المتمردين

العشق المتمرد

باقي الجزء87
#العشق_المتمرد

#جمان_فريد

🍁🍁🍁
ﺗﺎﻧﻲ ﻳﻮﻡ
ﻧﺎﺿﻮﺍ ﻣﻦ 7 ﺑﺶ ﻳﺤﻨﻮﺍ ..
ﻣﺎﻳﺠﻴﺶ ﻳﻘﻌﺪﻭﺍ ﺑﻼﺣﻨﻪ ..
ﺍﻟﺒﻨﺎﺕ ﻧﺎﺿﻮﺍ ﺑﺎﻟﺴﻴﻒ ﻭﺣﻨﻮﻫﻢ ..
ﻭﻗﻌﺪﺕ ﻏﺎﻟﻴﻪ ﺑﺮﻭﺣﻬﺎ ﺍﺩﻭﺭ ﻫﻨﻲ ﻭﻏﺎﺩﻱ ..
ﻟﻌﻨﺪ ﺍﻟﺴﺎﻋﻪ .
11:00 .. ﺗﺤﺪﻳﺪﺍ .
ﻃﻖ ﺑﺎﺏ ﻓﻢ ﺍﻟﺒﻮﺍﺑﻪ ..
ﻛﻠﻬﻢ ﺍﺳﺘﻐﺮﺑﻮﺍ ..
" ﻳﺎﻋﻮﻳﻠﻪ .."
ﺷﺒﺤﻮﺍ ﻟﺒﻌﺾ ﺷﻮﻳﻪ ..
ﺑﻌﺪﻳﻦ ﻧﺎﺿﺖ ﻏﺎﻟﻴﻪ ﺑﺶ ﺗﺸﻮﻑ ﻣﻨﻮ ..
ﻭﺻﻠﺖ ﻓﻲ ﺍﻟﺴﻘﻴﻔﻪ ﻭﺷﺎﻓﺖ ﺍﻟﻤﺮﺍﺓ ﺍﻟﻠﻲ ﺟﺎﻳﻪ ..
ﻏﺎﻟﻴﻪ ﻣﺎﺯﺑﻄﺘﻬﺎﺵ ﻟﻜﻦ ﻫﻲ ﻋﺮﻓﺘﻬﺎ ..
ﻧﺮﺟﺲ : ﻏﺎﻟﻴﻪ ..!
ﻏﺎﻟﻴﻪ ﺿﻴﻘﺖ ﻋﻴﻮﻧﻬﺎ ﺷﻮﻳﻪ ﻭﺯﺍﺩﺕ ﺭﻛﺰﺕ ﺗﻮﺳﻌﻮﺍ ﻋﻴﻮﻧﻬﺎ ﺑﺼﺪﻣﻪ ﻭﻗﺎﻟﺖ : ﻧﺮﺟﺲ !
ﻧﺮﺟﺲ ﺑﺈﺑﺘﺴﺎﻣﻪ ﺑﺎﻫﺘﻪ : ﺍﻳﻪ ﻧﺮﺟﺲ ﻣﺮﺕ ﺣﻤﻴﺪﺍ ..
🍃 ﺍﺧﺮ ﻣﺮﺓ ﺷﺎﻓﻮﻫﺎ ﻓﻴﻬﺎ ﻛﺎﻧﺖ ﻓﻌﺮﺱ ﺃﻣﺎﻝ .. ﻭﻓﻌﺮﺱ ﺳﻠﻴﻤﺎﻥ ﻣﺎﺟﺘﺶ ﻷﻥ ﺣﻤﻴﺪﺍ ﻛﺎﻥ ﻳﺎﺧﺪ ﻓﻲ ﺍﻟﻜﻴﻤﺎﻭﻱ ﻭﻗﺘﻬﺎ ﺣﺘﻰ ﺍﻟﻌﺮﺱ ﺩﺍﺭﻭﻩ ﺑﻌﺪ ﻃﻠﺒﻮﺍ ﻣﻨﻪ ﺍﻟﺴﻤﺎﺡ ﻭﻫﻮ ﺷﺠﻌﻬﻢ ﻋﻠﻴﻪ ﻭﺗﻮﺍ ﺟﺎﻳﻴﻦ ﺑﺶ ﺑﻴﺒﺎﺭﻛﻮﺍ ﺣﺘﻰ ﻟﻮ ﻣﺘﺄﺧﺮ ﻭﻓﻨﻔﺲ ﺍﻟﻮﻗﺖ ﺑﻴﺤﻀﺮ ﺣﻤﻴﺪﺍ ﻋﺮﺱ ﻫﺎﻧﻴﺒﺎﻝ .. ﺑﺲ ﺟﻴﺘﻪ ﺍﺳﺎﺳﺎ ﻛﺎﻧﺖ ﻟﻐﺮﺽ ﻭﺍﺣﺪ ﺑﺲ ..
ﻣﻨﻈﺮ ﻧﺮﺟﺲ ﻣﺘﻐﻴﺮ ﻫﻠﺒﻪ ﻣﻜﺒﺮﻫﺎ ﺍﻟﻬﻢ ﺳﻨﻴﻦ ﻭﺷﻜﻠﻬﺎ ﻣﻦ ﻛﺘﺮ ﻣﺎﺗﻐﻴﺮ ﻏﺎﻟﻴﻪ ﻣﺎﺯﺑﻄﺘﻬﺎﺵ 🍃
ﻗﺪﻣﺖ ﻏﺎﻟﻴﻪ ﻭﺳﻠﻤﺖ ﻋﻠﻴﻬﺎ ﻭﺭﺣﺒﺖ ﺑﻴﻬﺎ ﻭﻗﺎﻟﺖ : ﺗﻔﻀﻠﻲ ﺧﺸﻲ ..
ﻧﺮﺟﺲ : ﻻ ﻻ .. ﺍﻧﻲ ﺑﺼﺮﺍﺣﻪ ﺟﺎﻳﺎﺗﻚ ﺍﻧﺘﻲ
ﻏﺎﻟﻴﻪ ﺍﺳﺘﻐﺮﺑﺖ ..
ﻧﺮﺟﺲ : ﻋﻄﻴﻨﻲ ﺷﻮﻳﻪ ﻣﻦ ﻭﻗﺘﻚ ﺑﺲ ..
ﻏﺎﻟﻴﻪ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ..
🍁🍁🍁
ﺑﻌﺪ ﻧﺺ ﺳﺎﻋﻪ ..
ﺧﺸﺖ ﻉ ﺧﻮﺍﺗﻬﺎ ﻓﻲ ﺍﻟﺪﺍﺭ ..
ﺧﺪﺕ ﻋﺒﺎﻳﺘﻬﺎ ﻭﻭﺷﺎﺣﻬﺎ ..
ﺯﻳﻨﺐ : ﺷﻦ ﺗﺒﻲ ﻧﺮﺟﺲ ..
ﻏﺎﻟﻴﻪ ﻭﻫﻲ ﺗﻠﺒﺲ ﻓﻲ ﺍﻟﻮﺷﺎﺡ : ﺗﻮ ﻧﺮﻭﺡ ﻭﻧﺤﻜﻴﻠﻜﻦ ..
ﻭﻃﻮﻝ ﻃﻠﻌﺖ ﻣﻦ ﺣﺪﺍﻫﻢ ..
ﺣﻤﻴﺪﻩ ﺑﺘﻬﻜﻢ : ﺑﻌﺪ ﻋﺮﻑ ﺳﺎﻋﺘﻪ ﻗﺮﺑﺖ ﺟﺎﻱ ﻳﻄﻠﺐ ﻓﺎﻟﺴﻤﺎﺡ .
ﺭﺯﺍﻥ ﺷﺒﺤﺘﻠﻬﺎ ﺑﺤﺪﻩ ﻭﻋﻴﻮﻧﻬﺎ ﻣﻌﺒﻴﺎﺕ ﺩﻣﻮﻉ ..
ﺩﻻﻝ : ﺍﻻ ﺍﻟﺸﻤﺎﺗﻪ ﻓﻲ ﺍﻟﺤﺎﺟﺎﺕ ﻫﺎﺩﻱ ﻳﺎﺧﺎﻟﺘﻲ ..
ﺷﺒﺤﻮﺍ ﻟﺪﻻﻝ ...
ﺣﻤﻴﺪﻩ ﺑﺮﻓﻌﺔ ﺣﺎﺟﺐ : ﻻ ﺑﻨﺘﺸﻤﺖ ﻭﻧﺘﺸﻤﺖ .. ﻃﻴﺎﺡ ﺳﻌﺪ ﺧﺎﻟﺘﻚ ﻏﺎﻟﻴﻪ ﺑﺴﺒﺒﻪ ﻫﺎﻟﻮﺳﺦ ﻋﺸﻤﻬﺎ ﻭﺭﺧﻲ ﺑﻴﻬﺎ ﻭﺧﻼﻫﺎ ﻟﻌﻨﺪ ﺍﻟﻴﻮﻡ ﻣﻘﻬﻮﺭﺓ ..
ﻛﻔﺎﻳﻪ : ﺧﻼﺹ ﺷﻲ ﻋﺪﺍ ﻭﻓﺎﺕ ..
ﻧﻌﻴﻤﻪ : ﻛﻞ ﻭﺍﺣﺪ ﻣﺎﻳﺎﺧﺪ ﻛﺎﻥ ﻧﺼﻴﺒﻪ ..
ﺣﻤﻴﺪﻩ : ﻟﻜﻦ ﻫﻮ ﻋﺸﻤﻬﺎ .. ﻭﺑﺴﺒﺒﻪ ﻫﻮ ﻟﻌﻨﺪ ﻫﺎﻟﻠﺤﻈﻪ ﻣﺎﻋﺎﺩ ﺟﻲ ﺣﺪ ﻟﻐﺎﻟﻴﻪ .. ﺷﺒﺤﺖ ﻓﻮﻕ .. ﻣﺎﺯﻟﺖ ﻧﺒﻴﻬﺎ ﻓﻲ ﺍﻷﺧﺮﻳﻦ ﻳﺎﺭﺑﻲ ..
ﺭﺍﻧﻴﺎ : ﺧﺎﻟﺘﻲ ﺧﻴﺮﻙ !!
ﺣﻤﻴﺪﻩ ﻭﺩﻣﻮﻋﻬﺎ ﻳﻨﺰﻟﻮﺍ : ﻣﺎﻫﻮ ﻣﺎﻧﻜﻨﺶ ﺣﺎﺳﺎﺕ ﺑﺎﻟﻠﻲ ﺗﺤﺲ ﺑﻴﻪ ﺧﺎﻟﺘﻜﻦ ﻏﺎﻟﻴﻪ .
" ﻏﻴﺮ ﺣﺴﻲ ﺑﻴﻪ ﺍﻧﺘﻲ ﺍﻷﻭﻝ "
ﻛﻠﻬﻢ ﻋﻴﻮﻧﻬﻢ ﺗﻮﺟﻬﺖ ﻟﺮﺯﺍﻥ ..
ﺭﺯﺍﻥ ﻭﺩﻣﻮﻋﻬﺎ ﻳﻨﺰﻟﻮﺍ : ﺍﻟﻠﻲ ﻛﻞ ﺷﻮﻱ ﻻﺯﻡ ﺗﺠﺮﺣﻴﻬﺎ ﺑﺎﻟﻜﻼﻡ ﻭﺗﺤﺴﺴﻴﻬﺎ ﺍﻧﻬﺎ ﻧﺎﻗﺼﻪ ﻹﻧﻬﺎ ﻣﺎﺗﺰﻭﺟﺘﺶ ﻟﺘﻮ .. ﻭﻛﺎﻥ ﺗﺒﻴﻨﻲ ﻧﺬﻛﺮﻙ ﺑﻜﻼﻣﻚ ﻧﺬﻛﺮﻙ ﻭﻧﺠﻴﺒﻠﻚ ﺣﺪﻭﺩ ﻭﺑﻠﻘﻴﺲ ﻳﺸﻬﺪﻥ ﻋﻠﻴﻚ ..
