#العشق_المتمرد
باقي 96
#جمان_فريد
🍁 ﺧﺸﺖ ﻣﺪﺭﺳﺔ ﺗﻌﻠﻴﻢ ﻗﻴﺎﺩﺓ ... ﻭﺍﻣﻮﺭﻫﺎ ﻓﺎﻟﻘﺮﺍﻳﻪ ﻣﺎﺷﻴﻪ ﺗﻤﺎﻡ ﻭﻛﻠﻪ ﺣﻴﺎﺗﻬﺎ ﻣﺎﺷﻴﻪ ﺑﻬﺪﻭﺀ ﺗﺎﻡ ..
ﻭﺿﻮ ﻳﺮﺍﻗﺐ ﻓﻲ ﺍﻟﻬﺪﻭﺀ ..
ﻓﻲ ﻣﺮﺓ ..
ﻛﺎﻧﺖ ﻭﺍﺻﻠﻪ ﻟﻠﻜﻠﻴﻪ ﻧﺰﻟﺖ ﻣﻦ ﺍﻟﺴﻴﺎﺭﺓ ..
ﻗﺎﻟﺘﻠﻬﺎ ﺭﺍﻧﻴﺎ ﺗﺠﻴﻬﺎ ﻟﻠﻌﻠﻮﻡ ..
ﻛﺎﻥ ﺍﻟﺠﻮ ﻣﺎﻃﺮ ..
ﻷﻭﻝ ﻣﺮﺓ ﺗﻠﺒﺲ ﻟﺒﺴﺔ ﺳﺮﻭﺍﻝ ﻭﻓﻮﻗﻬﺎ ﺑﺎﻟﻄﻮ ﻟﺘﺤﺖ ﺍﻟﺮﻛﺒﻪ ..
ﻭﺍﻟﺸﺎﺭﺑﻪ ﻣﺤﺸﻴﻪ ﻓﻲ ﺍﻟﺒﺎﻟﻄﻮ ..
ﻛﺎﻧﺖ ﺗﺠﺮﻱ ﻗﺼﺖ ﺍﻟﻄﺮﻳﻖ ..
ﻭﺻﻠﺖ ﻟﻠﻌﻠﻮﻡ ..
ﻭﻛﻤﻠﺖ ﺗﺠﺮﻱ ...
ﺩﻻﻝ : ﺗﺲ .. ﺍﻧﺒﻠﻴﺖ ..
" ﺍﺧﺘﻲ ﺩﻻﻝ .."
ﻛﻤﻠﺖ ﻣﺸﻲ ﻭﻫﻲ ﺧﺎﻳﻔﻪ ﻣﺎﺯﺑﻄﺘﺶ ﺻﻮﺗﻪ ..
ﺭﻛﺒﺖ ﺍﻟﺪﺭﻭﺝ ..
ﺭﻛﺐ ﻭﺟﻲ ﺟﻨﺒﻬﺎ ..
ﺿﻮ : ﺻﺒﺎﺡ ﺍﻟﺨﻴﺮ ..
ﻫﻲ ﺍﺑﺘﺴﻤﺖ ﺑﺈﺣﺮﺍﺝ : ﺍﺳﻔﻪ ﻣﺎﻋﺮﻓﺘﺶ ﺻﻮﺗﻚ ..
ﻭﻗﻔﻮﺍ ..
ﺿﻮ ﺑﺈﺑﺘﺴﺎﻣﻪ : ﻭﻻ ﻳﻬﻤﻚ .. ﺷﺒﺢ ﺟﻨﺒﻪ ﻭﻗﺎﻝ .. ﺟﺎﻳﻪ ﻫﻨﻲ ﺗﺒﻲ ﺣﺎﺟﻪ ..
ﺩﻻﻝ ﻭﻋﻴﻮﻧﻬﺎ ﻟﻮﻃﺎ : ﻻ ﺟﺎﻳﻴﻦ ﻟﻮﺣﺪﻩ ﺻﺎﺣﺒﺘﻨﺎ ﻋﺎﺯﻣﺘﻨﺎ ﻉ ﺍﻟﻤﻨﺎﻗﺸﻪ ﻣﺘﺎﻋﻬﺎ ..
