المتمردين

العشق المتمرد

#رمضان_احلا_مع_جمان_فريد

#العشق_المتمرد

الجزء38
القسم الثاني

ﺑﻌﺪ ﺗﻐﺪﻭﺍ ﺧﺪﺍﻫﺎ ﻭﻫﺮﺏ ﺑﻴﻬﺎ ﺑﻌﻴﺪ ....
ﻭﻳﻦ ﻣﺎﻓﻲ ﺍﻟﻌﺎﺷﻖ ﺍﻟﺠﺪﻳﺪ ﻟﻠﺪﻟﻮﻟﺔ ...💕
ﻣﺠﺮﺩ ﻗﺮﺑﺖ ﻣﻨﻪ ﺻﻬﻞ ﻭﺑﺪﻱ ﻳﺪﺍﻋﺐ ﻓﻲ ﻭﺟﻬﻬﺎ ..
ﺩﻻﻝ ﺑﻀﺤﻜﻪ : ﺣﺘﻰ ﺍﻧﻲ ﺍﺳﺘﺎﺣﺸﺘﻚ ...
ﺻﻬﻞ ...
ﺩﻻﻝ ﺑﻀﺤﻜﻪ : ﻫﻠﺒﻪ ﻫﻠﺒﺎﺕ ... ﻭﺣﻀﻨﺎﺗﻪ ...
ﻋﻤﺎﺭ ﺣﻂ ﺍﻳﺪﻳﻪ ﻓﻨﺼﻪ ﻭﻳﺘﻔﺮﺝ ﺑﺤﺎﺟﺐ ﻣﺮﻓﻮﻉ ...
ﺑﻌﺪﺕ ﻭﻗﻌﺪﺕ ﺗﻤﺴﺢ ﻉ ﻭﺟﻬﻬﺎ ...
ﺩﻻﻝ : ﻣﺤﻼﻩ ﻳﺠﻨﻦ ﻣﺎﺷﺎﺀ ﺍﻟﻠﻪ ...
ﻋﻤﺎﺭ : ﻣﺎﺷﺎﺀ ﺍﻟﻠﻪ ﺧﺪﻱ ﺣﻖ ﻏﻴﺮﻩ ﻭﺯﺍﻳﺪ !!
ﺷﺒﺤﺘﻠﻪ ﻭﺿﺤﻜﺖ ...
ﺻﻬﻞ ﺍﻟﺠﻤﻮﺡ ...
ﺩﻻﻝ ﺿﺤﻜﺖ ... ﺷﺒﺤﺖ ﻟﻌﻤﺎﺭ ﻭﻗﺎﻟﺖ : ﻧﺒﻲ ﻧﺮﻛﺐ ﻋﻠﻴﻪ ..
ﻋﻤﺎﺭ ﺍﺑﺘﺴﻢ : ﻣﺎﺗﺨﺎﻓﻴﺶ ...
ﺩﻻﻝ ﺍﺑﺘﺴﻤﺖ : ﻻﻻ ﺟﻤﻮﺡ ﻳﻬﺒﻞ ﻣﺎﻳﺨﻮﻓﺶ ...
ﻗﺮﺏ ﻋﻤﺎﺭ ﻣﻦ ﺍﻟﺠﻤﻮﺡ : ﺷﻦ ﺩﺭﺕ ﺍﻧﺖ ﻗﻮﻟﻲ .. ﺷﻦ ﺍﻟﻠﻲ ﻋﻨﺪﻙ ﺯﺍﻳﺪ ﺍﻧﻲ ﻧﺎﻗﺼﻨﻲ ..
ﺩﻻﻝ ﺗﻀﺤﻚ ﻭﺧﻼﺹ ...
ﻫﻮﺷﺒﺤﻠﻬﺎ ﺑﻄﺮﻑ ﻋﻴﻨﻪ ﻭﻫﻮ ﻣﺒﺘﺴﻢ ﻭﺣﺎﺟﺒﻪ ﻣﺮﻓﻮﻉ :. ﺗﺮﺍ ﺣﻮﻟﻲ ﺷﻮﻱ ﻳﺎﻏﺰﺍﻟﺘﻲ ..💕..
ﺍﺑﺘﺴﻤﺖ ﻭﻭﺧﺮﺕ ...
ﻭﻫﻮ ﻃﻠﻊ ﺍﻟﺠﻤﻮﺡ ... ﻭﻫﻲ ﺗﺘﺄﻣﻞ ﻓﻴﻪ ...💓
ﻃﻠﻌﻪ ....
ﻋﻤﺎﺭ : ﺍﻗﺮﺑﻲ ..
ﺟﺖ ﺩﻻﻝ ﺣﺪﺍ ﺍﻟﺤﺼﺎﻥ ...
ﻫﻮ ﺟﻲ ﻗﺪﺍﻣﻬﺎ : ﻣﺎﺗﺨﺎﻓﻴﺶ ..
ﺩﻻﻝ : ﺑﺎﻫﻲ ...
ﻗﺪﻡ ﻭﺭﻓﻌﻬﺎ ... ﻭﻫﻲ ﺗﺸﻮﻑ ﻟﻌﻴﻮﻧﻪ ﻭﻫﻮ ﻫﺎﻳﻢ ﻓﻲ ﻋﻴﻮﻧﻬﺎ..💕
ﺭﻛﺒﻬﺎ ....
ﺯﻓﺮ ﻭﻗﻠﺒﻪ ﻓﻲ ﺣﺎﻟﺔ ﻣﻦ ﺣﺎﻻﺕ ﺟﻨﻮﻧﻪ ﺍﻟﻤﻌﺘﺎﺩ ..💓
ﺷﺪﻩ ﻣﻦ ﺯﻣﺎﻣﻪ ﻭﻗﺎﻟﻬﺎ : ﺷﺪﻱ ﻓﻴﻪ ﻛﻮﻳﺲ ..
ﺩﻻﻝ ﺑﺈﺑﺘﺴﺎﻣﻪ : ﺣﺎﺿﺮ ..
ﺍﺑﺘﺴﻢ .. ﻭﺑﺪﻱ ﻳﻤﺸﻲ ﺑﻴﻪ ...
ﻭﻫﻲ ﻣﺒﺘﺴﻤﻪ ﺑﺤﻤﺎﺱ ...
ﻋﻤﺎﺭ : ﻧﺤﻜﻴﻠﻚ ﻋﻦ ﺍﻭﻝ ﺳﻨﻴﻦ ﺗﻌﻠﻤﺖ ﻓﻴﻬﻦ ﻧﺮﻛﺐ ﺧﻴﻞ ..
ﺩﻻﻝ : ﺍﻳﻪ ﺍﺣﻜﻲ ...
ﺍﺑﺘﺴﻢ ﻋﻤﺎﺭ ﻭﺑﺪﻱ ﻳﺤﻜﻴﻠﻬﺎ ...
ﻭﻫﻲ ﻣﻨﺴﺠﻤﻪ ﻣﻌﺎﻩ ﻉ ﺍﻷﺧﺮ ...
ﺍﻛﺜﺮ ﺷﻲ ﺑﺪﻱ ﻳﺸﺪ ﺩﻻﻝ ﻓﻲ ﻋﻤﺎﺭ .. ﻫﻮ ﺍﺳﻠﻮﺑﻪ ﻭﻃﺮﻳﻘﺔ ﺍﻟﻜﻼﻡ ﻭﺍﻟﻠﻜﻨﻪ ﺍﻟﺒﺪﻭﻳﻪ ﺍﻟﻠﻲ ﺗﻤﻴﺰ ﺍﻟﺮﺍﺟﻞ ﺍﻟﺒﺪﻭﻱ ﻫﻠﺒﻪ ...
ﻫﻲ ﺗﺴﻤﻊ ﻓﻴﻪ ﻭﺗﺘﺨﻴﻞ ﻓﻲ ﻛﻞ ﺍﻟﻠﻲ ﻳﺤﻜﻲ ﻓﻴﻪ ...
ﻫﻮ ﺍﺳﺒﻮﻉ ﺻﺢ .. ﺑﺶ ﺷﺎﻓﺖ ﻓﻌﻤﺎﺭ ﻫﻠﺒﻪ ﺣﺎﺟﺎﺕ ﺗﺨﻠﻴﻬﺎ ﺭﻏﻢ ﻋﻨﻬﺎ ﺗﻨﺠﺪﺑﻠﻪ ..
ﺑﺲ ﻳﺮﺟﻊ ﻋﻘﻠﻬﺎ ﻳﺠﻴﺒﻠﻬﺎ ﻣﻦ ﻣﻠﻔﺎﺕ ﺍﻟﺬﺍﻛﺮﻩ ..
ﻣﻠﻒ ... ﻛﻴﻒ ﺧﺪﺍﻙ ﻋﻤﺎﺭ ...
ﻭﺗﺮﺟﻊ ﺗﻨﻔﺮ ﻣﻨﻪ ...
ﻋﻤﺎﺭ : ﺗﻌﺮﻓﻲ ﺩﻟﻮﻟﺘﻲ ﻟﻴﺎ ﻭﻗﺖ ﻃﻮﻳﻞ ﻉ ﺍﻟﺴﺒﺎﻗﺎﺕ ﺑﺲ ﺑﺮﻏﻢ ﻫﻜﻲ ﺍﻧﻲ ... ﺷﺒﺢ ﻟﻠﺠﻤﻮﺡ .. ﻭﺑﻮ ﺭﻓﻴﻖ ﻣﺎﺯﻟﻨﺎ ﻣﺤﺎﻓﻈﻴﻦ ﻉ ﺍﻟﻠﻴﺎﻗﻪ .... ﺍﻳﻴﻪ ﺳﻤﺤﻪ .. ﺫﻛﺮﻳﻨﻲ ﻧﻮﺭﻳﻠﻚ ﻓﻴﺪﻳﻮ ﻟﻮﺣﺪﻩ ﻣﻦ ﺍﻟﺴﺒﺎﻗﺎﺕ ﺍﻟﻠﻲ ﺷﺎﺭﻛﺖ ﻓﻴﻬﻦ ﻭﻓﺰﺕ ...
ﺩﻻﻝ : ﺍﻣﻤﻢ .. ﺗﻤﺎﻡ ... ﻭﺯﻋﺖ ﻧﻈﺮﻫﺎ ﻉ ﺍﻟﻤﺰﺭﻋﻪ ﻭﻗﺎﻟﺖ .. ﻋﻨﺪﻙ ﺣﻖ ﺗﻌﺸﻖ ﺍﻟﺨﻴﻮﻝ ﺍﻧﻲ ﻧﺤﺒﻬﻢ ﻭﻧﺸﻮﻑ ﻓﻴﻬﻢ ﻣﻦ ﺍﺟﻤﻞ ﻭﺍﺟﻞ ﻣﺨﻠﻮﻗﺎﺕ ﺍﻟﻠﻪ ....
