المتمردين

العشق المتمرد

#العشق_المتمرد
#جمان_فريد

الجزء76
القسم الثاني

🍁🍁🍁
ﺍﺑﺮﺍﻫﻴﻢ : ﺧﻼﺹ ﻳﺎﺣﻤﺪﻱ ﺧﻼﺹ .. ﺗﻤﻠﻪ ..
ﺣﻤﺪﻱ ﺭﻓﺰ ﺑﻘﻮﺓ ﻭﻫﻮ ﻣﺒﺘﺴﻢ ..
....
ﺧﺎﻳﻔﻪ ﻫﻠﺒﻪ ..
ﻋﺮﻭﺑﻪ : ﺣﺘﻰ ﺍﻧﻲ .. ﻣﺶ ﻋﺎﺭﻓﻪ ﺷﻨﻮ ﻳﺼﻴﺮ ﻟﻮ ﺧﺸﻮﺍ ﻟﻄﺮﺍﺑﻠﺲ ..
ﺍﺳﻤﺎ : ﺭﺑﻲ ﻳﻠﻄﻒ ﺑﻴﻨﺎ ..
ﻋﺮﻭﺑﻪ : ﻳﺎﺭﺏ ..
ﺍﺳﻤﺎ : ﺑﻜﺮﻱ ﺍﺧﺘﻚ ﻛﺎﻧﺖ ﺗﻜﻠﻢ ﻓﻴﻚ ..
ﻋﺮﻭﺑﻪ : ﺍﺧﺘﻲ ﻭﺧﻮﻱ ..
ﺍﺳﻤﺎ : ﻃﻠﻊ ﺧﻮﻙ ﻣﻦ ﺳﻮﺭﻳﺎ
ﻋﺮﻭﺑﻪ : ﺍﻳﻪ .. ﻭﻗﺎﻋﺪ ﻓﻲ ﺍﻷﺭﺩﻥ ﺗﻮﺍ ..
ﺍﺳﻤﺎ؛ﺍﻟﻮﺿﻊ ﻓﺴﻮﺭﻳﺎ ﺯﻱ ﺍﻟﻮﺿﻊ ﻫﻨﻲ ..
ﻋﺮﻭﺑﻪ : ﻣﺶ ﻋﺎﺭﻓﻪ ﺷﻦ ﻫﺎﻟﻨﺎﺭ ﺍﻟﻠﻲ ﺍﻧﺒﻜﺖ ﻓﺠﺄﺓ ..
ﺍﺳﻤﺎ ﺑﻀﻴﻖ : ﻳﺴﺘﺮ ﺍﻟﻠﻪ ﻣﻦ ﻋﻘﺎﺑﻬﺎ ..
🍁🍁🍁🍁
ﺍﻟﻠﻪ ﺍﻋﻠﻢ ﻋﻤﺎﺩ ﻭﻳﻨﻪ .. ﻣﻊ ﺟﻤﺎﻋﺔ ﺗﻴﺠﻲ ﻭﻻﺍﻟﻠﻲ ﺣﺪﺍ ﺍﻟﺰﺍﻭﻳﻪ ﻭﻻ ﻣﻊ ﺍﻟﺰﻧﺘﺎﻥ؟ !
ﻣﺎﻟﻚ : ﻭﻳﻦ ﻣﺎﻳﻜﻮﻥ ﺭﺑﻲ ﻳﻨﺼﺮﻫﻢ ﻧﺼﺮ ﻋﺰﻳﺰ ﻣﺆﺯﺭ ..
ﻣﺮﻭﺍﻥ ﻭﺳﻌﺪ : ﺍﻟﻠﻬﻢ ﺁﻣﻴﻦ ..
ﺃﻣﺎﻛﻔﺎﻳﻪ ..
ﻓﻜﺎﻧﺖ ﻣﻘﻌﻤﺰﺓ ﻉ ﻣﺼﻠﻴﺘﻬﺎ ﻭﺑﻨﺘﻬﺎ ﺭﺍﻗﺪﻩ ﻓﺤﺠﺮﻫﺎ ﻭﻫﻲ ﺗﺪﻋﻲ ﻣﺎﺑﻄﻠﺘﺶ ﺩﻋﺎﺀ ..
🍁 ﻭﺣﺘﻰ ﻏﺎﻟﻴﻪ ...
ﻭﻓﺎﻃﻤﻪ ﻓﻲ ﻛﻞ ﻭﻗﺖ .. ﺗﺪﻋﻲ ﻟﻌﻤﺎﺩ ..
ﺍﻳﻪ ﻫﻲ ﻣﻊ ﺍﻟﻘﺬﺍﻓﻲ .. ﻟﻜﻦ ﻣﻦ ﻫﻮ ﺍﻟﻘﺬﺍﻓﻲ ﺣﺪﺍ ﺣﻔﻴﺪﻫﺎ ﻭﻻ ﻳﺴﻮﻯ ﺣﺎﺟﻪ ..
🍁 ﻣﺎﻛﺎﻧﻮﺵ ﻫﻤﺎ ﺑﺮﻭﺍﺣﻬﻢ ﻳﺪﻋﻮﺍ ..
ﺣﺘﻰ ﻧﻌﻴﻤﻪ ..
ﻣﺎﺑﻄﻠﺘﺶ ﺩﻋﺎﺀ ﻟﺮﺍﺟﻠﻬﺎ ﻭﻭﻟﺪ ﺍﺧﺘﻬﺎ ﻭﺧﻮﻫﺎ ﺣﻤﻴﺪ ..
ﻭﻃﻮﻝ ﺍﻟﻮﻗﺖ ﺗﺨﻤﻢ ﻓﻴﻬﻢ ﻣﻊ ﺩﻻﻝ ..
ﺍﻟﻠﻲ ﻛﺎﻧﺖ ﺗﺨﺘﻢ ﻓﻲ ﺧﺘﻤﻪ ﻗﺮﺁﻥ ﻟﺮﺍﺟﻠﻬﺎ ..
🍃🍃🍃
ﺗﺘﻮﺍﻟﻰ ﺍﻷﻳﺎﻡ ..
ﻟﻌﻨﺪ ﻣﺎﻓﻲ ﻳﻮﻡ ..8\14
ﻣﺎﻧﻘﻌﺪﺵ ﻓﻲ ﺣﻮﺵ ﻣﺎﻓﻴﺸﻲ ﺗﺮﻳﺲ ﻳﺎﻣﺆﻧﺲ ..
ﻣﺆﻧﺲ : ﻣﺎﺗﻌﺎﻧﺪﺵ ﻳﺎﺃﻳﻤﻦ ﺭﺍﻙ ﺍﻣﺎﻧﻪ ﻓﺮﻗﺒﺘﻲ ..
ﺍﻳﻤﻦ : ﻧﻌﺪﻱ ﻣﻌﺎﻙ ﻟﺴﺮﺕ ..
ﻣﺆﻧﺲ : ﻟﺴﺮﺕ ﻭﺍﻟﻠﻪ ﻣﺎﻙ ﻣﺎﺷﻲ ﺍﻧﻲ ﻋﻄﻴﺖ ﻭﻋﺪ ﻷﻣﻚ ﺗﻢ ..
ﺍﻳﻤﻦ : ﺗﻤﺎﻡ .. ﻟﻜﻦ ﻟﺤﻮﺵ ﻣﺎﻓﻴﺸﻲ ﺗﺮﻳﺲ ﻭﺍﻟﻠﻪ ﻣﺎﻧﻲ ﻣﺎﺷﻴﻬﺎ ..
ﻭﻗﻒ ﻣﺆﻧﺲ ﺍﻟﺴﻴﺎﺭﺓ ﻭﺷﺒﺢ ﻷﻳﻤﻦ؛ﺑﺎﻫﻲ ﻛﻴﻒ ﺗﺒﻴﻨﻲ ﻧﺪﻳﺮ ..
ﺃﻳﻤﻦ : ﺩﺑﺮ ﺍﻣﺎ ﺍﻧﻲ ﻧﻌﺪﻱ ﻟﺤﻮﺵ ﻋﻴﺖ ﺩﻻﻝ ﺍﻧﺴﻰ .. ﺷﻦ ﺑﻴﻘﻌﺪﻧﻲ ﻭﺳﻂ ﻧﺴﻮﺍﻥ .. ﻣﺴﺘﺤﻴﻞ !!
ﻣﺆﻧﺲ ﺷﺒﺢ ﺍﻟﻘﺪﺍﻡ ﺗﻨﻬﺪ ﺑﻌﺪﻳﻦ ﻗﺎﻝ ؛ﺗﻤﺎﻡ .. ﻓﻲ ﻣﻜﺎﻥ ﺗﺎﻧﻲ ...
ﻭﺷﻐﻞ ﺍﻟﺴﻴﺎﺭﺓ ﻭﺗﺤﺮﻙ ﻃﻮﻝ ...
🍁🍁🍁🍁
ﻣﺘﻔﺎﻫﻤﻴﻦ ..
ﺍﻟﺘﺤﺮﻙ ﺣﻴﺼﻴﺮ ﻳﻮﻡ ..8\20
ﺳﺎﻋﺔ ﺍﻟﺼﻔﺮ .. ﺑﻌﺪ ﺁﺫﺍﻥ ﺍﻟﻤﻐﺮﺏ ﻃﻮﻝ ..
ﺍﻟﻤﻮﺟﻮﺩﻳﻦ : ﺗﻢ ..
ﺣﻤﺪﻱ : ﺭﺩﻭﺍ ﺑﺎﻟﻜﻢ .. ﺍﻷﻳﺎﻡ ﺍﻷﺧﻴﺮﺓ ﺍﻻﻋﺘﻘﺎﻻﺕ ﻛﺜﺮﺕ ..
ﻧﺠﻢ ﺍﻟﺪﻳﻦ : ﺣﺘﻰ ﺍﻧﺖ ﻳﺎﺣﻤﺪﻱ .. ﺭﺍﻫﻮ ﺍﻟﺨﻮﻑ ﻋﻠﻴﻚ ﺍﻧﺖ ﺍﻛﺜﺮ ﺷﻲ ﻟﻮ ﺯﺑﻄﻮﻙ ﻳﺼﻔﻮﻙ ﻃﻮﻝ ..
