المتمردين

العشق المتمرد

#العشق_المتمرد
#جمان_فريد

الجزء88/القسم الثالث
..🌟
ﺧﺸﺖ ﻟﻠﺨﻴﻤﻪ ﻭﻋﻘﻠﻬﺎ ﻣﺎﺯﺍﻝ ﺭﺍﻳﺢ ﻣﻊ ﺳﻤﺢ ﺍﻟﺰﻭﻝ ﺍﻟﻠﻲ ﺍﻧﻘﺒﺖ ﻓﻴﻪ ..
ﺍﺳﺘﺎﻗﻀﺖ ﻟﻤﺎ ﺷﺎﻓﺖ ﺧﺎﻟﺘﻬﺎ ﺗﺴﻠﻢ ﻉ ﺧﻮﺍﺕ ﻫﺎﻧﻴﺒﺎﻝ ..
ﻗﺪﻣﺖ ﻭﻣﺸﺘﻠﻬﻢ ..
ﺑﻠﻘﻴﺲ : ﻣﻦ ﻫﺪﻳﻦ؟
ﺭﺯﺍﻥ : ﻣﺎﻧﻌﺮﻑ ..
ﺳﻠﻤﺖ ﺳﻨﺎﺀ ﻉ ﺍﻟﺒﻨﺎﺕ .. ﻭﺑﻨﺎﺗﻬﻢ ﺍﻟﻠﻲ ﻭﺍﻗﻔﻴﻦ ﻳﺮﺣﺒﻮﺍ ﺑﻴﻬﻢ ..
ﺑﻌﺪﻳﻦ ﺣﻮﻟﻮﺍ ﻋﺒﺎﻳﺎﺗﻬﻢ ..
ﺣﺪﻫﻢ : ﺣﻴﻪ ﺣﻴﻪ .. ﺷﻦ ﻫﺪﺍ؟ !
ﺑﻠﻘﻴﺲ : ﻃﻮﻳﻠﻪ ﻭﺭﻗﻴﻘﻪ ﻭﺍﻟﻠﻲ ﻻﺑﺴﺎﺗﻪ ﻣﺶ ﻣﺎﺷﻲ ﻣﻌﺎﻩ ﺑﻜﻞ ..
ﻛﺎﻧﺖ ﻻﺑﺴﻪ ﻗﻔﻄﺎﻥ ﻣﺨﺒﺮﺵ ﺿﻴﻖ .. ﻗﺼﻴﺮ ﻟﻨﺺ ﺍﻟﻔﺨﺪ ..
ﻭﻣﻦ ﻏﻴﺮ ﺳﻴﻮﺭ .. ﻓﻮﻕ ﺍﻟﺠﺮﻳﺊ ﻣﻨﻈﺮﻫﺎ ....
ﻭﺑﺎﻟﺬﺍﺕ ﻭﻫﻤﺎ ﻣﺶ ﻣﺪﺍﻳﺮﻳﻦ ﻛﺮﺍﺳﻲ .. ﻳﻌﻨﻲ ﺑﺘﻘﻌﻤﺰ ﻉ ﺍﻟﻔﺮﺍﺵ ..
ﺭﺯﺍﻥ ﻗﻌﺪﺕ ﺗﺸﻮﻓﻠﻬﺎ ﺑﺸﻲ ﻣﻦ ﺍﻹﺯﺩﺭﺍﺀ ..
...
ﺭﺍﻧﻴﺎ : ﺣﺘﻰ ﺍﺧﺘﻬﺎ ﻫﻜﻲ ﺷﻜﻠﻬﺎ؟
ﺭﺑﺎﺏ : ﺍﻳﻪ ﺿﻌﻴﻔﻪ ﺯﻳﻬﺎ ﻟﻜﻦ ﻫﺎﺩﻱ ﺍﻃﻮﻝ ..
" ﻋﻤﺮﺭﻓﻊ ﺭﺑﺎﺏ ﻣﺮﺓ ﺗﺘﻌﺮﻑ ﻉ ﻟﻤﻴﺎﺀ "
ﺭﺍﻧﻴﺎ : ﻣﻌﻨﺎﻫﺎ ﻣﺶ ﺣﻠﻮﺓ ﻛﺎﻥ ﻫﻜﻲ ..
ﺩﻻﻝ : ﻣﺶ ﻣﻬﻢ ﺍﻟﻤﻬﻢ ﺗﻜﻮﻥ ﻛﻮﻳﺴﻪ ..
ﺭﺍﻧﻴﺎ : ﺻﺢ ..
ﻗﺮﺑﺘﻠﻬﻢ ﺭﺑﺎﺏ ﻭﻗﺎﻟﺖ : ﺑﻴﻨﻲ ﻭﺑﻴﻨﻜﻢ .. ﻣﺎﺳﺘﺮﻳﺤﺘﻠﻬﺎﺵ ﺣﺴﻴﺘﻬﺎ ﻣﻦ ﺍﻟﻨﻮﻉ ﺍﻟﻤﻨﺎﻓﻖ ﻭﺍﻟﻤﻠﺴﻦ .. ﻭﻭﺧﺮﺕ ..
ﺧﺎﻓﻮﺍ ﺍﻟﺰﻭﺯ ﻭﻫﻤﺎ ﻳﺸﻮﻓﻮﺍ ﻷﺧﺘﻬﺎ ﺑﺮﻳﺒﻪ ..
ﺩﻻﻝ : ﻳﺴﺘﺮ ﺍﻟﻠﻪ ..
ﻧﺎﺿﺖ ﺭﻳﻼ ﻭﻃﻔﺖ ﺍﻟﻤﻨﻈﻮﻣﻪ ﻭﻗﺎﻟﺖ : ﺩﺭﺑﻮﻛﻪ ﺩﺭﺑﻮﻛﻪ ..
ﻭﻗﻔﺖ ﺭﺍﻧﻴﺎ ﻭﻣﺸﺖ ﺧﺪﺕ ﺍﻟﺪﺭﺑﻮﻛﻪ ﻭﻃﻮﻝ ﻟﺒﻠﻘﻴﺲ ..
ﺭﺍﻧﻴﺎ : ﺧﻮﺩﻱ ﻣﺮﺕ ﺧﺎﻟﻲ ...
ﺿﺤﻜﻮﺍ ﺣﺪﻫﻢ ﻭﺭﺯﺍﻥ ..
ﻭﺑﻠﻘﻴﺲ ﺿﺤﻜﺖ ﺑﺨﺠﻞ ﻭﺧﺪﺗﻬﺎ ﻣﻨﻬﺎ ...
ﻣﺸﺖ ﺭﺍﻧﻴﺎ ﻭﻟﺖ ﻟﻤﻜﺎﻧﻬﺎ ﻭﻫﻲ ﺗﻀﺤﻚ ..
ﻃﺒﻌﺎ ﺍﻟﺪﺭﺑﻮﻛﻪ ﺍﻟﺘﺎﻧﻴﻪ ﻋﻨﺪ ﻧﻮﺭ ...
ﻭﺑﺪﻭﺍ ﺍﻟﺰﻭﺯ ﻳﺪﺭﺑﻜﻮﺍ ﻣﻊ ﺑﻌﺾ ..
ﺑﻠﻘﻴﺲ : ﻫﺎﻟﻠﻴﻠﻪ ﺍﻟﻤﺒﺎﺭﻛﻪ ... ﻣﻌﺎﻱ ﺍﻟﻨﺎﺱ ﻣﺸﺎﺭﻛﻪ ..
💕💕💕💕💕💕
ﻓﻬﺎﻟﻮﻗﺖ
ﻓﻲ ﺣﻮﺵ ﺍﻟﻌﺮﻭﺱ ..
ﻛﺎﻧﻮﺍ ﻳﻮﺗﻮﺍ ﻟﻠﺤﻨﻪ ..
ﻭﻣﺮﺍﻡ ﻣﻘﻌﻤﺰﺓ ﺗﺒﺮﺑﺶ ﻓﺘﻠﻴﻔﻮﻧﻬﺎ ..
ﻓﺎﻳﺰﺓ : ﺷﻦ ﺍﺩﻳﺮﻱ ..
ﺷﺒﺤﺘﻠﻬﺎ ﻣﺮﺍﻡ ﺑﻨﺺ ﺑﻌﻴﻦ : ﻣﺎﺗﻘﻮﻟﻴﺶ ﺧﻴﺮﻙ ﺷﺪﺗﻴﻬﺎ ﻓﺠﺮﺗﻲ؟
ﻓﺎﻳﺰﺓ ﺑﻀﺤﻜﻪ : ﻏﺪﻭﺓ ﺧﻤﻴﺲ .. ﻛﻴﻒ ﻫﺎﻟﻮﻗﺖ ﻓﺤﻮﺵ ﻫﺎﻧﻴﺒﺎﻝ ﻓﺪﺍﺭ ﻫﺎﻧﻴﺒﺎﻝ ﻓﺤﻀﻦ ﻫﺎﻧﻴﺒﺎﻝ ..
ﻫﻲ ﻗﻠﺒﻬﺎ ﺩﻕ ﺑﺎﻟﻘﻮﺓ ﻭﺳﺨﻨﺖ ﻣﻊ ﺑﻌﻀﻬﺎ ..
ﻣﺮﺍﻡ : ﺑﺎﻟﻠﻪ ﺍﺳﻜﺘﻲ ﻓﺎﻳﺰﺓ .. ﻣﻦ ﻏﻴﺮ ﺷﻲ ﺑﻄﻨﻲ ﺗﻮﺟﻊ ﻓﻴﺎ ..
ﺿﺤﻜﺖ ﻓﺎﻳﺰﺓ ﻭﻗﺎﻟﺖ : ﻻﺯﻡ ﻧﻬﻴﺌﻚ ﻳﺎﺑﻨﺘﻲ ..
ﻣﺮﺍﻡ ﺑﺈﻧﺰﻋﺎﺝ ﻣﻤﺰﻭﺝ ﺑﺎﻟﺨﺠﻞ : ﺍﺳﻜﺘﻲ ﻓﺎﻳﺰﺓ ﺍﺻﺺ .. ﻣﺎﻧﺒﻲ ﻣﻨﻚ ﺷﻲ ..
ﻓﺎﻳﺰﺓ : ﻫﻬﻬﻬﻬﻬﻬﻬﻪ ..
ﻭﻟﺖ ﻟﻬﺖ ﺑﺘﻠﻴﻔﻮﻧﻬﺎ .. ﻛﺎﻧﺖ ﺗﻜﺘﺐ ﻓﺮﺳﺎﻟﻪ ﻟﻬﺎﻧﻴﺒﺎﻝ .. ﺑﻌﺘﺘﻬﺎ ﺑﻌﺪﻳﻦ ﺳﻜﺮﺕ ﺗﻠﻴﻔﻮﻧﻬﺎ ﻭﺣﻄﺎﺗﻪ ﺗﺤﺖ ﺍﻟﻤﺨﺪﻩ ...
ﻣﺮﺭﺕ ﻧﻈﺮﻫﺎ ﻉ ﺍﻟﻨﺎﺱ ..
ﺑﻌﺪﻳﻦ ﺟﻮﺍ ﻋﻴﻮﻧﻬﺎ ﻉ ﺍﺧﺘﻬﺎ ﻓﺎﻳﺰﺓ ..
ﻟﻘﺘﻬﺎ ﺗﺸﺒﺤﻠﻬﺎ ﻭﻫﻲ ﻣﺒﺘﺴﻤﻪ ﺍﺑﺘﺴﺎﻣﻪ ﺧﺒﺚ .
ﻣﺮﺍﻡ : ﺍﻓﻔﻔﻔﻒ ..
ﻓﺎﻳﺰﺓ : ﻫﻬﻬﻬﻬﻬﻬﻬﻬﻪ
💕💕💕💕💕
ﻧﻌﻴﻤﻪ ..
ﻳﺎﻣﺒﺮﻭﻙ ﻋﻠﻰ ﻭﻟﺪ ﺍﻣﻲ .. ﺍﻥ ﺷﺎﺀ ﺍﻟﻠﻪ ﻗﺒﻞ ﺍﻟﺤﻮﻝ ﺍﻳﺴﻤﻲ ..
ﺭﺩﺩﻭﻫﺎ ﻭﺭﺍﻫﺎ ﻣﺮﺗﻴﻦ ..
ﻛﻔﺎﻳﻪ ..
ﻳﺎﻣﺒﺮﻭﻙ ﻋﻠﻴﻪ ﻋﻠﻤﻨﺎ ... ﻣﺎﺩﺍﻳﺮ ﺷﻲ ﻳﺤﺸﻤﻨﺎ
ﺭﺩﺩﻭﻫﺎ ﻭﺭﺍﻫﺎ ﺑﺼﻮﺕ ﺍﻋﻠﻰ ...
ﻭﺭﺍﻧﻴﺎ ﺗﺰﻏﺮﻁ .. ﻭﻟﺤﻘﺘﻬﺎ ﺣﺪﻫﻢ ...
ﺯﻳﻨﺐ
ﻳﺎﻣﺒﺮﻭﻙ ﻋﻠﻴﻪ ﺷﻘﻴﻘﻲ .. ﻓﺰﺍﻋﻲ ﻑ ﻭﺍﻥ ﺍﻟﻀﻴﻘﻲ ..
ﺯﻏﺮﻃﻮﺍ ..
ﻭﺭﺩﺩﻭﻫﺎ ﻭﺭﺍﻫﺎ ﺗﻼﺗﻪ ﻣﺮﺍﺕ ..
ﺣﻤﻴﺪﻩ
ﻳﺎﻣﺒﺮﻭﻙ ﻋﻠﻴﻪ ﻣﺮﺍﺗﻪ .. ﺳﻤﺢ ﺍﻟﺼﻴﺖ ﻣﻊ ﻭﺧﻴﺎﺗﻪ ..
ﻓﺮﺣﻮﺍ ﺧﻮﺍﺗﻬﺎ ﻟﻤﺎ ﺷﺎﺭﻛﺖ ...
ﻭﺭﺩﺩﻭﻫﺎ ﺑﻴﺘﻬﺎ ﻭﺭﺍﻫﺎ ﺗﻼﺗﻪ ﻣﺮﺍﺕ ...
ﻏﺎﻟﻴﻪ ..
ﺍﻟﻌﻴﻦ ﺍﻟﻠﻲ ﻋﺰﻭﺗﻬﺎ ﺧﻮﺕ ... ﺗﻌﻴﺶ ﻋﺰﻳﺰﺓ ﻟﻴﻦ ﺗﻤﻮﺕ ..
ﺍﻟﺒﻨﺎﺕ : ﺍﻳﻴﻴﻴﻴﻴﻴﻴﻴﻴﻴﻴﻪ ..
ﻭﻧﺎﺿﺖ ﺯﻳﻨﺐ ﻭﺑﺪﺕ ﺗﺮﻗﺺ ..
ﻭﺍﻣﻬﺎ ﺗﺸﻮﻓﻠﻬﺎ ﺑﺤﺪﻩ ..
ﻗﺮﺑﺖ ﻧﻌﻴﻤﻪ ﻣﻦ ﻛﻔﺎﻳﻪ ﻭﻗﺎﻟﺖ : ﺭﻳﺘﻲ ﺍﻣﻲ ﻛﻴﻒ ﺗﺸﻮﻑ ﻟﺰﻳﻨﺐ .
ﻛﻔﺎﻳﻪ ﺑﻀﺤﻜﻪ : ﻣﻦ ﺑﻜﺮﻱ ﺗﻌﻄﻲ ﻓﻴﻬﺎ ﻓﺸﺒﺤﺎﺕ ﺗﺨﻮﻑ ﻏﻴﺮ ﺯﻳﻨﺐ ﺩﺍﻳﺮﺓ ﺍﻟﺤﻮﻟﻪ .
ﺿﺤﻜﻮﺍ ..
ﺯﻳﻨﺐ ﻭﻫﻲ ﺗﺮﻗﺺ ..
ﺳﻠﻢ ﻭﺧﻴﺎﺗﻚ ﻳﺎﻏﺎﻟﻲ .. ﻣﺎﺗﻘﻮﻟﺶ ﻣﺎﻋﻨﺪﻱ ﻭﺍﻟﻲ ..
💕💕💕💕💕💕💕
ﺧﻮﺍﺗﻬﺎ ﻳﺤﻨﻮﺍ ﻓﻴﻬﺎ ..
ﻭﺍﻣﻬﺎ ﻭﺍﻟﺠﻴﺮﺍﻥ ﻭﺍﻻﻗﺎﺭﺏ .. ﻭﺍﻗﻔﻴﻦ ﻋﻠﻴﻬﻢ ﻭﻳﺸﺘﻮﺍ ..
ﻣﺒﺮﻭﻙ ﺍﻟﺤﻨﻪ ﻓﻘﺪﺍﻣﻚ .. ﻭﺍﻟﺨﻴﺮ ﻭﺭﺍﻙ ﻭﻗﺪﺍﻣﻚ ..
ﻭﺭﺩﺩﻭﻫﺎ ﺗﻼﺕ ﻣﺮﺍﺕ ..
ﻳﺎﻣﺒﺮﻭﻙ ﻋﻠﻴﻚ ﺍﻟﺤﻨﻪ .. ﺩﺭﺗﻲ ﺣﻮﺵ ﺗﺠﻴﻨﺎ ﻣﻨﻪ ..
ﻫﻲ ﻣﻊ ﻛﻞ ﺷﺘﺎﻭﺓ ﻗﻠﺒﻬﺎ ﻳﺮﻓﺮﻑ ﻣﻦ ﺍﻟﺴﻌﺎﺩﻩ .
ﻳﺎﺳﻠﻢ ﺑﻮﻋﻴﻦ ﻛﺒﻴﺮﺓ ﺣﻨﺎﻳﺎﺗﻪ ﺗﻘﻮﻝ ﻣﺴﻴﺮﺓ ...
ﺭﺩﺩﻭﻫﺎ ﺍﻛﺘﺮ ﻣﻦ ﻣﺮﺓ ...
ﻓﺎﻳﺰﺓ ﻭﻫﻲ ﺗﺸﻮﻓﻠﻬﺎ ﺑﻨﻈﺮﻩ ﺷﻘﻴﺔ :
ﺍﻟﻠﻴﻠﻪ ﻟﻴﻠﺔ ﺣﻨﺎﻳﺎﺕ ... ﻭﻏﺪﻭﺓ ﻋﻨﺪ ﺍﻟﻐﺎﻟﻲ ﺗﺒﺎﺕ ..
ﻓﻨﺼﺖ ﺑﻀﺤﻜﻪ ..
ﻛﻠﻬﻢ ﺿﺤﻜﻮﺍ ﻋﻠﻴﻬﺎ ...
ﻭﻫﻲ ﺗﺸﻮﻓﻠﻬﻢ ﻭﺗﻀﺤﻚ ..
ﻣﻦ ﻗﻠﺒﻬﺎ ... ﻓﺮﺣﺎﻧﻪ ﻣﻦ ﻗﻠﺒﻬﺎ ...
ﻳﺎﺑﺨﺘﻚ ﻳﺎﻣﺮﻭﻣﻪ 💕
💕💕💕💕💕💕💕
ﺭﺍﻧﻴﺎ
ﺧﺎﻟﻲ ﻳﺎﻋﺰﻱ ﻭﺍﻳﺎﻣﻲ ... ﻳﺎﺻﻨﺪﻭﻕ ﺫﻫﺐ ﻗﺪﺍﻣﻲ
ﺭﺩﺩﻭﻫﺎ ﻭﺭﺍﻫﺎ ..
ﺭﺑﺎﺏ
ﻣﻐﻼﻙ ﻋﻠﻴﺎ ﻳﺎﺧﺎﻟﻲ .. ﻭﻳﻦ ﻧﺸﻮﻓﻚ ﻳﺰﻫﻰ ﺑﺎﻟﻲ ..
ﺭﺩﺩﻭﻫﺎ ﻭﺭﺍﻫﺎ ..
ﻧﻮﺭ
ﺁﻩ ﻳﺎﺧﺎﻟﻲ ﻳﺎﺧﺎﻟﻲ ..
ﻳﺎﺻﻴﺖ ﻣﻨﻮﺭ ﻗﺪﺍﻣﻲ ..
