باقي الجزء71
#العشق_المتمرد
💓💓💓
ﻧﻔﺲ ﺍﻷﻏﻨﻴﻪ ..
ﺳﻤﻌﻮﻫﺎ ﻓﻲ ﻧﻔﺲ ﺍﻟﻴﻮﻡ ﺛﻮﺍﺭ ﺍﻟﺠﺒﻞ ﺑﻌﺪ ﻭﺻﻠﻬﻢ ﺍﻟﺨﺒﺮ ..
ﻣﻦ ﺍﺣﺪ ﺭﺍﻳﻮﺩﻫﺎﺕ ﺍﻟﻤﻨﺎﻃﻖ ﺍﻟﻤﺤﺮﺭﻩ ..
ﻛﺎﻧﻮﺍ ﺭﺍﻓﻌﻴﻦ ﺍﻳﺪﻳﻬﻢ ﻭﻛﻞ ﻭﺍﺣﺪ ﺷﺎﺩ ﺳﺎﻋﺪ ﺍﻟﺘﺎﻧﻲ ﻭﻳﻐﻨﻮﺍ ﺑﺼﻮﺕ ﻭﺍﺣﺪ ..
ﺷﺪﻭﺍ ﺍﻟﻌﺰﻡ ﻳﺎﻟﻐﺮﺍﺑﻪ ﻣﻊ ﺍﻟﺰﺍﻭﻳﻪ ﻭﺯﻧﺘﺎﻥ ..
ﺍﻳﺪﻳﻜﻢ ﻓﻲ ﺍﻳﺪﻳﻦ ﺑﻌﻀﻜﻢ ﻧﺤﻮﺍ ﻫﺎﻟﺠﺒﺎﻥ ..
ﻳﻐﻨﻮﺍ ﺑﺤﻤﺎﺱ ﻭﻳﺰﻳﺪﻭﺍ ﻳﺘﺸﺠﻌﻮﺍ ﺍﻛﺜﺮ ﻭﺗﺮﺗﻔﻊ ﻣﻌﻨﻮﻳﺎﺗﻬﻢ ..
ﻣﺶ ﻫﻤﺎ ﺑﺲ ﺣﺘﻰ ﺍﻫﻞ ﻃﺮﺍﺑﻠﺲ ﻭﺍﻟﻤﻨﺎﻃﻖ ﺍﻟﻠﻲ ﻣﺎﺗﺎﺭﺗﺶ ﻓﻴﻬﺎ ﻧﺎﺱ ﺛﺎﺭﻭﺍ ﺑﺼﻤﺖ ..
ﻭﻛﺎﻧﻮﺍ ﺍﻏﻠﺒﻬﻢ ﻓﺤﻴﺎﺷﻬﻢ ﺣﺎﻃﻴﻦ ﻉ ﺍﺫﺍﻋﺔ ﻟﻴﺒﻴﺎ FM ﻭﻳﺴﻤﻌﻮﺍ ﻓﻴﻬﺎ ﻭﻳﻐﻨﻮﺍ ﺑﺤﻤﺎﺱ ... ﺑﺲ ﻃﺒﻌﺎ ﺑﺄﺻﻮﺍﺕ ﺧﺎﻓﺘﻪ ﺍﻭ ﻏﻴﺮ ﻣﺴﻤﻮﻋﻪ ..
ﺻﺪﻕ ﻣﻦ ﺳﻤﺎﻛﻲ ﻣﺪﻳﻨﺔ ﺍﻟﺼﻤﻮﺩ ..
ﻣﺼﺮﺍﺗﻪ ﻳﺎﺣﺮﺓ ﻉ ﻣﺮ ﺍﻟﻌﻬﻮﺩ ..
🍁 ﻭﺻﺪﺣﺖ ﺳﺎﺣﺔ ﺍﻟﻜﻴﺶ ﺑﻨﻔﺲ ﺍﻷﻏﻨﻴﻪ ..
ﺑﺼﻮﺕ ﻭﺍﺣﺪ
ﺻﺪﻕ ﻣﻦ ﺳﻤﺎﻛﻲ ﻣﺪﻳﻨﺔ ﺍﻟﺼﻤﻮﺩ
ﻣﺼﺮﺍﺗﻪ ﻳﺎﺣﺮﻩ ﻉ ﻣﺮ ﺍﻟﻌﻬﻮﺩ ...
🍃 ﺍﻟﺤﻜﺎﻳﻪ ﻣﺶ ﺣﻜﺎﻳﻪ ﻣﺼﺮﺍﺗﻪ ﺑﻌﻴﻨﻬﺎ ﻭﻗﺘﻬﺎ ﻻ ..
ﺍﻟﺤﻜﺎﻳﺔ ﺍﻛﺒﺮ ﻣﻦ ﻫﻜﻲ ..
ﻫﺪﺍﻛﺎ ﺍﻟﻮﻗﺖ ﻛﺎﻥ ﻣﻄﺮﻭﺡ ﻣﺸﺮﻭﻉ ﺍﻟﺘﻘﺴﻴﻢ ﺧﻠﻒ ﺍﻟﻜﻮﺍﻟﻴﺲ ﺍﻟﻘﺬﺍﻓﻲ ﻭﺍﻟﺪﻭﻝ ﺍﻟﻐﺮﺑﻴﻪ ﺍﺗﻔﻘﻮﺍ ﻋﻠﻴﻪ ﻓﻲ ﺣﺎﻝ ﺳﻴﻄﺮ ﻉ ﻣﺼﺮﺍﺗﻪ ..
ﻟﺬﻟﻚ ﻫﺒﻮﺍ ﺛﻮﺍﺭ ﺍﻛﺜﺮ ﻣﻦ ﻣﺪﻳﻨﻪ ﻟﺪﻋﻢ ﺧﻮﺗﻬﻢ ﻏﺎﺩﻱ ﻭﺍﻟﺪﻓﺎﻉ ﻋﻦ ﺍﻟﻮﺣﺪﻩ .. ﻉ ﺍﻟﺠﺴﺪ ﺍﻟﻠﻴﺒﻲ ﻣﻦ ﺍﻟﺘﻤﺰﻕ ..
ﻟﻬﺪﺍ ﻫﺎﺍﻟﻨﺼﺮ ﻛﺎﻥ ﻧﺼﺮ ﻟﻜﻞ ﺍﻟﺜﻮﺍﺭ .. ﻓﻲ ﻛﻞ ﺍﻟﻤﺪﻥ ﺳﻮﺍﺀ ﻛﺎﻧﺖ ﺍﻟﺜﺎﺋﺮﺓ ﺍﻭ ﺍﻟﻠﻲ ﺗﺴﺘﻨﻰ ﻓﻲ ﺳﺎﻋﺔ ﺍﻟﺼﻔﺮ .. 🍃
💔 ﻏﻴﺮ ﺷﻦ ﺟﺎﻧﺎ ﺑﺲ ﺷﻦ ﺟﺎﻧﺎ ...
ﺍﺍﺍﻩ .. ﻟﻮ ﻟﻠﻴﻮﻡ ﻟﺴﺎﻥ ﻛﺎﻥ ﺷﻜﻲ ﻷﻣﺲ ﻭﺧﺒﺮﻩ ﻉ ﺍﻟﻠﻲ ﺻﺎﺭ ﻭﺍﻟﻠﻲ ﻃﺮﻱ ﻟﻠﺨﻮﺕ 💔
🍃🍃🍃🍃🍃🍃🍃
ﺧﺒﺮ ﻣﺸﺎﺭﻛﺔ ﺭﻣﺰﻱ ﻓﻲ ﺍﻟﺤﺮﺏ ﻛﻤﺘﻄﻮﻉ ﻭﺻﻞ ﻟﻠﻌﻴﻠﻪ ﻛﻠﻬﺎ ..
ﻋﻤﺎﻣﻪ ﻭﺑﻮﻩ ﻃﺎﺭﺗﻠﻬﻢ ﻉ ﺍﻵﺧﺮ ..
ﺑﺎﻟﺬﺍﺕ ﻫﺎﻧﻴﺒﺎﻝ ﺍﻟﻠﻲ ﺗﺄﻛﺪ ﺍﻥ ﺭﻣﺰﻱ ﺩﺍﺭ ﻫﻜﻲ ﻫﺮﺑﺎ ﻣﻦ ﻋﺬﺍﺏ ﺍﻟﻔﺮﺍﻕ ...
ﻭﺣﺎﻭﻝ ﺑﻜﻞ ﺍﻟﻮﺳﺎﺋﻞ ﺑﺶ ﻳﻮﺻﻞ ﻓﻴﻪ ﺍﻭ ﻳﺴﻤﻊ ﻋﻨﻪ ﺍﻱ ﺧﺒﺮ ..
ﺑﺲ ﺑﻼﻓﺎﻳﺪﻩ ...
🍁 ﺳﻌﻴﺪﻩ ﻧﻔﺴﻴﺘﻬﺎ ﺯﻱ ﺍﻟﺰﻓﺖ ..
ﻭﺭﺯﺍﻥ ﻛﺎﻥ ﺿﻤﻴﺮﻫﺎ ﻭﺍﺟﻌﻬﺎ ﻉ ﺍﻷﺧﺮ ﻭﻣﺎﺑﻄﻠﺘﺶ ﺑﻜﻲ ﻉ ﺧﻮﻫﺎ ..
ﻣﺎﻧﻘﻮﻟﻮﺵ ﺍﻧﻬﺎ ﻧﺪﻣﺖ ﻉ ﺍﻟﻠﻲ ﺩﺍﺭﺗﻪ .. ﻷﻧﻬﺎ ﻗﻌﺪﺕ ﺗﺪﻋﻲ ﻋﻠﻲ ..
ﺭﺯﺍﻥ ﺑﺒﻜﻲ : ﻋﻄﻴﻚ ﻣﺎﻳﺮﻓﻌﻚ ﻳﺎﺭﺍﻧﻴﺎ ﻛﻠﻪ ﻣﻨﻚ ..
🍁 ﻏﺎﻟﻴﻪ ﺣﺎﻟﻬﺎ ﺑﺎﻟﻮﻳﻞ ﻣﺶ ﺭﺍﻳﺢ ﻣﻦ ﺑﺎﻟﻬﺎ ..
ﺧﺸﺖ ﻓﻲ ﺣﺎﻟﺔ ﻛﺂﺑﻪ ﺧﻠﺘﻬﺎ ﺗﺠﻔﺎ ﺍﻟﺰﺍﺩ .. ﻭﺗﺠﻔﺎ ﺍﻟﺤﻴﺎﺓ ﺑﻜﺒﺮﻫﺎ ..
🍁 ﺣﻨﺎﺗﻪ ﻣﻦ ﺍﻟﺘﺨﻤﻴﻢ ﻋﻠﻴﻪ ﻟﻴﻦ ﻣﺮﺿﻮﺍ ﺳﻮﺍ ﻛﺎﻥ ﺣﺪﻫﻢ ﻭﻻﻓﺎﻃﻤﻪ .. ﻭﺟﺪﻭﺩﻩ ﻋﺒﺪﺍﻟﻠﻪ ﺭﻣﻀﺎﻥ ﻛﺬﻟﻚ ..
🍁 ﺳﻤﻌﻮﺍ ﻋﻤﺎﺗﻪ ﻭﺍﻟﺨﺒﺮ ﻓﺠﻌﻬﻢ ﻭﻭﺟﻌﻬﻢ ..
ﻭﺗﺼﺪﻗﻮﺍ ﺍﻥ ﺍﻛﺜﺮ ﻣﻦ ﺍﻧﻮﺟﻊ ..
ﺯﻳﻨﺐ ..
ﺍﺫﻛﺮﺕ ﻫﺪﻳﻜﺎ ﺍﻟﻤﻜﺎﻟﻤﻪ ..
ﻛﻴﻒ ﻳﻜﻠﻢ ﻓﻴﻬﺎ ﻭﻳﺘﺮﺟﻰ ..