ﻛﻠﻬﻢ ﻣﺼﺪﻭﻣﺎﺕ ﻭﻳﺸﻮﻓﻮﺍ ﻟﺤﻤﻴﺪﻩ ..
ﺣﻤﻴﺪﻩ ﺑﺤﻘﺪ : ﺑﻨﺖ ﺳﻌﻴﺪﻩ ﻣﺶ ﻏﺮﻳﺐ ﻋﻠﻴﻚ ..
ﻉ ﺧﺸﺔ ﺍﻟﺤﺎﺟﻪ ﻓﺎﻃﻤﻪ : ﺗﺮﺍ ﺳﻜﺮﻥ ﺍﻓﺎﻣﻜﻦ ﻭﺧﻠﻦ ﻫﺎﻟﻨﻬﺎﺭﻳﻦ ﻳﻤﺸﻮﺍ ﻉ ﺧﻴﺮ .. ﺷﺒﺤﺖ ﻟﺮﺯﺍﻥ .. ﺗﻌﺎﻟﻲ ﻣﻌﺎﻱ ﻟﺪﺍﺭﻱ ..
ﻧﺎﺿﺖ ﺭﺯﺍﻥ ﻃﻮﻝ ﻭﻃﻠﻌﺖ ﻣﻊ ﺣﻨﺎﻫﺎ ..
ﺣﻤﻴﺪﻩ : ﺍﻟﺤﻘﻴﺮﺓ ﺍﻟﻌﻘﺮﺏ ﻫﺪﻱ .. ﺷﺒﺤﺖ ﻟﻜﻔﺎﻳﻪ .. ﺭﺩﻱ ﺑﺎﻟﻚ ﺗﺠﻨﻲ ﻉ ﻭﻟﺪﻙ ﻭﺗﺎﺧﺪﻫﻠﻪ ..
ﻛﻔﺎﻳﻪ ﺳﻜﺘﺖ ﻭﻫﻲ ﻣﻀﺎﻳﻘﻪ ..
ﻭﺍﻟﻜﻞ ﺟﻮﻫﻢ ﺗﻠﺨﺒﻂ ..
ﻭﻧﻌﻴﻤﻪ ﺣﺒﺖ ﺗﻐﻴﺮﻩ : ﺧﻼﺹ ﺑﺎﻟﻠﻪ ﺻﻠﻮﺍ ﻉ ﺍﻟﻨﺒﻲ ﻭﻓﻜﻮﻧﺎ ﻣﻦ ﺍﻟﻨﻜﺪ .. ﻗﻮﻟﻴﻠﻲ ﻛﻔﺎﻳﻪ ﻣﺎﻗﺎﻟﺶ ﻋﻤﺎﺩ ﺍﻣﺘﻰ ﺻﺎﺣﺒﻪ ﺍﻷﻣﺎﺯﻳﻐﻲ ﺑﻴﺠﻲ .
ﻛﻔﺎﻳﻪ : ﻏﺪﻭﺓ ﺑﺈﺫﻥ ﺍﻟﻠﻪ ..
ﺭﺑﺎﺏ : ﻣﺘﺸﻮﻗﻪ ﻧﺸﻮﻑ ﻣﺮﺗﻪ ..
ﺭﺍﻧﻴﺎ ﺑﻀﺤﻜﻪ : ﺣﺘﻰ ﺍﻧﻲ ..
ﻭﻣﻦ ﻫﻨﻲ ﻭﻣﻦ ﻫﻨﻲ ﻫﺪﺭﺯﻭﺍ ﻭﻏﻴﺮﻭ ﺍﻟﻤﻮﺩ ﻛﻠﻪ ..
ﺑﺲ ﺣﻤﻴﺪﻩ ﻗﻌﺪﺕ ﻉ ﺣﺎﻟﻬﺎ ﺣﺘﻰ ﻓﻲ ﺍﻟﻬﺪﺭﺯﺓ ﻣﺎﺗﺒﻴﺶ ﺗﺸﺎﺭﻙ ﻭﻣﻦ ﺩﺍﺧﻠﻬﺎ ﺗﺴﺤﻦ ..
🍁🍁🍁🍁
ﻓﻨﻔﺲ ﺍﻟﻮﻗﺖ ..
ﻛﺎﻧﺖ ﻏﺎﻟﻴﻪ ﻣﺎﺷﻴﻪ ﻣﻊ ﻧﺮﺟﺲ ﻟﺤﻮﺵ ﻋﻤﻬﺎ ...
ﻭﺑﻄﺮﻳﻘﻬﺎ ﻟﻠﻤﺮﺑﻮﻋﻪ ﺍﻟﺨﺎﺭﺟﻴﻪ ..
ﻛﺎﻥ ﻓﺪﺍﺧﻠﻬﺎ ﺻﺮﺍﻉ ﺭﻫﻴﺐ ..
ﺑﻴﻦ ﺍﻟﺤﻘﺪ ﺍﻟﻠﻲ ﻓﺪﺍﺧﻠﻬﺎ ﻉ ﺣﻤﻴﺪﻩ ..
ﻭﺑﻴﻦ ﺷﻔﻘﺘﻬﺎ ﻉ ﺣﺎﻟﻪ ﻭﺣﺎﻝ ﻣﺮﺗﻪ ..
ﻛﺎﻥ ﻗﻠﺒﻬﺎ ﻳﺪﻕ ﺑﺎﻟﻘﻮﺓ ﻣﻦ ﺭﻫﺒﺔ ﺍﻟﻤﻮﻗﻒ ﺍﻟﻠﻲ ﻫﻲ ﻣﻘﺒﻠﻪ ﻋﻠﻴﻪ ..
ﻃﻘﺖ ﺍﻟﺒﺎﺏ ﻧﺮﺟﺲ ﻭﻗﺎﻟﺖ : ﺣﻤﻴﺪﺍ ..
ﻫﻮ ﻣﻦ ﺩﺍﺧﻞ : ﺧﺸﻲ ..
ﻓﺘﺤﺖ ﻧﺮﺟﺲ ﺍﻟﺒﺎﺏ ﻭﺧﺸﺖ ...
ﻭﺧﺸﺖ ﻭﺭﺍﻫﺎ ﻏﺎﻟﻴﻪ ..
ﺍﻟﻠﻲ ﻟﻤﺎ ﺷﺎﻓﻬﺎ ﺣﻤﻴﺪﺍ ﻃﻮﻝ ﺩﻣﻮﻋﻪ ﻋﺒﻮﺍ ﻋﻴﻮﻧﻪ ..
ﻫﻲ ﺍﻧﺼﺪﻣﺖ ﻓﺸﻜﻠﻪ ﻛﻴﻒ ﺭﺍﺡ ..
ﻣﻨﻈﺮﻩ ﺗﻘﻮﻝ ﻣﻨﻈﺮ ﺷﻴﺒﺎﻧﻲ ﻓﻮﻕ 80 ﺳﻨﻪ ..
ﻣﺶ ﻣﺼﺪﻗﻪ ﺍﻥ ﻫﺪﺍ ﻫﻮ ﻧﻔﺴﻪ ﺣﻤﻴﺪﺍ ﺍﻟﻄﻮﻳﻞ ﺍﻟﻌﺮﻳﺾ ﺍﻟﺠﺬﺍﺏ
ﻫﻮ ﻧﻔﺴﻪ ﺍﻟﻬﺰﻳﻞ ﺍﻟﺸﺎﻳﺐ ﺍﻟﻤﺘﺼﻠﻊ ﺍﻟﻠﻲ ﺗﺸﻮﻑ ﻓﻴﻪ ﻗﺪﺍﻣﻬﺎ ..
ﺣﻤﻴﺪﺍ ﺑﺼﻮﺕ ﻣﺨﻨﻮﻕ : ﻏﺎﻟﻴﻪ !
ﻧﺮﺟﺲ ﺑﺄﻟﻢ : ﺍﻫﻲ ﺟﺒﺘﻬﺎﻟﻚ ﻳﺎﺣﻤﻴﺪﺍ ﺑﺶ ﺗﺴﻤﻌﻬﺎ ﻣﻨﻬﺎ ﻭﺗﺮﺗﺎﺡ ﻭﺗﻘﺎﻭﻡ ﻭﺗﺘﻌﺎﻟﺞ ﻭﺗﻘﻌﺪﻟﻨﺎ ﺍﻧﻲ ﻭﺻﻐﺎﺭﻧﺎ ..
ﻏﺎﻟﻴﻪ ﻗﻠﺒﻬﺎ ﺍﻟﻄﻴﺐ ﺍﻟﺼﺎﻓﻲ ﻣﺎﺗﺤﻤﻠﺶ ﻛﻞ ﺍﻟﻠﻲ ﺷﺎﻓﻪ ﻭﺳﻤﻌﻪ ..
ﺷﺒﺤﺖ ﻟﺤﻤﻴﺪﺍ ﻭﻗﺎﻟﺖ ﻭﻫﻲ ﻣﺒﺘﺴﻤﻪ ﺑﺮﺿﺎ ﻭﺛﻘﻪ : ﻛﻠﻪ ﺭﺍﺡ ﻭﻋﺪﺍ ﻳﺎﻭﻟﺪ ﻋﻤﻲ ﻭﻛﻞ ﻭﺍﺣﺪ ﻓﻬﺎﻟﺪﻧﻴﺎ ﻟﻴﻪ ﻧﺼﻴﺒﻪ ﻭﻗﺴﻤﻪ .. ﻭﻫﺪﻯ ﻣﻘﺴﻮﻣﻲ ﻭﻣﻘﺴﻮﻣﻚ .. ﻭﺍﻟﺤﻤﺪﻟﻠﻪ .. ﻭﻛﺎﻧﻚ ﻋﻠﻴﺎ ﺍﻧﻲ ﺭﺍﻧﻲ ﻧﺴﻴﺖ ﻛﻞ ﺷﻲ ﻟﻴﺎ ﻭﻗﺖ .. ﺗﺮﻳﺢ ﺍﻧﻲ ﻣﺎﻓﻘﻠﺒﻲ ﻋﻠﻴﻚ ﺷﻲ .. ﻭﻛﺎﻥ ﻧﻬﺎﺭ ﺍﻧﻮﺟﻌﺖ ﻣﻨﻚ ﺍﻧﻲ ﻣﺴﺎﻣﺤﺎﺗﻚ ﺩﻧﻴﺎ ﻭﺍﺧﺮﺓ ﻳﺎﺣﻤﻴﺪﺍ ..
ﺣﻤﻴﺪﺍ ﻭﻫﻮ ﻣﺨﻨﻮﻕ ﺑﻌﺒﺮﺗﻪ : ﻣﻦ ﻗﻠﺒﻚ ﻳﺎﻏﺎﻟﻴﻪ؟ !
ﻏﺎﻟﻴﻪ ﺑﺈﺑﺘﺴﺎﻣﻪ : ﻭﺍﻟﻠﻪ ﻣﻦ ﻭﺳﻂ ﻗﻠﺒﻲ .. ﻭﻧﺪﻋﻴﻠﻚ ﺭﺑﻲ ﻳﺸﻔﻴﻚ ﻭﻳﺤﻔﻈﻚ ﻟﻌﻴﻠﺘﻚ ..
ﺷﺒﺢ ﺍﻟﻘﺪﺍﻡ ﻭﻫﺰ ﺭﺍﺳﻪ ﺑﺈﻳﺠﺎﺏ .. ﻭﺩﻣﻮﻋﻪ ﻧﺰﻟﻮﺍ ..
