المتمردين

العشق المتمرد

#العشق_المتمرد

الجزء101

#جمان_فريد

..🌟
ﺍﻟﺨﺴﺎﺭﺓ ﻓﻬﺎﻟﺪﻧﻴﺎ ﺃﻧﻮﺍﻉ ..
ﻭﻟﻠﺨﺴﺎﺭﺓ ﺩﺭﺟﺎﺕ ﻣﺘﻔﺎﻭﺗﻪ ...
ﺍﻟﻜﺒﻴﺮﺓ ﻣﻨﻬﺎ ﻭﺍﻟﺼﻐﻴﺮﻩ ﻭﻣﺎﺑﻴﻨﻬﻤﺎ ..
ﻭﻻ ﺧﺴﺎﺭﺓ ﺍﻋﻈﻢ ﻣﻦ ﺧﺴﺎﺭﺓ ﺍﻟﺒﻨﻲ ﺁﺩﻡ ﻵﺧﺮﺗﻪ ..
ﻭﺗﻠﻴﻬﺎ ..
ﺧﺴﺎﺭﺓ ﺍﻟﺒﻨﻲ ﺁﺩﻡ ﻟﺤﺪ ﻳﺤﺒﻪ ﺑﺼﻔﺎﺀ ﻧﻴﻪ ﺣﺪ ﻳﺤﺒﻪ ﺩﻭﻥ ﻣﻘﺎﺑﻞ ..
ﺣﺪ ﻳﺪﺍﺭﻳﻪ ﻳﺨﺎﻑ ﻋﻠﻴﻪ .. ﻣﺘﺤﻤﻠﻪ ..
ﻳﺤﺐ ﻋﻴﻮﺑﻪ ﻗﺒﻞ ﻣﻴﺰﺍﺗﻪ ..
ﺣﺪ ﻳﺤﺒﻪ ﺍﻛﺜﺮ ﻣﻦ ﺣﺐ ﺑﻮﻩ ﻭﺃﻣﻪ ﻟﻴﻪ ...
ﻳﻌﻨﻲ ﺍﻟﻠﻲ ﻳﻜﻮﻥ ﻋﻨﺪﻩ ﻓﺤﻴﺎﺗﻪ ﺷﺨﺺ .. ﻛﻨﺰ ﺯﻱ ﻫﺪﺍ .. ﻭﻳﻔﺮﻁ ﻓﻴﻪ ...
ﻫﺪﺍ ﻣﻐﺒﻮﻥ ﻣﺶ ﺑﺲ ﺧﺎﺳﺮ .. ﻣﻐﺒﻮﻥ ..
ﻭﺭﺯﺍﻥ ﺗﻮﺍ ﻣﻐﺒﻮﻧﻪ ..
ﺗﻤﻨﺖ ﻟﻮ ﺭﺑﻲ ﺧﺪﻱ ﺭﻭﺣﻬﺎ ﻓﺎﻟﻠﺤﻈﻪ ﺍﻟﻠﻲ ﺧﺴﺮﺕ ﻓﻴﻬﺎ ﺍﻃﻴﺐ ﻭﺍﺟﻤﻞ ﺍﻧﺴﺎﻥ ﻣﻤﻜﻦ ﺗﻌﺮﻓﻪ ﻓﺤﻴﺎﺗﻬﺎ ...
ﺍﻧﺴﺎﻥ ﻳﻤﻠﻚ ﻗﻠﺐ ﻛﺒﻴﺮ ﻃﻴﺐ ﺣﻨﻴﻦ ﻷﺑﻌﺪ ﺣﺪ ﻋﻄﺎﻫﻮﻟﻬﺎ ﻫﻲ ﺩﻭﻥ ﻏﻴﺮﻫﺎ ...
ﻭﻫﻲ ﻟﻸﺳﻒ ﻣﺎ ﻋﺮﻓﺘﺶ ﺗﺼﻮﻥ ﻫﺎﻟﻘﻠﺐ ..
ﻭﻻﺻﺎﺣﺒﻪ ﺍﻟﻠﻲ ﻛﺎﻧﺖ ﻧﻴﺘﻪ ﻣﻌﺎﻫﺎ ﺍﺻﻔﻰ ﻣﻦ ﺍﻟﺤﻠﻴﺐ ...
🍃 ﻋﻠﻴﻚ ﻏﺒﻦ .. ﻏﺒﻦ 🍃
ﺑﺲ ﺗﻮﺍ ﻫﻲ ﻻﺯﻡ ﺗﺘﺼﺮﻑ ..
ﻛﻞ ﺷﻲ ﺍﻧﺘﻬﻲ ﻭﻻﺯﻡ ﺗﺴﺒﻖ ﻭﺗﻜﻤﻞ ﺍﻟﻠﻲ ﺑﺪﺕ ﺑﻴﻪ ..
ﺳﻌﻴﺪﻩ ﺑﺼﺪﻣﻪ : ﻟﻴﺶ ﻳﺎﻛﺒﺪﻱ !! ؟
ﺭﺯﺍﻥ ﺑﻜﺒﺮ ﻣﺼﻄﻨﻊ : ﺑﺼﺮﺍﺣﻪ ﻳﻤﻲ ﻣﺎﻳﻤﺸﻲ ﻣﻌﺎﻱ ﻣﺘﺤﻜﻢ ﻭﺍﺟﺪ ﻭﻳﺒﻲ ﻧﺴﻴﺐ ﻗﺮﺍﻳﺘﻲ ﻭﺍﻧﻲ ﻛﻠﻪ ﺍﻻ ﻗﺮﺍﻳﺘﻲ ﻋﻨﺪﻱ ..
ﺳﻌﻴﺪﻩ : ﺑﺎﻫﻲ ﺯﻳﺪﻭﺍ ﺗﻨﺎﻗﺸﻮﺍ ﺗﻔﺎﻫﻤﻮﺍ ﻻﺑﺪ ﺗﻮﺻﻠﻮﺍ ﻟﺤﻞ ..!
ﺑﻠﻌﺖ ﺭﻳﻘﻬﺎ ﻭﻗﺎﻟﺖ : ﻣﻌﺎﺩ ﻓﻴﻬﺎ ﻧﻘﺎﺵ ﻳﻤﻲ ﻫﻮ ﻣﺼﻜﺮ ﺭﺍﺳﻪ ﻭﺍﻧﻲ ﺻﺮﺍﺣﻪ ﻃﺎﺭﺗﻠﻲ ﻣﻨﻪ .. ﻭﻣﻌﺎﺩ ﻧﺒﻴﻪ ﻳﻤﻲ ﻣﻌﺎﺩ ﻧﺒﻴﻪ ... ﻋﺪﻱ ﻗﻮﻟﻴﻬﺎ ﻟﺴﻴﺪﻱ ..
ﺳﻌﻴﺪﻩ ﻗﻌﺪﺕ ﺗﺸﻮﻓﻠﻬﺎ ﺷﻮﻳﻪ ﺑﻌﺪﻳﻦ ﻗﺎﻟﺖ : ﺧﺴﺎﺭﺓ ﻳﺎﺑﻨﺘﻲ ﺧﺴﺎﺭﺓ ﻛﺒﻴﺮﺓ ﻣﺶ ﺻﻐﻴﺮﺓ ﺭﺑﻲ ﻳﺴﺎﻣﺤﻚ ﻭﺧﻼﺹ ..
ﻭﻟﻔﺖ ﻣﺸﺖ ﻃﻠﻌﺖ ﻣﻦ ﺍﻟﺪﺍﺭ ﻭﺻﻜﺮﺕ ﺍﻟﺒﺎﺏ ﻭﺭﺍﻫﺎ ﺑﺎﻟﻘﻮﺓ ..
ﻫﻲ .. ﻣﻼﻣﺢ ﻭﺟﻬﻬﺎ ﺗﺒﺪﻟﺖ ﻟﻠﺤﺰﻥ .. ﻭﺩﻣﻮﻋﻬﺎ ﻧﺰﻟﻮﺍ ﻭﻫﻲ ﺗﻘﻮﻝ : ﻋﺎﺭﻓﺘﻬﺎ ﻳﺎﻣﺎﻣﺎ ﺧﺴﺎﺭﺓ ﻛﺒﻴﺮﺓ ﻋﺎﺭﻓﻪ 💔...
🍁🍁🍁🍁
ﻭﺍﻗﻔﻪ ﻓﻲ ﺍﻟﻜﻮﺟﻴﻨﻪ ..
ﻓﻴﺪﻫﺎ ﺗﻠﻴﻔﻮﻧﻬﺎ ﻭﺧﺎﺷﻪ ﻉ ﺍﻟﻔﻴﺲ ﺗﺸﻮﻑ ﻓﻘﺮﻭﺏ ﻣﺮﺕ ﺧﻮﻫﺎ ﺷﻦ ﺟﺪﻳﺪﻫﺎ ..
ﺗﻨﻬﺪﺕ ﻭﻃﻠﻌﺖ ﻣﻨﻪ ﻭﻗﻌﺪﺕ ﺗﺘﺼﻔﺢ ..
ﻟﻌﻨﺪ ﻣﺎﺷﺎﻓﺖ ﺍﺷﻌﺎﺭ ﺭﺳﺎﻟﻪ ..
ﺧﺸﺖ ﻃﻮﻝ ﺗﺸﻮﻓﻬﺎ ..
ﻟﻘﺘﻬﺎ ﻣﻦ ﻧﺠﻢ ﺍﻟﺪﻳﻦ ..
ﻏﺎﻟﻴﻪ : ﺍﻳﺎﺍﻩ ﻋﻠﻴﻨﺎ .. ﻧﺤﺴﺎﺏ ﺭﻭﺣﻲ ﺍﻓﺘﻜﻴﺖ ﻣﻨﻪ ..
ﻓﺘﺤﺖ ﺍﻟﺮﺳﺎﻟﻪ ﻭﻗﺮﺗﻬﺎ ..
‏( ﺷﻨﺠﻮ ‏)
ﻣﻄﺖ ﺷﻮﺍﺭﺑﻬﺎ ﺑﺈﺯﺩﺭﺍﺀ ..
ﺑﻌﺘﻠﻬﺎ ﺗﺎﻧﻲ
‏( ﺍﻧﻲ ﺟﻮﻱ ﻣﻠﻴﺢ ﺍﻟﻤﺪﻩ ﺍﻟﻠﻲ ﻓﺎﺗﺖ ﻛﻨﺖ ﻣﺴﺎﻓﺮ ﻭﻣﺎﻟﻴﺶ ﻫﻠﺒﻪ ﻣﺮﻭﺡ ﻫﻴﺎﺟﻪ ﻭﺗﻐﻴﻴﺮ ﺟﻮ ‏)
ﻏﺎﻟﻴﻪ : ﻋﻠﻴﻚ ﻣﺮﻳﺾ !! ﺗﻮ ﺑﺎﻟﻠﻪ ﻣﻦ ﻧﺸﺪﻩ ﻭﻻﻋﺒﺮﻩ ..
ﺷﻮﻳﻪ ﺟﺘﻬﺎ ﺻﻮﺭﺓ ...
ﻭﺍﻗﻒ ﻗﺪﺍﻡ ﻣﺴﺠﺪ ﺍﻳﺎ ﺻﻮﻓﻴﺎ ..
ﻭﻛﺎﻥ ﻃﺎﺭﺡ ﻭﻃﺎﻟﻊ ﺧﻴﺎﻟﻲ ..
ﻫﻲ ﻗﻌﺪﺕ ﺗﺘﺎﻣﻞ ﻓﻴﻪ ﻏﺼﺐ ﻋﻨﻬﺎ ..
ﺧﻴﺎﻟﻬﺎ ﺧﺪﺍﻫﺎ ﺑﻌﻴﺪ ..
ﺗﺨﻴﻠﺖ ..
ﻣﺠﺮﺩ ﺧﻴﺎﻝ ..
ﻟﻮ ﻓﻌﻼ ﻭﺍﺣﺪ ﺯﻳﻪ ﺭﺍﺟﻠﻬﺎ ..
ﻭﻣﺴﺎﻓﺮ ﻫﻮ ﻭﻳﺎﻫﺎ ﺷﻬﺮ ﻋﺴﻞ ﻟﺘﺮﻛﻴﺎ ..
ﻳﺪﻫﻮﺭﻭﺍ ﻳﻬﻴﺠﻮﺍ ..
ﻳﺤﺒﻮﺍ ..💓
ﻟﻤﺠﺮﺩ ﺍﻧﻬﺎ ﺗﺨﻴﻠﺖ ﻫﺎﻟﺸﻲ ﺍﺑﺘﺴﻤﺖ ﻭﻗﻠﺒﻬﺎ ﺩﻕ ﺑﻘﻮﺓ ..
" ﻣﻨﻮ ﻫﺪﻯ ﻳﺎﺣﻨﻪ !! ؟ .."
ﺍﻧﺘﻔﻀﺖ ﻣﻦ ﺍﻟﺨﻠﻌﻪ ..
ﻭﺷﺒﺤﺖ ﺟﻨﺒﻬﺎ ..
ﻟﻘﺖ ﺣﻤﻴﺪﻩ ﻻﺻﻘﻪ ﻓﻴﻬﺎ ﻭﺗﺸﻮﻑ ﻟﻠﺼﻮﺭﺓ ﻗﺎﻟﺖ ﺑﻨﺒﺮﺓ ﺗﻬﻜﻤﻴﻪ : ﻭﺍﻧﻲ ﻧﻘﻮﻝ ﻟﻴﺶ 24 ﺳﺎﻋﻪ ﺷﺎﺩﻩ ﻫﺎﺗﻔﻚ؟ !!
ﻏﺎﻟﻴﻪ ﺑﻠﻌﺖ ﺭﻳﻘﻬﺎ ﻭﻗﺎﻟﺖ ﺑﺮﺑﻜﻪ : ﻣﺶ ﻛﻴﻒ ﻣﺎﻓﻬﻤﺘﻲ ﺍﻟﻘﺼﻪ ﻣﺶ ﻫﻜﻲ ﺑﻜﻞ ..
ﺣﻄﺖ ﺗﻠﻴﻔﻮﻧﻬﺎ ﻓﺠﻴﺒﻬﺎ ﻭﻛﻤﻠﺖ ﺗﻘﻮﻝ .. ﻫﺪﻯ ﻭﺍﺣﺪ ﻋﻨﺪﻩ ﺣﺴﺎﺏ ﻉ ﺍﻟﻔﻴﺲ ﺧﺸﻴﺖ ﻧﻘﺼﻘﺺ ﻋﻠﻴﻪ ﺑﺲ .. ﻋﺎﺩﻱ ﻳﻌﻨﻲ ..
ﻗﻌﺪﺕ ﺗﺸﻮﻓﻠﻬﺎ ﺣﻤﻴﺪﻩ ﺑﺘﻀﻴﻴﻘﺔ ﻋﻴﻮﻥ ﻓﻲ ﻧﻈﺮﺗﻬﻢ ﺷﻚ ..
ﻫﺮﺑﺖ ﻣﻨﻬﺎ ﻟﺸﺒﺎﻙ ﺍﻟﻤﺎﻋﻴﻦ ﻭﺧﺪﺕ ﺻﻮﻧﻴﻪ ﻭﻣﺸﺖ ﺑﻴﻬﺎ ﻟﺴﻠﺔ ﺍﻟﺨﻀﺮﻯ ﻭﻫﻲ ﺗﻘﻮﻝ .. ﺑﻨﺪﻳﺮ ﺍﻟﻌﺸﻲ ﻃﺎﺟﻴﻦ ﺣﻮﺕ .. ﺷﻦ ﺭﺍﻳﻚ؟
ﻭﻗﻌﺪﺕ ﺗﻠﻘﻂ ﻓﻲ ﺍﻟﺒﻄﺎﻃﺎ ﻭﻫﻲ ﻣﺘﻮﺗﺮﻩ ..
ﺣﻤﻴﺪﻩ ﺭﺩﺕ ﺑﺘﻬﻜﻢ ﻭﻫﻲ ﺗﻘﻮﻝ : ﺩﻳﻴﻴﺮﻱ ﻳﺎﺍﺣﻨﻪ ..
ﻭﻃﻠﻌﺖ ﻣﻦ ﺍﻟﻜﻮﺟﻴﻨﻪ ..
ﻏﻤﻀﺖ ﻏﺎﻟﻴﻪ ﻋﻴﻮﻧﻬﺎ ﻭﺯﻓﺮﺕ ﺑﻘﻮﺓ ﻭﻫﻲ ﺗﻘﻮﻝ : ﺷﻮﻗﻨﻲ ﺍﻟﻔﻴﺲ ﻭﺍﻟﻨﺖ ﻭﺍﻻﺭﻗﺎﻡ ﺍﻟﻐﺮﻳﺒﻪ ..
🍁🍁🍁🍁
ﺷﺎﺩ ﻓﻴﺪﻩ ﺍﻟﺮﻳﻤﻮﺕ ﻭﻳﻐﻴﺮ ..