ﺍﺑﺮﺍﻫﻴﻢ : ﻭﺍﻧﻲ ﺷﻦ ﻗﺎﻋﺪ ﻧﺪﻳﺮ ..
ﺿﺤﻜﻮﺍ ﺍﻟﻤﻮﺟﻮﺩﻳﻦ ..
ﻭﺣﻤﺪﻱ ﺷﺪ ﻛﺘﻒ ﺧﻮﻩ ..
ﺍﺑﺮﺍﻫﻴﻢ ﺑﺠﺪﻳﻪ : ﺍﻗﺴﻢ ﺑﺎﻟﻠﻪ ﻧﻤﻮﺕ ﺩﻭﻧﻪ ﻭﻻﻧﺨﻠﻲ ﻛﻠﺐ ﻳﻘﺮﺑﻪ ..
ﺣﻤﺪﻱ : ﺑﺎﻫﻲ ﺧﻼﺹ ﻓﻬﻤﻨﺎ ..
ﺿﺤﻜﻮﺍ ..
ﻭﺣﻤﺪﻱ ﻛﺎﻥ ﻳﻀﺤﻚ .. ﺑﺲ ﻧﻈﺮﺓ ﻋﻴﻮﻧﻪ ﻟﺨﻮﻩ ﻛﺎﻧﺖ ﻣﻌﺒﻴﻪ ﺩﻣﻮﻉ ...
🍃🍃🍃🍃🍃
ﻭﺑﻌﺪﻙ ﻳﺎﻏﺮﻳﺎﻥ ..
ﻟﺤﻘﻮﺍ ..
ﺍﻟﺰﺍﻭﻳﻪ ﻭﺯﻟﻴﻄﻦ ...
ﻭﺍﻟﺠﺒﻞ ﺍﻟﻐﺮﺑﻲ ﺷﺒﻪ ﻛﻠﻪ ﺗﺤﺮﺭ ﻣﻦ ﻧﻈﺎﻡ ﺍﻟﻘﺬﺍﻓﻲ ..
ﻭﺗﺤﺎﺻﺮﺕ ﻃﺮﺍﺑﻠﺲ ﻣﻦ ﺟﻤﻴﻊ ﺍﻟﺠﻬﺎﺕ ..
ﻭﻫﺬﺍ ﻛﺎﻥ ﺧﻼﻝ ﺍﻷﻳﺎﻡ ..
...19\18\17 ﻫﺎﻧﻴﺒﺎﻝ ... ﺍﻏﺴﻄﺲ ...
ﻭﺍﻟﻌﺎﺻﻤﻪ ﺍﻟﻤﻄﻮﻗﻪ ..
ﺳﻜﺮﻭﻫﺎ ﺍﻟﻜﺘﺎﻳﺐ ﻣﻦ ﺩﺍﺧﻞ ﻭﻣﻨﻌﻮﺍ ﻣﻦ ﻳﺨﺶ ﻭﻳﻄﻠﻊ ...
ﻭﻭﺳﻂ ﻫﺎﻷﺧﺒﺎﺭ ﻫﺎﺩﻱ ﻛﻠﻬﺎ ...
ﺍﻟﻨﺎﺱ ﻛﺎﻧﺖ ﻋﺎﻳﺸﺔ ﺣﺎﻟﺔ ﺭﻋﺐ ..
ﺯﻋﻤﻪ ﺷﻦ ﺑﻴﺼﻴﺮ ﻟﻮ ﺧﺸﻮﺍ ﺍﻟﺜﻮﺍﺭ ﻃﺮﺍﺑﻠﺲ؟ !!
🌴🌴🌴🌴🌴🌴🌴🌴🌴
ﻛﺎﻧﻮﺍ ..
ﻫﺎﻧﻴﺒﺎﻝ ﻭﻋﻤﺮ ﻭﻣﺤﻤﺪ ﻭﺍﻟﻬﺎﺩﻱ ﻭﻣﻴﻼﺩ ﻓﻮﻕ ﺍﻟﺴﻄﺢ ..
ﻗﺪﺍﻡ ﺍﻟﺠﺰﻳﺮﺓ ...
ﻳﺘﻔﺮﺟﻮﺍ ﻭﻛﻠﻬﻢ ﺧﻮﻑ ﻉ ﻧﺎﺳﻬﻢ ﻭﺍﻫﻠﻬﻢ ﻏﺎﺩﻱ ..
ﻭﻉ ﺍﻧﻔﺴﻬﻢ ..
ﻷﻧﻬﻢ ﻋﺎﺭﻓﻴﻦ ﺍﻧﻬﻢ ﻣﺶ ﺑﻤﻌﺰﻝ ﻋﻦ ﺍﻟﻠﻲ ﻗﺎﻋﺪ ﻳﺼﻴﺮ ..
🍁🍁🍁🍁🍁
ﻓﻲ ﻃﺮﺍﺑﻠﺲ ...
ﻛﺎﻥ ﻋﺒﺪﺍﻟﺴﻼﻡ ﻭﺍﻗﻒ ﻃﻮﻝ ﺍﻟﻮﻗﺖ ..
ﻳﻤﺸﻲ ﻭﻳﺠﻲ ...
ﻭﻫﻮ ﻳﺴﻤﻊ ﻓﻲ ﺍﻷﺧﺒﺎﺭ ..
ﻭﻧﻌﻴﻤﻪ ﺧﺎﻳﻔﻪ ﻫﻠﺒﻪ ﻭﺩﻻﻝ ﺍﺣﺮﻑ ﻣﻨﻬﺎ ...
🍁 ﻧﻮﺭ ﺑﺒﻜﻲ : ﺧﺎﻳﻔﻪ ﻳﺎﻣﺎﻟﻚ ..
ﻣﺎﻟﻚ : ﺣﺒﻲ ﻧﻮﺭﺗﻲ ... ﺧﻴﺮﻧﺎ ﻋﺎﺩ .. ﺍﻧﻲ ﻣﻜﻠﻤﻚ ﺑﺶ ﻧﺮﺗﺎﺡ ﺻﻮﺗﻚ ﻳﺎﺑﺸﻴﺸﻪ " ﻗﻄﻮﺳﻪ " ﻳﺮﻳﺢ ﻓﻴﺎ ..
ﻧﻮﺭ ﺿﺤﻜﺖ ﻣﻦ ﺑﻴﻦ ﺩﻣﻮﻋﻬﺎ : ﺍﻟﺪﻧﻴﺎ ﺑﺘﻨﻘﻠﺐ ﻭﺍﻧﺖ ﺑﺸﻴﺸﻪ ﺍﻣﺎ ﺑﺸﻴﺸﻪ .
ﻣﺎﻟﻚ ﺑﻀﺤﻜﻪ : ﺍﻳﻪ ﺑﺸﻴﺸﺘﻲ ﺍﻟﺴﻤﺤﻪ .. ﺍﻟﻠﻲ ﻧﻤﻮﺕ ﻓﻌﻮﻳﻨﺎﺗﻬﺎ .. ﺍﻟﻠﻲ ﻭﻳﻦ ﻳﺸﻮﻓﻮﻧﻲ ﻳﻀﺤﻜﻮﺍ ﺑﺮﻭﺣﻬﻢ ..
ﻧﻮﺭ ﺗﻀﺤﻚ ﺑﺘﻌﺠﺐ : ﻣﺎﻟﻚ ﺧﻴﺮﻙ ﺷﻦ ﺟﺎﻙ ..
ﻣﺎﻟﻚ ﺑﻀﺤﻜﻪ : ﻏﻴﺮ ﺧﻠﻴﻨﻲ ﻧﻌﺒﺮ ﻋﻦ ﻣﺸﺎﻋﺮﻱ ﺭﺍﻧﻲ ﻣﻜﺒﻮﺕ ﻭﺍﻟﺪﻧﻴﺎ ﻓﻴﻬﺎ ﻛﻞ ﺷﻲ ..
ﻧﻮﺭ : ﻫﻬﻬﻬﻬﻬﻬﻬﻬﻬﻪ .. ﻭﺣﻖ ﺭﺑﻲ ﻣﺎﻭﻗﺘﻪ ..
ﻣﺎﻟﻚ : ﻻ ﻭﻗﺘﻪ .. ﻧﺤﺒﻚ ﻳﺎﺑﺸﻴﺸﺔ ..
ﻧﻮﺭ : ﻫﻬﻬﻬﻬﻬﻪ 💖
🍁 ﻫﻮ ﻳﻀﺤﻚ ﻭﻋﺎﻳﺶ ﻓﻲ ﺍﻟﻌﺴﻞ .. ﻓﻲ ﺍﻟﻮﻗﺖ ﺍﻟﻀﺎﻳﻊ ﻓﻨﻈﺮﻩ ..
ﻭﺃﻣﻪ ﻭﺑﻮﻩ .. ﻣﺸﻐﻮﻟﻴﻦ ﻉ ﺧﻮﻩ ....
ﻭﻣﺎﻏﻴﺮ ﻳﺪﻋﻮﺍ .. ﻭﻳﻘﻮﻟﻮﺍ ..
ﻳﺎﺭﺏ ... ﻳﺎﺭﺏ ...
ﻗﺪﺍﻣﻬﻢ ﻛﺎﻥ ﺍﻟﺘﻠﻔﺰﻳﻮﻥ ﻣﻔﺘﻮﺡ ﻉ ﺍﻟﺠﺰﻳﺮﺓ ...
ﻉ ﺳﺎﺣﻪ ﺍﻟﻜﻴﺶ ..
ﺍﻟﻨﺎﺱ ﺗﻬﺘﻒ ﺑﺼﻮﺕ ﻭﺍﺣﺪ
" ﻳﺎﺷﺒﺎﺏ ﺍﻟﻌﺎﺻﻤﻪ ... ﻧﺒﻮﺍ ﻟﻴﻠﻪ ﺣﺎﺳﻤﻪ .."
🍁🍁🍁🍁
2011\8\20
ﻫﻮ ﻧﻔﺴﻪ 20 ﺭﻣﻀﺎﻥ ﻫﺪﻳﻜﺎ ﺍﻟﺴﻨﻪ ...
