المتمردين

العشق المتمرد

#العشق_المتمرد
الجزء 83
القسم الثاني

#جمان_فريد

ﻭﻓﺎﺗﻮﺍ ﺑﺎﻗﻲ ﺍﻳﺎﻡ ﺭﻣﻀﺎﻥ ...
ﻭﺍﻟﻠﻲ ﻫﺪﺍ ﻳﻮﺗﻲ ﻓﺮﻭﺣﻪ ﻟﻠﻌﻴﺪ ..
ﻋﺎﻳﺸﻴﻦ ﺍﺟﻮﺍﺋﻪ ﺯﻱ ﻗﺒﻞ ..
ﻣﺎﻋﺪﺍ ﺣﻤﻴﺪﻩ ..
ﻛﺎﻧﺖ ﻣﺘﻨﻜﺪﻩ ﻫﻠﺒﻪ ...
ﺍﻟﺼﺪﻳﻖ : ﻣﻦ ﻋﻘﻠﻚ ﺍﻧﺘﻲ ؟؟ﻣﻌﻘﻮﻟﻪ؟ !
ﺣﻤﻴﺪﻩ ﺑﺒﻜﻲ : ﻭﻟﺪﻱ ﺭﺍﻫﻮ .. ﻛﺒﺮ ﻓﺒﻄﻨﻲ ﻭﺣﺴﻴﺖ ﺑﻴﻪ ....
ﺗﺒﻴﻨﻲ ﺑﻌﺪ ﻣﻮﺗﻪ ﻧﻌﻴﺪ ..
ﺍﻟﺼﺪﻳﻖ : ﻭﺍﻟﻠﻪ ﻣﺎﻧﻲ ﻋﺎﺭﻑ ﺷﻦ ﺑﻨﻘﻮﻝ ﻭﻻﺷﻦ ﻧﺤﻜﻲ .. ﻣﺶ ﻋﺎﺭﻑ ﻣﺶ ﻋﺎﺍﺍﺭﻑ ..
ﻭﻃﻠﻊ ﻣﻦ ﺣﺪﺍﻫﺎ ..
ﻭﻣﻦ ﺍﻟﺤﻮﺵ ﻣﺮﺓ ﻭﺣﺪﻩ ..
ﺣﻤﻴﺪﻩ ﻭﻫﻲ ﺗﻤﺴﺢ ﻓﺪﻣﻮﻋﻬﺎ : ﻭﻟﺪﻱ ﻣﺎﻟﻴﺸﻲ ﺷﻬﺮﻳﻦ ﻣﻴﺖ ﻭﻳﺒﻴﻨﻲ ﻧﻄﻠﻊ ﻧﺸﺮﻱ ﺩﺑﺶ ﻋﻴﺪ .. ﻋﺪﻳﻢ ﺇﺣﺴﺎﺱ ..
🍁🍁🍁🍁
ﻣﻜﺎﻟﻤﻪ ﻫﺎﺗﻔﻴﻪ ..
ﻫﺎﻧﻴﺒﺎﻝ : ﺑﺎﻟﻠﻪ ﻋﻠﻴﻚ ﻓﻜﻴﻨﺎ ﻣﻨﻪ ﺍﻟﺠﻮ ﺍﻟﺼﺎﻣﺖ ﻫﺪﻯ ..
ﻣﺮﺍﻡ ﺑﻀﺤﻜﻪ : ﻟﻜﻦ ﻭﺍﺟﺪ ﻧﻬﺎﺭﻱ ﻭﺍﻟﻠﻪ ﺍﻧﺤﺮﺟﺖ ..
ﻫﺎﻧﻴﺒﺎﻝ : ﻟﻴﺶ ﺗﻨﺤﺮﺟﻲ .. ﻳﻌﻨﻲ ﻗﺼﺪﻙ ﺑﻌﺪ ﺗﻮﻟﻲ ﻣﺮﺍﺗﻲ ﻫﻜﻲ ﺑﺪﻳﺮﻱ؟
ﻟﻤﺎ ﺳﻤﻌﺖ ﻛﻠﻤﺔ " ﻣﺮﺍﺗﻲ " ﺳﺨﻨﺖ ﻣﻊ ﺑﻌﻀﻬﺎ ﻭﻗﻠﺒﻬﺎ ﺍﻧﺠﻦ 💓
ﻣﺮﺍﻡ ﺑﺮﺑﻜﻪ : ﻣﺶ ﻫﻜﻲ ﻫﻲ .. ﺿﺤﻜﺖ .. ﻣﺶ ﻋﺎﺭﻓﻪ ﻛﻴﻒ ﺍﻧﺤﺮﺟﺖ ﻭﺧﻼﺹ ..
ﺿﺤﻚ ﻭﻗﺎﻝ : ﻣﻌﺎﺵ ﺗﻨﺤﺮﺟﻲ ﻣﺮﺓ ﺍﻟﺘﺎﻧﻴﻪ ﺍﻧﺘﻲ ﺗﻮﺍ ﻣﺴﺆﻭﻟﻪ ﻣﻨﻲ ﻣﺪﺍﻡ ﻋﻄﻴﺖ ﻓﻴﻚ ﻛﻠﻤﻪ ﺧﻼﺹ ..
ﻣﺮﺍﻡ ﺍﺑﺘﺴﻤﺖ ﻭﻗﻌﺪﺕ ﺳﺎﻛﺘﻪ ..
ﻓﺮﺣﺎﻧﻪ ﻭﻓﺮﺣﺘﻬﺎ ﻻﻳﻤﻜﻦ ﺗﻘﺪﺭ ﺗﻌﺒﺮ ﻋﻨﻬﺎ ﺑﺎﻟﻜﻼﻡ ..
🍃 ﺟﺮﺑﺘﻮﺍ ﺷﻌﻮﺭ ﻟﻤﺎ ﺗﺘﻤﻨﻮﺍ ﺣﺎﺟﻪ ﻛﻞ ﺷﻲ ﻳﻘﻮﻝ ﻣﺴﺘﺤﻴﻞ ﺍﻃﻮﻟﻮﻫﺎ .. ﻭﻣﺮﺍﺕ ﺍﻟﻴﺄﺱ ﻳﻨﺘﺎﺑﻜﻢ ﺍﺗﺠﺎﻩ ﺗﺤﻘﻴﻘﻬﺎ .. ﻭﻓﻠﺤﻈﻪ ﺭﺑﻲ ﻳﺤﻘﻘﻬﺎ ... ﺗﺒﻮﺍ ﻓﺘﺮﺓ ﻉ ﻣﺎﺗﺴﺘﻌﺒﻮﺍ ﺍﻧﻬﺎ ﻓﻌﻼ ﻭﻟﺖ ﺣﻘﻴﻘﻪ🍃
🍁🍁🍁🍁🍁
ﻳﺎﺳﻠﻢ ﺯﺑﻮﻧﺎﺗﻬﻢ ﻳﺎﺭﺑﻲ ..
ﻧﻮﺭ : ﻋﺴﺴﻞ ﻋﻤﻮﺭﻱ ﻳﺠﻨﻦ ...
ﻧﻌﻴﻤﻪ : ﺍﻳﻪ .. ﻭﺟﻮﺍﺩ ﻛﻴﻒ ﻃﺎﻟﻊ ﺍﻟﻠﻬﻢ ﺑﺎﺭﻙ ..
ﺩﻻﻝ ﻭﻫﻲ ﻗﺎﻳﻤﻪ ﺑﻨﺘﻬﺎ : ﺣﺘﻰ ﺍﻧﻲ ﻧﻬﺒﺒﺒﻞ .
ﻧﻌﻴﻤﻪ ﺑﻀﺤﻜﻪ : ﺗﺒﺎﺭﻙ ﺍﻟﺮﺣﻤﻦ ... ﺭﺩﻱ ﺑﺎﻟﻚ ﻋﻠﻴﻬﺎ ﺑﻨﺘﻲ ﺍﺭﻗﻴﻬﺎ ﻓﻜﻞ ﻭﻗﺖ ..
ﺩﻻﻝ ﺍﺑﺘﺴﻤﺖ : ﺇﻥ ﺷﺎﺀ ﺍﻟﻠﻪ ..
ﻣﺮﺭﺕ ﻋﻴﻮﻧﻬﺎ ﻉ ﺻﻐﺎﺭﻫﺎ ﻭﻫﻲ ﺗﺸﻮﻑ ﻓﻲ ﺩﺑﺶ ﺍﻟﻌﻴﺪ ﻛﻠﻪ ﺑﻮﻫﺎ ﺧﺪﺍﻩ .. ﻳﺘﻌﺎﻣﻞ ﻣﻌﺎﻫﻢ ﻭﻛﺈﻧﻬﻢ ﺻﻐﺎﺭﻩ ﻣﺶ ﺍﺣﻔﺎﺩﻩ ..
🍃 ﻓﻲ ﻫﻠﺒﻪ ﻳﻘﻮﻟﻮﺍ ﺣﻨﻲ ﻣﺶ ﻣﻠﺰﻭﻣﻴﻦ ﺑﻴﻬﻢ ﺍﻫﻠﻬﻢ ﻫﻤﺎ ﺍﻷﻭﻟﻰ 🍃..
ﺑﺲ ﻋﺒﺪﺍﻟﺴﻼﻡ ﻛﺎﻥ ﺍﺏ ﻟﺒﻨﺘﻪ ﻭﺻﻐﺎﺭﻫﺎ ﻭﻻﻣﺮﺓ ﻓﻜﺮ ﻣﺠﺮﺩ ﺍﻟﺘﻔﻜﻴﺮ ﻓﻲ ﺍﻟﻠﻲ ﺧﻼﻩ ﻋﻤﺎﺭ ﻓﻠﻮﺱ ﺍﻭ ﻏﻴﺮﻩ ..
ﻳﺼﺮﻑ ﻋﻠﻴﻬﻢ ﺑﻜﻞ ﺣﺐ ...
ﺑﺲ ﻣﻬﻤﺎ ﺩﺍﺭ ﻻﻳﻤﻜﻦ ﻳﻘﺪﺭ ﻳﺴﺪ ﻣﻜﺎﻧﻪ ..💔
ﻗﺎﻣﺖ ﻋﻴﻮﻧﻬﺎ ﻓﺼﻮﺭﺗﻪ ..
ﻭﺗﺮﺟﻊ ﺍﻟﺬﻛﺮﻳﺎﺕ ﺗﺤﻀﺮ ..
⚡ ﻓﻼﺵ ﺑﺎﻙ ...
ﺷﻦ ﺭﺍﻳﻚ ..
ﺩﻻﻝ ﺑﺬﻫﻮﻝ : ﻳﺎﺍﺍﺍﺍﺍﺍﻩ ... ﺍﻟﻠﻬﻢ ﺑﺎﺭﻙ ﻉ ﺭﺍﺟﻠﻲ ﻭﻭﻟﻴﺪﺍﺗﻲ ..
ﻋﻤﺎﺭ ﺑﻀﺤﻜﻪ : ﻳﻌﻨﻲ ﻋﺠﺒﻨﻚ ..
ﺩﻻﻝ ﺑﺈﺑﺘﺴﺎﻣﻪ ﻏﺮﻭﺭ : ﻫﻮ ﺫﻭﻗﻚ ﺧﻄﻴﺮ ﻭﺍﻧﻲ ﺧﻴﺮ ﺩﻟﻴﻞ ..
ﺿﺤﻚ ﻭﻗﺪﻣﻠﻬﺎ ﻭﻗﺮﺻﻬﺎ ﻣﻦ ﺧﺪﻭﺩﻫﺎ ﺍﻟﺰﻭﺯ ﻭﻫﻲ ﺗﻀﺤﻚ ..
ﺑﻌﺪﻳﻦ ﻃﻠﻘﻬﺎ ﻭﻗﺎﻝ : ﺑﺎﻫﻲ ﺍﻧﺘﻲ ﺍﻣﺘﻰ؟
ﺩﻻﻝ : ﻗﺒﻞ ﺍﻟﻌﻴﺪ ﺑﻴﻮﻡ ..
ﻋﻤﺎﺭ ﺿﺤﻚ ﺑﺈﺳﺘﻐﺮﺍﺏ ﻭﻗﺎﻝ : ﻟﻴﺶ؟ !
ﺩﻻﻝ ﺑﺮﻓﻌﺔ ﺣﺎﺟﺐ : ﺷﻜﻠﻚ ﻧﺎﺳﻲ ﺣﻀﺮﺗﻚ ﺍﻟﻌﻴﺪ ﺍﻟﻠﻲ ﻓﺎﺕ ﺷﻦ ﺩﺭﺕ !
ﻋﻤﺎﺭ ﺑﻀﺤﻜﻪ : ﻋﺎﺩ ﺍﻧﺘﻲ ﻛﺜﺮﺗﻲ ﻉ ﻣﺎﻭﺻﻮﻙ ﺗﻼﺕ ﺍﻳﺎﻡ ﻭﺭﺍ ﺑﻌﻀﻬﻦ ﻭﺍﻧﺘﻲ ﺗﺎﺧﺪﻱ ﻭﺗﺮﺩﻱ .. ﻓﻘﻮﻟﺖ ﺍﻧﻈﺮ ﻛﻴﻒ ﻃﻠﻌﺖ ﻋﻠﻴﺎ ... ﺍﺧﻴﻴﻲ ﻋﻤﺎﺭ ﻣﻌﺎﺵ ﻋﺠﺒﻨﻲ .. ﻗﺎﻟﻬﺎ ﻭﻫﻮ ﻳﻘﻠﺪ ﻓﺼﻮﺗﻬﺎ ..
ﺩﻻﻝ : ﻭﺣﻀﺮﺗﻚ ﻻﺗﻌﺮﻑ ﺗﺴﺎﻳﺮ ﻭﻻﺗﻤﺸﻲ ﻓﺼﻠﺖ ﻋﻠﻴﺎ ﻓﺼﻠﺔ ﻳﺎﻟﻄﻴﻒ .... ﻭﺣﻖ ﺍﻟﻠﻪ ﻣﺎﻧﻲ ﺭﺍﺩ ﺣﺎﺟﻪ ﻭﻻﻋﺎﺩ ﺭﺍﻓﻌﻚ ﻟﻤﻜﺎﻥ ﺍﻟﺒﺴﻲ ﺍﻱ ﺷﺮﺗﻮﻟﻪ ﻭﺭﻳﺤﻴﻨﺎ .. ﻗﺎﻟﺘﻬﺎ ﻭﻫﻲ ﺗﻘﻠﺪ ﻓﻴﻪ ﺑﺎﻟﺼﻮﺕ ﻭﺍﻟﺤﺮﻛﺎﺕ ..
ﻫﻮ ﺿﺤﻚ ﻭﺣﻀﻨﻬﺎ : ﻃﻠﻌﻴﺘﻨﻲ ﻋﻦ ﻃﻮﺭﻱ ﻳﺎﻗﻄﻮﺳﻪ ..
ﺩﻻﻝ ﺑﺈﺑﺘﺴﺎﻣﻪ : ﺍﻟﻤﻬﻢ ﺗﻮﺍ ﻧﻬﺎﺭ 28 ﺗﺮﻓﻌﻨﻲ ﺑﺎﻫﻲ ..
ﻋﻤﺎﺭ ﻭﻫﻮ ﻳﻘﻠﺪ ﻓﺼﻮﺗﻬﺎ : ﺑﺎﻫﻲ ..
⚡ ﺍﻟﻮﻗﺖ ﺍﻟﺤﺎﺿﺮ ...
ﺣﻄﺖ ﺑﻨﺘﻬﺎ ﻭﻧﺎﺿﺖ ﺗﺠﺮﻱ ...
ﻧﻮﺭ ﺟﺖ ﻷﺳﻴﺎ ﻭﺷﺪﺗﻬﺎ ﻭﻫﻲ ﺗﺸﻮﻑ ﻟﻨﻌﻴﻤﻪ ﺑﺤﺰﻥ ..
ﻭﻧﻌﻴﻤﻪ ﺗﺴﺎﻭﻱ ﻓﺤﻮﺍﻳﺞ ﺍﻟﺼﻐﺎﺭ ﻭﺩﻣﻮﻋﻬﺎ ﻧﺰﻟﻮﺍ ...
🌴🌴🌴🌴🌴🌴🌴🌴🌴
ﻣﻘﻌﻤﺰﻳﻦ ﻓﻮﻕ ﺍﻟﺴﻄﺢ ﻳﺘﻔﺮﺟﻮﺍ ﻉ ﺍﻟﺘﻠﻔﺰﻳﻮﻥ ﺍﻟﻠﻲ ﻛﺎﻧﻮﺍ ﻣﻄﻠﻌﻴﻨﻪ ﺑﺮﺍ ..
ﻫﺎﻧﻴﺒﺎﻝ .. ﻣﺤﻤﺪ ... ﺍﻟﻬﺎﺩﻱ ... ﺣﻤﺰﺓ
ﻛﺎﻧﻮﺍ ﻣﻨﺴﺠﻤﻴﻦ ﻭﻫﻤﺎ ﻳﺘﻔﺮﺟﻮﺍ ﻉ ﺑﺎﺏ ﺍﻟﺤﺎﺭﺓ ..
ﻟﻌﻨﺪ ﻣﺎﻓﺠﺄﺓ ﺳﻤﻌﻮﺍ ﺻﻮﺕ ﺳﻴﺎﺭﺓ ﺩﺍﺭﺕ ﻛﻼﻛﺲ ..
ﺍﻟﻬﺎﺩﻱ ﺷﺒﺢ ﻟﻬﺎﻧﻴﺒﺎﻝ : ﻣﻦ ..
ﻣﺤﻤﺪ ﻧﺎﺽ ﻭﻗﻒ .. ﻭﺷﺎﻑ ﻣﻦ ﻓﻮﻕ ﻗﺎﻝ : ﺳﻴﺎﺭﺓ ﺩﺍﻭ ..
ﻫﺎﻧﻴﺒﺎﻝ ﺿﻴﻖ ﻋﻴﻮﻧﻪ : ﺩﺍﻭ؟؟؟
ﻣﺤﻤﺪ : ﺍﻟﻠﻲ ﻓﻴﻬﺎ ﻧﺰﻝ ...
" ﻫﺎﻧﻴﺒﺎﻝ "
ﺗﻠﻔﺖ ﻣﺤﻤﺪ : ﻳﻀﺒﺢ ﻋﻠﻴﻚ ..
ﻫﺎﻧﻴﺒﺎﻝ ﻧﺎﺽ ﻭﻗﻒ ﻭﻣﻌﺎﻩ ﺍﻟﻬﺎﺩﻱ ..
ﺷﺒﺤﻮﺍ ﻣﻦ ﻓﻮﻕ ..
ﺷﻮﻳﻪ ﻭﻟﻒ ﻫﺎﻧﻴﺒﺎﻝ ﻭﻣﺸﻲ ﻣﺘﻮﺟﻪ ﻟﻠﺪﺭﻭﺝ ..
ﻟﺤﻘﻪ ﺍﻟﻬﺎﺩﻱ ...
ﺍﻣﺎ ﻣﺤﻤﺪ ﺧﺶ ﻟﻠﺪﺍﺭ ﻃﻠﻊ ﺳﻼﺡ ﻣﻦ ﺗﺤﺖ ﺍﻟﻔﺮﺍﺷﺎﺕ ﻭﺑﻌﺪﻫﺎ ﺟﺮﻱ ﻟﺤﻘﻬﻢ ..
....
ﻭﺻﻞ ﻫﺎﻧﻴﺒﺎﻝ ﻓﺎﻟﺮﺍﺟﻞ ﺍﻟﻠﻲ ﻛﺎﻥ ﻣﺪﺭﺱ ﻓﻢ ﺍﻟﻘﻄﻌﻪ ...
ﻫﺎﻧﻴﺒﺎﻝ : ﻣﻦ ..
: ﻫﺎﻧﻴﺒﺎﻝ ﺍﻧﺖ ...
ﻫﺎﻧﻴﺒﺎﻝ : ﺍﻳﻪ ..
ﻗﺪﻡ ﺍﻟﺮﺍﺟﻞ .
ﺍﻟﻬﺎﺩﻱ ﺷﺪ ﺫﺭﺍﻉ ﺧﻮﻩ ... ﻭﻣﺤﻤﺪ ﺟﻲ ﻭﺭﺍﻫﻢ ﺑﺴﻼﺣﻪ ..
