Dragon's Blade [ Season-2 ]

DB-23

ရဲမက်တစ်ဦး၏ အလံအဝါရောင်ကား ပစ်ရန်အချက်ပြ၍ အောက်သို့စောက်ချလိုက်သည်နှင့် ဂျွန်လေးသည် လေးကြိုးအား တင်းတင်းဆွဲထားသည်ကို လျော့၍ ပစ်မှတ်ဆီသို့ မြှားကို တည့်တည့်မတ်မတ် လွှတ်လိုက် တော့သည်၊၊

ပစ်မှတ်ဘေးစောင့်နေသည့် ရဲမက်သည် အလံအနီရောင် ထောင်ပြ၍ အမှတ်အရ ၇ ဆင့်အတွင်း ဝင်သွားသည့် အကြောင်း ပြန်လာသည်၊၊

ပစ်မှတ်တည့်တည့် မထိရောက်သေးသော်လည်း သူ့အရွယ်နှင့် လူကြီးကိုင် လေးကိုင်းနှင့် တင်းလွန်းသော လေးကြိုးတို့ကို ဆွဲညှိနိုင်တာနဲ့တင် တော်လောက်ပြီဟု ထင်ကြသည်၊၊ ပစ်မှတ်ကို ထိရုံနဲ့တော့ သူမကျေနပ်သေး၊၊ ပစ်မှတ်တည့်တည့်ကိုသာ ထိချင်သေးသည်၊၊

ဝှစ်!

သူ့ဘေးနားကနေ ဖြတ်သန်းသွားတဲ့ မြှားပစ်သံသည် ပစ်မှတ်အမှတ် ၁ နေရာတွင်း တည့်တည့်စိုက်ရောက် နေသည်ကို တွေ့လိုက်ရသည်၊၊

ဝမ်ဂျွန်သည် သူ့ဘေးမှာ ရပ်လာသည့် လူရိပ်ကြောင့် လှည့်ကြည့်မိသည်၊၊ ဆရာဖြစ်သူ ဂင်ဂျုံဒဲဟု ထင်မိသော်လည်း ရဲမက်ဝတ်စုံနှင့်မဟုတ်ပဲ မင်းညီမင်းသားတွေ၏ တောလိုက်ထွက် ဝတ်စုံအပြည့်နှင့်မို့ ထိုသူ၏ မျက်နှာကို လျင်လျင်မြန်မြန် ကြည့်လိုက်ရသည်၊၊

" ဟင် !!! ခ .. ခမည်းတော်.... ခမည်းတော်က.."

" ငါ့သားလည်း မြှားပစ်တာဘယ်ဆိုးလို့လဲ!
ဒါနဲ ခမည်းတော်နဲ့ဆိုရင်တော့ လက်ရည်က အတော်ကွာတယ်နော် "

အဖြူရောင်နှင့် ပိုးသားအပေါ်ဝတ်စုံသည် လေ့ကျင့်ကွင်းမှာမို့ ကျစ်ကျစ်လျစ်လျစ်ဟန်နှင့်၊၊ အနီရင့်ရောင် ဘောင်းဘီက ရဲမက်၊ မင်းညီမင်းသားတို့၏ ဝတ်စားပုံအတိုင်း၊ ဝတ်နေကျ ဖြစ်တဲ့ ရွှေရောင်ငွေရောင် အဆင်းရှိ လှအသော ဖိနပ်တွေ အစား၊ လည်ရှည်ဖိနပ်အစွပ်နှင့် တက်ကြွနေသည့် မင်းသားငယ် အသွင်၊၊ မြှားအိတ်ကို တစ်ဖက်လွယ်လျက် လေးတံကို ကိုင်ထားပုံက လူမှားစေလောက်သည်၊၊

ဘတ်ဟျွန်းသည် သူ့အား ပါးစပ်အဟောင်းသားနှင့် ငေးကြည့်နေရှာသော နောက်ထပ်တစ်ယောက်ကြောင့် အသံထွက်ရယ်မိတော့သည်၊၊