ﻏﺎﻟﻴﻪ ﺷﺒﺤﺖ ﻟﻨﺮﺟﺲ : ﺭﺑﻲ ﻳﺴﻤﻌﻨﺎ ﻋﻨﻜﻢ ﻛﻞ ﻃﻴﺐ ..
ﻧﺮﺟﺲ : ﻭﺭﺑﻲ ﻳﻌﻄﻴﻚ ﻉ ﻗﻴﺲ ﻧﻴﺘﻚ ﻳﺎﻃﻴﺒﻪ ..
ﺍﺑﺘﺴﻤﺖ ﻏﺎﻟﻴﻪ ﻭﻫﻲ ﺗﻬﺰ ﻓﺮﺍﺳﻬﺎ ﺑﺈﻳﺠﺎﺏ ﻭﻗﺎﻟﺖ : ﻫﻲ ﺑﺎﻟﺴﻼﻣﻪ ..
ﻃﻮﻝ ﻟﻔﺖ ﻭﻃﻠﻌﺖ ﻭﺻﻜﺮﺕ ﻭﺭﺍﻫﺎ ﺍﻟﺒﺎﺏ ..
ﺧﺪﺕ ﻧﻔﺲ ﻋﻤﻴﻖ ..
ﻭﺭﺟﻌﺖ ﺍﺭﺗﺴﻤﺖ ﻉ ﻭﺟﻬﻬﺎ ﺍﺑﺘﺴﺎﻣﺔ ﺭﺍﺣﻪ ..
ﺑﻌﺪﻳﻦ ﻣﺸﺖ ﺑﻄﺮﻳﻘﻬﺎ ﻣﺮﻭﺣﻪ ﻟﻠﺤﻮﺵ ..
ﻭﻫﻲ ﺣﺎﺳﻪ ﺑﺮﺍﺣﻪ ﻋﺠﻴﺒﻪ ..
ﺗﺨﻠﺼﺖ ﻣﻦ ﻛﻞ ﺷﻲ ﻟﻴﻪ ﻋﻼﻗﻪ ﺑﺎﻟﻤﺎﺿﻲ ..
ﺍﺭﺗﺎﺣﺖ ﻷﻧﻬﺎ ﺳﺎﻣﺤﺖ ..
ﺍﺭﺗﺎﺣﺖ ﻷﻧﻬﺎ ﻫﻜﻲ ﺧﺪﺕ ﺣﻘﻬﺎ ﻭﺯﻳﺎﺩﻩ ..
ﺍﺭﺗﺎﺣﺖ ﺍﻥ ﻣﻌﺎﺵ ﻓﻲ ﻓﻘﻠﺒﻬﺎ ﺷﻲ ﻟﺤﻤﻴﺪﺍ ﺣﺘﻰ ﻟﻮ ﻛﺎﻥ ﻛﺮﻩ ..
ﻭﺍﺭﺗﺎﺣﺖ ﺍﻛﺜﺮ ﺍﻥ ﺭﺑﻲ ﻗﺪﺭﻟﻬﺎ ﻫﺎﻟﺘﻘﺪﻳﺮ ..
ﻭﺍﻥ ﻛﻞ ﺷﻲ ﺻﺎﺭ ﻓﺤﻴﺎﺗﻬﺎ ﻛﺎﻥ ﻟﻴﻬﺎ ﻓﻴﻪ ﺧﻴﺮﺓ ..
ﺭﻥ ﺗﻠﻴﻔﻮﻧﻬﺎ ..
ﻓﺘﺤﺖ ﺍﻟﻌﺒﺎﻳﻪ ﻭﻃﻠﻌﺎﺗﻪ ﻣﻦ ﺟﻴﺐ ﺍﻟﻘﻔﻄﺎﻥ ..
ﻭﺷﺎﻓﺖ ﺍﻟﻤﺘﺼﻞ ..
ﻏﺎﻟﻴﻪ : ﻫﻬﻬﻬﻬﻬﻪ ... ﻋﺎﺩ ﺍﻧﺖ ﻣﺶ ﻣﻌﺮﻭﻑ ﻛﺎﻧﻚ ﺧﻴﺮ ﻭﻻ ﺷﺮ .. ﺍﻟﺸﻲ ﺍﻟﻮﺣﻴﺪ ﺍﻟﻠﻲ ﻧﻌﺮﻓﻪ ﺍﻥ ﺗﺨﻠﻲ ﻓﻴﺎ ﻧﻔﺮﺡ ﻭﻳﻦ ﺗﻜﻠﻤﻨﻲ .
ﻓﺘﺤﺖ ﺍﻟﺨﻂ ﻭﺭﺩﺕ ..
ﻏﺎﻟﻴﻪ : ﺍﻳﻮﻩ ..
ﻫﻮ ﺭﺩ ﻭﻗﺎﻝ ..
" ﺍﺗﻌﻠﻤﻲ ﻣﻦ ﺍﻧﺘﻲ؟
ﺍﻧﺘﻲ ﺍﻟﻨﻌﻤﻪ ﺍﻟﺘﻲ ﺍﻏﻤﺾ ﻋﻴﻨﺎﻱ ﻓﻲ ﻧﻬﺎﻳﺔ ﻛﻞ ﻳﻮﻡ ﻭﺍﺩﻋﻮﺍ ﺍﻥ ﻻﺃﻓﻘﺪﻫﺎ .."
ﻏﺎﻟﻴﻪ : ﻫﻬﻬﻬﻬﻬﻬﻬﻪ ..
ﻧﺠﻤﻲ ﺑﺮﻓﻌﺔ ﺣﺎﺟﺐ : ﻗﻠﺖ ﻧﻜﺘﻪ !!
ﻏﺎﻟﻴﻪ ﺑﻀﺤﻜﻪ : ﺍﺳﻔﻪ .. ﺑﺲ ﺍﻟﺤﻜﺎﻳﻪ ﺗﺨﻠﻄﺖ ﻋﻠﻴﺎ ..
ﻧﺠﻤﻲ ﺑﺈﺑﺘﺴﺎﻣﻪ : ﻋﺮﺱ ﻭﺟﻮ ﻣﻠﻴﺢ ﻭﻫﻴﺎﺟﻪ ..
ﻏﺎﻟﻴﻪ ﺑﻀﺤﻜﻪ : ﻣﺎﻧﺤﻜﻴﻠﻚ ..
ﻧﺠﻤﻲ : ﻻ ﺍﺣﻜﻴﻠﻲ .. ﻧﺒﻲ ﻧﺴﻤﻊ ﻫﺪﺭﺯﺗﻚ ﻣﺎﻧﺒﻴﻜﺶ ﺗﺴﻜﺘﻲ .. ﺳﺒﺤﺎﻥ ﻣﻦ ﻋﻄﺎﻙ ﻫﺎﻟﺼﻮﺕ ﻣﺮﻳﺢ ﻻﺑﻌﺪ ﺣﺪ ..
ﻏﺎﻟﻴﻪ ﺑﺈﺑﺘﺴﺎﻣﻪ : ﺑﻌﺪ ﺍﻟﻌﺮﺱ ﺇﻥ ﺷﺎﺀ ﺍﻟﻠﻪ ﻷﻧﻲ ﻣﺸﻨﻮﻗﻪ ﻟﺮﻗﺒﺘﻲ ..
ﻧﺠﻤﻲ ﺑﻀﺤﻜﻪ : ﺑﺎﻫﻲ ﻳﺎﺳﺘﻲ .. ﺑﻌﺪ ﺍﻟﻌﺮﺱ ﻧﺮﺍﺟﻮ ﺍﻟﻠﻪ ﻏﺎﻟﺐ ..
ﻏﺎﻟﻴﻪ ﺷﺎﻓﺖ ﻫﺎﻧﻴﺒﺎﻝ ﺟﺎﻱ ﻣﻦ ﺑﻌﻴﺪ ﻗﺮﻳﺐ ﺟﺎﻫﺎ ﺻﻔﻴﺮ : ﻫﻴﺎ ﺗﻮﺍ ﺑﻨﺴﻜﺮ ﺑﺎﻫﻲ .. ﺳﻼﻡ ﻭﺻﻜﺮﺕ ﻃﻮﻝ ..
ﻗﻌﺪﺕ ﺗﻤﺸﻲ ﻭﺗﺸﻮﻓﻠﻪ ﻛﻴﻒ ﺟﺎﻳﻬﺎ ﻫﻲ ﻃﻮﻝ .
ﻟﻴﻦ ﺍﻧﺨﻄﻒ ﻟﻮﻧﻬﺎ ﻣﻦ ﺍﻟﺨﻮﻑ ..
ﻭﺻﻞ ﻓﻴﻬﺎ : ﻭﻳﻦ ﻛﻨﺘﻲ . .
ﻏﺎﻟﻴﻪ ﺑﺮﺑﻜﻪ : ﻓﺤﻮﺵ ﻋﻤﻲ ...
ﺷﺒﺢ ﺟﻬﺔ ﺣﻮﺵ ﻋﻤﻪ ﺷﻮﻳﻪ ﺑﻌﺪﻳﻦ ﺷﺒﺤﻠﻬﺎ : ﺳﻮﺍﺑﻴﺖ ﺍﻟﻜﺴﻮﺓ ﻳﻮﺻﻠﻦ ﻫﻨﻰ ﺍﻟﺴﺎﻋﻪ 4:30 ﺑﺎﻟﺰﺑﻂ .. ﺑﻴﺠﻴﺒﻬﻦ ﺗﻮﻓﻴﻖ ..
ﺍﻟﺴﺎﻋﻪ 5:30 ﺗﺴﻘﺪﻭﺍ ﻣﻦ ﻫﻨﻰ ..
ﻏﺎﻟﻴﻪ ﺑﻀﺤﻜﻪ : ﺣﺘﻰ ﻉ ﻛﺮﻋﻴﻨﺎ ..
ﺍﺑﺘﺴﻢ ﻉ ﺟﻨﺐ ﻭﻫﻮ ﻳﻮﺯﻉ ﻓﻨﻈﺮﻩ ﻉ ﺍﻟﻤﻜﺎﻥ ﺑﻌﺪﻳﻦ ﺣﻚ ﺣﺎﺟﺒﻪ ﻭﻗﺎﻝ : ﻧﻌﻄﻴﻚ ﺗﺸﻮﻓﻲ ﺻﻮﺭﻫﻦ ﻭﺗﻌﻄﻴﻨﻲ ﺭﺍﻳﻚ ..
ﺍﺑﺘﺴﻤﺖ ﺑﺤﻤﺎﺱ : ﺗﺮﺍ ..
ﻃﻠﻊ ﺗﻠﻴﻔﻮﻧﻪ ﻣﻦ ﺟﻴﺒﻪ .. ﻭﻗﻌﺪ ﻳﺒﺮﺑﺶ ﻓﻴﻪ ﻓﺘﺢ ﻉ ﺍﻟﺼﻮﺭ ﻭﻣﺪﻫﻠﻮﻫﺎ ﻭﻗﺎﻝ : ﻣﺸﻲ ﻣﻦ ﺍﻟﻴﻤﻴﻦ ..
ﻏﺎﻟﻴﻪ ﺧﺪﺍﺗﻪ ﻭﻗﻌﺪﺕ ﺗﺸﻮﻑ ﻭﺗﻤﺸﻲ ﻭﻫﻮ ﻳﺮﺍﻗﺐ ﻓﺮﺩﺓ ﻓﻌﻠﻬﺎ ..
ﻏﺎﻟﻴﻪ : ﻣﺎﺷﺎﺀ ﺍﻟﻠﻪ ﻣﺎﺷﺎﺀ ﺍﻟﻠﻪ .. ﺗﺒﺎﺭﻙ ﺍﻟﻠﻪ ﺷﺒﺤﺘﻠﻪ .. ﺍﻟﻤﻜﺎﻥ ﻭﻳﻦ ﺍﻟﻠﻲ ﺩﺭﺗﻪ ﻓﻴﻬﻦ .
