عشق السلاطين {باللهجة العراقية}

الفصل الثاني بـ18

عشق _ السلاطين _ الفصل الثاني بـ18
٠
٠
بقلمي _ ياسمين

تفاعلكم كليباتي تصويت+تعليق عالفقرات + ومتابعة لحسابي
٠
٠
عماد... اقتباس..
من اعظم الانتصارات ان يجد الانسان ذاته... ان يحارب الحياه برمتها ليفوز بنفسه ، ان يخلق صفحه بيضاء بينه وبين ذاته والتي غالبا ما تكون مفقوده...
من اجمل الاشياء ان تكون متسامح مع شخصيتك، تحب نفسك بعيوبك ومحاسنك... تحب طريقه تفكيرك ومبادئك... تحب من تكون دون زياده او نقصان... من اقصى الطموحات التي يجب ان تركز عليها هي ان ترضى عن نفسك، ان تكون فخورا بما وقعت فيه من اخطاء وما ستقع فيه، فالانسان بطبعه خطاء.. وهي ان تكون مقتنع بما تفعله وما ستفعله مستقبلا، فلا شيء يضاهي عناق نفسك مع نفسك...

كمت من السدية على صوت البجي سارة فزت تفرك بعيونها صاحت وراي مااكوم خايفة طمنتها ماكو شي
وفتحت الباب وطلعت صارت امي بوجهي هية والسيد فؤاد جايين يطمنون عني رادت تسالني شكوو ورجعت باوعت وياي على مصدر الصوت من الجهة اليمنى..جانت مرية يسحبون بيها الامن برة الغرفة وهية تلطم وتترجاهم ينطوها فرصة تحجي وية الدكتور.. المرضى طلعت من الغرفة تتفرج والاطباء مثل حالتنا صافنين عليها شلون منهارة ورجلها جان وراها عجز يسيطر عليها وهية تتوسل بالدكتور بس يسمعها شتحجي من كد الصوت عالي وصوت حجيها مامترابط سمعت الدكتور يحاول يقنعها وهية تهز راسها رافضة تسمعه تقرب منها واشر للامن يتركوها بعد ما تبندت هلكانة وكعدت بالكاع خاوية كاللها

_ للاسف مابيدنا شي على ابنج حاولي تتقبلين الامر الواقع وتبقون بجانبه هالساعات لان حصوله على قلب حاليا مايصير الا بمعجزة

باوعتله تبجي تتوسله
_ دكتور احنا دفعنا كل العدنا بس حتى نشوفه يتحسن ويكوم على حيله وبعنا كل ممتلكاتنا علمود زرع القلب.. وانت واعدتني تشتغل على حالته تخلوه بالقائمة الاولى للتبرع وهسة نكثت وعدك الي وابني راح يموت واني اتفرج عليه ليشش بس كلي ليششش نطقت اخر كلمة وصرخت منهارة رجعت تلطم وتعاتبه من قلة حيلتها وكف الطبيب يتفرج عليها بقهر اشر لزوجها يقنعها حتى تكوم وطلع من الردهة كلها مامتحمل ملامتها.. حسيت بصوت سارة بصفي تباوعلها وتبجي مكسور خاطرها عليها قربتها يمي حظنتها انداريت حتى ادخل لمحت جياد وكمال يتفرجون مثلنا عليها سلمت عليهم ودخلنا للغرفة حجى كمال

_ مسكينة الله يعينها ابنها وجهه ازرك يخوف
تمددت عالجرباية مقهور عليها كالتله سارة

_ عليك الله شفته.. شكد عمره

_ اي والله شفته غرفته بنفس ردهتكم احتمال يرفعون عنه الاجهزة اليوم..

كلبي اشتغلت نغزاته مامرتاح للوضع كله كتله
_ شمدريك يرفعون الاجهزة عنه

_ سمعت ممرضين واكفين بصفنا حجوا هيج واندار لجياد الي يكلب باوراق العملية كاله
_ مو انت بصفي وسمعتهم شكالوا.. لو اني غلطان