المتمردين

العشق المتمرد

#رمضان_احلا_مع_جمان_فريد
#العشق_المتمرد

الجزء32

ﻓﻲ ﺇﺣﺪﻯ ﺳﻨﻮﺍﺕ ﺍﻟﻌﻘﺪ ﺍﻷﻭﻝ ﻣﻦ ﺍﻷﻟﻔﻴﺔ ﺍﻟﺜﺎﻟﺜﻪ ..
" ﺟﻤﻮﺣﻲ "💓
ﻋﻤﺎﺭ : ﺝ .. ﺷﻨﻮ ﺑﺴﻼﻣﺘﻪ !! ؟
ﺩﻻﻝ ﻭﻫﻲ ﺣﺎﺿﻨﻪ ﺍﻟﺠﻤﻮﺡ ﻭﺗﻀﺤﻚ : ﺍﻟﺠﻤﻮﻭﺡ ..
ﻋﻤﺎﺭ ﺍﺑﺘﺴﻢ ﻭﻫﻮ ﻳﺸﻮﻓﻠﻬﺎ ﺑﺮﺑﻊ ﻋﻴﻦ : ﻧﺤﺴﺎﺏ ﺭﻭﺣﻲ ﺳﻤﻌﺖ ﺣﺎﺟﻪ ﺍﺧﺮﻯ ...
ﺩﻻﻝ : ﻫﻬﻬﻬﻬﻬﻬﻬﻬﻬﻬﻪ ...
ﺻﻬﻞ ﺍﻟﺠﻤﻮﺡ ...
ﺩﻻﻝ : ﺣﺘﻰ ﺍﻧﻲ ﺍﺳﺘﺎﺣﺸﺘﻚ .. ﻭﺑﺎﺳﺎﺗﻪ ﻣﻦ ﺑﻴﻦ ﻋﻴﻮﻧﻪ ..
ﻋﻤﺎﺭ ﺟﺎﻫﺎ ﻭﺟﺒﺪﻫﺎ ﻣﻦ ﺧﺼﺮﻫﺎ : ﺯﻭﺩﺗﻴﻬﺎ ..
ﺩﻻﻝ : ﻫﻬﻬﻬﻬﻬﻬﻬﻬﻪ ﺍﻧﺖ ﺍﻟﻠﻲ ﺯﻭﺩﺗﻬﺎ ... ﺗﻐﺎﺭ ﻣﻦ ﺣﺼﺎﻧﻚ ...
ﻋﻤﺎﺭ : ﺍﻳﻪ ﻧﻐﺎﺭ ﻣﻨﻪ ﻭﻣﻦ ﻛﻞ ﺣﺪ ﻳﺎﺧﺪ ﻣﻨﻚ ﺷﻲ ﻫﻮ ﻣﻦ ﺣﻘﻲ ﺑﺮﻭﺣﻲ ..
ﺩﻻﻝ ﺍﺑﺘﺴﻤﺖ ﻭﻫﻲ ﺗﺘﺄﻣﻞ ﻓﻤﻼﻣﺤﻪ : ﻣﺎﻫﻮ ﺍﻧﺎﻧﻲ ﺍﻧﺖ ..💓
ﻋﻤﺎﺭ ﻭﻫﻮﻳﺘﺎﻣﻞ ﻓﻲ ﻣﻼﻣﺤﻬﺎ : ﻓﻴﻚ ﺍﻧﺘﻲ ﺍﻧﺎﻧﻲ ﺩﺭﺟﻪ ﺍﻭﻟﻰ 💓
ﻗﺮﺑﻮﺍ ﻣﻦ ﺑﻌﺾ ... ﺧﻼﺹ 💓..
ﺻﻬﻞ ﺍﻟﺠﻤﻮﺡ ﺑﺼﻮﺕ ﻋﺎﻟﻲ ﻭﺧﻠﻌﻬﻢ ..
ﺩﻻﻝ : ﻫﻬﻬﻬﻬﻬﻬﻬﻬﻪ ... ﻏﺎﺍﺍﺍﺍﺭ ..
ﻋﻤﺎﺭ ﻭﻫﻮ ﻳﻜﻠﻢ ﻓﻲ ﺍﻟﺠﻤﻮﺡ : ﻻﺍﺍﺍﺍ ﻋﺎﺩ ﺭﺳﻤﻲ ﺣﻨﺨﺴﺮﻭﺍ ﺑﻌﻀﻨﺎ ﻫﻜﻲ ...
ﻗﺮﺑﺖ ﻣﻦ ﺍﻟﺠﻤﻮﺡ ... ﻭﻫﻮ ﻗﺮﺏ ﻣﻨﻬﺎ ... ﺣﻀﻨﺎﺗﻪ ﻭﻫﻲ ﺗﻀﺤﻚ ﻭﺗﻘﻮﻝ : ﺻﺎﺣﺒﻚ ﻳﻐﻴﺮ ﻣﻨﻚ ... ﻫﻬﻬﻪ ... ﺍﻟﻤﺠﻨﻮﻥ ﻫﺪﺍ ﻣﺎﻳﺤﺴﺎﺑﺶ ﺍﻧﻲ ﻧﺤﺐ ﺍﻟﺤﺎﺟﻪ ﺍﻟﻠﻲ ﻫﻮ ﻳﺤﺒﻬﺎ ... ﻷﻧﻪ ﻫﻮ ﺍﻟﻠﻲ ﻳﺤﺒﻬﺎ ...
ﻋﻤﺎﺭ ﺍﺑﺘﺴﻢ ﻭﺣﻂ ﺍﻳﺪﻳﻪ ﻓﻮﺳﻄﻪ ﻭﻗﺎﻝ : ﺗﺒﻲ ﺗﺮﻭﺣﻲ ﺷﻜﻠﻚ 💓..
ﺩﻻﻝ : ﻫﻬﻬﻬﻬﻬﻬﻬﻬﻬﻬﻬﻪ ... ﻻﻻ ﺧﻼﺹ 💕
ﻋﻤﺎﺭ ﻗﻌﺪ ﻳﺸﻮﻓﻠﻬﺎ ﻭﻫﻮ ﻣﺒﺘﺴﻢ ﻭﺑﻌﺘﻠﻬﺎ ﺑﻮﺳﻪ ﻃﺎﻳﺮﺓ 💕
ﻭﻫﻲ ﺿﺤﻜﺖ ﻭﺭﺩﺗﻬﺎﻟﻪ ...💕
ﻓﺠﺄﺓ ..
ﻋﻤﺎﺭ : ﻫﻬﻬﻬﻬﻬﻬﻬﻬﻬﻬﻬﻬﻬﻪ ...
ﺩﻻﻝ ﺑﻀﺤﻜﻪ : ﺧﻴﺮﻙ ...
ﻋﻤﺎﺭ ﺑﻀﺤﻜﻪ : ﺧﻄﺮﺕ ﻋﻠﻴﺎ ﺣﺎﺟﻪ .... ﻳﻮﻡ ﺍﻟﻠﻲ ﺟﻴﺘﻚ ﻟﻠﺠﺎﻣﻌﻪ ﻣﺬﻛﺮﺓ ..
ﺩﻻﻝ ﻭﺟﻬﻬﺎ ﻭﻻﺍﺣﻤﺮ : ﻭﺍﺍﺍﺍﺍﺍﺍﺍﻙ ﻳﺎﺭﺑﻲ ﻛﺎﻥ ﺗﻤﺴﺢ ﻫﺎﻟﻴﻮﻡ ﻣﻦ ﺫﺍﻛﺮﺗﻚ ..
ﻋﻤﺎﺭ ﺿﺤﻚ ﺑﺈﺳﺘﻔﺰﺍﺯ ﻭﻫﻮ ﻳﺮﻗﺺ ﻓﺤﻮﺍﺟﺒﻪ : ﻣﺴﺘﺤﻴﻞ ...
ﺩﻻﻝ ﺷﺒﺤﺘﻠﻪ ﺑﻨﺺ ﻋﻴﻦ : ﻓﺮﺣﺎﻥ ﺑﺈﻧﺘﺼﺎﺭﺍﺗﻚ ﻣﺎﻫﻮ ...
ﻋﻤﺎﺭ ﺍﺑﺘﺴﻢ : ﺍﻛﻴﺪ ... ﻭﻣﺎﻓﻴﺶ ﺍﺣﻠﻰ ﻣﻦ ﺍﻧﺘﺼﺎﺭ ﻛﻴﻒ ﻫﺪﻯ💓
ﺩﻻﻝ ﺍﺑﺘﺴﻤﺖ 💓.....
🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃
ﺷﻬﺮ ﺍﻟﻔﺎﺗﺢ 2007...
ﺭﺍﻧﻴﺎ ﺑﺼﺪﻣﻪ : ﻋﻤﺎﺭ !!
ﻫﻲ ﻣﺠﺮﺩ ﺳﻤﻌﺖ ﺍﻹﺳﻢ ﻛﻞ ﺟﺰﺀ ﻓﻴﻬﺎ ﺭﺟﻒ .... ﺷﻌﻮﺭ ﺧﻮﻑ ﻳﻨﺘﺎﺑﻬﺎ ﻫﻲ ﻣﺶ ﻋﺎﺭﻓﻪ ﻋﻼﺵ ﺗﺤﺲ ﺑﻴﻪ ...
ﻗﺎﻣﺖ ﻋﻴﻮﻧﻬﺎ ﻭﺷﺒﺤﺖ ﻟﺮﺍﻧﻴﺎ .... ﺑﻌﺪﻳﻦ ﺑﺒﻄﺊ ﺷﻮﻱ .. ﺷﺒﺤﺖ ﻭﻳﻦ ﻣﺎﺗﺸﺒﺢ ...
ﻟﻘﺎﺗﻪ ﺣﺎﻁ ﻳﺪﻩ ﻓﻲ ﺟﻴﺒﻪ ﻭﻳﺸﺒﺢ ﺍﻟﻘﺪﺍﻡ ...
ﻭﻃﺒﻌﺎ ﻋﻴﻮﻧﻪ ﻣﺪﺭﻗﺎﺕ ﺑﺎﻟﻨﻈﺎﺭﺍﺕ ...
ﻋﻴﻮﻧﻪ ﺍﻟﻠﻲ ﻛﺎﻧﻮﺍ ﻳﺸﺒﺤﻮﻟﻬﺎ ﻉ ﺟﻨﺐ ...
ﺩﻻﻝ ﻏﻤﻀﺖ ﻋﻴﻮﻧﻬﺎ ﺑﻨﻔﺎﺩ ﺻﺒﺮ : ﺗﻮ ﻫﺪﺍ ﺷﻦ ﺟﻴﺒﻪ ..
ﺭﺍﻧﻴﺎ : ﻭﺍﺿﺤﻪ ... ﺷﻜﻠﻪ ﻣﺎﺯﺍﻝ ﺑﻴﺤﺎﻭﻝ ...
ﺩﻻﻝ : ﻋﺸﻢ ﺍﺑﻠﻴﺲ ﻓﻲ ﺍﻟﺠﻨﻪ ...
ﺭﺍﻧﻴﺎ ﺑﻀﺤﻜﻪ : ﺑﺎﻫﻲ ﺷﻦ ﺑﻴﺼﻴﺮ ﺗﻮﺍ ..
ﺩﻻﻝ : ﺍﻓﻔﻔﻒ ... ﻋﻠﻴﻚ ﺟﻮ ﻣﺮﺍﻫﻘﻴﻦ ﻳﺪﻳﺮ ﻓﻴﻪ ..
ﺭﺍﻧﻴﺎ : ﻫﻬﻬﻬﻬﻬﻬﻪ ...