ﻗﺒﻞ ﺍﻟﻤﻐﺮﺏ ﺑﺮﺑﻊ ﺳﺎﻋﻪ ...
🍁 ﻃﺒﺲ ﻛﺐ ﻉ ﻳﺪ ﺍﻣﻪ ..
ﺑﻌﺪﻳﻦ ﻭﻗﻒ ﻭﺑﺎﺱ ﺭﺍﺳﻬﺎ ..
ﺣﺴﻨﺎ ﻭﻫﻲ ﺷﺎﺩﺓ ﺩﻣﻮﻋﻬﺎ ﻭﻣﺒﺘﺴﻤﻪ ﺑﻔﺨﺮ : ﻣﺮﺑﻮﺣﻪ .. ﻣﻨﺼﻮﺭﻳﻦ ..
ﺍﺑﺮﺍﻫﻴﻢ : ﺩﻋﺎﺋﻚ ﻳﺎﻡ ﺩﻋﺎﺋﻚ ..
ﺣﺴﻨﺎ : ﺭﺑﻲ ﻳﻨﺼﺮﻛﻢ ﺑﺠﺎﻩ ﺍﻷﻳﺎﻡ ﺍﻟﻔﻀﻴﻼﺕ ..
ﻭﻋﺮﻭﺑﻪ ﻭﺍﻣﻬﺎ ﻭﺍﺳﻤﺎ ﻳﺘﻔﺮﺟﻮﺍ ..
ﻭﺩﻣﻮﻋﻬﻢ ﻳﻨﺰﻟﻮﺍ ..
ﺣﺴﻨﺎ ﺷﺒﺤﺖ ﻟﺤﻤﺪﻱ ..
ﻫﻮ ﻗﺪﻣﻠﻬﺎ ..
ﻃﺒﺲ ﻉ ﻳﺪﻫﺎ ﻭﺑﺎﺳﻬﺎ ..
ﺑﻌﺪﻳﻦ ﺭﻓﻊ ﺭﺍﺳﻪ ﻭﺑﺎﺱ ﺭﺍﺳﻬﺎ ..
ﺣﺴﻨﺎ : ﺍﻧﺖ ﺑﺎﻟﺬﺍﺕ ﻻﺯﻡ ﺗﺮﻭﺡ .. ﻣﺎﻋﻨﺪﻙ ﻟﻤﻦ ﺑﺘﺨﻠﻲ ﻫﺎﻟﺮﻳﻤﻪ ..
ﺑﻌﺪ ﻭﺷﺒﺤﻠﻬﺎ ﻭﻫﻮ ﻳﻀﺤﻚ ﻗﺎﻝ : ﺍﻣﺎ ﺍﻧﺘﻲ ﻳﻤﻲ ..
ﺿﺤﻜﺖ ﻭﻫﻲ ﺷﺎﺩﺓ ﺩﻣﻌﺘﻬﺎ ﺑﺎﻟﻘﻮﺓ ..
ﻏﻴﺮ ﻧﻈﺮﻩ ﻟﻌﺮﻭﺑﻪ ..
ﺍﺑﺘﺴﻤﺖ ﻣﻦ ﺑﻴﻦ ﺩﻣﻮﻋﻬﺎ ..
ﻭﻫﻮ ﺍﺑﺘﺴﻢ ﺍﺑﺘﺴﺎﻣﻪ ﺣﻠﻮﺓ ..
ﺧﻠﺖ ﺍﺑﺘﺴﺎﻣﻪ ﻋﺮﻭﺑﻪ ﺗﺘﻼﺷﻰ ..
ﺑﺴﺒﺐ ﺷﻌﻮﺭ ﻏﺮﻳﺐ ﻏﻤﺮﻫﺎ ﻣﻦ ﻧﻈﺮﺓ ﻋﻴﻮﻧﻪ ﻟﻴﻬﺎ ..
ﺑﻌﺪ ﻋﻦ ﺍﻣﻪ ..
ﻟﻒ ﻭﻣﺸﻲ ﻭﻫﻮ ﻳﻘﻮﻝ : ﺩﻋﻮﺍﺗﻜﻢ ..
ﻟﺤﻘﻪ ﺍﺑﺮﺍﻫﻴﻢ ﻭﻃﻮﻝ ﻃﻠﻌﻮﺍ ...
ﻭﺳﻤﺤﻮﺍ ﻃﻮﻝ ﻟﺪﻣﻮﻋﻬﻢ ﺑﺎﻹﻧﻬﻤﺎﺭ ..
🍁 ﻭﻏﻴﺮ ﺣﻤﺪﻱ ﻫﻠﺒﻪ ..
ﻛﺎﻧﻮﺍ ﻣﺘﻬﻴﺌﻴﻦ ﻟﺴﺎﻋﻪ ﺍﻟﺼﻔﺮ ..
ﺍﻟﻠﻲ ﺍﻧﻄﻠﻘﺖ ..
ﺑﻌﺪ ﺁﺫﺍﻥ ﺍﻟﻤﻐﺮﺏ ﻣﺒﺎﺷﺮﺓ ...
ﻓﺸﻠﻮﻡ .. ﺳﻮﻕ ﺍﻟﺠﻤﻌﻪ .. ﻫﻢ ﺍﺑﺮﺯ ﻣﻨﺎﻃﻖ ﻃﺮﺍﺑﻠﺲ ﺍﻟﻠﻲ ﺍﻧﻄﻠﻘﺖ ﻓﻴﻬﻢ ﺍﻷﻧﺘﻔﺎﺿﺔ ﻣﻦ ﺍﻟﺪﺍﺧﻞ ..
🍁🍁🍁
ﻋﺒﺎﻟﺴﻼﻡ ﻭﺍﻟﻨﺒﻲ ﺍﻗﻌﺪ ﺑﺎﻟﻠﻪ ﻋﻠﻴﻚ ..
ﻋﺒﺪﺍﻟﺴﻼﻡ : ﺷﺪﻱ ﺍﻣﻚ ﻳﺎﻧﻮﺭ ...
ﻭﻃﻠﻌﺖ ﻃﻮﻝ ..
ﻭﻧﻌﻴﻤﻪ ﺗﺒﻜﻲ ﺑﺎﻟﻌﺒﺮﺓ ..
ﻃﻠﻌﺖ ﺩﻻﻝ ﺗﻤﺸﻲ ﺑﺴﺮﻋﻪ ﺭﻏﻢ ﺍﻧﻬﺎ ﻣﺜﻘﻠﻪ ..
ﻭﺷﺪﺕ ﺍﻣﻬﺎ : ﻣﺎﻣﺎ ﻭﻳﻦ ﻗﻮﺓ ﻋﺰﻣﻚ ﻳﺎﻣﺎﻣﺎ ﻭﻳﻦ ..
ﻧﻌﻴﻤﻪ ﺣﻀﻨﺖ ﺑﻨﺘﻬﺎ ﻭﻫﻲ ﺗﺒﻜﻲ : ﻋﺮﻓﺖ ﺍﻧﻲ ﻣﻊ ﺑﻮﻙ .. ﻣﺎﻋﻨﺪﻳﺶ ﻋﺰﻡ ﻳﺎﺩﻻﻝ ..
ﺣﻀﻨﺘﻬﺎ ﺑﻘﻮﺓ ﻭﺩﻣﻮﻋﻬﺎ ﻳﻨﺰﻟﻮﺍ : ﺣﻴﺮﺩﻩ ﺭﻳﻲ ﺳﺎﻟﻢ .. ﺭﺑﻲ ﺍﺭﺣﻢ ﻣﻦ ﺍﻧﻪ ﻳﻌﺬﺏ ﻗﻠﻮﺑﻨﺎ ﻭﻳﺎﺧﺪﻩ ﻣﻨﺎ ﺣﺘﻰ ﻫﻮ ...
ﻧﻮﺭ ﺗﺸﻮﻓﻠﻬﻢ ﻭﺗﺒﻜﻲ ..
ﺍﻣﺎ ﺍﻟﺼﻐﺎﺭ ﻓﻬﻤﺎ ﺑﺲ ﺍﻟﻠﻲ ﻣﺶ ﻓﺎﻫﻤﻴﻦ ﺷﻲ ﻣﻦ ﺍﻟﻠﻲ ﻗﺎﻋﺪ ﻳﺼﻴﺮ ..
ﻳﻠﻌﺒﻮﺍ ﻭﺑﺲ ..
🍃 ﻣﺎﻧﻴﺶ ﻇﺎﻟﻤﻪ ﻟﻮ ﻗﻠﺖ ﻫﺎﻷﻳﺎﻡ ﻫﺎﺩﻱ ﻫﻲ ﺍﻟﻠﻲ ﺣﺪﺩﺕ ﻣﺼﻴﺮ ﻣﺴﺘﻘﺒﻠﻬﻢ .. ﺍﻟﻠﻲ ﻛﻨﺎ ﻧﺤﺴﺎﺑﻮﻩ ﻛﻠﻪ ﺧﻴﺮ ﻭﻓﺮﺡ .. ﻃﻠﻊ ﻇﻼﻡ .. ﻭﺑﺆﺱ ..
ﻭﻛﻨﺖ ﺍﻇﻦ ﻭﻛﻨﺖ ﺍﻇﻦ ...
ﻭﺧﺎﺏ ﻇﻨﻲ 🍃
🍁🍁🍁🍁🍁
ﺍﻧﻄﻠﻘﺖ ﻋﻤﻠﻴﺔ ﻓﺠﺮ ﻋﺮﻭﺱ ﺍﻟﺒﺤﺮ ..
ﺟﻮ ﻓﻴﻬﺎ ﺛﻮﺍﺭ ﺑﺄﺳﻠﺤﺘﻬﻢ ﻋﻦ ﻃﺮﻳﻖ ﺑﺤﺮ ﺗﺎﺟﻮﺭﺍﺀ ..
ﻭﺧﺸﻮﺍ ...
ﻭﺑﺪﺕ ﺍﻹﺷﺘﺒﺎﻛﺎﺕ ..
ﻭﻫﻲ ﺍﻷﻋﻨﻒ ...
ﺧﻼﺹ ..
ﺍﻫﻢ ﻣﻌﻘﻞ ﺍﻟﻌﺎﺻﻤﻪ ..
