_ عشق _ السلاطين _بارت 59
٠
٠
بقلمي _ ياسمين-
_________________________
من افكر بيك مرات انهضـــــــــم
كلها يمي وانت مو يــــــمي ظلـم
المفترض يمك احط راسي وانـام
بس تلاقينا بزمن ما يحتــــــــــرم
حبك النوع المركز والثكيـــــــــــل
وشوكي الك من هذا اليدك بالعظم
هذا اللي مخليني ما اكدر انـــــــام
وعنك يحچيني ما اقدر اضــــــــم
عايش ويا سوالفك بيهن اعـــــيــد
چنك بذاكرتي لاضمهن لضــــــــــم
لخاطر الله شكد حلو شكد اتنهضم
انت غير مسوي للدنيا طعـــــــــــم
هي اصلا فاهيه ما الها لـــــــــــــون
لغوه چانت قال وقلنا لــــــــــــــــهم
الفركه ما مرت علي مر الكـــــــــرام
هسه كمت اعرف احساس اللي ينحرم
بس المفـــــــــارك يعرفــــــــــــها زين
يصفر الدنيا وحبيبه ايضل رقــــــــم
____________________________
وليد...
بيوم زيارة سارة لعماد ماكدرت اروح للدوام متربط من وراها كعدت وسكتت انتظرها بالي يمها طولت تقريبا بالساعتين الا رجعت وعيونها مغوركة بس ماتبجي
دخل وياها جياد وكمال ضيفتهم بقوا يحجون وياها يقنعوها ماتهتم لكلامه
عرفته طاردها ومبين متعارك وياها ولو هية ماتتحمل الزمخة المهم خصم النقاش وياها كمال يجيها عالموعد الجاي ياخذها اله كالتله
_ واذا زمخ بيه شسوي
_ وشنو يعني واذا زمخ بيج تنقص منج ايد تنقص رجل هاي اني وحسناء يومية عركة للضالين مرات حتى تخمشني واكفشها صار شي بيها..؟؟!!
وهذا جياد كدامج اندار عليه
بربك ماتزمخ بليان انت.. ماتتعاركون وتكب بينكم
مثلنا..؟
ورث جكارة وخلى رجل على رجل ناوي يصفط عليها
_وعيونج حتى الحزام لعبته على ظهرها
فتحت عينها من الصدمة
_ جذاااب
هز جتفه ببرود
_ بكيفج لاتصدكين.. بس اني كدام الشباب انصحج نصيحة تاخذيها مني تربحين ماتاخذيها مني تخسرين.. البنية السباعية بهيج مواقف لازم تصير سباعية قوية زوجها يستند عليها بشدته مو ضعيفة ومن اقل حجاية تبجي وتسيح
_ يعني شسوي وهو عصبي وشكله متغير همينة وحتى نظراته متغيرة
رد عليها كمال
_ يعني رجال جده المربيه اتوفى وانحكم سجن مؤبد من ورة اخته شتريدين مثلا يتلكاج بالهلا والمرحبا هذا شلون حجي ياعيني
باوعتلها مغندبة كتلها اعقب على حجيهم
_ ترة كلامهم صحيح.. الولد نفسيته صكط وانتي المفروض منج تروحين تهونين عليه وتشجعيه يتفائل مو تروحيله وجهج يلطم ويرجع يلطم
برطمت تريد. تبجي
_ وليد انت ماشفته شلون خزرني وعيونه حمرررة دممم اول ماشافني صاح بوجهي وراها فلش موبايلي من وراكم ماخليتوني احجي وياه
أنت تقرأ
عشق السلاطين {باللهجة العراقية}
Chick-Litهمسلها قريب شحمة اذنها _ احبج وصرت مهووس بكل تفصيلة بيج وتخصج كلماته دخلها بموجة اجتاحت جسمها من النشوة بدايتها من قشعريرة كزبر بيه جسمها استهدفت دماغها ووصل لاخمص رجليها اتشنجت وارتخت على همساته وراها رجع يستقر عد كلبها وبدات طبوله تعلن ضجيجها حتى...