ﺷﺒﺤﺘﻠﻪ ﻣﺮﺓ ﺗﺎﻧﻴﻪ ... ﺭﻓﻌﺖ ﺣﺎﺟﺒﻪ ... ﺣﻄﺖ ﺷﻨﻄﺘﻬﺎ ﻉ ﺗﺮﻛﻴﻨﻪ ..
ﻭﻧﺎﺿﺖ ﻭﻗﻔﺖ ..
ﺭﺍﻧﻴﺎ ﺗﺸﻮﻓﻠﻬﺎ ﻭﺧﻼﺹ ...
ﻫﻮ ﺷﺎﻓﻬﺎ .. ﺯﺑﻄﻬﺎ ﺟﺎﻳﺎﺗﻪ ... ﺍﺑﺘﺴﻢ ﻉ ﺟﻨﺐ ...
ﻭﺑﺪﻱ ﻗﻠﺒﻪ ﺑﺎﻟﻬﺒﺎﻝ ...💓💓💓💓💓💓
ﺑﺪﺕ ﺗﻘﺪﻡ ...
ﻭﻫﻮ ﻛﻞ ﻣﺎﺗﻘﺪﻡ ﻧﺎﺣﻴﺘﻪ ﺧﻄﻮﺓ ... ﻗﻠﺒﻪ ﻳﺠﻦ ﺟﻨﻮﻧﻪ ...
ﻭﻟﻮ ﻣﻦ ﻳﺮﻛﺰ ﻉ ﺣﺮﻛﺔ ﺻﺪﺭﻩ ﺣﻴﻠﻘﺎﻩ ﻳﻌﻠﻰ ﻭﻳﻬﺒﻂ ﺑﺴﺮﻋﻪ..💓
ﻭﺻﻠﺖ ﻓﻴﻪ ﻭﻭﻗﻔﺖ ﻗﺪﺍﻣﻪ ﻭﻫﻲ ﻣﺮﺑﻌﻪ ﺍﻳﺪﻳﻬﺎ ﻭﺭﺍﻓﻌﻪ ﺣﺎﺟﺒﻬﺎ ..
ﻭﻓﻲ ﺑﻴﻨﺎﺗﻬﻢ ﻣﺴﺎﻓﻪ ﺑﺴﻴﻄﻪ ...
ﺩﻻﻝ : ﺟﺎﻱ ﺗﺒﻲ ﺗﺴﻤﻌﻪ ﻣﻨﻲ ..
ﺣﻮﻝ ﻧﻈﺎﺭﺍﺗﻪ ﻭﻗﻌﺪ ﻳﺸﻮﻓﻠﻬﺎ ...
ﺿﺮﺑﺖ ﺟﺴﻤﻬﺎ ﺭﻋﺸﻪ ... ﻣﻦ ﺍﻟﺨﻮﻑ .. ﻭﻓﻲ ﻧﻔﺲ ﺍﻟﻮﻗﺖ ﺷﻌﻮﺭ ﺗﺎﻧﻲ ﻣﺒﻬﻢ ...
ﻟﻜﻦ ﺗﻤﺎﻟﻜﺖ ﻧﻔﺴﻬﺎ ﻭﺗﻤﺎﺳﻜﺖ ..
ﻋﻤﺎﺭ : ﺗﻌﻄﻴﻨﻲ ﻓﺮﺻﻪ ﻧﺘﻜﻠﻢ ..
ﺩﻻﻝ : ﻻ ..
ﻋﻤﺎﺭ ﺍﺑﺘﺴﻢ ﻭﻭﺯﻉ ﻧﻈﺮﻩ ﻉ ﺍﻟﻤﻜﺎﻥ ﺑﻌﺪﻳﻦ ﺷﺒﺤﻠﻬﺎ ﻭﻗﺎﻝ : ﺍﻧﺘﻲ ﺷﺨﺼﻴﺘﻚ ﺩﻳﻤﺎ ﻫﻜﻲ ﺣﺎﺩﻩ .. ﻭﻻﻏﻴﺮ ﻣﻌﺎﻱ ﺍﻧﻲ ...
ﺩﻻﻝ : ﺣﺎﺩﻩ ﻣﻌﺎﻙ ﻭﻣﻊ ﺍﻟﻠﻲ ﺯﻳﻚ ..
ﺿﺤﻚ ﻋﻤﺎﺭ : ﺍﻧﻲ ﻭﺍﻟﻠﻪ ﻣﺎﻧﻲ ﻋﺎﺭﻑ ﺍﻟﻔﻜﺮﺓ ﺍﻟﺴﻮﺩﺍ ﺍﻟﻠﻲ ﻭﺍﺧﺪﺗﻴﻬﺎ ﻋﻨﻲ ﺷﻦ ﺷﻜﻠﻬﺎ ﻭﻻ ﻟﻴﺶ ﻭﺍﺧﺪﻳﺘﻬﺎ ﺍﺻﻼ ..
ﺩﻻﻝ ﺑﺤﺰﻡ : ﺍﺳﻤﻊ ... ﺍﻧﻲ ﻻﻧﺒﻲ ﻧﺎﺧﺪ ﻋﻨﻚ ﻓﻜﺮﻩ .. ﻭﻻﻧﺒﻲ ﻧﺎﺧﺪ ﻭﻧﻌﻄﻲ ﻣﻌﺎﻙ ﻭﻻﻧﺒﻲ ﺍﺻﻼ ﻧﺸﻮﻓﻚ .. ﻫﻲ ﻛﻠﻤﻪ ﻭﺣﺪﻩ ﺑﺲ .. ﺍﻧﻲ ﻣﺴﺘﺤﻴﻞ ﻧﻘﺒﻞ ﺑﻴﻚ ﻟﻮ ﺷﻨﻲ ﺍﺩﻳﺮ ...
ﻋﻤﺎﺭ ﺣﻂ ﺍﻳﺪﻳﻪ ﻭﺭﺍ ﻇﻬﺮ ﻭﺗﺒﺪﻟﺖ ﻣﻼﻣﺢ ﻭﺟﻬﻪ ﻟﻠﺠﺪﻳﻪ : ﺍﻟﺴﺒﺐ ..
ﺩﻻﻝ ﺿﺤﻜﺖ ﺑﺘﻬﻜﻢ : ﺳﺒﺐ !! ﻗﻮﻟﻲ ﺍﺳﺒﺎﺍﺍﺏ ... ﻭﺍﺳﺒﺎﺍﺍﺏ ..
ﻋﻤﺎﺭ : ﻟﻮ ﻉ ﺣﻜﺎﻳﻪ ﺍﻧﻲ ﻣﺰﻭﺝ ﻗﺒﻠﻚ ﻓﺄﻧﺘﻲ ﻓﺎﻫﻤﻪ ﺧﻄﺎ ﻭﻻﺯﻡ ﻧﺸﺮﺣﻞ ..
ﺩﻻﻝ ﻭﻫﻲ ﺍﺷﺮ ﺑﺈﻳﺪﻳﻬﺎ :✋ ﻣﺎﻋﻨﺪﻙ ﻣﺎﺗﺸﺮﺣﻠﻲ ... ﻧﺰﻟﺖ ﻳﺪﻫﺎ .. ﻭﻣﺎﻧﺒﻴﻜﺶ ﺗﺸﺮﺣﻠﻲ .. ﺍﻧﻲ ﻭﺍﻧﺖ ﻣﺴﺘﺤﻴﻞ ﻳﺼﻴﺮ ﻣﻨﺎ .. ﺍﻧﺖ ﺷﻲ .. ﻭﺍﻧﻲ ﺷﻲ ﺗﺎﺍﺍﻧﻲ ... ﻧﺼﻴﺤﻪ .. ﺑﺮﺍ ﺩﻭﺭ ﻉ ﻭﺣﺪﻩ ﺗﻨﺎﺳﺒﻚ ﻣﻦ ﺟﻤﻴﻊ ﺍﻟﻨﻮﺍﺣﻲ ... ﻭﺣﺪﻩ ﻣﻦ ﺟﻴﻠﻚ ﻭﺗﻔﻜﻴﺮﻙ .. ﺗﺮﺿﻰ ﺑﻮﺿﻌﻚ .. ﺍﻣﺎ ﺍﻧﻲ ﻓﺼﺪﻗﻨﻲ ﻣﺴﺘﺤﻴﻞ ﻧﻜﻮﻥ ﻟﻴﻚ ﻭﻻﺑﺄﻱ ﺷﻜﻞ ... ﻹﻥ ﻭﺑﺒﺴﺎﻃﻪ .. ﻣﺶ ﺍﻧﺖ ﺍﻟﺸﺨﺺ ﺍﻟﻠﻲ ﻧﺤﻠﻢ ﻧﻜﻤﻞ ﺣﻴﺎﺗﻲ ﻣﻌﺎﻩ ... ﺭﻓﻌﺖ ﺣﻮﺍﺟﺒﻬﺎ ﻭﻗﺎﻟﺖ .. ﻭﺻﻠﺖ !!
ﺣﻮﻝ ﺍﻳﺪﻳﻪ ﻣﻦ ﻭﺭﺍ ﻇﻬﺮﻩ ﻭﻗﺎﻝ ﻭﻫﻮ ﻳﺤﺮﻙ ﻓﻴﺪﻩ ﺍﻟﻠﻲ ﻓﻴﻬﺎ ﺍﻟﻨﻈﺎﺭﺓ : ﻛﻞ ﺍﻟﻠﻲ ﻗﻠﺘﻴﻪ ﺗﻮﺍ ... ﻟﺒﺲ ﻧﻈﺎﺭﺍﺗﻪ ﻭﻗﺎﻝ ﺑﻨﺒﺮﺓ ﻣﺘﻜﺒﺮﺓ ... ﻗﻄﺎﺍﻑ ... ﻭﺣﻖ ﻣﻦ ﺧﻠﻘﻚ ﻣﺎﻓﻲ ﻭﺍﺣﺪ ﻣﻜﻤﻠﻪ ﻣﻌﺎﻩ ﺣﻴﺎﺗﻚ ﻏﻴﺮﻱ .. ﻫﻲ ﻓﺄﻣﺎﻥ ﺍﻟﻠﻪ ..
ﻟﻒ ﻭﻣﺸﻲ ..
ﻭﻫﻲ ﺗﺸﺒﺤﻠﻪ ﺑﺼﺪﻣﻪ ... ﻭﺯﺍﺩﺕ ﺍﻧﺼﺪﻣﺖ ﻟﻤﺎ ﺳﻤﻌﺎﺗﻪ ﻗﺎﻝ : ﻣﺎﺗﻌﻮﺩﻳﺶ ﻉ ﺍﻟﻔﺎﺗﺢ ﻭﺍﺟﺪ ... ﺣﺘﻜﻤﻠﻲ ﻓﻲ ﺍﻟﺘﺤﺪﻱ ...
ﻗﺎﻝ ﻛﻼﻣﻪ ﻭﻫﻮ ﻳﻤﺸﻲ ... ﻫﻲ ﻗﻌﺪﺕ ﻓﺎﺗﺤﻪ ﻋﻴﻮﻧﻬﺎ ﺑﺼﺪﻣﻪ ﻭﻗﺎﻟﺖ : ﻫﺪﺍ ﻣﻦ ﻳﺤﺴﺎﺏ ﺭﻭﺣﻪ ... ﻟﻔﺖ ﻭﻣﺸﺖ ﻟﺮﺍﻧﻴﺎ ﻭﻫﻲ ﻓﻲ ﻗﻤﺔ ﺍﻟﻐﻀﺐ ﻗﻌﻤﺰﺕ ﻭﻫﻲ ﺗﻘﻮﻝ ... ﻭﺍﺣﺪ ﺣﻴﻮﺍﻥ ... ﺣﻴﻮﺍﺍﺍﺍﻥ ...