ﺯﻳﻨﺐ ﺑﻜﺖ ﺑﻜﻲ ... ﻟﻴﻦ ﻣﺮﺿﺖ ..
ﻭﻧﺒﻬﺖ ﻉ ﺭﺑﺎﺏ ﻣﺎﺗﻘﻮﻝ ﺷﻲ ﻟﺮﺍﻧﻴﺎ ﺑﻜﻞ ..
ﻭﺍﺳﺎﺳﺎ ﺭﺑﺎﺏ ﻣﺴﺘﺤﻴﻞ ﺗﺤﻜﻲ ﻣﻦ ﻏﻴﺮ ﺷﻲ ﺍﺧﺘﻬﺎ ﻓﺼﺤﺘﻬﺎ ﻛﻞ ﻳﻮﻡ ﻟﺘﺎﻟﻲ ...
ﺣﻤﺰﺓ ﺑﻐﻀﺐ : ﺣﻤﺎﺭ ﺍﻗﺴﻢ ﺑﺎﻟﻠﻪ ﺣﻤﺎﺭ ﻛﻴﻒ ﻳﺨﺶ ﻓﻲ ﻫﺎﻟﺒﻠﻲ ﻭﻳﻦ ﻋﻘﻠﻪ ..
ﺯﻳﻨﺐ ﺗﺒﻜﻲ ﻭﺧﻼﺹ ..
ﺣﻤﺰﺓ ﺑﻌﻴﻮﻥ ﻣﻠﻴﺎﻧﻪ ﺩﻣﻮﻉ : ﺭﺑﻲ ﻳﻠﻄﻒ ﺑﻴﻪ ﻭﺧﻼﺹ ..
ﻭﻣﺸﻲ ﺑﻴﻄﻠﻊ ﻣﻦ ﺍﻟﻜﻮﺟﻴﻨﻪ ﺷﺎﻑ ﺭﺍﻧﻴﺎ ﺟﺎﻳﻪ ..
ﻣﺎﺳﻤﻌﺘﺶ ﻛﻼﻣﻬﻢ ..
ﻟﻜﻦ ﻛﺎﻥ ﺧﻮﻫﺎ ﻣﻼﺣﻆ ﺍﻥ ﺧﻄﻮﺍﺗﻬﺎ ﺛﻘﻴﻠﻪ ﻭﻫﻲ ﺗﻤﺸﻲ
ﺭﻛﺰ ﻉ ﻭﺟﻬﻬﺎ ﺍﻟﻀﻌﻴﻒ ﺍﻟﺸﺎﺣﺐ ..
ﻭﻓﻤﻬﺎ ﺍﻷﺑﻴﺾ ..
ﺭﻛﺰ ﻉ ﻋﻴﻮﻧﻬﺎ ﻟﻘﺎﻫﻢ ﻳﺘﺴﻜﺮﻭﺍ ﺑﺸﺪﺓ ...
ﻭﻃﻮﻝ ﻃﺎﺣﺖ ﻗﺪﺍﻣﻪ ..
🍁🍁🍁🍁
ﻳﺎﻧﺎﺭﻱ ﻉ ﺑﻨﻴﺘﻲ !!
ﺯﻳﻨﺐ ﺑﺒﻜﻲ : ﺣﻲ ﻋﻠﻴﺎ ﻳﺎﻏﺎﻟﻴﻪ ﻫﺎﺩﻱ ﻣﺎﺳﻤﻌﺘﺶ ﻭﺻﺎﺭﻟﻬﺎ ﻫﻜﻲ ﻣﺎﻝ ﻛﺎﻥ ﺳﻤﻌﺖ ﺷﻦ ﻳﺼﻴﺮ ﻓﻴﻬﺎ .. ﺗﻤﻮﺕ !!
ﻏﺎﻟﻴﻪ ﺑﺒﻜﻲ : ﺑﻌﻴﺪ ﺍﻟﺴﻮ ... ﺍﺍﺍﻩ ﻳﺎﺯﻳﻨﺐ ﺍﻟﻠﻪ ﻳﺴﺎﻣﺤﻜﻢ ﻭﺧﻼﺹ ﺍﻟﻠﻪ ﻳﺴﺎﻣﺤﻜﻢ ..
ﺣﻄﺖ ﺯﻳﻨﺐ ﻳﺪﻫﺎ ﻉ ﻓﻤﻬﺎ ﻭﻗﻌﺪ ﺗﺒﻜﻲ ..
ﻏﺎﻟﻴﻪ ﺻﻜﺮﺕ ﻋﻠﻴﻬﺎ ﻭﺣﻄﺖ ﻳﺪﻫﺎﺍﻟﻠﻲ ﺷﺎﺩﻩ ﺑﻴﻬﺎ ﺍﻟﺘﻠﻴﻔﻮﻥ ﻉ ﻭﺟﻬﻬﺎ ﻭﻗﻌﺪﺕ ﺗﺒﻜﻲ
🍁 ﻭﺻﻞ ﺧﺒﺮ ﻣﺮﺽ ﺭﺍﻧﻴﺎ ﻟﻠﻌﻴﻠﻪ ...
ﻭﻗﺮﺭ ﻋﻤﺮ ﻳﻤﺸﻲ ﻭﻳﺒﻲ ﻫﺎﻧﻴﺒﺎﻝ ﻳﻤﺸﻲ ﻣﻌﺎﻩ ..
ﻫﺎﻧﻴﺒﺎﻝ؛ﻻ ﻟﻄﺮﺍﺑﻠﺲ ﻣﺎﻧﻌﺪﻳﺶ .. ﻋﺪﻱ ﺑﺮﻭﺣﻚ ﻭﻻﻗﻞ ﻣﻌﺎﻙ ﺍﻟﻬﺎﺩﻱ ..
ﻋﻤﺮ : ﻓﺴﺨﺖ ﻳﺎﻫﺎﻧﻴﺒﺎﻝ ..
ﺷﺒﺤﻠﻪ ﺑﺤﺪﻩ ﻭﻗﺎﻝ؛ﺍﻳﻪ .. ﺗﺮﻳﺤﺖ ..
ﻭﻓﺎﺕ ﻣﻦ ﺣﺪﺍﻩ ..
ﻋﻤﺮ " ﻭﺍﻟﻠﻪ ﻫﻜﻲ ﺧﻴﺮﻟﻚ .."
🍁🍁🍁🍁🍁
ﺍﻟﺴﺎﻋﻪ 9:00 ﻟﻴﻼ ..
ﺭﺑﺎﺏ : ﺍﻣﻲ .. ﺍﻣﻲ ..
ﻓﺎﻗﺖ ﺯﻳﻨﺐ ﺍﻟﻠﻲ ﻛﺎﻧﺖ ﺭﺍﻗﺪﻩ ﻉ ﻛﺮﺳﻲ ﻭﻫﻲ ﻣﺨﻠﻮﻋﻪ : ﺧﻴﺮﻫﺎ ﺍﺧﺘﻚ !!
ﺭﺑﺎﺏ : ﻣﺎﻓﻴﻬﺎ ﺷﻲ ﻗﺎﻋﺪﺓ ﺭﺍﻗﺪﻩ ..
ﺷﺒﺤﺘﻠﻬﺎ ﺯﻳﻨﺐ ﺗﻨﻔﺴﺖ ﺑﺮﺍﺣﻪ ..
ﺭﺑﺎﺏ ﻣﺪﺕ ﻷﻣﻬﺎ ﺍﻟﺘﻠﻴﻔﻮﻥ : ﻫﺎﻙ ﺧﺎﻟﺘﻲ ﻛﻔﺎﻳﻪ ..
ﺯﻳﻨﺐ ﺿﻴﻘﺖ ﻋﻴﻮﻧﻬﺎ : ﺇﻥ ﺷﺎﺀ ﺍﻟﻠﻪ ﻏﻴﺮ ﻣﺎﺗﻌﺒﺘﻬﺎﺵ ﺭﻭﺍﻥ ..
ﺧﺪﺍﺗﻪ ﻭﺭﺩﺕ : ﻛﻔﺎﻳﻪ ..
ﺭﺑﺎﺏ : ﺑﻨﻤﺸﻲ ﻧﺎﺧﺪ ﻣﻴﻪ ..
ﺯﻳﻨﺐ : ﻏﻴﺮ ﺍﻥ ﺷﺎﺀ ﺍﻟﻠﻪ ﻣﺎﺗﻌﺒﺎﺗﻜﺶ .. ﻭﺍﺷﺮﺕ ﻟﺮﺑﺎﺏ ﺑﻴﺪﻫﺎ ﺗﻤﺸﻲ ..
ﻣﺸﺖ ﺭﺑﺎﺏ ﻃﻠﻌﺖ ﻣﻦ ﺍﻟﺤﺠﺮﻩ ..
ﻭﺻﻜﺮﺕ ﺍﻟﺒﺎﺏ ...
ﻭﻛﻤﻠﺖ ﻃﺮﻳﻘﻬﺎ .. ﻟﻴﻦ ﻧﺰﻟﺖ ﻟﻮﻃﺎ ...
ﻭﻫﻲ ﻣﺎﺷﻴﻪ ﺍﺩﻭﺭ ﻉ ﺍﻟﻤﻜﺎﻥ ﺍﻟﻠﻲ ﻳﺒﻴﻌﻮﺍ ﻓﻴﻪ ﺍﻟﻤﻴﻪ ﻓﻲ ﺍﻟﻤﺴﺘﺸﻔﻰ ..
ﺷﺎﻓﻮﻫﺎ ﺟﻤﺎﻋﻪ ﻣﻦ ﺍﻟﻜﺘﺎﻳﺐ .. ﻛﺎﻧﻮﺍ ﻣﻮﺟﻮﺩﻳﻦ ﻓﻲ ﺍﻟﻤﺴﺘﺸﻔﻰ ﺟﺎﻳﺒﻴﻦ ﺟﺮﺣﻰ ..
ﺯﻭﺯ ﻧﻔﺎﺭ ..
ﻟﻤﻌﺖ ﻋﻴﻮﻧﻬﻢ ﺑﺨﺒﺚ ﻟﻤﺎ ﺟﺖ ﻋﻠﻴﻬﺎ ..
ﺷﺒﺤﻮﺍ ﻟﺒﻌﺾ .. ﺍﺑﺘﺴﻤﻮﺍ ﺑﻤﻜﺮ ..
ﺑﻌﺪﻳﻦ ﻣﺸﻮﺍ ﻭﺭﺍﻫﺎ ..
ﻫﻲ ﻛﺎﻧﺖ ﺗﻤﺸﻲ ﻭﺍﺩﻭﺭ ..
ﻭﻫﻤﺎ ﻓﺠﺮﺗﻬﺎ ..
: ﺍﻧﺘﻲ ﻫﻴﻲ . ﺍﻭﻗﻔﻲ ﺷﻮﻳﻪ ..
ﺭﺑﺎﺏ ﻓﻨﺼﺖ ﻗﺮﻳﺐ ﻣﺎﺗﺖ ﻣﻦ ﺍﻟﺨﻮﻑ ..
ﻗﻌﺪﺕ ﺗﺴﺮﻉ ﻓﻤﺸﻴﺘﻬﺎ ..
: ﺗﻲ ﻏﻴﺮ ﺑﺸﻮﻳﻪ ﻋﻠﻴﻚ ﻣﺶ ﻭﺍﻛﻠﻴﻨﻚ ﺑﻨﻬﺪﺭﺯﻭﺍ ﺑﺲ ..
ﺭﺑﺎﺏ ﺗﺮﻋﺶ ﻣﻊ ﺑﻌﻀﻬﺎ ﻗﺎﻟﺖ ﻓﻲ ﺩﺍﺧﻠﻬﺎ ..
" ﺷﻮﻗﻨﻲ ﺍﻟﻤﻴﻪ "😣
: ﺗﻲ ﻏﻴﺮ ﺍﺳﻤﻌﻲ .. ﺍﻭﻗﻔﻲ ﻳﺎﺑﻨﺖ ..
ﺯﺍﺩﺕ ﺳﺮﻋﺖ ﻣﺸﻴﺘﻬﺎ ..