ﺯﻏﺮﻃﻮﺍ ﺧﺎﻻﺗﻬﺎ ﻭﺍﻣﻬﺎ ..
ﻭﺭﺩﺩﻭﻫﺎ ﻭﺭﺍﻫﺎ ..
ﺩﻻﻝ ﺣﺒﻬﺎ ﻟﺨﺎﻟﻬﺎ ﻛﺒﻴﺮ .. ﺑﺎﻟﻨﺴﺒﻪ ﻟﻴﻬﺎ .. ﻛﺎﻥ ﺍﺏ .. ﻭﺍﺥ .. ﻭﺻﺪﻳﻖ ﻣﻦ ﻭﻫﻲ ﺻﻐﻴﺮﺓ ﻣﺘﻌﻠﻘﻪ ﺑﻴﻪ .. ﺣﺒﻬﺎ ﻟﻴﻪ ﺧﻼﻫﺎ ﺭﻏﻢ ﺣﺰﻧﻬﺎ ﺗﺸﺎﺭﻙ ﻉ ﺧﺎﻃﺮ ﻋﻴﻮﻧﻪ ..
ﺩﻻﻝ
ﺧﺎﻟﻲ ﻳﻠﻲ ﺭﺍﻓﻌﻠﻲ ﺷﺎﻧﻲ .. ﻧﻔﺨﺮ ﺑﻴﻚ ﻣﻊ ﺍﻟﺒﺮﺍﻧﻲ ..
ﺯﻏﺮﻃﻮﺍ ﺍﻣﻬﺎ ﻭﺧﺎﻻﺗﻬﺎ ﻭﺳﻌﻴﺪﻩ ﻣﻌﺎﻫﻢ ..
ﻭﻋﺎﻭﺩﻭﺍ ﺭﺩﺩﻭﺍ ﺑﻴﺘﻬﺎ ﺍﻛﺜﺮ ﻣﻦ ﻣﺮﺓ .. ﻭﻫﻤﺎ ﻓﺮﺣﺎﻧﺎﺕ ﺑﻔﺮﺣﺘﻬﺎ ﻟﻴﻪ ..
ﺑﺎﻟﺬﺍﺕ ﺣﻨﺎﻫﺎ ﺍﻟﻠﻲ ﻣﺴﺤﺖ ﺩﻣﻮﻉ ﻋﻴﻮﻧﻬﺎ ﺑﻄﺮﻑ ﺭﺩﺍﻫﺎ 💕
ﺭﺯﺍﻥ ﻏﺎﺭﺕ ﻣﻨﻬﻢ ...
ﻣﺶ ﺣﻴﺤﺒﻮﺍ ﻋﻤﻬﺎ ﺍﻛﺜﺮ ﻣﻨﻬﺎ ..
ﻏﻨﺖ ﻭﻗﺎﻟﺖ :
ﻳﺎﺳﻠﻢ ﺳﻴﺪﻱ ﻭﻋﻤﺎﻣﻲ ... ﻳﺎﺻﻴﺖ ﻣﻨﻮﺭ ﻗﺪﺍﻣﻲ ..
ﺿﺤﻜﻮﺍ ﺣﺪﻫﻢ ﻭﺑﻠﻘﻴﺲ ..
ﺍﻣﺎ ﻋﻤﺎﺗﻬﺎ ﻭﺍﻣﻬﺎ ﺯﻏﺮﻃﻮﺍ ﺑﻌﺪ ﻫﻲ ﻏﻨﺖ ..
ﻭﻋﺰﻭﺯﺗﻬﺎ .. ﻧﺎﺿﺖ ﻭﻣﺸﺘﻠﻬﺎ ﻃﻮﻝ ﻧﻮﺿﺘﻬﺎ ﻭﻗﻌﺪﺕ ﺗﺮﻗﺺ ﻫﻴﺎ ﻭﻳﺎﻫﺎ ﻭﺭﺯﺍﻥ ﺗﻀﺤﻚ ..
ﻛﻔﺎﻳﻪ : ﻳﺎﻋﻨﺪﻱ ﺑﻜﺮﻱ ﺗﻘﻮﻝ ﻏﺰﺍﻝ ... ﻧﺮﺍﺟﻲ ﻓﻌﺮﺳﻪ ﻣﺎﺯﺍﻝ .
ﺿﺤﻜﻮﺍ ﺧﻮﺍﺗﻬﺎ ﻭﺍﻟﺒﻨﺎﺕ .. ﻭﺳﻌﻴﺪﻩ ﻛﺬﻟﻚ ..
ﻭﺭﺯﺍﻥ ﺗﺮﻗﺺ ﻣﻌﺎﻫﺎ ﻭﻫﻲ ﻣﺘﺤﺸﻤﻪ ..
ﻭﺍﻟﺤﺎﺟﻪ ﻓﺎﻃﻤﻪ ﺗﻌﻄﻲ ﻓﻴﻬﺎ ﻉ ﺭﺍﺳﻬﺎ ..
ﺍﺷﺮﺗﻠﻬﺎ ﻧﻌﻴﻤﻪ ﺑﻌﻴﻮﻧﻬﺎ ﻉ ﺍﻣﻬﺎ ..
ﻛﻔﺎﻳﻪ ﻓﻬﻤﺘﻬﺎ ..
ﺧﺪﺕ ﺭﺯﺍﻥ ﻣﻦ ﻳﺪﻫﺎ ﻭﻗﺎﻟﺖ : ﻧﻮﺿﻴﻬﺎ ﻣﻌﺎﻱ ...
ﺭﺯﺍﻥ ﺿﺤﻜﺖ ﻭﻗﺎﻟﺖ : ﺣﺎﺿﺮ ..
ﻭﺻﻠﻮﺍ ﻓﻲ ﺍﻟﺤﺎﺟﻪ ﻓﺎﻃﻤﻪ ﻭﻃﺒﺴﻮﺍ ﻋﻠﻴﻬﺎ ﺑﺶ ﻳﻨﻮﺿﻮﻫﺎ ..
ﻓﺎﻃﻤﻪ : ﻋﺪﻥ ﻓﺤﺎﻟﻜﻦ ﻳﺎﻋﻦ ﺷﻜﺎﻟﻜﻦ ﻣﺮﺓ ﻭﺣﺪﻩ ..
ﻛﻔﺎﻳﻪ ﺑﻀﺤﻜﻪ : ﺍﻡ ﺍﻟﻌﻴﻠﻪ ﻧﺠﻴﻬﺎ ﻋﻤﺎﺭ ﺍﻟﺤﻮﺵ ﺍﻻ ﺑﻴﻬﺎ ..
ﻗﻌﺪﻭﺍ ﻳﻐﻨﻮﺍ ﻭﺭﺍﻫﺎ ..
ﺍﻟﺤﺎﺟﻪ ﻓﺎﻃﻤﻪ ﻣﺴﻜﺮﺓ ﺭﺍﺳﻬﺎ ﻣﺎﺗﺒﻴﺶ ﺗﻨﻮﺽ ..
ﺭﺑﺎﺏ : ﻓﻄﻮﻣﻪ ﻓﻄﻮﻣﻪ ﻓﻄﻮﻣﻪ ..
ﺿﺤﻜﻮﺍ ﻭﺍﻏﻠﺐ ﺍﻟﻠﻲ ﻓﺎﻟﺨﻴﻤﻪ ﺑﺼﻮﺕ ﻭﺍﺣﺪ ..
ﻓﻄﻮﻣﻪ ﻓﻄﻮﻣﻪ ﻓﻄﻮﻣﻪ ..
ﻛﻔﺎﻳﻪ : ﻓﻄﻮﻣﻪ ﻃﻤﻄﻮﻣﻪ ..
ﻭﺭﺯﺍﻥ ﺗﻀﺤﻚ ..
ﺍﺳﺘﺴﻠﻤﺖ ﺍﻟﺤﺎﺟﻪ ﻓﺎﻃﻤﻪ ﻭﻧﺎﺿﺖ ..
ﻛﻠﻬﻢ : ﺍﻳﻴﻴﻴﻴﻴﻴﻴﻴﻴﻪ ..
ﻭﻗﻌﺪﺕ ﺑﻠﻘﻴﺲ ﺗﻐﻨﻲ ..
ﻳﺎﻣﻴﻤﺔ ﺍﻟﻌﺮﻳﺲ ﺗﻌﺎﻟﻲ .. ﻓﺮﺣﺎﻧﻪ ﻭﻋﻄﺎﻙ ﺍﻟﻌﺎﻟﻲ ..
ﻭﻗﻌﺪﺕ ﻛﻔﺎﻳﻪ ﺗﺮﻗﺺ ﻓﻴﻬﺎ ..
ﻭﻫﻲ ﺗﻀﺤﻚ ..
ﺯﻳﻨﺐ : ﺣﻮﺷﻨﺎ ﺗﺮﻳﻪ ﻉ ﺗﺮﻳﻪ ﻣﺎﺩﺍﻡ ﺍﻣﻴﻤﺘﻨﺎ ..
ﻃﻠﻘﺘﻬﺎ ﻛﻔﺎﻳﻪ ..
ﻭﻗﻌﺪﺕ ﺍﻟﺤﺎﺟﻪ ﻓﺎﻃﻤﻪ ﺗﺮﻗﺺ ﻳﺈﻳﺪﻳﻬﺎ ..
ﻛﻠﻬﻢ ﻋﻴﻄﻮﺍ ..
ﺣﺪﻫﻢ : ﻫﻀﺎ ﻫﻮ ﻫﻀﺎ ﻫﻮ ..
ﻫﻀﺎ ﺍﻟﻠﻲ ﻧﺒﻮﻩ ...
ﻛﻠﻬﻢ ﻭﺭﺍﻫﺎ ..
ﻫﻀﺎ ﻫﻮ ﻫﻀﺎ ﻫﻮ ..
ﻫﻀﺎ ﻫﻮ ﺍﻟﻠﻲ ﻧﺒﻮﻩ ...
ﻫﻀﺎ ﻫﻮ ﺍﻟﺠﻮ ﺍﻟﺼﺢ ..
ﻫﻀﺎ ﻫﻮ ﺍﻟﻠﻲ ﻳﺼﻠﺢ ...
ﻭﻧﺎﺿﻮﺍ ﺑﻨﺎﺗﻬﺎ ﻭﻗﻔﻮﺍ ﺣﻮﺍﻟﻴﻬﺎ ﻭﻗﻌﺪﻭﺍ ﻳﺼﻔﻘﻮﺍ ﻭﺯﻳﻨﺐ ﺗﺨﻤﺲ ..
ﺗﺎﻻ : ﻳﻬﺒﻠﻮﺍ .
ﺍﻳﻨﺎﺭﻭﺍ : ﺣﺘﻰ ﺍﻧﻲ ﺣﺒﻴﺘﻬﻢ ..
....
ﺳﻨﺎﺀ : ﺟﻮﻫﻢ ﻣﺶ ﻋﺎﺩﻱ ..
ﺧﺎﻟﺘﻬﺎ : ﺍﻟﺤﻖ ﻣﺤﻼﻫﺎ ﻣﻦ ﻋﻴﻠﻪ ﻃﺎﺣﺖ ﻓﻴﻬﻢ ﺍﺧﺘﻚ ..
ﺳﻨﺎﺀ ﺳﺮﺣﺖ ﻭﻫﻲ ﺗﻘﻮﻝ " ﺯﻋﻤﻪ ﺍﻟﻄﺮﻑ ﺍﻟﻠﻲ ﺭﻳﺘﻪ ﺑﻜﺮﻱ ﻭﻟﺪ ﻣﻨﻲ ﻓﻴﻬﻢ ﻭﺯﻋﻤﻪ ﻟﻴﻬﻢ ﻭﻻ ﻻ؟ "!
....
ﻣﺸﺖ ﺍﻟﺤﺎﺟﻪ ﻓﺎﻃﻤﻪ ﻭﻭﻟﺖ ﻟﻤﻜﺎﻧﻬﺎ ..
ﻫﻤﺎ ﻏﻨﻮﺍ ..
ﻏﻴﺮ ﺯﻳﺪ ﺷﻮﻱ ﻣﺎﺭﻳﻨﺎ ﺷﻲ ...
ﻫﻲ ﺑﻀﺤﻜﻪ : ﻋﺪﻥ ﻋﻠﻴﺎ ﻏﺎﺩﻱ ..
ﻭﻗﻌﻤﺰﺕ ﻓﻤﻜﺎﻧﻬﺎ ..
ﻭﻫﻤﺎ ﺑﻌﺪ ﺿﺤﻜﻮﺍ .. ﺯﻏﺮﻃﻮﺍ ﻣﻊ ﺑﻌﻀﻬﻢ ..
💕💕💕💕
ﺍﻫﺎ ﻟﻴﻠﻲ ﺍﻫﻮ ﺍﻟﻠﻲ ﻳﺸﻌﻞ ﺿﻲ ﺍﻫﺎ ﻳﺎﻟﻴﻠﻲ ﺍﻫﻮ ﺍﻟﻠﻲ ﻳﺸﻌﻞ ﺿﻲ .
ﺭﺩﺩﻭﻫﺎ ﻭﺭﺍ ﺍﺭﻳﺞ ..
ﺍﻫﺎ ﻳﺎﻟﻴﻠﻲ ﺍﻫﻮ ﺍﻟﻠﻲ ﻳﺸﻌﻞ ﺿﻲ .. ﺍﻫﺎ ﻳﺎﻟﻴﻠﻲ ﺍﻫﻮ ﺍﻟﻠﻲ ﻳﺸﻌﻞ ﺿﻲ
ﺍﺭﻳﺞ ..
ﻫﻮ ﻭﻻﻏﻴﺮﻩ ﻳﺎﻳﻤﺎ ﻫﻮ ﻭﻻ ﻏﻴﺮﻩ ﻳﺎﻳﻤﺎ ..
ﻫﻮ ﻭﻻ ﻏﻴﺮﻩ ﻫﻮ ﻫﺎﻟﻲ ﻓﻴﻪ ﺍﻟﺨﻴﺮﺓ ﻳﺎﻳﻤﺎ ...
ﻫﻲ ﺗﻐﻨﻲ ﻭﺍﻟﻠﻲ ﻫﺎﺩﻱ ﺧﻄﺮ ﻋﻠﻴﻬﺎ ﻧﺺ ﻗﻠﺒﻬﺎ ﺍﻟﺘﺎﻧﻲ ﺍﻟﻠﻲ ﺣﺎﺿﺮ ﻓﻴﻬﻢ ﻭﺍﻟﻠﻲ ﻏﺎﻳﺐ ..
ﺭﺍﻧﻴﺎ ﺗﺮﺩﺩ ﻣﻌﺎﻫﻢ ﺑﺼﻮﺕ ﻣﺨﻨﻮﻕ ..
ﻫﻮ ﻭﻻ ﻏﻴﺮﻩ .. ﻫﻮ ﻫﺎﻟﻠﻲ ﻓﻴﻪ ﺍﻟﺨﻴﺮﻩ ﻳﺎﻳﻤﺎ ..
ﺍﺭﻳﺞ ..
ﺩﻳﺮﻭﻟﻪ ﻉ ﺍﻟﻌﻴﻦ ﻳﺎﻳﻤﺎ ﺩﻳﺮﻭﻟﻪ ﻉ ﺍﻟﻌﻴﻦ ﻳﺎﻳﻤﺎ ..
ﺩﻳﺮﻭﻟﻪ ﻉ ﺍﻟﻌﻴﻦ ﺧﻤﻴﺴﻪ ﻭﺣﻮﻳﺘﻪ ﻭﻗﺮﻳﻦ ﻳﺎﻳﻤﺎ ...
ﺭﺑﺎﺏ ﺗﺮﺩﺩ ﻓﻴﻬﺎ ﻭﻫﻲ ﺳﺮﺣﺎﻧﻪ ﺑﻔﻜﺮﻫﺎ ﻓﺎﻟﺸﺎﻣﺦ 💕
ﺩﻳﺮﻭﻟﻪ ﻉ ﺍﻟﻌﻴﻦ ﺣﻮﻳﺘﻪ ﻭﺧﻤﻴﺴﻪ ﻭﻗﺮﻳﻦ ﻳﺎﻳﻤﺎ ..
ﺍﺭﻳﺞ ..
ﻫﻮ ﻏﺰﺍﻝ ﺍﻟﺒﻴﺖ ﻳﺎﻳﻤﺎ ﻫﻮ ﻏﺰﺍﻝ ﺍﻟﺒﻴﺖ ﻳﺎﻳﻤﺎ ..
ﻫﻮ ﻏﺰﺍﻝ ﺍﻟﺒﻴﺖ ﺑﻮﻗﺼﺔ ﻃﻮﻳﻠﻪ ﻭﻏﺜﻴﺚ ﻳﺎﻳﻤﺎ ..
ﻭﻋﺎﺩ ﻫﻨﻲ ﺣﺒﺔ ﺍﻟﺴﻜﺮ ﺫﺍﺑﺖ ﻭﻫﻲ ﺗﺘﻔﻜﺮ ﻓﻴﻪ ﻭﻓﻲ ﻣﻘﻠﺒﻪ ﻋﻠﻴﻬﺎ ﺿﺤﻜﺖ ﺑﻌﺪﻳﻦ ﺗﻨﻬﺪﺕ ﻭﺭﺩﺩﺕ ..
ﻫﻮ ﻏﺰﺍﻝ ﺍﻟﺒﻴﺖ ﺑﻮﻗﺼﺔ ﻃﻮﻳﻠﻪ ﻭﻏﺜﻴﺚ ﻳﺎﻳﻤﺎ ..
ﺍﺭﻳﺞ ..
ﺑﻮﺧﺪ ﺷﻤﺎﻉ ﻳﺎﻳﻤﺎ ﺑﻮﺧﺪ ﺷﻤﺎﻉ ﻳﺎﻳﻤﺎ ..
ﺑﻮﺧﺪ ﺷﻤﺎﻉ ﻳﺎﻳﻤﺎ ﺳﺎﺣﺮﻧﻲ ﻭﻣﻨﻪ ﻣﻠﺘﺎﻉ ﻳﺎﻳﻤﺎ ...
ﺭﺩﺩﻭﻫﺎ ﻭﺭﺍﻫﺎ ...
ﺍﺭﻳﺞ ..
ﻣﻐﻼﻩ ﻏﻼﻩ ﻳﺎﻳﻤﺎ ﻣﻐﻼﻩ ﻏﻼﻩ ﻳﺎﻳﻤﺎ ..
ﻣﻐﻼﻩ ﻏﻼﻩ ﻧﺤﻴﺎ ﻭﺍﻻ ﻧﻤﻮﺕ ﺑﻼﻩ ﻳﺎﻳﻤﺎ ...
ﺭﺩﺩﻭﻫﺎ ﻭﺭﺍﻫﺎ ﻭﻫﻲ ﺯﻏﺮﻃﺖ ..
ﻭﺯﻏﺮﻃﻮﺍ ﻛﻔﺎﻳﻪ ﻭﻧﻌﻴﻤﻪ ﻣﻌﺎﻫﺎ ...
ﺍﻟﺤﺎﺟﻪ ﻓﺎﻃﻤﻪ ﻃﺎﺭﺗﻠﻬﺎ ﻣﻦ ﺍﻟﻐﻨﻲ ﺍﻟﻠﻲ ﻳﻐﻨﻮﺍ ﻓﻴﻪ ﻟﻜﻦ ﺳﺎﻛﺘﻪ ﻭﺗﻔﻮﺕ ﻭﺧﻼﺹ ..
ﻭﺍﻟﺸﻮﻁ ﻣﺴﺘﻤﺮ ...
ﻭﺍﺳﺘﻠﻤﻮﺍ ﻋﻦ ﺍﺭﻳﺞ ﺍﻟﺪﻓﻪ ..
ﻛﻔﺎﻳﻪ : ﻣﻨﻮﺭﺓ ﺍﺭﻳﺞ ..
ﺿﺤﻜﺖ ﺍﺭﻳﺞ ﻭﻗﺎﻟﺖ ﺑﺼﻮﺕ ﻋﺎﻟﻲ : ﺍﻟﻨﻮﺭ ﻧﻮﺭﻙ ..
ﺭﻳﻼ ..