ﻗﺎﻟﺘﻬﺎ ﺑﻐﻴﻆ ...
ﺭﺍﻧﻴﺎ ﺑﻀﺤﻜﻪ : ﻗﻮﻟﻴﻠﻲ ﺷﻦ ﻗﺎﻟﻚ ..
ﺩﻻﻝ ﺑﻐﻀﺐ : ﺧﻠﻴﻨﻲ ﺗﻮﺍ ﻳﺎﺭﺍﻧﻴﺎ ﺧﻠﻴﻨﻲ ..
ﺭﺍﻧﻴﺎ ﺗﻀﺤﻚ ﻭﺧﻼﺹ ...
💕💕💕💕💕💕💕💕💕💕
ﺍﻣﺎ ﻫﻮ ﺑﻌﺪ ﺭﻛﺐ ﺳﻴﺎﺭﺗﻪ ﻭﺳﻜﺮ ﺍﻟﺒﺎﺏ ﻭﺍﺑﺘﺴﻢ ...
ﻗﻌﺪ ﻳﺬﻛﺮ ﻓﻨﻈﺮﺍﺗﻬﺎ ﺑﺎﻳﻦ ﻓﻴﻬﻢ ﺍﻟﺨﻮﻑ ... ﺣﺘﻰ ﺍﻧﻬﺎ ﻛﺎﻧﺖ ﻓﻲ ﺍﻟﻐﺎﻟﺐ ﻟﻤﺎ ﺗﺘﻜﻠﻢ ﻣﻨﺰﻟﻪ ﻋﻴﻮﻧﻬﺎ ﻟﻮﻃﺎ .. ﻭﻭﺟﻬﻬﺎ ﻟﻮﻧﻪ ﻛﺎﻥ ﺍﺣﻤﺮ ﻃﻮﻝ ﺍﻟﻮﻗﺖ ..
ﺿﺤﻚ .. ﻷﻧﻪ ﻓﺮﺡ ...
ﻓﺮﺣﺘﻪ ﻛﺎﻧﺖ ﻷﻧﻪ ﺗﺄﻛﺪ ﺍﻥ ﺃﺛﺮ ﻓﻴﻬﺎ .. ﻭﺍﺿﺢ ﺟﺪﺍ ﻣﺪﻯ ﺗﺄﺛﻴﺮﻩ ﻋﻠﻴﻬﺎ ...
ﺣﺲ ﺍﻥ ﻃﺮﻳﻘﻪ ﻣﻌﺎﻫﺎ ﻣﺶ ﺣﺘﻜﻮﻥ ﺻﻌﺒﻪ ﻫﻠﺒﻪ ...
ﻋﻤﺎﺭ : ﺣﺘﻰ ﻟﻮ ﺻﻌﺒﺖ ﻋﻠﻴﺎ ﺣﻨﺴﻬﻠﻬﺎ ﺑﻌﻮﻥ ﺍﻟﻠﻪ ﺣﺘﺘﺴﻬﻞ .... ﺗﻨﻬﺪ ﺗﻨﻬﻴﺪﻩ ﻣﻦ ﺍﻷﻋﻤﺎﻕ ﻭﻗﺎﻝ .. ﺁﺧﺨﺨﺨﺨﺦ ﻏﻴﺮ ﺍﻣﺘﻰ ﻛﺒﺮﺗﻲ ... ﻟﻮ ﻛﺎﻥ ﻧﻌﻠﻢ ﺍﻧﻚ ﻭﻳﻦ ﺗﻜﺒﺮﻱ ﺑﺘﺴﻠﺒﻲ ﻋﻘﻠﻲ ﻫﻜﻲ .. ﻛﻨﺖ ﺧﺪﻳﺘﻚ ﻣﻦ ﺻﻐﺮﻙ ﻭﺭﺑﻴﺘﻚ ﻉ ﺍﻳﺪﻳﺎ .. ﻭﻛﺒﺮﺗﻚ ﻉ ﺣﺒﻲ ....
ﺿﺤﻚ ﻭﻫﻮ ﻳﺬﻛﺮ ﻓﻲ ﺍﻳﺎﻡ ﻃﻔﻮﻟﺘﻬﺎ ...
ﺧﻄﺮﺕ ﻋﻠﻴﻪ ﺍﻭﻝ ﻣﺮﺓ ﺷﺎﻓﻬﺎ ... ﻭﺍﺫﻛﺮ ﻣﻨﻈﺮ ﺍﻟﺤﻨﻪ ﻓﺈﻳﺪﻳﻬﺎ ﻭﺭﺟﻠﻴﻬﺎ ﺍﻟﺼﻐﻴﺮﻭﻧﺎﺕ ...
ﻭﺑﻌﺪﻳﻦ ﺟﻲ ﺑﻴﻦ ﻋﻴﻮﻧﻪ ... ﺻﻮﺍﺑﻌﻬﺎ ﺍﻟﻤﺤﻨﻴﺎﺕ ﻟﻤﺎ ﺭﺍﻫﻢ ﻓﻜﺒﺮﻫﺎ ..
ﻋﻤﺎﺭ : ﺍﺍﺍﺥ .. ﺍﺧﺨﺨﺦ .. ﺑﺲ ..💓💓💓💓 ﺻﺒﺮﻙ ﻳﺎﻣﻮﻻﻱ ..💓
🍁🍁🍁🍁🍁
ﺍﻟﺴﺎﻋﻪ 1:00 ﻇﻬﺮﺍ ..
ﻗﺪﺍﻡ ﺍﻟﻮﺍﺟﻬﻪ ...
ﻗﺎﻋﺪﻩ ﺗﺤﺖ ﺗﺎﺛﻴﺮﻩ ﻳﺎﺷﻮﺷﻮ ..
ﺷﻴﻤﺎﺀ ﺑﻀﺤﻜﻪ : ﺍﻭﻝ ﻣﺮﺓ ﻳﺼﻴﺮ ﻓﻴﻚ ﻫﻜﻲ ..
ﻣﺠﺪﻭﻟﻴﻦ : ﻣﺎﻫﻮ ﺍﻭﻝ ﻣﺮﺓ ﻧﺸﻮﻑ ﺭﺍﺟﻞ ..
ﺷﻴﻤﺎﺀ : ﻫﻬﻬﻬﻬﻬﻬﻬﻬﻪ ... ﻭﺍﻟﻠﻲ ﺣﻮﺍﻟﻴﻚ ﻫﺎﺩﻭﺍ ﺷﻨﻮ ..
ﻣﺠﺪﻭﻟﻴﻦ : ﻫﺎﺩﻭ !! ﻫﺎﺩﻭ ﺣﺒﻴﺒﺘﻲ ﻛﻮﻟﻜﺸﻦ ﻣﻦ ﺍﻟﺸﻌﺎﺑﻴﻂ ﻭﺍﻟﺸﻼﻓﻄﻴﻪ ﻭﺍﻟﻤﻨﺴﺮﻓﻴﻦ .. ﺗﻮ ﻭﺍﻟﻨﺒﻲ ﺷﻮﺷﻮ ﺗﻘﺎﺭﻧﻲ ﻫﺎﺩﻭ .. ﺑﺎﻟﻄﺮﻑ ﺍﻟﻤﻐﺒﺮ ﻫﺪﺍﻛﺎ .. ﺍﻟﻠﻲ ﻋﻴﻮﻧﻪ ﺑﺮﻭﺣﻬﻢ ﺣﻜﺎﻳﻪ .. ﺣﺎﺩﺍﺕ ﻫﻜﻲ .. ﻭﻧﻈﺮﺗﻬﻢ ﺣﺎﺭﻩ .. ﺍﺑﺘﺴﻢ ﺻﺢ .. ﺑﺲ ﺍﺑﺘﺴﺎﻣﻪ ﻭﺍﻟﺤﻮﺍﺟﺐ ﻣﻘﺮﻭﻧﻪ ... ﻭﻻﻟﻤﺎ ﻳﺪﻭﻱ ... ﺣﻄﺖ ﻳﺪﻫﺎ ﻉ ﺭﺍﺳﻬﺎ ... ﻳﺎﻭﻳﻠﻲ ﻳﺎﻭﻳﻞ ﻳﺎﻇﻼﻡ ﺍﻟﻠﻴﻞ ...
ﺷﻴﻤﺎﺀ : ﻫﻬﻬﻬﻬﻬﻬﻬﻬﻪ ...
" ﺗﻤﺎﻡ ﻏﺪﻭﺓ ﻧﺠﻴﻚ ﻭﻧﺘﻢ ﺍﻟﻤﻮﺿﻮﻉ ..."
ﻗﻌﺪﺕ ﻣﺴﻬﻤﻪ ﻓﻴﻪ ..💕💕💕💕..
ﻭﺻﺎﺣﺒﺘﻬﺎ ﺗﺸﻮﻓﻠﻬﺎ ..
ﻫﺎﻧﻴﺒﺎﻝ : ﻏﺪﻭﺓ ﺇﻥ ﺷﺎﺀ ﺍﻟﻠﻪ ..
ﺿﻮ : ﺗﻌﺎﻝ ﻋﻨﺪﻱ ﻟﻠﺸﻘﻪ ..
ﻫﺎﻧﻴﺒﺎﻝ : ﺇﻥ ﺷﺎﺀ ﺍﻟﻠﻪ ﻣﻊ ﺍﻟﻠﻴﻞ ... ﻟﺒﺲ ﻧﻈﺎﺭﺍﺗﻪ .. ﻣﺎﺗﻮﺻﻲ ﺷﻲ ..
ﺿﻮ : ﺳﻼﻣﺘﻚ .. ﻭﻟﻒ ﻭﺧﺶ ﺩﺍﺧﻞ ..
ﻫﺎﻧﻴﺒﺎﻝ ﻭﻗﻒ ﻭﺯﻉ ﻧﻈﺮﻩ ﻉ ﺍﻟﻤﻜﺎﻥ ﺟﺖ ﻋﻴﻨﻪ ﻋﻠﻴﻬﺎ ﻟﻘﺎﻫﺎ ﺗﺸﺒﺤﻠﻪ ...
ﻣﺸﻲ ﻭﻫﻮ ﻳﺸﻮﻓﻠﻬﺎ ... ﺑﻌﺪﻳﻦ ﺷﺒﺢ ﺍﻟﻘﺪﺍﻡ ﻭﻛﻤﻞ ﻃﺮﻳﻘﻪ ..
ﻭﻫﻲ ﺯﻱ ﺍﻟﻤﻨﻮﻣﻪ ﻣﻐﻨﺎﻃﻴﺴﻴﺎ 💓💓💓 ﻣﻌﺎﻩ ﺑﻌﻴﻮﻧﻬﺎ ...
ﻟﻴﻦ ﺭﻛﺐ ﺳﻴﺎﺭﺗﻪ ... ﻗﻌﺪﺕ ﻣﺮﻛﺰﻩ ﻣﻌﺎﻩ ﻟﻴﻦ ﻣﺸﺖ ﺍﻟﺴﻴﺎﺭﺓ ...
ﻣﺠﺪﻭﻟﻴﻦ : ﺷﻴﻤﺎﺀ ﺗﻠﻘﻴﻨﻲ 💕💕💕
ﺷﻴﻤﺎﺀ ﺑﻀﺤﻜﻪ : ﺍﺻﺤﻲ ﻳﺎﻫﺒﻠﻪ ... ﻭﺑﻌﺪﻳﻦ ﺭﻩ ﺷﻜﻠﻪ ﻭﺍﺣﺪ ﻋﺎﺩﻱ ﺭﻛﺰﺗﻲ ﻉ ﻧﻮﻉ ﺳﻴﺎﺭﺗﻪ ...
