏﺪﻭﺓ ﺑﻌﻮﻥ ﺍﻟﻠﻪ ﺑﻨﻌﺪﻭﺍ ﻟﻄﺮﺍﺑﻠﺲ ﺑﻨﺤﻄﻚ ﻋﻨﺪ ﻫﻠﻚ ﻭﺗﻲ ﺩﺑﺸﻜﻢ ﻣﻦ ﺗﻮﺍ ..
ﺷﺪﺕ ﺍﻳﺪﻳﻪ ﻭﻧﺰﻟﺘﻬﻢ ﻭﻫﻲ ﺷﺎﺩﺗﻬﻢ ﻭﻗﺎﻟﺖ : ﻭﺍﻧﺖ ﺣﺘﺠﻴﻨﺎ ﻛﻞ ﻳﻮﻡ ﻭﻻ ! ؟
ﺍﺑﺘﺴﻢ ﻣﻦ ﺟﺪﻳﺪ .. ﻭﻣﺎﺯﺍﻝ ﻳﺤﺎﻭﻝ ﺟﻬﺪﻩ ﻳﺨﻔﻲ ﺧﻮﻓﻪ ﻭﺣﺰﻧﻪ ﻗﺎﻝ : ﺑﺈﺫﻥ ﺍﻟﻠﻪ ...
ﺷﺒﺤﺘﻠﻪ ﺷﻮﻳﻪ ﻭﻗﺎﻟﺖ ﺑﺘﻮﺳﻞ ﻭﻫﻲ ﺗﺸﺪ ﻉ ﺍﻳﺪﻳﻪ ﻭﺩﻣﻮﻋﻬﺎ ﺳﻴﻞ : ﺭﺃﻓﺔ ﺑﺤﺎﻟﻲ ﺑﺎﻟﻠﻪ ﻋﻠﻴﻚ .. ﻣﺎﻃﻮﻟﺶ .. ﺑﺎﻟﻠﻪ ﻋﻠﻴﻚ ..
ﻃﻮﻝ ﺣﻀﻨﻬﺎ ﻳﻘﻮﺓ ﻭﻫﻮ ﻣﻐﻤﺾ ﻋﻴﻮﻧﻪ ﺑﺸﺪﻩ : ﺣﺎﺿﺮ .. ﺣﺎﺿﺮ ﻳﺎﻋﻤﺮﻱ ... ﺣﺎﺿﺮ ..
ﻫﻲ ﺷﺪﺕ ﻋﻠﻴﻪ ﻭﻗﻌﺪﺕ ﺗﺒﻜﻲ ...
ﻭﻫﻮ ﻳﺘﻘﻄﻊ ..💔
🍁🍁🍁🍁
ﺛﺎﻧﻲ ﻳﻮﻡ ...
ﻣﻊ 11 ﺍﻟﺼﺒﺢ ..
ﻃﻠﻌﻮﺍ ﻟﻄﺮﺍﺑﻠﺲ ..
ﻃﻮﻝ ﺍﻟﻄﺮﻳﻖ ﺍﻟﺰﻭﺯ ﻳﻼﻋﺒﻮﺍ ﻓﺼﻐﺎﺭﻫﻢ ..
ﻭﻳﻬﺪﺭﺯﻭﺍ ﻭﻳﻀﺤﻜﻮﺍ ...
ﻭﻟﻤﺎ ﺭﻗﺪﻭﺍ ﺍﻟﺼﻐﺎﺭ ..
ﻓﺘﺢ ﻋﻤﺎﺭ ﺍﻏﻨﻴﺔ ﻣﺤﻤﺪ ﺣﺴﻦ ..
ﺍﻛﺜﺮ ﺍﻏﻨﻴﻪ ﺗﻌﻠﻘﻮﺍ ﺑﻴﻬﺎ ﺍﻟﺰﻭﺯ ..
ﻭﺩﻳﻤﺎ ﻳﻐﻨﻮﺍ ﻓﻴﻬﺎ ﻣﻊ ﺑﻌﺾ ..
" ﺍﻧﺖ ﻭﺑﺲ ﺣﺒﻴﺒﻲ ﺍﻟﻮﻓﻲ .."
ﻛﺎﻧﺖ ﺷﺎﺩﻩ ﻳﺪﻩ ﻭﻣﺘﻜﻴﻪ ﻉ ﻛﺮﺳﻴﻬﺎ ﻭﺗﺘﺄﻣﻞ ﻓﻴﻪ ﻭﺗﻐﻨﻲ ..
ﻭﻫﻮ ﻳﻐﻨﻲ ﻭﻳﺸﺒﺢ ﻟﻠﻄﺮﻳﻖ .. ﻭﻣﺮﺓ ﻣﺮﺓ ﻳﺸﻮﻓﻠﻬﺎ
ﻭﻃﻮﻝ ﺍﻟﻮﻗﺖ ﻳﻐﻨﻲ ﺑﺈﺑﺘﺴﺎﻣﻪ 💓...
🍁 ﻭﻗﻌﺪﻭﺍ ﻉ ﻫﺎﻟﺤﺎﻝ ..
ﻟﻌﻨﺪ ﻣﺎﻭﺻﻠﻮﺍ ﻟﺤﻮﺵ ﺍﻫﻞ ﺩﻻﻝ ..
ﻧﺰﻟﻮﺍ ﻛﻠﻬﻢ ..
ﻫﻮ ﻭﻳﺎﻫﺎ ﻳﺒﺎﻧﻮﺍ ﻋﺎﺩﻳﻴﻦ .. ﺑﺲ ﺍﻟﻘﻠﻮﺏ ﻛﺎﻧﺖ ﻣﻘﺒﻮﺿﻪ ﻭﻣﻮﺟﻮﻋﻪ ..
ﺧﺸﻮﺍ ﺩﺍﺧﻞ ﺑﺼﻐﺎﺭﻫﻢ ..
ﻉ ﺍﻟﻮﺍﻗﻒ ﻫﺪﺭﺯ ﻫﻮ ﻭﻋﺒﺪﺍﻟﺴﻼﻡ ﻭﻛﺎﻥ ﺍﻟﻜﻼﻡ ﺳﻄﺤﻲ .. ﻭﻻ ﻭﺍﺣﺪ ﻓﻴﻬﻢ ﻳﺒﻲ ﻳﺤﻜﻲ ﻓﺘﻔﺎﺻﻴﻞ ..
ﻗﺒﻞ ﻳﻄﻠﻊ : ﻣﻌﻠﻴﺸﻲ ﻋﻤﻲ ﺍﺿﺒﺤﻠﻲ ﻉ ﺩﻻﻝ ..
ﻋﺒﺪﺍﻟﺴﻼﻡ ﻫﺰ ﺭﺍﺳﻪ ﺑﺈﻳﺠﺎﺏ ﺑﻌﺪﻳﻦ ﻣﺪ ﻳﺪﻩ ﻟﻌﻤﺎﺭ ..
ﺻﺎﻓﺤﻪ ﻋﻤﺎﺭ ..
ﻋﺒﺪﺍﻟﺴﻼﻡ : ﻓﻲ ﺍﻣﺎﻥ ﺍﻟﻠﻪ ..
ﻋﻤﺎﺭﺑﺈﺑﺘﺴﺎﻣﻪ : ﺗﺴﻠﻢ ..
ﻃﻠﻘﻪ ﻋﺒﺪﺍﻟﺴﻼﻡ ﻭﻛﻴﻒ ﺟﺎﻱ ﺑﻴﺨﺶ ..
" ﻋﻤﻲ "
ﺍﻟﺘﻔﺖ ﻋﺒﺪﺍﻟﺴﻼﻡ ..
ﻋﻤﺎﺭ : ﺍﻟﻌﻮﻳﻠﻪ ﻳﺤﺒﻮﻙ ﻭﺍﺟﺪ ... ﺿﺤﻚ ﻭﻗﺎﻝ .. ﺟﻮﺍﺩ ﺷﻲ ﻣﺎﻳﺒﻲ ﻳﻨﺎﺩﻳﻚ ﻛﺎﻥ ﺑﺎﺑﺎ ..
ﺍﺑﺘﺴﻢ ﻋﺒﺪﺍﻟﺴﻼﻡ ..
ﻛﻤﻞ ﻋﻤﺎﺭ ﺑﺈﺑﺘﺴﺎﻣﻪ ﻭﻫﻮ ﻳﻘﻮﻝ : ﻭﺩﻋﺘﻬﻢ ﺍﻟﻠﻪ .. ﺛﻢ ﺍﻧﺖ ..
ﺷﺒﺤﻠﻪ ﺷﻮﻳﻪ ﺑﻌﺪﻳﻦ ﻗﺎﻝ : ﻣﺎﺗﺒﻴﻠﻬﺎﺵ ﺗﻮﺻﻴﻪ ﻫﺎﺩﻡ ﺍﺣﻔﺎﺩﻱ ..
ﺍﺑﺘﺴﻢ ﻋﻤﺎﺭ ﻭﻫﺰ ﺭﺍﺳﻪ ﺑﺈﻳﺠﺎﺏ ..
ﻋﺒﺪﺍﻟﺴﻼﻡ ﺑﺈﺑﺘﺴﺎﻣﻪ : ﺧﻞ ﻧﻤﺸﻲ ﻧﺎﺩﻳﻠﻚ ﻣﺮﺗﻚ ..
ﺍﺑﺘﺴﻢ ﻋﻤﺎﺭ ..
ﺧﺶ ﻋﺒﺪﺍﻟﺴﻼﻡ ..
ﺗﻼﺷﺖ ﺍﺑﺘﺴﺎﻣﺔ ﻋﻤﺎﺭ ... ﺍﻟﺘﻔﺖ ﻭﻗﻌﺪ ﻳﺸﻮﻑ ﻟﻠﺠﻨﺎﻥ ﻭﺍﻟﺸﺠﺮ ...
ﺑﻌﺪﻳﻦ ﺗﻨﻬﺪ ...
" ﻋﻤﺎﺭ .."
ﺍﻟﺘﻔﺘﻠﻬﺎ ﻭﺍﺑﺘﺴﻢ ﺗﻠﻘﺎﺋﻴﺎ ..
ﺧﺪﻱ ﻳﺪﻫﺎ ﻭﺷﺪﻫﺎ .. ﺷﺒﺢ ﻟﻴﺪﻫﺎ .. ﻭﻗﻌﺪ ﻳﺸﻮﻑ ﻟﻠﺪﺑﻠﻪ ..
ﻗﺎﻡ ﻋﻴﻮﻧﻪ ﻭﺷﺒﺢ ﻟﻌﻴﻮﻧﻬﺎ ﻭﻗﺎﻝ : ﺩﻻﻝ .. ﺗﻌﺮﻓﻲ ﺍﻧﻲ ﻭﻳﻦ ﻣﻌﺪﻱ ﺗﻮﺍ ..
ﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ ﻃﻮﻝ ﻃﺎﺣﻮﺍ ﻭﻫﺰﺕ ﺭﺍﺳﻬﺎ ﺑﺈﻳﺠﺎﺏ ..
ﻋﻤﺎﺭ : ﻭﻳﻦ ﺑﻨﻌﺪﻱ ﺑﺎﻫﻲ ؟
ﺍﺑﺘﺴﻤﺖ ﺩﻻﻝ .. ﻧﺰﻟﺖ ﻋﻴﻮﻧﻬﺎ ﻟﻮﻃﺎ .. ﺑﻌﺪﻳﻦ ﻣﺴﺤﺖ ﺩﻣﻮﻋﻬﺎ ﻭﺷﺒﺤﺘﻠﻪ ﻭﻫﻲ ﻣﺒﺘﺴﻤﻪ ﺑﻔﺨﺮ : ﻣﺎﺷﻲ ﺍﺩﻳﺮ ﻭﺍﺟﺒﻚ ..
ﺍﺑﺘﺴﻢ ... ﺑﻌﺪﻳﻦ ﺗﻨﻬﺪ ﻭﻗﺎﻝ : ﻭﺗﻌﺮﻓﻲ ﺍﻥ ﺍﻟﻠﻲ ﻛﻴﻔﻲ ﺭﻭﺣﻪ ﺣﺎﻃﻬﺎ ﻓﻲ ﻛﻔﻪ ﻭﻻ ..
ﺷﺪﺕ ﻳﺪﻩ ﺑﻘﻮﺓ ﻣﺎﺗﺒﻴﺶ ﺗﺒﻜﻲ ﻗﻌﺪﺕ ﻣﺤﺎﻓﻈﻪ ﻉ ﺍﺑﺘﺴﺎﻣﺘﻬﺎ ﺑﺲ ﻛﺎﻧﺖ ﺗﺮﺟﻒ ... ﻫﺰﺕ ﺭﺍﺳﻬﺎ ﺑﺈﻳﺠﺎﺏ ..
ﺣﺲ ﺑﻴﻬﺎ ... ﺗﺘﻤﺎﺳﻚ ﺑﺶ ﻫﻮ ﻣﺎﻳﻀﻌﻔﺶ ...
ﺭﻓﻊ ﺭﺍﺳﻪ ﻓﻮﻕ ﻭﺯﻓﺮ .. ﺑﻌﺪﻳﻦ ﺷﺒﺤﻠﻬﺎ ﻭﺿﺤﻚ ﻭﻗﺎﻝ : ﺇﻥ ﺷﺎﺀ ﺍﻟﻠﻪ ﺗﻔﺮﺝ ﻭﻳﺪﻳﺮ ﺭﺏ ﺍﻟﻌﺎﻟﻤﻴﻦ ﻃﺮﻳﻖ ﻟﻴﻨﺎ ﻭﻟﻬﺎﻟﺒﻼﺩ .. ﺍﻟﻤﻬﻢ ﺗﻮﺍ .. ﺭﺩﻱ ﺑﺎﻟﻚ ﻉ ﺭﻭﺣﻚ ﻭﻉ ﻋﻮﻳﻠﺘﻚ .. ﻋﺎﺑﻲ ﻋﻠﻴﻚ ﻳﺎﺩﻻﻝ ..
ﺑﻠﻌﺖ ﺭﻳﻘﻬﺎ ﻭﻗﺎﻟﺖ ﻭﻫﻲ ﻣﺒﺘﺴﻤﻪ ﺑﺈﺳﺘﻐﺮﺍﺏ ﻣﻤﺰﻭﺝ ﺑﺎﻷﻟﻢ : ﺧﻴﺮﻙ ﻣﺘﺸﺎﺋﻢ ﻫﻜﻲ .. ﺑﺈﺫﻥ ﺍﻟﻠﻪ ﺣﺘﻮﻟﻲ ﻣﺎﻓﻴﻚ ﺳﻮ .. ﻭﺗﺮﺩ ﺑﺎﻟﻚ ﻋﻠﻴﻨﺎ ...
ﺍﺑﺘﺴﻢ ﺑﺄﻟﻢ ... ﻗﺮﺏ ﻣﻨﻬﺎ ﺑﺎﺱ ﺭﺍﺳﻬﺎ ...
ﻫﻲ ﻏﻤﻀﺖ ﻋﻴﻮﻧﻬﺎ ﺑﺸﺪﺓ ﻧﺰﻟﻮﺍ ﺩﻣﻮﻋﻬﺎ ﺑﺲ ﻛﺘﻤﺖ ﻋﺒﺮﺗﻬﺎ ..
ﻭﺧﺮ ..
ﻃﻮﻝ ﻣﺴﺤﺖ ﺩﻣﻮﻋﻬﺎ ...
ﻋﻤﺎﺭ : ﺍﺣﻤﻢ .. ﺗﺒﻲ ﺍﻱ ﺷﻲ ﻛﻠﻤﻲ ﺍﻣﻴﻨﻪ ﻃﻮﻝ ..
ﺩﻻﻝ ﺑﻨﺒﺮﺓ ﻣﺨﻨﻮﻗﻪ : ﺣﺎﺿﺮ ..
ﺷﺪ ﻉ ﻳﺪﻫﺎ ﻭﻗﺎﻝ : ﻧﻮﺻﻴﻚ .. ﺍﺩﻋﻴﻠﻲ ﻓﻲ ﻛﻞ ﻭﻗﺖ ..
ﺩﻻﻝ : ﻭﻫﺎﺩﻱ ﺣﺎﺟﻪ ﺗﻮﺻﻴﻨﻲ ﻋﻠﻴﻬﺎ !
ﺍﺑﺘﺴﻢ ...
ﻗﻌﺪ ﻳﺸﻮﻓﻠﻬﺎ ﻭﺗﺸﻮﻓﻠﻪ ...
ﻳﺸﺒﺢ ﻟﻌﻴﻮﻧﻬﺎ ﺍﻟﻠﻲ ﻳﻘﻮﻟﻮﻟﻪ ﺍﻗﻌﺪ ...