ﻫﺎﻧﻴﺒﺎﻝ : ﻓﻄﺮﺍﺑﻠﺲ ..
ﻏﺎﻟﻴﻪ ﺑﻀﺤﻜﻪ : ﻏﺎﺩﻱ !!
ﻫﻮ ﺍﺑﺘﺴﻢ ﻭﻗﺎﻝ؛ﻳﻌﻨﻲ ﻳﻌﺠﺒﻦ ..
ﻏﺎﻟﻴﻪ : ﺍﻛﻴﺪ ﻳﻌﺠﺒﻦ .. ﻭﺑﻌﺪﻳﻦ ﻣﺮﺍﻡ ﻣﺎﺗﺮﻛﺰﺵ ﻓﺎﻟﺤﺎﺟﺎﺕ ﻫﺪﻳﻦ ﻭﺍﺟﺪ ﺭﺍﻫﻲ .. ﺑﺮﻏﻢ ﺍﻧﻬﺎ ﺗﺴﺘﺎﻫﻞ ﻳﻨﺪﺍﺭﻟﻬﺎ ﺳﻮﺍﺑﻴﺖ ﻓﻲ ﺍﺣﺴﻦ ﻣﻜﺎﻥ ﺣﺘﻰ ﻟﻮ ﻛﺎﻥ ﺑﻌﻴﺪ ..
ﻣﺪﺗﻠﻪ ﺍﻟﺘﻠﻴﻔﻮﻥ ...
ﻫﻮ ﺧﺪﺍﻩ ﻭﻗﺎﻝ : ﻳﻌﻨﻲ ﻳﺎﻏﺎﻟﻴﻪ ﻫﺎﻟﻤﺮﺓ ﺻﺎﺑﺖ ﻣﻌﺎﻱ ..
ﻏﺎﻟﻴﻪ : ﻭﺑﻘﻮﺓ ..
ﺿﺤﻚ ﻭﺣﻂ ﻳﺪﻩ ﻉ ﺭﺍﺳﻬﺎ ﺑﻌﺪﻳﻦ ﻟﻒ ﻭﻣﺸﻲ ..
ﻫﻲ ﻗﻌﺪﺕ ﺗﺸﻮﻓﻠﻪ ﻭﺗﻘﻮﻝ ﻓﻨﻔﺴﻬﺎ " ﻉ ﻗﺪ ﻣﺎﺗﺒﺎﻥ ﺟﺎﻑ ﻭﻭﺍﻋﺮ ﻟﻜﻨﻚ ﻣﻦ ﺩﺍﺧﻞ ﻣﻠﻴﺎﻥ ﺣﻨﺎﻧﻪ ﻭﻧﻴﺘﻚ ﺩﻳﻤﺎ ﺻﺎﻓﻴﻪ ﻫﺪﻯ ﻟﻴﺶ ﺭﺑﻲ ﺭﺯﻗﻚ ﺑﻴﻬﺎ ... ﺭﺑﻲ ﻳﻬﻨﻴﻚ ﻳﺎﻭﺧﻴﻲ "
ﺗﻨﻬﺪﺕ ﺑﺈﺑﺘﺴﺎﻣﻪ ﻭﻛﻤﻠﺖ ﻃﺮﻳﻘﻬﺎ ﻟﻠﺤﻮﺵ ..
🍁🍁🍁🍁🍁
ﺍﻟﺴﺎﻋﻪ 4:00 ﻣﺴﺎﺀﺍ ..
ﻓﺤﻮﺵ ﻣﻴﻼﺩ ...
ﺷﻦ ﺭﺍﻳﻚ ﺣﺪﻭﺩ ..
ﺣﺪﻫﻢ ﺣﻮﻟﺖ ﺍﻟﻤﺴﻜﺮﻩ ﻭﻗﺎﻟﺖ : ﻋﺴﺴﻞ ..
ﺑﻠﻘﻴﺲ ﺑﻀﺤﻜﻪ : ﺍﻧﺘﻲ ﺍﻋﺴﻞ ..
ﺭﺯﺍﻥ : ﺷﻦ ﺭﺍﻳﻜﻦ ﻫﺪﻯ ﻳﻤﺸﻲ ﻣﻊ ﺍﻟﻘﻔﻄﺎﻥ ﻭﻻﻫﺪﻯ ..
ﺍﻟﺰﻭﺯ ﻗﺎﻟﻮﺍ : ﺍﻟﺬﻫﺒﻲ ..
ﺭﺯﺍﻥ ﺑﻀﺤﻜﻪ : ﺣﺘﻰ ﺍﻧﻲ ﻗﻠﺖ ﻫﻜﻲ ..
ﺑﻠﻘﻴﺲ : ﺑﺎﻫﻲ ﺻﺒﻲ ﻭﺗﻲ ﺭﻭﺣﻚ ..
ﺭﺯﺍﻥ : ﻣﺎﺯﺍﻟﺖ 5:30 ..
ﺑﻠﻘﻴﺲ : ﻣﺎﺯﺍﻝ ﻋﻴﻨﻚ .. ﺍﻟﻮﻗﺖ ﻳﻌﺪﻱ ﻛﻴﻒ ﺍﻟﺮﻳﺢ .. ﻗﺎﻟﺘﻬﺎ ﻭﻫﻲ ﺗﺤﺮﻙ ﻓﺴﺒﺎﺑﺘﻬﺎ ﺣﺮﻛﻪ ﺩﺍﺋﺮﻳﻪ ..
ﺭﺯﺍﻥ ﺑﻀﺤﻜﻪ : ﺑﺎﻫﻲ ﻳﺎﺭﻳﺢ ﺍﻧﺘﻲ ﺍﻟﻬﻲ ﺑﻤﻜﻴﺎﺟﻚ ..
ﺗﻨﻬﺪﺕ ﺑﻠﻘﻴﺲ : ﻛﺎﻥ ﻣﺶ ﻋﻴﺐ ﻭﺣﺮﺍﻡ ﺭﺍﻧﻲ ﺧﻠﻴﺖ ﻋﻤﻚ ﻳﺸﻮﻓﻨﻲ ﻫﻜﻲ ﺑﺎﻟﻚ ﺑﺎﻟﻚ .. ﺍﻟﺮﺷﺎﺩﻩ ﺍﻟﻠﻲ ﻓﺼﺪﺭﻩ ﺗﺰﺣﺰﺡ ﺷﻮﻱ ..
ﺿﺤﻜﻮﺍ ﺣﺪﻫﻢ ﻭﺭﺯﺍﻥ ..
ﺭﺯﺍﻥ ﺑﻀﺤﻜﻪ : ﺗﻲ ﻫﻲ ﺷﺮﻗﺖ ﻣﺶ ﻏﻴﺮ ﺍﺗﺰﺣﺰﺣﺖ ..
ﺷﺒﺤﻮﻟﻬﺎ ﺍﻟﺰﻭﺯ ..
ﺑﻠﻘﻴﺲ : ﺷﻦ ﻗﺼﺪﻙ .
ﺿﺤﻜﺖ ﺭﺯﺍﻥ : ﻫﺪﻯ ﻳﺎﺣﻨﻪ ﺍﻭﻝ ﺍﻣﺲ ........
🍁🍁🍁🍁
ﻣﻊ ﺍﻟﻌﺼﺮ ...
ﺩﻻﻝ ﻓﻲ ﺍﻟﺪﺍﺭ ﺗﻠﺒﺲ ﻓﻲ ﺍﻟﺒﻨﻴﺎﺕ ﺍﻟﺼﻐﺎﺭ ﻭﻗﻌﺪﺕ ﺍﺧﺮ ﻭﺣﺪﻩ ﺑﻨﺖ ﻛﻔﺎﻳﻪ ..
ﺩﻻﻝ : ﻫﻴﺎ ﺣﺒﻴﺒﺘﻲ ﻧﻮﺭﻫﺎﻥ ﺍﺷﺒﺤﻴﻠﻲ ..
ﺷﺒﺤﺘﻠﻬﺎ ﻧﻮﺭﻫﺎﻥ ﻭﻣﺪﺕ ﺷﻮﺍﺭﺑﻬﺎ ..
ﺿﺤﻜﺖ ﺩﻻﻝ ﻭﺑﺪﺕ ﺍﺩﻳﺮﻟﻬﺎ ﻓﺎﻟﺮﻭﺝ ..
ﻛﻔﺎﻳﻪ ﻭﻫﻲ ﺗﻠﺒﺲ ﻓﻲ ﺍﻟﻔﺠﺮﻩ ﺷﺒﺤﺘﻠﻬﺎ : ﺍﻟﺘﺎﺭﻳﺦ ﻳﻌﻴﺪ ﻧﻔﺴﻪ ..
ﺷﺒﺤﺘﻠﻬﺎ ﺩﻻﻝ ..
ﻛﻔﺎﻳﻪ : ﻓﻌﺮﺱ ﺧﺎﻟﻚ ﺣﻤﻴﺪ ﺍﻧﻲ ﺩﺭﺗﻠﻚ ﺍﻟﺮﻭﺝ ..
ﺯﻳﻨﺐ ﻭﺭﺑﺎﺏ ﺗﺴﺎﻋﺪ ﻓﻴﻬﺎ ﻓﺎﻟﻠﺒﺲ : ﻧﺒﻲ ﺍﻭﺝ .
ﺿﺤﻜﻮﺍ ..
ﻭﺩﻻﻝ ﺗﻀﺤﻚ ..
ﻛﻔﺎﻳﻪ : ﻻ ﻭﻫﺪﻳﻜﺎ ﺍﻟﻠﻴﻠﻪ ﺭﺍﺳﻬﺎ ﻭﺍﻟﻒ ﺳﻴﻒ ﺗﻄﻠﻊ ﺗﻮﺭﻱ ﻫﺎﻧﻴﺒﺎﻝ ﻗﻔﻄﺎﻧﻬﺎ ..
ﺩﻻﻝ ﺗﻼﺷﺖ ﺍﺑﺘﺴﺎﻣﺘﻬﺎ ﻭﺳﺮﺣﺖ ﺑﺬﻛﺮﻳﺎﺗﻬﺎ ..
⚡ ﻓﻼﺵ ﺑﺎﻙ ..
ﺑﺪﺍﻳﺔ ﺯﻭﺍﺟﻬﻢ ﻟﻤﺎ ﻗﻌﺪ ﻳﺤﻜﻴﻠﻬﺎ ﺍﻭﻝ ﻣﺮﺓ ﺭﺍﻫﺎ ﻓﻴﻬﺎ ﻭﻫﻲ ﺻﻐﻴﺮﺓ ..
ﻋﻤﺎﺭ ﻭﻫﻮ ﺣﺎﺿﻨﻬﺎ : ﺟﺎﺑﻚ ﻣﺤﻤﺪ ﻭﻗﺘﻬﺎ ﻛﻨﺘﻲ ﺗﺒﻲ ﻫﺎﻧﻴﺒﺎﻝ ﻳﺸﻮﻑ ﺷﻦ ﻻﺑﺴﻪ .. ﻛﻨﺘﻲ ﻛﻴﻒ ﺍﻟﻠﻌﺒﻪ ﺳﺒﺤﺎﻥ ﺍﻟﻤﺒﺪﻉ ﺟﻤﺎﻟﻚ ﻃﺎﻏﻲ ﻭﺑﺮﺍﺋﺘﻚ ﻣﺨﻠﻄﺔ ﺑﺎﻟﺸﻄﺎﻧﻪ .. ﺷﺒﺤﻠﻬﺎ ﻭﺿﺤﻚ .. ﻭﻗﺘﻬﺎ ﻫﺎﻧﻴﺒﺎﻝ ﻋﻄﺎﻙ ﻟﻴﺎ ﻭﻋﺪﺍ ﻣﺶ ﻋﺎﺭﻑ ﺷﻦ ﻳﺪﻳﺮ ﻧﺴﻴﺖ .. ﺍﻟﻤﻬﻢ ﻋﻠﻤﺘﻚ ﺍﺳﻤﻲ .. ﻧﻘﻮﻟﻚ ﻗﻮﻟﻲ ﻋﻤﺎﺭ .... ﻋﻢ .. ﺍﺭ ...
