Dragon's Blade [ Season-2 ]

DB-53

နာရီဝက်ကြာ မရပ်မနား ပြေးခဲ့တာလျှင်ပင် ခရီးမတွင်နိုင်ပဲ ရှိနေသည့်အတွက် ဆူးသည် အံသြထိတ်လန့်မှု ဖြစ်တည်လာသည်။ တောင်ပိုင်းဒေသ၏ မည်သည့်နေရာမဆို အလွတ်နီးနီးရနေသည့် လူတစ်ယောက် ဖြစ်သည့်အပြင် မည်သူမျှ လိုက်မမှီနိုင်သည့် ခြေထောက်တွေလည်း ရှိနေပါလျက်နှင့် ယခုထက်ထိ ဂန့်ဝေါတောင်တန်းဒေသကနေ မထွက်နိုင်သေးတာကို ကြောက်ရွံ့လာသည်။

" ဆူး... ဆက်မပြေးပါတော့နဲ့လား "

လှည်းအတွင်းမှ အားနာသံလေးသည် သူ့အတွက် နှစ်ဆပိုအားနာရသည်။

" ကျွန်တော်မျိုးမ မောနေလို့မဟုတ်ဘူး... ဒီထဲက မထွက်နိုင်တာကို... "

" ကြည့်ရတာ တောခြောက်နေပြီထင်တယ်။ ဒါမှမဟုတ်လဲ ဟိုဘက်ကဘာမှန်းမသိတာတွေနဲ့ မျက်စိလည်အောင် လုပ်ထားတာ နေမယ်"

ဆူးသည် စိတ်မငြိမ်နိုင်တော့။

" ကြင်ယာတော် ရေသံတွေကြားတယ်မလား! ကျွန်တော်မျိုးတို့ ပြေးလာတာပဲ နာရီဝက်မကတော့ဘူး... အဲ့တာကို မြစ်နဲ့ ခုထိ နီးနီးလေးရှိနေသေးတယ်"

ဆူး၏ နာရီဝက်ပြေးအားသည် နယ်မြေတစ်ခုစာ ရှိသည်။ ဂန့်ဝေါလို တောတန်းဒေသငယ်လေးဆိုလျှင် မိနစ်အနည်းငယ်အတွင်းမှာပင် နောက်တစ်နယ်ကို အမြန်ဆုံးရောက်နိုင်သည်။

" ဆူး.... စိတ်အေးအေးထား.. "

" ကျွန်တော်မျိုးက အသုံးမကျလိုက်တာ.. "

" မဟုတ်ဘူး... "

ကိုယ့်ကိုယ်ကို အားမလိုအားမရ အပြစ်တင်နေသည့် ဆူးအနားသို့ ဘတ်ဟျွန်း ဆင်းသွားလိုက်သည်။

" ဆူး.. ခဏလောက် ထိုင်နားဦး.. "

" ကျွန်တော်မျိုးတို့မှာ.. အချိန်မရှိဘူး.. "

" ခဏပဲထိုင်ပါဦး.. "

ဆူးအား လှည်းနောက်စွန်းတွင် ထိုင်နားစေလိုက်သည်။ ဘတ်ဟျွန်း စိတ်ပူနေသလိုမျိုး ဆူးတွင် အမောစို့နေတာမျိုး မရှိ။ ခြောက်ခြား ကြောက်လန့်နေတာမျိုးသာ ရှိသည်။

အနီးအနားရှိ တောတိုးသံများသည် ခပ်စိတ်စိတ် ကြားနေရသည်။ သူတို့ ရောက်နေရာသည် တောချုံတွေ ပတ်ပတ်လည်နှင့် လာရောက်ရင် ခက်ခဲလှသည်။