ﺭﺍﺟﺎﻫﺎ ﻟﻴﻦ ﻛﻤﻠﺖ ﻛﻼﻣﻬﺎ ﻗﺎﻝ : ﻋﻨﺪﻫﺎ ﺍﻟﺤﻖ .. ﻣﺎﻳﻨﻔﻌﻬﺎ ﺷﻲ ﻛﺎﻥ ﻗﺮﺍﻳﺘﻬﺎ .. ﻣﺎﻳﺒﻴﻬﺎ ﺗﻜﻤﻞ ﻳﻌﺪﻱ ﻓﺤﺎﻟﻪ ..
ﺳﻌﻴﺪﻩ ﻭﻫﻲ ﻣﺼﺪﻭﻣﻪ ﻗﺎﻟﺖ : ﻣﻌﻘﻮﻟﻪ ﻫﻜﻲ ﺑﺒﺴﺎﻃﻪ؟ ! ﻗﺼﺪﻱ ﺍﻟﺤﺎﺟﺎﺕ ﺍﻟﻠﻲ ﺩﺍﺭﻫﻦ ﺍﻟﺮﺍﺟﻞ ﻣﺎﻳﺨﻠﻨﻚ ﺗﺤﺎﻭﻝ ﻓﺒﻨﺘﻚ ﺗﺘﺮﺍﺟﻊ ﻋﻦ ﻗﺮﺍﺭﻫﺎ ..!!
ﻣﻴﻼﺩ : ﻭﺷﻦ ﺩﺧﻞ ﻫﺪﻱ ﻓﻬﺪﻱ؟؟ﺷﺒﺤﻠﻬﺎ ﻭﻗﺎﻝ .. ﺍﻟﻠﻲ ﺩﺍﺭﻩ ﻟﻌﻨﺪ ﺗﻮ ﻣﺎﻳﺨﻠﻴﻨﻲ ﻧﺠﺒﺮ ﺑﻨﺘﻲ ﻋﻠﻴﻪ .. ﺑﺎﺭﻙ ﺍﻟﻠﻪ ﻓﻴﻪ ﻭﺟﻤﺎﻳﻠﻪ ﻉ ﺭﺍﺳﻲ .. ﻧﺮﺩﻫﻠﻪ ﺑﺄﻱ ﺷﻲ .. ﻏﻴﺮ ﺍﻧﻲ ﻧﺠﺒﺮ ﺑﻨﺘﻲ ﺗﺎﺧﺪﻩ ..
ﺳﻌﻴﺪﻩ : ﻣﺎﻗﻠﻨﺎ ﺷﻲ .. ﻟﻜﻦ ﻋﻤﺎﺩ ﻳﺎﻣﻴﻼﺩ ﺭﺍﺟﻞ ﻣﺎﻓﻴﺶ ﻛﻴﻔﻪ ﺍﻟﻨﺎﺱ ﺗﺘﻤﻨﻰ ﺗﻤﻨﺎﻳﻪ ﻧﺴﻴﺐ ﻛﻴﻒ ﻋﻤﺎﺩ .. ﻧﻮﺿﻮﺍ ﺣﻨﻲ ﻧﺮﻓﺴﻮﺍ ﻧﻌﻤﻪ ﺭﺑﻲ ﻋﻄﻬﻠﻨﺎ ﺑﺪﻭﻥ ﺗﻌﺐ !! ﺭﺍﻫﻮ ﺍﻟﺮﺍﺟﻞ ﺍﻟﻠﻲ ﻛﻴﻔﻪ ﻳﻨﺸﺮﺍ ﺑﺎﻟﺬﻫﺐ ﻳﺎﻣﻴﻼﺩ .. ﻭﺑﻨﺘﻨﺎ ﺭﺍﺱ ﺑﻨﻴﻪ ﺭﺍﻫﻲ ﻣﺶ ﺩﻳﻤﺎ ﺑﻴﺠﻴﻬﺎ ﻭﺍﺣﺪﻛﻴﻔﻪ ..
ﻣﻴﻼﺩ ﻭﻫﻮ ﻳﺸﻮﻑ ﻟﻠﺘﻠﻔﺰﻳﻮﻥ : ﻭﻷﻧﻬﺎ ﺭﺍﺱ ﺑﻨﻴﻪ ﻣﺎﻧﺠﺒﺮﻫﺎ ﻉ ﺷﻲ ﻫﻲ ﻣﺶ ﻗﺎﺑﻼﺗﻪ .. ﺑﺎﻟﺬﺍﺕ ﻓﻲ ﻣﻮﺿﻮﻉ ﻛﻴﻒ ﻫﺪﻯ ..
ﺳﻌﻴﺪﻩ ﻏﻤﻀﺖ ﻋﻴﻮﻧﻬﺎ ﻭﻓﺘﺤﺘﻬﻢ ﺑﻐﻀﺐ ﺑﻌﺪﻳﻦ ﻗﺎﻟﺖ : ﻉ ﻛﻴﻔﻜﻢ ﺍﻧﺖ ﻭﺑﻨﺘﻚ ﻟﻜﻦ ﻭﺣﻖ ﺍﻟﻠﻪ ﻟﻤﺎ ﺗﻨﺪﻣﻮﺍ ..
ﻭﻧﺎﺿﺖ ﻣﻦ ﺣﺪﺍﻩ ﻭﻣﺸﺖ ﻃﻠﻌﺖ ﻣﻦ ﺍﻟﺼﺎﻟﻪ ..
ﻣﻴﻼﺩ : ﺍﻻ ﺍﻟﺰﻭﺍﺝ ﻻﻳﻤﻜﻦ ﻧﺠﺒﺮﻫﺎ ﻋﻠﻴﻪ 🍃
🍁🍁🍁🍁
ﻧﺰﻝ ﻣﻦ ﺍﻟﺴﻴﺎﺭﺓ ﻳﺠﺮﻱ ..
ﻣﺸﻲ ﻃﻮﻝ ﻟﻠﺤﻮﺵ ..
ﺧﺶ ﺑﺴﺒﻴﺪﺭﻭﻩ ﺩﺍﺧﻞ
ﻗﻌﺪﻳﺪﻭﺭ ﺑﻌﻴﻮﻧﻪ ﻉ ﻏﺎﻟﻴﻪ ..
ﺷﺎﻑ ﻟﻠﺪﺍﺭ ﻟﻘﻲ ﺣﻤﻴﺪﻩ ﺭﺍﻗﺪﻩ ﻫﻲ ﻭﺑﻨﺘﻬﺎ ..
ﺗﻠﻔﺖ ﺍﻟﺠﻬﺔ ﺍﻟﺘﺎﻧﻴﻪ ﻟﻘﻲ ﺍﻣﻪ ﻣﺘﻜﻴﻪ ﺣﺘﻰ ﻫﻲ ﻓﺪﺍﺭﻫﺎ .. ﻭﻣﺎﺷﺎﻓﺶ ﻏﺎﻟﻴﻪ .. ﺯﺑﻄﻬﺎ ﺍﻧﻬﺎ ﻓﻲ ﺍﻟﻜﻮﺟﻴﻨﻪ
ﻣﺸﺎﻟﻬﺎ ﻃﻮﻝ
ﺧﺶ ﻋﻠﻴﻬﺎ ﺍﻟﻜﻮﺟﻴﻨﻪ ﻭﻭﺟﻬﻪ ﻣﺨﻄﻮﻑ ..
ﻣﺤﻤﺪ : ﻏﺎﻟﻴﻪ !!
ﺷﺒﺤﺘﻠﻪ ﺭﻛﺰﺕ ﻉ ﺣﺎﻟﺘﻪ ﻭﺧﺎﻓﺖ : ﺷﻦ ﻓﻲ
ﻣﺤﻤﺪ : ﻋﻤﺎﺩ ﺩﺍﺭ ﺣﺎﺩﺙ ﻓﻄﺮﻳﻖ ****
ﺧﺒﻄﺖ ﺑﺈﻳﺪﻳﻬﺎ ﻉ ﻭﺟﻬﻬﺎ ﺑﻘﻮﺓ ...
ﻣﺤﻤﺪ : ﺭﺩﻱ ﺑﺎﻟﻚ ﺗﻘﻮﻟﻲ ﻟﻜﻔﺎﻳﻪ ﺭﺩﻱ ﺑﺎﻟﻚ ..
ﻭﻃﻠﻊ ﻳﺠﺮﻱ ...
ﻫﻲ ﻣﻦ ﺻﺪﻣﺘﻬﺎ .. ﺷﺪﺕ ﻓﺎﻟﺮﺧﺎﻣﻪ ﺑﻴﺪ ... ﻭﺍﻟﺘﺎﻧﻴﻪ ﻣﺎﺯﺍﻝ ﻉ ﺧﺪﻫﺎ ﻭﺩﻣﻮﻋﻬﺎ ﻃﻮﻝ ﻧﺰﻟﻮﺍ ..
ﻉ ﺧﺸﺖ ﺳﻤﻴﻪ ﻋﻠﻴﻬﺎ ..
ﺳﻤﻴﻪ : ﺍﻟﺴﻼﻡ .. ﺷﺎﻓﺖ ﻣﻨﻈﺮ ﻏﺎﻟﻴﻪ ﺧﺎﻓﺖ ﻭﻗﺎﻟﺖ .. ﺧﻴﺮﻙ ﻏﺎﻟﻴﻪ ! ؟
ﺷﺒﺤﺘﻠﻬﺎ ﻭﻗﺎﻟﺖ ﺑﺼﻮﺕ ﻣﺨﻨﻮﻕ : ﻋﻤﺎﺩ .. ﺩﺍﺭ ﺣﺎﺩﺙ ..
" ﺷﻨﻮﻭ ! ؟ "
ﺷﺒﺤﻮﺍ ﺍﻟﺰﻭﺯ ﻟﺤﻤﻴﺪﻩ ﺍﻟﻠﻲ ﻛﺎﻧﺖ ﺣﺎﻃﻪ ﺍﻳﺪﻳﻬﺎ ﻉ ﻓﺨﺎﺩﻫﺎ ﻭﺗﺸﻮﻑ ﻟﻐﺎﻟﻴﻪ ﺑﺼﺪﻣﻪ ﻭﺩﻣﻮﻋﻬﺎ ﻃﺎﺣﻮﺍ ...
🍁🍁🍁🍁
ﺧﺸﻮﺍ ﻟﻠﻤﺴﺘﺸﻔﻰ ﺍﻟﺘﻼﺗﻪ ..
ﺍﻟﻬﺎﺩﻱ .. ﻋﻤﺮ .. ﻣﺤﻤﺪ ..
ﻧﺸﺪﻭﺍ ﻋﻠﻴﻪ ﻓﻲ ﺍﻹﺳﺘﻌﻼﻣﺎﺕ .. ﻗﺎﻟﻮﻟﻬﻢ ﻭﻳﻨﻪ ..
ﻣﺸﻮﻟﻪ ﻃﻮﻝ ..
🍁 ﻭﺻﻠﻮﺍ ﻭﻳﻦ ﻣﺎﻓﻲ ﻏﺮﻓﻪ ﺍﻟﻌﻤﻠﻴﺎﺕ ...
ﻟﻘﻮﺍ ﺍﻟﺮﺟﺎﻟﻪ ﺍﻟﻠﻲ ﺍﺳﻌﻔﻮﻩ ..
ﺍﻟﻬﺎﺩﻱ : ﺍﻟﺴﻼﻡ ﻋﻠﻴﻜﻢ ..
ﺍﻟﺮﺟﺎﻟﻪ : ﻭﻋﻠﻴﻜﻢ ﺍﻟﺴﻼﻡ ..
ﺍﻟﻬﺎﺩﻱ : ﺍﻧﺘﻢ ﺍﻟﻠﻲ ﻛﻠﻤﺘﻮﺍ ﺧﻮﻱ ﻣﺤﻤﺪ ..
ﻭﺍﺣﺪ ﻣﻨﻬﻢ : ﺍﻧﻲ ﺍﻟﻠﻲ ﺍﺗﺼﻠﺖ ﺑﻌﺪ ﺭﻳﺖ ﺭﻗﻤﻪ ﺍﺧﺮ ﺭﻗﻢ ﻛﺎﻥ ﻣﻜﻠﻤﻪ ﻓﻬﺎﺗﻔﻪ ..
ﻣﺤﻤﺪ ﺑﺨﻮﻑ : ﺷﻦ ﺻﺎﺭﻟﻪ ﺑﺎﻟﺰﺑﻂ؟؟ !
ﺍﻟﺮﺍﺟﻞ : ﺣﻨﻲ ﻛﻨﺎ ﺧﺎﻃﻤﻴﻦ ﺧﻄﻮﻡ ﻣﻨﻴﻦ ﺭﻳﻨﺎ ﺳﻴﺎﺭﺗﻪ ﻃﻠﻌﺖ ﻉ ﺍﻟﻄﺮﻳﻖ ﻭﺍﻧﻘﻠﺒﺖ ﻟﻜﻦ ﺭﺑﻲ ﻳﺤﺒﻪ .. ﺣﻨﻲ ﺗﻼﺗﻪ ﻧﺨﺪﻣﻮﺍ ﻣﺴﻌﻔﻴﻦ .. ﻃﻠﻌﻨﺎﻩ ﻣﻨﻬﺎ ﻃﻮﻝ ﺑﻌﺪ ﻛﻠﻤﻨﺎ ﺍﻹﺳﻌﺎﻑ ..
ﻋﻤﺮ ﺑﻠﻬﻔﻪ ﻣﻤﺰﻭﺟﻪ ﺑﺎﻷﻟﻢ : ﺑﺎﻫﻲ ﺷﻦ ﻓﻴﻪ؟
ﺍﻟﺮﺍﺟﻞ : ﻣﺎﻧﻘﺪﺭ ﻧﻘﻮﻟﻚ ﻛﻞ ﺷﻲ .. ﻻﻧﻲ ﻣﺶ ﻣﺘﺄﻛﺪ ﻭﺍﺟﺪ ﻛﺎﻥ ﻣﻦ ﺣﺎﺟﺘﻴﻦ ﻛﺴﻮﺭ ﻭﺟﺮﺡ ﻋﻤﻴﻖ ﺗﺴﺒﺒﺘﻠﻪ ﻓﻲ ﻣﺮﺷﻪ ﻛﺒﻴﺮﺓ ﺧﺸﺖ ﻓﺬﺭﺍﻋﻪ ﺍﻟﻴﻤﻴﻦ ﻳﺤﺎﻭﻟﻮﺍ ﻳﻄﻠﻌﻮﻫﺎ ﺗﻮ ..
ﺧﻮﺍﻟﻪ ﻗﻠﻮﺑﻬﻢ ﺍﻧﻔﻄﺮﺕ ..
ﻭﻗﻌﺪﻭﺍ ﺑﺨﻮﻑ ﻳﺮﺍﺟﻮ ﺍﻣﺘﻰ ﻳﻄﻠﻊ ﺣﺪ ﻳﻄﻤﻨﻬﻢ ﻣﻦ ﻏﺮﻓﺔ ﺍﻟﻌﻤﻠﻴﺎﺕ ..
🍁🍁🍁
ﺣﻴﻲ !! ؟؟
ﻏﺎﻟﻴﻪ ﺑﺒﻜﻲ : ﻳﺎﻏﺒﻴﻨﻲ ﻋﻠﻴﻪ ﻳﺎﻧﺎﺭﻱ ..
ﺳﻌﻴﺪﻩ ﺑﻌﻴﻮﻥ ﻣﺪﻣﻌﻪ : ﻫﻠﻪ ﻋﻠﻤﻮﺍ ..
ﺣﻤﻴﺪﻩ ﺣﺮﻛﺖ ﺭﺍﺳﻬﺎ ﺑﺎﻟﻨﻔﻲ ﻭﻫﻲ ﺗﺒﻜﻲ ..
ﻟﻤﻴﺎﺀ : ﻣﻔﺮﻭﺽ ﺗﻘﻮﻟﻮﻟﻬﻢ ..
ﻏﺎﻟﻴﻪ ﺭﺷﻔﺖ ﻭﻗﺎﻟﺖ : ﻣﺤﻤﺪ ﻗﺎﻝ ﻣﺎﺣﺪ ﻳﺨﺒﺮﻫﻢ ﻟﻴﻦ ﻧﻄﻤﻨﻮﺍ ﻋﻠﻴﻪ ..
ﻟﻤﻴﺎﺀ : ﺭﺑﻲ ﻳﺴﻠﻤﻪ ﻣﺴﻜﻴﻦ ..
ﺳﻌﻴﺪﻩ ﻗﻌﺪﺕ ﺗﺒﻜﻲ ..
ﻭﺣﻤﻮﺍﺗﻬﺎ ﻳﺸﻮﻓﻮﻟﻬﺎ ..
ﻏﺎﻟﻴﻪ ﺑﺒﻜﻲ : ﺭﺯﺍﻥ ﻋﻠﻤﺖ؟ !