ﻭﻫﻤﺎ ﻣﻠﻴﺎﻧﺎﺕ ﺑﺪﻣﻌﺘﻬﻢ ..
ﺑﻮﺩﻩ ﻳﻘﻌﺪ ﻳﺘﻤﻨﻰ ﻳﻘﻌﺪ ..
ﺑﺲ ﻓﻲ ﻣﻦ ﻣﺤﺘﺎﺟﻪ ﺍﻛﺜﺮ ﻣﻨﻬﺎ ..
" ﺍﻟﻮﻃﻦ .."
ﻟﻜﻦ ﻓﺮﺍﻗﻬﻢ ﺍﺛﻘﻞ ﻋﻠﻴﻪ ﻣﻦ ﺣﻤﻞ ﻫﺎﻟﺤﺮﺏ ...
ﺧﺎﻑ ﺩﻣﻌﺘﻪ ﺗﻨﺰﻝ ﻗﺪﺍﻣﻬﺎ .. ﻭﻫﻲ ﺗﻨﻬﺎﺭ ..
ﻳﺒﻴﻬﺎ ﺗﻘﻌﺪ ﻣﺘﺼﻨﻌﻪ ﺍﻟﺜﺒﺎﺕ ... ﺑﺶ ﻫﻮ ﻳﻘﻌﺪ ﺛﺎﺑﺖ .
ﻗﺎﻝ ﺑﺴﺮﻋﻪ : ﻓﻲ ﻭﺩﻳﻌﺔ ﺍﻟﻠﻪ ...
ﻃﻠﻖ ﻳﺪﻫﺎ ﻭﻃﻮﻝ ﻟﻒ ﻭﻣﺸﻲ ...
🍁 ﺗﺒﺪﻟﺖ ﻣﻼﻣﺤﻬﺎ ﻟﻠﺼﺪﻣﻪ ﻭﻫﻲ ﺗﺸﻮﻓﻠﻪ ...
ﻳﻌﻨﻲ ﺧﻼﺹ ﻫﻮ ﻣﺎﺷﻲ ..
ﻣﺸﻴﻪ ﻣﺶ ﻣﻌﺮﻭﻑ ﺍﺫﺍ ﻛﺎﻥ ﻓﻲ ﻣﻨﻬﺎ ﺭﺟﻌﻪ ..
ﻭﻻ .. ﻻ ....
ﻓﺘﺢ ﺍﻟﺒﺎﺏ ﻭﻃﻠﻊ ...
ﺳﻜﺮ ﺍﻟﺒﺎﺏ ﺑﺪﻭﻥ ﻣﺎﻳﺘﻠﻔﺖ ...
ﺳﻤﻌﺖ ﺻﻮﺕ ﺑﺎﺏ ﺍﻟﺴﻴﺎﺭﺓ ﺍﻧﻔﺘﺢ ..
ﻃﻮﻝ ﺯﻱ ﺍﻟﻤﺠﻨﻮﻧﻪ ..
ﻣﺸﺖ ﺟﺮﻱ ﻟﻠﺪﺭﻭﺝ ﻭﺭﻛﺒﺖ ﺗﺠﺮﻱ ﻟﻔﻮﻕ ﺍﻟﺴﻄﺢ ..
ﻭﺻﻠﺖ ﻭﻫﻲ ﺩﺍﻫﺸﻪ ..
ﺷﺒﺤﺖ ﻟﻠﺴﻴﺎﺭﺓ ﺗﻤﺸﻲ ....
ﺣﺴﺖ ﺭﻭﺣﻬﺎ ﺑﺪﺕ ﺗﺮﻗﻰ ...
ﺑﻠﻐﺖ ﺍﻟﺘﺮﺍﻗﻲ ...
ﺍﺧﺘﻔﺖ ﻣﻦ ﻗﺪﺍﻣﻬﺎ ﺍﻟﺴﻴﺎﺭﺓ ...
ﻗﺎﻟﺖ ﺑﺼﺪﻣﻪ : ﻛﻴﻒ ﺧﻠﻴﺘﻪ .. ﻳﻤﺸﻲ؟ !
ﻗﻌﻤﺰﺕ ﺑﺒﻂﺀ ﻉ ﺍﻷﺭﺽ ...
ﻭﻫﻲ ﻣﺮﺑﻌﻪ ﺭﺟﻠﻴﻬﺎ ..
ﺣﻄﺖ ﺭﺍﺳﻬﺎ ﺑﻴﻦ ﺍﻳﺪﻳﻬﺎ ..
ﻭﻗﻌﺪﺕ ﺗﺴﺘﺮﺟﻊ ﻓﻲ ﻛﻼﻣﻪ ﺍﻟﻠﻲ ﻗﺎﻟﻪ ..
> ﻭﺗﻌﺮﻓﻲ ﺍﻥ ﺍﻟﻠﻲ ﻛﻴﻔﻲ ﺭﻭﺣﻪ ﺣﺎﻃﻬﺎ ﻓﻲ ﻛﻔﻪ ﻭﻻ .. <<
..> ﺭﺩﻱ ﺑﺎﻟﻚ ﻉ ﺭﻭﺣﻚ ﻭﻉ ﻋﻮﻳﻠﺘﻚ .. ﻋﺎﺑﻲ ﻋﻠﻴﻚ ﻳﺎﺩﻻﻝ <<..
ﻫﺪﺍ ﻛﻼﻡ ﻭﺍﺣﺪ ﻳﻮﺩﻉ !!
ﻧﺰﻟﺖ ﺍﻳﺪﻳﻬﺎ ﻭﻗﻌﺪﺕ ﺗﺸﻮﻑ ﻗﺪﺍﻣﻬﺎ ﻭﻣﺎﺯﺍﻝ ﻣﻼﻣﺢ ﺍﻟﺼﺪﻣﻪ ﻉ ﻭﺟﻬﻬﺎ ..
ﻛﻴﻒ ﻛﺎﻧﺖ ﺗﺮﺩ ﻋﻠﻴﻪ ﻋﺎﺩﻱ !!
ﻛﻴﻒ ﺩﺍﺭﺕ ﺭﻭﺣﻬﺎ ﻗﻮﻳﻪ ﻭﺗﺪﻋﻢ ﻓﻴﻪ !!
ﺗﺪﻋﻢ ﻓﻴﻪ ﻉ ﻓﺮﺍﻗﻬﻢ ...!!
ﺧﺪﺕ ﻧﻔﺲ ﺑﻘﻮﺓ ..
ﺣﺴﺖ ﺑﻘﻄﺮﺍﺕ ﻣﻴﻪ ﺗﻨﺰﻝ ﻋﻠﻴﻬﺎ ..
ﺷﺒﺤﺖ ﻃﻮﻝ ﻓﻮﻕ ...
ﺑﺪﺕ ﺗﺒﺸﺒﺶ ..
ﻭﻓﻲ ﻗﻄﺮﺍﺕ ﻧﺰﻟﻮﺍ ﻉ ﻋﻴﻮﻧﻬﺎ ﺻﻜﺮﺗﻬﻢ ..
ﺍﺧﺘﻠﻄﻮﺍ ﻫﺎﻟﻘﻄﺮﺍﺕ ﺑﺪﻣﻮﻋﻬﺎ ...
ﻗﺎﻟﺖ ﺑﺼﻮﺕ ﻳﺪﻭﺏ ﻃﻠﻊ : ﻳﺎﺍﺍﺭﺏ ...
ﻣﺎﻗﺪﺭﺗﺶ ﺗﻘﻮﻝ ﻏﻴﺮﻫﺎ ..
ﺍﺻﻼ ﺳﺒﺤﺎﻧﻪ ﻋﺎﺭﻑ ﺷﻦ ﻓﻲ ﻏﻴﺮﻫﺎ ..
ﻫﻮ ﺑﺲ ﺍﻟﻠﻲ ﻳﺸﻮﻑ ﻓﻲ ﻧﺎﺭ ﻗﻠﺒﻬﺎ ...
" ﺩﻻﻝ .."
ﺳﻤﻌﺖ ﺻﻮﺕ ﺑﻮﻫﺎ ...
ﻣﺴﺤﺖ ﺩﻣﻮﻋﻬﺎ ... ﻣﺎﺗﺒﻴﺶ ﺗﺸﻐﻠﻬﻢ ﻋﻠﻴﻬﺎ ﺑﺎﻟﺬﺍﺕ ﺑﻮﻫﺎ ﺑﻌﺪ ﺍﻛﺘﺸﻔﺖ ﻣﺮﺿﻪ ﺻﺪﻓﻪ ..
ﺣﺘﻰ ﻋﻤﺎﺭ ﻣﺎﺧﺒﺮﻫﺎﺵ ﻋﻨﻪ ..
ﺷﺎﻓﺖ ﺷﺮﻳﻂ ﺍﻟﺪﻭﺍ ﻓﻲ ﺳﻴﺎﺭﺗﻪ ﻣﺮﺓ ...
ﻭﺩﻻﻝ ﺑﻮﻫﺎ ﻧﺺ ﻗﻠﺒﻬﺎ ﺍﻟﺘﺎﻧﻲ 💓..
🍁 ﻧﺎﺿﺖ ..
ﻭﺑﺪﺕ ﺗﻨﺰﻝ ﻭﻫﻲ ﺗﻘﻮﻝ : ﻫﺎﻧﻲ ﻫﻨﻲ ﺑﺎﺑﺎ ..
ﻗﻌﺪﺕ ﺗﻨﺰﻝ ﻟﻴﻦ ﺑﺎﻧﺖ ﻋﻠﻴﻪ ..
ﻋﺒﺪﺍﻟﺴﻼﻡ : ﺷﻦ ﺩﻳﺮﻱ ﻓﻮﻕ ﺑﺎﺑﺎ ..
ﺩﻻﻝ ﺗﺼﻨﻌﺖ ﺍﺑﺘﺴﺎﻣﻪ ﻭﻗﺎﻟﺖ : ﻛﻨﺖ ﻧﺸﻮﻑ ﻓﻲ ﺍﻟﺴﻴﺎﺭﺓ ﻭﻫﻲ ﻣﺎﺷﻴﻪ ..
ﻭﺻﻠﺖ ﺑﻮﻫﺎ ﺍﻟﻠﻲ ﺍﺑﺘﺴﻢ ﻟﻤﺎ ﺳﻤﻊ ﺭﺩﻫﺎ ﻭﻗﺎﻝ : ﺭﺑﻲ ﻳﺮﺩﻩ ﺳﺎﻟﻢ ..
ﺩﻻﻝ : ﻳﺎﺍﺍﺭﺏ 💔
ﻋﺒﺪﺍﻟﺴﻼﻡ : ﺧﺸﻲ ﺑﻨﺘﻲ ﺧﺸﻲ ﺍﻟﻤﻄﺮ ﺗﺼﺐ ..
ﺩﻻﻝ : ﺑﺘﻄﻠﻊ ..
ﻋﺒﺪﺍﻟﺴﻼﻡ : ﺍﻳﻪ ﺑﻨﻤﺸﻲ ﻟﻠﺨﺪﻣﻪ ..
ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﻗﺎﻟﺖ : ﺭﺩﺑﺎﻟﻚ ﻉ ﺭﻭﺣﻚ ..
ﺿﺤﻚ ﻭﻗﺎﻝ : ﺣﺎﺿﺮ .. ﺧﺸﻲ ..
ﺍﺑﺘﺴﻤﺖ ﻭﺧﺸﺖ ..
ﻭﻫﻮ ﺗﻼﺷﺖ ﺿﺤﻜﺘﻪ .. ﻭﺭﺟﻊ ﻳﺨﻤﻢ ﻓﻴﻬﺎ ﻭﻓﺼﻐﺎﺭﻫﺎ ..
ﺑﻌﺪﻳﻦ ﻣﺸﻲ ﺑﻄﺮﻳﻘﻪ ﻟﻠﺒﺎﺏ ﻭﻃﻠﻊ ..
🍃🍃🍃🍃🍃
ﻭﻗﺎﻋﺪﺓ ﺗﻤﺮ ﺍﻷﻳﺎﻡ ..
ﺍﺻﻌﺐ ﺍﻳﺎﻡ ..
ﻣﺮﺕ ﻉ ﻟﻴﺒﻴﺎ .. ﻭﺍﻟﻠﻴﺒﻴﻦ ﻛﻠﻬﻢ ..
ﻭﻛﺎﻧﺖ ﺍﻏﻠﺐ ﺍﻟﻤﻨﺎﻃﻖ ﻣﺸﺘﻌﻠﻪ ...
ﻷﻥ ﺍﻟﻘﺬﺍﻓﻲ ﺑﺪﻱ ﻋﻤﻠﻴﺎﺗﻪ ﺍﻟﻌﺴﻜﺮﻳﻪ ..
ﻣﻦ ﻳﻨﺴﻰ ...
ﺧﻄﺎﺏ ﺍﻟﺴﺮﺍﻳﺎ ﺍﻟﺤﻤﺮﺍ ...
" ﺭﺩﻭﺍ ﻋﻠﻴﻬﻢ "
" ﺇﺫﺍ ﻛﺎﻥ ﺷﻌﺒﻲ ﻣﺎﻳﺤﺒﻨﻲ ﻓﺄﻧﺎ ﻻﺃﺳﺘﺤﻖ ﺍﻟﺤﻴﺎﺓ "
" ﺍﻓﺘﺤﻮﺍ ﺍﻟﻤﺨﺎﺯﻥ "
" ﺳﺘﺼﺒﺢ ﻟﻴﺒﻴﺎ ﻧﺎﺭ ﺣﻤﺮﺍ .. ﺳﺘﺼﺒﺢ ﺟﻤﺮ .."
ﺍﻫﻢ ﺍﻟﺠﻤﻠﺘﻴﻦ ﺍﻷﺧﻴﺮﺍﺕ ..
ﻫﻤﺎ ﺍﻟﺴﺒﺐ ﺍﻟﺤﻘﻴﻘﻲ .. ﻟﻠﻲ ﺣﻨﻲ ﻓﻴﻪ ﺗﻮﺍ ...
🍃 ﺷﺎﺀ ﻣﻦ ﺷﺎﺀ ﻭﺃﺑﻰ ﻣﻦ ﺃﺑﻰ 🍃
🍁 ﺗﺤﺮﻛﺖ ﺍﻟﻜﺘﺎﺋﺐ ﺍﻟﻤﺘﺴﻤﻴﻪ ﺑﺄﺳﻤﺎﺀ ﺍﺑﻨﺎﺋﻪ ﻭﺍﺭﻛﺎﻥ ﻧﻈﺎﻣﻪ ..
ﺍﻟﻠﻲ ﺑﺈﺗﺠﺎﻩ ﺍﻟﺠﺒﻞ ...
ﻭﺍﻟﻠﻲ ﺑﺈﺗﺠﺎﻩ .. ﻣﺼﺮﺍﺗﻪ ..
ﻭﻗﺮﻳﺒﺎ ﺣﻴﺘﺤﺮﻙ ﺭﺗﻞ ﻣﺪﺟﺞ ... ﺑﺈﺗﺠﺎﻩ ﺑﻨﻐﺎﺯﻱ ...
ﺑﺪﺕ ﺍﻟﺘﺤﺮﻛﺎﺕ ﺍﻟﺪﻭﻟﻴﻪ ...
ﻭﺍﻟﻠﻲ ﻫﺪﺍ ﻳﺒﻲ ﻳﺎﺧﺪ ﺣﺼﺘﻪ ﻓﻴﻬﺎ
ﺍﻟﺘﺤﺮﻛﺎﺕ ﻫﺎﺩﻱ ﻣﺶ ﺑﺲ ﻟﻼﻋﺘﺮﺍﻑ ﺑﻜﻴﺎﻥ ﺍﻟﻤﺠﻠﺲ ﺍﻻﻧﺘﻘﺎﻟﻲ .
ﻭﻛﺎﻧﺖ ﻷﺟﻞ ﺍﻧﻘﺎﺫ ﺑﻨﻐﺎﺯﻱ ...
ﺑﺘﻘﻮﻟﻮﺍ ﻋﻼﺵ ﻟﻴﺒﻴﺎ ﺳﺎﻋﺪﻭﻫﺎ ﻭﻏﻴﺮﻫﺎ ﻻ ...
ﻧﻘﻮﻟﻠﻜﻢ ﻟﻤﻠﻴﻮﻥ ﺍﻟﻒ ﺳﺒﺐ ..
ﺣﻮﻟﻮﺍ ﺍﻷﻃﻤﺎﻉ ﻉ ﺗﺮﻛﻴﻨﻪ ..
