المتمردين

العشق المتمرد

#العشق_المتمرد

#جمان_فريد

الجزء71 هذا القسم الأول

ﻣﻘﻌﻤﺰ ﻉ ﺍﻟﺼﺎﻟﻮﻥ ..
ﻭﻫﻮ ﺳﺎﺭﺡ .. ﻭﻳﻔﻜﺮ ...
ﺍﻟﻠﻲ ﺩﺍﺭﺍﺗﻪ ﻣﺎﻻﺵ ﻏﻴﺮ ﻣﻌﻨﻰ ﻭﺍﺣﺪ ..
ﻣﻌﻨﺎﻫﺎ ﻻﺩﺍﻳﺮﺗﻠﻪ ﻗﻴﻤﻪ ﻭﻻ ﻣﻌﺒﺮﺍﺗﻪ ..
ﻭﻣﺎﻳﻔﺮﻗﺶ ﻣﻌﺎﻫﺎ ...
ﻗﻄﻊ ﻋﻠﻴﻪ ﺗﻔﻜﻴﺮﻩ ﺍﺧﺘﻪ ﺍﻟﻠﻲ ﺧﺸﺖ ﻋﻠﻴﻪ ﺑﺼﻔﺮﺓ ﺍﻟﻌﺸﻲ ..
ﻛﻔﺎﻳﻪ : ﻫﻲ ﻫﻨﻴﻮﻩ ﺗﻌﺎﻝ ﺗﻌﺸﻰ ..
ﻭﺣﻄﺖ ﺍﻟﺼﻔﺮﺓ ﻉ ﺍﻷﺭﺽ ...
ﻓﺮﺷﺖ ﺍﻟﻤﻔﺮﺵ ﻭﻫﻲ ﺗﻘﻮﻟﻪ : ﺭﺷﻴﺪﻩ ﺯﻱ ﺍﻟﻌﺴﻞ .. ﺣﺎﺭﺓ ﺯﻱ ﻣﺎﺗﺤﺒﻬﺎ ..
ﻫﻮ ﻳﺸﺒﺢ ﻟﻠﺼﻔﺮﺓ ..
ﻣﺎﺧﺎﻃﺮﻩ ﻳﺤﻂ ﻓﻲ ﻓﻤﻪ ﺷﻲ ..
ﻟﻜﻦ ﻛﺎﻥ ﻣﺎﻛﻼﺵ ﺣﻴﺸﻐﻞ ﺍﺧﺘﻪ ﻋﻠﻴﻪ .. ﻭﺗﺒﺪﺍ ﺗﺴﺄﻝ ﻓﻴﻪ ﺧﻴﺮﻙ ﻣﺎﺧﻴﺮﻙ ﻭﻫﻮ ﻣﺎﻳﺒﻴﺶ ﻳﺘﻜﻠﻢ ..
ﺍﺧﺘﺎﺭ ﺍﻧﻪ ﻳﺴﺎﻳﺮ ﻭﻳﺎﻛﻞ ﻭﺧﻼﺹ ..
ﺣﻄﺖ ﺍﻟﺼﻔﺮﺓ ﻭﺷﺒﺤﺘﻠﻪ : ﻫﻴﺎ ﻫﻨﻴﻮﺓ ..
ﻧﺎﺽ .. ﻭﻗﺪﻡ ..
ﻭﻗﻌﻤﺰ ﻟﻮﻃﺎ ...
ﻣﺪ ﻳﺪﻩ ﺧﺪﻱ ﺍﻟﻜﺎﺷﻴﻚ ﺑﺎﻟﺴﻴﻒ ..
ﻭﻳﺪﻭﺏ ﻏﺮﻑ ﺑﻴﻪ ﻭﻛﻠﻲ ..
ﻛﺴﺮﺕ ﻛﻔﺎﻳﻪ ﺧﺒﺰﺓ ﻭﺣﻄﺘﻬﺎ ﻗﺪﺍﻣﻪ ﻭﻫﻲ ﺗﻘﻮﻝ : ﺑﺎﻟﻠﻪ ﺷﻦ ﺣﺎﻝ ﺩﻻﻝ .
ﻫﺎﻧﻴﺒﺎﻝ ﺑﻠﻊ ﻟﻘﻤﺘﻪ ﻭﻗﺎﻝ : ﺷﺎﺩﺗﻬﺎ ﺻﻼﺓ ﻭﻗﺮﺍﻳﺔ ﻗﺮﺁﻥ ﻭﺩﺍﺑﻬﺎ ﺩﺍﺏ ﻋﻮﻳﻠﺘﻬﺎ .. ﻗﺎﺕ ﻧﻌﻴﻤﻪ ﻻﺗﺒﻲ ﺗﻜﻠﻢ ﺣﺪ ﻭﻻﺗﺒﻲ ﻣﻦ ﻳﻜﻠﻤﻬﺎ ..
ﺗﻨﻬﺪﺕ ﻛﻔﺎﻳﻪ ﺑﺄﻟﻢ ﻭﻗﺎﻟﺖ : ﺭﺑﻲ ﻳﻠﻄﻒ ﺑﺤﺎﻟﻬﺎ ...
ﻫﺰ ﺭﺍﺳﻪ ﺑﺈﻳﺠﺎﺏ ﺑﺪﻭﻥ ﻣﺎﻳﺮﺩ ﺑﻜﻠﻤﻪ ..
🍁🍁🍁🍁
ﺣﺎﺿﻨﻪ ﻭﻟﺪﻫﺎ ﻭﺗﻐﻨﻴﻠﻪ ﺑﺶ ﺗﺮﻗﺪﻩ ..
ﻳﺎﺟﺒﺮﺍﺭﺓ .. ﻳﺎﺟﺒﺮﺍﺭﺓ ..
ﻳﺎﺳﻜﺮ ﻣﺎﻓﻴﻪ ﻣﺮﺍﺭﺓ ...
ﺗﻐﻨﻲ ﻭﺗﺰﺍﺯﻱ ﺑﻴﻪ .. ﻭﺩﻣﻮﻋﻬﺎ ﻳﻨﺰﻟﻮﺍ ..
ﻭﺍﺧﺘﻬﺎ ﺗﺸﻮﻓﻠﻬﺎ .. ﻭﺧﺎﻳﻒ ﻋﻠﻴﻬﺎ ﺑﺘﻤﻮﺕ ..
ﻻﺗﺎﻛﻞ ﻭﻻﺗﺸﺮﺏ ﻛﺎﻥ ﺍﻟﻠﻲ ﻳﺨﻠﻴﻬﺎ ﻭﺍﻗﻔﻪ ﻉ ﺭﺟﻠﻴﻬﺎ ﻭﺧﻼﺹ ..
ﺧﺎﻳﻔﺘﻬﺎ ﺗﻨﻬﺎﺭ ﻭﻻﻗﺪﺭ ﺍﻟﻠﻪ ﻳﺼﻴﺮ ﻓﻴﻬﺎ ﺷﻲ ..
ﻣﺸﻜﻠﺔ ﺩﻻﻝ ﻣﺶ ﻗﺎﺑﻠﻪ ﻧﺼﺢ ﻣﻦ ﺣﺪ ..
ﺣﺘﻰ ﺑﻮﻫﺎ ..
ﺍﻟﻠﻲ ﺣﺎﻭﻝ ﻓﻴﻬﺎ ﻭﺣﺎﻭﻝ ﻟﻜﻦ ﺑﻼﻓﺎﻳﺪﻩ ..
ﻣﺎﻛﺎﻧﺘﺶ ﺗﻌﺎﻧﺪ ﺑﺲ ..
ﺣﺘﻰ ﺭﺩﻭﺩﻫﺎ ﻛﺎﻧﺖ ﺣﺎﺩﻩ ..
ﻧﻮﺭ ﻗﻌﺪﺕ ﺗﺸﻮﻓﻠﻬﺎ ﻛﻴﻒ ﺣﻄﺖ ﻭﻟﺪﻫﺎ ﺣﺪﺍ ﺧﻮﻩ ﺑﻌﺪ ﺭﻗﺪ ﻭﺭﻗﺪﺕ ﻣﻌﺎﻫﻢ ﺣﺘﻰ ﻫﻲ ..
ﻭﻧﻮﺭ ﺗﺸﻮﻓﻠﻬﺎ ﺑﺄﻟﻢ ..
🌴🌴🌴🌴🌴🌴🌴🌴
ﺣﻤﻴﻴﻴﻴﺪﻩ ..
ﻣﻦ ﺍﻟﺪﺍﺭ ﺍﻟﺘﺎﻧﻴﻪ ..
ﺣﻤﻴﺪﻩ : ﺟﺎﺍﺍﺍﻳﻪ ﺟﺎﺍﺍﻳﻪ ..
ﻭﻧﺎﺿﺖ ﺗﺠﺮﻱ ﻣﺸﺖ ﻟﺪﺍﺭ ﺍﻟﻨﻮﻡ ...
ﺧﺸﺖ ﻭﻗﺎﻟﺖ : ﺧﻴﺮﻙ؟
ﺍﻟﺼﺪﻳﻖ ﻭﻫﻮ ﺷﺎﺩ ﺳﻮﺭﻳﺘﻪ ﻓﻴﺪﻩ : ﺷﻦ ﻫﺪﻯ ﻳﺎﺣﻤﻴﺪﻩ؟
ﺣﻤﻴﺪﻩ ﺷﺒﺤﺖ ﻟﻠﺴﻮﺭﻳﻪ؛ﺳﻮﺭﻳﺘﻚ !
ﺍﻟﺼﺪﻳﻖ : ﺗﺘﺴﻬﻮﻛﻲ ﻳﺎﺣﻤﻴﺪﻩ !
ﺣﻤﻴﺪﺓ : ﻻﻭﺍﻟﻠﻪ ﺍﻧﺖ ﺳﺄﻟﺘﻨﻲ ﺍﻧﻲ ﺟﺎﻭﺑﺖ ﺑﺲ ..
ﺍﻟﺼﺪﻳﻖ ﻗﺮﺑﻬﺎ ﻣﻨﻬﺎ ﻭﻗﺎﻝ : ﺗﺮﺍ ﺷﻤﻴﻬﺎ ..
ﺧﺪﺗﻬﺎ ﻭﺷﻤﺘﻬﺎ .. ﻭﺑﺎﻧﺖ ﻃﻮﻝ ﻉ ﻭﺟﻬﻬﺎ ﻣﻼﻣﺢ ﺍﻹﺷﻤﺌﺰﺍﺯ ..
ﺍﻟﺼﺪﻳﻖ : ﺭﻳﺤﺘﻬﺎ ﺗﻘﺘﻞ ﺍﻟﺒﻖ ﻳﺎﺣﻤﻴﺪﻩ ... ﻣﺴﺨﻪ .. ﻣﺤﻄﻮﻃﻪ ﻓﻲ ﺍﻟﺪﻭﻻﺏ ﺑﻴﻦ ﺍﻟﺪﺑﺶ ﺍﻟﻨﻈﻴﻒ ! ؟
ﺧﺒﻄﺖ ﺑﻴﺪﻫﺎ ﻉ ﺭﺍﺳﻬﺎ؛ﺍﻳﻪ ﺍﺫﻛﺮﺕ ﻳﻮﻣﻬﺎ ﻛﻠﻤﺘﻨﻲ ﻋﻨﻬﺎ ﻗﺒﻞ ﺗﻌﺪﻱ .. ﺍﻧﻲ ﻭﻗﺘﻬﺎ ﺟﻴﺖ ﺑﻨﺎﺧﺪﻫﺎ ﻭﻧﻐﺴﻠﻬﺎ ﺳﻤﻌﺖ ﺣﻨﻴﻦ ﺗﻌﻴﻂ ﻭﺷﻮﺭﻧﻲ ﺍﻧﺬﻫﺒﺖ ﺷﻴﺮﺗﻲ ﻭﺣﻄﻴﺘﻬﺎ ﻓﻲ ﺍﻟﺪﻭﻻﺏ ..
ﺍﻟﺼﺪﻳﻖ ﺑﺤﺪﻩ : ﻣﻮﻟﻴﺔ ﺷﻴﺮﺗﻚ ﺗﻨﺬﻫﺐ ﻭﺍﺟﺪ ﻳﺎﺣﻤﻴﺪﻩ .
ﺣﻤﻴﺪﻩ ﺑﺮﻓﻌﺔ ﺣﻮﺍﺟﺐ : ﺷﻦ ﻗﺼﺪﻙ؟
ﺍﻟﺼﺪﻳﻖ ﺑﺼﻮﺕ ﻋﺎﻟﻲ ﺷﻮﻱ : ﻭﻣﺎﺯﻟﺘﻲ ﺗﺴﺄﻟﻴﻲ؟ !!
ﺣﻤﻴﺪﻩ ﺍﻧﺨﻠﻌﺖ ..
ﺍﻭﻝ ﻣﺮﺓ ﺍﻟﺼﺪﻳﻖ ﻳﻌﻠﻲ ﺻﻮﺗﻪ ﻫﻜﻲ ..
ﻫﻮ ﺣﺴﻬﺎ ﺍﻧﻔﺰﻋﺖ ﻣﻨﻪ .. ﺍﺿﺎﻳﻖ ..
ﻏﻤﺾ ﻋﻴﻮﻧﻪ ﺑﺸﺪﻩ ﻭﻫﻮ ﻳﻘﻮﻝ : ﺍﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ..
ﻓﺘﺢ ﻋﻴﻮﻧﻪ ﻭﺷﺒﺤﻠﻬﺎ ﻟﻘﻲ ﻋﻴﻮﻧﻬﺎ ﻣﻌﺒﻴﺎﺕ ﺩﻣﻮﻉ ..
ﺧﺪﻱ ﻳﺪﻫﺎ ﻭﻗﺎﻝ : ﺗﻌﺎﻟﻲ ﻳﺎﺣﻤﻴﺪﻩ ..
ﻣﺸﻮﺍ ﺍﻟﺰﻭﺯ ﻟﻠﺴﺮﻳﺮ ..
ﻗﻌﻤﺰﻫﺎ ﺑﻌﺪﻳﻦ ﻗﻌﻤﺰ ﻫﻮ ..
ﺗﻨﻬﺪ ﺑﻌﺪﻳﻦ ﻭﺷﺒﺤﻠﻬﺎ .. ﺑﻌﺪﻳﻦ ﻗﺎﻝ : ﺣﻤﻴﺪﻩ ﺍﻧﻲ ﻣﻘﺪﺭ ﺍﻧﻚ ﻭﻟﻴﺘﻲ ﺍﻡ ﺗﻮﺍ ﻭﺯﺍﺩﺕ ﻭﺍﺟﺒﺎﺗﻚ ﻟﻜﻦ ﻣﺶ ﻣﻌﻨﻰ ﻫﺪﻯ ﺍﻧﻚ ﺗﻬﻤﻠﻲ ﻭﺍﺟﺒﺎﺗﻚ ﺍﻷﺧﺮﺍ ..
ﻧﺰﻟﺖ ﻋﻴﻮﻧﻬﺎ ﻭﺷﺒﺤﺖ ﻟﻴﺪﻩ ﺍﻟﻠﻲ ﺷﺎﺩﻩ ﻳﺪﻫﺎ ...
ﻫﻮ ﺷﺪ ﻉ ﻳﺪﻫﺎ ﻭﻗﺎﻝ : ﻗﺒﻞ ﻛﻨﺖ ﺍﻟﺤﺎﺟﻪ ﻣﻦ ﻏﻴﺮ ﻣﺎﻧﻘﻮﻝ ﻋﻠﻴﻬﺎ ﺍﺩﻳﺮﻳﻬﺎ .. ﺗﻮﺍ ﺗﻐﻴﺮﺗﻲ ﻭﺍﺟﺪ ﻭﺍﺟﺪ ﻳﺎﺣﻤﻴﺪﻩ ..
ﺷﺒﺤﺘﻠﻪ ﻭﻗﺎﻟﺖ : ﺻﺢ .. ﻋﻨﺪﻙ ﺣﻖ .. ﺑﺲ ﺣﻨﻴﻦ ﺑﺴﻼﻣﺘﻬﺎ ﻣﺘﻌﺒﻪ ﺷﻮﻱ ﻭﺗﺒﻲ ﻣﻌﺎﻧﺎﻩ ﻭﺍﺟﺪ ﻣﺎﺯﺍﻟﺖ ﺻﻐﻴﺮﺓ ..
ﺍﻟﺼﺪﻳﻖ ﺑﻀﺤﻜﻪ : ﻭﺍﻟﻠﻪ ﻭﺣﺘﻰ ﺍﻧﻲ ﻧﺒﻲ ﻣﻌﺎﻧﺎﻩ ﻭﺍﺟﺪ ..
ﺿﺤﻜﺖ ﺣﻤﻴﺪﻩ ﺑﺨﺠﻞ ...
ﻓﺠﺄﺓ
ﺳﻤﻌﺖ ﺻﻮﺕ ﻋﻴﺎﻁ ﺣﻨﻴﻦ ..
ﺳﺤﺒﺖ ﻳﺪﻫﺎ ﻣﻦ ﻳﺪﻩ ﻭﻧﺎﺿﺖ ﺗﺠﺮﻱ ...
ﻫﻮ ﺗﻼﺷﺖ ﺍﺑﺘﺴﺎﻣﺘﻪ ﻭﺗﻨﻬﺪ ﺑﻀﻴﻖ ..
🍃 ﺣﻤﻴﺪﻩ ﻣﺶ ﻣﺼﺪﻗﻪ ﺍﻧﻬﺎ ﻭﻟﺖ ﺍﻡ ﻭﺍﻫﺘﻤﺎﻣﻬﺎ ﺑﺒﻨﺘﻬﺎ ﺍﻟﻤﺒﺎﻟﻎ ﻓﻴﻪ ﻣﻦ ﻓﺮﺣﺘﻬﺎ ﺑﻴﻬﺎ ... ﻭﺧﻮﻓﻬﺎ ﻋﻠﻴﻬﺎ ﺍﻟﺰﺍﻳﺪ ﻹﻧﻬﺎ ﻣﺎﺻﺪﻗﺖ ﺣﺼﻠﺘﻬﺎ .. ﻳﻤﻜﻦ ﺍﻟﺼﺪﻳﻖ ﻳﻜﻮﻥ ﻓﺎﻫﻢ ﻫﺎﻟﺸﻲ ﺑﺲ ﺻﻌﺐ ﻳﺘﻔﻬﻤﻪ ﻃﻮﻝ ﺍﻟﻮﻗﺖ ﺣﺘﻰ ﻫﻮ ﻋﻨﺪﻩ ﺣﻘﻮﻕ ﻭﺍﺟﺒﻪ ﻋﻠﻴﻬﺎ 🍃
🍁🍁🍁🍁🍁
ﻭﺣﻞ ﺍﻟﻠﻴﻞ ...
ﻭﻟﻴﺎﻟﻲ ﻫﺪﻳﻜﺎ ﺍﻟﺴﻨﻪ ﻣﺎﻓﻴﺶ ﻟﻴﺒﻲ ﻳﻨﺴﺎﻫﻢ ..
ﻗﺼﻒ ﻭﺭﻋﺐ ﻟﺒﻌﺾ ﺍﻟﻨﺎﺱ ﺑﺲ ﻓﺮﺣﻪ ﻟﻨﺎﺱ ﺗﺎﻧﻴﻪ ..
ﺍﻳﻪ ﻛﻨﺖ ﻧﻔﺮﺡ ﺑﻘﺼﻒ ﺍﻟﻄﻴﺮﺍﻥ ..
ﺯﻱ ﻣﺎﻛﺎﻥ ﻳﻔﺮﺡ ﺍﻟﻄﺮﻑ ﺍﻷﺧﺮ ﺑﺈﻧﺘﺼﺎﺭ ﻛﺘﺎﻳﺐ ﺍﻟﻘﺬﺍﻓﻲ ﻭﺍﺳﺘﻴﻼﺋﻪ ﻉ ﻭﺣﺪﻩ ﻣﻦ ﺍﻟﻤﺪﻥ ﺍﻟﺜﺎﺋﺮﺓ ﻭﻣﺶ ﻫﺎﻣﻬﻢ ﻻﻣﻦ ﻣﺎﺕ ﻭﻻﻣﻦ ﻋﺎﺵ ..
