عشق السلاطين {باللهجة العراقية}

بارت لنورا كريم

_ عشق_ السلاطين_ الفصل الثاني بـ4
٠
٠
بقلمي _ ياسمين-

بنياتي تصويت +تعليق عالفقرات + ومتابعة لحسابي

البارت بدون تدقيق غلسن عالاخطاء
_________________________

يوما ما ستقابلين رجلا-:
وبكل عفويه سوف يكتشف كيف تاكلين كيف ترتشفين شرابك كيف ترقصين، كيف تكون رائحتك في كل جزء من يومك، كيف يكون وجهك دون اي مساحيق التجميل، كيف تحبين الشوكولاة كيف تكونين صاخبه وقت المرح وكيف تهدئين وقت الحزن وكيف تعتقدين انك لست جميله في الصور سيعلم كل شيء عنك ولكن مع هذا اتعلمين..؟؟ سيبقى يحبك لاخر لحظه من حياته..،،
_____________________________

ليان...
نزلنا بمطار ايطاليا ميلانو بعد ماجانت الوجهة روما
وغيرنة البرنامج بعد اقتراحي عليه نخلص 5 ايام بيها وبعدين نحول لمدينة البندقية العشق جانت اكثر سفراتي الها اني وصديقاتي ماحب اروحلها واني تعبانة بالذات تعب العرس وتحضيراته قبل شهر اني اركض عليه ركض حتى يطلع بهاي الصورة الاريدها وهمين جياد اعرفه كلش زين مايعتقني ليومين الا يخلينا نطلع من الفندق نشوف الدنيا والعالم

نزلنا بالفندق بجنطة وحدة باصرار منه كالي النحتاجه نشتريه كله موجود كدامنا

اول ماوصلنا خلينا الجنطة بالجناح ونزلنا نتعشى لان جوة بوفيه مفتوح اكلت واني ميتة جوع مااكلنا بالطيارة مانحب وجباتها.. خلصنا وصعدنا اخذت قميص نوم اسود قصير افتتاحية لزواجنا باعتبار اول مرة البس قمصان نوم اله ودخلت غسلت خليته مشغول باتصالاته

بقيت بالساعة بالحمام ترطيب وتعديل ماحسيت الا من دك الباب علية قلق عباله بيه شي
طلعتله منتجي بيده على حافة الباب اول مالمحني كص كصني بعيونه الليزر مو مثلهن.. صفر بنظرات اعجاب متقرب مني بالتماس جرئ معروفة سرد فصوله من نظراته وبلشت بعدها ملحمة الغزل المَاجِن بالتهام شفايفه شفايفي والتواصل المنحرف الظالع لـ3ايام متواصلات ننزل بيها كد الاكل ونفتر مرات قريب الفندق ونرجع للجناح نخلص وقتنا بيه

اكتشفت خلالها جيااد عنده ثورة وارتفاع
بالـشـ***وة الجنـ**ية مايقبل بحركات تقليدية تمر خلالها العلاقة مرور الكرام ولا يقنع من مرة وحدة وبس متطلب جدا وماعنده نقاش بالموضوع اذا تمنعت او اجلت رغبته لمن اكعد من النوم ..كل شوية يذكرني هو صام سنة من النسوان لخاطري يحسه انجااز لازم اعوضه بذني الايام عن سنة كاملة.. اكتشفت هاي المرة اشياء بالعلاقة وياه ماجانت ببالي ولامتخيلتها تبلش بانواع القبـ....لات وتفاصيلها وتنتهي عد حركات غريبة اول مرة اعرف اكو هيج شي انسان رغبته مفتوحة بشكل موطبيعي وبنفس الوقت مو شخص متزمت ومستبد من هالناحية سلس بالتعامل ولين باسلوبه يجبرني اطاوعه غصبا علية

خلصنا 3 ايام اضافية بالمدينة تقريبا زرنا كل الاماكن الحلوة والترفيهية بيها مثل قلعة سفورزيسكو وحديقة سيمبيوني ومدينة الملاهي هم رحنالها وراها انتقلنا لمدينة البندقية العشق هناا ماخليت جياد يستريح نرتاح كد قيلولة بالجناح ونرجع نطلع.. واخذته على اماكن هو نفسه مايعرفها بحكم مهنته جان مايلحك يسافر سياحة بكد ما يخلصها شغل بشغل ويرجع لكندا