عشق السلاطين {باللهجة العراقية}

البارت 49

_ عشق _ السلاطين _ بارت 48
٠
٠
بقلمي _ ياسمين

بنات كلبي رجائي للكل اكو مشاهدات اكثر من التصويتات والتعليقات ماشوف منهن لاتصويت ولا تعليق وذني
اثنينهن حصيلة تعبي احتاج الكلمة الحلوة حتى اتحفز اكثر  .. وثقي بالله ماراح ينقص منج من تعلقين لو تصوتين وانشرن عنوان القصة قدر امكانجن بين الكروبات المحبة للقصص.. امانة كلامي لكل وحدة اغرمت بروايتي وسردها لان هية حصيلة موهبتي وعصارة جهدي بيها والاولى والاخيرة مااعتقد ااكرر التجربة بعد❤
_________________________

مفهوم الحب عند الرجال العاشقة
دوستويفسكي كتب لحبيبته ماريا :
في الشارع الذي تقيمين فيه 9 نساء أجمل منك
واخرى تحبني اكثر مما تفعلين وفي العمل هناك إمرأة تضع تبتسم لي دائماً
والنادلة في المطعم تضع لي عسل بدلا من السكر
ولكني أحبك انتي  .
بعد زواجه منها وهي على فراش الموت قال لها
لم اخنك حتى في الذاكرة،
________________________________

سارة..
بعد ساعات من الحفل صعدنا فوك غيرنا ملابسنا ونزلنا متجهزين للسفر اغلب المدعوين راحوا وبقوا جم نفر من جماعة جدو واحنا نسلم عليهم لمحت جياد وليان بزاوية بعيدة يحجون سوية ابتسمت بلكت اعترفتله هية تحبه مثله التفتت لحسناء لكيتها تبجي شبكتها اهديها

_ لاتبجين كلبي ترة ابجي وياج هو شهر عسل نخلصه ونجي

_ ديري بالج على نفسج ولتضوجين عماد صيري سباعية وحاولي تفضين شغلتج بسرعة ترة مصختيها

_ ههههه هسة شسوي اني مافهمت

مسحت خشمها الاحمر وكالت
_ كلهن سويهن بس اهم شي طاوعي عماد وانت تنفذين الباقيات بديهيا

_  تمام بس مااعتقد نسويها الليلة لان نوصل تعبانين احتمال بغير يوم نحاول

كل وعقلي احجي من كيفي ماعبالي السالفة بيها نية كشرة
_ تمام اتصلي بيه مو تخليني بقلق عليج مفهوم

_ مفهوم من عيني

صعدنا بالسيارة مودعين الكل هالمرة السايق جياد عزم نفسه يوصلنا للمطار ومناك يرجع الطريق كله خلصوها سوالف وظحك على فلان وعلان كلشي مافهمت منهم 

وصلنا للمطار ركبنا الطيارة الخاصة ملك العائلة منها واقلعت طيارتنا لاسبانيا مطار برشلونة ومناك اقلعنا لجزر الكناري..

ماعرف شكد اخذ الوقت بالطريق وشكد طولنا لان خلصت الدرب كله نايمة الدرجة الاولى عبارة عن مكان مريح مصمم للراحة ماتحس بتعب ابد الكرسي مجهز بخاصية سرير لليرغب ينام غير الهدوء والجو يساعد استرخي ،  عماد كلما افز واغفى الكاه كاعد مرة او مرتين شفته نايم ادري بيه من النوع خفيف نومه مو مثلي انام بصعوبة واذا غفيت انجفي على وجهي

كعدت قبل نص ساعة من الوصول شفته يراسل حواجبه مطبوكة مال واحد طالعة روحه من تحركت انتبهلي.. غلقه واندار علية مبتسم