ﻭﺩﻱ ﻳﺎﻷﻗﺴﺎﻡ ﺗﻠﻄﻦ .. ﺻﻮﺏ ﻋﺰﻳﺰ ﺣﺪﺍﻳﺎ ﺍﺗﺤﻄﻦ ..
ﺿﺤﻜﻮﺍ ﻭﺭﺩﺩﻭﻫﺎ ﻭﺭﺍﻫﺎ ﺑﺤﻤﺎﺱ ..
ﻓﻌﺰ ﺍﻟﺸﻮﻁ ﺍﻟﻤﻠﻴﺢ ...
ﻧﻄﺖ ﺑﻠﻘﻴﺲ ﺗﻐﻨﻲ ..
ﺍﻟﺪﻧﻴﺎ ﻛﺎﻥ ﻋﻄﺎﺗﻚ ﻟﻲ
ﺑﻌﺪﻫﺎ ﻻﻣﺎﻧﺒﻲ ﺷﻲ ..
ﺿﺤﻜﻮﺍ ﻭﺳﺎﻳﺮﻭﻫﺎ ﻭﺭﺩﻭﺍ ﻭﺭﺍﻫﺎ ..
ﻭﻫﻲ ﺗﻐﻨﻲ ﺗﺘﻔﻜﺮ ﻓﻲ ﺍﻟﻤﻮﻗﻒ ﺍﻟﻠﻲ ﺻﺎﺭﻟﻬﺎ ﻣﻊ ﻣﺤﻤﺪ ﺍﻭﻝ ﻣﺎﺟﺖ ﻭﺍﻟﻜﻠﻤﻪ ﺍﻟﻠﻲ ﻗﺎﻟﻬﺎ 💓
ﻓﻲ ﻧﻔﺲ ﺍﻟﻮﻗﺖ ..
ﻛﺎﻧﺖ ﺣﺪﻫﻢ ﺳﺮﺣﺎﻧﻪ ..
ﺧﻄﺮ ﻋﻠﻴﻬﺎ ﺍﻟﻄﺎﻭﻭﺱ ﻭﻫﻮ ﻻﺑﺲ ﻋﺮﺑﻲ ﻭﺍﻟﺰﻣﺎﻟﻪ ﻉ ﺭﺍﺳﻪ ..
ﺗﻨﻬﺪﺕ ..
ﻭﺑﻌﺪﻳﻦ ﺑﺪﺕ ﺗﻐﻨﻲ ...
ﻳﺎﻣﻮﻻﻱ ﺍﻛﺘﺒﻬﺎ ﻟﻴﺎ ..
ﻧﺎﺧﺪ ﻭﺍﺣﺪ ﻣﻴﺖ ﻓﻴﺎ ..
ﺍﻧﺼﺪﻣﻮﺍ ﺍﻟﺤﺎﺿﺮﻳﻦ ﺑﺎﻟﺬﺍﺕ ﻋﻤﺎﺗﻬﺎ ..
ﺍﻧﻀﻤﺖ ﻟﻴﻬﺎ ﺑﻠﻘﻴﺲ ﻭﻗﻌﺪﻭﺍ ﻳﻐﻨﻮﺍ ﻓﻴﻬﺎ ﻣﻊ ﺑﻌﺾ ..
ﻭﻓﻲ ﻣﻦ ﺿﺤﻚ ﻭﺳﺎﻳﺮﻫﻢ ..
ﺍﻟﺤﺎﺟﻪ ﻓﺎﻃﻤﻪ : ﻏﺎﻟﻴﻪ ﺳﻜﺘﻴﻬﻦ ﻭﻻ ﻭﺍﻟﻠﻪ ﻧﻠﺰﻫﻦ ..
ﻏﺎﻟﻴﻪ : ﻫﻬﻬﻬﻬﻬﻬﻬﻬﻬﻬﻪ .. ﺑﺎﻫﻲ .....
ﻧﺎﺿﺖ ﻏﺎﻟﻴﻪ ... ﻗﺪﻣﺘﻠﻬﻢ ﻭﻃﺒﺴﺖ ﻋﻠﻴﻬﻢ ﻭﻗﺎﻟﺖ : ﻏﻴﺮﻥ ﺍﻟﺪﺳﻜﻪ ﺍﻣﻲ ﻃﺎﻳﺮﺗﻠﻬﺎ ..
ﺿﺤﻜﻮﺍ ..
ﺭﻳﻼ :
ﺍﻣﻴﻤﻪ ﻳﺎﻭﺩﺍﺩﺓ ﺍﻣﻴﻤﻪ ﻳﺎﻭﺩﺍﺩﻩ .. ﺍﻣﻴﻤﻪ ﻳﺎﻭﺩﺍﺩﻩ ﻳﺎﺿﻲ ﺍﻟﺤﻮﺵ ﻭﻣﻴﻌﺎﺩﻩ ..
ﻗﻌﺪﻭﺍ ﻳﻀﺤﻜﻮﺍ ﺑﺪﻣﻮﻋﻬﻢ ..
ﻭﺍﻟﺤﺎﺟﻪ ﻓﺎﻃﻤﻪ ﻣﻄﺮﻣﻪ ﺷﻮﺍﺭﺑﻬﺎ ﺑﺈﺯﺩﺭﺍﺀ ﻭﻫﻲ ﺷﺎﺩﻩ ﺿﺤﻜﺘﻬﺎ ..
ﺍﻣﺎﻝ؛ﻛﻼ ﺑﻨﺖ ﺧﻮﻙ ﻫﺪﻱ ﻣﺎﺗﺒﻲ ﺍﻻ ﺍﻟﻄﻮﺑﻮ ..
ﻋﺰﻳﺰﺓ : ﺗﺒﻲ ﺣﺴﻦ ﻭﺍﻣﻲ ﻭﺳﻴﺪﻱ ﻳﻘﻠﺒﻨﻬﺎ ..
ﺳﻌﻴﺪﻩ ﺑﺮﻓﻌﺔ ﺣﺎﺟﺐ : ﺗﻮ ﻧﻜﻠﻤﻬﺎ ﺑﺮﻭﺣﻲ ﻭﻧﺘﻔﺎﻫﻢ ﻣﻌﺎﻫﺎ ﺍﻟﺒﻨﺖ ﺗﺒﻲ ﺍﻋﺎﺩﻩ ﺗﺄﻫﻴﻞ .
💕💕💕💕💕
ﻭﻣﻦ ﺍﻷﺟﻮﺍﺀ ﺍﻟﺤﻠﻮﺓ ﻓﻲ ﺧﻴﻤﻪ ﺍﻟﻨﺴﺎﻭﻳﻦ ..
ﻟﻸﺟﻮﺍﺀ ﺍﻟﻨﺎﺭﻳﻪ ﻓﺨﻴﻤﻪ ﺍﻟﺸﺒﺎﺏ ..
ﻛﺎﻧﻮﺍ ﺟﺎﻳﺒﻴﻦ ﻓﺮﻗﻪ ﻭﻣﻐﻨﻲ ﺷﻌﺒﻲ ﺑﻌﺪ ﺿﻴﻔﻮﻫﻢ ﺑﺪﻭﺍ ﺑﺎﻟﻮﺻﻠﻪ ..
ﻓﻲ ﺍﻟﻮﻗﺖ ﺍﻟﻠﻲ ﻓﻴﻪ ﺍﻟﻨﺴﺎﻭﻳﻦ ﻭﻗﻔﻮﺍ ﻭﺑﺪﻭﺍ ﻳﻔﺮﻗﻮﺍ ﻋﻠﻴﻬﻢ ﻓﻲ ﺍﻟﻀﻴﺎﻓﻪ ...
🎤 ﺍﻟﻘﻄﻌﻪ ﻛﺎﻧﺖ ﻣﻘﻠﻮﺑﻪ ﺑﺎﺻﻮﺍﺕ ﺍﻟﺸﺒﺎﺏ ﻭﻫﻤﺎ ﻳﻐﻨﻮﺍ ﻣﻊ ﺍﻟﻤﻐﻨﻲ ..
ﻭﻣﻦ ﺍﻟﺤﻤﺎﺱ ﺍﻟﺰﺍﻳﺪ ..
ﻋﻤﺎﺩ ﺧﺪﻱ ﻣﻨﻪ ﺍﻟﻤﺎﻳﻚ ﻭﻗﻌﺪ ﻳﻐﻨﻲ .. ﺑﺼﻮﺕ ﻋﺎﻟﻲ ..
ﻭﻣﻊ ﺑﺤﺔ ﺻﻮﺗﻪ ... ﺯﺍﺩ ﺍﻟﻄﻴﻦ ﺑﻠﻪ ...
💕 ﻣﺎﻧﺼﺮﺑﺶ ﺑﻼﻩ ﺩﻗﻴﻘﻪ ﻭﻻﻧﺤﻤﻞ ﻓﺮﻗﺎﻩ ..
ﻻﻧﺤﻤﻞ ﻓﺮﻗﺎﻩ ﺍﻟﻐﺎﻟﻲ ﺍﻟﻠﻲ ﻗﻠﺒﻲ ﻳﻬﻮﺍﻩ
ﺍﻟﻠﻲ ﻗﻠﺒﻲ ﻳﻬﻮﺍﻩ ﻭﻣﺎﻧﺸﻮﻑ ﻟﻐﺎﻟﻲ ﺧﺎﻃﻴﻪ
ﻻ ﻣﺎﻧﺴﻠﻢ ﻓﻴﻪ ﻏﺰﺍﻟﻲ ﻻﻧﺴﻠﻢ ﻓﻴﻪ ..
ﻋﻴﻮﻧﻲ ﻟﻮ ﻳﺒﻲ ﻧﻌﻄﻴﻪ ..
ﻏﺰﺍﻟﻲ ﻻﻣﺎﻧﺴﻠﻢ ﻓﻴﻪ 💕..
ﻣﺤﻤﺪ ﻭﺣﻤﺰﺓ ﻭﺧﻮﺗﻪ ﻳﻀﺤﻜﻮﺍ ...
ﺍﻟﻔﻨﺎﻥ : ﺍﻳﻮﻩ ﺍﻳﻮﻩ ..
ﻓﻲ ﺧﻴﻤﺔ ﺍﻟﻨﺴﺎﻭﻳﻦ ..
ﺭﺯﺍﻥ ﻋﻴﻮﻧﻬﺎ ﻓﻲ ﺑﺎﻛﻮﺍ ﺍﻟﺤﻠﻮﻳﺎﺕ ﻭﻣﺒﺘﺴﻤﻪ ﻧﺺ ﺇﺑﺘﺴﺎﻣﻪ ﺑﺨﺠﻞ ..
ﺭﺑﺎﺏ : ﺧﻼﺹ ﺭﺯﺍﻥ ﺭﺍﻫﻮ ﻭﺻﻠﺖ ﻋﻨﺪﻩ ﻟﻨﻬﺎﻳﺔ ﺍﻟﻤﻄﺎﻑ ..
ﺑﻠﻘﻴﺲ ﺑﻀﺤﻜﻪ : ﻣﺎﻏﻴﺮ ﻣﻦ ﺗﻮﺍ ﻓﻜﺮﻱ ﻓﺼﺒﻐﻪ ﺷﻌﺮﻙ ..
ﺿﺤﻜﻮﺍ ﺍﻟﺒﻨﺎﺕ ..
ﻭﻫﻲ ﻣﺘﺤﺸﻤﻪ .. ﻉ ﻓﺮﺣﺎﻧﻪ ﻭﺩﺍﻳﺒﻪ ﻓﻌﻤﺎﺩ ﻭﺣﺮﻛﺎﺗﻪ ﻭﺟﻨﻮﻧﻪ ﺑﻴﻬﺎ ..
...
ﻛﻔﺎﻳﻪ : ﺍﻣﻤﻢ .. ﻣﺶ ﺗﺎﻡ ﺍﻟﻌﺮﺱ ﻗﺒﻞ ﻳﻜﻠﻢ ﺧﺎﻟﻪ ﻭﻟﺪﻱ ﻭﻧﻌﺮﻓﻪ ..
ﺿﺤﻜﻮﺍ ..
ﺣﻤﻴﺪﻩ : ﺯﻳﺪﻱ ﻓﻜﺮﻱ .. ﻭﻋﻘﻠﻴﻪ ﻳﺎﻛﻔﺎﻳﻪ ..
ﺷﺒﺤﻮﻟﻬﺎ .
ﻛﻔﺎﻳﻪ ﺷﺮﺑﺖ ﺍﻟﺸﺎﻫﻲ ﻭﻗﺎﻟﺖ : ﻣﺶ ﺻﻐﻴﺮ ﺑﺶ ﻧﻮﺟﻬﻪ ﻭﻟﺪﻱ ﺭﺍﺟﻞ ﻭﻋﺎﺭﻑ ﻣﺼﻠﺤﺘﻪ ..
ﺣﻤﻴﺪﻩ : ﺗﺼﻄﻔﻠﻲ ..
ﺳﻜﺘﻮﺍ ﺧﻮﺍﺗﻬﺎﻭﺍﻧﻘﻠﺐ ﺟﻮﻫﻢ ﻓﻤﺮﺓ ﻭﺣﺪﻩ ...
🍁🍁🍁🍁🍁
ﺑﻌﺪ ﺳﺎﻋﻪ ﻭﻧﺺ ﻣﻦ ﻣﻦ ﻭﺻﻠﺔ ﺍﻟﻔﺮﻗﻪ ..
ﺟﻲ ﺩﻭﺭ ﺍﻟﻘﻨﺪﻳﻞ ..
ﻟﺒﺴﻮﺍ ﻋﺒﺎﻳﺎﺗﻬﻢ ﻭﺗﺤﺠﺒﻮﺍ ..
ﻃﻠﻌﻮﺍ ﺍﻟﻨﺴﺎﻭﻳﻦ ﺑﺮﺍ ﺍﻟﺨﻴﻤﻪ ..
ﻭﻭﻟﻌﻮﺍ ﺍﻟﻘﻨﺪﻳﻞ ﺣﺪﺍ ﺍﻟﺠﺮﺩﻳﻨﻪ ..
ﻭﺑﺪﻭﺍ ﻳﺸﺘﻮﺍ ﻋﻠﻴﻪ ..
ﺭﻳﻼ ..
ﺍﻟﺼﻘﺮ ﺍﻟﻠﻲ ﻛﺎﻥ ﻣﻜﻤﻜﻢ ﻓﺮﺩ ﺟﻨﺤﺎﻧﻪ ﻭﺟﺎﺏ ﻋﻠﻢ ...
ﻛﺮﺭﻭﻫﺎ ﻣﺮﺗﻴﻦ ﻭﺍﻳﺪﻳﻬﻢ ﺗﺼﻔﻖ ﺑﺤﺮﺍﺭﺓ ..
ﺯﻳﻨﺐ ..
ﺗﻬﻨﻰ ﻳﺎﻗﻠﺒﻲ ﻭﺍﺭﺗﺎﺡ ﺍﻟﻐﺎﻟﻲ ﺩﺭﻧﺎﻟﻪ ﻣﻄﺮﺍﺡ ..
....
ﻛﻔﺎﻳﻪ ..
ﻳﺎﻣﺒﺮﻭﻙ ﻋﻠﻴﻪ ﺍﻟﺴﻠﻮﻯ .. ﺳﻜﺎﺕ ﺍﻟﻌﻴﻞ ﺑﺎﻟﺤﻠﻮﻯ ..
...
ﻏﺎﻟﻴﻪ ..
ﻳﺎﺳﻌﺪﻭﺩ ﺍﻟﻠﻲ ﺑﺘﺠﻴﻨﺎ .. ﻣﺎﻏﻴﺮ ﺍﻟﺮﺍﺣﻪ ﻭﺍﻟﺰﻳﻨﻪ ..
ﺳﻤﻴﻪ ﻣﻄﺖ ﺷﻮﺍﺭﺑﻬﺎ ﺑﻤﻠﻞ ..
ﻟﻄﻴﻔﻪ ..
ﺍﻟﻤﺎﻝ ﺍﻟﻠﻲ ﺟﺎﺏ ﺍﻟﺰﻧﻴﻦ .. ﻣﺰﻛﻰ ﺣﺎﺿﺮ ﻟﻴﻮﻡ ﺍﻟﺪﻳﻦ ..
ﺯﻏﺮﻃﻮﺍ ﻛﻠﻬﻢ .. ﻭﻋﺠﺒﺘﻬﻢ ﻣﺸﺎﺭﻛﻪ ﻟﻄﻴﻔﻪ ..
ﺳﻌﻴﺪﻩ ﺍﻧﺘﺨﺼﺖ ﻃﻮﻝ ﻏﻨﺖ .
ﻣﺎﺷﺎﺀ ﺍﻟﻠﻪ ﻋﻠﻴﻚ ﺍﻭﻻﺩ .. ﻏﻴﺮ ﺍﻟﺼﻴﺖ ﺍﻟﺒﺎﻫﻲ ﺳﺎﺩ
ﻛﻠﻬﻢ .. ﺍﻳﻴﻴﻴﻴﻴﻴﻴﻪ .. ﻫﻴﻴﻬﻴﻪ .... ﻫﻴﻴﻬﻴﻴﻪ ...
ﺳﻤﻴﻪ ﻋﺎﺩ ﺑﺘﻘﻌﺪ ﺳﺎﻛﺘﻪ ﻣﺎﺗﺠﻴﺶ ﻃﻮﻝ ﻏﻨﺖ ﻟﻜﻦ ﻣﺸﺎﺭﻛﺘﻬﺎ ﻃﺎﻟﻌﻪ ﻣﻦ ﻗﻠﺒﻬﺎ 🖤
ﺇﻥ ﺷﺎﺀ ﺍﻟﻠﻪ ﺗﻄﻠﻊ ﺑﻨﺖ ﺍﺟﻮﺍﺩ .. ﺗﻠﻢ ﺍﻟﻌﻴﻠﻪ ﻉ ﺍﻟﺒﺮﺍﺩ ..
ﺣﻤﻮﺍﺗﻬﺎ ﻭﺳﻠﻔﺎﺗﻬﺎ ﺷﺒﺤﻮﻟﻬﺎ ..
ﺍﻣﺎ ﺍﻟﺠﻴﺮﺍﻥ ﻭﺍﻟﻤﻌﺎﺭﻑ ﻗﻌﺪﻭﺍ ﻳﺮﺩﻭﺍ ﻭﺭﺍﻫﺎ .
ﺯﺑﻨﺐ ﺑﻬﻤﺲ : ﻟﻤﻴﺘﻬﻢ ﺍﻧﺘﻲ ﻣﺎﻩ .
ﻛﺎﻧﺖ ﺣﺪﺍﻫﺎ ﺣﺪﻫﻢ ﺳﻤﻌﺘﻬﺎ ﺿﺤﻜﺖ ..
ﺍﻟﺘﻔﺘﺖ ﺯﻳﻨﺐ ﻟﺤﺪﻫﻢ ﻭﺿﺤﻜﺖ ..
ﺣﻤﻴﺪﻩ ﺍﺑﺘﺴﻤﺖ ﺑﺮﻓﻌﺔ ﺣﺎﺟﺐ " ﺟﺎﻳﺎﺗﻚ ﺍﻳﺎﻡ ﺳﻤﺤﻪ ﻳﺎﺑﻨﺖ ﻋﺒﻮﺩﺓ "
ﺭﻳﻼ ..
ﻫﻜﻲ ﻫﻠﻨﺎ ﻛﻴﻒ ﻧﺒﻮﻫﻢ .. ﻓﻌﻠﻮﻩ ﻭﺍﻟﻨﺎﺱ ﻳﺠﻮﻫﻢ ...
ﺭﺩﺩﻭﻫﺎ ﻭﺭﺍﻫﺎ ... ﻭﺑﻌﺪﻫﺎ ﺯﻏﺮﻃﻮﺍ ...
💕💕💕💕💕💕💕💕💕💕💕
ﻭﺍﺳﺘﻤﺮﺕ ﺍﺟﻮﺍﺀ ﺍﻟﻔﺮﺡ ﺍﻟﻤﻠﻬﻠﺒﻪ ﻟﻌﻨﺪ ﺍﻟﺴﺎﻋﻪ 2:00 ﺗﻤﺎﻣﺎ ..
