عشق السلاطين {باللهجة العراقية}

الجزء 40

عشق _ السلاطين _ بارت 39
٠
٠
بقلمي _ ياسمين _ بنات تصويت وتعليق عالفقرات ممنونة منكم

~~~~~~~~~~~~~~~~~~

_ حين سُئِل لماذا هي؟
قال:
طيبة كرذاذ المطر لاتؤذي أحد ، مزاجية كالاطفال اذا فرحت بكت، واذا حزنت بكت، عفوية كالقاء السلام ، عاقلة كالامهات، تستطيع ان تغرقك وتنجيك في آن واحد ، لديها القدرة على ان تجعلك تقسم ان آلله لم يخلق إناثا غيرها ♥

_____________________'''_____

جياد...
سافرت لكندا بعد ماخلصت وياها 3 اسابيع تقريبا ماتقربت منها بأكثر من سالفة وظحكة جمعتنا بمشاويرنا .. خليتها تطلع من مود الكابة الي مقوقعة نفسها بيه.. الموضوع موصعب من ملامحها وتصرفاتها شايلة مشاعر لعماد .. والظاهر مامستوعبة هية ماتلوكله ولا هو يناسبها .. وية كل مشوار لو عذر اخلقه الها اعزمها مرة بكوفي مرة بمطعم تعجبني اكثر ومزاياها تتوضح لعيوني انسانة جميلة طيبة قلب مشاعرها تصرفاتها شفافة ماشايلة غش باخلاقها ..

راسم بدماغي اتعرف عليها اكثر واكثر كلش عاجبتني وداخلة مزاجي... مامنطيها خيار تنعزل حتى اتوغل اكثر بحياتها واشوف قابليتها بالصد لوين .. بكل الحالات دراستي لعلاقتي بيها بعدها باولها وهية متفطنة لهالشي مني بس اثنينا مختارين السكوت عالوضع .. وكلما اشوف نظراتها الي خلسة وتشنجها بنقاش مرات يوصل لتفاصيل حياتها

اعرفها مامستعدة بعد واتراجع خطوات لورة

ماتطرقت لشغلها بشركة والدها بس لاحظت عليها بلشت تحظر للشركة وتلتزم اكثر،

من شفت عدها استقرار معنوي وتقريبا اتطمنت لوجودي قررت ارجع لكندا واتركها وحدها متعمد

ضاجت واخذت السكوت منها طول المشوار جواب لغايتي.. بيها مجال ادخل لاوداج كلبها عن قريب

من كندا ومن مقر شغلي ومن قعر بيتي وغرفتي صرت اتصل بيها اخذ رايها بكل شغلة اكذب بيها مااعرفلها حتى تنطيني رايها وتجاوبت بشكل مرن ومريح اتعودت عليها وحسيتها تعودت على وجودي، لو باتصال الا ان صدمتني بيوم من فصلت علية لاترد على اتصالي ولاتجاوب مسجاتي

صفنتني حيل مابدر مني شي يغثها ولا تطرقت لمواضيع تتجنبها .. حاولت عدة مرات اراسلها ماكو حجبتني نهائي .. عرفتها خافت وراجعت نفسها مامستعدة تتعمق وياي بصداقة نهايتها حب وارتباط

دزيتلها مسج يعبر عن خاطري متامل تشوفه وتقراه
_ كنتي انتي الاستثناء عندما كنت اهرب من الجميع كنت استثنيك ببقائي معك.. عندما اشعر بالملل من الجميع. كنت انسى ماهو الملل معك ، عندما ارغب بالبقاء وحدي كنت اتمنى لو كنتي معي ..

ورة يومين الا شافتها.. وهم ماكو رد غليت وانفعلت منها تركتها اسبوع كامل اني اراقب مواقعها وجان اطول اسبوع بحياتي الجكاير باكيت يروح وباكيت يرجع رائد وولده شكوا بيه من ورة عصبيتي على اقل شي ازمخ وعلى ااتفه سبب انفعل