ﻭﺻﻞ ﺍﻟﺮﺍﺟﻞ ﻓﻲ ﻫﺎﻧﻴﺒﺎﻝ ﻣﺪ ﻳﺪﻩ : ﻣﻌﺎﻙ ﻳﻌﻘﻮﺏ ﺍﻟﺘﺎﺭﻗﻲ ﻛﻨﺖ ﺭﻓﻴﻖ ﻟﻠﻤﺮﺣﻮﻡ ﻋﻤﺎﺭ ﻣﺨﺘﺎﺭ ..
ﺍﺗﻔﺎﺟﺌﻮﺍ ﺍﻟﺘﻼﺗﻪ ﺑﻘﻮﺓ ...
.....
ﻃﻠﻌﻮﺍ ﺍﻟﺰﻭﺯ ﻳﺠﺮﻭﺍ ﻣﻦ ﺍﻟﺤﻮﺵ ..
ﻫﻲ ﻛﺎﻧﺖ ﺗﺸﻮﻓﻠﻬﻢ ﻣﻦ ﺭﻭﺷﻦ ﺍﻟﺼﺎﻟﻪ ﻭﻣﺴﺘﻐﺮﺑﻪ ..
ﺣﺪﻫﻢ ﺑﺨﻮﻑ : ﺭﺑﻲ ﻳﺴﺘﺮ ..
.....
ﻏﺎﻟﻴﻪ : ﻗﺎﻟﻮﺍ ﺻﺎﺣﺐ ﻋﻤﺎﺭ ﻳﻤﻲ ..
ﻓﺎﻃﻤﻪ ﺑﺨﻮﻑ : ﺻﺎﺣﺐ ﻋﻤﺎﺭ ...
ﺳﻤﻴﻪ : ﺯﻋﻢ ﻳﻄﻠﻊ ﺣﻲ ﻛﻴﻒ ﺍﻟﻠﻲ ﺳﻤﻌﻨﺎ ﻋﻨﻬﻢ؟
ﺷﺒﺤﻮﻟﻬﺎ ﺍﻟﺰﻭﺯ ﺑﺮﻳﺒﻪ ...
🍁🍁🍁🍁
ﺑﻌﺪ ﺑﻠﻮﺍ ﺭﻳﻖ ﺿﻴﻔﻬﻢ ..
ﺑﺎﻟﻤﻴﻪ ﻭﺍﻟﻀﻴﺎﻓﻪ ..
ﺑﺪﻭﺍ ﺑﺎﻟﺴﺆﺍﻝ ..
ﻫﺎﻧﻴﺒﺎﻝ : ﺍﻧﺖ ﺍﻟﻠﻲ ﺟﺒﺖ ﻣﺆﻧﺲ ﻫﻨﻰ ...
ﻳﻌﻘﻮﺏ ﺷﺒﺢ ﻟﻤﺆﻧﺲ : ﺍﻳﻪ ..
ﻣﺆﻧﺲ : ﺣﻄﻨﻲ ﻓﻲ ﻃﺮﻳﻖ ﻭﺭﺩ ﻟﺴﺮﺕ ..
ﺍﻟﻬﺎﺩﻱ ﺷﺒﺢ ﻟﻴﻌﻘﻮﺏ ﻭﻗﺎﻝ : ﻣﻌﻨﺎﻫﺎ ﻛﻨﺖ ﻣﻌﺎﻩ ﻷﺧﺮ ﻟﺤﻈﻪ ...
ﻳﻌﻘﻮﺏ ﺑﺄﺳﻒ : ﻳﺎﺭﻳﺖ ..
ﺷﺒﺤﻮﺍ ﻟﺒﻌﺾ ﺑﺈﺳﺘﻐﺮﺍﺏ ..
ﻣﺎﻋﺪﺍ ﻣﺆﻧﺲ ﺍﻟﻠﻲ ﻛﺎﻥ ﻳﺸﻮﻑ ﻟﻴﻌﻘﻮﺏ ﺑﻀﻴﻖ ..
ﻳﻌﻘﻮﺏ : ﺍﻧﻲ ﻛﻨﺖ ﻧﺎﻭﻱ ﻧﻌﺪﻱ ﻣﻌﺎﻫﻢ ﺑﺲ ﻓﻲ ﺣﺎﺟﻪ ﻭﺻﺎﻧﻲ ﻋﻠﻴﻬﺎ ﺍﻟﻤﺮﺣﻮﻡ ﻭﺧﻼﺗﻪ ﻳﻤﻨﻌﻨﻲ ﺍﻧﻲ ﻧﻌﺪﻱ ﻣﻌﺎﻫﻢ ..
ﻫﺎﻧﻴﺒﺎﻝ ﺑﺈﺳﺘﻐﺮﺍﺏ : ﺣﺎﺟﻪ ﺷﻦ ..
ﻳﻌﻘﻮﺏ ...:
⚡ ﻓﻼﺵ ﺑﺎﻙ ..
ﻋﻤﺎﺭ : ﺷﻮﻑ ﻳﺎﻳﻌﻘﻮﺏ ﺍﻧﺖ ﻻﺯﻡ ﺗﻘﻌﺪ ﻫﻨﻰ ﻭﺗﻮﺻﻞ ﺣﺎﺟﻪ ﺍﺧﻴﺮﺓ ﻟﻬﻠﻲ .. ﻣﺎﻗﺪﺭﺕ ﻧﻮﺻﻲ ﻣﺆﻧﺲ ﻋﻠﻴﻬﺎ .
ﻳﻌﻘﻮﺏ : ﺷﻨﻮ ﻫﻲ؟
ﻋﻤﺎﺭ : ﻋﻨﺪﻱ ﺗﺠﺎﺭﺓ ﻭﺍﻣﻼﻙ ﺑﺮﺍ ﺗﺤﺖ ﺗﺼﺮﻑ ﻭﺍﺣﺪ ﺍﺳﻤﻪ **** **** ﺑﺶ ﻣﺎﻳﺤﻄﻮﺍ ﺍﻟﻌﻴﻦ ﻋﻠﻴﻬﻢ .. ﻧﺒﻴﻚ ﺗﻮﺻﻞ ﻓﻬﻠﻲ ﺑﺎﺗﻲ ﺗﺤﺪﻳﺪﺍ ﻭﺗﻘﻮﻟﻪ ﻋﻠﻴﻬﻢ .. ﻫﻮ ﺍﻟﺮﺍﺟﻞ ﺣﻴﺪﻭﺭﻫﻢ ﺍﻛﻴﺪ ﻟﻜﻦ ﺍﻧﻲ ﻧﺒﻲ ﻧﺰﻳﺪ ﻧﺤﺮﺹ .. ﻫﺪﻯ ﺭﺯﻕ ﻋﻴﺎﻟﻲ ﻳﺎﻳﻌﻘﻮﺏ ..
ﻳﻌﻘﻮﺏ : ﺑﺎﻫﻲ ﻓﺮﺿﻨﺎ ﻗﺪﺭﺕ ﻧﺴﻠﻢ ﺷﻦ ﺑﻴﻮﺻﻠﻨﻲ ﻟﻬﻠﻚ ﻭﻫﻤﺎ ﺑﺮﺍ ﺍﻟﺒﻼﺩ؟
ﻋﻤﺎﺭ : ﻋﺪﻱ ﻭﻳﻦ ﺑﻴﻌﺪﻱ ﻣﺆﻧﺲ ﺗﺤﺪﻳﺪﺍ ﻟﻮﻟﺪ ﻋﻤﺘﻲ ﻫﺎﻧﻴﺒﺎﻝ ﺭﻣﻀﺎﻥ ****** ﻭﺻﻠﻪ ﻫﺎﻟﻜﻼﻡ ﻭﻫﻮ ﻳﺘﺼﺮﻑ ..
ﻳﻌﻘﻮﺏ ﻗﻌﺪ ﺳﺎﻛﺖ ﻭﻫﻮ ﻳﺸﻮﻑ ﻟﻌﻤﺎﺭ ..
ﻋﻤﺎﺭ ﺑﺤﺪﻩ : ﻳﻌﻘﻮﺏ !
ﺗﻨﻬﺪ ﻭﻗﺎﻝ : ﺗﻢ ..
ﻋﻤﺎﺭ : ﻳﻌﻘﻮﺏ ﻣﺎﺗﺨﻴﺒﺶ ﻇﻨﻲ ..
ﻳﻌﻘﻮﺏ ﻫﺰ ﺭﺍﺳﻪ ﺑﺈﻳﺠﺎﺏ ﻭﻫﻮ ﺳﺎﻛﺖ ...
ﻋﻤﺎﺭ : ﻭﺣﺎﺟﻪ ﺍﺧﺮﻯ ... ﺣﻮﻝ ﺳﺎﻋﺘﻪ ﻣﻦ ﻳﺪﻩ .. ﻭﻃﻠﻊ ﻣﻦ ﺟﻴﺐ ﺳﺮﻭﺍﻟﻪ ﺍﻟﻌﺴﻜﺮﻱ ﻣﺼﺤﻒ ... ﻣﺪﻫﻮﻣﻠﻪ .. ﻛﺎﻥ ﺭﻳﺖ ﺍﻳﻤﻦ ﻭﻟﺪ ﺧﻮﻱ ﺍﻋﻄﻴﻬﻠﻪ ...
ﻳﻌﻘﻮﺏ ﺷﺒﺢ ﻟﻠﻤﺼﺤﻒ ﻭﺍﻟﺴﺎﻋﻪ ﺷﻮﻳﻪ ﺑﻌﺪﻳﻦ ﻫﺰ ﺭﺍﺳﻪ ﺑﺈﻳﺠﺎﺏ ..
⚡ ﺍﻟﻮﻗﺖ ﺍﻟﺤﺎﺿﺮ ..
ﻋﻴﻮﻥ ﺍﻳﻤﻦ ﺍﻟﻤﻠﻴﺎﻧﻪ ﺩﻣﻮﻉ ﻭﻛﺎﻧﺖ ﺗﻔﻨﺺ ﺑﺶ ﻣﺎﺗﻨﺰﻟﺶ ..
ﻣﺮﻛﺰﺓ ﻉ ﺍﻟﻤﺼﺤﻒ ﻭﺍﻟﺴﺎﻋﻪ ... ﻭﻗﻠﺒﻪ ﻣﻔﻄﻮﺭ ﻣﻦ ﺍﻷﻟﻢ ..
ﻫﺎﻧﻴﺒﺎﻝ ﺑﺤﺰﻥ : ﻧﺒﻲ ﻧﺴﺄﻟﻚ .. ﻋﻤﺎﺭ ﺭﻳﺘﻠﻪ ﺟﺜﻪ؟
ﺷﺒﺤﻮﺍ ﻛﻠﻬﻢ ﻟﻬﺎﻧﻴﺒﺎﻝ ..
ﻳﻌﻘﻮﺏ ﻧﺰﻝ ﺭﺍﺳﻪ ﻭﻗﺎﻝ : ﺍﻳﻪ ...
ﻣﺆﻧﺲ ﺑﺼﺪﻣﻪ : ﻛﻴﻒ ﻛﺎﻧﺖ ..
ﻳﻌﻘﻮﺏ ﺷﺒﺤﻠﻪ : ﻫﻮ ﻗﺎﻝ ﻣﺎﺗﺨﻴﺒﺶ ﻇﻨﻲ ﻭﺍﻧﻲ ﺧﻴﺒﺘﻪ ﻓﻨﺺ ﺍﻟﻄﺮﻳﻖ ﻭﻟﻴﺖ ﻭﺗﺒﻌﺖ ﻃﺮﻳﻘﻬﻢ ..
ﻟﻌﻨﺪ ﻣﺎﺳﻤﻌﺖ ﺻﻮﺕ ﺍﻧﻔﺠﺎﺭﺍﺕ ﻗﻮﻳﻪ .. ﺗﺄﻛﺪﺕ ﻭﻗﺘﻬﺎ ﺍﻧﻬﻢ ﺭﺍﺣﻮﺍ ...
ﻟﻘﻴﺖ ﺭﻭﺣﻲ ﺑﺪﺍﻝ ﻣﺎﻧﻬﺮﺏ ﻋﺪﻳﺖ ﻟﻠﻨﻔﺲ ﺍﻟﻄﺮﻳﻖ ..
ﺑﺲ ﻛﺎﻥ ﻓﻲ ﻣﻦ ﺳﺎﺑﻘﻨﻲ ﻟﻴﻬﺎ ... ﺍﻟﺠﺮﺫﺍﻥ ...
ﺧﻔﺖ ﻉ ﺭﻭﺣﻲ ﻣﺎﻧﻨﻜﺮﺵ
ﻧﺰﻟﺖ ﻣﻦ ﺍﻟﺴﻴﺎﺭﺓ ﻭﻗﻌﺪﺕ ﻧﺰﺣﻒ ﺯﺣﻒ ﻟﻌﻨﺪ ﻭﺻﻠﺖ ﻓﺸﺠﺮﺓ ﺩﺭﻗﺘﻨﻲ ﻋﻨﻬﻢ ..
ﻧﺸﺒﺢ ﻓﻴﻬﻢ ﻣﺎﺳﻜﻴﻦ ﺿﺒﺎﻁ ﻭﻳﻀﺮﺑﻮﺍ ﻓﻴﻬﻢ ﻭﻳﺤﻄﻮﺍ ﻓﻴﻬﻢ ﻓﺎﻟﺴﻴﺎﺭﺍﺕ .. ﻭﺍﻟﻠﻪ ﻟﺤﻈﺘﻬﺎ ﻗﻌﺪﺕ ﻧﺪﻋﻲ ﻭﻧﻘﻮﻝ ﻳﺎﺭﺏ ﻳﻜﻮﻥ ﻋﻤﺎﺭ ﻣﻴﺖ
ﻳﺸﻮﻓﻮﻟﻪ ﻛﻠﻬﻢ ﺑﺘﺮﻛﻴﺰ ﻭﻗﻠﻮﺑﻬﻢ ﻣﻮﺟﻮﻋﻪ ..
ﻛﻤﻞ : ﺑﻌﺪ ﺗﺄﻛﺪﺕ ﺍﻧﻬﻢ ﻋﺪﻭﺍ ﺧﻼﺹ
ﻃﻠﻌﺖ .. ﻭﻗﻌﺪﺕ ﻧﻤﺸﻲ ﻭﻧﻠﻒ ﻉ ﻧﻔﺴﻲ ﺧﻮﻑ ﻭﺍﺣﺪ ﻣﻨﻬﻢ ﻳﺠﻲ ﻭﻳﺸﻮﻓﻨﻲ ..
ﻭﺻﻠﺖ ﻟﻘﻴﺖ ﺟﺜﺚ ﻭﺍﺷﻼﺀ ...
ﻣﻨﺎﻇﺮ ﻻﻳﻤﻜﻦ ﻧﻨﺴﺎﻫﺎ ..
ﺍﻳﻤﻦ ﺷﺪ ﻉ ﻗﺒﻀﺔ ﻳﺪﻩ ﺑﻘﻮﺓ ..
ﻳﻌﻘﻮﺏ ﺑﻠﻊ ﻭﺭﻳﻘﻪ ﻭﻗﺎﻝ : ﻟﻌﻨﺪ ﻣﺎﻋﺘﺮﺕ ﻓﻴﻪ ﻭﻟﻘﻴﺘﻪ ..
ﻛﻠﻬﻢ ﻋﻴﻮﻧﻬﻢ ﺗﻮﺳﻌﺖ ...
ﻛﺎﻥ ﻣﺮﻣﻲ .. ﻛﻠﻪ ﺩﻡ ....
ﺷﺒﺤﻠﻬﻢ .. ﺗﺄﻛﺪﺕ ﺍﻧﻪ ﻣﺎﺕ ...
ﺑﺲ ﻟﺤﻈﺘﻬﺎ ﻓﻜﺮﺕ ﺍﻧﻬﻢ ﻻﺑﺪ ﻭﺣﻴﻮﻟﻮﺍ ﻳﺎﺧﺪﻭﺍ ﺍﻟﺠﺜﺚ .. ﻭﺧﻔﺖ ﻳﻨﻜﻠﻮﺍ ﺑﻴﻪ ...
ﺑﻜﻞ ﻗﻮﺗﻲ ﻗﻌﺪﺕ ﻧﺠﺒﺪ ﻓﻲ ﺍﻟﺠﺜﻪ ﻣﺘﺎﻋﻪ ..
ﻣﺆﻧﺲ ﺷﺒﻚ ﺍﻳﺪﻳﻪ ﻓﺒﻌﺾ ﺑﻘﻮﺓ ﻭﺭﺍﺳﻪ ﻟﻮﻃﺎ ..
ﻭﺍﻳﻤﻦ ﻳﺸﻮﻑ ﻟﻴﻌﻘﻮﺏ ﻭﺣﻮﺍﺣﺒﻪ ﻣﻘﺮﻭﻧﻪ ﻭﻣﻦ ﺍﻟﻐﻀﺐ ﻟﻴﻦ ﻋﺮﻭﻗﻪ ﺑﺮﺯﻭﺍ ..
ﻳﻌﻘﻮﺏ ﺑﺄﻟﻢ : ﺑﻌﺪ ﺑﻌﺪﺕ ﻗﻌﺪﺕ ﺍﻧﻲ ﻭﻳﺎﻩ ﻣﺪﺭﻗﻴﻦ ﻣﺎﻋﺮﻓﺘﺶ ﻛﻴﻒ ﻧﺪﻳﺮ ﻭﻻﻧﻌﺮﻑ ﻛﻴﻒ ﺑﻨﺪﻓﻨﻪ ..
ﺑﻌﺪ ﺷﻮﻳﻪ ﺟﻮ ﻫﻤﺎ ﻭﺭﻓﻌﻮﺍ ﺍﻟﺠﺜﺚ ﻣﻤﻜﻦ ﺩﺍﺭﻭﻫﻢ ﻓﻤﻘﺎﺑﺮ ﺟﻤﺎﻋﻴﻪ ﻭﻻ ﻏﻴﺮﻩ ﻣﺎﻧﻌﻠﻤﺶ ...
ﺍﻟﻤﻬﻢ ﺍﻧﺘﻠﻔﻮﺍ ..
ﺍﻟﻬﺎﺩﻱ ﻗﻌﺪ ﻳﺸﺒﺤﻠﻪ ﺑﺄﺳﻒ ..
ﻣﺤﻤﺪ ﺑﻐﻀﺐ : ﺣﺴﺒﻨﺎ ﺍﻟﻠﻪ ..
ﻳﻌﻘﻮﺏ ﺑﻠﻊ ﺭﻳﻘﻪ ﻭﻗﺎﻝ : ﺑﻌﺪﻫﺎ ﻋﺪﻳﺖ ﻭﻳﻦ ﻣﺎﻓﻲ ﺳﻴﺎﺭﺗﻲ ..
ﻓﺮﺣﺖ ﺍﻟﻠﻲ ﻟﻘﻴﺘﻬﺎ .. ﺟﺒﺘﻬﺎ ﺑﺴﺮﻋﻪ ﻭﻳﻦ ﻣﺎﻫﻮ ﻣﻮﺟﻮﺩ ﻭﻛﺮﻳﺘﻪ ﻭﺣﻄﻴﺘﻪ ﻓﻴﻬﺎ ﻭﻫﺮﺑﺖ ﻃﻮﻝ ﺧﻮﻑ ﺍﻧﻬﻢ ﻳﺮﺟﻌﻮﺍ ﻳﻤﺸﻄﻮﺍ ﺍﻟﻤﻜﺎﻥ ..
ﺍﻳﻤﻦ ﺑﺼﻮﺕ ﻣﺨﻨﻮﻕ : ﻭﻳﻦ ﺩﻓﻨﺘﻪ؟
ﺷﺒﺤﻠﻪ ﻳﻌﻘﻮﺏ ﺑﺄﻟﻢ ﻭﻗﺎﻝ : ﻓﺎﻟﺼﺤﺮﺍ ..
ﻧﺎﺽ ﺍﻳﻤﻦ ﻃﻮﻝ ﻃﻠﻊ ﻣﻦ ﺍﻟﻤﺮﺑﻮﻋﻪ ...