ﻋﻤﺎﺭ ﺷﺒﺤﻠﻬﺎ : ﻭﺗﻘﻮﻟﻴﻠﻲ ﻟﻴﺶ ﺧﺪﻳﺘﻨﻲ ..💕
ﺍﺑﺘﺴﻤﺖ ﺑﺪﻭﻥ ﻣﺎﺗﺸﻮﻓﻠﻪ ﻭﻫﻮ ﺗﻨﻬﺪ ﻭﺷﺒﺢ ﺍﻟﻘﺪﺍﻡ ...
ﺭﻥ ﺗﻠﻴﻔﻮﻥ ﻋﻤﺎﺭ ... ﻃﻠﻌﻪ ﻣﻦ ﺟﻴﺒﻪ .. ﺑﺎﻥ ﻉ ﺩﻻﻝ ﺍﻷﺳﻢ ..
ﺃﻡ ﺍﻳﻤﻦ ..
ﺍﺿﺎﻳﻘﺖ ..
ﻋﻤﺎﺭ ﺭﺩ : ﺍﻳﻮﻩ ............... ﺗﻢ ﺟﺎﻱ ﺗﻮ .......... ﻫﻲ ﻣﺎﻧﻌﻄﻠﺶ ... ﺻﻜﺮ ...
ﺣﻄﻪ ﻓﻲ ﺟﻴﺒﻪ ﻭﺗﻠﻔﺖ ﻟﺪﻻﻝ ﻧﺰﻟﻚ ﻫﻨﻰ ﻭﻻ ﻧﻜﻤﻞ ﺑﻴﻚ ﻟﻺﺳﻄﺒﻞ ..
ﺩﻻﻝ ﺑﻀﻴﻖ : ﻧﺰﻟﻨﻲ ﻫﻨﻲ ..
ﺍﺑﺘﺴﻢ ﻭﺟﺎﻫﺎ ..
ﻋﻤﺎﺭ ﻓﺘﺢ ﺍﻳﺪﻳﻪ : ﻫﻲ ﺗﻌﺎﻟﻲ ..
ﺩﻻﻝ ﺷﺒﺤﺘﻠﻪ ﺑﻨﺺ ﻋﻴﻦ ..
ﺿﺤﻚ ﻭﻗﺎﻝ : ﻫﻲ ﺗﻌﺎﻟﻲ ﻫﻲ ... ﻣﺎﻧﺪﻳﺮﻭﻟﻚ ﺷﻲ ..
ﺿﺤﻜﺖ ﻭﻧﺰﻟﺖ ﻭﺗﻠﻘﺎﻫﺎ ....
ﻣﺎﻗﺪﺭﺵ ﻳﺘﻤﺎﻟﻚ ﻧﻔﺴﻪ ....
ﻭﺭﺍﺡ ﻓﻴﻬﺎ 💓💓💓💕💕💕💕💕💕💕💕💕
ﻭﻫﻲ ﻣﺨﻠﻮﻋﻪ ﻛﺎﻟﻌﺎﺩﻩ ....😁
ﺑﻌﺪ ﻭﻫﻮ ﻳﺸﻮﻓﻠﻬﺎ : ﺭﺍﻫﻮ ﺣﺮﺍﻡ ﻋﻨﺪ ﺭﺑﻚ ﻳﺎﺩﻻﻝ ...
ﺩﻻﻝ ﺗﺸﺒﺤﻠﻪ ﻭﻭﺟﻬﻬﺎ ﺍﺣﻤﺮ : ﺑﺎﻫﻲ ﺗﻮﺍ ﻻﺯﻡ ﻧﻮﻟﻮﺍ ...
ﻋﻤﺎﺭ ﺗﻨﻬﺪ ﻭﻭﺯﻉ ﻧﻈﺮﻩ ﻉ ﺍﻟﻤﻜﺎﻥ ﻭﺷﺒﺤﻠﻬﺎ : ﺩﻻﻝ ... ﻭﺿﻌﻨﺎ ﻏﻠﻂ ﻭﺣﺘﻰ ﺭﺏ ﺍﻟﻌﺎﻟﻤﻴﻦ ﻳﺤﺎﺳﺒﻚ ﻋﻠﻴﻪ ..
ﺩﻻﻝ ﺑﻀﻴﻖ ﺷﺪﻳﺪ : ﻣﺎﺗﻀﻐﻄﺶ ﻋﻠﻴﺎ ﺑﺎﻟﻠﻪ ﻋﻠﻴﻚ ..
ﻋﻤﺎﺭ ﻳﺤﺎﻭﻝ ﻳﺘﻤﺎﻟﻚ ﻧﻔﺴﻪ : ﺑﺎﻫﻲ .. ﺍﻧﺘﻲ ﺗﻮﺍ ﻓﻬﻤﻴﻨﻲ ﻟﻴﺶ؟ﺧﺎﻳﻔﻪ؟
ﺩﻻﻝ ﻧﺰﻟﺖ ﻋﻴﻮﻧﻬﺎ ﻭﺩﻣﻮﻋﻬﺎ ﻧﺰﻟﻮﺍ ...
ﻋﻤﺎﺭﺑﻨﻔﺎﺩ ﺻﺒﺮ : ﺍﻳﻴﻪ ﻋﺎﺩ ﺩﻣﻌﺘﻚ ﻣﺘﺴﺒﻠﻪ ﻫﻲ ..!!! ﻧﻘﻮﻟﻚ ﺧﻼﺹ ﺍﻧﺴﻲ ﺷﻦ ﻗﻠﺖ ... ﻭﻫﻴﺎ ...
ﻣﺴﺤﺖ ﺩﻣﻮﻋﻬﺎ ﻭﻣﺸﺖ ﻣﻌﺎﻩ ...
ﺗﺸﺒﺤﻠﻪ ﻣﺮﺓ ﻣﺮﺓ ﻭﺍﺿﺢ ﻋﻠﻴﻪ ﺍﻧﻪ ﻣﻌﺼﺐ ﻉ ﺍﻷﺧﺮ ...
ﻭﺻﻠﻮﺍ ﻓﻲ ﻣﻜﺎﻥ ﺍﻟﺠﻤﻮﺡ .. ﺣﻄﻪ ﻓﻴﻪ ..
ﻭﺑﻌﺪﻳﻦ ﻛﻤﻞ ﻫﻮ ﻭﻳﺎﻫﺎ ﻭﻃﻮﻝ ﺍﻟﻮﻗﺖ ﺳﺎﻛﺖ ﻭﻻﻛﻠﻤﻪ ﻭﻫﻲ ﻧﻔﺲ ﺍﻟﺸﻲ ..
ﻭﻗﻌﺪﻭﺍ ﻫﺎﻟﺤﺎﻝ ﻟﻴﻦ ﻭﺻﻠﻮﺍ ﻓﻲ ﺍﻟﻌﻴﻠﻪ ..
ﻋﻤﺎﺭ ﺧﺪﻱ ﺻﻐﺎﺭ ﺧﻮﻩ ﻭﻃﻠﻊ ﻫﻮ ﻭﻳﺎﻫﻢ ..
ﻭﺍﻣﻪ ﻻﺣﻈﺖ ﻉ ﺩﻻﻝ ﺍﻧﻬﺎ ﻣﺶ ﻣﺰﺑﻮﻃﻪ ﻭﺍﻥ ﻭﻟﺪﻫﺎ ﺟﻮﻩ ﻣﻠﺨﺒﻂ ...
ﻭﻛﺬﻟﻚ ﻫﻨﺪﺍ .. ﺍﻟﻠﻲ ﻫﺪﺍ ﻣﺎﺗﺘﻤﻨﺎﻟﻬﻢ ﺍﻧﻬﻢ ﻣﺎﻳﺘﻔﺎﻫﻤﻮﺵ ..
🍃 ﻣﺮﺕ ﺍﻟﺴﺎﻋﺎﺕ ...
ﻣﻊ ﺍﻟﻤﻐﺮﺏ ﻭﻟﻮﺍ ﺍﻟﻨﺴﺎﻭﻳﻦ ﻟﻠﺤﻮﺵ ...
" ﺍﻟﻤﺰﺭﻋﻪ ﺟﻨﺐ ﺍﻟﺤﻮﺵ ..."
ﻭﻫﻨﺪﺍ ﻣﺸﺖ ﻟﺤﻮﺷﻬﺎ ..
ﻭﺍﻟﺒﻨﺎﺕ ﺳﻠﻴﻤﻪ ﻭﺍﺻﺎﻟﻪ ﺍﻟﻠﻲ ﻫﺪﺍ ﺟﺎﻫﺎ ﺭﺍﺟﻠﻬﺎ ﺭﻭﺣﺖ ...
ﺍﻣﻴﻨﻪ ﻟﻬﺖ ﻣﻊ ﻭﻻﺩﻫﺎ ...
ﻭﻛﺎﻣﻠﻪ ﺣﺼﻠﺖ ﻉ ﺩﻻﻝ ﻓﻲ ﺍﻟﺼﺎﻟﻪ ..
ﻛﺎﻣﻠﻪ : ﺷﻦ ﺩﺍﻳﺮﺓ ﻣﻊ ﻋﻤﺎﺭ ..
ﺩﻻﻝ ﺑﻠﻌﺖ ﺭﻳﻘﻬﺎ ﻭﺍﺑﺘﺴﻤﺖ ﺑﺮﺑﻜﻪ : ﺍﻟﺤﻤﺪ ﻟﻠﻪ ..