🍁 ﻟﻴﻠﺘﻬﺎ ﻛﺎﻥ ﺑﺎﻳﺖ ﻓﻲ ﺣﻮﺵ ﺍﺧﺘﻪ ..
ﻣﻘﻌﻤﺰ ﻓﻲ ﺍﻟﺒﻼﻛﻮﻧﻪ ﻭﻫﻮ ﻳﺴﻤﻊ ﻓﻲ ﺍﻟﻘﺼﻒ ﻭﻣﺶ ﻣﻬﺘﻢ ..
ﻣﻦ ﻟﻤﺎ ﺷﺎﻓﻬﺎ ﺭﻭﺣﺖ .. ﻭﻻﻋﺒﺮﺍﺗﻪ ﻭﻻﺩﻭﺭﺍﺗﻪ ﻭﻻﻗﺎﻟﺖ ﺗﺘﺼﻞ ..
ﻣﺎﻛﺎﻧﺶ ﻋﻨﺪﻫﺎ ﺍﺩﻧﻰ ﻋﻠﻢ ﺍﻧﻪ ﻣﻮﺟﻮﺩ ﻓﻄﺮﺍﺑﻠﺲ ..
ﻫﻮ ﻣﻘﺎﻟﺶ ﺻﺢ .. ﻷﻧﻪ ﻳﺒﻲ ﻳﻔﺎﺟﺌﻬﺎ ..
ﺑﺲ ﻫﻮ ﺍﻟﻠﻲ ﺍﺗﻔﺎﺟﺊ ..
ﺍﻟﻠﻲ ﺩﺍﺭﺍﺗﻪ ﻋﺮﻭﺑﻪ ﻻﻳﻤﻜﻦ ﻳﻘﺒﻠﻪ ﻉ ﻧﻔﺴﻪ ﺑﺄﻱ ﺷﻜﻞ ..
ﻟﻮ ﻛﺎﻧﺖ ﺗﺤﺒﻪ ﺑﺼﺪﻕ ﻭﺗﺤﺘﺮﻣﻪ ﻣﺎﺩﻳﺮﺵ ﺍﻟﻠﻲ ﺩﻳﺮ ﻓﻴﻪ ﺗﻮﺍ ..
ﺗﻔﻜﻴﺮﻩ ﺧﻼﻩ ﻳﻮﺻﻞ ﻟﻨﺘﻴﺠﻪ ﻭﺣﺪﻩ
ﺍﻥ ﻫﻮ ﻣﺶ ﺍﻭﻟﻮﻳﻪ ﻋﻨﺪﻫﺎ ﻭﺍﻥ ﻭﺟﻮﺩﻩ ﻭﻋﺪﻣﻪ ﻭﺍﺣﺪ ﺑﺎﻟﻨﺴﺒﻪ ﻟﻴﻬﺎ ..
ﻓﺎﻟﻮﻗﺖ ﺍﻟﻠﻲ ﻫﻲ ﻋﻨﺪﻩ ﺍﻭﻟﻮﻳﻪ ﻭﻭﺟﻮﺩﻫﺎ ﻋﻨﺪﻩ ﻣﻬﻢ ﺟﺪﺍ ﻭﺑﻌﺪﻫﺎ ﻋﻨﻪ ﻳﺘﻌﺐ ﻓﻴﻪ ...
ﻫﻮ ﻣﺶ ﺣﻴﺮﺿﻰ ﻉ ﻧﻔﺴﻪ ﻳﻜﻮﻥ ﺍﻟﻄﺮﻑ ﺍﻷﺿﻌﻒ ﻓﻬﺎﻟﻌﻼﻗﻪ ..
ﻟﺬﻟﻚ ..
ﺑﺪﻱ ﻳﻜﺘﺐ ﻓﻲ ﺭﺳﺎﻟﻪ ﻉ ﻫﺎﺗﻔﻪ ..
ﻭﺑﻌﺘﻬﺎﻟﻬﺎ ...
ﻭﻧﺎﺽ ... ﺧﺶ ﺩﺍﺧﻞ ..
🍁🍁🍁🍁🍁
🌠 ﺻﺤﺮﺍ ...
ﻭﻓﻴﻬﺎ ﺍﺷﺒﻪ ﺑﺎﻟﻌﺎﺻﻔﻪ ..
ﺗﻬﺐ ﺭﻳﺎﺣﻬﺎ ﺑﻘﻮﺓ ..
ﻓﺠﺄﺓ ﻭﻗﻔﺖ ﻫﺎﻟﺮﻳﺢ ..
ﺑﺎﻧﺖ ﺣﺎﺟﻪ ..
ﺟﺜﻪ ...
ﺟﺜﻪ ﻣﻠﻮﺣﻪ ﻓﻲ ﻧﺺ ﻫﺎﻟﺼﺤﺮﺍ ...
ﻣﻼﻣﺤﻬﺎ ﻣﺶ ﻭﺍﺿﺤﻪ ..
ﺑﺲ ﺷﻮﻳﻪ ﺷﻮﻳﻪ ﺑﺪﺕ ﺗﺘﻮﺿﺢ ..
ﻫﻮ ﺍﻳﻪ ﻫﻮ ... ﺑﺒﺪﻟﺘﻪ ﺍﻟﻌﺴﻜﺮﻳﻪ ..
ﺑﺲ ﻛﺎﻥ ﺟﺜﺔ ﻫﺎﻣﺪﻩ ..
ﺭﺍﻗﺪ ﻉ ﺑﻄﻨﻪ ...
ﺑﺲ ﺍﻟﻐﺮﻳﺐ ﺍﻧﻪ ﻣﺎﻓﻴﺶ ﺍﺛﺮ ﻟﻠﺮﻣﻞ ﻋﻠﻴﻪ ﺑﺮﻏﻢ ﺍﻟﻌﺎﺻﻔﻪ ﺍﻟﻠﻲ ﻛﺎﻧﺖ ﺗﻬﺐ ...
ﺷﻮﻳﻪ ...
ﻭﻃﻠﻌﺖ ﻧﻤﻠﻪ ﻣﻦ ﺗﺤﺖ ﺍﻟﺮﻣﻞ ..
ﻭﺗﺒﻌﺘﻬﺎ ﺗﺎﻧﻴﻪ ..
ﻭﺗﺒﻌﺘﻬﺎ ﺗﺎﻟﺘﻪ ..
ﻭﻗﻌﺪ ﺍﻟﻨﻤﻞ ﻳﻄﻠﻊ ﻭﻳﻜﺜﺮ ﻭﻳﺰﻳﺪ ..
ﺟﻴﺶ ﻣﻦ ﺍﻟﻨﻤﻞ ﻣﺤﺎﻭﻃﻪ ..
ﻣﻄﻮﻗﻪ ..
ﻣﺤﺎﺻﺮﻩ ... ﻭﻫﻮ ﻣﺎﺯﺍﻝ ﺭﺍﻗﺪ ...
ﺷﻮﻳﻪ ﻭﺍﻟﻨﻤﻞ ﺑﺪﻱ ﻳﺘﺤﺮﻙ ﺍﺗﺠﺎﻫﻪ ..
ﻣﻦ ﻛﻞ ﺗﺮﻛﻴﻨﻪ .. ﺗﺤﺮﻛﻮﺍ ﻓﻲ ﻧﻔﺲ ﺍﻟﻠﺤﻈﻪ ..
ﻗﺎﺻﺪﻳﻦ ﺟﺴﺪﻩ ...
🍁 ﺩﻻﻝ ... ﺩﻻﻝ ....
ﺩﻻﻝ ﺑﻨﺘﻲ ﺩﻻﻝ ...
ﺩﻻﻝ ﻭﻫﻲ ﺭﺍﻗﺪﻩ ﺗﻬﺘﺮﻱ ...
ﻳﺴﻤﻌﻮﺍ ﻣﻨﻬﺎ ﺑﺲ ﻓﻲ ﺍﻵﻧﻴﻦ ..
ﻟﻌﻨﺪ ﻣﺎ ..
ﺍﻧﺴﻤﻊ ﺻﻮﺕ ﺍﻧﻔﺠﺎﺭ ﻗﻮﻱ ..
ﻧﺎﺿﺖ ﻣﻨﻪ ﻣﺨﻠﻮﻋﻪ ﻭﻫﻲ ﺗﺸﻬﻖ ﺑﺼﻮﺕ ﻋﺎﻟﻲ ...
ﺍﻣﻬﺎ ﺣﻀﻨﺘﻬﺎ ﻃﻮﻝ : ﺑﻨﺘﻲ ..
ﺧﺸﺖ ﻓﻲ ﺣﻀﻦ ﺍﻣﻬﺎ ﺯﻱ ﺍﻟﻄﻔﻞ ﺍﻟﺮﺿﻴﻊ ..
ﺗﺮﻋﺶ ﻣﻊ ﺑﻌﻀﻬﺎ ... ﻭﻗﻌﺪﺕ ﺷﺎﺩﻩ ﻉ ﻇﻬﺮ ﺍﻣﻬﺎ ﺑﻘﻮﺓ ..
ﻧﺎﺽ ﺟﻮﺍﺩ ﻣﺨﻠﻮﻉ ﻭﻗﻌﺪ ﻳﺒﻜﻲ ..
ﻟﻜﻦ ﻣﻌﻤﺮ ﻗﻌﺪ ﺭﺍﻗﺪ ..
ﻃﻮﻝ ﻧﻮﺭ ﺟﺎﺗﻪ ﻗﺎﻣﺎﺗﻪ ﻭﺣﻀﻨﺎﺗﻪ ﻭﻃﻠﻌﺖ ﺑﻴﻪ ﺑﺮﺍ ﻭﻗﻌﺪﺕ ﺗﺴﻜﺖ ﻓﻴﻪ ﺑﺶ ﺗﻬﺪﻱ ﻣﻦ ﺭﻭﻋﻪ ﻭﻣﺎﻳﻨﻮﺿﺶ ﺧﻮﻩ ..
ﻭﻧﻌﻴﻤﻪ ﺗﻬﺪﻱ ﻓﻲ ﺑﻨﺘﻬﺎ ..
ﺍﻟﻠﻲ ﻛﺎﻧﺖ ﺗﻠﻬﺖ ﺑﻨﻔﺴﻬﺎ ﻭﻫﻲ ﺣﺎﺿﻨﻪ ﺍﻣﻬﺎ ﻭﻣﻐﻤﻀﻪ ﻋﻴﻮﻧﻬﺎ ..
ﺑﺮﺍ ..
ﻃﻠﻊ ﻋﺒﺪﺍﻟﺴﻼﻡ ﻣﻦ ﺍﻟﺪﺍﺭ ..
ﻋﺒﺪﺍﻟﺴﻼﻡ : ﻧﻔﺲ ﺍﻟﺤﺎﻟﻪ ..
ﻧﻮﺭ ﻭﻫﻲ ﺗﺰﺍﺯﻱ ﺑﺠﻮﺍﺩ ﺭﺩﺕ ﻭﻫﻲ ﺗﺮﺷﻒ : ﺍﻳﻪ ..
ﺗﻨﻬﺪ ﺑﺄﻟﻢ .. ﺑﻌﺪﻳﻦ ﻗﺪﻡ ﻟﻨﻮﺭ : ﻫﺎﺗﻴﻪ ﺑﺎﺑﺎ ﺗﻮ ﻧﺮﻗﺪﻩ ﻋﻨﺪﻱ ﻣﻊ ﺧﺎﻟﻪ ..
ﻧﻮﺭ : ﺗﻌﺐ ﻋﻠﻴﻚ ﺑﺎﺑﺎ ..
ﻋﺒﺪﺍﻟﺴﻼﻡ : ﻻﺗﻌﺐ ﻻﺷﻲ ﺑﺎﺑﺎ ﻫﺎﺗﻴﻪ ..
ﻣﺪﺕ ﻧﻮﺭ ﺟﻮﺍﺩ ﻟﺠﺪﻩ ﺧﺪﺍﻩ ﻓﻲ ﺣﻀﻨﻪ ﻭﻣﺸﻲ ﺑﻴﻪ ﻟﻠﺪﺍﺭ ..
ﺍﻣﺎ ﻧﻮﺭ ﻣﺴﺤﺖ ﺩﻣﻮﻋﻬﺎ ﻭﻣﺸﺖ ﻟﻠﻜﻮﺟﻴﻨﻪ ﺑﺶ ﺗﺸﺮﺏ ..
ﻓﻲ ﺩﺍﺭ ﺍﻟﻨﻮﻡ ..
ﺭﻗﺪ ﻋﺒﺪﺍﻟﺴﻼﻡ ﺟﻮﺍﺩ ﺟﻨﺐ ﺧﺎﻟﻪ ﻉ ﺍﻟﻔﺮﺍﺵ ﺍﻟﻤﻔﺮﺵ ﺟﻨﺒﻪ ..
ﻏﻄﺎﻩ ..
ﻭﻗﻌﺪ ﻣﻘﻌﻤﺰ ﺑﺤﺪﺍﻩ ﻭﻳﺸﻮﻓﻠﻪ ..
> ﺟﻮﺍﺩ ﺷﻲ ﻣﺎﻳﺒﻲ ﻳﻨﺎﺩﻳﻚ ﻛﺎﻥ ﺑﺎﺑﺎ .. <<
ﺍﺑﺘﺴﻢ ﺑﺄﻟﻢ ﻟﻤﺎ ﺍﺫﻛﺮ ﻫﺎﻟﺠﻤﻠﻪ ..
ﺣﻂ ﻳﺪﻩ ﻉ ﺭﺍﺱ ﺟﻮﺍﺩ ﻭﻗﻌﺪ ﻳﻤﺴﺢ ﻋﻠﻴﻪ ..
> ﻭﺩﻋﺘﻬﻢ ﺍﻟﻠﻪ .. ﺛﻢ ﺍﻧﺖ <<.
ﻋﺒﺪﺍﻟﺴﻼﻡ ﺑﺼﻮﺕ ﻣﺨﻨﻮﻕ : ﻳﺎﺭﺏ ﻗﺪﺭﻧﻲ ﺑﺶ ﻧﻜﻮﻥ ﻗﺪ ﻫﺎﻷﻣﺎﻧﻪ ..
🍁🍁🍁
ﻭﻟﺖ ﻧﻮﺭ ﻟﻠﺪﺍﺭ ﻟﻘﺖ ﺍﻣﻬﺎ ﺭﺍﻗﺪﻩ ﻭﻫﻲ ﺣﺎﺿﻨﻪ ﺩﻻﻝ ..
ﻗﻠﺒﻬﺎ ﺗﻘﻄﻊ ﻉ ﺍﺧﺘﻬﺎ ﻭﺻﻐﺎﺭﻫﺎ ..
ﻫﻲ ﻭﺣﺪﻩ ﻣﻦ ﺍﻟﻨﺎﺱ ﺍﻟﻠﻲ ﻛﺮﻫﻮﺍ ﺍﻟﺜﻮﺭﺓ ﺑﺴﺒﺐ ﺍﻷﻟﻢ ﺍﻟﻠﻲ ﺟﺎﻫﻢ ﻣﻨﻬﺎ ..
ﻃﻠﻌﺖ ﻣﻦ ﺍﻟﺪﺍﺭ ﻭﻣﺸﺖ ﻟﻠﺼﺎﻟﻪ ..
ﻭﻫﻲ ﻣﺘﺄﻟﻤﻪ ﻫﻠﺒﻪ ﻭﺩﻣﻮﻋﻬﺎ ﻳﻨﺰﻟﻮﺍ ..
ﺗﺴﻤﻊ ﻓﻲ ﺻﻮﺕ ﻃﻴﺎﺭﺓ ﺑﺪﻭﻥ ﻃﻴﺎﺭ ..
ﻗﺎﻟﺖ : ﺣﺴﺒﻨﺎ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ..
ﻭﻗﻌﺪﺕ ﺗﺒﻜﻲ ﺑﻜﺘﻤﺎﻥ ...
ﻛﺎﻧﺖ ﻓﻘﻤﺔ ﺍﻟﺤﺰﻥ ..
ﻭﺍﻟﻀﻴﻖ ﺍﻟﻠﻲ ﺣﺎﺳﻪ ﺑﻴﻪ ﺧﺎﻧﻘﻬﺎ ..
ﻟﻘﺖ ﺭﻭﺣﻬﺎ ﺗﻠﻘﺎﺋﻴﺎ ﺑﺪﻭﻥ ﺗﻔﻜﻴﺮ ..
ﺗﺎﺧﺪ ﻓﺘﻠﻴﻔﻮﻧﻬﺎ ﻣﻦ ﺟﻴﺐ ﺍﻟﺘﻮﺗﻪ ..
ﻭﻃﻮﻝ ﺑﺪﺕ ﺍﺩﻭﺭ ﻉ ﺭﻗﻢ ﻣﺤﺪﺩ ..
ﻭﺿﺮﺑﺖ ﻋﻠﻴﻪ ..
🍁🍁🍁
ﻛﻴﻒ ﺧﺶ ﻟﻔﺮﺍﺷﻪ ﺑﻴﺮﻗﺪ ..
ﺭﻥ ﺗﻠﻴﻔﻮﻧﻪ ..
ﻗﻌﻤﺰ ﻉ ﺍﻟﺴﺮﻳﺮ ﻭﺧﺪﺍﻩ ﺑﻠﻬﻔﻪ ..
ﻇﻦ ﺍﻧﻪ ﺍﺗﺼﺎﻝ ﻣﻦ ﺣﺪ ﻳﺤﻤﻞ ﺧﺒﺮ ﻋﻦ ﺧﻮﻩ ..
ﺑﺲ ﻟﻤﺎ ﺷﺎﻑ ﺍﻟﺮﻗﻢ ﺍﺳﺘﻐﺮﺏ ..
ﻭﻧﺒﻀﺎﺕ ﻗﻠﺒﻪ ﺍﻟﻘﻮﻳﻪ ﺗﺤﻮﻟﺖ ﻣﻦ ﻧﺒﻀﺎﺕ ﺧﻮﻑ .. ﻟﻨﺒﻀﺎﺕ ﺗﺎﻧﻴﻪ ﺗﻌﻄﻲ ﺷﻌﻮﺭ ﺣﻠﻮ ..💓
ﺍﺑﺘﺴﻢ ﻭﺭﺩ ﻃﻮﻝ ..
ﻣﺎﻟﻚ : ﺍﻟﻮ ..
ﻛﺎﻥ ﺍﻟﺮﺩ ﺻﻮﺕ ﺑﻜﺎﻫﺎ ..
ﻣﺎﺗﺤﻤﻼﺵ ﺑﻜﻞ ..
ﻣﺎﻟﻚ : ﻧﻮﺭ ﺣﺒﻴﺒﺘﻲ ..
ﻧﻮﺭ ﺑﺒﻜﻲ : ﻣﺎﻟﻚ ... ﺗﻌﺒﺎﻧﻪ .. ﻫﻠﺒﻪ .. ﻧﻔﺴﻴﺘﻲ ﺗﺎﻋﺒﻪ .. ﻟﻴﻦ ﺧﻼﺍﺍﺹ ..
ﻭﻟﻌﺖ ﻓﻴﻪ ﺍﻟﻨﺎﺭ : ﻧﻮﺭ .. ﺣﺒﻴﺒﺘﻲ ﺍﻫﺪﻱ .. ﺍﻫﺪﻱ ﻭﺍﺫﻛﺮﻱ ﺍﻟﻠﻪ ..
ﻧﻮﺭ ﺑﺼﻮﺕ ﺑﺎﻛﻲ : ﻳﺎﺍﻟﻠﻪ ..
ﻣﺎﻟﻚ : ﻗﻮﻟﻴﻠﻲ ﺗﻮﺍ ﺧﻴﺮﻙ .. ﺷﻦ ﺻﺎﻳﺮ ..
ﻧﻮﺭ ﺑﺒﻜﻲ : ﺩﻻﻝ .. ﺩﻻﻝ ﻳﺎﻣﺎﻟﻚ .. ﺣﺎﻟﻬﺎ ﻳﺼﺨﻒ .. ﻳﻘﻄﻊ ﺍﻟﻘﻠﺐ ..
ﻣﺎﻟﻚ ﺗﻨﻬﺪ ﻭﻗﺎﻝ : ﻻﺣﻮﻝ ﻭﻻﻗﻮﺓ ﺇﻻ ﺑﺎﻟﻠﻪ ..