ﺷﺎﻓﺖ ﺯﻱ ﺍﻟﻤﻨﻌﻄﻒ ...
ﺟﺎﻳﻪ ﺑﺘﻤﺸﻲ ﻣﻨﻪ ...
ﺍﻧﺼﺪﻣﺖ ﺑﻴﻪ ﻟﻤﺎ ﻟﻘﺎﺗﻪ ﻣﺴﻜﺮ ..
ﺷﺒﺤﺖ ﺟﻨﺒﻬﺎ ﻟﻘﺘﻬﻢ ﺟﺎﻳﻴﻦ ﻭﻫﻤﺎ ﻳﻀﺤﻜﻮﺍ ..
: ﺣﺼﻠﺘﻴﻴﻴﻲ ...
ﻫﻲ ﺟﻴﺖ ﺑﺘﻔﻮﺗﻬﻢ ﻭﺑﺘﻤﺸﻲ ﻣﻦ ﺍﻟﺠﻬﺔ ﺍﻟﺘﺎﻧﻴﻪ ..
ﺣﺎﺻﺮﻭﻫﺎ ..
ﻭﻗﻔﺖ ﻭﻫﻲ ﺗﺮﻋﺶ ﻣﻊ ﺑﻌﻀﻬﺎ ﻭﻋﻴﻮﻧﻬﺎ ﻟﻮﻃﺎ ﻭﺗﻘﻮﻝ : ﺧﻠﻮﻧﻲ ﻓﺤﺎﻟﻲ ..
: ﻫﻬﻬﻬﻬﻬﻬﻬﻪ .. ﻭﻛﺎﻥ ﻣﺎﺧﻠﻴﻨﺎﻛﺶ ..
ﺭﺑﺎﺏ ﻣﻌﺮﻭﻑ ﻋﻨﻬﺎ ﺍﻧﻬﺎ ﺟﺮﻳﺌﺔ ﺗﻘﺪﺭ ﺍﺩﻳﺮ ﺭﺩﺓ ﻓﻌﻞ ﻗﻮﻳﻪ ..
ﻟﻜﻦ ﻫﺎﻟﻤﺮﺓ ﺍﻟﺴﻼﺡ ﺍﻟﻠﻲ ﺗﺸﻮﻑ ﻓﻴﻪ ﻉ ﺧﻮﺍﺻﺮﻫﻢ ﺧﻼ ﺟﺮﺃﺗﻬﺎ ﺗﺘﺒﺨﺮ ..
: ﺗﻌﺮﻓﻲ ﺍﻧﻚ ﻃﺮﻑ ﻟﻠﻮﺡ ..
ﻫﻲ ﻟﻤﺎ ﻟﻘﺘﻬﻢ ﻗﺮﺑﻮﺍ ..
ﺟﺖ ﺑﺘﺼﻜﻬﺎ ﻋﻴﻄﻪ ..
ﻟﻜﻦ ..
" ﺍﻧﺖ ﻭﻳﺎﺍﺍﺍﺍﺍﻩ .."
ﺍﻧﺼﻤﺘﻮﺍ ﺍﻟﺰﻭﺯ ..
ﺗﻠﻔﺘﻮﺍ ﻃﻮﻝ ..
ﺷﺎﻓﻮﻩ ﻭﻫﻮ ﻳﻘﺪﻣﻠﻬﻢ ﻭﻫﻮ ﻳﺘﺴﺎﺋﻞ ﺑﻐﻀﺐ : ﺵ ﺩﻳﺮﻭﺍ ﻫﻨﻰ ..
ﺍﻟﺰﻭﺯ ﻭﻻﻛﻠﻤﻪ ..
ﻭﺻﻞ ﻓﻴﻬﻢ ﺟﺒﺪ ﻭﺍﺣﺪ ﻣﻦ ﻓﺎﻧﻴﻠﺘﻪ ..
ﻭﺩﻓﻪ ﻉ ﺍﻟﺘﺎﻧﻲ ...
: ﺗﺤﺮﻛﻮﺍ ﻳﺎﻛﻼﺏ ﻣﻦ ﻫﻨﻰ ﻫﻴﺎﺍﺍ ... ﺣﺴﺎﺑﻜﻢ ﺑﻌﺪﻳﻦ ..
ﻣﺸﻮﺍ ﻃﻮﻝ ﺑﺴﺮﻋﻪ ﻭﻫﻤﺎ ﻣﻴﺘﻴﻦ ﻣﻦ ﺍﻟﺨﻮﻑ
ﻫﻮ ﺑﻌﺪ ﻣﺎﻛﺎﻥ ﻣﻌﺎﻫﻢ ﺑﻌﻴﻮﻧﻪ ﺍﻟﻠﻲ ﻳﻘﺪﺣﻮﺍ ﺷﺮﺍﺭ ..
ﺭﺟﻊ ﺷﺎﻓﻠﻬﺎ : ﺷﻦ ﺩﻳﺮﻱ ﻫﻨﻰ ﺍﻧﺘﻲ ..
ﺭﺑﺎﺏ ﺑﺈﺭﺗﺒﺎﻙ : ﻣﻴﻪ .. ﻗﺼﺪﻱ ﻛﻨﺖ ﻧﺒﻲ ﻧﺎﺧﺪ ﻣﻴﻪ .. ﺑﺲ ﺗﻮﺍ ﺧﻼﺹ .. ﻣﻌﺎﺵ ﻧﺒﻲ ..
ﻧﺰﻝ ﻋﻴﻮﻧﻪ ﻭﻣﻼﻣﺢ ﺍﻟﻐﻀﺐ ﻗﺎﻋﺪﻩ ﻉ ﻭﺟﻬﻪ : ﺗﺤﺮﻛﻲ ﻫﻴﺎ .. ﻭﻣﺸﻲ ..
ﻗﺎﻟﺖ ﻭﻫﻲ ﺗﺸﻮﻓﻠﻪ ﺑﺮﻳﺒﻪ : ﺑﺎﻫﻲ ...
ﻣﺸﺖ ﻭﻫﻮ ﻗﺪﺍﻣﻬﺎ ﺑﻤﺴﺎﻓﻪ ﺑﺴﻴﻄﻪ ...
ﻗﻌﺪﻭﺍ ﻳﻤﺸﻮﺍ ﻣﻊ ﺑﻌﺾ ..
ﻫﻲ ﺗﺸﻮﻑ ﻟﻠﻤﺴﺪﺱ ﺍﻟﻠﻲ ﻉ ﺧﺼﺮﻩ ﻭﺗﺮﻋﺶ ..
ﻭﻫﻮ ﻛﺎﻥ ﻳﻤﺸﻲ ﺑﺂﻧﻔﻪ ﻭﻛﺒﺮ ﺍﻟﻤﻌﺮﻭﻓﺎﺕ ﻋﻨﺪ ﺍﻏﻠﺐ ﺭﺟﺎﻝ ﺍﻫﻞ ﻣﺪﻳﻨﺘﻪ ..
ﻗﻌﺪﻭﺍ ﻳﻤﺸﻮﺍ ﻭﺍﻟﺼﻤﺖ ﺳﺎﺋﺪ ..
ﻟﻌﻨﺪ ﻣﺎﻫﻮ ﺗﻜﻠﻢ ...
: ﺷﻦ ﻋﻨﺪﻙ ﻫﻨﻰ ..
ﺭﺑﺎﺏ : ﺍﺧﺘﻲ ﻣﺮﻳﻀﺔ ﻭﺭﺍﻗﺪﻩ ﻫﻨﻲ ..
: ﻗﺼﺪﻙ ﻗﺎﻋﺪﻩ ﺑﺮﻭﺣﻚ ﻣﻌﺎﻫﺎ ! ؟
ﺭﺑﺎﺏ : ﻻ ﻣﻌﺎﻱ ﺍﻣﻲ .. ﻭﺑﻮﻱ ﺷﻮﻳﻪ ﻭﺟﺎﻱ .. ﻛﺎﻧﺎ ﻣﺶ ﺟﻲ ﺗﻮﺍ .. ﺣﻲ ﻋﻠﻴﺎ ﻣﻈﻨﻪ ﻳﺪﻭﺭ ﻓﻴﺎ ﺗﻮﺍ ..
: ﻣﻔﺮﻭﺽ ﺭﺍﺟﻴﺘﻴﻪ ﻟﻴﻦ ﺟﻲ ﻭﺟﺎﺑﻠﻚ ﻫﻮ .. ﻣﺶ ﺗﻨﺰﻟﻲ ﺗﺠﻴﺒﻲ ﺑﺮﻭﺣﻚ ﻭﺍﻧﺘﻲ ﻻﺑﺴﻪ ﻫﺎﻟﻠﺒﺴﺔ ﺍﻟﺰﻓﺘﻪ ..
ﺭﺑﺎﺏ ﺍﻧﺼﺪﻣﺖ ..
: ﺧﻴﺮﻫﺎ ﻟﺒﺴﺘﻲ؟؟؟
ﺭﺩ ﺑﺘﻬﻜﻢ؛ﻻ ﻣﺎﺧﻴﺮﻫﺎ ﺷﻲ .. ﻏﻴﺮ ﺧﻠﺖ ﺍﻟﺴﺮﺍﻳﻒ ﺍﻟﻠﻲ ﺑﻜﺮﻱ ﻳﺠﺮﻭﺍ ﻓﺠﺮﺗﻚ ..
ﻫﻲ ﺍﻧﺤﺮﺟﺖ ﻉ ﺍﻷﺧﺮ ..
ﺷﺒﺤﺖ ﻟﻠﺒﺴﺘﻬﺎ ... ﻛﺎﻧﺖ ﺳﺮﻭﺍﻝ ﺟﻨﻴﺰ ﺿﻴﻖ ﻧﻮﻋﺎ ﻣﺎ ..
ﻭﻓﻮﻗﻪ ﺑﻠﻮﺯﺓ ﺑﻴﻀﺎ ﻣﻮﺭﺩﺓ ﻗﺼﻴﺮﺓ .. ﻳﺪﻭﺏ ﻭﺍﺻﻠﻪ ﻧﺺ ﺍﻟﻔﺨﺪ ..
ﻣﻦ ﺍﻹﺣﺮﺍﺝ .. ﻗﻌﺪ ﺗﺠﺒﺪ ﻓﻲ ﺳﻮﺭﻳﺘﻬﺎ ﻟﻮﻃﺎ ﺯﻱ ﺍﻟﻌﺒﻴﻄﻪ 😂
ﻟﻘﺎﺗﻪ ﻣﺎﺷﻲ ﺟﻬﺔ ﺍﻟﺪﺭﻭﺝ ... ﺭﻛﺐ ..
ﺭﻛﺒﺖ ﻭﺭﺍﻩ ..
ﻭﺻﻞ ﺍﻟﺪﻭﺭ ﺍﻟﺘﺎﻧﻲ ﻛﻤﻞ ﻣﺸﻲ ﻭﻫﻲ ﻭﺭﺍﻩ ﻣﺴﺘﻐﺮﺑﻪ ﻫﺪﺍ ﻣﺎﺷﻲ ﺑﻴﻬﺎ ﻭﻳﻦ ﻣﺎﻓﻲ ﻏﺮﻓﺔ ﺍﺧﺘﻬﺎ !!
ﺍﻭﻝ ﻣﺎﻭﺻﻞ ﻟﻠﻤﻤﺮ ﻗﺎﻟﻠﻬﺎ : ﻛﻤﻠﻲ ﺑﺮﻭﺣﻚ ..
ﻫﻲ ﺷﺒﺤﺘﻠﻪ ﻟﻘﺎﺗﻪ ﻳﺸﺒﺢ ﺍﻟﻘﺪﺍﻡ ﻭﺣﻮﺍﺟﺒﻪ ﻣﻘﺮﻭﻧﺎﺕ ..
ﻧﺰﻟﺖ ﻋﻴﻮﻧﻬﺎ ﻭﻛﻤﻠﺖ ﻃﺮﻳﻘﻬﺎ ..