ﻛﺎﻣﻠﻪ ﺷﺒﺤﺖ ﻟﺨﺎﺗﻤﻬﺎ ﺷﻮﻳﻪ ﺑﻌﺪﻳﻦ ﺷﺒﺤﺘﻠﻬﺎ : ﺍﺳﻤﻌﻴﻨﻲ .. ﺍﻧﻲ ﺭﺑﻲ ﺧﺪﻱ ﻣﻨﻲ ﻭﻟﺪﻱ ﺍﻟﻜﺒﻴﺮ ﻓﻌﺰ ﺷﺒﺎﺑﻪ .. ﻭﻛﻨﺖ ﻋﺎﺭﻓﻪ ﺍﻧﻪ ﻣﺎﻛﺎﻧﺶ ﻣﺘﺮﻳﺢ ﻭﺍﺟﺪ ﻣﻊ ﻣﺮﺗﻪ ﺑﺲ ﻭﻻﻣﺮﺓ ﺍﺩﺧﻠﺖ ﻓﻴﻬﻢ ﻟﻌﻨﺪ ﺍﺧﺮ ﻳﻮﻡ ﻓﻌﻤﺮﻩ ﻭﺍﻧﻲ ﻧﺸﻮﻑ ﻓﻮﺟﻬﻪ ﻣﻄﻔﻲ ﻭﺿﺤﻜﺘﻪ ﻣﻦ ﻭﺭﺍ ﻗﻠﺒﻪ ... ﺑﺲ ﻻﺍﺩﺧﻠﺖ ﻭﻻﺣﻜﻴﺖ .. ﻃﺎﺣﻮﺍ ﺩﻣﻮﻋﻬﺎ .. ﻭﺧﺪﺍﺗﻪ ﺍﻟﻤﻮﺕ ﻭﻣﻮ ﻣﺶ ﻣﺘﺮﻳﺢ ﻓﺤﻴﺎﺗﻪ .. ﻭﻧﺪﻣﺖ ﻭﺍﺟﺪ ﻭﻗﺘﻬﺎ ﺍﻧﻲ ﻣﺎﺍﺩﺧﻠﺘﺶ .. ﺭﺷﻔﺖ ﻭﻗﺎﻟﺖ ... ﻟﻜﻦ .. ﺑﺶ ﻳﺘﻌﺎﻭﺩ ﻧﻔﺲ ﺍﻟﺸﻲ ﻓﻮﻟﺪﻱ ﺍﻟﺘﺎﻧﻲ ﺍﻧﻲ ﻣﺶ ﺣﻨﺴﻜﺖ ﻭﺣﻨﺪﺧﻞ .. ﻋﻤﺎﺭ ﺿﺤﺎ ﻭﺭﺩ ﻣﺮﺕ ﺧﻮﻩ ﻭﻛﺒﺮ ﻗﺒﻞ ﻭﻗﺘﻪ ﻋﺸﺎﻥ ﻋﻮﻳﻠﺔ ﺧﻮﻩ ﻭﻣﺎﻓﻜﺮﺵ ﻓﺮﻭﺣﻪ .. ﻭﺟﻲ ﻧﻬﺎﺭ ﻭﻓﻜﺮ ﻓﺮﻭﺣﻪ ﻭﻗﺮﺭ ﻳﺘﺰﻭﺝ ﻭﻓﺮﺣﺖ ﻣﻦ ﻗﻠﺒﻲ ﻷﻧﻪ ﺍﺧﺘﺎﺭﻙ .. ﻭﺍﻧﻚ ﺭﺿﻴﺘﻲ ﻭﺧﺪﺗﻴﻪ ﺑﻌﺪ ﻛﻨﺘﻲ ﺭﺍﻓﻀﻪ .. ﻫﺪﻯ ﻛﻠﻪ ﺑﺲ ﻋﺸﺎﻥ ﺷﻲ ﻭﺍﺣﺪ ... ﺍﻥ ﻭﻟﺪﻱ ﻳﺘﺮﻳﺢ ﻣﻌﺎﻙ
ﻭﻳﺘﻬﻨﻰ .. ﺑﺲ ﺍﻟﻠﻲ ﺍﻧﻲ ﺷﺎﻳﻔﺎﺗﻪ ﺍﻟﻌﻜﺲ .. ﻣﺶ ﺑﺎﻳﻨﻪ ﻓﻴﻪ ﺍﻟﻌﺮﺳﻪ ﻧﻬﺎﺋﻲ ﻭﻳﻦ ﻧﺸﻮﻑ ﻭﺟﻬﻪ ﻧﺸﻮﻑ ﺍﻟﻬﻢ ﻓﻌﻴﻮﻧﻪ ﺑﺎﻳﻦ ﻭﻭﺍﺿﺢ ...
ﺑﻨﻘﻮﻟﻚ ﺣﺎﺟﻪ ﻭﺣﺪﻩ ﺑﺲ .. ﺍﻟﻠﻲ ﺟﺎﺑﻚ ﻳﺠﻴﺐ ﻏﻴﺮﻙ ﺭﻩ ﻭﻣﺎﺧﺎﺳﺮ ﺣﺪ ﻛﺎﻥ ﺍﻧﺘﻲ ﻭﻳﺎﻣﺎ ﺗﻤﻨﻦ ﻋﻤﺎﺭ ﻭﻣﺴﺘﻌﺪﺍﺕ ﻳﻘﻌﺪﻥ ﺧﺪﻡ ﺗﺤﺖ ﺭﺟﻠﻴﻪ ﻏﻴﺮ ﻳﺮﺿﻰ .. ﻭﺍﻫﻮ ﻧﺒﻬﺘﻚ ...
ﺩﻻﻝ ﻛﺎﻧﺖ ﺗﺴﻤﻊ ﻓﻲ ﻛﻼﻣﻬﺎ ﻭﻛﺎﻣﺪﻩ ﺑﻜﺎﻫﺎ .. ﻭﻛﺎﻣﺪﻩ ﻣﻌﺎﻩ ﻫﻠﺒﻪ ﻛﻼﻡ ﺗﺒﻲ ﺗﺮﺩ ﺑﻴﻪ ﻉ ﻛﺎﻣﻠﻪ ... ﻭﺍﻭﻟﻬﻢ ﻛﻴﻒ ﻭﻟﺪﻫﺎ ﺧﺪﺍﻫﺎ ... ﺑﺲ ﻓﻀﻠﺖ ﺗﻘﻌﺪ ﺳﺎﻛﺘﻪ ....
ﻣﺠﺮﺩ ﻛﻤﻠﺖ ﻛﻼﻣﻬﺎ ...
ﺧﺶ ﻋﻤﺎﺭ : ﺍﻟﺴﻼﻡ ﻋﻠﻴﻜﻢ ...
ﺭﺩﺕ ﺍﻣﻪ : ﻭﻋﻠﻴﻜﻢ ﺍﻟﺴﻼﻡ ..
ﺭﻛﺰ ﻉ ﺩﻻﻝ ﻛﻴﻒ ﻭﺟﻬﻬﺎ ﻣﻮﻟﻲ ﺍﺻﻔﺮ ﻭﻣﺎﺗﺸﺒﺤﻼﺵ ..
ﻋﻤﺎﺭ : ﺭﻭﺣﻦ ﺍﻟﺒﻨﺎﺕ ...
ﻛﺎﻣﻠﻪ : ﺍﻳﻪ .. ﺭﻭﺣﻦ ...
ﻋﻤﺎﺭ : ﺗﻤﺎﻡ .... ﺩﻻﻝ ﻫﻴﺎ ..
ﺑﻠﻌﺖ ﺭﻳﻘﻬﺎ ﻭﻫﺰﺕ ﺭﺍﺳﻬﺎ ﺑﺈﻳﺠﺎﺏ ..
ﻧﺎﺿﺖ ﻭﻣﺸﺖ ﺑﺶ ﺗﺎﺧﺪ ﺷﻨﻄﺘﻬﺎ ﻣﻦ ﻉ ﺍﻟﻄﺎﻭﻟﻪ ..
ﻭﻫﻮ ﻣﻌﺎﻫﺎ ﺑﻌﻴﻮﻧﻪ ...
ﻭﺍﻣﻪ ﻣﺮﻛﺰﺓ ﻋﻠﻴﻪ ..
ﻋﻤﺎﺭ ﻭﻫﻮ ﻳﺸﻮﻑ ﻟﺪﻻﻝ : ﻣﺎﺗﻮﺻﻲ ﺷﻲ ﻳﻤﻲ ..
ﻛﺎﻣﻠﻪ : ﺳﻼﻣﺘﻚ ﻭﻫﻨﺎﻙ ..
ﻋﻤﺎﺭ ﻫﺰ ﺭﺍﺳﻪ ﺑﺈﻳﺠﺎﺏ : ﺗﺼﺒﺤﻲ ﻉ ﺧﻴﺮ ..
ﺩﻻﻝ ﺑﺼﻮﺕ ﻣﺨﻨﻮﻕ : ﺗﺼﺒﺤﻲ ﻉ ﺧﻴﺮ ..
ﻫﻮ ﺭﻛﺰ ﻋﻠﻴﻬﺎ .. ﻭﺍﺿﺢ ﺍﻟﻌﺒﺮﺓ ﺧﺎﻧﻘﺘﻬﺎ ...
ﻛﺎﻣﻠﻪ : ﻗﺪﺍﻣﻜﻢ ﻛﻞ ﺧﻴﺮ ..
ﻃﻠﻌﻮﺍ ﻫﻤﺎ ﺍﻟﺰﻭﺯ ...
ﻭﺩﻻﻝ ﺷﺎﺩﻩ ﺭﻭﺣﻬﺎ ﺑﺶ ﻣﺎﺗﺒﻜﻴﺶ ﻭﻫﻮ ﻳﻘﻮﻝ ﺩﻣﻌﺘﻬﺎ ﻉ ﺳﺒﻠﻪ ..
ﻭﺻﻠﻮﺍ ﻓﻲ ﺍﻟﺴﻴﺎﺭﺓ ﺟﺖ ﺑﺘﻔﺘﺢ ﺍﻟﺒﺎﺏ ﻫﻮ ﻓﺘﺤﻪ ..
ﻭﻫﻮ ﻳﺸﻮﻓﻠﻬﺎ ﻫﻲ ﻣﺎﺑﺘﺶ ﺗﺸﺒﺤﻠﻪ ﺑﻜﻞ ... ﺭﻛﺒﺖ ﻃﻮﻝ ...
ﺗﻨﻬﺪ ﻭﺳﻜﺮ ﺍﻟﺒﺎﺏ .. ﻭﻣﺸﻲ ﻫﻮ ﺭﻛﺐ ...
ﺳﻜﺮ ﺍﻟﺒﺎﺏ ﻭﻫﻮﻳﺸﻮﻓﻠﻬﺎ ﻛﻴﻒ ﻻﻓﻪ ﻭﺟﻬﻬﺎ ﻟﻠﺮﻭﺷﻦ ..
ﺗﻨﻬﺪ .. ﻭﺷﻐﻞ ﺍﻟﻤﺴﺠﻞ ... ﻭﻗﻌﺪ ﻳﻤﺮﺭ ﺑﺎﻻﻏﻨﻴﻪ ...
ﻟﻠﻤﺮﺣﻮﻡ ﻣﺤﻤﺪ ﺣﺴﻦ .. ﻟﻴﻦ ﻭﻗﻒ ﻉ ﺍﻏﻨﻴﻪ
ﻧﺰﻋﻞ ﻭﻧﺮﺿﻰ ...
ﺷﻐﻞ ﺍﻟﺴﻴﺎﺭﺓ ﻭﺗﺤﺮﻙ ...
ﻭﻣﺤﻤﺪ ﺣﺴﻦ ﺑﺎﺩﻱ ﺍﻷﻏﻨﻴﻪ ﺑﺈﻟﻘﺎﺀ ﻛﻠﻤﺎﺗﻬﺎ ...
ﻫﻮ ﻋﻼ ﺍﻟﺼﻮﺕ ...
ﻧﺰﻋﻞ ﻭﻧﺮﺿﻰ ... ﻳﺤﻦ ﻗﻠﺒﻲ ﻟﻴﻬﻢ ..
ﺑﻼ ﺭﺍﺩﺗﻲ ﻧﻨﺴﻰ ﺍﻟﺰﻋﻞ ﻭﻧﺠﻴﻬﻢ
ﻫﻮ ﻛﺎﻥ ﺣﺎﺱ ﺑﺎﻟﻜﻠﻤﺎﺕ ﻃﺎﻟﻌﻪ ﻣﻦ ﻗﻠﺒﻪ ﻫﻮ ﻟﻴﻬﺎ ..
ﻭﻫﻲ ﺗﺴﻤﻊ ... ﺑﺲ ﻻﺻﻮﺕ ﻳﻌﻠﻮ ﻉ ﺻﻮﺕ ﻛﺎﻣﻠﻪ ﻓﻮﺩﺍﻧﻬﺎ ...