ﻧﻮﺭ ﺭﺷﻔﺖ ﻭﻗﺎﻟﺖ : ﻣﻦ ﺑﻌﺪ ﺭﻭﺣﻨﺎ ﻣﻦ ﺳﺮﺕ ﻭﻫﻲ ﻛﻞ ﻟﻴﻠﻪ ﺗﺸﻮﻑ ﻓﻲ ﻛﻮﺍﺑﻴﺲ ... ﻭﺗﻨﻮﺽ ﻣﻨﻬﺎ ﻭﺣﺎﻟﺘﻬﺎ ﺑﺎﻟﻮﻳﻞ ... ﻗﻠﺒﻲ ﺗﻘﻄﻊ ﻋﻠﻴﻬﺎ ..
ﻣﺎﻟﻚ ﺑﺄﻟﻢ : ﺭﺑﻲ ﻳﺼﺒﺮﻫﺎ ﻭﻳﺮﺑﻂ ﻋﻠﻲ ﻗﻠﺒﻬﺎ .. ﻫﻲ ﺗﻮﺍ ﺗﺒﻴﻜﻢ ﺗﺴﺎﻳﺮﻭﻫﺎ .. ﺧﻠﻮﻫﺎ ﺗﻌﻴﺶ ﺣﺰﻧﻬﺎ ﻭﻓﻲ ﻧﻔﺲ ﺍﻟﻮﻗﺖ ﺧﻠﻴﻜﻢ ﺟﻨﺒﻬﺎ ﻭﻭﺍﺳﻮﻫﺎ .. ﻫﻲ ﺣﺘﻄﻠﻊ ﻣﻦ ﺍﻟﻠﻲ ﻫﻲ ﻓﻴﻪ ﻉ ﺧﺎﻃﺮ ﺻﻐﺎﺭﻫﺎ ﻳﺎﻧﻮﺭ ﻟﻜﻦ ﺗﺒﻲ ﺗﺎﺧﺪ ﻭﻗﺘﻬﺎ ..
ﻧﻮﺭ : ﺍﻧﻲ ﺧﺎﻳﻔﻪ ﺗﺼﻴﺮ ﻓﻴﻬﺎ ﺣﺎﺟﻪ ..
ﻣﺎﻟﻚ : ﺍﻧﺘﻢ ﻣﻌﺎﻫﺎ ﻣﺎﻳﺼﻴﺮ ﻓﻴﻬﺎ ﺷﻲ ﺑﺈﺫﻥ ﺍﻟﻠﻪ ..
ﻧﻮﺭ : ﻳﺎﺍﺍﺭﺏ ..
ﺍﺑﺘﺴﻢ ﻭﻗﺎﻝ : ﻭﺗﻮﺍ ﺣﺒﻴﺒﺔ ﻗﻠﺒﻲ ﺷﻦ ﺟﻮﻫﺎ ..
ﻧﻮﺭ ﻫﺪﺍ ﻭﻳﻦ ﺍﺳﺘﺎﻗﻀﺖ : ﺍﺣﻤﻢ .. ﺷﻜﺮﺍ ﻣﺎﻟﻚ .. ﺗﺼﺒﺢ ﻉ ﺧﻴﺮ ..
ﺻﻜﺮﺕ ﻓﻲ ﻭﺟﻬﻪ .. ﻭﻫﻲ ﻭﻣﺒﺘﺴﻤﻪ ﺑﺨﺠﻞ ﺭﻏﻢ ﺩﻣﻮﻋﻬﺎ ﺍﻟﻠﻲ ﻗﺎﻋﺪﻩ ﺗﻨﺰﻝ ...
ﺍﻣﺎ ﻫﻮ ﺿﺤﻚ ... ﺑﻌﺪﻳﻦ ﺗﻨﻬﺪ ﻭﻣﻼﻣﺢ ﻭﺟﻬﻪ ﺗﺒﺪﻟﺖ ﻟﻸﻟﻢ ..
ﻉ ﺣﺎﻝ ﻫﺎﻟﺒﻼﺩ .. ﻭﻉ ﺍﻟﻠﻲ ﻗﺎﻋﺪ ﻳﺼﻴﺮ ..
ﻭﺍﻛﺜﺮ ﺷﻲ ﻉ ﺧﻮﻩ ..
ﺧﻮﻩ ﺍﻟﻠﻲ ﺍﺧﺘﺎﺭ ﻳﻤﺸﻲ ﻓﻲ ﻃﺮﻳﻖ ﺣﺘﺨﻠﻲ ﺍﺣﺒﺎﺑﻪ ﻳﻮﻟﻮﺍ ﺍﻟﺪ ﺃﻋﺪﺍﺋﻪ ..
🍁🍁🍁🍁🍁
ﻓﻲ ﺍﺣﺪﻱ ﻣﺪﻥ ﺍﻟﺠﺒﻞ ..
ﻓﻲ ﻭﺣﺪﻩ ﻣﻦ ﺍﻟﺠﺒﻬﺎﺕ ﺍﻟﻠﻲ ﺍﻟﻘﺘﺎﻝ ﻓﻴﻬﺎ ﻭﺍﻗﻒ ﺣﺎﻟﻴﺎ ..
ﻣﻘﻌﻤﺰﻳﻦ ﻳﻬﺪﺭﺯﻭﺍ ..
ﻣﻤﻜﻦ ﺍﺍﻟﻠﻲ ﺭﺍﺗﻪ ﺑﻨﻐﺎﺯﻱ ﻣﻦ ﺍﻟﻘﺬﺍﻓﻲ ﻣﺎﺭﺗﺎﺵ ﻣﺪﻳﻨﻪ ﻛﻴﻔﻬﺎ ﺍﻫﻤﺎﻝ ﺍﺳﺘﻜﺮﺍﺩ ﻛﺎﻧﺖ ﺩﻳﻤﺎ ﻣﻨﺒﻮﺫﺓ ﻋﻨﺪﻩ ..
ﻋﻼﺀ ﺑﺘﻬﻜﻢ : ﻫﻮ ﻗﺎﻝ ﺑﻨﻐﺎﺯﻱ ﺣﺒﻴﺒﺘﻲ ..
ﺿﺤﻜﻮﺍ ..
ﻗﺎﺳﻢ ﺑﻀﺤﻜﻪ : ﻗﺎﻟﻬﺎ ﻭﻣﺶ ﻗﺎﺻﺪﻫﺎ ..
ﺗﻴﻔﺴﺎ : ﺻﺢ .. ﺑﺲ ﺑﻨﻘﻮﻟﻚ ﺍﻟﻠﻲ ﺭﻳﻨﺎﻩ ﺍﺣﻨﻲ ﺍﻷﻣﺎﺯﻳﻎ ﻣﺎﺯﺍﻝ ﺍﺳﻮﺃ ﺑﻌﻴﻨﻜﻢ ﺭﻳﺘﻮﻩ ﻭﺭﻳﺘﻮﺍ ﺣﺎﻟﻪ ﻣﺎﺗﻘﻮﻟﺶ ﻓﻲ ﻟﻴﺒﻴﺎ .. ﻭﻏﻴﺮ ﻫﻜﻲ ﻃﻤﺴﻨﺎ ﻃﻤﺲ ﺛﻘﺎﻓﺘﻨﺎ ﻭﻫﻮﻳﺘﻨﺎ ..
ﺣﺘﻲ ﻟﻴﺒﻴﺎ ﻟﻤﺎ ﻏﻴﺮ ﺍﺳﻤﻬﺎ ﺧﻼﻩ ...
ﺍﻟﺠﻤﺎﻫﻴﺮﻳﻪ ﺍﻟﻌﺮﺑﻴﻪ ﺍﻟﻠﻴﺒﻴﻪ ﻭﺑﺎﻗﻲ ﺍﻟﺪﺵ ﺍﻟﺘﺎﻧﻲ ... ﻳﻌﻨﻲ ﺣﻨﻲ ﻣﺎﻟﻴﻨﺎﺵ ﻓﻴﻬﺎ ﻣﻜﺎﻥ .. ﺯﻳﺎﺩﻩ ﻋﺪﺩ ﺑﺎﻟﻚ ﻭﻻﻣﺠﻨﺴﻴﻦ .. ﻭﺍﻟﺘﺎﺭﻳﺦ ﺍﻟﻘﺪﻳﻢ ﻳﺜﺒﺖ ﺍﻥ ﺍﻷﻣﺎﺯﻳﻎ ﻛﺎﻧﻮﺍ ﻣﻦ ﺍﻭﺍﺋﻞ ﺍﻟﻨﺎﺱ ﺍﻟﻠﻲ ﺟﻮ ﻟﻬﺎﻟﺒﻼﺩ .. ﻭﻳﺨﻲ ﻓﻲ ﺍﻟﻠﻲ ﻳﻘﻮﻝ ﺍﻥ ﻫﻲ ﺍﻟﻤﻮﻃﻦ ﺍﻷﺻﻠﻲ ﻟﻸﻣﺎﺯﻳﻎ .. ﺟﻲ ﻫﻮ ﻟﻐﻲ ﻫﺎﻟﻮﺟﻮﺩ ..
ﻋﻼﺀ : ﻣﺎﻓﻴﺶ ﻣﺪﻳﻨﻪ ﻓﻲ ﻫﺎﻟﺒﻼﺩ ﻣﺎﻟﺤﻘﻬﺎﺵ ﻇﻠﻤﻪ ﻭﺍﺫﺍﻩ .. ﺑﺎﻙ ﺗﺤﺴﺎﺑﻮﺍ ﻃﺮﺍﺑﻠﺲ ﺧﻴﺮ ﻣﻦ ﺣﺎﻟﻜﻢ .. ﺍﻟﻠﻲ ﻳﺠﻴﻨﺎ ﻣﻦ ﺑﺮﺍ ﻭﻳﺸﻮﻓﻬﺎ ﻣﺎﻳﺼﺪﻗﺶ ﺍﻧﻬﺎ ﻋﺎﺻﻤﺔ ﺩﻭﻟﺔ ﻧﻔﻄﻴﻪ ﺑﻜﻞ .. ﺳﺎﻓﺮﺕ ﻭﺷﻔﺖ ﺑﻌﻴﻨﻲ ﻭﺍﻧﻘﻬﺮﺕ .. ﺍﻟﻤﺸﻜﻠﻪ ﻟﻤﺎ ﺗﻄﻠﻊ ﺑﺮﺍ ﻭﺗﻘﻮﻝ ﻟﻴﺒﻲ ﻳﻨﻈﺮﻭﻟﻚ ﻉ ﺍﻧﻚ ﺑﻨﻚ ﻣﺘﻨﻘﻞ ﻳﻐﻠﻮﻟﻚ ﺣﺘﻰ ﻓﻲ ﺳﻌﺮ ﺍﻟﺤﺎﺟﻪ ﻣﺮﺍﺕ ..
ﻗﺎﺳﻢ ﺑﻀﺤﻜﻪ : ﺫﻛﺮﺗﻨﻲ ﺑﺄﺧﺮ ﻣﺮﺓ ﻋﺪﻳﻨﺎ ﻓﻴﻬﺎ ﻟﻠﻌﻤﺮﻩ ﻫﻚ ﺩﺍﺭﻭﺍ ﻣﻌﺎﻧﺎ ..
ﺗﻴﻔﺴﺎ : ﺍﺍﺍﺍﺥ ﻭﺧﻼﺹ .. ﻭﺍﻗﻊ ﺍﺳﻮﺩ ﻋﺸﻨﺎﻩ ﺍﺣﻨﻲ ﺍﻟﺸﺒﺎﺏ ﺑﺎﻟﺬﺍﺕ .. ﺣﺘﻰ ﻟﻤﺎ ﺯﻋﻤﻴﺘﻪ ﺟﻲ ﺑﻴﺪﻳﺮﻟﻨﺎ ﺣﺎﺟﻪ ﻓﺘﺤﻨﺎ ﻗﺮﻭﺽ ﺍﻟﺮﺑﻲ ﻭﺍﻟﺤﺮﺍﻡ ..
ﻋﻼﺀ : ﻭﺭﻳﺖ ﺍﻭﻝ ﺑﺪﺕ ﺍﻟﺜﻮﺭﺓ ﺷﻦ ﺩﺍﺭ .. ﻗﺎﻝ ﺑﻴﻌﻄﻲ ﻗﺮﻭﺽ ﺑﺪﻭﻥ ﻓﻮﺍﺋﺪ ﺗﻮﺻﻞ ﻝ 60 ﺃﻟﻒ ..
ﻗﺎﺳﻢ : ﺍﻳﻪ ﺣﺘﻰ ﻓﻲ ﺍﻟﺸﺮﻳﻂ ﻣﺘﺎﻉ ﻗﻨﺎﺓ ﺍﻟﻘﻨﻔﻮﺩ ﻛﺎﻧﻮﺍ
ﻛﺎﻥ ﻣﻮﺟﻮﺩ ﺍﻟﻜﻼﻡ ﻫﻀﺎ ﻭﻣﻊ ﺍﺳﻌﺎﺭ ﺍﻟﺰﻳﺖ ﻭﺍﻟﻄﻤﺎﻃﻢ ﻭﻏﻴﺮﻩ ﺍﻟﻠﻲ ﻧﺰﻟﻬﻦ ..
ﺗﻴﻔﺴﺎ : ﻫﺪﺍ ﺍﻛﺜﺮ ﺷﻲ ﻳﺜﺒﺖ ﺍﻧﻪ ﻛﺎﻥ ﺷﺎﺩ ﻋﻠﻴﻨﺎ ﺍﺭﺯﺍﻗﻨﺎ ﻭﺣﻘﻮﻗﻨﺎ ﻓﻲ ﻫﺎﻟﺒﻼﺩ ..
ﻋﻤﺎﺩ ﻛﺎﻥ ﻳﺴﻤﻊ ﺑﺲ ..
ﺍﻭﻝ ﻣﺮﺓ ﻳﻌﺮﻑ ﺣﻘﻴﻘﺔ ﺍﻟﻮﺿﻊ ﺍﻟﻠﻲ ﻋﺎﻳﺸﺎﺗﻪ ﺍﻟﺒﻼﺩ ﺑﻨﺎﺳﻬﺎ ..
ﺧﻄﺮ ﻓﺒﺎﻟﻪ ﻛﻼﻡ ﺳﻴﻔﺎﻭ
> ﻋﻤﺎﺩ : ﺷﻦ ﻧﺎﻗﺼﻚ ﺑﺎﻫﻲ ﻳﺎﺳﻴﻔﺎﻭ ﺭﺑﻲ ﻓﺎﺗﺢ ﻋﻠﻴﻚ ﻣﻦ ﻭﺍﺳﻌﻪ ..
ﺳﻴﻔﺎﻭ : ﻧﺎﻗﺼﻨﻲ ﺑﻼﺩ ﻳﺎﻋﻤﺎﺩ .. ﺑﻼﺩ ﺯﻱ ﺍﻟﻠﻲ ﻧﺸﻮﻓﻮﺍ ﻓﻴﻬﻢ ﻟﻤﺎ ﻧﺴﺎﻓﺮﻭﺍ ... ﺷﻦ ﻧﺎﻗﺼﻬﺎ ﺑﻼﺩﻧﺎ ﺑﺶ ﻣﺎﺗﻮﻟﻴﺶ ﺯﻱ ﺍﻟﻤﺎﻧﻴﺎ ﻭﻻ ﺯﻱ ﺗﺮﻛﻴﺎ .. ﺗﺮﻛﻴﺎ ﺭﻳﺘﻬﺎ ﺗﺮﻛﻴﺎ .. ﺍﺳﻄﻨﺒﻮﻝ ﺍﻟﻠﻲ ﻧﺪﻭﺭﻭﺍ ﻓﻴﻬﺎ ﺑﺄﺳﺒﻮﻉ ﻭﺍﺳﺒﻮﻋﻴﻦ .. ﻫﺎﺩﻱ ﻓﻲ 1996 ﻛﺎﻧﺖ ﻣﺎﺗﻨﺎﺷﻔﺶ ﻣﻦ ﺍﻟﻜﻨﺎﻳﺲ
ﺷﻮﻓﻬﺎ ﺗﻮﺍ ﻛﻴﻒ ﻭﻟﺖ .... ﺍﻟﻤﺸﻜﻠﻪ ﺑﻼﺩﻧﺎ ﻓﻴﻬﺎ ﺧﻴﺮ ﻳﺎﺧﻴﺮ ﻭﺣﺎﻟﻬﺎ ﺯﻱ ﺣﺎﻝ ﺍﻟﺼﻮﻣﺎﻝ ..
ﻋﻤﺎﺩ : ﻻ ﻋﺎﺩ ﻣﺶ ﻟﻬﺎﻟﺪﺭﺟﻪ ﻳﺎﺳﻴﻔﺎﻭ ..
ﺳﻴﻔﺎﻭ : ﻋﻨﺪﻙ ﺣﻖ ﻳﺎﻋﻤﺎﺩ ﻣﻦ ﻳﻮﻡ ﻳﻮﻣﻚ ﻋﺎﻳﺶ ﻓﻲ ﻧﻌﻤﻪ ﻭﻣﺶ ﺷﺎﻳﻒ ﺷﻦ ﻗﺎﻋﺪ ﻳﺼﻴﺮ ﻣﺶ ﻭﺍﻋﻴﻠﻪ <<..
🍃 ﻓﻲ ﻫﻠﺒﻪ ﻧﺎﺱ ﻫﻜﻲ ﻣﺎﺩﺍﻣﻪ ﻋﺎﻳﺶ ﻣﺮﺗﺎﺡ ﻳﺎﻛﻞ ﻭﻳﺸﺮﺏ ﻭﺍﻣﻮﺭﻩ ﺗﻤﺎﻡ ﻣﺎﻳﻬﻤﻪ ﺷﻲ ﺗﺎﻧﻲ ..
ﺍﻟﻨﻮﻋﻴﻪ ﻫﻲ ﻣﻦ ﺍﻟﻨﺎﺱ ﺍﻟﻠﻲ ﻋﺎﻳﺸﻪ ﻉ ﺍﻟﻬﺎﻣﺶ .. ﻣﺶ ﺣﺎﻣﻠﻴﻦ ﻫﻢ ﺷﻲ ﻓﻲ ﺍﻟﺪﻧﻴﺎ .. ﻧﺎﺱ ﺑﺴﻴﻄﻪ 🍃
ﺑﺲ ﻋﻤﺎﺩ ﻣﻦ ﺑﻌﺪ ﺍﻟﻠﻲ ﺻﺎﺭ ﻭﻣﻦ ﺑﻌﺪ ﺍﻟﻠﻲ ﻋﺎﺷﻪ ﻣﻌﺎﺵ ﻳﺒﻲ ﻳﻮﻟﻲ ﺍﻧﺴﺎﻥ ﺑﺴﻴﻂ ...
ﻫﻮ ﺗﻮﺍ ﻋﻨﺪﻩ ﻗﻀﻴﻪ ﻳﺒﻴﻬﺎ ﺗﺮﺑﺢ .. ﻭﺛﺎﺭ ﻻﺑﺪ ﻳﺎﺧﺪﻩ ..
ﻋﻼﺀ : ﺷﻨﻮ ﻳﺎﺩﻭﻥ ﺟﻮﺍﻥ ﻭﻳﻦ ﺳﺎﻓﺮﺕ ..
ﻋﻤﺎﺩ ﺑﻀﺤﻜﻪ : ﻣﻌﺎﻛﻢ ..
ﺗﻴﻔﺴﺎ ﺑﻀﺤﻜﻪ ﻣﻊ ﺭﻓﻌﺔ ﺣﺎﺟﺐ : ﻏﻴﺮ ﻗﻮﻝ ﻗﻮﻝ ﻓﺸﻦ ﻛﻨﺖ ﺳﺎﺭﺡ ..
ﻋﻤﺎﺩ ﺍﺑﺘﺴﻢ ﻭﻗﺎﻝ : ﻓﻜﻼﻣﻜﻢ .... ﺧﻼﻧﻲ ﻧﺸﻮﻑ ﺍﻟﺪﻧﻴﺎ ﺑﺸﻜﻞ ﺗﺎﻧﻲ ..
ﺍﺑﺘﺴﻤﻮﺍ ..
ﻋﻼﺀ : ﻛﻠﻨﺎ ﻣﻦ ﺑﻌﺪ ﺍﻟﻠﻲ ﺻﺎﺭ ﺑﺪﻳﻨﺎ ﻧﺸﻮﻓﻮﺍ ﺍﻟﺪﻧﻴﺎ ﺑﺸﻜﻞ ﺗﺎﻧﻲ ..