ﻣﺠﺪﻭﻟﻴﻦ : ﻋﻠﻴﻚ ﺗﺎﻓﻬﻪ ﻳﺎﺷﻴﻤﺎﺀ ...
ﻓﺎﺕ ﻣﻦ ﺣﺪﺍﻫﻢ ﻭﺍﺣﺪ ﺷﻌﺮﻩ ﻣﺸﻮﻛﻪ ﻭﻻﺑﺲ ﺳﻼﺳﻞ ﻭﺧﻮﺍﺗﻢ ﻭﺭﻗﻴﻖ ﻫﻠﺒﻪ .. ﺧﺶ ﺩﺍﺧﻞ ...
ﻣﺠﺪﻭﻟﻴﻦ : ﺗﻌﺮﻓﻴﻪ ﻫﺪﺍ ... ﻭﺗﻌﺮﻓﻲ ﻭﻟﺪ ﻣﻨﻮ ﻭﺳﻴﺎﺭﺗﻪ ﻣﻦ ﻭﻳﻦ ﻭﺍﺧﺪﻫﺎ .. ﻟﻜﻨﻪ ﻭﺍﺣﺪ ﺗﺎﻓﻪ ﻭﻣﻘﺮﻑ ﻭﻣﺪﻣﻦ ﺣﺘﻲ ﻭﻻﻳﺴﻮﻯ ﺣﺎﺟﻪ ... ﺣﺒﻴﺒﺘﻲ ﺍﻟﺮﺍﺟﻞ ﺭﺟﻮﻟﺘﻪ ﺗﺒﺎﻥ ﻋﻠﻴﻪ ﺑﺪﻭﻥ ﻣﺎﺗﺤﺘﻜﻲ ﺑﻴﻪ ﻭﻻﺗﻌﺮﻓﻴﻪ .. ﺍﻟﻠﻲ ﺑﻜﺮﻱ ﻫﺪﺍ ﺻﻨﻒ ﻧﺎﺩﺭ ﻧﺎﺍﺍﺍﺍﺍﺍﺍﺩﺭ ﺋﻮﻱ ...💓😍
ﺷﻴﻤﺎﺀ ﺑﻀﺤﻜﻪ : ﺑﺎﻫﻲ ﻳﺎﻧﺎﺩﺭ ﺍﻧﺘﻲ ﺍﺳﻜﺘﻲ ﻓﻀﺤﺘﻲ ﺑﻴﻨﺎ ...
ﺿﺤﻜﺖ ﻣﺠﺪﻭﻟﻴﻦ ﺑﻌﺪﻳﻦ ﺗﻨﻬﺪﺕ ...💓
🍁🍁🍁🍁🍁
ﺍﻟﺴﺎﻋﻪ 4:00 ﻗﺒﻞ ﺍﻟﻌﺼﺮ ...
ﻣﻘﻌﻤﺰﻳﻦ ﻓﻲ ﺍﻟﺪﺍﺭ ﻳﺘﻔﺮﺟﻮﺍ ﻉ ﺍﻟﺘﻠﻔﺰﻳﻮﻥ ...
ﺍﻣﻬﺎ ﻣﺮﻛﺰﺓ ﻋﻠﻴﻬﺎ ﻛﻴﻒ ﺳﺎﺭﺣﻪ ﻭﺑﺎﻳﻦ ﻋﻠﻴﻬﺎ ﻣﺘﻜﻨﻄﻴﻪ ..
ﻧﻌﻴﻤﻪ : ﺩﻻﺍﺍﺍﻝ .. ﺍﺷﺸﺸﺶ ..
ﺷﺒﺤﺖ ﻷﻣﻬﺎ : ﻧﻌﻢ ﻣﺎﻣﺎ ..
ﻧﻌﻴﻤﻪ : ﺧﻴﺮﻙ ... ﻣﻦ ﻟﻤﺎ ﺭﻭﺣﺘﻲ ﻭﺟﻮﻙ ﻣﺶ ﻋﺎﺟﺒﻨﻲ ..
ﺩﻻﻝ : ﻻﻻ ﺷﻲ ﻏﻴﺮ ﻧﺨﻤﻢ ﻓﻲ ﺍﻟﻘﺮﺍﻳﻪ ..
ﻧﻌﻴﻤﻪ : ﻣﺎﺗﺨﻤﻤﻴﺶ ﻣﺎﻓﻴﺶ ﻫﺪﺍﻛﺎ ﺍﻟﻔﺮﻕ ﺑﻴﻦ ﺍﻟﻤﺪﺭﺳﻪ ﻭﺍﻟﺠﺎﻣﻌﻪ ..
ﺩﻻﻝ : ﺑﺲ ﺗﺤﺴﻴﻬﺎ ﺗﺨﻮﻑ ﺷﻮﻳﻪ .. ﻣﺶ ﻋﺎﺭﻓﻪ ..
ﻧﻌﻴﻤﻪ : ﺍﻧﺘﻲ ﺩﻳﻤﺎ ﻫﻜﻲ ﻻﺯﻡ ﺗﺨﻤﻤﻲ ﻭﺗﺨﺎﻓﻲ ﻉ ﺍﻟﻔﺎﺿﻴﻪ ﻭﺍﻟﻤﻠﻴﺎﻧﻪ ﺗﻜﺒﺮﻱ ﻗﺒﻞ ﻭﻗﺘﻚ ﺭﻩ ..
ﺩﻻﻝ ﺗﻨﻬﺪﺕ ﻭﺳﻜﺘﺖ ..
ﻧﻮﺭ ﺷﺒﺤﺘﻠﻬﺎ : ﺩﻟﻮﻟﻪ ﺩﻳﺮﻳﻠﻨﺎ ﻛﻴﻜﻪ ..
ﺩﻻﻝ : ﺑﺎﻟﻠﻪ ﻓﻮﺗﻴﻨﻲ ﺑﺎﻟﻲ ﻣﺶ ﺭﺍﻳﻖ ..
" ﺃﺩﻟﻮﻭﻭﻭﻟﻪ ... ﺃﺩﻟﻮﻭﻭﻭ .."
ﺍﺑﺘﺴﻤﺖ : ﺑﺎﺑﺎ ...
ﺟﺎﻫﻢ ﻟﻠﺪﺍﺭ : ﻫﺎﻩ ﺷﻨﻮ ﺷﻦ ﺟﻮ ﺍﻟﺠﺎﻣﻌﻪ ﺍﻟﻴﻮﻡ ..
ﺩﻻﻝ : ﻛﻮﻳﺴﻪ ...
ﻋﺒﺪﺍﻟﺴﻼﻡ؛ﺷﺪﻱ ﻛﻮﻳﺲ ﺑﻨﺘﻲ ﻧﺒﻲ ﻧﺸﻮﻓﻬﺎ ﻣﻬﻨﺪﺳﻪ ﻛﺒﻴﺮﺓ ..
ﺍﺑﺘﺴﻤﺖ : ﻳﺎﺍﺍﺍﺭﺏ ..
ﻋﺒﺪﺍﻟﺴﻼﻡ : ﺑﺎﻫﻲ ﻣﻤﻜﻦ ﺳﻨﺪﺭﻳﻼ ﺑﺎﺑﺎ ﺍﺩﻳﺮﻟﻨﺎ ﻣﺎﻧﺎﻛﻠﻮﺍ ﻣﻊ ﺍﻟﻘﻬﻮﺓ ..
ﻧﺎﺿﺖ : ﺣﺎﺿﺮ ...💖
ﻭﻃﻠﻌﺖ ﻣﻦ ﺣﺪﺍﻩ ..
ﺍﻟﺘﻔﺖ ﺷﺒﺢ ﻟﻨﻮﺭ ﺩﺍﺭﻟﻬﺎ ﺣﺮﻛﻪ ﺑﺨﺸﻤﻪ ﺿﺤﻜﺖ ... ﺷﺒﺢ ﻟﻨﻌﻴﻤﻪ ﻟﻘﺎﻫﺎ ﻣﺶ ﻣﻌﺒﺮﺍﺗﻪ ..
ﺷﺒﺤﻠﻬﺎ ﺑﺮﺑﻊ ﻋﻴﻦ ﻭﻣﺸﻲ ...
ﻭﻧﻮﺭ ﺍﺑﺘﺴﻤﺖ .. ﻭﺷﺒﺤﺖ ﻷﻣﻬﺎ ﻟﻘﺘﻬﺎ ﺩﺍﻳﺮﻩ ﺭﻭﺣﻬﺎ ﻻﻫﻴﻪ ﺑﺎﻟﺘﻠﻔﺰﻳﻮﻥ ...
🍁🍁🍁🍁🍁🍁
ﺗﺘﻜﻠﻢ ﺑﻬﻤﺲ ﺗﺤﺖ ﺍﻟﺸﺮﺷﺎﻑ ﺍﻟﻤﺘﻐﻄﻴﻪ ﺑﻴﻪ ..
ﺭﺍﻧﻴﺎ : ﺑﻠﻮﺯﺓ ﻭﺍﺳﻌﻪ ﻟﺘﺤﺖ ﺍﻟﺮﻛﺒﻪ .. ﻭﺣﻖ ﺭﺑﻲ ............. ﺍﻳﻪ .... ﻻﻻ ﺯﻣﺎﻟﻪ ﻭﻻﻋﻤﺎﻟﻪ ........ ﺍﻳﻪ ........ ﺑﺎﻫﻲ ﻭﺍﻧﺖ ...... ﺭﺩ ﺑﺎﻟﻚ ﺍﻫﺎ ﺗﺤﻮﻝ ﺍﻟﺨﺎﺗﻢ ..... ﻫﻬﻬﻬﻬﻬﻬﻬﻪ ....
" ﺭﺍﻧﻴﺎﺍﺍ ..."
ﺭﺍﻧﻴﺎ : ﺑﺎﻱ ﺭﻣﺰﻱ ﺑﺎﻱ ﺑﺎﻱ ... ﻭﺻﻜﺮﺕ ﻃﻮﻝ ...
ﺧﺸﺖ ﺭﺑﺎﺏ : ﻓﺮﺧﻪ ﺭﺍﻧﻴﺎ ﺭﻗﺪﺗﻲ ..
ﺭﺍﻧﻴﺎ ﺣﻮﻟﺖ ﺍﻟﺸﺮﺷﺎﻑ : ﺷﻦ ﺗﺒﻲ ..
ﺭﺑﺎﺏ : ﺗﻔﻜﺮﻱ ﺍﻟﺮﻗﻢ ﺍﻟﻠﻲ ﺩﺭﻫﻠﻲ ﻛﺒﺪﻱ ﻫﺪﺍﻛﺎ ...
ﺭﺍﻧﻴﺎ : ﺍﻳﻪ ... ﺭﺟﻊ ﻳﺮﻥ ﻣﺮﺓ ﺗﺎﻧﻴﻪ .. ﺯﻋﻤﻪ ﻧﻌﻄﻴﻪ ﻟﺤﻤﺰﺓ ﻳﺮﺑﻴﻪ ..
ﺭﺍﻧﻴﺎ : ﺭﺩﻱ ﺑﺎﻟﻚ ﻳﺎﻏﺒﻴﻪ .. ﻭﻛﺎﻥ ﻳﻄﻠﻊ ﻭﺍﺣﺪ ﻣﻦ ﺍﻟﻠﻲ ﻛﻨﺘﻲ ﺗﻜﻠﻤﻲ ﻓﻴﻬﻢ .. ﺣﻲ ﻋﻠﻴﻚ ﺑﻌﺪﻳﻦ ..