ﻟﻮ ﻃﺎﺣﺖ .. ﻛﻞ ﺷﻲ ﺍﻧﺘﻬﻲ ..
ﻭﺍﺳﺘﻤﺮﺕ ﺍﻟﻤﻌﺎﺭﻙ ..
22|21 ﻫﺎﻧﻴﺒﺎﻝ ﺍﻏﺴﻄﺲ ...
🍁 ﺻﺎﺭﺕ ﻋﻤﻠﻴﺎﺕ ﻫﺮﻭﺏ ﻛﺒﻴﺮﺓ ...
🍃 ﻭﻳﻘﺎﻝ ﺍﻥ ﻣﻦ ﺿﻤﻦ ﺍﻟﻠﻲ ﻫﺮﺑﻮﺍ ﻟﻴﻠﺘﻬﺎ .. ﺍﻟﻘﺬﺍﻓﻲ ﻭﻋﻴﻠﺘﻪ ..
ﺑﺲ ﻓﻲ ﻣﻦ ﻗﺎﻝ ﺍﻧﻪ ﻓﻲ ﺳﺮﺕ ﻣﻦ ﻗﺒﻞ ﻫﻜﻲ ﺑﻮﻗﺖ 🍃..
ﺍﻟﻬﺮﻭﺏ ﻫﺪﺍ ..
ﻛﺎﻥ ﻟﻠﻨﺎﺱ ﺍﻟﻤﻘﺮﺑﻪ ﻣﻦ ﺍﻟﻨﻈﺎﻡ ﻣﻦ ﺑﻌﻴﺪ ﺷﻮﻳﻪ ..
ﻭﻣﻨﻬﻢ ..
ﻧﻮﺍﻝ ..
ﻧﻮﺍﻝ : ﻫﻴﺎ ﻳﺎﻡ .. ﻫﻴﻔﺎ ..
ﻃﻠﻌﻮﺍ ﻳﺠﺮﻭﺍ ... ﻭﻓﻲ ﺍﻳﺪﻳﻬﻢ ﺷﻨﺎﻃﻲ ﻓﻴﻬﺎ ﺍﻟﻤﻬﻢ ﺍﻟﻤﻬﻢ ..
ﻓﻨﺺ ﺍﻟﻤﻤﺮ ﻣﺘﺎﻉ ﻭﺳﻂ ﺍﻟﺤﻮﺵ ..
ﺳﻤﻌﻮﺍ ﺑﺎﺏ ﺍﻟﺤﻮﺵ ﺗﻘﻠﻊ ..
ﻓﻨﺼﻮﺍ ..
ﻃﻠﻌﺖ ﻧﻮﺍﻝ ﺳﻼﺣﻬﺎ ﻭﻗﺎﻟﺖ ﻷﻣﻬﺎ ﻭﺍﺧﺘﻬﺎ : ﺧﻞ ﻧﻄﻠﻌﻮﺍ ﻣﻦ ﺍﻟﺨﻠﻒ .. ﺍﻟﺼﻮﺕ ﺟﺎﻱ ﻣﻦ ﺍﻟﻘﺪﺍﻡ ..
ﺍﻣﻬﺎ ﻭﺍﺧﺘﻬﺎ ﻃﻮﻝ ﻟﻔﻮﺍ ﻭﻗﻌﺪﻭﺍ ﻳﺠﺮﻭﺍ ﻭﻫﻲ ﻭﺭﺍﻫﻢ ..
ﻟﻌﻨﺪ ﻭﺻﻠﻮﺍ ﻟﻠﺒﺎﺏ ﺍﻟﺨﻠﻔﻲ ..
ﻓﺘﺤﺎﺗﻪ ﻧﻮﺍﻝ ﺑﻬﺪﻭﺀ ..
ﻃﻠﻌﺖ ﻗﺒﻠﻬﻢ ﻭﻫﻲ ﺗﺸﻮﻑ ﻓﻲ ﺍﻟﻤﻜﺎﻥ ﻛﺎﻧﻬﻮ ﺁﻣﻦ ..
ﻗﺪﻣﺖ ﺑﺴﻼﺣﻬﺎ ..
ﻭﻭﻗﻔﺖ ﻭﺍﺩﺭﻗﺖ ﻭﺭﺍ ﺍﻟﺤﻴﻂ ﻭﻫﻲ ﺗﺸﻮﻑ ﻓﻴﻬﻢ ﻛﻴﻒ ﺧﺎﺷﻴﻦ ﻟﻠﺤﻮﺵ ...
ﻟﻌﻨﺪ ﻣﺎﺧﺸﻮﺍ ﻛﻠﻬﻢ ﺩﺍﺧﻞ ..
ﺍﺷﺮﺕ ﻷﻣﻬﺎ ﻭﺍﺧﺘﻬﺎ ﺑﻴﺪﻫﺎ ﺍﻟﺘﺎﻧﻴﻪ ﺑﺶ ﻳﻠﺤﻘﻮﺍ ..
ﻗﻌﺪﻭﺍ ﻳﺠﺮﻭﺍ ..
ﻭﻫﻲ ﻗﺪﺍﻣﻬﻢ ﻭﻓﻴﺪﻫﺎ ﺳﻼﺣﻬﺎ ﺗﺼﻮﺏ ﻓﻴﻪ ﻓﻜﻞ ﺍﻟﺠﻬﺎﺕ ﺑﺶ ﺗﺤﻤﻴﻬﻢ ..
ﻟﻌﻨﺪ ﻭﺻﻠﻮﺍ ﻓﻲ ﺍﻟﺒﺎﺏ ..
" ﻭﻳﻦ ﻭﻳﻦ .."
ﻫﻲ ﻃﻮﻝ ﺍﻟﺘﻔﺘﺖ ﺷﺪﺕ ﺳﻼﺣﻬﺎ ﺑﺈﻳﺪﻳﻬﺎ ﺍﻟﺰﻭﺯ ﻭﺻﻮﺑﺎﺗﻪ ﻉ ﺍﻟﻠﻲ ﻭﻗﻔﻬﻢ ..
ﻭﻗﺎﻟﺖ ﻷﻣﻬﺎ ﻭﺍﺧﺘﻬﺎ : ﺍﻃﻠﻌﻮﺍ ..
ﺍﻣﻬﺎ؛ﻻ ..
ﻧﻮﺍﻝ ﺑﺼﻮﺕ ﺍﻧﺜﻮﻱ ﻟﻜﻨﻪ ﻛﺎﻥ ﻳﺮﻋﺪ : ﺍﻃﻠﻌﻮﻭﻭﺍ ..
ﺍﻣﻬﺎ ﻭﺍﺧﺘﻬﺎ ﻃﻠﻌﻮﺍ ﻳﺠﺮﻭﺍ ..
ﺍﻟﻠﻲ ﻗﺪﺍﻣﻬﺎ ...
ﻗﻌﺪ ﻳﻘﺮﺏ ..
ﻭﻫﻲ ﺗﻮﺧﺮ ﻭﻣﺎﺯﺍﻟﺖ ﻣﺼﻮﺑﻪ ﻋﻠﻴﻪ ..
ﻳﻘﺪﻡ ... ﻭﺗﻮﺧﺮ ..
ﻟﻌﻨﺪ ﻭﺻﻠﺖ ﻓﻲ ﺍﻟﺤﻴﻂ ..
ﺟﺖ ﺑﺘﻀﻐﻂ ﻉ ﺍﻟﺰﻧﺎﺩ ..
ﺑﺲ ﻭﻗﻔﺖ ﻟﻤﺎ ﺳﻤﻌﺎﺗﻪ ﻳﻘﻮﻝ ..
ﻧﺠﻢ ﺍﻟﺪﻳﻦ : ﻧﻮﺍﻝ !!
ﻫﻲ ﺭﻛﺰﺕ ﻓﻴﻪ ..
" ﻳﺎﻧﺠﻤﻲ .."
ﻧﺠﻢ ﺍﻟﺪﻳﻦ : ﺑﺴﺮﻋﻪ ﺍﻃﻠﻌﻲ ﺑﺴﺮﻋﻪ ..
ﻧﺰﻟﺖ ﺳﻼﺣﻬﺎ ..
ﺑﻌﺪﻳﻦ ﻃﻮﻝ ﻃﻠﻌﺖ ﺗﺠﺮﻱ ..
ﻭﺻﻠﺖ ﻓﻲ ﺳﻴﺎﺭﺗﻬﻢ ﺍﻟﻠﻲ ﻛﺎﻧﺖ ﻣﺪﺭﻗﻪ ﻓﻲ ﺗﺮﻛﻴﻨﻪ ﻣﺎﺍﺗﻨﺸﺎﻓﺶ ﻓﻲ ﺍﻟﻈﻼﻡ ..
ﻓﺘﺤﺖ ﺍﻟﺒﺎﺏ ﻭﺭﻛﺒﺖ ..
ﺍﻣﻬﺎ : ﻗﺘﻠﺘﻴﻪ ﻭﻟﺪ ﺍﻟﻜﻠﺐ ..
ﺷﻐﻠﺖ ﺍﻟﺴﻴﺎﺭﺓ ﻭﺻﻜﺮﺕ ﺍﻟﺒﺎﺏ ﻭﻫﻲ ﺗﻘﻮﻝ : ﻭﻟﺪ ﺍﺻﻞ ﻣﺶ ﻭﻟﺪ ﻛﻠﺐ ﻳﺎﻡ ..
ﻭﻃﻮﻝ ﺗﺤﺮﻛﺖ ﺑﺎﻟﺴﻴﺎﺭﺓ ...
ﻗﻌﺪﺕ ﺗﻤﺸﻲ ﻓﻲ ﻃﺮﻳﻖ ﻣﺨﺘﺼﺮﻩ ﻫﻲ ﻋﺎﺭﻓﺘﻬﺎ ﻛﻮﻳﺲ ﻣﺶ ﺣﻴﻄﻠﻌﻠﻬﺎ ﺣﺪ ﻓﻴﻬﺎ ..
ﻭﺍﻣﻬﺎ ﻭﺍﺧﺘﻬﺎ ﻃﻮﻝ ﺍﻟﻄﺮﻳﻖ ﻭﻫﻤﺎ ﻳﺪﻋﻮﺍ ﻭﻳﻘﺮﻭﺍ ﻓﻲ ﺍﻟﻘﺮﺁﻥ ..