ﺍﻭﻝ ﻣﺮﺓ ﻧﺤﺐ ﺍﻟﺒﻼﺩ .. ﺑﺠﺪﻳﺎﺕ ﺍﻭﻝ ﻣﺮﺓ ﻧﺤﺲ ﺑﻤﻌﻨﻰ ﺍﻟﻮﻃﻨﻴﻪ ﻭﺍﻹﻧﺘﻤﺎﺀ ..
ﻗﺎﺳﻢ : ﻭﺍﻟﻠﻪ ﻭﺣﺘﻰ ﺍﻧﻲ .. ﺑﺎﻟﺬﺍﺕ ﺑﻌﺪ ﺳﻤﻌﺖ ﻧﺸﻴﺪ ﺍﻟﺪﻭﻟﺔ ﺍﻟﻤﻠﻜﻴﻪ ..
ﺗﻴﻔﺴﺎ : ﺣﺘﻰ ﺍﻧﻲ ﺑﻜﺮﻱ ﺳﻤﻌﺘﻪ ﻓﺴﻴﺎﺭﺓ ﻭﻟﻴﺪ ﻣﻦ ﺍﻟﺠﻨﻮﺏ ﺳﻤﺎﻩ ﻃﻪ ..
ﻋﻤﺎﺩ ﻭﻫﻮ ﻳﺸﺒﺢ ﻉ ﻳﻤﻴﻨﻪ ﻛﺎﻥ ﻓﻲ ﻣﺠﻤﻮﻋﻪ ﻏﻴﺮﻫﻢ : ﻗﺼﺪﻙ ﻫﺪﺍﻛﺎ ﺍﻻﺳﻤﺮﺍﻧﻲ ..
ﻋﻼﺀ : ﺍﻳﻪ ﻫﻮ ..
ﺷﺒﺤﻮﻟﻪ ﻛﻠﻬﻢ ..
ﻗﺎﺳﻢ : ﻟﻮ ﺟﻴﻨﺎ ﻧﺤﻜﻮﺍ ﻉ ﺗﻬﻤﻴﺶ ﺍﻟﻘﺬﺍﻓﻲ .. ﻣﺎﻓﺶ ﺍﺣﻖ ﻣﻦ ﺍﻟﺠﻨﻮﺏ ﺑﺎﻟﻜﻼﻡ ﻋﻠﻴﻪ ..
ﻗﻌﺪﻭﺍ ﻣﺮﻛﺰﻳﻦ ﻋﻠﻴﻪ ﺑﻨﻈﺮﻫﻢ ﻭﻳﺸﻮﻓﻮﻟﻪ ﻛﻴﻒ ﻳﻬﺪﺭﺯ ﻣﻊ ﺍﻟﻤﺠﻤﻮﻋﻪ ﺍﻟﻠﻲ ﻣﻌﺎﻩ ﻭﻳﻀﺤﻚ ..
ﻫﻮ ﻭﺯﻉ ﻧﻈﺮﻩ ﻉ ﺍﻟﻤﻜﺎﻥ ﺷﺒﺤﻠﻬﻢ .. ﺍﺑﺘﺴﻢ ﻭﺣﻴﺎﻫﻢ ﺑﺤﺮﻛﺔ ﺍﻟﻴﺪ ﻭﻫﻤﺎ ﺭﺩﻭﻫﺎﻟﻪ ..
ﺑﻌﺪﻳﻦ ﺷﺒﺢ ﻋﻤﺎﺩ ﻟﻼﻭﻻﺩ ﻭﻗﺎﻝ؛ﺑﺎﻫﻲ ﻣﺶ ﺣﺎﻓﻈﻴﻦ ﺷﻲ ﻣﻦ ﻧﺸﻴﺪ ﺍﻟﺪﻭﻟﺔ ﺍﻟﻤﻠﻜﻴﻪ ..
ﻗﺎﺳﻢ : ﺍﻧﻲ ﺣﺎﻓﻆ ﻣﻨﻪ ﺍﻟﺠﺰﺋﻴﺔ ﺍﻷﻭﻟﻰ ﻷﻧﻪ ﻃﻮﻳﻞ ﻭﺍﺟﺪ ..
ﻋﻼﺀ : ﺗﺮﺍ ﺳﻤﻌﻨﺎ ..
ﺿﺤﻚ ﻗﺎﺳﻢ .. ﺑﻌﺪﻳﻦ ﺑﺪﻱ ﻳﻘﻮﻝ ﻓﻴﻪ ..
‏🇱🇾 ﻳﺎﺑﻼﺩﻱ .. ﻳﺎﺑﻼﺩﻱ ..
ﺑﺠﻬﺎﺩﻱ ﻭﺟﻼﺩﻱ ...
ﺍﺩﻓﻌﻲ ﻛﻴﺪ ﺍﻷﻋﺎﺩﻱ .. ﻭﺍﻟﻌﻮﺍﺩﻱ ..
ﻭﺍﺳﻠﻤﻲ .. ﺍﺳﻠﻤﻲ .. ﺍﺳﻠﻤﻲ
ﻃﻮﻝ ﺍﻟﻤﺪﻯ ..
ﺍﻧﻨﺎ ﻧﺤﻦ ﺍﻟﻔﺪﺍ ..
ﻟﻴﺒﻴﺎ ﻟﻴﺒﻴﺎ ﻟﻴﺒﻴﺎ ..
ﻳﺎﺑﻼﺩﻱ ﺍﻧﺘﻲ ﻣﻴﺮﺍﺙ ﺍﻟﺠﺪﻭﺩ ..
ﻻﺭﻋﻰ ﺍﻟﻠﻪ ﻳﺪﺍ ﺗﻤﺘﺪ ﻟﻚ ..
ﻓﺄﺳﻠﻤﻲ ﺍﻥ ﻋﻠﻰ ﺍﻟﺪﻫﺮ ﺍﻟﺠﻨﻮﺩ .
ﻻﻧﺒﺎﻟﻲ ﺍﻥ ﺳﻠﻤﺘﻲ ﻣﻦ ﻫﻠﻚ ..
ﻭﺧﺬﻱ ﻣﻨﺎ ﻭﺛﻴﻘﺎﺕ ﺍﻟﻌﻬﻮﺩ
ﺍﻧﻨﺎ ﻳﺎﻟﻴﺒﻴﺎ ﻟﻦ ﻧﺨﺬﻟﻚ ..
ﻟﻦ ﻧﻌﻮﺩ ﻟﻠﻘﻴﻮﺩ ﻗﺪ ﺗﺤﺮﺭﻧﺎ ﻭﺣﺮﺭﻧﺎ ﺍﻟﻮﻃﻦ ..
ﻟﻴﺒﻴﺎ .. ﻟﻴﺒﻴﺎ ... ﻟﻴﺒﻴﺎ ...
ﻧﺰﻟﺖ ﺩﻣﻌﻪ ﻣﻦ ﻋﻴﻨﻪ ..
ﻧﺰﻝ ﺭﺍﺳﻪ ﻭﻣﺴﺤﻬﺎ ﻭﻫﻮ ﻳﻘﻮﻝ : ﻏﺼﺐ ﻋﻨﻲ ﻧﺰﻟﺖ ..
ﺗﻴﻔﺴﺎ ﻭﻋﻴﻮﻧﻪ ﻣﻌﺒﻴﺎﺕ ﺩﻣﻮﻉ : ﻳﺎﺭﺍﺟﻞ ﻟﺤﻤﻲ ﻭﻻ ﺷﻮﻙ ﺷﻮﻙ ..
ﻋﻼﺀ : ﻭﺍﻟﻠﻪ ﺣﺘﻰ ﺍﻧﻲ ..
ﻋﻤﺎﺩ : ﺍﻗﺴﻢ ﺑﺎﻟﻠﻪ ﻭﺑﺪﻭﻥ ﻣﺒﺎﻟﻐﻪ ﻃﺤﺖ ﻓﺤﺐ ﻟﻴﺒﻴﺎ .
ﻋﻼﺀ ﺗﻴﻔﺴﺎ ﻗﺎﺳﻢ : ﻫﻬﻬﻬﻬﻬﻬﻬﻬﻬﻬﻬﻬﻪ ..
ﻋﻤﺎﺩ ﺑﻀﺤﻜﻪ : ﻭﺍﻟﻠﻪ ﺟﺪﻳﺎﺕ ﺑﺎﻫﻲ ...
🍃 ﻣﻦ ﻣﻦ ﺍﻟﻨﺎﺱ ﺍﻟﻠﻲ ﻛﺎﻧﺖ ﺗﻮﺍﻗﻪ ﻟﻠﺤﺮﻳﻪ ﻭﻛﺴﺮ ﺍﻏﻼﻝ ﺍﻟﻌﺒﻮﺩﻳﻪ ﻣﺎﺣﺴﺶ ﺑﺎﻟﻮﻃﻨﻴﻪ ﻭﻋﺮﻓﻬﺎ ﺣﻖ ﺍﻻ ﻓﻲ 17 ﻓﺒﺮﺍﻳﺮ ..
ﺑﺎﻟﺬﺍﺕ ﻣﻊ ﺍﻟﻨﺸﻴﺪ ..
ﺍﻟﻨﺸﻴﺪ ﺍﻟﻠﻲ ﺣﻖ ﺍﻧﻜﺘﺐ ﻉ ﺍﻟﻮﻃﻦ ﺍﻟﻠﻲ ﻳﻌﺒﺮ ﺣﻖ ﻋﻦ ﺍﻟﻮﻃﻨﻴﻪ ﻭﺍﻹﻧﺘﻤﺎﺀ .
ﻋﻜﺲ ﺍﻟﻨﺸﻴﺪ ﺍﻷﻭﻝ ..
ﻧﺸﻴﺪ ﺣﺮﺑﻲ ﺑﺤﺖ .. ﻭﻧﺸﻴﺪ ﺻﻴﺎﻏﺘﻪ ﻛﻠﻬﺎ ﻭﻛﺄﻧﻪ ﻳﺘﻜﻠﻢ ﻋﻦ ﺷﺨﺺ ﺍﻛﺜﺮ ﻣﺎﻳﺘﻜﻠﻢ ﻋﻦ ﻭﻃﻦ .. ﺑﺮﻏﻢ ﺍﻧﻪ ﺣﻤﺎﺳﻲ ﺑﺲ ﻟﻈﺮﻑ ﻣﻌﻴﻦ .. ﻣﺎﻳﻨﻔﻌﺶ ﻳﻜﻮﻥ ﻧﺸﻴﺪ ﻭﻃﻨﻲ ..
ﺑﺲ ﺑﺼﺮﺍﺣﻪ ﻛﺎﻥ ﺭﺍﻛﺐ ﻉ ﺍﻟﻤﺮﺣﻠﻪ ﺍﻟﻠﻲ ﻛﺎﻧﺖ ﻓﻴﻬﺎ ﻟﻴﺒﻴﺎ ﺗﺤﺖ ﺣﻜﻤﻪ ..
ﻻﻥ ﺍﻏﻠﺒﻬﺎ ﻣﺸﺖ ﻓﻲ ﺻﺮﺍﻋﺎﺗﻪ ﺍﻟﻌﺒﺜﻴﻪ ﻭﺍﻟﻌﻨﺘﺮﺓ ﺍﻟﻔﺎﺭﻏﻪ .. ﺍﻟﻠﻲ ﺩﺧﻠﺘﻨﺎ ﻓﻲ ﺩﻭﺍﻣﺎﺕ ...
ﺍﺑﺮﺯﻫﻢ ﺍﻟﻐﺎﺭﺓ .. ﻭﺍﻟﺤﺼﺎﺭ ..
🌴🌴🌴🌴🌴🌴🌴🌴🌴🌴
🌠 ﻭﺍﻗﻔﻪ ﻓﻲ ﻭﺳﻂ ﺍﻟﺤﻮﺵ ..
ﻛﺎﻥ ﻳﺒﺎﻥ ﻛﺄﻧﻪ ﺟﺪﻳﺪ ..
ﻋﺠﺒﻬﺎ ﻭﻗﻌﺪﺕ ﺍﺩﻭﺭ ﺑﻌﻴﻮﻧﻬﺎ ﻓﻴﻪ ﻭﻫﻲ ﺗﺸﻮﻓﻠﻪ ﺑﺈﻧﺒﻬﺎﺭ ..
ﻗﺎﻟﺖ ..
" ﺍﻟﻠﻪ ﻗﺪﻳﺶ ﻣﺘﻐﻴﺮ .."
ﺷﺒﺤﺖ ﻟﻠﺒﺎﺏ ﺗﻼﺷﺖ ﺍﺑﺘﺴﺎﻣﺘﻬﺎ ..
ﻟﻘﺎﺗﻪ ﻫﻮ ﻧﻔﺴﻪ ﺍﻟﺒﺎﺏ ﺍﻟﻘﺪﻳﻢ ..
ﺯﺍﺩﺕ ﺭﻛﺰﺕ ﻉ ﺍﻟﺤﻴﻂ ﺍﻟﻠﻲ ﻓﻴﻪ ﺍﻟﺒﺎﺏ ﻟﻘﺎﺗﻪ ﻗﺎﻋﺪ ﻗﺪﻳﻢ ..
ﻗﺎﻟﺖ ﺑﺄﺳﻒ ..
" ﻟﻴﺶ ﻫﺪﻯ ﺑﺲ ﺍﻟﻠﻲ ﻗﻌﺪ ﻫﻜﻲ "!
ﻓﺠﺄﺓ ..
ﺗﺼﺪﻉ ﺍﻟﺤﻴﻂ ..
ﻫﻲ ﺍﺳﺘﻐﺮﺑﺖ ..
ﺯﺍﺩ ﺗﺼﺪﻉ ﺍﻛﺜﺮ ..
ﻫﻲ ﺧﺎﻓﺖ ...
ﺑﻌﺪﻫﺎ ..
ﻃﺎﺡ ﺍﻟﺤﻴﻂ ﺑﺒﺎﺑﻪ ...
🍁 ﻓﺎﻗﺖ ﻣﺨﻠﻮﻋﻪ ..
ﺣﻄﺖ ﻳﺪﻫﺎ ﻉ ﺻﺪﺭﻫﺎ ..
ﻭﻫﻲ ﺗﺘﻨﻔﺲ ﺑﻘﻮﺓ ..
ﺷﺒﺤﺖ ﺍﻟﻘﺪﺍﻡ .. ﻟﻘﺖ ﺍﻣﻬﺎ ﺭﺍﻗﺪﻩ ..
ﺩﺍﺭﺕ ﺑﻌﻴﻮﻧﻬﺎ ﻓﻲ ﺍﻟﺪﺍﺭ ﻭﻫﻮ ﺗﺸﻮﻑ ﻟﺤﻴﻮﻃﻬﺎ ...
ﺑﻌﺪﻳﻦ ..
ﺭﺟﻌﺖ ﺗﻤﻤﺪﺕ ﻓﻔﺮﺍﺷﻬﺎ ﻭﻫﻲ ﺗﺸﺒﺢ ﻟﻠﺴﻘﻒ ﻗﺎﻟﺖ ..
ﻏﺎﻟﻴﻪ : ﺧﻴﺮ ﻳﺎﺭﺏ .. ﺍﺟﻌﻠﻪ ﺧﻴﺮ ..
🍁🍁🍁🍁
ﺟﺎﻣﻌﺔ ﺍﻟﻔﺎﺗﺢ ..
ﺍﻟﺴﺎﻋﻪ 11:00 ﺻﺒﺎﺣﺎ ..
ﻣﻘﻌﻤﺰﺓ ﺗﺸﻮﻑ ﻟﻠﺨﺎﺗﻢ ﻓﻴﺪﻫﺎ ﻭﺍﻟﺪﻣﻮﻉ ﻣﻌﺒﻴﺎﺕ ﻋﻴﻮﻧﻬﺎ ..
ﻭﺗﻔﻜﺮ ﻓﻴﻪ ﻣﺎﺭﺍﺣﺶ ﻋﻦ ﺑﺎﻟﻬﺎ ﺩﻗﻴﻘﻪ ..
ﻣﻦ ﺍﺧﺮ ﻣﺮﺓ ﺭﺍﺗﻪ ﻓﻴﻬﺎ ﻣﻌﺎﺵ ﺳﻤﻌﺖ ﻋﻨﻪ ﺷﻲ ﺍﺧﻄﺎ ﺍﻧﻪ ﻣﺸﻲ ﻟﺘﺮﻫﻮﻧﻪ ..
ﺍﻟﻠﻲ ﻳﺸﻮﻑ ﺷﻜﻠﻬﺎ ﻳﻨﺼﺪﻡ ..
ﻭﻟﺖ ﺟﻠﺪ ﻉ ﻋﻈﻢ ...
ﻭﺻﺤﺘﻬﺎ ﻛﻞ ﻣﺎﻟﻬﺎ ﻟﺘﺎﻟﻲ ...
ﺑﺎﻟﺬﺍﺕ ﺍﻟﻔﺘﺮﺓ ﺍﻷﺧﻴﺮﺓ ﻗﻠﺒﻬﺎ ﻃﻮﻝ ﺍﻟﻮﻗﺖ ﻣﻘﺒﻮﺽ ﻭﺧﺎﻳﻔﻪ ..
ﻫﻲ ﻓﺴﺮﺕ ﻫﺎﻟﺸﻌﻮﺭ ﺍﻧﻪ ﺧﻮﻑ ﻣﻦ ﺍﻟﻮﺿﻊ ﺍﻟﺤﺎﻟﻲ ﺑﺲ ..
ﻗﻄﻊ ﻋﻠﻴﻬﺎ ﺗﻔﻜﻴﺮﻫﺎ ..
ﺣﻮﺍﺭ ﻳﺪﻭﺭ ﺑﻴﻦ ﺯﻭﺯ ﺑﻨﺎﺕ ﻣﻘﻌﻤﺰﺍﺕ ﻭﺭﺍﻫﺎ
: ﺩﺭﺕ ﺭﻭﺣﻲ ﺟﺮﺫﺓ ﻭﻗﻌﺪﺕ ﻧﺘﻜﻠﻢ ﺯﻳﻬﻢ ﻃﺎﻏﻴﻪ ﻣﺎﻃﺎﻏﻴﻪ ﻭﻣﻦ ﻫﺎﻟﺪﻭﺓ .. ﺍﻟﺘﻼﺗﻪ ﻣﺎﺻﺪﻗﻮﺍ .. ﺗﻲ ﻃﻠﻌﻮﺍ ﺟﺮﺩﺍﺕ ﻭ ﺧﺎﻣﺮﺍﺕ ..
: ﺍﻟﻤﻬﻢ ﺗﻮﺍ ﺗﻌﺮﻓﻲ ﺍﺳﻤﺎﺋﻬﻢ ﺍﻟﺘﻼﺗﻪ ..
: ﺍﻳﻪ ...
ﻭﺣﺪﻩ ﺍﺳﻤﻬﺎ ...
ﻗﻌﺪﺕ ﺭﺍﻧﻴﺎ ﺗﺴﻤﻊ ﻓﻲ ﺍﻷﺳﻤﺎﺀ ﺍﻧﺼﺪﻣﺖ ﻭﺧﺎﻓﺖ ..
ﻋﺮﻓﺘﻬﻢ ﺍﻟﺘﻼﺗﻪ ﺯﻣﻴﻼﺗﻬﺎ ..
ﻻﻫﺮﺑﺖ ﻭﻻﻗﺎﻟﺖ " ﻭﺍﻧﻲ ﺷﻦ ﺩﺧﻠﻲ "
ﻣﻦ ﺧﻮﻓﻬﺎ ﻧﺎﺿﺖ ﺩﻭﺭﺕ ﺍﻟﺒﻨﺎﺕ ﻭﻳﻦ ﻣﺎﻫﻤﺎ ...
ﻭﻋﺮﻓﺖ ﻛﻴﻒ ﺗﺎﺧﺪﻫﻢ ﻉ ﺗﺮﻛﻴﻨﻪ ﺑﺪﻭﻥ ﻣﺎﺗﺸﻮﻓﻬﻢ ﺍﻟﻌﻴﻮﻥ ﻭﺣﺬﺭﺗﻬﻢ ..