ﻟﻴﺒﻴﺎ ﺩﻭﻟﻪ ﻣﻮﻗﻌﻬﺎ ﺣﺴﺎﺱ ﻫﻠﺒﻪ ﻫﻠﺒﻪ ..
ﻭﺍﻱ ﺷﻲ ﻳﺼﻴﺮ ﻓﻴﻬﺎ ﺣﻴﻨﻌﻜﺲ ﺳﻠﺒﺎ ﻋﻠﻴﻬﻢ ..
ﻛﻞ ﺍﻟﺨﻄﻮﺍﺕ ﺍﻟﻠﻲ ﺍﺗﺨﺪﻭﻫﺎ ﻛﺎﻥ ﻏﻴﺮ ﻣﺨﻄﻂ ﻟﻴﻬﺎ ﻣﺴﺒﻘﺎ ﻫﻲ ﻟﺤﻈﻴﻪ ..
ﻭﻛﻠﻬﻢ ﺗﺤﺮﻛﻮﺍ ﻟﻤﺼﺎﻟﺤﻬﻢ ...
ﻭﺣﺘﻰ ﺍﻟﻨﺎﺱ ﺍﻟﻠﻲ ﻛﺎﻧﺖ ﺗﻤﺜﻞ ﺍﻟﺜﻮﺭﺓ ﺳﻴﺎﺳﻴﺎ ﺗﺤﺮﻛﻮﺍ ﻉ ﺣﺴﺐ ﻣﺼﺎﻟﺤﻬﻢ ..
ﺑﺲ ﻓﻲ ﻣﻨﻬﻢ ﻓﻌﻼ .. ﻛﺎﻥ ﻳﺒﻲ ﻳﻨﻘﺬ ﺑﻨﻐﺎﺯﻱ ﻣﻦ ﻛﺎﺭﺛﻪ ﻣﺤﻘﻘﻪ ..
ﺍﻩ ﻟﻮ ﻳﺮﺟﻊ ﺍﻟﺰﻣﺎﻥ ..
ﻭﻛﺎﻥ ﺍﻟﻘﺬﺍﻗﻲ ﻛﻤﻞ ﺑﺮﺗﻠﻪ ...
ﻣﺠﺎﺯﺭ ﺟﻤﺎﻋﻴﻪ ﻛﺎﻧﺖ ﺣﺘﺼﻴﺮ ..
ﻣﺸﺎﻧﻖ ﻛﺎﻧﺖ ﺣﺘﻨﺼﺐ ...
ﻭﻣﺎﺃﺳﻮﺃ ﺑﻤﻠﻴﻮﻥ ﻣﺮﺓ ...
ﻻﻧﻪ ﺍﻧﺘﻘﺎﻣﻲ ﺑﻄﺒﻌﻪ ... ﺍﻟﻠﻲ ﻳﻔﻜﺮ ﻳﻘﻮﻟﻪ ﻻ ... ﻳﻤﺤﻴﻪ ... ﻳﺴﺘﺤﻘﺮﻩ ﻳﺴﺘﻜﺮﺩﻩ .. ﻳﻐﻀﺐ ﻋﻠﻴﻪ .. ﻭﻏﻀﺐ ﺍﻟﻘﺬﺍﻓﻲ ﻣﻌﺮﻭﻑ ﻛﻴﻒ ﺷﻜﻠﻪ ..
🍁 ﻗﺒﻞ ﻳﻮﻡ ..3\19
ﻗﺒﻞ ﻗﺮﺍﺭ ﺍﻟﺤﻈﺮ ..
ﻃﻠﻊ ﻓﻲ ﻟﻘﺎﺀ ﺗﻠﻔﺰﻳﻮﻧﻲ ﻉ ﻗﻨﺎﺓ ﺭﻭﺳﻴﺎ ﺍﻟﻴﻮﻡ ..
ﻛﺎﻥ ﻋﻜﺲ ﺍﻟﻤﺮﺍﺕ ﺍﻟﻠﻲ ﻃﻠﻊ ﻓﻴﻬﻢ ﻗﺒﻞ ..
ﻛﺎﻥ ﻫﺎﺩﻱ ﻭﻭﺍﺛﻖ ﻣﻦ ﻧﻔﺴﻪ ﺍﻛﺜﺮ ..
ﺳﺄﻟﻪ ﺍﻟﻤﺬﻳﻊ ..
ﺍﻧﻪ ﻟﻤﺎ ﻳﺮﺟﻊ ﺍﻟﺸﺮﻕ ..
ﻫﻞ ﻓﻌﻼ ﺣﻴﺪﻳﺮ ﺩﺳﺘﻮﺭ ﻭﺍﺻﻼﺣﺎﺕ .. ﻭﻳﻐﻴﺮ ﻧﻈﺎﻡ ﺍﻟﺤﻜﻢ .. ﺯﻱ ﻣﻘﺎﻝ ﻓﻲ ﺧﻄﺎﺏ " ﺯﻧﻘﻪ ﺯﻧﻘﻪ .."
ﺗﺘﻮﻗﻌﻮﺍ ﺷﻦ ﺭﺩ !! ؟
ﺍﻟﻠﻲ ﺣﻀﺮ ﻫﺎﻟﻠﻘﺎﺀ ﺍﻛﻴﺪ ﺣﻴﺬﻛﺮ ..
ﻗﺎﻝ ﺍﻧﻪ ﻣﺶ ﺣﻴﻐﻴﺮ ﺷﻲ ﻭﺍﻥ ﺍﻟﺒﻼﺩ ﺣﺘﻘﻌﺪ ﻣﺎﺷﻴﻪ ﺑﺎﻟﻨﻈﺎﻡ ﺍﻟﺠﻤﺎﻫﻴﺮﻱ .. ﻭﺳﻠﻄﺔ ﺍﻟﺸﻌﺐ ..
ﺍﺭﺟﻌﻮﺍ ﻟﻠﻬﺎﻟﻘﺎﺀ ﻭﺍﺳﻤﻌﻮﺍ ﻛﻼﻣﻪ ﺣﺮﻓﻴﺎ ...
ﻟﻸﺳﻒ .. ﻣﺎﻓﻴﺶ ﻓﺎﻳﺪﻩ ..
ﺧﻄﺮ ﻋﻠﻴﺎ ﻓﺮﻋﻮﻥ ﻭﺍﻟﺘﺴﻊ ﺁﻳﺎﺕ ...
ﻭ 40 ﺳﻨﻪ ﺍﻟﻠﻲ ﺍﻣﻬﻮﻟﻪ ﺭﺑﻲ ...
ﻭﻟﻜﻨﻪ ﺍﻣﻬﻞ ﻛﺜﻴﺮﺍ .. ﻭﻟﻦ ﻳﻤﻬﻞ ﺍﻛﺜﺮ ..
🍁🍁🍁🍁🍁
ﻓﻲ ﺍﻟﻮﻗﺖ ﺍﻟﻠﻲ ﻓﻴﻪ ..
ﻗﻤﻌﺖ ﺍﻧﺘﻔﺎﺿﺘﻲ ﻛﻞ ﻣﻦ ﺍﻟﺰﺍﻭﻳﻪ ﻭﺯﻭﺍﺭﺓ ﺑﺎﻟﻘﻮﺓ ..
ﻭﺳﻘﻂ ﻓﻴﻬﺎ ﺍﻟﻌﺪﻳﺪ ﻣﻦ ﺍﻟﺸﻬﺪﺍﺀ ..
ﻛﺎﻧﺖ ﻣﺼﺮﺍﺗﻪ ﻣﺎﺯﺍﻟﺖ ﺗﻘﺎﻭﻡ ﺑﻜﻞ ﻗﻮﺓ ..
ﻭﻛﺬﻟﻚ ﺍﻟﺠﺒﻞ ﻓﻲ ﺑﻌﺾ ﻣﺪﻧﻪ ..
ﺍﻫﻢ ﺧﻄﻮﺓ ﺣﺎﻟﻴﺎ ﻫﻲ ﺍﺳﺘﺮﺟﺎﻉ ﺍﻟﻤﻨﻘﻄﻪ ﺍﻟﺸﺮﻗﻴﻪ ﻷﻧﻬﺎ ﻣﺮﻛﺰ ﺍﻟﺜﻮﺭﺓ .. ﻟﻮ ﺳﻴﻄﺮ ﻋﻠﻴﻬﺎ ... ﺗﻢ ..
ﻭﺻﺪﺭﺕ ﺍﻻﻭﺍﻣﺮ ...
" ﻣﻼﺯﻡ ﺍﻭﻝ ﻋﻤﺎﺭ "
ﻋﻤﺎﺭ : ﺣﺎﺿﺮ ﺳﻴﺪﻱ .. ﺛﻮﺍﻧﻲ ﻭﻧﻄﻠﻊ ..
ﻃﻠﻊ ﺍﻵﻣﺮ ..
ﻋﻤﺎﺭ ﻛﺘﺐ ﺭﺳﺎﻟﻪ ﻧﺼﻴﻪ ﻟﺒﻮﻩ ﻳﺒﻠﻐﻪ ﻓﻴﻬﺎ ﺍﻧﻪ ﻃﺎﻟﻊ ﺗﻮﺍ ﻭﻣﺘﻮﺟﻪ ﻟﻠﺮﺗﻞ ﺍﻟﻠﻲ ﻣﺘﺤﺮﻙ ﻟﺒﻨﻐﺎﺯﻱ ...
ﻭﺻﺎﻩ ﻉ ﻧﻔﺴﻪ ﻭﻛﻞ ﻋﻴﻠﺘﻪ ...
ﻭﺳﺄﻟﺔ ﺍﺫﺍ ﻛﺎﻥ ﻭﻻﺩ ﻫﻨﺪﺍ ﺳﺎﻓﺮﻭﻟﻬﺎ ﺍﻭ ﻻ ..
ﺑﻌﺘﻬﺎ ..
ﺧﻼﻝ ﺩﻗﺎﺋﻖ ..
" ﻋﺪﻱ ﻭﺍﻧﺖ ﻣﻄﻤﻦ .. ﺭﺍﺿﻴﻴﻦ ﻋﻠﻴﻚ ﺩﻧﻴﺎ ﻭﺁﺧﺮﻩ ..
ﻭﻋﻮﻳﻞ ﺧﻮﻙ ﻋﻨﺪ ﺍﻣﻬﻢ ﻣﻦ ﺍﻟﺒﺎﺭﺡ ...
ﺍﻟﻠﻪ ﻣﻌﺎﻛﻢ "...
ﺍﺑﺘﺴﻢ ... ﻛﺎﻥ ﺣﺎﺱ ﺍﻥ ﺑﻮﻩ ﻛﺘﺒﻬﺎ ﺑﺈﺭﺗﺒﺎﻙ .. ﻭﺗﺨﻴﻠﻪ ﺩﻣﻊ ﻭﻫﻮ ﻳﻜﺘﺐ ﻓﻴﻬﺎ ..
ﺣﻂ ﻫﺎﺗﻔﻪ ﻓﺠﻴﺒﻪ .. ﻭﻫﻮ ﻳﺎﺧﺪ ﻓﻲ ﻧﻔﺲ ﻋﻤﻴﻖ ..
ﺑﻌﺪﻳﻦ ﻟﻒ ﻭﻣﺸﻲ ﻃﻠﻊ ..
🍁🍁🍁🍁🍁
ﻭﺗﺤﺮﻙ ﺍﻟﺮﺗﻞ ..
ﻭﺍﻫﺎﻟﻲ ﺑﻨﻐﺎﺯﻱ ﺍﻳﺪﻳﻬﻢ ﻉ ﻗﻠﻮﺑﻬﻢ ..
ﻭﻫﻠﺒﻪ ﻧﺎﺱ ﻛﺎﻧﺖ ﺍﻳﺪﻳﻬﺎ ﻉ ﻗﻠﺒﻬﺎ ...
ﺷﺒﺢ ﺍﻟﻤﻮﺕ ﻳﻘﺘﺮﺏ ...
ﻭﻓﻲ ﻓﺎﺟﻌﻪ ﻛﺒﻴﺮﺓ ﻣﻘﺒﻠﻪ ﻋﻠﻴﻬﻢ ..
ﻭﺍﻟﻌﺎﻟﻢ ﻣﺎﺯﺍﻝ ﻳﻤﺎﻃﻞ ..
ﻛﺎﻧﻮﺍ ﻗﺪﺭﻫﻢ ﻳﻀﺮﺑﻮﺍ ﺍﻟﺮﺗﻞ ﻓﻲ ﺍﻟﻄﺮﻳﻖ ...
ﺑﺶ ﺧﻠﻮﻩ ﻟﻴﻦ ﻳﻮﺻﻞ ﺑﻨﻐﺎﺯﻱ ..
ﻭﻫﺎﻟﺤﺎﺟﻪ ﻳﻨﺤﻂ ﺗﺤﺘﻬﺎ ﻣﻴﺔ ﺧﻂ ..
🍁 ﻧﺘﺮﻛﻬﺎ ﻟﺘﻔﻜﻴﺮﻛﻢ ... ﻭﻛﻞ ﻭﺍﺣﺪ ﻭﺷﻦ ﻓﻬﻢ ...
🌴🌴🌴🌴🌴🌴
ﻫﺪﺍﻛﺎ ﺍﻟﻴﻮﻡ ..
ﺍﻏﻠﺐ ﺍﻟﻤﺪﻥ ﺍﻟﻤﺆﻳﺪﻩ ﻟﻠﻨﻈﺎﻡ ﻃﻠﻌﺖ ﻣﺴﻴﺮﺍﺕ ﺍﺣﺘﻔﺎﻻ ﺑﺎﻟﻨﺼﺮ ﺍﻟﻘﺎﺩﻡ ﻟﻠﻘﺎﻳﺪ ..
ﻭﻣﻨﻬﻢ ﻣﺪﻳﻨﻪ ﻫﺎﻧﻴﺒﺎﻝ ...
ﻳﻮﻣﻬﺎ ..
ﻃﻠﻌﻮﺍ ﺳﻌﻴﺪﻩ ﻭﻋﺰﻳﺰﺓ ﻭﻏﺎﻟﻴﻪ ﻭﺣﻤﻴﺪﻩ ﻣﻊ ﺍﻟﻤﺴﻴﺮﺓ ﻭﻫﻤﺎ ﺷﺎﺩﻳﻦ ﻋﻠﻢ ﺍﺧﻀﺮ ﻃﻮﻳﻞ ﺑﻴﻨﺎﺗﻬﻢ ..
🍃 ﺟﻤﻌﻬﻢ ﺍﻟﺘﻮﺟﻪ .. ﻭﻛﺎﻧﻮﺍ ﻓﻌﻼ ﻣﻘﺘﻨﻌﻴﻦ ﺑﺎﻟﻠﻲ ﻳﺪﻳﺮﻭﺍ ﻓﻴﻪ ..
ﻭﻣﺶ ﺗﺒﺮﻳﺮﺍ .. ﺑﺲ ﻳﻌﻨﻲ ﻣﺎﻓﻴﺶ ﻫﺪﺍﻛﺎ ﺍﻟﻔﺮﻕ ﺑﻴﻨﻬﻢ ﻭﺑﻴﻦ ﺍﻟﻠﻲ ﻓﺮﺡ ﺑﺘﺪﺧﻞ ﺍﻟﺘﺤﺎﻟﻒ ...
ﻭﺍﻧﻲ ﻭﺣﺪﻩ ﻣﻨﻬﻢ 🍃
ﻣﺎﺷﻴﻴﻦ ﻫﻤﺎ ﻭﺍﻏﻠﺐ ﻧﺴﺎﺀ ﺍﻟﻤﻨﻄﻘﻪ ﻭﻫﻤﺎ ﻳﺮﺩﺩﻭﺍ ...
ﺍﻟﻠﻪ ... ﻣﻌﻤﺮ .. ﻟﻴﺒﻴﺎ ﻭﺑﺲ ...
ﺑﻌﺪﻳﻦ ..
ﺳﻌﻴﺪﻩ : ﻳﺎﺭﺏ ﻳﺨﻠﺺ ﻛﻞ ﺷﻲ ﻭﺗﺮﺟﻊ ﺍﻟﺒﻼﺩ ﻛﻴﻒ ﻣﺎﻛﺎﻧﺖ ﻭﻧﻜﻤﻠﻮﺍ ﺣﻴﺎﺗﻨﺎ ﻣﻦ ﻏﻴﺮ ﺧﻮﻑ ﻣﻦ ﺍﻟﻠﻲ ﺟﺎﻱ .