ﻭﻫﻮ ﻣﻌﺎﻫﺎ ﺑﻌﻴﻮﻧﻪ ..
ﻓﺠﺄﺓ ﺍﻟﺘﻔﺘﺖ ﺷﺒﺤﺘﻠﻪ ..
ﻫﻮ ﺗﻠﺨﺒﻂ ..
ﻫﻲ ﺭﺟﻌﺖ ﺷﺎﻓﺖ ﺍﻟﻘﺪﺍﻡ ..
ﻭﻋﺎﻭﺩﺕ ﺩﺍﺭﺕ ﻧﻔﺲ ﺍﻟﺤﺮﻛﻪ ﺍﻟﻌﺒﻴﻄﻪ ﻭﻗﻌﺪﺕ ﺗﻨﺰﻝ ﻓﻲ ﺍﻟﺒﻠﻮﺯﺓ ..
ﻫﻮ ﺿﺤﻚ ﻧﺺ ﺿﺤﻜﻪ ..
ﺍﻣﺎ ﻫﻲ ﻣﺠﺮﺩ ﻭﺻﻠﺖ ﻓﻲ ﺍﻟﺒﺎﺏ ﻃﻠﻊ ﺑﻮﻫﺎ ..
ﺧﻴﺮﻱ : ﻭﻳﻦ ﻛﻨﺘﻲ؟
ﺭﺑﺎﺏ ﻭﻭﺟﻬﻬﺎ ﺍﺣﻤﺮ ﺭﺩﺕ ﺑﺮﺑﻜﻪ : ﻣﺸﻴﺖ ﻧﺸﺮﺏ ﻣﻴﻪ ..
ﺧﻴﺮﻱ : ﻭﻋﻼﺵ ﻣﺎﺷﻴﻪ !! ﺍﻧﻲ ﺟﺒﺖ ﻛﻞ ﺷﻲ ﻣﻌﺎﻱ ﺣﺘﻰ ﻋﺸﻲ ﻟﻴﻚ ﺍﻧﺘﻲ ﻭﺍﻣﻚ ..
ﻛﻴﻒ ﺟﺎﻳﻪ ﺑﺘﺮﺩ ..
" ﺍﻟﺴﻼﻡ ﻋﻠﻴﻜﻢ .."
ﺧﻴﺮﻱ ﺑﻤﻔﺎﺟﺄﺓ : ﺍﻭﻭﻭﻭﻭ ... ﻣﺆﻧﺲ ..
ﻣﺆﻧﺲ ﻣﺪ ﻳﺪﻩ ﺑﺈﺑﺘﺴﺎﻣﻪ : ﺷﻨﻮ ﺣﺎﻟﻚ ﻋﻤﻲ ﺧﻴﺮﻱ ..
ﺧﻴﺮﻱ ﺻﺎﻓﺤﻪ : ﻣﺎﺷﻴﻪ ﺍﻟﺤﻤﺪ ﻟﻠﻪ .. ﻛﻴﻒ ﺣﺎﻟﻚ ﺍﻧﺖ ﺟﺪﻙ ﻭﺣﻨﺎﻙ ﻭﺑﺎﻗﻲ ﺍﻟﻌﻴﻠﻪ ...
ﺗﻨﻬﺪ ﺑﺄﻟﻢ ﻭﻗﺎﻝ : ﺍﻟﺤﻤﺪ ﻟﻠﻪ ﻭﺧﻼﺹ ..
ﺧﻴﺮﻱ : ﺭﺑﻲ ﻳﻌﻄﻴﻜﻢ ﺍﻟﺼﺒﺮ ..
ﻣﺆﻧﺲ : ﺁﻣﻴﻦ ... ﺿﻴﻖ ﻋﻴﻮﻧﻪ ﻭﻗﺎﻝ .. ﺧﻴﺮ ﻋﻤﻲ ﺇﻥ ﺷﺎﺀ ﺍﻟﻠﻪ ﻻﺑﺎﺱ ..
ﺧﻴﺮﻱ : ﺑﻨﺘﻲ ﻣﺮﻳﻀﻪ ﻭﺭﺍﻗﺪﺓ ﻫﻨﻲ ..
ﻣﺆﻧﺲ : ﺇﻥ ﺷﺎﺀ ﺍﻟﻠﻪ ﻣﺶ ﺣﺎﺟﻪ ﺧﻄﻴﺮﻩ ...
ﺧﻴﺮﻱ : ﻫﺒﻮﻁ ﺣﺎﺩ .. ﻭﺳﻮﺀ ﺗﻐﺬﻳﻪ .. ﺍﻟﻨﻔﺴﻴﻪ ﺗﺎﻋﺒﻪ ﻣﻦ ﺍﻟﻠﻲ ﻗﺎﻋﺪ ﻳﺼﻴﺮ ﻭﺍﻟﺤﺎﻝ ﺍﻟﻠﻲ ﺣﻨﻲ ﻓﻴﻪ ﻣﺶ ﻭﺍﺧﺪﻳﻦ ﻋﻠﻴﻪ ﻭﺑﻨﺘﻲ ﺗﺄﺛﺮﺕ ﺑﻴﻪ ..
ﻣﺆﻧﺲ ﺑﺄﺳﻒ : ﺭﺑﻚ ﻳﻔﺮﺟﻬﺎ ..
ﺧﻴﺮﻱ : ﺁﻣﻴﻦ ..
ﻣﺆﻧﺲ ﺣﻂ ﻳﺪﻩ ﻉ ﻛﺘﻒ ﺧﻴﺮﻱ ﻭﻗﺎﻝ : ﺗﺒﻮﺍ ﺍﻱ ﺷﻲ ﺍﻧﻲ ﺣﺎﺿﺮ ﺭﻗﻤﻲ ﻋﻨﺪﻙ ﻛﻠﻤﻨﻲ ﺑﺲ ..
ﺭﺑﺎﺏ ﺍﻟﻠﻲ ﻣﺒﻜﺮﻱ ﺗﺮﺍﻗﺐ ﻓﻲ ﺍﻟﻤﻮﻗﻒ ..
ﻛﺎﻧﺖ ﻣﺮﻛﺰﺓ ﻓﻴﻪ ﻫﺎﻟﻤﺮﺓ ﻫﻠﺒﻪ ..
ﺷﻜﻠﻪ .. ﺷﺨﺼﻴﺘﻪ ﺍﺳﻠﻮﺑﻪ ﻓﻲ ﺍﻟﻜﻼﻡ .. ﻛﻴﻒ ﻣﻼﻣﺤﻪ ﻛﺎﻧﺖ ﺣﺎﺩﻩ ﻭﺟﺎﺩﻩ ﻣﻌﺎﻫﺎ .. ﻭﻟﻄﻴﻔﻪ ﻭﺑﺸﻮﺷﻪ ﻣﻊ ﺑﻮﻫﺎ ..
ﺍﺑﺘﺴﻤﺖ ﺍﺑﺘﺴﺎﻣﻪ ﺧﻔﻴﻔﻪ ﻟﻤﺎ ﺍﺫﻛﺮﺕ ﺍﻭﻝ ﺣﺪﻳﺚ ﺻﺎﺭ ﺑﻴﻨﻬﻢ ..
ﺑﺪﻭﻥ ﻣﺎﺗﺤﺲ
ﻟﻘﺖ ﻣﺸﺎﻋﺮﻫﺎ ﺯﻱ ﺍﻟﻠﻲ ﻗﺎﻋﺪﻩ ﺗﺘﺤﺮﻙ ..
ﻟﻤﺎ ﺷﺒﺤﻠﻬﺎ ﺑﻨﻈﺮﻩ ﻋﺎﺑﺮﻩ ﺑﻌﺪﻳﻦ ﻟﻒ ﻭﻣﺸﻲ ...
ﻗﻌﺪﺕ ﻣﻌﺎﻩ ﺑﻌﻴﻮﻧﻬﺎ ...
ﻭﻧﺴﺖ ﺑﻮﻫﺎ ﺍﻟﻠﻲ ﻭﺍﻗﻒ ..
ﺧﻴﺮﻱ ﺑﺤﺪﻩ : ﺭﺑﺎﺍﺍﺍﺏ ..
ﺍﻧﻔﺰﻋﺖ ﻭﺷﺒﺤﺘﻠﻪ : ﻫﺎﻧﻲ ﺧﺎﺷﻪ ..
ﻃﻮﻝ ﺧﺸﺖ ﺑﺴﺮﻋﻪ ﻭﻫﻮ ﻭﺭﺍﻫﺎ ﻭﻫﻮ ﻳﺸﻮﻓﻠﻬﺎ ﺑﺮﻓﻌﺔ ﺣﺎﺟﺐ ..
🍃🍃🍃🍃🍃
ﻓﺎﺗﻮﺍ ﺛﻼﺗﻪ ﺍﻳﺎﻡ ..
ﻃﻠﻌﺖ ﺑﻌﺪﻫﻢ ﺭﺍﻧﻴﺎ ﻣﻦ ﺍﻟﻤﺴﺘﺸﻔﻰ ..
ﺻﺤﺘﻬﺎ ﺍﺣﺴﻦ ﺑﺸﻮﻳﻪ ﻭﺍﻣﻬﺎ ﻗﻌﺪﺕ ﻓﻮﻕ ﺭﺍﺳﻬﺎ ﺗﻌﺎﻧﻲ ﻓﻴﻬﺎ ﺍﻛﺜﺮ ﻣﺎﺗﻌﺎﻧﻲ ﻓﺮﻭﺍﻥ ...
ﺗﻮﻛﻞ ﻓﻴﻬﺎ ﺑﺈﻳﺪﻳﻬﺎ ﻣﻦ ﺧﻮﻓﻬﺎ ﺍﻟﺸﺪﻳﺪ ﻋﻠﻴﻬﺎ ..
ﻭﺣﺮﻳﺼﺔ ﻛﻞ ﺍﻟﺤﺮﺹ ﺍﻥ ﺭﺍﻧﻴﺎ ﻣﺎﺗﻨﺪﺭﻳﺶ ﻉ ﺍﻟﻠﻲ ﺩﺍﺭﻩ ﺭﻣﺰﻱ ﺑﺄﻱ ﺷﻜﻞ ..
🍁 ﻭﺍﺍﺍﻩ ﻉ ﻗﻠﺐ ﺍﻷﻡ ..
ﺍﻟﻠﻲ ﻟﻤﺎ ﻳﺤﺲ ﺑﺸﻲ ﻳﺨﻮﻑ ﻉ ﺿﻨﺎﻫﺎ ﻻﺗﻌﺮﻑ ﻧﻮﻡ ﻭﻻﺭﺍﺣﻪ ..
ﻛﻔﺎﻳﻪ ﺍﻟﻠﻲ ﻣﺎﺗﺼﻠﺶ ﺑﻴﻬﺎ ﻋﻤﺎﺩ ﺑﻜﻞ ﻣﻦ ﻟﻤﺎ ﺳﺎﻓﺮ ..
ﺣﺎﺳﻪ ﺍﻥ ﺍﺧﺘﻔﺎﺋﻪ ﻫﻜﻲ ﻣﺶ ﻣﻦ ﻓﺮﺍﻍ ﻭﺍﻥ ﻣﺎﻟﻚ ﻟﻤﺎ ﻳﻘﻮﻟﻠﻬﺎ ﻛﻠﻤﻨﻲ ﻳﻜﺬﺏ .. ﻭﺣﺘﻰ ﺭﺍﺟﻠﻬﺎ ﺷﺎﻛﻪ ﻓﻜﻼﻣﻪ ...
ﻟﻌﻨﺪ ﻣﺎﻓﻲ ﻳﻮﻡ ..