ﻳﻌﻘﻮﺏ ﻭﻫﻮ ﻳﺸﻮﻑ ﻟﻠﺒﺎﺏ : ﻛﺎﻥ ﻳﻔﻜﺮ ﻓﻌﻴﺎﻟﻪ ﻭﻋﻴﺎﻝ ﺧﻮﻩ ﻣﺤﻤﻮﺩ ﻭﺍﺟﺪ .. ﺷﺒﺢ ﻟﻬﺎﻧﻴﺒﺎﻝ .. ﻳﺒﻲ ﺿﺮﺍﺭﻳﻪ ﻳﺤﻔﻈﻮﺍ ﻗﺮﺁﻥ ﻣﻦ ﺍﻟﺼﻐﺮ ...
ﻫﺎﻧﻴﺒﺎﻝ ﺍﺑﺘﺴﻢ ﺑﺄﻟﻢ : ﺍﻟﺒﺎﻳﻦ ﻛﻨﺖ ﻣﻼﺯﻣﻪ ﻭﺍﺟﺪ ..
ﻳﻌﻘﻮﺏ ﺍﺑﺘﺴﻢ ﻭﻗﺎﻝ : ﻛﻨﺖ ﻇﻠﻪ ...
🍁🍁🍁🍁
ﺍﻳﻤﻦ ﺍﻟﻠﻲ ﻃﻠﻊ ﻣﻦ ﺣﺪﺍﻫﻢ ﻭﻻ ﻟﻠﺤﻮﺵ ﻭﻫﻮ ﻳﻘﺎﻭﻡ ﻓﺪﻣﻮﻋﻪ ..
ﺭﻛﺐ ﻳﺠﺮﻱ ...
ﺭﺟﻠﻴﻪ ﻭﺻﻠﻮﻩ ﻟﺴﻄﺢ ﻟﻠﺤﻮﺵ ﺍﻟﻠﻲ ﻫﻮ ﻓﻴﻪ ..
ﻭﻗﻒ ﺧﺪﻱ ﻧﻔﺲ ...
ﻏﻤﺾ ﻋﻴﻮﻧﻪ ... ﻭﺩﻣﻌﺘﻪ ﻧﺰﻟﺖ ...
ﺍﻳﻤﻦ ﻋﻨﺪﻩ ﺍﺣﺴﺎﺱ ﺑﺎﻟﻨﻘﺺ ﻣﻦ ﻧﺎﺣﻴﻪ ﻭﺟﻮﺩ ﺍﻷﺏ ﻓﺤﻴﺎﺗﻪ ..
ﻛﺎﻥ ﻳﺘﻤﻨﻰ ﻟﻮ ﻋﺎﺷﻠﻪ ﺑﻮﻩ ...
ﻭﺣﺘﻰ ﻋﻤﻪ ﺍﻟﻠﻲ ﺣﺎﻭﻝ ﻳﻌﻮﺽ ﻫﺎﻟﻨﻘﺺ ﻟﻸﺳﻒ ﺭﺍﺡ ...
ﻓﺘﺢ ﻋﻴﻮﻧﻪ ﻭﻗﻌﺪ ﻳﺸﻮﻑ ﻗﺪﺍﻣﻪ ...
ﺷﻮﻳﻪ ﺷﻮﻳﻪ ﺑﺪﻱ ﻳﻘﺮﺍ ﻓﻲ ﺳﻮﺭﺓ ﺍﻟﺸﺮﺡ ..
ﺗﻌﻠﻢ ﻫﺎﻟﺸﻲ ﻣﻦ ﻣﺆﻧﺲ ...
ﻛﺎﻥ ﻳﺸﻮﻑ ﻓﻴﻪ ﻟﻤﺎ ﻳﻘﻌﺪ ﺑﺮﻭﺣﻪ ﻭﻳﺴﺮﺡ ﻣﺮﺓ ﻣﺮﺓ ﻳﻘﺮﺍﻫﺎ ﺑﺼﻮﺕ ﻋﺎﻟﻲ ..
ﻭﻫﻮ ﻗﺮﺍﻫﺎ ﺑﺼﻮﺕ ﻋﺎﻟﻲ ...
ﻭﻫﻲ ﻭﺭﺍ ﺍﻟﺨﺰﺍﻥ ﻛﺎﻧﺖ ﺗﺸﻮﻑ ﻓﻴﻪ ﻭﺗﺴﻤﻊ ..
ﺗﺄﺛﺮﺕ ﻫﻠﺒﻪ ﺑﻘﺮﺍﺋﺘﻪ ﻭﺩﻣﻮﻋﻬﺎ ﻧﺰﻟﻮﺍ ﻟﻤﺎ ﺳﻤﻊ ﻧﺒﺮﺓ ﺍﻟﺒﻜﺎﺀ ﻓﺼﻮﺗﻪ ﺍﻟﻠﻲ ﻛﺎﻥ ﻳﻘﺎﻭﻡ ﻓﻴﻬﺎ ..
ﻋﺎﻭﺩﻫﺎ ﺗﻼﺗﻪ ﻣﺮﺍﺕ ...
ﺑﻌﺪﻳﻦ ﺧﺪﻱ ﻧﻔﺲ ﻋﻤﻴﻖ ..
ﻭﺗﻠﻔﺖ ..
ﻫﻲ ﺍﺩﺭﻗﺖ ...
ﻫﻮ ﺿﻴﻖ ﻋﻴﻮﻧﻪ ﻭﻗﻌﺪ ﻣﺮﻛﺰ ﻉ ﺍﻟﺨﺰﺍﻥ ..
ﻣﺎﺑﺎﺵ ﻳﺪﻳﺮ ﺍﻱ ﺣﺮﻛﻪ ..
ﻫﻲ ﺑﻴﻨﺖ ﺭﺍﺳﻬﺎ ﺑﺎﻟﺸﻮﻳﻪ .. ﻟﻘﺎﺗﻪ ﻳﺸﺒﺢ ﺟﻴﻬﺘﻬﺎ ﺭﺟﻌﺖ ﺍﺩﺭﻗﺖ ﺑﺴﺮﻋﻪ ..
ﺣﺪﻫﻢ ﻭﻫﻲ ﻣﻐﻤﻀﻪ ﻋﻴﻮﻧﻬﺎ ﺑﺸﺪﻩ ﻭﺗﻘﻮﻝ ﺑﻬﻤﺲ : ﻳﺎﺣﻠﻴﻠﻲ .. ﻳﺎﺣﺒﻴﻨﻲ .. ﻳﺎﻋﺎﺭﻱ ..
ﻫﻮ ﺣﺮﻙ ﺭﺍﺳﻪ ﺍﻳﻤﻴﻦ ﻭﻳﺴﺎﺭ ..
ﺑﻌﺪﻳﻦ ﻃﻮﻝ ﺗﻮﺟﻪ ﻟﻠﺪﺭﻭﺝ ﻭﻧﺰﻝ ..
ﺣﺪﻫﻢ : ﺣﻲ ﻋﻠﻴﺎ ... ﺗﺲ ... ﻣﺶ ﻣﻬﻢ ... ﺍﻳﻪ .. ﻋﺎﺩﻱ .. ﺍﺻﻼ ﺍﻧﻲ ﺭﺍﻛﺒﻪ ﻟﺴﻄﺢ ﺣﻮﺵ ﺟﺪﻱ ﻧﺸﻢ ﻫﻮﺍ .. ﻣﺶ ﺭﺍﻛﺒﻪ ﺑﺶ ﻧﺸﻮﻓﻪ ..
ﻟﻔﺖ ﻭﻣﺸﺖ ﺟﻬﺔ ﺍﻟﺪﺭﻭﺝ ... ﺑﻌﺪﻳﻦ ﻫﻮ ﺍﻟﻠﻲ ﺷﺒﺢ ﺟﻴﻬﺘﻲ .. ﺍﻳﻪ ...
ﻭﻧﺰﻟﺖ ﻣﻦ ﺍﻟﺪﺭﻭﺝ ﻭﻫﻲ ﺗﺒﺘﺴﻢ .. ﻟﻜﻦ ﻳﻬﺒﻞ ﻳﺎﺣﻠﻴﻠﻲ ﺍﻧﻲ .. ﻫﺎﻟﻄﺎﻭﻭﺱ ﺍﻟﻤﺘﻐﻄﺮﺱ 💓..
🍁🍁🍁🍁🍁
ﺑﺎﻫﻲ ﺟﺎﻱ ﻫﻜﻲ ﻭﺧﻼﺹ ..
ﻫﺎﻧﻴﺒﺎﻝ : ﺟﺎﻱ ﻳﺸﻮﻑ ﻣﺆﻧﺲ ﻳﻤﻲ ﻗﻠﻨﺎﻟﻚ ﺻﺎﺣﺒﻪ ..
ﻓﺎﻃﻤﻪ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ...
ﻫﺎﻧﻴﺒﺎﻝ ﺷﺒﺢ ﻟﻐﺎﻟﻴﻪ : ﺩﻳﺮﻱ ﺳﺤﻮﺭ ..
ﻏﺎﻟﻴﻪ ؛ﺣﺎﺿﺮ ..
ﻧﺎﺿﺖ ﻏﺎﻟﻴﻪ ﻣﺸﺖ ﻟﻠﻜﻮﺟﻴﻨﻪ ..
ﻭﻫﺎﻧﻴﺒﺎﻝ ﻃﻠﻊ ﻣﻦ ﺍﻟﺤﻮﺵ .
ﻭﺧﻠﻮﺍ ﻓﺎﻃﻤﻪ ﻷﺣﺰﺍﻧﻬﺎ ﻉ ﻭﻟﺪ ﺧﻮﻫﺎ .. ﻭﻉ ﺧﻮﻫﺎ ﻭﺣﺎﻟﻪ ...
🍁💓
ﻟﻴﻠﺘﻬﺎ ﻛﺎﻧﺖ ﻟﻴﻠﻪ ﻭﺗﺮﻳﻪ ..
ﻟﻴﻠﺔ ...29
ﺍﻳﻤﻦ ﺻﻠﻰ ﻓﻴﻬﻢ ﻋﺸﺮ ﺭﻛﻌﺎﺕ ..
ﻛﺎﻥ ﻳﻘﺮﺍ ﻣﻦ ﺍﻟﻤﺼﺤﻒ ﻣﺘﺎﻉ ﻋﻤﻪ .. ﻭﺩﻣﻮﻋﻪ ﺗﻨﺰﻝ ..
ﻭﻳﻦ ﻳﺴﺠﺪ ﻳﺪﻋﻴﻠﻪ ...
ﻭﻣﺆﻧﺲ ﻛﺎﻥ ﻣﻘﻌﻤﺰ ﺣﺪﺍﻩ ﻭﻳﺴﻤﻊ ﻓﻴﻪ ﻭﻣﺘﺄﻟﻢ ﻫﻠﺒﻪ ...
ﻭﺣﺘﻰ ﻫﻲ ..
ﻛﺎﻧﺖ ﻭﺍﻗﻔﻪ ﺣﺪﺍ ﺍﻟﺴﻮﺭ ﺍﻟﻔﺎﺻﻞ ﻭﺗﺴﻤﻊ ﻓﺼﻮﺕ ﻗﺮﺍﻳﺘﻪ ﻟﻠﻘﺮﺁﻥ ﻭﺗﺒﻜﻲ ..
ﺣﺪﻫﻢ ﺣﺎﺳﻪ ﺑﺸﻮﻕ ﺷﺪﻳﺪ ﻷﻣﻬﺎ ﻭﺧﻮﺗﻬﺎ ﻟﻴﻬﺎ 5 ﺷﻬﻮﺭ ﻣﺎﺭﺗﻬﻤﺶ ﻭﺑﻮﻫﺎ ﻣﺶ ﻧﺎﻭﻱ ﻳﺮﻓﻌﻬﺎ ﺗﺸﻮﻓﻬﻢ .. ﻭﻻﻫﻲ ﻗﺎﺩﺭﺓ ﺗﻔﺘﺢ ﻣﻌﺎﻩ ﺍﻟﻤﻮﺿﻮﻉ ..
ﻋﺎﻳﺸﺔ ﺣﺰﻧﻬﺎ ﺑﺘﺨﻔﻲ ﺩﻭﻥ ﻣﺎﻳﺤﺲ ﺑﻴﻬﺎ ﺣﺪ ﻟﺴﺒﺐ ﻭﺍﺣﺪ ﺑﺶ ﻣﺎﺗﺒﺎﻧﺶ ﺿﻌﻴﻔﻪ ﻗﺪﺍﻣﻬﻢ ..
🍃 ﺑﺘﻘﻮﻟﻮﺍ ﺻﻐﻴﺮﺓ ﻉ ﻓﻬﻢ ﻫﺪﺍ ﻛﻠﻪ ﻧﻘﻮﻟﻠﻜﻢ ﺍﻟﻠﻲ ﻋﺎﺵ ﻓﻲ ﺍﻟﺠﻨﻪ ﻣﺶ ﺯﻱ ﺍﻟﻠﻲ ﻋﺎﺵ ﻓﻲ ﺍﻟﻨﺎﺭ ..
ﺍﻟﺤﻴﺎﺓ ﺍﺣﻴﺎﻧﺎ ﻣﻦ ﻣﺮﺍﺭﻫﺎ ﺗﺸﻴﺐ ﺍﻟﻄﻔﻞ ﺍﻟﺮﺿﻴﻊ 🍃
🍁🍁🍁🍁
ﻓﺎﺕ ﺑﺎﻗﻲ ﺍﻟﻠﻴﻞ ..
ﺑﻌﺪ ﺍﻟﻔﺠﺮ ﺗﺴﻘﺪ ﻳﻌﻘﻮﺏ ﻣﻀﻄﺮ ...
ﻭﻫﻤﺎ ﻣﺎﻗﺪﺭﻭﺵ ﻳﺠﺒﺮﻭﻩ ﻳﻘﻌﺪ ..
ﻣﺸﻲ ﻳﻌﻘﻮﺏ ﻟﻜﻦ ﺧﻼ ﻗﻠﻮﺏ ﺯﺍﺩﺕ ﺍﻧﻔﻄﺮﺕ ﻣﻦ ﺍﻟﺤﺰﻥ ﻭﺍﻷﻟﻢ ..
ﻛﻞ ﻣﺎﻳﻘﻮﻟﻮﺍ ﺑﺮﻱ ﺍﻟﺠﺮﺡ ﻳﺮﺟﻊ ﻳﺘﺠﺪﺩ ...
🍃 ﻣﻌﻠﻮﻣﺔ ﻣﻮﺕ ﻋﻤﺎﺭ ﻭﺻﻠﺘﻬﻢ ﻋﻦ ﻃﺮﻳﻖ ﻳﻌﻘﻮﺏ ﺑﺲ ﺍﻟﺘﻔﺎﺻﻴﻞ ﻣﺎﻛﺎﻧﻮﺵ ﻳﻌﺮﻓﻮﻫﺎ 🍃
🍁🍁🍁🍁
ﻟﻴﻠﺔ ﺍﻟﻌﻴﺪ ..
ﻓﻤﺪﻳﻨﻪ ﻗﺮﻳﺒﻪ ﻣﻦ ﺍﻟﻤﺪﻳﻨﻪ ﺍﻟﻠﻲ ﻫﺎﺭﺑﻴﻦ ﻓﻴﻬﺎ ..
ﺧﺸﻮﻟﻬﺎ ﺑﻤﺴﺎﻋﺪﺓ ﺍﺻﺪﻗﺎﺀ ..
ﻟﺴﺒﺐ ﻭﺍﺣﺪ ﺑﺲ ..
ﺑﺶ ﻳﺤﺼﻠﻮﺍ ﻧﺖ ... ﻭﻳﻜﻠﻤﻮﺍ ﺍﺣﺒﺎﺑﻬﻢ ﺍﻟﻠﻲ ﺍﺳﺘﺎﺣﺸﻮﻫﻢ ﻣﻮﺕ ..
ﻗﺪﺍﻡ ﺍﻟﻼﺏ ﻣﻘﻌﻤﺰﻳﻦ ...
ﻭﻣﺪﺍﻳﺮﻳﻦ ﺍﺗﺼﺎﻝ ﺳﻜﺎﻳﺐ ...
ﺷﺪ ..
ﻭﻓﺘﺤﻮﺍ ..
" ﺍﻳﻤﻦ ﺍﻣﻲ .."
ﺍﻳﻤﻦ ﺿﺤﻚ : ﻳﻤﻲ ..
ﻫﻨﺪﺍ ﻭﻫﻲ ﻻﺑﺴﻪ ﻣﻼﻳﺔ ﺍﻟﺼﻼﺓ ﻭﺣﺪﺍﻫﺎ ﻭﻻﺩﻫﺎ : ﺣﺒﻴﺒﻲ ﻳﺎﺍﻣﻲ ﻳﺎﻋﻤﺮﻱ .. ﻳﺎﻭﺧﻴﺘﻲ ﺳﻠﻤﻪ ﻛﻴﻒ ﻛﺒﺮ ﻭﺭﺍﺡ ﺳﻤﺢ ..
ﺍﻳﻤﻦ ﻳﻀﺤﻚ ﻭﻳﻤﺴﺢ ﻓﻌﻴﻮﻧﻪ ﺑﻌﻨﻒ ..
ﻣﺨﺘﺎﺭ : ﺷﻦ ﺍﻻﻣﻮﺭ ..
ﻋﺒﺪﺍﻟﺮﺯﺍﻕ : ﻟﻴﻚ ﻭﺣﺸﺔ ﻳﺎﺯﻋﻴﻢ ..
ﺍﻳﻤﻦ ﺑﻀﺤﻜﻪ ﻭﺻﻮﺗﻪ ﻣﺨﻨﻮﻕ ﺷﻮﻳﻪ : ﺍﻧﺘﻢ ﺍﻛﺜﺮ ..
ﻫﻨﺪﺍ ﻭﻫﻲ ﺗﻤﺴﺢ ﻓﺪﻣﻮﻋﻬﺎ : ﺷﻦ ﺩﺍﻳﺮﻳﻦ ﺣﺒﻴﺒﻲ ﻗﻮﻟﻲ ﻭﻳﻦ ﺑﺎﻳﻴﺘﻴﻦ ﺷﻦ ﺗﺎﻛﻠﻮﺍ ﺷﻦ ﺗﺸﺮﺑﻮﺍ ﻛﻴﻒ ﻋﺎﻳﺸﻴﻦ ﻳﺎﺃﻣﻲ ﺍﺣﻜﻴﻠﻲ ﻛﻞ ﺷﻲ ﻛﻞ ﺷﻲ .
ﺿﺤﻚ ﺍﻳﻤﻦ ﻭﻗﻌﺪ ﻳﻬﺪﺭﺯ ﻋﻠﻴﻬﺎ ﻭﻫﻮ ﻳﻤﺴﺢ ﻓﺪﻣﻮﻋﻪ ﻭﻳﺸﻮﻑ ﻟﻤﻼﻣﺤﻬﺎ ﺍﻟﻠﻲ ﺍﺷﺘﺎﻗﻠﻬﻢ ﻣﻮﺕ ﺑﺎﻳﻦ ﻉ ﻭﺟﻬﻬﺎ ﺍﻟﻬﻢ ﺿﺎﻋﻔﻪ ﻭﺑﺎﻫﺘﻪ ﻣﺶ ﻫﻨﺪﺍ ﺍﻷﻭﻟﻰ ﺑﻜﻞ ...
ﺣﺘﻰ ﻣﻦ ﻋﻴﻮﻧﻬﺎ ﻣﺤﻠﻘﺎﺕ ﻭﺗﺤﺘﻬﻢ ﻫﺎﻻﺕ ﺳﻮﺩ ..
ﻣﺆﻧﺲ ﺍﻟﻠﻲ ﻧﺎﺽ ﻣﻦ ﺣﺪﺍﻩ ﻗﻌﺪ ﻭﺍﻗﻒ ﺟﻨﺒﻪ ﻭﻳﺸﻮﻓﻠﻪ ﻭﻳﺴﻤﻊ ﻓﻜﻼﻣﻬﻢ ﻭﻗﻠﺒﻪ ﻣﻮﺟﻮﻉ ..
ﺑﻌﺪ ﻧﺺ ﺳﺎﻋﻪ ..
ﻫﻨﺪﺍ : ﺍﺭﺟﻰ ﺧﻞ ﻧﻀﺒﺢ ﻉ ﺣﻨﺎﻙ ...
ﻧﺎﺿﺖ ﻭﻣﺸﺖ ﺗﺠﺮﻱ ..