ﻃﻮﻝ ﺍﻟﻄﺮﻳﻖ ...
ﻣﺎﺣﺪ ﻣﺴﻤﻮﻉ ﺻﻮﺗﻪ ﺍﺧﻄﻰ ﻣﺤﻤﺪ ﺣﺴﻦ ...💓
ﻟﻌﻨﺪ ﻭﺻﻠﻮﺍ ﻟﻠﺤﻮﺵ ...
ﺩﻻﻝ ﻛﺎﻧﺖ ﺗﺒﻲ ﺗﺨﺶ ﻟﻠﺤﻮﺵ ﻭﻃﻮﻝ ﺗﺮﻗﺪ ﺑﺤﻮﺍﻳﺠﻬﺎ ﺍﻟﻠﻲ ﻋﻠﻴﻬﺎ ﺍﻟﻤﻬﻢ ﺗﻬﺮﺏ ﻣﻦ ﺍﻟﻐﻤﻪ ﺍﻟﻠﻲ ﻛﺎﺗﻤﻪ ﻉ ﺍﻧﻔﺎﺳﻬﺎ ﺑﺴﺒﺐ ﻛﻼﻡ ﻛﺎﻣﻠﻪ ...
💔 ﻭﻓﻌﻼ ﺧﺸﺖ ﻟﺪﺍﺭ ... ﻭﺍﻧﻄﺮﺣﺖ ﻉ ﺍﻟﺴﺮﻳﺮ ﻭﻫﻲ ﺭﺍﻗﺪﻩ ﻉ ﺟﻨﺒﻬﺎ ...
ﻫﻮ ﻗﻌﺪ ﻳﺸﻮﻓﻠﻬﺎ ﻭﻗﺎﻝ : ﻫﺪﻯ ﻛﻠﻪ ﻋﺸﺎﻥ ﺍﻟﻜﻼﻡ ﻗﻠﺘﻪ ﺑﻜﺮﻱ .. ﺧﻼﺹ ﺍﻧﺴﻴﻪ ﻗﻠﻨﺎ ...
ﺩﻻﻝ ﻏﻤﻀﺖ ﻋﻴﻮﻧﻬﺎ ﻭﻣﺎﺑﺘﺶ ﺗﺘﻜﻠﻢ ..
ﻭﺣﺘﻰ ﻫﻮ ﻣﺎﺧﺎﻃﺮﺍﺵ ﻓﻲ ﺍﻟﻜﻼﻡ ...
ﻃﻠﻊ ﺣﻮﺍﻳﺠﻪ ﻭﺑﺪﻝ ...
ﻭﻫﻲ ﺑﺪﺕ ﺗﺮﻗﺪ ﻓﻌﻼ ....
ﺑﻌﺪ ﻛﻤﻞ ... ﻭﺳﺎﻭﺍ ﺣﻮﺍﻳﺠﻪ ﻭﻋﻠﻘﻬﻢ ...
ﻗﺪﻣﻠﻬﺎ ... ﻗﻌﺪ ﻳﺸﻮﻓﻠﻬﺎ ﺷﻮﻳﻪ .. ﺑﻌﺪﻳﻦ ﻃﺒﺲ ﻉ ﺧﺪﻫﺎ ﻭﺑﺎﺳﻪ ... ﻭﻭﻗﻒ ... ﻭﻣﺸﻲ ﻃﻠﻊ ﻣﻦ ﺍﻟﺪﺍﺭ ...
🍁🍁🍁🍁🍁🍁🍁🍁🍁🍁
ﺗﻌﺎﻭﻥ ﻓﻲ ﺍﻣﻬﺎ ﻓﻐﺴﻞ ﺍﻟﻤﺎﻋﻴﻦ ﻟﻴﻮﻡ ﻏﺪﻭﺓ ...
ﻧﻮﺭ : ﻏﻴﺮ ﺍﻣﺘﻰ ﻳﺠﻲ ﻏﺪﻭﺓ ..
ﻧﻌﻴﻤﻪ ﺑﻀﺤﻜﻪ : ﺗﻮﻳﺠﻲ ﺇﻥ ﺷﺎﺀ ﺍﻟﻠﻪ ...
ﺧﺶ ﻋﻠﻴﻬﻢ ﻋﺒﺪﺍﻟﺴﻼﻡ ﺣﺎﻣﻞ ﻭﻣﺤﻤﻞ ...
ﻗﺪﻣﺖ ﻧﻌﻴﻤﻪ ﺍﻟﻠﻲ ﺑﻄﻨﻬﺎ ﺑﺎﺩﻳﻪ ﺗﺒﺎﻥ : ﺳﻠﻤﻚ ﺟﻴﺎﺏ ..
ﻋﺒﺪﺍﻟﺴﻼﻡ : ﺣﺘﻰ ﻫﻲ ﺃﺩﻟﻮﻟﻪ ..
ﻧﻮﺭ ﺑﻀﺤﻜﻪ : ﺃﺩﻟﻮﻟﺘﻲ ..
ﺍﻣﻬﺎ ﻭﺑﻮﻫﺎ ﺿﺤﻜﻮﺍ ...
ﺷﻮﻳﻪ ﻭﻃﻠﻊ ﻣﻦ ﺣﺪﺍﻫﻢ ﻋﺒﺪﺍﻟﺴﻼﻡ ....
ﻭﻫﻤﺎ ﻛﻤﻠﻮﺍ ﺗﺠﻬﻴﺰﺍﺕ ...
🍁🍁🍁🍁🍁🍁🍁
ﻣﻦ ﺑﻴﺮﻓﻌﻨﺎ ﺗﻮﺍ ﻫﻲ ..
ﺯﻳﻨﺐ : ﻗﺎﻝ ﺗﻮ ﻧﺤﺎﻭﻝ ﺑﺎﻟﻚ ﻳﻘﺪﺭ ﻭﻳﺼﻴﺮ ﻣﻨﻬﺎ ﺍﻟﻤﺸﻴﻪ ..
ﺭﺑﺎﺏ : ﻻ ﺩﺑﺮﻭﻟﻨﺎ ﻧﺒﻮﺍ ﻧﻤﺸﻮﺍ ﻧﺸﻮﻓﻮﺍ ﺩﻻﻝ ..
ﻉ ﺧﺸﺔ ﺣﻤﺰﺓ ﺍﻟﻠﻲ ﺧﺶ ﺍﺳﻢ ﺩﻻﻝ ﻟﻮﺫﻧﻪ : ﺧﻴﺮﻛﻢ ..
ﺳﻜﺘﻮﺍ ﻭﻫﻤﺎ ﻳﺸﺒﺤﻮﺍ ﻟﺒﻌﺾ ...
ﺣﻤﺰﺓ : ﺗﻜﻠﻤﻮﺍ ﺧﻴﺮﻛﻢ ﺳﻜﺘﻮﺍ ...
ﺭﺑﺎﺏ ﺗﺸﺠﻌﺖ ﻭﻗﺎﻟﺖ : ﻏﺪﻭﺓ ﻧﺒﻮﺍ ﻧﻤﺸﻮﺍ ﻟﺤﻮﺵ ﺧﺎﻟﺘﻲ ﻧﻌﻴﻤﻪ ...
ﺣﻤﺰﺓ : ﻧﻮ ﻧﺮﻓﻌﻜﻢ ..
ﺷﺒﺤﻮﺍ ﻟﺒﻌﺾ ....
ﺣﻤﺰﺓ : ﺍﻣﺘﻰ ﺑﺎﻟﺰﺑﻂ ..
ﺯﻳﻨﺐ ﺑﻀﻴﻖ : ﺍﻟﺴﺎﻋﻪ 3:00 ...
ﺣﻤﺰﺓ ﻫﺰ ﺭﺍﺳﻪ ﺑﺈﻳﺠﺎﺏ ﻭﻣﺸﻲ ﺧﺶ ﻟﺪﺍﺭﻩ ...
ﻭﺍﻣﻪ ﻭﺧﻮﺍﺗﻪ ﻣﻮﺟﻮﻋﺎﺕ ﻋﻠﻴﻪ ..
🍁🍁🍁🍁🍁🍁🍁
ﺍﻟﺴﺎﻋﻪ 11:00 ﻟﻴﻼ ...
ﺧﺶ ﺍﻟﺪﺍﺭ ... ﺷﺎﻓﻬﺎ ﻗﺎﻋﺪﻩ ﺭﺍﻗﺪﺓ ....
ﺗﻨﻬﺪ ﺑﻀﻴﻖ .. ﻭﻣﺸﻲ ﺧﺶ ﺍﻟﺴﺮﻳﺮ ﻭﻗﻌﺪ ﻳﺸﻮﻓﻠﻬﺎ ...
ﻃﺒﺲ ﻉ ﺭﺍﺳﻬﺎ ﻭﺑﺎﺳﻪ ﺑﻌﻤﻖ ...
ﻫﻲ ﻓﺎﻗﺖ ..
ﻫﻮ ﺑﻌﺪ ..
ﺷﺒﺤﺘﻠﻪ ﺷﻮﻳﻪ ...
ﺑﻌﺪﻳﻦ ﻟﻔﺖ ﻟﻴﻪ ﻭﺧﺸﺖ ﻓﺤﻀﻨﻪ : ﺧﺎﻳﻔﺔ ﻣﻨﻚ ﺍﻧﻲ ..
ﻋﻤﺎﺭ ﺿﺤﻚ ﻋﻠﻴﻬﺎ ﺑﺮﻏﻢ ﺣﺎﻟﺘﻪ 💓💓💓💓💓💓
ﻋﻤﺎﺭ : ﻣﺶ ﺷﻦ ﺗﺨﺎﻓﻲ ﺑﺲ ..
ﺩﻻﻝ ﺯﺍﺩﺕ ﺧﺸﺖ ﻓﺤﻀﻨﻪ .. ﻟﻒ ﺍﻳﺪﻳﻪ ﻋﻠﻴﻬﺎ ..
ﻭﻗﺎﻝ : ﺗﺨﺎﻓﻲ ﺗﺠﻲ ﻟﺤﻀﻨﻲ .. ﻣﺎﻻ ﻛﺎﻥ ﻣﺎﺗﺨﺎﻓﻴﺶ ﻣﻨﻲ ﺷﻦ ﺩﺭﺗﻲ ؟ !
ﺩﻻﻝ ﺑﺼﻮﺕ ﻣﻜﺘﻮﻡ : ﺍﺳﻜﺖ ﻧﺒﻲ ﻧﺮﻗﺪ ..
ﻫﻮ ﺣﻀﻨﻬﺎ ﺑﻘﻮﺓ ﻭﻫﻮ ﺑﻀﺤﻚ :. ﺃﺍﺍﺍﺍﻩ ﻳﺎﻋﻤﺮﻱ ﺍﻧﺘﻲ .. ﻳﺎﻗﻠﺒﻲ ... ﻳﺎﺭﻭﺣﻲ ﻳﺎﻋﺸﻘﻲ ...
ﺩﻻﻝ ﺿﺤﻜﺖ ...