ﻳﻤﺎ ﻭﻟﺪﻙ ﻧﻔﺴﻴﺘﻪ ﺗﺎﻋﺒﻪ .. ﺑﺎﻟﺬﺍﺕ ﺑﻌﺪ ﺳﻤﻊ ﺑﺠﺜﺚ ﺳﻴﻔﺎﻭ ﻭﺭﻭﺍﺩ ﺍﻟﻠﻲ ﻟﻘﻮﻫﻢ ﻓﻲ ﺛﻼﺟﻪ ﻣﺴﺘﺸﻔﻰ ..**** ﺯﺍﺩﺕ ﺗﺄﺯﻣﺖ ﺍﻟﺤﻜﺎﻳﻪ ﻋﻨﺪﻩ ﻫﻮ ﻫﺪﺍ ..
ﻛﻔﺎﻳﻪ : ﻻ ﻭﺍﻟﻠﻪ ﻫﺪﺍ ﺷﻮﻳﻪ ﻳﻌﺮﻑ ﺑﺤﺎﺟﺔ ﺯﻱ ﻫﺎﺩﻱ ﺷﻮﻳﻪ !! ﻭﺍﻟﻠﻪ ﻟﻤﺎ ﺗﺼﻴﺮﻟﻪ ﺣﺎﺟﻪ ﻗﻠﺒﻲ ﺣﺎﺱ ﺣﻲ ﻛﺎﻥ ﻣﺎﻳﺨﺸﻠﻲ ﻉ ﺳﺮﻳﺐ ﺍﻟﺴﻜﻴﺮ ﻭﺍﻟﻤﺨﺪﺭﺍﺕ
ﺿﺤﻜﻮﺍ ﺳﻌﺪ ﻭﻣﺎﻟﻚ .
ﻛﻔﺎﻳﻪ ﺑﺮﻓﻌﺔ ﺣﻮﺍﺟﺐ؛ﺗﻀﺤﻜﻮﺍ !! ﺍﻗﺴﻢ ﺑﺎﻟﻠﻪ ﻣﺎﺗﺤﺴﻮﺍ ﺍﻧﻲ ﻗﺎﻋﺪﻩ ﻧﻨﺤﺮﻕ ﻉ ﻭﻟﺪﻱ ﺍﻟﻠﻲ ﻟﻴﺎ ﺷﻬﺮﻳﻦ ﻻﺭﻳﺘﻪ ﻭﻻﺳﻤﻌﺖ ﺻﻮﺗﻪ !!
ﺭﻛﺰﻭﺍ ﻉ ﺍﻟﺘﻠﻔﺰﻳﻮﻥ
ﺳﻌﺪ ﺑﺨﻮﻑ : ﻋﻠﻲ ﻳﺎﻣﺎﻟﻚ ﻋﻠﻲ ..
ﻋﻼﻩ ﻣﺎﻟﻚ ﻭﻫﻮ ﻣﻴﺖ ﻣﻦ ﺍﻟﺨﻮﻑ ... ﻫﻲ ﺷﺒﺤﺘﻠﻬﻢ ﺑﺈﺳﺘﻐﺮﺍﺏ ﻭﺩﻣﻮﻋﻬﺎ ﻳﻨﺰﻟﻮﺍ ﺑﻌﺪﻳﻦ ﺷﺒﺤﺖ ﻟﻠﺘﻠﻔﺰﻳﻮﻥ ..
ﻛﺎﻥ ﻓﻲ ﺧﺒﺮ ﻋﻦ ﻫﺠﻮﻡ ﺩﺍﺭﻭﻩ ﺍﻟﻜﺘﺎﻳﺐ ﻉ ﺍﺣﺪ ﺍﻟﻤﻌﺎﺑﺮ ﺍﻟﺤﺪﻭﺩﻳﻪ ﻓﻲ ﺍﻟﺠﺒﻞ .. ﻭﻛﺎﻥ ﻓﻴﻪ ﺍﺻﺎﺑﺎﺕ ﻭﺷﻬﺪﺍﺀ ﻓﺼﻔﻮﻑ ﺍﻟﺜﻮﺍﺭ ..
ﻫﻲ ﻟﻤﺎ ﺭﻛﺰﺕ ﻉ ﺍﻟﺨﺒﺮ .. ﻭﺣﺎﻟﺔ ﺭﺍﺟﻠﻬﺎ ﻭﻭﻟﺪﻫﺎ ..
ﺭﺑﻄﺖ ﺍﻷﺣﺪﺍﺙ ﺑﺒﻌﻀﻬﺎ ..
ﻭﻭﺻﻠﺖ ﻟﺸﻲ ﻭﺍﺣﺪ ..
ﺷﺒﺤﺖ ﻟﺮﺍﺟﻠﻬﺎ ﻭﻭﻟﺪﻫﺎ ﻭﻗﺎﻟﺖ ..
" ﻋﻤﺎﺩ ﻣﻊ ﺍﻟﺜﻮﺍﺭ؟ "!
ﺍﻟﺰﻭﺯ ﺷﺒﺤﻮﻟﻬﺎ ... ﻭﻣﺎﻗﺪﺭﻭﺵ ﻳﺮﺩﻭﺍ ...
ﻛﻔﺎﻳﻪ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﺭﺟﻌﺖ ﺷﺎﻓﺖ ﻟﻠﺘﻠﻔﺰﻳﻮﻥ ..
ﻟﺤﻈﺘﻬﺎ ﺟﺎﻫﺎ ﺷﻌﻮﺭ ﺗﻠﻘﺎﺋﻲ ﺑﺎﻟﻔﺨﺮ ..
ﻟﻤﺎ ﻓﻜﺮﺕ ﻓﻲ ﺍﻟﺴﺒﺐ ﺍﻟﻠﻲ ﺧﻼ ﻋﻤﺎﺩ ﻳﺪﻳﺮ ﻫﻜﻲ ..
ﻗﺎﻟﺖ ﺑﺪﻣﻮﻉ ﻳﻨﺰﻟﻮﺍ ﺑﻐﺰﺍﺭﺓ ..
" ﺭﺑﻲ ﻳﻨﺼﺮﻫﻢ .. ﻭﻳﻨﺠﻲ ﻭﻟﻴﺪﻱ .."
ﺍﺑﺘﺴﻤﻮﺍ ﻣﺎﻟﻚ ﻭﺳﻌﺪ ﺑﺄﻟﻢ
ﻭﺍﻟﺰﻭﺯ ﻛﺎﻧﻮﺍ ﻳﺤﺴﻮﺍ ﺍﺗﺠﺎﻩ ﻋﻤﺎﺩ ﺑﻨﻔﺲ ﺍﻟﺸﻌﻮﺭ ...
💓 ﻟﻴﻠﺘﻬﺎ ﻛﻔﺎﻳﻪ ﻣﺎﺭﻗﺪﺗﺶ ﻭﻫﻲ ﺗﺼﻠﻲ ﻭﺗﺪﻋﻲ ﻟﻮﻟﺪﻫﺎ ﻭﺍﻟﻠﻲ ﻣﻌﺎﻩ ...
ﻣﺎﻧﺰﻟﺖ ﺍﻳﺪﻳﻬﺎ ﻭﻫﻲ ﺗﺘﺮﺟﻰ ﻓﺮﺑﻲ ﻳﺮﺩﻩ ﺳﺎﻟﻢ ﻟﻴﻬﺎ ﻣﺎﻓﻴﻪ ﺳﻮ .. ﻭﺇﻥ ﻓﺮﺍﻗﻪ ﻣﺎﻳﻄﻮﻟﺶ .
🍁 ﺑﺲ ﻣﻦ ﺟﻬﻪ ﺗﺎﻧﻴﻪ ..
ﻛﺘﻤﺖ ﻫﺎﻟﺨﺒﺮ ﻋﻦ ﺍﻓﺮﺍﺩ ﻋﻴﻠﺘﻬﺎ .. ﺧﻮﻓﺎ ﻣﻦ ﺭﺩﺓ ﻓﻌﻠﻬﻢ ﻷﻧﻬﻢ ﻣﻦ ﺑﻌﺪ ﻣﺎﺳﻤﻌﻮﺍ ﺍﻥ ﺭﻣﺰﻱ ﻣﻊ ﺍﻟﻜﺘﺎﻳﺐ .. ﻭﻟﻮﺍ ﻣﺆﻳﺪﻳﻦ ﻣﺘﻌﺼﺒﻴﻦ ﻫﻠﺒﻪ .. ﻣﺎﻳﻘﺒﻠﻮﺵ ﻭﻻﺣﺎﺟﻪ ﻣﻦ ﺍﻟﻄﺮﻑ ﺍﻟﻤﻌﺎﺭﺽ ..
ﻭﻛﺎﻧﺖ ﺧﺎﻳﻔﻪ ﻣﻨﻬﻢ ﻫﻠﺒﻪ ﻟﻮ ﻋﺮﻓﻮﺍ ﺷﻦ ﻣﻤﻜﻦ ﻳﺪﻳﺮﻭﺍ ﻣﻌﺎﻫﺎ ..
🍁🍁🍁🍁🍁
ﻣﻨﺘﺼﻒ ﺷﻬﺮ ﺍﻟﻤﺎﺀ " ﻣﺎﻳﻮ ..."
ﺗﺴﺎﺭﻋﺖ ﺍﻷﺣﺪﺍﺙ ﺳﻴﺎﺳﻴﺎ ..
ﺑﺲ ﻉ ﺍﻷﺭﺽ ﻣﺎﺯﺍﻝ ﺍﻟﻮﺿﻊ ﻓﻴﻪ ﻛﺮ ﻭﻓﺮ ﻭﻣﻤﺎﻃﻼﺕ ...
ﺣﻠﻒ ﺍﻟﻨﺎﺗﻮ ﺍﻟﻠﻲ ﺧﺶ ﻓﻲ ﺍﻟﻘﺼﺔ ..
ﻛﺎﻥ ﻳﻘﺪﺭ ﻳﻨﻬﻴﻬﺎ ﺑﺴﺮﻋﻪ ... ﻉ ﺣﺴﺐ ﻗﺮﺍﺀﺓ ﻣﺤﻠﻠﻴﻦ ﻏﺮﺑﻴﻴﻦ ﻟﻠﻤﺸﻬﺪ .. ﻣﺴﺘﻐﺮﺑﻴﻦ ﻓﻴﻪ ﻛﻴﻒ ﻃﻮﻝ ﻫﻜﻲ ..
ﻋﻠﻰ ﻣﺎﻳﺒﺪﻭ ﺇﻥ ﺍﻟﺪﻭﻝ ﺍﻟﻐﺮﺑﻴﻪ ﺗﻠﻌﺐ ﻉ ﺍﻟﺤﺒﻠﻴﻦ ﻭﺗﺪﺧﻞ ﺍﺣﺪ ﺍﻟﺪﻭﻝ ﺍﻟﻌﺮﺑﻴﻪ ﻟﻤﺤﺎﻭﻟﺔ ﺍﺑﻘﺎﺀ ﺍﻟﻘﺬﺍﻓﻲ ﻓﻲ ﺍﻟﺴﻠﻄﻪ ..
ﻭﻫﻤﺎ ﻳﺪﻋﻮﺍ ﻓﻲ ﻗﻨﻮﺍﺗﻬﻢ ﺍﻟﻠﻲ ﺗﻐﺮﺭ ﺑﻌﻘﻮﻝ ﺍﻟﻨﺼﻒ ﺍﻟﺜﺎﻧﻲ ﻣﻦ ﺍﻟﺒﺴﻄﺎﺀ ﻣﻦ ﻫﺎﻟﺸﻌﺐ ... ﺍﻧﻬﻢ ﻭﺍﺟﻬﻮﺍ 48 ﺩﻭﻟﻪ ﻭﺻﻤﺪﻭﺍ ﻭﻣﺎﺇﻟﻰ ﺫﻟﻚ ﻣﻦ ﺍﻟﺘﺮﻫﺎﺕ ..
🍁🍁🍁🍁
ﻓﻲ ﻟﻴﻠﻪ ...
ﻓﺮﺣﺖ ﺍﻟﻠﻲ ﻋﺪﺕ ﻟﺨﺪﻣﺘﻬﺎ ﺍﻣﺲ ..