ﻭﺍﻟﻮﻻﺩ ﻛﻤﻠﻮﺍ ﻫﺪﺭﺯﺓ ﻣﻊ ﺧﻮﻫﻢ ﻭﻭﻟﺪ ﻋﻤﺘﻬﻢ ..
ﻉ ﺟﻴﺔ ﻛﺎﻣﻠﻪ ...
ﻫﻨﺪﺍ : ﺍﻫﻮ ﻳﺎﻋﻤﺘﻲ ﺭﻳﺘﻴﻪ ..
ﻛﺎﻣﻠﻪ ﺣﻄﺖ ﺍﻳﺪﻳﻬﺎ ﻉ ﺍﻟﻄﺎﻭﻟﻪ ﻭﻫﻲ ﺗﺘﻔﺤﺺ ﻓﺼﻮﺭﺗﻪ ﻭﻗﺎﻟﺖ ﺑﺼﻮﺕ ﻛﻠﻪ ﻓﺮﺡ : ﺍﻳﻤﻤﻦ ..
ﺿﺤﻚ ﻭﺩﻣﻮﻋﻪ ﻳﻨﺰﻟﻮﺍ ..
ﻛﺎﻣﻠﻪ ﺑﺪﻣﻮﻉ : ﻛﺒﺮﺕ ﻣﺎﺷﺎﺀ ﺍﻟﻠﻪ ..
ﺍﻳﻤﻦ : ﻫﻬﻬﻬﻬﻬﻬﻬﻬﻪ ..
ﺣﺘﻰ ﺻﻮﺕ ﺍﻟﻀﺤﻜﻪ ﻣﺘﺨﻠﻠﻬﺎ ﺍﻟﺒﻜﻲ ..
ﻛﺎﻣﻠﻪ : ﻭﻟﻴﺪﻱ ﻫﺪﺭﺯ ﺗﻜﻠﻢ ..
ﺍﻳﻤﻦ ﺑﻀﺤﻜﻪ : ﺍﺣﻤﻤﻢ ... ﺷﻨﻮ ﺣﺎﻟﻚ ﻳﺎﺣﻨﺎﻱ ﻭﺣﺎﻝ ﺟﺪﻱ ..
ﻛﺎﻣﻠﻪ : ﺍﻟﺤﻤﺪ ﻟﻠﻪ ﻭﻟﺪﻱ ﻣﺎﺗﺨﻤﻤﻮﺵ ﻓﻴﻨﺎ ﺍﻧﺘﻢ ﺷﻨﻮ ﺣﺎﻟﻜﻢ ﺍﻧﺘﻢ ﻗﻮﻟﻮﺍ ﺷﻨﻮ ﺩﺍﻳﺮﻳﻦ .. ﻭﻣﺆﻧﺲ ﻭﻳﻨﻪ ..
ﻉ ﺟﻴﺔ ﺍﻣﻴﻨﻪ ﺑﻠﻬﻔﻪ : ﻣﺆﻧﺲ ﺍﻣﻲ .
ﻣﺆﻧﺲ ﺑﻴﻦ ﻭﺟﻬﻪ ﻭﻫﻮﻳﻀﺤﻚ : ﺍﻣﻲ ...
ﺍﻣﻴﻨﻪ ﺍﺑﺘﺴﻤﺖ ﺑﻔﺮﺡ : ﺣﺒﻴﺒﻲ ...
🍃 ﻣﻦ ﻗﺎﻝ ﺍﻥ ﺗﻼﻗﻲ .. ﻟﻘﻰ ﻭﺳﻼﻡ ﺑﺎﻹﻳﺪ 🍃
🍁 ﺑﺮﺩ ﺍﻟﻠﻪ ﻉ ﻗﻠﻮﺑﻬﻢ ﻭﺟﻤﻊ ﺷﻤﻞ ﻛﻞ ﺍﻟﻨﺎﺱ ﺍﻟﻠﻲ ﻣﻔﺎﺭﻗﻪ ﺍﺣﺒﺎﺑﻬﺎﺑﺴﺒﺐ ﻇﺮﻭﻑ ﻫﺎﻟﺪﺗﻴﺎ 🍁
ﻣﺎﻣﺎ ﺣﺒﻴﺒﺘﻲ .
ﺭﺍﻭﻳﻪ : ﺩﻭﺩﻭ ..
ﺣﺪﻫﻢ ﺿﺤﻜﺖ ﻣﻦ ﺑﻴﻦ ﺩﻣﻮﻋﻬﺎ : ﺷﻦ ﺟﻮ ﻣﺎﻣﺎ ..
ﺭﺍﻭﻳﻪ : ﺍﻟﺤﻤﺪ ﻟﻠﻪ ﺑﻨﺘﻲ ﺍﻧﺘﻲ ﻛﻴﻒ ﺣﺎﻟﻚ ﺣﺒﻴﺒﺘﻲ ..
ﺣﺪﻫﻢ : ﺍﻟﺤﻤﺪ ﻟﻠﻪ .. ﻛﻞ ﻋﺎﻡ ﻭﺍﻧﺘﻲ ﺑﺨﻴﺮ ..
ﺭﺍﻭﻳﻪ : ﻭﺍﻧﺘﻲ ﺑﺨﻴﺮ ﻳﺎﻋﻤﺮﻱ .. ﺩﻭﺩﻭ ﻣﺎﻣﺎ ﺷﺮﻳﺘﻲ ﺣﻮﺍﻳﺞ ..
ﺣﺪﻫﻢ ﻭﻫﻲ ﺗﺤﺎﻭﻝ ﺟﺎﻫﺪﻩ ﺑﺶ ﻣﺎﺗﺨﻠﻴﺶ ﺍﻣﻬﺎ ﺗﺤﺲ ﺑﺒﻜﺎﻫﺎ : ﺍﻳﻪ ﻣﺎﻣﺎ ﻧﻘﻮﻟﻚ ﺷﻦ ﺧﺪﻳﺖ ..
ﺭﺍﻭﻳﻪ ﺭﺷﻔﺖ ﻭﻗﺎﻟﺖ : ﻗﻮﻟﻲ ﺣﺒﻴﺒﺘﻲ ﻗﻮﻟﻲ ﺑﺎﻟﺘﻔﺼﻴﻞ ﻣﻌﺒﻴﻪ 10 ﻉ ﺧﺎﻃﺮﻙ ﻭﻧﺰﻳﺪ ..
ﺿﻤﺖ ﺣﺪﻫﻢ ﺷﻮﺍﺭﺑﻬﺎ ﻟﺒﻌﺾ ﺑﻘﻮﺓ ﺑﺶ ﻣﺎﺗﻨﻬﺎﺭﺵ .. ﺑﻌﺪﻳﻦ ﺑﺪﺕ ﺗﻀﺤﻚ ﻭﻗﺎﻟﺖ : ﻫﺪﺍ ﻳﺎﺣﻨﻪ ﺷﺮﻳﺖ ..
ﻭﻗﻌﺪﺕ ﺗﻬﺪﺭﺯ ﻉ ﺍﻣﻬﺎ ... ﻭﺍﻣﻬﺎ ﺗﻬﺪﺭﺯ ﻋﻠﻴﻬﺎ ﻭﺣﺘﻰ ﺧﻮﺗﻬﺎ ﺍﻟﻮﻻﺩ ﻛﻠﻤﻮﻫﺎ ...
ﻛﺎﻧﺖ ﻣﺼﻜﺮﺓ ﻋﻠﻴﻬﺎ ﺩﺍﺭﻫﺎ ..
ﺑﺲ ﺻﻮﺗﻬﺎ ﻛﺎﻧﻮﺍ ﻳﺴﻤﻌﻮﺍ ﻓﻴﻪ ﺣﻨﺎﻫﺎ ﻭﺟﺪﻫﺎ ﺍﻟﻠﻲ ﻛﺎﻧﻮﺍ ﻣﻘﻌﻤﺰﻳﻦ ﻓﻲ ﺍﻟﺼﺎﻟﻪ ... ﻭﺍﻟﺰﻭﺯ ﻣﺘﻮﺟﻌﻴﻦ ﻉ ﺣﺎﻟﻬﺎ ..
🍁🍁🍁🍁
ﺗﺎﻧﻲ ﻳﻮﻡ ...
ﺍﻟﻌﻴﺪ ...
ﻛﺎﻥ ﻛﻤﺎ ﺗﻌﻮﺩﻭﺍ ﺍﻏﻠﺐ ﺍﻟﻠﻴﺒﻴﻦ ..
ﻣﺸﻲ ﺑﻨﻔﺲ ﺍﻟﺮﻭﺗﻴﻦ ﻟﻜﻞ ﻋﺎﻡ ..
ﺑﺲ ﻓﻲ ﻫﺪﻳﻜﺎ ﺍﻟﻤﻨﻄﻘﻪ ..
ﻛﺎﻥ ﺍﻭﻝ ﻋﻴﺪ ﻓﻄﺮ ﻳﺤﻀﺮﻭﻩ ﻓﻴﻬﺎ ﻣﺆﻧﺲ ﻭﺃﻳﻤﻦ ..
💓 ﻻﺑﺴﻪ ﺣﻮﺍﻳﺞ ﺍﻟﻌﻴﺪ ﻭﻣﺘﺄﻧﻘﻪ ﻭﻃﺎﻟﻌﻪ ﻋﺴﻞ ..
ﻓﻴﺪﻫﺎ ﻣﺘﺮﺩ ﻛﺒﻴﺮ ﻣﺎﺷﻴﻪ ﻭﺭﺍ ﺑﻮﻫﺎ ﺑﻴﻪ ..
ﺣﺴﻦ : ﺣﻄﻴﻬﺎ ﻭﻋﺪﻱ ..
ﺍﺑﺘﺴﻤﺖ : ﺣﺎﺿﺮ ..
ﻃﺒﻌﺎ ﺑﻴﻤﺸﻲ ﻟﻠﻤﺴﺘﺮﺍﺡ ﺍﻟﻠﻲ ﻗﺪﺍﻡ ﻣﺮﺑﻮﻋﻪ ﻋﻴﺖ ﻋﻤﻪ ﻭﻳﻦ ﻣﺎﻣﻠﺘﻤﻴﻦ ﺧﻮﺗﻪ ﻭﻇﻨﺎ ﻋﻤﻪ ...
ﺑﺲ ﺍﻟﻐﺮﺏ ﻓﻴﻬﻢ ﻛﺎﻧﻮﺍ ﺍﻳﻤﻦ ﻭﻣﺆﻧﺲ ﻭﻫﻤﺎ ﻣﺎﻳﺒﻮﺵ ﻳﺤﺴﺴﻮﻫﻢ ﺑﺎﻟﻐﺮﺑﻪ ..
ﻭﺻﻠﻮﺍ ﻫﻲ ﻭﺑﻮﻫﺎ ..
ﺣﺪﻫﻢ ﺑﺨﺠﻞ : ﻛﻞ ﻋﺎﻡ ﻭﺍﻧﺘﻢ ﺑﺨﻴﺮ ..
ﺍﻳﻤﻦ ﻧﺰﻝ ﻋﻴﻮﻧﻪ ﻋﻨﻬﺎ ﻭﻣﺆﻧﺲ ﻛﺬﻟﻚ ...
ﺑﺲ ﺍﻟﻠﻲ ﺭﺩ ﻣﺆﻧﺲ ﺑﺲ ﻣﻊ ﺑﺎﻗﻲ ﺍﻟﺤﺎﺿﺮﻳﻦ ..
ﺣﻄﺖ ﻣﺘﺮﺩ ﻓﻴﻪ ﺷﻜﻼﻃﺔ ﻛﻨﺪﺭ " ﺻﻮﺍﺑﻊ ﺻﻐﺎﺭ .."
ﻭﻃﻮﻝ ﻣﺸﺖ ..
ﻭﻫﻲ ﻣﺎﺷﻴﻪ ..
ﺣﺪﻫﻢ ﺑﺈﻋﺠﺎﺏ ﺷﺪﻳﺪ : ﻳﺎﺣﻠﻴﻠﻲ ﻳﺎﺣﻠﻴﻠﻲ ﻫﻮ ﻭﺍﻟﻌﺮﺑﻲ ﻭﺍﻟﻌﻤﺎﻣﻪ ﻳﺎﺭﺑﻲ ﻳﺠﻨﻦ ..
ﺑﻌﺪﻳﻦ ﺗﻐﻴﺮﺕ ﻣﻼﻣﺤﻬﺎ ﻟﻺﺯﺩﺭﺍﺀ ﻭﻗﺎﻟﺖ : ﻣﺎﺑﺎﺵ ﻳﺮﺩ ﻋﻠﻴﺎ ﻟﻤﺎ ﻋﻴﺪﺕ ... ﻃﺎﻭﻭﺱ ..
ﺑﻌﺪﻳﻦ ﺗﺒﺪﻟﺖ ﻣﻼﻣﺤﻬﺎ ﻟﻺﺑﺘﺴﺎﻣﻪ .. ﻳﻄﻠﻊ ﻋﻠﻴﻪ ﻛﻞ ﺷﻲ ﻛﻞ ﺷﻲ ..
ﺿﺤﻜﺖ ﻭﻣﺸﺖ ﺑﻄﺮﻳﻘﻬﺎ ﻟﺤﻮﺵ ﺭﻣﻀﺎﻥ ...
💓 ﻭﻳﻦ ﺧﺸﺖ ..
ﻟﻘﺖ ﺭﺯﺍﻥ ﺩﺍﺧﻞ ﺷﺎﻓﺖ ﻟﺒﺴﺘﻬﺎ ﻛﺎﻧﺖ ﺣﻠﻮﺓ ﺑﺎﻟﻤﺮﺓ ﻭﺣﺎﺟﻪ ﻣﻦ ﺍﻻﺧﻴﺮ .. ﺯﻱ ﻣﺎﻳﻘﻮﻟﻮﺍ ..
ﺣﺪﻫﻢ ﻭﻗﻔﺖ ﻋﻠﻴﻬﺎ : ﻛﻞ ﻋﺎﻡ ﻭﺍﻧﺘﻲ ﺑﺨﻴﺮ ..
ﺭﺯﺍﻥ ﻣﻦ ﻓﻮﻕ ﻧﻔﺴﻬﺎ : ﻭﺍﻧﺘﻲ ﻃﻴﺒﻪ ..
ﺷﻘﻠﺒﺖ ﻋﻴﻮﻧﻬﺎ ﻭﺷﺒﺤﺖ ﻟﻐﺎﻟﻴﻪ ﻟﻘﺘﻬﺎ ﺗﺘﻜﻠﻢ ﺑﺎﻟﺘﻠﻴﻔﻮﻥ ..
ﻏﺎﻟﻴﻪ ﺑﺈﺑﺘﺴﺎﻣﻪ : ﺍﻫﻲ ﺍﻣﻲ ﻣﻌﺎﻙ ﻳﺎﻟﻤﻴﺎ ..
ﻣﺪﺕ ﻏﺎﻟﻴﻪ ﺍﻟﺘﻠﻴﻔﻮﻥ ﻷﻣﻬﺎ ...
ﻓﺎﻃﻤﻪ ﺧﺪﺍﺗﻪ ﻭﺭﺩﺕ : ﺁﻟﻮ ....
ﺣﺪﻫﻢ ﻭﻫﻲ ﻣﺒﺘﺴﻤﻪ : ﺳﻌﺪﻭﺩﻫﻢ ﺍﻟﻠﻲ ﻋﺰﻭﺯﺗﻬﻢ ﺣﻨﻴﻨﻪ ﻓﺎﻃﻤﻪ ..
ﺭﺯﺍﻥ ﺷﺒﺤﺘﻠﻬﺎ ﺑﺮﻓﻌﺔ ﺣﺎﺟﺐ : ﻭﺍﻟﻠﻲ ﻋﺰﻭﺯﺗﻬﻢ ﺟﺪﺍﻱ ﺣﺪﻫﻢ؟
ﺣﺪﻫﻢ ﺑﺈﺑﺘﺴﺎﻣﻪ ﻣﺴﺘﻔﺰﺓ : ﺣﺘﻰ ﻫﻤﺎ ﺳﻌﺪﻭﺩﻫﻢ ﺑﺲ ﻟﻮ ﻛﺎﻥ ﻋﻨﺪﻫﻢ ﺑﻨﺖ ﺯﻱ ﺍﺑﻠﻪ ﻏﺎﻟﻴﻪ .. ﺷﺒﺤﺖ ﻟﻐﺎﻟﻴﻪ .. ﺍﺩﻳﺮ ﺯﻱ ﻣﺎﺩﻳﺮ ﺗﻮﺍ ..
ﺭﺯﺍﻥ ﺷﻘﻠﺒﺖ ﻋﻴﻮﻧﻬﺎ ﻭﺷﺒﺤﺖ ﻟﻠﺘﻠﻔﺰﻳﻮﻥ ..
🍁 ﻛﺎﻧﺖ ﺳﻤﻴﻪ ﻣﻘﻌﻤﺰﺓ ﺗﺸﻮﻑ ﻟﻌﺰﻭﺯﺗﻬﺎ ﻛﻴﻒ ﺗﻜﻠﻢ ﻓﻠﻤﻴﺎ ﻭﺗﻐﻠﻲ ﻏﻠﻲ .. ﺑﻌﺪ ﺳﻜﺮﺕ ﻟﻤﻴﺎ ﺍﺗﺼﻠﺖ ﻣﺮﺍﻡ ..
ﻭﻫﻲ ﺯﺍﺩﺕ ﻓﺎﻟﺴﺤﻦ ...
🍃 ﻣﺶ ﻓﺎﻫﻤﻪ ﺍﻟﺴﻠﻔﻪ ﻋﻼﺵ ﺗﺤﺴﺪ ﻭﺗﻐﻴﺮ ﻣﻦ ﺳﻠﻔﺘﻬﺎ ﻣﻦ ﻗﺒﻞ ﻟﺘﻮﺻﻞ .. ﻻﻫﻲ ﻭﺍﺧﺪﻩ ﻣﻨﻚ ﺣﻮﺷﻚ ﻭﻻﺻﻐﺎﺭﻙ ﻭﻛﺎﻥ ﻉ ﻣﺘﺎﻋﻴﻨﻚ ﺧﻠﻴﻚ ﺑﻨﺖ ﺍﺻﻮﻝ ﻭﺗﻌﺎﻣﻠﻲ ﻣﻌﺎﻫﻢ ﺑﺘﺮﺑﻴﺘﻚ ﻭﺍﻟﻠﻪ ﺍﻟﺤﻜﺎﻳﻪ ﻣﺎﻣﺴﺘﺎﻫﻠﻪ 🍃
🍁🍁🍁🍁
ﺍﻟﺴﺎﻋﻪ 11:00 ﺻﺒﺎﺣﺎ ..
ﻟﺒﺴﺘﻲ ﺍﻟﻠﻲ ﺟﺒﺘﻬﻠﻚ ..
ﻣﺮﺍﻡ ﺑﺈﺑﺘﺴﺎﻣﻪ : ﺍﻛﻴﺪ ..
ﻫﺎﻧﻴﺒﺎﻝ ﺑﺈﺑﺘﺴﺎﻣﻪ : ﻧﻮﻟﻲ ﻣﺮﺍﻫﻖ ﻟﻮ ﻗﺘﻠﻚ ﺧﺎﻃﺮﻱ ﻧﺸﻮﻓﻚ ﺑﻴﻬﺎ ..
ﻣﺮﺍﻡ : ﻫﻬﻬﻬﻬﻬﻬﻪ ... ﺷﻦ ﺭﺍﻳﻚ ﺍﻧﺖ ..
ﻫﻮ ﺿﺤﻚ ﻭﻗﺎﻝ : ﻣﻌﻨﺎﻫﺎ ﻣﺮﺍﻫﻖ ..
ﺍﺑﺘﺴﻤﺖ ﻭﻗﻌﺪﺕ ﺳﺎﻛﺘﻪ ..
ﻫﺎﻧﻴﺒﺎﻝ : ﻭﻳﻨﻚ ﺗﻮ ...
ﻣﺮﺍﻡ : ﻓﻲ ﺍﻟﻜﻮﺟﻴﻨﻪ ..
ﻫﺎﻧﻴﺒﺎﻝ : ﺷﻨﻮ ﺑﺪﻳﺮﻱ ﺍﻟﻐﺪﻱ ..