ﺭﻭﺣﻮﺍ ﺍﻟﻤﻌﺎﺯﻳﻢ ﺭﺟﺎﻟﻪ ﻭﻧﺴﺎﻭﻳﻦ ﻭﺍﻟﻔﺮﻗﻪ ﻛﺬﻟﻚ ..
ﺍﻟﻠﻲ ﻣﺄﺟﺮﻟﻬﻢ ﻋﻤﺎﺩ ﺷﻘﺔ ﻳﻘﻌﺪﻭﺍ ﻓﻴﻬﺎ ..
💕💕💕💕💕
ﻭﻗﻌﺪﺕ ﺍﻟﻌﻴﻠﻪ ﺳﺎﻫﺮﻩ ...
🌹🌹🌹🌹
ﻫﺎﻧﻴﺒﺎﻝ ﻣﻦ ﻟﻤﺎ ﺑﺪﻱ ﺍﻟﻌﺮﺱ ﺭﺳﻤﻲ ﻣﻌﺎﺵ ﺧﺶ ﻉ ﺧﻮﺍﺗﻪ ﺍﻟﺤﻮﺵ ﻧﻬﺎﺋﻲ ..
ﺍﻭﻻ ﻣﺘﺤﺸﻢ .. ﺗﺎﻧﻴﺎ .. ﻋﺎﺭﻓﻬﻢ ﻣﺶ ﺣﻴﺨﻠﻮﻩ ﻓﺤﺎﻟﻪ ..
ﻭﻛﺎﻥ ﻳﺒﺎﺕ ﺑﺲ ﻓﻲ ﺍﻟﻤﺮﺑﻮﻋﻪ ..
ﺑﺲ ﻓﻬﺎﻟﻠﻴﻠﻪ ﺭﻛﺐ ﺑﺎﺕ ﻓﻲ ﺷﻘﺘﻪ ﺍﻟﺼﻐﻴﺮﻭﻧﻪ ..
ﺍﻟﻠﻲ ﺩﺍﺭ ﻓﻴﻬﺎ ﻛﻮﺟﻴﻨﻪ ... ﻭﺣﻤﺎﻡ ...
ﻳﻌﻨﻲ ﻛﺴﺮ ﺣﻴﻂ ﻓﻲ ﺍﻟﺪﺍﺭ ﻭﻛﻤﻞ ﺑﻨﻲ ﺣﻤﺎﻡ ﻭﻛﻮﺟﻴﻨﻪ ﺻﻐﺎﺭ ..
ﻓﺘﺢ ﺍﻟﺒﺎﺏ ﻭﺧﺶ ﺻﻜﺮﻩ ..
ﻓﺘﺢ ﺍﻟﻀﻲ ..
ﻗﻌﺪ ﻳﺪﻭﺭ ﻓﻴﻬﺎ ﻭﻳﺸﻮﻑ ..
ﻫﺎﻧﻴﺒﺎﻝ ﻧﻮﻋﻴﺘﻪ ﻣﺎﻳﺤﺒﺶ ﻳﺒﺎﻥ ﻣﻘﺼﺮ .. ﻭﺑﺎﻟﺬﺍﺕ ﻣﻊ ﻣﺮﺍﻡ ﺍﻟﻤﺮﺍﻩ ﻭﻻ ﻣﺮﺓ ﻃﻠﺒﺖ ﻣﻨﻪ ﺣﺎﺟﻪ ﻧﻬﺎﺋﻲ .
ﻭﻛﺎﻥ ﻟﻤﺎ ﻳﻄﻠﺐ ﺭﺍﻳﻬﺎ ﻓﺸﻲ ﻳﺒﻌﺘﻠﻪ ﺻﻮﺭﻩ ﺗﻘﻮﻟﻪ ﺧﻞ ﻧﺰﻳﺪ ﻧﺸﻮﻑ ﻭﻧﺮﺩ ﻋﻠﻴﻪ ..
ﻭﻛﺎﻧﺖ ﺗﺨﺘﺎﺭ ﺍﻻﺭﺧﺺ ﺳﻌﺮ ..
ﺯﺑﻄﻬﺎ ﺍﻧﻪ ﻛﺎﻧﺖ ﺗﺴﺄﻝ ﻭﺍﺩﻭﺭ .. ﻭﻣﺎﺗﺒﻴﺶ ﺗﻜﻠﻔﻪ .. ﻭﻫﻮ ﺑﺤﺮﻛﺘﻬﺎ ﻫﺎﺩﻱ ﻛﺎﻧﺖ ﺗﺰﻳﺪ ﺗﻜﺒﺮ ﺍﻛﺜﺮ ﻭﺍﻛﺜﺮ ﻓﻌﻴﻮﻧﻪ ..
ﻭﺍﻟﻠﻲ ﻫﻲ ﻣﺎﺗﻌﺮﻓﺎﺵ ﺍﻥ ﻫﺎﻧﻴﺒﺎﻝ ﺧﺪﻱ ﻋﻜﺲ ﺍﺧﺘﻴﺎﺭﺍﺗﻬﺎ ..
ﻛﻠﻪ ﻭﻻﻳﺒﺎﻥ ﻣﻘﺼﺮ ﻭﻻ ﻫﻲ ﺑﺮﻏﻢ ﻇﺮﻭﻓﻪ ﺗﻨﻘﺼﻬﺎ ﺣﺎﺟﻪ ..
ﺍﻳﻪ ﺣﻮﺷﻬﻢ ﺷﻘﻴﻘﺔ ﺻﻐﻴﺮﺓ ﺣﺎﻟﻴﺎ ﻟﻜﻦ ﺍﻟﻠﻲ ﻳﺨﺸﻬﺎ ﻳﻨﺒﻬﺮ ﺑﻴﻬﺎ ﻣﻦ ﺗﻔﺮﻳﺶ ﺣﻠﻮ ﻭﺍﻟﻜﻮﺟﻴﻨﻪ ﻛﻞ ﺷﻲ ﻓﻴﻬﺎ ﻗﺪﺭ ﺍﻟﻤﺴﺘﻄﺎﻉ ..
ﺧﺶ ﺩﺍﺭ ﺍﻟﻨﻮﻡ ..
ﻗﻌﻤﺰ ﻉ ﻛﺮﺳﻲ ﻣﻮﺟﻮﺩ ﻓﻮﺳﻄﻬﺎ ..
ﻭﻗﻌﺪ ﻳﺘﺄﻣﻞ ﻓﻴﻬﺎ ..
ﺗﻨﻬﺪ .. ﻭﺍﺑﺘﺴﻢ .. ﺑﻌﺪﻳﻦ ﻃﻠﻊ ﺗﻠﻴﻔﻮﻧﻪ ﻣﻦ ﺟﻴﺒﻪ .. ﻭﺷﺎﻑ ﻓﻴﻪ ﺭﺳﺎﻟﻪ ..
ﻓﺘﺤﻬﺎ ... ﻭﻗﺮﺍﻫﺎ
‏( ﻏﺪﻭﺓ ﺑﻴﺠﻮﺍ ﺧﻮﺍﺗﻲ ﺑﺲ .. ﻭﻃﺒﻌﺎ ﺍﻟﻠﻴﻠﻪ ﻣﺎﻧﻘﺪﺭ ﻧﻜﻠﻤﻚ ﻷﻧﻲ ﻣﺤﻨﻴﻪ ... ﺗﺼﺒﺢ ﻉ ﺧﻴﺮ ‏)
ﺿﺤﻚ ﺑﻌﺪﻳﻦ ﻗﺎﻝ : ﻛﻠﻬﻦ ﻫﺎﻟﻜﻢ ﺳﺎﻋﻪ ﻳﺎﺑﻨﺖ ﻋﺒﻮﺩﻩ 💕
💕 ﻭﺑﻨﺖ ﻋﺒﻮﺩﻩ ﻣﻦ ﺍﻟﺘﻌﺐ ﻛﺎﻧﺖ ﺭﺍﻗﺪﻩ ﺑﺎﻟﻨﻮﻡ 💕
💕💕💕💕💕💕💕💕💕💕💕💕💕
ﺷﻦ ﻫﻲ ؟؟ !!
ﻣﺎﻟﻚ ﺑﻀﺤﻜﻪ : ﻣﻘﻠﺐ ﻳﺎﻡ ﺧﻴﺮﻧﺎ ..
ﻛﻔﺎﻳﻪ : ﻻ ﻳﺎﻛﺒﺪﻱ ﻓﻜﻨﻲ ﻭﻛﺎﻥ ﺗﺤﺮﺝ ﻣﻨﻲ ﺍﺧﺘﻲ .
ﻣﺎﻟﻚ : ﻗﻮﻟﻴﻠﻬﺎ ﺑﻨﺘﻚ ﻣﺴﻜﺮﺓ ﺭﺍﺳﻬﺎ ﻭﻗﺎﻟﺖ ﻣﻌﺎﺵ ﻧﺒﻴﻪ ..
ﻛﻔﺎﻳﻪ ﻓﻜﺮﺕ ﺷﻮﻳﻪ ﺑﻌﺪﻳﻦ ﻗﺎﻟﺖ : ﻭﻛﺎﻥ ﺟﺖ ﻉ ﺭﺍﺳﻚ ..
ﻣﺎﻟﻚ ﺣﺮﻙ ﺭﺍﺳﻪ ﺍﻳﻤﻴﻦ ﻭﻳﺴﺎﺭ ﻭﻫﻮ ﻳﻘﻮﻝ : ﻣﺎﺗﺠﻴﺶ ﻉ ﺭﺍﺳﻲ ..
ﺳﻜﺘﺖ ﻭﻫﻲ ﺗﺸﻮﻓﻠﻪ ..
ﻫﻮ ﻳﺸﻮﻓﻠﻬﺎ ﺑﺈﺻﺮﺍﺭ ..
ﻉ ﺟﻴﺔ ﻧﻮﺭ ﺍﻟﻠﻲ ﻛﺎﻧﺖ ﻓﻴﺪﻫﺎ ﺭﺿﺎﻋﺔ ﺑﻨﺖ ﺍﺧﺘﻬﺎ ..
ﻣﺎﻟﻚ ﺑﺼﻮﺕ ﻣﺴﻤﻮﻉ : ﺗﻤﺎﻡ ﻳﺎﻡ ﻣﺪﺍﺑﻴﻚ ﻏﺪﻭﺓ ﺗﻔﺘﺤﻲ ﺍﻟﻤﻮﺿﻮﻉ ..
ﻛﻔﺎﻳﻪ ﺍﺳﺘﻐﺮﺑﺖ ﻛﺎﻧﺖ ﻋﺎﻃﻴﻪ ﺑﺎﻟﻈﻬﺮ ﻭﻣﺎﺭﺗﺶ ﻧﻮﺭ ..
ﺍﺷﺮﻟﻬﺎ ﻣﺎﻟﻚ ﻉ ﺍﻟﻜﻮﺟﻴﻨﻪ ..
ﻓﻬﻤﺖ ﻋﻠﻴﻪ ﻭﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﻗﺎﻟﺖ : ﺑﺎﻫﻲ ﺯﻱ ﻣﺎﺗﺒﻲ ﻭﻟﻴﺪﻱ ﻭﺍﻧﺖ ﻭﻗﺴﻤﻚ ...
ﻣﺎﻟﻚ : ﺭﺑﻲ ﻳﺴﻬﻠﻬﺎ ..
ﻛﻔﺎﻳﻪ : ﻳﺎﺭﺏ ..
ﻣﺎﻟﻚ : ﻫﻲ ﺗﺼﺒﺤﻲ ﻉ ﺧﻴﺮ ..
ﻣﺸﻲ ...
ﻛﻔﺎﻳﻪ : ﻗﺪﺍﻣﻚ ﻛﻞ ﺧﻴﺮ ..
ﻭﻟﻔﺖ ﺑﺘﺨﺶ ﻉ ﻃﻠﻌﺖ ﻧﻮﺭ ﻣﻦ ﺍﻟﻜﻮﺟﻴﻨﻪ ﺗﺨﺾ ﻓﻲ ﺍﻟﺮﺿﺎﻋﻪ ..
ﺷﺒﺤﺘﻠﻬﺎ ﺧﺎﻟﺘﻬﺎ ﺑﺄﺳﻒ ﻭﺣﺮﻛﺖ ﺭﺍﺳﻬﺎ ﺍﻳﻤﻴﻦ ﻭﻳﺴﺎﺭ ﻭﻣﺸﺖ ..
ﻭﻧﻮﺭ ﻗﻠﺒﻬﺎ ﻧﺨﺼﻬﺎ ...
💕 ﻓﻲ ﺍﻟﺨﻴﻤﻪ ..
ﺍﻧﻲ ﻳﻌﺠﺐ ﻓﻴﺎ ﺍﻷﻣﻴﺮ ﻣﺼﻄﻔﻰ ..
ﺣﺪﻫﻢ : ﺣﺘﻰ ﺍﻧﻲ ...
ﺭﺯﺍﻥ : ﻭﺍﻟﻠﻪ ﺑﺎﻟﻲ ﺑﻴﻚ ﺍﺣﻼ ﻣﻨﻬﻢ ﺑﻤﻴﺔ ﻣﺮﺓ .. ﺷﻮﻓﻦ ﺩﻭﺭﺕ ﻉ ﺻﻮﺭﻩ ﻓﻲ ﺍﻟﻐﻮﻏﻞ ..
ﻭﻭﺟﻬﺘﻠﻬﻢ ﺍﻟﺘﻠﻴﻔﻮﻥ ﻭﻗﻌﺪﺕ ﺗﻮﺭﻳﻠﻬﻢ ﻓﻲ ﺍﻟﺼﻮﺭ ...
ﺣﺪﻫﻢ : ﺑﻴﻌﺌﺪ ....
ﺭﻓﻘﻪ : ﻭﺍﺍﺍﻭ .. ﺑﺎﻫﻲ ﺷﻦ ﺍﺳﻤﻪ ﻫﻮ ..
ﺭﺯﺍﻥ : ﺑﻮﺭﺍﻙ ..
ﻓﻨﺼﻮﺍ ﺭﺑﺎﺏ ﻭﺭﻓﻘﻪ ﻫﻲ ﺍﺳﺘﻐﺮﺑﺖ ..
ﻓﺠﺄﺓ ﺍﻧﺠﺒﺪ ﻣﻨﻬﺎ ﺍﻟﺘﻠﻴﻔﻮﻥ ..
ﺍﻧﺨﻠﻌﺖ ..
ﻋﻤﺎﺩ ﺑﻌﺼﺒﻴﻪ : ﻻ ﺑﺮﺍﻙ ﻻﻋﺼﺒﺎﻥ ﺷﻤﺲ ..
ﺭﺯﺍﻥ : ﻫﺎﺕ ﺟﺎﻱ ﺍﻟﺘﻠﻴﻔﻮﻥ ..
ﻭﺧﺮ ﻋﻤﺎﺩ ﻭﻫﻮ ﻳﺸﻮﻑ ﻟﻠﺼﻮﺭ : ﺷﻦ ﻋﺎﺟﺒﻚ ﻓﻔﻨﺰﻭﺯﺗﻪ ﺗﺮﺍ ﻗﻮﻟﻴﻠﻲ ..
ﺭﺯﺍﻥ : ﻣﺶ ﻓﻨﺰﻭﺯﺗﻪ ﺑﺲ .. ﺷﻮﻑ ﺍﻟﺸﺨﺼﻴﻪ ﻭﺍﻟﺠﺎﺩﺑﻴﻪ ..
ﻓﻨﺺ : ﺷﻦ ﻫﻮﻭ !!!!
ﺿﺤﻜﻮﺍ ﺍﻟﺒﻨﺎﺕ ..
ﻭﻫﻲ ﺧﺎﻓﺖ ..
ﺣﺪﻫﻢ ﺗﺰﻳﺪ ﻓﻴﻬﺎ : ﻭﺭﺍﺳﻚ ﻳﺎﺭﻭﺯﻱ ﺍﻟﻌﻤﺪﻩ ﺍﺣﻼ ﻣﻨﻪ ﺑﻤﻴﺔ ﻣﺮﺓ ..
ﺍﺷﺮ ﻉ ﺣﺪﻫﻢ ﺑﻴﺪﻩ ﺍﻟﻠﻲ ﻓﻴﻬﺎ ﺍﻟﺘﻠﻴﻔﻮﻥ ﻭﻫﻮ ﻳﺸﻮﻑ ﻟﺮﺯﺍﻥ ..
ﺭﺯﺍﻥ ﺷﺒﺤﺘﻠﻬﺎ ﺑﺮﺑﻊ ﻋﻴﻦ : ﻣﺎﺩﺧﻠﻜﺶ ..
ﻋﻤﺎﺩ : ﺗﻮ ﻧﻮﺭﻳﻚ .. ﻣﺴﺢ ﺻﻮﺭﻩ ﻛﻠﻬﻢ ﻣﻦ ﺗﻠﻴﻔﻮﻧﻬﺎ .. ﻭﻃﻠﻊ ﺗﻠﻴﻔﻮﻧﻪ ﻭﻓﺘﺢ ﻉ ﺍﻟﺼﻮﺭ ..
ﺭﺯﺍﻥ : ﺟﻴﺐ ﺍﻟﺘﻠﻴﻔﻮﻭﻭﻥ ..
ﻋﻤﺎﺩ ﻭﻫﻮ ﻻﻫﻲ : ﺍﺻﺼﺼﺼﺼﺺ ..
ﻭﻗﻌﺪ ﻳﺒﻌﺖ ﻓﺼﻮﺭﻩ ﻗﺮﻳﺐ 25 ﺻﻮﺭﺓ .... ﻟﻴﻦ ﺗﻌﺒﺖ ﺍﻟﺬﺍﻛﺮﺓ ﻣﺘﺎﻋﻬﺎ ....
ﺭﺯﺍﻥ : ﻣﺎﺗﺨﻠﻨﻴﺶ ﻧﻌﻴﻂ ..
ﻗﺮﺏ ﻭﻣﺎﺩﻫﻮﻟﻬﺎ : ﻫﺎﻛﻲ ....
ﻣﺪﺕ ﻳﺪﻫﺎ ﺑﺘﺎﺧﺪﻩ ﺭﻓﻊ ﻳﺪﻩ ..
ﻭﺭﻓﻘﻪ ﻭﺣﺪﻫﻢ ﻳﺘﻔﺮﺟﻮﺍ ﻭﻳﻀﺤﻜﻮﺍ ..
ﺭﺯﺍﻥ : ﻫﺎﺍﺍﺍﺍﺍﺕ ..
ﻧﺰﻝ ﻳﺪﻩ ﺧﺪﺍﺗﻪ ﻃﻮﻝ ..
ﻭﺟﺖ ﺑﺘﻤﺸﻲ ..
ﻋﻤﺎﺩ : ﻗﻮﻟﻮﻟﻲ ﻳﺎﺑﻨﺎﺕ ﺷﻦ ﺭﺍﻳﻜﻢ ﻓﺎﻟﺰﻳﻦ ﺍﻷﻣﺎﺯﻳﻐﻲ ..
ﻭﻗﻔﺖ ﻓﻤﻜﺎﻧﻬﺎ ..
ﺭﻓﻘﻪ : ﺧﻴﺎﺍﺍﻝ ..
ﺣﺪﻫﻢ : ﻳﻤﺸﻲ ﻣﻌﺎﻙ ..
ﺭﺯﺍﻥ ﺍﻟﺘﻔﺘﺖ : ﺗﺮﺍ ﺳﻜﺮﻥ ﺍﻓﺎﻣﻜﻦ ..
ﺿﺤﻜﻮﺍ ﻋﻠﻴﻬﺎ ﺍﻟﺘﻼﺗﻪ ..
ﻫﻲ ﺍﻧﺤﺮﺟﺖ ﻃﻮﻝ ﻟﻔﺖ ﻭﻣﺸﺖ ﺑﺴﺮﻋﻪ ..
ﻫﻮ ﻟﺤﻘﻬﺎ ...
ﻋﻤﺎﺩ؛ﺍﺍﺍﻩ ﻳﺎﻗﻠﺒﻲ .. ﺍﺍﺍﻩ .. ﺧﻼﺹ ﻣﻮﺿﻮﻋﻚ ﺑﻨﺘﻤﻪ ﻳﺎﻗﻠﺒﻲ ﺍﺭﺗﺎﺡ ..
