Dragon's Blade [ Season-2 ]

DB-65

တောင်ပိုင်းအင်ပါယာကြီးက မထင်မှတ်ပဲ သတင်းကောင်းတစ်ခုကို ရလိုက်တဲ့အတွက် စိတ်ပူနေတာတွေ တစ်ဝက်လောက်ထိ လျော့ကျသွားတော့သည်။ အခုတော့ သူတို့တွေက နောက်ဆုံးကျန်ရစ်သော အနောက်ပိုင်းအင်အားစုကို တက်ညီလက်ညီ ဖျတ်ဆီးကြဖို့ပဲ ရှိတော့သည်။

စာပို့ တောငှက်လေးမှာ လှောင်ခြိုင့်လေးမှာ အနားယူနေပြီ ဖြစ်သည်။ တောသဘာဝ ငှက်လေး ဆိုပေမဲ့လည်း သူတို့ရဲ့ သဘာဝ ဗီဇအရ လားရာလမ်းကြောင်းတို့၊ အိမ်ပြန်လမ်းတို့ကို မှတ်သားတက်သော  အသိရှိသည်။ တောင်ပိုင်း အင်ပါယာက ထိုငှက်ကလေးကို အသုံးပြုပြီး သူလာခဲ့ရာ နေရာကို ပြန်ရှာဖွေ ထောက်လှမ်းဦးမည်။

ဆွေးနွေးခန်းပြုလုပ်သည့် ရွက်ဖျင်တဲကြီးထဲတွင် အရေးကြီးပုဂ္ဂိုလ်များစွာ ရောက်ရှိနေကြပြီ ဖြစ်သည်။ အားလုံးက ရောက်ရှိလာသော စာလွှာကြောင့် တာဝန်များဆွေးနွေး နေကြပြီဖြစ်သည်။

စာထဲမှာ ကြင်ယာတော်လက်ရေး၊ ကိုယ်ရံတော်တပ်မှုးချုပ်၏ လက်ရေး၊ စစ်သူကြီး ဆယ်ဟွန်း၏ လက်ရေးတို့ ပါဝင်နေပြီး အခြေအနေ အရပ်ရပ်ကို တင်ပြထားခြင်းဖြစ်သည်။ စာရွက်လေးမှာ အလွန်ပင်သေးနုပ်လှပြီး ဖြတ်သန်း လာရသော ရာသီဥတုကြောင့် အနားသားတွေမှာ ပြဲစုတ်နေပြီဖြစ်သည်။

စာထဲတွင် ကြင်ယာတော်က သူနဲ့ ကလေး၏ ကျန်းမာစွာ တည်ရှိနေမူကို အတိုးချုံးသာ ရေးထားခြင်းဖြစ်သည်။ ဤသည်ကလည်း အင်ပါယာတစ်ခုလုံးရဲ့ မင်္ဂလာသတင်း ဖြစ်သည်။ ဂီ နဲ့ ဆယ်ဟွန်း၏ တင်ပြချက်မှာ အများအားဖြင့် ဆင်တူလှသည်။ သူတို့သည် ပင်လယ်ထဲမြောနေတာ ရက်ပေါင်း အတော်ကြာခဲ့ပြီး ပထဆုံးတွေ့သည့် ကျွန်းပေါ်မှာ ရက်အချို့ နေခဲ့ကြသည်ဟု ရေးထားသည်။ စုစုပေါင်း လူဘယ်နှစ်ယောက်နဲ့ သူတို့က ကျွန်းမှာပဲ ဆက်နေလို့မရတာကြောင့် အယ်လီယွန် ကမ်းစပ်အထိ ကူးခတ်ခဲ့ပါမည်ဟု ဆိုထားသည်။

စစ်သေနာပတိက အလေးအနက် စဉ်းစားရင်း ဆိုလာသည်။

" ဒါဆို စစ်သူကြီးတို့က နေရာအတိအကျ မသိရသေးခင်အထိ နောက်ထပ် ပြန်စာလွှာ ရဦးမယ် မထင်ဘူး... ကျွန်တော်တို့က ကံကောင်းစွာ ရောက်လာတဲ့ ငှက်ကလေးကိုပဲ အားကိုးရတော့မယ် "