ﻣﺮﺍﻡ : ﻛﺴﻜﺴﻲ ...
ﻫﺎﻧﻴﺒﺎﻝ : ﻛﺴﻜﺴﻴﻚ ﻫﺪﺍﻙ ﻗﺎﻋﺪﻩ ﺑﻨﺘﻪ ﻓﻔﻤﻲ ..
ﻣﺮﺍﻡ : ﻫﻬﻬﻬﻬﻬﻬﻬﻪ ..
ﻃﻖ ﺑﺎﺏ ﺍﻟﺤﻮﺵ ﺍﻟﺒﺮﺍﻧﻲ ..
ﻣﺮﺍﻡ : ﻟﺤﻈﻪ ﻫﺎﻧﻴﺒﺎﻝ ﺍﻟﺒﺎﺏ ﻳﻄﻖ .. ﻫﺪﻯ ﻋﻤﻲ ﺻﻼﺡ ..
ﻫﺎﻧﻴﺒﺎﻝ : ﻋﻨﺪﻩ ﺿﺮﺍﺭﻱ ﻛﺒﺎﺭ؟
ﻣﺮﺍﻡ ﻭﻫﻲ ﻃﺎﻟﻌﻪ ﻣﻦ ﺑﺎﺏ ﺍﻟﻜﻮﺟﻴﻨﻪ : ﻗﺼﺪﻙ ﻣﺎﺗﻌﺮﻓﺶ ﺍﻥ ﻋﻤﻲ ﻫﺪﻯ ﻣﺎﻋﻨﺪﺍﺵ ﻛﺎﻥ ﺑﻨﺎﺕ .. ﻭﻻﺗﺨﺘﺒﺮ ﻓﻴﺎ ﻣﺜﻼ ..
ﻫﺎﻧﻴﺒﺎﻝ : ﻫﻬﻬﻬﻬﻬﻬﻬﻪ ..
ﺿﺤﻜﺖ ﻭﻭﺻﻠﺖ ﻓﻲ ﺍﻟﺒﺎﺏ ..
ﻣﺮﺍﻡ؛ﻫﺎﻧﻲ ﺑﻨﺴﻜﺮ ﺗﻮﺍ ﺑﻌﺪﻳﻦ ﻧﻜﻠﻤﻚ ..
ﺍﺑﺘﺴﻢ : ﺗﻢ ..
ﺍﺑﺘﺴﻤﺖ ﻭﺻﻜﺮﺕ ...
ﺑﻌﺪﻳﻦ ﻓﺘﺤﺖ ﺍﻟﺒﺎﺏ ...
ﺭﻓﻊ ﻧﻈﺎﺭﺍﺗﻪ ﻭﻣﺮﺭ ﻧﻈﺮﻩ ﻋﻠﻴﻬﺎ : ﺍﺳﻤﺢ ﻣﻤﺎ ﺗﺨﻴﻠﺖ ..
ﻫﻲ ﻗﺎﻋﺪﻩ ﻣﺼﺪﻭﻣﻪ ..
ﻫﺎﻧﻴﺒﺎﻝ ﺑﻀﺤﻜﻪ : ﺧﻴﺮﻙ ﺟﻤﺪﺗﻲ؟
ﻣﺮﺍﻡ ﺭﻓﻌﺖ ﺣﻮﺍﺟﺒﻬﺎ ﺑﻌﺪﻳﻦ ﺿﺤﻜﺖ ..
ﻫﺎﻧﻴﺒﺎﻝ ﺑﺈﺑﺘﺴﺎﻣﻪ ﺟﺎﻧﺒﻴﻪ : ﻋﺪﻱ ﺧﺸﻲ ﻗﺒﻞ ﻳﺸﻮﻓﻚ ﺻﺎﺑﺮ ﺭﺍﻳﺢ ﻣﻌﻘﺪ ﻭﻳﺤﺮﻕ ﺍﻟﺪﻡ ﻭﺧﺎﻳﻒ ﻧﻔﺼﻞ ﻋﻠﻴﻪ ﻓﺼﻠﻪ ﺳﻤﻤﻤﺤﻪ ..
ﻳﺎﺳﻤﺤﻪ ..
ﻫﻲ ﺿﺤﻜﺖ ﺑﺨﺠﻞ ﻭﻟﻔﺖ ﻭﻣﺸﺖ ..
ﻃﺎﻳﺮﺓ ﻃﻴﺮﺍﻥ ﻣﻦ ﺟﻤﺎﻝ ﺍﻟﺸﻌﻮﺭ ﺍﻟﻠﻲ ﺗﺤﺲ ﺑﻴﻪ ..
ﻫﻮ ﺻﻜﺮ ﺍﻟﺒﺎﺏ ..
ﻭﺍﺗﺼﻞ ﺑﻀﻮ ..
ﻫﺎﻧﻴﺒﺎﻝ : ﺗﻲ ﻭﻳﻨﻚ ﻳﺎﺭﺍﺟﻞ ﻟﻴﺎ ﻋﺸﺮ ﺳﻨﻴﻦ ﺍﻧﻄﻖ ﻉ ﺍﻟﺒﺎﺏ ..
🍁🍁🍁🍁🍁
ﻓﺎﺕ ﺃﻭﻝ ﻳﻮﻡ ...
ﻭﺟﻲ ﺍﻟﻠﻲ ﺑﻌﺪﻩ ...
ﺍﻟﺴﺎﻋﻪ 11:00 ...
ﻓﺎﺗﺖ ﻉ ﺍﻟﺤﻮﺵ ﻛﻠﻪ ﻭﻫﻲ ﺗﺒﺦ ﻓﻲ ﺍﻟﻤﻌﻄﺮ ..
ﻭﺻﻠﺖ ﻓﻲ ﺍﻟﻜﻮﺟﻴﻨﻪ ﻭﺧﺸﺖ ..
ﺣﻄﺖ ﺍﻟﻤﻌﻄﺮ ﻉ ﺍﻟﺪﻭﻻﺏ ..
ﺷﻴﻜﺖ ﻉ ﺍﻟﺼﻔﺮ ﻣﺘﺎﻉ ﺍﻟﻀﻴﺎﻓﻪ ﺍﻟﻠﻲ ﻣﻮﺗﻴﺘﻬﻢ ..
ﺳﻤﻌﺖ ﺻﻮﺕ ﻛﻼﻛﺴﺎﺕ ﺳﻴﺎﺭﺍﺕ ..
ﺿﺤﻜﺖ ﺑﻔﺮﺡ ...
ﺍﻷﺻﻮﺍﺕ ﻛﺎﻧﺖ ﺗﺠﻲ ﻣﻦ ﺍﻟﺠﻴﻬﺘﻴﻦ ..
ﺣﻤﺰﺓ ﻭﺑﻮﻩ ﺑﺴﻴﺎﺭﺍﺗﻬﻢ ﺧﺎﺷﻴﻦ ﻣﻦ ﺍﻟﺨﻠﻒ
ﻣﻦ ﺍﻟﻘﺪﺍﻡ ...
ﺳﻌﺪ ..
ﻭﻭﺭﺍﻩ ﻋﺒﺪﺍﻟﺴﻼﻡ ..
ﻭﻭﺭﺍﻫﻢ ﺣﻤﻴﺪ ..
ﻭﺍﺧﺮ ﺳﻴﺎﺭﺓ ..
ﻋﻤﺎﺩ ..
ﻭﺍﻗﻔﻴﻦ ﻏﺎﻟﻴﻪ ﻫﻲ ﺍﻣﻬﺎ ﻓﻢ ﺍﻟﺒﻮﺍﺑﻪ ﻳﻀﺤﻜﻮﺍ ..
ﻗﻌﺪﺕ ﺗﺸﻮﻑ ﻣﺮﺓ ﺍﻳﻤﻴﻦ ﻣﺮﺓ ﻳﺴﺎﺭ ﻭﻗﺎﻟﺖ ﺑﻀﺤﻜﻪ : ﺯﻋﻢ ﻣﻦ ﻳﻮﺻﻞ ﺍﻷﻭﻝ ..
....
ﻧﺰﻟﻮﺍ ﺭﺍﻧﻴﺎ ﻭﺭﺑﺎﺏ ﻓﺤﻀﻨﻬﺎ ﺍﺧﺘﻬﺎ ..
ﺭﺍﻧﻴﺎ ﺑﺴﺮﻋﻪ ﻣﺸﺖ ﻟﻤﻤﺮ ﻓﻢ ﺍﻟﺒﻮﺍﺑﻪ ..
ﺍﻣﺎ ﺭﺑﺎﺏ ﺷﻨﻄﺘﻬﺎ ﻗﺮﻳﺐ ﻃﺎﺣﺖ ﺳﺎﻭﺗﻬﺎ ﻭﺷﺪﺕ ﺍﺧﺘﻬﺎ ﻛﻮﻳﺲ ..
ﻭﻛﻴﻒ ﺟﺎﻳﻪ ﺑﺘﻤﺸﻲ .
ﺷﺒﺤﺖ ﻟﺨﻮﺍﻟﻬﺎ ..
ﻟﻤﺤﺎﺗﻪ ﻭﺍﻗﻒ ﻳﺴﻠﻢ ﻉ ﺍﻟﻠﻲ ﺟﺎﻳﻴﻦ ...
ﻛﺎﻥ ﻻﺑﺲ ﻋﺮﺑﻲ ﻭﺯﻣﺎﻟﻪ ﻭﻧﻈﺎﺭﺍﺕ ...
ﻧﺰﻟﺖ ﻋﻴﻮﻧﻬﺎ ﻭﻫﻲ ﻣﺒﺘﺴﻤﻪ ﻭﻛﻤﻠﺖ ﻃﺮﻳﻘﻬﺎ ..
ﻭﻫﻮ ﻣﻌﺎﻫﺎ ﺑﻌﻴﻮﻧﻪ ﺍﻟﻤﺘﺨﻔﻴﺎﺕ ﻭﺭﺍ ﺍﻟﻨﻈﺎﺭﺓ ...
.....
ﺣﺎﺿﻨﻪ ﺭﺍﻧﻴﺎ ﻭﻧﻮﺭ ﺑﻘﻮﺓ ...
ﻭﺣﺪﺍﻫﺎ ﺍﻣﻬﺎ ﺣﺎﺿﻨﻪ ﺩﻻﻝ ..
ﺑﺲ ﻫﺎﻟﻤﺮﺓ ﻣﻦ ﻏﻴﺮ ﺩﻣﻮﻉ ...
ﺑﻌﺪ ﺑﻌﺪﻭﺍ ﻋﻦ ﺑﻌﺾ ..
ﺟﺖ ﺩﻻﻝ ﻟﻐﺎﻟﻴﻪ ﻭﺣﻀﻨﻮﺍ ﺑﻌﺾ ﺑﻘﻮﺓ ...
ﻉ ﺟﻴﺔ ﺯﻳﻨﺐ ﻭﻭﺭﺍﻫﺎ ﺭﺑﺎﺏ ﻣﻦ ﺟﻬﻪ ..
ﻭﻛﻔﺎﻳﻪ ﻣﻊ ﻧﻌﻴﻤﻪ ﻭﻟﻄﻴﻔﻪ ﻣﻦ ﺍﻟﺠﻬﺔ ﺍﻟﺘﺎﻧﻴﻪ ...
ﺑﻌﺪ ﺳﻼﻡ ﺣﺎﺭ ...
ﺧﺸﻮﺍ ﻛﻠﻬﻢ ﺩﺍﺧﻞ ...
ﻓﻲ ﺍﻟﺼﺎﻟﻪ ..
ﺭﺑﺎﺏ : ﻭﻳﻦ ﻭﻻﺩﻙ ﺩﻟﻮﻟﻪ ..
ﺩﻻﻝ : ﻣﻊ ﺧﻮﺍﻟﻲ ..
ﺑﺮﺍ ..
ﻣﺆﻧﺲ : ﺗﺸﻦ ﻫﺪﻯ ﺷﻦ ﻫﺪﻯ ..
ﺍﻳﻤﻦ ﻳﺸﻮﻓﻠﻬﻢ ﺑﺈﺑﺘﺴﺎﻣﻪ ﻭﻋﻴﻮﻥ ﻳﻠﻤﻌﻮﺍ ..
ﻣﺆﻧﺲ ﻗﺎﻣﻬﻢ ﺍﻟﺰﻭﺯ : ﺍﻟﻠﻬﻢ ﺑﺎﺭﻙ ﻭﺍﺣﻔﻆ ..
ﺍﻳﻤﻦ : ﺟﻮﺍﺩ ..
ﺟﻮﺍﺩ ﻳﺸﺒﺤﻠﻪ ﻭﺳﺎﻛﺖ ..
ﺷﺒﺢ ﻟﻤﻌﻤﺮ : ﻭﺍﺿﺢ ﻣﻌﻤﺮ ..
ﻣﻌﻤﺮ : ﺍﻧﻲ ﻣﻌﻤﺮ ﻋﻤﻮﺭﺓ ...
ﻣﺆﻧﺲ ﻭﺍﻳﻤﻦ؛ﻫﻬﻬﻬﻬﻬﻬﻬﻬﻬﻬﻪ ...
ﻣﻦ ﺑﻌﻴﺪ ﺷﻮﻱ ﻋﺒﺪﺍﻟﺴﻼﻡ ﻳﺸﻮﻓﻠﻬﻢ ﻭﻫﻮ ﻣﺒﺘﺴﻢ ..
ﺧﻴﺮﻱ : ﺷﻦ ﺩﺍﻳﺮﻳﻦ ..
ﻋﺒﺪﺍﻟﺴﻼﻡ ﺷﺒﺤﻠﻪ : ﺍﻟﺤﻤﺪ ﻟﻠﻪ ﻉ ﻛﻞ ﺣﺎﻝ ﻣﺎﺷﻴﻪ ..
ﺳﻌﺪ : ﻭﻟﻴﺖ ﻟﻠﺨﺪﻣﻪ ﻭﻻﻣﺎﺯﺍﻝ .
ﻋﺒﺪﺍﻟﺴﻼﻡ : ﻭﻟﻴﻨﺎ ﻟﻜﻦ ﺧﻠﻴﻬﺎ ﻓﺴﺮﻙ ...
ﻫﺰﻭﺍ ﺭﻭﺳﻬﻢ ﺳﻌﺪ ﻭﺧﻴﺮﻱ ﺑﺈﻳﺠﺎﺏ ﻷﻧﻬﻢ ﻓﺎﻫﻤﻴﻦ ﺍﻟﻠﻲ ﻓﻴﻬﺎ ..
ﻉ ﺟﻴﺔ ﻣﻴﻼﺩ ﻭﺣﻤﻴﺪ ..
ﺳﻌﺪ : ﺍﻭﻭﻭﻭﻭ ﺷﻴﺦ ﻣﻴﻼﺩ ..
💓 ﻭﺑﻨﺖ ﻣﻴﻼﺩ ..
ﺧﺸﺖ ﻟﻠﺤﻮﺵ ..
ﻓﻲ ﻧﻔﺲ ﺍﻟﻮﻗﺖ ﺍﻟﻠﻲ ﻃﻠﻊ ﻓﻴﻪ ﻭﻟﺪ ﺳﻌﺪ ﻣﻦ ﺍﻟﻜﻮﺟﻴﻨﻪ ..
ﻛﺎﻥ ﻓﻤﻪ ﻣﻌﺒﻲ ﻏﺮﻳﺒﻪ .. ﻟﻤﺎ ﺷﺎﻓﻬﺎ ﺗﺒﺖ ﻉ ﻟﻘﻄﻪ ..
ﻫﻲ ﻣﻌﺎﺵ ﻋﺮﻓﺖ ﺷﻦ ﺩﻳﺮ ..
💓 ﻣﺎﻫﻮ ﺑﻌﺪ ﺍﻟﻠﻲ ﺻﺎﺭ ﺍﺧﺮ ﻣﺮﺓ ﻭﺍﻟﻜﻼﻡ ﺍﻟﻠﻲ ﺍﻧﻘﺎﻝ ﻻﺯﻡ ﺗﻜﻮﻥ ﻓﻲ ﺣﺎﺟﺎﺕ ﺗﻐﻴﺮﺕ ﻣﺶ ﺯﻱ ﻗﺒﻞ ﺍﻛﻴﺪ 💓...
ﺑﺲ ﻟﻜﻌﺒﺔ ﺍﻟﺴﻜﺮ ﺣﺴﺎﺑﺎﺕ ﺗﺎﻧﻴﻪ ..
ﺧﺸﺖ ﻭﻓﺎﺗﺎﺗﻪ ﺑﺎﻟﻄﻮﻳﻞ ..
ﻫﻮ ﺍﻧﺼﺪﻡ ..
ﻗﺎﺑﻠﻬﺎ ﻣﺎﻟﻚ ...
ﻣﺎﻟﻚ : ﻛﻞ ﺳﻨﻪ ﻭﺍﻧﺘﻲ ﻃﻴﺒﻪ ..
ﺍﺑﺘﺴﻤﺖ : ﻛﻞ ﻋﺎﻡ ﻭﺍﻧﺖ ﺑﺨﻴﺮ ..
ﻭﻣﺸﺖ ﻣﻦ ﺣﺪﺍﻩ ..
ﻣﺎﻟﻚ ﺑﻴﺨﺶ ﻟﻠﻜﻮﺟﻴﻨﻪ ﻭﻳﺸﻮﻑ ﻟﺨﻮﻩ ﻛﻴﻒ ﻳﻤﻀﻎ ﻓﻲ ﺍﻟﻐﺮﻳﺒﻪ ﺑﺒﻄﺊ ﻭﻳﺸﺒﺢ ﻟﻠﺠﻬﻪ ﺍﻟﻠﻲ ﻣﺸﺖ ﻣﻨﻬﺎ ﺭﺯﺍﻥ ﻭﻫﻮ ﺭﺍﻓﻊ ﺣﻮﺍﺟﺒﻪ ..
ﺿﺤﻚ ﻭﺧﺶ ﺍﻟﻜﻮﺟﻴﻨﻪ ..
🍁🍁🍁🍁
ﺑﻌﺪ ﺣﻮﺍﻟﻲ ﺳﺎﻋﻪ ..
ﺟﺘﻬﻢ ﺳﻌﻴﺪﻩ ..
ﻋﻴﺪﻭﺍ ﻉ ﺑﻌﺾ ﻋﺎﺩﻱ ..
ﺑﺲ ﺍﻟﻐﺮﻳﺐ ﻓﻲ ﺍﻟﻤﻮﺿﻮﻉ ..
ﺳﻌﻴﺪﻩ : ﺑﺘﺴﻜﻦ ﻓﻌﻴﻦ ﺯﺍﺭﺓ ..
ﺯﻳﻨﺐ : ﺣﻮﺵ ﺍﺭﺿﻲ ..
ﺳﻌﻴﺪﻩ : ﻓﻮﻕ ﺣﻮﺵ ﻫﻠﻪ ﻋﻨﺪﻩ ﺷﻘﻪ ..
ﺯﻳﻨﺐ ﺑﺈﺑﺘﺴﺎﻣﻪ : ﺑﺎﻫﻲ ﺭﺑﻲ ﻳﺘﻤﻢ ﻉ ﺧﻴﺮ ..
ﺳﻌﻴﺪﻩ ﺍﺑﺘﺴﻤﺖ ﻭﻗﺎﻟﺖ؛ﺗﺴﻠﻤﻲ ﺍﻟﻌﻘﺒﻪ ﻟﻠﺒﻨﺎﺕ ..
ﺯﻳﻨﺐ؛ﺗﺴﻠﻤﻲ ..
ﻫﻮ ﻫﺎﻟﻤﺸﻬﺪ ﺍﻟﻐﺮﻳﺐ ﻛﺎﻥ ﻣﺘﻼﺣﻆ ﻟﻴﻪ ﺑﺪﺍﻳﺎﺕ ﺧﻼﻝ ﺍﻟﺠﺎﻳﺎﺕ ﺍﻷﺧﻴﺮﺓ ﻟﺰﻳﻨﺐ ..
ﻭﻫﺪﺭﺯﺗﻬﻢ ﻫﺎﺩﻱ ﻣﺶ ﻣﺴﺘﻐﺮﺑﻪ ﻫﻠﺒﻪ ..
