_ عشق _ السلاطين _ بارت 50
٠
٠
بقلمي _ياسمين-
كلبي صوتن وعلقن بكد اعجابجن للقصة انصاف الي والجن،،،، البارت بدون تدقيق
__________________________
حبيتك صدك لحد ماصرت مجنونك
وصــــارت شوفتــك بالكلــــب عازه
وكزازه انته واضمك بين العيــــــون
ياعيــــــــن التغمضــــــها الكـــــزازه
_________________________
شفق خانم ..
انتهى زفاف عماد واني على اعصابي من ورة ريم افندي وسوالفها مانزلت هية بعد للحفل والرجال المطبقة وياه مرته وحدة من معارفنا بس بختنا ماجاية للحفل والا جان فضيحتنا هالمرة علني
خليت عماد يسافر وتاكدت من الضيوف كلها طلعت الا صعدتلها اغلي اريد اطفي نار كلبي بيها دفعت عليها الباب لكيتها تتصل من شافتني خزرتني الصلفة
لان دفعت الباب
خليتها تقفل الموبايل غصبا عليها وبلشت وياها حساب جان متاخر واجه وقته
_ من دخلتي لهذا القصر وانتي احتاريتي شسوين بنفسج اذا عبالج جاية تنفذين الي بالج وتطلعين مكوشة بجم فلس فوك حقج فانتي متوهمة وشما اشوفج تاليتج لذيج الخيسة الجنتي العايشة بيها احمدي ربج عماد صابر عليج لسة والا لو واحد غيره ماسوى وياج السواه
ولج جنتي عايشة بمزبلة وطلعناج انظفج منها اثكلي واحمدي ربج كافي مللتينا يومية فلم يومية مكسورة نسترها بالشافعات لاتهديتي ولا ناوية تنهدين
واني احجي عليها الادبسزز كعدت عالكرسي خلت رجل على رجل تتبسم باستفزاز خلتني اخلص حجت
_ اذا كملتي ثرثرتج اطلعي برة وسدي الباب وراج لان راسي صدع كلش
حسيت شي وصعد لراسي بسببها بيني وبين نفسي نويت اضربها بس خفت تهيني لو تدفعني واخسر كرامتي وقدري كدامها واعرفها حقيرة ولسانها متر غلطت عليها وطلعت مثعولة منها
ساعة واجت ليان لغرفتي حجيتلها الصار نصحتني اتجنبها قدر امكاني.. علما يرجع عماد ويشوفله حل يخلصنا منها صرت مااجرعها ابد ولا اكدر اطيقها بعد بالقصر.. عبالي بعملتها بالحفل راح تكتفي وتسكن وجنت متوهمة كلش
من ثاني يوم بلشت صياعة مايلزمها نهار ولا ليل يردعها.. صارت تدخل بكيفها وترجع بكيفها.. المدرسين كلهم كنسلوا المواعيد لان يجون يدرسوها تطردهم لو بعذر نايمة من كثر السهر برة لو تعبانة او مريضة واسباب مالها حصر لمن انكطعت رجلهم عن الجية بعد ما اجتمعوا وية عمي مقترحين يتصلون بعماد يحجوله ورفض عمي ينقله الصار لان بشهر عسل مايريد يكدر خاطره
قبل جية عماد بعشرة ايام رجعت سكنت غرفتها وبطلت تطلع عبالي خمدت حركت الخدم بعذر تنظيف او خدمة يتجسسون عليها خاف عدها شي ناوية عليه
ومااكتشفوا عليها شي غير اتصالاتها 24 ساعة موبايلها بيدها لو تخابر لو تراسل بدون انقطاع
أنت تقرأ
عشق السلاطين {باللهجة العراقية}
ChickLitهمسلها قريب شحمة اذنها _ احبج وصرت مهووس بكل تفصيلة بيج وتخصج كلماته دخلها بموجة اجتاحت جسمها من النشوة بدايتها من قشعريرة كزبر بيه جسمها استهدفت دماغها ووصل لاخمص رجليها اتشنجت وارتخت على همساته وراها رجع يستقر عد كلبها وبدات طبوله تعلن ضجيجها حتى...