ﺳﻌﻴﺪﻩ ﺣﺮﻛﺖ ﺭﺍﺳﻬﺎ ﺑﺎﻟﻨﻔﻲ ..
ﻏﺎﻟﻴﻪ : ﻳﺎﻧﺎﺭﻱ ﻋﻠﻴﻬﺎ ﺑﻨﻴﺘﻲ ﻛﺎﻥ ﺗﻌﻠﻢ ﺍﻧﻈﺮ ﺷﻦ ﻳﺼﻴﺮ ﻓﻴﻬﺎ ...
ﺳﻌﻴﺪﻩ ﺷﺒﺤﺖ ﻟﻐﺎﻟﻴﻪ ﻭﻫﻲ ﺗﺒﻜﻲ ﻗﺎﻟﺖ : ﻳﻠﻄﻒ ﺍﻟﻠﻪ ﺑﻴﻪ ﻣﺴﻜﻴﻦ ..
🍃 ﺳﻌﻴﺪﻩ ﻛﺎﻧﺖ ﺧﺎﻳﻔﻪ ﻟﺘﻜﻮﻥ ﺑﻨﺘﻬﺎ ﺳﺒﺐ ﻟﻠﻲ ﺻﺎﺭ ﻓﻌﻤﺎﺩ 🍃
ﺑﻨﺘﻬﺎ ﺍﻟﻠﻲ ﻛﺎﻧﺖ ﺭﺍﻗﺪﻩ ﻉ ﺳﺮﻳﺮﻫﺎ ..
ﻭﺣﺪﺍﻫﺎ ﺗﻠﻴﻔﻮﻧﻬﺎ ﺍﻟﻠﻲ ﻛﺎﻧﺖ ﺗﺸﻮﻑ ﻟﺼﻮﺭﺗﻪ ﻣﻨﻪ ..
ﻣﻦ ﻛﺘﺮ ﺍﻟﺒﻜﻲ .. ﻟﻴﻦ ﺗﻌﺒﺖ ﻭﺭﻗﺪﺕ ...
ﻭﺍﻟﺪﻣﻮﻉ ﻣﺎﺯﺍﻟﻮﺍ ﻳﺴﻴﻠﻮﺍ ﺣﺘﻰ ﻭﻫﻲ ﺭﺍﻗﺪﻩ ..
ﻭﻓﻲ ﺍﻟﻤﻨﺎﻡ ﺗﺸﻮﻑ ﻓﻴﻪ ..
ﻭﻗﻌﺪﺕ ﺗﻤﺘﻢ ﻭﺗﻘﻮﻝ ..
" ﻋﻤﺎﺩ "
🍁🍁🍁🍁
ﺑﺮﺍ ﻓﻢ ﺍﻟﺒﻮﺍﺑﻪ ...
ﺍﻟﺤﺎﺟﻪ ﻓﺎﻃﻤﻪ ﺑﻘﻠﻖ : ﺧﻴﺮﻫﻢ ﻣﺎﺍﺗﺼﻠﻮﺍ ﻟﺘﻮ؟ !
ﻣﻴﻼﺩ : ﺍﻟﺼﺒﺮ ﻳﻤﻲ ﺍﻟﺼﺒﺮ ..
ﺭﻥ ﺗﻠﻴﻔﻮﻧﻪ ..
ﺍﻟﺰﻭﺯ ﻓﺰﻭﺍ ..
ﻃﻮﻝ ﻓﺘﺢ ﻣﻴﻼﺩ ﺍﻟﺨﻂ ﻭﺭﺩ : ﻫﺎﻩ ﺷﻨﻮ ﺻﺎﺭ؟ ........... ﺑﺎﻫﻲ ... ﺷﺒﺢ ﻷﻣﻪ ......... ﻳﻌﻨﻲ ﻣﺎﻓﻲ ﺷﻲ ﺧﻄﻴﺮ؟ ......!! ﻛﺴﻮﺭ ﻓﺸﻨﻮ ﺑﺎﻟﻀﺒﻂ؟
.................. ﺍﻩ ...... ﻳﺎﻭﺩﻱ ﺍﻟﺤﻤﺪ ﻟﻠﻪ ﺟﺖ ﻉ ﻫﻜﻲ ...... ﺍﻣﺘﻰ ﺑﺘﺒﻠﻐﻮﻫﻢ؟؟ ...... ﺍﻳﻪ ﻫﻜﻲ ﺍﻓﻀﻞ ...... ﺑﺎﻫﻲ ﺑﺎﻫﻲ ... ﺍﻧﻲ ﻏﺪﻭﺓ ﺍﻟﺼﺒﺢ ﺑﻌﻮﻥ ﺍﻟﻠﻪ ﻧﻜﻮﻥ ﻏﺎﺩﻱ ..... ﺑﺎﻫﻲ ... ﺑﺎﻟﺴﻼﻣﻪ ... ﻭﺻﻜﺮ ..
ﻓﺎﻃﻤﻪ : ﺷﻨﻮ ﻗﺎﻟﻮﻟﻚ؟
ﻣﻴﻼﺩ : ﻣﺎﻓﻲ ﺷﻲ ﺧﻄﻴﺮ ﻳﻤﻲ .. ﻛﺴﺮ ﻓﻴﺪﻩ ﺍﻟﻴﻤﻴﻦ ﻭﻛﺮﺍﻋﻪ ﺍﻟﻴﻤﻴﻦ ..
ﻭﻳﺪﻩ ﺍﻵﻳﺴﺎﺭ ﺷﻮﺭﻩ ﻣﺮﺵ ﺍﻟﺮﻭﺷﻦ ﻭﻳﻦ ﺍﻧﻜﺴﺮ ﺧﺸﺖ ﻓﻴﻬﺎ ﻣﺮﺷﻪ ... ﻭﻗﺎﻟﻮﺍ ﻃﻠﻌﻮﻫﻠﻪ ... ﻫﻮ ﻫﺪﻯ .. ﺷﻲ ﺧﻄﻴﺮ ﻣﺶ ﺻﺎﻳﺮﻟﻪ ..
ﻓﺎﻃﻤﻪ : ﻣﺘﺄﻛﺪ ﻳﺎﻣﻴﻼﺩ؟ !
ﻣﻴﻼﺩ : ﻧﺘﺼﻞ ﺑﻤﺤﻤﺪ ﺗﺘﺎﻛﺪﻱ ﻣﻨﻪ ﺑﺮﻭﺣﻚ؟
ﺗﻨﻬﺪﺕ ﻭﻗﺎﻟﺖ : ﺑﺎﻫﻲ ﻏﺪﻭﺓ ﺇﻥ ﺷﺎﺀ ﺍﻟﻠﻪ ﻧﻌﺪﻱ ﻣﻌﺎﻙ ..
ﻣﻴﻼﺩ : ﺇﻥ ﺷﺎﺀ ﺍﻟﻠﻪ ...
🍁🍁🍁🍁🍁
ﻗﺮﻳﺐ ﺭﺍﺡ ﻓﻴﻬﺎ ﻳﺎﻟﻤﻴﺎ !!
ﻟﻤﻴﺎﺀ ﻭﻫﻲ ﺗﻤﺴﺢ ﻓﻮﺟﻬﻬﺎ ﻣﻦ ﺍﻟﻤﻜﻴﺎﺝ : ﻣﺎﺻﺎﺭﻟﻪ ﺷﻲ ﻣﺠﺮﺩ ﻛﺴﻮﺭ ﻭﺧﻼﺹ .. ﺍﻟﻤﻬﻢ ﺗﻮﺍ ﺍﻟﻠﻲ ﺑﻴﻨﻪ ﻭﺑﻴﻦ ﺑﻨﺖ ﺧﺎﻟﻪ ﺍﻋﺘﺒﺮﻳﻪ ﻣﻨﺘﻬﻲ ..
ﺳﻨﺎﺀ : ﻻ ﺍﺻﺒﺮﻱ ﺗﺄﻛﺪﻱ ﻗﺒﻞ ﺍﻟﺤﻜﺎﻳﻪ ﻓﻴﻬﺎ ﺧﻄﺒﻪ ﻭﺣﺎﺟﻪ ﺷﺒﻪ ﺭﺳﻤﻴﻪ ﻟﻮ ﻣﺎﺗﻔﺮﻛﺸﺘﺶ ﻣﻌﻨﺎﻫﺎ ﻣﺎﺻﺎﺭ ﺷﻲ ..
ﺣﻄﺖ ﺍﻟﻮﺍﻳﺒﺲ ﻉ ﺍﻟﺰﻳﺎﻧﻪ ﻭﻗﺎﻟﺖ : ﺻﺢ .. ﺑﺎﻫﻲ ﻧﺮﺍﺟﻮ .. ﺭﻏﻢ ﺍﻧﻲ ﻭﺍﺛﻘﻪ ﻣﻠﻴﻮﻥ ﻓﻲ ﺍﻟﻤﻴﻪ ﺍﻧﻪ ﺧﻼﺹ ..
ﺳﻨﺎﺀ : ﺑﺎﻫﻲ ﺗﻮﺍ ﺧﻠﻴﻨﻲ ﻣﻦ ﻫﺪﺍ ﻭﻗﻮﻟﻴﻠﻲ ﻣﺶ ﺣﻴﺸﻜﻮﺍ ﻓﻴﻚ ﺍﻧﺘﻲ ﻓﺤﻜﺎﻳﺔ ﺻﻮﺭ ﺍﻟﻤﺤﺎﺩﺛﻪ ..
ﻟﻤﻴﺎﺀ : ﻭﻻ ﺣﻨﺨﻄﺮ ﻓﺒﺎﻟﻬﻢ ...
ﺳﻨﺎﺀ : ﻭﺷﻦ ﺍﻟﻠﻲ ﻳﺨﻠﻴﻚ ﻣﺘﺄﻛﺪﻩ ﻫﻜﻲ؟
ﻟﻤﻴﺎﺀ ﺑﺈﺑﺘﺴﺎﻣﻪ ﻣﻜﺮ : ﻭﻋﻼﺵ ﺑﻨﺪﻳﺮ ﻫﻜﻲ ﺍﺻﻼ؟ !!
ﺳﻨﺎﺀ ﺿﺤﻜﺖ ﻭﻗﺎﻟﺖ : ﺍﻳﻪ .. ﻭﺑﻌﺪﻳﻦ ﻣﺮﺍﺕ ﻓﻲ ﺣﺪ ﻣﻬﻜﺮ ﺣﺴﺎﺑﺎﺗﻬﻢ ..
ﻟﻤﻴﺎﺀ : ﺍﻳﻪ ﺻﺎﺍﺍﺍﺡ .. ﻭﺣﺪﻩ ﻛﺎﻧﺖ ﺗﺒﻴﻪ ﺯﻣﺎﻥ ﻭﻓﺎﺗﻬﺎ ..
ﺳﻨﺎﺀ : ﺍﻣﻤﻢ .. ﻣﻤﻜﻦ ...
ﺳﻜﺘﻮﺍ ﺷﻮﻳﻪ ﺑﻌﺪﻳﻦ ..
ﺳﻨﺎﺀ ﻭﻟﻤﻴﺎﺀ : ﻫﻬﻬﻬﻬﻬﻬﻬﻬﻬﻬﻪ ...
🍁🍁🍁🍁🍁
ﺗﺎﻧﻲ ﻳﻮﻡ ..
ﺍﻟﺴﺎﻋﻪ 10:00 ﺻﺒﺎﺣﺎ ..
ﻓﻲ ﺍﻟﻤﺴﺘﺸﻔﻰ ..
ﻭﺻﻠﻮﺍ ﻓﻲ ﺍﻟﻤﻤﺮ ﺍﻟﻠﻲ ﻓﻴﻪ ﻏﺮﻓﺘﻪ ﻳﺠﺮﻭﺍ ..
ﻭﺍﻣﻪ ﺗﺒﻜﻲ ﺑﺎﻟﻌﺒﺮﻩ ..
ﻟﻘﻮﺍ ﻗﺪﺍﻣﻬﻢ ..
ﻣﻴﻼﺩ ﻭﺍﻟﺤﺎﺟﻪ ﻓﺎﻃﻤﻪ ..
ﻛﻔﺎﻳﻪ ﺑﺒﻜﻲ : ﻭﻟﺪﻱ ﻭﻳﻨﻪ ﻭﻟﺪﻱ ﺷﻦ ﺻﺎﺭ ﻓﻴﻪ ﻗﻮﻟﻮﻟﻲ ..
ﺟﺘﻬﺎ ﺍﻣﻬﺎ ﻭﺣﻀﻨﺘﻬﺎ ﻭﻫﻲ ﺗﻘﻮﻝ : ﺣﺎﻟﻪ ﺑﺎﻫﻲ ﻳﺎﺑﻨﻴﺔ ﺭﻭﺣﻲ ﻣﺎﺗﺨﺎﻓﻲ ...
ﻛﻔﺎﻳﻪ ﺑﺎﻟﻌﺒﺮﺓ : ﻭﻟﺪﻱ .. ﻳﻤﻲ ﻭﻟﺪﻱ ...
ﻭﺍﻣﻬﺎ ﺗﺰﻳﺪ ﺗﺤﻀﻦ ﻓﻴﻬﺎ ..
ﻭﺳﻌﺪ ﻭﻭﻻﺩﻩ ﺑﻌﻴﺪ ﻋﻠﻴﻬﻢ ﺷﻮﻱ ﻭﻣﻌﺎﻫﻢ ﻣﻴﻼﺩ ﺍﻟﻠﻲ ﻳﻮﺿﺤﻠﻬﻢ ﻓﺤﺎﻟﺘﻪ ..
🍁🍁🍁🍁🍁
ﺑﻌﺪ ﺻﻠﺖ ﺍﻟﺼﺒﺢ ..
ﻃﻠﻌﺖ ﻣﻦ ﺩﺍﺭﻫﺎ ..
ﻭﻣﺸﺖ ﺑﻄﺮﻳﻘﻬﺎ ﻟﻠﻜﻮﺟﻴﻨﻪ ..
ﻭﻗﻔﺖ ﻟﻤﺎ ﺳﻤﻌﺖ ﺻﻮﺕ ﺍﻣﻬﺎ ﺟﺎﻱ ﻣﻦ ﺍﻟﺼﺎﻟﻪ ﻭﻫﻲ ﺗﻘﻮﻝ ..
" ﺩﺍﻳﺮ ﺣﺎﺩﺙ ﻣﺴﻜﻴﻦ "
ﻗﻠﺒﻬﺎ ﻗﺒﻀﻬﺎ ﺑﻘﻮﺓ ..
ﻟﻔﺖ ﻭﻣﺸﺖ ﻟﻠﺼﺎﻟﻪ ﺑﺨﻄﻮﺍﺕ ﺳﺮﻳﻌﻪ ..
ﻭﺻﻠﺖ ﻓﻴﻬﺎ ..
ﺳﻌﻴﺪﻩ : ﻫﻠﻪ ﺍﻟﻴﻮﻡ ﺍﻟﺼﺒﺢ ﺧﺒﺮﻭﻫﻢ ........ ﻭﻳﻦ ﻧﻌﻠﻢ ﻋﻠﻴﻬﺎ ﺍﻧﻲ ﻳﺎﺃﻣﺎﻝ ﻫﺎﻟﺒﻨﺖ ﻫﺒﻠﺘﻨﻲ .............. ﻃﻮﻝ ﺍﻟﻠﻴﻞ ﻧﻔﻜﺮ ﻭﻧﻘﻮﻝ ﺯﻋﻢ ﺍﻟﻠﻲ ﺻﺎﺭ ﻟﻪ ﻣﻦ ﻭﺭﺍﻫﺎ ...
ﻫﻲ ﺗﺮﺟﻒ ﻣﻊ ﺑﻌﻀﻬﺎ ..
ﻭﻗﻠﺒﻬﺎ ﻳﺪﻕ ﺑﻘﻮﺓ ﻣﻦ ﺍﻟﺨﻮﻑ ..
ﻟﻴﻜﻮﻥ ﺍﻟﻠﻲ ﻓﺒﺎﻟﻬﺎ ﺻﺢ ...
ﺳﻌﻴﺪﻩ : ﻭﺍﻟﻠﻪ ﺭﺍﺟﻞ ﻛﻴﻒ ﺍﻟﺬﻫﺐ ﻏﻴﺮ ﺑﻨﺘﻲ ﺍﻧﻲ ﻣﺎﺗﻔﻬﻢ .. ﺍﻟﻤﻬﻢ ﺗﻮﺍ ﺭﺑﻲ ﺳﻠﻤﻪ ﻣﻦ ﻫﺎﻟﺤﺎﺩﺙ ﻣﺴﻜﻴﻦ ﻭﺍﻧﻲ ﻧﺪﻋﻴﻠﻪ ﺭﺑﻲ ﻳﻌﻄﻴﻪ ﺧﻴﺮ ﻣﻨﻬﺎ ..
