عشق السلاطين {باللهجة العراقية}

البارت 12

عشق السلاطين _ بقلمي ياسمين _ تابعوا حساباتي عالبايو عمري + صوتوا وعلقوا عالفقرات ممنونة منكم 😮‍💨😮‍💨😮‍💨
٠
٠
عماد....
««أّتٌـحًدٍى مًنِ أّلَى عٌيِّنِيِّکْ يِّأّ سِـيِّدٍتٌـيِّ قُدٍ سِـبًقُوٌنِيِّ
يِّحًمًلَوٌنِ أّلَشُـمًسِ فُـيِّ رأّحًتٌـهّـمً وٌعٌقُوٌدٍ أّلَيِّأّسِـمًيِّنِ
أّتٌـحًدٍى کْلَ مًنِ عٌأّشُـرتٌـهّـمً مًنِ مًجّـأّنِيِّنِ وٌمًفُـقُوٌدٍيِّنِ
فُـيِّ بًحًر أّلَحًنِيِّنِ أّنِ يِّحًبًوٌکْ بًأّسِـلَوٌبًيِّ وٌطِيِّشُـيِّ وٌجّـنِوٌنِيِّ ..»»

حبيتها بطريقتي الخاصة وراح ابقى احبها بطريقتي الخاصة وبكد ما جنت منتظرها تجي وتكعد بكلبي وتتربع بيه.. كدها فاضت مشاعري الها بلا شعور مني

سارة شخصية جمعت كلشي . بتفاصيل دوختني بيها
ماتكدر تميز كينونتها شنو بس المتعمق بحياتها
ويحبها يعرفها شنو من شنو

مثل والدتها وحسناء القريب منها بس يعرف باي اسلوب يتعامل وياها بدون ما يخدش جوهرها

اختياري الها لا تتصوروه عبث. حياتي والنمط الجنت اعيشه قبل لا اعرفها محتاج شخصية مثلها ولان اول مرة اصادف هيج شي صرت متعطش لقربي الها درست كل طبايعها بسرعة قياسية ولكيت نفسي كلشي اعيشه وياها جديد واتلمس احساسه اول مرة بس بطريقة ابدية

وهالشي جان احلى من العسل على كلبي

الى ان وصلت ليقين تام بعد كل شوفة الها حبي الها راح يدوم اليوم وباجر وبعد سنة وعقود من الزمن

ذاك الحب الي اقصده هو نفسه بعمره لا يتغير ولا يتبدل بس يزيد كل يوم اضعافه

ذاك الحب الي تكدر بيه هي تنام وكلها ثقة ان عدها شخص واحد بهذا العالم تكدر تستند عليه بكل ثكلها

ذاك الحب نفسه الي تكدر تطمئن بيه دائما انه راح يتفهمها باقصى طاقة عده من دون ما ينتظر فرصة وحدة حتى يلومها

ذاك الحب الي يحتويها باقصى امكانياته ويوصل مرحلة يضحي بنفسه لعيونها

هذا اني وهذا اعترافي لمعنى الحب

تلفوني الي جنت اشمره اول مااوصل الغرفة صار بيدي ما ارتاح اذا ما اچيك وضعها كل ساعة

صورها ترست تلفوني كلهن بيها سرحانة على لوحاتها لو كتبها ماتدري بيه من اخذهن الها اكثر صورة بيهن شدتني وكزكزت عليها مخليها واجهة لتلفوني

كاعدة بيها على مقعد خشب صغير ولوحتها كدامها صافنة عالرسمة والقلم مخليته بين شفايفها والفرشة بين اصابعها لابسة فستان شتوي فضفاض طويل كريمي بحزام جلد جوزي ونقشة مزينة حافة فستانها بلون الحزام

كملت صورتها المتكاملة كدامي بشعرها النازل للارضية ما متوسد الكاع كاعد على كلبي هايم بجماله حرفيا