Dragon's Blade [ Season-2 ]

DB-44

ဘတ်ဟျွန်းသည် သူကို်ယ်တိုင် အချိုပွဲနဲ့ လက်ဖက်ရည်အိုးကို ပြင်ဆင်ပြီး အပျိုတော်တွေကို လာယူစေသည်။ အပျိုတော်တွေက ဘတ်ဟျွန်းရဲ့ အခန်းဆီသို့ ယူလာပေးပြီး ဘတ်ဟျွန်းက ရှေ့ကနေ ဦးဆောင်သွားနေသည်။

ဘတ်ဟျွန်း၏ အိပ်ဆောင်ခန်းနား ရောက်လာလေ ရယ်သံတို့က ပိုကျယ်လောင်စွာ ကြားရလေဖြစ်သည်။ ကလေးသေးသေး၏ တစ်ခစ်ခစ် ရယ်သံနဲ့အတူ အမျိုးသားတစ်ဦး၏ တစ်ဟားဟား ရယ်သံကလည်း ပျော်မြူးစွာ ကြားနေရသည်။ ထိုရယ်သံတွေကြောင့်ပဲ ဘတ်ဟျွန်း အခန်းထဲမဝင်ခင် ပြုံးမိသေးသည်။

အခန်းတံခါးကို ဆူးက ဖွင့်ပေးလာသည်။ အရင်ဆုံး မြင်ရသည်က သူ၏ မွေ့ယာဖရိုဖရဲ ကို ဖြစ်ပြီး ထိုမွေ့ယာပေါ်မှ နဂါးဝတ်ရုံကြီး တစ်လွှားလွှားနဲ့ မင်းကြီးကို တုတ်လုံးနေသည့် အမွှာကလေး နှစ်ယောက်နဲ့ မြင်ရမည် ဖြစ်သည်။

ဝမ်ယောလ်၏ ဂုတ်ပေါ်တွင် ရှင်းလေး တက်ခွထားလျက်ရှိပြီး ဝမ်ယောလ်၏ ဆံထုံးကို လှုပ်ကိုင်ဆော့နေလျက်ရှိသည်။ ယင်းလေးသည် ဝမ်ယောလ်၏ ဘယ်ဘက်ခြေထောက်ကို ဖက်တွယ်ထားလျက် ကိုက်ခဲရန် ပြုနေ၏။ ဝမ်ယောလ်သည် ရှင်းလေးကို မပြုတ်ကျစေရန် လက်တစ်ဖက်နဲ့ ထိန်းလျက်၊ ခြေထောက်တွင် ဖက်တွယ်နေသည့် ယင်းလေး၏ အသားတို့ ပြည့်နေသော ဖင်လုံးလုံးလေးကို ဆွဲဆိတ်နေရင်း စနေသည်။

ရှင်းလေးသည် ဆံထိုးကို ဆော့ရင်း ပြေမကျလာသည်ကြောင့် စိတ်တိုကာ ဝမ်ယောလ်၏ နားကို ကုန်းကိုက်တော့သည်။

" အား အား! ဝမ်အွန်းရေ... လုပ်ပါဦး !!! မင်းရဲ့သား ကိုက်နေပြီ "

ဘတ်ဟျွန်းသည် ရေနွေးငှဲ့ပေးနေရင်းက ချက်ချင်းထကာ ရှင်းလေးကို ပြေးဆွဲရသည်။ ဒါတောင် ကိုက်ထားရာက မလွတ်ပေး၍ ဝမ်ယောလ် တော်တော် ကြိတ်ခံ လိုက်ရသည်။

ယင်းလေးသည် သူ့ခမည်းတော်ကြီး အော်သံကြားသည်နှင့် ခြေထောက်ကို ကုန်းဖက်ထားရာက လွှတ်ကာ ပျော်ပျော်ကြီး လက်ခုပ်တီးနေလေ၏ ။

ဝမ်အွန်းသည် ဝမ်ယောလ်၏ နီရဲသွားသော နားကို ကြည့်ရင်း သူ့ကလေးတွေကို ဆူသင့်ပြီဟု မှတ်လိုက်သည်။