ﻫﻲ ﺑﻌﺪ ﻗﺎﻟﺖ ﻛﻠﻤﺘﻬﺎ .. ﺳﻤﻌﺖ ﺻﻮﺕ ﺷﻲ ﺍﻧﻬﺒﺪ ..
ﺷﺒﺤﺖ ﺟﻨﺒﻬﺎ ... ﻓﻨﺼﺖ ﻋﻴﻮﻧﻬﺎ ... ﻭﻗﺎﻝ ﺑﻌﻴﻄﻪ : ﺑﻨﺘﻲ !!
🍁🍁🍁🍁
ﻭﺧﺒﺮ ﺍﻟﺤﺎﺩﺙ ﺍﻧﺘﺸﺮ ﺑﻴﻦ ﺍﻟﻌﻴﻠﻪ ﻭﺍﻷﺻﺤﺎﺏ ..
ﻭﻛﻠﻬﻢ ﺟﻮﻩ ﻟﻠﻤﺴﺘﺸﻔﻰ ﻓﺎﻟﺒﻼﺩ ﻓﻨﻔﺲ ﺍﻟﻴﻮﻡ ..
ﺍﻗﺎﺭﺏ ﺍﺻﺤﺎﺏ ﻣﻌﺎﺭﻑ ..
ﺍﻟﻨﺎﺱ ﺍﻟﻠﻲ ﺟﺎﺗﻪ ﺧﻠﺖ ﺧﻮﺍﻟﻪ ﻳﺘﻔﺎﺟﺌﻮﺍ ﻫﻠﺒﻪ ﺑﺎﻟﻌﻼﻗﺎﺕ ﺍﻹﺟﺘﻤﺎﻋﻴﻪ ﺍﻟﻜﺒﻴﺮﺓ ﺍﻟﻠﻲ ﻋﻨﺪ ﻋﻤﺎﺩ ﻭﺍﻟﻠﻲ ﻣﻦ ﻣﻌﺰﺗﻪ ﻋﻨﺪﻫﻢ ﺗﻌﻨﻮﻟﻪ ﻭﺟﻮﻩ ﻣﻦ ﻛﻞ ﺗﺮﻛﻴﻨﻪ ﻓﻮﺭ ﺳﻤﺎﻋﻬﻢ ﺍﻟﺨﺒﺮ ..
🍁🍁🍁🍁
ﺧﺸﺖ ﻋﻠﻴﻬﺎ ﺍﻟﺪﺍﺭ
ﻟﻘﺘﻬﺎ ﺭﺍﻗﺪﻩ ﻉ ﺑﻄﻨﻬﺎ ﻭﺩﺍﻓﻨﻪ ﺭﺍﺳﻬﺎ ﻓﻲ ﺍﻟﻤﺨﺪﻩ ﻭﺗﺒﻜﻲ ﺑﻘﻮﺓ ..
ﺳﻌﻴﺪﻩ ﺑﺄﻟﻢ : ﺩﺍﺑﻨﻪ ﻏﺎﻟﻲ ﻋﻠﻴﻚ ﻫﻜﻲ .. ﻟﻴﺶ ﺗﺴﻴﺒﻲ ﻓﻴﻪ؟
ﺳﺆﺍﻝ ﺍﻣﻬﺎ ﺧﻼﻫﺎ ﺗﺰﻳﺪ ﺗﺒﻜﻲ ﺍﻛﺜﺮ ﻭﺍﻛﺜﺮ ..
ﺟﺘﻬﺎ ﻗﻌﻤﺰﺕ ﺣﺪﺍﻫﺎ ﺣﻄﺖ ﻳﺪﻫﺎ ﻉ ﻇﻬﺮﻫﺎ ﻭﻗﻌﺪ ﺗﻤﺴﺢ ﻋﻠﻴﻪ ﻭﺗﻘﻮﻝ : ﺧﻴﺮﻙ ﻳﺎﻣﺎﻣﺎ ﺷﻦ ﻓﻲ .. ﻛﺎﻥ ﺻﺎﻳﺮ ﺷﻲ ﺗﺎﻧﻲ ﺍﺣﻜﻴﻠﻲ ﻳﻤﻲ ..
ﺭﺯﺍﻥ ﺑﺼﻮﺕ ﻣﻜﺘﻮﻡ ﺑﺎﻛﻲ : ﺷﻲ .. ﺷﻲ ...
ﺗﻨﻬﺪﺕ ﺳﻌﻴﺪﻩ ﻭﻧﺎﺿﺖ ﻭﻫﻲ ﺗﺸﻮﻓﻠﻬﺎ ...
ﺑﻌﺪﻳﻦ ﻣﺸﺖ ﻃﻠﻌﺖ ﻣﻦ ﺣﺪﺍﻫﺎ ﻭﻫﻲ ﺗﻔﻜﺮ ﻓﺤﺎﻟﺘﻬﺎ ﺑﺨﻮﻑ
ﻣﺎﺗﻘﺪﺭﺵ ﺗﺨﻠﻴﻬﺎ ﻫﻜﻲ .. ﻭﻻﺗﻌﺮﻑ ﺗﺘﻌﺎﻣﻞ ﻣﻌﺎﻫﺎ ﻓﻬﺎﻟﺤﺎﻟﻪ ... ﺻﺢ ﺍﻣﻬﺎ ﺑﺲ ﻣﺶ ﻛﻞ ﺍﻡ ﺗﻘﺪﺭ ﺗﻜﻮﻥ ﻟﺒﻨﺘﻬﺎ ﺻﺪﻳﻘﻪ ﻭﻫﻲ ﻣﻌﺘﺮﻓﻪ ﺑﻬﺎﻟﺸﻲ ..
ﻋﻘﻠﻬﺎ ﻭﻫﻲ ﺗﻔﻜﺮ ﺧﺪﺍﻫﺎ ﻟﺸﺨﺺ ﻭﺍﺣﺪ ﺑﺲ ...
ﻃﻮﻝ ﺗﻮﺟﻬﺘﻠﻪ ..
......
ﻓﺘﺤﺖ ﺍﻟﺒﺎﺏ ﻭﺧﺸﺖ ..
ﻟﻘﺘﻬﺎ ﺷﺎﺩﻩ ﺍﻟﺘﻠﻴﻔﻮﻥ ﻭﺗﺸﻮﻓﻠﻪ ﻭﺗﺒﻜﻲ ﺑﺎﻟﺼﻮﺕ ..
ﻏﺎﻟﻴﻪ ﺑﺪﻣﻮﻉ : ﺭﺯﺍﻥ ..
ﺷﺒﺤﺘﻠﻬﺎ ﺭﺯﺍﻥ ﻭﻫﻲ ﺗﺒﻜﻲ ..
ﻗﻌﻤﺰﺕ ﺣﺪﺍﻫﺎ ﻏﺎﻟﻴﻪ ﻭﺣﻄﺖ ﻳﺪﻫﺎ ﻉ ﺭﺍﺳﻬﺎ ﻭﻫﻲ ﺗﻤﺴﺢ ﻉ ﺷﻌﺮﻫﺎ : ﺭﺯﻭﻧﻪ ﺣﺒﻴﺒﺘﻲ ﻣﺎﻓﻴﻪ ﺷﻲ ﺭﺍﻫﻮ .. ﺣﺎﻟﻪ ﺑﺎﻫﻲ ..
ﺭﺯﺍﻥ ﻓﻨﻔﺴﻬﺎ " ﺍﻧﻲ ﺍﻟﻠﻲ ﻧﻌﺮﻑ ﺣﺎﻟﻪ ﻳﺎﻋﻤﺘﻲ ﻣﺶ ﺑﺎﻫﻲ ﺑﻜﻞ "
ﻏﺎﻟﻴﻪ : ﺭﺯﻭﻧﻪ ..
ﺭﺯﺍﻥ ﻧﺎﺿﺖ ... ﻭﺧﺸﺖ ﻓﺤﻀﻦ ﻋﻤﺘﻬﺎ ..
ﻭﻋﻤﺘﻬﺎ ﺣﻀﻨﺘﻬﺎ ﺑﻘﻮﺓ ﻭﻫﻲ ﺗﻘﻮﻝ : ﺧﻼﺹ ﺭﺯﻭﻧﻪ ﺧﻼﺹ ﺑﻨﺘﻲ 💖
🍃🍃🍃
ﺑﺎﻟﺰﺑﻂ ﻓﺎﺗﻮﺍ ﻳﻮﻣﻴﻦ ..
ﻭﻓﻲ ﻫﺎﻟﻴﻮﻣﻴﻦ ﺍﻟﻜﻞ ﺍﻧﺸﻐﻞ ﺑﺤﺎﻝ ﻋﻤﺎﺩ ..
ﺍﻟﻠﻲ ﺑﻌﺪ ﻓﺎﻕ ﻭﺷﺪ ﺣﻴﻠﻪ ﺷﻮﻳﻪ ﺑﻮﻩ ﺭﻭﺡ ﺑﻴﻪ ﻟﻄﺮﺍﺑﻠﺲ ...
ﺑﺶ ﺑﻴﻘﻌﺪ ﻏﺎﺩﻱ ﻓﻌﻴﺎﺩﺓ ﻳﻜﻤﻞ ﺑﺎﻗﻲ ﻋﻼﺟﻪ ..
ﻣﺎﺑﻄﻠﻮﺵ ﻣﺸﻲ ﻭﺟﻲ ﻋﻠﻴﻪ ..
ﻫﻠﺒﻪ ﻧﺎﺱ ﻫﻠﺒﻪ ..
ﻭﻫﻮ ﻳﺴﺘﻘﺒﻞ ﻓﻴﻬﻢ ﺑﻮﺟﻪ ﺟﺎﻣﺪ ﻣﻼﻣﺤﻪ ﻣﺎﺗﻐﻴﺮﺗﺶ ..
ﻫﻤﺎ ﻻﺣﻈﻮﺍ ..
ﺑﺲ ﻋﺰﻭﺍ ﻫﺎﻟﺸﻲ ﻟﻜﻮﻥ ﺍﻟﺤﺎﺩﺙ ﻗﻮﻱ ﺷﻮﻱ ﻭﺍﻭﻝ ﻣﺮﺓ ﻳﺼﻴﺮﻟﻪ ..
ﻭﻳﻘﻌﺪ ﺣﺒﻴﺲ ﺍﺭﺑﻌﻪ ﺟﺪﺭﺍﻥ ..
ﻣﺠﺒﺴﻴﻦ ﺍﻳﺪﻩ ﻭﺭﺟﻠﻪ ..
ﻭﺭﻗﺒﺘﻪ ﻣﺤﺎﻃﻪ ﺑﻤﺎ ﻳﻠﺒﺲ ﻟﻤﺎ ﺗﺼﺎﺏ ﺑﻜﺴﺮ ﺟﺰﻱ "... ﺍﺟﻬﻞ ﺍﺳﻤﻬﺎ .."
ﻭﻳﺪﻩ ﺍﻟﺘﺎﻧﻴﻪ ﻣﻠﻔﻮﻓﻪ ﺑﺸﺎﺵ ﺍﺑﻴﺾ ..
ﺍﻳﻪ ﻣﺠﺮﻭﺡ ﻭﻣﻜﺴﻮﺭ ..
ﺑﺲ ﻣﻦ ﺩﺍﺧﻞ ﻣﺶ ﻣﻦ ﺑﺮﺍ ..
ﺍﻟﻠﻲ ﻣﻦ ﺑﺮﺍ ﺳﻴﻮﺭﻩ ﻳﺒﺮﺍ ﻭﻳﻨﺠﺒﺮ ..
ﻟﻜﻦ ﺍﻟﻠﻲ ﻉ ﻳﺴﺎﺭ ﺻﺪﺭﻩ ﻛﻴﻒ ﻳﺒﺮﺍ ﻭﻳﻨﺠﺒﺮ؟؟ !
ﺩﻭﺍﻩ ﻫﻮ ﺩﺍﻩ ...
ﺩﺍﻩ ... ﺍﻟﻠﻲ ﺑﺮﻏﻢ ﻛﻞ ﺷﻲ ﺟﺎﻩ ﻣﻨﻬﺎ ﻣﺎﺯﺍﻝ ﻋﺎﺷﻘﻬﺎ ... ﺍﺩﻣﺎﻧﻪ ...
ﻛﻴﻒ ﻣﻦ ﺑﻌﺪ ﺍﻟﻠﻲ ﺻﺎﺭ .. ﺑﻴﺘﺤﻤﻞ ﻓﻜﺮﺓ ﺍﻧﻬﺎ ﻣﺶ ﺣﺘﻜﻮﻥ ﻓﺤﻴﺎﺗﻪ ..
ﻟﻮ ﻋﻠﻰ ﻗﻠﺒﻪ ﻳﺴﺎﻣﺤﻬﺎ ﻉ ﻛﻞ ﺷﻲ ﺣﺘﻰ ﻟﻮ ﺟﺎﺑﺘﻠﻪ ﺍﻟﻤﻮﺕ ..
ﻟﻜﻦ ﺍﻟﻜﺒﺮﻳﺎﺀ ﻭﺍﻟﻜﺮﺍﻣﻪ ﻫﻤﺎ ﺍﺻﺤﺎﺏ ﺍﻟﻤﻮﻗﻒ ﺍﻷﻗﻮﻯ ﺗﺤﻜﻤﻮﺍ ﻓﻴﻪ ﺗﻤﺎﻣﺎ ...
ﺍﻧﻔﺘﺢ ﺑﺎﺏ ﺍﻟﻐﺮﻓﻪ ..
ﺧﺶ ﺧﻮﻩ .. ﻭﺻﻜﺮ ﺍﻟﺒﺎﺏ ﻭﺭﺍﻩ ..
ﻗﻌﺪ ﻳﺸﻮﻓﻠﻪ ﻛﻴﻒ ﻳﺸﺒﺢ ﻓﻲ ﺍﻟﻔﺮﺍﻍ ﻭﺳﺎﺭﺡ ..
ﻭﻣﻼﻣﺢ ﺍﻟﺤﺰﻥ ﻣﻤﺰﻭﺟﻪ ﺑﺎﻟﺤﺪﻩ ﻉ ﻭﺟﻬﻪ ...
ﻗﺮﺏ ﻛﺮﺳﻲ ﺣﺪﺍﻩ ﻭﻗﻌﻤﺰ ﻳﻘﻮﻝ ...
" ﺍﺣﻤﺪ ﺭﺑﻚ ﺍﻟﻠﻲ ﻧﻘﺪﻙ ﺑﻜﺮﻱ ﺑﻜﺮﻱ ..."
ﻣﺎﺍﺑﺪﺍﺵ ﺍﻱ ﺭﺩﻩ ﻓﻌﻞ ﺧﺎﺭﺟﻴﻪ ﺑﺲ ﻣﻦ ﺩﺍﺧﻞ ﻗﻠﺒﻪ ﻣﻮﺟﻮﻉ ﻷﺑﻌﺪ ﺣﺪ ..
ﻣﺮﻭﺍﻥ : ﺻﺪﻗﻮﺍ ﺍﻟﻠﻲ ﻗﺎﻟﻮﺍ ﻋﻤﺎﺩ ﻳﺴﺘﺎﻫﻞ ﺧﻴﺮ ﻣﻨﻬﺎ ... ﻭﺍﻟﻠﻪ ﻣﺎﺗﺴﻮﺍﻙ ﻳﺎﺧﻮﻱ ..
ﺷﺒﺢ ﻟﺨﻮﻩ ﺑﺤﺪﻩ ﻭﻗﺎﻝ ﺑﻨﺒﺮﺓ ﻏﻀﺐ : ﻣﻌﺎﺵ ﺗﺠﻴﺒﻠﻲ ﺳﻴﺮﺗﻬﺎ .. ﻣﻌﺎﺵ ﻧﺒﻲ ﻧﺴﻤﻊ ﻋﻨﻬﺎ ﺷﻲ ... ﻣﻄﺮﺍﻫﺎ ﻣﺎﻧﺒﻴﺸﻲ ﻗﺪﺍﻣﻲ ..
ﺳﻜﺖ ﻣﺮﻭﺍﻥ ﻭﻫﺰ ﺭﺍﺳﻪ ﺑﺈﻳﺠﺎﺏ ..
ﻋﻤﺎﺩ : ﺍﻃﻠﻊ ..
ﻧﺎﺽ ﻣﺮﻭﺍﻥ ﻃﻮﻝ ﻭﺗﻮﺟﻪ ﻟﻠﺒﺎﺏ .. ﻓﺘﺤﻪ ﻭﻃﻠﻊ ﻭﻫﻮ ﻣﺘﺄﻟﻢ ﻉ ﺧﻮﻩ ﻫﻠﺒﻪ ..
ﺧﻮﻩ ﺍﻟﻠﻲ ﻣﺶ ﻣﺘﺤﻤﻞ ﻓﻴﻬﺎ ﻛﻠﻤﻪ ...
