عشق السلاطين {باللهجة العراقية}

الفصل الثاني بـ13

عشق _ السلاطين _الفصل الثاني بـ13
٠
٠
بقلمي _ ياسمين
٠
٠
٠
صار ملكاكم عزيز ومايصير الا بنذر
ومن نلاكيكم نكول الحمدلله والشكر
نكعد بعز الظهاري وننتظركم عالجمر
جنه بيضان وخربنه والله ماجنه سمر
واحنه وادم عدنا عزة ومانتاني المايمر
بس عليكم مو بدينه انتم تامرون امر
٠
٠
كمال...
في عقيدة الحب كلنا يهود
لم تكن مشكلتي مع الحياة في تقلباتها بمقدار
انها تقتلني.. بفكرة واحدة.. فكرة مقتلي من
صدمة غيابك..
٠
٠
انفصلت عنها بعد خيانتي الها وماجان عندي غير هالحل.. عماد حصرني بزاوية رجعتها لذمتي من هذا الباب وجنت مابين المايد والرافض رغم ادري واعرفها اذا ماتاخذ حقها مني مايبرد كلبها وراح تبقى ماطايقة وجودي مادام افتر حواليها مامخليلها مجال

انفصلت عنها وكلبي لاجمني منها ومن عقليتها وطريقة انتقامها مني، وصار الجنت خايف منه من عرفت من والدتها هية مسافرة والصدمة الاكبر من سفرها لمن عرفت عماد متوسط لسفرها وهو الي مكمل كل امورها ومسهل انتقالها لغازي عنتاب

رحتله اتاكد منه خاف الخبر موصحيح، طلب مني اهدئ حتى يفهمني الصار من حجايته عرفت الخبر صحيح اتدمرت وانهاريت بسببه ضحك علية وقشمرني بيومها شلت مكتبه وفلشته واجيت افلش راسه لو ما جياد واكف بينا طلعت منتهي اجر النفس كوة كد ماتعبان من وراهم سكنت النوادي للشرب حتى بس اتقبل وضعي واتعود على امل اختفى ارجعها لذمتي هالفترة مثل مامخطط وناوي.. حقدت على عماد وحملته المسوؤلية كاملة لان سندها بكل قرار تطلبه ما اتدخل بينا محضر خير ولا حتى حاول ينصحها تسامحني.. غلطت بحقها وجنت مستعد ادفع ثمن غلطتي باليطلبه لسانها وتقرره.. جنت نادم وندمي اجه بوقت متاخر بعد ما انتهت العلاقة وية منار وعرفت نفسي شسويت.. اتذكر بيومها رجعت للشقة لكيتها فارغة منها جنت مرعوب وخفت لا انكشف منها ساعتها تتركني بدون نقاش، خلوا الشقة منها قبض كلبي لا يكون فعلا عرفت
اتصلت بيها ومن جاوبتني باقية يم امها خاف تولد وضربتني بسمار ناشف لان هاملها متعمد ماناقشتها باكثر من كلمة طلعت من لساني
براحتج .. من لحظتها وعيت لنفسي ولو متاخر وفصلت على منار باتصال او مسج وهالشي خبلها كامت تلحكني وين ماروح لمن تبعتني للشقة سكرانة

وصار الصار من كشفتنا حسناء بمشهد لو احلف بالكتب السماوية ماصار بينا شي محد راح يصدكني هية اجت تركض وراي..

ورة جم يوم من سفرها زارني عماد يحاول وياي ماازعل منه وبرر متعمد يسفرها لان نتيجة سفرها لمصلحتي حتى ترجعلي.. ماقنعني كلامه ولا صدكت بيه دكته بيه جبيرة لجمت كلبي منه خليته يحجي لمن مل وراح.بعدين اتدخل بينا جياد وسيط ترضية انطاني الحق الكامل لزعلي وياه وبنفس الوقت مانقد عماد كالي
_طاوعه وشوفه لوين يوصلك كلامه، عماد مايتصرف ويسوي هيج اذا ماحاسبها عدل من كل زاوية مستحيل فعلته ناوي بيها يخربلك حياتك وياها