ﺿﻮ : ﻓﻘﺴﻢ ﻋﻠﻢ ﺍﻟﺤﻴﻮﺍﻥ؟
ﺷﺒﺤﺘﻠﻪ : ﺍﻳﻪ ﺻﺢ ..
ﻋﻴﻮﻧﻪ ﺳﺮﺣﻮﺍ ﻓﻌﻴﻮﻧﻬﺎ ﻭﻓﻲ ﺍﺑﺘﺴﺎﻣﺘﻬﺎ ﺍﻟﻠﻄﻴﻔﻪ ﺍﻟﻠﻲ ﻓﻴﻬﺎ ﺷﻲ ﻃﻔﻮﻟﻲ ﺟﺬﺍﺏ ..
ﻫﻲ ﺗﺤﺸﻤﺖ ﻭﻧﺰﻟﺖ ﻋﻴﻮﻧﻬﺎ ..
ﻫﻮ ﺍﺑﺘﺴﻢ ﻭﻗﺎﻝ : ﻣﻌﻨﺎﻫﺎ ﺍﻟﻄﺎﻟﺒﻪ ﺍﻟﻠﻲ ﺍﻧﻲ ﻣﺸﺮﻑ ﻉ ﻣﺸﺮﻭﻋﻬﺎ .. ﺳﻠﺴﺒﻴﻞ ﻣﺤﻤﺪ ..
ﺿﺤﻜﺖ ﻭﻗﺎﻟﺖ؛ﺍﻳﻪ ..
ﺿﻮ ﺑﺈﺑﺘﺴﺎﻣﻪ؛ﺗﻤﺎﻡ .. ﻫﻲ ﺗﻌﺎﻟﻲ ..
ﻫﻲ ﻣﺸﺖ ﻣﻌﺎﻩ ﻭﻫﻲ ﻣﺘﺤﺸﻤﻪ ..
ﺑﺲ ...
》 ﺩﻻﻝ : ﻫﻬﻬﻬﻬﻬﻬﻬﻬﻪ ﺍﻧﺖ ﺍﻟﻠﻲ ﺯﻭﺩﺗﻬﺎ ... ﺗﻐﺎﺭ ﻣﻦ ﺣﺼﺎﻧﻚ ...
ﻋﻤﺎﺭ : ﺍﻳﻪ ﻧﻐﺎﺭ ﻣﻨﻪ ﻭﻣﻦ ﻛﻞ ﺣﺪ ﻳﺎﺧﺪ ﻣﻨﻚ ﺷﻲ ﻫﻮ ﻣﻦ ﺣﻘﻲ ﺑﺮﻭﺣﻲ 《..
ﻗﻠﺒﻪ ﺍﻧﻌﺼﺮ ﻋﺼﺮ ..
ﻭﺻﺪﺭﻫﺎ ﺍﻃﺒﻖ ..
ﺣﺴﺖ ﺭﻭﺣﻬﺎ ﻣﺨﻨﻮﻗﻪ ..
ﻭﺍﻟﺪﻣﻮﻉ ﻋﺒﻮﺍ ﻋﻴﻮﻧﻬﺎ ..
ﻭﺧﺮﺕ ﺧﻄﻮﺗﻴﻦ ﻭﻗﻌﺪﺕ ﺗﻤﺸﻲ ﻭﺭﺍﻩ .. ﺭﺳﻤﺖ ﻉ ﻭﺟﻬﻬﺎ ﻣﻼﻣﺢ ﺍﻟﺠﺪﻳﻪ ..
ﻫﻮ ﺣﺲ ﺑﻴﻬﺎ ﻟﻤﺎ ﻭﺧﺮﺕ ﻣﺎﺑﺎﺵ ﻳﺪﻗﻖ ﺑﺲ ﺍﺑﺘﺴﻢ ..
ﻛﻤﻠﻮﺍ ﻃﺮﻳﻘﻬﻢ ﻟﻴﻦ ﺧﺸﻮﺍ ﺩﺍﺧﻞ ..
ﻭﺻﻠﻮﺍ ﻟﻠﻘﺴﻢ ﻟﻘﻮﺍ ﺭﺍﻧﻴﺎ ..
ﻃﻮﻝ ﺩﻻﻝ ﻣﺸﺖ ﻟﺮﺍﻧﻴﺎ ..