ﺍﻳﻪ ﻣﺎﺗﺤﻤﻠﺶ ﻛﻼﻡ ﺧﻮﻩ ﻋﻨﻬﺎ ... ﺑﺮﻏﻢ ﻛﻞ ﺷﻲ ﻣﺎﺯﺍﻝ ﻣﻜﺎﻧﻬﺎ ﻓﺎﻟﻘﻠﺐ ﻛﺒﻴﺮ ﻣﺎﻧﻘﺺ ﺣﺘﻰ ﺷﻮﻱ ..
ﺑﺲ ﻭﻳﻦ ﺗﺨﻄﺮ ﻋﻠﻴﻪ ..
ﻣﻨﻴﻦ ﺣﻄﺖ ﻋﻴﻨﻬﺎ ﻓﻌﻴﻨﻪ ﻭﺑﻨﻈﺮﻩ ﺧﺎﻟﻴﻪ ﻣﻦ ﺍﻟﻤﺸﺎﻋﺮ ﺟﺎﻭﺑﺎﺗﻪ ﻉ ﺳﺆﺍﻟﻪ ﻟﻴﻬﺎ ﺍﺫﺍ ﻛﺎﻥ ﺣﻖ ﺑﺘﺴﻴﺒﻪ .. ﺑﻜﻞ ﻗﺴﻮﺓ ..
" ﺍﻳﻪ ..."
ﻳﻜﺮﻫﻬﺎ ...
ﺛﻮﺍﻧﻲ ﺑﺲ ...
ﻭﻳﺮﺟﻊ ﻳﻤﻮﺕ ﻓﻴﻬﺎ 💔💓
🍃 ﺍﻣﺎ ﻫﻲ ..
ﻛﻞ ﺷﻲ ﻭﻻ ﺑﺎﻫﺖ ﻓﻌﻴﻮﻧﻬﺎ ..
ﻛﻞ ﺷﻲ ..
ﻫﻮ ﻛﺎﻥ ﻣﺎﻟﻲ ﻋﻠﻴﻬﺎ ﺣﻴﺎﺗﻬﺎ ..
ﻭﻗﻠﺒﻬﺎ ...
ﻣﺎﻟﻴﻬﺎ ﻛﻠﻬﺎ ..
ﻓﺠﺄﺓ ..
ﻳﻄﻠﻊ ﻣﻦ ﺣﻴﺎﺗﻬﺎ ﺑﻄﺮﻳﻘﺔ ﺗﻘﻬﺮ ..
ﻭﺍﻗﻔﻪ ﺗﺴﻘﻲ ﻓﺎﻟﻠﻴﻤﻪ ..
ﻭﺗﺬﻛﺮ ﻓﻲ ﺍﻟﻠﻘﺎﺀ ﺍﻷﺧﻴﺮ ﺍﻟﻠﻲ ﺟﻤﻌﻬﻢ ﻭﺩﻣﻮﻋﻬﺎ ﺳﻴﻞ ..
ﺗﻘﻮﻝ ﺗﺴﻤﻊ ﻓﻴﻪ ﺗﻮﺍ ﺳﺆﺍﻟﻪ ..
" ﺣﻘﻪ ﺑﺘﺴﻴﺒﻴﻨﻲ ﺭﺯﺍﻥ؟ "
ﺣﻄﺖ ﻳﺪﻫﺎ ﻉ ﺻﺪﺭﻫﺎ ﻭﺷﺪﺕ ﻉ ﻓﺎﻧﻴﻠﺘﻬﺎ ﺑﻘﻮﺓ ﻭﻫﻲ ﺗﺒﻜﻲ ..
🍃 ﻭﻳﺼﺒﺢ ﺍﻟﻜﺒﺮﻳﺎﺀ ﻏﺒﺎﺀ ﻟﻤﺎ ﻳﻨﻮﺽ ﻓﻐﻴﺮ ﻭﻗﺘﻪ 🍃
🍃🍃🍃🍃🍃🍃
ﻭﻓﺎﺕ ﻳﻮﻡ ...
ﺍﺗﻨﻴﻦ ...
ﺗﻼﺗﻪ ...
ﺍﺭﺑﻌﻪ 30................. ﻳﻮﻡ ...
ﺷﻬﺮ ﻛﺎﻣﻞ ...
🍃 ﻋﻤﺎﺩ ﺗﻐﻴﺮ ﻓﻴﻬﻢ ﻫﻠﺒﻪ ..
ﺍﺻﺒﺢ ﻣﻨﻌﺰﻝ ﻋﻦ ﻋﻴﻠﺘﻪ ﺑﺸﻜﻞ ﺍﻛﺒﺮ ﺑﺶ ﻣﺎﻳﺴﻤﻊ ﺷﻲ ﻋﻨﻬﺎ ﻭﻻﻋﻦ ﺍﻟﺒﻼﺩ ﻳﺨﻠﻴﻪ ﻳﺰﻳﺪﻩ ﻉ ﻣﺎﺑﻴﻪ ...
ﻛﺎﻥ ﻣﺨﻄﻂ ﻳﺴﺎﻓﺮ .. ﺳﻔﺮﺓ ﺍﺷﺒﻪ ﺑﺎﻟﻬﺮﻭﺏ ﺗﻨﺴﻴﻪ ﻭﻟﻮ ﺷﻮﻱ ...
ﺭﺗﺐ ﺍﻣﻮﺭﻩ ﻭﺳﻠﻢ ﺑﻮﻩ ﻣﻦ ﺟﺪﻳﺪ ﺍﻟﺨﺪﻣﻪ ﻟﻔﺘﺮﺓ ﻣﺆﻗﺘﻪ ...
ﻭﺭﺗﺐ ﺍﻣﻮﺭ ﺳﻔﺮﻩ ﻹﻳﻄﺎﻟﻴﺎ ...
ﺍﻛﺜﺮ ﺑﻼﺩ ﻳﺤﺐ ﻳﺴﺎﻓﺮﻟﻬﺎ ..
🍁 ﺧﺶ ﻟﻠﺤﻮﺵ ..
ﺭﻣﻲ ﺳﺒﻴﺪﺭﻭﻩ ...
ﻭﺧﺶ ﺩﺍﺧﻞ ...
ﺟﻲ ﺧﺎﻃﻢ ﺣﺪﺍ ﺍﻟﺼﺎﻟﻪ ﺭﻱ ﺍﻣﻪ ﻭﺍﺧﺘﻪ ﻓﻴﻬﺎ ﻳﺘﻔﺮﺟﻮﺍ ﻉ ﻣﺴﻠﺴﻞ ..
ﺧﺸﻠﻬﻢ ...
ﻋﻤﺎﺩ : ﺍﻟﺴﻼﻡ ﻋﻠﻴﻜﻢ ..
ﻛﻔﺎﻳﻪ ﻭﻧﻮﺭﻫﺎﻥ ﺷﺒﺤﻮﻟﻪ ..
ﺭﺩﺕ ﻛﻔﺎﻳﻪ ﻭﻫﻲ ﺗﺘﻔﺤﺺ ﻓﻴﻪ ﺑﻨﻈﺮﻫﺎ : ﻭﻋﻠﻴﻜﻢ ﺍﻟﺴﻼﻡ .. ﻧﺤﻴﺖ ﺍﻟﺠﺒﺲ؟
ﺷﺒﺢ ﻟﻠﺘﻠﻔﺰﻳﻮﻥ ﻭﻫﺰ ﺭﺍﺳﻪ ﺑﺈﻳﺠﺎﺏ ﻭﻫﻮ ﻳﻘﻮﻝ : ﺍﻳﻪ ... ﻳﺎﻡ ﻏﺪﻭﺓ ﺑﻨﺘﺴﻘﺪ ﺇﻥ ﺷﺎﺀ ﺍﻟﻠﻪ ..
ﺗﻨﻬﺪﺕ ﻛﻔﺎﻳﻪ ﻭﻗﺎﻟﺖ : ﻋﻤﺎﺩ .. ﺷﻦ ﻓﻲ ﻭﻟﺪﻱ؟
ﻋﻤﺎﺩ ﺑﻨﺮﻓﺰﺓ : ﺷﻦ ﻓﻲ ﻳﺎﻡ ﻣﺎﻓﻲ ﺷﻲ ﺑﻨﺴﺎﻓﺮ ﺑﻨﻐﻴﺮ ﺟﻮﻱ ﺷﻦ ﻓﻴﻬﺎ؟ !!
ﻛﻔﺎﻳﻪ ﺍﺳﺘﻐﺮﺑﺖ ﻓﺄﺳﻠﻮﺑﻪ ﺟﺪﻳﺪ ﻋﻠﻴﻬﺎ .. ﺭﺩﺕ ﻭﻗﺎﻟﺖ : ﺑﺎﻫﻲ ﻭﻟﺪﻱ ﺳﺎﻓﺮ .. ﺗﻤﺸﻲ ﻭﺗﺠﻲ ﺳﺎﻟﻢ ﺇﻥ ﺷﺎﺀ ﺍﻟﻠﻪ ..
ﻋﻴﻮﻧﻪ ﻟﻤﻌﺖ ﻓﻴﻬﻢ ﺍﻟﺪﻣﻌﻪ ..
ﻭﻗﻠﺒﻪ ﻧﺨﺼﻪ ..
ﻛﻠﻤﺘﻬﺎ .. ﻭﻫﻮ ﻛﺎﻥ ﻭﻳﻦ ﻳﺴﻤﻌﻬﺎ ﻳﺮﺩ ﻓﺮﺩ ﻳﺨﻠﻴﻬﺎ ﺗﻘﻮﻟﻪ ﺑﺼﻮﺗﻬﺎ ﺍﻟﻤﻤﻴﺰ " ﻳﺎﺑﺎﺭﺩ .."
ﻃﻠﻊ ﻃﻮﻝ ﻣﻦ ﺣﺪﺍ ﺍﻣﻪ ﺩﻭﻥ ﻣﺎﺗﺴﻤﻊ ﻣﻨﻪ ﺍﻱ ﺭﺩ ..
ﻛﻔﺎﻳﻪ ﺑﻘﻠﻖ : ﻫﺎﻟﻮﻟﺪ ﻣﺶ ﺑﻼﺵ ﺣﺎﻟﻪ ﻫﺪﺍ ..
ﻧﻮﺭﻫﺎﻥ : ﺧﻴﺮﻩ ﻣﺎﻣﺎ ..
ﺷﺒﺤﺘﻠﻬﺎ ﻭﻗﺎﻟﺖ : ﺷﻲ ﺣﺒﻴﺒﺘﻲ ﺷﻲ .. ﺗﻔﺮﺟﻲ ..
ﺷﺒﺤﺘﻠﻬﺎ ﺷﻮﻳﻪ ﺑﻌﺪﻳﻦ ﺭﺟﻌﺖ ﺷﺎﻓﺖ ﻟﻠﺘﻠﻔﺰﻳﻮﻥ ..
ﺑﻴﻨﻤﺎ ﺍﻣﻬﺎ ﻗﻌﺪﺕ ﺗﺨﻤﻢ ﻓﻮﻟﺪﻫﺎ ..
🌴🌴🌴🌴🌴
ﻻﺻﺪﺭﻱ ﻳﺎﻟﻤﻴﺎ ...
ﻟﻤﻴﺎﺀ : ﺗﻤﺎﻡ ... ﺑﺎﻫﻲ ﻭﻏﺪﻭﻩ ﺷﻦ ﻧﻠﺒﺲ؟
ﻏﺎﻟﻴﻪ : ﺍﻟﻘﻔﻄﺎﻥ ﺍﻟﻠﻲ ﺧﺪﻳﻨﺎﻫﻠﻚ ﻓﻲ ﺍﻟﺒﻴﺎﻥ ﺷﻦ ﺭﺍﻳﻚ؟
ﻟﻤﻴﺎﺀ ﺑﺈﺑﺘﺴﺎﻣﻪ : ﺣﻠﻮ ...
ﺍﺑﺘﺴﻤﺖ ﻏﺎﻟﻴﻪ ..
ﻟﻤﻴﺎﺀ : ﻏﺎﻟﻴﻪ ..
ﺷﺒﺤﺘﻠﻬﺎ : ﻧﻌﻢ ..
ﻟﻤﻴﺎﺀ : ﺗﺨﻠﻴﻨﻲ ﻧﻄﻴﺐ ﻋﻠﻴﻚ ﺍﻟﻐﺪﻱ ﺍﻟﻴﻮﻡ ..
ﻏﺎﻟﻴﻪ : ﻻﻋﺎﺩ ﻣﺎﺯﺍﻝ ﺑﻜﺮﻱ ..
ﻟﻤﻴﺎﺀ ﺑﻀﺤﻜﻪ : ﺷﻦ ﻣﺎﺯﺍﻝ ﻫﺎﺩﻱ ﺧﻼﺹ ﺻﻜﺮﺕ ﺷﻬﺮ ﻭﻓﻮﻕ ﻳﺨﻲ ..
ﻉ ﺧﺸﺔ ﺣﻤﻴﺪﻩ : ﺍﻳﻪ ﺧﻠﻴﻨﺎ ﻧﺬﻭﻗﻮﺍ ﻃﻴﺎﺑﻬﺎ ..
ﺷﺒﺤﺖ ﻏﺎﻟﻴﻪ ﻟﺤﻤﻴﺪﻩ ﺑﻌﺪﻳﻦ ﺷﺒﺤﺖ ﻟﻠﻤﻴﺎﺀ ﻭﻗﺎﻟﺖ : ﻛﺎﻥ ﺗﺒﻲ ﻫﻜﻲ ﺑﺎﻫﻲ ..
ﺍﺑﺘﺴﻤﺖ ﻭﻗﺎﻟﺖ : ﺑﺎﻫﻲ ﺷﻦ ﺍﻟﻐﺪﻱ ﺍﻟﻴﻮﻡ؟ﺭﺯ ﻭﻻ؟
ﻏﺎﻟﻴﻪ ﺑﺈﺑﺘﺴﺎﻣﻪ : ﺍﻳﻪ ..
ﻟﻤﻴﺎﺀ : ﺗﻤﺎﻡ ..
ﺣﻤﻴﺪﻩ ﺷﺒﺤﺖ ﻟﻐﺎﻟﻴﻪ ﻭﺍﺑﺘﺴﻤﺖ ﺑﺸﻲ ﻣﻦ ﺍﻟﻔﺨﺮ .. ﺑﻤﻌﻨﻲ ﺭﻳﺘﻮﻫﺎ ﺍﻟﻠﻲ ﻣﺶ ﻋﺎﺟﺒﺘﻜﻢ ..
ﻏﺎﻟﻴﻪ ﻏﻴﺮﺕ ﻋﻴﻮﻧﻬﺎ ﻟﻠﺘﻠﻔﺰﻳﻮﻥ ﻭﻫﻲ ﻣﺒﺘﺴﻤﻪ ..
ﻏﻴﺮﺕ ﻓﻜﺮﺗﻬﺎ ﻋﻦ ﻟﻤﻴﺎﺀ ﺑﻌﺪ ﻛﺎﻧﺖ ﻭﺍﺧﺪﻩ ﻣﻨﻬﺎ ﻣﻮﻗﻒ ﻭﻋﺠﺒﺘﻬﺎ ﻫﻠﺒﻪ ..
ﺑﻴﻨﻤﺎ ﺍﻟﺤﺎﺟﻪ ﻓﺎﻃﻤﻪ ﺍﻟﻠﻲ ﻛﺎﻧﺖ ﻣﻘﻌﻤﺰﺓ ﺗﺴﺒﺢ ﻉ ﺻﻼﻳﺘﻬﺎ ﺑﻌﺪ ﺻﻠﺖ ﺍﻟﻀﺤﻰ .. ﻭﺳﻤﻌﺖ ﻛﻼﻡ ﻟﻤﻴﺎﺀ ﻗﺎﻟﺖ ﻓﻨﻔﺴﻬﺎ ..
" ﻣﺎﺗﺒﻲ ﺗﻘﺴﻢ .. ﺑﻴﺶ ﻣﺎﺗﺼﺮﻓﺶ ."
🍁🍁🍁🍁
ﻓﻲ ﺇﺣﺪﻯ ﺍﻟﻌﻴﺎﺩﺍﺕ
ﻭﻳﻦ ﻣﺎﻳﺨﺪﻡ ﻣﺎﻟﻚ ...
ﺍﻟﻠﻲ ﻛﺎﻥ ﻭﺍﻗﻒ ﻉ ﺧﻮﻩ ﻓﻲ ﺍﻟﻤﻤﺮ ﻭﻳﻬﺪﺭﺯ ...
ﻣﺮﻭﺍﻥ : ﻋﻠﻤﻲ ﻋﻠﻤﻚ ..
ﻣﺎﻟﻚ ﺑﺮﻓﻌﺔ ﺣﺎﺟﺐ : ﺍﺩﺱ ﻳﺎﻣﺮﻭﺍﻥ .
ﻣﺮﻭﺍﻥ : ﻣﺎﻋﻨﺪﻱ ﻣﺎﻧﺪﺱ .. ﻭﻛﺎﻥ ﻓﻲ ﺣﺎﺟﻪ ﻣﺪﺳﻮﺳﻪ ﺳﻴﺮﻭﻫﺎ ﺗﻄﻠﻊ ..