ﻭﻫﻤﺎ ﻳﺴﻤﻌﻮﺍ ﻓﻲ ﺍﺻﻮﺍﺕ ﺍﻹﺷﺘﺒﺎﻛﺎﺕ ..
ﺗﻨﻔﺴﺖ ﺑﺈﺭﺗﻴﺎﺡ ..
ﻟﻤﺎ ﺣﺴﺖ ﺍﻧﻬﺎ ﺧﻼﺹ ﻗﺮﺑﺖ ﺗﻄﻠﻊ ﻣﻦ ﻃﺮﺍﺑﻠﺲ ﻭﺗﻮﺻﻞ ﻣﺒﺘﻐﺎﻫﺎ ..
ﺑﺲ ﺳﺮﻋﺎﻥ ﻣﺎﺿﺎﻕ ﺻﺪﺭﻫﺎ ﻟﻤﺎ ﺷﺎﻓﺖ ﻣﺠﻤﻮﻋﻪ ﻣﻦ ﺍﻟﺜﻮﺍﺭ ﻭﺍﻗﻔﻴﻦ ﻓﻲ ﺍﻟﻄﺮﻳﻖ ..
ﻫﻴﻔﺎ ﺍﺧﺘﻬﺎ : ﺍﻧﺘﻬﻴﻨﺎ ..
ﺍﻣﻬﺎ : ﻳﺎﺭﺑﻲ ﺭﺍﻧﺎ ﺑﻴﻦ ﺍﻳﺪﻳﻚ ..
ﻧﻮﺍﻝ ﺷﺪﺕ ﻉ ﺩﻭﻣﺎﻥ ﺍﻟﺴﻴﺎﺭﺓ ﻭﻛﺎﻧﺖ ﻧﺎﻭﻳﻪ ﺗﺠﺮﻱ ﺑﺄﻗﺼﻰ ﺳﺮﻋﻪ ..
ﺑﺲ ﺗﻔﺎﺟﺌﺖ ﺑﺴﻴﺎﺭﺓ ﻣﺼﻜﺮﺓ ﺍﻟﻄﺮﻳﻖ ..
ﺣﺴﺖ ﺑﺎﻹﺣﺒﺎﻁ ..
ﻓﻜﺮﺕ ﺍﻧﻬﺎ ﺗﺨﺒﻂ ﺍﻟﺴﻴﺎﺭﺓ ﻭﺩﻳﺮ ﺣﺎﺩﺙ ﻫﻲ ﻭﺍﻣﻬﺎ ﻭﺍﺧﺘﻬﺎ ﻭﻻ ﻳﻨﻤﺲ ﺷﺮﻓﻬﻢ ﺍﻭ ﻳﺘﻌﺮﺿﻮﺍ ﻟﻺﻫﺎﻧﻪ ..
ﻓﻲ ﻫﺎﻟﻮﻗﺖ ﺟﺖ ﺟﻨﺒﻬﺎ ﺳﻴﺎﺭﺓ ..
ﻭﻗﻔﺖ ..
ﻃﻠﻊ ﻣﻦ ﺭﻭﺷﻨﻬﺎ ﻭﺍﺣﺪ ﻗﺎﻝ؛ﺣﻤﺪﻱ ﺧﻠﻮﻫﺎ ﺗﻔﻮﺕ ﻉ ﻣﺴﺆﻟﻴﺘﻲ ..
ﺣﻤﺪﻱ : ﺍﻧﻲ ﻭﺍﻟﻠﻪ ﻣﺎﻛﻨﺖ ﻧﺎﻭﻱ ﻧﻮﻗﻔﻬﺎ ﻣﻦ ﺍﻷﻭﻝ .. ﺗﻔﻀﻠﻲ ﺍﺧﺘﻲ ﻭﺍﻥ ﺷﺎﺀ ﺍﻟﻠﻪ ﺭﺑﻲ ﻳﺴﺘﺮﻛﻢ ﻭﻳﺴﺘﺮ ﺑﻨﺎﺗﻨﺎ ..
ﺍﻣﻬﺎ ﻣﻦ ﺍﻟﻔﺮﺣﻪ : ﺭﺑﻲ ﻳﺤﻔﻈﻜﻢ ﻭﻟﻴﺪﺍﺗﻲ ..
ﺍﺑﺘﺴﻤﺖ ﻧﻮﺍﻝ ﺑﻔﺨﺮ ..
ﺑﺲ ﻷﻧﻬﻢ ﻭﻻﺩ ﺑﻼﺩﻫﺎ ..
ﻧﺠﻢ ﺍﻟﺪﻳﻦ ﺷﺒﺤﻠﻬﺎ : ﺗﺤﺮﻛﻲ ﻭﺍﻧﻲ ﻭﺭﺍﻙ ..
ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﺗﺤﺮﻛﺖ ..
ﻭﻧﺠﻢ ﻭﺭﺍﻫﺎ ... ﻭﺭﻛﺐ ﺣﻤﺪﻱ ﻫﻮ ﻭﻭﺍﺣﺪ ﻣﻦ ﺍﻟﺜﻮﺍﺭ ﻭﻟﺤﻘﻮﺍ ﻋﻠﻴﻬﻢ ...
ﻗﻌﺪﻭﺍ ﻣﻌﺎﻫﺎ ﻟﻴﻦ ﻃﻠﻌﻮﻫﺎ ﻣﻦ ﻃﺮﺍﺑﻠﺲ ..
ﻟﻤﻜﺎﻥ ﻛﺎﻧﻮﺍ ﻳﺴﺘﻨﻮﺍ ﻓﻴﻬﺎ ﻓﻴﻪ ﺟﻤﺎﻋﻪ ﻣﻦ ﺯﻣﻼﺋﻬﺎ ..
ﻭﻫﺮﺑﻮﺍ ﻣﻊ ﺑﻌﺾ ..
ﻭﺍﻟﻠﻪ ﺍﻋﻠﻢ ﻛﻴﻒ ﺗﻜﻤﻞ ﺭﺣﻠﺘﻬﻢ ..
🍃 ﺑﺲ ﻋﺎﺩ ﻣﺶ ﻛﻠﻬﻢ ﺯﻱ ﻧﻮﺍﻝ ﻃﺎﺣﻮﺍ ﻓﻲ ﺍﻳﺪﻳﻦ ﻭﻻﺩ ﺣﻼﻝ 🍃
ﻭﻟﻨﻮﺍﻝ ﻗﺼﺔ ﻣﻊ ﻧﺠﻢ ﺍﻟﺪﻳﻦ ...
ﻟﻴﻦ ﻳﻤﻮﺕ ﻣﺎﻳﻨﺴﺎﻫﺎ ...
🌴🌴🌴🌴🌴🌴🌴
ﺍﻟﻴﻮﻡ ﺍﻟﻠﻲ ﺑﻌﺪﻩ ...
ﺻﻜﺮﺕ ﻣﻦ ﺍﺧﺘﻬﺎ ..
ﻓﺎﻃﻤﻪ ﺑﺨﻮﻑ : ﻫﺎﻩ ﺷﻨﻮ ﺻﺎﺭ ...
ﻏﺎﻟﻴﻪ : ﺯﻳﻨﺐ ﻗﺎﻟﺖ ﻳﻤﻲ ﻣﺎﺻﺎﺭ ﺷﻲ ﻣﻦ ﺍﻟﻠﻲ ﻳﺎﻣﺎ ﻗﺎﻟﻮﺍ ﻋﻨﻪ ..
ﻻﺍﻏﺘﺼﺎﺏ ﻭﻻﺧﻨﺒﻪ ﻭﻻ ﺷﻲ ﻣﻦ ﻫﺎﻟﻜﻼﻡ ..
🍁🍁🍁
ﻭﺍﻟﻠﻪ ﻣﺎﻛﻨﺖ ﻣﺼﺪﻕ ﺣﺎﺟﻪ ﻣﻦ ﻗﻄﺎﻓﻬﻢ ..
ﻋﻤﺮ : ﺍﻧﻲ ﻋﺎﺭﻑ ﻋﻤﺎﺩ ﻛﻮﻳﺲ ﺻﺢ ﻳﻠﺨﺒﻂ ﻟﻜﻦ ﻃﺮﻳﻖ ﺣﺮﺍﻡ ﻣﺎﻳﻤﺸﻴﺶ ﻓﻴﻪ ..
ﻣﺤﻤﺪ ﻧﺎﺽ ﻣﻦ ﺑﺤﺪﺍﻫﻢ ﻭﻃﻠﻊ ...
ﻫﺎﻧﻴﺒﺎﻝ : ﻣﺶ ﻋﺎﺭﻑ ﺑﺄﻳﻦ ﻭﺟﻪ ﻣﺎﺯﺍﻝ ﺑﻴﻘﺎﺑﻠﻪ ..
ﻋﻤﺮ ﺍﺑﺘﺴﻢ؛ﻣﺎﺗﻌﺮﻓﺶ ﻋﻤﺎﺩ ﻳﺎﻫﺎﻧﻴﺒﺎﻝ ﻫﻮ ﺍﻟﻠﻲ ﺣﻴﺠﻲ ﻭﻳﻜﺐ ﻉ ﺭﺍﺱ ﻣﺤﻤﺪ ﻭﺍﺫﻛﺮ ﻛﻼﻣﻲ ...
ﺍﺑﺘﺴﻢ ﻫﺎﻧﻴﺒﺎﻝ ...
🍁🍁🍁🍁
ﻓﺎﻃﻤﻪ؛ﺑﺎﻫﻲ ﻭﻧﻌﻴﻤﻪ ...
ﻏﺎﻟﻴﻪ : ﻧﻌﻴﻤﻪ ﺭﺍﺟﻠﻬﺎ ﻭﻻ ﺍﻟﻴﻮﻡ ﺍﻟﺼﺒﺢ ﻭﺍﻣﻮﺭﻫﻢ ﻛﻮﻳﺴﻪ ..
ﻓﺎﻃﻤﻪ : ﻛﻔﺎﻳﻪ ﻳﺎﻛﺒﺪﻱ ﻛﻔﺎﻳﻪ ..