ﺍﻧﺘﻲ ﻗﻠﺘﻲ ﻭﺭﺍﻱ ... ﻋﻤﺎﻝ ... ﻗﺎﻟﻬﺎ ﻭﻫﻮ ﻳﻘﻠﺪ ﻓﺼﻮﺗﻬﺎ ..
ﺩﻻﻝ : ﻫﻬﻬﻬﻬﻬﻬﻬﻬﻬﻬﻪ .. ﻋﻤﺎﻝ !! ﻋﻠﻴﻚ ﻋﺎﺭ ..
ﻋﻤﺎﺭ ﺑﻀﺤﻜﻪ : ﺑﺎﻟﻌﻜﺲ ﺣﺒﻴﺖ ﻋﻤﺎﻝ ﺍﻛﺜﺮ ﻣﻦ ﻋﻤﺎﺭ ..
ﺩﻻﻝ ﺷﺒﺤﺘﻠﻪ ..
ﻋﻤﺎﺭ : ﻋﺸﻘﺘﻪ 💕
ﻫﻲ ﻏﻴﺮﺕ ﻋﻴﻮﻧﻬﺎ ﻋﻨﻪ ..
ﺧﺪﻱ ﺑﻮﺳﻪ ﻣﻦ ﺧﺪﻫﺎ ﺧﻄﻒ ..
ﺩﻻﻝ ﺗﻜﺮﻫﺒﺖ ﻭﻭﺟﻬﻬﺎ ﻭﻻﺍﺣﻤﺮ : ﻣﻌﺎﺵ ﺍﺩﻳﺮﻟﻲ ﻫﻜﻲ .
ﻋﻤﺎﺭ : ﻫﻬﻬﻬﻬﻬﻬﻬﻬﻬﻬﻬﻬﻪ ..
⚡ ﺍﻟﻮﻗﺖ ﺍﻟﺤﺎﺿﺮ ..
ﺩﻣﻮﻋﻬﺎ ﻃﺎﺣﻮﺍ .
ﻛﻔﺎﻳﻪ : ﺧﻴﺮﻙ ﺩﻟﻮﻟﻪ ..
ﻣﺴﺤﺖ ﺩﻣﻮﻋﻬﺎ ﻓﻴﺴﻊ ﻭﺿﺤﻜﺖ : ﻻﺷﻲ ..
ﺷﺒﺤﺖ ﻟﻨﻮﺭﻫﺎﻥ ﻭﻗﺎﻟﺖ .. ﺭﺑﻲ ﻳﻌﻄﻴﻬﺎ ﺍﺣﻠﻰ ﺣﻈﻮﻅ ﺍﻟﺪﻧﻴﺎ ﻭﻳﺨﻠﻴﻬﺎ ﺩﻳﻤﺎ ﺗﻀﺤﻚ ﺯﻱ ﺍﻣﻴﻤﺘﻬﺎ ﺍﻟﻌﺴﻞ ..
ﺍﺑﺘﺴﻤﺖ ﻛﻔﺎﻳﻪ ﺑﺄﻟﻢ ..
ﺯﻳﻨﺐ ﺷﺒﺤﺖ ﻟﺮﺑﺎﺏ ..
ﻭﺭﺑﺎﺏ ﻛﺎﻧﺖ ﺗﻤﺴﺢ ﻓﺪﻣﻮﻋﻬﺎ ﻭﻋﻲ ﺗﺤﻂ ﻓﺎﻟﺸﻨﺒﻴﺮ ﻉ ﺭﺍﺱ ﺍﻣﻬﺎ ..
ﻭﺑﺎﻫﻲ ﺍﻟﻠﻲ ﻧﻌﻴﻤﻪ ﺗﺒﺪﻝ ﻓﺪﺍﺭ ﺗﺎﻧﻴﻪ ﻭﻣﻌﺎﻫﺎ ﻧﻮﺭ ..
ﻓﺠﺄﺓ ..
ﺻﻮﺕ ﺯﻏﺮﻭﻃﻪ ﺻﺪﺡ ﻓﻲ ﺍﻟﺤﻮﺵ ﻛﻠﻪ ..
ﻏﺎﻟﻴﻪ ﺑﻔﺮﺣﻪ؛ﺍﻧﻘﺮﺕ ﺍﻟﻔﺎﺗﺤﻪ ..
ﻓﺎﻃﻤﻪ ﺑﻔﺮﺣﻪ : ﺍﻟﺤﻤﺪ ﻟﻠﻪ ﻳﺎﺭﺑﻲ ﺑﺎﻟﻬﻨﻲ ﻳﺎﺭﺑﻲ ﺑﺎﻟﻬﻨﻲ ..
ﻃﻠﻌﺖ ﻧﻮﺭ ﺑﺎﻟﺪﺭﺑﻮﻛﻪ ﻭﻫﻲ ﺗﺰﻏﺮﻁ ..
ﻛﻔﺎﻳﻪ : ﺗﻌﺎﺍﺍﺍﺍﻟﻮﺍ ﻫﻨﻲ ..
ﺿﺤﻜﻮﺍ ﻭﻃﻮﻝ ﻣﺸﻮﺍ ﻟﻠﺪﺍﺭ ﺍﻟﻠﻲ ﻓﻴﻬﺎ ﺍﻟﻠﻲ ﻳﺼﺪﺭﻭﺍ ..
ﻭﻧﻌﻴﻤﻪ ﻭﻟﻄﻴﻔﻪ ﻣﻌﺎﻫﻢ ..
ﻭﺑﺪﺕ ﻧﻮﺭ ﺍﺩﺭﺑﻚ ..
ﻭﻫﻤﺎ ﻳﺼﻔﻘﻮﺍ ..
ﺭﺑﺎﺏ : ﻳﺎﻣﺒﺮﻭﻙ ﻋﻠﻰ ﺍﻟﺤﺒﻴﺐ ﺳﺠﻠﻨﺎﻫﺎ ﻓﻲ ﺍﻟﻜﺘﻴﺐ .
ﻛﻔﺎﻳﻪ ﺯﻏﺮﻃﺖ ..
ﻭﺍﻟﺒﺎﻗﻲ ﻳﺮﺩﻭﺍ ﻭﺭﺍ ﺭﺑﺎﺏ ..
ﺷﻮﻳﻪ ﻭﺧﺸﻮﺍ ﺣﺪﻭﺩ ﻭﺑﻠﻘﻴﺲ ﻭﺭﺯﺍﻥ ﻭﻣﻌﺎﻫﻢ ﺳﻌﻴﺪﻩ ..
ﺑﻠﻘﻴﺲ : ﻧﻮﺭ ﺍﻟﻌﻴﻦ ﻗﺮﻱ ﻓﺎﺗﺤﺘﻪ .. ﻭﺍﻟﻌﻘﺒﻪ ﻟﺨﻮﺗﻪ ﺍﻟﻠﻲ ﺗﺤﺘﻪ ..
ﺣﺪﻫﻢ ﺿﺤﻜﺖ ..
ﺭﺩﻭﺍ ﻭﺭﺍﻫﺎ ..
ﻭﺳﻌﻴﺪﻩ ﻭﻏﺎﻟﻴﻪ ﻳﺰﻏﺮﻃﻮﺍ ...
ﺭﺍﻧﻴﺎ : ﺍﻟﻴﻮﻡ ﻗﺮﻳﻨﺎ ﺍﻟﻔﺎﺗﺤﻪ ... ﺑﺎﻟﺬﺭﻳﻪ ﺍﻟﺼﺎﻟﺤﻪ ...
ﺭﺩﻭﺍ ﻭﺭﺍﻫﺎ ...
ﺣﺪﻫﻢ : ﻧﻮﺭ ﺍﻟﻌﻴﻦ ﻗﺮﻱ ﻓﺎﺗﺤﺘﻪ ... ﺟﺎﺏ ﺍﻟﻌﻴﻦ ﺍﻟﻠﻲ ﺟﺎﺭﺣﺘﻪ ..
ﺣﻤﻴﺪﻩ ﻣﻄﺖ ﺷﻮﺍﺭﺑﻬﺎ ﺑﺘﻬﻜﻢ ﻭﻫﻲ ﺗﺼﻔﻖ ﺑﺎﻟﺴﻴﻒ ..
🍁 ﻓﻌﺰ ﺩﺭﺑﻮﻛﺘﻬﻢ ﻭﻏﻨﺎﻫﻢ ..
ﻭﻗﻔﻮﺍ ..
ﻟﻤﺎ ﺳﻤﻌﻮﺍ ﺻﻮﺕ ﺍﻟﻨﻮﺑﻪ ﺍﻟﺘﺨﺒﻂ ..
ﻋﻴﻄﻮﺍ ﻛﻠﻬﻢ ..
ﻛﻔﺎﻳﻪ : ﺍﻟﻠﻪ ﻳﺴﺎﻣﺤﻚ ﻳﺎﻋﻤﺎﺩ ﻳﺎﻭﻟﺪﻱ ﻛﻴﻒ ﺑﻨﺮﻗﺺ ﺗﻮﺍ
ﻓﺎﻃﻤﻪ : ﻋﻠﻴﻚ ﻣﻬﺒﻮﻟﻪ ..
ﺿﺤﻜﻮﺍ ...
💕💕💕💕💕
ﻓﻲ ﺣﻮﺵ ﺍﻟﻌﺮﻭﺱ ..
ﻛﺎﻧﺖ ﻣﺮﺍﻡ ﻻﺑﺴﻪ ﺍﻟﺒﻮﺩﺭﻱ ﻭﻭﺍﻗﻔﻪ ﻓﻨﺼﻬﻢ ﻭﻫﻤﺎ ﻳﺸﺘﻮﺍ ﻋﻠﻴﻬﺎ ..
ﻓﺎﻳﺰﺓ : ﻳﺎﺑﻨﻴﻪ ﺑﻘﺪﺍﺭﻙ ﻋﺎﺑﻲ ... ﻣﺒﺮﻭﻙ ﻋﻠﻴﻚ ﺍﻟﺸﺮﻫﺎﺑﻲ ..
ﺭﺩﻭﺍ ﻭﺭﺍﻫﺎ ﻭﻓﻲ ﻣﻨﻬﻢ ﻳﺰﻏﺮﻃﻮﺍ ..
ﻭﺣﺪﻩ ﻣﻦ ﺍﻗﺎﺭﺑﻬﻢ :
ﻳﺎﺳﻌﺪ ﺍﻟﻠﻲ ﻧﺎﺳﺐ ﻫﻠﻨﺎ .. ﻳﻐﺮﻑ ﺑﺎﻟﻜﺎﺷﻴﻚ ﻋﺴﻠﻨﺎ ....
ﻭﺍﻟﺰﻏﺎﺭﻳﻂ ﻗﻠﺒﺖ ﺍﻟﺪﻧﻴﺎ ..
ﻭﻣﺮﺍﻡ ﻛﺎﻥ ﺗﻠﻘﻰ ﻣﻦ ﻓﺮﺣﺘﻬﺎ ﺍﻃﻴﺮ ..
💕 ﺧﻼﺹ .. ﻭﻟﺖ ﻣﺮﺗﻪ ..