ﻏﺎﻟﻴﻪ : ﻳﺎﺭﺏ ﻻﻧﺒﻮﺍ ﺣﺮﻭﺏ ﻭﻻﻣﺸﺎﻛﻞ .. ﺍﻟﺮﺗﻞ ﺍﻟﻠﻲ ﺑﻴﻌﺪﻱ ﻳﺮﺩﻫﺎ ﻣﻦ ﻏﻴﺮﺩﻡ ﺇﻥ ﺷﺎﺀ ﺍﻟﻠﻪ
ﺣﻤﻴﺪﻩ : ﻣﻨﺼﻮﺭ ﺑﺈﺫﻥ ﺍﻟﻠﻪ ..
ﻋﺰﻳﺰﺓ : ﻳﺎﺭﺏ ... ﺍﻟﻠﻪ ﻣﻌﻤﺮ ﻭﻟﻴﺒﻴﺎ ﻭﺑﺲ ..
ﺭﻓﻌﻮﺍ ﺍﻟﻌﻠﻢ ﻣﻊ ﺑﻌﺾ ﻓﻮﻕ ﺭﻭﺳﻬﻢ ﻭﻗﻌﺪﻭﺍ ﻳﻜﺮﺭﻭﺍ ﻓﻲ ﻧﻔﺲ ﺍﻟﻤﻘﻮﻟﻪ ...
🍃 ﻭﻣﺎﺯﺍﻝ ﻣﺎﻳﻌﺮﻓﻮﺵ ﺭﻣﺰﻱ ﻭﻳﻦ ...
ﻉ ﺑﺎﻟﻬﻢ ﻓﻲ ﺗﺮﻫﻮﻧﻪ ﻋﻨﺪ ﺻﺎﺣﺒﻪ ﺯﻱ ﻣﺎﺧﺒﺮﻫﻢ ﻣﺤﻤﺪ
ﻣﺤﻤﺪ ﺍﻟﻠﻲ ﻣﺎﻗﺪﺭﺵ ﻳﻘﻮﻝ ...
ﻭﺗﻮﺍ ﻳﺨﻤﻢ ﻉ ﺃﻋﺼﺎﺑﻪ ﻭﻳﺴﺄﻝ ﻓﻲ ﻧﻔﺴﻪ ﺯﻋﻤﻪ ﺭﻣﺰﻱ ﻣﻊ ﺍﻟﺮﺗﻞ؟؟
ﻟﻴﻪ ﻓﺘﺮﻩ ﻓﺎﻗﺪ ﺍﻹﺗﺼﺎﻝ ﺑﻴﻪ ﻭﻣﺶ ﻋﺎﺭﻑ ﻫﻮ ﻭﻳﻨﻪ ﻭﻻﺷﻦ ﻳﺪﻳﺮ 🍃..
ﺭﻣﺰﻱ ﻛﺎﻥ ﻳﻘﺎﺗﻞ ..
ﻓﻲ ﻣﺼﺮﺍﺗﻪ ....
🍁🍁🍁
2011\3\19
ﺣﺎﺻﺮ ﺑﻨﻐﺎﺯﻱ ...
ﻭﻗﺮﺏ ﻳﺨﺸﻠﻬﺎ ...
ﻭﺍﻟﻨﺎﺱ ﻏﺎﺩﻱ ﺣﺴﺖ ﺍﻥ ﺧﻼﺹ ... ﺭﺧﻲ ﺑﻴﻬﺎ ﺍﻟﻌﺎﻟﻢ ﻛﻠﻪ ..
ﻭﺍﻧﻬﻢ ﺣﻴﻮﺍﺟﻬﻮﺍ ﻣﺼﻴﺮﻫﻢ ﺑﺮﻭﺍﺣﻬﻢ ..
ﻭﻣﺠﺒﻮﺭﻳﻦ ﻳﺪﺍﻓﻌﻮﺍ ﻷﺧﺮ ﺭﻣﻖ ...
ﺑﺄﻗﻞ ﺍﻹﻣﻜﺎﻧﻴﺎﺕ ..
ﺗﺤﺮﻛﻮﺍ " ﻧﺴﻮﺭ ﺍﻟﺠﻮ .."
ﺑﻄﺎﺋﺮﺍﺕ ﻗﺪﻳﻤﻪ ﺣﺎﻭﻟﻮﺍ ﻳﺼﻠﺤﻮﺍ ﻓﻴﻬﺎ ﻉ ﻗﺪ ﻣﺎﻳﻘﺪﺭﻭﺍ ..
ﻭﺗﺼﺪﻭﺍ ﻟﻠﺮﺗﻞ ...
ﺩﺍﺭﻭﺍ ﻭﺍﺟﺒﻬﻢ ... ﻭﺍﺭﺗﻘﺖ ﺍﺭﻭﺍﺣﻬﻢ ﺍﻟﻰ ﺑﺎﺭﻳﻬﺎ ..
ﺑﻌﺪ ﺳﻘﻮﻁ ﻃﺎﺋﺮﺍﺗﻬﻢ ﺍﻟﻤﺘﻬﺎﻟﻜﻪ ...
ﻭﻣﺎﺯﺍﻝ ﺍﻟﺮﺗﻞ ﻉ ﺍﻟﺘﺨﻮﻡ ... ﻣﺎﺧﺸﺶ ...
🍁 ﺍﻧﻘﻌﺪﺕ ﺟﻠﺴﻪ ﺩﻣﻮﻉ ﺍﻟﺘﻤﺎﺳﻴﺢ ..
ﻗﺼﺪﻱ ﻣﺠﻠﺲ ﺍﻻﻣﻦ ..
ﻛﻞ ﺍﻟﻠﻲ ﺍﻟﻜﻼﻡ ﺍﻟﻠﻲ ﺍﻧﻘﺎﻝ ﻓﻴﻬﺎ ...
ﺣﻖ ..
ﻭﻟﻜﻦ ﺍﺭﻳﺪ ﺑﻴﻪ ﺑﺎﻃﻞ ...
🍃 ﻭﻗﺘﻬﺎ ﻣﻜﺎﻧﺶ ﻣﻬﻢ ﻋﻨﺪ ﺍﻟﻨﺎﺱ ﺍﻟﻠﻲ ﺗﺤﺲ ﺑﻨﻐﺎﺯﻱ ﻭﻭﺍﺟﻌﻬﺎ ﺣﺎﻟﻬﺎ ﻏﻴﺮ ﺍﻧﻬﺎ ﺗﻨﺠﻰ ﻭﺑﺲ ﻭﻣﺶ ﻣﻬﻢ ﻛﻴﻒ ﻭﺍﻧﻲ ﻭﺣﺪﻩ ﻣﻨﻬﻢ 🍃
ﻭﺟﺖ ﺍﻟﻠﻴﻠﻪ ﺍﻟﻠﻲ ﻛﺎﻧﺖ ﺍﻃﻮﻝ ﻟﻴﻠﻪ ﻉ ﺍﻟﻠﻴﺒﻴﻦ ﻛﻠﻬﻢ ..
ﺍﻟﻠﻴﻠﻪ ..
ﺍﻟﻠﻲ ﺣﺎﻭﻟﺖ ﺩﻻﻝ ﺗﻘﻌﺪ ﻓﻴﻬﺎ ﻓﺎﻳﻘﻪ ﺑﺶ ﺗﺴﻤﻊ ﺍﻟﻘﺮﺍﺭ ﻣﺘﺎﻉ ﻣﺠﻠﺲ ﺍﻷﻣﻦ ..
ﻟﻜﻦ ﻣﺎﻗﺪﺭﺗﺶ ﺗﻘﺎﻭﻡ ﺍﻟﻨﻮﻡ ﻭﺭﻗﺪﺕ ﻭﻫﻲ ﺗﺮﻗﺪ ﻓﺼﻐﺎﺭﻫﺎ ..
ﻭﻣﺎﻋﻨﺪﻫﺎﺵ ﺍﺩﻧﻰ ﻋﻠﻢ ﺍﻥ ﻋﻤﺎﺭ ﻣﻊ ﺍﻟﺮﺗﻞ ...
ﻟﻴﻪ ﻳﻮﻣﻴﻦ ﻣﺎﻛﻠﻤﻬﺎﺵ ..
ﻭﻫﻲ ﻓﻨﻔﺴﻬﺎ ﻗﺎﻟﺖ ﺍﻛﻴﺪﻩ ﻣﺸﻐﻮﻝ ﻓﻲ ﺍﻟﻘﻴﺎﺩﻩ ..
ﻻﻧﻪ ﺳﺒﻖ ﻭﻃﻤﻨﻬﺎ ﺍﻧﻪ ﻣﺶ ﻣﺎﺷﻲ ﻣﻊ ﺍﻟﺮﺗﻞ 🍃..
ﻗﻌﺪ ﺑﻮﻫﺎ ﻓﺎﻳﻖ ﺑﺲ ..
ﻭﻳﺴﺘﻨﻰ ﻉ ﻧﺎﺭ ...
.....
ﻭﻛﺬﻟﻚ ﺣﻤﻴﺪ ...
ﺍﻟﻠﻲ ﻛﺎﻥ ﻣﻮﺟﻮﺩ ﻓﺤﻮﺷﻪ ﻳﻮﻣﻬﺎ ﻭﻳﺘﺮﻗﺐ ﺑﺨﻮﻑ ..
.....
ﻧﻔﺲ ﺍﻟﺤﺎﻝ ..
ﻋﻨﺪ ﺳﻌﺪ ... ﺍﻟﻠﻲ ﻣﺎﻗﺪﺭﺵ ﻳﺮﻗﺪ ﻻﻫﻮ ﻭﻻ ﻭﻻﺩﻩ ﺑﺶ ﻳﻌﺮﻓﻮﺍ ﻣﺼﻴﺮ ﻋﻤﺎﺩ ..
ﻳﺎﻳﻘﻌﺪ ﻫﺎﺭﺏ ﻃﻮﻝ ﻋﻤﺮﻩ .. ﻳﺎﻳﻜﻮﻥ ﻓﻲ ﺍﻣﻞ ﺍﻧﻪ ﻳﻮﻟﻲ ..
ﺍﻣﺎ ﻛﻔﺎﻳﻪ ﻓﻜﺎﻧﺖ ﺭﺍﻗﺪﻩ ﻫﻲ ﻭﺑﻨﺘﻬﺎ ..
....
ﻋﻜﺲ ﺯﻳﻨﺐ ..
ﺍﻟﻠﻲ ﻛﺎﻧﺖ ﺗﺴﺘﻨﻰ ﻫﻲ ﻭﻋﻴﻠﺘﻬﺎ ﻛﺎﻣﻠﻪ ..
ﻛﻠﻬﻢ ﻳﺘﻤﻨﻮﺍ ﻣﺸﺮﻭﻉ ﺍﻟﻘﺮﺍﺭ ﻳﻔﺸﻞ ..
ﻣﺎﻋﺪﺍ ﺣﻤﺰﺓ ...
🌴🌴🌴🌴🌴🌴🌴🌴🌴
ﻛﺬﻟﻚ ﻫﺎﻧﻴﺒﺎﻝ ﻭﺧﻮﺗﻪ ...
ﻭﺍﻟﻌﻴﻠﻪ ﻛﺎﻣﻠﻪ ﻳﺘﻤﻨﻮﺍ ﻣﺸﺮﻭﻉ ﺍﻟﻘﺮﺍﺭ ﻳﻔﺸﻞ ..
ﺑﺲ ﻫﺎﻧﻴﺒﺎﻝ ﻳﻔﺮﻕ ﻋﻨﻬﻢ ﻓﻲ ﺣﺎﺟﻪ ..
ﺍﻧﻪ ﻣﻦ ﺩﺍﺧﻞ ﻋﺎﻳﺶ ﺻﺮﺍﻉ ﻭﻣﺶ ﻫﺎﻳﻨﻴﻦ ﻋﻠﻴﻪ ﺑﻨﻐﺎﺯﻱ ﻭﻧﺎﺳﻬﺎ .. ﻭﻗﻌﺪ ﻭﺍﻛﻞ ﻫﻢ ﻃﺎﺭﻕ ﻭﻋﻴﻠﺘﻪ ﻫﻠﺒﻪ ..
🍁🍁🍁🍁🍁
ﻣﻘﻌﻤﺰﺓ ﻫﻲ ﻭﺧﻮﺗﻬﺎ ﻳﺘﻔﺮﺟﻮﺍ ﺍﻟﺠﻠﺴﺔ ﺍﻟﻤﻨﻌﻘﺪﻩ ..
ﻣﺮﺍﻡ : ﺣﻴﻮﺍﻓﻘﻮﺍ ﻣﺘﺄﻛﺪﻩ ..
ﺿﻮ : ﻳﺎﺍﺍﺭﺏ ..
ﺻﺎﺑﺮ : ﺍﻳﻪ ﺗﻌﺎﻝ ﻫﻨﻰ ﻛﻴﻒ ﺗﻘﻮﻝ ﺍﻧﺖ ﻣﻊ ﻣﻦ ﻟﻬﺎﻧﻴﺒﺎﻝ ..
ﻣﺮﺍﻡ ﺷﺒﺤﺘﻠﻪ ..
ﺿﻮ : ﻟﻴﺶ ﻭﻳﻦ ﺍﻟﻤﺸﻜﻠﻪ ..
ﺻﺎﺑﺮ : ﻣﺎﺗﺨﺎﻓﺶ ﺍﻧﺖ ..
ﺿﻮ ﺑﺜﻘﻪ : ﻫﺎﻧﻴﺒﺎﻝ ﻟﻮ ﻧﺸﻮﻓﻪ ﺑﻌﻴﻮﻧﻲ ﻣﺎﺷﻲ ﻳﺨﺒﺮ ﻓﻴﺎ ﻧﻜﺬﺑﻬﻦ .. ﻣﺶ ﻫﺎﻧﻴﺒﺎﻝ ﺍﻟﻠﻲ ﻳﺒﻴﻊ ﺻﺤﺎﺑﻪ ﻭﻳﻐﺪﺭ ﺑﻴﻬﻢ ..
ﺻﺎﺑﺮ : ﻭﻗﺘﻨﺎ ﻫﺪﻯ ﻣﺎﻓﻴﻪ ﺻﺤﺎﺏ ..
ﺿﻮ : ﻻﻓﻴﻪ ﻋﻨﺪﻱ ﺍﻧﻲ ..
ﺍﺑﺘﺴﻢ ﺻﺎﺑﺮ ﺑﺘﻬﻜﻢ ﻭﺭﺟﻊ ﺷﺎﻑ ﻟﻠﺘﻠﻔﺰﻳﻮﻥ ..
ﻭﻣﺮﺍﻡ ﻋﻴﻮﻧﻬﺎ ﻓﻲ ﺍﻟﺘﻠﻔﺰﻳﻮﻥ ﻭﻫﻲ ﻣﺒﺘﺴﻤﻪ ..
ﻓﻲ ﻫﺎﻟﻠﺤﻈﻪ .. ﺻﺪﺭ ﺍﻟﻘﺮﺍﺭ ﺑﺎﻟﺤﻈﺮ ﺍﻟﺠﻮﻱ ..
ﺿﻮ : ﺍﻟﻠﻪ ﺍﻛﺒﺮ ..
ﺿﺤﻜﻮﺍ ﻣﺮﺍﻡ ﻭﺻﺎﺑﺮ ...
🍃 ﺍﻳﻪ ﺍﻟﻠﻪ ﺍﻛﺒﺮ ... ﺭﺑﻲ ﻟﻤﺎ ﻳﺒﻲ ﻳﻨﻘﺬ ﻋﺒﺪ ﻣﻦ ﻋﺒﺎﺩﻩ ﻳﺴﺨﺮ ﺣﺘﻰ ﺍﻟﺸﻴﺎﻃﻴﻦ ﻟﻬﺎﻟﻤﻬﻤﻪ 🍃
ﺑﻌﺾ ﺍﻟﻨﻈﺮ ﻋﻦ ﻛﻞ ﺷﻲ ...
ﻛﻠﻪ ﺗﺪﺑﻴﺮ ﺭﺑﺎﻧﻲ ...
ﻭﻣﺎﻟﺪﻭﻝ ﺍﻟﻐﺮﺑﻴﻪ ﻫﺎﺩﻱ ﺍﻻ ﺗﺤﺖ ﻣﻠﻜﻪ ﻣﺶ ﻓﻮﻗﻪ ...
🍃 ﻭﺗﻈﻞ ﻭﺟﻬﺔ ﻧﻈﺮﻱ ... ﺗﺤﺘﻤﻞ ﺍﻟﺨﻄﺄ ﻭﺗﺤﺘﻤﻞ ﺍﻟﺼﻮﺍﺏ 🍃
🍁🍁🍁🍁
ﻃﻮﻝ ﺧﺶ ﺍﻟﺮﺗﻞ ﻻﺣﻴﺎﺀ ﻣﻦ ﺑﻨﻐﺎﺯﻱ ..