ﻫﻲ ﺧﺸﺖ ﻭﻫﻲ ﻣﺒﺘﺴﻤﻪ ﺑﺮﻓﻌﺔ ﺣﺎﺟﺐ ..
ﺍﻣﺎ ﻫﻮ ﻗﻌﺪ ﻭﺍﻗﻒ ﺷﻮﻳﻪ .. ﺗﻨﻬﺪ ﻭﺑﻌﺪﻳﻦ ﻣﺸﻲ ﺑﻄﺮﻳﻘﻪ ﻟﻠﻤﺮﺑﻮﻋﻪ ﺍﻟﺨﺎﺭﺟﻴﻪ ..
ﻭﻫﻮ ﻣﺎﺷﻲ ..
ﻭﻗﻒ ﻟﻤﺎ ﺳﻤﻊ ..
" ﺍﻧﻲ ﺑﺈﺫﻥ ﺍﻟﻠﻪ ﻏﺪﻭﺓ ﺑﻨﻔﺘﺢ ﻣﻌﺎﻩ ﺍﻟﻤﻮﺿﻮﻉ .."
ﺗﻠﻔﺖ ﺟﻨﺒﻪ ﻟﻘﻲ ﺭﺍﺟﻞ ﺧﺎﻟﺘﻪ ﻧﻌﻴﻤﻪ ﻭﺍﻗﻒ ﻉ ﻣﺆﻧﺲ ﺣﺪﺍ ﺷﺠﺮﺓ ﺳﺮﻭﻝ ..
ﻋﺒﺪﺍﻟﺴﻼﻡ : ﻟﻜﻦ ﻧﺒﻴﻚ ﻳﺎﻭﻟﺪﻱ ﺗﺤﻂ ﻓﺮﺍﺳﻚ ﺟﻤﻴﻊ ﺍﻹﺣﺘﻤﺎﻻﺕ ﻭﻛﻞ ﺍﻟﺮﺩﻭﺩ ﻉ ﻃﻠﺒﻚ ﻟﻮﻛﺎﻧﺖ ﻋﻜﺲ ﻣﺎﺗﺒﻲ ﺗﻜﻮﻥ ﻣﺘﻬﻴﺌﻠﻬﺎ ..
ﺑﻨﺘﻪ ﻫﺎﺩﻱ ﺑﺎﻟﺬﺍﺕ ﺗﻌﺮﺿﺖ ﻟﺘﺠﺮﺑﻪ ﻓﻲ ﺍﻟﺴﺎﺑﻖ ﺻﻌﺒﻪ ﻃﺒﻴﻌﻲ ﺑﻴﺨﺎﻑ ﻋﻠﻴﻬﺎ ﻭﻳﺒﺎﻟﻎ .
ﺗﻨﻬﺪ ﻣﺆﻧﺲ ﻭﻗﺎﻝ : ﺣﺎﻁ ﻓﺮﺍﺳﻲ ﻛﻞ ﺷﻲ ﻭﻋﺎﺭﻑ ﻛﻞ ﺷﻲ .. ﻭﻣﺴﺘﻮﻋﺐ ﻭﺿﻌﻲ ﺍﻟﻠﻲ ﺍﻧﻲ ﻓﻴﻪ ﻳﺎﻋﻤﻲ ﻭﻧﺤﺎﻭﻝ ﻧﻘﻨﻊ ﻋﻤﻲ ﺧﻴﺮﻱ ﻭﺑﺈﺫﻥ ﺍﻟﻠﻪ ﺣﻴﻘﺘﻨﻊ ..
ﻋﺒﺪﺍﻟﺴﻼﻡ : ﺇﻥ ﺷﺎﺀ ﺍﻟﻠﻪ ..
ﻛﻤﻞ ﻋﻤﺎﺩ ﻃﺮﻳﻘﻪ ﻭﻫﻮ ﻳﻔﻜﺮ ﻓﻲ ﻭﺿﻊ ﻣﺆﻧﺲ ..
ﻓﻬﻢ ﺍﻧﻪ ﻳﺒﻲ ﺭﺑﺎﺏ ﻭﻭﺿﻌﻪ ﻣﺶ ﺣﻴﺴﺎﻋﺪﻩ ﻫﻠﺒﻪ ﺑﺶ ﻳﻨﺠﺢ ﻓﻲ ﻣﺴﻌﺎﻩ ..
ﻭﻗﻠﺐ ﻋﻤﺎﺩ ﺍﻟﻄﻴﺐ ﺍﻧﻮﺟﻊ ﻟﺤﺎﻟﻪ ...
ﻋﻤﺎﺩ : ﺗﻮ ﻧﻜﻠﻤﻪ ﻣﻌﺎﻫﻢ ﺣﺘﻰ ﺍﻧﻲ .. ﻧﺴﻬﻞ ﻋﻠﻰ ﻏﻴﺮﻱ ﺑﺶ ﺭﺑﻲ ﻳﺴﻬﻠﻬﺎ ﻋﻠﻴﺎ ..
ﻭﺻﻞ ﻓﻲ ﺍﻟﻤﺮﺑﻮﻋﻪ ﻟﻘﻲ ﺗﻴﻔﺴﺎ ﻗﺎﻋﺪ ﻳﺘﻜﻠﻢ ﺑﺎﻟﺘﻠﻴﻔﻮﻥ .
ﻋﻤﺎﺩ ﺑﻀﺤﻜﻪ : ﺷﻜﻠﻬﺎ ﺻﺒﺎﺣﻲ ﺍﻟﺤﻜﺎﻳﻪ . ﺍﺑﺘﺴﻢ ﻭﻗﺎﻝ .. ﻋﺮﺳﺎﻥ ﺣﻘﻬﻢ ..
ﺗﻨﻬﺪ ﺑﻌﺪﻳﻦ ﻗﺎﻝ : ﺍﻣﺘﻰ ﻳﺎﺭﺑﻲ ﺑﺲ .. ﻭﺍﻟﻠﻪ ﻛﺒﺪﻱ ﺩﺍﺑﺖ ..
ﺳﻜﺖ ﻟﻤﺎ ﻗﻌﺪ ﻳﺴﻤﻊ ﻓﻴﻪ ﻳﻘﻮﻝ ..
ﺗﻴﻔﺴﺎ :
ﺍﻳﺨﺴﺎﻭ .. ﺗﺎﻣﺪﻭﺭﺗﻴﻮ .. ﺗﻴﻄﺎﻭﻳﻨﻴﻮ .. ﺍﻭﻟﻴﻮ ..
‏( ﺣﺒﻲ .. ﺣﻴﺎﺗﻲ .. ﻋﻴﻮﻧﻲ .. ﻗﻠﺒﻲ ‏)
ﺍﺑﺘﺴﻢ ﻋﻤﺎﺩ ﻭﻣﺸﻲ ﺧﺶ ﻟﻠﻤﺮﺑﻮﻋﻪ ..
ﺗﻴﻔﺴﺎ ﺑﺈﺑﺘﺴﺎﻣﻪ ﻋﺸﻖ : ﺍﻣﻮﺗﻎ ﺍﻓﻼﻡ ... ‏( ﻧﻤﻮﺕ ﻓﻴﻚ ‏)
💕💕💕💕
ﻟﻴﻬﺎ ﺳﺎﻋﻪ ﻓﻲ ﺍﻟﺪﺍﺭ ﺗﺘﻜﻠﻢ .
ﻛﻔﺎﻳﻪ ﺑﻀﺤﻜﻪ : ﻣﺎﺯﺍﻝ ﻋﺮﻭﺳﻪ ﺭﺍﻫﻮ ﺣﻘﻬﺎ ..
ﻏﺎﻟﻴﻪ ﺑﺈﺑﺘﺴﺎﻣﻪ : ﺍﻣﺘﻰ ﺗﺰﻭﺟﻮﺍ ﻫﻤﺎ .
ﻛﻔﺎﻳﻪ؛ﺷﻬﺮ ..2 ﻳﻮﻡ ..2\17
ﺿﺤﻜﺖ ﻏﺎﻟﻴﻪ ...
ﻉ ﺧﺸﺔ ﻧﻮﺭ : ﺧﺎﻟﺘﻲ ﻣﺎﺭﻳﺘﻴﺶ ﺳﻤﺎﻋﺎﺗﻲ ..
ﻏﺎﻟﻴﻪ : ﻻ ﻣﺎﺭﻳﺘﻬﻢ ..
ﺧﺸﺖ ﺩﺍﺧﻞ ﻭﻗﻌﺪﺕ ﺍﺩﻭﺭ : ﻣﺶ ﻋﺎﺭﻓﻪ ﻭﻳﻦ ﻣﺸﻴﺖ ﺑﻴﻬﻢ ..
ﻛﻔﺎﻳﻪ ﻭﻫﻲ ﺗﺸﻮﻑ ﻟﻨﻮﺭ : ﺍﻳﻪ ﻳﺎﻏﺎﻟﻴﻪ ﺷﻦ ﺭﺍﻳﻚ ﻓﺘﺎﻻ ..
ﻏﺎﻟﻴﻪ؛ﺳﻤﺤﻪ ﻭﻋﺴﻮﻟﻪ ..
ﻛﻔﺎﻳﻪ : ﻛﻮﻳﺲ ..
ﻏﺎﻟﻴﻪ ﺑﺈﺳﺘﻐﺮﺍﺏ؛ﻟﻴﺶ ﺗﻨﺸﺪﻱ ﻋﻨﻬﺎ ..
ﻛﻔﺎﻳﻪ : ﺑﻌﺪﻳﻦ ﻧﻘﻮﻟﻚ ..
ﻧﻮﺭ ﺯﺍﺩﺕ ﺷﻜﺖ ﻭﺧﺎﻓﺖ .
ﻣﺸﺖ ﺑﺘﻄﻠﻊ ..
ﻏﺎﻟﻴﻪ : ﻟﻘﺘﻴﻬﻦ؟ .
ﻧﻮﺭ : ﻻﻻﺍ .. ﻭﻃﻠﻌﺖ ..
ﻏﺎﻟﻴﻪ ﺷﺒﺤﺖ ﻟﻜﻔﺎﻳﻪ ﻭﻗﺎﻟﺖ : ﺷﻦ ﻓﻲ ..
ﺿﺤﻜﺖ ﻛﻔﺎﻳﻪ ﻭﻗﺎﻟﺖ : ﺗﻮﻧﺤﻜﻴﻠﻚ ..
🍁🍁🍁🍁
ﺷﺎﻳﻔﻬﺎ ﻣﺮﺓ ﻭﺍﻧﻲ ﺧﺎﻃﻢ ﺑﺎﻟﺴﻴﺎﺭﺓ ﻣﻦ ﻗﺪﺍﻡ ﺣﻮﺵ ﻋﻴﺖ ﻋﺒﺪﺍﻟﻤﻘﺼﻮﺩ .. ﻛﺎﻧﺖ ﻃﺎﻟﻌﻪ ﻣﻦ ﺍﻟﺤﻮﺵ ﻫﻲ ﺑﻠﻘﻴﺲ ..
ﻣﺤﻤﺪ ﺗﻨﺮﻓﺰ ﻟﻤﺎ ﺗﻮﻓﻴﻖ ﺫﻛﺮ ﺍﺳﻢ ﺑﻠﻘﻴﺲ ﻟﻜﻦ ﺯﻣﻄﻬﺎ ..
ﺗﻮﻓﻴﻖ : ﻣﺎﻧﻌﻠﻢ ﻉ ﺭﻭﺣﻲ ﺍﻟﻠﻲ ﺟﺎﻧﻲ ﺟﺎﻧﻲ ﻳﺎﻋﻢ ..
ﻣﺤﻤﺪ : ﻗﺼﺪﻙ ﻣﻦ ﺍﻭﻝ ﻧﻈﺮﻩ ﻭﻻ ﻛﻴﻒ ..
ﺗﻮﻓﻴﻖ ﺑﻀﺤﻜﻪ : ﻭﺍﻟﻠﻪ ﻫﺪﻯ ﺍﻟﻠﻲ ﺻﺎﺭ .. ﺣﻜﻴﺘﻠﻚ ﻗﺒﻞ ﻭﻗﺘﻠﻚ ﻧﺒﻲ ﻭﺣﺪﻩ ﻣﻦ ﺑﺮﺍ ﺍﻟﺒﻼﺩ .. ﻫﻲ ﻫﺪﻱ ﺍﻟﻠﻲ ﻧﻘﺼﺪﻫﺎ .
ﻣﺤﻤﺪ : ﻣﻦ ﺳﺄﻟﺖ ﻋﻨﻬﺎ؟
ﺗﻮﻓﻴﻖ : ﺭﺯﺍﻥ ﻣﻦ ﻓﻮﻕ ﻟﻔﻮﻕ ﻉ ﺍﺳﺎﺱ ﻧﺴﺄﻝ ﻓﻴﻬﺎ ﻣﻦ ﻣﺼﺎﺣﺒﻪ ﻭﻫﻜﻲ ..
ﻣﺤﻤﺪ : ﺑﺎﻫﻲ ﺩﺍﻡ ﻫﻜﻲ ﺧﻮﺩ ﺧﻄﻮﺓ ﺭﺳﻤﻴﻪ ..
ﺗﻮﻓﻴﻖ : ﻭﺍﻣﻲ .. ﻭﺧﺎﻟﺘﻬﺎ؟؟ !
ﻣﺤﻤﺪ ﻏﻤﺾ ﻋﻴﻮﻧﻪ ﻭﻗﺎﻝ : ﺍﻳﻴﻴﻴﺎﺍﻩ ..
ﺗﻮﻓﻴﻖ : ﻣﺸﻜﻠﻪ ﺍﻣﻲ ﻣﺎﻫﻴﺶ ﻗﺎﺑﻠﺘﻬﻦ ﺑﻜﻞ ﺟﺴﻴﺖ ﻧﺒﻀﻬﺎ ﻣﺮﺓ .. ﺗﻲ ﺑﻜﻞ ﻳﺎﺭﺍﺟﻞ ﺗﻘﻮﻝ ﻓﻲ ﺑﻴﻨﺎﺗﻬﻦ ﺗﺎﺭ ..
ﻣﺤﻤﺪ ﺑﻀﺤﻜﻪ : ﻣﺸﻴﺖ ﻉ ﺧﻄﻰ ﺧﻮﻙ ﺍﻟﻠﻪ ﻳﻔﺮﺝ ﻋﻠﻴﻪ .. ﻣﺎﻃﻴﺤﻮﺍ ﻛﺎﻥ ﻓﻲ ﻋﺪﻭﺍﺕ ﺍﻣﻜﻦ ..
ﺿﺤﻚ ﺗﻮﻓﻴﻖ ﻭﻗﺎﻝ : ﺑﺎﻫﻲ ﺷﻮﺭ ﻋﻠﻴﺎ ..
ﻣﺤﻤﺪ : ﺍﻓﺮﺽ ﺭﺍﻳﻚ ﻭﻣﺸﻲ ﻛﻠﻤﺘﻚ ﺍﻣﻚ ﻧﺤﺲ ﻓﻴﻬﺎ ﺑﻌﺪ ﺍﻟﻠﻲ ﺻﺎﺭ ﻟﺮﻣﺰﻱ ﺗﻐﻴﺮﺕ ﻭﺍﺟﺪ ﺍﻧﺖ ﺍﺳﺘﻐﻞ ﺍﻟﻔﺮﺻﻪ ﻭﺧﺸﻠﻬﺎ ﻣﻦ ﻫﺎﻟﺒﺎﺏ ..
ﺗﻮﻓﻴﻖ ﺗﻨﻬﺪ ﻭﻗﺎﻝ : ﻳﺼﻴﺮ ﺧﻴﺮ ...
ﻣﺤﻤﺪ : ﺇﻥ ﺷﺎﺀ ﺍﻟﻠﻪ ...
ﻓﻲ ﺗﺮﻛﻴﻨﻪ ﺗﺎﻧﻴﻪ ﻣﻦ ﺍﻟﻤﺮﺑﻮﻋﻪ ..
ﺗﻴﻔﺴﺎ : ﺭﻳﺖ ﻧﻈﺮﺗﻲ ﻧﻈﺮﺓ ﻳﺎﻋﻤﺪﻩ ..
ﻋﻤﺎﺩ ﺑﺄﺳﻒ : ﺧﺴﺎﺭﺓ .. ﻟﻜﻦ ﻭﺍﻟﻠﻪ ﻳﺎﺗﻴﻔﺴﺎ ﻫﻤﺎ ﺍﻟﻠﻲ ﺳﻬﻠﻮﺍ ﻋﻠﻴﺎ ﺍﻟﺘﻮﺍﺻﻞ ﻣﻊ ﻭﻟﺪ ﺧﺎﻟﻲ ﻭﺍﻟﺰﻳﺎﺭﺍﺕ ﻏﺎﺩﻱ ﻭﻣﺘﻮﺻﻴﻴﻦ ﻓﻴﻪ ﺣﺘﻰ ﺑﻌﺪ ﺣﺮﺏ **** ** ﻣﺎﺣﺪ ﺟﻲ ﺟﻴﻬﺘﻪ ..
ﺗﻴﻔﺴﺎ : ﻛﻮﻳﺲ ﺍﻟﻤﻬﻢ ﻃﻠﻌﺖ ﻣﻨﻬﻢ ﺑﻔﺎﻳﺪﻩ .. ﺗﻨﻬﺪ ﻭﻛﻤﻞ ﻳﻘﻮﻝ .. ﺑﺮﻏﻢ ﺍﻥ ﺍﻟﻠﻲ ﻗﺎﻋﺪ ﻳﺼﻴﺮ ﺷﻲ ﻳﻮﺟﻊ ﺍﻟﻘﻠﺐ ﻭﻣﺨﻴﺐ ﻟﻸﻣﻞ ﻟﻜﻦ ﻣﺎﻧﻴﺶ ﻧﺎﺩﻡ ..
ﻋﻤﺎﺩ : ﻭﻻ ﺍﻧﻲ .. ﺍﻟﺜﻮﺭﺓ ﻳﺎﺗﻴﻔﺴﺎ ﺗﺸﻮﻫﺖ ﻭﻟﻌﺒﻮﺍ ﻓﻴﻬﺎ ﻟﻌﺐ .. ﺍﻟﺜﻮﺭﺓ ﺣﻖ ﻳﺎﺗﻴﻔﺴﺎ ﻟﻜﻦ ﻫﻤﺎ ﻟﺒﺴﻮﻫﺎ ﺛﻮﺏ ﺍﻟﺒﺎﻃﻞ ..
ﺗﻴﻔﺴﺎ ﺷﺒﺤﻠﻪ ﻭﻗﺎﻝ : ﻣﻦ ﺍﻣﺘﻰ ﺍﻟﻔﺼﺎﺣﻪ ﻭﺍﻟﺒﻼﻏﻪ ﻫﺎﺩﻱ ..
ﻋﻤﺎﺩ ﺷﺒﺤﻠﻪ ﺑﺮﺑﻊ ﻋﻴﻦ : ﺻﻘﻊ ﻋﻠﻴﻚ ..
ﺿﺤﻚ ﺗﻴﻔﺴﺎ ..
ﻋﻤﺎﺩ : ﺗﻴﻔﺎ .. ﻧﺒﻴﻚ ﺗﻌﻠﻤﻨﻲ ﻛﻢ ﻛﻠﻤﻪ ﻓﻲ ﺍﻟﺤﺐ ﻭﺍﻟﻐﺰﻝ ﺑﺎﻷﻣﺎﺯﻳﻐﻲ .
ﺗﻴﻔﺴﺎ ﺑﺤﻤﺎﺱ : ﺍﻧﻲ ﺍﻟﻠﻲ ﻧﻌﻠﻤﻚ ﻳﺎﻋﻴﻨﻲ ﻭﺍﻟﻠﻪ .. ﻏﻴﺮ ﻗﻮﻟﻲ ﺷﻦ ﺗﺒﻲ ﺗﻌﺮﻑ ..
ﻋﻤﺎﺩ : ﺍﻭﻝ ﺷﻲ ﻣﻠﻌﻘﻪ ..
ﺗﻴﻔﺴﺎ : ﺷﻨﻲ ..!!
