Dragon's Blade [ Season-2 ]

DB-107

လူတစ်ပိုင်း ငါးတစ်ပိုင်း ။

နိုအာက အမှန်တစ်ကယ်ကို လူတစ်ပိုင်း ငါးတစ်ပိုင်းနှင့် ရေသူမမျိုးနွယ် ဖြစ်နေခဲ့သည်။ ဘတ်ဟျွန်းမှာ ထို့ထက်ပိုပြီး အံသြစရာ ဟူ၍ ရှိမနေခဲ့ပေ။

နေထိုင်လာသည့် သက်တမ်းတစ်လျှောက် တွင် သဘာဝလွန်ဖြစ်ရပ်များစွာ ကြုံဖူးသည့် တိုင်အောင် ရေသူမမျိုးနွယ်နှင့် ကြုံဆုံဖူး လိမ့်မည်လို့တော့ ယောင်လို့တောင် မထင်ခဲ့ဖူး ပေ။ ကလေးမွေးသည် ဟုသော အသံကြောင့် ဆေးပစ္စည်းအိတ်ကြီး ဆွဲလာသည့် မင်ဆော့ ပင်လျှင် နှစ်နာရီကြာသည်အထိ ပါးစပ် အဟောင်းသား ဖြစ်နေတုန်း။

နိုအာ ရေထဲဝင်နေခဲ့တာ နှစ်နာရီကြာနေပြီ ဖြစ်သည်။ ရှင်းနဲ့ ယင်းတောင် အနားကို မလာခိုင်းသည့်အတွက် ဝမ်ယောလ်တို့လည်း ဘာမှမတက်နိုင်ပဲ ထိုင်စောင့်နေရုံသာ ရှိသည်။ ဝမ်ယောလ်က လှေကား အဆင်းနားမှာ ထိုင်နေကြသည့် သားနှစ်ဦးကို ခြေဖြင့် လှမ်းတို့လိုက်သည်။

" ငါတို့ကို တစ်ခုခုတော့ ပြောပြရမယ် မလား?"

ရှင်းနဲ့ ယင်းမှာ မယားပူသားပူ နေရာက သူတို့ကို တစ်ဆင့်ပြန်ပူပန်ပေးနေရသော အဖေနှစ်ယောက်နှင့် ဦးရီးတော်တို့ကို လည်ပြန်လှည့်ကြည့်မိလာကြသည်။

ရှင်းက အရင်ပြောသည်။
" နိုအာက ရေအောက် အနုဗေဒနန်းတော်က ဆယ့်လေးယောက်မြောက် မင်းသား။ သူတို့မျိုးရိုးက ဒွိလင် ။ ဒါကြောင့် သားတော် ‌တို့နဲ့ ကလေးရနိုင်ခဲ့တာ ။ "

ဘတ်ဟျွန်း ငြိမ်သက်နေတဲ့ ရေကန်ကို ငေးကြည့်ရင်းဆိုလာသည်။ " သူလက်ထက်ရမယ် ဆိုတဲ့ ငါးမန်းက တစ်ကယ့်ငါးမန်းကို ပြောတာလား!"

ယင်းက ပြန်ဖြေပေးသည်။
" ငါးမန်ဖြူက မျိုးရိုးကိုပြောတာပါ။ နိုအာတို့မျိူးရိုးထက် နှစ်ဆကြီးပြီး အမြီးက ငါးမန်းမြီးနဲ့ ကျောမှာ ငါးမန်းတောင်ပံပါတယ်။ သူတို့မျိုးရိုး၊ မျိုးနွယ်တွေက မြေပြင်ပေါ်ဖြစ်စေ၊ ရေမျက်နှာပြင်ပေါ်ကို ဖြစ်စေ ပကတိ ငါးအသွင်နဲ့ပဲ တက်လေ့ရှိတယ်။ အနုဗေဒတိုင်းပြည်မှာပဲ လူကိုယ်အပေါ်ပိုင်းက ထွက်လာတက်တယ် !"