ﻋﻤﺎﺭ ﺑﻀﺤﻜﻪ : ﻳﻌﻄﻴﻨﺎ ﺭﺑﻲ ﺍﻟﺼﺒﺮ ...
ﺿﺤﻜﺖ ﺑﻌﺪﻳﻦ ﺑﻌﺪﺕ ﻭﺷﺒﺤﺘﻠﻪ : ﻋﻤﺎﺭ ..
ﺷﺒﺤﻠﻬﺎ : ﻋﻤﺮﻱ ..💓
ﺩﻻﻝ : ﻣﺎﻓﻜﺮﺗﺶ ﺷﻮﻳﻪ ﻓﺤﻜﺎﻳﻪ ﺍﻟﺒﻴﺘﺎﻥ ..
ﻋﻤﺎﺭ : ﺗﻢ ﺍﻟﻜﻼﻡ ﺧﻼﺹ .. ﻻﻧﻔﻜﺮ ﻭﻻﻏﻴﺮﻩ ... ﺑﻴﺎﺕ ﺑﺮﺍ ﺣﻮﺷﻚ ﻻ ..
ﺩﻻﻝ : ﻣﺎﻓﻴﺶ ﺍﻣﻞ ﺑﻜﻞ ...
ﻋﻤﺎﺭ : ﻻﺍﻣﻞ ﻻﺗﻬﺎﻧﻲ .. ﺧﻼﺹ ﻗﻠﻨﺎ ..
ﺿﺤﻜﺖ ...
ﻋﻤﺎﺭ : ﺍﺿﺤﻜﻲ ﺍﺿﺤﻜﻲ .. ﻣﺎﻭﺍﺻﻠﻚ ﺷﻲ .. ﺍﻧﻲ ﺍﻟﻠﻲ ﻗﺎﻋﺪ ﻧﻨﺤﺮﻕ ...
ﺿﺤﻜﺖ ﻭﺧﺸﺖ ﻓﺤﻀﻨﻪ ﺗﺎﻧﻲ ﻭﻗﺎﻟﺖ : ﺍﺭﻗﺪ ﺧﻼﺹ ﻭﺭﺍﻧﺎ ﻧﻮﺿﺔ ﺑﻜﺮﻱ ..
ﺣﻀﻨﻬﺎ ﺑﻘﻮﺓ : ﺍﺭﻗﺪﻱ ﻫﻲ ..
ﺩﻻﻝ ﺑﻀﺤﻜﻪ ﻣﻜﺘﻮﻣﻪ : ﺧﻨﻘﺘﻨﻲ ..
ﺿﺤﻚ ﻋﻠﻴﻬﺎ .. ﺑﻌﺪﻳﻦ ﺭﺍﺧﺎﻫﺎ ..
ﺩﻻﻝ؛ ﻧﺨﺮﻓﻠﻚ ﺧﺮﺍﻓﻪ ..
ﻋﻤﺎﺭ : ﻫﻬﻬﻬﻬﻬﻬﻬﻬﻬﻬﻪ ... ﺷﻦ ﻋﺮﻓﻚ ﻓﻴﻬﻦ ..
ﺩﻻﻝ : ﻧﺴﻴﺖ ﻋﻤﺘﻚ ﻳﺎﺳﻤﺢ ..
ﻋﻤﺎﺭ : ﺍﻧﻲ ﺳﻤﺢ ..
ﺩﻻﻝ ﺑﺨﺠﻞ : ﻛﻠﻤﻪ ﻃﻠﻌﺖ ﻭﺧﻼﺹ 😳
ﻋﻤﺎﺭ ﺑﺈﺑﺘﺴﺎﻣﻪ : ﻣﻌﻨﺎﻫﺎ ﻣﺶ ﺳﻤﺢ ..
ﺩﻻﻝ : ﻭﻭﻭﺍﺍﻙ ﻳﺎﺭﺑﻲ ﺧﻠﻴﻨﻲ ﻧﺨﺮﻓﻠﻚ ...
ﻋﻤﺎﺭ ﺑﻀﺤﻜﻪ : ﺑﺎﻫﻲ ﺧﺮﻓﻲ ﻫﻲ ..
ﺍﺑﺘﺴﻤﺖ ﺩﻻﻝ ﺑﺤﻤﺎﺱ : ﻫﺪﺍ .. ﻳﺎﺣﺎﺿﺎﺭﻙ ﻳﺎﻣﻀﺎﺭﻙ ..
ﻋﻤﺎﺭ : ﻫﻬﻬﻬﻬﻬﻬﻬﻬﻬﻬﻬﻬﻬﻪ ..
ﺩﻻﻝ ﺑﻀﺤﻜﻪ ﻭﻋﻴﻮﻧﻬﺎ ﻣﻐﻤﻀﺎﺕ : ﻳﺎﺑﺎﺭﺩ ﻣﺎﺗﻀﺤﻜﺶ ..
ﻋﻤﺎﺭ ﺑﻀﺤﻜﻪ : ﻛﻤﻠﻲ ﻫﻲ ...
ﻭﺑﺪﺕ ﺩﻻﻝ ﺗﺤﻜﻴﻠﻪ ﻓﺨﺮﺍﻓﻪ ﺍﻟﺴﺒﻊ ﺑﻨﺎﺕ ﻭﺍﻟﻐﻮﻟﻪ ..
ﻭﻫﻮ ﻳﺘﺄﻣﻞ ﻓﻴﻬﺎ ... ﺑﻴﻤﻮﺕ ﻋﻠﻴﻬﺎ ...💓💕💕
ﻭﻫﻲ ﻣﻨﺴﺠﻤﻪ ﻣﻊ ﺍﻟﺨﺮﺍﻓﻪ ... ﻟﻌﻨﺪ ﻣﺎﻭﺻﻠﺖ ﻓﻲ ﺟﺰﺀ ﻣﻦ ﺍﻟﻘﺼﻪ ...
ﺩﻻﻝ : ﺍﻟﻐﻮﻟﻪ ﻗﺎﻟﺖ .. ﺳﺒﻊ ﺑﻨﺎﺕ ﻓﻲ ﻗﺼﺒﺎﺕ ﺳﻌﺪ ﺍﻟﻐﻮﻟﻪ ﺗﺎﻛﻠﻬﻦ ..
ﻋﻤﺎﺭ : ﺍﻫﺎﺍ .. ﺍﻫﺎﺍ ..
ﺩﻻﻝ ﺑﻀﺤﻜﻪ : ﺭﺩ ﻋﻠﻴﻬﺎ ﺍﻟﻜﻠﺐ ﻭﻗﺎﻝ ...
ﻟﻮﺳﻄﺎﺡ ﻓﻮﻕ ﻣﺮﺍﺡ ﻭﺍﻟﻠﻪ ﻣﺎﺫﻭﻗﻬﻦ ...
ﻋﻤﺎﺭ : ﺍﺧﺨﺦ ﻣﻨﻚ ﺍﺧﺦ .. ﻭﺑﺎﺳﻬﺎ ﺑﻮﺳﻪ ﻟﻄﻴﻔﻪ ﻭﺑﻌﺪ ❤
ﺩﻻﻝ : ﻣﻌﺎﺵ ﺍﺩﻳﺮﻟﻲ ﻫﻜﻲ ..💓😳
ﻋﻤﺎﺭ ﺑﻀﺤﻜﻪ : ﺍﻳﻪ ﻛﻤﻠﻲ ﻭﺑﻌﺪﻳﻦ ﺷﻦ ﺩﺍﺭﺕ ﺍﻟﻐﻮﻟﻪ ...
ﺩﻻﻝ ﻣﺎﺯﺍﻝ ﻭﺟﻬﻬﺎ ﺍﺣﻤﺮ ﻟﻜﻦ ﻛﻤﻠﺖ ...
ﻭﻫﻮ ﻗﺎﻋﺪ ﻳﺴﻤﻊ ﺑﺈﻧﺘﺒﺎﻩ ﻭﺣﺐ 💕💕💕
ﺩﻻﻝ : ﻗﺎﻟﺖ ﻳﺎﺣﺒﺤﺐ ﺭﻣﺎﻥ ﻣﺪﻱ ﺩﻻﻟﻚ ﻷﻣﻚ ﺗﺮﻗﺎﻟﻚ ..
ﻋﻤﺎﺭ : ﺷﻮﻱ ﻻﺣﺒﺤﺐ ﺭﻣﺎﻥ ﻭﻻﺣﺒﺤﺐ ﺩﻻﻉ .. ﻋﺪﺕ ..
ﺩﻻﻝ : ﺍﻳﻪ .. ﺍﻟﻤﻬﻢ ﺑﻌﺪﻳﻦ ....
ﻛﻤﻠﺖ ﺗﺨﺮﻓﻠﻪ ... ﻟﻴﻦ ﻭﺻﻠﺖ ﻧﻬﺎﻳﺘﻬﺎ ..
ﺩﻻﻝ : ﺳﺎﻣﻌﻬﺎ ﻗﺒﻞ .
ﻋﻤﺎﺭ : ﺍﻟﺤﻖ ﻻ .. ﺑﺲ ﺳﻤﺤﻪ ﻭﻓﻴﻬﺎ ﻋﺒﺮﺓ ...
ﺩﻻﻝ ﺿﺤﻜﺖ ﻭﻗﺎﻟﺖ : ﺧﺮﺍﻓﺎﺕ ﺣﻨﺎﻱ ﻛﻠﻬﻢ ﺣﻠﻮﺍﺕ ﻭﻫﻲ ﻛﻴﻒ ﺗﺤﻜﻲ ﻓﻴﻬﻢ ﺗﻬﺒﻞ .
ﻋﻤﺎﺭ : ﺍﻧﺘﻲ ﺍﻟﻠﻲ ﺗﻬﺒﻠﻲ ﻭﺣﻖ ﺍﻟﻠﻪ 💓💓💓💓💕
ﺩﻻﻝ ﺷﺒﺤﺘﻠﻪ ..
ﻫﻮ ﻗﻌﺪ ﻳﺸﻮﻓﻠﻬﺎ ... ﻭﺍﻟﻌﻴﻮﻥ ﻳﻨﺎﺩﻭﺍ ﻓﻴﻬﺎ ...
ﻫﻲ ﺍﺑﺘﺴﻤﺖ ﻭ ﻗﺮﺑﺖ ﻣﻨﻪ ﻭﺑﺎﺳﺎﺗﻪ ﻣﻦ ﺧﺪﻩ ...
ﻫﻮ 💓💓💓💓💓💓💓💓.............................
ﺑﻌﺪﺕ ﻭﻗﺎﻟﺖ : ﻏﺪﻭﺓ ﻭﺭﺍﻧﺎ ﻧﻮﺿﺔ ﺑﻜﺮﻱ .. ﺗﺼﺒﺢ ﻉ ﺧﻴﺮ ..