ﻋﻤﺎﺩ : ﻫﻬﻬﻬﻬﻬﻪ
💕💕💕💕💕💕💕
🌾🌾🌾🌾🌾🌾🌾🌾
🌄 ﻭﻃﻠﻌﺖ ﺷﻤﺲ ﻳﻮﻡ ﺍﻟﺨﻤﻴﺲ ..
ﺍﻟﻴﻮﻡ ﺍﻟﻤﻮﻋﻮﺩ ﺑﺎﻟﻨﺴﺒﻪ ﻟﻬﺎﻧﻴﺒﺎﻝ ﻭﻣﺮﺍﻡ ..
ﻳﻮﻡ ﺍﻟﺠﻮ ﻛﺎﻥ ﻟﻄﻴﻒ ﻭﺑﺎﺭﺩ ﻭﻧﺴﻤﺘﻪ ﺣﻠﻮﺓ 🌹..
ﻓﺎﻗﺖ ﻏﺎﻟﻴﻪ ﻣﻦ ﺍﻟﺼﺒﺢ ...
ﻭﻣﺸﺖ ﻫﻲ ﻭﺭﺍﻧﻴﺎ ﺑﺶ ﺗﺤﻤﻲ ﺍﻟﺨﺒﺰﺓ ..
ﻏﺎﻟﻴﻪ : ﻗﺼﺪﻙ ﻫﺪﻯ ﻟﻴﺶ ﻣﺎﺟﺘﺶ ﻋﻤﺘﻲ ..
ﺭﺍﻧﻴﺎ : ﺍﻳﻪ .. ﺑﺎﻟﺴﻴﻒ ﻳﺒﻮﻧﻲ ﻧﺎﺧﺪﻩ ﻭﺍﻟﻠﻪ ﻛﺮﻫﻮﻧﻲ ﻓﺸﺒﺢ ﻭﺟﻬﻪ ..
ﻏﺎﻟﻴﻪ : ﻭﺑﺎﻫﻲ ﻋﻤﺘﻲ ﻟﻴﺶ ﺗﺎﺧﺪ ﻣﻦ ﺣﻨﻲ ﻣﻮﻗﻒ ..
ﺭﺍﻧﻴﺎ : ﺑﻠﻌﺎﻧﻲ ﺑﺶ ﻳﻮﺻﻞ ﺍﻟﻤﻮﺿﻮﻉ ﺣﻨﺎﻱ ﻓﺎﻃﻤﻪ .. ﻭﻫﻲ ﺑﺪﻭﺭﻫﺎ ﺗﻀﻐﻂ ﻉ ﺍﻣﻲ ﻭﻋﻠﻴﺎ ﺑﺶ ﻧﻮﺍﻓﻖ ..
ﻏﺎﻟﻴﻪ : ﻋﻠﻴﻚ ﻋﻘﻠﻴﻪ .
ﺭﺍﻧﻴﺎ : ﺗﻤﺸﻲ ﺑﺄﻭﺍﻣﺮ ﺍﻟﻌﻘﺎﺭﺏ ﻧﺠﻴﻪ ﻭﻫﻨﺎﺀ ..
ﻏﺎﻟﻴﻪ : ﺍﻳﻪ ﺷﻦ ﺻﺎﺭ ﻓﻴﻬﺎ ﻫﻨﺎﺀ ﺣﻤﻠﺖ ..
ﺭﺍﻧﻴﺎ : ﺗﺲ .. ﻗﺎﻋﺪﻩ ﺗﻌﺎﻟﺞ ..
ﻏﺎﻟﻴﻪ : ﻭﻧﻔﺴﻴﺘﻬﺎ ﺷﻨﻮ ..
ﺭﺍﻧﻴﺎ : ﻣﺰﻓﺘﻪ ﻭﻗﺎﻋﺪ ﺍﻃﻠﻊ ﻓﺴﻤﻌﻬﺎ ﻛﻠﻪ ﻋﻠﻴﻨﺎ ..
ﻏﺎﻟﻴﻪ ﺗﻨﻬﺪﺕ ﻭﻗﺎﻟﺖ : ﺣﺘﻰ ﺧﺎﻟﺘﻚ ﺣﻤﻴﺪﻩ ﻣﺎﺻﺎﻳﺮ ﻓﻴﻬﺎ ﺍﻻ ﻣﻦ ﻫﺎﻟﻤﻮﺿﻮﻉ ..
ﺭﺍﻧﻴﺎ : ﻟﻜﻦ ﺑﻜﻞ ﺧﺎﻟﺘﻲ ﺣﻤﻴﺪﻩ ﺍﺣﺮﻑ ﻣﻦ ﻫﻨﺎﺀ ﺍﻗﻞ ﺷﻲ ﻫﻨﺎﺀ ﺣﺎﻃﻪ ﺭﺍﺳﻬﺎ ﺑﺮﺍﺳﻨﺎ ﺣﻨﻲ ﺑﺲ ﻟﻜﻦ ﺧﺎﻟﺘﻲ ﺣﻤﻴﺪﻩ ﻓﻲ ﺍﻟﻜﻞ ..
ﺣﺮﻛﺖ ﺭﺍﺳﻬﺎ ﻏﺎﻟﻴﻪ ﺍﻳﻤﻴﻦ ﻭﻳﺴﺎﺭ ﺑﺄﺳﻒ .. ﻭﺑﻌﺪﻳﻦ ﻣﺸﺖ ﺍﻃﻠﻊ ﻓﻲ ﺍﻟﺨﺒﺰﺓ ﻣﻦ ﺍﻟﻔﺮﻥ .. ﻗﺎﻟﺖ .. ﻗﺮﺑﻴﻠﻲ ﺍﻟﺼﻮﻧﻴﻪ ..
ﺧﺪﺕ ﺭﺍﻧﻴﺎ ﺍﻟﺼﻮﻧﻴﻪ ﻭﻗﺮﺑﺘﻬﺎ ﻟﺨﺎﻟﺘﻬﺎ ﻭﻫﻲ ﺗﺸﻮﻓﻠﻬﺎ ﺑﺤﺰﻥ ..
ﺍﻟﺰﻭﺯ ﻓﻘﻠﻮﺑﻬﻢ ﻫﻠﺒﻪ ﻛﻼﻡ ﻋﻦ ﺭﻣﺰﻱ ..
ﻟﻜﻦ ﻓﻀﻠﻮﺍ ﻳﺴﻜﺘﻮﺍ ﻋﻨﻪ ﻓﻬﺎﻟﻴﻮﻡ ﻣﺎﻓﻲ ﺣﺪ ﻳﺒﻲ ﻳﺒﻜﻲ ..
ﻳﺒﻮﺍ ﻳﻀﺤﻜﻮﺍ ﻭﻳﻔﺮﺣﻮﺍ ﻭﺑﺲ 💕.
💐💐💐💐💐💐💐💐💐💐💐
ﻓﻲ ﻧﺎﺱ ﻋﺎﻳﺸﻴﻦ ﺑﺲ ﻉ ﺍﺩﺧﺎﻝ ﺍﻟﺴﺮﻭﺭ ﻉ ﻗﻠﻮﺏ ﻛﻞ ﻣﻦ ﻳﺼﺎﺩﻓﻬﻢ ..
ﻣﻌﺮﻭﻑ ﻋﻦ ﻣﻦ ﺍﻟﻜﻼﻡ ... ﺍﻟﻌﻤﺪﺓ 💖
ﺍﻟﺴﺎﻋﻪ 10:00 ﺻﺒﺎﺣﺎ ..
ﻛﺎﻥ ﻫﺎﻧﻴﺒﺎﻝ ﻭﺍﻟﺸﺒﺎﺏ ﻳﺘﺠﻬﺰﻭﺍ ﺑﺶ ﺑﻴﻤﺸﻮﺍ ﻟﺤﻮﺵ ﺳﻠﻴﻤﺎﻥ ﻫﺎﻧﻴﺒﺎﻝ ﺑﻴﻠﺒﺲ ﻏﺎﺩﻱ .. ﻭﺣﺘﻰ ﺍﻟﺤﻼﻕ ﺑﻴﺠﻴﻪ ﻏﺎﺩﻱ ...
ﻗﺒﻠﻬﺎ ﻋﻤﺎﺩ ..
ﻛﺎﻥ ﻳﺪﻭﺭ ﻓﻲ ﺍﻟﻘﻄﻌﻪ ﺑﻜﺎﻣﻴﺮﺍ ﺗﺼﻮﻳﺮ ﺍﻟﺜﺎﺑﺖ ﻳﺒﻲ ﻳﻮﺛﻖ ﻛﻞ ﺷﻲ ﻓﻬﺎﻟﻴﻮﻡ ﺍﻟﻤﻤﻴﺰ ..
💕 ﻫﻲ ﻣﻌﻤﺮ ﺍﻭﻗﻒ ﺣﺪﺍﻫﻢ ﻫﻲ
ﻭﻗﻒ ﻣﻌﻤﺮ ﻣﻊ ﺟﻮﺍﺩ ﻭﻣﺠﺪ ﻭﻓﺆﺍﺩ ﻭﺭﻣﻀﺎﻥ ﻭﻗﺼﻲ ..
ﻋﻤﺎﺩ ﺣﻂ ﺍﻟﻜﺎﻣﻴﺮﺍ ﻉ ﻋﻴﻨﻪ : ﺍﻟﻀﺤﻜﻪ ﻳﺎﺯﻋﺎﻣﻪ ..
ﺿﺤﻜﻮﺍ ..
ﻫﻮ ﺍﺑﺘﺴﻢ ﻣﻦ ﻗﻠﺒﻪ ﻭﺻﻮﺭ 📸
ﺑﻌﺪ ﺍﻟﻜﺎﻣﻴﺮﺍ ﻭﻗﺎﻝ : ﺍﻟﻌﺒﻮﺍ ﻫﻲ ..
ﻣﺸﻮﺍ ﻳﺠﺮﻭﺍ ﻭﻭﻗﻔﻮﺍ ﺣﺪﺍ ﺳﻌﺪ ﻭﻋﺒﺪ ﺍﻟﺴﻼﻡ ﻭﻗﻌﺪﻭﺍ ﻳﻠﻌﺒﻮﺍ ..
ﻋﻤﺎﺩ ﺷﺒﺢ ﻟﺒﻮﻩ ﻭﺭﺍﺟﻞ ﺧﺎﻟﺘﻪ؛ﻣﻮﻟﻴﻠﻜﻢ ..
ﺿﺤﻜﻮﺍ ..
ﻭﺑﻮﻩ ﺍﺷﺮﻟﻪ ﺑﺈﺑﻬﺎﻣﻪ ..👍
ﻫﻮ ﺍﺑﺘﺴﻢ ﻭﻛﻴﻒ ﺟﺎﻱ ﺑﻴﻜﻤﻞ ﻟﻠﻤﻤﺮ ..
ﺷﺎﻑ ﺭﺯﺍﻥ ﻭﺍﻗﻔﻪ ﻓﺎﻟﺮﻭﺷﻦ ﺩﺍﻳﺮﺓ ﺭﻭﺣﻬﺎ ﺗﺸﺒﺢ ﺍﻟﻘﺪﺍﻡ ..
ﺍﺑﺘﺴﻢ ﻭﻗﺎﻝ : ﺻﺒﺎﺡ ﺍﻟﻮﺭﺩ ﻳﺎﻋﺴﻠﻲ ﺍﻷﺳﻮﺩ ..
ﻫﻲ ﺷﺒﺤﺘﻠﻪ ﺑﻄﺮﻑ ﻋﻴﻨﻬﺎ ﻭﻗﺎﻝ : ﺻﺒﺎﺡ ﺍﻟﻨﻮﺭ ..
ﺿﺤﻚ ﻭﺣﻂ ﺍﻟﻜﺎﻣﻴﺮﺍ ﻉ ﻋﻴﻨﻪ ﺑﺴﺮﻋﻪ ﻭﺻﻮﺭﻫﺎ ..
ﺭﺯﺍﻥ ﺍﻧﺠﻠﻄﺖ : ﻣﺸﻔﺸﻔﻪ ﻳﺎﻏﺒﻲ !!
ﻋﻤﺎﺩ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻪ ..
ﻫﻲ ﺧﺸﺖ ﺩﺍﺧﻞ ﻃﻮﻝ ﻭﻫﻲ ﺗﻀﺤﻚ ﺑﺈﺣﺮﺍﺝ ..
ﻋﻤﺎﺩ ﻫﺪﺍﺿﺤﻚ ﻭﻗﺎﻝ : ﻧﻤﻮﺕ ﻓﻴﻬﺎ ﻳﺎﻧﺎﺱ 💓
ﺗﻨﻬﺪ ﻭﻛﻤﻞ ﻃﺮﻳﻘﻪ ﻟﻠﺤﻮﺵ ﺧﺶ ﻣﻦ ﻓﻢ ﺍﻟﺒﻮﺍﺑﻪ ﻟﻘﻲ ﺍﻣﻪ ﻭﺍﻗﻔﻪ ﻓﻲ ﺍﻟﺒﺎﺏ ﺗﺸﺮﺏ ﻓﻤﻴﻪ ..
ﻣﻨﻈﺮﻫﺎ ﻓﻀﻴﻊ ﻭﺍﻟﺸﻌﺮ ﻳﺪﻭﺏ ﻻﻣﺎﺗﻪ ..
ﻉ ﻃﻠﻌﺔ ﺧﺎﻟﺘﻪ ﺯﻳﻨﺐ ﻣﺎﺯﺍﻝ ﻣﻨﻈﺮﻫﺎ ﺍﺣﺮﻑ ..
ﺷﺒﺤﺎﺗﻪ ﻓﻨﺼﺖ ﻟﻘﺎﺗﻪ ﺑﻴﺼﻮﺭﻫﻢ ..
ﺯﻳﻨﺐ ﺍﺩﺭﻗﺖ ﻭﺭﺍ ﺍﻣﻪ : ﻻﺍﺍﺍﺍ .
ﺍﻧﺨﻠﻌﺖ ﻛﻔﺎﻳﻪ ﻭﺷﺒﺤﺘﻠﻪ : ﺣﻴﻴﻲ
ﺍﻟﺰﻭﺯ ﻫﺮﺑﻮﺍ ﻟﻠﻜﻮﺟﻴﻨﻪ ﻟﻜﻦ ﺑﻌﺪ ﺷﻨﻲ ﺻﻮﺭﻫﻬﻢ ﺧﻼﺹ ..
ﻛﻔﺎﻳﻪ : ﻣﺎﻧﻴﺶ ﺭﺍﺿﻴﻪ ﻋﻠﻴﻚ ﻛﺎﻥ ﺧﻠﻴﺘﻬﺎ ..
ﻋﻤﺎﺩ ﻭﻫﻮ ﺧﺎﺵ ﺩﺍﺧﻞ ﻗﺎﻝ : ﺗﻮ ﻧﺮﻓﻌﻚ ﻟﻠﺤﺞ ﺗﺮﺿﻲ ..
ﻭﻛﻤﻞ ﻟﻠﺼﺎﻟﻪ ﻟﻘﻲ ﺭﻭﺍﻥ ﻭﺣﻨﻴﻦ ﻭﻧﻮﺭﻫﺎﻥ ﻣﻘﻌﻤﺰﺍﺕ ﻳﻔﻄﺮﻭﺍ ﻭﻣﻌﺎﻫﻢ ﻧﻮﺭ ..
ﻃﻮﻝ ﺣﻂ ﺍﻟﻜﺎﻣﻴﺮﺍ ﻉ ﻋﻴﻮﻧﻪ ﻭﺻﻮﺭ ..
ﻧﻮﺭ ﺧﻠﻌﻬﺎ ﺍﻟﻔﻼﺵ : ﺣﻴﻴﻲ ﻋﻠﻴﻚ .. ﻣﻨﻈﺮﻱ ﻳﺤﺸﻢ !!
ﻫﻮ ﻗﻌﺪ ﻳﻀﺤﻚ ..
ﺟﺎﺗﻪ ﺍﻣﻪ ﺗﺠﺮﻱ : ﺍﻃﻠﻊ ﻳﺎﻣﻨﺠﻮﻩ ﻣﺮﺕ ﺻﺎﺣﺒﻚ ﻭﺍﺧﺘﻬﺎ ﻧﺴﻴﺘﻬﻢ ..
ﻋﻤﺎﺩ ﺍﻟﺘﻔﺖ ﻻﻣﻪ ﻭﻏﻤﺰ ﺑﻌﻴﻨﻪ : ﺍﻳﻪ ﺣﻘﻪ ﺷﻦ ﺻﺎﺭ ﻛﻠﻤﺘﻴﻬﺎ ﻋﻦ ﺍﺧﺘﻬﺎ ﻟﻤﺎﻟﻚ ..
ﻧﻮﺭ ﻗﺮﻳﺐ ﻏﺼﺖ ..
ﻛﻔﺎﻳﻪ ﺷﺒﺤﺘﻠﻬﺎ : ﺗﻮ ﻧﻜﻠﻤﻬﺎ ﻏﻴﺮ ﺍﻧﺖ ﺍﻃﻠﻊ ..
ﺿﺤﻚ ﻭﻟﻒ ﻭﻣﺸﻲ ..
ﻭﺍﻣﻪ ﻣﺸﺖ ﻟﻠﺪﺍﺭ ﻭﻟﺤﻘﺘﻬﺎ ﺯﻳﻨﺐ ..
ﻭﺧﻠﻮﺍ ﻧﻮﺭ ﺩﻣﻮﻋﻬﺎ ﻳﺼﺒﻮﺍ ..
🌹🌹🌹🌹🌹
ﻃﺒﻌﺎ ﻋﻤﺎﺩ ﺧﻼ ﺍﻟﻜﺎﻣﻴﺮﺍ ﻣﺘﺎﻋﻪ ﺗﺎﺧﺪ ﺻﻮﺭ ﻓﻲ ﺍﻛﺜﺮ ﻣﻦ ﺗﺮﻛﻴﻨﻪ ..
ﺻﻮﺭ ﻣﺤﻤﺪ ﻭﻋﻤﺮ ﻭﺣﻤﺰﺓ ﻓﻲ ﺍﻟﺠﺮﺩﻳﻨﻪ ..
ﺑﻌﺪﻫﺎ ﺻﻮﺭ ﻣﺤﻤﺪ ﻭﻣﺎﻟﻚ ﻭﻣﺮﻭﺍﻥ ﻭﺗﻮﻓﻴﻖ ﻭﺳﻨﺪ ﺣﺪﺍ ﺍﻟﺠﺮﻑ ﺍﻟﻤﻄﻞ ﻉ ﺍﻟﻮﺍﺩﻱ ..
ﺻﻮﺭ ﺗﻴﻔﺴﺎ ﻣﻊ ﻫﺎﻧﻴﺒﺎﻝ ﻭﺍﻟﻬﺎﺩﻱ ﻭﺳﻠﻴﻤﺎﻥ ﻓﻲ ﺍﻟﻤﺮﺑﻮﻋﻪ ..
ﺑﻌﺪﻳﻦ ..
ﺻﻮﺭ ﺣﻤﻴﺪ ﻭﻣﻴﻼﺩ ﻣﻊ ﺳﻌﺪ ﻭﻋﺒﺪﺍﻟﺴﻼﻡ ﻭﺧﻴﺮﻱ ﺣﺪﺍ ﺷﺠﺮﺓ ﺍﻟﺴﺮﻭﻝ ..
💖💖💖💖
ﻣﺸﻲ ﺑﻌﺪﻫﺎ ﻟﻠﺤﻮﺵ ﺍﻟﻘﺪﻳﻢ ..
ﺻﻮﺭ ﺧﺎﻟﺘﻪ ﻧﻌﻴﻤﻪ ﻭﻣﻌﺎﻫﺎ ﻧﺴﺎﻭﻳﻦ ﺧﻮﺍﻟﻪ ﻟﻄﻴﻔﻪ ﻭﺳﻌﻴﺪﻩ ﻭﺳﻤﻴﻪ ..
ﻭﺻﻮﺭ
ﻏﺎﻟﻴﻪ ﻭﺣﻤﻴﺪﻩ ﻣﻊ ﺭﺑﺎﺏ ﻭﺭﺍﻧﻴﺎ ﻭﺭﻓﻘﻪ ﻭﺭﺯﺍﻥ ﻓﻲ ﺍﻟﺪﺍﺭ ﺍﻟﻘﺒﻴﻠﻪ ..