ﻭﻫﻮ ﺍﺑﺘﺴﻢ ﻟﺮﺍﻧﻴﺎ ﻭﻫﻲ ﺭﺩﺗﻬﺎﻟﻪ ﻭﻛﻤﻞ ﻃﺮﻳﻘﻪ ..
ﺭﺍﻧﻴﺎ : ﺟﻴﺘﻲ ﻣﻌﺎﻩ؟
ﺩﻻﻝ ﺑﻀﻴﻖ : ﺗﻼﻗﻴﻨﺎ ﺻﺪﻓﻪ .. ﺧﻠﻴﻨﻲ ﻣﻨﻪ ﺗﻮﺍ ﻭﻗﻮﻟﻴﻠﻲ ﻭﻳﻦ ﺳﻠﺴﺒﻴﻞ ..
ﺭﺍﻧﻴﺎ : ﺗﻌﺎﻟﻲ ..
ﻭﻣﺸﻮﺍ ﺍﻟﺰﻭﺯ ...
🍁 ﺍﻟﻤﻮﻗﻒ ﺧﻼ ﺩﻻﻝ ﺗﻜﺮﻩ ﻧﻔﺴﻬﺎ ﺣﺴﺖ ﺭﻭﺣﻬﺎ ﺧﺎﻳﻨﻪ ..
ﻓﻮﺗﺖ ﻫﺪﺍﻛﺎ ﺍﻟﻴﻮﻡ ﺑﺎﻟﺴﻴﻒ ..
ﻭﻣﺠﺮﺩ ﺭﻭﺣﺖ ﺍﻟﺤﻮﺵ ﻭﺧﺸﺖ ﺩﺍﺭﻫﺎ ..
ﻣﺸﺖ ﻃﻮﻝ ﻟﻠﻌﻤﺎﻣﻪ ﺧﺪﺗﻬﺎ ﻭﺣﻀﻨﺘﻬﺎ ﻫﻲ ﺗﺎﺧﺪ ﻓﻲ ﺍﻧﻔﺎﺳﻬﺎ ﺑﺼﻌﻮﺑﻪ ..
ﺑﻌﺪﻳﻦ ﻗﻌﺪﺕ ﺗﺸﺒﺢ ﻟﺼﻮﺭﺗﻪ ﻭﺩﻣﻮﻉ ﺗﻨﺰﻝ ﻣﻦ ﻋﻴﻮﻧﻬﺎ ..
🍃 ﺍﻟﻘﻠﺐ ﺭﺍﻓﺾ ﺣﺘﻰ ﻓﻜﺮﺓ ﺍﻗﺘﺮﺍﺏ ﻏﻴﺮ ﻋﻤﺎﺭ ﻣﻨﻪ 🍃
🍁🍁🍁🍁
🍃 ﺭﻳﺤﺔ ﻋﻤﺎﺭ ..
ﺑﺎﻋﻮﺍ ﻛﻞ ﺷﻲ ﻟﻴﻬﻢ ﻓﺴﺮﺕ ... ﺧﺪﻭﺍ ﺣﻘﻮﻗﻬﻢ ﻣﻨﻪ ﻭﺍﻟﺒﺎﻗﻲ ﺩﺳﻮﻩ ..
ﻭﺑﺪﻱ ﻣﺆﻧﺲ ﻓﻌﻠﻴﺎ ﻳﻔﻜﺮ ﺍﻧﻪ ﻳﻔﺘﺢ ﻣﺸﺮﻭﻉ ﻣﺘﺰﺍﻣﻦ ﻣﻊ ﻣﺸﺮﻭﻉ ﺯﻭﺍﺟﻪ ..
ﻭﻓﻨﻔﺲ ﺍﻟﻮﻗﺖ ﻳﻔﻜﺮ ﻳﺪﻳﺮ ﻟﺮﺑﺎﺏ ﺣﺎﺟﻪ ﻷﻥ ﻗﻴﻤﺘﻬﺎ ﻛﺒﻴﺮﺓ ﻫﻠﺒﻪ ﻋﻨﺪﻩ ..
ﺷﻘﻴﻘﺔ ﻗﻠﺒﻪ 💓
🍃🍃🍃
ﻏﺎﻟﻴﻪ ...
