The Possessive Husband (BL)

17

THE POSSESSIVE HUSBAND 17

A/N: Hello guys, here's chapter 17 enjoy reading.

WARNING: R/18

             ➿➿➿➿➿➿➿

Nababalot ng katahimikan ang paligid. Tanging tunog ng kanilang mga hininga ang siyang maririnig.

Hanggang sa...

Isang mahinang pagtawa ang pumutol sa katahimikan. Isang pagtawa na nagmula kay Grandpa Saavedra.

Mataman na pinagmasdan ni Alexis ang matandang Saavedra nang may pagtataka sa kanyang mga mata. Ano'ng nangyayari sa Grandpa ni Andrus? Sa pagtatakang ito ay 'di mapigilan ni Alexis ang lingonin ang sariling fiance upang malaman ang Iniisip nito.

Subalit ang kaninang nababalot ng galit na mga mata ngayon ay napalitan ng isang kalmadong emosyon. Tila ba ay hindi na nagulat ang lalaki sa kinikilos ng Grandpa nito. 

Akmang ibubuka ni Andrus ang kanyang labi ng muling magsalita si Grandpa Saavedra.

"Tanggapin ninyong dalawa ito."
Malamlam na ang mga mata ng matandang Saavedra habang nakatitig sa kanilang dalawa na siya namang ipinagtakang lalo ni Alexis.

Sa mga palad nito ay makikita ang dalawang Singsing na kulay ginto at may hugis na puso. Sa ilalim nito ay nasusulat ang salitang  'Eternity'

"Makinig kang maigi Andrus."aniya ng matanda bago malalim na nagpakawala ng hininga.
"Napakahalaga sa akin ng mga singsing na ito. Nagmula pa sa Lola mo ang bagay na ito rason upang hindi naman ko magawang pakawalan ito at maibigay sa Ama mo. Subalit, sa ngayon ay ibibigay ko sa'yo ang  mahalagang bahagi ng  puso ko. Gusto kong tanggapin ninyo ito at pakaingatan ni huwag  papayagan na mawala ang tunay na kahalagahan."

"Thank you, Grandpa," nanginginig ang  tinig na tugon ni Andrus nang mapagtanto sa kung gaano kahalaga ang  bagay  na ngayon ay iniaalok sa kaniya ng Grandpa Saavedra niya. Para narin nitong sinabi na ibinibigay na nito sa kanilang dalawa ni Alexis ang buong pagtitiwala nito at ng grandma niya.

Naguguluhan man ay hindi nagawang pigilan ni Alexis ang mainit na damdamin na nagsimulang umahon sa kanyang puso. Hindi niya mapigilan ang mainit na pakiramdam na tila nagnanais na kumawala sa kanyang katawan dahilan para madama niya ang unti-unting pag-iinit sa gilid ng kanyang mga mata.

Naluluha siya.

Sa kauna-unahang pagkakataon ay naramdaman ni Alexis ang magaang pakiramdam na nagmumula sa ibang tao.

Ang pagtanggap sa kung sino at ano'ng pagkatao meron siya.

"Andrus, Apo, alagaan mo nang mabuti ang male wife na pakakasalan mo. Huwag na huwag kang gagawa ng pagkakamaling ikasisira ng pagsasama ninyo. Dahil kung hindi, ako na mismo ang maglalayo kay Alexis sa piling mo" madamdaming pagpapaalala ng matanda bago mariin at pursigidong pinakatitigan ang sariling Grandson nito.

" Hinding-hindi mangyayari iyon Grandpa. Hinding-hindi ko mapapayagang mangyari ang saktan si Alexis."
Habang binibigkas ang mga katagang ito. Malamlam ang mga matang nakatitig Kay Alexis ang lalake at napupuno ng 'di mabilang na mga emosyon ang titig nito.

At sa mga oras na ito ay tunay ngang naramdaman ni Alexis ang pakiramdam na may halaga siya sa mundong kinabibilangan niya.

"At Alexis..."ngayon ay sa kay Alexis na nakatuon ang atensyon nito. Mababanaag din ang kaseryosohan sa mga mata bagay  na naghatid ng kaba sa kaniyang dibdib. Nasisiguro niya na ang kasunod na sasabihin nito ay lubos na mahalaga.

"Y-yes grandpa."siyang tugon niya.

"At dahil matibay at pursigido kang  makasama ang Apo kong si Andrus. Inaasahan ko ang paghahanda mo para  matutunan ang mga paraan upang maging karapat-dapat sa tabi ng  isang Saavedra. Nauunawaan mo naman ako diba? Sisimulan natin ang training mo pagkatapos ng  kasal ninyong dalawa ng Apo ko. Sa ngayon ay kinakailangan din ng Saavedra ang magtungo sa Pamilyang Mendes upang kuhanin ang  mga  kamay mo sa pangangalaga nila."