ﺭﺑﺎﺏ : ﺑﺎﻫﻲ ﺷﻦ ﺍﻟﺤﻞ ..
ﺭﺍﻧﻴﺎ ﺑﻀﺤﻜﻪ : ﺍﻧﺘﻲ ﺷﻦ ﻏﻴﺮﻙ ﺍﺻﻼ ﻛﻨﺘﻲ ﻗﺒﻞ ﺗﻜﺴﺪﻱ ﻋﻠﻴﻬﻢ ..
ﺭﺑﺎﺏ : ﻗﺮﺭﺕ ﻧﺪﻓﻦ ﺍﻟﻤﺎﺿﻲ ﺍﻻﺳﻮﺩ ﻛﻠﻪ ..
ﺿﺤﻜﺖ ﺭﺍﻧﻴﺎ : ﻭﺷﻦ ﺳﺮ ﻫﺎﻟﻘﺮﺍﺭ ﺍﻟﺨﻄﻴﺮ ...
ﺭﺑﺎﺏ : ﺍﻛﺘﺸﻔﺖ ﺍﻧﻲ ﻣﺶ ﺣﻨﺴﺘﻔﻴﺪ ﺷﻲ ﻣﻦ ﺍﻟﻠﻲ ﻧﺪﻳﺮ ﻓﻴﻪ ﻛﺎﻥ ﻋﻨﺪﻱ ﻧﺼﻴﺐ ﻓﻲ ﺣﺪ ﺗﻮ ﺭﺑﻲ ﻳﺠﻴﺒﻪ ﻓﻮﻗﺘﻪ ..
ﺭﺍﻧﻴﺎ ﺍﺑﺘﺴﻤﺖ : ﻭﺷﻦ ﺧﻼﻙ ﺗﻮﺻﻠﻲ ﻟﻬﺎﻟﻨﺘﻴﺠﻪ .
ﺭﺑﺎﺏ : ﺗﺒﻲ ﺍﻟﺤﻖ ﻣﻦ ﻟﻤﺎ ﺭﻳﺖ ﺍﻟﺸﺮﻗﺎﻭﻱ ﻭﺍﻧﻲ ﻛﺮﻫﺖ ﺟﻨﺲ ﺍﻟﺬﻛﻮﺭ ﺍﻟﻠﻲ ﻫﻨﻲ ... ﻟﻮ ﺗﻠﻤﻴﻬﻢ ﻛﻠﻬﻢ ﻉ ﺑﻌﻀﻬﻢ ﻣﺎﻳﺠﻮﺍ ﻓﻲ ﺭﺑﻌﻪ ﺣﺎﺟﻪ ... ﻛﺎﻣﻞ ﻭﺍﻟﻜﻤﺎﻝ ﻟﻠﻪ .. ﺗﻨﻬﺪﺕ ﻭﻗﺎﻟﺖ .. ﻟﻜﻦ ﺍﻧﻲ ﻫﻜﻲ ﻣﺎﻟﻴﺶ ﻓﻲ ﺍﻟﺒﺎﻫﻴﻪ ﻧﺼﻴﺐ ..
ﺭﺍﻧﻴﺎ : ﻣﺶ ﻛﻠﻬﻢ ﺍﻟﻠﻲ ﻫﻨﻲ ﺯﻱ ﺍﻟﺸﻜﻼﺕ ﺍﻟﻠﻲ ﻋﺮﻓﺘﻴﻬﻢ ﺍﻧﺘﻲ ﺍﻟﻠﻲ ﻣﺎﻋﺮﻓﺘﻴﺶ ﺗﺨﺘﺎﺭﻱ ﺻﺢ .. ﻭﺑﻌﺪﻳﻦ ﺍﻧﻲ ﻓﺮﺣﺎﻧﻪ ﺑﻘﺮﺍﺭﻙ ﻛﺎﻥ ﻋﻨﺪﻙ ﻧﺼﻴﺐ ﻓﻲ ﺣﺪ ﺭﺑﻲ ﻳﺠﻴﺒﻪ ..
ﺭﺑﺎﺏ : ﺑﺎﻫﻲ ﺭﻧﻮﺷﻪ .. ﻣﺎﺣﺒﺘﻴﺶ ﻗﺒﻞ ..
ﺭﺍﻧﻴﺎ ﺍﺭﺗﺒﻜﺖ : ﻻﻻ ﻋﺎﺭﻓﺘﻴﻨﻲ ﻣﺎﻟﻴﺶ ﻓﻴﻪ ..
ﺭﺑﺎﺏ ﺑﻀﺤﻜﻪ : ﺗﻮ ﻳﻄﻴﺤﻮﻙ ﻃﺮﻭﻑ ﺍﻟﺠﺎﻣﻌﻪ ..
ﺍﺑﺘﺴﻤﺖ ﺭﺍﻧﻴﺎ ﻣﺠﺎﻣﻠﻪ ...
🍁🍁🍁🍁🍁
ﺍﻟﺴﺎﻋﻪ 7:00 ﻣﺴﺎﺀﺍ ...
ﺭﺑﻲ ﻳﺤﻔﻈﻬﻢ ...
ﻛﻔﺎﻳﻪ : ﻧﺸﻮﻓﻮﺍ ﺯﻳﻬﻢ ﻋﻨﺪﻙ ﻳﺎﺭﺏ ..
ﺍﺑﺘﺴﻢ ﻫﺎﻧﻴﺒﺎﻝ ﺑﺈﺣﺮﺍﺝ ﻭﻧﺎﺽ : ﻫﻲ ﻣﺎﻻ ﺍﻧﻲ ﺑﻨﺘﻮﻛﻞ ..
ﻛﻔﺎﻳﻪ ﻧﺎﺿﺖ : ﻭﻳﻦ ﻧﻬﺎﺭﻱ ﺍﻗﻌﺪ ﺗﻌﺸﺎ ...
ﻫﺎﻧﻴﺒﺎﻝ : ﻻ ﺳﺎﺩ ﺗﻐﺪﻳﻨﺎ ﻭﺑﻌﺪﻳﻦ ﺑﻨﻌﺪﻱ ﻟﺼﺎﺣﺐ ﺗﻮﺍ ﻳﺴﺘﻨﻰ ﻓﻴﺎ ..
ﻛﻔﺎﻳﻪ : ﺑﺎﻫﻲ ﺑﺮﺍﺣﺘﻚ .. ﻭﻛﺎﻥ ﻗﻌﺪﺕ ﻟﻐﺪﻭﺓ ﻭﻟﻲ ﺑﺎﻫﻲ ...
ﻫﺎﻧﻴﺒﺎﻝ ﺍﺑﺘﺴﻢ : ﻧﺸﻮﻓﻚ ﻉ ﺧﻴﺮ .. ﺳﻠﻢ ﻋﻠﻴﻬﺎ ﺑﺎﻟﺨﺪ ..
ﺳﻘﺪﺍﺗﻪ ... ﻭﻃﻠﻊ ...
ﻛﻔﺎﻳﻪ : ﻓﻲ ﺍﻣﺎﻥ ﺍﻟﻠﻪ ..
ﻫﺎﻧﻴﺒﺎﻝ : ﺑﺎﻟﺴﻼﻣﻪ ...
ﻭﻃﻠﻊ ... ﻣﻦ ﺍﻟﺒﺎﺏ ﺍﻟﺨﺎﺭﺟﻲ ...
ﻓﻲ ﺍﻟﺤﻮﺵ ﺍﻟﻠﻲ ﻓﺠﻨﺐ ﺣﻮﺵ ﻛﻔﺎﻳﻪ ...
ﻛﺎﻧﺖ ﻣﻘﻌﻤﺰﺓ ﻓﻲ ﺍﻟﺒﻼﻛﻮﻧﻪ ... ﺗﺸﻢ ﻓﺮﻳﺤﺔ ﺍﻟﺒﺤﺮ ...
ﻭﺗﺬﻛﺮ ....
> ﻫﺎﻧﻴﺒﺎﻝ : ﻣﺎﻧﻌﺮﻓﺶ ﻧﻘﻮﻝ ﻛﻼﻡ ﺳﻤﺢ .. ﻟﻜﻦ ... ﺍﻧﺘﻲ ... ﺩﺭﺕ ﺣﺎﺟﻪ ﻫﻨﻰ .. ﺍﺷﺮ ﻉ ﻗﻠﺒﻪ ﺑﺼﻮﺍﺑﻌﻪ ﺍﻟﺴﺒﺎﺑﻪ ﻭﺍﻹﺑﻬﺎﻡ ﻭﺍﻟﻮﺳﻄﻰ ﺍﻟﻠﻲ ﻛﺎﻥ ﺿﺎﻣﻬﻢ ﻟﺒﻌﺾ .. <<
ﻧﺰﻟﻮﺍ ﺩﻣﻮﻋﻬﺎ .... ﻭﺍﺳﺘﺎﻗﻀﺖ ﻣﻦ ﺍﻟﺬﻛﺮﻯ ﺍﻟﻠﻲ ﻛﺎﻧﺖ ﺳﺮﺣﺎﻧﻪ ﻓﻴﻬﺎ ﻉ ﺻﻮﺕ ﺑﺎﺏ ﺳﻴﺎﺭﺓ ﺗﺴﻜﺮ ...
ﺷﺒﺤﺖ ﻟﻮﻃﺎ ﺷﺎﻓﺖ ﺍﻟﺴﻴﺎﺭﺓ ﻛﻴﻒ ﺑﺎﺩﻳﻪ ﺗﺘﺤﺮﻙ ...
ﺗﻨﻬﺪﺕ ﻭﻣﺴﺤﺖ ﺩﻣﻮﻋﻬﺎ ﻭﻧﺎﺿﺖ ﺧﺸﺖ ....
ﺗﻮﺟﻬﺖ ﻟﺪﺍﺭﻫﺎ .... ﻣﺸﺖ ﻃﻮﻝ ﻟﺼﻨﺪﻭﻕ ﻋﻨﺪﻫﺎ ﻣﺤﻄﻮﻁ ﻉ ﻃﺎﻭﻟﻪ ﻓﻲ ﺩﺍﺭﻫﺎ ... ﻓﺘﺤﺎﺗﻪ .. ﻭﻃﻠﻌﺖ ﻣﻨﻪ ﺍﻟﺘﻮﻛﺎﺕ ﺍﻟﺰﻭﺯ ....
ﻧﺰﻟﻮﺍ ﺩﻣﻮﻋﻬﺎ ﺳﻴﻞ .... ﻭﻫﻲ ﺗﺘﺄﻣﻞ ﻓﻴﻬﻢ ...
ﻉ ﺧﺸﺔ ﺍﺧﺘﻬﺎ ... ﺷﺎﻓﺘﻬﺎ ...
ﻋﻮﺩﺓ : 11 ﺳﻨﻪ ﻓﺎﺗﺖ ﻳﺎﻋﺮﻭﺑﻪ ﻭﻟﺘﻮﺍ ﻣﺎﻗﺪﺭﺗﻴﺶ ﺗﻨﺴﻲ ..
ﻋﺮﻭﺑﻪ ﺑﺒﻜﻲ : ﻣﻮ ﺋﺪﺭﺍﻧﻪ ﺷﻴﻠﻮ ﻣﻦ ﺑﺎﻟﻲ ﻟﻮ ﻟﺜﺎﻧﻴﻪ ﻭﺣﺪﻩ .. ﻭﺍﻟﻠﻪ ﺍﻟﻌﻈﻴﻢ ﻳﺎﻋﻮﺩﺓ .. ﻣﺎﺋﺪﺭﺕ ﺍﻃﻠﻊ ﺑﺮﺟﺎﻝ ﻏﻴﺮﻭﺍ .. ﺣﺘﻰ .. ﺣﺘﻰ ﻟﻤﺎ ﻓﻜﺮﺕ ﺍﻧﻲ ﺍﺗﻌﺮﻑ ﻭﺍﻋﺮﻑ ﺣﺪﺍ ﺟﺪﻳﺪ .. ﻣﺎﺋﺪﺭﺕ ﻭﺍﻟﻠﻪ ﻣﺎﺋﺪﺭﺕ ..