ﺑﺲ ﻣﻔﺮﺣﻪ ﻟﻠﺤﺎﺟﻪ ﻓﺎﻃﻤﻪ ﺍﻟﻠﻲ ﺗﺸﺒﺢ ﻓﻌﻴﻠﺘﻬﺎ ﻛﻠﻬﺎ ﻣﻘﻌﻤﺰﺓ ﺣﻮﺍﻟﻴﻬﺎ ﻭﻣﺎﻓﻲ ﺣﺪ ﻣﻨﻬﻢ ﻧﺎﻗﺺ ..
..💓
ﺭﻓﻘﻪ : ﺗﻬﺒﻞ ﺑﻠﻮﺯﺗﻚ ..
ﺭﺯﺍﻥ ﺑﻀﺤﻜﻪ : ﺗﺴﻠﻤﻲ ..
" ﻣﺮﺕ ﺧﺎﻟﻲ .."
ﺑﻠﻌﺖ ﺭﻳﻘﻬﺎ ﻭﺷﺎﻓﺘﻠﻪ ﻣﻌﺎﻫﻢ ..
ﺳﻌﻴﺪﻩ : ﺍﻳﻦ ﻣﻨﺎ ..
ﻋﻤﺎﺩ ﺑﻀﺤﻜﻪ : ﻋﻠﻴﻚ ﺍﻧﺘﻲ ...
ﺍﺑﺘﺴﻤﻮﺍ ﺳﻤﻴﻪ ﻭﻟﻄﻴﻔﻪ .
ﺳﻌﻴﺪﻩ ﺑﻀﺤﻜﻪ : ﻧﻌﻢ ..
ﻋﻤﺎﺩ : ﺗﻌﺰﻳﻨﻲ ..
ﺿﺤﻜﺖ ﻛﻔﺎﻳﻪ ..
ﺳﻌﻴﺪﻩ ﺑﺈﺑﺘﺴﺎﻣﻪ : ﻭﺍﺟﺪ ﻛﻴﻒ ﺗﻮﻓﻴﻖ ﻭﻗﻮﺻﻲ ﻭﺭﻣﺰﻱ ﺍﻟﻠﻪ ﻳﻔﻚ ﺍﺳﺮﻩ ..
ﺭﺍﻧﻴﺎ ﺗﻼﺷﺖ ﺍﺑﺘﺴﺎﻣﺘﻬﺎ ..
ﻋﻤﺎﺩ : ﺍﻟﻠﻪ ﻳﻔﻚ ﺍﺳﺮﻩ ... ﻳﺴﻠﻢ ﻋﻠﻴﻚ ﻭﻳﻌﻴﺪ ﻋﻠﻴﻚ ﻭﻗﺎﻟﻲ ﻗﻮﻝ ﻷﻣﻲ ﻣﺎﺗﺨﻤﻤﺶ ﻋﻠﻴﺎ ..
ﺳﻌﻴﺪﻩ ﺑﻠﻬﻔﻪ ﻭﺩﻣﻮﻋﻬﺎ ﻳﻨﺰﻟﻮﺍ : ﺍﻣﺘﻰ ﺭﻳﺘﻪ ..
ﻛﻔﺎﻳﻪ : ﺍﻣﺲ ﻋﻴﺪ ﻓﻤﺼﺮﺍﺗﻪ ﻋﻤﺎﺩ ﺑﺶ ﻳﺸﻮﻓﻪ ..
ﺭﺍﻧﻴﺎ ﺍﻧﻔﺎﺳﻬﺎ ﻣﺘﺴﺎﺭﻋﻪ ﻭﻣﺎﻗﺪﺭﺗﺶ ﺗﻐﻠﺐ ﺩﻣﻌﺘﻬﺎ ...
ﻭﺩﻻﻝ ﺗﺸﻮﻑ ﻟﺼﻐﺎﺭﻫﺎ ﻭﺩﻣﻮﻋﻬﺎ ﻳﻨﺰﻟﻮﺍ ﻭﺗﻤﺴﺢ ﻓﻴﻬﻢ ..
ﻭﻏﺎﻟﻴﻪ ﺍﻟﻠﻲ ﻛﺎﻧﺖ ﺍﺩﻣﻊ ﺳﺎﻣﻌﻪ ﺑﻬﺎﻷﺧﺒﺎﺭ ﻣﻦ ﻋﻤﺎﺩ ﻣﻦ ﻗﺒﻞ ﻭﻗﺎﻟﻠﻬﺎ ﺧﻠﻴﻨﻲ ﺍﻧﻲ ﻧﺨﺒﺮ ﻣﺮﺕ ﺧﺎﻟﻲ ..
ﺳﻌﻴﺪﻩ : ﺭﺑﻲ ﻳﻔﺮﺣﻚ ﺑﻴﻪ ﻭﻟﺪﻙ ﻫﺪﻯ ﻳﺎﻛﻔﺎﻳﻪ ﻳﺎﺭﺏ ..
ﻋﻤﺎﺩ : ﻭﺭﺑﻲ ﻳﺨﻠﻴﻚ ﻟﻨﺴﻴﺒﻚ ﻳﺎﻣﺮﺕ ﺧﺎﻟﻲ ..
ﺿﺤﻜﻮﺍ ﻏﺼﺐ ﻋﻨﻬﻢ ..
ﻭﺭﺯﺍﻥ ﻗﺮﻳﺐ ﺗﺘﺒﺨﺮ ...
ﻛﻔﺎﻳﻪ ﺑﻀﺤﻜﻪ : ﺑﺎﻫﻲ ﺑﺮﺍ ﺟﻴﺒﻠﻲ ﺍﻟﺸﻨﻄﺔ ﺍﻟﺴﻮﺩﺍ ﻣﻦ ﺍﻟﺴﻴﺎﺭﺓ ..
ﻋﻤﺎﺩ ﺷﺒﺢ ﻟﺮﺯﺍﻥ : ﺣﺎﺿﺮ .. ﺗﻨﻬﺪ ﻭﻗﺎﻝ ... ﺍﻟﻠﻬﻢ ﺟﻴﺮﻧﺎ ﻣﻦ ﺳﻮﺍﺩ ﺍﻟﻘﻠﻮﺏ .. ﻭﻟﻒ ﻭﻣﺸﻲ ..
ﻏﺎﻟﻴﻪ ﻭﺭﺍﻧﻴﺎ ﺷﺒﺤﻮﺍ ﻟﺮﺯﺍﻥ ..
ﻭﻫﻲ ﺑﺮﻏﻢ ﺍﺣﻤﺮﺍﺭ ﻭﺟﻬﻬﺎ ﻟﻜﻦ ﻛﺎﻧﺖ ﺗﺘﺠﺎﻫﻞ ﻛﻌﺎﺩﺗﻬﺎ ...
🍁 ﺟﺎﺏ ﻋﻤﺎﺩ ﺍﻟﺸﻨﻄﻪ ..
ﻭﻛﻔﺎﻳﻪ ﺣﻄﺘﻬﺎ ﻓﻲ ﺍﻟﻨﺺ ..
ﻓﺘﺤﺘﻬﺎ ﻭﻗﻌﺪﺕ ﺍﻃﻠﻊ ﻣﻨﻬﺎ ﻓﻲ ﺍﻟﻬﺪﺍﻳﺎ ﺍﻟﻠﻲ ﺧﺪﺗﻬﻢ ﻣﻦ ﺍﻟﺴﻌﻮﺩﻳﻪ ...
ﻓﻲ ﻧﻔﺲ ﺍﻟﻮﻗﺖ ...
ﺩﺭﺳﺖ ﺳﻴﺎﺭﺓ ﺍﻟﺼﺪﻳﻖ ..
ﻧﺰﻟﺖ ﺣﻤﻴﺪﻩ ﺑﺒﻨﺘﻬﺎ ..
ﻭﻧﺰﻝ ﺍﻟﺼﺪﻳﻖ ﻭﺍﺳﺘﻘﺒﻠﻮﻩ ﻧﺴﺎﺑﺎﺗﻪ ..
ﻫﻲ ﻛﻤﻠﺖ ﺑﺒﻨﺘﻬﺎ ..
ﺧﺸﺖ ﻣﻤﺮ ﻓﻢ ﺍﻟﺒﻮﺍﺑﻪ ..
ﻭﺻﻠﺖ ﻟﻠﻔﻢ ..
ﻭﻗﻔﺖ ..
ﺭﻓﻌﺖ ﺧﻤﺎﺭﻫﺎ ...
ﻗﻌﺪﺕ ﺗﺸﻮﻑ ﻟﻠﺼﻐﺎﺭ ﻛﻴﻒ ﻳﻠﻌﺒﻮﺍ ..
ﺻﻐﺎﺭ ﺩﻻﻝ ﻭﻛﻔﺎﻳﻪ ﻭﻧﻌﻴﻤﻪ ﻭﺯﻳﻨﺐ ﻭﺳﻤﻴﻪ ...
ﻛﺎﻧﺖ ﻧﺸﻮﻑ ﻟﻠﻮﻻﺩ ﺑﺲ ..
ﻋﻴﻮﻧﻬﺎ ﻋﻠﻴﻬﻢ ...
ﺍﺳﺘﺎﻗﻀﺖ ﻉ ﺻﻮﺕ ﻧﻮﺭ ﻭﺭﺍﻧﻴﺎ ﺟﺎﻳﺒﻦ ﻳﺴﺘﻘﺒﻠﻮﺍ ﻓﻴﻬﺎ ...
ﺍﺑﺘﺴﻤﺖ ﺍﺑﺘﺴﺎﻣﻪ ﺑﺎﻫﺘﻪ ..
ﻋﻴﺪﻭﺍ ﻉ ﺑﻌﺾ ...
ﺑﺲ ﺍﻟﻠﻲ ﺍﺳﺘﻐﺮﺑﻮﻟﻪ ﺍﻟﺒﻨﺎﺕ ﺍﻥ ﺧﺎﻟﺘﻬﻢ ﻓﺴﻼﻣﻬﺎ ﻛﺎﻧﺖ ﺑﺎﺭﺩﻩ ...
ﺧﺸﺖ ﺩﺍﺧﻞ ﺑﺒﻨﺘﻬﺎ ..
ﻭﻧﻮﺭ ﻭﺭﺍﻧﻴﺎ ﻭﺭﺍﻫﺎ ..
ﺭﺍﻧﻴﺎ : ﺷﻜﻠﻬﺎ ﻧﻔﺴﻴﺘﻬﺎ ﻗﺎﻋﺪﻩ ﺗﺎﻋﺒﻪ ..
ﻧﻮﺭ : ﺍﻳﻪ ..
🍁 ﻭﺻﻠﺖ ﺣﻤﻴﺪﻩ ﻓﺎﻟﺪﺍﺭ ..
ﻋﻴﻨﻬﺎ ﺟﺖ ﻉ ﺍﻟﺸﻨﻄﻪ ﺍﻟﻠﻲ ﻗﺪﺍﻡ ﻛﻔﺎﻳﻪ ..
ﺟﺘﻬﺎ ﻧﻌﻴﻤﻪ ﻋﻴﺪﺕ ﻋﻠﻴﻬﺎ ..
ﻭﻏﺎﻟﻴﻪ ﺗﺮﺍﻗﺐ ﻓﻴﻬﺎ ...
ﻛﺎﻧﺖ ﺑﺎﺭﺩﻩ ﻭﻣﻼﻣﺤﻬﺎ ﺟﺎﻣﺪﻩ ﻭﻫﻲ ﺗﻌﻴﺪ ﻉ ﺍﻟﻜﻞ ..
ﻭﻫﻤﺎ ﻣﻼﺣﻈﻴﻦ ﻭﻋﺎﺫﺭﻳﻨﻬﺎ ..
ﻗﻌﻤﺰﺕ ﻭﻫﻲ ﺗﺸﻮﻑ ﻟﻠﺸﻨﻄﻪ : ﺍﻟﻬﺪﺍﻳﺎ ﻫﺪﻳﻢ ...
ﻛﻔﺎﻳﺔ ﺑﺈﺑﺘﺴﺎﻣﻪ : ﺍﻳﻪ .. ﻭﺍﻫﻲ ﺣﺼﺔ ﺣﻨﻮﻧﻪ ﻭﺍﻣﻬﺎ ﻭﺑﻮﻫﺎ ..
ﺧﺪﺕ ﻫﺪﺍﻳﻬﻢ ﻭﻗﺮﺑﺘﻬﻢ ﻣﻨﻬﺎ ..
ﺣﻤﻴﺪﻩ ﻭﻫﻲ ﺗﺸﻮﻓﻠﻬﻢ : ﺻﺤﻴﺘﻲ ..
ﻛﻔﺎﻳﻪ : ﺳﻠﻤﻚ ..
ﺩﻻﻝ : ﺧﺎﻟﺘﻲ ﻣﺎﺯﺍﻝ ﻣﺘﺄﺛﺮﺓ ..
ﺭﺑﺎﺏ : ﻋﻨﺪﻫﺎﺣﻖ ﻣﺴﻜﻴﻨﻪ ﻣﺶ ﺷﻮﻳﻪ ﺍﻟﻠﻲ ﺻﺎﺭ ﻓﻴﻬﺎ ..
ﺩﻻﻝ ﺗﻨﻬﺪﺕ ﺑﺄﻟﻢ ﻭﺳﻜﺘﺖ ..
ﺷﻮﻳﻪ ﺧﺸﺖ ﻋﻠﻴﻬﻢ ﺍﻟﺤﺎﺟﻪ ﻓﺎﻃﻤﻪ : ﺣﻤﻴﺪﻩ ﺟﻴﺘﻲ؟
ﻧﺎﺿﺖ ﺣﻤﻴﺪﻩ ﻷﻣﻬﺎ ...
ﻭﺻﻠﺖ ﻓﻴﻬﺎ : ﻛﻞ ﺳﻨﻪ ﻭﺍﻧﺘﻲ ﻃﻴﺒﻪ ﻳﻤﻲ .. ﻭﻛﺒﺖ ﻉ ﺭﺍﺳﻬﺎ ..
ﻓﺎﻃﻤﻪ : ﻭﺍﻧﺘﻲ ﻃﻴﺒﻪ ﻳﺎﺑﻨﻴﺔ ﺭﻭﺣﻲ ..
ﻭﻟﺖ ﺑﻌﺪﻫﺎ ﺣﻤﻴﺪﻩ ﻟﻤﻜﺎﻧﻬﺎ ..
ﻓﺎﻃﻤﻪ : ﺷﻦ ﺑﺪﻳﺮﻥ ﻏﺪﺍﻛﻦ ..
ﻏﺎﻟﻴﻪ : ﺑﺎﺯﻳﻦ ﻭﻣﻜﺮﻭﻧﻪ ﻣﺒﻮﺧﻪ ..
ﻓﺎﻃﻤﻪ : ﻫﻜﻲ ﻛﻮﻳﺲ ﻳﺎﺑﻨﺎﺕ ..
ﻛﻠﻬﻢ ﺑﺄﺻﻮﺍﺕ ﻣﺘﻘﻄﻌﻪ : ﺍﻳﻪ ... ﻛﻮﻳﺲ ..
ﻓﺎﻃﻤﻪ : ﺑﺎﻫﻲ ﻫﻴﺎ ﺻﺒﻦ ﺳﻘﺪﻥ ﺍﺭﻭﺍﺣﻜﻦ ..
ﻭﻃﻠﻌﺖ ﻣﻦ ﺣﺪﺍﻫﻢ ..
ﻛﻔﺎﻳﻪ ﺑﻀﺤﻜﻪ : ﺍﻣﻲ ﺩﻳﻤﺎ ﺑﺼﻠﺘﻬﺎ ﻣﺤﺮﻭﻗﻪ ..
ﺣﻤﻴﺪﻩ : ﺗﺒﻲ ﺗﺴﺘﺮﻧﺎ ﻗﺪﺍﻡ ﺭﺟﺎﻟﺘﻨﺎ .
ﺷﺒﺤﻮﻟﻬﺎ ﻭﺣﺴﻮﺍ ﺭﺩﻫﺎ ﻏﺮﻳﺐ ﻭﺣﺎﺩ ..
ﻏﺎﻟﻴﻪ ﻛﺎﻟﻌﺎﺩﻩ ﺗﺒﻲ ﻫﺎﻟﻨﻬﺎﺭ ﻳﻤﺸﻲ ﻉ ﺧﻴﺮ ﻛﺎﻥ ﻫﻲ ﺗﺤﻤﻠﺖ ﻭﻓﻮﺗﺖ ﻏﻴﺮﻫﺎ ﻻ ..
ﻏﺎﻟﻴﻪ : ﻫﻴﺎ ﺻﺒﻦ ﻟﻠﻜﻮﺟﻴﻨﻪ ﺑﺶ ﻧﻠﺤﻘﻮﺍ ...
ﻧﺎﺿﺖ ﻧﻌﻴﻤﻪ : ﻫﻲ ...
ﻭﻧﺎﺿﺖ ﻣﻌﺎﻫﻢ ﺳﻌﻴﺪﻩ ..
ﻭﺍﻟﺘﻼﺗﻪ ﻣﺸﻮﺍ ﻃﻠﻌﻮﺍ ﻣﻦ ﺍﻟﺪﺍﺭ ..
ﻟﻄﻴﻔﻪ : ﻣﻜﺔ ﺣﺮﻳﻘﻪ ﻭﻻ ..
ﻛﻔﺎﻳﻪ : ﺑﻜﻞ ﻟﻜﻦ ﺍﻟﺘﻜﻴﻴﻒ ﻣﺪﺍﻳﺮ ﺣﻞ ..
ﺣﻤﻴﺪﻩ : ﻣﺶ ﻛﺎﻥ ﺗﻌﺪﻭﺍ ﻟﻠﺤﺞ ﻳﺎﻛﻔﺎﻳﻪ ﺭﺑﻲ ﻋﺎﻃﻴﻜﻢ ﻣﻔﺮﻭﺽ ﻣﻦ ﺯﻣﺎﻥ ﻣﺎﺷﻴﻴﻦ ..
ﺍﺳﻠﻮﺑﻬﺎ ﻓﻲ ﺍﻟﻜﻼﻡ ﺑﺪﻱ ﻣﺰﻋﺞ ﻟﻠﻜﻞ ..
ﺑﺲ ﻛﻔﺎﻳﻪ ﺗﺴﺎﻳﺮ : ﺇﻥ ﺷﺎﺀ ﺍﻟﻠﻪ ﺭﺑﻲ ﻳﺴﺨﺮﻟﻨﺎ ..
ﺣﻤﻴﺪﻩ : ﻫﻮ ﻣﺴﺨﺮ ﻏﻴﺮ ﺍﻧﺘﻢ ﺍﻧﻮﻭﺍ ..
ﺍﻟﺒﻨﺎﺕ ﺷﺒﺤﻮﺍ ﻟﺒﻌﺾ ...
ﻭﻟﻄﻴﻔﻪ ﺷﺒﺤﺖ ﻟﺰﻳﻨﺐ ..
ﻭﺯﻳﻨﺐ ﺷﺒﺤﺖ ﻟﺤﻤﻴﺪﻩ ﻭﻗﺎﻋﺪﻩ ﺑﺎﻟﻌﻪ ﻣﻮﺱ ﻭﺳﺎﻛﺘﻪ ﺯﻱ ﻣﺎﻳﻘﻮﻟﻮﺍ ...
ﻣﻬﻤﺎ ﺍﺳﺘﻔﺰﺗﻬﻢ ﻻﺯﻡ ﻳﺴﺎﻳﺮﻭﺍ ﻭﺍﻟﻌﺬﺭ ﻭﺍﻟﻤﺒﺮﺭ .. ﻧﻔﺴﻴﺘﻬﺎ ﺗﺎﻋﺒﻪ ..
ﻓﻲ ﺍﻟﻜﻮﺟﻴﻨﻪ ..
ﻏﺎﻟﻴﻪ : ﺍﺳﻤﻌﻦ ﻭﻓﻮﺗﻦ ..
ﺳﻌﻴﺪﻩ : ﺍﻟﻠﻲ ﻣﺮﺕ ﺑﻴﻪ ﻣﺶ ﺷﻮﻳﻪ ﻓﺘﺮﻩ ﻭﺗﻮﻟﻲ ﻛﻴﻒ ﻣﺎﻛﺎﻧﺖ ..
ﻧﻌﻴﻤﻪ ﺗﻨﻬﺪﺕ ﻭﻗﺎﻟﺖ : ﻳﺎﺍﺍﺭﺏ ..