ﻋﻮﺩﺓ : ﻣﺎﺯﺍﻝ ﺗﺨﻠﻲ ﻓﻴﻬﺎ ﺗﻄﻠﻊ ﻓﻬﺎﻟﻮﺿﻊ !!
ﺍﻣﺎﻧﻪ : ﻣﺎﻓﻲ ﺷﻲ ﺍﻟﻨﺎﺱ ﺗﻄﻠﻊ ﻭﺗﺨﺶ ﻭﺣﺘﻰ ﻋﺮﺍﺳﻬﻢ ﻳﺪﻳﺮﻭﺍ ﻓﻴﻬﻦ .. ﻭﺑﻌﺪﻳﻦ ﻣﺎﻧﺒﻴﻬﺎﺵ ﺗﻜﺘﺌﺐ ﻭﺗﺨﺶ ﻓﻲ ﺣﺎﻟﻪ ﻧﻔﺴﻴﻪ ﺑﻌﺪ ﻓﺴﺨﺖ ﻳﺎﺳﺮﻫﺎ ﺑﻜﻲ ﻭﻧﻜﺪ ..
ﻋﻮﺩﺓ ﺗﻨﻬﺪﺕ ﻭﺳﻜﺘﺖ ..
ﻃﻠﻌﺖ ﻋﺮﻭﺑﻪ ﻣﻦ ﺍﻟﺪﺍﺭ ﻭﺟﺘﻬﻢ ﻭﻳﻦ ﻣﺎﻫﻤﺎ ﻭﺍﻗﻔﺎﺕ .
ﻋﺮﻭﺑﻪ : ﺭﻗﺪﺕ ...
ﻋﻮﺩﺓ ﻫﺰﺕ ﺭﺍﺳﻬﺎ ﺑﺈﺑﺘﺴﺎﻣﺔ ﺃﻟﻢ ﻭﻫﻲ ﺗﺸﻮﻑ ﻷﺧﺘﻬﺎ ﺍﻟﻠﻲ ﻛﺎﻧﺖ ﻣﻼﻣﺤﻬﺎ ﺫﺍﺑﻠﻪ ﻣﻦ ﺍﻟﻔﺮﺍﻕ ..
ﻓﺠﺄﺓ ...
ﺳﻤﻌﻮﺍ ﺻﻮﺕ ﺍﻏﻨﻴﻪ ﻋﺎﻟﻲ ﻫﻠﺒﻪ ..
ﻭﺍﺻﻮﺍﺕ ﺗﻐﻨﻲ ﻣﻌﺎﻫﺎ ...
ﻣﺮﺣﺐ ﻳﺎﻋﺸﺎﻕ ﺍﻟﺜﻮﺭﺓ ..
ﻳﻮﻡ ﺍﻟﻔﺎﺗﺢ ﻫﻞ ﺑﻨﻮﺭﻩ ..
ﺍﺣﻨﻲ ﻗﺎﻳﺪﻧﺎ ﺻﻘﺮ ﺻﻘﻮﺭﺓ ..
ﺷﺒﺤﻮﺍ ﻟﺒﻌﺾ ..
ﺑﻌﺪﻳﻦ ﻃﻮﻝ ﻣﺸﻮﺍ ﻟﻠﺮﻭﺷﻦ ..
ﺣﻮﻟﺖ ﻋﺮﻭﺑﻪ ﺍﻟﺴﺘﺎﺭ ...
ﻭﻗﻌﺪﻭﺍ ﻳﺸﻮﻓﻮﺍ ...
ﺳﻴﺎﺭﺗﻴﻦ ﺗﻴﻮﺗﺎ ﻋﺎﻟﻴﺎﺕ ..
ﺣﺪﺍﻫﻢ ﺗﻼﺗﻪ ﻧﻔﺎﺭ ..
ﻳﺮﻗﺼﻮﺍ ﻭﻳﺼﻔﺮﻭﺍ ﻭﻳﻌﻴﻄﻮﺍ ..
ﺍﻣﺎﻧﻪ : ﺷﻨﻮ ﻫﺪﻯ !!
ﺍﻏﻠﺐ ﺍﻟﺠﻴﺮﺍﻥ ﻗﻌﺪﻭﺍ ﻳﺘﻔﺮﺟﻮﺍ ﻣﻦ ﺭﻭﺍﺷﻨﻬﻢ ﺑﺘﺨﻔﻲ ..
ﻋﺎﺭﻓﻴﻨﻬﻢ ﺟﻤﺎﻋﺔ ﺍﻟﻜﺘﺎﻳﺐ ..
ﻛﻔﺎﻳﻪ : ﻋﻼﺵ ﻭﺍﻗﻔﻴﻦ ﻗﺪﺍﻡ ﺣﻮﺵ ﻋﺮﻭﺑﻪ !!
ﻣﺎﻟﻚ : ﺍﻟﻜﻼﺏ ﻫﺎﺩﻭﺍ ﺗﻠﻘﻴﻬﻢ ﺳﺎﻣﻌﻴﻦ ﺑﺤﺪ ﻣﻌﺎﺭﺽ ﺳﺎﻛﻦ ﻫﻨﻲ ﺟﺎﻳﻴﻦ ﻳﻬﺪﺩﻭﺍ ﻓﻴﻪ ﺩﺍﺭﻭﻫﺎ ﺍﻟﺤﺮﻛﻪ ﻫﺎﺩﻱ ﻓﻲ ﺳﻮﻕ ﺍﻟﺠﻤﻌﻪ ﻭﺗﺎﺟﻮﺭﺍ ﻭﻓﺸﻠﻮﻡ ...
ﻣﺮﻭﺍﻥ : ﻭﻣﺮﺍﺕ ﻳﺨﻮﻓﻮﺍ ﺗﺨﻮﻳﻒ ..
ﻣﺎﻟﻚ : ﺻﺢ ..
ﺷﻮﻳﻪ ﻭﻧﺰﻝ ﻭﺍﺣﺪ ﻣﻦ ﺍﻟﺴﻴﺎﺭﺓ ..
ﻭﻣﺸﻲ ﻃﻮﻝ ﻟﺒﺎﺏ ﺣﻮﺵ ﺍﻫﻞ ﻋﺮﻭﺑﻪ ﻭﻗﻌﺪ ﻳﺪﺭﺑﻚ ﻉ ﺍﻟﺒﺎﺏ ﻭﻳﻐﻨﻲ ﻓﻲ ﻧﻔﺲ ﺍﻷﻏﻨﻴﻪ ..
ﺍﻣﺎﻧﻪ؛ﻧﻬﺎﺍﺍﺍﺭ ﺍﺳﻮﺩ !!
ﻋﻮﺩﺓ : ﺍﻟﺤﻘﻴﺮ ﻫﺪﺍ ﻣﻨﻴﻦ ﻃﻠﻊ ..
ﻋﺮﻭﺑﻪ ﻧﺰﻟﺖ ﺍﻟﺴﺘﺎﺭ .. ﻭﻫﻲ ﻣﺼﺪﻭﻣﻪ ﻭﻋﻴﻮﻧﻬﺎ ﻣﻠﻴﺎﻧﺎﺕ ﺩﻣﻮﻉ ..
ﻋﺎﺭﻓﻪ ﺍﻥ ﺣﻴﺮﺟﻊ ﻳﻀﺎﻳﻘﻬﺎ ﻟﻜﻦ ﻣﺎﺗﺨﻴﻠﺘﺶ ﺍﻧﻪ ﻳﺪﻳﺮ ﻫﻜﻲ ...
....
ﻛﻔﺎﻳﻪ؛ﻧﻬﺎﺭ ﺍﺣﺮﺵ ﺷﻦ ﻳﺒﻲ ﻓﻴﻬﻢ ﻫﺎﺩﺍ !!
ﻣﺎﻟﻚ : ﺳﻔﺎﺗﻠﻪ !!
ﻛﻔﺎﻳﻪ : ﻣﻌﻘﻮﻟﻪ ﺗﻄﻠﻊ ﻋﺮﻭﺑﻪ ﻭﺍﻫﻠﻬﺎ ﻣﻌﺎﺭﺿﻴﻦ ﻫﺪﺍ ﻋﻼﺵ ﺳﻴﺒﻬﺎ ﺧﺎﻟﻚ ..
ﻣﺮﻭﺍﻥ : ﻭﺍﺭﺩ ...
....
ﻫﺎﻳﻞ : ﺗﻲ ﺍﻓﺘﺤﻮﻟﻨﺎ .. ﻳﺎﻫﻮﻭﻭﻭﻩ ..
ﻗﺎﻟﻮﺍ ﺍﻟﻠﻲ ﻣﻌﺎﻩ : ﺍﻓﺘﺤﻮﻭﻭﻭﻟﻪ ..
...
ﺍﻣﺎﻧﻪ ﺗﻨﺪﺏ : ﻳﺎﺣﻲ ﻋﻠﻴﺎ ﻳﺎﻋﺎﺭﻱ ﻳﺎﺃﻳﺎﻣﻲ ﺍﻟﺴﻮﺩ ..
ﻋﻮﺩﺓ : ﺭﺍﺟﻠﻲ ﻗﺮﻳﺐ ﻳﺠﻲ .. ﺷﻦ ﻧﻘﻮﻟﻪ ﻛﺎﻥ ﺭﻱ ﻫﺎﻟﻤﻨﻈﺮ !!!
ﻋﺮﻭﺑﻪ ﺗﺸﻮﻓﻠﻬﻢ ﺑﻌﺠﺰ ﻭﺩﻣﻮﻋﻬﺎ ﻳﻨﺰﻟﻮﺍ ﻭﺧﻼﺹ ..
....
ﻭﻳﻦ ﻣﺎﺷﻲ ﺗﻌﺎﻟﻰ ﺟﺎﻱ ..
ﻟﺤﻘﺖ ﻋﻠﻴﻪ ﻭﻭﻗﻔﺖ ﻗﺪﺍﻣﻪ ﻭﻫﻲ ﺗﻘﻮﻝ ﺑﻌﺼﺒﻴﻪ : ﺧﺶ ﺩﺍﺧﻞ ..
ﻣﺎﻟﻚ ﺑﻐﻀﺐ : ﻳﺎﺍﻡ ﻧﺴﺎﻭﻳﻦ ﺑﺮﻭﺍﺣﻬﻢ ﻳﺎﻡ ..
ﻛﻔﺎﻳﻪ : ﺧﺶ ﺍﻧﻲ ﻗﻠﺖ ﺧﺸﺶ .. ﻣﻌﺎﺵ ﻋﻨﺪﻱ ﺟﻬﺪ ﻳﺎﻭﻟﺪ ﺍﻟﻠﻲ ﻓﻴﺎ ﺳﺎﺩﻧﻲ ... ﺧﺶ ﻳﺎﻣﺎﻟﻚ ..
ﻣﺎﻟﻚ ﺑﺤﺮﻗﻪ : ﻣﺶ ﺭﺍﺟﻞ ﻳﺎﻡ ﺍﻧﻲ ﻣﺶ ﺭﺍﺟﻞ ﺗﺼﻴﺮ ﺣﺎﺟﻪ ﺯﻱ ﻫﺎﺩﻱ ﺣﺪﺍﻱ ﻭﺗﺒﻴﻨﻲ ﻧﻘﻌﺪ ﻻﺑﺪ ﺯﻱ ﺍﻻﻧﺘﺎﻳﻪ ..
ﻛﻔﺎﻳﻪ ﻭﻫﻲ ﻣﻐﻤﻀﺔ ﻋﻴﻮﻧﻬﺎ ﺑﺸﺪﻩ : ﻗﺴﻤﺎ ﺑﺎﻟﻠﻪ ﻳﺎﻣﺎﻟﻚ ﺗﻄﻠﻊ ﻭﺍﺩﻳﺮﻫﺎ ﺍﻟﻠﻪ ﻣﺎﻧﻲ ﺭﺍﺿﻴﻪ ﻋﻠﻴﻚ ﻭﺟﻨﺎﺯﺗﻲ ﻣﺎﺗﺤﻀﺮﻫﺎ ..