ﻋﻮﺩﺓ ﺗﻨﻬﺪﺕ ﺑﺤﺮﻗﻪ : ﺇﻥ ﺷﺎﺀ ﺍﻟﻠﻪ ﺗﻌﻔﻦ ﻓﻲ ﺍﻟﺤﺒﻮﺱ ﻳﺎﻫﺎﻳﻞ ﺍﻟﻜﻼﺏ ..
ﻋﺮﻭﺑﻪ ﺍﻧﻬﺎﺭﺕ ﺑﺎﻟﺒﻜﻲ ... ﻭﻋﻮﺩﺓ ﻗﺮﺑﺖ ﻣﻨﻬﺎ ﻭﺣﻀﻨﺘﻬﺎ ﻭﺩﻣﻮﻋﻬﺎ ﻧﺰﻟﻮﺍ ...
🍁🍁🍁🍁🍁
ﺍﻩ ﻳﺎﺻﻔﻮﺍ .. ﻭﺍﻟﻠﻪ ﻟﻮ ﻧﻘﻌﺪ ﻧﻮﺻﻒ ﻋﻤﺮﻱ ﻛﻠﻪ ﻣﺎﻧﻮﻓﻴﻪ ﺣﻘﻪ ..
ﺻﻔﺎﺀ " ﻣﺮﺕ ﺧﻮ ﻣﺠﺪﻭﻟﻴﻦ :" ﺑﺎﻫﻲ ﻭﺷﻦ ﺑﺪﻳﺮﻱ ﺗﻮﺍ ...
ﻣﺠﺪﻭﻟﻴﻦ : ﻫﻮ ﻗﺎﻝ ﺑﻴﺠﻲ ﻏﺪﻭﺓ ﺳﻤﻌﺘﻪ ... ﻓﺒﺎﻟﻲ ﻫﻠﺒﻪ ﺣﺎﺟﺎﺕ ...
ﺻﻔﺎﺀ ﺑﻀﺤﻜﻪ : ﻏﻴﺮ ﺍﻥ ﺷﺎﺀ ﺍﻟﻠﻪ ﻣﺎﻳﻄﻠﻌﺶ ﻣﺮﺗﺒﻂ ..
ﺷﻘﻠﺒﺖ ﻋﻴﻮﻧﻬﺎ : ﻳﺎﻧﻜﻜﻜﻜﻜﻜﻜﻜﺪ ...
ﺻﻔﺎﺀ : ﻫﻬﻬﻬﻬﻬﻬﻬﻬﻬﻪ
🍁🍁🍁🍁
ﻭﺟﻲ ﺍﻟﻴﻮﻡ ﺍﻟﺘﺎﻧﻲ ﻓﻌﻼ ...
ﻟﻜﻦ ﻫﺎﻧﻴﺒﺎﻝ ﺗﻢ ﺍﻟﻤﻮﺿﻮﻉ ﺍﻟﻠﻲ ﺟﺎﻱ ﻉ ﺧﺎﻃﺮﻩ ﻓﻲ ﺍﻟﻠﻴﻞ ﻣﻊ ﺿﻮ ... ﻭﻣﻦ ﺍﻟﺼﺒﺢ ﺗﺴﻘﺪ ﻟﻠﺒﻼﺩ ...
ﻭﻣﺠﺪﻭﻟﻴﻦ ﺍﺳﺘﻨﺖ ﺍﻣﺘﻰ ﺗﺸﻮﻓﻪ ... ﻭﺍﺿﺎﻳﻘﺖ ﻉ ﺍﻵﺧﺮ ﻹﻥ ﺍﻟﺪﻭﺍﻡ ﺗﻢ ﻭﻣﺎﺭﺍﺗﺎﺵ ...
🍃🍃🍃🍃
ﻭﻳﻤﺮ ﻣﻦ ﻫﺪﺍﻛﺎ ...
20 ﻳﻮﻡ ...
ﻣﺎﺯﺍﻟﺖ ﺭﺑﺎﺏ ﺗﻌﺎﻧﻲ ﻣﻦ ﺍﻟﺮﻗﻢ ﺍﻟﻐﺮﻳﺐ ﺍﻟﻠﻲ ﺻﺎﺣﺒﻪ ﻳﺘﺼﻞ ﺑﻴﻬﺎ ﻓﻲ ﺍﻏﻠﺐ ﺍﻟﻮﻗﺖ ﻭﺗﺮﺩﺩﺕ ﻫﻠﺒﻪ ﺗﻌﻄﻲ ﻟﺤﻤﺰﺓ ﻳﺮﺩ ﻋﻠﻴﻪ ﻭﻫﻲ ﻣﺎﺑﺘﺶ ﺗﺮﺩ ﻋﻠﻴﻪ ...
ﺍﻣﺎ ﺭﺍﻧﻴﺎ ﺑﻴﻦ ﺍﻟﻘﺮﺍﻳﻪ ﻭﺍﻟﺤﺐ ﻭﻋﺎﻳﺸﻪ ﺍﺣﻠﻰ ﺍﻳﺎﻣﻬﺎ ﻣﻊ ﺭﻣﺰﻱ
ﺑﺎﻟﺬﺍﺕ ﺑﻌﺪ ﺩﺍﺭﺕ ﺍﻟﺘﻠﻴﻔﻮﻥ ﻭﻟﺖ ﺗﺤﻜﻲ ﻣﻌﺎﻩ ﻓﻲ ﺍﻟﺠﺎﻣﻌﻪ ﺑﺮﺍﺣﺘﻬﺎ ﺍﻭﻗﺎﺕ ﺍﻟﻔﺮﺍﻍ ...
ﺍﻣﺎ ﺩﻻﻝ ﺍﻟﻠﻲ ﻋﺎﺷﺖ ﻓﺘﺮﺓ ﺧﺎﻳﻔﻪ ﻣﻦ ﺍﻧﻬﺎ ﺗﺮﺟﻊ ﺗﺸﻮﻓﻪ ﻣﻦ ﺟﺪﻳﺪ .. ﺗﺤﻮﻝ ﺷﻌﻮﺭ ﺍﻟﺨﻮﻑ ﻭﺑﺪﺕ ﺗﺘﻨﺎﺳﻰ ﻛﻞ ﺷﻲ ﻭﺗﻠﻬﻰ ﺑﻘﺮﺍﻳﺘﻬﺎ ...
ﻋﻜﺴﻪ ﻫﻮ ..
ﺍﻟﻠﻲ ﻣﺎﺑﻄﻠﺶ ﻟﺤﻈﻪ ﺗﻔﻜﻴﺮ ﻓﻴﻬﺎ ﺣﺘﻰ ﻓﻌﺰ ﻋﻤﻠﻪ .. ﻛﻀﺎﺑﻂ ﻓﻲ ﺍﻟﺠﻴﺶ .. ﻭﻳﺘﻨﻘﻞ ﺑﻴﻦ ﺳﺮﺕ ﻭﻃﺮﺍﺑﻠﺲ ﻭﻛﺎﻥ ﻳﻠﻘﻰ ﻃﺮﺍﺑﻠﺲ ﻣﺎﻳﺨﻠﻴﻬﺎ ﺛﺎﻧﻴﻪ ﻷﻧﻬﺎ ﻓﻴﻬﺎ ...💖
🍁🍁🍁🍁🍁
ﺳﺮﺕ 💓
ﻣﺘﻐﻴﺮﺓ ﻣﻌﺎﻱ ﻭﺍﺟﺪ ..
ﻧﻮﺭﻳﻪ : ﻭﺷﻦ ﻏﻴﺮﻫﺎ .. ﻛﺎﻥ ﻣﺎﺻﺎﻳﺮ ﺑﻴﻨﻚ ﻭﺑﻴﻨﻬﺎ ﺷﻲ ..
ﻫﻨﺪﺍ : ﺍﺑﺪﺍ ﻳﻤﻲ ﻭﺍﻟﻠﻪ ﻭﻻ ﻧﻘﺪﺭ .. ﺗﺒﻲ ﻋﻤﺎﺭ ﻳﻘﺘﻠﻨﻲ ..
ﻧﻮﺭﻳﻪ : ﺑﺎﻫﻲ ﻛﻴﻒ ﻣﺘﻐﻴﺮﺓ ﻣﻌﺎﻙ ..
ﻫﻨﺪﺍ ﺗﻨﻬﺪﺕ : ﻣﻮﻃﻴﻪ ﻋﻠﻴﺎ ﺍﻟﻌﻴﻦ ..
ﻧﻮﺭﻳﻪ : ﻧﻘﻮﻟﻚ .. ﺑﺎﻳﻨﻪ ﻭﻭﺍﺿﺤﻪ ﺭﺍﻫﻲ .. ﺗﺒﻲ ﺗﺰﻭﺝ ﻭﻟﺪﻫﺎ ...
ﻫﻨﺪﺍ ﻗﻠﺒﻬﺎ ﺍﻧﻘﺒﺾ ﻭﻟﻮﻧﻬﺎ ﺍﻧﺨﻄﻒ ﻭﺍﻟﺪﻣﻮﻉ ﻓﻴﺴﻊ ﻣﺎﻋﺒﻮﺍ ﺍﻟﻌﻴﻦ ...
ﻧﻮﺭﻳﻪ : ﺧﻴﺮﻙ ﻳﺎﺣﻨﻪ .. ﻣﺎﻙ ﻋﺎﺭﻓﻪ ﻣﻦ ﺍﻷﻭﻝ ﻭﻫﻮ ﻗﺎﻟﻬﻠﻚ ...
ﻫﻨﺪﺍ ﺑﻠﻌﺖ ﺭﻳﻘﻬﺎ ﻭﻗﻌﺪﺕ ﺗﺘﻨﻔﺲ ﺑﺼﻌﻮﺑﻪ ﻭﻫﻲ ﺗﻔﻜﺮ ﻓﻲ ﻛﻼﻡ ﺍﻣﻬﺎ ...
🍁🍁🍁🍁🍁🍁
ﺍﻟﺴﺎﻋﻪ 8:30 ﻣﺴﺎﺀﺍ ...
ﻛﺎﻧﺖ ﻣﻘﻌﻤﺰﺓ ﺗﻘﺮﺍ ...
ﺗﺄﻓﻔﺖ ﻭﻫﻲ ﺗﺸﻮﻑ ﻟﻠﺘﻠﻴﻔﻮﻥ ﺍﻟﻠﻲ ﺭﻥ ﻟﻠﻤﺮﺓ ﺍﻟﻌﺎﺷﺮﺓ ...
ﻧﻮﺭ : ﺭﺩﻱ ﺑﺎﻟﻚ ﺷﻲ ﻣﻬﻢ ..
ﺩﻻﻝ : ﻣﺎﻧﺮﺩﺵ ﻉ ﺍﺭﻗﺎﻡ ﻏﺮﻳﺒﻪ ...
ﻧﻮﺭ : ﻋﺎﺭﻓﻪ .. ﺑﺎﻫﻲ ﺷﻦ ﺭﺍﻳﻚ ﺗﻔﺘﺤﻲ ﻭﺗﺤﻄﻴﻪ ﻉ ﻭﺫﻧﻚ ﺳﻤﻌﺘﻲ ﺻﻮﺕ ﺣﺪ ﻣﺎﺗﻌﺮﻓﻴﺸﻲ ﺻﻜﺮﻱ .