ﻭﻟﻔﺖ ﻋﻄﺎﺗﻪ ﺑﺎﻟﻈﻬﺮ ﻭﻫﻲ ﻣﺒﺘﺴﻤﻪ ﻭﻣﻐﻤﻀﻪ ﻋﻴﻮﻧﻬﺎ 💕
ﻋﻤﺎﺭ ﻗﻌﺪ ﻳﺸﻮﻓﻠﻬﺎ ﺯﻱ ﺍﻟﻤﺴﺒﻮﻩ ﻭﺧﻼﺹ 💓💓💓..
ﺑﻌﺪﻳﻦ ﺍﺳﺘﺎﻗﺾ ... ﺭﻗﺪ ﻉ ﻇﻬﺮﻩ ﻭﻣﺴﺢ ﺑﻴﺪﻩ ﻉ ﺷﻌﺮﻩ ... ﻭﻗﺎﻝ
💕 ﻭﻣﺎﺯﻟﺖ ﻓﻴﻚ ﻧﺮﺍﺟﻲ 💕
ﻫﻲ ﺿﺤﻜﺖ ﻉ ﺍﻟﻬﺰﺍﺯ ...
ﻭﻫﻮ ﻳﺸﻮﻓﻠﻬﺎ ﻭﻳﻀﺤﻚ ...
ﺷﻮﻳﻪ ﻭﻫﻲ ﺧﺪﺍﻫﺎ ﺍﻟﻨﻮﻡ ..
ﻭﻫﻮ ﻗﻌﺪ ﺳﻬﺮﺍﻥ ﻟﻴﻠﻬﺎ 💕💕💕💕💕
🍃🍃🍃🍃🍃🍃
ﻭﺟﻲ ﺍﻟﻴﻮﻡ ﺍﻟﻠﻲ ﺑﻌﺪﻩ ...
ﻭﻧﻌﻴﻤﻪ ﻭﻧﻮﺭ ﻣﻦ ﺍﻟﻔﺠﺮ ﻓﺎﻳﻘﺎﺕ ﻳﻮﺗﻮﺍ ...
ﻭﺷﻮﻳﻪ ﻭﺟﻮ ﻋﻤﺎﺗﻬﺎ ... ﺑﻌﺪﻳﻦ ﺧﺎﻻﺗﻬﺎ ﻭﺭﺑﺎﺏ ﻭﺭﺍﻧﻴﺎ ...
ﻭﻛﺎﻧﻮﺍ ﻻﻫﻴﻴﻦ ﻳﻮﺗﻮﺍ ﻟﻴﻪ ﻟﻴﻪ ...
ﻣﻊ ﺍﻟﺴﺎﻋﻪ 4:30 ...
ﻛﺎﻧﻮﺍ ﻭﺍﺻﻠﻴﻦ ﺍﻫﻞ ﻋﻤﺎﺭ ....
ﻭﻋﻤﺎﺭ ﻭﺩﻻﻝ ...
ﻭﻗﺎﻟﺒﻴﻦ ﺍﻟﺪﻧﻴﺎ ﺑﺎﻟﻜﻼﻛﺴﺎﺕ ..
ﻭﻣﺎﺧﻠﻮﺍ ﻣﺎﺟﺎﺑﻮﺍ ﻭﻛﺮﻛﺮﻭﺍ ﻣﻌﺎﻫﻢ ....
ﻛﺎﻧﻮﺍ ﺑﻮﻫﺎ ﻭﻋﻤﺎﻣﻬﺎ ﻭﺟﺪﻫﺎ ﻓﻲ ﺍﻹﺳﺘﻘﺒﺎﻝ ...
ﻟﺒﺴﺖ ﺩﻻﻝ ﺍﻟﺒﺪﻟﻪ ﺍﻟﻜﺒﻴﺮﺓ ﻭﻛﺎﻧﺖ ﻻﺑﺴﻪ ﻋﻠﻴﻬﺎ ﻛﺎﺏ ﺍﺑﻴﺾ ﻛﺒﻴﺮ ﻣﻐﻄﻴﻬﺎ ..
ﻭﻣﺪﺧﻠﻴﻨﻬﺎ ﺣﻤﻮﺍﺗﻬﺎ ﻭﻋﺰﻭﺯﺗﻬﺎ ..
ﻭﺍﺳﺘﻘﺒﻠﻮﻫﻢ ﺑﺪﺭﺑﻮﻛﻪ ﻭﺍﻟﻐﻨﻲ ﻭﺍﻟﺰﻏﺎﺭﻳﻂ ...
ﻭﺍﻟﺮﺟﺎﻟﻪ ﺍﺳﺘﻘﺒﻠﻮﺍ ﻣﺨﺘﺎﺭ ﻭﻋﻤﺎﺭ ﺍﺣﺴﻦ ﺍﺳﺘﻘﺒﺎﻝ .. ﻭﺩﺧﻠﻮﻫﻢ ﺍﻟﻤﺮﺑﻮﻋﻪ ﺍﻟﺨﺎﺭﺟﻴﺔ ..
ﻭﻃﺒﻌﺎ ﻧﻮﺭ ﻭﺭﺍﻧﻴﺎ ﻭﺭﺑﺎﺏ ﻛﺎﻧﻮﺍ ﻣﻊ ﺍﻟﻌﺮﻭﺳﻪ ﻃﻮﻝ ﺍﻟﻮﻗﺖ ...
🌸 ﺩﻻﻝ ...
ﺍﻟﻠﻲ ﻛﺎﻧﺖ ﺗﺮﺍﺟﻲ ﻓﻲ ﺍﻟﻤﺸﻴﻪ ﻟﺤﻮﺵ ﺍﻫﻠﻬﺎ ﺑﻔﺎﺭﻍ ﺍﻟﺼﺒﺮ ﺣﺎﺳﺔ ﺑﺎﻟﻮﺣﺸﺔ ﻣﻦ ﺩﻭﻧﻬﻢ ﻭﺍﻟﻐﺮﺑﻪ ...
ﻫﻲ ﺗﻮﺍ ﺣﺎﻟﻴﺎ ﻭﻫﻰ ﻣﻘﻌﻤﺰﺓ ﻉ ﻛﺮﺳﻲ ﻭﺣﻮﺍﻟﻴﻬﺎ ﺍﻫﻠﻬﺎ ﻭﺍﺣﺒﺎﺑﻬﺎ ...
ﺣﺴﺖ ﺑﺎﻟﻐﺮﺑﻪ ﺑﻘﻮﺓ ...
ﺣﺴﺖ ﺑﺎﻟﻮﺣﺸﻪ ﺑﻘﻮﺓ ..
ﺣﺴﺖ ﺍﻥ ﻫﻲ ﻣﻌﺎﺵ ﺗﺘﻨﻤﻲ ﻟﻬﺎﻟﻤﻜﺎﻥ ﺯﻱ ﻗﺒﻞ ...
ﺑﻴﻦ ﻛﻞ ﺍﻟﻮﺟﻮﻩ ﺍﻟﻠﻲ ﺗﺤﺒﻬﻢ ﻭﺍﻟﻠﻲ ﺍﺳﺘﺎﺣﺸﺘﻬﻢ ...
ﻛﺎﻧﺖ ﻓﺎﻗﺪﺓ ﻭﺟﻪ ﻭﺍﺣﺪ ﺑﺲ ... ﺣﺎﺳﻪ ﺍﻧﻬﺎ ﻣﺎﺗﺒﻴﺶ ﺗﺸﻮﻑ ﺣﺪ ﻏﻴﺮﻩ ..
ﺣﺎﺳﻪ ﺭﻭﺣﻬﺎ ﺑﺮﻭﺣﻬﺎ .... ﺗﺒﺘﺴﻢ ﻣﺠﺎﻣﻠﻪ ﻭﺗﻀﺤﻚ ﻭﺗﻬﺪﺭﺯ ﻣﺴﺎﻳﺮﺓ ...
ﻭﻣﻦ ﺩﺍﺧﻠﻬﺎ ﻛﺎﻥ ﻓﻲ ﺷﻲ ﻛﺒﻴﺮ ﻧﺎﺍﺍﺍﺍﻗﺺ ﺑﻘﻮﺓ ...
ﻓﺎﺗﺖ .. ﺳﺎﻋﻪ ... ﺍﺗﻨﻴﻦ .... ﺗﻼﺗﻪ ..... ﺍﺭﺑﻌﻪ ....
ﻭﻫﻲ ﻛﻞ ﻣﺎﻟﻪ ﻫﺎﻟﺸﻌﻮﺭ ﻳﺴﻴﻄﺮ ﻋﻠﻴﻬﺎ ...
ﻟﻌﻨﺪ ﻣﺎ ...
ﻧﻌﻴﻤﻪ : ﺑﻮﻙ ﻳﺒﻲ ﻳﺸﻮﻓﻚ ...
ﺍﺑﺘﺴﻤﺖ ﻭﻧﺎﺿﺖ ﻭﻣﺸﺖ ﻣﻊ ﺍﻣﻬﺎ ...
ﻟﻴﻦ ﻭﺻﻠﺖ ﻓﻴﻪ ...
ﺩﻻﻝ : ﺑﺎﺑﺎ ..
ﻋﺒﺪﺍﻟﺴﻼﻡ ﻭﻋﻴﻮﻧﻪ ﻣﻌﺒﻴﺎﺕ ﺩﻣﻮﻉ : ﺍﺩﻟﻮﻟﻪ .. ﻭﺣﻀﻨﻬﺎ ...
ﻧﻌﻴﻤﻪ ﻭﺩﻣﻮﻋﻬﺎ ﻳﻨﺰﻟﻮﺍ : ﻣﺎﺗﺒﻜﻴﻬﺎﺵ ..
ﺑﻌﺪﻫﺎ ﻋﺒﺪﺍﻟﺴﻼﻡ : ﺭﺍﺟﻠﻚ ﻳﻤﺪﺡ ﻭﻳﺸﻜﺮ ﻓﻴﻚ ﻭﻓﺘﻄﻴﻴﺒﻚ ..
ﺿﺤﻜﺖ ﺩﻻﻝ 💓
ﻋﺒﺪﺍﻟﺴﻼﻡ : ﻣﺮﺗﺎﺣﻪ ﻳﺎﺑﺎﺑﺎ ..
ﺩﻻﻝ ﺑﺈﺑﺘﺴﺎﻣﻪ : ﺍﻟﺤﻤﺪ ﻟﻠﻪ ﺑﺎﺑﺎ ...
ﻋﺒﺪﺍﻟﺴﻼﻡ : ﺍﻟﺤﻤﺪ ﻟﻠﻪ ... ﺍﻫﻢ ﺷﻲ ﺗﺮﺩﻱ ﺑﺎﻟﻚ ﻣﻦ ﻧﻔﺴﻚ ﻭﻣﻦ ﺻﺤﺘﻚ ... ﻭﺗﺮﻓﻌﻲ ﺭﻭﺳﻨﺎ ﻗﺪﺍﻡ ﺭﺍﺟﻠﻚ ﻭﺍﻫﻠﻪ ..
ﺩﻻﻝ : ﺣﺎﺿﺮ ...
ﻋﺒﺪﺍﻟﺴﻼﻡ : ﺭﺑﻲ ﻳﺴﻌﺪﻙ ﻭﻳﻬﻨﻴﻚ ﺑﻨﺘﻲ ..