ﻣﺎﻟﻚ ﺷﺒﺤﻠﻪ ﺷﻮﻳﻪ ﺑﻌﺪﻳﻦ ﻗﺎﻝ : ﺗﻤﺎﻡ .. ﻭﺧﻠﻴﻚ ﻣﺬﻛﺮﻫﺎ ﻫﺎﺩﻱ ..
ﻗﺎﻝ ﻛﻼﻣﻪ ﻭﻫﻮ ﻳﺄﺷﺮ ﺑﺼﺒﻌﻪ ﻉ ﺭﺍﺳﻪ
ﺑﻌﺪﻳﻦ ﻣﺸﻲ ﻭﺧﻼﻩ
ﺗﻨﻬﺪ ﻣﺮﻭﺍﻥ .. ﻭﺑﻌﺪﻫﺎ .. ﻟﻒ ﻭﻣﺸﻲ ﻓﺠﻬﺔ ﺍﺧﺮﻯ
🍁🍁🍁🍁
ﻭﺍﻟﻠﻲ ﻳﺘﻜﻠﻤﻮﺍ ﻋﻠﻴﻪ ..
ﻣﺘﻜﻲ ﻓﻲ ﺳﺮﻳﺮﻩ ..
ﻓﻴﺪﻩ ﺻﻮﺭﻩ ﻳﺘﻔﺮﺝ ﻋﻠﻴﻬﺎ ...
ﻳﺘﺄﻣﻞ ﻓﻴﻬﺎ ﺑﺸﻮﻕ ﻭﺃﻟﻢ ...
ﻭﺩﻣﻮﻉ ﺗﻨﺰﻝ ..
ﺍﻟﺼﻮﺭﺓ ﺍﻟﻠﻲ ﺧﺪﺍﻫﺎﻟﻬﺎ ﺩﻭﻥ ﻗﺼﺪ ..
ﺍﻳﻪ ﻣﻔﺮﻭﺽ ﻣﺎﺗﻘﻌﺪﺵ ﻋﻨﺪﻩ ﻭﻻ ﻟﻴﻪ ﺍﻱ ﺣﻖ ﺍﻧﻪ ﻳﺘﺄﻣﻠﻬﺎ ..
ﻟﻜﻦ ﺍﻟﻠﻲ ﻫﻮ ﻓﻴﻪ ﻛﺎﻥ ﻻﻏﻲ ﻛﻞ ﺍﻟﻘﻮﺍﻧﻴﻦ .. ﻭﺍﻟﻘﻮﺍﻋﺪ ...
🍁 ﻳﺘﺄﻣﻞ ﻭﻳﺴﺄﻝ ﻓﻲ ﻧﻔﺴﻪ ...
ﺷﻦ ﺩﺭﺗﻠﻬﺎ ﺑﺶ ﺩﺍﺭﺕ ﻓﻴﺎ ﻫﻜﻲ ..
ﻋﻼﺵ ﺩﺍﺭﺕ ﻫﻜﻲ ...
ﺟﺎﻭﺏ ﻧﻔﺴﻪ ﻃﻮﻝ ..
ﺍﻧﻬﺎ ﻋﻤﺮﻫﺎ ﻣﺎﻛﻨﺘﻠﻪ ﻣﺸﺎﻋﺮ ﺣﻘﻴﻘﻴﻪ ..
ﻻﻧﻬﺎ ﻟﻮ ﺗﺤﺒﻪ ﻓﻌﻼ ﻣﺎﻛﺎﻧﺘﺶ ﺩﺍﺭﺕ ﻓﻴﻪ ﺍﻟﻠﻲ ﺩﺍﺭﺗﻪ ..
ﻭﻏﻴﺮ ﻫﻜﻲ ..
ﻷﻧﻬﺎ ﺍﻧﺴﺎﻧﻪ ﻣﺘﻜﺒﺮﻩ ﻗﺎﺳﻴﻪ ﻓﻴﻬﺎ ﻏﺮﻭﺭ ﻛﺒﻴﺮ ..
ﺣﺒﺖ ﺍﻫﺘﻤﺎﻣﻪ ﺑﻴﻬﺎ ﻭﺑﺲ ...
ﻛﺎﻥ ﻭﺟﻮﺩﻩ ﻓﺤﻴﺎﺗﻬﺎ ﻳﺮﺿﻲ ﻓﻐﺮﻭﺭﻫﺎ ﻻﺍﻛﺜﺮ ..
ﻭﺟﻌﺎﺗﻪ ﺭﻭﺣﻪ ...
ﺟﺎﻱ ﺑﻴﻤﺰﻕ ﺍﻟﺼﻮﺭﺓ ..
ﻗﻠﺒﻪ ﻣﺎﻃﺎﻭﻋﺎﺵ ..
ﻓﺘﺢ ﻗﺠﺮﺍﻟﻜﺎﻣﺪﻳﻨﻮ ﺍﻟﻠﻲ ﺣﺪﺍﻩ ﺣﻄﻬﺎ ﻓﻴﻪ ﻭﺻﻜﺮﻩ ﺑﻌﺼﺒﻴﻪ ..
ﺑﻌﺪﻳﻦ ﺗﻤﺪﺩ ﻉ ﺳﺮﻳﺮﻩ ..
ﻭﻏﻤﺾ ﻋﻴﻮﻧﻪ ﺑﻐﻀﺐ ﻭﺩﻣﻮﻋﻪ ﻣﺎﺯﺍﻟﻮ ﻳﻨﺰﻟﻮﺍ ..
🍁🍁🍁🍁
ﺍﻟﺴﺎﻋﻪ 5:00 ﻋﺼﺮﺍ ...
ﺷﻨﻮ؟ !!!
ﺳﻌﺪ ﺑﻀﻴﻖ : ﺍﻟﻠﻲ ﺳﻤﻌﺘﻴﻪ ..
ﻛﻔﺎﻳﻪ ﺑﺼﺪﻣﻪ : ﻋﻼﺵ؟ !!
ﺳﻌﺪ : ﻗﺎﻝ ﻭﻟﺪﻙ ﻣﻌﺎﺭﺽ ﺗﻜﻤﻞ ﻗﺮﺍﻳﺘﻬﺎ ﻭﻫﻲ ﻣﺘﻤﺴﻜﻪ ﺑﻴﻬﺎ ...
ﻛﻔﺎﻳﻪ : ﻗﺮﺍﻳﺘﻬﺎ؟ !!
ﺳﻌﺪ ﺗﻨﻬﺪ ﻭﻗﺎﻝ : ﻛﻠﻪ ﻧﺼﻴﺐ .. ﻭﻣﺸﻲ ﻃﻮﻝ ﻣﺘﻮﺟﻪ ﻟﺪﺍﺭ ﻭﻟﺪﻩ ..
ﻭﻛﻔﺎﻳﻪ ﻣﻌﺎﻩ ﻭﻣﺎﺯﺍﻟﺖ ﻣﺶ ﻣﺼﺪﻗﻪ ﺍﻟﻠﻲ ﺳﻤﻌﺎﺗﻪ ..
ﻭﺻﻠﻮﺍ ﻓﺪﺍﺭﻩ ..
ﻛﻴﻒ ﺟﺎﻱ ﺳﻌﺪ ﺑﻴﻄﻖ ﺍﻟﺒﺎﺏ ﺍﻧﻔﺘﺢ ..
ﻫﻮ ﺗﻔﺎﺟﺄ ﻟﻤﺎ ﺷﺎﻓﻬﻢ ﻭﺍﻗﻔﻴﻦ ﻗﺪﺍﻡ ﺑﺎﺏ ﺩﺍﺭﻩ ..
ﺿﻴﻖ ﻋﻴﻮﻧﻪ ﻭﻗﺎﻝ : ﺷﻦ ﻓﻲ؟
ﺍﻟﺰﻭﺯ ﺳﺎﻛﺘﻴﻦ ﻭﻳﺸﺒﺤﻮﻟﻪ ..
ﻋﻤﺎﺩ ﺑﺈﺳﺘﻐﺮﺍﺏ : ﺧﻴﺮﻛﻢ؟
ﺳﻌﺪ : ﻛﻠﻤﻨﻲ ﺧﺎﻟﻚ ﻣﻴﻼﺩ ..
ﻭﺟﻬﻪ ﺍﻧﺨﻄﻒ ﻟﻮﻧﻪ ..
ﺳﻌﺪ : ﻗﺎﻝ ﺑﻴﻦ ﻭﻟﺪﻙ ﻭﺑﻨﺘﻲ ﻣﺎﻓﻴﺶ ﻧﺼﻴﺐ ..
ﻃﻌﻨﻪ ﺗﺎﻧﻴﻪ ... ﻟﺤﻘﺖ ﺍﻷﻭﻟﻰ ..
ﻣﺎﺑﻌﺪﻩ ﻫﺎﻟﻘﻠﺐ ﻗﺪﺍﺵ ﻣﺘﻠﻘﻲ ...
ﺭﻣﺶ ﻋﻴﻮﻧﻪ ﻭﻫﻮ ﻣﻀﻴﻘﻬﻢ ﻭﻗﺎﻝ : ﺑﺎﻫﻲ ..
ﺍﻣﻪ ﺑﺼﺪﻣﻪ : ﺑﺎﻫﻲ ! ؟
ﻋﻤﺎﺩ : ﺍﻳﻪ .. ﺑﺎﻫﻲ ..
ﻭﻓﺎﺕ ﻭﻣﻦ ﺣﺪﺍﻫﻢ ﻭﻣﺸﻲ ..
ﻭﻫﻤﺎ ﺍﻟﺰﻭﺯ ﻻﺣﻘﻴﻨﻪ ﺑﻌﻴﻮﻧﻬﻢ ﺍﻟﻠﻲ ﺗﺸﻮﻓﻠﻪ ﺑﺄﻟﻢ ...
🍁 ﻧﺰﻝ ﻣﻦ ﺍﻟﺪﺭﻭﺝ ﻭﻫﻮ ﻳﺒﻠﻊ ﻓﺮﻳﻘﻪ ﻳﺒﻲ ﻳﺒﻜﻲ ﺑﺲ ﻣﺶ ﻗﺎﺩﺭ
ﺍﺳﺘﺨﺴﺮ ﻓﻴﻬﺎ ﺩﻣﻌﻪ ﺗﻨﺰﻝ ﻣﻦ ﻋﻴﻨﻪ ..
ﻭﻗﻠﺒﻪ ﻟﺤﻈﺘﻬﺎ ﺧﺪﻱ ﻣﻨﻬﺎ ﻣﻮﻗﻒ ﻗﻮﻱ ..
🍁🍁🍁
ﺍﻧﺘﺸﺮ ﺍﻟﺨﺒﺮ ﺍﻟﻠﻲ ﺻﺪﻡ ﺍﻏﻠﺐ ﺍﻟﻠﻲ ﺳﻤﻌﻮﻩ ..
ﻭﺃﻭﻟﻬﻢ ﻏﺎﻟﻴﻪ ..
ﻓﻲ ﺩﺍﺭ ﺭﺯﺍﻥ ﺍﻟﻤﺴﻜﺮﻩ ..
ﻏﺎﻟﻴﻪ ﺑﻐﻀﺐ : ﺍﻧﺘﻲ ﺭﺍﻙ ﻣﺶ ﻃﺒﻴﻌﻴﻪ ﺑﻜﻞ .. ﺗﺼﺮﻓﺎﺗﻚ ﺗﺼﺮﻓﺎﺕ ﺍﻧﺴﺎﻧﻪ ﻣﺮﻳﻀﻪ .. ﻣﻌﻘﻮﻟﻪ ﻫﻜﻲ !!! ﺗﻠﻌﺒﻲ ﺑﻴﻪ ﻛﻨﺘﻲ .. ﻋﻤﺮﻙ ﻣﺎﺣﺒﻴﺘﻴﻪ ﻋﻤﺮﻙ .. ﻭﺍﻟﻠﻪ ﺧﺴﺎﺭﺓ ﻓﻴﻚ ﺍﻛﺒﺮ ﺧﺴﺎﺭﺓ ...
ﻫﻲ ﺍﻧﻬﺎﺭﺕ ﺗﻤﺎﻣﺎ ﻭﻗﻌﺪﺕ ﺗﻘﻮﻝ ﺑﺒﻜﻲ : ﺣﺮﺍﺍﺍﻡ ﻋﻠﻴﻚ ﻭﺍﻟﻠﻪ ﺣﺮﺍﻡ .. ﻭﺍﻟﻠﻪ ﻣﺎﻛﺬﺑﺖ ﻣﻨﻴﻦ ﻗﻠﺖ ﻧﺤﺒﻪ .. ﻧﺤﺒﻪ ﻭﺍﺟﺪ ﺭﺍﻧﻲ ﻧﻤﻮﺕ ﻓﻴﻪ ﻳﺎﻋﻤﺘﻲ .. ﻣﻮﺕ ... ﻟﻜﻦ ﺑﺨﺘﻲ ﺍﻻﺣﺮﻑ ﺑﺨﺘﻲ ﻭﻗﻠﺔ ﺣﻈﻲ .. ﻭﻗﻌﺪﺕ ﺗﺨﺒﻂ ﻉ ﻭﺟﻬﻬﺎ ..
ﻏﺎﻟﻴﻪ ﺍﻧﺼﺪﻣﺖ ﺑﻘﻮﺓ .. ﺟﺘﻬﺎ ﺷﺪﺕ ﺍﻳﺪﻳﻬﺎ ﺑﻘﻮﺓ ﻭﻫﻲ ﺗﻘﻮﻝ : ﺭﺯﺍﻥ !
ﺭﺯﺍﻥ ﺑﺎﻟﻌﺒﺮﺓ : ﻣﺶ ... ﻣﻨﻲ ... ﻭﺍﻟﻠﻪ ... ﻣﺎﻣﻨﻲ ... ﻭﺍﻟﻠﻪ ..
ﺯﺍﺩﺕ ﻏﺎﻟﻴﻪ ﺧﺎﻓﺖ ... ﺣﻀﻨﺘﻬﺎ ﻭﻫﻲ ﺗﻘﻮﻝ : ﺑﺎﻫﻲ ﺧﻼﺹ .. ﺧﻼﺹ ﺍﻫﺪﻱ ...
ﻭﺭﺯﺍﻥ ﺗﺒﻜﻲ ﻓﺤﻀﻦ ﻋﻤﺘﻬﺎ ﺑﺎﻟﻌﺒﺮﻩ
💔💔💔💔
ﺳﻜﺮﺕ ﺭﺍﺳﻬﺎ ﻳﺎﺍﻣﺎﻝ ..
ﺍﻣﺎﻝ : ﺧﻠﻴﻬﺎ ﺗﻮ ﺗﻨﺪﻡ ...
ﺳﻌﻴﺪﻩ ﺑﻀﻴﻖ : ﻭﺍﻧﻲ ﻣﺎﻧﺒﻲ ﻟﺒﻨﺘﻲ ﺗﻨﺪﻡ ﻳﺎﺃﻣﺎﻝ ﺧﺎﻳﻔﻪ ﻋﻠﻴﻬﺎ ﻣﻦ ﻧﺪﻣﺘﻬﺎ ﻋﻠﻴﻪ ﺑﻌﺪﻳﻦ ..
ﺍﻣﺎﻝ : ﺗﺘﺤﻤﻞ ﻣﺴﺆﻭﻟﻴﺔ ﻗﺮﺍﺭﻫﺎ ..
ﺣﺪﻫﻢ ﻓﻲ ﺍﻟﻜﻮﺟﻴﻨﻪ ﻛﺎﻧﺖ ﺗﺴﻤﻊ ﻓﻜﻼﻡ ﻋﻤﺎﺗﻬﺎ ﻭﻣﺼﺪﻭﻣﻪ ﺣﺘﻰ ﻫﻲ ...
ﺑﺲ ﻓﻨﻔﺲ ﺍﻟﻮﻗﺖ ﻓﻜﺮﺕ ﺍﻥ ﻣﻤﻜﻦ ﺗﻜﻮﻥ ﺭﺯﺍﻥ ﻭﺍﺟﻬﺖ ﻋﻤﺎﺩ ﻭﺗﺄﻛﺪﺕ ﻣﻦ ﺍﻟﻘﺼﻪ ﺍﻟﻠﻲ ﻗﺎﻟﺘﻠﻬﺎ ﻋﻠﻴﻬﺎ ..
ﺣﺪﻫﻢ " ﺍﻓﺘﻜﺖ ﻣﻨﻪ ﻛﺎﻥ ﻫﻜﻲ .."