ﻭﺍﻟﺒﻨﺎﺕ ﻭﻗﺘﻲ ﻛﻠﻤﻮﺍ ﺍﻫﺎﻟﻴﻬﻢ ﻭﺭﻭﺣﻮﺍ ...
🍁🍁🍁🍁🍁🍁
ﻭﺑﺎﻫﻲ ﺷﻦ ﺑﻴﺪﻳﺮﻭﺍ ﺗﻮﺍ ..
ﺭﺍﻧﻴﺎ : ﻳﻬﺮﺑﻮﺍ ﻭﻻﻳﺪﻳﺮﻭﺍ ﺍﻱ ﺷﻲ ..
ﺭﺑﺎﺏ : ﺍﻧﺘﻲ ﻏﻴﺮ ﺷﻦ ﺩﺧﻠﻚ ﺑﺲ .
ﺭﺍﻧﻴﺎ : ﻛﻴﻒ ﺷﻦ ﺩﺧﻠﻲ !! ﺣﻄﻴﺖ ﺭﻭﺣﻲ ﻓﻤﻜﺎﻧﻬﻢ .. ﺗﻌﺮﻓﻲ ﺍﻟﻠﻲ ﻳﺨﺪﻭﻫﺎ ﺷﻦ ﻳﺪﻳﺮﻭﺍ ﻓﻴﻬﺎ ﻭﻻ؟ ! ﻭﻻﺍﻣﺎﻟﻴﻬﻢ ﺷﻦ ﻳﺼﻴﺮ ﻓﻴﻬﻢ ! ﻣﺎﻗﺪﺭﺗﺶ ﻧﺴﻜﺖ ..
ﺭﺑﺎﺏ ﺳﻜﺘﺖ ﺷﻮﻳﻪ ﻭﻫﻲ ﺗﺸﻮﻓﻠﻬﺎ ﺑﻌﺪﻳﻦ ﻗﺎﻟﺖ : ﺣﺘﻰ ﺍﻧﺘﻲ ﻭﻗﻔﻲ ﻗﻴﺪﻙ ..
ﺗﻨﻬﺪﺕ ﺑﺄﻟﻢ ﻭﻗﺎﻟﺖ : ﺍﻳﻪ .. ﺑﻨﻘﻮﻝ ﻟﺤﻤﺰﺓ ﻳﺒﺪﺍ ﻳﻮﻗﻔﻠﻲ ﻗﻴﺪﻱ ﻣﻦ ﻏﺪﻭﺓ ﻣﺶ ﻣﺎﺷﻴﻪ ..
ﺭﺑﺎﺏ : ﺍﺣﺴﻦ ...
🍁🍁🍁🍁🍁
ﺍﻟﺴﺎﻋﻪ 4:30 ﻗﺒﻞ ﺍﻟﻌﺼﺮ ..
ﻣﺼﻮﺭ ﺷﺠﺮﺓ ﺍﻟﺪﺭ ..
ﻣﻘﻌﻤﺰﺓ ﺩﺍﺧﻞ ﺗﺴﺘﻨﻰ ﻓﻴﻪ ..
ﻫﻮ ﺑﻌﺘﻠﻬﺎ ﺭﺳﺎﻟﻪ ..
ﺍﻧﻪ ﻳﺒﻲ ﻳﺸﻮﻓﻬﺎ ﺿﺮﻭﺭﻱ ﻓﻲ ﺍﻟﻤﺼﻮﺭ ..
ﻫﻲ ﻃﻮﻝ ﺧﻄﺮ ﻉ ﺑﺎﻟﻬﺎ ﻣﻮﺿﻮﻉ ﺍﻟﺰﻭﺍﺝ ..
ﻭﻫﺎﻟﻠﻲ ﺧﻄﺮ ﻓﺒﺎﻟﻬﺎ ﺧﻼﻫﺎ ﺗﻀﺎﻳﻖ ﻫﻠﺒﻪ ..
ﺗﺒﻲ ﺗﺄﺟﻞ ﻟﻬﻠﺒﻪ ﺍﺳﺒﺎﺏ ...
ﺍﻭﻟﻬﻢ ﺍﻟﺨﻼﻓﺎﺕ ﺍﻟﻠﻲ ﻗﺎﻋﺪﻩ ﺗﺰﻳﺪ ﺑﻴﻨﺎﺗﻬﻢ ..
ﻻﺯﻡ ﺗﻨﺤﻞ ﻗﺒﻞ ..
ﺧﺪﺕ ﻧﻔﺲ ﻋﻤﻴﻖ ﻟﻤﺎ ﺳﻤﻌﺖ ﺻﻮﺕ ﺳﻴﺎﺭﺓ ﺩﺭﺳﺖ ﻗﺪﺍﻡ ﺍﻟﻤﺼﻮﺭ ..
ﺷﻮﻳﻪ ﻭﺳﻤﻌﺖ ﺑﺎﺑﻬﺎ ﺍﻧﻔﺘﺢ .. ﻭﺗﺼﻜﺮ ..
ﻗﻌﺪﺕ ﺗﺸﻮﻑ ﻟﻠﺒﺎﺏ ...
ﺍﻧﻔﺘﺢ ...
ﺧﺶ ﻭﻗﺎﻝ : ﺍﻟﺴﻼﻡ ﻋﻠﻴﻜﻢ ..
ﻫﻲ ﺍﺑﺘﺴﻤﺖ ﻭﻗﺎﻟﺖ : ﻭﻋﻠﻴﻜﻢ ﺍﻟﺴﻼﻡ ..
ﺻﻜﺮ ﺍﻟﺒﺎﺏ ﻭﻗﺪﻡ ..
ﻗﻌﻤﺰ ﻉ ﺍﻟﻜﺮﺳﻲ ﺍﻟﻠﻲ ﻣﻘﺎﺑﻠﻬﺎ ﻭﻫﻮ ﻳﻘﻮﻝ : ﺩﻳﺮﻳﻪ ﻣﻐﻠﻖ ..
ﻫﻲ ﻓﻬﻤﺖ ﻗﺼﺪﻩ .. ﺑﻠﻌﺖ ﺭﻳﻘﻬﺎ ﻭﻧﺎﺿﺖ ﻟﻠﺒﺎﺏ ﻭﻗﻠﺒﺖ ﺍﻟﻼﻓﺘﻪ ﺍﻟﻤﻌﻠﻘﻪ ﻣﻦ ﻛﻠﻤﺔ ﻣﻔﺘﻮﺡ ﻟﻤﻐﻠﻖ ..
ﺗﻠﻔﺘﺖ ﻭﺷﺒﺤﺘﻠﻪ ﻭﻫﻲ ﻣﺴﺘﻐﺮﺑﻪ ﻉ ﺧﺎﻳﻔﻪ ..
ﻭﻛﺈﻧﻪ ﻣﺶ ﻧﻔﺴﻪ ﻫﺎﻧﻴﺒﺎﻝ ﺍﻟﻠﻲ ﺗﻌﺮﻓﻪ ..
ﻭﺻﻠﺖ ﻓﻲ ﺍﻟﻜﺮﺳﻲ ﻭﻗﻌﻤﺰﺕ ..
ﻋﺮﻭﺑﻪ ﺑﻠﻌﺖ ﺭﻳﻘﻬﺎ ﻭﻗﺎﻟﺖ : ﺍﺣﻤﻢ .. ﺍﻣﺘﻰ ﺟﻴﺖ ﻟﻄﺮﺍﺑﻠﺲ ..
ﻫﺎﻧﻴﺒﺎﻝ ﺷﺒﺤﻠﻬﺎ ﻭﻗﺎﻝ : ﺧﻴﺮﻙ ﻣﺎﺗﺮﺩﻱ ﻉ ﻫﺎﺗﻔﻚ ..
ﻫﻲ ﻗﻌﺪﺕ ﺗﺸﻮﻓﻠﻪ ﻛﻴﻒ ﻧﻈﺎﺭﺍﺗﻪ ﻉ ﻋﻴﻮﻧﻪ ﻣﺎﺣﻮﻟﻬﻤﺶ ..
ﺍﺭﺑﻜﺘﻬﺎ ﺍﻟﻠﻘﻄﻪ .. ﻭﺯﺍﺩ ﺍﻟﺴﺆﺍﻝ ﺍﺭﺑﻜﻬﺎ ﺍﻛﺜﺮ ﻭﺍﻛﺜﺮ ...
ﻫﺎﻧﻴﺒﺎﻝ؛ﺳﺄﻟﺘﻚ ﺧﻴﺮﻙ ﻣﺎﺗﺮﺩﻱ ﻉ ﻫﺎﺗﻔﻚ ..
ﺗﻠﻘﺎﺋﻴﺎ ﺑﺪﺕ ﺗﺠﺎﻭﺏ ﻛﺬﺑﺎ ﻭﻫﻲ ﺗﺤﺮﻙ ﻓﻲ ﺍﻳﺪﻳﻬﺎ : ﺍﻣﺲ .. ﻋﺪﻳﻨﺎ ﻟﺤﻮﺵ ﻋﻮﺩﺓ ﻣﻦ ﺍﻟﻨﻬﺎﺭ .. ﺭﺍﺟﻠﻬﺎ ﺩﺍﺭ ﺣﺎﺩﺙ ﻳﻌﻨﻲ ﻭﻫﻜﻲ .. ﻭﻗﻌﺪﻧﺎ ﻣﻌﺎﻫﺎ ..
ﺭﻛﺰﺕ ﻋﻠﻴﻪ ﻭﻫﻲ ﺗﺘﻜﻠﻢ ﻓﻜﻴﻒ ﻗﺮﺏ ﻳﺪﻩ ﺍﻷﻳﺴﺎﺭ ﻣﻦ ﻳﺪﻩ ﺍﻟﻴﻤﻴﻦ ..
ﻭﺻﺒﺎﻋﻪ ﺍﻟﺴﺒﺎﺑﻪ ﺍﻹﺑﻬﺎﻡ ﻟﻴﺪﻩ ﺍﻹﻳﺴﺎﺭﺷﺪﻭﺍ ﺍﻟﺪﺑﻠﻪ ﺍﻟﻠﻲ ﻓﺒﻨﺼﺮ ﺍﻟﻴﻤﻴﻦ ﻭﺑﺪﻭﺍ ﻳﺠﺒﺪﻭﺍ ﻓﻴﻬﺎ ..
ﻫﻲ ﺗﺸﻮﻓﻠﻪ ﻭﺗﺘﻜﻠﻢ ﺑﺼﻮﺕ ﻳﺮﺟﻒ : ﻣﺎﻗﺪﺭﺗﺶ ﻧﺮﺩ ﻉ ﺍﻟﻬﺎﺗﻒ .. ﻣﺎﻫﻮ .. ﺯﺣﻤﻪ .. ﻭ ...
ﺷﺎﻓﺖ ﺍﻟﺪﺑﻠﻪ ﻃﻠﻌﺖ ﻣﻦ ﺍﻟﺒﻨﺼﺮ ...
ﻭﺣﻄﻬﺎ ﺑﺴﺒﺎﺑﺘﻪ ﻭﺍﺑﻬﺎﻣﻪ .. ﻉ ﺍﻟﻄﺎﻭﻟﻪ ﺍﻟﻠﻲ ﺟﻨﺒﻪ ..
ﺳﻮﺍ ﺩﺟﺎﻛﺘﻪ .. ﻭﺷﺒﺤﻠﻬﺎ ..
ﻋﺮﻭﺑﻪ ﻭﻫﻲ ﺗﺸﻮﻑ ﻟﻠﺪﺑﻠﻪ : ﺷﻦ ﻗﺼﺪﻙ؟
ﻫﻮ ﺧﺪﻱ ﻧﻔﺲ ﻭﺷﺒﺢ ﺣﻮﺍﻟﻴﻪ ﺑﻌﺪﻳﻦ ﻗﺎﻝ : ﺑﺪﻳﻨﺎ ﻣﻦ ﻗﺮﻳﺐ 14 ﺳﻨﻪ
ﺍﻭﻝ ﻣﺮﺓ ﻳﺘﺤﺮﻙ ﻗﻠﺒﻲ ﻓﻴﻬﺎ ﻟﺒﻨﺖ ﻛﺎﻧﺖ ﻟﻴﻚ ﺍﻧﺘﻲ ﺑﺮﻏﻢ ﺍﻧﻚ ﻣﺎﺗﻤﺸﻴﺶ ﻣﻊ ﺗﻔﻜﻴﺮﻱ .. ﺗﺨﺘﻠﻔﻲ ﻭﺍﺟﺪ ﻋﻨﻲ ﻟﻜﻦ .. ﺣﺒﻴﺘﻚ ...
ﺩﻣﻮﻋﻬﺎ ﻋﺒﻮﺍ ﻋﻴﻮﻧﻬﺎ ﻭﺗﺎﺧﺪ ﻓﺎﻧﻔﺎﺳﻬﺎ ﺑﺼﻌﻮﺑﻪ ..
ﻟﻜﻦ ﺭﻏﻢ ﻫﻜﻲ ﺻﺎﺭ ﺑﻴﻨﻲ ﻭﺑﻴﻨﻚ ﻣﺸﺎﻛﻞ ﻭﺍﺟﺪﻩ .. ﻭﻛﻠﻬﻦ ﻛﺎﻧﻦ ﻳﺒﻴﻨﻦ ﺍﻥ ﺍﻧﻲ ﻭﻳﺎﻙ ﻣﺨﺘﻠﻔﻴﻦ ﻋﻦ ﺑﻌﺾ ﻭﺍﺟﺪ ﺑﺮﻏﻢ ﺻﻐﺮ ﺍﻟﺴﻦ ..
ﻣﺬﻛﺮﺓ ﻛﻴﻒ ﺗﻔﺎﺭﻗﻨﺎ .. ﻭﺍﻟﻤﺸﻜﻠﻪ ﺍﻟﻠﻲ ﺻﺎﺭﺕ ﻭﺍﻟﻜﻼﻡ ﺍﻟﻠﻲ ﻗﻠﻨﺎﻩ ﻟﺒﻌﺾ ﻭﻗﺘﻬﺎ ..
ﻳﺸﺒﻪ ﻭﺍﺟﺪ ﺍﻟﻠﻲ ﻗﺎﻋﺪ ﻳﺼﻴﺮ ﺗﻮ ﺑﺎﻟﻀﺒﻂ ..
ﺭﻏﻢ ﻫﻜﻲ .. ﺩﻭﺭﺗﻚ ﻭﻳﻦ ﻣﺎﻛﻨﺘﻲ ﻭﻋﺪﻳﺘﻠﻚ ﻭﺻﺎﻟﺤﺘﻚ ..
ﺑﻌﺪﻫﺎ ﺷﻦ ﺻﺎﺭ !!.
ﻫﻲ ﺗﺸﻮﻓﻠﻪ ﻭﺑﺲ ﻣﺶ ﻗﺎﺩﺭﺓ ﺍﺩﻳﺮ ﺍﻱ ﺭﺩﺕ ﻓﻌﻞ ..
ﺍﻟﻠﻲ ﺗﺴﻤﻊ ﻓﻴﻪ ﺗﻮﺍ ﺻﺪﻣﻬﺎ ﺑﻘﻮﺓ ..
ﻛﻤﻞ ﻳﻘﻮﻝ : ﺍﻳﻪ ﺍﻧﺘﻲ ﺣﺒﺘﻴﻨﻲ ﻭﺍﻧﻲ ﺣﺒﻴﺘﻚ .. ﻭﻭﺍﺟﺪ ﻣﺶ ﺷﻮﻳﻪ .. ﻭﺍﻟﻔﺮﺍﻕ ﺍﻟﻄﻮﻳﻞ ﺍﻟﻠﻲ ﺻﺎﺭ ﻗﻬﺮﻙ ﻭﻗﻬﺮﻧﻲ ... ﺣﺴﻴﺘﻪ ﻛﻴﻒ ﺍﻟﻠﻲ ﺳﺮﻗﻚ ﻣﻨﻲ ﻛﻴﻒ ﺍﻟﻠﻲ ﻗﻄﻊ ﻋﻠﻴﺎ ﻃﺮﻳﻖ ﺍﻧﻲ ﻣﺎﺯﻟﺖ ﻣﺎﺑﺪﻳﺘﻪ .. ﻭﻟﻤﺎ ﺭﺟﻌﺖ ﺷﻔﺘﻚ ﺳﻴﺒﺖ ﻛﻞ ﺷﻲ ﻛﻞ ﺷﻲ ﺣﺘﻰ ﺍﻟﻤﺮﺍﺓ ﺍﻟﻠﻲ ﻛﺎﻧﺖ ﻉ ﺫﻣﺘﻲ .. ﻭﻭﻟﻴﺖ ﻛﻤﻠﺖ ﺍﻟﻄﺮﻳﻖ ﻣﻌﺎﻙ ... ﻛﻨﺖ ﻧﺤﺴﺎﺏ ﺭﻭﺣﻲ ﺑﻨﺮﺗﺎﺡ ﻭﻧﺘﻬﻨﻰ ﻭﻳﻦ ﻧﻜﻮﻥ ﻣﻌﺎﻙ ..
ﺑﺲ ﺑﻌﺪ ﻗﺮﺑﺖ ﻣﻨﻚ ﺗﻮﺍ ﺍﻛﺜﺮ .. ﻋﺮﻓﺖ ﺣﺎﺟﻪ ﻣﻦ ﺍﻷﻭﻝ ﻛﺎﻧﺖ ﻭﺍﺿﺤﻪ ﻗﺪﺍﻣﻲ ﻣﻦ ﺯﻣﺎﺍﺍﺍﻥ ﻏﻴﺮ ﺍﻧﻲ ﻣﺎﻛﻨﺘﺶ ﻓﺎﻫﻤﻬﺎ ..
ﺍﻧﻲ ﻭﻳﺎﻙ .. ﻋﻤﺮﻧﺎ ﻣﺎﻛﻨﺎ ﻟﺒﻌﺾ ...
ﺗﻮﺳﻌﻮﺍ ﻋﻴﻮﻧﻬﺎ ﺑﺼﺪﻣﻪ ﻭﻫﻲ ﺗﺸﻮﻓﻠﻪ ..
ﺗﻨﻬﺪ ﻣﻦ ﺍﻋﻤﺎﻗﻪ ﺑﻌﺪﻳﻦ ﻗﺎﻝ : ﻓﻲ ﻓﺮﻕ ﻛﺒﻴﺮ ﺑﻴﻨﻲ ﻭﺑﻴﻨﻚ .. ﺍﻧﺘﻲ ﺗﺸﻮﻓﻲ ﻓﻴﺎ ﻣﺘﺨﻠﻒ ﻭﺍﻧﻲ ﻧﺸﻮﻑ ﻓﻴﻚ ﻣﻨﻔﺘﺤﻪ .. ﺍﻧﺘﻲ ﺗﺸﻮﻓﻲ ﻓﻴﺎ ﻧﻘﻴﺪ ﻓﻴﻚ ﻭﺍﻧﻲ ﻧﺸﻮﻑ ﻓﻴﻚ ﺍﻥ ﻣﺶ ﺩﺍﻳﺮﺗﻴﻠﻲ ﺍﻋﺘﺒﺎﺭ ..
ﺍﻧﻲ ﻧﺸﻮﻑ ﻓﻴﻚ ﺍﻫﻢ ﺷﻲ .. ﻭﺍﻧﺘﻲ ﺗﺸﻮﻑ ﺷﻲ ﻣﻦ ﻫﺎﻷﺷﻴﺎﺀ ..
ﻗﺎﻟﻬﺎ ﻭﻫﻮ ﻳﺤﺮﻙ ﻓﻴﺪﻩ ﻳﺄﺷﺮ ﻉ ﺍﻟﻤﺼﻮﺭ ..
ﻧﺰﻝ ﻳﺪﻫﺎ ﻭﺷﺒﺤﻠﻬﺎ ﻭﻗﺎﻝ : ﻋﺮﻭﺑﻪ .. ﻟﻮ ﻣﺎﻛﻨﺘﻴﺶ ﻛﺬﺑﺘﻲ ﻋﻠﻴﺎ ﺗﻮ ﻛﺎﻥ ﻣﻤﻜﻦ ﻧﺘﻔﺎﻫﻢ ﻣﻌﺎﻙ ﻭﻧﻠﻘﺎﻟﻚ ﺍﻋﺬﺍﺭ ... ﺑﺲ ﺗﻮ ﺧﻼﺹ ..