ﻭﺍﻟﺪﺑﺎﺑﺎﺕ ﺩﺍﺧﻠﻬﺎ ...
ﻭﻓﻲ ﻧﺎﺱ ﺧﻼﺹ .. ﺳﻠﻤﺖ ﺍﻻﻣﺮ ﺍﻟﻠﻪ ﻭﺣﺴﻮﻫﺎ ﺍﻟﻨﻬﺎﻳﻪ ..
ﻗﺎﻭﻣﻮﺍ ﻉ ﻗﺪ ﻣﺎﻳﻘﺪﺭﻭﺍ ... ﺍﺳﺘﺸﻬﺪﻭﺍ ﻧﺎﺱ ..
ﻭﻛﺎﻧﺖ ﺍﻟﻘﻮﺍﺕ ﺗﺘﻘﺪﻡ ﺍﻛﺜﺮ ﻭﺍﻛﺜﺮ ...
ﻟﻌﻨﺪ ﻣﺎ ...
ﺗﺪﺧﻠﺖ ﻃﺎﺋﺮﺍﺕ ﺳﺎﺭﻛﻮﺯﻱ ..
ﺍﻟﻠﻲ ﺍﻟﻘﺬﺍﻓﻲ ﺻﺮﻑ ﻋﻠﻴﻪ ﻓﻠﻮﺱ ﺍﻟﻠﻴﺒﻴﻦ ﺑﺶ ﻳﻨﺠﺤﻪ ﻓﻲ ﺍﻹﻧﺘﺨﺎﺑﺎﺕ ..
ﺍﻋﺘﺒﺮﻭﻫﺎ ﻃﺮﻓﻪ ..
ﺑﺲ ﺍﻧﻲ ﻧﻘﻮﻝ ﺍﻥ ﺭﺑﻲ ﺍﻧﻘﺪ ﺍﻟﻠﻴﺒﻴﻦ ﺑﻔﻠﻮﺳﻬﻢ .. ﻭﺭﺯﻕ ﺍﻟﺤﻼﻝ ﻳﺮﺟﻊ ﻟﺼﺎﺣﺒﻪ ...
🍃 ﻟﻜﻦ ﻫﺎﻟﻄﺎﺋﺮﺍﺕ ﺍﻟﻠﻲ ﻗﺼﻔﺖ ﺑﺶ ﺗﺤﻤﻲ ﻟﻴﺒﻴﻦ ..
ﺍﺑﺎﺩﺕ ﻟﻴﺒﻴﻦ ﺗﺎﻧﻴﻴﻦ ...
ﻛﻠﻪ ﻣﻨﻪ ...
ﻟﻮ ﺧﻼﻫﺎ ﺳﻠﻤﻴﻪ ﻣﺎﻛﺎﻧﺶ ﺻﺎﺭ ﻫﺪﺍ ﻛﻠﻪ ...
ﻟﻮ ﺑﻨﻲ ﺑﻼﺩﻩ ﻭﺧﺪﻣﻬﺎ ﻣﺎﻛﻨﺎﺵ ﻭﺻﻠﻨﺎ ﻟﻬﺎﻟﺤﺎﻝ ..
41 ﻋﺎﻡ .. ﻏﻴﺮﻩ ﺑﻨﻲ ﻓﻴﻬﻢ ﺍﻣﺒﺮﺍﻃﻮﺭﻳﺎﺕ ...
ﺍﻣﺎ ﻫﻮ ﻛﺎﻥ ﻗﺎﻋﺪ ﻳﺪﻣﺮ ﻣﺶ ﻳﺒﻨﻲ ...
ﻭﺧﺶ ﻓﻲ ﻣﻌﺎﻣﻊ ﻭﺩﺧﻠﻨﺎ ﻣﻌﺎﻩ ﻓﻴﻬﺎ ﻭﺗﺒﻬﺪﻟﻨﺎ ..
ﻭﻭﺯﻉ ﺭﺯﻗﻨﺎ ﻭﺣﻘﻮﻗﻨﺎ ﻉ ﺍﻭﻫﺎﻣﻪ ...
ﻭﺧﻼﻧﺎ ﻧﻮﺻﻠﻮﺍ ﻟﻬﺎﻟﺤﺎﻝ ...
ﻳﻘﻮﻟﻮﺍ ﺍﻟﻘﺬﺍﻓﻲ ﻛﺎﻥ ﻳﺸﻮﻑ ﻓﻲ ﻟﻴﺒﻴﺎ ﺷﻮﻳﻪ ﻋﻠﻴﻪ ...
ﻟﻜﻦ ﻓﻲ ﺍﻟﺤﻘﻴﻘﻪ ﻟﻴﺒﻴﺎ ﻛﺎﻧﺖ ﺍﻛﺒﺮ ﻣﻨﻪ ﺑﻬﻠﺒﻪ ﻫﻠﺒﻪ ...
🍃 ﻟﻴﺒﻴﺎ ﺍﻟﺤﺴﻨﺎﺀ ﺫﺍﺕ ﺍﻟﺤﻆ ﺍﻟﺴﻲﺀ 🍃
🍁🍁🍁🍁🍁🍁🍁
ﺳﺎﻋﺎﺕ ...
ﻭﺍﻟﻘﺼﻒ ﻭﻗﻒ ..
ﺑﻌﺪ ﻣﺎﺩﻣﺮ ﺍﻟﺮﺗﻞ ﻭﺷﺒﻪ ﻣﺴﺤﻪ ..
ﻭﻓﻲ ﻧﺎﺱ ﻭﻟﻌﺖ ﻓﻴﻬﻢ ﺍﻟﻨﺎﺭ ..
ﺍﻫﺎﻟﻲ ﺍﻟﻠﻲ ﻣﺸﻮﺍ ﻣﻊ ﺍﻟﺮﺗﻞ ...
" ﺟﺪﻱ !!! .."
ﻣﺨﺘﺎﺭ ﻭﻫﻮ ﻣﻨﻄﺮﺡ ﻉ ﺍﻟﻜﺮﺳﻲ ﻳﻘﻮﻝ ﺑﺼﻮﺕ ﻣﺘﻌﺐ : ﺍﻥ ﻟﻠﻪ ﻭﺍﻥ ﺍﻟﻴﻪ ﺭﺍﺟﻌﻮﻥ .. ﺷﻬﻴﺪ .. ﺷﻬﻴﺪ ﺑﺈﺫﻥ ﺍﻟﻠﻪ ...
ﻣﺆﻧﺲ ﺑﺼﺪﻣﻪ : ﺧﺎﻟﻲ !!!
ﻣﺨﺘﺎﺭ : ﺷﻬﻴﺪ ﺷﻬﻴﺪ ﺑﺈﺫﻥ ﺍﻟﻠﻪ ..
" ﻋﻤﻲ ﻣﻊ ﺍﻟﺮﺗﻞ .."!!!
ﺍﻟﺘﻔﺖ ﻣﺆﻧﺲ ﻷﻳﻤﻦ ﺍﻟﻠﻲ ﻟﻘﺎﻩ ﻭﺍﻗﻒ ﻣﺼﺪﻭﻡ ﻭﺩﻣﻮﻋﻪ ﺳﻴﻞ ..
ﻣﺆﻧﺲ ﺑﺄﻟﻢ : ﺷﻬﻴﺪ .. ﺑﺈﺫﻥ ﺍﻟﻠﻪ ..
ﺍﻳﻤﻦ ﺑﺼﺪﻣﻪ : ﺍﻳﻪ ... ﺍﻳﻪ .. ﺷﻬﻴﺪ ...
🍃 ﺍﻟﺨﺒﺮ ﻭﺻﻞ
ﻟﻜﺎﻣﻠﻪ ..
ﺍﻟﻠﻲ ﻓﻘﺪﺕ ﺍﻟﻮﻋﻲ ﺍﻭﻝ ﻣﺎﺳﻤﻌﺖ ...
ﻭﺧﻮﺍﺗﻪ ﻗﺮﻳﺐ ﻫﺒﻠﻮﺍ ...
ﻓﻲ ﻣﺼﺮ ...
ﻫﻨﺪﺍ ﺑﻌﻴﺎﻁ : ﻳﺎﻭﻳﻠﻲ ﻳﺎﻭﻳﻠﻲ ﻳﺎﻧﺎ ﻋﻠﻴﺎ ﻳﺎﻭﻳﻠﻲ ... ﺷﺒﺤﺖ ﻟﺼﻐﺎﺭﻫﺎ .. ﺗﻘﺰﻧﺘﻮﺍ ﻣﺮﺗﻴﻦ ﻣﺮﺗﻴﻦ ...
ﺍﻟﺘﻮﺃﻡ ﻛﺎﻧﻮﺍ ﻳﺒﻜﻮﺍ ...
ﻭﺧﻮ ﻫﻨﺪﺍ ﻭﻣﺮﺗﻪ ﻛﺎﻧﻮﺍ ﻳﺤﺎﻭﻟﻮﺍ ﻳﻬﺪﻭﻫﺎ ﻭﻫﻲ ﺗﻌﻴﻂ ﻭﺗﻨﺪﺏ ..
🍁🍁🍁🍁
ﻃﺮﺍﺑﻠﺲ ..
ﻓﻲ ﺍﻟﻤﺮﺑﻮﻋﻪ ...
ﻛﻴﻒ ﻋﺮﻓﺘﻮﺍ؟ ............ ﻻﺣﻮﻝ ﻭﻻﻗﻮﺓ ﺍﻻ ﺑﺎﻟﻠﻪ ... ﻻﺣﻮﻝ ﻭﻻﻗﻮﺓ ﺍﻻﺑﺎﻟﻠﻪ ... ﻋﻈﻢ ﺍﻟﻠﻪ ﻟﻜﻢ ﺍﻻﺟﺮ ...
ﺧﺸﺖ ﻋﻠﻴﻪ ﻣﺮﺗﻪ ﻭﻫﻲ ﺗﺴﻤﻊ ﻓﻴﻪ ﻳﺤﻮﻗﻞ ..
ﻗﻠﺒﻬﺎ ﺍﻧﻘﺒﺾ ...
ﻫﻮ ﺷﺎﻓﻬﺎ .. ﻏﻤﺾ ﻋﻴﻮﻧﻪ ﺑﺸﺪﻩ ..
ﻧﻌﻴﻤﻪ ﺧﺒﻄﺖ ﺑﻴﺪﻫﺎ ﻉ ﺻﺪﺭﻫﺎ ﺑﻘﻮﺓ ..
ﻓﻲ ﺍﻟﻜﻮﺟﻴﻨﻪ ..
ﻛﺎﻧﺖ ﺩﻻﻝ ﺍﺩﻳﺮ ﻓﻲ ﻣﺮﺿﻌﻪ ﻟﻮﻟﺪﻫﺎ ...
ﺷﺒﺤﺖ ﺣﻮﺍﻟﻴﻬﺎ .. ﻟﻘﺖ ﺷﻜﺎﺭﺓ ﻓﻴﻬﺎ ﺗﻔﺎﺡ ..
ﻓﻜﺮﺕ ﺍﺩﻳﺮ ﻛﻴﻜﺔ ﺗﻔﺎﺡ ..
ﻣﺸﺖ ﺑﺘﻘﻮﻝ ﻷﻣﻬﺎ ﻋﻠﻴﻬﺎ ..
ﻃﻠﻌﺖ ﻣﻦ ﺍﻟﻜﻮﺟﻴﻨﻪ ﻭﻫﻲ ﺗﺨﺾ ﻓﻲ ﺍﻟﺮﺿﺎﻋﻪ ..
ﻭﻫﻲ ﻣﺎﺷﻴﻪ ﻟﻤﺤﺖ ﺍﻣﻬﺎ ﻭﺑﻮﻫﺎ ﻓﻲ ﺍﻟﻤﺮﺑﻮﻋﻪ ﻳﺘﻨﺎﻗﺸﻮﺍ ﻭﺻﻮﺗﻬﻢ ﻋﺎﻟﻲ ..
ﻣﺸﺖ ﻃﻮﻝ ﻟﻠﻤﺮﺑﻮﻋﻪ ..
ﻧﻌﻴﻤﻪ : ﺣﻲ ﻋﻠﻴﺎ ﻛﻴﻒ ﻧﺪﻳﺮ ﺣﻲ ..
ﻋﺒﺪﺍﻟﺴﻼﻡ ﺑﺄﻟﻢ : ﻣﺶ ﻋﺎﺭﻑ ﻛﻴﻒ ﺑﻨﻘﻮﻟﻠﻬﺎ ﻛﻴﻒ ..
" ﺷﻨﻲ !! ؟ "
ﺷﺒﺤﻠﻬﺎ ﺑﻮﻫﺎ ﺑﺼﺪﻣﻪ ..
ﻭﺍﻣﻬﺎ ﺍﻟﺘﻔﺘﺖ ﻭﻋﻴﻮﻧﻬﺎ ﻣﺘﻮﺳﻌﺎﺕ ﻭﺗﻨﺰﻝ ﻣﻨﻬﻢ ﺍﻟﺪﻣﻮﻉ ...
ﺩﻻﻝ ﺑﺼﻮﺕ ﻳﺮﺟﻒ : ﺗﻜﻠﻤﻮﺍ ﻗﻮﻟﻮﺍ .. ﺷﻨﻮ .. ﻣﻨﻲ .. ﻗﻮﻟﻮﺍ ﻣﻦ .. ﻣﻨﻲ ..
ﻗﻌﺪﻭﺍ ﺳﺎﻛﺘﻴﻦ ﻣﺶ ﻗﺎﺩﺭﻳﻦ ﻳﻨﻄﻘﻮﺍ ..
ﻗﺎﻟﺖ ﺑﺼﻮﺕ ﻣﺨﻨﻮﻕ : ﻋﻤﺎ .. ﺭ !
ﺍﻣﻬﺎ ﺍﻧﻬﺎﺭﺕ ﺑﺎﻟﺒﻜﻲ ..
ﺑﻮﻫﺎ ﺑﺄﻟﻢ : ﺷﻬﻴﺪ ﺇﻥ ﺷﺎﺀ ﺍﻟﻠﻪ ...
ﺣﺴﺖ ﺍﻟﺪﻧﻴﺎ ﻟﻔﺖ ﺑﻴﻬﺎ ..
ﻗﻌﺪﺕ ﺗﺸﻮﻓﻠﻬﻢ ﻭﻫﻲ ﺭﺍﻓﻌﻪ ﺣﻮﺍﺟﺒﻬﺎ ...
ﻗﺎﻟﺖ : ﻫﻴﺎ ... ﻻﺯﻡ ﻧﻮﺽ ﺗﻮﺍ ... ﺍﻟﺤﻠﻢ ﻣﺘﺎﻉ ﻛﻞ ﻟﻴﻠﻪ ... ﺩﻳﻤﺎ ﻧﻮﺽ ﻣﻨﻪ ﻟﻤﺎ ﻳﻘﻮﻟﻮﺍ ﻋﻤﺎﺭ ﻣﺎﺕ ...
ﻫﻴﺎ ... ﻧﺒﻲ ﻧﻮﺽ ﻫﻴﺎ ..
ﺑﻮﻫﺎ ﺍﻧﺼﺪﻡ ..
ﻭﺍﻣﻬﺎ ﺗﺸﻮﻓﻠﻬﺎ ﻭﻫﻲ ﺗﺒﻜﻲ ..
ﻟﻮﺣﺖ ﺍﻟﻤﺮﺿﻌﻪ ..
ﻭﻣﺸﺖ ﺗﺠﺮﻱ ﻷﻣﻬﺎ ﺷﺪﺗﻬﺎ ﻭﻗﻌﺪﺕ ﺗﻬﺰ ﻓﻴﻬﺎ : ﻧﻮﺿﻴﻨﻲ ﻧﻮﺿﻴﻴﻲ ... ﻣﺎﺍﺍﺍﺍﺍﻣﺎ ﻧﻮﺿﻴﻨﻲ ... ﺣﺮﺍﻡ ﻋﻠﻴﻚ ﻳﺎﻣﺎﺍﺍﻣﺎ ﻧﻮﺿﻴﻨﻲ ..
ﻋﺒﺪﺍﻟﺴﻼﻡ ﺑﺼﺪﻣﻪ : ﺩﻻﻝ !!
ﺷﺒﺤﺘﻠﻪ ﻭﻃﻠﻘﺖ ﺍﻣﻬﺎ : ﻧﻮﺿﻨﻲ ﺍﻧﺖ ﺑﺎﻫﻲ ....