ﺳﺒﺤﺎﻧﻚ ﻳﺎﻣﻘﺴﻢ ﺍﻷﺭﺯﺍﻕ ﻭﻣﺆﺟﻠﻬﺎ ﻟﻮﻗﺘﻬﺎ ﺍﻟﻤﻨﺎﺳﺐ ..
ﺗﺄﺧﺮﺕ .. ﺑﺶ ﺍﻟﻔﺮﺣﻪ ﺗﻜﻮﻥ ﺍﺿﻌﺎﻑ ﻣﻀﺎﻋﻒ
🍃 ﻭﻋﺴﻰ ﺍﻥ ﺗﻜﺮﻫﻮﺍ ﺷﻴﺌﺎ ﻭﻳﺠﻌﻞ ﺍﻟﻠﻪ ﻓﻴﻪ ﺧﻴﺮﺍ ﻛﺜﻴﺮﺍ ..
ﻣﺶ ﺑﺲ ﺧﻴﺮ ﻻ ... ﺧﻴﺮﺍ ﻛﺜﻴﺮﺍ 🍃...
💕💕💕💕💕💕💕
ﻓﻲ ﺍﻟﻘﻄﻌﻪ ..
ﺍﻟﻮﻻﺩ ﻳﻨﻘﺰﻭﺍ ﻣﻊ ﺑﻌﺾ ﻭﺑﺼﻮﺕ ﻭﺍﺣﺪ ..
ﻫﻴﻴﻴﻲ .. ﻫﺎﺍﺍﺍﺍﺍﺍ ...
ﻫﻴﻴﻴﻲ ... ﻫﺎﺍﺍﺍﺍﺍﺍﺍ ...
ﻫﻲ ... ﻫﻲ .. ﻫﻲ .. ﻫﺎﺍﺍﺍﺍﺍﺍﺍ
ﻭﺍﻟﺒﻨﺎﺕ ﻣﻌﺎﻫﻢ ﻣﻦ ﺍﻟﺨﻴﻤﻪ ...
...
ﻓﻲ ﺍﻟﺪﺍﺭ ..
ﻛﻔﺎﻳﻪ : ﻗﺮﻳﺐ ﻧﻔﻚ ﺍﻟﺤﻮﻟﻲ ..
ﺿﺤﻜﻮﺍ ﻋﻠﻴﻬﺎ ﺧﻮﺍﺗﻬﺎ ﻭﺩﻻﻝ ..
....
ﺗﻐﻴﺮﺕ ﻣﻮﺳﻴﻘﻲ ﺍﻟﻨﻮﺑﻪ ﻟﻠﺤﻦ ﺍﻏﻨﻴﻪ .. ﻣﺤﺒﻮﺑﻲ ﺭﻭﺡ ﺍﻟﺴﻤﺎﺭﻩ ..
ﻗﻌﺪﻭﺍ ﻳﻐﻨﻮﺍ ﻓﻴﻬﺎ ﺑﺼﻮﺕ ﻭﺍﺣﺪ ..
ﻣﺤﺒﻮﺑﻲ ﺭﻭﺡ ﺍﻟﺴﻤﺎﺭﺓ ﻭﺍﺧﺪ ﻋﻘﻠﻲ ...
ﻣﺤﺒﻮﺑﻲ ﺭﻭﺡ ﺍﻟﺴﻤﺎﺭﺓ ﻭﺍﺧﺪ ﻋﻘﻠﻲ ..
ﻛﻴﻒ ﻧﻌﻴﺶ ﺑﻼﻩ ..
ﻭﻛﻴﻒ ﻧﻘﺪﺭ ﻧﻨﺴﺎﻩ ..
ﻭﻋﻤﺎﺩ ﻳﺼﻮﺭ ﻓﻴﻬﻢ ﻓﻴﺪﻳﻮ ﻭﻳﻐﻨﻲ ﻣﻌﺎﻫﻢ ...
🍃 ﻃﺒﻌﺎ ﻫﻤﺎ ﺟﻮ ﺑﺎﻟﻨﻮﺑﻪ ﻣﻦ ﺣﺪﺍ ﺍﻟﺠﺎﻣﻊ ﻟﻠﻘﻄﻌﻪ ﻃﻮﻝ 🍃..
ﺷﻮﻳﻪ ﻭﺟﺎﻫﻢ ﻫﺎﻧﻴﺒﺎﻝ ﻭﻫﻮ ﻻﺑﺲ ﻋﺮﺑﻲ " ﺍﻟﻜﺎﻁ .."
ﻟﻮﻧﻪ ﻋﺴﻠﻲ .. ﻃﺎﻟﻊ ﻓﻴﻪ ﻃﻠﻌﻪ ﻣﺶ ﻋﺎﺩﻳﻪ ..
ﺍﻟﻮﻻﺩ ﻟﻤﺎ ﺷﺎﻓﻮﻩ ..
ﻣﺮﻭﺍﻥ ﺑﻜﻞ ﺣﻤﺎﺱ : ﺍﺿﺮﺏ ﻳﺎﻣﻴﻢ ﻳﺎﻃﺎ .. ﻭﻫﻨﻴﻮﻩ ﺟﺎﺏ ﻣﺮﺍﺓ ..
ﻭﺍﻟﻨﻮﺑﻪ ﺗﺨﺒﻂ ﺑﻘﻮﺓ ..
ﻭﺍﻟﻮﻻﺩ ﺑﺤﻤﺎﺱ ﺍﻛﺜﺮ : ﺍﺿﺮﺏ ﻳﺎﻣﻴﻢ ﻃﺎ ﻭﻫﻨﻴﻮﻩ ﺟﺎﺏ ﻣﺮﺍﻩ ..
ﺷﻮﻳﻪ ﻭﺟﺒﺪﻭﻩ ..
ﻫﺎﻧﻴﺒﺎﻝ : ﻻﺍﺍﻻﺍﺍﺍ ﻣﺎﺗﺨﻠﻮﻧﻴﺶ ﻧﻔﺼﻞ ..
ﻋﻤﺮ : ﺗﻔﺼﻞ ﻭﻻ ﺗﻮﺻﻞ ﻣﺎﺿﺎﻝ ﺍﻻ ﺩﺍﻳﺮﻫﺎﻟﻚ ..
ﻭﺷﺪﻭﻩ ﻫﻮ ﻭﻣﺤﻤﺪ ﻭﺳﻠﻴﻤﺎﻥ ﻭﺣﻤﺰﺓ ...
ﺯﻭﺯ ﻣﻦ ﻛﺘﺎﻓﻪ ﻭﺯﻭﺯ ﻣﻦ ﺭﺟﻠﻴﻪ ﻭﻗﻌﺪﻭﺍ ﻭﻃﻴﺮﻭﻩ ﻓﻮﻕ ..
ﻫﺎﻧﻴﺒﺎﻝ ﻭﻫﻮ ﻳﻀﺤﻚ : ﻋﻦ ﻓﻴﺘﻜﻢ ﻣﺮﺓ ... ﻭﺍﺍﺍﺍﺍﺍﺣﺪﻩ ..
ﻭﻋﻤﺎﺩ ﻳﻀﺤﻚ ﻭﻳﺼﻮﺭ ﻓﻴﻬﻢ ﻭﻫﻤﺎ ﻳﻄﻴﺮﻭﺍ ﻓﻴﻪ ﻭﻳﺘﻠﻘﻮ ﻓﻴﻪ ﻗﺮﻳﺐ ﺗﻼﺗﻪ ﻣﺮﺍﺕ ...
ﺍﻟﺒﻨﺎﺕ ﻣﻦ ﻓﺘﺤﺎﺕ ﺍﻟﺨﻴﻤﻪ ﻳﺸﻮﻓﻮﺍ ..
ﺭﺑﺎﺏ : ﺳﻌﺪﻭﺩﻫﻢ ﺍﻟﺰﻓﺖ ..
ﻧﻮﺭ : ﻳﺎﺭﻳﺘﻴﻨﻲ ﻭﻟﺪ ..
ﺿﺤﻜﻮﺍ ﻋﻠﻴﻬﺎ ...
💕💕💕💕
ﻭﺯﺍﺩﺕ ﺭﺑﺨﺖ ..
ﻟﻤﺎ ﻧﺰﻝ ﻋﻤﺎﺩ ﺍﻟﻜﺎﻣﻴﺮﺍ ﻭﻗﺎﻝ ..
ﻭﺍﺷﻜﺮﺍﺭﺍﺭﺍﻩ ... ﻭﺍﺷﻜﺮﺍﺭﺍﺭﻱ ...
ﻭﺍﻟﻠﻲ ﺷﺎﺩ ﺍﻟﻄﺒﻞ ﻣﻌﺎﻩ ﺑﺎﻟﻄﻘﻪ ..
ﻭﺍﻟﻴﻮﻡ ﻧﻘﻴﻤﻮﻫﺎ .. ﻭﺻﻠﻮﺍ ﻉ ﺍﻟﻨﺒﻲ ...
ﺍﻟﻮﻻﺩ : ﻫﻴﻴﻴﻴﻴﻴﻲ ..
ﻭﺍﺷﻜﺮﺍﺭﺍﺭﺍﻩ .. ﻭﺍﺷﻜﺮﺍﺭﺍﺭﻱ ...
ﻭﺍﻟﻴﻮﻡ ﻧﻘﻴﻤﻮﻫﺎ ﻭﺻﻠﻮﺍ ﻉ ﺍﻟﻨﺒﻲ ...
ﺍﻟﺒﻨﺎﺕ ﻭﻫﻤﺎ ﻳﻨﻘﺰﻭﺍ ﻓﻲ ﺍﻟﺨﻴﻤﻪ ..
ﻭﺍﺷﻜﺮﺍﺭﺍﺭﺍﻩ .. ﻭﺍﺷﻜﺮﺍﺭﺍﺭﻱ ..
ﻭﺍﻟﻴﻮﻡ ﻧﻘﻴﻤﻮﻫﺎ ﻭﺻﻠﻮﺍ ﻉ ﺍﻟﻨﺒﻲ ..
💕💕💕💕💕💕
ﻭﺑﻌﺪ ﻫﺎﻻﺟﻮﺍﺀ ﺍﻻﻛﺜﺮ ﻣﻦ ﺭﺍﺋﻌﻪ ...
ﺗﺴﻘﺪﻭﺍ ﻋﺮﺏ ﺍﻟﻜﺴﻮﺓ ﺑﻜﺴﻮﺗﻬﻢ ﻟﺤﻮﺵ ﻋﺒﻮﺩﻩ ..
ﻭﺍﺳﺘﻘﺒﻠﻮﻫﻢ ﺍﺣﺴﻦ ﺍﺳﺘﻘﺒﺎﻝ ..
ﻭﺍﻟﻨﻮﺑﻪ ﻗﻌﺪﺕ ﺗﺨﺒﻂ ﻗﺪﺍﻡ ﺍﻟﺒﺎﺏ ﺣﻮﺍﻟﻲ ﺭﺑﻊ ﺳﺎﻋﻪ ..
ﺩﺍﺧﻞ ﻓﻲ ﺍﻟﺤﻮﺵ ..
ﻛﺎﻧﻮﺍ ﺍﻟﺴﻮﺍﺑﻴﺖ .. ﻣﺤﻄﻮﻃﺎﺕ ﻉ ﺍﻷﺭﺽ ﻓﻲ ﺍﻟﺨﻴﻤﻪ .
ﻭﺍﻟﻨﺎﺱ ﺗﺸﻮﻑ ﺑﺈﻋﺠﺎﺏ ﺷﺪﻳﺪ ..
ﻭﺍﻫﻞ ﺍﻟﻌﺮﻳﺲ ﻭﺍﻫﻞ ﺍﻟﻌﺮﻭﺳﻪ ﺑﺪﻭﺍ ﺑﻮﺻﻠﺘﻬﻢ ..