ﻛﻞ ﺍﻟﻠﻲ ﻧﺒﻴﻪ ﺍﻥ ﺍﻧﻲ ﻭﻳﺎﻙ ﻳﻨﺘﻬﻲ ﺍﻟﻠﻲ ﺑﻴﻨﺎﺗﻨﺎ ﻓﻲ ﻫﺎﻟﻠﺤﻈﻪ ﺑﺈﺣﺘﺮﺍﻡ ﻧﺒﻲ ﻧﺨﻠﻲ ﻓﻲ ﻧﻔﺴﻲ ﻣﻨﻚ ﺫﻛﺮﻯ ﺣﻠﻮﺓ ﻭﺍﻧﺘﻲ ﻧﻔﺲ ﺍﻟﺸﻲ ..
ﻫﻲ ﺗﺴﻤﻊ ﺑﺲ ﻣﺶ ﻗﺎﺩﺭﺓ ﺗﻨﻄﻖ ﺑﻜﻠﻤﻪ ..
ﻧﺎﺽ : ﺍﺧﺮ ﺷﻲ ﻧﺒﻲ ﻧﻘﻮﻟﻪ .. ﻳﺸﻬﺪ ﺍﻟﻠﻪ ﺍﻥ ﻣﺎﻓﻲ ﻣﺮﺍﺓ ﻗﺪﺭﺕ ﺗﺨﻠﻲ ﻫﺎﻧﻴﺒﺎﻝ ﻳﺘﻨﺎﺯﻝ ﻭﻳﺤﺒﻬﺎ ﻏﻴﺮﻙ ﻭﻳﺪﻳﺮ ﻉ ﺧﺎﻃﺮﻫﺎ ﺣﺎﺟﺎﺕ ﻭﺍﺟﺪﻩ ﻭﻳﺘﺤﺪﺍ ﻉ ﺧﺎﻃﺮﻫﺎ .. ﻟﻜﻦ ﺍﻟﻠﻪ ﻏﺎﻟﺐ .. ﻫﺎﻟﻤﺮﺍﺓ ﻣﺎﻫﻴﺶ ﻟﻴﻪ .. ﻭﻻ ﻫﻮ ﻟﻴﻬﺎ ...
ﺭﺑﻲ ﻳﻌﻄﻴﻚ ﻣﺎﺗﺘﻤﻨﻲ .. ﻭﻳﺤﻔﻈﻚ ..
ﺍﻟﺴﻼﻡ ﻋﻠﻴﻜﻢ ..
ﻭﺧﺮ ﺍﻟﻜﺮﺳﻲ ..
ﻭﻟﻒ ﻭﺗﻮﺟﻪ ﻟﻠﺒﺎﺏ ﻭﻓﺘﺤﻪ ﻭﻃﻠﻊ ...
ﺷﺒﺤﺖ ﻟﻠﺒﺎﺏ ﺗﺼﻜﺮ ...
ﻗﻌﺪﺕ ﻣﺮﻛﺰﺓ ﻋﻠﻴﻪ ﻟﻴﻦ ﺳﻤﻌﺖ ﺑﺎﺏ ﺍﻟﺴﻴﺎﺭﺓ ﺗﺼﻜﺮ ..
ﺑﻌﺪﻳﻦ ﺳﻤﻌﺖ ﺍﻟﺴﻴﺎﺭﺓ ﻛﻴﻒ ﺍﺷﺘﻐﻠﺖ ﻭﺗﺤﺮﻛﺖ ﻃﻮﻝ ..
ﻏﻴﺮﺕ ﻋﻴﻮﻧﻬﺎ ﻟﻠﻄﺎﻭﻟﻪ ﺍﻟﻠﻲ ﻋﻠﻴﻬﺎ ﺍﻟﺪﺑﻠﻪ ..
ﻗﻌﺪﺕ ﻣﺮﻛﺰﺓ ﻋﻠﻴﻬﺎ ...
ﻣﺶ ﻣﺴﺘﻮﻋﺒﻪ ﻣﺎﺯﺍﻟﺖ ...
ﺣﺎﻟﻬﺎ ﺯﻱ ﺍﻟﻠﻲ ﻃﺎﺡ ﻓﻲ ﺑﻴﺮ ﻏﺮﻳﻖ ﻋﻤﻴﻖ ...
ﻣﻜﺎﻧﺘﺶ ﻣﺘﻮﻗﻌﻪ ﺍﻟﻠﻲ ﺻﺎﺭ ﺑﻜﻞ ..
ﻣﺎﻛﺎﻧﺘﺶ ﻣﺘﺨﻴﻼﺗﻪ ﺣﺘﻰ ..
ﻣﺪﺕ ﻳﺪﻫﺎ ﻟﻠﺪﺑﻠﻪ ﻭﺧﺪﺗﻬﺎ ...
ﻗﻌﺪﺕ ﺗﺸﻮﻑ ﻓﻴﻬﺎ ..
ﻓﺘﺤﺖ ﻋﻴﻮﻧﻬﺎ ﻉ ﻭﺳﻌﻬﻢ ..
ﻟﻤﺎ ﺷﺎﻓﺖ ﺍﺳﻤﻪ ﻭﺍﺳﻤﻬﺎ ﻣﻨﻘﻮﺷﺎﺕ ﺩﺍﺧﻠﻬﺎ ..
ﻟﻤﺎ ﺟﺎﺑﺘﻬﺎﻟﻪ ﻣﻜﺎﻧﺶ ﻓﻴﻬﺎ ﺷﻲ ..
ﻫﻲ ﻓﻜﺮﺕ ﺍﺩﻳﺮ ﺣﺎﺟﻪ ﺯﻱ ﻫﺎﺩﻱ ﺑﺲ ﺣﻄﺖ ﻓﻲ ﺑﺎﻟﻬﺎ ﺍﻧﻪ ﻣﺎﻳﺤﺒﺶ ﺍﻟﺠﻮ ﻫﺪﺍ .. ﺗﺮﺍﺟﻌﺖ ﻋﻦ ﻓﻜﺮﺗﻬﺎ ..
ﻟﻜﻦ ﻫﻮ ﻃﻠﻊ ﻋﻜﺲ ﺗﻮﻗﻌﺎﺗﻬﺎ ..
ﺯﻱ ﻣﺎﺗﻮﺍ ﻃﻠﻊ ﻋﻜﺲ ﺗﻮﻗﻌﺎﺗﻬﺎ ..
ﺣﺴﺖ ﺭﻭﺣﻬﺎ ﻓﻲ ﻫﺪﻳﻜﺎ ﺍﻟﻠﺤﻈﻪ ﺍﻥ ﻓﻌﻼ ﻛﺴﺒﺖ ﻗﻠﺒﻪ ﻟﻜﻦ
ﻣﺎﻗﺪﺭﺗﺶ ﺗﺤﺎﻓﻆ ﻋﻠﻴﻪ ..
🍁🍁🍁🍁🍁🍁
ﻭﺍﻟﻠﻪ ﻫﺪﺍ ﺍﻟﻠﻲ ﺗﻮﻗﻌﺘﻪ ﻭﻗﺘﻠﻚ ﻋﻠﻴﻪ ..
ﻋﺮﻭﺑﻪ ﺩﻣﻮﻋﻬﺎ ﻳﻨﺰﻟﻮﺍ ﻭﻫﻲ ﺗﺸﻮﻑ ﻟﻠﻔﺮﺍﻍ ..
ﻋﻮﺩﺓ ﺍﺑﺘﺴﻤﺖ ﺑﺘﻬﻜﻢ ﻭﻗﺎﻟﺖ : ﻭﺯﻱ ﻛﻞ ﻣﺮﺓ ﻳﺎﻋﺮﻭﺑﻪ ﺍﺩﻳﺮﻱ ﺍﻟﺤﺎﺟﻪ ﻣﻊ ﻫﺎﻧﻴﺒﺎﻝ ﻭﺗﻨﺪﻣﻲ ﻋﻠﻴﻬﺎ ... ﻟﻜﻦ ﺗﻌﺮﻓﻲ ﻫﺪﺍ ﺍﺣﺴﻦ ﺷﻲ ﺻﺎﺭ ..
ﺷﺒﺤﺘﻠﻬﺎ ﺑﺤﺪﻩ ..
ﻋﻮﺩﺓ : ﺍﻧﺘﻲ ﻭﻳﺎﻩ ﺯﻱ ﺍﻷﻗﻄﺎﺏ ﺍﻟﻤﺘﺸﺎﺑﻬﻪ ﺍﻟﻠﻲ ﺗﺘﻨﺎﻓﺮ ..
ﺗﺨﺘﻠﻔﻮﺍ ﻓﻲ ﺍﻟﻌﻘﻠﻴﻪ ﺻﺢ ﻟﻜﻦ ﺗﺘﺸﺎﺑﻬﻮﺍ ﻓﻲ ﺍﻷﻃﺒﺎﻉ ..
ﺍﻟﻌﻨﺎﺩ ﻭﺍﻟﻜﺒﺮ .. ﻭﻣﻊ ﺍﻟﻄﺒﻌﻴﻦ ﻫﺎﺩﻡ .. ﻻﻳﻤﻜﻦ ﻳﺼﻴﺮ ﻣﻨﻜﻢ ﺣﺘﻰ ﻟﻮ ﺗﺰﻭﺟﺘﻮﺍ ﻣﺼﻴﺮﻛﻢ ﻟﻠﻄﻼﻕ ..
ﻋﺮﻭﺑﻪ ﺣﻄﺖ ﻳﺪﻫﺎ ﻉ ﻓﻤﻬﺎ ﻭﺑﺪﺕ ﺗﺒﻜﻲ ..
ﻋﻮﺩﺓ : ﻣﻌﻠﻴﺸﻲ ﻛﻼﻣﻲ ﻭﺍﻋﺮﺻﺢ ﺑﺲ ﺣﻖ ﻳﺎﻋﺮﻭﺑﻪ ... ﻭﺭﺍﻫﻮ ﺻﺪﻗﻴﻨﻲ ﺍﻟﺤﺐ ﻣﺶ ﻣﻬﻢ ﻗﺪ ﻣﺎﻣﻬﻢ ﺍﻟﺘﻔﺎﻫﻢ ..
ﻻﻥ ﺍﻟﺘﻔﺎﻫﻢ ﻣﻤﻜﻦ ﻳﺠﻲ ﺑﻌﺪﻩ ﺣﺐ ﻗﻮﻱ ﻭﻳﺰﻳﺪ ﺍﻟﺘﺮﺍﺑﻂ ..
ﻟﻜﻦ ﻋﺪﻡ ﺍﻟﺘﻔﺎﻫﻢ ﻳﻮﻟﺪ ﺍﻟﻤﺸﺎﻛﻞ ﺍﻟﻠﻲ ﺗﻨﻘﺺ ﺍﻟﺤﺐ ﻭﻣﻤﻜﻦ ﺗﻨﻬﻴﻪ ...
ﺯﺍﺩﺕ ﻋﺮﻭﺑﻪ ﺑﻜﻲ ﺍﻛﺜﺮ ﻭﺍﻛﺜﺮ ..
ﻋﻮﺩﺓ : ﺻﺪﻗﻴﻨﻲ ﺣﺘﻨﺴﻲ ﻭﻫﻮ ﺣﻴﻨﺴﻰ ﻭﻣﺮﺍﺕ ﻣﻊ ﺍﻟﻮﻗﺖ ﻛﻞ ﺣﺪ ﻓﻴﻜﻢ ﻳﺤﺐ ﻣﺮﺓ ﺗﺎﻧﻴﻪ ﺍﻟﺸﺨﺺ ﺍﻟﻠﻲ ﻳﻨﺎﺳﺒﻪ ﺻﺢ ..
ﻋﺮﻭﺑﻪ ﺑﺒﻜﻲ : ﻋﻮﺩﺓ .. ﻧﺒﻲ ﻧﻤﺸﻲ ﻧﺮﻗﺪ .. ﻓﻲ ﺩﺍﺭ ﺑﻨﺘﻚ ..
ﻫﺰﺕ ﻋﻮﺩﺓ ﺭﺍﺳﻬﺎ ﺑﺈﻳﺠﺎﺏ ..
ﻃﻮﻝ ﻋﺮﻭﺑﻪ ﻧﺎﺿﺖ ﺑﺴﺮﻋﻪ ﻭﻣﺸﺖ ﻟﺪﺍﺭ ﻣﻴﺴﻢ ..
ﺍﻣﺎ ﻋﻮﺩﺓ ﺗﻨﻬﺪﺕ ﺑﺄﻟﻢ ﻭﻣﺸﺖ ﺗﺠﻴﺒﻠﻬﺎ ﻣﻨﺪﺍﺭ ﺑﺶ ﺗﺮﻗﺪ ﻋﻠﻴﻪ ..
🍁 ﺍﻟﻨﻮﻡ ﺍﻓﻀﻞ ﻫﺮﻭﺏ ﻣﻦ ﺍﻟﻮﺍﻗﻊ 🍁
🍃🍃🍃🍃🍃🍃
ﻭﻋﺪﺕ ﺍﻷﻳﺎﻡ ..
ﻣﻦ ﺑﻌﺪ ﺍﻟﻔﺮﺍﻕ ..
ﻫﻮ ﺧﺶ ﻓﻲ ﺣﺎﻟﺔ ﺍﻹﻧﻌﺰﺍﻝ ..
ﻳﻘﻌﺪ ﺑﺮﻭﺣﻪ ﺍﻏﻠﺐ ﺍﻟﻮﻗﺖ ..
ﻭﻋﻴﻠﺘﻪ ﺷﺒﻪ ﺍﺳﺘﻨﺘﺠﻮﺍ ﺷﻦ ﻓﻴﻪ ..
ﻛﻠﻬﻢ ﻛﺎﻧﻮﺍ ﺣﺎﺳﻴﻦ ﺍﻧﻪ ﻣﺶ ﺣﻴﻄﻮﻝ ﻣﻌﺎﻫﺎ ..
ﻓﺎﻃﻤﻪ ﺑﻀﻴﻖ : ﻣﺎﻧﻲ ﻋﺎﺭﻓﻪ ﺷﻦ ﻫﺎﻟﺒﺨﺖ ﺍﻟﻠﻲ ﻋﻨﺪﻩ ..
ﻏﺎﻟﻴﻪ : ﻳﻤﻲ ﻭﻟﺪﻙ ﻫﻮ ﺍﻟﻠﻲ ﻳﺨﺘﺎﺭ ﺧﻄﺄ ﻣﻦ ﺍﻟﺒﺪﺍﻳﻪ ..
ﺣﻤﻴﺪﻩ ﻭﻫﻲ ﺗﺮﺿﻊ ﻓﺒﻨﺘﻬﺎ : ﺻﺢ .. ﻫﺎﻧﻴﺒﺎﻝ ﻳﺨﺘﺎﺭ ﻏﻠﻂ ﺩﻳﻤﺎ ..
ﻓﺎﻃﻤﻪ : ﺧﺎﻳﻔﺎﺗﻪ ﺗﺼﻴﺮﻟﻪ ﻛﻴﻒ ﺍﻟﺼﺪﺓ ﻭﻣﺎﻳﺎﺑﺎﺵ ﻳﺘﺰﻭﺝ ﺑﻌﺪ ﺍﻟﻠﻲ ﺻﺎﺭ ﻣﻌﺎﻩ ..
ﻏﺎﻟﻴﻪ : ﺣﺘﻰ ﺍﻧﻲ ..
ﺣﻤﻴﺪﻩ : ﻻﻻ ﺻﺪﻗﻮﻧﻲ ﻳﺎﺧﺪ ﻭﻗﺘﻪ ﻭﻳﻨﺴﻰ ﻻﻫﻮ ﺍﻭﻝ ﻭﻻ ﺍﺧﺮ ﻭﺍﺣﺪ ﻳﺼﻴﺮ ﻣﻌﺎﻩ ﻫﻜﻲ ..
ﻓﺎﻃﻤﻪ : ﺇﻥ ﺷﺎﺀ ﺍﻟﻠﻪ ﻳﺎﺑﻨﻴﺘﻲ ﺇﻥ ﺷﺎﺀ ﺍﻟﻠﻪ .. ﺷﺒﺤﺖ ﻟﻠﺘﻠﻔﺰﻳﻮﻥ ﻟﻘﺖ ﻣﺴﻠﺴﻞ ﻗﺎﻟﺖ .. ﺷﻦ ﺍﻟﻘﻨﺎﺓ ﺍﻟﻠﻲ ﺣﺎﻃﻪ ﻋﻠﻴﻬﺎ ﻫﺪﻱ؟
ﻏﺎﻟﻴﻪ MBC: ﻳﻤﻲ ..
ﻓﺎﻃﻤﻪ؛ﻭﺍﻟﻘﻨﺎﺓ ﻫﺪﻱ ﻟﻤﻦ؟ ..
ﻏﺎﻟﻴﺔ : ﺳﻌﻮﺩﻳﻪ ﻳﻤﻲ ..
ﻓﺎﻃﻤﻪ : ﺍﻳﻪ ﺑﺎﻫﻲ ﻧﺤﺴﺒﻬﺎ ﻣﺘﺎﻉ ﻓﺮﻭﺥ ﺯﺍﻳﺪ ..
ﺿﺤﻜﺖ ﺣﻤﻴﺪﻩ : ﻭﺍﻟﻠﻪ ﺣﺘﻰ ﺍﻧﻲ ﻣﺴﺤﺘﻬﻦ ﻛﻠﻬﻦ .
ﻓﺎﻃﻤﻪ : ﺍﺣﺴﻦ ﻣﺎﺩﺭﺗﻲ .. ﺷﺒﺤﺖ ﻟﻐﺎﻟﻴﻪ .. ﺣﻄﻴﻨﺎ ﻉ ﺍﻟﺠﻤﺎﻫﻴﺮﻳﻪ ..
ﺧﺪﺕ ﻏﺎﻟﻴﻪ ﺍﻟﺠﻬﺎﺯ ﻭﻫﻲ ﺗﻀﺤﻚ .. ﻭﺣﻄﺖ ﻉ ﺍﻟﺠﻤﺎﻫﻴﺮﻳﻪ ..
ﻟﻘﻮﺍ ﻓﻴﻬﺎ ﺣﻤﺰﺓ ..😂
ﻛﻨﺖ ﻟﻤﺎ ﻧﺒﻲ ﻧﻀﺤﻚ ﻧﺤﻂ ﻋﻠﻴﻬﻢ ..
ﻟﻸﺳﻒ ﺍﻋﺘﻤﺎﺩ ﺍﻟﻨﻈﺎﻡ ﻉ ﻫﺎﻟﻨﻤﺎﺫﺝ ﻓﻤﺤﺎﺭﺑﻪ ﺍﻹﻋﻼﻡ ﺍﻟﻤﻀﺎﺩ ﻟﻴﻪ ﺍﺛﺒﺖ ﻣﺪﻯ ﺿﻌﻔﻬﻢ ... ﻭﺍﻟﻀﺤﺎﻟﻪ ﺍﻟﻔﻜﺮﻳﻪ ﺍﻟﻠﻲ ﻋﻨﺪﻫﻢ ..
ﻭﻉ ﻓﻜﺮﺓ ﺍﻹﻋﻼﻡ ﺍﻟﻤﻄﺒﻞ ﻟﺸﺨﺺ ﺍﻟﺤﺎﻛﻢ ﺩﻳﻤﺎ ﻳﻜﻮﻥ ﺍﻋﻼﻡ ﺗﻬﺮﻳﺠﻲ ﻣﻌﺒﻲ ﺃﺭﺟﻮﺯﺍﺕ ...
⚡ ﺑﺲ ﺍﻷﺭﺍﺟﻮﺯ ﺍﻟﻠﻲ ﻳﻘﻌﺪ ﻉ ﻣﺒﺎﺩﺍﻩ .. ﺧﻴﺮ ﻣﻦ ﺍﻟﻤﺘﻠﻮﻥ ﺍﻟﻠﻲ ﻉ ﺣﺴﺐ ﻣﺼﺎﻟﺤﻪ ﺗﻜﻮﻥ ﻣﺒﺎﺩﺋﻪ .. ﻳﻐﻴﺮﻫﺎ ﻉ ﺣﺴﺐ ﺍﻟﻤﺼﻠﺤﻪ ..
