Dragon's Blade [ Season-2 ]

DB-95(အိမ်ရှေ့စံမိဖုရားလောင်း-၆)

နန်းဆောင်အတွင်းသို့ ရိုမေဝင်လာသောအခါ ရိုမီနှင့် ယန်းလီသည် စကားလက်ဆုံကျ နေချိန်ဖြစ်သည်။ ယန်းလီက ပျော်ရွှင်စွာ နှုတ်ဆက်လို့မပြီးခင်မှာ ရိုမေ၏ ဖြူစုပ်နေသော သွေးမရှိမျက်နှာကို မြင်ပြီး လန့်ဖျန့်သွားရသည်။ ပိုလန့်စရာကောင်းသည်က နီရဲနေသော လက်ချောင်းရာတွေ ဖြစ်သည်။

" မေ .. "

ရိုမီက ချက်ချင်း တုန်လှုပ်သွားရသည်။

" မေ .. ဒါက ... ဒါ "

" ရိုမေပင်ပန်းနေပါပြီ ... ခဏလောက် နားပါရစေ "

ရိုမေက ဘာကိုမှ မရှင်းပြရဲပဲ အခန်းထဲ ဝင်သွားတော့သည်။ ရိုမီသည် တဒင်္ဂ အတွင်း ဘာလုပ်လို့ ဘာကိုင်ရမည်ကို မသိတော့ပဲ တွေဝေသွားသည်။ ထို့နောက် အဆောင်သို့ ရောက်လာကြသည့် ရှန့်ကုန်းမယ်မယ် တွေဆီ သွားရောက်မေးမြန်းတော့သည်။

" မင်းသမီးကို ဖြေကြားပါတယ် ။ မင်းသမီးရိုမေရဲ့ ကိစ္စကို အသိချင်ဆုံးက ကျွန်တော်မျိုးမတို့ပါပဲ။ သေချာပေါက် သမာရိုးကျ ဒဏ်ရာမဟုတ်ပေမဲ့လို့ မင်းသမီးရိုမေက ငြင်းဆန်တဲ့အတွက် ကျွန်တော်မျိုးမတို့တွေလည်း လုပ်ကိုင်ရ ခက်ခဲနေပါတယ်..."

ရိုမီကိုယ်တိုင်လည်း ဘာမှမသိနိုင်တော့ ကာယကံရှင်ကို မေးမြန်းဖို့ပဲ တက်နိုင်တော့သည်။

ရိုမေသည် စောင်ခြုံထဲ ကွေးကွေးလေး ဝင်အိပ်နေရှာသည်။ လက်ဖက်ရည် ဆက်သပွဲကို မတုန်မလှုပ်နဲ့ သွားခဲ့ပြီး ပြန်လာချိန်မှ ဘယ်လိုဖြစ်ခဲ့ရသည်လဲ။

" မေ .. မမကို ပြောပါဦး ။ မေ့မျက်နှာက နီရဲနေတဲ့ ဒဏ်ရာကြီးက ဘယ်သူလုပ်လိုက်တာလဲ "

ရိုမေသည် စောင်ခြုံကြားထဲက ပြန်ဖြေလာသည်။

" မေ့ဘာသာ ထိခိုက်တာ "

" နမော်နမဲ့ နိုင်တဲ့ ကလေးမလေးပဲ "

"....."

" အိမ်ရှေ့စံမင်းသားကို တွေ့ရတော့ ဘယ်လိုလဲ ?"

"....."

" သတင်းတွေအတိုင်း စိတ်ထားကောင်းလား "

" သတင်းတွေအတိုင်း ကြောက်ဖို့ကောင်းတယ် "

ရိုမီသက်ပြင်းချလိုက်သည်။ တစ်ကယ်ကို သူ့ညီမလေးက အိမ်ရှေ့စံရဲ့ ထိခိုက်မူခံ လိုက်ရတာပဲ ။