ﺩﻻﻝ ﻗﺪﻣﺖ ﻭﺑﺎﺳﺖ ﻉ ﺭﺍﺳﻪ : ﺭﺑﻲ ﻳﻄﻮﻝ ﻓﻲ ﻋﻤﺮﻙ ﻳﺎﻏﺎﻟﻲ ..
ﻋﺒﺪﺍﻟﺴﻼﻡ ﻫﺰ ﺭﺍﺳﻪ ﺑﺈﻳﺠﺎﺏ ﻭﻣﺸﻲ ﻃﻮﻝ ..
ﻧﻌﻴﻤﻪ ﻣﺴﺤﺖ ﺩﻣﻮﻋﻬﺎ : ﻫﻴﺎ ﻣﺎﻣﺎ ..
ﺩﻻﻝ ﻭﻫﻲ ﺗﺤﺎﻭﻝ ﺗﺸﺪ ﺩﻣﻌﺘﻬﺎ : ﺷﻦ ﻣﺎﻣﺎ ﺷﻦ ﻣﺪﺍﻳﺮﺓ ﻣﻊ ﺍﻟﺒﻮﺑﻮ ..
ﻧﻌﻴﻤﻪ ﺑﻀﺤﻜﻪ : ﻣﺎﺷﻲ ﺍﻟﺤﺎﻝ ..
ﺿﺤﻜﺖ ﺩﻻﻝ ..
ﻭﻭﻟﺖ ﺑﻴﻬﺎ ﺍﻣﻬﺎ ﺩﺍﺧﻞ ...
ﺑﻌﺪ ﻗﻌﻤﺰﺕ ﺟﺘﻬﺎ ﺭﺍﻧﻴﺎ ...
ﺭﺍﻧﻴﺎ : ﻭﺍﺧﻴﺮﺍ ﺣﺼﻠﺖ ﻣﻌﺎﻙ ﻓﺮﺻﻪ ﺩﻟﻮﻟﻲ .. ﻗﻮﻟﻴﻠﻲ ﻣﺮﺗﺎﺣﻪ ﻣﻊ ﻋﻤﺎﺭ ..
ﻟﻤﺎ ﻗﺎﻟﺖ ﺍﺳﻤﻪ ﻗﻠﺒﻬﺎ ﻓﺰ 💓..
ﺩﻻﻝ ﺍﺑﺘﺴﻤﺖ : ﺍﻟﺤﻤﺪ ﻟﻠﻪ ..
ﺭﺍﻧﻴﺎ ﺑﻀﺤﻜﻪ : ﻗﻠﻨﺎﻟﻚ ﻋﻤﺎﺭ ﻳﻬﺒﻞ ﻣﺎﺻﺪﻗﺘﻴﺶ .
ﺩﻻﻝ ﺑﻀﺤﻜﻪ : ﺷﻦ ﺟﻮ ﺍﻷﺻﻔﺮ ..
ﺭﺍﻧﻴﺎ ﺑﻀﺤﻜﻪ : ﻳﺴﻠﻢ ﻋﻠﻴﻚ ..
ﺩﻻﻝ : ﺳﻠﻤﻪ ﻳﺎﺭﺑﻲ .. ﺳﻠﻤﻴﻠﻲ ﻋﻠﻴﻪ ..
ﺭﺍﻧﻴﺎ ﺑﺈﺑﺘﺴﺎﻣﻪ : ﻳﻮﺻﻞ ..
ﺟﺘﻬﻢ ﺭﺑﺎﺏ : ﻗﺎﻟﺘﻠﻚ ﺍﺧﺮ ﺍﺧﺒﺎﺭﻱ ..
ﺩﻻﻝ ﺑﺮﻓﻌﺔ ﺣﻮﺍﺟﺐ : ﺍﺧﺒﺎﺭ ﺷﻨﻲ ...
ﺿﺤﻜﺖ ﺭﺍﻧﻴﺎ ﻭﺣﻜﺖ ﻟﺪﻻﻝ ... ﻭﺩﻻﻝ ﻓﺮﺣﺖ ﻫﻠﺒﻪ ﻟﺮﺑﺎﺏ ...
ﻫﺪﺭﺯﻭﺍ ﺷﻮﻳﻪ ﻭﺑﻌﺪﻳﻦ ...
ﺻﻜﺮﺕ ﻛﺎﻣﻠﻪ ﻣﻦ ﻣﻜﺎﻟﻤﻪ ﺑﺘﻠﻴﻔﻮﻧﻬﺎﻭﻗﺎﻟﺖ؛ﻋﻤﺎﺭ ﻗﺎﻝ ﻫﻴﺎ ..
ﺩﻻﻝ ﻓﺮﺣﺖ ﻣﻦ ﻭﺳﻂ ﻗﻠﺒﻬﺎ ...❤
ﻧﻌﻴﻤﻪ : ﻣﺎﺯﺍﻝ ﺑﻜﺮﻱ ﺍﻟﻠﻄﻒ ..
ﻛﺎﻣﻠﻪ : ﻣﺴﺎﻓﺔ ﻃﺮﻳﻖ ﻳﺎﻧﻌﻮﻣﻪ ﻣﺎﻧﻚ ﻏﺎﺑﻴﻪ ...
ﻧﻮﺭ ﻃﻮﻝ ﻫﺮﺑﺖ ﺑﺪﻭﻥ ﻣﺎﺗﺴﻠﻢ ...💔
ﺳﻠﻤﻮﺍ ﻉ ﺩﻻﻝ ﺧﺎﻻﺗﻬﺎ .. ﻭﺑﻌﺪﻳﻦ ﻋﻤﺎﺗﻬﺎ ﺍﻣﻨﻪ ﻭﻋﺒﻴﺮ ... ﻭﺧﻮﻟﺔ ﺑﺎﻟﺴﻴﻒ ﺳﻠﻤﺖ ..
ﻭﺣﻨﺎﻫﺎ ﺍﻣﺒﺎﺭﻛﻪ ﺗﺴﻠﻢ ﻭﺗﺎﺧﺪ ﻭﺗﻮﺻﻲ ...😁
ﺳﻠﻤﻮﺍ ﻋﻠﻴﻬﺎ ﺑﻌﺪﻳﻦ ﺭﺑﺎﺏ ﻭﺭﺍﻧﻴﺎ ..
ﻭﺍﺧﺮ ﺷﻲ ﺍﻣﻬﺎ ﻭﻛﺎﻧﻮﺍ ﺍﻟﺰﻭﺯ ﻳﺠﺎﻫﺪﻭﺍ ﺑﺶ ﺩﻣﻌﺘﻬﻢ ﻣﺎﺗﻨﺰﻟﺶ ...
ﺩﻻﻝ : ﺑﻮﺳﻴﻠﻲ ﺍﻟﺠﺤﺸﺔ ﻧﻮﺭ ..
ﻧﻌﻴﻤﻪ ﺑﺈﺑﺘﺴﺎﻣﻪ ﻭﻋﻴﻮﻧﻬﺎ ﻣﺪﻣﻌﺎﺕ : ﺑﺎﻫﻲ ..
ﻟﺒﺴﺖ ﺑﻨﺘﻬﺎ ﺍﻟﻜﺎﺏ ...
ﻭﻃﻠﻌﻮﺍ ﺣﻤﻮﺍﺗﻬﺎ ﻭﻋﺰﻭﺯﺗﻬﺎ ﺑﻌﺪ ﺍﻟﺴﻼﻡ ...
ﺩﻻﻝ ﻟﻤﺎ ﺳﻤﻌﺖ ﺻﻮﺕ ﻋﻤﺎﺭ ﺣﺴﺖ ﺑﻠﻬﻔﻪ ﻟﺸﻮﻓﺘﻪ ﻏﻴﺮ ﺍﻟﻜﺎﺏ ﻣﻐﻄﻴﻬﺎ ...
ﻫﻮ ﺷﺎﻓﻬﻢ ﺟﺎﻳﺒﻴﻨﻬﺎ ﺍﺑﺘﺴﻢ ﻉ ﺟﻨﺐ ﻭﻛﻤﻞ ﻫﺪﺭﺯﺗﻪ ﻣﻊ ﺑﻮﻫﺎ ﻭﻋﻤﺎﻣﻬﺎ ﻫﻮ ﻭﺑﻮﻩ ...
ﺑﻌﺪﻳﻦ ﺳﻘﺪﻭﻫﻢ ...
ﻭﻃﻠﻊ ﻋﻤﺎﺭ ﻭﻣﺸﻲ ﻟﻠﺴﻴﺎﺭﺓ ﻭﺭﻛﺐ ..
ﻋﻤﺎﺭ : ﺍﻳﻴﻴﻪ ... ﺷﻨﻮ ﻳﺎﺳﻤﺤﻪ ﺗﺮﻳﺤﺘﻲ ..
ﺩﻻﻝ ﺑﺂﺑﺘﺴﺎﻣﻪ : ﺍﻳﻪ 💕
ﺿﺤﻚ ﻭﺷﻐﻞ ﺍﻟﺴﻴﺎﺭﺓ ...
ﻣﻦ ﺑﺮﺍ ﻋﺒﺪﺍﻟﺴﻼﻡ : ﻓﻲ ﺍﻣﺎﻥ ﺍﻟﻠﻪ ..
ﻋﻤﺎﺭ : ﻫﻲ ﺑﺎﻟﺴﻼﻣﻪ ...
ﺷﻐﻞ ﺍﻟﺴﻴﺎﺭﺓ ﻭﺗﺤﺮﻙ ...
ﻭﺭﺍﻩ ﺳﻴﺎﺭﺓ ﺑﻮﻩ ...
ﻋﻤﺎﺭ : ﺷﻨﻮ ﺣﺎﻟﻬﻢ ﺍﻣﻚ ﻭﺍﺧﺘﻚ ..
ﺩﻻﻝ : ﺍﻟﺤﻤﺪ ﻟﻠﻪ ..
ﻋﻤﺎﺭ : ﺍﻟﺤﻤﺪ ﻟﻠﻪ ...
ﺷﻮﻳﻪ ﻭﻓﺘﺢ ﺍﻟﻤﺴﺠﻞ .. ﻭﻣﻌﺮﻭﻑ ﻣﻦ ﺣﻴﺴﻤﻊ ..
ﻭﻫﺎﻟﻤﺮﺓ ﺍﺧﺘﺎﺭ ﺍﻏﻨﻴﻪ ...
ﻷﻧﻚ ﺣﺒﻴﺒﻲ ....
ﺍﻭﻝ ﻣﺎﺑﺪﻱ ﻳﻐﻨﻲ .. ﺩﻻﻝ ﺗﺴﻤﻊ ﺑﺄﻧﺴﺠﺎﻡ
ﻷﻧﻚ ﺣﺒﻴﺒﻲ ... ﻷﻧﻚ ﺣﺒﻴﺒﻲ ..
ﻷﻧﻚ ﺣﺒﻴﺒﻲ ﻋﻮﺩﺕ ﻋﻴﻨﻲ ﺑﻴﻚ ..