ﺍﻟﻠﻲ ﺧﺸﺖ ﻉ ﺻﻔﺤﻪ ﻧﺠﻤﻲ ﻓﻲ ﺍﻟﻔﻴﺲ ..
ﻏﺎﻟﻴﻪ ﺑﺼﺪﻣﻪ؛ﺣﻴﻲ ﻳﺎﺣﻴﻴﻲ .. ﺻﻐﻴﺮ ﻭﺳﻤﺢ ﺳﻤﺢ ... ﻫﺪﻯ ﺷﻨﻮ ... ﺣﻴﻴﻪ ﻋﻠﻴﺎ .. ﻣﻈﻨﻪ ﻣﻦ ﻋﻤﺮ ﻣﺤﻤﺪ ﺧﻮﻱ ﻭﻻ ﻋﻤﺮ ﺣﻤﺰﺓ ..
ﻋﻠﻴﻚ ﻣﻠﻌﺐ ﻳﺎﻏﺎﻟﻴﻪ .. ﻳﺎﺭﺑﻲ ﻳﻄﻠﻊ ﻛﺬﺍﺏ ﻭﺣﺎﻁ ﺻﻮﺭ ﺣﺪ ﺗﺎﻧﻲ ..
ﺧﺸﺖ ﻉ ﺍﻟﺘﻌﻠﻴﻘﺎﺕ ﻟﻘﺘﻬﺎ ﻛﻠﻬﺎ ﺍﺩﻝ ﻉ ﺍﻧﻪ ﺻﺎﺣﺐ ﺍﻟﺼﻮﺭ ..
ﻃﻠﻌﺖ ﻣﻦ ﺍﻟﻔﻴﺲ ﻭﻫﻲ ﻣﺼﺪﻭﻣﻪ ..
ﻏﺎﻟﻴﻪ : ﻭﻛﺎﻥ ﻳﻌﻠﻢ ﺑﻴﺎ ﺍﻧﻲ ﺷﻨﻮ؟؟ .. ﻻ ﻻﺯﻡ ﻳﻌﻠﻢ ﺑﺶ ﻳﺮﻳﺤﻨﻲ ﻣﻦ ﺷﺮﻩ ... ﺍﻓﻔﻔﻒ ﻳﺎﺭﺑﻲ ﻣﻦ ﻗﻠﺔ ﺍﻟﻌﻘﻞ ﻭﻳﻦ ﺗﺮﻓﻊ ...
" ﻏﺎﻟﻴﻪ "
ﻏﺎﻟﻴﻪ : ﻫﻴﺎ ﻳﺎﻫﻨﻴﻮﻩ ﺟﺎﻳﻪ ﺟﺎﻳﻪ ..
🍁🍁🍁🍁
ﻣﺮﺍﻡ ﻣﺮﺕ ﻫﻨﻴﻮﻩ ..
ﻣﺎﺷﻴﻪ ﺗﻤﺎﻡ ﻓﻘﺮﺍﻳﺘﻬﺎ ﻭﻫﺎﻧﻴﺒﺎﻝ ﻛﺎﻥ ﻣﺴﺎﻋﺪﻫﺎ ﻫﻠﺒﻪ ﺩﺍﺭﺕ ﺍﻣﺘﺤﺎﻧﺎﺗﻬﺎ ﻭﺗﻮﻓﻘﺖ ﻓﻴﻬﻢ ﻭﻓﻬﺎﻟﻔﺘﺮﻩ ﺷﺎﺩﻩ ﺣﻮﺷﻬﺎ ﺍﻛﺜﺮ ﺷﻲ ﺑﺎﻟﺬﺍﺕ ﻭﻳﻦ ﻳﺘﻼﻗﻮﺍ ﺳﻤﻴﻪ ﻭﺣﻤﻴﺪﻩ ..
🍁🍁🍁
ﻟﻬﺪﻩ ﺍﻟﻠﺤﻈﻪ ﺣﻤﻴﺪﻩ ﻣﺎﺗﻌﺮﻓﺶ ﺑﻘﺼﺔ ﺧﻮﻫﺎ .. ﻭﻛﺬﻟﻚ ﻛﺎﻧﺖ ﻣﺪﺭﻗﻪ ﻛﻞ ﺷﻲ ﻳﺼﻴﺮ ﻣﻌﺎﻫﺎ .. ﻭﻻﻛﺄﻧﻬﺎ ﻋﻦ ﻗﺮﻳﺐ ﻣﻘﺒﻠﻪ ﻉ ﻛﺎﺭﺛﻪ ﻛﺒﻴﺮﺓ .