ﻏﺎﻟﻴﻪ : ﺧﺎﻳﻔﻪ ﻧﻜﻠﻤﻬﺎ ﻳﻤﻲ ﻗﻠﺒﻲ ﻣﻘﺒﻮﺽ ..
ﻧﺰﻟﺖ ﺩﻣﻌﺔ ﻓﺎﻃﻤﻪ ﻭﻗﺎﻟﺖ ﺑﺼﻮﺕ ﻋﺎﻟﻲ : ﻛﻠﻤﻴﻴﻴﻴﻬﺎﺍﺍ ..
ﻃﻮﻝ ﻏﺎﻟﻴﻪ ﺿﺮﺑﺖ ﻉ ﺭﻗﻢ ﻛﻔﺎﻳﻪ ..
🍁🍁🍁🍁🍁
ﻛﻔﺎﻳﻪ ..
ﺍﻟﻠﻲ ﻛﺎﻧﺖ ﻭﺍﻗﻔﻪ ﺗﺪﻋﻲ ﻗﺒﻞ ﻳﺄﺫﻥ ﻣﻐﺮﺏ ﻧﻬﺎﺭ ..23
ﻛﻔﺎﻳﻪ؛ﻳﺎﺍﻟﻠﻪ ﻧﺠﻲ ﻭﻟﻴﺪﻱ .. ﻳﺎﻟﻠﻪ ﺭﺩ ﻭﻟﻴﺪﻱ ﺳﺎﻟﻢ .. ﻳﺎﺭﺑﻲ ﺭﺩﻟﻲ ﻋﻤﺎﺩ ﻳﺎﺍﺍﺍﺭﺑﻲ ..
ﺭﻥ ﺍﻟﺘﻠﻴﻔﻮﻥ ﻓﻴﺪﻫﺎ ﺍﻧﺨﻠﻌﺖ ..
ﺷﺎﻓﺖ ﺍﺧﺘﻬﺎ ﻏﺎﻟﻴﻪ ﺗﺘﺼﻞ .. ﺭﺩﺕ ..
ﺑﺮﺍ ..
ﻓﻲ ﺭﺍﺱ ﺍﻟﺸﺎﺭﻉ ..
ﻛﺎﻧﻮﺍ ﻭﻻﺩ ﻛﻔﺎﻳﻪ ﻣﻊ ﺷﺒﺎﺏ ﺷﺎﺭﻋﻬﻢ ﻳﺄﻣﻨﻮﺍ ﻓﻴﻪ ..
ﺯﻱ ﻣﺎﺩﺍﺭﻭ ﺷﺒﺎﺏ ﻫﻠﺒﻪ ﻣﻨﺎﻃﻖ ..
ﻣﺎﻟﻚ : ﻓﻲ ﺑﻮﺳﻠﻴﻢ ﺍﻷﺷﺘﺒﺎﻛﺎﺕ ..
: ﻓﻲ ﺍﻟﻠﻲ ﻳﻘﻮﻟﻮﺍ ﺳﻴﻒ ﺣﺎﺻﻞ ﻏﺎﺩﻱ ...
ﻣﺮﻭﺍﻥ : ﻫﻮ ﻭﺍﺿﺢ ﻓﻲ ﺷﺨﺼﻴﻪ ﻣﻬﻤﻪ ﻏﺎﺩﻱ ﺍﻟﻠﻲ ﺻﺎﻳﺮ ﺍﺷﺘﺒﺎﻛﺎﺕ ﻗﻮﻳﻪ ﻫﻜﻲ ﺑﺲ ﻣﻨﻲ ﺍﻟﻠﻪ ﺍﻋﻠﻢ ... ﻟﻜﻦ ﻣﺎﻧﺘﻮﻗﻌﺎﺵ ﺳﻴﻒ ..
: ﻳﺎﻭﺩﻱ ﺍﻟﻠﻲ ﻫﻮ ﻏﻴﺮ ﺗﻢ ﻫﺎﻟﺪﻭﺷﻪ ﻭﻧﺨﻠﺼﻮﺍ ..
ﻣﺎﻟﻚ : ﺗﻌﺮﻓﻮﺍ ﻟﻮ ﻣﺶ ﻛﺘﻴﺒﺔ ﺍﻣﺤﻤﺪ ﺍﻟﻤﻘﺮﻳﻒ ﺍﻧﺸﻘﺖ ﻋﻨﻪ ﺗﺮﺍﻫﻮ ﺻﺎﺭ ﺣﻤﺎﻡ ﺩﻡ ..
ﻣﺮﻭﺍﻥ : ﺭﺑﻚ ﻟﻄﻒ ...
ﺍﻟﻠﻪ ﺍﻛﺒﺮ ... ﺍﻟﻠﻪ ﺃﻛﺒﺮ ..
ﻣﺎﻟﻚ ﻗﻌﺪ ﻳﻮﺯﻉ ﻋﻠﻴﻬﻢ ﺷﻴﺶ ﺯﺑﺎﺩﻱ ﺍﻟﻨﺴﻴﻢ ﻭﺍﻟﺘﻤﺮ ..
ﻭﺑﺪﻭﺍ ﻳﺪﻋﻮﺍ ..
ﻭﻛﺎﻥ ﺩﻋﺎﺀ ﻣﺎﻟﻚ ﻭﻣﺮﻭﺍﻥ ﺯﻱ ﺩﻋﺎﺀ ﺍﻣﻬﻢ ﺑﺎﻟﺰﺑﻂ ..
ﺍﻥ ﺭﺑﻲ ﻳﺮﺩ ﻏﺎﺋﺒﻬﻢ ..
ﺧﻮﻫﻢ 💖..
ﺳﻤﻮﺍ ﺑﺎﻟﻠﻪ ﺑﻌﺪ ﺩﻋﺎﺀ ﺍﻹﻓﻄﺎﺭ ... ﻭﻛﻠﻮﺍ ..
" ﻳﺎﺍﺳﻮﻭﻭﻭﺩ .."
ﺍﻟﻠﻘﻤﻪ ﺑﻠﻌﻮﻫﺎ ﻓﻤﺮﻩ ..
ﻓﻨﺼﻮﺍ ﺍﻟﺰﻭﺯ ﻭﺷﺒﺤﻮﺍ ﻟﺒﻌﺾ ..
" ﺃﺷﺎﺍﺍﺍﺍﺍﻭﺱ .."
ﺍﻟﺘﻔﺘﻮﺍ ﺍﻟﺰﻭﺯ ..
ﻭﺍﻟﻠﻲ ﻣﻌﺎﻫﻢ ﻗﻌﺪﻭﺍ ﻳﺸﻮﻓﻮﺍ ﻟﻠﻲ ﻳﺘﻜﻠﻢ ..
ﻛﺎﻥ ﻻﺑﺲ ﺳﺮﻭﺍﻝ ﺻﺎﻋﻘﻪ ..
ﻭﺗﺸﺮﺕ ﻧﺺ ﻛﻢ ﺯﻳﺘﻲ ﻟﻜﻦ ﻣﺒﻬﺪﻝ ..
ﻟﺤﻴﺘﻪ ﻛﺜﻴﻔﺔ .. ﻟﻒ ﻉ ﺭﺍﺳﻪ ﺭﺑﻄﻪ ..
ﻭﻉ ﻭﺟﻬﻪ ﺍﺛﺎﺭ ﺩﺧﺎﻥ ﺍﺳﻮﺩ .. ﻭﺟﺮﻭﺡ ..
ﻭﺫﺭﺍﻋﻪ ﻣﻠﻔﻮﻑ ﻋﻠﻴﻬﺎ ﻓﺎﺷﻪ .. ﻭﻣﺮﺑﻮﻃﻪ ﺑﻜﺘﺎﻧﻪ ..
ﻓﻴﺪﻩ ﺳﻼﺡ ...
ﻭﻳﺸﻮﻓﻠﻬﻢ ﻭﻳﻀﺤﻚ ..
ﺿﺤﻜﺘﻪ ﻣﺴﺘﺤﻴﻞ ﻳﺘﻮﻫﻮﺍ ﻋﻨﻬﺎ ..
ﺿﺤﻜﺖ ﺧﻮﻫﻢ ..
ﺍﻟﻠﻲ ﺩﻳﻤﺎ ﻉ ﻭﺟﻬﻪ ﻓﻜﻞ ﻭﻗﺖ ..
ﺧﻤﺴﻪ ﺷﻬﻮﺭ ﻭﻧﺺ ﻓﺎﺗﻮﺍ ﻭﻣﺎﺭﻭﺷﻲ ﻓﻴﻬﻢ ...
ﻭﻻﺳﻤﻌﻮﺍ ﺻﻮﺗﻪ ..
5 ﺷﻬﻮﺭ ..
ﻳﻌﻨﻲ ﻓﻮﻕ 150 ﻳﻮﻡ ..
ﻳﺎﺍﺍﺍﺍﺍﻩ ....
ﺗﺘﻮﻗﻌﻮﺍ ﺣﺠﻢ ﺍﻟﺸﻮﻕ ..
ﻭﺣﺠﻢ ﺍﻟﻔﺮﺣﻪ ﺍﻥ ﺭﺟﻌﻠﻬﻢ ﻣﻦ ﺣﺮﺏ ﺍﻟﻤﻮﺕ ﻓﻴﻬﺎ ﺍﻛﺒﺮ ﺍﺣﺘﻤﺎﻝ ..
ﺭﺟﻌﻠﻬﻢ ﺳﺎﻟﻢ ﻳﻤﺸﻲ ﻉ ﺭﺟﻠﻴﻪ ..
ﻭﻳﻀﺤﻚ ..
ﻭﻗﻒ ..
ﻭﺭﻓﻊ ﺣﻮﺍﺟﺒﻪ ..
ﻋﻤﺎﺩ : ﺷﻨﻮ ﻳﺎﺣﻴﻮﺍﻧﺎﺕ .. ﺷﻜﻠﻜﻢ ﻣﺎﻓﺮﺣﺘﻮﺵ !!
ﺍﻟﺰﻭﺯ ..
ﺑﺪﻭﻥ ﻭﻋﻲ ﻭﻻ ﺣﺴﺎﺏ ﻷﻱ ﺷﻲ ..