ﺷﻮﻳﻪ ﺧﺸﺖ ﺳﻤﻴﻪ ..
ﺳﻤﻴﻪ : ﺗﺒﻦ ﻧﻌﺎﻭﻧﻜﻦ ﻓﺸﻲ ..
ﻧﻌﻴﻤﻪ : ﺑﺎﻟﻠﻪ ﺳﻤﻴﻪ ﻗﺮﺿﻲ ﺑﺼﻠﺔ ..
ﺳﻤﻴﻪ : ﺑﺎﻫﻲ ..
ﻧﻌﻴﻤﻪ؛ﻣﻌﺎﺵ ﺳﻤﻌﺘﻮﺍ ﺷﻲ ﻉ ﺑﻮﻙ ..
ﺳﻤﻴﻪ ﺑﻀﻴﻖ : ﺧﻮﻱ ﻋﺪﺍ ﻧﻬﺎﺭ 27 ﺧﻠﻮﻩ ﻳﺸﻮﻓﻪ ﺧﻤﺲ ﺩﻗﺎﻳﻖ ﺑﺲ ﺑﺲ ..
ﻧﻌﻴﻤﻪ : ﻭﺷﻨﻮ ﺣﺎﻟﻪ ..
ﺳﻤﻴﻪ : ﻗﺎﻝ ﺑﺎﻫﻲ ..
ﻧﻌﻴﻤﻪ ﺑﺘﻨﻬﻴﺪﻩ : ﺭﺑﻲ ﻳﻔﻚ ﺍﺳﺮﻩ ...
ﺳﻤﻴﻪ : ﺁﻣﻴﻦ ﻫﻮ ﻭﺭﻣﺰﻱ ﻓﻨﻬﺎﺭ ﻭﺍﺣﺪ ..
ﻛﻠﻬﻢ ﻗﺎﻟﻮﺍ : ﻳﺎﺍﺍﺍﺭﺏ ...
ﻭﻗﻠﻮﺏ ﺳﻌﻴﺪﻩ ﻭﻏﺎﻟﻴﻪ ﺗﺘﻘﻄﻊ ...
🍁🍁🍁🍁
ﻓﺎﺕ ﺍﻟﻨﻬﺎﺭ ﻋﺎﺩﻱ ..
ﺩﺍﺭﻭ ﻏﺪﺍﻫﻢ ..
ﻭﺗﻐﺪﻭﺍ ...
ﻭﻛﻞ ﺷﻲ ﻣﺎﺷﻲ ﺗﻤﺎﻡ ...
ﺑﻌﺪ ﻏﺴﻠﻮﺍ ﺍﻟﺒﻨﺎﺕ ﺍﻟﻤﺎﻋﻴﻦ ..
ﺍﻟﺘﻤﻮﺍ ﺍﻟﻨﺴﺎﻭﻳﻦ ﺍﻟﻜﺒﺎﺭ ﻉ ﺍﻟﻌﺼﺒﺎﻥ ﺑﺶ ﺑﻴﺪﻳﺮﻭﻩ ﻋﺸﻲ ..
ﻓﻲ ﺍﻟﻜﻮﺟﻴﻨﻪ ..
ﺳﻌﻴﺪﻩ ﻭﺯﻳﻨﺐ ﻧﻌﻴﻤﻪ ﻭﻟﻄﻴﻔﻪ ﻭﻏﺎﻟﻴﻪ ..
ﻓﻢ ﺍﻟﺒﻮﺍﺑﻪ ...
ﺩﻻﻝ ﻭﺭﺑﺎﺏ ﻭﺭﺍﻧﻴﺎ ﻭﻧﻮﺭ ﻭﺭﻓﻘﻪ ﻭﺭﺯﺍﻥ ...
ﺍﻣﺎ ﺣﻤﻴﺪﻩ ﻓﻜﺎﻥ ﻣﻘﻌﻤﺰﺓ ﺣﺪﺍ ﺑﻨﺘﻬﺎ ﺍﻟﻠﻲ ﺗﻠﻌﺐ ﻣﻊ ﺍﻟﺼﻐﺎﺭ ...
ﻓﻢ ﺍﻟﺒﻮﺍﺑﻪ ..
ﺭﺍﻧﻴﺎ ﺑﻔﺮﺡ : ﺍﻟﻠﻪ !!
ﺩﻻﻝ ﺑﻀﺤﻜﻪ : ﻭﺍﻟﻠﻪ ..
ﺭﺍﻧﻴﺎ ﺍﺗﻜﺖ ﻉ ﻛﺘﻒ ﺩﻻﻝ ﻭﻫﻲ ﺗﻀﺤﻚ ﻗﺎﻟﺖ : ﻓﺮﺣﺘﻴﻨﻲ ..
ﺭﺑﺎﺏ ﺑﻀﺤﻜﻪ : ﻛﻮﻳﺲ ﺗﻠﻘﻲ ﻣﻦ ﺗﻨﻔﺨﻴﻠﻪ ﺭﺍﺳﻪ ﻏﻴﺮﻱ ..
ﺿﺮﺑﺘﻬﺎ ﺭﺍﻧﻴﺎ : ﻣﺒﺮﺩﻙ ..
ﺿﺤﻜﻮﺍ ..
ﺭﺑﺎﺏ ﻭﻫﻲ ﺗﺘﺤﺴﺲ ﻓﻴﺪﻫﺎ ﺷﺒﺤﺖ ﻟﻨﻮﺭ : ﺷﻦ ﺩﺍﻳﺮﺓ ﻓﺎﻟﻘﺮﺍﻳﻪ ..
ﻧﻮﺭ : ﻣﺎﺷﻴﻪ ﺍﻟﺤﻤﺪ ﻟﻠﻪ ... ﺍﻹﻋﺪﺍﺩﻳﺎﺕ ﺳﻨﻪ ﺻﻌﺒﻪ ﻟﻜﻦ ﺗﻌﺪﻱ ...
.....
ﺭﺯﺍﻥ : ﻻ ﺍﻟﺤﻤﺪ ﻟﻠﻪ ﻛﻠﻪ ﺗﻤﺎﻡ ﺍﻟﺘﻤﺎﻡ ..
ﺭﻓﻘﻪ ﺑﻀﺤﻜﻪ : ﻋﻜﺴﻚ .. ﻋﺎﺑﻴﻪ ﻧﺨﺶ ﻃﺐ .. ﻧﺨﺶ ﻋﻴﻨﻲ ﻭﺍﻟﻠﻪ ﻣﺎﻧﻘﺪﺭﻩ ..
ﺭﺯﺍﻥ : ﻗﺘﻠﻚ ﻣﻦ ﻗﺒﻞ ﺻﻌﺐ ﻭﺍﺟﺪ ..
ﺭﻛﺰﺕ ﺩﻻﻝ ﻭﻫﻲ ﺗﺸﺒﺢ ﺍﻟﻘﺪﺍﻡ ﻟﻘﺖ ﻋﻤﺎﺩ ﺧﺎﺵ ﻣﻊ ﺍﻣﻪ ﺑﺸﻜﺎﺭﺓ ﻛﺒﻴﺮﺓ ...
ﻗﻌﻤﺰ ﻓﺎﻟﺼﺎﻟﻪ ...
ﻭﻛﻔﺎﻳﻪ ﻛﻤﻠﺖ ﻟﻠﻜﻮﺟﻴﻨﻪ ﻭﻫﻲ ﺗﻀﺤﻚ ...
ﺭﺍﻧﻴﺎ ﺑﻀﺤﻜﻪ : ﻣﻮﻟﻲ ﺑﺎﺑﺎ ﻧﻮﻳﻞ ..
ﺿﺤﻜﻮﺍ ...
ﺩﻻﻝ : ﻣﺎﺭﻳﺘﺶ ﺑﻄﻴﺒﺔ ﻗﻠﺒﻪ ﻭﺑﻴﺎﺿﺔ ﻧﻴﺘﻪ ﺯﻱ ﺍﻣﻪ ﺑﺎﻟﺰﺑﻂ ..
ﺭﺑﺎﺏ : ﺻﺢ .. ﺍﻣﻴﺰ ﺣﺎﺟﻪ ﻓﻌﻤﺎﺩ ﺍﻥ ﻃﻴﺐ ﻟﻜﻦ ﻣﺶ ﻋﺒﻴﻂ ﻭﻳﻌﻄﻲ ﻭﻣﺎﻳﺎﺧﺪﺵ .. ﻭﻫﻮ ﻋﺎﺭﻑ ﺍﻥ ﻫﻮ ﻫﻜﻲ ﺧﻴﺮ ﻣﻦ ﺍﻟﻠﻲ ﻳﻘﺎﺑﻠﻪ ﺑﺎﻟﻌﻜﺲ ..
ﺭﺍﻧﻴﺎ : ﺻﺪﻗﺘﻲ ..
ﻧﻮﺭ : ﺭﺍﻫﻮ ﻛﻠﻬﻢ ﺧﻮﺗﻪ ﻫﻜﻲ ..
ﺭﺑﺎﺏ ﺑﻀﺤﻜﻪ : ﻻ ﺍﺳﻤﺤﻴﻠﻲ ﻛﻼ ﻣﺎﻟﻚ ﻳﺎﻣﻴﻨﺘﻲ ﻧﻮﻳﺮﺓ ..
ﺿﺤﻜﻮﺍ ..
ﻧﻮﺭ ﺑﻀﺤﻜﻪ : ﻋﻴﻨﻚ ﻳﻬﺒﻞ ﺣﺘﻰ ﻭﻫﻮ ﻧﻮﻳﺮﻩ ﺍﺣﻠﻰ ﻧﻮﻳﺮﻩ ..
ﺭﺑﺎﺏ ﺑﻀﺤﻜﻪ ﻭﻫﻲ ﺭﺍﻓﻌﻪ ﺣﻮﺍﺟﺒﻬﺎ : ﺣﻴﻲ ﺍﻧﻄﻠﻘﺖ ﻧﻮﺭ ...
" ﻫﻴﻴﻴﻴﻴﻴﻲ "
ﺷﺒﺤﻮﺍ ﻛﻠﻬﻢ ﻟﻌﻤﺎﺩ ﻭﺍﻟﺼﻐﺎﺭ ﻛﻴﻒ ﻣﻠﻤﻮﻣﻴﻦ ﺣﻮﺍﻟﻴﻪ ﻭﻓﺮﺣﺎﻧﻴﻦ ..
ﻭﺣﻤﻴﺪﻩ ﻋﻴﻮﻧﻬﺎ ﻉ ﺑﻨﺘﻬﺎ ﻛﻴﻒ ﺗﻀﺤﻚ ﻭﻓﺮﺣﺎﻧﻪ ..
ﺿﺤﻜﺖ ﻣﻌﺎﻫﺎ ..
ﺑﻌﺪ ﻓﺮﻕ ﺍﻟﻬﺪﺍﻳﺎ ...
ﻃﻠﻊ ﺷﻜﻼﻃﻪ ﻭﻓﺮﺷﻬﺎ ﻗﺪﺍﻣﻬﻢ ﻭﻗﺎﻝ : ﻫﻲ ﺍﻧﻄﻠﻘﻮﺍ ..
ﻭﺍﻟﺼﻐﺎﺭ ﺍﻟﻠﻲ ﻫﺪﺍ ﻳﺎﺧﺪ ..
ﻭﺣﻨﻴﻦ ﻣﺎﻋﺮﻓﺘﺶ ﻛﻴﻒ ﺍﺩﺍﻋﻚ ﻣﻌﺎﻫﻢ ﻭﺍﻣﻬﺎ ﺗﺸﻮﻓﻠﻬﺎ ..
ﺑﻌﺪ ﺧﺪﻭﺍ ..
ﻗﻌﺪﺕ ﻭﺣﺪﻩ
ﺣﻨﻴﻦ ﺟﺖ ﺑﺘﺎﺧﺪﻫﺎ ﺧﺪﺍﻫﺎ ﻣﻌﻤﺮ ..
ﻧﺎﺿﺖ ﺣﻤﻴﺪﻩ ﻃﻮﻝ ﻟﻤﻌﻤﺮ ..
ﺷﺪﺕ ﻳﺪﻩ ﻭﺧﺪﺗﻬﺎ ﻣﻨﻪ ﺑﻌﻨﻒ ﻭﻋﻄﺘﻬﺎ ﻟﺒﻨﺘﻬﺎ ...
ﻋﻤﺎﺩ ﻳﺸﻮﻑ ﻟﺨﺎﻟﺘﻪ ﺑﺼﺪﻣﻪ ...
ﻉ ﺧﺸﺔ ﻧﻮﺭ ﺗﺠﺮﻱ ..
ﻃﺒﺖ ﻣﻌﻤﺮ ﻭﻃﻠﻌﺖ ﺑﻴﻪ ﻓﻢ ﺍﻟﺒﻮﺍﺑﻪ ..
ﺣﻤﻴﺪﻩ ﺗﺠﺎﻫﻠﺖ ﺧﺪﺕ ﺑﻨﺘﻬﺎ ﻭﻣﺸﺖ ﻟﻠﺪﺍﺭ ...
ﻭﻋﻤﺎﺩ ﻣﺼﺪﻭﻡ ﻓﻲ ﺍﻟﻤﻮﻗﻒ ﻟﻴﻦ ﺧﻼﺹ ..
ﺑﺮﺍ ..
ﺩﻻﻝ ﻭﻫﻲ ﺗﺴﺎﻭﻱ ﻓﺸﺎﺭﺑﺘﻬﺎ ﻭﺗﺤﺎﻭﻝ ﺗﻜﺘﻢ ﻏﻀﺒﻬﺎ : ﻣﻌﻠﻴﺸﻲ ﻣﻌﻠﻴﺶ ...
ﻧﻮﺭ ﻭﺩﻣﻌﺘﻬﺎ ﻓﻌﻴﻨﻬﺎ : ﻫﻲ ﻟﻴﻠﻪ ﻭﻓﺮﺍﻗﻬﺎ ﺻﺒﺢ
ﺭﺍﻧﻴﺎ ﺑﻀﻴﻖ : ﺧﻼﺹ ﻳﺎﺑﻨﺎﺕ ﺻﻠﻮﺍ ﻉ ﺍﻟﻨﺒﻲ ..
ﺭﺑﺎﺏ : ﺳﺎﻳﺮﻭﺍ ﻣﻌﻠﻴﺸﻲ ..
ﺩﻻﻝ ﺷﺒﺤﺖ ﻟﻮﻟﺪﻫﺎ ﺍﻟﻠﻲ ﻛﺎﻥ ﺣﺎﺿﻦ ﺧﺎﻟﺘﻪ ﻭﻣﻄﺮﻡ ﺷﻮﺍﺭﺑﻪ ﻣﻦ ﺍﻟﺰﻋﻞ ..
ﻧﺰﻟﺖ ﺩﻣﻌﻪ ﻣﺴﺤﺘﻬﺎ ..
ﺭﺯﺍﻥ ﺗﺸﻮﻓﻠﻬﻢ ﺑﻀﻴﻖ ...
ﺭﻓﻘﻪ : ﺻﻐﺎﺭ ﺩﻻﻝ ﺍﻳﺘﺎﻡ ﺣﺮﺍﻡ ﻫﻜﻲ ﺗﺘﺼﺮﻑ ﻣﻌﺎﻫﻢ ..
ﺭﺯﺍﻥ : ﻭﻃﻲ ﺣﺴﻚ ..
ﺭﻓﻘﻪ ﺷﺒﺤﺖ ﺟﻬﺔ ﺩﻻﻝ ﻟﻘﺘﻬﺎ ﺗﺸﻮﻓﻠﻬﻢ ..
ﻧﺎﺿﺖ ﻭﺟﺖ ﻟﻨﻮﺭ : ﻫﺎﺗﻴﻪ ﺗﺮﺍ ..
ﻣﺪﺍﺗﻪ ﻧﻮﺭ ﻷﺧﺘﻬﺎ ﻭﻫﻲ ﺗﺸﻮﻓﻠﻬﺎ ..
ﻭﺩﻻﻝ ﻣﺸﺖ ﺑﻮﻟﺪﻫﺎ ﻭﻃﻠﻌﺖ ﻣﻦ ﻣﻤﺮ ﻓﻢ ﺍﻟﺒﻮﺍﺑﻪ ..
ﻭﺍﻟﺒﻨﺎﺕ ﻣﻌﺎﻫﺎ ﺑﻌﻴﻮﻧﻬﻢ ﺍﻟﻠﻲ ﺗﺸﻮﻓﻠﻬﻢ ﺑﺂﺳﻰ ..
🍁🍁🍁🍁🍁
ﻣﻌﻤﺮ : ﻣﺎﻣﺎ ﺗﺒﻜﻴﺶ ..
ﺷﺒﺤﺘﻠﻪ ﻭﺍﺑﺘﺴﻤﺖ ﻭﻣﺴﺤﺖ ﺩﻣﻮﻋﻬﺎ : ﻣﺎﻧﺒﻜﻴﺶ ﺣﺒﻴﺒﻲ ﺧﻼﺹ ..
ﻣﻌﻤﺮ ﺳﻜﺖ ..
ﻗﻌﺪﺕ ﺗﺘﻤﺸﻰ ﻫﻴﺎ ﻭﻳﺎﻩ ..
ﻭﻣﻦ ﻓﻮﻕ ﺍﻟﺴﻄﺢ ﺣﻤﺰﺓ ﻳﺸﻮﻑ ﻓﻴﻬﺎ ...
ﻭﻗﻠﺒﻪ ﺍﻟﻠﻲ ﻛﺒﺮ ﻉ ﺣﺒﻬﺎ ﻣﺎﺯﺍﻝ ﻳﺮﺟﻒ ﻭﻳﻦ ﺗﺒﺎﻥ ﻋﻠﻴﻪ ...
🍁🍁🍁🍁
ﻧﺰﻟﺖ ﻣﻌﻤﺮ ﻟﻮﻃﺎ ﻭﻗﻌﺪﺕ ﺗﺘﻤﺸﻰ ﻫﻴﺎ ﻭﻳﺎﻩ ..
ﻣﻌﻤﺮ ﺷﺎﻑ ﻗﻄﻮﺳﻪ ﻓﺎﺕ ﻳﺠﺮﻱ ﻭﺭﺍﻫﺎ ..
ﺩﻻﻝ : ﺗﻌﺎﻟﻰ ﻫﻨﻲ ...
ﻗﻌﺪﺕ ﺗﺠﺮﻱ ﻭﺭﺍﻩ ﺣﺘﻰ ﻫﻲ ...
ﻟﻌﻨﺪ ﻣﺎﻃﻠﻊ ﻣﻦ ﻓﻢ ﺍﻟﻘﻄﻌﻪ ..
ﺩﻻﻝ ﺧﺒﻄﺖ ﻉ ﻭﺟﻬﻬﺎ : ﻳﺎﻧﻬﺎﺭﻱ ..
ﻉ ﺟﻴﺔ ﺣﻤﺰﺓ ..
ﻛﺎﻥ ﻣﺎﺷﻲ ﺑﻴﺠﻴﺒﻪ ..
ﻟﻜﻦ ﻓﻲ ﻣﻦ ﺳﺒﻘﻪ ﻭﺧﺶ ﺑﻴﻪ ﻭﻫﻮ ﻗﺎﻳﻤﻪ ..
ﻣﻌﻤﺮ : ﻗﻮﻝ ﻟﻤﺎﻣﺎ ﻣﺎﺗﻀﺮﺑﻨﻴﺶ ..
ﺿﺤﻚ ﺿﻮ ﻭﺷﺎﻑ ﻭﻳﻦ ﻣﺎﻳﺸﻮﻑ ﻣﻌﻤﺮ ...
ﺗﻼﺷﺖ ﺿﺤﻜﺘﻪ ...
ﻭﺗﻜﻬﺮﺏ ﻛﻞ ﺷﻲ ﻓﻴﻪ ..
ﻫﻲ ﻛﺎﻧﺖ ﻣﺘﺤﺸﻤﻪ ﻟﻴﻦ ﺧﻼﺹ ..
ﺍﺗﺴﺎﻭﻱ ﻓﺸﺎﺭﺑﺘﻬﺎ ﻭﺗﻘﻮﻝ : ﺗﻌﺎﻟﻰ ﻣﻌﻤﺮ ..