ﺍﻫﻞ ﺍﻟﻌﺮﻭﺳﻪ ...
ﺍﻟﻌﻴﻦ ﻗﺎﻟﺖ ﻳﺎﻣﺮﺣﺐ ﺑﻴﻪ ﺍﻟﻠﻲ ﺟﺎﻧﺎ ﻭﺟﺎﺏ ﻛﺴﺎﻭﻳﻪ ..
ﻛﻔﺎﻳﻪ ...
ﻣﺎﺟﺒﻨﺎﻟﻚ ﺣﺎﺟﻪ ﺷﻴﻨﻪ .. ﻣﻦ ﺍﻟﺴﻮﻕ ﺍﻟﻔﻮﻗﻲ ﻛﺴﻴﻨﺎ ..
ﺍﻫﻞ ﺍﻟﻌﺮﻭﺳﻪ ..
ﻳﺎﻣﺒﺮﻭﻙ ﻉ ﻏﺎﻟﻴﺘﻲ ... ﺣﻄﻴﺘﻚ ﻭﻳﻦ ﺗﻬﻨﻴﺘﻲ ..
ﺯﻳﻨﺐ ..
ﺳﻠﻢ ﺳﻴﺪ ﺍﻟﻜﺎﺻﻪ ... ﻣﺎﺧﻼ ﺣﺎﺟﻪ ﺧﺎﺻﻪ ..
ﻓﺎﻳﺰﺓ .
ﻳﺎﻏﺎﻟﻲ ﺑﻴﺶ ﺍﺩﻟﻌﻬﺎ ... ﺣﺘﻰ ﻟﻠﺨﺎﺭﺝ ﻃﻠﻌﻬﺎ ..
ﺣﻤﻴﺪﻩ ﺭﻓﻌﺖ ﺣﺎﺟﺒﻬﺎ ..
ﻭﺳﻤﻴﻪ ﺷﺒﺤﺖ ﺑﺈﺯﺩﺭﺍﺀ ..
ﻧﻌﻴﻤﻪ ..
ﻳﺎﺑﻨﻴﻪ ﺳﻌﺪﻙ ﻣﻘﻮﺍﻩ ... ﺟﺎﻙ ﻭﻟﻴﺪ ﻳﺨﺎﻑ ﺍﻟﻠﻪ ...
ﺧﺪﻳﺠﻪ ..
ﺳﻠﻢ ﺍﻣﻴﻤﺘﻬﺎ ﺍﻟﺮﺑﺎﻳﻪ ... ﻓﻴﻬﺎ ﻋﻴﻦ ﺗﻘﻮﻝ ﻣﺮﺍﻳﻪ ..
ﺳﻌﻴﺪﻩ ..
ﻭﻟﺪﻧﺎ ﺻﻘﺮ ﻭﺍﻧﺘﻲ ﺭﻳﻤﻪ .. ﺍﻥ ﺷﺎﺀ ﺍﻟﻠﻪ ﺑﻌﺸﺮﺓ ﻋﻤﺮﻩ ﺩﻳﻤﺎ ..
💕💕💕💕💕
ﻭﺑﻌﺪ ﻣﺎﻳﻘﺎﺭﺏ ﺭﺑﻊ ﺳﺎﻋﻪ ..
ﻃﻠﻌﻮﺍ ﻣﺮﺍﻡ ﻭﻫﻲ ﻣﻐﻄﻴﻪ ﺑﺎﻟﻔﺮﺍﺷﻴﻪ ..
ﻭﺩﺍﺭﻭﻟﻬﺎ ﺍﺳﺒﺎﺭ ﻫﺪﻳﻜﺎ ﺍﻟﻤﺪﻳﻨﻪ .. ﺍﻟﻠﻲ ﻋﺮﻓﻨﺎﻫﺎ ﻗﺒﻞ ...
ﻭﺑﻌﺪ ﻛﻤﻠﻮﺍ ..
ﺩﺧﻠﻮﻫﺎ ﺩﺍﺧﻞ ﻭﺩﺧﻠﻮﺍ ﺍﻟﺴﻮﺍﺑﻴﺖ ..
ﻭﺟﺎﺑﻮﺍ ﻋﺸﺎﻫﻢ
🍃 ﺍﻟﻤﺸﻜﻠﻪ ﺍﻥ ﺍﻟﺒﻨﺎﺩﻡ ﺍﻟﺤﺎﺳﺪ ﻏﺎﻟﺒﺎ ﻣﺎﻳﻘﺪﺭﺵ ﻳﺪﺭﻕ ..
ﺍﻟﻜﻼﻡ ﻉ ﺳﻤﻴﻪ ﻭﺣﻤﻴﺪﻩ ﻣﺎﻫﻨﺎﻙ ﻣﺎﻛﻠﻮﺍ ..
ﻭﺗﺼﺮﻓﺎﺗﻬﻢ ﻭﺷﺒﺤﺎﺗﻬﻢ ﻛﺎﻧﺖ ﻭﺍﺿﺤﻪ ﻭﻣﺰﻋﺠﻪ ﻟﺨﻮﺍﺕ ﺍﻟﻌﺮﻭﺳﻪ ﺍﻟﻠﻲ ﻛﺎﻧﻮﺍ ﻳﺸﻮﻓﻮﺍ ﻭﻳﺤﺎﻭﻟﻮﺍ ﻳﺘﺠﺎﻫﻠﻮﺍ ﻟﻌﻴﻮﻥ ﻭﺧﻴﺘﻬﻢ ﺍﻭﻻ ..
ﻭﻣﻦ ﺛﻢ ﻟﻌﻴﻮﻥ ﺍﻟﺤﺎﺟﻪ ﻓﺎﻃﻤﻪ ﺍﻟﻠﻲ ﻓﺮﺣﺔ ﺑﺘﺘﻨﻄﺮ ﻣﻦ ﻋﻴﻮﻧﻬﺎ ..
ﻃﺒﻌﺎ ...
ﺍﻟﻌﻴﻮﻥ ﻛﺎﻧﻮﺍ ﻉ ﺍﻟﺼﻐﻴﺮﺍﺕ ﻭﺑﺎﻟﺬﺍﺕ ﺭﺯﺍﻥ ﺍﻟﻠﻲ ﻛﺎﻧﺖ ﻻﺑﺴﻪ ﻗﻔﻄﺎﻥ ﺍﺣﻤﺮ ﻗﺼﻴﺮ ﻣﺒﻮﺝ ﻭﻃﺎﻟﻌﻪ ﻓﻴﻪ ﺗﺠﻨﻦ ..
ﻭﺍﻟﻠﻲ ﻫﺎﺩﻱ ﺗﺠﻲ ﻟﺴﻌﻴﺪﻩ ﺗﻜﻠﻤﻬﺎ ﻋﻠﻴﻬﺎ ﻭﻫﻲ ﺗﺮﺩ ﻭﺗﻘﻮﻝ ﺑﻮﻫﺎ ﻣﺎﻳﺒﻴﺶ ﻳﻌﻄﻴﻬﺎ ﻟﻴﻦ ﺗﻜﻤﻞ ﻗﺮﺍﻳﺘﻬﺎ ..
ﻭﻣﻌﺮﻭﻑ ﻋﻦ ﺳﻌﻴﺪﻩ .. ﻣﺎﺗﺒﻲ ﻏﻴﺮ ﺑﻌﻤﺎﺩ ﻧﺴﻴﺐ ..
💕 ﺑﻌﺪ ﺣﻮﺍﻟﻲ ﻧﺺ ﺳﺎﻋﻪ ﺗﺴﻘﺪﻭﺍ
ﺍﻫﻞ ﺍﻟﻌﺮﻳﺲ ..
ﻫﻤﺎ ﺭﻭﺣﻮﺍ ...
ﻭﻫﺎﻧﻴﺒﺎﻝ ﺟﻲ ...
💕💕💕💕
ﻋﻤﺮﻫﺎ ﻣﺎﺻﺎﺭﺕ ﻳﺎﺑﻮﺻﺎﺣﺐ ..
ﻫﺎﻧﻴﺒﺎﻝ : ﺍﻭﻻ ﺍﻧﻲ ﺭﺣﺖ ﻧﺴﻴﺐ ﻣﺶ ﺑﺲ ﺻﺎﺣﺐ .. ﻭﺍﺧﺘﻚ ﺧﺸﺖ ﺫﻣﺘﻲ .. ﻳﻌﻨﻲ ﻳﺎﺣﺒﻴﺒﻲ ﻟﻴﺎ ﻛﻞ ﺍﻟﺤﻖ ﻧﺸﻮﻓﻬﺎ ...
ﺿﻮ ﺑﺈﺑﺘﺴﺎﻣﻪ : ﻳﻌﻨﻲ ﻟﻮ ﻓﺮﺿﻨﺎ ﺧﺪﻳﻨﺎ ﻣﻨﻜﻢ ﺗﺨﻠﻮﻧﺎ ﻧﺪﻳﺮﻭﻫﺎ ..
ﻫﺎﻧﻴﺒﺎﻝ : ﻻﻫﻮ ﻋﻴﺐ ﻭﻻﺣﺮﺍﻡ ..
ﺿﻮ ﻗﻌﺪ ﻳﺸﻮﻓﻠﻪ ﺷﻮﻱ ﻭﻳﺤﺴﺐ ﻓﻴﻬﺎ ﻟﻘﺪﺍﻡ ...
ﺍﺑﺘﺴﻢ ﻭﻗﺎﻝ : ﺗﻌﺎﻝ ﻣﻌﺎﻱ ..
ﺍﺑﺘﺴﻢ ﻫﺎﻧﻴﺒﺎﻝ ﻭﻣﺸﻲ ﻣﻌﺎﻩ ..
💕💕💕💕
ﺣﻲ ﻳﺎﺭﺑﻲ ﻭﺍﻟﻠﻪ ﻣﺎﻧﻌﻠﻢ ..!!
ﻓﺎﻳﺰﺓ ﻭﻫﻲ ﺗﺴﺎﻭﻳﻠﻬﺎ ﻓﻲ ﺍﻟﻤﺤﺮﻣﻪ : ﻣﺶ ﻗﺎﺩﺭ ﻳﺼﺒﺮ ﺍﻟﺴﻲ ﻫﻨﻴﻮﻩ
ﻣﺮﺍﻡ ﻭﺟﻬﻬﺎ ﻭﻻ ﺍﺣﻤﺮ .
ﻫﺎﺟﺮ ﻏﻤﺰﺕ ﻟﻔﺎﻳﺰﺓ : ﺍﻧﻈﺮ ﺷﻦ ﻓﻲ ﻓﺮﺍﺳﻪ .
ﻣﺮﺍﻡ : ﺻﻤﺘﻨﻬﺎ ﺭﺍﻛﻦ ..
ﻓﺎﻳﺰﺓ ﻭﻫﺎﺟﺮ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻪ ..
💕💕💕💕💕
ﻣﻘﻌﻤﺰ ﺑﺮﻭﺣﻪ ﻓﻲ ﺍﻟﻤﺮﺑﻮﻋﻪ ﻳﺮﺍﺟﻲ ...
ﺷﻮﻳﻪ ﻭﻃﻖ ﺍﻟﺒﺎﺏ ...
ﺷﺒﺤﻠﻪ ..
ﺍﻧﻔﺘﺢ ...
ﻭﻫﻮ ﻳﺘﺮﻗﺐ ...
ﺑﺎﻧﺖ ﻋﻠﻴﻪ .. ﺷﺒﺤﺘﻠﻪ ﻭﻫﻲ ﻣﺒﺘﺴﻤﻪ ﺑﺨﺠﻞ ..
ﻫﻮ ﻟﻤﺎ ﺷﺎﻓﻬﺎ ..