ﻓﺎﺗﻮﺍ ﻳﺠﺮﻭﺍ ﻟﺨﻮﻫﻢ ﺑﻠﻔﻬﻪ ﻣﺎﺑﻌﺪﻫﺎ ﻟﻬﻔﻪ ...
ﻣﺶ ﻣﺼﺪﻗﻴﻦ ﺍﻣﺘﻰ ﻳﻮﺻﻠﻮﺍ ﻓﻴﻪ ..
ﻛﺎﻧﻮﺍ ﻣﺎﺩﻳﻦ ﺍﻳﺪﻳﻬﻢ ﻟﻴﻪ ﻗﺒﻞ ﻳﻮﺻﻠﻮﺍ ﻭﻳﺸﺪﻭﻩ ..
ﻭﻛﺄﻧﻬﻢ ﺣﺴﻮﺍ ﺍﻟﻄﺮﻳﻖ ﺑﺪﺕ ﺗﻄﻮﻝ ﻋﻠﻰ ﻣﺎﻳﻮﺻﻠﻮﺍ ﻓﻴﻪ ..
ﻣﺎﺻﺪﻗﻮﺵ ..
ﻣﺎﺻﺪﻗﻮﺵ ﺍﻧﻬﻢ ﻭﺻﻠﻮﺍ ﻓﻴﻪ ..
ﺣﻄﻮﺍ ﺍﻳﺪﻳﻬﻢ ﻋﻠﻴﻪ ﻭﺷﺪﻭﻩ ..
ﻫﻮ ﻳﻀﺤﻚ ﻭﻋﻴﻮﻧﻪ ﻣﻌﺒﻴﺎﺕ ﺩﻣﻮﻉ ..
ﻫﻤﺎ ﻓﻲ ﻧﻔﺲ ﺍﻟﻠﺤﻈﻪ ..
ﺍﻟﺰﻭﺯ ﻣﻊ ﺑﻌﺾ ..
ﺑﺎﺳﻮﺍ ﻉ ﺭﺍﺳﻪ .. ﺑﻘﻮﻩ ..
ﻭﻫﻮ ﻣﻦ ﻗﻮﻩ ﺷﻌﻮﺭﻩ ﺑﺎﻟﻔﺮﺡ ﺑﻴﻬﻢ ﻗﻌﺪ ﻳﻀﺤﻚ ﻭﺩﻣﻮﻋﻪ ﻳﻨﺰﻟﻮﺍ ..
ﺍﻟﺰﻭﺯ ﺣﻄﻮﺍ ﺭﻭﺳﻬﻢ ﻉ ﻛﺘﺎﻓﻪ ﻭﻫﻤﺎ ﻳﺤﻀﻨﻮﺍ ﻓﻴﻪ ﻭﻳﺘﺤﺴﺴﻮﺍ ﻓﻴﻪ .. ﻳﺒﻮﺍ ﻳﺼﺪﻗﻮﺍ ﺍﻟﻠﺤﻈﻪ ﺍﻟﻠﻲ ﻫﻤﺎ ﻓﻴﻬﺎ ﺃﻛﺜﺮ ﻭﺍﻛﺜﺮ ..
💖💖💖💖💖💖💖💖💖
ﻭﺍﻟﻠﻪ ﻣﺎﻧﻲ ﻋﺎﺭﻓﻪ ﻳﺎﻭﺧﻴﺘﻲ ... ﻳﺎﺍﺍﺍﺭﺏ ﻳﺎﺍﺍﺍﺭﺏ
ﻛﺒﺪﻳﺘﻲ ﺫﺍﺑﺖ ﺧﻼﺹ ﻭﺍﻟﻠﻪ ﻣﺎﻋﺎﺩ ﻋﻨﺪﻱ ﺟﻬﺪ ﺧﻼﺍﺍﺹ ..
ﻭﺍﻟﻠﻪ ﺣﺘﻰ ﺍﻟﻤﻐﺮﺏ ﺁﺫﻥ ﻣﺎﻧﻲ ﻗﺎﺩﺭﻩ ﻧﺤﻂ ﻓﻲ ﻓﻤﻲ ﺣﺘﻰ ﺟﻐﻤﺔ ﺍﻣﻴﺔ ..
ﻣﺴﺤﺖ ﻭﺟﻬﻬﺎ ﺑﻴﺪﻫﺎ ﻣﻦ ﺍﻟﺪﻣﻮﻉ : ﻳﺎﺍﺍﺍﺭﺏ .. ﺍﺩﻋﻲ ﻳﺎﻏﺎﻟﻴﻪ ﻳﺎﻭﺧﻴﺘﻲ ﻭﻗﻮﻟﻲ ﻷﻣﻴﻤﺘﻲ ﺗﺪﻋﻴﻠﻲ ﺭﺑﻲ ﻳﻄﻴﺐ ﺧﺎﻃﺮﻱ ﻭﻳﺮﻭﺣﻠﻲ ﻭﻟﻴﺪﻱ ...........
ﻳﺎﺍﺍﺭﺏ ﻳﺎﺇﻣﻴﻤﺘﻲ ﻳﺎﺍﺍﺍﺭﺏ ....
ﺑﺎﻫﻲ .. ﺑﺎﻫﻲ ....
ﺑﺎﻟﺴﻼﻣﻪ .. ﺑﺎﻟﺴﻼﻣﻪ ..
ﺻﻜﺮﺕ ﺍﻟﺨﻂ ..
ﺧﺪﺕ ﻧﻔﺲ ﻋﻤﻴﻖ ..
ﺳﻤﻌﺖ ﺻﻮﺕ ﻧﻮﺭﻫﺎﻥ ﺗﻀﺤﻚ .. ﺗﺤﺴﺎﺏ ﺑﻮﻫﺎ ﻃﻠﻊ ﻣﻦ ﺍﻟﺤﻤﺎﻡ ﺑﻌﺪ ﺗﻮﺿﺎ ﻭﻛﻌﺎﺩﺗﻪ ﻳﻠﻌﺐ ﻓﻴﻬﺎ ...
ﺍﻟﺘﻔﺘﺖ ..
ﺟﻤﺪﺕ ﻓﻤﻜﺎﻧﻬﺎ ...
ﻳﺎﺭﺑﻲ ﻫﺪﺍ ﺣﻖ ﻭﻻﻛﺬﺏ ..
ﻳﺎﺭﺑﻲ ﺍﻧﻲ ﻧﺤﻠﻢ ﻭﻻ ﻧﺘﺨﻴﻞ ..
ﻣﺶ ﻣﺴﺘﻮﻋﺒﻪ ..
ﻟﻔﺖ ﺑﻌﻴﻮﻧﻬﺎ ..
ﻉ ﻣﺎﻟﻚ .. ﻭﻣﺮﻭﺍﻥ ﻭﺳﻌﺪ ﺍﻟﻠﻲ ﻛﺎﻧﻮﺍ ﻳﺸﻮﻓﻮﻟﻬﺎ ﺑﺈﺑﺘﺴﺎﻣﻪ ﻭﻋﻴﻮﻧﻬﻢ ﺍﺩﻣﻊ ..
ﻗﺪﺍﻣﻬﻢ ﻭﺍﻗﻒ ﻋﻤﺎﺩ ﻗﺎﻳﻢ ﺍﺧﺘﻪ ﻓﺤﻀﻨﻪ ..
ﻭﻳﺸﺒﺢ ﻷﻣﻪ ﺍﻟﺸﺒﺤﻪ ﺍﻟﻠﻲ ﻫﻮ ﺧﺪﺍﻫﺎ ﻣﻨﻬﺎ ..
ﻉ ﺟﻨﺐ ﻭﺍﻟﺤﺎﺟﺐ ﺍﻹﻳﺴﺎﺭ ﻣﺮﻓﻮﻉ ﻣﻊ ﺍﺑﺘﺴﺎﻣﻪ ﺷﻘﻴﻪ ..
ﻛﻔﺎﻳﻪ ﻭﻫﻲ ﺗﺮﺟﻒ : ﻭﺭﺣﻤﺔ ﺃﻣﻚ ﻭﺭﺣﻤﺔ ﺍﻣﻚ ﻳﺎﺳﻌﺪ ﻗﻮﻟﻲ ﻋﻤﺎﺩ ﺍﻟﻠﻲ ﻧﺸﻮﻑ ﻓﻴﻪ ﻭﻻ ﻋﻤﺎﺩ .. ﻭﻟﻴﺪﻱ ..
ﻋﻤﺎﺩ ﻣﻼﻣﺢ ﻭﺟﻬﻪ ﺗﺒﺪﻟﺖ ﻹﺑﺘﺴﺎﻣﻪ ﻛﻠﻬﺎ ﺣﺐ ﻭﺷﻮﻕ .. ﻭﻗﻠﺒﻪ ﻗﺮﻳﺐ ﻳﻄﻠﻊ ﻣﻦ ﺻﺪﺭﻩ ..
ﺧﺒﻄﺖ ﺍﻳﺪﻳﻬﺎ ﻉ ﻓﺨﺎﺩﻫﺎ : ﻗﻮﻟﻮﻟﻲ ﺍﻟﻠﻲ ﻧﺸﻮﻑ ﻓﻴﻪ ﺣﻖ .. ﻋﻤﺎﺩ ﻫﺪﺍ ﻋﻤﺎﺩ .. ﻭﻟﺪﻱ ... ﺑﻜﺮﻱ ...
ﺣﻄﺖ ﺍﻳﺪﻳﻬﺎ ﻉ ﺻﺪﺭﻫﺎ .. ﺍﻭﻝ ﻣﻦ ﺟﺒﺖ ﻭﺍﻭﻝ ﻣﻦ ﺳﻤﻴﺖ ﻭﻟﻴﺪﻱ ﺍﻟﺮﺍﺟﻞ ﻭﺍﻟﻠﻲ ﻣﻦ ﻳﻮﻡ ﺟﺒﺘﻪ ﺭﺍﺟﻞ ﻭﻳﻘﻌﺪ ﻃﻮﻝ ﻋﻤﺮﻩ ﺭﺍﺟﻞ .. ﻭﺳﻴﺪ ﺳﻴﺪﻫﻢ ..