ﻷﻧﻚ ﺣﺒﻴﺒﻲ ﻷﻧﻚ ﺣﺒﻴﺒﻲ .
ﻷﻧﻚ ﺣﺒﻴﺒﻲ ﺣﻠﻴﺖ ﻋﻴﻨﻲ ﻓﻴﻚ ❤
ﺩﻻﻝ ﺍﻷﻏﻨﻴﺔ ﺣﺮﻛﺖ ﻗﻠﺒﻬﺎ ﻣﻦ ﺩﺍﺧﻞ .... ﺣﺴﺖ ﻛﻞ ﺷﻲ ﻓﻴﻬﺎ ﺗﺤﺮﻙ ﺍﺗﺠﺎﻩ ﻋﻤﺎﺭ ....
ﻭﻫﻮ ﻳﺴﻮﻕ ﻭﻣﻨﺴﺠﻢ ﻣﻊ ﺍﻷﻏﻨﻴﻪ ..
ﺟﻤﺪ ﻓﻤﻜﺎﻧﻪ ...
ﻧﺰﻝ ﻋﻴﻮﻧﻪ ﻟﻴﺪﻩ ... ﻟﻘﻲ ﻳﺪﻫﺎ ﺍﻟﺒﻴﻀﺎ ﺍﻟﻤﺤﻨﻴﻪ ﻣﺤﻄﻮﻃﻪ ﻋﻠﻴﻬﺎ ﻭﺷﺎﺩﺗﻬﺎ ..
ﻫﻮ ﺷﺒﺢ ﺍﻟﻘﺪﺍﻡ ﻓﻴﺴﻊ .. ﻷﻧﻪ ﻗﺮﻳﺐ ﻓﻘﺪ ﺍﻟﺴﻴﻄﺮﺓ ﻉ ﺍﻟﺴﻴﺎﺭﺓ ...
ﻋﻤﺎﺭ ﻭﻗﻠﺒﻪ ﻓﻲ :💓💓💓1000000 ﺭﺑﻲ ﻳﺴﺎﻣﺤﻚ ﻉ ﺍﻟﻠﻲ ﺩﻳﺮﻱ ﻓﻴﻪ ﻓﻴﺎ ..
ﺩﻻﻝ ﺑﻀﺤﻜﻪ : ﻭﺍﻧﻲ ﺷﻦ ﺩﺭﺕ؟ ...!
ﻋﻤﺎﺭ ﻗﺎﻡ ﻳﺪﻫﺎ ﻭﺑﺎﺳﻬﺎ ﺑﻌﺪﻳﻦ ﺣﻄﻬﺎ ﻉ ﻗﻠﺒﻪ : ﻭﺍﻟﻠﻪ ﻣﺎﻧﻌﺮﻓﻚ ﻳﺎﺩﻻﻝ ﺧﻼﺹ ﺭﺍﻫﻮ ﻭﺍﻟﻠﻪ ﻳﺎﺑﻨﺖ ﺍﻟﻨﺎﺱ ﻣﻌﺎﺩ ﻓﻴﻬﺎ ﻛﻴﻒ 💓
ﺩﻻﻝ : ﻫﻬﻬﻬﻬﻬﻬﻪ ...
ﻋﻤﺎﺭ : ﺍﺿﺤﻜﻲ ﺍﺿﺤﻜﻲ .. ﺗﻲ ﺣﻲ ﻋﻠﻴﻚ ﺣﻲ ﻏﻴﺮ ﻧﻮﺻﻠﻮﺍ ﺑﺲ 💓💓💓💓💓💓
ﺩﻻﻝ ﺍﺑﺘﺴﻤﺖ ﺑﺨﺠﻞ ﻭﻗﻠﺒﻬﺎ ﻳﺪﻕ ﺑﻘﻮﺓ ...💓
ﻭﻋﻤﻨﺎ ﻋﻤﺎﺭ ﺗﺤﻮﻝ ﻟﻤﺎﻳﻜﻞ ﺷﻮﻣﺎﺧﺮ ...😁
ﻳﺠﺮﻱ ﻓﺠﺮﻱ ﺟﻨﻮﻧﻲ ﺑﺶ ﻳﻮﺻﻞ ...
ﺻﺒﺮ ﺍﺧﺮ ﻟﺤﻈﺎﺕ ﻟﻠﻮﺻﻮﻝ ﻟﻠﻤﺒﺘﻐﻰ ﻣﺎﻳﻨﻄﺎﻗﺶ ...
ﻭﺑﻮﻩ ﻭﺍﻣﻪ ﻣﺴﺘﻐﺮﺑﻴﻦ ﻓﻴﻪ ... ﻭﻣﻌﺎﺵ ﻟﺤﻖ ﻋﻠﻴﻪ ﺑﻮﻩ ..😂...
🍃🍃🍃🍃
ﺑﻤﺠﺮﺩ ﺧﺸﻮﺍ ﺳﺮﺕ ...
ﺟﻲ ﺍﺗﺼﺎﻝ ﻟﻌﻤﺎﺭ ... ﻭﻛﺎﻧﺖ ﻫﻨﺪﺍ ...
ﺭﺩ ﻋﻠﻴﻬﺎ ﺑﺎﻟﺴﻴﻒ : ﺍﻳﻮﻩ ...
ﻫﻨﺪﺍ : ﻋﻤﺎﺭ ... ﺧﺎﻟﻲ ﻋﺒﺪﺍﻟﻘﺎﺩﺭ ﺗﻮﻓﻲ ...
" ﻋﺒﺪﺍﻟﻘﺎﺩﺭ ﺑﻮ ﺳﻤﺮ ﻫﻮ ﺧﺎﻝ ﻫﻨﺪﺍ .. ﻭﻋﻢ ﻋﻤﺎﺭ "...
🍃 ﻭﺟﺖ ﺍﻟﺤﺰﻳﻨﻪ ﺗﻔﺮﺡ ... ﻣﺎﻟﻘﺘﻴﻠﻬﺎﺵ ﻣﻄﺮﺡ ...🍃
ﻭﻟﻸﺳﻒ ..
ﺭﻭﺣﻮﺍ ﻉ ﺍﻟﻌﺰﻱ ... ﻳﺪﻭﺏ ﻟﺤﻘﻮﺍ ﻳﻐﻴﺮﻭﺍ ﻭﻃﻮﻝ .... ﻣﺸﻮﺍ ﻟﺤﻮﺵ ﻋﺒﺪﺍﻟﻘﺎﺩﺭ ....
🍃🍃🍃🍃🍃🍃🍃🍃
ﻳﻮﻡ ﺍﻻﺛﻨﻴﻦ ...
ﺍﻟﺴﺎﻋﻪ 2:00 ﺑﻌﺪ ﺍﻟﻈﻬﺮ ..
ﺩﺭﺳﺖ ﺍﻟﺴﻴﺎﺭﺓ ﻗﺪﺍﻡ ﺍﻟﺤﻮﺵ ...
ﺳﻤﻴﺮﺓ : ﻫﻮ ﻫﻀﺎ ...
ﻋﺮﻭﺑﻪ : ﺑﺲ ﻓﻲ ﻛﺜﻴﺮ ﻋﺠﺌﺔ ﻣﻮﺋﻠﺘﻴﻠﻲ ﺍﻧﻮ ﻳﻮﻡ ﺍﻟﺤﻤﺎﻡ .
ﺳﻤﻴﺮﺓ : ﺍﻳﻪ .. ﺑﺲ ﺑﺎﻳﻨﻪ ﺍﻗﺎﺭﺑﻬﺎ ﻭﺍﺟﺪ ... ﺍﺻﻮﻟﻬﻢ ﺯﻟﻴﻄﻨﻴﻪ ..
ﻋﺮﻭﺑﻪ : ﺍﻣﻢ ... ﻳﻠﻼ ﻧﻨﺰﻝ ..
......
: ﺍﻳﻮﻩ ﻳﺎﺍﺑﺮﺍﻫﻴﻢ ... ﺍﻳﻪ ........ ﻻﺍﻻ ﻗﻮﻟﻪ ﻣﺶ ﻻﺯﻡ .... ﻗﻮﻟﻪ ﺣﻤﺪﻱ ﺩﺑﺮ ﻓﻴﻬﻢ ...
.........
ﺳﻤﻴﺮﺓ : ﺗﻮ ﻧﺠﺮﺏ ﻧﻜﻠﻤﻬﺎ ...
ﻋﺮﻭﺑﻪ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ..
ﺳﻤﻴﺮﺓ : ﻣﺮﺣﺒﺎ ﺣﺒﻴﺒﺘﻲ ﺍﺳﻤﺎ .. ﺍﻧﺎ ﻭﺯﻣﻴﻠﺘﻲ ﻭﺻﻠﻨﺎ ..... ﺗﻤﺎﻡ .... ﺑﺎﻱ .. ﻭﺻﻜﺮﺕ ..
ﺳﻤﻴﺮﺓ : ﺗﻌﺎﻟﻲ ﻧﺨﺸﻮﺍ ..
ﻋﺮﻭﺑﻪ : ﻳﻠﻼ ...
.........
ﺻﻜﺮ ﺍﻟﻤﻜﺎﻟﻤﻪ ﻭﺍﺷﺮ ﻟﻮﺍﺣﺪ : ﻣﻦ ﺍﻟﺨﻠﻒ ﻳﺎ ﻣﻌﺰ .. ﺍﻳﻪ ﻣﻦ ﺍﻟﺒﺎﺏ ﺍﻟﺨﻠﻔﻲ ..
ﻭﺻﻠﻮﺍﻫﻤﺎ ﺍﻟﺰﻭﺯ ﻟﻠﺒﺎﺏ ﻭﺑﻴﺨﺸﻮﺍ ...
ﻫﻮ ﺟﺎﻱ ﻗﺪﺍﻣﻬﻢ ...
: ﺗﻤﺎﺍﺍﺍﻡ .. ﺗﻤﺎﺍﻡ ....
ﻋﺮﻭﺑﻪ : ﻋﻔﻮﺍ ﻟﻮﺳﻤﺤﺖ ..
ﺗﻠﻔﺖ ﻭﻫﻮﻳﺮﺩ ﺑﺪﻭﻥ ﺍﻧﺘﺒﺎﻩ ﺑﺎﺩﺉ ﺍﻷﻣﺮ : ﺗﻔﻀﻞ .. ﺗﻔﻀﻠﻲ .. ﺍﺧﺘﻲ .. ﻭﺑﻌﺪ ...
ﻋﺮﻭﺑﻪ : ﺷﻜﺮﺍ ...
ﻫﻮ ﻗﻌﺪ ﻣﻌﺎﻫﺎ ﺑﻌﻴﻮﻧﻪ ﻟﻴﻦ ﺧﺸﺖ ...
ﺍﺳﺘﺎﻗﺾ .. ﺗﻨﺤﻨﺢ ... ﻭﺭﺟﻊ ﻛﻤﻞ ﺑﺎﻗﻲ ﺷﻐﻠﻪ ..
ﻭﻫﻮ ﻣﺶ ﻉ ﺑﻌﻀﻪ ....💓
..... ﻳﺘﺒﻊ