عشق السلاطين _ بقلمي ياسمين _ صوتوا وعلقوا بنات واقترحوها لاحبائكم والاقربون اكون ممنونة منكم؛
سارة.... اقتباس..
"الحياة" اغلبيتنا او كلنا متأكدين أن احنا نعيش على قيد الحياة بس لو نصفن شوية تلكى 'الحياة' هي على قيدك
واحتمال ياخذ منك الوقت هواي بس حتى توصل لفكرة احنا ضعفاء بهذا العالم لو شكد ماتصير عدنا 'قوة'
الفكرة هناا ان الادراك ينبع من عمق التجارب الي نخوضها بحياتنا اليومية وغيرها من مشاكل تتبعها شي ورة شي
كل واحد بينا يمشي بسباق العمر على طرق نشوفها متوازية بس بالحقيقة هي متقاطعة....
خطوطنا متقاطعة وية بعضها البعض بشكل ماينوصف ...ليش ؟؟ وشلون ؟؟.....ماادري ؟؟
بس اعتقد الموظوع مرتبط بعلاقتنا كلنا ،، مانكدر نعيش بس علمود نفسنا ... وإنما لازم الكل يعرف يعيش علمود غيره ..
الي يكدر يساعد منو بحاجته .. وشلون يكدر يشارك احزانه وية غيره...
ارجع اكرر احتمال كلنا نحتاج نقاطع "حيواتنا" وية بعضنا البعض لغاية مايعرفها المقابل .
او إحتمال علمود خير مانشوفه .. واحتمال ماكو وجود لكلمة "احتمال"
"" إنما الوضع هيج مثل ما هو مرسوم""
سارة ....
بالفترة الأخيرة المرت علية عانيت من تدهور نفسي ومعنوي لاسباب اولها 'ماما' وتصرفاتها المبهمة وثانيا الشاب الاصهب الي صارت عيوني وين ماتفتر بالجامعة تشوفه ..
والي بعدين عرفنا من خلال تطقس حسناء عنه وية شلة بنات زميلاتنا أنه هو قائد الشلة التعبانة الي يمشي وياهم واسمه "عمار" وابوه مسؤول جبير بالدولة
مدلل لحد النذالة الي يختارها صاحبته يدللها دلال بفلوسه وهداياه
ومن يشبع منها يتركها ويشوف غيرها وهكذا
لهالسبب رسوبه بالجامعة مستمر وصارله 7 سنين بيها ..
لايكدرون ينقلونه ولا عدهم سلطة يطردونه
والفهمناه منهن ان البنات يتوسلن ويتمنن بس يصادقهن لان محد طلعت من علاقة وياه خسرانة
الي سفرها تكمل دراسات والي انتشلها من الفقر والي توسطلها بوظيفة تحلم تحصلها والي تحصل من وراه سيارة غالية لو تشتغل عمر كامل ماتجيب سعرها
من سمعت حجيهن اجتني رجفة خوف هزتني مثل السعفة رغم هو...
ماسوى اكثر من ضحكة استفزازية اشوفها منه كأنما يتوعدني بيها كلما تصير عيني بعينه ،
حسيته ماراح يتركني ... ولا يفك مني ..وبقيت بفكرة ورة فكرة شسوي واطلع من هاي الورطة..؟؟
وماما موضوع ثاني شاغلة بالي عليها قبل جنا ناكل سوية ونحجي سوية شسوينا بنهارنا وشصار من تفاصيل حتى لو تافهة نذكرها ننام سوية ونكعد سوية
أنت تقرأ
عشق السلاطين {باللهجة العراقية}
ChickLitهمسلها قريب شحمة اذنها _ احبج وصرت مهووس بكل تفصيلة بيج وتخصج كلماته دخلها بموجة اجتاحت جسمها من النشوة بدايتها من قشعريرة كزبر بيه جسمها استهدفت دماغها ووصل لاخمص رجليها اتشنجت وارتخت على همساته وراها رجع يستقر عد كلبها وبدات طبوله تعلن ضجيجها حتى...