ﻋﻤﺎﺩ ﻧﺰﻝ ﺍﺧﺘﻬﺎ ﻭﻣﺸﻲ ﻷﻣﻪ ﺟﺮﻱ ..
ﺣﻀﻨﻬﺎ ﺑﻘﻮﺓ ..
ﻭﺍﻧﻬﺎﺭ ﺑﺎﻟﺒﻜﻲ ..
ﻛﻔﺎﻳﻪ ﻭﻫﻲ ﺣﺎﺿﻨﺎﺗﻪ ﺗﻘﻮﻝ ..
ﻣﺎﺗﺒﻜﻴﺶ ﻭﻟﻴﺪﻱ ﻣﺎﺗﺒﻜﻴﺶ ﺍﻟﺘﺮﻳﺲ ﺍﻟﻤﺼﻨﻊ ﺍﻟﻠﻲ ﺯﻳﻚ ﻣﻔﺮﻭﺽ ﻳﻀﺤﻚ ﻭﻳﻔﺮﺡ ﻭﻳﺰﻏﺮﻃﻮﻟﻪ ..
ﻭﻗﻌﺪﺕ ﻛﻔﺎﻳﻪ ﺗﺰﻏﺮﻁ ..
ﺯﻏﺮﻭﻃﻪ ﺑﺼﻮﺕ ﺑﺎﻛﻲ ﻳﺮﺟﻒ ...
ﻭﻋﻤﺎﺩ ﻳﺰﻳﺪ ﻳﺤﻀﻦ ﻓﻴﻬﺎ ﺍﻛﺜﺮ ﻭﺍﻛﺜﺮ ﻭﻫﻮ ﻳﺸﻢ ﻓﺮﻳﺤﺘﻬﺎ ..
ﻭﺑﻮﻩ ﻭﺧﻮﺗﻪ ﻳﺒﻜﻮﺍ ...
ﻭﺍﺧﺘﻪ ﺍﻟﺼﻐﻴﺮﺓ ﺑﺮﻏﻢ ﺍﻧﻬﺎ ﻣﺶ ﻓﺎﻫﻤﻪ ﺷﻲ ﺑﺲ ﻗﻌﺪﺕ ﺗﺒﻜﻲ ﻣﻌﺎﻫﻢ ...
💖 ﻭﻗﺪﺍﺵ ﺃﻡ ﻋﺎﺷﺖ ﻫﺎﻟﻔﺮﺣﻪ ...
ﻓﺮﺣﺔ ﻳﻌﻘﻮﺏ ﺑﻠﻘﺎﺀ ﻳﻮﺳﻒ 💖
🍁🍁🍁🍁🍁🍁
ﺑﺲ ﻓﻲ ﺃﻣﻬﺎﺕ ﻛﺎﻧﺖ ﻓﺮﺣﺘﻬﻢ ﻣﻦ ﻧﻮﻉ ﺁﺧﺮ ..
ﻓﺮﺣﻪ ﺑﻔﺨﺮ ﺣﺘﻰ ﻫﻲ ﻭﻣﺶ ﺃﻱ ﻓﺨﺮ ..
💖 ﺧﺶ ﻟﻠﺤﻮﺵ ﻭﻫﻮ ﻳﺒﻜﻲ ..
ﻉ ﻛﺘﻔﻪ ﺣﺎﻣﻞ ﺗﺎﺑﻮﺕ ﻭﻣﻌﺎﻩ ﺍﺭﺑﻌﻪ ﺗﺎﻧﻴﻦ ..
ﻧﺰﻟﻮﻩ ...
ﻗﺪﻣﺖ ﺍﻣﻪ ﺗﺠﺮﻱ ﻭﻫﻲ ﺗﺸﻮﻓﻠﻪ ..
ﻛﻴﻒ ﺭﺍﻗﺪ ﺑﺴﻼﻡ ..
ﻭﺍﺛﺎﺭ ﺩﻣﻪ ﺍﻟﻄﺎﻫﺮ ﻉ ﻣﻼﺑﺴﻪ ..
ﺍﻟﻠﻲ ﻃﻠﻊ ﺑﻴﻬﻢ ﻣﻦ ﺍﻟﺤﻮﺵ ..
ﺷﺒﺤﺖ ﻟﺨﻮﻩ ..
ﺍﻟﻠﻲ ﻛﺎﻥ ﻳﺸﻮﻓﻠﻬﺎ ﺑﺄﻟﻢ ..
ﺣﺴﻨﺎ : ﻣﺎﺗﺒﻜﻴﺶ ﻳﺎﺣﻤﺪﻱ ﺍﺑﺮﺍﻫﻴﻢ ﻋﺮﻳﺲ ... ﻓﻲ ﺍﻟﺠﻨﻪ ﻋﺮﻳﺲ ..
ﻭﻟﺪﻱ ﻋﺮﻳﺲ ﺍﻵﺧﺮﻩ ﻟﻠﺠﻨﻪ ﻋﺮﻳﺲ ..
ﻭﺯﻏﺮﻃﺖ ...
ﻭﺯﻏﺮﻭﻃﺘﻬﺎ ..
ﺧﻠﺖ ﺍﺧﺘﻪ ﺍﻗﺎﺭﺑﻪ ...
ﻋﺮﻭﺑﻪ ﺍﻣﻬﺎ ﻳﺒﻜﻮﺍ ﺑﺎﻟﺼﻮﺕ ..
ﺣﺴﻨﺎ : ﺯﻏﺮﻃﻮﺍ ﻣﺎﺗﺒﻜﻮﺵ ﺯﻏﺮﻃﻮﺍ ...
ﻫﻤﺎ ﻉ ﺧﺎﻃﺮﻫﺎ ﻗﻌﺪﻭﺍ ﻳﺰﻏﺮﻃﻮﺍ ...
ﻭﺩﻣﻮﻋﻬﻢ ﺗﻨﺰﻝ ....
💖 ﺍﻳﻪ ﻓﺮﺣﺔ ﺷﻬﻴﺪ ..
ﺑﻐﺾ ﺍﻟﻨﻈﺮ ﻋﻦ ﻛﻞ ﺷﻲ ﻛﻞ ﺷﻲ ..
ﻫﻮ ﻃﻠﻊ ﺭﺍﻓﺾ ﻟﻠﺴﻠﻄﺎﻥ ﺟﺎﺋﺮ ﻇﺎﻟﻢ ..
ﻧﻴﺘﻪ ﻭﻧﻴﺔ ﻫﻠﺒﻪ ﺯﻳﻪ ﺧﻼﺹ ﺍﻟﺒﻼﺩ ﻣﻦ ﻧﻈﺎﻡ ﻃﺎﻏﻲ ﻣﺴﺘﺒﺪ
ﺩﻣﺮ ﻣﺎﺑﻨﺎﺵ ... ﺍﻣﺎﺕ ﻣﺎﺃﺣﻴﺎﺵ ...
ﻭﻛﻤﺎ ﻭﺭﺩ ﻣﻦ ﺍﻷﺣﺎﺩﻳﺚ ﺍﻟﺸﺮﻳﻔﻪ ...
ﺃﻓﻀﻞ ﺍﻟﺠﻬﺎﺩ ﻛﻠﻤﺔ ﺍﻟﺤﻖ ﻋﻨﺪ ﺳﻠﻄﺎﻥ ﺟﺎﺋﺮ ...
🍃🍃🍃🍃🍃🍃
ﻭﺗﺤﺮﺭﺕ ﻃﺮﺍﺑﻠﺲ ﺑﻌﺪ ﺫﻟﻚ ..
ﻭﻋﻤﺖ ﺍﻻﺣﺘﻔﺎﻻﺕ ﻛﻞ ﻣﻜﺎﻥ ﻓﻴﻬﺎ ...
ﻭﻣﺎﻓﻴﺶ ﺣﺪ ﻣﻦ ﺍﻟﺘﻮﺍﻗﻴﻦ ﻟﻠﺤﺮﻳﻪ ﻫﺪﺍﻛﺎ ﺍﻟﻮﻗﺖ ﻣﺎﺷﻤﺶ ﺭﻳﺤﺔ ﻫﺪﻳﻜﺎ ﺍﻷﻳﺎﻡ ﺍﻟﺤﻠﻮﺓ ﻭﻫﻮ ﻳﻘﺮﺍ ﻓﻲ ﻫﺎﻟﺴﻄﻮﺭ ...
ﺍﺭﺍﻫﻦ ﻋﻠﻰ ﻫﺬﺍ 🍃
🍁🍁🍁🍁🍁🍁🍁🍁🍁🍁🍁🍁🍁🍁🍁🍁
ﺑﺲ ﻓﻲ ﻋﺰ ﻫﺎﻟﻔﺮﺣﻪ ﻭﻧﺸﻮﺓ ﺍﻹﻧﺘﺼﺎﺭ ...
ﻣﺎﺣﺪ ﻓﻴﻨﺎ ﻛﺎﻥ ﻋﻨﺪﻩ ﺍﺩﻧﻰ ﻋﻠﻢ ...
ﻋﻦ ﺣﺮﺍﻣﻴﺔ ﺍﻟﺜﻮﺭﺍﺕ ... ﺍﻟﻠﻲ ﺑﺪﻭﺍ ﺑﺸﻐﻠﻬﻢ ... ﻣﻦ ﻫﺪﻳﻜﺎ ﺍﻟﻠﺤﻈﻪ ...
ﻣﺎﻛﻨﺎﺵ ﻧﻌﺮﻓﻮﺍ ﺍﻧﻨﺎ ﻉ ﻣﻮﻋﺪ ﻣﻊ ﺳﻨﻮﺍﺕ ﺍﻋﺠﻒ ﻣﻦ ﺗﻠﻚ ﺍﻟﺘﻲ ﻣﺮﺕ ﻉ ﻣﺼﺮ ﻳﻮﺳﻒ ...
ﻭﻳﺎﺃﺳﻔﺎﻩ ...
ﻓﻼﻳﻮﺳﻒ ﻟﻨﺎ ﻟﻴﺨﻠﺼﻨﺎ ﻣﻦ ﻋﺠﺎﻓﻬﺎ ....
.... ﻳﺘﺒﻊ