Dragon's Blade [ Season-2 ]

DB-75

ကြာကန်ကြီး၏ နံဘေးရှိ ရှုခင်းသာ အဆောင်တော်ကြီးတွင် ကြင်ယာတော်နှင့် သူ၏ သားသမီးသုံးယောက် အတူ အနားယူနေလေ့ရှိသည်။ ကြာပန်း ရောင်စုံနဲ့အတူ ကြီးမားလှသော ရေကန်ကြီးက မျက်စိပဒေသာ ရှိလှသလို လေကောင်းလေသန့် ရသောကြောင့် အနားယူဖို့ အကောင်းဆုံးနေရာ ဖြစ်သည်။

ဘတ်ဟျွန်းက သူ့ရှေ့ရှိ အစားသောက်၊ အချိုတည်းစာများ ထားသော စားပွဲကို ကျော်လွန်ကာ အပေါက်ဝအနား ပန်းချီရေးဖို့ တိုင်ပင်နေကြသော ပေါက်စလေး သုံးယောက်ကို ကြည့်နေလေသည်။

ကလေးတွေသုံးဖို့အတွက် အန္တရာယ် မဖြစ်စေနိုင်သော ဆေးမျိုးကို ရှာဖွေထားတာမို့ ဆေးတွေကို သုံးနေသည့် ကလေးတွေအတွက် စိတ်မပူဖြစ်။

ပန်းချီကားချပ်ကြီးများအပေါ် သူတို့ လက်လေးတွေနဲ့ ဆေးတွေ လိုက်ခြစ်၊ လိုက်ဆွဲနေတာသာ ဖြစ်သည်။ ပန်းချီအများစုမှာ လက်ရာလေးတွေသာ ရှိနေသည်။

ဗြောလေး၏ တရားဝင်သက်တော်စောင့် ဖြစ်နေသော ဆောမှာ ဗြောလေး၏ အင်္ကျီ လက်ရှည်ကြီးကို မတင်ပေးရသည့်အပြင်၊ ဆေးတွေနဲ့ ပေတလူးနေတဲ့ အမွှာနှစ်ယောက်ရဲ့ မျက်နှာကိုလည်း ဂရုတစိုက်နဲ့ လိုက်သုတ်ပေးနေရသေးသည်။

ဘတ်ဟျွန်းက ခေါင်းအုံးပေါ် ကိုယ်တစ်ဝက်မှီထားရင်း ‌လက်ထောက်ကာ ကလေးတွေကို ကြည့်နေတာ ဖြစ်သည်။ အချိန်အားဖြင့် ပြန်ရောက်တာ တစ်လ ကြာတဲ့အခါ အရှင်မင်းကြီလည်း လုပ်ငန်းဆောင်တာ ကိစ္စအဝဝတို့ လျော့နည်းလာလေပြီ။ ဝမ်ဂျွန်ကလည်း အမှီ လိုက်သင်ယူနေတာမို့ အရှင်မင်းကြီးရဲ့ ပုခုံးတစ်ဖက်က သိသိသာသာ ဝန်ပေါ့နေတာ အသေအချာ။

အရှင်မင်းကြီး ကြွချီလာပြီ ဟူသော အသံအကြားမှာ ဘတ်ဟျွန်း လှဲနေရာက ထရပ်လိုက်သည်။ သိတက်လှပြီဖြစ်သော အမွှာမင်းသားလေးတို့မှာလဲ မတ်တပ်ထရပ် ကြသည်။ ဗြောလေးကသာ သူ့အစ်ကိုတွေ လုပ်သမျှကို မျက်လုံး အဝိုင်းသားလေးနဲ့ လိုက်ကြည့်နေတာ ဖြစ်သည်။

ဝမ်ယောလ်က အဆောင်တော်ထဲကို ဝင်ဝင်ချင်း ပေါက်စလေး သုံးယောက်ကို တန်းတွေ့လိုက်ရတဲ့အတွက် မျက်နှာတော်က ပြုံးရွှင်လို့သွားသည်။ ခရီးဦးကြိုနိုင်ပြီဖြစ်တဲ့ ရှင်းလေးနဲ့ ယင်းလေး၏ ပါးတစ်ဖက်ဆီကို မွှေးကြူပြီး ပြုံးကာထိုင်ကြည့်နေတဲ့ ဗြောလေးကိုလဲ မွှေးကြူလိုက်သေးသည်။