ﻧﻮﺿﻨﻲ ...
ﺑﻮﻫﺎ ﻳﺮﻋﺶ ﻣﻊ ﺑﻌﻀﻪ ..
ﻗﺎﻟﺖ ﺑﻌﻴﺎﻁ : ﻧﻮﺿﻮﻭﻭﻭﻧﻲ ... ﻧﻮﺿﻮﻭﻭﻭﻭﻧﻲ ...
ﻟﻔﺖ ﻭﻃﻠﻌﺖ ﺗﺠﺮﻱ ..
ﻭﺑﻮﻫﺎ ﻭﺍﻣﻬﺎ ﻭﺭﺍﻫﺎ ...
ﺗﺠﺮﻱ ﻭﺗﻘﻮﻝ ﻧﻮﺿﻮﻧﻲ ..
ﻃﻠﻌﺖ ﻣﻦ ﺍﻟﺒﺎﺏ ﺍﻟﺪﺧﻼﻧﻲ ...
ﻭﻫﻲ ﺗﻌﻴﻂ ...
ﻧﻮﺿﻮﻭﻭﻭﻭﻧﻲ .... ﻳﺎﻧﺎﺍﺍﺍﺍﺍﺱ ..
ﺷﺪﻫﺎ ﺑﻮﻫﺎ ...
ﻭﻫﻲ ﺗﻌﻴﻂ ... ﻧﻮﺿﻮﻭﻭﻭﻧﻲ ﻳﺎﻋﺎﺍﺍﺍﺍﻟﻢ ...
ﻗﻌﺪﺕ ﺗﺤﺎﻭﻝ ﺗﻔﻠﺖ ﻧﻔﺴﻬﺎ ﻣﻦ ﺑﻮﻫﺎ ...
ﻭﺑﻮﻫﺎ ﻳﺒﻜﻲ ... ﻭﻳﺸﺪ ﻓﻴﻬﺎ ﻭﻫﻮ ﻳﻘﻮﻝ : ﻭﺣﺪﻱ ﺍﻟﻠﻪ .. ﻭﺣﺪﻱ ﺍﻟﻠﻪ ﻳﺎﺑﺎﺑﺎ ..
ﺩﻻﻝ : ﺍﺍﺍﺍﺍﺍﺍﺍﺍﺍﺍﻩ ... ﺍﺍﺍﺍﺍﺍﺍﺍﺍﺍﺍﻩ ..
ﻭﻧﻌﻴﻤﻪ ﺗﺒﻜﻲ ﺑﺎﻟﻌﺒﺮﺓ ..
ﺩﺍﺧﻞ
ﻧﻮﺭ ﻣﺼﻜﺮﻩ ﻉ ﺭﻭﺣﻬﺎ ﻭﺷﺎﺩﻩ ﺍﻟﺼﻐﺎﺭ ﺍﻟﻠﻲ ﻛﺎﻧﻮﺍ ﻳﺒﻜﻮﺍ ﻭﻫﻲ ﺗﺤﺎﻭﻝ ﺗﺴﻜﺘﻬﻢ ﻭﺗﺒﻜﻲ ...
ﻳﺎﺍﺍﺍﺍﺍﺍﺍﺍﺍﺍﺍﺭﺑﻲ ... ﻳﺎﺍﺍﺍﺍﺍﺍﺍﺍﺭﺑﻲ ... ﺧﻮﺩ ﺭﻭﻭﻭﺣﻲ ﻳﺎﺍﺍﺍﺍﺍﺭﺑﻲ ﺍﺭﻓﻌﻨﻲ ﻟﻴﻪ ﻳﺎﺍﺍﺍﺍﺍﺍﺭﺑﻲ ﻣﺎﻧﺒﻴﺶ ﻧﻌﻴﺶ ﻳﺎﺍﺍﺍﺭﺑﻲ ﻣﻌﺎﺍﺍﺵ ﻧﺒﻲ ..
ﺑﻮﻫﺎ ﺣﻀﻨﻬﺎ ﺑﻜﻞ ﻗﻮﺓ ...
ﻭﻫﻲ ﺍﻧﻬﺎﺭﺕ ﺑﺎﻟﺒﻜﻲ ﻓﺤﻀﻨﻪ ﻭﻫﻮ ﻳﺒﻜﻲ ﻣﻌﺎﻫﺎ ...
> ﻋﻤﺎﺭ : ﺷﻨﻮ ﺣﺎﻟﻚ ﻳﺎﺩﻟﻮﻟﻪ ..
ﺩﻻﻝ ﺑﺤﺪﻩ : ﺩﻻﻝ <<
> ﻋﻤﺎﺭ : ﺗﻌﻄﻴﻨﻲ ﻓﺮﺻﻪ ﻧﺘﻜﻠﻢ ..
ﺩﻻﻝ : ﻻ ..
ﻋﻤﺎﺭ ﺍﺑﺘﺴﻢ ﻭﻭﺯﻉ ﻧﻈﺮﻩ ﻉ ﺍﻟﻤﻜﺎﻥ ﺑﻌﺪﻳﻦ ﺷﺒﺤﻠﻬﺎ ﻭﻗﺎﻝ : ﺍﻧﺘﻲ ﺷﺨﺼﻴﺘﻚ ﺩﻳﻤﺎ ﻫﻜﻲ ﺣﺎﺩﻩ .. ﻭﻻﻏﻴﺮ ﻣﻌﺎﻱ ﺍﻧﻲ ...
ﺩﻻﻝ : ﺣﺎﺩﻩ ﻣﻌﺎﻙ ﻭﻣﻊ ﺍﻟﻠﻲ ﺯﻳﻚ ..
ﺿﺤﻚ ﻋﻤﺎﺭ : ﺍﻧﻲ ﻭﺍﻟﻠﻪ ﻣﺎﻧﻲ ﻋﺎﺭﻑ ﺍﻟﻔﻜﺮﺓ ﺍﻟﺴﻮﺩﺍ ﺍﻟﻠﻲ ﻭﺍﺧﺪﺗﻴﻬﺎ ﻋﻨﻲ ﺷﻦ ﺷﻜﻠﻬﺎ ﻭﻻ ﻟﻴﺶ ﻭﺍﺧﺪﻳﺘﻬﺎ ﺍﺻﻼ ..
ﺩﻻﻝ ﺑﺤﺰﻡ : ﺍﺳﻤﻊ ... ﺍﻧﻲ ﻻﻧﺒﻲ ﻧﺎﺧﺪ ﻋﻨﻚ ﻓﻜﺮﻩ .. ﻭﻻﻧﺒﻲ ﻧﺎﺧﺪ ﻭﻧﻌﻄﻲ ﻣﻌﺎﻙ ﻭﻻﻧﺒﻲ ﺍﺻﻼ ﻧﺸﻮﻓﻚ .. ﻫﻲ ﻛﻠﻤﻪ ﻭﺣﺪﻩ ﺑﺲ .. ﺍﻧﻲ ﻣﺴﺘﺤﻴﻞ ﻧﻘﺒﻞ ﺑﻴﻚ ﻟﻮ ﺷﻨﻲ ﺍﺩﻳﺮ ...
ﻋﻤﺎﺭ ﺣﻂ ﺍﻳﺪﻳﻪ ﻭﺭﺍ ﻇﻬﺮ ﻭﺗﺒﺪﻟﺖ ﻣﻼﻣﺢ ﻭﺟﻬﻪ ﻟﻠﺠﺪﻳﻪ : ﺍﻟﺴﺒﺐ ..
ﺩﻻﻝ ﺿﺤﻜﺖ ﺑﺘﻬﻜﻢ : ﺳﺒﺐ !! ﻗﻮﻟﻲ ﺍﺳﺒﺎﺍﺍﺏ ... ﻭﺍﺳﺒﺎﺍﺍﺏ ..
ﻋﻤﺎﺭ : ﻟﻮ ﻉ ﺣﻜﺎﻳﻪ ﺍﻧﻲ ﻣﺰﻭﺝ ﻗﺒﻠﻚ ﻓﺄﻧﺘﻲ ﻓﺎﻫﻤﻪ ﺧﻄﺎ ﻭﻻﺯﻡ ﻧﺸﺮﺣﻞ ..
ﺩﻻﻝ ﻭﻫﻲ ﺍﺷﺮ ﺑﺈﻳﺪﻳﻬﺎ :✋ ﻣﺎﻋﻨﺪﻙ ﻣﺎﺗﺸﺮﺣﻠﻲ ... ﻧﺰﻟﺖ ﻳﺪﻫﺎ .. ﻭﻣﺎﻧﺒﻴﻜﺶ ﺗﺸﺮﺣﻠﻲ .. ﺍﻧﻲ ﻭﺍﻧﺖ ﻣﺴﺘﺤﻴﻞ ﻳﺼﻴﺮ ﻣﻨﺎ .. ﺍﻧﺖ ﺷﻲ .. ﻭﺍﻧﻲ ﺷﻲ ﺗﺎﺍﺍﻧﻲ ... ﻧﺼﻴﺤﻪ .. ﺑﺮﺍ ﺩﻭﺭ ﻉ ﻭﺣﺪﻩ ﺗﻨﺎﺳﺒﻚ ﻣﻦ ﺟﻤﻴﻊ ﺍﻟﻨﻮﺍﺣﻲ ... ﻭﺣﺪﻩ ﻣﻦ ﺟﻴﻠﻚ ﻭﺗﻔﻜﻴﺮﻙ .. ﺗﺮﺿﻰ ﺑﻮﺿﻌﻚ .. ﺍﻣﺎ ﺍﻧﻲ ﻓﺼﺪﻗﻨﻲ ﻣﺴﺘﺤﻴﻞ ﻧﻜﻮﻥ ﻟﻴﻚ ﻭﻻﺑﺄﻱ ﺷﻜﻞ ... ﻹﻥ ﻭﺑﺒﺴﺎﻃﻪ .. ﻣﺶ ﺍﻧﺖ ﺍﻟﺸﺨﺺ ﺍﻟﻠﻲ ﻧﺤﻠﻢ ﻧﻜﻤﻞ ﺣﻴﺎﺗﻲ ﻣﻌﺎﻩ ... ﺭﻓﻌﺖ ﺣﻮﺍﺟﺒﻬﺎ ﻭﻗﺎﻟﺖ .. ﻭﺻﻠﺖ !!
ﺣﻮﻝ ﺍﻳﺪﻳﻪ ﻣﻦ ﻭﺭﺍ ﻇﻬﺮﻩ ﻭﻗﺎﻝ ﻭﻫﻮ ﻳﺤﺮﻙ ﻓﻴﺪﻩ ﺍﻟﻠﻲ ﻓﻴﻬﺎ ﺍﻟﻨﻈﺎﺭﺓ : ﻛﻞ ﺍﻟﻠﻲ ﻗﻠﺘﻴﻪ ﺗﻮﺍ ... ﻟﺒﺲ ﻧﻈﺎﺭﺍﺗﻪ ﻭﻗﺎﻝ ﺑﻨﺒﺮﺓ ﻣﺘﻜﺒﺮﺓ ... ﻗﻄﺎﺍﻑ ... ﻭﺣﻖ ﻣﻦ ﺧﻠﻘﻚ ﻣﺎﻓﻲ ﻭﺍﺣﺪ ﻣﻜﻤﻠﻪ ﻣﻌﺎﻩ ﺣﻴﺎﺗﻚ ﻏﻴﺮﻱ .. ﻫﻲ ﻓﺄﻣﺎﻥ ﺍﻟﻠﻪ .. <<
> ﻟﻴﺶ ﻛﺎﺭﻫﺘﻴﻨﻲ ﻫﻜﻲ ... ﺷﻦ ﺭﻳﺘﻲ ﻣﻨﻲ ﻗﻮﻟﻴﻠﻲ ... ﻣﺤﻼﻙ ﻣﻨﻴﻦ ﻛﻨﺘﻲ ﺍﻟﺪﻟﻮﻟﻪ ﺍﻟﺼﻐﻴﺮﺓ ﺍﻟﻠﻲ ﻣﻨﻴﻦ ﺗﺸﻮﻑ ﻋﻤﺎﺭ ﺗﺠﻴﻪ ﺟﺮﻱ ... ﻛﻨﺘﻲ ﺗﺤﺒﻲ ﺗﻘﻌﻤﺰﻱ ﻉ ﻛﺮﺍﻋﻲ ﻫﺪﻱ .. ﻭﺣﻂ ﻳﺪﻩ ﻉ ﻓﺨﺪﻩ ... ﻛﻨﺖ ﺗﻠﻌﺒﻲ ﻣﻌﺎﻱ ﻭﺗﻐﻨﻲ ﻣﻌﺎﻱ .. ﺣﺘﻰ ﻣﻦ ﺷﻌﺮﻙ ﺑﺈﻳﺪﻳﺎ ﻇﺎﻓﺮﻩ ....
ﺧﺪﻳﺘﻲ ﻗﻠﺒﻲ ﻣﻦ ﺻﻐﺮﻙ ... ﻭﻭﻳﻦ ﻛﺒﺮﺗﻲ ﺳﻠﺒﺘﻲ ﻣﻨﻲ ﻋﻘﻠﻲ ﻭﺭﺍﺣﺘﻲ ﻭﻫﻨﺎﻱ ... ﻓﻌﻤﺮﻱ ﻣﺎﺭﻳﺖ ﻗﺴﻮﺓ ﻣﻦ ﺣﺪ ﻛﻴﻒ ﻣﺎﺭﻳﺘﻬﺎ ﻣﻨﻚ ....
ﺩﻻﻝ .... ﺩﻟﻮﻟﻪ .... ﻭﺣﻖ ﻣﻦ ﺧﻠﻖ ﺍﻟﺤﻖ ... ﻣﺎﺣﺘﻠﻘﻲ ﺑﻨﺎﺩﻡ ﻓﻲ ﺍﻟﺪﻧﻴﺎ ﻳﺤﺒﻚ ﻛﻴﻒ ﻣﺎﺍﻧﻲ ﻧﺤﺒﻚ .... ﻭﻣﺶ ﺣﺘﻨﺪﻣﻲ ﻟﻠﺤﻈﻪ ﺍﻧﻚ ﺍﺗﺰﻭﺟﺘﻴﻨﻲ <<..
> ﺷﺪ ﻭﺟﻬﻬﺎ ﺑﺈﻳﺪﻳﻪ ﻭﻗﺎﻝ ....
❣ ﻛﻠﻤﺔ ﻧﺤﺒﻚ ﻧﺎﻗﺼﻪ ﻓﻲ ﺷﺎﻧﻚ
ﻳﺎﺑﺪﺭ ﻓﻲ ﻟﻴﻠﻲ ﺭﻗﺎ ﻭﺗﻌﻼ
ﺍﻧﺤﺒﻚ ﺍﻧﺤﺒﻚ ﻭﺍﻟﺰﻣﺎﻥ ﺯﻣﺎﻧﻚ
ﺍﻧﻤﻮﺕ ﻓﻴﻚ ﻳﺎﻏﺎﻟﻲ ﻭﺣﺎﻟﻒ ﺑﺎﻟﻠﻪ .. <<
🍃 ﻭﻗﻌﺪ ﺷﺮﻳﻂ ﺍﻟﺬﻛﺮﻳﺎﺕ ﻳﻤﺮ ﻗﺪﺍﻣﻬﺎ ﻛﻠﻪ ...
ﺑﻜﻞ ﺗﻔﺎﺻﻴﻠﻪ ....
ﺍﻛﺜﺮ ﺷﻲ ﻗﻌﺪ ﻳﺘﺮﺩﺩ ﻓﻲ ﻋﻘﻠﻬﺎ ..
ﺍﺻﻮﺍﺗﻬﻢ ﻭﻫﻤﺎ ﻳﻐﻨﻮﺍ ..
ﺍﻧﺖ ﻭﺑﺲ ﺣﺒﻴﺒﻲ ﺍﻟﻮﻓﻲ ﺣﺒﻴﺒﻲ ﺍﻟﻮﻓﻲ ..
ﺍﻧﺖ ﻭﺑﺲ ﺍﻟﻐﺎﻟﻲ ﻋﻠﻲ ﺍﻟﻐﺎﻟﻲ ﻋﻠﻲ ...
ﺍﺫﻛﺮﺕ ﺍﺧﺮ ﻣﺮﺓ ﻏﻨﻮﻫﺎ ﻣﻊ ﺑﻌﺾ ﻓﻲ ﺍﻟﺴﻴﺎﺭﺓ ...
