التكمله..
#العشق_المتمرد "اختبار"
#جمان_فريد
الجزء114 القسم الأخير..
نزلوا...
💕ماباش لايلوم ولايعاتب..
ومانشدهاش عن امها..
ضيفهم فحوشه..
ومرام رحبت بيها واهلت وسهلت بحب...
ورباب كانت معاها عاديه جدا..
شافت عمار ونحلاته..وقاماته فحضنها وهي ادمع من الفرح..
قعدوا هي وراجلها ساعتين من زمان وروحوا...
جية رباب هادي..هدت قلب هانيبال شويه..
وريحت مرام بعض الشيء..
🍁🍁🍁🍁
تاني يوم...
في المكتب..
زين وهو يتكلم بالتليفون:باهي ياباش مهندس..اني في الإنتظار.......ايه الطالبه قريب توصل.......تمام تمام...وعليكم السلام...
صكر زين...وحط تليفونه ع الطاوله..
انفتح باب المكتب بقوة..
فنص وهويشوفلها كيف خاشه هاده...وهي تسكر في الباب وراها..
جاته طول وقفت قدام المكتب وقالت بفرح:اني اليوم مستعده نخدم ع المشروع 5ساعات متواصله..
ابتسم وقال؛حماس مفرط..
ابتسمت ونزلت عيونها لوطا وقالت:قدموا موعد الإفراج عن ولد خالي..الحمد لله..استجاب دعائنا..
زين بإبتسامة الم:الحمد لله..
تلاشت ابتسامة رانيا..
ضيقت عيونها بعدين قامتهم فيه..
لقاته يشبحلها بأبتسامه حلوة..
هي ضحكت بإندهاش وقالت:انت...!
زين:نبيك تلهي فمشروعك تخدمي عليه بمعنويات مرتفعه وكلك حماس زي توا..رانيا...ضروري جدا يوم 14\12 تكوني مناقشه مشروعك..
ابتسمت من قلبها وقالت:حاضر. استاذي🌟..
ضحك وناض من ورا مكتبه..
مشي للباب فتحه وقال:هي تفضلي..
هزت راسها بإيجاب وهي تشوفله بإبتسامه امتنان..
طلعت من المكتب..
وهو وراها وصكر الباب...
🍃🍃🍃🍃🍃
وتعدي الأيام..
ويخش شهر اغسطس...
ويمر عادي...
كل شي زي ماهو...
ويعدي...
ويخش شهر سبتمبر....
ويمر نصه...
اهم حدث صار فيه..هو نتيجة الشهادة الثانويه لحدهم..
اللي نجحت بتقدير ممتاز...
بوها دارلها زردة نجاح كبيرة...
ورفعها لأمها اللي دارتلها حتى هي زردة كبيره...
وكانت هالأيام اسعد ايام فحياة حدهم...
وأيمن كان فرحان ع خاطرها هلبه...
وجي دوره هو بش يشد وياخد الشهاده الثانويه..
اللي ناوي من بعدها يطلب حدهم رسمي...💕
🍁🍁🍁🍁
موعد سفرة هانيبال ومرام جي...
بعد ودعوا عائلاتهم...بالدموع...
رفعهم محمد هالمرة لطرابلس..
اختار يسافر هانيبال من غادي..
بش يسلم ع خواته...
وتحديدا زينب...
فات ع حوش كفايه قعد عندها نص ساعه.
بعدين نعيمه وكذلك قعد عندها نص ساعه..
بعدين زينب...
🍁قوليلهم طلعت..
رانيا بصدمه:امي خيرك!!؟معقوله يام شن دارلك بش اديري هدا كله قوليلي!!..
زينب بنفاد صبر:ماعنديش خلوق يابنتي افهمي اني كان ريتهم توا مانعرفش شن يطلع مني اسمعي الكلام..
رانيا مشت وهي معصبه ع الآخر طلعت من دار النوم ..
وصكرت وراها امها الباب...