ﻣﺮﻭﺍﻥ؛ﺧﻼﺹ ﻳﺎﻣﺎﻟﻚ ..
ﻣﺎﻟﻚ ﻣﻦ ﻗﻬﺮﺗﻪ ﻣﺸﻲ ﻃﻮﻝ ﺧﺒﻂ ﺍﻟﺒﺎﺏ ﺑﺮﺟﻠﻪ ﺑﻘﻮﺓ ... ﻭﺗﻮﺟﻪ ﻭﻫﻮ ﻓﻘﻤﺔ ﺍﻟﻐﻀﺐ ﻟﺪﺍﺭﻩ ..
ﻛﻔﺎﻳﻪ ﺍﻧﻬﺎﺭﺕ ﺑﺎﻟﺒﻜﻲ : ﻣﺶ ﺳﺎﺩ ﺧﻮﻩ ... ﺍﻟﻠﻲ ﻣﺎﻧﻴﺶ ﻋﺎﺭﻓﻪ ... ﻛﺎﻧﻬﻮﺍ .. ﺣﻲ ﻭﻻﻣﻴﺖ .. ﻳﺰﻳﺪﻧﻲ ﻫﻮ !!
ﻗﺪﻡ ﻣﺮﻭﺍﻥ ﻷﻣﻪ ﻭﺣﻀﻨﻬﺎ ﻭﻗﻌﺪ ﻳﻬﺪﻱ ﻓﻴﻬﺎ ...
ﻭﻣﺎﺯﺍﻝ ﻓﻲ ﺍﻟﺨﺎﺭﺝ ..
ﺍﺳﺘﻌﺮﺍﺽ ﻫﺎﻳﻞ ﻫﻮ ﻭﺟﻤﺎﻋﺘﻪ ﻗﺎﻳﻢ ..
ﻟﻌﻨﺪ ﻣﺎﺟﻲ ﺭﺍﺟﻞ ﻋﻮﺩﺓ ﻭﺷﺎﻑ ﺍﻟﻌﺎﺭ ﻟﻤﺎ ﻧﺰﻝ ﻣﻦ ﺍﻟﺴﻴﺎﺭﺓ ﻗﻌﺪ ﻳﺸﻮﻓﻠﻬﻢ ﺑﺈﺳﺘﻐﺮﺍﺏ ﺷﺪﻳﺪ ..
ﻟﻌﻨﺪ ﻣﺎﻗﺮﺏ ﻣﻦ ﺍﻟﺒﺎﺏ ..
ﻫﺎﻳﻞ ﻗﺎﻟﻪ : ﺑﺎﻟﻠﻪ ﺿﺒﺤﻠﻲ ﻉ ﻣﺮﺗﻚ ﻭﺍﺧﺘﻬﺎ ﻗﻮﻟﻠﻬﻢ ﻳﻨﺰﻟﻮﺍ ﻳﺴﻠﻤﻮﺍ ﻉ ﻭﻟﺪ ﻋﻤﻬﻢ ..
ﺭﺍﺟﻞ ﻋﻮﺩﺓ : ﺷﻦ ﺗﻘﻄﻒ ﺍﻧﺖ ..
ﺍﻟﻠﻲ ﻣﻌﺎﻩ : ﻻﻻﺍﺍﺍﺍﻻﻻﺍﺍﺍﺍﺍﺍﻻﺍﺍﺍﺍﺍﺍﺍ ...
ﻫﺎﻳﻞ ﻃﻠﻊ ﺳﻼﺣﻪ ﻭﺻﻮﺑﻪ ﻋﻠﻴﻪ : ﺧﺶ ﺗﺤﺮﻙ ..
ﺍﻧﻔﺘﺢ ﺑﺎﺏ ﺍﻟﺤﻮﺵ ﻭﻃﻠﻌﺖ ﻋﻮﺩﺓ ﺑﺒﻨﺘﻬﺎ ﻭﻫﻲ ﺗﺒﻜﻲ : ﻫﻴﺎ ﻭﺍﻟﻨﺒﻲ ..
ﺭﺍﺟﻠﻬﺎ ﺍﻟﻠﻲ ﻣﺎﻛﺎﻧﺶ ﻓﺎﻫﻢ ﺷﻲ ﻣﺸﻲ ﻫﻮ ﻭﻳﺎﻫﺎ ﻟﻠﺴﻴﺎﺭﺓ ﻭﺭﻛﺒﻮﺍ ﻃﻮﻝ ..
ﻫﺎﻳﻞ : ﻣﺼﺮﻉ ﻛﺒﺮﺗﻲ ﻭﺩﺭﺗﻲ ﻋﻴﻠﻪ ..!!!
ﻳﺎﺭﻳﺖ ﺗﻔﻬﻢ ﺍﺧﺘﻚ ﺍﻟﻌﺎﻧﺲ ﺍﻥ ﺍﻟﻘﻄﺎﺭ ﻓﺎﺗﻬﺎ ﻭﺗﺮﺿﻰ ﺗﺎﺧﺪﻧﺎ ﻭﺗﻠﺤﻖ ﺍﻟﻘﻄﺎﺭ .. ﻫﻬﻬﻬﻬﻬﺨﻬﻬﻪ ...
ﻭﺍﻟﻠﻲ ﻣﻌﺎﻩ ﻳﻀﺤﻜﻮﺍ ﺣﺘﻲ ﻫﻤﺎ ..
ﺗﺤﺮﻛﺖ ﺳﻴﺎﺭﺓ ﺭﺍﺟﻞ ﻋﻮﺩﺓ ...
ﻫﺎﻳﻞ : ﻏﻴﺮ ﺭﺍﺍﺍﺍﺟﻲ .. ﻋﺮﺳﻚ ﻣﺎﺣﻀﺮﺗﻪ ﺧﺴﺎﺭﺓ ... ﺧﻞ ﻧﻌﻮﺿﻮﻩ ﺗﻮ ...
ﺭﻓﻊ ﺳﻼﺣﻪ ﻓﻮﻕ ﻭﻗﻌﺪ ﻳﻀﺮﺏ ﻓﻄﻠﻘﺎﺕ ﻓﻲ ﺍﻟﻬﻮﺍ ..
ﺍﻟﺴﻴﺎﺭﺓ ﻃﻮﻝ ﻃﺎﺭﺕ ﺗﺠﺮﻱ ...
ﻭﻫﻮ ﻳﻀﺤﻚ ﻋﻠﻴﻬﻢ ...
ﺍﻣﺎ ﻓﻮﻕ ﻋﻨﺪ ﻋﺮﻭﺑﻪ ﻭﺍﻣﻬﺎ ...
ﺍﻣﺎﻧﻪ ﻛﺎﻧﺖ ﺗﺒﻜﻲ ...
ﻭﻋﺮﻭﺑﻪ ﺣﺎﻃﻪ ﺍﻳﺪﻳﻬﺎ ﻉ ﻭﺩﺍﻧﻬﺎ ﻭﺗﺒﻜﻲ ﺑﺎﻟﺼﻮﺕ ...
ﻭﻣﺎﺯﺍﻝ ﻫﺎﻳﻞ ﻳﻀﺮﺏ ﻓﻲ ﺍﻟﺮﺻﺎﺹ ﻓﻲ ﺍﻟﻬﻮﺍ ..
ﻛﻔﺎﻳﻪ : ﻋﻄﻴﻜﻢ ﻣﺎﻳﻘﻄﻒ ﺷﺘﻠﺘﻜﻢ ﺑﺠﺎﻩ ﺭﺑﻲ ..
🍃🍃🍃🍃🍃🍃
ﻟﻸﺳﻒ ﻛﺎﻥ ﺷﺒﻪ ﻳﻮﻣﻴﺎ ﻫﺎﻳﻞ ﻳﻜﺮﺭ ﻓﻲ ﻧﻔﺲ ﺍﻟﺸﻲ ...
ﻭﺍﻟﻨﺎﺱ ﻭﻻ ﻭﺍﺣﺪ ﻓﻴﻬﻢ ﻗﺪﺭ ﻳﺤﺮﻙ ﺳﺎﻛﻦ ...
ﻭﻣﺎﻟﻚ ﺍﻣﻪ ﻭﺑﻮﻩ ﺷﺎﺩﻳﻨﻪ ﺑﺎﻟﺴﻴﻒ ...
ﺍﻣﺎ ﺍﻣﺎﻧﻪ ﻭﻋﺮﻭﺑﻪ ﻗﺮﻳﺐ ﻳﻬﺒﻠﻮﺍ ...
ﺑﺴﺒﺒﻪ ﻫﻮ ...
ﺍﻧﺤﺮﻣﺖ ﻋﻮﺩﺓ ﻣﻦ ﺍﻟﻤﺸﻲ ﻟﺤﻮﺵ ﺍﻫﻠﻬﺎ ..
ﻭﺍﻧﺤﺮﻣﺖ ﻋﺮﻭﺑﻪ ﻣﻦ ﺗﺨﻄﺎﻳﺔ ﻋﺘﺒﺔ ﺍﻟﺤﻮﺵ ...
🍁 ﻭﻫﺪﺍ ﻛﻠﻪ ﻭﻫﺎﻧﻴﺒﺎﻝ ﻣﺎﻳﻨﺪﺭﻱ ﻉ ﺷﻲ ..
ﺍﺻﻼ ﻛﻔﺎﻳﻪ ﻣﺴﺘﺤﻴﻞ ﺗﺨﻠﻲ ﺣﺎﺟﻪ ﺯﻱ ﻫﺎﺩﻱ ﺗﻮﺻﻠﻪ ..
ﻷﻧﻪ ﺣﺘﻤﺎ ﻫﺎﻟﻤﺮﺓ ﺣﻴﻜﻮﻥ ﻣﻮﺗﻪ ﻓﻴﻬﺎ ...
🌴🌴🌴🌴🌴🌴🌴🌴
ﺷﻬﺮ ﺍﻟﺼﻴﻒ .. ﻳﻮﻧﻴﻮ ...
ﺍﻟﺴﺎﻋﻪ 7:30 ﻣﺴﺎﺀﺍ
ﻫﻲ ﻛﺎﻧﺖ ﻭﺍﻗﻔﻪ ﻗﺪﺍﻡ ﺷﺠﺮﺗﻬﺎ ﻭﺗﺸﻮﻓﻠﻬﺎ ...
ﻭﺳﺮﺣﺎﻧﻪ ﻭﺗﻔﻜﺮ ..
ﻭﺑﺎﻟﻬﺎ ﻋﻨﺪ ﺧﻮﻫﺎ ﺍﻟﻠﻲ ﻣﺶ ﻋﺎﺭﻓﻴﻨﻪ ﺣﻲ ﻭﻻ ﻣﻴﺖ ..
" ﺭﻭﺯﻳﻨﻪ "
ﺍﺑﺘﺴﻤﺖ ﻭﺗﻠﻔﺘﺖ : ﺳﻴﺪﻱ ..
ﺭﻣﻀﺎﻥ؛ﺷﻦ ﺩﻳﺮﻱ ﻫﻨﻰ ..
ﺭﺯﺍﻥ : ﻧﺴﻘﻲ ﻓﻲ ﺍﻟﻠﻴﻤﻪ ..
ﺭﻣﻀﺎﻥ : ﺭﺍﺩﻩ ﺑﺎﻟﻚ ﻣﻨﻬﺎ ﻣﻠﻴﺢ ..
ﺭﺯﺍﻥ ﺑﺈﺑﺘﺴﺎﻣﻪ؛ﻓﺮﺣﺎﻧﻪ ﺑﻴﻬﺎ ﺍﻟﻠﻲ ﻗﺎﻋﺪﻩ ﻋﺎﻳﺸﻪ ﻟﺘﻮﺍ ..
ﺭﻣﻀﺎﻥ ﺿﺤﻚ ﻭﻗﺎﻝ : ﻋﻨﺪﻙ ﺣﻖ ﺗﻔﺮﺣﻲ ..
ﺳﻜﺘﻮﺍ ﺷﻮﻳﻪ ﺑﻌﺪﻳﻦ ﺭﺯﺍﻥ ﻗﺎﻟﺖ ..