ﺍﻟﺴﻴﺎﺭﺓ ﺍﻟﻠﻲ ﺍﺫﻛﺮﺕ ﻛﻴﻒ ﺷﺒﺤﺘﻠﻬﺎ ﻣﻦ ﻓﻮﻕ ﺍﻟﺴﻄﺢ ﻭﻫﻲ ﺗﻤﺸﻲ ..
ﺣﺴﺖ ﻭﻗﺘﻬﺎ ﺍﻧﻬﺎ ﻣﺶ ﺣﺘﺮﺟﻊ ..
ﺩﻓﺖ ﺑﻮﻫﺎ ...
ﻭﺧﺸﺖ ﺩﺍﺧﻞ ﻭﻫﻲ
ﺗﻌﻴﻂ ﻭﺗﻘﻮﻝ : ﺑﻨﻔﺮﺭﺭﺭﺭﺭ ... ﺑﻨﻔﺮﺭﺭﺭﺭﺭﺭ ..
ﻭﺑﻮﻫﺎ ﻭﺍﻣﻬﺎ ﻳﺸﻮﻓﻮﻟﻬﺎ ﻭﻳﺒﻜﻮﺍ ..
ﻭﻗﻔﺖ ﻭﻗﺎﻟﺖ ﻭﻫﻲ ﺣﺎﻃﻪ ﺍﻳﺪﻫﺎ ﻉ ﺻﺪﺭﻫﺎ ﻭﻗﺎﻟﺖ " ﻳﺎﺍﺍﺍﺍﺍﺍﺭﺑﻲ ﻳﺎﺍﺍﺍﺍﺭﺑﻲ ... ﺧﻮﺩﻧﻲ ﻭﺭﻳﺤﻨﻲ ﺭﻳﻴﺤﻨﻲ ..
ﻭﻗﻌﺪﺕ ﺗﺨﺒﻂ ﻉ ﻭﺟﻬﻬﺎ ﻟﻴﻦ ﻭﻻ ﻣﻜﺎﻧﺎﺕ ﺻﻮﺍﺑﻌﻬﺎ ﻉ ﺧﺪﻭﺩﻫﺎ ﺩﻡ ..
ﺑﻮﻫﺎ ﻭﺍﻣﻬﺎ ﻗﺪﻣﻮﻟﻬﺎ ﻳﺠﺮﻭﺍ ..
ﻭﺷﺪﻭﻫﺎ ...
ﻭﻫﻲ ﺗﻌﻴﻂ ﻭﺗﻘﻮﻝ : ﺧﻠﻮﻧﻲ ﻧﻨﺪﺏ .. ﺧﻠﻮﻧﻲ ﻧﻌﻴﻂ ﺧﻠﻮﻧﻲ ... ﺧﻠﻮﻧﻲ ﻧﻌﻴﻂ ﻉ ﺭﻭﺣﻲ ﺍﻟﻠﻲ ﺭﺍﺣﺖ ﺧﻠﻮﻧﻲ ﻧﻨﺪﺏ ﻉ ﻋﻤﺮﻱ ﻣﻦ ﺑﻌﺪﻩ ﺧﻠﻮﻭﻧﻲ ...
ﻓﺸﻠﺖ ..
ﺧﻠﻮﻭﻭﻧﻲ ...
ﻃﺎﺣﺖ ﻉ ﺭﻛﺎﺑﻬﺎ ..
ﺧﻠﻮ ... ﻧﻲ ..
ﻭﻃﺎﺣﺖ ﻓﻲ ﺣﻀﻦ ﺑﻮﻫﺎ ﻓﺎﻗﺪﻩ ﺍﻟﻮﻋﻲ ..
🍃 ﺍﻟﻠﻪ ﻗﺪﺍﺵ ﻛﺎﻥ ﻓﻲ ﺩﻻﻝ ﻓﻬﺪﺍﻛﺎ ﺍﻟﻴﻮﻡ .. ﻭﻗﺪﺍﺵ ﻓﻲ ﻛﺎﻣﻠﻪ .. ﻭﻗﺪﺍﺵ ﻓﻲ ﻣﻌﻤﺮ ﻭﺟﻮﺍﺩ ..
ﺁﺍﺍﺍﺍﻩ ﻭﺧﻼﺹ ... ﺍﺍﺍﺍﺍﻩ 🍃...
🍁🍁🍁🍁🍁🍁
ﺳﻤﻌﻮﺍ ﻋﻴﻠﺔ ﺍﻟﺤﺎﺝ ﺭﻣﻀﺎﻥ ..
ﻓﺎﻃﻤﻪ ﺍﻟﺨﺒﺮ ﺻﻤﺘﻬﺎ ..
ﺯﻱ ﻣﺎﺻﻤﺖ ﺻﻐﺎﺭﻫﺎ ﻛﻠﻬﻢ ...
ﻏﺎﻟﻴﻪ ﺗﺒﻜﻲ ﻭﺗﻘﻮﻝ
" ﻳﺎﻏﺒﻴﻨﻲ ﻉ ﺩﻻﻝ ﻭﺻﻐﻮﻳﺮﺗﻬﺎ .."
ﻫﺎﻧﻴﺒﺎﻝ ﺻﺪﻣﺘﻪ ﻛﺎﻧﺖ ﻗﻮﻳﻪ ...
ﺑﺲ ﻣﺤﻤﺪ ﺻﺪﻣﺘﻪ ﺍﻗﻮﻯ .. ﻷﻧﻪ ﺣﺲ ﺍﻥ ﺭﻣﺰﻱ ﻛﺎﻥ ﻣﻮﺟﻮﺩ ﻣﻊ ﺍﻟﺮﺗﻞ ....
ﻟﻤﺎ ﺍﻧﻀﺮﺏ ﺍﻟﺮﺗﻞ ﻣﺤﻤﺪ ﺧﺶ ﻓﻲ ﺣﺎﻟﻪ ﻧﻔﺴﻴﻪ ..
ﻗﻌﺪﺕ ﻳﻤﺸﻲ ﺑﺴﻴﺎﺭﺗﻪ ﻭﻳﺪﻭﺭ ﻓﻲ ﺍﻟﻄﺮﻕ ﻭﻳﺒﻜﻲ ﻭﻣﺶ ﻋﺎﺭﻑ ﻛﻴﻒ ﺑﻴﺘﻜﻠﻢ ﻭﻻ ﺷﻦ ﺑﻴﻘﻮﻝ ..
ﻭﺣﺘﻰ ﺗﻮﺍ ﻣﺶ ﻗﺎﺩﺭ ﻳﺘﻜﻠﻢ ... ﻷﻧﻪ ﻣﺎﺯﺍﻝ ﻣﺶ ﻣﺘﺄﻛﺪ
ﻣﺎﻳﺒﻴﺶ ﻳﺨﻠﻲ ﺍﻟﻔﺎﺟﻌﻪ ﺍﺗﻨﻴﻦ ..
🍃 ﺍﻟﻜﻞ ﺗﻮﺟﻪ ﻟﺴﺮﺕ ...
ﻭﻛﺎﻥ ﺍﻟﻌﺰﻱ ﻏﺎﺩﻱ ..
ﺑﻼﺩ ﺩﻓﻦ ﻭﻻﺟﻨﺎﺯﺓ ...
ﺍﻣﻪ ﻭﻣﺮﺗﻪ ﻛﻴﻒ ﻫﺒﻠﻮﺍ ...
ﻛﺎﻣﻠﻪ ﺍﻟﻠﻲ ﻛﺎﻧﺖ ﺻﺎﺑﺮﺓ ﻓﻲ ﻣﻮﺗﺔ ﻣﺤﻤﻮﺩ ﻋﺰﻣﻬﺎ ﺭﺍﺡ ﻣﻊ ﻋﻤﺎﺭ ..
ﺧﻼﺹ ... ﻫﻤﺎ ﻫﺎﻟﻮﻟﺪﻳﻦ ﻭﺭﺍﺣﻮﺍ ﻓﻲ ﻋﺰ ﺷﺒﺎﺑﻬﻢ ..
ﻣﺎﺑﻌﺪﻫﺎ 💔
ﺍﻟﻜﻞ ﺗﺄﻟﻢ ﺗﻮﺟﻊ ﺍﻧﻘﻬﺮ ...
ﻓﺎﺟﻌﻪ ﻛﺒﻴﺮﺓ ..
🍁🍁🍁🍁🍁
ﻣﺼﺮﺍﺗﻪ ...
ﺑﻌﺪ ﺍﻟﻘﺼﻒ ﺍﻟﻌﻨﻴﻒ ..
ﺧﺸﻮﺍ ﺍﻓﺮﺍﺩ ﺍﻟﻜﺘﺎﻳﺐ ﻉ ﺣﻴﺎﺵ ﺍﻟﻨﺎﺱ ﺍﻟﻤﻌﺎﺭﺿﻪ ﻭﻗﺘﻠﻮﺍ ﻫﻠﺒﻪ ﻣﻨﻬﻢ ﻗﺪﺍﻡ ﺍﻫﺎﻟﻴﻬﻢ ﺑﺪﻭﻥ ﻻﺭﺣﻤﻪ ﻭﻻﺷﻔﻘﻪ ..
ﻭﻓﻲ ﺍﻟﻠﻲ ﻣﺸﻄﻮﺍ ... ﻭﻣﺎﺧﻠﻮﺍ ﺍﻟﺸﻲ ...
" ﻣﺴﺘﺤﻴﻞ .."
: ﺗﻲ ﻏﻴﺮ ﻋﺪﻱ ﻳﺎﺭﺍﺟﻞ ﺧﻮﺩ ﻣﺎﻛﺘﺐ ﺍﻟﻠﻪ ..
ﺭﻣﺰﻱ : ﻣﺶ ﺟﺎﻳﻴﻦ ﺑﻴﺶ ﻧﻌﺘﺪﻭﺍ ﻉ ﺣﺪ ﻭﻻ ﻧﺨﻨﺒﻮﺍ .. ﺣﻨﻲ ﺟﺎﻳﻴﻦ ﻫﻨﻰ ﺑﺶ ﻧﺨﻠﺼﻮﺍ ﺍﻟﻤﺪﻳﻨﻪ ﻣﻦ ﺍﻟﻤﺘﻤﺮﺩﻳﻦ ﻭﺍﻟﻤﺠﺮﻣﻴﻦ ﺍﻟﻠﻲ ﻓﻴﻬﺎ ...
: ﻫﺎﺩﻭﻡ ﻏﻨﺎﻳﻢ ﻳﺎﺭﺍﺟﻞ ﺧﻨﺒﺔ ﺷﻨﻮ ...
ﺭﻣﺰﻱ : ﻻﻫﺪﻳﻦ ﺍﺭﺯﺍﻕ ﻧﺎﺱ ﻣﺎﻟﻴﻬﺎ ﺩﺧﻞ ﺑﺸﻲ ﻣﻦ ﺍﻟﻠﻲ ﺻﺎﺭ ..
: ﺍﻟﻀﺒﺎﻁ ﺍﻟﻜﺒﺎﺭ ﻗﺎﻟﻮﺍ ﺍﻥ ﺣﻼﻝ ﻋﻠﻴﻜﻢ ﺍﻟﻠﻲ ﻳﺠﻲ ﻗﺪﺍﻣﻜﻢ ..
ﺭﻣﺰﻱ : ﻭﺍﻧﻲ ﻭﻳﻦ ﻛﻨﺖ ﻟﻤﺎ ﻗﺎﻝ ﻫﺎﻟﻜﻼﻡ .. ﻭﺑﻌﺪﻳﻦ ﺣﺘﻰ ﻟﻮ ﻗﺎﻟﻪ .. ﻣﺎﻧﻴﺶ ﺑﺎﻏﻲ ﻉ ﺭﺯﻕ ﺣﺪ ..
ﻭﻟﻒ ﻭﻣﺸﻲ ﻭﺧﻼﻫﻢ ..
ﺻﺎﺣﺒﻪ : ﺻﺤﺔ ﻹﻳﺪﻙ ..
ﺭﻣﺰﻱ ﻭﻗﻒ ﻭﺗﻨﻬﺪ ﻭﻫﻮ ﻳﻘﻮﻝ : ﺍﻗﺴﻢ ﺑﺎﻟﻠﻪ ﻧﺎﺩﻡ ﻳﺎﺍﻛﺮﻡ ..
ﺍﻛﺮﻡ : ﺍﻧﻲ ﻛﻴﻔﻚ ﻭﺍﻛﺜﺮ .. ﺭﻳﺖ ﺷﻦ ﺩﺍﺭﻭ ﻣﻨﻴﻦ ﺧﺸﻮﺍ ..
ﺭﻣﺰﻱ ﻭﺯﻉ ﻧﻈﺮﻩ ﺣﻮﺍﻟﻴﻪ : ﻣﺼﺮﺍﺗﻪ ﻳﺎﻣﺎ ﻛﺎﻧﻦ ﻟﻴﺎ ﻓﻴﻬﺎ ﺍﻳﺎﻡ ﺍﻟﺤﻠﻮﺓ .. ﻣﻨﻘﻬﺮ ﻋﻠﻴﻬﺎ ﻭﺍﺟﺪ ..
ﺍﻛﺮﻡ : ﺣﺘﻰ ﻫﻤﺎ ﺭﺑﻲ ﻳﻬﺪﻳﻬﻢ ﺷﻦ ﻛﺎﻥ ﻧﺎﻗﺼﻬﻢ ﺑﺶ ﺧﺸﻮﺍ ﻓﻲ ﺍﻟﻤﻌﻤﻌﻪ .
ﻣﻂ ﺭﻣﺰﻱ ﺷﻮﺍﺭﺑﻪ ﻟﺪﺍﺧﻞ ﺑﺄﺳﻒ ..
ﻗﺮﺑﻠﻪ ﺍﻛﺮﻡ ﻓﻲ ﻭﺫﻧﻪ ﻭﻗﺎﻝ : ﻋﻨﺪﻙ ﻋﻠﻢ ﺍﻧﻬﻢ ﺻﻔﻮﺍ ﺿﺒﺎﻁ ﺭﻓﻀﻮﺍ ﻳﺨﺸﻮﺍ ﻟﻠﺤﻴﺎﺵ ﻭﻳﻌﺪﻣﻮﺍ ﻧﺎﺱ ﻓﻴﻬﺎ ..
ﺭﻣﺰﻱ ﻓﻨﺺ ﻋﻴﻮﻧﻪ ...
ﺑﻌﺪﻳﻦ ﻟﻒ ﻭﻣﺸﻲ ﻭﻫﻮ ﺣﺎﺱ ﺑﺨﻨﻘﻪ ... ﻭﺿﻴﻘﻪ ..
ﻭﻭﺭﺍﻩ ﺻﺎﺣﺒﻪ ...
🍁🍁🍁🍁🍁
ﺑﺪﺕ ﻓﺠﺮ ﺍﻻﻭﺩﻳﺴﺎ ..
ﻭﺑﺪﻱ ﺍﻟﻘﺼﻒ ﻉ ﺍﻫﺪﺍﻑ ﻋﺴﻜﺮﻳﻪ ﻓﻲ ﺍﻟﻌﺎﺻﻤﻪ
ﻭﻣﻨﺎﻃﻖ ﻣﺘﻔﺮﻗﻪ ...
ﻭﻋﻤﻠﻴﺎﺕ ﺍﻟﺘﺤﺎﻟﻒ ﺍﻻﻣﺮﻳﻜﻲ ﺍﻟﻔﺮﻧﺴﻲ ﺍﻟﺒﺮﻳﻄﺎﻧﻲ ..
ﻛﺎﻧﺖ ﻗﺒﻞ ﺗﺪﺧﻞ ﻗﻮﺍﺕ ﺣﻠﻒ ﺍﻟﻨﺎﺗﻮ ﺑﺸﻬﺮ ...
🍁 ﺍﻟﺘﺪﺧﻞ ﺍﻟﻐﺮﺑﻲ ..
ﺧﻞ ﺟﺰﺀ ﻣﻦ ﺍﻟﻨﺎﺱ ﺍﻟﻤﺆﻳﺪﺓ ﻟﻠﺜﻮﺭﺓ ﺗﺘﺮﺍﺟﻊ ﻋﻨﻬﺎ ..
ﻭﻓﻲ ﺍﻟﻠﻲ ﺯﺍﺩﺗﻬﻢ ﺗﺄﻳﻴﺪ ﻟﻠﻘﺬﺍﻓﻲ ﺑﻀﻤﻴﺮ ﻣﺮﺗﺎﺡ ..
ﻭﺍﻭﻟﻬﻢ ﻫﺎﻧﻴﺒﺎﻝ ....
ﺍﻟﻠﻲ ﻣﻮﺕ ﻋﻤﺎﺭ ﺧﻼﻩ ﻳﻜﺮﻩ ﻛﻞ ﺷﻲ ﻟﻴﻪ ﻋﻼﻗﻪ ﺑﺎﻟﺜﻮﺭﺓ ..