ﻋﻤﺎﺩ : ﺍﺑﺘﺴﻤﻲ ﻳﺎﻋﻤﻠﻲ ﺍﻻﺳﻮﺩ ﻓﺤﻴﺎﺗﻲ " ﻗﺎﻟﻬﺎ ﺑﺎﻟﻤﺼﺮﻱ ..
ﻛﻠﻬﻢ : ﻫﻬﻬﻬﻬﻬﻬﻬﻬﻬﻬﻬﻪ
ﺭﺯﺍﻥ : ﺇﻻﺍﺍ .. ﻭﻫﺎﻩ ... ﺷﻘﻠﺒﺖ ﻋﻴﻮﻧﻬﺎ ..
ﺻﻮﺭﻫﻢ ﻭﻫﻮ ﻳﻀﺤﻚ .. ﻭﺭﺯﺍﻥ ﻓﺎﻟﺼﻮﺭﺓ ﻋﻴﻮﻧﻬﺎ ﻣﺸﻘﻠﺒﺎﺕ 😂
ﻣﺎﺍﻫﺘﻤﺘﺶ ﺍﻟﻤﻬﻢ ﺗﻌﺎﻧﺪﻩ ...
ﻭﺍﺧﺮ ﺻﻮﺭﺓ ..
ﻛﺎﻧﺖ ﻟﻴﻪ ﻫﻮ ﻭﺣﻨﺎﻩ ﻓﺎﻃﻤﻪ ﻭﻓﺤﺠﺮﻫﺎ ﺍﺳﻴﺎ ﻗﺪﺍﻡ ﺑﻮﺍﺑﺔ ﺍﻟﺤﻮﺵ ﺍﻟﻘﺪﻳﻢ .. ﻭﺩﻻﻝ ﻫﻲ ﺍﻟﻠﻲ ﺻﻮﺭﺗﻬﻢ 💓...
💓💓💓💓💓💓
ﻓﻲ ﺍﻟﺨﻴﻤﻪ ..
ﺭﺑﺎﺏ ﻭﺍﻗﻔﻪ ﻉ ﺍﻟﻤﻨﻈﻮﻣﻪ ..
ﺿﻐﻄﺖ ﻉ ﺯﺭ ﺍﻟﺘﺸﻐﻴﻞ ..
ﺍﻟﺘﻔﺘﺖ ﻭﻫﻲ ﺗﻀﺤﻚ ..
ﻭﺑﺪﺕ ﻣﻮﺳﻴﻘﻲ ﺃﻏﻨﻴﺔ " ﻣﺎﻋﻨﺪﻛﺶ ﻣﺸﻜﻠﻪ "
ﻭﺍﻟﺨﻴﻤﻪ ﻛﺎﻧﺖ ﻣﻌﺒﻴﻪ ﺑﺎﻟﻌﻴﻠﻪ ﻭﺿﻴﻮﻓﻬﻢ ...
ﺑﺪﻭﺍ ﻳﺮﻗﺼﻮﺍ ﺭﻗﻴﺺ ﻫﻴﺎﺟﻪ ..
ﻏﻴﺮ ﻋﻠﻴﺎ ﺭﻥ ﻣﺎﻋﻨﺪﻛﺶ ﻣﺸﻜﻠﻪ ..
ﺍﻣﺘﻰ ﺗﺒﻲ ﺭﻥ .. ﻣﺎﻋﻨﺪﻛﺶ ﻣﺸﻜﻠﻪ ..
ﻣﺎﻧﻚ ﻛﻴﻒ ﺍﻟﻨﺎﺱ ﻣﺎﻋﻨﺪﻛﺶ ﻣﺸﻜﻠﻪ ..
💓 ﺍﻛﺜﺮ ﻣﻦ ﻗﺎﻟﺒﻬﺎ ﻛﻔﺎﻳﻪ ﻭﺯﻳﻨﺐ ﻗﺮﻳﺐ ﻳﺠﻨﺤﻮﺍ ..
💐💐💐
ﻛﺬﻟﻚ ﻋﻨﺪ ﺍﻟﺮﺟﺎﻟﻪ ﺑﺮﺍ
ﺍﻟﻠﻲ ﻭﺍﺻﻠﻬﻢ ﺍﻟﺼﻮﺕ ﻗﻮﻱ ﻣﻦ ﺍﻟﺴﺒﻴﻜﺮﻭﺍﺕ ..
ﻳﻐﻨﻮﺍ ﻣﻊ ﺍﻷﻏﻨﻴﻪ ﻭﻳﺮﻗﺼﻮﺍ ...
ﻭﻋﻤﺎﺩ ﻳﺼﻮﺭ ﺑﻜﺎﻣﻴﺮﺍ ﺍﻟﻔﻴﺪﻳﻮ ﻭﻳﻘﻮﻝ : ﻣﺎﻋﻨﺪﻛﺶ ﻣﺸﻜﻠﻪ ..
ﻭﺍﻟﻮﻻﺩ ﻫﺒﻠﻮﺍ ﻫﺒﺎﻝ ..
ﻭﻋﻤﺎﺩ ﻣﻌﺎﺵ ﺗﺤﻤﻞ ﻋﻄﻲ ﺍﻟﻜﺎﻣﻴﺮﺍ ﻟﺨﺎﻟﻪ ﻣﻴﻼﺩ ﻳﻜﻤﻞ ﻋﻨﻪ ..
ﻭﻫﻮ ﺧﺶ ﻓﻴﻬﻢ ﺑﺎﻟﻄﻮﻝ ﻭﺍﻟﻌﺮﺽ ..
ﻫﺎﻧﻴﺒﺎﻝ ﻭﺗﻴﻔﺴﺎ ﻳﻀﺤﻜﻮﺍ ..
ﻣﻦ ﻗﻮﺓ ﺍﻟﻬﻴﺎﺟﻪ ..
ﺣﺘﻰ ﻣﻦ ﺍﻟﻬﺎﺩﻱ ﺧﺶ ﻫﻴﺞ ﻣﻌﺎﻫﻢ ..
ﺑﻌﺪﻳﻦ ﻣﺸﻮﺍ ﻟﻬﺎﻧﻴﺒﺎﻝ ﻳﺒﻮﻩ ﻳﺮﻗﺺ ﺣﺘﻰ ﺷﻮﻳﻪ ﻟﻜﻦ ﺳﻜﺮ ﺭﺍﺳﻪ ..
ﻭﺍﻛﺘﻔﻲ ﺑﺎﻟﺘﺼﻔﻴﻖ ﻓﻘﻂ ﻻﻏﻴﺮ ...
ﺍﻟﻘﻄﻌﻪ ﻛﻠﻬﺎ ﻛﺎﻧﺖ ﻣﻘﻠﻮﺑﻪ ﻗﻠﺐ ..
ﺍﺻﻮﺍﺕ ﻏﻨﻲ ﻧﺴﺎﻭﻳﻦ ﻉ ﺍﺻﻮﺍﺕ ﻏﻨﻲ ﺍﻟﺮﺟﺎﻟﻪ ..
ﻭﺍﻷﻏﻨﻴﻪ ﺷﻐﺎﻟﻪ 🎶...
ﺑﻌﺪ ﺗﻤﺖ ...
ﻛﻠﻬﻢ ﺗﺴﻘﺪﻭﺍ ﻟﺴﻴﺎﺭﺍﺗﻬﻢ ...
ﻭﺭﻛﺒﻮﺍ ...
ﻭﺗﺤﺮﻛﻮﺍ ﻛﻠﻬﻢ ﻣﻊ ﺑﻌﺾ ﻧﺺ ﻣﻊ ﺍﻟﻌﺮﻳﺲ ﻟﺤﻮﺵ ﺳﻠﻴﻤﺎﻥ ﻭﻧﺺ ﺗﺎﻧﻲ ﻟﺸﻘﺔ ﺣﺴﻦ ﻓﻲ ﺍﺣﺪﻱ ﺍﻟﻤﻨﺎﻃﻖ ﻓﻲ ﺗﻠﻚ ﺍﻟﻤﺪﻳﻨﻪ ..
ﻭﻗﻌﺪﻭﺍ ﺑﺲ ﺍﻟﺮﺟﺎﻟﻪ ﺍﻟﻜﺒﺎﺭ ...
ﻓﻲ ﻧﻔﺲ ﺍﻟﻮﻗﺖ ..
ﻣﺮﺍﻡ ﺳﻘﺪﻭﻫﺎ ﻟﻠﻤﺰﻳﻦ ﺑﺸﻮﻁ ﺩﺭﺑﻮﻛﻪ ﻣﻠﻴﺢ ..
ﻭﺭﻓﻌﻬﺎ ﺧﻮﻫﺎ ﺻﺎﺑﺮ ﻟﻠﻤﺰﻳﻦ ...
💕💕💕💕💕💕💕💕💕
ﻭﺗﻤﺮ ﺍﻟﺴﺎﻋﺎﺕ ..
ﻭﺗﺠﻲ ﺍﻟﺴﺎﻋﻪ ..
8:00 ﻣﺴﺎﺀﺍ ..
ﻛﺎﻧﻮﺍ ﻛﻠﻬﻢ ﻣﻮﺗﻴﺎﺕ ﺍﺭﻭﺍﺣﻬﻢ ..
ﻭﺣﺘﻰ ﺍﻟﻨﺎﺱ ﺑﺪﺕ ﺗﻮﺻﻞ ..
ﻓﻲ ﻫﺎﻟﻮﻗﺖ ﺧﺸﻮﺍ ﺍﻟﺴﻴﺎﺭﺍﺕ ﻟﻠﻘﻄﻌﻪ ﺟﺎﻳﺒﻴﻦ ﺍﻟﻌﺮﻳﺲ ﻭﺍﻟﺪﻧﻴﺎ ﻣﻘﻠﻮﺑﻪ ﺑﺎﻟﻜﻼﻛﺴﺎﺕ ..
ﺍﺳﺘﻘﺒﻠﻮﻩ ﺑﺎﻷﻟﻌﺎﺏ ﺍﻟﻨﺎﺭﻳﻪ ﺍﻟﻠﻲ ﺯﻳﻨﺖ ﺍﻟﺴﻤﻲ ﺑﺄﻟﻮﺍﻥ ﻣﺒﻬﺠﻪ ﻣﺨﺘﻠﻔﻪ ..
ﻭﻛﺎﻧﺖ ﻣﻌﺎﻫﻢ ﺍﻟﻨﻮﺑﻪ ...
ﺍﻟﻠﻲ ﻗﻠﺒﺖ ﺍﻟﺪﻧﻴﺎ ﻗﻠﺐ ﻓﻲ ﺍﺧﺮ ﻳﻮﻡ ﻟﻴﻬﺎ ﻓﻲ ﺍﻟﻌﺮﺱ ..
🍃 ﺑﻌﺪ ﺭﺑﻊ ﺳﺎﻋﻪ ...
ﻓﻲ ﺍﻟﺼﺎﻟﻪ ...
ﻭﺍﻗﻔﺎﺕ ﻻﺑﺴﺎﺕ ﻋﺒﺎﻳﺎﺕ ﻭﻣﺘﺤﺠﺒﺎﺕ ..
ﻳﺮﺍﺟﻮﺍ ﻓﻴﻪ ﻳﺨﺶ ..
ﺧﺶ ﻋﻤﺎﺩ ﻫﻮ ﺍﻻﻭﻝ ..
ﺍﻟﺒﻨﺎﺕ ﺍﻧﻄﻤﺴﻮﺍ ﻓﻴﻪ ﻛﺎﻥ ﻻﺑﺲ ﺑﺪﻟﻪ ﺳﻮﺩﺍ ﻃﺎﻟﻊ ﻓﻴﻬﺎ ﺧﻴﺎﻝ ..
ﻭﺭﺯﺍﻥ ﺭﺍﺣﺖ ﻓﻴﻬﺎ 💕
ﻛﻔﺎﻳﻪ : ﺍﻟﻠﻪ ﻭﺣﺪ ﺍﻟﻠﻪ ﻭﺣﺪ ﻣﻦ ﻋﻴﻨﻲ ﻭﻣﻦ ﻋﻴﻦ ﻛﻞ ﺍﺣﺪ ..
ﺍﺑﺘﺴﻢ ﻭﻗﺎﻝ : ﺗﻌﺎﻝ ﺧﺎﻟﻲ ..
ﻗﻌﺪﻭﺍ ﻳﺸﻮﻓﻮﺍ ﻟﻠﺒﺎﺏ ﺑﺘﺮﻗﺐ ﻭﻟﻬﻔﻪ ..
ﺍﻳﻪ ﺻﺢ ﻗﺒﻞ ﺷﺎﻓﻮﻩ ﻻﺑﺴﻬﺎ ﻓﻤﻨﺎﺳﺒﻪ ﺯﻱ ﻫﺎﺩﻱ ..
ﺑﺲ ﺷﺘﺎﻥ ﺑﻴﻦ ﻫﺪﺍﻛﺎ ﺍﻟﻮﻗﺖ ﻭﻫﺎﻟﻮﻗﺖ ﺷﺘﺎﻥ ...
ﺧﺶ ...
ﻛﻠﻬﻢ ﺍﻧﺬﻫﻠﻮﺍ ﻓﻴﻪ ...
ﻛﺎﻥ ﻗﻤﺔ ﻓﻲ ﺍﻟﻮﺳﺎﻣﻪ ﻭﺍﻟﺠﺎﺫﺑﻴﻪ ﻭﺍﻫﻢ ﺷﻲ ﺍﻥ ﻋﻴﻮﻧﻪ ﻛﺎﻥ ﻳﺘﻨﻄﺮ ﻣﻨﻬﻢ ﺍﻟﻔﺮﺡ ﺗﻨﻄﻴﺮ
ﻛﻠﻬﻢ ﺧﻮﺍﺗﻪ .. ﺑﻨﺎﺕ ﺧﻮﺍﺗﻪ ﺑﻨﺎﺕ ﺧﻮﻩ ..
ﺣﺘﻰ ﺣﺪﻫﻢ ﻋﻴﻮﻧﻬﻢ ﺗﻌﺒﺖ ﺩﻣﻮﻉ ..
ﻟﺤﻈﻪ ﻣﻤﻴﺰﺓ ﻟﻴﻬﺎ ﺷﻌﻮﺭ ﺧﺎﺹ ..
ﻻﺑﺪ ﻭﻛﻞ ﺣﺪ ﻓﻴﻨﺎ ﻋﺎﺷﻬﺎ ﺑﺎﻟﺬﺍﺕ ﻣﻊ ﺣﺪ ﻋﺰﻳﺰ ﻭﻏﺎﻟﻲ 💕
ﻛﻔﺎﻳﻪ ﻭﻫﻲ ﺗﺼﻔﻖ ..
ﻋﻨﺪﻩ ﻫﻴﺒﻪ ﻭﻳﻦ ﻳﻄﻞ ... ﺷﺨﺼﻴﺔ ﺗﻔﺮﻕ ﻉ ﺍﻟﻜﻞ ..
ﻛﻠﻬﻢ ﻗﻌﺪﻭﺍ ﻳﺼﻔﻘﻮﺍ ﻭﻳﺸﺘﻮﺍ ﻣﻌﺎﻫﺎ ..
ﻋﻨﺪﻩ ﻫﻴﺒﻪ ﻭﻳﻦ ﻳﻄﻞ .. ﺷﺨﺼﻴﺔ ﺗﻔﺮﻕ ﻉ ﺍﻟﻜﻞ ..
ﻫﻮ ﺿﺎﻡ ﺍﻳﺪﻩ ﻉ ﺑﻌﺾ ﻭﻓﺎﺭﺩﻫﻢ ﺗﺤﺖ .. ﻭﻳﻤﺮﺭ ﻓﻨﻈﺮﻩ ﻋﻠﻴﻬﻢ ﻭﻳﺸﻮﻑ ﻓﻲ ﻓﺮﺣﺘﻬﻢ ﺑﻴﻪ ﻳﺰﻳﺪ ﻳﻔﺮﺡ ﺍﻛﺜﺮ ﻭﺍﻛﺜﺮ ..
ﺯﻳﻨﺐ ﻭﺩﻣﻮﻋﻬﺎ ﻳﻨﺰﻟﻮﺍ ..
ﻳﺎﻣﺒﺮﻭﻙ ﻋﻠﻴﻪ ﻭﺧﻴﻲ .. ﺇﻥ ﺷﺎﺀ ﺍﻟﻠﻪ ﻳﺪﻳﺮ ﻋﻮﻳﻠﻪ ﺯﻳﻲ ..
ﺭﺩﻭﺍ ﻭﺭﺍﻫﺎ ...
ﺧﺸﻮﺍ ﺑﺎﻗﻲ ﺍﻟﻮﻻﺩ ...
ﻧﻮﺭ ﻟﻤﺎ ﺷﺎﻓﺖ ﻣﺎﻟﻚ ﻗﻠﺒﻬﺎ ﻭﺟﻌﻬﺎ ﺍﻷﺧﺮ ﺷﺎﺩﻩ ﺭﻭﺣﻬﺎ ﺑﺎﻟﺴﻴﻒ ﻋﻦ ﻣﺎ ﺗﺒﻜﻲ ..
ﺍﻣﺎ ﺭﻓﻘﻪ ﺍﺑﺘﺴﻤﺖ ﻭﻳﻦ ﺷﺎﻓﺖ ﻣﺮﻭﺍﻥ ﻋﺠﺒﻬﺎ ﻫﻠﺒﻪ ..
ﺑﺲ ﻫﻨﺎﻙ ﺍﻟﻠﻲ ﻋﻴﻮﻧﻪ ﻳﺪﻭﺭﻭﺍ ﺣﺘﻰ ﻓﻲ ﺍﻟﻄﻴﻒ ﻳﻄﻞ ﻭﻣﺎﺣﺼﻠﻮﻩ ..
ﺭﺍﻧﻴﺎ ﺍﻟﻠﻲ ﺩﻣﻮﻋﻬﺎ ﻣﺎﻗﺪﺭﺗﺶ ﺗﻤﻨﻌﻬﻢ ﻣﻦ ﺍﻟﻨﺰﻭﻝ ﻭﻫﻲ ﺗﺸﻮﻑ ﻓﻲ ﻣﻜﺎﻧﻪ ﺍﻟﻮﺍﺿﺢ ﺍﻟﻔﺎﺿﻲ .. ﺍﻟﻠﻲ ﻻﻳﻤﻜﻦ ﺣﺪ ﻳﻘﺪﺭ ﻳﻌﺒﻴﻪ ..
ﻏﺎﻟﻴﻪ ﺍﻟﻠﻲ ﺩﺍﺭﺕ ﺑﻌﻴﻮﻧﻬﺎ ﻋﻠﻴﻬﻢ ﻓﺮﺣﺎﻧﻪ ﺑﻴﻬﻢ ﺭﺟﺎﻟﻪ ﻭﻋﺰﻭﺓ .
ﺍﻟﻬﺎﺩﻱ .. ﻋﻤﺮ .. ﻣﺤﻤﺪ ... ﻋﻤﺎﺩ .. ﻣﺎﻟﻚ .. ﻣﺮﻭﺍﻥ .. ﺣﻤﺰﺓ .. ﺳﻨﺪ ..ﺗﻮﻓﻴﻖ ..
ﺑﺲ ﻓﻲ ﻭﺍﺣﺪ ﺑﺎﻥ ﺧﻴﺎﻟﻪ ﻓﻌﻴﻮﻧﻬﺎ ﻭﺍﺧﺘﻔﻲ
ﺭﻣﺰﻱ ...
ﻭﻗﻠﺘﻬﺎ ﻗﺒﻞ ... ﻋﺮﺟﻮﻥ ﺍﻟﻔﻞ ﻧﺎﻗﺺ ﻣﻦ ﻏﻴﺮ ﺍﻟﻮﺭﺩﺓ ﻳﺎﺭﻣﺰﻱ ...
🍁 ﺭﻣﺰﻱ
ﺍﻟﻠﻲ ﻛﺎﻥ ﻓﻲ ﻣﻜﺎﻥ ﺍﺳﺮﻩ ..
ﻗﻠﺒﻪ ﻣﻊ ﺍﻫﻠﻪ ﺍﺣﺒﺎﺑﻪ ﻭﻳﻔﻜﺮ ﺯﻋﻤﻪ ﺷﻦ ﻳﺪﻳﺮﻭﺍ ..
