عشق السلاطين {باللهجة العراقية}

الفصل الثاني بـ 19

عشق _ السلاطين _ الفصل الثاني بـ19
٠
٠
بقلمي _ ياسمين
٠
٠
يا من ذكرياتك تاكل الــــــــروح
مثل ما تاكل الارضة الحيـــاطين

جروحك سهله من نروفهه تطيب
بس من جسمي شيطلع النياشين

اشيل شكم ذنب بسوالفي ويــاك
على الحريه اسولف للمساجيــــن

على جروف النهر ما ينفع البــــير
واذا ما شاگفلي شنو نفع الايـدين

شنو نفع السيوف بحرب الاعصاب
وشنو نفع الدمع لو ما عمه العيـــن

وعلى هذا الدمع مامبري للـــــموت
وكل دمعه التطيح برگبتك ديــــــن

صفرة لون وجهي وهاي الاوجــــاع
راح تعيشهن يم غيري بعديــــــــــن
__________________________

اقتباس..كمال
في اول لقاء لنا كانت تجلس مع صديقاتها بالحفل امامي، ويتحدثون فيما بينهم
وبعد برهة من الوقت نهضت فجاة من مكانها وقالت
لماذا تنظر الي كثيرا..؟؟ فاجبتها...
لكني لم انظر اليك كثيرا ولست مهتما حتى..؟؟
انا فقط نظرت لعينيك الناعستين لحاجبيك الجميلين ولتلك الشامة الناعمة على حاجبك الايمن
وللونك الاسمر المائل للبياض لوجنتيك عندما تبتسمين ولاسنانك الجميله البيضاء جدا
ولشعرك الاسود الفاحم
ولصوتك الجميل ولقوامك الرائع
ولساعتك التي ترتديها والتي لا تعمل متوقفه عند الساعه 2:28 pm فقط
انا لم انظر اليك كثيرا ولست مهتما اصلا..!!!
٠
٠
عماد..
كاعد بمكتبي اوقع اخر ملف للانسة ابرار كالت مبتسمة
_ صدك سيد عماد الف الف مبروك لحمل زوجتك ماصارلي من عرفت بيها يارب تشوفها بسلامة هية والطفل

بدون مارفع عيني كتلها مبتسم
_ الله يبارك بيج ياارب

_ هم عرفتوا جنس الجنين لو بعدكم

كلبت صفحة جديدة ووقعت كتلها
_ لا والله ماعرفنا لسة ماتقبل تعرف كد ماخايفة من حملها مايتم

_ مسكينة تلكي حتى هرموناتها صايرة فول اوبشن
اقل شي تبجي لو من اقل شي تضحك

رفعت عيني الها مستغرب كلامها الصحيح بحذافيره
ضحكت وردت علية

_ لاتستغرب ابد نسوان اخوتي شفت مراحل حملهن كلها للولادة وبكل مرة اني احلف مااخلف بالمستقبل عالمعاناة الي يشوفنها خطية

رجعت ادقق مبتسم كتلها
_ وشلونه هرمون الغيرة من الطفل وية ابوه

_ صارت من كام يكبرون ويقارنن بينهن وبين اهتمامهم باطفالهم

_ زين هم ارحم مني بهواي اني بلشت من هسة
كل شوية تسالني احبها لو يقل حبي الها بولادة الطفل وينافسها بالمشاعر

_ الله يعينك ههه زوجتك واصلة مرحلة بالغيرة مبينة من ذاك اليوم شلون استقبلتني

سلمتها الفايل وانتجيت لورة بيدي القلم اضحك كتلها
_ انت الوحيدة الي استقبلتج باقل الخساير الجسدية
خاف ماراضية.. قبلج طلعن من معارك خسرانة وياها ماكدرن لعنفوانها وعصبيتها