Dragon's Blade [ Season-2 ]

DB-67

မင်းသမီးလေးဗြောသည် အသက်‌ ခြောက် လသို့ ရှိချေပြီ။

ငယ်သေးလွန်းသည့် အချိန်ကလို အမြဲ လှဲအိပ်နေရသည် မဟုတ်တော့။ အဖေ လက်ထဲမှာပဲ နေသည်မဟုတ်။ ဆူးနဲ့ လည်းနေသလို ၊ ဆောနဲ့လည်း နေသည်။ ယခုချိန်ထိ ဗြောလေးငိုသည်ကို သူတို့ မတွေ့ဖူးကြသေး။ အင်း အဲ စသည့် အသံထွက်ကလေးများ ပီပြင်လာပြီး မြင်သမျှ လူတိုင်းကို တစ်အံတစ်သြ ကြည့်တက်ပြီး အသံသေးသေးလေးများဖြင့် စကားဆိုတက်သည်။

ဗြောလေးက သူတွေ့ဖူးသည့် လူခုနစ်ယောက်ကိုသာ ရင်းနှီးပေမဲ့ တစ်စိမ်းလူကိုတော့ ရှက်ကြောက် တက်သည်။ ပွေ့ချီထားသူနဲ့ သူမျက်နှာလေးကို ကွယ်ကာ ပုန်းတက်သည်။
ယခုသောင်တင်နေသော ကျွန်းမှာ သူတို့ နေတာ နှစ်လနီးနီးရှိသွားပြီဖြစ်သည်။ သူတို့လှေလေးက ကံမကောင်းစွာနဲ့ ပျက်စီးသွားရပြီး နောက်ထပ် သင်္ဘောတစ်စီး ရဖို့အတွက် သူတို့ ပစ္စည်းများ ၊ အသပြာများ စုဆောင်းနေရချိန် ဖြစ်သည်။

နေတာကြာလာတာနဲ့ အမျှ ကျွန်းပေါ်မှာ သူတို့ နေသားကျသွားသည်။ အားလုံးက လုပ်ရည်ကိုင်ရည် ရှိသူတွေပဲမို့ နေစရာအိမ်နဲ့ စားသောက်စရာက ပူစရာမလို။ ကျွန်း၏ အစည်ကားဆုံးဈေးကြီးသည် အမြဲလိုလို ဆူညံနေတက်ပြီး သူတို့လည်း တစ်ခါတစ်လ ပစ္စည်းထွက်ဝယ်တက်သည်။ 

ဘတ်ဟျွန်းတို့က ဒီကျွန်းပေါ်မှာ ကြာကြာနေမဲ့ သူတွေ မဟုတ်တာကြောင့် ကလေးကို အပြင် ထုတ်ချင်စိတ်မရှိကြပေ။ တစ်ချို့လူများက ကလေးကို ချစ်သလို တစ်ချို့သော လူများ ကလည်း ကလေးကို မသမာနည်းနဲ့ ရချင်သူများ ရှိပြန်၏။

အားလုံးက ကလေးကို တစ်စိမ်းလူ တွေ့မှာ မလိုလားကြတော့။ ရွက်သင်္ဘောအတွက် ပစ္စည်းစုနေချိန် ဗြောလေးအနားမှာ လူတစ်ယောက်တော့ အနည်းဆုံး ရှိနေပေးဖို့ အချိန်သေချာ ပေးရတော့သည်။

ဘတ်ဟျွန်းက စားသောက်ဖို့အတွက် ချက်နေချိန် ဗြောလေးကို မျက်စိအောက်မှာပဲ အသီးအနှံတစ်ချို့နဲ့ ထိုင်ဆော့ ခိုင်းထားရသည်။ ဈေးကပေးလာတဲ့ လက်ဆောင်တွေကို ဆော့ခိုင်းဖို့ သူတို့ မဝံ့ရဲ။ သဘောဝအသီးနီနီဝါဝါလေးတွေကိုသာ အရုပ်အဖြစ် ဆော့ခိုင်းထားသည်။