" ﺭﻣﺰﻱ .."
ﺗﻠﻔﺖ : ﻧﻌﻢ !
: ﻭﻟﺪﻱ ﺗﻌﺎﻝ ﺗﻌﺸﺎ ..
ﺭﻣﺰﻱ ﺑﺈﺑﺘﺴﺎﻣﻪ : ﺻﺤﺘﻴﻦ ﻳﺎﻋﻤﻲ ﻓﺮﺝ ..
ﻓﺮﺝ ﻫﺰ ﺭﺍﺳﻪ ﺑﺈﻳﺠﺎﺏ ﻭﻗﺎﻝ : ﺍﻟﺠﺎﻱ ﺍﻛﺜﺮ ﻣﻦ ﺍﻟﻠﻲ ﺭﺍﺡ ﻳﺎﻭﻟﺪﻱ ..
ﺭﻣﺰﻱ ﺗﻨﻬﺪ ﺑﺄﻟﻢ ﻭﻗﺎﻝ : ﺧﺎﻳﻒ ﻳﻔﻮﺗﻨﻲ ﺍﻓﺮﺍﺡ ﻭﺍﺟﺪ ﺟﺎﻳﻪ ..
ﺍﺑﺘﺴﻢ ﻓﺮﺝ ﺑﺄﻟﻢ .. ﺑﻌﺪﻳﻦ ﻗﺎﻝ : ﻭﻓﺮﺣﻚ ..
ﺍﺑﺘﺴﻢ ﻭﺷﺒﺤﻠﻪ : ﺯﻋﻢ ﻧﻘﻌﺪ ﺣﻲ ﻳﺎﻋﻤﻲ ﻓﺮﺝ ﻭﻧﻔﺮﺡ ﻓﺮﺣﺔ ﺍﻟﻌﻤﺮ ..
ﻓﺮﺝ؛ﻛﻠﻪ ﺑﻴﺪ ﺍﻟﻠﻪ ﻳﺎﻭﻟﺪﻱ .. ﻧﺪﻋﻴﻠﻚ ﺭﺑﻲ ﻳﺠﻌﻞ ﻃﻠﻌﺘﻚ ﻣﻦ ﻫﻨﻰ ﻛﻴﻒ ﻃﻠﻌﺔ ﺳﻴﺪﻧﺎ ﻳﻮﺳﻒ ..
ﺍﺑﺘﺴﻢ ﻭﻗﺎﻝ؛ﺍﻧﻲ ﻭﺍﻧﺖ ﺇﻥ ﺷﺎﺀ ﺍﻟﻠﻪ 🍃..
🍁🍁🍁🍁🍁🍁
💕💕💕💕💕💕
ﺑﻌﺪﻭﺍ ﺧﺪﻭﺍ ﺻﻮﺭ ﻣﻊ ﻫﺎﻧﻴﺒﺎﻝ ...
ﻃﻠﻌﻮﺍ ﻛﻠﻬﻢ ﻟﺨﻴﻤﺔ ﺍﻟﺮﺟﺎﻟﻪ ...
ﻭﺍﻟﻨﺴﺎﻭﻳﻦ ﻟﺨﻴﻤﺘﻬﻢ .
🍃 ﻭﺗﻤﺮ ﺍﻟﺴﺎﻋﺎﺕ ...
ﻭﺗﺠﻲ ﺍﻟﺴﺎﻋﻪ 11:30 ..
ﻣﺸﻮﺍ ﺯﻳﻨﺐ ﻭﺣﻤﻴﺪﻩ ﻭﻟﻄﻴﻔﻪ ﻣﻊ ﻣﺤﻤﺪ ﺑﺶ ﻳﺠﻴﺒﻮﺍ ﻣﺮﺍﻡ ..
ﻭﺍﻧﻄﻠﻘﻮﺍ ﺳﻴﺎﺭﺍﺕ ﻣﻮﻛﺐ ﻭﺭﺍ ﺑﻌﺾ ﻟﺤﻮﺵ ﻋﺒﻮﺩﻩ ..
ﻭﺻﻠﻮﺍ ..
ﺧﺸﻮﺍ ﺍﻟﻨﺴﺎﻭﻳﻦ ﻭﺩﺍﺭﻭ ﺷﻮﻁ ﺩﺭﺑﻮﻛﻪ ...
ﺣﻮﺍﻟﻲ 10 ﺩﻗﺎﻳﻖ ... ﺑﻌﺪﻳﻦ ﻃﻠﻌﻮﺍ ...
ﻭﻃﻠﻊ ﺿﻮ ﺍﺧﺘﻪ ﺑﻨﻔﺲ ﺍﻟﻌﺎﺩﻩ ﺍﻟﻠﻲ ﻣﺎﺷﻴﻪ ﺑﻴﻬﺎ ﻫﺪﻳﻜﺎ ﺍﻟﻤﺪﻳﻨﻪ ..
ﻭﺍﻟﻤﻌﺮﻭﻓﻪ ..
ﺭﻛﺒﻬﺎ ﺳﻴﺎﺭﺗﻪ ..
ﻭﺗﺤﺮﻙ ..
ﻭﺗﺤﺮﻛﻮﺍ ﻭﺭﺍﻩ ...
ﻭﺧﻮﺍﺗﻬﺎ ﻭﺍﻣﻬﺎ ﺑﻌﺪ ﻃﻠﻌﺖ ﺑﻜﻮﺍ ﺑﺎﻟﻌﺒﺮﺓ ...
🍁 ﻃﺒﻌﺎ ﻫﻤﺎ ﻧﺎﻭﻳﻴﻦ ﻳﺪﻭﺭﻭﺍ ﺑﻴﻬﺎ ﻉ ﺍﻟﻘﺒﻴﻠﻪ ﺑﻌﺪﻳﻦ ﻳﺠﻴﺒﻮﻫﺎ ﻟﻠﻘﻄﻌﻪ ..
💕💕💕💕💕
ﻓﻲ ﻫﺎﻟﻮﻗﺖ ..
ﻓﻲ ﺧﻴﻤﺔ ﺍﻟﺮﺟﺎﻟﻪ ..
ﻛﺎﻧﻮﺍ ﻓﻲ ﻧﺎﺱ ﻣﻦ ﺍﻋﻴﺎﻥ ﺍﻟﻘﺒﻴﻠﻪ ﻣﻌﺮﻭﻓﻴﻦ ﻋﻨﺪﻫﻢ ﻣﻮﺿﻮﻉ ﻭﻧﺎﻭﻳﻴﻦ ﻳﻔﺘﺤﻮﻩ ..
ﻭﺳﺒﻘﻮﺍ ﺑﻴﻪ ﻋﺒﺪﺍﻟﺴﻼﻡ ..
ﺑﺲ ﻛﻼﻣﻬﻢ ﻣﺎﻛﺎﻧﺶ ﻣﻊ ﺧﻴﺮﻱ ..
ﻛﻼﻣﻬﻢ ﻛﺎﻥ ﻣﻊ ..
: ﺧﻮﻱ ﻣﻴﻼﺩ ..
ﻛﻠﻬﻢ ﺷﺒﺤﻮﻟﻪ ..
ﺍﻟﺮﺍﺟﻞ : ﺟﻴﻨﺎ ﻧﺪﻳﺮﻭﺍ ﺍﻟﻮﺍﺟﺐ ﻣﻌﺎﻛﻢ .. ﻟﻜﻦ ﻓﻲ ﻧﻔﺲ ﺍﻟﻮﻗﺖ ﻋﻨﺪﻧﺎ ﻃﻠﺐ ﻭﺍﻥ ﺷﺎﺀ ﺍﻟﻠﻪ ﻣﺎﻧﻄﻠﻌﻮﺍ ﻣﻦ ﻫﻨﻰ ﺧﺎﻳﺒﻴﻦ ..
ﻛﻠﻬﻢ ﺍﺳﺘﻐﺮﺑﻮﺍ ..
ﻣﻴﻼﺩ : ﻛﺎﻥ ﻧﻘﺪﺭ ﻋﻠﻴﻪ ﺍﻥ ﺷﺎﺀ ﺍﻟﻠﻪ ﻣﺎ ﺗﻄﻠﻌﻮﺍ ﻣﻦ ﻫﻨﻰ ﺍﻻ ﻭﺍﻧﺘﻢ ﺭﺍﺿﻴﻴﻦ .. ﺷﻨﻮ ﻃﻠﺒﻜﻢ ..
ﺍﻟﺮﺍﺟﻞ : ﻃﺎﻟﺒﻴﻦ ﻛﺮﻳﻤﺘﻚ ﻟﻮﻟﺪﻧﺎ ﺳﺮﺍﺝ ..
ﻋﻤﺎﺩ ﺗﻘﻮﻝ ﻧﺰﻟﺖ ﻋﻠﻴﻪ ﺻﺎﻋﻘﻪ ..
ﺷﺒﺢ ﻟﻠﺮﺍﺟﻞ ﺑﺮﻓﻌﺔ ﺣﻮﺍﺟﺐ ..
ﻭﺑﻮﻩ ﻭﻫﺎﻧﻴﺒﺎﻝ ﻭﻣﺤﻤﺪ ﺭﻛﺰﻭﺍ ﻋﻠﻴﻪ ﺍﻟﻨﻈﺮ ..
ﺍﻟﺮﺍﺟﻞ : ﻭﺍﻟﻠﻪ ﻛﺮﻳﻤﺘﻚ ﻣﺎﺳﻤﻌﻨﺎ ﻋﻨﻬﺎ ﺍﻻ ﻛﻞ ﺑﺎﻫﻴﻪ .. ﻭﻣﺎﺩﺍﻡ ﻃﺎﻟﻌﻪ ﻣﻦ ﺑﻴﺖ ﻛﺮﻳﻢ ﻛﻴﻒ ﺑﻴﺘﻜﻢ ﺍﻛﻴﺪ ﺗﻜﻮﻥ ﺑﻨﺖ ﺍﺻﻞ ﻭﺍﺧﻼﻗﻬﺎ ﻋﺎﻟﻴﻪ ..
ﻋﻤﺎﺩ ﺍﺻﺒﺢ ﻋﺒﺎﺭﺓ ﻋﻦ ﻛﺘﻠﻪ ﻟﻬﺐ ..
ﺗﻴﻔﺴﺎ ﻳﺸﻮﻓﻠﻪ ﻛﻴﻒ ﻳﺸﺒﺢ ﻭﺩﻣﻪ ﻣﺤﺮﻭﻕ ﺯﻳﻪ ﻭﺍﻛﺜﺮ ..
ﻫﺎﻧﻴﺒﺎﻝ ﻛﺎﻥ ﻳﺒﻲ ﻳﺘﻜﻠﻢ ﺑﺲ ﻣﺶ ﻗﺎﺩﺭ ﺷﻦ ﺑﻴﻘﻮﻝ ﻳﻌﻨﻲ ﻭﻟﻴﺶ ..
ﻣﻴﻼﺩ : ﻭﺍﻟﻠﻪ ...
" ﻭﺍﻟﻠﻪ ﺍﻟﺒﻨﺖ ﻟﻮﻟﺪ ﻋﻤﺘﻬﺎ ﻳﺎﺣﺎﺝ ﻭﻫﻮ ﺍﻭﻟﻰ ﺑﻴﻬﺎ .."
ﻣﻴﻼﺩ ﺍﻧﺼﺪﻡ ..
ﻭﻛﻞ ﻣﻦ ﻓﺎﻟﺨﻴﻤﻪ ﺗﻮﺟﻪ ﻧﻈﺮﻫﻢ ﻟﻌﻤﺎﺩ ..
ﻋﻤﺎﺩ ﺑﺤﺰﻡ : ﺑﻨﺘﻨﺎ ﺣﻨﻲ ﺍﻭﻻ ﺑﻴﻬﺎ .. ﻭﻫﺪﺍ ﺣﺘﻰ ﻓﻲ ﺍﻟﻌﺮﻑ ﻋﻨﺪﻛﻢ ﻫﻨﻲ ﻣﻌﺮﻭﻑ .. ﺷﺒﺢ ﻟﺨﺎﻟﻪ .. ﺧﺎﻟﻲ ﺍﻧﻲ ﻃﺎﻟﺐ ﻳﺪ ﺑﻨﺘﻚ ﻗﺪﺍﻡ ﺍﻟﺤﺎﺿﺮﻳﻦ ﻛﻠﻬﻢ .. ﻭﺍﻧﺖ ﺗﻌﺮﻑ ﺍﻥ ﻣﺎﻓﻲ ﺣﺪ ﺍﺻﻠﺢ ﺑﻴﻬﺎ ﻣﻨﻲ ..
ﻛﻠﻬﻢ ﺗﻮﺟﻬﻮﺍ ﺑﺎﻟﻨﻈﺮ ﻟﻤﻴﻼﺩ ..
ﻭﻋﻤﺎﺩ ﺑﺎﻟﺬﺍﺕ ﻛﺎﻥ ﻳﺸﺒﺢ ﻟﺨﺎﻟﻪ ﻭﺻﺪﺭﻩ ﻳﻌﻼ ﻭﻳﻬﺒﻂ ﻣﻦ ﻗﻮﺓ ﺍﻟﻨﻔﺲ ..
ﻣﺮﺭ ﻣﻴﻼﺩ ﻧﻈﺮﻩ ﻋﻠﻲ ﺍﻟﺮﺟﺎﻟﻪ ﺍﻟﻠﻲ ﻃﻠﺒﻮﺍ ﻣﻨﻪ ﺑﻨﺘﻪ ﻭﻗﺎﻝ : ﻗﻠﺘﻠﻜﻢ ﻛﺎﻥ ﻧﻘﺪﺭ ﻋﻠﻴﻪ ... ﺷﺒﺢ ﻟﻌﻤﺎﺩ .. ﻟﻜﻦ ﺍﻟﻤﻮﺿﻮﻉ ﻃﻠﻊ ﻣﻦ ﻳﺪﻱ ﺗﻮﺍ .. ﻭﻟﺪ ﻋﻤﺘﻬﺎ ﺍﻭﻟﻰ ﺑﻴﻬﺎ ..
ﺭﻣﺶ ﻋﻴﻮﻧﻪ ﺑﺴﺮﻋﻪ ﻭﺗﻨﻔﺲ ﺑﺮﺍﺣﻪ ..
ﻭﺑﻮﻩ ﻭﺧﻮﺍﻟﻪ ﻭﺍﻟﺸﺒﺎﺏ ﻭﺻﺎﺣﺒﻪ ﺍﺑﺘﺴﻤﻮﺍ ﺑﻔﺮﺡ ..
ﻭﻫﺎﻧﻴﺒﺎﻝ ﻛﺎﻥ ﻳﺸﻮﻓﻠﻪ ﺑﺈﻋﺠﺎﺏ ﺷﺪﻳﺪ ...
💕💕💕💕💕💕
ﺍﺻﻼ ﺍﻧﻲ ﺧﻼﺹ ﻧﺎﻭﻳﻪ ﻧﻤﺴﺤﻪ ﻣﻦ ﺣﻴﺎﺗﻲ ﻣﺴﺢ ..
ﺣﺪﻫﻢ : ﺗﻌﺮﻓﻲ ﻭﻣﻦ ﺧﻼﻝ ﺧﺒﺮﺗﻲ ﻓﺎﻟﺤﻴﺎﺓ ﻧﻘﻮﻟﻚ ﺍﻧﻬﻢ ﻣﺪﺍﻳﺮﻳﻦ ﻋﻠﻴﻚ ﻣﻘﻠﺐ ..
ﺑﻠﻘﻴﺲ ﺑﻀﺤﻜﻪ : ﻭﺍﻧﻲ ﻣﻦ ﺭﺍﻱ ﺣﻜﻴﻤﺔ ﺯﻣﺎﻧﻬﺎ ..
ﻧﻮﺭ ﻗﻌﺪﺕ ﺗﻤﺴﺢ ﻓﺪﻣﻮﻋﻬﺎ ﻭﺗﻔﻜﺮ ..
ﺭﻓﻘﻪ : ﻫﻬﻬﻬﻪ .. ﺑﺼﺮﺍﺣﻪ ﺍﻳﻪ ﻭﻋﻤﺎﺩ ﺻﺎﺣﺐ ﺍﻟﻔﻜﺮﻩ .
ﺭﺯﺍﻥ ﻭﻫﻲ ﺗﻀﺮﺏ ﻓﺮﻓﻘﻪ ﻉ ﻛﺘﻔﻬﺎ : ﻭﻳﺎﺣﻤﺎﺭﺓ ﻣﻦ ﺑﻜﺮﻱ ﺗﺸﻮﻓﻲ ﻓﻴﻬﺎ ﺗﺒﻜﻲ ﺑﺘﻤﻮﺕ ﻟﻴﺶ ﻣﺎﻗﻠﺘﻲ ..
ﺭﻓﻘﻪ ﺑﻀﺤﻜﻪ ﻭﻫﻲ ﺗﺘﺤﺴﺲ ﻓﺬﺭﺍﻋﻬﺎ؛ﺍﻣﻨﻲ ﻣﺮﻭﺍﻥ ..
ﺣﺪﻫﻢ ﺑﻀﺤﻜﻪ : ﺧﻼﺹ ﺗﻮﺍ ﻧﻮﺭ ﻭﻫﺎﻙ ﻋﺮﻓﺘﻲ ﺍﻟﻠﻲ ﻓﻴﻬﺎ ﺗﻮﺍ ..
ﻧﻮﺭ ﺑﻐﻀﺐ : ﺗﻮ ﻧﻮﺭﻳﻪ ...
ﺧﺸﺖ ﺩﺍﺧﻞ ﻃﻮﻝ ..
ﺑﻠﻘﻴﺲ ﺑﻀﺤﻜﻪ : ﻭﺍﻟﻠﻪ ﻟﻤﺎ ﻳﺘﺼﺎﻟﺤﻮﺍ ..
ﻓﺠﺄﺓ ..
ﺻﻮﺕ ﻛﻼﻛﺴﺎﺕ ﻗﻠﺐ ﺍﻟﻘﻄﻌﻪ ..
ﺣﺪﻫﻢ : ﺍﻟﻌﺮﻭﺳﻪ ﺟﺖ ..
ﻭﻣﺸﻮﺍ ﻳﺠﺮﻭﺍ ﻟﻠﺨﻴﻤﻪ ..
💕💕💕💕
ﻭﺍﺧﻴﺮﺍ ..
ﺧﺸﺖ ﻣﺮﺍﻡ ﻟﻠﻘﻄﻌﻪ ﻫﺎﻟﻤﺮﺓ ﻋﺮﻭﺳﻪ ..
ﻭﺑﻴﺰﻓﻮﻫﺎ ﻟﻬﺎﻧﻴﺒﺎﻝ ... ﺣﻠﻢ ﺣﻴﺎﺗﻬﺎ .. ﻓﺎﺭﺱ ﺍﺣﻼﻡ ﺍﻟﻨﻮﻡ ﻭﺍﻟﻴﻘﻈﻪ ..
ﻳﺎﺍﺍﻩ ﻗﺪﺍﺵ ﻫﺎﻟﺤﻠﻢ ﻛﺎﻥ ﺑﻌﻴﺪ ﺑﻌﻴﺪ ﻫﻠﺒﻪ ..
ﻟﺪﺭﺟﺔ ﺍﻧﻪ ﺍﺻﺒﺢ ﻣﺴﺘﺤﻴﻞ ..
ﺳﺒﺤﺎﻥ ﺍﻟﻠﻪ .. ﺻﺎﺭ ﺍﻟﻴﻮﻡ ﺣﻘﻴﻘﻪ ﻭﺍﻗﻌﻪ ..
ﻳﻘﻴﻦ ﻻﺷﻚ ﻓﻴﻪ ..
🍃 ﻟﻮ ﻧﺮﺟﻌﻮﺍ ﻟﻠﺨﻠﻒ ﻭﻧﺬﻛﺮﻭﺍ ﻛﻞ ﺍﻟﻤﻮﺍﻗﻒ ﺍﻟﻠﻲ ﺟﻤﻌﺘﻬﺎ ﺑﻴﻪ ..
ﻣﻦ ﻟﻤﺎ ﻛﺎﻧﺖ ﺑﻨﺖ 9 ?