ﺑﺮﻏﻢ ﺍﻧﻬﺎ ﻛﺎﻧﺖ ﺣﻠﻮﺓ
ﺑﺲ ﻣﺶ ﺟﻤﻴﻠﻪ ﻟﺪﺭﺟﺔ ﺍﻟﺬﻫﻮﻝ ..
ﺍﻻ ﺍﻥ ﻋﻴﻮﻧﻪ ﻛﺎﻧﻮﺍ ﻳﺸﻮﻓﻮﺍ ﻓﻴﻬﺎ ﺍﺣﻠﻰ ﻣﺮﺍﺓ ﺭﺑﻲ ﺧﻠﻘﻬﺎ ..
ﻫﺎﻧﻴﺒﺎﻝ ﺷﺒﻪ ﻧﺴﻲ ﺍﻟﻠﻲ ﻋﺮﻓﻬﻢ ﻗﺒﻠﻬﺎ ..
ﻣﺮﺍﻡ ﻛﺎﻧﺖ ﻣﺨﺘﻠﻔﻪ ﻋﻨﻬﻢ ﻓﻜﻞ ﺷﻲ ..
ﻭﺍﺧﺘﻼﻓﻬﺎ ﻫﺪﺍ ﻫﻮ ﺍﻟﻠﻲ ﺧﻼﻫﺎ ﻣﻤﻴﺰﺓ ﻓﻌﻴﻨﻪ ﻫﻠﺒﻪ .
ﻭﺧﻼﻩ ﻳﺤﺲ ﺍﺗﺠﺎﻫﻬﺎ ﺑﺈﻧﺠﺬﺍﺏ ﻏﻴﺮ ﻋﺎﺩﻱ ..
ﺯﻳﺎﺩﻩ ﻋﻦ ﻫﺪﺍ ﻛﻠﻪ ..
ﻣﺮﺍﻡ ﺍﻟﻠﻲ ﻛﺎﻧﺖ ﺗﺪﻋﻲ ﺑﻘﻠﺐ ﺳﻠﻴﻢ ﺻﺎﺩﻕ ..
ﻭﺻﺒﺮﺕ ﻭﺳﻠﻤﺘﻬﺎ ﻟﻠﻪ ..
ﺭﺑﻲ ﻟﻤﺎ ﻛﺎﻓﺌﻬﺎ ﻓﻮﻕ ﺳﻮﻗﻪ ﻟﻬﺎﻧﻴﺒﺎﻝ ﻟﻴﻬﺎ ﺑﻄﺮﻳﻘﻪ ﻏﻴﺮ ﻣﺘﻮﻗﻌﻪ ..
ﺳﺨﺮﻟﻬﺎ ﻗﻠﺒﻪ ..
💖 ﻫﻮ ﻫﻜﻲ ﺳﺒﺤﺎﻧﻪ ﺟﻮﺍﺩ ﻛﺮﻳﻢ .. ﺍﻟﻠﻲ ﻳﻄﻠﺐ ﻣﻨﻪ ﺣﺎﺟﻪ ﺑﻨﻴﺔ ﺻﺎﻓﻴﻪ ﻭﻳﻘﻴﻦ ﻗﻮﻱ ﻳﻌﻄﻴﻬﺎﻟﻪ ﻭﻓﻮﻗﻬﺎ ﻫﻠﺒﻪ ﻣﺰﺍﻳﺎ ﺗﺎﻧﻴﻪ ﺍﻟﻌﺒﺪ ﻣﺶ ﺣﺎﺳﺒﻠﻬﺎ ﺣﺴﺎﺏ ... ﻋﻄﺎﺀ ﻳﻠﻴﻖ ﺑﻴﻪ 💖
💕 ﻧﺎﺽ ﻭﻗﻒ ..
ﻫﻲ ﻗﺪﻣﺖ ﺑﺨﻄﻮﺍﺕ ﻓﻴﻬﺎ ﺷﻲ ﻣﻦ ﺍﻟﺮﺑﻜﻪ ..
ﻭﺻﻠﺖ ﻓﻴﻪ ..
ﻣﺪﺕ ﻳﺪﻫﺎ ﻭﻃﻠﻌﺖ ﻣﻨﻬﺎ ﻛﻠﻤﻪ ﺑﺼﻮﺕ ﻫﺎﺩﻱ ﻭﻋﻴﻮﻧﻬﺎ ﻟﻮﻃﺎ : ﻣﺒﺎﺭﻙ ..
ﻫﻮ ﺍﺑﺘﺴﻢ ..
ﻣﺪﻳﺪﻩ ﺍﻟﻴﻤﻴﻦ ﻭﺷﺪ ﻳﺪﻫﺎ ...
ﻭﺑﻜﻞ ﺣﻨﻴﻪ ..
ﻗﺮﺑﻬﺎ ﻟﻴﻪ ﻭﺩﺧﻠﻬﺎ ﻟﺤﻀﻨﻪ ...
ﻭﻟﻒ ﺍﻳﺪﻳﻪ ﻋﻠﻴﻬﺎ ...
ﻫﻲ ﻛﺎﻧﺖ ﺗﺴﻤﻊ ﻓﻨﺒﻀﺎﺕ ﻗﻠﺒﻪ ﺍﻟﻘﻮﻳﻪ ..
ﻭﻫﻲ ﻣﺼﺪﻭﻣﻪ ..
ﺟﺎﻣﺪﻩ ﻓﻤﻜﺎﻧﻬﺎ ..
ﻣﺶ ﻗﺎﺩﺭﻩ ﺍﺩﻳﺮ ﺍﻱ ﺭﺩﻩ ﻓﻌﻞ ...
ﻫﺎﻧﻴﺒﺎﻝ : ﻗﺼﻴﺮﻩ ﻃﻠﻌﺘﻲ ..
ﻣﺮﺍﻡ ... ﻻﺭﺩ ..
ﻫﺎﻧﻴﺒﺎﻝ : ﻧﺤﻜﻲ ﻣﻊ ﻣﻦ ..
ﻣﺮﺍﻡ : ﺍﺣﻤﻢ .. ﺷﻨﻮ؟ .
ﺿﺤﻚ ...
ﻭﺑﻌﺪﻫﺎ ﺑﺎﻟﺸﻮﻳﻪ ﻭﻫﻮ ﺣﺎﻁ ﺍﻳﺪﻳﻪ ﻉ ﻛﺘﺎﻓﻬﺎ ﻗﻌﺪ ﻳﺸﻮﻑ ﻟﻌﻴﻮﻧﻬﺎ ﻭﻫﻲ ﺗﺸﻮﻑ ﻟﻌﻴﻮﻧﻪ ..
ﺭﻓﻊ ﺍﻳﺪﻳﻪ ﻟﺮﺍﺳﻬﺎ ﻭﺷﺪﻩ ﻭﻗﺮﺑﻪ ﻟﻴﻪ ﻭﺑﺎﺱ ﺭﺍﺳﻬﺎ ..
ﻭﻫﻲ ﻣﻐﻤﻀﻪ ﻋﻴﻮﻧﻬﺎ .. ﻭﻫﺎﻳﻤﻪ ﻓﻌﺎﻟﻢ ﺗﺎﻧﻲ 💕..
ﺑﻌﺪ ﻭﻗﺎﻝ : ﺭﺍﺣﺘﻲ ﻣﻌﺎﻙ ﺣﺴﻴﺘﻲ ﺑﻴﻬﺎ ..
ﻣﺮﺍﻡ ﺗﺸﻮﻑ ﻟﻌﻴﻮﻧﻪ ﻭﺑﺲ ..
ﻫﺎﻧﻴﺒﺎﻝ : ﺭﺑﻲ ﻳﻬﻨﻴﻨﺎ ..
ﻣﺮﺍﻡ ﺳﺎﻛﺘﻪ ﻭﻻﻛﻠﻤﻪ ..
ﻗﺮﺏ ﻭﻧﻄﺢ ﺭﺍﺳﻬﺎ : ﺗﻜﻠﻤﻲ ..
ﻣﺮﺍﻡ ﻭﻫﻲ ﻣﻐﻤﻀﺔ ﻋﻴﻮﻧﻬﺎ ﺑﺸﺪﻩ : ﺍﺍﺍﻱ ﻫﻬﻬﻬﻬﻬﻬﻬﻪ ..
ﻫﻮ ﺿﺤﻚ ﻭﻗﺎﻝ : ﻋﺠﺒﺎﺗﻚ ﻛﺴﻮﺗﻚ ..
ﻣﺮﺍﻡ : ﺍﻣﻢ ﺣﻠﻮﺓ ﺗﺠﻨﻦ .. ﻛﻞ ﺷﻲ ﻋﺠﺒﻨﻲ ..
ﻫﺎﻧﻴﺒﺎﻝ : ﻛﻮﻳﺲ .. ﺍﻟﻤﻬﻢ ﻋﺠﺒﻚ ﻳﺎﺑﻨﺖ ﻋﺒﻮﺩﻩ ..
ﺍﺑﺘﺴﻤﺖ ..
ﻫﺎﻧﻴﺒﺎﻝ ﻧﺰﻝ ﺍﻳﺪﻳﻪ ﻭﺷﺪ ﺍﻳﺪﻳﻬﺎ : ﻣﺎﺗﺒﻲ ﺷﻲ ﻣﺎﻧﺎﻗﺼﻚ ﺷﻲ ..
ﻣﺮﺍﻡ ﺣﺮﻛﺖ ﺭﺍﺳﻬﺎ ﺑﺎﻟﻨﻔﻲ ﻭﻫﻲ ﻣﺒﺘﺴﻤﻪ ..
ﻫﺎﻧﻴﺒﺎﻝ ﺑﺈﺑﺘﺴﺎﻣﻪ : ﺗﻤﺎﻡ .. ﻫﻲ ﺍﻧﻲ ﺑﻨﻌﺪﻱ ﺗﻮﺍ .. ﺑﻨﻌﺪﻱ ﻭﻏﺼﺐ ﻋﻨﻲ ﻣﻌﺪﻱ ﺭﺍﻫﻮ ...
ﻣﺮﺍﻡ ﺑﻀﺤﻜﻪ : ﻛﻠﻪ ﻳﻮﻡ ﺑﺲ ..
ﻫﺎﻧﻴﺒﺎﻝ؛ﻭﺷﻦ ﻳﻔﻮﺗﻪ ..
ﻧﺰﻟﺖ ﻋﻴﻮﻧﻬﺎ ﻭﺗﻀﺤﻚ ..
ﻫﺎﻧﻴﺒﺎﻝ ﺑﻀ ﺤﻜﻪ : ﻫﻲ ﻣﺎﻧﺒﻴﺶ ﻧﺒﻴﺨﻬﺎ ﻭﺍﺟﺪ ﺧﻞ ﻧﻌﺪﻱ ﺗﻮﺍ .. ﺳﻼﻡ ﻳﺎﺳﻤﺢ ..
ﻃﻠﻖ ﺍﻳﺪﻳﻬﺎ ﻭﻣﺸﻲ ﻟﻠﺒﺎﺏ .. ﻟﺒﺲ ﻧﻈﺎﺭﺍﺗﻪ ﻭﺷﺒﺤﻠﻬﺎ .. ﺍﺑﺘﺴﻢ ﻭﻗﺎﻝ : ﻋﺪﻱ ﺧﺸﻲ ..
ﻣﺮﺍﻡ ﺍﺑﺘﺴﻤﺖ ﻭﻣﺸﺖ ﻃﻮﻝ ﺧﺸﺖ ..
ﻫﻮ ﺗﻨﻬﺪ ﺑﺈﺑﺘﺴﺎﻣﻪ ﻭﺻﻜﺮ ﺍﻟﺒﺎﺏ ...
... ﻳﺘﺒﻊ .