عشق السلاطين {باللهجة العراقية}

البارت 6

عشق _ السلاطين _ بقلمي ياسمين صوتوا عالبارتات وعلقوا اكون ممنونة منكم
٠
٠
وسوف أُحبكِ ..... حين تجف مياه البحر
وتحترق الغابات ...................نزار قباني

حسناء...

كاعدة بغرفتي على جربايتي ناثرة كل الصور المحتفظة بيهن من بداية علاقتي بكمال لهذا يومنا

مشتاقتله حيل وهو حارمني شوفته اليوم صارلنا اسبوع وهاي اول مرة يزاعلني ومنتحاجة هيج

جربت اتصل بيه بس هو رافض مايقبل يجاوبني مبين زعله ثكيل اذا زعل

دكت الباب امي ودخلت باوعتلي ماعاجبها الوضع
دنكت اباوع للصور ادري راح تعيد اسطوانتها مثل كل مرة

_ يعني عاجبج هذا الوضع كاعدة ومكابلتني الج اسبوع... لا ادرسين ..ولا تساعديني ... واذا اكلج ساعدي اخوج بدروسه تكليلي ..'مالي خلك'

الى متى هالوضع ؟؟

جريت نفس وباوعتلها ضايجة وطالعة حتى روحي

_ يعني ياماما ياحبيبتي اعتبريها فترة نقاهة اخلصها يمج وابوج الله يرحمه

الدراسة مو الا اروح الجامعة لحد الان ماكو اختبارات وزملائي كل يوم يدزولي المحاضرات الفايتتنا

نجي لمساعدتج جم مرة بمرة كمت اساعدج تطرديني ماتنطيني حتى مجال اتعلم واطبخ لخطيبي كمال حتى بالمستقبل اصير مرة حوك

بس انتي عكس الامهات كله مكلوبي ماعرف شنو فلمج ...والله اتعلمي يمه مويمي

اما اخوي مادرسه لان يريد كلب بصف كلبي واني مالي خلك اصنعله واحد جديد

كافي نسيبج ماخذ الاول والتالي فخليني جافية خيري شري لمن يرضى كمال واسوي كل التريديه

باوعتلي بالعين الصغيرة وكالت محضرة السوالف الي نايمات ببلعومها وخانكاتها

_ واني لازم انتظر حضرة جنابج الكسيف انتي وخطيبج تتراضون عووود اشوف منج نتيجة موو

رفعت اصبعها تتهدد وتتوعد

_ اسمعي ولج تكومين تسوين العشى وتصيرين خوش ادمية

ومن باجر تداومين ترة وصلت وياي لهنا كافي متحملة مناكركم انتي واخوج نهار كامل

وهاي صارلي اسبوع اجاهد مجاهد وياكم اليكول رويسية
كله لان خطيبج زعلان ومنتظره رضاه ... عشتووو
بعدين هاي من يمتى هيج صايرة اشوو ماعرفتج

كتلها واني انفض الصور من حضني وارتبهن على مخدتي

ما صرت ولااصير بس هالمرة غلطتي شوية جبيرة
وجان لازم انطيه خبر عالمشكلة بس اني نسيته ..

بعدين الايام الفاتت كلها عماد وكمال طالبين اجازة الي ولسارة علما تفض شغلتها

كطعت حجايتي وكالت
_ وفضت بيومين مثل ماكاللجن عماد بعد شنو هالغياب والاستهتار منجن