عشق _السلاطين_الفصل الثاني بـ24
٠
٠
بقلمي _ ياسمين
لاتنسون التصويت + والتعليق بين الفقرات + ومتابعة لحسابي بنات كلبي
٠
٠
لو مال قلبي عن هواك نزعته
وشريت قلبا في هواك يذوب
آيات حبك في فؤادي احكمت
من قال اني عن هواك اتوب..؟
٠
٠
سارة.. اقتباس..
قرات مرة بالصدفة عن نظرية مبهرة تسمى نظرية الفراشة تنص على ان بامكان حدث واحد عرضي او عشوائي بحياة شخص ما ان يغير حياة انسان باكملها «مثال تقريبي يقول » " ان رفرفة جناح الفراشة بالصين قد يتسبب بفيضانات واعاصير ورياح في ابعد الاماكن في العالم "بمعنى اي فعل مهما بدا صغيرا وبسيط سيحدث اثرا بالكون"
رجعت البروش للعلبة وضميته بعيد عن العين احس نفسي مسوية جريمة من كذبت على عماد
خليته ومنتظرة الفرصة ارجعه اله ماريده بعد واني اخلي عماد يشتريلي مثله لو سرمد يسويلي
نسخه مثله اييي سرمد شاطر خوش يسوي هيج شغلات
انتظرت لثاني يوم طلع لدوامه اتصلت بليان جاوبتني وصوت بناتها صرعني يبجن
_ هاا ليونة شلونج
_ هلو حبي شخبارج انتي
_ اني زينة بس ردت اكلج شغلة.. هذا صديق جياد ماهر من رفضت هديته البارحة رسلها وراي واني ماريدها
اسمعها تخض ممات الحليب وتهدي ببناتها وراها حجت وياي
_ اي حبي شبيها الهدية حلوة تستاهليها والله
_ ليونة ركزي وياي الله يخليج اني ماريدها للهدية راح اجيبها الج انطيها اله
_ ليش ولج ترفضيها ترة انتي صايرة نحيسة كلش
شجاج هيج لئيمة
_ ليونة اني مو نحيسة والله بس ماارتاحيت اخذها منه اشوو حتى معرفتي بيه سطحية مومثل علاقته بيكم انتي وجياد.. وهمين عماد لو يدري راح يزعل ويكلب عليه الدنيا والله حبابة خلي امر عليج وانطيها اله احسن اني استحي احجي وياه
_ والله العظيم انتي مخبلة شبيج ترعشين من عماد اشوو هو من دون زلمنا مايوم رفع ايده عليج ولا انطاه كلبه عليج يقسى.. بعد هالخوف منه شنوو
كعدت بطرف الجرباية محتارة وكتلها
_ حقج ماشايفته من يثور مايخلي شغلة صاحية كدامه ايده والتكسير بعدين اني شجابرني اقبل هدية منه واني ماعندي معرفة بيه ولا اكو صداقة قديمة تجمعني بيه مثل كمال او جياد واخذها منه
رادت تجاوبني رن موبايلي اتصال ثاني باوعتله عماد
اترخصت منها وجاوبته كالي زهكان
_ يعني مامعقولة كلما اتصل بيج صايرة مشغولة شايفة نفسج انتي لو لا
_ هاي شبيك عماد.. عود ليش تصيح عليه بلة
_ لان تلفونج صاير بدالة وانتي ماحاسة بنفسج
انهضمت من زمخته كالي مخفف نبرته
_ اسمعيني هسة هذا مو موضوعنا ادخلي للمكتب تلكين بالمجرات ملف ورقي بنص ليفكس لونه ازرك
انطيه لمهيمن خلي يجيني طلقة ترة محتاجه ضروري
أنت تقرأ
عشق السلاطين {باللهجة العراقية}
ChickLitهمسلها قريب شحمة اذنها _ احبج وصرت مهووس بكل تفصيلة بيج وتخصج كلماته دخلها بموجة اجتاحت جسمها من النشوة بدايتها من قشعريرة كزبر بيه جسمها استهدفت دماغها ووصل لاخمص رجليها اتشنجت وارتخت على همساته وراها رجع يستقر عد كلبها وبدات طبوله تعلن ضجيجها حتى...