ﺩﻻﻝ ﺷﺒﺤﺖ ﻷﺧﺘﻬﺎ ﺷﻮﻳﻪ ﺑﻌﺪﻳﻦ ﺷﺒﺤﺖ ﻟﻠﺘﻠﻴﻔﻮﻥ ..
ﺷﻮﻳﻪ ﻭﻋﺎﻭﺩ ﺭﻥ ...
ﺧﺪﺕ ﺍﻟﺘﻠﻴﻔﻮﻥ ﻭﻓﺘﺤﺖ ﻭﺣﻄﺖ ﺍﻟﺘﻠﻴﻔﻮﻥ ﻉ ﻭﺫﻧﻬﺎ ...
ﻭﺟﺎﻫﺎ ﺍﻟﺮﺩ ....
❣ ﻋﺎﺭﻑ ﺍﻧﻲ ﻣﺠﻨﻮﻧﻚ
ﻭﻋﻨﺪﻱ ﺍﻟﺴﻌﺎﺩﻩ ﺳﺮﻫﺎ ﻓﻌﻴﻮﻧﻚ
ﻭﺗﻌﺮﻑ ﺍﻧﻲ ﻧﻔﺪﻱ ﺣﻴﺎﺗﻲ ﺩﻭﻧﻚ
ﻭﺍﻧﻲ ﻟﻌﺸﻘﻚ ﻣﺎﻟﻘﻴﺖ ﻣﺜﺎﻳﻞ ...
💖 ﺳﺤﺮ ﺻﻮﺗﻪ ﺍﻟﻬﺎﺩﻱ ﻭﺍﺳﻠﻮﺑﻪ ﻓﻲ ﺍﻹﻟﻘﺎﺀ ﻭﻟﻜﻨﺘﻪ ﺍﻟﺒﺪﻭﻳﻪ ﺍﻟﻤﻤﻴﺰﺓ ﺧﻠﺘﻬﺎ ﻣﺶ ﻗﺎﺩﺭﻩ ﺩﻳﺮ ﺭﺩﺓ ﻓﻌﻞ ﻏﻴﺮ ﺍﻧﻬﺎ ﺗﺴﻤﻊ ..
❣ ﻋﺎﺭﻑ ﺍﻧﻚ ﺳﺎﺣﺮﻧﻲ
ﻭﺍﻥ ﻏﺮﺍﻣﻚ ﻧﺎﺭ ﻭﻣﺬﻭﺑﻨﻲ
ﻭﺗﻌﺮﻑ ﺍﻥ ﻓﻄﻠﺘﻚ ﺗﺴﻌﺪﻧﻲ
ﻭﺍﻧﻲ ﻉ ﺷﺎﻧﻚ ﻧﺪﻳﺮ ﻫﻮﺍﻳﻞ
💖 ﻧﻮﺭ ﺗﺸﻮﻓﻠﻬﺎ ... ﻛﻴﻒ ﻋﻴﻮﻧﻬﺎ ﻣﻌﺒﻴﺎﺕ ﺩﻣﻮﻉ ﻭﺟﻬﻬﺎ ﺍﺣﻤﺮ ..
ﻭﺗﻔﺮﻙ ﻓﺼﻮﺍﺑﻊ ﻳﺪﻫﺎﺍﻟﻴﺴﺎﺭ ﻓﺒﻌﺾ .. ﻭﻣﺴﺘﻐﺮﺑﻪ
❣ ﻋﺎﺭﻑ ﺍﻧﻚ ﻣﺤﺒﻮﺑﻲ
ﻭﺍﻥ ﺷﻤﻮﻋﻚ ﻧﻮﺭﺗﻠﻲ ﺩﺭﻭﺑﻲ
ﻭﺗﻌﻠﻢ ﺍﻧﻚ ﻣﺨﻠﻮﻕ ﺩﻭﺑﻚ ﺩﻭﺑﻲ
ﻭﺍﻥ ﺑﻼﻙ ﺍﻟﺤﻆ ﻳﺒﻘﻰ ﻣﺎﻳﻞ ...
ﻋﺎﺭﻑ ﺍﻧﻲ ﻣﺠﻨﻮﻧﻚ ...
ﻭﻋﻨﺪﻱ ﺍﻟﺴﻌﺎﺩﻩ .. ﺳﺮﻫﺎ ... ﻓﻌﻴﻮﻧﻚ ...
ﺩﻻﻝ ﺗﻨﻬﺪﺕ ﺑﻜﺘﻤﺎﻥ ﻏﻤﻀﺖ ﻋﻴﻮﻧﻬﺎ ﻭﻓﺘﺤﺘﻬﻢ ﻭﻗﺎﻟﺖ : ﺭﺍﻫﻮ ﻫﺎﺩﻱ ﺗﺼﺮﻓﺎﺕ ﻣﺮﺍﻫﻘﻴﻦ ..
ﻋﻤﺎﺭ ﺑﻀﺤﻜﻪ : ﻭﻟﻴﺶ ﺍﻟﻤﺮﺍﻫﻖ ﺑﺲ ﺍﻟﻠﻲ ﻳﻄﻴﺢ ﻓﻲ ﺍﻟﻌﺸﻖ ..
ﺩﻻﻝ : ﻣﺎﺭﻳﺘﺶ ﺣﺪ ﺑﺒﺮﻭﺩﻙ .. ﺭﺍﻫﻮ ﺍﻟﻠﻲ ﺩﻳﺮ ﻓﻴﻪ ﻋﻴﺐ ﺭﺍﻫﻮ ﺍﻧﺖ ﺣﺪ ﻛﺒﻴﺮ ﻭﻣﻔﺮﻭﺽ ﺗﻜﻮﻥ ﻋﺎﻗﻞ ..
ﻋﻤﺎﺭ : ﻭﺣﻖ ﻣﻦ ﺧﻠﻘﻚ ﻳﺎﻟﺮﻳﻢ ﺍﻟﻔﺎﻟﻲ .. ﺍﻟﻌﺸﻖ ﻻﻳﻌﺮﻑ ﻛﺒﺮ ﻭﻻﻋﻘﻞ ..
ﺩﻻﻝ ﺗﺘﻠﺨﺒﻂ ﻫﻠﺒﻪ ﻣﻦ ﻛﻼﻣﻪ ...
ﻭﻧﻮﺭ ﻧﺎﺿﺖ ﻭﺳﻜﺮﺕ ﺍﻟﺪﺍﺭ ...
ﻋﻤﺎﺭ ﺍﺑﺘﺴﻢ : ﺍﻟﻮﻭﻭﻭﻭ ... ﻳﺎﺍﻟﻮﻭﻭﻭ ..
ﺩﻻﻝ : ﺍﺳﻤﻊ ﻫﺎﺩﻱ ﺍﺧﺮ ﻣﺮﺓ ﺗﻜﻠﻤﻨﻲ ﻓﻴﻬﺎ ﻓﺎﻫﻢ ..
ﻋﻤﺎﺭ ﺑﺈﺳﺘﻔﺰﺍﺯ : ﻻﻣﺶ ﻓﺎﻫﻢ ..
ﺩﻻﻝ : ﺍﺳﻤﻊ ﻧﻌﺎﻭﺩ ﻧﻘﻮﻟﻬﺎﻟﻚ ﺍﻧﻲ ﻣﺴﺘﺤﻴﻞ ﻧﻘﺒﻞ ﺑﻴﻚ ﻣﻬﻤﺎ ﺍﺩﻳﺮ .. ﻭﻟﻮ ﻓﻜﺮﺕ ﻓﺤﻨﺎﺧﺪ ﻭﺍﺣﺪ ﻣﻦ ﻋﻤﺮﻱ
ﻋﻤﺎﺭ ﻳﺴﺎﻳﺮ ﻓﻴﻬﺎ ﻭﻳﺤﺎﻭﻝ ﻳﺘﻔﺎﻫﻢ ﻣﻌﺎﻫﺎ ﻉ ﺣﺴﺐ ﻋﻤﺮﻫﺎ : ﻭﺍﻟﻠﻪ ﺍﻟﻜﺒﻴﺮ ﺧﻴﺮﻟﻚ ﺻﺪﻗﻴﻨﻲ .. ﺍﻟﻜﺒﻴﺮ ﻳﺪﻟﻠﻚ ﻭﻳﺪﻟﻌﻚ ﻭﺗﻜﻮﻧﻲ ﺑﻨﻴﺘﻪ ﻣﺶ ﺑﺲ ﻣﺮﺍﺗﻪ ﻭﺣﺒﻴﺒﺘﻪ ..
ﺩﻻﻝ ﺑﺪﻱ ﻗﻠﺒﻬﺎ ﻫﺎﻟﻤﺮﺓ ﻳﺘﻠﺨﺒﻂ ...
ﻋﻤﺎﺭ : ﺍﻟﻜﺒﻴﺮ ﻭﺍﻋﻲ .. ﻳﺴﺎﻳﺮﻙ ﻭﻳﻔﻬﻤﻚ ﻭﻳﺘﻔﻬﻤﻚ ﻭﻳﺪﺍﺭﻳﻚ ﻓﻜﻞ ﻭﻗﺖ . ﺍﻟﻜﺒﻴﺮ ﻋﻘﻠﻪ ﻛﺒﻴﺮ ﻭﻓﺎﻫﻢ ﺍﻟﺤﻴﺎﺓ ﻭﻳﻨﻔﻌﻚ ﻭﻳﻌﻠﻤﻚ ..
ﺩﻻﻝ ﺑﻠﻌﺖ ﺭﻳﻘﻬﺎ ﻭﻏﻤﻀﺖ ﻋﻴﻮﻧﻬﺎ ﺑﺸﺪﻩ ﻭﻗﺎﻟﺖ : ﻣﺎﻳﻨﻄﺒﻘﺶ ﻛﻼﻣﻚ ﻉ ﺍﻟﻜﻞ .. ﻓﻲ ﺷﺒﺎﺏ ﻣﻦ ﺟﻴﻠﻲ ﻋﻘﻮﻟﻬﻢ ﻛﺒﻴﺮﻩ ... ﺯﻱ ﻭﻟﺪ ﺧﺎﻟﺘﻲ ﺣﻤﺰﺓ ﻣﺜﻼ ...
ﻟﻤﺎ ﺳﻤﻊ ﺍﺳﻢ ﺣﻤﺰﺓ ﺗﺒﺪﻟﺖ ﻣﻼﻣﺢ ﻭﺟﻬﻪ ﻟﻠﻐﻀﺐ ﻭﻗﺎﻝ : ﺍﺳﻤﻌﻴﻨﻲ ﺟﺎﻱ .. ﻋﻨﺪﻙ ﻣﻬﻠﻪ ﻭﻭﻗﺖ ﻭﻓﻜﺮﻱ ﻓﻴﻬﻦ 10 ﺍﻳﺎﻡ ﺑﺲ .. ﻭﺭﺍﻫﻮ ﻣﺎﻋﻨﺪﻛﺶ ﻏﻴﺮﺧﻴﺎﺭﻳﻦ .. ﻳﺎﺗﻮﺍﻓﻘﻲ .. ﻳﺎﺗﻮﺍﻓﻘﻲ ... ﻭﺻﻜﺮ ﻋﻠﻴﻬﺎ .. ﻭﻫﻮ ﻳﻐﻠﻲ ﻏﻠﻲ ...
ﺩﻻﻝ : ﺑﺮﺍ ﺑﻠﻂ ﺍﻟﺒﺤﺮ ... ﻭﺍﺣﺪ ﻣﺘﻐﻄﺮﺱ ...
