عشق_ السلاطين _بقلمي ياسمين _صوتوا بناتي وعلقوا عالفقرات +متابعة لحساباتي عالبايو موجودات يمكم اكون ممنونة منكم ❤❤❤
٠
٠
ليان.... اقتباس...' الحُب من طرف واحد ~ لايختلف كثيرا عن الموت ،
أنت ..ميت ولكن لم يعلن عن وفاتك ..بعد_ اني ليان البنية الي الكل يشوفني عايشة بنعيم وخير ' بذخ سفر حال ومال وجاه وجمال ' ماناقصها اي شي.... بس
لو اتخير بين كفتهن ووجود ماما بالدنيا ..
'اختار كفة ماما' تميل بيهن ،
فتحت عيني عالدنيا لكيت عمتي كدامي ، وبابا بالسفر على طول فترات مستمرة، يجيني كل كم شهر بعدة ايام وراها يرجع هم يسافر . ولادتي هي السبب بوفاة ماما ، صار عدها نزيف حاد ونقص بالاوكسجين وتوفت .بوقتها ما أخذ الحزن هواي بكلب بابا ، وحتى لو يكدر عمتي ماتخليه لأن جان متأخر عنها بهواي 'ببناء إمبراطورية' وثروة تعادل بيت "أمجد الخالدي"
مثل ماهم راسمين ومخططين ،هي بلشت بعد زواجها بفترة وكدرت توصل بفترة اخذت ، منها وقت وإهمال لعائلتها بس حتى توصل للي تريده وهي تطبع أسمها بمجتمع راقي قوي وتثبت جذورها بين سيدات الأعمال بعد ما أسست لاسمها الخاص جمعية خيرية عالية المستوى
رادت بهالشي تثبت لعمو حسام انه هي تكدر تبني من اللاشئ اشياء مثل ماانتم تكدرون تحققون هالشي ،
اخذت الامور على عاتقها تحدي لا اكثر.بس نست او غفلت أنه بدايات مشروعها جان بمبلغ مالي منهم ، ونهاية مشروعها بشخطة قلم منهم ينتهي كلشي،
ولانها بوسط عائلة كريمة معروفة بين المجتمعات كدرت من خلال جدو أمجد الي جان وياها خطوة بخطوة تحقق افتتاحية ناجحة جدآ،،
من هاللحظة بدت مسيرتها العملية رغم تقلبات احوال عائلتها مو مستقرة ..بس ورة وفاة ماما بأيام جاية لبابا وكايلتله نصا عن لسانها وهية تحجيلي القصة بكل مرة
' كعدتك وحزنك على مرتك ماتوكل خبز واحنا ورانا درب طويل أرجع لمشروعك كمله واني اتكفل ببنتك من الالف للياء '
بابا جان يسمعلها بالرغم هية اصغر منه عمر بس الواضح أكثر منه حسبة ومكر
كبرت بقصر عمتي العايشة بيه وتربيت على ايد المربيات وية عماد الأكبر مني ب5 سنوات مثل مايكولون هي 'كرصة خبز وتقاسمناها اني وياه' لان عمتي جانت طول الوقت مشغولة ماتلحك تلتفت
لهذا جنا من ايد مربية لايد ثانيةمن كبرت شوية وصار عمري 10 سنوات افتهمت انه عماد مو،اخوية ولا عمتي هي ماما ولا جدو امجد هو جدي الفعلي
ولا حتى القصر العايشة بيه هو بيتياكتشفت نفسي بمرور الوقت اني مشتتة اهل ووطن بابا اسفاره كامت تطول مددها اكثر بعد مافشل باغلب المشاريع الي جانت عمتي تموله فلوس عليها ومبالغ مالها حصر بس حتى يبقى ويكمل صعوده المربك لغاية بنفسها مو اكثر
أنت تقرأ
عشق السلاطين {باللهجة العراقية}
Chick-Litهمسلها قريب شحمة اذنها _ احبج وصرت مهووس بكل تفصيلة بيج وتخصج كلماته دخلها بموجة اجتاحت جسمها من النشوة بدايتها من قشعريرة كزبر بيه جسمها استهدفت دماغها ووصل لاخمص رجليها اتشنجت وارتخت على همساته وراها رجع يستقر عد كلبها وبدات طبوله تعلن ضجيجها حتى...