عشق _ السلاطين _ الفصل الثاني بـ32 بقلمي ياسمين
حبايبي تصويت من اناملكم + تعليق + ومتابعة لحساباتي
يمكم عالبايو يوصلكم كل جديد 🌹🌹🌹🌹
٠
٠
_مشكلة من يرخصك شوكك وانت غالي
_ مشكلة من تحس وجودك والعدم صارن سوه
_ مشكلة الـ تعتبره نسمة يبيعك باقرب هوة
_ مشكلة من يطفى كلبك وانت بعيونك ضوة
_ مشكلة من تحس انت وجودك ماله عازة
_مشكلة تحس انت ميت وانت ماشايف جنازة
_ياهو مثلي يريد يوكع مدري وين
_ ياهو مثلي يريد يبجي ومالكى لـ دموعه عين
٠
٠
كمال...اقتباس..
بالرغم من خفة ولطافة الماء، الا انه من الصعب والتصدي لقوته اذا فاض وانهمر لذلك ...
اتقي شر الحليم اذا فاض غضبه
واحذر قسوة الحنون اذا انهمر بأسه
فتحت الباب بشفتها ضحكة رجع مهيمن لورة مدنك
كتلها رافع حاجبي استفسر
_السيد عماد جوة لو اني متوهم بالعنوان؟؟
فتحت الباب بترحيب وحجت تستهزي
_ اي عيني موجود مامتوهم... ادخل تلكاه بالغرفة نايم
دخلت على كلامها الجناح باوعتلها اسال اشرتلي بيدها عالغرفة تقربت من الباب ردت افتحه لكيته قافلها.... باوعتلها نظراتي تسالها هزت جتفها ببرود وحجت
_ دخل منا قفلها منا وكالي نفس ماسمعلج حتى انطيج حسابج كامل
دكيت الباب حجت متضايقة
_ وياريت تكوله خلي ينطيني الفلوس لان وقتي خلص واريد انزل.. وية حجايتها طك القفل فتح الباب طلع كدامي مقفل وقميصه مبهذل وشعره مخربط حالته حالة... كتله بعتب
_ ياابة صباح الخير وين هالغيبة
تجاهلني ودخل المطبخ صب كلاص مي شربه كله واجه يتخطى بثكل
كعد بالصالة شمر نفسه عالتخم مد ايده لجيب بنطلونه الخلفي سحب باكيته وجداحته ورث جكارة وكفت كدامه ايدي بجيوبي صافن عليه نفخ دخان الجكارة لفوك وبهدوء وبقت عيونه متعلكة عالسكف لدقايق يسحب نفس ورة نفس بدون مهلة باوعت للبنية لكيتها تباوعله مثلي تحمحمت ومديت ايدي بجيبي تقربت منها كتلها
_ شكد؟؟
_ 1000 دولار
ردت اطلع المحفظة وتراجعت مصدوم بسعرها كالت بثقة
_ هاي تسعيرتي عالليلة الوحدة والساعة الكاملةبـ 100 دولار، بس السيد واشرت عليه براسها ماسوى شي ودخل ينام وبقيت متواجدة بالجناح لحد ماجيت انت فضاع علية شغل الليلة الفاتت....مدت ايدها تطالب بالمبلغ كتلها
أنت تقرأ
عشق السلاطين {باللهجة العراقية}
ChickLitهمسلها قريب شحمة اذنها _ احبج وصرت مهووس بكل تفصيلة بيج وتخصج كلماته دخلها بموجة اجتاحت جسمها من النشوة بدايتها من قشعريرة كزبر بيه جسمها استهدفت دماغها ووصل لاخمص رجليها اتشنجت وارتخت على همساته وراها رجع يستقر عد كلبها وبدات طبوله تعلن ضجيجها حتى...