ﺯﻱ ﻣﺎﻳﻐﻴﺮﻭﺍ ﻓﻲ ﺍﻟﻠﺒﺲ ﻉ ﺣﺴﺐ ﺍﻟﻤﻮﺿﺔ ..
ﻃﻠﻌﻮﻟﻨﺎ ﻭﺗﻜﻠﻤﻮﺍ ﻋﻦ ﺍﻟﻮﻃﻨﻴﻪ ﻭﺣﺐ ﺍﻟﺒﻼﺩ ﻭﺗﻜﻠﻤﻮﺍ ﻋﻦ ﻫﻤﻮﻡ ﺍﻟﻨﺎﺱ ﻭﻣﺂﺳﻴﻬﻢ ﻭﺗﻜﻠﻤﻮﺍ ﻋﻦ ﺍﻟﺤﺮﻳﻪ ﻭﺣﻘﻮﻕ ﺍﻹﻧﺴﺎﻥ .. ﻭﺗﻜﻠﻤﻮﺍ ﻭﺗﻜﻠﻤﻮﺍ ﺑﻜﻮﺍ ﻭﺗﻌﺼﺮﻭﺍ .. ﻭﺍﻏﻠﺒﻨﺎ ﺻﺪﻗﻬﻢ ﻭﺁﻣﻦ ﺑﻴﻬﻢ ...
ﺑﺲ ﻟﻸﺳﻒ ﻃﻠﻌﻮﺍ ﺍﻛﺒﺮ ﻣﻨﺎﻓﻘﻴﻦ ﻋﺮﻓﺘﻬﻢ ﺍﻟﺪﻧﻴﺎ ...
ﺑﺎﻷﻣﺲ ﻛﺎﻧﻮﺍ ﻣﻊ ﺍﻟﻘﺬﺍﻓﻲ ﻉ ﺧﺎﻃﺮ ﻣﺼﺎﻟﺤﻬﻢ ..
ﻭﺍﻟﻴﻮﻡ ﻣﻊ ﺍﻟﺜﻮﺭﺓ ﻉ ﺧﺎﻃﺮ ﻣﺼﺎﻟﺤﻬﻢ ..
ﻭﻏﺪﻭﺓ ﻣﻊ ﺍﻟﻠﻲ ﻳﻜﻮﻥ ﻟﻴﻬﻢ ﻓﻴﻪ ﻣﺼﻠﺤﻪ ..
ﻻﻣﺒﺪﺃ ﻻﺫﻣﺔ ﻻﺿﻤﻴﺮ ..
🍁🍁🍁🍁🍁🍁
ﻣﺼﺮﺍﺗﻪ ...
ﻣﻘﻌﻤﺰ ﻣﻊ ﺻﺎﺣﺒﻪ ..
ﻛﺎﻥ ﻓﻲ ﺷﺒﻪ ﻫﺪﻭﺀ ﺣﺬﺭ ...
ﺻﺎﺣﺒﻪ ﻳﺸﻮﻓﻠﻪ ﻛﻴﻒ ﻳﺸﻮﻑ ﻟﺤﺪﻳﺪﻩ ﺟﻠﺪ ﻓﻴﺪﻩ ﻭﺍﻟﺪﻣﻮﻉ ﻣﻌﺒﻴﺎﺕ ﻋﻴﻮﻧﻪ ..
ﺍﻛﺮﻡ : ﻏﺎﻟﻴﻪ ﻋﻠﻴﻚ ﻭﺍﺟﺪ ﺷﻜﻠﻬﺎ ..
ﺍﺑﺘﺴﻢ ﺑﺄﻟﻢ ﻭﺷﺒﺤﻠﻪ : ﺧﻄﺮﺕ ﻋﻠﻴﺎ ﻋﻤﺘﻲ ..
ﺍﻛﺮﻡ ﺍﺑﺘﺴﻢ ..
ﺭﻣﺰﻱ : ﺍﻟﺤﻖ ﻫﻲ ﺍﻣﻲ ﻣﺶ ﻋﻤﺘﻲ ..
ﺍﻛﺮﻡ : ﺣﺘﻰ ﺍﻧﻲ ﻋﻨﺪﻱ ﺧﺎﻟﺘﻲ ﻛﻴﻒ ﺍﻣﻲ ..
ﺭﻣﺰﻱ : ﺍﻧﻲ ﻋﻤﺘﻲ ﻫﺪﻱ ﻣﺶ ﻛﻴﻒ ﺍﻣﻲ .. ﻫﺪﻱ ﺍﻣﻲ ﺣﻖ ﻫﻲ ﺍﻟﻠﻲ ﺭﺑﺘﻨﻲ ﺩﺍﺭﺕ ﻣﻌﺎﻳﺎ ﺍﻟﻠﻲ ﻣﺪﺍﺭﺗﺎﺵ ﺍﻣﻲ ..
ﺍﻛﺮﻡ : ﺭﺑﻲ ﻳﺤﻔﻈﻬﺎ ..
ﺭﻣﺰﻱ : ﻭﻳﻔﺮﺡ ﻗﻠﺒﻬﺎ ﻳﺎﺍﺍﺍﺭﺏ ... ﻛﺎﻧﺖ ﺍﻣﻨﻴﻪ ﻋﻨﺪﻱ ﻳﺠﻲ ﻧﻬﺎﺭ ﻭﺗﺘﺰﻭﺝ ﻭﺍﻧﻲ ﻧﺰﻓﻬﺎ ﺑﺴﻴﺎﺭﺗﻲ .. ﻭﻧﺪﻭﺭ ﺑﻴﻬﺎ ﻓﻲ ***** ﻛﻠﻬﺎ ﻗﺒﻴﻠﻪ ﻗﺒﻴﻠﻪ .... ﺍﺑﺘﺴﻢ ﺑﺄﻟﻢ ﻭﻗﺎﻝ .. ﻟﻜﻦ ﺷﻜﻠﻪ ﺭﺑﻚ ﻣﺶ ﻛﺎﺗﺐ ..
ﺷﺒﺤﻠﻪ ﺍﻛﺮﻡ ﺑﺤﺰﻥ ﺑﻌﺪﻳﻦ ﻧﺰﻝ ﺭﺍﺳﻪ ﻟﻸﺭﺽ ﻭﻗﻌﺪ ﻳﺨﻄﺨﻂ ﺑﺎﻟﻌﻮﺩ ﺍﻟﻠﻲ ﻓﻲ ﻳﺪﻩ ﻉ ﺍﻟﺘﺮﺍﺏ ...
ﻓﻲ ﻋﺰ ﺳﺮﺣﺎﻧﻬﻢ ﺍﻟﺰﻭﺯ ..
ﺳﻤﻌﻮﺍ ﺻﻮﺕ ﺍﻃﻼﻕ ﻧﺎﺭ ﺑﺸﻜﻞ ﺭﻫﻴﺐ ..
ﻧﺎﺿﻮﺍ ﺍﻟﺰﻭﺯ ..
ﺍﻛﺮﻡ ﺟﺒﺪ ﺭﻣﺰﻱ ﻭﻗﻌﺪ ﻳﺠﺮﻱ .
ﺭﻣﺰﻱ ﻭﻫﻮ ﻳﺤﺎﻭﻝ ﻳﻮﻗﻒ : ﻣﺎﻧﻬﺮﺑﺶ ﺍﻧﻲ ﻳﺎﺍﻛﺮﻡ ..
ﺍﻛﺮﻡ ﺟﺒﺪﻩ ﺑﻘﻮﺓ ﻭﻫﻮ ﻳﻘﻮﻝ : ﺍﻫﺮﺏ ﺧﻴﺮ ﻣﺎﺗﻤﻮﺕ ﺟﻴﻔﻪ ﻳﺎﺭﻣﺰﻱ ..
ﺭﻣﺰﻱ : ﻧﻤﻮﺕ ﺟﻴﻔﻪ !!!
ﺍﻛﺮﻡ : ﺍﻳﻪ ﺑﻌﺪ ﺍﻟﻠﻲ ﺭﻳﺘﻪ ﺗﺄﻛﺪﺕ ﺍﻥ ﺍﻟﺤﺮﺏ ﺍﻟﻠﻲ ﻫﻨﻲ ﻇﻠﻢ ﻛﻠﻬﺎ ...
ﺭﻣﺰﻱ : ﻻ ﻣﺎﻫﻴﺶ ﻇﻠﻢ .... ﻧﺒﻮﺍ ﻧﺮﺩﻭﺍ ﻣﺼﺮﺍﺗﻪ ﻟﻠﺪﻭﻟﻪ ﻧﺒﻮﺍ ﻧﻮﻗﻔﻮﺍ ﺍﻟﺘﻤﺮﺩ ..
ﺯﺍﺩ ﺍﻃﻼﻕ ﺍﻟﻨﺎﺭ ﻭﻗﺮﺏ ..
ﻟﻘﻮﺍ ﺟﻤﺎﻋﻪ ﻣﻦ ﺍﻟﻜﺘﺎﻳﺐ ﻓﺎﻳﺘﻴﻦ ﻳﺠﺮﻭﺍ ﻫﺎﺭﺑﻴﻦ ..
ﻭﺍﺣﺪ ﻣﻨﻬﻢ ﻗﺎﻝ : ﺍﻧﺴﺤﺒﻮﺍ ﺍﻫﺮﺑﻮﺍ .... ﻣﺎﻓﻲ ﺣﺪ ﻗﻌﺪ .. ﻭﻛﻤﻞ ﺟﺮﻱ ..
ﺍﻛﺮﻡ ﻓﺎﺕ ﻳﺠﺮﻱ ...
ﻭﺭﻣﺰﻱ ﻳﺸﻮﻓﻠﻬﻢ ...
ﻛﺎﻥ ﺣﺎﺱ ﺑﺎﻟﺨﺬﻻﻥ ..
ﺑﺮﻏﻢ ﻫﻜﻲ ﻣﺎﺑﺎﺵ ﻳﻬﺮﺏ ﻳﻤﻮﺕ ﻭﻻﻳﻬﺮﺏ ...
ﻛﻴﻒ ﺟﺎﻱ ﺑﻴﺠﺮﻱ ﻟﺠﻬﻪ ﻳﺪﺭﻕ ﻭﺭﺍﻫﺎ ﻭﻳﻀﺮﺏ ﻣﻨﻬﺎ ...
ﺗﺴﺒﻘﻪ ﻃﻠﻘﻪ ... ﺗﺠﻴﻪ ﺑﺎﻟﺰﺑﻂ ﻓﻲ ﻇﻬﺮﻩ ..
ﻃﻮﻝ ﻃﺎﺡ ...
ﺑﺲ ﻣﺎﻓﻘﺪﺵ ﺍﻟﻮﻋﻲ ﺗﻤﺎﻣﺎ ..
ﻗﻌﺪ ﻳﺤﺮﻙ ﻓﻴﺪﻩ ﺍﻟﻴﻤﻴﻦ ﻉ ﺍﻷﺭﺽ ﺑﺼﻌﻮﺑﻪ ...
ﻗﺮﺑﻬﺎ ﻟﻲ ﻭﺟﻬﻪ ... ﻭﻗﻌﺪ ﻳﺸﻮﻑ ﻟﻠﺤﺪﻳﺪﻩ ..
ﺍﺑﺘﺴﻢ ﺑﺘﻌﺐ ﻭﻋﻴﻮﻧﻪ ﻛﺎﻧﻮﺍ ﺣﻴﺘﺴﻜﺮﻭﺍ ..
ﺣﺲ ﺭﻭﺣﻪ ﺧﻼﺹ ﺑﺘﻄﻠﻊ ...
ﻗﺎﻝ
ﺑﺘﻌﺐ : ﺧﻠﻴﻬﺎ ... ﺷﻬﺎﺩﻩ ... ﻳﺎﺭﺏ ..
ﻭﻣﺠﺮﺩ ﻣﺎﻛﻤﻞ ﻧﻄﻖ ﻛﻠﻤﺔ ﻳﺎﺭﺏ ...
ﻏﺎﺏ ﻋﻦ ﺍﻟﺪﻧﻴﺎ 🍃...
🍁🍁🍁🍁🍁
ﻭﻭﻭﻙ ﻋﻠﻴﺎ ...
ﻣﺤﻤﺪ ﺍﻟﺘﻔﺖ ﻣﺨﻠﻮﻉ ﻭﻫﻮ ﻳﺤﻂ ﻓﺸﻜﺎﻳﺮ ﺍﻟﺨﻀﺮﺍ : ﺧﻴﺮﻙ ..
ﻏﺎﻟﻴﻪ : ﺷﺪﻳﺖ ﻋﺮﻭﺓ ﺍﻟﻄﻨﺠﺮﻩ ﻭﻫﻲ ﺳﺎﺧﻨﻪ ...
ﻣﺤﻤﺪ : ﻭﻳﻦ ﻋﻘﻠﻚ ! ؟
ﺷﺒﺤﺘﻠﻪ ﻏﺎﻟﻴﻪ ﺑﺤﺰﻥ ﻭﻗﺎﻟﺖ : ﻋﻘﻠﻲ ﻋﻨﺪ ﻫﺪﺍﻙ ﺍﻟﻤﻀﻠﻮﻝ ﺍﻟﻠﻲ ﻳﺘﺼﻞ ﻭﻻﻳﻨﺸﺪ .. ﻭﺣﻖ ﺍﻟﻠﻪ ﻳﺎﻣﺤﻤﺪ ﻗﻠﺒﻲ ﻛﻴﻒ ﺍﻟﻨﺎﺭ ﻟﻴﺎ ﻣﺪﺓ ﻧﺤﻠﻢ ﺑﺄﺣﻼﻡ ﺗﺨﻮﻑ ..
ﻣﺤﻤﺪ ﻟﻤﺎ ﺳﻤﻊ ﻛﻼﻣﻬﺎ ﺗﺸﺠﻊ ﻓﻲ ﻫﺎﻟﻠﺤﻈﻪ ﻳﺤﻜﻲ ﻭﻳﺨﻠﻲ ﺣﺪ ﻳﺸﻴﻞ ﺍﻟﺤﻤﻞ ﻣﻌﺎﻩ ..
ﻓﻲ ﻧﻔﺲ ﺍﻟﻮﻗﺖ ..
ﻛﺎﻧﺖ ﺳﻌﻴﺪﻩ ﺟﺎﻳﻪ ﻣﻦ ﺣﻮﺷﻬﺎ ﻟﺤﻮﺵ ﺷﻴﺎﺑﻴﻨﻬﺎ ﺑﺶ ﺑﺘﻜﻠﻢ ﻋﺰﻭﺯﺗﻬﺎ ﻉ ﺟﺎﺭﺓ ﻟﻴﻬﻢ ﺳﻤﻌﺖ ﺑﻴﻬﺎ ﻣﺮﻳﻀﻪ ﻳﻤﺸﻮﺍ ﻳﻬﻮﻭﺍ ﻋﻠﻴﻬﺎ ..
ﻭﻫﻲ ﺧﺎﺷﻪ ﻣﻦ ﻓﻢ ﺍﻟﺒﻮﺍﺑﻪ ﺳﻜﺘﺖ ﻟﻤﺎ ﺳﻤﻌﺖ ..
" ﺭﻣﺰﻳﻴﻲ .."!
ﻣﺤﻤﺪ ﺑﺄﻟﻢ : ﺍﻳﻪ ﺭﻣﺰﻱ ﻋﺪﻯ ﻳﺤﺎﺭﺏ ﻣﺘﻄﻮﻉ ﻣﻊ ﺍﻟﺠﻴﺶ .. ﻟﻴﺎ ﻓﺘﺮﺓ ﻃﻮﻳﻠﻪ ﻣﺎﻛﻠﻤﺘﻪ ﻭﻻﻋﺮﻓﺖ ﻛﻴﻒ ﻧﻮﺻﻞ ﻓﻴﻪ .. ﻗﺮﻳﺐ ﻧﻨﺠﻦ ﻳﺎﻏﺎﻟﻴﻪ ..
ﺧﺒﻄﺖ ﺑﻜﻔﻮﻓﻬﺎ ﻭﺟﻬﻬﺎ ﻭﻫﻲ ﺗﻘﻮﻝ : ﻳﺎﻏﺒﻴﻨﻲ .. ﻳﺎﻏﺒﻴﻴﻴﻨﻲ .. ﻳﺎﻏﺒﻴﻨﻲ ..
" ﻣﺤﻤﺪ "
ﺻﻮﺗﻬﺎ ﻛﺎﻥ ﻳﺮﺟﻒ ﻟﻤﺎ ﻗﺎﻟﺖ ﺍﺳﻤﻪ ..
ﺩﻣﻮﻋﻬﺎ ﻧﺎﺯﻻﺕ ...
ﻛﻤﻠﺖ ﺗﻘﻮﻝ : ﻛﻼﻣﻚ ﺍﻟﻠﻲ ﺳﻤﻌﺘﻪ ﺣﻖ ﻭﻻ ﺗﺒﺼﺮ !!! ؟
ﺗﻨﻬﺪ ﻣﺤﻤﺪ ﺑﺄﻟﻢ ﻭﻏﻴﺮ ﻋﻴﻮﻧﻪ ﻋﻨﻬﺎ ..
ﺷﺪﺕ ﺫﺭﺍﻋﻪ ﻭﻗﺎﻟﺖ : ﻣﺤﻤﺪ ﺟﺎﻭﺑﻨﻲ ... ﺍﻟﻠﻲ ﻗﻠﺘﻪ ﺗﻮﺍ ﺣﻖ ﻭﻻﻛﺬﺏ ..
ﻧﻔﺾ ﻣﺤﻤﺪ ﺫﺭﺍﻋﻪ ﻣﻨﻬﺎ ﻭﻗﺎﻝ : ﻳﺎﺭﻳﺖ ﻛﺎﻥ ﻛﻼﻣﻲ ﻛﺬﺏ ﻭﻻﺑﺼﺎﺭﺓ ﻳﺎﺳﻌﻴﺪﻩ ﻳﺎﺭﻳﺖ ..
ﺳﻌﻴﺪﻩ ﺑﺼﺪﻣﻪ ﺷﺪﻳﺪﻩ؛ﻛﻴﻒ ... ﻛﻴﻒ ﺧﻠﻴﺘﻪ .. ﻛﻴﻒ .. ﻛﻴﻒ ﺧﻠﻴﺘﻪ ﻳﻌﺪﻱ .. ﻛﻴﻒ .. ﻛﻴﻒ ﻳﺎﻋﻤﺎﻡ ﺍﻟﻘﻬﺮﺓ ..
ﻣﺤﻤﺪ ﺑﺤﺪﻩ : ﻳﺎﺗﺘﻜﻠﻤﻲ ﻛﻮﻳﺲ ﻳﺎﻋﺪﻱ ﻟﺤﻮﺷﻚ ..
ﺳﻌﻴﺪﻩ : ﻻﻣﺎﻧﻌﺪﻳﺶ ﻗﺒﻞ ﻧﻌﺮﻑ ﻛﻴﻒ ﺧﻠﻴﺖ ﻭﻟﺪ ﺧﻮﻙ ﻳﻌﺪﻱ ﻫﻜﻲ .. ﻳﻌﺪﻱ ﻟﻠﻤﻮﺕ ﺑﻜﺮﻋﻴﻪ ﻛﻴﻒ ...
" ﻫﺎﺭﺏ ﻣﻨﻜﻦ .."
ﺍﻟﺰﻭﺯ ﺷﺒﺤﻮﺍ ﻟﻐﺎﻟﻴﻪ ﺍﻟﻠﻲ ﻛﺎﻧﺖ ﻣﻼﻣﺢ ﺍﻟﻐﻀﺐ ﺑﺎﺩﻳﻪ ﻉ ﻭﺟﻬﻬﺎ ﻭﺩﻣﻮﻋﻬﺎ ﻳﻨﺰﻟﻮﺍ ..