🍁🍁🍁
ﻭﻟﻴﺶ ﺗﻘﻮﻟﻲ ﺍﻳﻪ ﻟﻴﺶ ﻳﺎﻏﺒﻴﻪ؟
ﺭﺯﺍﻥ ﺑﺒﻜﻲ : ﻟﻮ ﻗﺘﻠﻪ ﻻ .. ﻣﺶ ﺑﻌﺪﻳﻦ ﺣﻴﺴﺄﻟﻨﻲ ﻋﻦ ﺍﻟﻤﺤﺎﺩﺛﺎﺕ ﻭﺍﻧﻲ ﻭﻗﺘﻬﺎ ﻣﺶ ﺣﻨﻘﻮﻟﻪ ﺍﻟﻠﻲ ﻛﻨﺖ ﻧﺎﻭﻳﺘﻬﻠﻪ ﺷﻦ ﺣﺘﻜﻮﻥ ﺭﺩﺓ ﻓﻌﻠﻪ ﻓﻨﻈﺮﻙ ﺗﺮﺍ ﻗﻮﻟﻲ .. ؟
ﻏﺎﻟﻴﻪ : ﻳﺰﻋﻞ ﻣﻨﻚ ﺻﺢ ﺑﺲ ﺣﻴﻔﻬﻢ ﻣﻮﻗﻒ ﻭﺣﻴﻠﻘﺎﻟﻚ ﺑﺪﺍﻝ ﺍﻟﻌﺬﺭ ﺃﻟﻒ .. ﻻﻧﻪ ﻳﻤﻮﺕ ﻓﻴﻚ ﻳﺎﻏﺒﻴﻪ ﻳﺎﺣﻤﺎﺭﺓ ... ﻟﻜﻦ ﺑﺎﻟﻠﻲ ﺩﺭﺗﻴﻪ ﻫﺪﻯ ﺧﻼﺹ ﺍﻧﺴﻲ .. ﻭﻛﺎﻥ ﺗﺬﻛﺮﻱ ﻗﺒﻞ ﻗﺘﻠﻚ ﻣﺶ ﺣﻴﻌﻔﺲ ﻉ ﻛﺮﺍﻣﺘﻪ ﻭﺍﺟﺪ .. ﺑﻌﺪ ﺍﻟﻠﻲ ﺻﺎﺭ ﻭﺭﺍﺳﻚ ﻣﻌﺎﺩ ﻳﻔﻀﻠﻚ ﻉ ﻛﺮﺍﻣﺘﻪ ﺍﻛﺜﺮ ﻣﻦ ﻫﻜﻲ ...
ﻣﺎﻛﺎﻥ ﻋﻨﺪﻫﺎ ﺷﻲ ﺗﺮﺩ ﺑﻴﻪ ﻉ ﻋﻤﺘﻬﺎ ﻏﻴﺮ ﺍﻟﺒﻜﻲ ﻭﺑﺲ ..
🍁🍁🍁🍁
ﻭﻃﻲ ﺻﻮﺗﻚ ﻳﺎﻣﺨﺘﺸﻪ ..
ﺳﻨﺎﺀ : ﻫﻬﻬﻬﻬﻬﻬﻬﻪ ... ﻭﻭﻭﻭﻩ ..
ﻟﻤﻴﺎﺀ ﺑﻀﺤﻜﻪ : ﺑﺎﻫﻲ ﺗﻮﺍ ﺧﻠﻴﻨﺎ ﻓﻲ ﺍﻟﻤﻬﻢ .. ﺷﻦ ﺑﺪﻳﺮﻱ ﻳﺎﻓﺎﻟﺤﻪ ..
ﺳﻨﺎﺀ : ﺗﻮﺍ ﻣﺶ ﻣﺪﺍﻳﺮﺓ ﺷﻲ ... ﺑﻌﺪﻳﻦ ﻧﺪﻳﺮ ...
ﻟﻤﻴﺎﺀ ﺑﻀﺤﻜﻪ : ﺗﻌﺠﺒﻴﻨﻲ ...
ﺳﻨﺎﺀ ﺿﺤﻜﺖ ﻭﻗﺎﻟﺖ : ﻋﻴﺐ ﻋﺎﺩ ﺣﺘﻰ ﺍﻧﻲ ﺍﺧﺘﻚ ..
ﻟﻤﻴﺎﺀ : ﻫﻬﻬﻬﻬﻬﻬﻪ
🍁 ﺑﻌﺪ ﻛﻤﻠﺖ ﻣﻊ ﺍﺧﺘﻬﺎ ﻣﻜﺎﻟﻤﺔ ﺍﻹﺣﺘﻔﺎﻻﺕ ﻭﺍﻟﺨﻄﻂ ..
ﺧﺪﺕ ﻣﻜﻴﺎﺟﻬﺎ ﻭﺷﻨﻄﺔ ﺑﺪﻟﺘﻬﺎ ﺍﻟﻜﺒﻴﺮﺓ ..
ﻭﻣﺸﺖ ﻃﻠﻌﺖ ﺑﻴﻬﻢ ﻣﻦ ﺍﻟﺤﻮﺵ ...
ﻣﺘﻮﺟﻪ ﻟﻮﻃﺎ ﻟﺤﻤﻴﺪﻩ ﺗﺤﺪﻳﺪﺍ ﺑﺶ ﺗﻤﻜﻴﺠﻬﺎ ﻭﺗﻠﺒﺴﻬﺎ ..
ﺍﻟﻌﺮﺱ ﺍﻟﻠﻲ ﻣﺎﺷﻴﻴﻦ ﻳﺤﻀﺮﻭﻩ ..
ﻋﺮﺱ ﻋﻢ ﺑﻠﻘﻴﺲ ﺍﻟﺼﻐﻴﺮ ..
ﺍﻭﻝ ﻋﺮﺱ ﺗﺨﺸﻪ ﻟﻤﻴﺎﺀ ﺑﻌﺪ ﺗﺰﻭﺟﺖ ..
🍁🍁🍁🍁
ﺣﺸﺎ ﺍﻟﻨﻌﻤﻪ ﻳﺎﺭﺍﺟﻞ ﻫﺪﻯ ﺷﻨﻮ ..
ﺍﻟﻬﺎﺩﻱ ﺑﻀﺤﻜﻪ : ﺧﻴﺮﻩ؟
ﻣﺤﻤﺪ : ﺍﻳﻜﺎﻝ ﺍﻟﻤﺴﺘﺸﻔﻴﺎﺕ ﻣﺎﺯﺍﻝ ﺍﻃﻌﻢ .. ﺍﻟﻄﺒﻴﺨﻪ ﺑﻴﻀﺎ ﺻﺎﻣﺘﻪ ﺍﻟﺮﺯ ﺣﺒﺔ ﺑﺤﺒﻪ .. ﺍﻟﺤﻤﺺ ﻣﺶ ﻣﻔﻬﻮﻡ ﻭﺿﻌﻪ ﻛﺎﻧﻬﻮ ﻃﺎﻳﺐ ﻭﻻ ﻧﻲ ... ﻓﺴﺎﺩ ﻧﻌﻤﻪ ﻭﺧﻼﺹ .
ﺍﻟﻬﺎﺩﻱ : ﻫﻬﻬﻬﻬﻬﻪ ... ﺣﻲ ﻉ ﻋﻤﺮ ﺣﻲ ..
ﻣﺤﻤﺪ : ﻗﻮﻝ ﺣﻲ ﻋﻠﻴﻨﺎ ﺣﻨﻲ ﻭﺣﻲ ﻛﺎﻥ ﺑﺘﺸﺪﻫﺎ ﺗﻄﻴﻴﺐ ﻟﻮﻃﺎ ﺑﻴﺠﻴﻨﻲ ﻣﻦ ﻭﺭﺍﻫﺎ ﻓﻘﺮ ﺩﻡ ..
ﺍﻟﻬﺎﺩﻱ ﺿﺤﻚ ﻭﻗﺎﻝ؛ﻛﺎﻥ ﺍﻟﻠﻪ ﻓﻌﻮﻧﻜﻢ ...
🍁🍁🍁
ﺗﺴﻠﻢ ﺍﻳﺪﻳﺎﺗﻚ ﻛﻴﻒ ﺍﻟﻌﺴﻞ ..
ﻟﻤﻴﺎﺀ ﺑﺈﺑﺘﺴﺎﻣﻪ : ﺻﺤﺘﻴﻦ ..
ﻏﺎﻟﻴﻪ ﻭﻫﻲ ﺍﺩﻳﺮ ﻓﻲ ﺍﻟﻤﺴﻜﺮﺓ ﻗﺎﻟﺖ ﻓﻨﻔﺴﻬﺎ " ﻳﺎﺭﺑﻲ ﺳﺎﻣﺤﻨﻲ "
ﺣﻤﻴﺪﻩ ﻭﻫﻲ ﺗﻠﺒﺲ ﻓﻠﻤﻴﺎﺀ ﺍﻟﺸﻨﺒﻴﺮ " ﺑﺘﺒﺪﺍ ﻏﺎﻟﻴﻪ ﺗﺠﺎﻣﻞ ﻭﺗﺴﺎﻳﺮ ﻛﻴﻒ ﻋﺎﺩﺗﻬﺎ " .. ﻭﺷﺪﺕ ﺿﺤﻜﺘﻬﺎ ..
ﻟﻤﻴﺎﺀ : ﺑﻮﻱ ﻳﺤﺐ ﺍﻟﺮﺯ ﻣﺘﺎﻋﻲ ﻫﻠﺒﻪ ﺩﻳﻤﺎ ﻳﻘﻮﻝ ﺗﻄﻴﻴﺐ ﻟﻤﻴﺎﺀ ﺑﻨﺘﻲ ﻣﺎﻓﻴﺶ ﻣﻨﻪ ..
ﻏﺎﻟﻴﻪ " ﻳﺎﻫﻲ ﺑﻠﻌﻮﻃﻪ ﻳﺎﺑﻮﻫﺎ ﻣﺎﻳﻌﺮﻑ ﻳﺎﻛﻞ :" ﺭﺑﻲ ﻳﻄﻮﻝ ﻓﻌﻤﺮﻩ ..
ﺣﻤﻴﺪﻩ " ﻋﻠﻴﻚ ﺑﻠﻌﻮﻃﻪ :" ﺍﻫﻮ ﺧﻼﺹ ﺗﻤﻴﺖ ..
ﺍﺑﺘﺴﻤﺖ ﻭﻣﺸﺖ ﻟﻠﻤﺮﺍﻳﺎ ﺗﺸﻮﻑ ﻓﺮﻭﺣﻬﺎ : ﺍﻟﻠﻪ ... ﺗﺴﻠﻢ ﺍﻳﺪﻳﺎﺗﻚ ﻳﺎﻣﻴﺪﺍ ..
ﺣﻤﻴﺪﻩ : ﺇﻥ ﺷﺎﺀ ﺍﻟﻠﻪ ﺑﺼﺤﻪ ﻋﻠﻴﻚ ..
ﻟﻤﻴﺎﺀ : ﺗﺴﻠﻤﻲ ..
ﺍﺑﺘﺴﻤﺖ ﻣﺠﺎﻣﻠﻪ ﻭﻃﻠﻌﺖ ﻣﻦ ﺣﺪﺍﻫﻢ ﻭﻫﻲ ﺗﻨﺎﺩﻱ : ﺣﻨﻴﻴﻦ .. ﻳﺎﺣﻨﻴﻴﻦ ..
ﻟﻤﻴﺎﺀ : ﻭﺍﺟﻌﺘﻨﻲ ﻟﻴﻦ ﺧﻼﺹ ..
ﺗﻨﻬﺪﺕ ﻏﺎﻟﻴﻪ ﺑﺄﻟﻢ ..
ﻟﻤﻴﺎﺀ : ﻫﺪﺍ ﺭﺍﻫﻮ ﻣﻴﻪ ﻓﺎﺍﻟﻤﻴﻪ ﻭﺍﺧﺪ ﻋﻠﻴﻬﺎ ..
ﻏﺎﻟﻴﻪ : ﻛﻠﻨﺎ ﻋﺎﺭﻓﻴﻦ ﻟﻜﻦ ﻣﺎﻧﺎﺵ ﻋﺎﺭﻓﻴﻦ ﻟﻴﺶ ﻳﺘﺼﺮﻑ ﻫﻜﻴﺪﻳﺎ ..
ﻟﻤﻴﺎﺀ : ﻧﻘﻮﻟﻚ ﺍﻟﻠﻲ ﺍﻧﻲ ﻧﻔﻜﺮ ﻓﻴﻪ ..
ﺷﺒﺤﺘﻠﻬﺎ ﻭﻗﺎﻟﺖ : ﺷﻨﻮ؟
ﻟﻤﻴﺎﺀ : ﻣﻌﺎﺵ ﻳﺒﻴﻬﺎ .. ﻳﺒﻲ ﻳﻄﻠﻖ ..
ﻗﻠﺐ ﻏﺎﻟﻴﻪ ﺍﻧﻘﺒﺾ ﺑﺎﻟﻘﻮﺓ ﻭﻗﻌﺪﺕ ﺗﻔﻜﺮ ﻓﻜﻼﻡ ﻟﻤﻴﺎﺀ ﻓﻌﻼ ﻫﻮ ﻫﺪﺍ ﺍﻟﺘﻔﺴﻴﺮ ﺍﻟﻮﺣﻴﺪ ﻟﺘﺼﺮﻓﺎﺕ ﺍﻟﺼﺪﻳﻖ ...
🍁🍁🍁
ﺑﻌﺪ ﻛﻤﻠﻮﺍ ﺗﺠﻬﻴﺰ ﺍﻧﻔﺴﻬﻢ ..
ﻣﺸﻮﺍ ﻛﻠﻬﻢ ﻓﺴﻴﺎﺭﺓ ﻋﻤﺮ ..
ﺑﺮﻏﻢ ﺍﻥ ﺍﻟﻄﺮﻳﻖ ﻣﺶ ﻃﻮﻳﻠﻪ ﻟﻜﻦ ﻷﻥ ﻟﻤﻴﺎﺀ ﻣﺼﺪﺭﺓ ﺭﻓﻌﻬﻢ ﺑﺎﻟﺴﻴﺎﺭﺓ ..
ﺍﺳﺘﻘﺒﻠﻮﻫﻢ ﻧﺠﺎﺓ ﻭﺑﻠﻘﻴﺲ ...
ﻻﺣﻈﺖ ﻟﻤﻴﺎﺀ ﺍﺳﻠﻮﺏ ﺑﻠﻘﻴﺲ .. ﻭﻛﻴﻒ ﻫﻤﺎ ﻳﻬﺪﺭﺯﻭﺍ ﻭﻳﻀﺤﻜﻮﺍ ﻭﻣﻨﺴﺠﻤﻴﻦ ﻣﻌﺎﻫﺎ ..
ﻃﺎﺭﺗﻠﻬﺎ ..
ﻫﻲ ﻣﺨﻄﻄﻪ ﺗﻜﻮﻥ ﺍﻟﻜﻞ ﻓﻲ ﺍﻟﻜﻞ ﻓﻲ ﻋﻴﻠﺔ ﺭﺍﺟﻠﻬﺎ ﻭﺍﻟﻜﻨﻪ ﺍﻟﻤﻔﻀﻠﻪ ﻋﻨﺪﻫﻢ ﺑﺲ ﺍﻟﺒﺎﻳﻦ ﺑﻠﻘﻴﺲ ﺣﺘﻔﺸﻠﻠﻬﺎ ﻫﺎﻟﻤﺨﻄﻂ ..
ﻭﺻﻠﺖ ﻓﻴﻬﺎ ..
ﺑﻠﻘﻴﺲ ﺑﺈﺑﺘﺴﺎﻣﻪ : ﺍﻫﻼ ﺑﺎﻟﻌﺮﻭﺱ ..
ﻟﻤﻴﺎﺀ ﻣﻦ ﻓﻮﻕ ﻣﻨﺎﻓﺴﻬﺎ ﺭﺩﺕ : ﺍﻫﻠﻴﻦ .. ﻭﺳﻠﻤﺖ ﺑﺎﻟﻴﺪ ﺑﺲ ..
ﻭﻣﺸﺖ ..
ﺑﻠﻘﻴﺲ ﺭﻓﻌﺖ ﺣﺎﺟﺒﻬﺎ ﻭﻫﻲ ﺗﺸﻮﻓﻠﻬﺎ " ﺧﻴﺮﻫﺎ ﻫﺪﻱ؟ "!!
🍁🍁🍁
ﻏﻴﺮ ﺩﻗﻴﻘﻪ !! ﻛﻴﻒ ﺷﺎﻓﻬﻢ ﺍﻟﻤﺤﺎﺩﺛﺎﺕ؟
ﺭﺯﺍﻥ ﻭﻫﻲ ﺗﺮﺷﻒ : ﺷﻜﻠﻪ ﻣﻬﻜﺮ ﺍﻳﻤﻴﻠﻲ ... ﻗﺪﻳﺶ ﻟﻴﻪ ﻳﻘﻮﻟﻲ ﺻﻜﺮﻳﻪ ﺣﺴﺎﺑﻚ ﻉ ﺍﻟﻔﻴﺲ ﻭﺍﻧﻲ ﻧﻘﻮﻝ ﻻ ﻫﻮ ﻣﺎﻫﻨﺎﺵ ﺭﻭﺣﻪ ﺧﺶ ﻓﺘﺸﻪ ﺑﻴﺶ ﻳﺮﺗﺎﺡ ..