🍃🍃🍃
ﻭﻣﺎﺯﺍﻟﺖ ﺍﻟﺤﻴﺎﺓ ﻣﺎﺷﻴﻪ ﺑﻨﻔﺲ ﺍﻟﻮﺗﻴﺮﺓ ...
🍁🍁🍁🍁
ﺧﺶ ﺷﻬﺮ ﺫﻭﺍﻟﺤﺠﻪ ...
ﻭﺍﻹﺳﺘﻌﺪﺍﺩﺍﺕ ﻟﻌﻴﺪ ﺍﻻﺿﺤﻰ ﺑﺪﺕ ..
ﻛﻤﺎ ﻫﻮ ﻣﻌﺮﻭﻑ ...
ﺑﺲ ﺗﺎﻣﻦ ﻳﻮﻡ ﻣﻦ ﺫﻭﺍﻟﺤﺠﻪ ..
ﻓﻲ ﺍﻟﻘﻄﻌﻪ .
ﻛﺎﻧﺖ ﻓﻲ ﻣﻔﺎﺟﺄﺓ ﻛﺒﻴﺮﺓ ...
ﻓﻲ ﺍﻟﺴﺎﻋﻪ 2:00 ﻇﻬﺮﺍ ...
ﺍﻟﺰﻭﺯ ﻭﺻﻠﻮﺍ ﻟﻠﺤﻮﺵ ..
ﻣﺆﻧﺲ : ﻧﺒﻲ ﻧﺮﻗﺪ ﺧﻼﺹ ..
ﺍﻳﻤﻦ : ﺍﻧﻲ ﻧﺒﻲ ﻧﻘﺮﺍ ﺷﻮﻱ ﺑﻌﺪﻳﻦ ﻧﺮﻗﺪ ...
ﻣﺆﻧﺲ : ﺷﺪ ﺣﻴﻠﻚ ﺑﺶ ﺗﻌﻮﺽ ﺍﻟﻠﻲ ﻓﺎﺗﻚ ..
ﺍﻳﻤﻦ : ﺇﻥ ﺷﺎﺀ ﺍﻟﻠﻪ ..
ﺣﻂ ﻣﺆﻧﺲ ﺍﻟﻤﻔﺘﺎﺡ ﻓﻲ ﺍﻟﺒﺎﺏ ..
ﻭﻛﻴﻒ ﺟﺎﻱ ﺑﻴﻔﺘﺢ ..
ﻓﺎﺗﺖ ﻣﻦ ﻭﺭﺍﻫﻢ ﺳﻴﺎﺭﺓ ﺧﺸﺖ ﻟﻠﻘﻄﻌﻪ ﻣﻦ ﺍﻟﺒﺎﺏ ﺍﻟﺨﻠﻔﻲ ..
ﺩﺍﺭﺕ ﻛﻼﻛﺲ ..
ﻫﻤﺎ ﺍﻟﺘﻔﺘﻮﺍ ﻃﻮﻝ ...
ﺩﺭﺳﺖ ﺍﻟﺴﻴﺎﺭﺓ ..
ﺍﻧﻔﺘﺤﻮﺍ ﺍﻟﺒﻴﺒﺎﻥ ﺍﻟﺨﻠﻔﻴﻪ ..
ﻧﺰﻟﻮﺍ ﻣﻨﻬﻢ ﺯﻭﺯ ﻧﺴﺎﻭﻳﻦ ﺑﺎﻧﻮﺍ ﻉ ﺍﻳﻤﻦ ﻭﻣﺆﻧﺲ ..
ﻓﺘﺤﻮﺍ ﻋﻴﻮﻧﻬﻢ ﻉ ﻭﺳﻌﻬﺎ ﻭﺑﺼﻮﺕ ﻋﺎﻟﻲ ﻗﺎﻟﻮﺍ ﺍﻟﺰﻭﺯ ﻣﻊ ﺑﻌﺾ ..
" ﺍﻣﻲ "
🌟🌟
