عشق السلاطين {باللهجة العراقية}

البارت 35

التصويت دليل اعجابجن والتعليق دليل ذوقجن المميز بالقصة وسردها ♥♥♥♥

_ عشق_ السلاطين _ بقلمي - ياسمين_

«« آبًلَغُ عٌزٍيَزٍآ فُيَ ثًنِآيَآ آلَقُلَبً مًنِزٍلَهّ»»
«« آنِيَ وٌآنِ کْنِتٌ لَآ آلَقُــــآهّ آلَقُــــآهّ»»
«« وٌآنِ طِرفُيَ مًوٌصّوٌلَ بًروٌيَتٌـــــهّ»»
«« وٌآنِ تٌبًآعٌدٍ عٌنِ سِکْنِآيَ سِکْنِــــآهّ»»

سارة....
§ ارغب بك كثيرا حد الذي اعرفه....
§ وحد مااجهل  .. ارغب بك عقلا وجنونا...
§ ارغب بك كمالا ونقصا...
§ وكم ارغب بك كما انت  .. لااكثر ولا اقل...
§ ثم اخبرك امر اخير وحقيقي جدا الان انا فقط ارغب ان استلقي داخل حضنك...
§ اريد ان اشعر انني بداخلك تماما... فهل اطلب الكثير  .. ولا تقل انني اطلب المستحيل....
§ اريدك انت  ،  ثم قلبك  ،  ثم حضنك وكفى...
§ انا طفلة عندما احب  واتعلق باحد..
§ انانية متملكة مستبدة..
§ دعني اضيع بين ذراعيك.. علي اصبوا للنعيم بلمسة يد... ويستقر قلبي في سلام...

مرت شهور ورة انتكاستي بفقد ماما تعايشت وية محيطي بوهم خلقته مجبورة كدام الكل ومشت حياتي بس روحي جانت تصرخ من جوة 18 سنة موقليلة وهينة اتجاوزها بسهولة ماما وحارتي بيتي جيراني صديقتي حسناء حتى كمال الماينبلع اشتاقيتله واخرهم عماد الحبيب والسكن كلهم كسر بالروح الا هو خسفها خسف مااشفى منه

جنت اعاني من اضطرابات ماكدرت احدد بيها باجر يوم زين اكدر اتجاوزه.. لو راح اعيش يوم جديد من الفراغ النفسي... انزل بينهم اظحك كذب والضغوطات احسها تتراكم على كلبي يوم عن يوم من كثر ما مشتاقتلهم .. الكل داير مدايري حياته مستقرة ومن اشوف نفسي بينهم واكفة عد ذيج الليلة وحياتي القديمة اتحول لانسانة كئيبة ونفسية محد يعرف شبيه فجاة ابجي ومن كيفي اسكت

يتعمدون يلهوني بشغل وطلعة وحجاية وظحكة بس احساس الوحدة مرابط وياي ما تركني

الكعدة بركن الشباج ماتغيرت عبالهم اراقب الرايح والجاي بس بالي مو يمهم... الفترة الاخيرة كلبي عذبني من كثر مايلومني ليش ماكلت لعماد على سفرتي .. ليش ماانطيته دليل لو عنوان يندلني بيه ويرجع عقلي يقنعني طريق كطعته وحدي ووعدت ماما مااحجي وجازفت لازم اتحمل تبعات سكوتي

مشكلتي خايفة من نهاية تفكيري لا يكون نساني وخوفي كل يوم يزيد ماينقص .. ادري لكلشي ضريبة ويا خوفي ضريبة هجري اله زواجه منها

عماد انسان ماحبيته لحاجتي للحب، ولاحبيته حتى يسد فراغ اعيشه، ماحبيته لان وحدانية منعزلة او حتى ردته ظل استظل بيه،

اني حبيته لان هو عماد وبس، اشوفه مكان اغمض بيه عيني امنة مطمئنة وكل خوف بداخلي يتلاشى بقربه انسان عشقته وعشت وياه فترة مانادمة عليها احتل كلبي ومشاعري وسكنها طابع على كلبي بختم مستحيل احب غيره ولا نفسي تطاوعني انساه