رانيا وقفت فالصاله وهي تقول:كيف ندير ياربي كيف!!..
روان:خيرك رنو؟..
رانيا:شي حبيبتي شي..
طق الباب..
رانيا بخوف:حي عليا حي..
طق مرة تانيه..
مشت بسرعه للباب وهي فقمة التوتر..
وصلت في الباب رسمت ع وجهها ابتسامه وفتحت الباب..
لقت هانيبال قدامها..
ووراه محمد ومرام فغمرها ولدها..
هانيبال:طرشوله..
ضحكت وقالت:تفضلوا خشوا خالو..
خش هانيبال..
وخشت بعده مرام..
وبعدها محمد..
سلموا ع بعض..
بعدين رانيا قالت وهي تشوف لعمار:خشوا خشوا...وخيتي سلمه..ماشاء الله..
ابتسمت مرام..
وخشوا كلهم وهي معاهم وقلبها يدق بقوة من توترها وخوفها...
وصلوا الصاله..
ناضت روان لخالها تجري:خالو..
هو طبس حضنها وقامها:شن جو ..
روان:حلو..
محمد:روان يامشفشفه..
ضحكت روان..
محمد:مال وين امك..
رانيا وروان ردوا مع بعض..
"طالعه..في الدار"..
هانيبال تلاشت ابتسامته ضيق عيونه ووزع نظره عليهم الزوز..
بعدين ثبت عيونه ع رانيا..
ومحمد ومرام يشوفوله..
هانيبال بصوت هادي:امك وين؟..
بلعت رانيا ريقها وقالت؛طلعت قبل تجوا بشويه غير روان مارتهاش..
محمد:كيف ماعندهاش علم بجيتنا؟..
رانيا بربكه:مشت تعاين..
مرام؛لاباس خيرها؟..
رانيا:رقبتها..
نزل هانيبال روان وقال؛تمام تمام...وقف ع حيله وقال..لاباس عليها..سلمي عليها وقوليلها خالي جي بيسلم عليك قبل يسافر..
"ومالقاك"..
رانيا قريب تبكي..
هانيبال؛هي بالسلامه تو..
رانيا حضناته بقوة..
وهو قعد يمسح ع راسها بعدين قال :خلاص رانيا معاش عندنا وقت..
بعدت رانيا بالسيف..
مشي هانيبال..
وهي جت لمرت خالها وسلمت عليها..
ومرام كانت مضايقه ع الآخر..
ومحمد تكنطى..
بعد سلمت عليهم رانيا سقدتهم ..
طلعوا ..
قعدت واقفه لين شافتهم ركبوا السيارة..
بعدين تحرك محمد..
هانيبال شاف للباب..
رانيا وروان اشروله بإيديهم يودعوا فيه..
هو ردهالهم..
وبعد اختفوا عن انظاره..
شبح القدام..
وفيه غصة ووجع..
عمره فحياته ماحس بغصة ووجع زيهم...
ورانيا بعد خشت..
مشت للدار وهي معصبه .
فتحت الباب وخشت..
لقت امها مقعمزة ع السرير..
حاطه يدها ع عيونها وتبكي بالعبرة..
رانيا:باهي علاش ماطلعتيش يام علاش..
زينب بنبرة بكاء فيها شي بالعصبيه:اطلعي من قدام وجهي..اطلعي..
قعدت رانيا واقفه شويه بعدين مشت طلعت..
وصكرت وراها الباب..
وخلت امها تبكي بحرقه...
🍃🍃🍃🍃🍃
ومن هداكا اليوم..
بالزبط عدا اسبوع..
موعد ولاده رباب قرب خلاص اواخر شهر سبتمبر..
وزينب اللي كانت مدايرة جمعيه ع خاطرها مع الجارات خلوها تاخدها ع خاطر لمة بنتها..
لازم اهلها يديرولها حاجه ماتبيش كل شي يكون ع اهل راجلها..تبي تقدر بنيتها قدام متاعينها..