ﺣﺪﻫﻢ : ﺑﺎﻫﻲ ﻫﻮ ﻋﻼﺵ ﻣﺎﻭﺍﺭﻟﻜﺶ ﺍﻟﻤﺤﺎﺩﺛﺎﺕ ﻃﻮﻝ ﻋﻼﺵ ﻭﺭﺍﻙ ﺻﻮﺭﺓ ..
ﺭﺯﺍﻥ : ﻓﺸﻦ ﺗﻔﺮﻕ ﻳﺎﺣﺪﻫﻢ ﺗﺮﺍ ...
ﺳﻜﺘﺖ ﺣﺪﻫﻢ ﻻﻧﻬﺎ ﻓﻜﺮﺕ ﺍﻧﻪ ﻣﻤﻜﻦ ﺧﺶ ﺷﺎﻓﻬﻢ ﻭﺻﻮﺭ ﺍﻫﻢ ﺟﺰﺀ ﻓﻴﻬﻢ ﺑﺶ ﻳﻮﺭﻳﻪ ﻟﺮﺯﺍﻥ ..
ﺭﺯﺍﻥ ﺑﺄﻟﻢ : ﻣﻌﺎﺩ ﻳﻨﻔﻊ ﺑﺸﻲ ﺍﻟﻜﻼﻡ ﻫﺪﻯ .. ﺍﻟﻠﻲ ﺻﺎﺭ ﺻﺎﺭ ﺧﻼﺹ ..
ﺣﺪﻫﻢ ﻗﻌﺪﺕ ﺗﺸﺒﺤﻠﻬﺎ ﺑﻌﻴﻮﻥ ﻣﻌﺒﻴﺎﺕ ﺩﻣﻮﻉ ﻭﻗﺎﻟﺖ : ﺻﺢ ..
🍁🍁🍁🍁
ﻫﺎﺩﻱ ﻭﺣﺪﻩ ﺍﻧﺎﻧﻴﻪ ﻭﺣﺎﺳﺒﻪ ﻓﺮﻭﺣﻬﺎ ﺣﺎﺟﻪ ﻛﺒﻴﺮﺓ .. ﻭﻋﻤﺎﺩ ﺣﺮﺍﻡ ﻓﺎﻟﻠﻲ ﺯﻳﻬﺎ ..
ﺭﺑﺎﺏ : ﻗﺎﻋﺪﻩ ﺷﺎﻳﻠﻪ ﻣﻨﻬﺎ ؟
ﺭﺍﻧﻴﺎ : ﺑﻐﺾ ﺍﻟﻨﻈﺮ ﻉ ﺍﻟﻠﻲ ﺑﻴﻨﻲ ﻭﺑﻴﻨﻬﺎ ﺑﺲ ﺭﺯﺍﻥ ﻫﻜﻲ ﻭﻋﻤﺮﻫﺎ ﻣﺎﺗﺘﻐﻴﺮ .. ﺭﺑﻲ ﻳﺤﺒﻪ ﺍﻟﻠﻲ ﻓﻜﻪ ﻣﻨﻬﺎ ﻣﻦ ﺍﻷﻭﻝ ﻛﺎﻥ ﻭﺍﺟﻌﻨﻲ ﻫﻠﺒﻪ .. ﺑﺲ ﺗﻮﺍ ﻓﺮﺣﺘﻠﻪ ﻭﺍﻥ ﺷﺎﺀ ﺍﻟﻠﻪ ﻳﻠﻘﻰ ﺍﻟﻠﻲ ﺗﻨﺎﺳﺒﻪ ﻭﺗﺴﺘﺎﻫﻠﻪ ﺑﺠﺪ ..
ﺭﺑﺎﺏ : ﺇﻥ ﺷﺎﺀ ﺍﻟﻠﻪ ... ﺍﻟﻤﻬﻢ ﺗﻮﺍ ... ﺍﻟﻴﻮﻡ ﺍﻟﺒﻨﺎﺕ ﺍﻗﺘﺮﺣﻮﺍ ﻋﻠﻴﺎ ﺍﺳﻤﺎﺀ ﺻﺎﻻﺕ ﺍﻓﺮﺍﺡ ﻭﻗﺎﻟﻮﺍ ﻗﻨﻴﻨﺎﺕ ﻭﻣﺶ ﻏﺎﻟﻴﺎﺕ ..
ﺭﺍﻧﻴﺎ ﺑﺈﺑﺘﺴﺎﻣﻪ؛ﺣﺘﻰ ﺍﻧﻲ ﺍﻟﻴﻮﻡ ﻧﻬﺪﺭﺯ ﺍﻧﻲ ﻭﺑﻨﻴﻪ ﻉ ﺍﻟﻔﻴﺲ ﺳﻤﺘﻠﻲ ﺍﺳﻢ ﺻﺎﻟﻪ ﻭﻭﺭﺗﻨﻲ ﺻﻮﺭﻫﺎ ..
ﺧﺪﺕ ﺗﻠﻴﻔﻮﻧﻬﺎ ..
ﻓﺘﺤﺖ ﺍﻟﻨﺖ ﻭﺧﺸﺖ ﻉ ﺍﻟﻔﻴﺲ :.. ﺗﻌﺎﻟﻲ ﺷﻮﻓﻲ ..
ﺟﺖ ﺣﺪﺍﻫﺎ ﺭﺑﺎﺏ ﻭﻫﻲ ﻣﺘﺤﻤﺴﻪ ﻭﻗﻌﺪﺕ ﺗﺘﻔﺮﺝ ..
🍁🍁🍁🍁
ﻏﻄﺖ ﺑﻨﺘﻬﺎ ﻭﻫﻲ ﺗﻘﻮﻝ ...
ﺩﻻﻝ : ﺍﻟﺤﻜﺎﻳﻪ ﻣﺶ ﺣﻜﺎﻳﺔ ﻗﺮﺍﻳﺔ .. ﺍﺷﺒﺢ ﺷﻦ ﺻﺎﻳﺮ ..
ﻧﻮﺭ : ﻗﺼﺪﻙ ﺷﺎﻓﺖ ﻋﻠﻴﻪ ﺣﺎﺟﻪ؟ !
ﺩﻻﻝ : ﻣﺶ ﻋﺎﺭﻓﻪ .. ﺑﺲ ﻧﺘﻮﻗﻊ ﺍﻟﻤﻮﺿﻮﻉ ﻟﻴﻪ ﻋﻼﻗﻪ ﺑﺎﻟﺸﻚ .. ﺭﺯﺍﻥ ﺷﻜﺎﻛﻪ ﻫﻠﺒﻪ ﻭﻣﺶ ﻭﺍﺛﻘﻪ ﻓﻌﻤﺎﺩ .. ﺍﻛﻴﺪ ﺩﺭﺍﺕ ﻣﺸﻜﻠﻪ ﻣﻦ ﻻﺷﻲﺀ ﻭﺳﻴﺒﺎﺗﻪ ..
ﻧﻮﺭ : ﺗﺲ .. ﻣﺎﻧﺘﻮﻗﻌﺶ ﻫﻜﻲ .. ﻓﻲ ﺣﺎﺟﺔ ﻣﺎﺯﺍﻝ ﺍﻛﺒﺮ ..
ﺩﻻﻝ ﺑﻀﺤﻜﻪ؛ﺧﺴﺎﺭﺓ ﻟﻮ ﻣﺎﺯﻟﺘﻲ ﺗﻜﻠﻤﻲ ﻓﻤﺎﻟﻚ ﺭﺍﻫﻮ ﻋﺮﻓﻨﺎ ﻣﻨﻪ ..
ﻧﻮﺭ ﺑﺤﺰﻥ : ﻣﺴﺘﺤﻴﻞ ﻣﺎﻟﻚ ﻣﺎﻳﻬﺪﺭﺯﺵ ﻓﺨﺼﻮﺻﻴﺎﺕ ﺧﻮﺗﻪ ﻣﻌﺎﻱ ..
ﺩﻻﻝ : ﺧﻴﺮﻙ ﻗﺮﻳﺐ ﺗﺒﻜﻲ .
ﻧﺰﻟﺖ ﺩﻣﻌﺔ ﻧﻮﺭ ﻭﻗﺎﻟﺖ : ﺍﺳﺘﺎﺣﺸﺘﻪ ..
ﺩﻻﻝ ﺑﺼﻮﺕ ﻃﻔﻮﻟﻲ : ﻳﺎﻧﺎﻟﻲ ﻋﻠﻴﻬﻢ ..
ﻣﺴﺤﺖ ﻧﻮﺭ ﺩﻣﻌﺘﻬﺎ ﻭﻫﻲ ﺗﻀﺤﻚ : ﻣﺒﺮﺩﻙ ..
🌴🌴🌴🌴🌴🌴
ﺍﻟﻌﻘﺒﺔ ﻟﻴﻬﺎ ﻫﺎﻟﺤﻔﻴﺎﻧﻪ ﻭﺗﺠﻴﻬﺎ ﻗﻔﺔ ﻣﻠﻴﺎﻧﻪ ..
ﻳﻐﻨﻮﺍ ﻉ ﺑﻠﻘﻴﺲ ﺍﻟﻠﻲ ﻛﺎﻧﺖ ﺗﺮﻗﺺ ..
ﻭﻋﻴﻮﻥ ﺳﻠﻔﺘﻬﺎ " ﺍﻟﻌﺮﻭﺱ " ﺗﺮﺍﻗﺐ ﻓﻴﻬﺎ ..
ﻭﻫﻲ ﺗﺴﺤﻦ ..
ﻭﻓﻲ ﻋﻴﻮﻥ ﺗﺎﻧﻴﻪ ﻛﺎﻧﺖ ﺗﺮﺍﻗﺐ ﻓﻲ ﺣﺪ ﺗﺎﻧﻲ ..
ﻧﺎﺿﺖ ﻭﻣﺸﺘﻠﻬﺎ ﻗﻌﻤﺰﺕ ﺣﺪﺍﻫﺎ
: ﻏﺎﻟﻴﻪ ﺷﻨﻮ ﺣﺎﻟﻚ ..
ﻏﺎﻟﻴﻪ ﺑﺈﺑﺘﺴﺎﻣﻪ : ﺍﻟﺤﻤﺪﻟﻠﻪ ﺷﻨﻮ ﺣﺎﻟﻚ ﺍﻧﺘﻲ ﻳﺎﺗﻬﺎﻧﻲ ..
ﺗﻬﺎﻧﻲ : ﺑﺨﻴﺮ ﺍﻟﺤﻤﺪ ﻟﻠﻪ ... ﺑﺎﻟﻠﻪ ﺷﻦ ﺣﺎﻝ ﺣﻤﻴﺪﻩ ﺑﻌﺪ ﺍﻟﻠﻲ ﺻﺎﺭ ..
ﺗﻐﻴﺮ ﻭﺟﻪ ﻏﺎﻟﻴﻪ ﻭﻗﺎﻟﺖ : ﺍﻟﻠﻪ ﻏﺎﻟﺐ .. ﻭﺑﻌﺪﻳﻦ ﻻﻫﻲ ﺍﻭﻝ ﻭﻻﺍﺧﺮ ﻭﺣﺪﻩ ..
ﺗﻬﺎﻧﻲ : ﺻﺪﻗﺘﻲ .. ﻟﻜﻦ ﺗﻮﺟﻊ .. ﻭﻓﻮﻕ ﻫﻜﻲ ﻗﺎﻟﻮﺍ ﺳﻜﻨﻬﺎ ﻓﺎﻟﺤﻮﺵ ﺍﻟﻠﻲ ﻓﻴﻪ ﺣﻤﻴﺪﻩ ..
ﺍﻧﺼﺪﻣﺖ ﻏﺎﻟﻴﻪ ﺑﻘﻮﺓ ..
ﺗﻬﺎﻧﻲ : ﺍﻟﻠﻲ ﺧﺪﺍﻫﺎ ﻧﻌﺮﻓﻬﺎ ﻗﺮﻳﺒﺘﻲ ﻣﻦ ﺑﻌﻴﺪ .. ﻣﻮﺍﻟﻴﺪ 89 ﻭﻣﻄﻠﻘﻪ .. ﺣﻜﻤﺖ ﻋﻠﻴﻪ ﺗﺴﻜﻦ ﻓﺤﻮﺵ ﺿﺮﺗﻬﺎ .. ﻭﺷﺮﻃﺖ ﻋﻠﻴﻪ ﻳﻄﻠﻖ ﺣﻤﻴﺪﻩ ..
ﻏﺎﻟﻴﻪ ﻗﻌﺪﺕ ﺗﺮﻋﺶ ﻣﻊ ﺑﻌﻀﻬﺎ ﻣﻦ ﺍﻟﻠﻲ ﺳﻤﻌﺎﺗﻪ ﻭﺍﻟﻠﻲ ﻣﺶ ﻋﺎﺭﻓﻪ ﻛﺎﻥ ﻳﻮﺻﻞ ﻷﺧﺘﻬﺎ ﺷﻦ ﺍﺩﻳﺮ ..
🍁🍁🍁🍁🍁🍁
ﻣﺎﺷﻴﻪ ﺍﺩﻭﺭ ﻓﻲ ﺍﻟﺤﻮﺵ ﻭﻫﻲ ﺷﺎﺩﻩ ﺍﻟﺒﺨﺎﺭﻩ ..
ﺗﺒﺨﺮ ﻭﺍﺗﻤﺘﻢ ﺑﻜﻠﻤﺎﺍﺕ ..
ﻉ ﺧﺸﺘﻪ ﻟﻠﺤﻮﺵ .. ﺣﻄﺖ ﺍﻟﺒﺨﺎﺭﻩ ﻉ ﺍﻟﻄﺎﻭﻟﻪ ..
ﺳﺎﻭﺕ ﺭﻭﺣﻬﺎ ﻭﺷﺒﺤﺘﻠﻪ ﻭﺿﺤﻜﺖ : ﺣﺒﻴﺒﻲ ﺍﺳﺘﺎﺍﺣﺸﺘﻚ ..
ﺍﻟﺼﺪﻳﻖ ﻭﻫﻮ ﻳﺸﻮﻓﻠﻬﺎ ﺑﺮﻏﺒﻪ : ﺍﻧﻲ ﺍﻟﻠﻲ ﺍﺳﺘﺎﺣﺸﺘﻚ ..
ﻭﻣﺸﺎﻟﻬﺎ ﻃﻮﻝ ...
ﻓﺎﻟﺤﻮﺵ ﺍﻟﻠﻲ ﻓﺠﻨﺒﻬﻢ ..
ﻣﻘﻌﻤﺰﺓ ﺗﺴﺤﻦ ﻭﺗﻘﻮﻝ : ﻻﻏﺪﻱ ﻻﻋﺸﻲ ... ﻣﻌﻘﻮﻟﻪ ﻫﻜﻲ ﻳﺎﺭﺑﻲ ﻓﺎﻟﻜﻨﺎﻳﻦ ﻣﺎﻋﻨﺪﻱ ﺣﻆ ... ﻭﻫﺎﻟﻬﻨﺪﻭﻳﻞ ﻣﺎﻏﻴﺮ ﻣﺎﺷﻲ ﻳﻬﺰ ﻓﺮﺍﺳﻪ ﻭﺭﺍﻫﻦ ..
ﻃﻴﺢ ﺳﻌﺪﻩ ﻭﺳﻌﺪﻱ ﺍﻧﻲ ﺍﻟﻠﻲ ﻣﺎﻋﺮﻓﺖ ﻧﺮﺑﻲ ...
🍁🍁🍁🍁
ﻣﻘﻌﻤﺰ ﻓﺒﺎﻟﻜﻮﻧﻪ ﺩﺍﺭﻩ ..
ﻓﺘﺢ ﺍﻟﻔﻴﺲ ..
ﺧﺶ ﻃﻮﻝ ﺩﻭﺭ ﻉ ﺣﺴﺎﺑﻬﺎ ﻭﺩﺍﺭﻟﻬﺎ " ﺣﻈﺮ ..."
ﺑﻌﺪﻳﻦ ﺷﺒﺢ ﻟﻄﻠﺒﺎﺕ ﺍﻹﺿﺎﻓﻪ ...
ﺗﻼﺗﻪ ﻣﻨﻬﻢ ﻳﻌﺮﻓﻬﻢ .. ﺑﺲ ﺍﻟﺮﺍﺑﻊ ﻻ ..
ﻗﺒﻠﻬﻢ ﻛﻠﻬﻢ ﺩﻭﻥ ﺗﻔﻜﻴﺮ ..
.....
ﺳﻨﺎﺀ ﺑﻀﺤﻜﻪ ﻓﺮﺡ : ﻗﺒﻞ ﻗﺒﻞ ﻗﺒﻞ ... ﻫﻬﻬﻬﻬﻬﻬﻪ ....
.... ﻳﺘﺒﻊ