ﺑﻌﺪ ﺍﻟﺘﺪﺧﻞ ﺍﻟﻐﺮﺑﻲ ﻭﻻﻣﺆﻳﺪ ﺑﻜﻞ ﻣﻌﻨﻰ ﺍﻟﻜﻠﻤﻪ ..
ﺍﻣﺎﻣﺤﻤﺪ ﻭﻻ ﻣﺆﻳﺪ ﻣﺘﻌﺼﺐ ﻉ ﺍﻵﺧﺮ ..
ﻋﻜﺲ ﻋﻤﺮ ... ﺍﻟﻠﻲ ﻳﺒﻴﻬﺎ ﺗﺤﺰ ﻭﺧﻼﺹ ..
ﻃﺮﺍﺑﻠﺲ ..
ﺍﻭﺍﺋﻞ ﺷﻬﺮ ﺍﺑﺮﻳﻞ ...
ﻓﻲ ﺍﻟﻌﻴﺎﺩﺓ ..
" ﻗﺼﺪﻙ ﺟﺮﺫﺓ "!!
ﺗﺴﺎﺋﻞ ﻫﺎﻣﺴﺎ ..
ﻟﻤﻴﺎ ﺑﻀﺤﻜﻪ : ﺍﻳﻪ ..
ﻋﻤﺮ : ﺣﻴﻪ ﻋﻠﻴﻚ ..
ﻟﻤﻴﺎ : ﺷﻦ ﺑﺘﺒﻠﻎ ﻓﻴﺎ ..
ﻋﻤﺮ ﺿﺤﻚ ﻭﻗﺎﻝ : ﺍﻩ ﻣﻨﻚ ﻳﺎﺍﺣﻠﻰ ﺟﺮﺫﺓ ..
ﻟﻤﻴﺎ : ﻫﻬﻬﻬﻬﻬﻪ ..
ﻋﻤﺮ ﺑﺈﺑﺘﺴﺎﻣﻪ؛ﻏﻴﺮ ﺇﻥ ﺷﺎﺀ ﺍﻟﻠﻪ ﺗﺤﺰ ﻉ ﺧﻴﺮ ﺑﺲ ﻭﻧﺠﻲ ﻧﺨﻄﺒﻚ ﻃﻮﻝ ..
ﻟﻤﻴﺎﺀ ﺑﺈﺑﺘﺴﺎﻣﻪ : ﺇﻥ ﺷﺎﺀ ﺍﻟﻠﻪ ...
🍁🍁🍁🍁🍁🍁
ﺣﻲ ﺍﻷﻧﺪﻟﺲ ..
ﺭﺑﻚ ﻳﻔﺮﺝ ﺇﻥ ﺷﺎﺀ ﺍﻟﻠﻪ ..
ﻛﻔﺎﻳﻪ : ﺁﻣﻴﻦ ..
ﻫﺎﻧﻴﺒﺎﻝ : ﺍﻳﻪ .. ﻋﻤﺎﺩ ﻗﺎﻋﺪ ﻫﺎﺭﺏ ..
ﻛﻔﺎﻳﻪ ﺗﻨﻬﺪﺕ ﺑﺄﻟﻢ : ﺳﺎﻓﺮﻣﻦ ﺗﻮﻧﺲ ﻟﺘﺮﻛﻴﺎ ..
ﻫﺎﻧﻴﺒﺎﻝ : ﺍﺣﺴﻦ ﻣﺎﺩﺍﺭ ..
ﻛﻔﺎﻳﻪ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ...
🍃🍃🍃🍃🍃🍃🍃🍃
ﻭﺍﻗﻔﻴﻦ ﺻﻒ ﺍﻓﻘﻲ ...
ﻳﺴﻤﻌﻮﺍ ﻓﻲ ﻛﻼﻡ ﺍﻟﻌﺴﻜﺮﻱ ﺍﻟﻮﺍﻗﻒ ﻗﺪﺍﻣﻬﻢ ..
ﺟﻤﺎﻝ : ﺑﺎﻟﻤﻤﺎﺭﺳﻪ ﻛﻠﻪ ﺗﺘﻌﻠﻤﻮﻩ .. ﻭﺍﻧﻲ ﻣﻼﺣﻆ ﺍﻥ ﻫﻠﺒﻪ ﻣﻨﻜﻢ ﻭﻟﻮﺍ ﻣﺘﻤﺮﺳﻴﻦ ... ﺯﻱ ﺍﻟﺸﺎﺏ ﻫﺪﺍﻛﺎ ..
ﻋﻤﺎﺩ ﺍﺑﺘﺴﻢ ...
ﺟﻤﺎﻝ ﺑﺈﺑﺘﺴﺎﻣﻪ : ﻛﻠﻜﻢ ﺭﺟﺎﻟﻪ ﻭﻋﻨﺪﻛﻢ ﻫﺪﻑ ﻭﻗﻀﻴﻪ ﺗﺤﺎﺭﺑﻮﺍ ﻉ ﺧﺎﻃﺮﻫﺎ ﻭﺭﺏ ﺍﻟﻌﺎﻟﻤﻴﻦ ﻳﺠﻌﻞ ﺍﻟﻨﺼﺮ ﺣﻠﻴﻔﻨﺎ ..
ﻛﻠﻬﻢ : ﺁﻣﻴﻴﻦ ..
ﺍﺑﺘﺴﻢ ﻭﻣﺶ ﻭﺧﻼﻫﻢ ...
ﻋﻤﺎﺩ ﻭﻫﻮ ﺷﺎﺩ ﺳﻼﺣﻪ ﻭﺯﻉ ﻧﻈﺮﻩ ﻉ ﺍﻟﺸﺒﺎﺏ ﺍﻟﺠﺪﺩ ﺍﻟﻠﻲ ﻣﻌﺎﻫﻢ : ﻧﺘﻌﺮﻓﻮﺍ ...
" ﻫﻬﻬﻬﻬﻬﻬﻬﻬﻬﻬﻬﻬﻪ "
ﻋﻤﺎﺩ ﺑﻀﺤﻜﻪ : ﺷﻦ ﻳﻀﺤﻚ ﻓﻴﻚ ..
ﺭﺩ ﺑﻀﺤﻜﻪ : ﺑﻨﺴﺄﻟﻚ ﻭﺟﺎﻭﺑﻨﻲ ﺑﺼﺮﺍﺣﻪ ... ﺩﻭﻧﺠﻮﺍﻥ ﺍﻧﺖ ﻭﻻ ..
ﻋﻤﺎﺩ : ﻫﻬﻬﻬﻬﻬﻬﻬﻪ ..
: ﺯﺑﻄﻚ ﻃﻮﻝ ..
ﻋﻤﺎﺩ ﺑﻀﺤﻜﻪ : ﺗﻲ ﻏﻴﺮ ﻗﻮﻝ ﺍﺳﻤﻚ ﻗﺒﻞ ﺑﻌﺪﻳﻦ ﺍﺑﺪﺍ ﺑﺎﻟﻘﺼﻘﺼﻪ ..
ﺿﺤﻚ ﻭﻗﺎﻝ : ﺑﺎﻫﻲ ... ﻣﻌﺎﻙ ﺗﻴﻔﺴﺎ ...
ﺿﻴﻖ ﻋﻴﻮﻧﻪ ﺑﻀﺤﻜﻪ ...
ﺗﻴﻔﺴﺎ ﺑﺈﺑﺘﺴﺎﻣﻪ؛ﺭﺑﻴﻊ ﺑﺎﻷﻣﺎﺯﻳﻐﻲ ..
ﺍﺑﺘﺴﻢ ﻋﻤﺎﺩ ﺑﺄﻟﻢ : ﺍﻧﻲ ﻋﻤﺎﺩ ..
ﺗﻔﻴﺴﺎ : ﺍﻧﻲ ﻣﻦ ﺍﻟﺠﺒﻞ ﺗﺤﺪﻳﺪﺍ ****
ﻋﻤﺎﺩ : ﺑﺎﻟﺠﻮﺩﺓ ...
ﺷﺒﺢ ﺗﻴﻔﺴﺎ ﻟﻠﻲ ﻓﺠﻨﺐ ﻋﻤﺎﺩ ..
: ﻋﻼﺀ .. ﻋﻼﺀ ﻣﻮﺳﻰ .. ﻣﻦ ﻃﺮﺍﺑﻠﺲ ..
ﺗﻴﻔﺴﺎ : ﺑﺎﻟﺠﻮﺩﻩ ..
ﻋﻼﺀ : ﺑﻴﻚ ﺍﻛﺜﺮ ..
ﻋﻤﺎﺩ : ﻭﺍﻷﺥ ﺍﻟﻠﻲ ﻏﺎﺩﻱ ..
ﺗﻠﻔﺖ ﺗﻴﻔﺴﺎ : ﻫﺪﺍ ... ﺍﻟﻴﻮﻡ ﺑﺲ ﻭﺻﻞ .. ﻳﺎﺧﻮﻭﻧﺎ ..
ﺍﻟﺘﻔﺘﻠﻬﻢ ﻭﺟﺎﻫﻢ ﻃﻮﻝ ..
ﻗﺎﻝ ﺑﺈﺑﺘﺴﺎﻣﻪ : ﻣﺮﺣﺒﺎ ..
ﻋﻤﺎﺩ : ﺷﺮﻗﺎﻭﻱ ..
ﺑﻀﺤﻜﻪ : ﺍﻫﺎ .. ﻣﻌﺎﻙ ﻗﺎﺳﻢ .. ﻭﺍﻧﺖ ﻋﻤﺎﺩ .. ﻭﻫﻀﺎ ﻋﻼﺀ .. ﻭﻫﻀﺎ .. ﺭﺑﻴﻊ ... ﺳﺎﻣﺤﻨﻲ ﺍﺳﻤﻚ ﺍﻟﺘﺎﻧﻲ ﻣﺎﺧﺸﺶ ﺭﺍﺳﻲ ..
ﺿﺤﻜﻮﺍ ...
ﺗﻴﻔﺴﺎ ﺑﻀﺤﻜﻪ : ﺗﻮ ﻧﺪﺧﻠﻪ ﺑﺎﻟﺴﻴﻒ ..
ﺿﺤﻚ ﻗﺎﺳﻢ ..
ﻋﻼﺀ : ﻛﻴﻒ ﺧﻠﻴﺖ ﺑﻨﻐﺎﺯﻱ ..
ﻗﺎﺳﻢ : ﺍﻟﻮﺿﻊ ﻓﻴﻬﺎ ﻣﺴﺘﻘﺮ .. ﺍﻧﻲ ﺟﻴﺖ ﻫﻨﺎ ﻣﻊ ﻣﺠﻤﻮﻋﻪ ﺑﺶ ﻧﺼﺒﻮﺍ ﻣﻊ ﺧﻮﺗﻨﺎ ﻓﻲ ﺍﻟﺠﺒﻞ ﻭﻓﻲ ﻣﺠﻤﻮﻋﻪ ﺍﺧﺮﻱ ﻋﺪﺕ ﻟﻤﺼﺮﺍﺗﻪ .
ﻋﻼﺀ : ﻳﻘﺎﻭﻣﻮﺍ ﺑﻜﻞ ﻗﻮﺓ ﺍﻟﻤﺼﺎﺭﻳﺖ ..
ﻗﺎﺳﻢ : ﺭﺟﺎﻟﻪ ..
ﻋﻤﺎﺩ : ﺭﺑﻲ ﻳﻜﻮﻥ ﻣﻌﺎﻫﻢ ﺗﻌﺮﻓﻮﺍ ﻟﻮ ﺍﻃﻴﺢ ﻣﺼﺮﺍﺗﻪ ﺣﺘﺘﻘﺴﻢ ﻻﻣﺤﺎﻟﻪ ..
ﻛﻠﻬﻢ ﺑﺄﺻﻮﺍﺕ ﻣﺘﻘﻄﻌﻪ : ﺻﺢ .. ﺻﺪﻗﺖ ..
ﺳﻜﺘﻮﺍ ﺷﻮﻳﻪ ﺑﻌﺪﻳﻦ ﻗﺎﻝ ﻗﺎﺳﻢ : ﻓﻲ ﻫﺠﻮﻡ ﺍﻻﻳﺎﻡ ﺍﻟﺠﺎﻳﻪ ..
ﻋﻤﺎﺩ : ﻛﺮ ﻭﻓﺮ ﺍﻟﺤﻜﺎﻳﻪ ﻣﺎﺯﺍﻟﺖ ..
ﺗﻴﻔﺴﺎ : ﺍﻟﻤﺮﺣﻠﻪ ﺍﻟﺠﺎﻳﻪ ﺻﻌﺒﻪ ﻫﻠﺒﻪ ..
ﺗﻨﻬﺪ ﻋﻤﺎﺩ ﻭﻗﺎﻝ : ﻣﻨﺼﻮﺭﻳﻦ ﺑﻌﻮﻥ ﺍﻟﻠﻪ ...
ﻛﻠﻬﻢ : ﺁﻣﻴﻦ ..
🍁🍁🍁🍁🍁
ﻃﺮﺍﺑﻠﺲ ..
ﺍﻟﺴﺎﻋﻪ 8:30 ﻣﺴﺎﺀﺍ ..
ﻭﺍﻗﻒ ﻓﻲ ﺍﻟﺒﻼﻛﻮﻧﻪ ... ﻳﺘﺼﻞ ﺑﻴﻬﺎ ﻣﻘﻔﻞ ..
ﻭﺳﻴﺎﺭﺗﻬﺎ ﻗﺪﺍﻡ ﺍﻟﺒﺎﺏ ..
ﻣﺎﻳﻘﺪﺭﺵ ﻳﻤﺸﻲ ﻟﺤﻮﺷﻬﺎ ..
ﺍﻭﻻ ﺯﻭﺯ ﻧﺴﺎﻭﻳﻦ ﻗﺎﻋﺪﻳﻦ ﺑﺲ ﻓﻲ ﺍﻟﺤﻮﺵ ..
ﻭﺗﺎﻧﻴﺎ ﻫﻮ ﺑﺲ ﺧﻄﻴﺒﻬﺎ ﻳﻌﻨﻲ ﺍﻟﻤﺸﻲ ﻭﺍﻟﺠﻲ ﻉ ﺣﻮﺵ ﺧﻄﻴﺒﺘﻪ ﻏﻴﺮ ﻣﻘﺒﻮﻝ ﺑﺎﻟﻨﺴﺒﻪ ﻟﻴﻪ ..
ﺣﻮﻝ ﺍﻟﺘﻠﻴﻔﻮﻥ ﻣﻦ ﻉ ﻭﺫﻧﻪ ﻭﻫﻮ ﻳﻘﻮﻝ : ﺧﻴﺮﻫﺎ ﺍﻟﺼﺒﺎﺡ ﻫﺪﻱ .. ﺍﻣﺲ ﻣﺎﺗﺮﺩﺵ ﻭﺍﻟﻴﻮﻡ ﻣﺼﻜﺮﺍﺗﻪ !!!
ﺍﻧﻔﺘﺢ ﺑﺎﺏ ﺍﻟﺤﻮﺵ ...
ﺷﺎﻓﻬﺎ ﻃﺎﻟﻌﻪ ...
ﻓﺘﺤﺖ ﺑﺎﺏ ﺍﻟﺴﻴﺎﺭﺓ ..
ﻛﺎﻥ ﺗﻠﻴﻔﻮﻧﻬﺎ ﻓﻴﺪﻫﺎ ..
ﻓﺘﺤﺎﺗﻪ ..
ﻫﻮ ﻃﻮﻝ ﺍﺗﺼﻞ ..
ﻋﺮﻭﺑﻪ ﺑﻀﻴﻖ : ﺗﺲ ﻳﺎﻫﺎﻧﻴﺒﺎﻝ .. ﺩﺍﺭﺗﻪ ﺻﺎﻣﺖ ﻭﺭﻛﺒﺖ ..
ﺻﻜﺮﺕ ﺍﻟﺒﺎﺏ ..
ﺷﻐﻠﺖ ﺍﻟﺴﻴﺎﺭﺓ ﻭﺗﺤﺮﻛﺖ ﻃﻮﻝ ...
ﻭﻫﻮ ﻗﺎﻋﺪ ﺣﺎﻁ ﺍﻟﺘﻠﻴﻔﻮﻥ ﻉ ﻭﺫﻧﻪ ﻭﻳﺸﻮﻑ ﻟﻠﺴﻴﺎﺭﺓ ﺑﺼﺪﻣﻪ🍃
... ﻳﺘﺒﻊ