فيوم..
طلعت هي وروان للسوق
رانيا ماقدرتش تطلع بسبب خدمتها ع مشروعها...
السوق كان حداهم ع رجليهم مشوا..
كانت تبي تشري لوازم البيبي واللمه..
وكذلك قرمبيول لروان اللي ناويين يدخلوها تمهيدي..
المشوار تعب زينب هلبه..
مع غلاء الأسعار اضطرت تتنازل عن بعض الاشياء وخدت المهم المهم...
قعدت لقبل المغرب بشوي..
كانت شاده فيدها الشكاير..وروان مساعدتها وقايمه معاها حاجات..
شوي روان قالت؛ماما نبي حلوة كاكاويه..
زينب بتذمر:معاش عندي جهد ياماما خلاص..
روان بإصرار:والنبي ماما والنبي والنبي..
زينب وقفت وهي تتأفف..
حطت الحاجات ع الوطا..
وفتحت شنطتها طلعت منها 75قرش..اللي كانوا عبارة عن قطع نقديه..
مدتهم لروان..
خدتهم روان بفرح..
زينب؛فيسع فيسع ..
روان:باهي..
ومشت تجري للمحل..
وزينب واقفه تحسب في الفلوس اللي قعدوا..
روان وهي تجري..
انفلت من يدها 50قرش..
جي حدا عجلة سيارة..
شافاته مشت تجري بتاخده..
فنفس الوقت اكانت فيه مراة واقفه ع سيارتها ورا
السيارة اللي كانوا تحتها فلوس البنيه..
شبحتلها شويه..بعدين غيرت عيونها لزينب لقتها تفتش فشكايرها...
روان كانت تحاول اطلع 50 قرش..
حطت رجلها تحت العجله تحاول اطلع الفلوس..
فهالوقت..
المراة انشغلت ببضاعتها..
وزينب تفتش في الشكاير دور ع حاجه..
فبالها انها خدتها ومالقتهاش..
جي صاحب السيارة وفيده شكارة خبزة..
ركب فيها ..
شغلها..
وصكر الباب..
وتحرك..
لما تحرك وخر...
فجأة...
صوت صراخ عالي لطفله صغيره..
فزع كل الموجودين في الشارع..
المراة شافتلها..
وزينب كذلك..
توسعوا عيونها...وعيطت ع طول رقبتها..
طلقت اللي فيدها ومشت لبنتها تجري..
والمراة تعيط وتأشر لصاحب السيارة...
الراجل انخلع....
المراة بعياط:قددددم...
الراجل وهو مخلوع قدم بالسيارة..
زينب وهي جايه تجري...
عترت وطاحت..
جت مقعمزة..
حاولت تنوض ماقدرتش..الم فضيع فظهرها وصل لرقبتها..
عيطت من قوته..
الناس التموا عليهم كلهم..
صاحب السيارة نزل يجري..
جي ورا سيارته..
شاف المراة اللي كانت تعيط عليه..
شاده روان اللي كان مغمى عليها..
والمراة تشوف لرجل روان وتعيط وتبكي وهي تقول:كلموا الإسعااااف ياناس مانقدرش نتصرف..مانقدرش نتصرف..
الراجل حط ايديه ع راسه بصدمه وهو يشوف لرجل روان..
والناس كذلك اللي كانوا موجودين مصدومين في اللي شايفينه..
وزينب اللي حواليها يحاولوا ينوضوها وهي تعيط وتقول "بنتي بنتييييي..."
تباعد من قدامها واحد...
خلاها تشوف بنتها...
عيونها جو ع رجل روان..
رت قدم بنتها شبه مفصوله عن اسفل الساق..
لحمه بس اللي موصله بيناتهم..
هالمنظر هبل امها..
خلاها تعيط بهستيريا فالشارع..
والناس حواليها قلوبهم متقطعه ع المشهد المؤلم القاسي اللي قاعدين يشوفوا فيه...
...يتبع...