ﻣﻌﻤﺮ : ﻣﺎﺗﻀﺮﺑﻨﻴﺶ ..
ﻗﺪﻡ ﺣﻤﺰﺓ ﻟﻀﻮ : ﻣﺎﺗﻀﺮﺑﻜﺶ ﻫﻴﺎ ﺗﻌﺎﻟﻰ ﻋﻨﺪﻱ ..
ﺩﻻﻝ ﻟﻔﺖ ﻭﻣﺸﺖ ﺑﺴﺮﻋﻪ ﻭﻫﻲ ﺑﺘﻤﻮﺕ ﻣﻦ ﺍﻹﺣﺮﺍﺝ ..
ﺧﺪﻱ ﺣﻤﺰﺓ ﻣﻌﻤﺮ ﻭﻗﺎﻝ ﻟﻀﻮ ﺑﺸﻲ ﻣﻦ ﺍﻟﺤﺪﻩ : ﺗﻔﻀﻞ ..
ﺍﺳﺘﺎﻗﺾ ﺿﻮ ﺍﻟﻠﻲ ﻛﺎﻥ ﻳﺘﺒﻊ ﻓﺪﻻﻝ ﺑﻌﻴﻮﻧﻪ ﻭﺷﺒﺢ ﻟﺤﻤﺰﺓ ﺍﺑﺘﺴﻢ ﻭﻗﺎﻝ : ﻳﺰﻳﺪ ﻓﻀﻠﻚ ...
ﺧﺶ ﻭﻭﺭﺍﻩ ﺣﻤﺰﺓ ﻗﺎﻝ ﺑﻬﻤﺲ : ﻧﺎﻗﺼﺎﺗﻚ ﺍﻧﺖ ﺍﻟﺘﺎﻧﻲ ..
ﻣﻌﻤﺮ : ﺷﻨﻮﻭﻭ؟
ﻓﻨﺺ ﺣﻤﺰﺓ ﺑﻀﺤﻜﻪ ﻭﻗﺎﻝ : ﺍﺻﺼﺺ ..
ﻣﻌﻤﺮ ﺑﻬﻤﺲ : ﺷﻨﻮﻭﻭ ..
ﺣﻤﺰﺓ ﺿﺤﻚ ﻭﺑﺎﺳﻪ ..
ﻣﻌﻤﺮ ﻣﺴﺢ ﺍﻟﺒﻮﺳﻪ ..
ﺣﻤﺰﺓ ﻣﺎﺕ ﺑﺎﻟﻀﺤﻚ ..
ﺍﻣﺎ ﺿﻮ ﺍﻟﻠﻲ ﻣﺎﺷﻲ ﻗﺪﺍﻣﻪ ..
ﻓﻜﺎﻥ ﺭﺍﻳﺢ ﻓﻨﻔﺲ ﺍﻟﻌﺎﻟﻢ ﺍﻟﻠﻲ ﺭﺍﺡ ﻓﻴﻪ ﻗﺒﻞ ﺗﻼﺗﻪ ﺳﻨﻮﺍﺕ ..
ﺍﻟﻔﺎﺭﺱ ﺍﻟﺴﺮﺗﺎﻭﻱ ...
🍁🍁🍁🍁🍁
ﺑﻌﺪ ﺍﻟﺤﺮﻛﻪ ﺍﻟﻠﻲ ﺻﺎﺭﺕ ..
ﻛﺎﻧﺖ ﻓﻲ ﻣﺤﺎﻭﻻﺕ ﻟﻀﺒﻂ ﺍﻟﻨﻔﺲ ..
ﺩﻻﻝ ﺍﻟﻤﻮﻗﻒ ﻗﺎﻋﺪ ﺣﺎﺭﻗﻬﺎ ﻟﻜﻦ ﻣﺘﺤﻤﻠﻪ ﻭﺳﺎﻛﺘﻪ ..
ﻭﺣﻤﻴﺪﻩ ﻣﺎﻏﻴﺮ ﺷﺎﺩﻩ ﺑﻨﺘﻬﺎ ﻭﻣﻘﻌﻤﺰﺓ ﻓﺘﺮﻛﻴﻨﻪ ...
🍁 ﺩﺍﺭﻭ ﻋﺸﺎﻫﻢ ..
ﻭﺧﺪﻱ ﻭﻗﺘﻪ ﻭﻃﺎﺏ ...
ﻭﺗﻌﺸﻮﺍ ﺭﺟﺎﻟﺔ ﻭﻧﺴﺎﻭﻳﻦ ﻭﻛﻠﻪ ﻣﺸﻲ ﺗﻤﺎﻡ ...
ﻓﻲ ﺍﻟﻜﻮﺟﻴﻨﻪ ...
ﻧﻮﺭ : ﻏﺮﻳﺒﻪ ﺣﺪﻫﻢ ﻣﺎﺟﺘﺶ ..
ﺭﺯﺍﻥ ﻭﻫﻲ ﺗﻤﺼﻤﺺ : ﺣﻨﺎﻱ ﺷﺪﺗﻬﺎ ﻗﺎﺕ ﻋﻴﺐ ﺗﻤﺸﻲ ..
ﺭﻓﻘﻪ : ﺷﻦ ﻋﻴﺐ ﻫﺎﺩﻱ ﻗﺒﻞ ﺗﺠﻲ ..
ﺭﺯﺍﻥ : ﻫﻲ ﻫﻜﻲ ﻗﺎﻟﺖ ..
ﻣﻄﺖ ﺷﻮﺍﺭﺑﻬﺎ ﻧﻮﺭ ﺑﺈﺳﺘﻐﺮﺍﺏ ...
ﻓﻲ ﺍﻟﺪﺍﺭ ...
ﻛﺎﻧﻮﺍ ﻣﻘﻌﻤﺰﻳﻦ ﻳﻬﺪﺭﺯﻭﺍ ...
ﻉ ﺟﻴﺔ ﻣﺤﻤﺪ :.. ﺩﻻﻝ ..
ﺷﺒﺤﺘﻠﻪ ..
ﻣﺤﻤﺪ : ﻣﺆﻧﺲ ﻭﺍﻳﻤﻦ ﻳﺒﻮﺍ ﻳﺸﻮﻓﻮﺍ ﺍﺳﻴﺎ ..
ﺍﺑﺘﺴﻤﺖ : ﺑﺎﻫﻲ ..
ﺍﺳﻴﺎ ﻛﺎﻧﺖ ﻧﺎﻳﻀﻪ ..
ﺧﺪﺗﻬﺎ ﺍﻣﻬﺎ ﻭﻧﺎﺿﺖ ﺑﻴﻬﺎ ..
ﻣﺪﺗﻠﻬﺎ ﻧﻌﻴﻤﻪ ﺷﺮﺷﺎﻑ : ﻫﺎﻙ ﻏﻄﻴﻬﺎ ..
ﻣﺸﺖ ﻷﻣﻬﺎ ﺧﺪﺕ ﺍﻟﺸﺮﺷﺎﻑ ﻏﻄﺘﻬﺎ ..
ﻭﻃﻠﻌﺖ ﻣﻌﺎ ﺧﺎﻟﻬﺎ ..
ﻣﺤﻤﺪ ﻳﻼﻋﺐ ﻓﻲ ﺁﺳﻴﺎ : ﻋﺖ ﻋﺖ ﻋﺖ ..
ﺍﺳﻴﺎ ﺗﻀﺤﻚ ..
ﻭﺩﻻﻝ ﺗﻀﺤﻚ ﻣﻌﺎﻫﺎ ...
ﻓﻲ ﺍﻟﻜﻮﺟﻴﻨﻪ ...
ﻧﻮﺭ ﻃﻠﻌﺖ ﺑﻌﺪ ﻛﻤﻠﺖ ﺍﻟﻠﻲ ﻋﻠﻴﻬﺎ ..
ﺭﻓﻘﻪ : ﻛﻤﻠﺖ ﺭﻭﺯﻱ ..
ﺭﺯﺍﻥ : ﻧﺸﻒ ﺍﻟﻜﻮﺟﻴﻨﻪ ﻭﻧﻠﺤﻘﻚ ..
ﺭﻓﻘﻪ : ﺑﺎﻫﻲ ..
ﻣﺸﺖ ﻃﻠﻌﺖ ﺭﻓﻘﻪ ..
ﻭﻗﻌﺪﺕ ﺭﺯﺍﻥ ..
ﺗﻜﻨﺲ ﻓﻲ ﺍﻟﻜﻮﺟﻴﻨﻪ ..
ﺑﻌﺪ ﻛﻤﻠﺖ ...
ﺧﺪﺕ ﺍﻟﻨﺸﺎﻓﻪ ﻭﻗﻌﺪﺕ ﺗﻐﺴﻞ ﻓﻴﻬﺎ ..
ﺑﻌﺪﻳﻦ ﻃﺮﺣﺘﻬﺎ ﻉ ﺍﻟﺰﻟﻴﺰ ..
ﻭﺩﺍﺭﺕ ﻭﺭﻛﻴﻨﻪ ...
ﻭﻛﻴﻒ ﺑﺎﺩﻳﻪ ﺗﻨﺸﻒ ..
" ﻳﺎﻣﺴﻬﺮ ﻋﻴﻨﻲ ..
ﺣﺒﻚ ﻉ ﻋﻴﻨﻲ
ﻳﺎﻣﺤﻴﺮ ﻗﻠﺒﻲ ﺭﻭﺣﻲ ﻓﺪﺍﻙ .."
ﻫﻲ ﺷﺪﺕ ﺍﺑﺘﺴﺎﻣﺘﻬﺎ ﻭﻗﻌﺪﺕ ﺗﻨﺸﻒ ...
ﻋﻤﺎﺩ ﻭﻫﻮ ﻣﺘﻜﻲ ﻉ ﺍﻟﺮﻭﺷﻦ ﻳﺘﺄﻣﻞ ﻓﻴﻬﺎ ..
ﺣﺎﺭﻣﻨﻲ ﻃﻌﻢ ﺍﻟﻨﻮﻡ ..
ﻳﺎﺣﺒﻴﺒﻲ ﻋﻠﻴﻚ ﺍﻟﻠﻮﻡ ..
ﺑﻌﻤﺮﻱ ﺍﺣﻼ ﻳﻮﻡ ..
ﻳﻮﻡ ﻛﻨﺖ ﻣﻌﺎﻙ ..
ﺳﻜﺖ ..
ﻭﻫﻲ ﻭﻻ ﻣﺪﻭﺭﺓ ﺗﻨﺸﻒ ﻭﻋﺎﺩﻱ ﺟﺪﺍ ﻭﻻﻛﺈﻧﻪ ﻓﻲ ﺣﺪ ..
ﻫﻮ ﺗﻨﻬﺪ ﻭﻛﻤﻞ ...
ﻳﺎﺣﻼﻭﺗﻚ ﻭﺍﻧﺖ ﻉ ﻗﻠﺒﻲ ﻗﺎﺳﻲ ..
ﺍﺑﺘﺴﻤﺖ ﻭﻫﻲ ﻋﺎﻃﻴﺎﺗﻪ ﺑﺎﻟﻈﻬﺮ ..
ﻫﻮﻛﻤﻞ ..
ﻳﺎﻏﻼﻭﺗﻚ ﻭﺍﻧﺖ ﻫﺎﺟﺮ ﻭﻧﺎﺳﻲ ..
ﻫﻲ ﻋﻄﻠﺖ ﻓﻲ ﺍﻟﺘﻨﺸﻴﻒ ﻗﺼﺪﺍ ﺑﺶ ﻳﻜﻤﻞ ..
ﺻﻮﺗﻪ ﻣﻤﻴﺰ ﻓﻴﻪ ﺑﺤﻪ ﻟﻤﺎ ﻳﻐﻨﻲ ﺭﻏﻢ ﺍﻧﻪ ﻣﺶ ﺣﻠﻮ ﻫﻠﺒﻪ ..
ﺗﻨﻬﺪ ﻣﻦ ﺍﻋﻤﺎﻕ ﺍﻋﻤﺎﻗﻪ ﻭﻛﻤﻞ ..
ﺗﺴﺄﻝ ﻋﻦ ﺣﺎﻟﻲ ..
ﺍﻳﻪ ﺍﻟﻠﻲ ﺟﺮﺍﻟﻲ ..
ﻭﻻﻟﺤﻈﻪ ﺍﺑﺪﺍ ﺍﻧﺎ ﻫﻨﺴﺎﻙ ..
ﻳﺎﻣﺎ ﻟﻴﺎﻟﻲ .. ﺳﻬﺮﺕ ﺍﻟﻠﻴﺎﻟﻲ ..
ﺷﺎﻏﻠﻨﻲ ﺍﻧﺖ ﻭﻫﻤﻲ ﺭﺿﺎﻙ ..
ﻳﺎﺍﺧﺪ ﻣﻨﻲ ﺍﻟﺮﻭﺡ ..
ﻗﻠﺒﻲ ﺑﻬﻮﺍﻙ ﻣﺠﺮﻭﺡ ..
ﻫﻲ ﺣﻄﺖ ﺍﻟﺴﻴﺎﻗﻪ ﻭﺍﻟﺘﻔﺘﺖ ..
ﻫﻮ ﺍﺑﺘﺴﻢ ..
ﻳﺎﺣﺒﻴﺒﻲ ﻓﻴﻦ ﻣﺎﺗﺮﻭﺡ ﺍﻧﺎ ﻗﻠﺒﻲ ﻣﻌﺎﻙ ..
ﺷﻘﻠﺒﺖ ﻋﻴﻮﻧﻬﺎ ﺑﻤﻠﻞ ..
ﻫﻮ ﻗﻌﺪ ﻳﺪﺭﺑﻚ ﻉ ﺍﻟﺮﻭﺷﻦ ..
ﻳﺎﺣﻼﻭﺗﻚ ﺍﻧﺖ ﻉ ﻗﻠﺒﻲ ﻗﺎﺳﻲ ..
ﻳﺎﻏﻼﻭﺗﻚ ﻭﺍﻧﺖ ﻫﺎﺟﺮ ﻭﻧﺎﺳﻲ ..
ﻫﻲ ﺷﺪﺕ ﺿﺤﻜﺘﻬﺎ ﻭﻗﺎﻋﺪﻩ ﻣﺤﺎﻓﻈﻪ ﻉ ﻣﻼﻣﺢ ﺍﻹﻣﺘﻌﺎﺽ ..
ﻣﺸﺖ ﻟﻠﺮﻭﺷﻦ ﺑﺘﺴﻜﺮﻩ ..
ﻫﻮ ﺭﻓﻊ ﺳﺒﺎﺑﺘﻪ ﻳﻬﺪﺩ : ﺩﻳﺮﻳﻬﺎ ﻳﺎﺭﺯﺍﻥ ﻣﺎﺗﻠﻮﻣﻲ ﺇﻻ ﻧﻔﺴﻚ ..
ﻫﻲ ﺧﺎﻓﺖ ﺷﻜﻠﻪ ﺟﺎﺩ ﻫﻠﺒﻪ ..
ﻗﺎﻟﺖ : ﺑﺎﻫﻲ ﺣﻮﻝ ﺑﻨﺴﻜﺮﻩ ..
ﻫﻮ ﺿﺤﻚ ﻭﻗﺎﻝ : ﻣﺎﺗﺠﻴﻴﺶ ﺍﻻ ﺑﺎﻟﻌﻴﻦ ﺍﻟﺤﻤﺮﺍ ..
ﻫﻲ ﻣﻬﻤﺎ ﺣﺎﻭﻟﺖ ﺗﺸﺪ ﺿﺤﻜﺘﻬﺎ ﻣﻌﺎﻩ ﻣﺎﺗﻘﺪﺭﺵ ..
ﻗﺎﻟﺖ ﺑﻀﺤﻜﻪ : ﺑﺎﻫﻲ ﺧﺶ ..
ﻫﻮ ﺍﺑﺘﺴﻢ ﺑﻔﺮﺡ : ﻧﺨﺸﻠﻚ ﺍﻟﻜﻮﺟﻴﻨﻪ ..
ﻓﻨﺼﺖ : ﺗﺨﺶ ﻟﻌﻴﻨﻚ .. ﻗﺼﺪﻱ ﺧﺶ ﺩﺍﺧﻞ ﺑﻨﺴﻜﺮ ﺍﻟﺮﻭﺷﻦ ..
ﻋﻤﺎﺩ : ﻫﻬﻬﻬﻬﻬﻬﻬﻬﻬﻪ .. ﺗﻨﻬﺪ ﻭﻗﺎﻝ .. ﺯﻳﺪﻱ ﺗﻐﻠﻲ ﺯﻳﺪﻱ .. ﻉ ﺣﺴﺎﺑﻚ ﻋﻤﺎﺩ ﺩﻳﺮﻱ ﻓﻴﻪ ﺍﻟﻠﻲ ﻳﻌﺠﺒﻚ ..
ﻫﻲ ﻧﺰﻟﺖ ﻋﻴﻮﻧﻬﺎ : ﺑﺎﻫﻲ ﻋﺪﻱ ..
ﺍﺑﺘﺴﻢ ﻭﻗﺎﻝ : ﺑﺎﻩ ..
ﻭﺧﺮ ﻭﻣﺸﻲ ..
ﻭﻫﻲ ﺳﻜﺮﺕ ﺍﻟﺮﻭﺷﻦ ﻭﺗﻨﻬﺪﺕ ..
ﻫﻮ ﺧﺶ ﻭﺑﻴﻦ ﺭﺍﺳﻪ ﻣﻦ ﺍﻟﺒﺎﺏ ..
ﺷﺎﻓﻬﺎ ﻛﻴﻒ ﺣﻄﺖ ﻳﺪﻫﺎ ﻉ ﻗﻠﺒﻬﺎ ..
ﺍﺑﺘﺴﻢ ﺑﺮﻓﻌﺔ ﺣﺎﺟﺐ : ﺍﻳﻮﻩ ﺻﻜﺮﻱ ﻋﻠﻴﺎ ﺑﺶ ﻣﺎﻧﻄﻠﻌﺶ ﻭﻳﺎﺧﺪﻭﻧﻲ ﻣﻨﻚ .
ﻫﻲ ﺍﻧﺨﻠﻌﺖ ﻭﻗﺎﻟﺖ ﺑﻌﺼﺒﻴﻪ ﻭﻭﺟﻬﻬﺎ ﺍﺣﻤﺮ : ﻣﺒﺮﺩﻙ
ﺿﺤﻚ ﻭﻫﻮ ﻳﺮﻗﺺ ﻓﺤﻮﺍﺟﺒﻪ ...
ﺭﻥ ﺗﻠﻴﻔﻮﻧﻪ ..
ﻭﻗﻒ ﻉ ﺣﻴﻠﻪ ﻭﻃﻠﻌﻪ ﻣﻦ ﺟﻴﺐ ﺍﻟﺴﺮﻭﺍﻝ .. ﺷﺎﻑ ﺍﻟﺮﻗﻢ ﺍﺑﺘﺴﻢ ..
ﺷﺒﺤﻠﻬﺎ ﻭﻗﺎﻝ : ﺗﻌﺎﻟﻲ ..
ﻣﺸﻲ ..
ﻫﻲ ﺍﺳﺘﻐﺮﺑﺖ .. ﻃﻠﻌﺖ ﻭﺭﺍﻩ ..
ﻫﻮ ﻣﺎﺷﻲ ﺭﺩ ﻉ ﺍﻟﺘﻠﻴﻔﻮﻥ : ﻭﻋﻠﻴﻜﻢ ﺍﻟﺴﻼﻡ ........ ﺍﻳﻪ ..
ﻭﻗﻒ ﻓﻢ ﺍﻟﺪﺍﺭ ...
ﺷﺒﺢ ﻟﺮﺯﺍﻥ ﺍﺷﺮﻟﻬﺎ ﺑﻴﺪﻩ ﺗﺨﺶ ...
ﺧﺸﺖ ..
ﻭﻛﻠﻬﻢ ﺩﺍﺧﻞ ﻳﺸﺒﺤﻮﻟﻪ ..
ﻋﻤﺎﺩ : ﺗﻢ ...
ﺣﻮﻝ ﺍﻟﺘﻠﻴﻔﻮﻥ ﻣﻦ ﻉ ﻭﺫﻧﻪ ﻭﻓﺘﺢ ﺍﻟﻤﺎﻳﻚ ... ﻭ?