عشق السلاطين {باللهجة العراقية}

البارت 29

بًلَيَتٌنِيَ بًآلَعٌشُقُ ثًمً تٌرکْتٌنِيَ
وٌآذِقُتٌنِيَ حًلَوٌ آلَهّوٌﮯ فُقُتٌلَتٌنِيَ
وٌوٌهّبًتٌنِيَ قُلَبًآ يَفُيَض تٌعٌطِفُآ
بًضعٌآ مًنِ آلَأيَآمً ثًمً قُهّرتٌنِيَ
تٌقُسِوٌ عٌلَيَ وٌلَسِتٌ آعٌلَمً غُلَطِتٌيَ
آوٌ غُلَطِتٌيَ آنِيَ بًذِلَيَ آنِحًنِيَ»
ليان....

لأول مره، وبكل ضعف وخوف من نظراته، اختاريت بقناعة تامة اتخلى عن كلشي حبي وامالي المتعلقة بنظرة منه ولحظات العشق الي حفظتهن بكلبي اله .. تنازلت عنهن وشمرت خيبتي وراي حالفة مالتفتله بعد.. لأول مره التزم عقلي برجاحته بدل عن كلبي وصار هو القائد والربان لقراري بقصة حب ماشفت منها بس الالم والمعاناة .. المهم اتجنب عقوبته واعرفه كد العشرة الجمعتنا طول سنين عماد اذا جلد يجلد بكد طولة باله وسعة صدره، وادري قصتي وياه منتهية قبل لاتبدي كلبي صار يلهج قبل لساني كون ماسمع الكالته عمتي ماجنت متاكدة سمع كلشي صار بيناتنا لو لا رغم ماحجيت بس جنت حاسة عرف دنكت عيني مرتبكة وعمتي تخردلت من شافته وراها وكف بنصنا ثواني بدون رد فعل وفتح باب غرفة جدو ودخل واحنا متصنمين عيونه على كفاه لمن سداه بوجهنا

سالتها قلقة
_ عمة اعتقد سمع كلشي

مشت كدامي مرتبكة وغطت احساسها متاملة ماسمع
_ لا مااعتقد سمع ... بعدين واذا سمع الله يحبه كشفلنا حقيقتها وخلصناه منها قبل لايتزوجها

ركضت الحك خطواتها خايفة
_ صدك تحجين عمة والله اذا عرف احنا مهدديها مايرحمنا وكفت من حجيت هيج وكالتلي بخزرة

_ يعني شيسوي مثلا يضربني الافندي مثل ماضربج والله عوزه حتى اربيه خاف مالحكت اربيه من جان طفل

تركتني رايحة لغرفتها كانما شاردة من رد فعله خلتني بنص الممر حايرة بروحي وحسبة تاخذني وحسبة ترجعني دخلت غرفتي قافلة الباب على روحي وانفاسي تصعد وتنزل متوقعة يجي عندي اول وحدة يصفي حسابه وياي لان حذرني مااكللها عن خطبتنا ولا اوصللها واني ضربت حجايته عرض الحايط .. باوعت لايدي ترجف ظميتهن متوترة
ذكرت حجاية عمتي توها من كالت قابل يضربني مثلج .. لطمت على خدي بلا شعور عزة بعيني.. عزة بعيني وين اروح ووين انطي وجهي قابل صدك يحاسبها مثلي لو يعاقبها مثلي ويكدر يتجاسر عليها... والله محد وكع بيها غيري شردت لجربايتي دافنة روحي بين طيات اللحاف ادعي من كلب ورب كون صدك ماسمع خلصت الوقت كله بغرفتي ماطلعت

ثاني يوم هم مانزلت ماكدرت اجازف خاف اتلاكى وياه بقيت بغرفتي والاحتاجه يصعد لحد عندي موبايلي كل يوم يدك علية جياد بدون مارد عليه متندمة انطيته رقمي بالحفلة بحسن نية عبالي انسان محترم وطلع غير توقعاتي متفاجئة بعماد شلون يصادق هيج نماذج جاوبته مرة سلمت عليه وسالني عن رقمي اذا رابطته بالواتس وجاوبته اي من عدها وصار يلح .. الا ان التقيت بيه بالمستشفى وحصرني بالممر مالت الانعاش وسالني