ﻗﺪﻣﺖ ﻟﺴﻌﻴﺪﻩ ﻭﻫﻲ ﺗﺄﺷﺮ ﺑﺴﺒﺎﺑﺘﻬﺎ ﻋﻠﻴﻬﺎ ﻭﺗﻘﻮﻝ : ﻋﺪﺍ ﻫﺎﺭﺏ ﻣﻨﻚ ﻭﻣﻦ ﻫﺪﻳﻚ ﺍﻟﻠﻔﻌﻪ ﺍﻟﻠﻲ ﻳﻨﻘﺎﻟﻠﻬﺎ ﺍﺧﺘﻪ .. ﻋﺪﻯ ﺑﻌﺪ ﻗﺘﻠﺘﻮﺍ ﻓﻴﻪ ﺍﻟﺤﻠﻢ ﻣﺘﺎﻋﻪ .. ﺑﻌﺪ ﺣﺮﻣﺘﻮﻩ ﻣﻦ ﺍﻟﺒﻨﻴﻪ ﺍﻟﻠﻲ ﻳﺒﻴﻬﺎ ﻣﻦ ﻟﻤﺎ ﻛﺎﻥ ﻋﻴﻞ ﺻﻐﻴﺮ .. ﻛﺴﺮﺗﻲ ﻗﻠﺐ ﻭﻟﺪﻙ ﺍﻧﺘﻲ ﻭﻫﺪﻳﻚ ﺍﻟﻌﻘﺮﺏ ﻣﻦ ﺳﻮﺍﺩ ﻗﻠﻮﺑﻜﻦ ﻭﺣﻘﺪﻛﻦ ...
ﻣﺤﻤﺪ ﺷﺎﺩ ﺩﻣﻮﻋﻪ ﺑﺎﻟﺴﻴﻒ ﻭﻫﻮ ﻳﺸﻮﻑ ﻟﺴﻌﻴﺪﻩ ﺑﺤﻘﺪ ..
ﺳﻌﻴﺪﻩ ﻭﺩﻣﻮﻋﻬﺎ ﻳﻨﺰﻟﻮﺍ ﻗﺎﻟﺖ ﺑﺤﺪﻩ : ﻫﻴﻴﻪ ﺍﻧﺘﻲ ... ﺭﺩ ﺑﺎﻟﻚ ﺗﻨﺴﻲ ﺍﻟﻠﻲ ﺗﺤﻜﻲ ﻋﻠﻴﻪ ﻫﺪﻯ ﻭﻟﺪﻱ .. ﻭﻟﺪﻱ ﺍﻧﻲ ﻣﺎﺑﺘﺤﺴﻴﻪ ﺍﻛﺜﺮ ﻣﻨﻲ ..
ﻏﺎﻟﻴﻪ ﻗﺪﻣﺘﻠﻬﺎ ﺍﻛﺜﺮ ﻭﻗﺎﻟﺖ ﺑﺼﻮﺕ ﻋﺎﻟﻲ : ﻻﻧﺤﺴﻪ ﺍﻛﺜﺮ ﻣﻨﻚ .. ﻻﻧﻲ ﺍﻧﻲ ﺍﻣﻪ ﻣﺶ ﺍﻧﺘﻲ .. ﺍﻧﻲ ﺍﻟﻠﻲ ﻋﻤﺮﻱ ﻣﺎﻛﺴﺮﺕ ﺧﺎﻃﺮﻩ .. ﺍﻧﻲ ﺍﻟﻠﻲ ﻋﻤﺮﻱ ﻣﺎﻃﻠﺐ ﻣﻨﻲ ﺣﺎﺟﻪ ﻭﻗﺘﻠﻪ ﻻ .. ﺍﻧﻲ ﺍﻟﻠﻲ ﻋﺎﻧﻴﺘﻪ ﻭﻫﻮ ﻣﺮﻳﺾ .. ﺍﻧﻲ ﺍﻟﻠﻲ ﺳﺎﻋﺪﺗﻪ ﻟﻤﺎ ﻛﺎﻥ ﻳﻘﺮﺍ ﺭﻏﻢ ﺍﻧﻲ ﺟﺎﻫﻠﻪ ﻣﺶ ﻛﻴﻔﻚ ﻳﺎﻣﺘﻌﻠﻤﻪ .. ﺍﻧﻲ ﺍﻟﻠﻲ ﻟﻤﺎ ﻛﺎﻧﺖ ﺍﺿﻴﻖ ﺑﻴﻪ ﻳﺠﻲ ﻳﺸﻜﻴﻠﻬﺎ ﺍﻧﻲ ﺍﻟﻠﻲ ﻟﻤﺎ ﻳﻔﺮﺡ ﻫﻲ ﺍﻷﻭﻟﻰ ﺍﻟﻠﻲ ﻳﺨﻠﻴﻬﺎ ﺗﻔﺮﺡ ﻣﻌﺎﻩ
ﺍﻧﻲ ﻭﺍﻧﻲ ﻭﺍﻧﻲ .. ﺷﻦ ﺑﻨﺤﻜﻲ ﻟﻨﺤﻜﻲ ﻭﻻﻧﻘﻮﻝ .. ﺷﻲ ﺍﻧﺘﻲ ﺑﺮﻭﺣﻚ ﺷﺎﻳﻔﻴﺘﻴﻪ .. ﺷﻲ ﺍﻧﺘﻲ ﺗﻌﺮﻓﻴﻪ ﻛﻮﻳﺲ ﻛﻮﻳﺲ ﻳﺎﺳﻌﻴﺪﻩ
ﺳﻌﻴﺪﻩ ﻣﺎﻗﺪﺭﺗﺶ ﺗﺮﺩ ﺑﺤﺮﻑ ﻉ ﻏﺎﻟﻴﻪ ﻣﺎﻗﺪﺭﺗﺶ ﺗﻨﻄﻖ
ﺩﻣﻮﻋﻬﺎ ﻳﻨﺰﻟﻮﺍ ﻭﺑﺲ ..
ﻭﻣﺤﻤﺪ ﻃﻠﻊ ﻣﻦ ﺣﺪﺍﻫﻢ ﻃﻮﻝ ﻷﻥ ﺩﻣﻌﺘﻪ ﺑﺘﻐﻠﺒﻪ ..
ﻏﺎﻟﻴﻪ ﻣﺴﺤﺖ ﺩﻣﻮﻋﻬﺎ ﺑﻜﻤﻬﺎ ﻭﻗﺎﻝ : ﺭﻣﺰﻱ ﻟﻮ ﺻﺎﺭﺕ ﻓﻴﻪ ﺣﺎﺟﻪ ﺍﻧﺘﻲ ﻭﺍﻟﻌﻘﺮﺏ ﺍﺧﺘﻪ ﺍﻟﺴﺒﺐ ... ﺍﻧﺘﻲ ﺍﻟﻠﻲ ﻟﻮﺣﺘﻲ ﻭﻟﺪﻙ ﺑﺈﻳﺪﻳﻚ ﻟﻠﻨﺎﺭ .. ﺍﻧﺘﻲ ﺑﺴﺴﺲ .. ﺑﺴﺴﺲ .. ﺍﻧﺘﻲ ﻳﺎﺳﻌﻴﺪﻩ ﺑﺴﺴﺲ ..
ﺳﻌﻴﺪﻩ ﻟﻔﺖ ﻭﻃﻠﻌﺖ ﻃﻮﻝ ﻭﻗﻌﺪﺕ ﺗﻤﺸﻲ ﺑﺴﺮﻋﻪ ﻭﻫﻲ ﺗﻘﺎﻭﻡ ﻓﺮﻭﺣﻬﺎ ﺑﺶ ﻣﺎﺗﺒﻜﻴﺶ ﺑﺲ ﻣﺎﻗﺪﺭﺗﺶ ..
ﻗﻌﺪﺕ ﺗﺒﻜﻲ ﺑﺎﺍﻟﻌﺒﺮﺓ ..
ﻟﻤﺎ ﻭﺻﻠﺖ ﺣﺪﺍ ﺣﻮﺷﻬﺎ ﺷﺪﺕ ﺍﻟﺤﻴﻂ ﺑﻴﺪﻫﺎ ﻭﻗﻌﺪﺕ ﺗﺒﻜﻲ ﻭﺗﺒﻜﻲ ...
ﺭﺯﺍﻥ ﺍﻟﻠﻲ ﻛﺎﻧﺖ ﻓﻲ ﺍﻟﻜﻮﺟﻴﻨﻪ ﺳﻤﻌﺘﻬﺎ ..
ﻃﻮﻝ ﻃﻠﻌﺖ ﺗﺠﺮﻱ ..
ﻟﻤﺎ ﺷﺎﻓﺖ ﺍﻣﻬﺎ ﻫﻜﻲ .. ﺟﺘﻬﺎ ﺟﺮﻱ ...
ﺭﺯﺍﻥ ﺑﺨﻠﻌﻪ : ﺍﻣﻲ ﺧﻴﺮﻙ !!
ﺭﻓﻌﺖ ﺳﻌﻴﺪﻩ ﺭﺍﺳﻬﺎ ﻭﻗﺎﻟﺖ ﺑﺎﻟﻌﺒﺮﺓ : ﺭﻡ .. ﺯﻱ .. ﻋﺪﺍ ... ﻟﻠﺢ .. ﺍﻟﺤﺮﺏ ..
ﺿﻴﻘﺖ ﻋﻴﻮﻧﻪ ﺑﺈﺳﺘﻐﺮﺍﺏ ﺣﺎﻭﻟﺖ ﺗﺘﻜﻠﻢ ﻣﺎﻃﻠﻊ ﻣﻌﺎﻫﺎ ﺷﻲ ..
ﺷﺪﺕ ﺫﺭﺍﻉ ﺍﻣﻬﺎ ﺑﻘﻮﺓ ..
ﺳﻌﻴﺪﻩ : ﺍﻳﻪ ﻋﺪﺍ .. ﻋﺪﺍ ... ﻭﺟﺒﺪﺗﻬﺎ ﻭﺣﻀﻨﺘﻬﺎ ﻭﻫﻲ ﺗﺒﻜﻲ ﺑﺎﻟﻌﺒﺮﺓ ..
ﻭﺭﺯﺍﻥ ﻣﺼﺪﻭﻣﻪ ﻭﺧﻼﺹ ..
ﻭﻏﺎﻟﻴﻪ ﻣﺘﻜﻴﻪ ﺑﺈﻳﺪﻳﻬﺎ ﻉ ﺍﻟﺮﺧﺎﻣﻪ ﻭﺗﺒﻜﻲ ﻭﺷﻬﻘﺎﺗﻬﺎ ﻣﺴﻤﻮﻋﻪ ..
ﻭﻭﺍﺻﻠﻪ ﻟﻮﺫﺍﻥ ﻣﺤﻤﺪ ﺍﻟﻠﻲ ﻗﻌﺪ ﻳﺒﻜﻲ ﺗﺤﺖ ﺍﻟﺪﺭﻭﺝ ﺑﻌﺒﺮﺓ ﻣﻜﺘﻮﻣﻪ
🍁🍁🍁🍁🍁
ﻓﻲ ﻣﺼﺮﺍﺗﻪ ..
ﺗﻢ ﻃﺮﺩ ﻛﺘﺎﻳﺐ ﺍﻟﻘﺬﺍﻓﻲ ﻷﻃﺮﺍﻓﻬﺎ ﻉ ﻳﺪ ﺍﻟﺜﻮﺍﺭ ...
ﺑﻌﺪ ﻣﻘﺎﻭﻣﻪ ﺷﺮﺳﻪ ﺩﺍﻣﺖ ﻟﻤﺎ ﻳﻘﺎﺭﺏ ﺍﻟﺸﻬﺮ ...
ﻭﺷﺒﻪ ﺗﺤﺮﺭﺕ ﺍﻟﻤﺪﻳﻨﻪ ﺑﺎﻟﻜﺎﻣﻞ ..
ﻭﻛﺎﻥ ﺣﻖ ﻟﺜﻮﺍﺭﻫﺎ .. ﺍﻧﻬﻢ ﺑﻌﺪ ﻣﺎﻳﺴﺠﺪﻭﺍ ﻓﺮﺣﺎ
ﻳﺤﺘﻔﻠﻮﺍ ﺑﻬﺎﻷﻧﺘﺼﺎﺭ
ﺍﻹﻧﺘﺼﺎﺭ ﻫﺪﺍ ﻣﺎﻛﺎﻧﺶ ﺍﻧﺘﺼﺎﺭ ﻣﺪﻳﻨﻪ ﺑﺮﻭﺣﻬﺎ .
ﻫﺪﺍ ﻛﺎﻥ ﺍﻧﺘﺼﺎﺭ ﻟﻜﻞ ﺍﻟﻤﺪﻥ ﺍﻟﺜﺎﺋﺮﺓ ﻭﻟﻜﻞ ﺛﺎﺋﺮ ﻭﻳﻦ ﻣﺎﻛﺎﻥ ..
" ﺍﻟﻠﻪ ﺍﻛﺒﺮ ﻭﻟﻠﻪ ﺍﻟﺤﻤﺪ "
ﻭﺍﺋﻞ : ﺗﺮﻳﻴﺲ ﻭﺍﻟﻠﻪ ﺗﺮﻳﻴﺲ ..
ﻃﺎﺭﻕ : ﺭﺟﺎﻟﻪ ﺍﻧﺘﻢ ﻭﺣﻖ ﺍﻟﻠﻪ ..
ﺍﺣﺪ ﺍﻟﺜﻮﺍﺭ : ﺳﻮﺍ ﺣﻨﻲ ﻭﻻﺍﻧﺘﻢ ﺗﺮﻳﺲ ﻭﺭﺟﺎﻟﻪ .. ﺍﻧﺘﻢ ﺍﻟﻠﻲ ﻫﺒﻴﺘﻮﺍ ﻭﻗﻄﻌﺘﻮﺍ ﺍﻟﺒﺤﺮ ﺑﺶ ﺗﻨﺼﺮﻭﺍ ﺧﻮﺗﻜﻢ ... ﺷﺮﺍﻗﻪ ﺟﺒﺎﻟﻴﻪ .. ﺯﻭﺍﻳﻪ ﻭﺭﺍﻓﻴﻞ ﺳﺒﻬﺎﻭﻳﻪ ... ﻟﻴﺒﻴﺎ ﻛﻠﻬﺎ ﻓﻲ ﻣﺼﺮﺍﺗﻪ .. ﺑﺶ ﺗﻮﻗﻒ ﻓﻮﺟﻬﻪ ﺍﻟﻄﺎﻏﻲ ﻭﺗﻘﻮﻟﻪ ﻧﺠﻮﻡ ﺍﻟﺴﻤﻲ ﺍﻗﺮﺑﻠﻚ ﻣﻦ ﻗﺴﻤﺔ ﻫﺎﻟﺒﻼﺩ ..
ﻛﻠﻬﻢ ﻗﺎﻟﻮﺍ ﺑﺼﻮﺕ ﻭﺍﺣﺪ ..
" ﺍﻟﻠﻪ ﺍﻛﺒﺮ ..."
ﺷﺎﻫﻴﻦ ﺍﺑﺘﺴﻢ ﻭﻭﺯﻉ ﻧﻈﺮﻩ ﻋﻠﻴﻬﻢ ﻭﺑﺪﻱ ﻳﻐﻨﻲ ﺑﺼﻮﺕ ﺣﻤﺎﺳﻲ ..
ﻭﻭﻭﻭﻭﻭﻭﻭﻭﻭﻭﻭﻭﻭﻭﻩ ..
ﻭﻭﻭﻭﻭﻭﻭﻭﻭﻭﻭﻭﻭﻭﻭﻩ ..
ﻭﻫﻤﺎ ﺿﺤﻜﻮﺍ ﻭﺷﺎﺭﻛﻮﻩ ﺑﺼﻮﺕ ﻭﺍﺣﺪ ..
ﻟﻌﻨﺪ ﻣﺎﺑﺪﻱ ﻳﻐﻨﻲ ﻭﻏﻨﻮﺍ ﻣﻌﺎﻩ ..
ﺷﺪﻱ ﺍﻟﻌﺰﻡ ﻳﺎﻣﺼﺮﺍﺗﻪ ﺻﺒﺮﻙ ﻫﺎﻧﻲ ﺟﺎﻱ .
ﻣﺎﺷﺎﺀ ﺍﻟﻠﻪ ﻋﻠﻴﻚ ﺭﺟﺎﻟﻪ ﻭﺍﻟﻨﺼﺮ ﺟﺎﻱ ﺟﺎﻱ .
ﺷﺪﻱ ﺍﻟﻌﺰﻡ ﻳﺎﻣﺼﺮﺍﺗﻪ ﺻﺒﺮﻙ ﺍﻧﻲ ﺟﺎﻱ
ﻣﺎﺷﺎﺀ ﺍﻟﻠﻪ ﻋﻠﻴﻜﻢ ﺭﺟﺎﻟﻪ ﻭﺍﻟﻨﺼﺮ ﺟﺎﻱ ﺟﺎﻱ ..
ﻳﻨﺼﺮﻧﺎ ﺭﺑﻲ ﻣﻦ ﻋﻨﺪﻩ ﺑﺈﺫﻧﻪ ﺇﻥ ﺷﺎﺀ ﺍﻟﻠﻪ ..
ﻉ ﺍﻟﻄﺎﻏﻲ ﻫﻮ ﻭﻋﻴﺎﻟﻪ ﻭﺟﺮﺩﺍﻧﻪ ﺍﻟﻠﻲ ﻣﻌﺎﻩ ..
ﺻﻮﺕ ﻛﺎﻥ ﻳﺼﺪﺡ ﻓﺄﺭﺟﺎﺀ ﺍﻟﻤﺪﻳﻨﻪ ..
ﻭﻓﻲ ﻣﻦ ﺍﻟﺜﻮﺍﺭ ﺍﻟﻠﻲ ﻛﺎﻧﻮﺍ ﻳﻤﺸﻄﻮﺍ ﻓﻲ ﺍﻟﻤﻜﺎﻥ ﺳﻤﻌﻮﻫﻢ ﻛﺎﻧﻮﺍ ﻳﺘﺎﺑﻌﻮﺍ ﻓﻲ ﻣﻬﻤﺘﻬﻢ ﻭﻳﻐﻨﻮﺍ ﻣﻌﺎﻫﻢ ..
💓💓💓
ﻧﻔﺲ ﺍﻷﻏﻨﻴﻪ ..
ﺳﻤﻌﻮﻫﺎ ﻓﻲ ﻧﻔﺲ ﺍﻟﻴﻮﻡ ﺛﻮﺍﺭ ﺍﻟﺠﺒﻞ ﺑﻌﺪ ﻭﺻﻠﻬﻢ ﺍﻟﺨﺒﺮ ..
ﻣﻦ ﺍﺣﺪ ﺭﺍﻳﻮﺩﻫﺎﺕ ﺍﻟﻤﻨﺎﻃﻖ ﺍﻟﻤﺤﺮﺭﻩ ..
ﻛﺎﻧﻮﺍ ﺭﺍﻓﻌﻴﻦ ﺍﻳﺪﻳﻬﻢ ﻭﻛﻞ ﻭﺍﺣﺪ ﺷﺎﺩ ﺳﺎﻋﺪ ﺍﻟﺘﺎﻧﻲ ﻭﻳﻐﻨﻮﺍ ﺑﺼﻮﺕ ﻭﺍﺣﺪ ..
ﺷﺪﻭﺍ ﺍﻟﻌﺰﻡ ﻳﺎﻟﻐﺮﺍﺑﻪ ﻣﻊ ﺍﻟﺰﺍﻭﻳﻪ ﻭﺯﻧﺘﺎﻥ ..
ﺍﻳﺪﻳﻜﻢ ﻓﻲ ﺍﻳﺪﻳﻦ ﺑﻌﻀﻜﻢ ﻧﺤﻮﺍ ﻫﺎﻟﺠﺒﺎﻥ ..
ﻳﻐﻨﻮﺍ ﺑﺤﻤﺎﺱ ﻭﻳﺰﻳﺪﻭﺍ ﻳﺘﺸﺠﻌﻮﺍ ﺍﻛﺜﺮ ﻭﺗﺮﺗﻔﻊ ﻣﻌﻨﻮﻳﺎﺗﻬﻢ ..
ﻣﺶ ﻫﻤﺎ ﺑﺲ ﺣﺘﻰ ﺍﻫﻞ ﻃﺮﺍﺑﻠﺲ ﻭﺍﻟﻤﻨﺎﻃﻖ ﺍﻟﻠﻲ ﻣﺎﺗﺎﺭﺗﺶ ﻓﻴﻬﺎ ﻧﺎﺱ ﺛﺎﺭﻭﺍ ﺑﺼﻤﺖ ..
ﻭﻛﺎﻧﻮﺍ ﺍﻏﻠﺒﻬﻢ ﻓﺤﻴﺎﺷﻬﻢ ﺣﺎﻃﻴﻦ ﻉ ﺍﺫﺍ?