عشق السلاطين {باللهجة العراقية}

البارت 61

_ عشق_السلاطين _ بارت 60
٠
٠
بقلمي _ ياسمين

بنات نصيحتي لكل وحدة تقرا بين بارت وبارت اكلها لاتستعجلين.. عبرة روايتي بالتفاصيل لان خواتيم احداثها مرتبطة بيها قسما بالله مو لان روايتي وابجلها الجن بس عصارة جهودي بسردها واختياري لاحداثها غايتي تشد القارئ وتطرد الملل من مزاجية الكل..اقرنه بارت بارت حتى مايصير حدث كدامجن تنصدمن بيه شلون صار وليش  .. ولاتنسني بتصويت وتعليق من اناملكم الحلوة عالفقرات  اكون ممنونة منكم🥹🥹🥹
_________________________________

اشلع ما اسد والغيهن الفتحات
الچانن بوب امس ما اسدهن ابنيهن
والزمهن سره باب العدل والطيب
التسامح والصلح اولهن الغيهن
الحصلته شنو من چانن مشرعات
يكثرن بالهله وينطعن راعيهن
الملح مادنگله عيونهم وكحات
شبيه او وين وجهي الگهوة تثنيهن
الزمله الدرب حد ما يجي الدوار
الگمگم والدلال گبالي اخليهن
وما الزم سعر شراي مو شراي
ابد ما اعامله شينطيني انطيهن
الاديه بموگده يگلب بچفه النار
كل عقلك يخاف رماد تچويهن
صم حنطه وشمرته والحمام الاف
خاف ارجع والمهن وين الاگيهن
افرط بالغنم ما فرطت بالخيل
فوگ الغيم چني من اصعد عليهن
جعت ماجوعتهن والزمن مضمار
بكل جيل اليجي يصهلن قوافيهن
__________________________

عماد.... كتاب حديث المساء:

عزله مشروعه...
بعض الناس لو قتلك للامك لانك وقفت في وجه رصاصته ولو طعنك قاضاك بتهمه تلويث سكينه هؤلاء يعتقدون ان الشمس تشرق لاجلهم وعلينا ان ندفع لهم ضريبه، لانهم سبب في تدفئه هذا الكون وانارته، ويعتقدون ان السماء تمطر لاجلهم وعلينا ان ندفع لهم ضريبه، لانهم سبب في عدم موتنا عطشا هؤلاء يوجد منهم الكثير فتجنبهم ما استطعت، الشخص الذي لا يقف عند الحق لا يستحق جدالا حتى،
فتجاوزهم بهدوء كما تتجاوز المطبات في الشارع وانعطف عنهم كما تنعطف عن الحفر التي خلقتها البلديه..،،

هية نظرية عامة شفت تطبيقها بالسجن متناسب اكثر من الحياة برة

نظام السجن او بالاحرى الزنزانة الكاعد بيها تعيش على مبدا الخروف والثعلب
لمن وكف باعلى تلة متسلطة عالنهر وكال للخروف اليشرب ماي.. :  انت تلوث علي ماء شربي

فرد عليه  الخروف: الماء يجري من اعلى الى اسفل وانت تشرب قبلي

فكاله: الست انت من شتمني العام الماضي

رد عليه الخروف: يا سيدي انا ابن سته اشهر

كاله: ِاذاً ابوك هو الذي شتمني

اغلب الناس المسجونة تحت ركام الزنازين عايشة تحت هذا المبدا ماتحتاج سبب حتى تدخل بمشكلة وياه
هو يخلقها الك بلا اسباب.. والمدة الخلصتها بهاي الزنزانة هية 5 شهور تقريبا
تعلمت بيها مااحتك ببشر ولا اتدخل باحد وجانوا متجنبيني مو لغاية وانما مبالغ مدفوعة لكدام اكون بيها خارج ابتزازهم لبعض وتهديدهم واحد للثاني
من عدا مصاريفك او ضريبة الاكل وشرب الجاي للكهوة لازم الدفع شهري بدون تاخير، والولد جانوا متكفلين بهاي السالفة من بابها لمحرابها