Dragon's Blade [ Season-2 ]

DB-82( မီးအိမ်ရှင်မိဖုရားလောင်း-၁)

တတိယမြောက်နေ့တွင်တော့ ဝမ်ယောလ်က နန်းတော်သို့  ပြန်ကြွဖို့ စီစဉ်ရတော့သည်။ သူက မြင်းဇောင်းက လွှတ်လိုက်သလို ဖြစ်သွားရမည့် အမွှာမင်းသားနှစ်ယောက် ကိုတော့ ပြန်ခေါ်သွားရသည်။ အမွှာမင်းသားတွေမှာ လေ့လာသင်ယူ စရာတွေရှိနေသေး၍ ဆိုကာ ရအောင် ပြန်ခေါ်သွားလေသည်။

ဝမ်ဂျွန်ကတော့ ဗြောလေးကို မြင်းပေါ်တင်၍ သူက မြင်းကို ကူဆွဲပေးကာ လမ်းလျောက် နေသည်။ ဗြောလေးအတွက် တစ်လ လောက်ကို အေးဆေး ခရီးသွားလာခွင့် ရှိသွားသည့် အတွက် ဝမ်ဂျွန်က စောင့်ကြပ် လိုက်ပေးသည်။ အစက ဘတ်ဟျွန်းပါ လိုက်ပေးဖို့ လုပ်ထားပေးခဲ့ပေမဲ့ ဘတ်ဟျွန်းက ဝမ်ယောလ်နဲ့အတူ မဖြစ်မနေ ပွဲတက်စရာများ ရှိသေးသည်။ သူက တော်ဝင်ကြင်ယာတော် ရာထူးပေမဲ့ တောင်ပိုင်းအင်ပါယာရဲ့ အမျိုးသား ဧကရီနှယ် အရေးပါလှသည်။

ဝမ်ယောလ်ကလည်း ဝမ်ဂျွန်ပါသွား၍ သူ့သမီးကို စိတ်ချလက်ချ လွှတ်လိုက်သည်။ မကြာခင် အိမ်ရှေ့စံ၏ ကြင်ယာတော် ရွေးချယ်ပွဲက လာတော့မည် ဖြစ်၍ ဝမ်ဂျွန်၏ မအားမလပ်သော ကာလများ ရောက်လာတော့မည် ဖြစ်သည်။ သို့ဖြစ်၍ တစ်လတာတော့ စိတ်အေးလက်အေး နယ်ဘက်တွေ ခရီးသွားခိုင်းလိုက်သည်။ ခရီးသွားရင်းနဲ့ သူ့ဘေးနား ထားချင်လောက်တဲ့ သူမျိုး တွေ့ခဲ့ရင်လည်း မဆိုးဘူးဟု ဝမ်ယောလ် တွေးထားတာ ဖြစ်သည်။

ငိုမဲ့မဲ့ ဖြစ်နေသော ကြီးကောင်ကြီးမား အမွှာမင်းသားများခမျာ သူတို့ရဲ့ ပဲပင် အညှောင့်ပေါက် လက်ရေးများကို ဒီလအတွင်း အပြီးသတ် ပြင်ရေးရ တော့မည်ဟု ကြိုတင် သတိပေးခံထားရသည်။ သူတို့တွင် ခရီးသွားလာခွင့်က နောင်တွင် မရေမတွက်နိုင်အောင် ရှိလာမည့်အတွက် ဝမိယောလ်လောလောဆယ်အတွင်း ခြေချုပ်ထားပေသည်။

သမီးကညာလေး အရွယ်ရောက်လာရင် တော့ဖြင့် သူ့မျက်စိအောက်မှာပဲ ထားရ မှာမို့ ယခုအချိန်လေး ထွက်လည်ခိုင်းတာ ဖြစ်သည်။

ဝမ်ဂျွန်က နယ်မြေအခြေအနေ ကို တစ်ချက် ကြည့်ရှုပြီးတာနဲ့ ဗြောလေးထံ ပြန်ကြည့် လေသည်။ ဗြောလေးသည် အသစ်တွေ့ရှိသော ငှက်မျိုးစိတ်လေးကို သူ့စာအုပ်လေးထဲမှာ ရေးဆွဲ မှတ်တမ်းတင် နေတာ ဖြစ်သည်။ ဗြောလေး ဘေးနားတွင် ဆောက ရောင်စုံခဲတံတို့ကို ဓားနဲ့ ချွန်ပေးနေတာ ဖြစ်သည်။