" ﺯﻋﻤﻪ ﻭﻳﻦ ﺧﻮﻱ ﻳﺎﺟﺪﻱ ! ؟ "
ﺭﻣﻀﺎﻥ ﺑﺄﻟﻢ : ﻳﺎﻓﻮﻕ ﺍﻟﻮﻃﺎ ﻳﺎﺗﺤﺘﻬﺎ ..
ﺭﺯﺍﻥ ﺑﺨﻮﻑ : ﻻ .. ﺇﻥ ﺷﺎﺀ ﺍﻟﻠﻪ ﻓﻮﻗﻬﺎ ﻳﺎﺭﺑﻲ ..
ﺭﻣﻀﺎﻥ : ﺭﺍﻫﻮ ﺍﻟﻤﻮﺕ ﺣﻖ ..
ﺭﺯﺍﻥ ﺑﻀﻴﻖ : ﺧﻮﻱ ﻣﺎﺯﺍﻝ ﺻﻐﻴﺮ ﻟﻜﻦ ..
ﺍﺑﺘﺴﻢ ﺭﻣﻀﺎﻥ ﻭﻗﺎﻝ؛ﺍﻟﻤﻮﺕ ﻻﺗﻌﺮﻑ ﻛﺒﻴﺮ ﻭﻻﺻﻐﻴﺮ ﻳﺎﺑﻨﺘﻲ ..
ﺭﺟﻌﺖ ﺷﺎﻓﺖ ﻟﻠﻴﻤﻪ ﺑﻌﻴﻮﻥ ﻣﻌﺒﻴﺎﺕ ﺩﻣﻮﻉ ..
ﺿﺤﻚ ﻭﻗﺎﻝ : ﻟﻮ ﻧﻘﺪﺭ ﻛﻨﺖ ﻓﺮﻗﺖ ﻋﻠﻴﻜﻢ ﻣﻦ ﻋﻤﺮﻯ ﻭﺍﺣﺪ ﻭﺍﺣﺪ ﻭﻃﻠﻌﺖ ﻣﻦ ﻫﺎﻟﺪﻧﻴﺎ ﺳﺎﺩ ﻋﺸﻨﺎ ﻓﻴﻬﺎ ﻟﻴﻦ ﻋﻴﻴﻨﺎ ..
ﺭﺯﺍﻥ : ﻭﺍﺍﺍﻙ ﻳﺎﺟﺪﻱ ﺑﺎﻟﻠﻪ ﻋﻠﻴﻚ ﻓﻜﻨﺎ ﻣﻦ ﺍﻟﻤﻮﺕ ﻭﺳﻴﺮﺗﻪ ..
ﺿﺤﻚ ﺭﻣﻀﺎﻥ ﻭﺣﻂ ﻳﺪﻩ ﻉ ﺭﺍﺳﻬﺎ ﻭﻗﻌﺪ ﻳﻤﺴﺢ ﻋﻠﻴﻪ ..
ﻫﻲ ﺧﺪﺕ ﻳﺪﻩ ﻭﺑﺎﺳﺘﻬﺎ ﺑﻌﺪﻳﻦ ﻗﻌﺪﺕ ﺷﺎﺩﺗﻬﺎ ﻭﻗﺎﻟﺖ : ﻧﻔﻜﺮ ﻧﺰﺭﻉ ﺭﻣﺎﻥ ﻳﺎﺟﺪﻱ ... ﺷﻦ ﺭﺍﻳﻚ ﺍﻟﻌﺎﻡ ﺍﻟﺠﺎﻱ ﻧﺰﺭﻋﻮﻩ ..
ﺿﺤﻚ ﺭﻣﻀﺎﻥ ﻟﻴﻦ ﻛﺢ ﻭﻗﺎﻝ؛ﺗﻲ ﻏﻴﺮﻭﺍ ﻧﻌﻴﺶ ﻟﻐﺪﻭﺓ ..
ﺭﺯﺍﻥ ﺑﺈﻧﺰﻋﺎﺝ : ﻭﺍﺍﺍﻙ ﻳﺎﺟﺪﻱ ...
ﺿﺤﻚ ﺭﻣﻀﺎﻥ ...
ﻉ ﻃﻠﻌﺔ ﻏﺎﻟﻴﻪ ﺑﺘﻤﺸﻲ ﺗﺮﻓﻊ ﺍﻟﻨﻌﻤﻪ ﻟﻠﺴﻌﻲ ﺷﺎﻓﺘﻬﻢ ﻭﺍﻗﻔﻴﻦ ﻣﻊ ﺑﻌﺾ ﻭﻳﻀﺤﻜﻮﺍ ...
ﺍﻭﻝ ﻣﺮﺓ ﺗﺸﻮﻑ ﺑﻮﻫﺎ ﻳﻀﺤﻚ ﻫﻜﻲ ..
ﻏﺎﻟﻴﻪ ﺑﺈﺑﺘﺴﺎﻣﺔ ﺃﻟﻢ : ﺿﺤﻜﺘﻚ ﺳﻤﺤﻪ ﻳﺎﺳﻴﺪﻱ ﺍﻟﻠﻪ ﻳﺴﺎﻣﺤﻚ ﺣﺮﻣﺘﻨﺎ ﻣﻨﻬﺎ ﺳﻨﻴﻦ ...
ﺗﻨﻬﺪﺕ ﺑﺄﻟﻢ ﻭﻣﺸﺖ ...
ﻭﻫﻲ ﻣﺎﺷﻴﻪ ﺳﻤﻌﺖ ﺳﻤﻴﻪ ﺗﻌﻴﻂ ﻉ ﺻﻐﺎﺭﻫﺎ ﻭﻫﻲ ﺗﻘﻮﻝ ﻓﻲ ﺟﻤﻠﺘﻬﺎ ﺍﻟﻠﻲ ﻭﻟﺖ ﻣﺸﻬﻮﺭﺓ ﻋﻨﺪﻫﻢ
" ﻭﻭﻭﻭﻩ ﻣﻨﻜﻢ ﻭﻣﻦ ﺑﻮﻛﻢ .."
ﺍﺑﺘﺴﻤﺖ ﺑﺘﻬﻜﻢ ﻭﻛﻤﻠﺖ ﻃﺮﻳﻘﻬﺎ ..
🍁🍁🍁🍁🍁🍁🍁
ﺗﺎﻧﻲ ﻳﻮﻡ ...
ﺍﻟﺴﺎﻋﻪ 6:30 ﺻﺒﺎﺣﺎ ..
ﺭﻭﺣﺖ ﻓﺎﻃﻤﻪ ﻣﻦ ﺍﻟﺰﺭﻳﺒﻪ ﺑﻌﺪ ﺣﻠﺒﺖ ﺍﻟﻌﻨﺰ ..
ﻗﻌﺪﺕ ﺗﻤﺸﻲ ﻭﻫﻲ ﻣﻬﻤﻮﻣﻪ .. ﻭﺗﻔﻜﺮ ﻓﻲ ﺣﻔﻴﺪﻫﺎ ﻃﻮﻝ ﺍﻟﻮﻗﺖ ...
ﻭﻫﻲ ﻣﺎﺷﻴﻪ ﻟﻤﺤﺖ ﺭﻣﻀﺎﻥ ﻣﻘﻌﻤﺰ ﻉ ﺑﻠﻮﻛﻪ ﻓﻲ ﺍﻟﺠﺮﺩﻳﻨﻪ ..
ﺑﻌﺪﻳﻦ ﺷﺒﺤﺖ ﺍﻟﻘﺪﺍﻡ ﻭﻛﻤﻠﺖ ﻃﺮﻳﻘﻬﺎ ..
ﺧﺸﺖ ﺩﺍﺧﻞ ..
ﻣﺸﺖ ﻟﻠﻜﻮﺟﻴﻨﻪ ..
ﻟﻘﺖ ﻏﺎﻟﻴﻪ ﺩﻳﺮ ﻓﻲ ﺍﻟﻔﻄﻮﺭ ﻣﺘﺎﻉ ﺑﻮﻫﺎ ..
ﻓﺎﻃﻤﻪ : ﺻﺒﻴﻠﻪ ﻣﻦ ﺷﻨﻴﻨﺔ ﺍﻟﺒﺎﺭﺡ ..
ﻏﺎﻟﻴﻪ : ﺣﺎﺿﺮ ..
ﻛﻤﻠﺖ ﺗﺠﻬﻴﺰ ﺻﻔﺮﺓ ﻓﻄﻮﺭﻩ ..
ﺯﻣﻴﺘﻪ ﻭﺷﻨﻴﻨﻪ ...
ﺧﺪﺕ ﺍﻟﺼﻔﺮﺓ ...
ﻭﻃﻠﻌﺖ ﻣﻦ ﺍﻟﻜﻮﺟﻴﻨﻪ ...
ﺗﻮﺟﻬﺖ ﻟﺒﺎﺏ ﺍﻟﺤﻮﺵ ..
ﺷﺎﻓﺖ ﺑﻮﻫﺎ ﻣﻘﻌﻤﺰ ﻓﻲ ﺍﻟﺠﺮﺩﻳﻨﻪ ...
ﻛﻤﻠﺖ ﻃﺮﻳﻘﻬﺎ ... ﻭﻭﺻﻠﺖ ﻓﻴﻪ ..
ﻟﻘﺎﺗﻪ ﻣﺘﻜﻲ ﺑﻌﻜﻮﺯﻩ ﺍﻟﻠﻲ ﻛﺎﻥ ﺷﺎﺩﻩ ﺑﺈﻳﺪﻳﻪ ﺍﻟﺰﻭﺯ ﻭﺣﺎﻃﻬﻢ ﺗﺤﺖ ﺫﻗﻨﻪ ﻭﻋﻴﻮﻧﻪ ﻣﻐﻤﻀﺎﺕ ..
ﻏﺎﻟﻴﻪ : ﺳﻴﺪﻱ ﻓﻄﻮﺭﻙ ..
ﻻﺭﺩ ..
ﻏﺎﻟﻴﻪ ﺑﺼﻮﺕ ﺃﻋﻠﻰ : ﻓﻄﻮﺭﻙ ﺳﻴﺪﻱ ...
ﻻﺭﺩ ..
ﺍﺳﺘﻐﺮﺑﺖ : ﺳﻴﺪﻱ ... ﻳﺎﺳﻴﺪﻱ ...
ﻻﺭﺩ ..
ﺿﻴﻘﺖ ﻋﻴﻮﻧﻬﺎ ..
ﻗﻠﺒﻬﺎ ﺍﻧﻘﺒﺾ ...
ﻗﺪﻣﺖ ﺑﺨﻄﻮﺍﺕ ﻣﺘﺮﺩﺩﻩ ..
ﺣﻄﺖ ﻳﺪﻫﺎ ﻉ ﻛﺘﻔﻪ ﻭﻗﻌﺪﺕ ﺗﻬﺰ ﻓﻴﻪ ﺑﺨﻔﻪ : ﺳﻴﺪﻱ .. ﺳﻴﺪﻱ ...
ﻣﺎﻓﻴﺶ ﺍﻱ ﺍﺳﺘﺠﺎﺑﻪ ..
ﻧﺒﻀﺎﺕ ﻗﻠﺒﻬﺎ ﻗﻮﺕ ﻣﻦ ﺍﻟﺨﻮﻑ ...
ﻫﺰﺍﺗﻪ ﺑﻘﻮﺓ ...
ﻃﺎﺡ ﻋﻜﻮﺯﻩ ...
ﻭﻫﻮ ﻟﺤﻘﻪ ﻭﺟﻲ ﻃﺎﻳﺢ ﻉ ﻭﺟﻬﻪ ﺑﺪﻭﻥ ﻭﻻ ﺣﺮﻛﻪ ...
ﻭﻻ ﺍﻱ ﺣﺮﻛﻪ ..
ﺟﺜﺔ ﻫﺎﻣﺪﻩ ...
.... ﻳﺘﺒﻊ
