Dragon's Blade [ Season-2 ]

DB-104

ဆောင်းဦးကို ကုန်လွန်လာပြီးနောက် မြို့တော်တွင် ဆောင်းရာသီအတွက် ပထမဆုံး နှင်းများ ကျဆင်းလို့လာသည်။

အင်ပါယာနန်းတွင်းရှိ မနက်လေးနာရီတွင် ဝမ်ယောလ်နှင့် ဘတ်ဟျွန်းတို့ စိတ်လော စွာဖြင့် ရှိနေကြသည်။ အဆောင်တော် အပြင်ဘက်တွင် နှင်းများ တစ်ဖွဲဖွဲ ကျဆင်း လို့နေပြီး မကြာခင်မှာတင် ဘဝသစ်လေး၏ ငိုမြည်သံလေး ထွက်ပေါ်လာသည်။

ဝမ်ယောလ်နှင့် ဘတ်ဟျွန်းတို့ တစ်ယောက်ကို တစ်ယောက် ကြည်နူးစွာ ကြည့်မိကြသည်။ ဆောင်းရာသီ၏ ပထမဆုံး နှင်းကျချိန်တွင် သူတို့ နှစ်ဦး၏ ပထမဆုံး မြေးဦးကလေး မွေးဖွားလာခဲ့သည်။

ဝမ်ဂျွန်သည် အနှီးထုပ်ကလေး ပွေ့၍ ဖခင်နှစ်ဦးဆီ ပီတီအပြုံးများဖြင့် လျှောက်လာ ခဲ့သည်။  " မင်းသမီးလေးကို နာမည်ပေး ပေး ကြပါဦးဗျာ..."

မြေးဦးလေးသည် မင်းသမီးလေး ဖြစ်သည်။ ဤအချက်က တော်ဝင်မိသားစုအပေါ် ဘာရိုက်ခတ်မူမှ မရှိသည့်အပြင် ဝမ်ယောလ်နှင့် ဘတ်ဟျွန်းက အလွန်အမင်းကို ဝမ်းသာနေလေသည်။

ဘတ်ဟျွန်းသည် နီတာရဲ ပေါက်စလေးကို ပွေ့ယူလိုက်ပြီး မိခင်ဖြစ်သူအကြောင်းကို မေးလေသည်။

" ရိုမေရော ... ကျန်းမာရဲ့လား "

" ကျန်းမာပါတယ်။ ခဏနေ ဝင်ကြည့်လို့ ရပါပြီ "

ဝမ်ယောလ်ကလည်း ကျေနပ်စွာ ဆိုသည်။

" ကောင်းတယ် .... ကောင်းတယ်။ ညသန်းခေါင်းထဲက ဗိုက်နာနေရတာ ပင်ပန်းသွားရပြီ။ အားရှိစေမဲ့ အစားစာတွေ ပြင်ပေးထားပါ။ ဘာအမှားယွင်းမှ မရှိပါစေနဲ့!"

အဆောင်တော်ရှိ လူအကုန်လုံးက ဘာအမှားအယွင်းမှ မရှိအောင် ပြင်ဆင်ကြသည်။

ဘတ်ဟျွန်းသည် ကလေးကို ပွေ့ချီထားရင်း ဝေ့သီလာသော မျက်ရည်တွေကို အသာ သုတ်လိုက်မိသည်။ သူကိုယ်တိုင် ကလေးတွေ မွေးခဲ့စဥ်ကလိုပဲ ကြည်နူးဝမ်းသာမူက ထပ်တူပဲ ဖြစ်သည်။

ဝမ်ဂျွန်မှာတော့ သူ၏ သမီးငယ်လေးကို မိခင်ဝမ်းမှလွတ်၍ အနှီးထုပ်ထဲ ထည့်ခါစအချိန်ကပင် ချီရသေးသည်။ ယခုထိ ခမည်းတော်တို့ လက်ထဲက ပြန်ယူလို့ မရသေးပေ။ ဝမ်ဂျွန် မတားရက်တာမို့ ပြုံး၍သာ ကြည့်နေရသည်။ ရိုမေတစ်ယောက် သမီးမိန်းကလေး ဟု သိလိုက်ရစဉ်က စိုးရိမ်နေပုံကို သူမြင်ယောင်မိသေး၏။ ရိုမေသည် ယောရိုဝန်း နန်းတွင်းမှ အရိပ်မည်းကို ယခုထက်ထိ မမေ့သေးပုံရသည်။