Dragon's Blade [ Season-2 ]

DB-50

လွှတ်တော်ခန်းမကြီး၏ လျှောက်တင်သံတွေက တိုတိတိုတောင်းပင်၊ အပြိုင်အဆိုင် ငြင်းခုံနေမှုများလည်း ခဏတာ အတွင်း ပြီးစီးသွားသည်။ မပြီးလို့လည်း မရတော့ သူတို့၏ အရှင်ဧကရာဇ်မှာ စိတ်မရှည်သည့် အရိပ်အယောင်တွေ အထင်းသားဖြစ်နေသည်။ သို့သော် တည်တည်ငြိမ်ငြိမ်ပင် ရှိနေသေးသည်။

နဂါးပုလ္လင်ကြီးထက် ဝမ်ယောလ် မာန်ပါပါ ထိုင်ထားလျက် လက်နှစ်ဖက်ကို အလုပ်ပေးနေရသည်။ သူ၏ သန်မာသော လက်နှစ်ဖက်လုံးတွင် ပိုးဖဲကြိုးစအရှည် နှစ်ခုစီ ချည်ထားသည်။ ထိုကြိုးစရှည်များသည် ခန်းမ၏ နေရာအနှံ့ လျှောက်သွားလို့နေသည်။

လက်ယာအမတ်ကြီးသည် လျောက်လဲချက် တင်ဖို့ ကိုယ်နေဟန်ထား ပြင်လိုက်လေ၏။

" ကျွန်တော်မျိုး လက်ယာအမတ်ကြီး လီချိုးမင် .. လျှောက်တင်... တင်.. "

လက်ယာအမတ်ကြီးသည် သူ့ဝတ်ရုံဖားဖားကြီးကို လာဆွဲသည်ကြောင့် လျောင်တင်သံမှာ တစ်ဝက်တစ်ပျက် ဖြစ်သွားရသည်။

တရားခံလေးမှာ မျက်နှာပြည့်ပြည့်ဖောင်းဖောင်းနှင့်  သူ့ဝတ်ရုံကို အားယူ၍ မတ်တပ် ထရပ်နေသည်။

" မင်းသားလေး.. "

ခြေထောက်အားက မခိုင်နိုင်သေးတော့ ယိုင်ကနဲ ကြမ်းပြင်ပေါ် ဖင်ထိုင်ရက်လေး ပြုတ်ကျတော့သည်။

ပြုတ်ကျသည်မှာ သူ့ချည်းမဟုတ်၊ အမတ်ကြီး၏ ဘောင်းဘီအရှည်ကြီးလည်း ပါဝင်သည်။ ဝတ်ရုံဖားဖားကြီး၏ ဘေးခွဲမှ ဘောင်းဘီကို ဆွဲကိုင်ခဲ့သောကြောင့် မင်းသားလေး ထိုင်ရက် ပြုတ်ကျသောအခါ အမတ်ကြီး၏ ဘောင်းဘီလည်း လျောကျ ရတော့သည်။

ဝမ်ယောလ်သည် ထိုင်လျက်ကျသွားသော သူ့သားတော်မောင်အား ကြိုးကနေ လှမ်းဆွဲလိုက်သည်။ ဝတ်စုံခရမ်းရောင် လေးနှင့် ဆိုလျင် ယင်းလေးသာ ဖြစ်မည်။ ပြောင်လက်သော အခင်းကြမ်းပြင်ကနေ ယင်းလေးကို ဖင်တရွတ်ဆွဲ၍ ခန်းမအလယ်သို့ ပြန်ထားလိုက်သည်။

ဝမ်ယောလ်မှာ ဤသည်နှင့် မပြီးသေး၊ စားပွဲခုံပုပေါ်သို့ တင်ထားသော ကြွေပန်းအိုးကြီးကို လှမ်းယူနေသည့် ရှင်းလေးကြောင့် ရှင်းလေးကို ချည်ထားသော ကြိုးစကို ပြန်ဆွဲယူနေရသည်။