ﻧﻮﺭ : ﺗﻌﺮﻓﻲ ﺧﺎﻳﻔﻪ ﻣﻨﻪ ..
ﺩﻻﻝ ﺭﺟﻊ ﺍﻧﺘﺎﺑﻬﺎ ﺷﻌﻮﺭ ﺍﻟﺨﻮﻑ ... ﻭﻗﻌﺪﺕ ﺗﺨﻤﻢ ...
🍃🍃🍃🍃
ﻭﻓﻌﻼ ...
ﻣﺮﻭﺍ 10 ﺍﻳﺎﻡ ..
ﺑﺲ ﺩﻻﻝ ﺗﻨﺎﺳﺖ ﺍﻟﻤﻮﺿﻮﻉ ﻷﻧﻬﺎ ﻓﻜﺮﺕ ﺗﺨﺒﺮ ﺧﻮﺍﻟﻬﺎ ﺑﺘﺼﺮﻓﺎﺕ ﻋﻤﺎﺭ ﻟﻮ ﻋﺎﻭﺩ ﻭﻛﻠﻤﻬﺎ ﻭﻻﺟﺎﻫﺎ ...
....
ﻓﻲ ﻳﻮﻡ ...
ﺟﻌﺎﺍﺍﺍﺍﻧﻪ ...
ﺭﺍﻧﻴﺎ : ﺍﻛﺜﺮ ﻣﻨﻚ ..
ﺩﻻﻝ : ﺑﺎﻟﻠﻪ ﺭﻧﻮﺷﻲ ﺑﺮﻱ ﺧﻮﺩﻳﻠﻲ ﻣﻌﺎﻙ ...
ﺭﺍﻧﻴﺎ ﺑﻀﺤﻜﻪ : ﺗﻨﺒﺎﻟﻪ ...
ﺧﺪﺕ ﻓﻠﻮﺱ ﻣﻦ ﺩﻻﻝ ﻭﻣﺸﺖ ...
ﻭﻗﻌﺪﺕ ﺩﻻﻝ ﺗﺒﺮﺑﺶ ﻓﻲ ﺗﻠﻴﻔﻮﻧﻬﺎ ..
" ﺍﻟﺴﻼﻡ ﻋﻠﻴﻜﻢ ..."
ﺭﻓﻌﺖ ﻋﻴﻮﻧﻬﺎ ﻭﺍﺑﺘﺴﻤﺖ : ﺣﻤﺰﺓ ...
ﺣﻤﺰﺓ ﺍﺑﺘﺴﻢ ﻭﻗﻌﻤﺰ : ﺷﻦ ﺟﻮ ..
ﺩﻻﻝ : ﺗﻤﺎﻡ ﺷﻦ ﺟﻮﻙ ﺍﻧﺖ ..
ﺣﻤﺰﺓ : ﻣﻴﻪ ﻣﻴﻪ .. ﻭﻳﻦ ﺭﺍﻧﻴﺎ ..
ﺩﻻﻝ : ﻣﺎﺷﻴﻪ ﺍﻟﻜﺎﻓﺘﻴﺮﻳﺎ ﺗﺠﻴﺒﻠﻨﺎ ﻣﺎﻧﺎﻛﻠﻮ ..
ﺣﻤﺰﺓ ﺑﻀﺤﻜﻪ : ﻭﺧﻴﺮﻙ ﻣﺎﻣﺸﺘﻴﺶ ﻣﻌﺎﻩ ..
ﺩﻻﻝ : ﻣﺎﺧﺎﻃﺮﻳﺶ ...
ﺣﻤﺰﺓ : ﺗﻨﺒﺎﻟﻪ ..
ﺩﻻﻝ : ﻫﻬﻬﻬﻬﻬﻬﻪ ...
ﻣﻦ ﺑﻌﻴﺪ ﺷﻮﻳﻪ ﻛﺎﻧﺖ ﻣﺪﺭﺳﻪ ﺍﻟﺴﻴﺎﺭﺓ ﺍﻟﻌﺎﻟﻴﻪ ﺍﻟﺴﻮﺩﺍ .. ﺣﺪﺍ ﻛﺎﻓﺘﻴﺮﻳﺎ ﺍﻟﻬﻨﺪﺳﻪ ...
ﻭﻫﻮ ﻛﺎﻥ ﻓﻴﻬﺎ .. ﻭﻧﺎﺭﻩ ﻭﺍﻟﻌﻪ .... ﺷﺪ ﻉ ﺩﻭﻣﺎﻥ ﺑﻘﻮﺓ ... ﺑﻌﺪﻳﻦ ﻭﻟﻊ ﺍﻟﺴﻴﺎﺭﺓ ﻭﺗﺤﺮﻙ ﻃﻮﻝ ..
🍁🍁🍁🍁🍁🍁🍁
ﻧﺨﺎﻑ ﻧﻘﻮﻟﻠﻬﻢ ﻣﺎﻳﺘﻘﺒﻠﻮﺵ ..
ﺳﻌﺪ : ﻭﺍﻟﻠﻪ؟ !!
ﻛﻔﺎﻳﻪ ﺑﻀﺤﻜﻪ : ﻭﻻﺩﻙ ﻭﻟﻮﺍ ﺭﺟﺎﻟﻪ ﺑﺸﻨﺎﺑﺎﺗﻬﻢ ﺻﻌﺐ ﻳﺘﻘﺒﻠﻮﺍ ﺣﺎﺟﻪ ﺯﻱ ﻫﺎﺩﻱ ..
ﺳﻌﺪ : ﻃﺰ ﻓﻴﻬﻢ 1000 ﻣﺮﺓ ﻫﺪﺍ ﺍﻟﻠﻲ ﻛﺎﻥ ﻧﺎﻗﺺ .. ﺍﻧﻲ ﺑﻨﻘﻮﻟﻠﻬﻢ ﺑﺶ ﻳﺴﺎﻋﺪﻭﻙ ﻣﺶ ﻳﻘﻌﺪ ﺍﻟﺤﻮﺵ ﻛﻠﻪ ﻉ ﺩﻣﺎﻏﻚ ﻳﺎﻛﻔﺎﻳﻪ .. ﺗﻢ ﺍﻟﻜﻼﻡ ..
ﻛﻔﺎﻳﻪ ﺗﻨﻬﺪﺕ ﻭﻫﻲ ﻣﺘﻮﺟﺴﻪ ﻣﻦ ﺍﻟﻤﻮﺿﻮﻉ ..
🍃 ﻓﻌﻼ ... ﻓﻲ ﺍﻟﻠﻲ ﻣﺎﻳﺘﻘﺒﻠﻮﺵ ﺣﻤﻞ ﺍﻻﻡ ﻓﻲ ﻋﻤﺮ ﻣﺘﺄﺧﺮ ﻟﺪﺭﺟﺔ ﺍﻧﻬﻢ ﻳﺎﺧﺪﻭﺍ ﻓﻲ ﻣﻮﻗﻒ ﻣﻦ ﺍﻣﻬﺎﺗﻬﻢ 🍃
ﺑﺲ ﻳﺎﺗﺮﻯ ﺣﻖ ﻭﻻﺩ ﻛﻔﺎﻳﻪ ﺣﻴﺎﺧﺪﻭﺍ ﻣﻮﻗﻒ ﻣﻦ ﺍﻣﻬﻢ ﻟﻤﺎ ﻳﻌﺮﻓﻮﺍ؟ ....🍃
🍁🍁🍁🍁
ﺍﻟﺴﺎﻋﻪ 6:00 ﻣﺴﺎﺀﺍ ...
ﺻﺤﻴﺘﻲ ﺩﻟﻮ ...
ﺍﺑﺘﺴﻤﺖ : ﺗﺒﻲ ﺣﺎﺟﻪ ﺗﺎﻧﻴﻪ ﺑﺎﺑﺎ ..
ﻋﺒﺪﺍﻟﺴﻼﻡ : ﻻﺑﻨﺘﻲ ﺻﺤﻴﺘﻲ ...
ﻣﺸﺖ ﺩﻻﻝ ... ﻭﻋﺒﺪﺍﻟﺴﻼﻡ ﻗﻌﺪ ﻳﺸﺮﺏ ﻓﻲ ﺍﻟﻘﻬﻮﺓ ﻭﻳﺘﻢ ﻓﺨﺪﻣﺘﻪ ...
ﻧﻌﻴﻤﻪ ﻛﺎﻧﺖ ﺍﻃﺒﻖ ﻓﻲ ﺍﻟﺤﻮﺍﻳﺞ ... ﻭﻧﻮﺭ ﺗﻘﺮﺍ ...
ﻭﺩﻻﻝ ﻓﻲ ﺍﻟﻜﻮﺟﻴﻨﻪ ﺑﺘﺼﺐ ﻗﻬﻮﺓ ﻟﺮﻭﺣﻬﺎ ...
ﻧﺎﺷﺖ ﺍﻟﻔﻨﺠﺎﻥ ﺗﺒﺰﻉ ... ﺍﻧﺨﻠﻌﺖ ..
ﻭﺍﻧﺨﻠﻌﺖ ﺍﻛﺜﺮ ﻟﻤﺎ ﺳﻤﻌﺖ ﺑﺎﺏ ﺍﻟﺤﻮﺵ ﻳﺘﻘﺮﺑﻊ ﺗﻘﺮﺑﻴﻊ ...
ﻃﻠﻌﺖ ﻣﻦ ﺍﻟﻜﻮﺟﻴﻨﻪ ... ﻓﺎﺕ ﻗﺪﺍﻣﻬﺎ ﺑﻮﻫﺎ ...
ﻭﻃﻠﻊ .. ﻭﺍﻣﻬﺎ ﻭﺍﺧﺘﻬﺎ ﻭﺍﻗﻔﻴﻦ ﻣﻌﺎﻫﺎ ...
ﻣﺸﺖ ﺩﻻﻝ ﻟﺒﺎﺏ ﺍﻟﻜﻮﺟﻴﻨﻪ ﺍﻟﺨﺎﺭﺟﻲ ﻓﺘﺤﺎﺗﻪ ﻭﻗﻌﺪﺕ ﺗﺸﻮﻑ ...
ﺑﻮﻫﺎ ﻭﺻﻞ ﻓﻲ ﺍﻟﺒﺎﺏ ﺍﻟﺨﺎﺭﺟﻲ ﻓﺘﺤﻪ ...
ﺷﺎﻓﺖ ﺯﻭﺯ ﻣﻨﺎﻇﺮﻫﻢ ﺗﺨﻮﻑ .. ﻃﺒﻮﺍ ﺑﻮﻫﺎ ﻭﺣﻄﻮﻩ ﻓﻲ ﺍﻟﺴﻴﺎﺭﻩ ..
ﺩﻻﻝ : ﺑﺎﺍﺍﺍﺑﺎﺍﺍﺍﺍ ...
ﺗﺤﺮﻛﺖ ﺍﻟﺴﻴﺎﺭﺓ ﺑﺄﺳﺮﻉ ﻣﺎﻋﻨﺪﻫﺎ .....
ﺍﻣﻬﺎ ﺟﺘﻬﺎ ﺗﺠﺮﻱ ... ﻭﺍﺧﺘﻬﺎ ...
ﺩﻻﻝ ﺑﻬﻠﻊ : ﺑﺎﺍﺍﺑﺎﺍﺍﺍ ﻳﺎﻣﺎﻣﺎ .... ﺭﻓﻌﻮﻩ ... ﻳﺎﻣﺎﺍﺍﺍﻣﺎﺍﺍﺍ
... ﻳﺘﺒﻊ ...
" ﺃﺑﻴﺎﺕ ﺍﻟﺸﻌﺮ ﻣﻘﺘﺒﺴﻪ